رواية سراج السادة الفصل الثاني عشر بقلم عسق ادريس
القصه جاي عليها حضر يعني ممكن بيوم تطير اي!!! ساعدوني واول شي قبل لاتقرون القصه صوتو
والي مامتابع الحساب يتابعه؟ ليش مشاهدين القصه اكثر من المتابعين ترا هاي كلهن من صالح القصه ف اتمنى تساعدوني
‼️عدد مشاهدين القصه اكثر من عدد‼️
المتابعين والتصويتات اتمنى من تشاهدون القصه تتابعون الحساب وتصوتون حتى يزيد تفاعل القصه
‼️
خلونا ويا السادة ‼️🤍.....
....................................
مد السيد خشبه طويله عرضها بعرض كف الايد ابتعدنا اني والبنات نسمح اله يمد الخشبه الثانيه وكف صافن على الخشب هز راسه ورجع يكمل ب الخشبات اخذ خشبه طولها متر وكفها على الحايط باوع لترتيب الخشب توجهه للمغسل يغسل ايده من التراب صفنا اني والبنات مافاهمات شي باوعت لترتيب الخشب جانت اكو خشبه طويله محطوطه وسطه الحديقه وضهرها لازك ب الحايط لنص الحديقه وخشبتين وسط جايات بنهايه الخشبه متفرعات لفرعين يمنى ويسرى مثل حرف T رجع السيد شافنا صافنات على الخشب ابتسم
_عبد الرؤف:: جاهزات
_شاهيناز:: اي سيد بس الشنو
_عبد الرؤف:: هسه تفهمن
وكف السيد كدامنا يباوع لسير الخشب دار علينه
__عبد الرؤف:: وحده منجن تجيني
مشت مهجان لسيد واني والبنات واكفات بمكانا اخذ السيد ايد مهجان ومشه بيها لبدايه سير الخشب من الخشبه الاولى اشر لمهجان تصعد على الخشبه
_مهجان:: اصعد سيد
_عبد الرؤف:: اي بنيتي صعدي
صعدت مهجان على الخشبه توازن وكفتها توكف وترجع رجلها تطلع من الخشبه وتطيح ابتسم السيد راضي وابتعد جاي ب اتجاهنا
_عبد الرؤف:: بابا مهجان
_مهجان:: ها سيد
_عبد الرؤف:: امشي على الخشبه ب اتجاهنا
باوعت مهجان للخشبه الي مامثبتتها من عرضها القليل باوعت للسيد
_مهجان:: سيد صعبه امشي عليها
_عبد الرؤف:: لا مو صعبه حاولي تنظمين مشيتج
رجعت مهجان تباوع للخشبه لازمه الحايط بعدت ايدها من الحايط ومشت بخطوات بطيئه على الخشبه جايه ب اتجاهنا مشت لربع الخشبه وطاحت على الجهه اليمنى اشر الها السيد تكمل مشي رجعت صعدت على الخشبه توها تمشي ورجعت طاحت مره ثانيه على الجهه اليمنى ابتسم السيد ورجع اشر الها تمشي رجعت وكفت على الخشبه تمشي ب اتجاهنا مشت خطوات قليله وطاحت على الجهه اليسرى رجعت مره ثانيه للخشبه مشت وطاحت على الجهه اليمنى باوعت للسيد تضحك
_مهجان:: سيد والله صعبه
_عبد الرؤف:: رجعي كملي
رجعت مره ثانيه للخشبه تحاول تمشي مشت بخطوات ثابته وطاحت على الجهه اليمنى ضحكنه اني والبنات ومهجان محتاره بمشيتها رجعت مشت مره ثانيه على الخشبه تمشي بين الخشبتين اليمنى واليسرى وبكل مره تمشي تعثر طايحه بوحده من الجهتين وصلت لنهايه الفاصله بين الخشبتين اشر الها السيد توكف
_مهجان:: ها سيد
_عبد الرؤف:: تعاي رجعي لمكانج
نزلت من الخشبه واجت واكفه ب اتجاهنا اشر السيد لشاهيناز
_عبد الرؤف:: يلا شاهيناز
مشت شاهيناز للخشبه من بدايتها ورجعت تكررت طيحه الخشبه مره يمنى مره يسرى خله السيد الكل يمشى على الخشبه جنت اخر وحده تمشي على الخشبه من وصلت لنهايه الفاصله توقعت السيد راح يخليني انزل بس اشر الي اكمل
_عاتكه:: ها سيد اكمل؟
_عبد الرؤف:: اي كملي
_عاتكه:: على ياخشبه امشي
_عبد الرؤف:: اختاري وحده من الخشبتين
باوعت للخشبه اليمنى ومشيت عليها واني اتعثر وصلت لنهايه الخشبه باوعت لسيد تمشه للخشبه القصيره الي خلاها على الحايط نيمها كدام اليسرى يعني الي عكس خشبتي فصارت رسمه الخشب حرف T وخشبه فوك الجهه اليسرى بين الخشبين مثل L اخذ ورده طايحه من الشجره الجهنميه ووكف كدام الخشبه اليسرى
_عبد الرؤف:: عاتكه هاي الورده الج تعاي اخذيها بس شرط وانت تمشين على الخشبه
باوعت للخشبه الي امشي عليها خلصت ماكو كدامها خشبه رجعت باوعت للخشبه الي على الجهه اليسرى هيه الي توديني لسيد لان بيها خشبه زايدة
_عاتكه:: سيد يعني لازم ارجع
_عبد الرؤف:: يلا
درت راجعه من الخشبه اليمنى للخشبه اليسرى ورجلي بعدهن يتعثرن وصلت لنهايه الخشبه اليسرى مشيت كدام الخشبه الصغيره توديني لسيد مشيت ب اتجاهه السيد الخشبه تهتز مد السيد ايده الي يخليني اسيطر على مشيتي مشيت واصله لنهايه الخشبه طفرت نازله منها باوعلي السيد ومدلي الورده البيده
_عبد الرؤف:: ورده للورده
ضحكت واخذت الورده منه دار على البنات ينطي لكل وحده منهن ورده خلص توزيع ورد وباوعلنا مبتسم تمشه للبدايه الخشب ووكف بنص الحديقه
_عبد الرؤف:: منو فهمت درس اليوم؟
صفنا اني والبنات محد بينه فاهمه الدرس ابتسم السيد وهز راسه ياشر على بدايه لوح الخشب
_عبد الرؤف:: وانتن تمشن على الخشب شنو جان يصير؟
_مهجان:: سيد اول مامشينه رجلينه جانت تتعثر على الجهتين مره نطيح يمنى ومره يسرى
_شاهيناز:: ماكدرنا نسيطر على خطواتنا
_عبد الرؤف:: ب الضبط سير الخشب هوا سيرنا ب الحياة اليوم انا عبد الرؤف مو السيد لا عبد الرؤف
وقت فتحت عيوني على الدنيا وبديت امشي وياها لاحظت تعثراتي مره اطيح ب الغلط مره اطيح ب الصح
وكف السيد على الخشبه ومشه مسافه ونزل على الجهه اليمنى والفاصله بين الخشبتين
_عبدالرؤف:: على سبيل المثال الجهه اليمنى من الخشبتين هاي اعمالي الزينه وانجازاتي الامر ب المعروف والنهي عن المنكر الابتعاد عن الحرام الصلاه الصوم القرأن المشي على نهج محمد واله كلشي زين والله امرني بي سويته بهاي الطيحه والعثره
رجع وكف على الخشبه ومشه وهوا شابك ايدي خلف ضهره ويمشي واحنا واكفات كدامه وكف ونزل على الجهه اليسرى من الخشبه
_عبد الرؤف:: الجهه اليسرى هاي هيه اعمالي الشينه الحرام الغيبه اكل مال اليتيم الابتعاد عن الدين الكفر العصبيه كسر الخواطر شكو شي الله نهاي عنه سويته بعثرتي هاي
رجع وكف على الخشبه مشه ونزل على الجهه اليمنى باوعلنا ورجع وكف على الخشبه مره ثانيه ونزل على الجهه اليسرى وكف على الخشبه وكتف ايدي يباوعلنا
_عبد الرؤف:: هذا طريقنه ب الحياة مره نعثر بالصح ومره نعثر ب الغلط مره نمشي صح مره نمشي غلط عادي امشي خطوتين صح واطيح اربع خطوات غلط او امشي اربع خطوات صح واطيح خطوتين غلط ب حياتنا الي عايشينها سواء ب الوقت الحالي او ب المستقبل ممكن نغلط الف مره ونحسن الف مره
باوعلنا يأكد على كلامه
_عبد الرؤف:: مرات الله يطيحنه ب الغلط
_حوراء:: سيد الله يطيحنه ب الغلط؟
هز راسه ب اي
_عبد الرؤف:: اي الله يطيحنه ب الغلط عادي انا سيد وعمري كله شاغله بذكر الله بس ممكن اطيح ب الغلط اي ويكون الغلط من الله والله يشمرني ب الغلط حتى يشوفني اكمل ب الصح لو الغلط؟ شوفوني مشيت خطوتين وعثرت بالغلط الله ستر غلطي وضماه عن الناس رجعت مشيت وعثرت ب الغلط يرجع الله يستر الغلط ويعفو عني رجعت مشيت مره ثانيه وثالثه ورابعه وخامسه وهم عثرت ب الغلط هاي مو مشكله لحد هسه الله يستر عني ولحد هاي الحظه وبهذا غلطي الله واكف وياي شجعت نفسي وقويتها ورجعت مشيت فد خطوه كدام
مشه خطوه على الخشبة ونزل للجهه اليمنى باوع ب اتجاهنا
_عبد الرؤف:: بهاي طيحتي دخلت للصح نكول بهاي الطيحه رجعت اصلي
رجع وكف على الخشبه مشه خطوه ونزل على الجهه اليمنى
_عبد الرؤف:: رجعت اقرا قران
وكف مره ثانيه على الخشبه وهم نزل على الجهه اليمنى
_عبد الرؤف:: ابتعدت عن الحرام وجبرت بخاطر واحد قهرته قبل صرت من اسمع الغيبه اسكت وماشارك بيها واشغل بالي من اسمع فد ثنين يحجون على واحد انا لازم علي فد لزمه واعرف سالفه ومكسوره مسويها
فلان مو ادمي صح يشتغل ب الحرام ويكفر ويبوك وماخذ حق هذا وهذاك وحياته كلها حرام بحرام بس انا شعلي بي؟
النبي محمد (ص) يقول
: دع مالست منه في شيء فلا تنطق بما لايعنيك واخزن لسانك كما تخزن ورقك
مثل ما الله ستر عيبته عن الناس وخلاها بحلكك يجي يوم ويخلي عيبتك بحلك واحد
_عاتكه:: سيد واذا هذا الشخص مو زين؟
_عبد الرؤف:: ماكو مو زين موجود الله يحاسب عبده احنا شغلتنه ننصح اخذ ب النصيحه خير على خير ماخذ نعوفه لله هوا يصلحه
رجع وكف على الخشبه مشه خطوه ونزل للجهه اليسرى
_عبد الرؤف:: كدر الشيطان يوسوس الي عفت الصلاه شفت حرام اخذني الواهس وحجيت على فلان هجرت القرأن بديت ارجع للغلط وانجرف عن الطريق الصح شوي شوي اوكف؟؟ لااا ارجع امشي
وكف على الخشبه ومشه نزل على الجهه اليمنى
_عبد الرؤف:: ماوكفت!! صحيت على نفسي خليت الله بين عيوني رجعت لصلاتي استغفرت عن الحرام
شصار؟ الله شافني صادق ب التوبه مسح عني كل الي مضى وفتحلي صفحه جديده
بناتي ركزن درب الله حلو وحلاوته ب الي يمشي بي مايهم اغلاطنه شكد الله يشوفنا من جوا اذا شاف ندمنا عن الحرام الي فعلناه يمسح صفحاتنه القديمه كلها امشن بدرب الحلال وخلن الله بين عيونجن دوم
وكف على الخشبة يمشي ويحجي ويانا
_عبد الرؤف:: الدنيا هاي بيها الزين والمو زين خليجن الزينات بمحيط المو زين
النبي محمد (ص) يقول اذا غضب الله على اهل بلدة وانت فيها واراد ان ينزل عليهم العذاب نظر اليك فرحمهم بك يقول الله تعالى (وما كان ربك ليهلك القرى بظلم واهلها مصلحون) يعني ممكن الله يشيل عذاب عن قوم بس لان شخص واحد صالح بيها وهاي ميزه الصالح ب المحيط المو زين
مشه لنهايه الخشبه الفاصله بين الخشبتين
_عبد الرؤف:: بهاي حياتي وعمري كله الي كضيته عثرات مره عثره زينه مره عثره شينه بهاي حياتنا راح تمر علينا لحظات نختار طريق
حجاها ومشه على الخشبه اليمنى
_عبد الرؤف:: راح يجي طريق اختاره انا بس؟؟
وصل لنهايه الخشبه وباوعلنا
_عبد الرؤف:: الله يسده بوجهي ويحرمني ب اتجاهه وراح انجبر امشي ب الطريق الي ماجنت رايده؟ ولا ردت امشي علي ليش؟ لان الله رادني امشي على هذا الطريق
رجع ماشي ب اتجاه الخشبه اليسرى وصل للخشبه الزايده ومشه عليها
_عبد الرؤف:: عسا ان تكرهو شي وطريق ويكون هذا الطريق خير الكم لان بهذا الطريق راح تحصلون نتيجه انتم ماجنتم راسمين الها بس الله كاتبها وراسمها الكم
نزل من الخشبه وباوعلنه
_عبد الرؤف:: عاتكه اختارت الخشبه اليمنى بس الله جان راسم الله تمشي على الخشبه اليسرى انجبرت عاتكه ترجع للخشبه اليسرى لان بكل بساطه ذاك الطريق مو طريقها
خلص من كلامه وابتسم
_عبد الرؤف:: ها وهسه شنو تختارون؟
_عاتكه:: طريق الله
_شاهيناز:: الي الله يرسمه النا
_حميده:: نخلي قرارتنا بيد الله لان هوا اولى بينه
_مهجان: مو كلشي نريده الله يريده
_حوراء:: وب النهايه وعسى ان تكرهوا شيئا وهو خير لكم وعسى ان تحبو شيئإ وهو شر لكم والله يعلم وانتم لاتعلمون
ابتسم السيد راضي عن اجوبتنه اشرلنا نطلع من الحديقه
_حميدة:: سيد نشيل الخشب
_عبد الرؤف:: لاخلي الولد يشيلوها لاتعبن انتن
طلعنه من الحديقه الخلفيه داخلين للبيت من جهه المطبخ دخلنه اني والبنات للمطبخ والسيد سد الباب الي طالع على الحديقه دخلنه للصاله شفنا عمتي كاعده على القنفه صافنه وجادح وغضنفر كاعدين كدامها على القنفه وفقار واكف يحجي ويا الولد من دخلنه سكتو يباوعون ب اتجاهنا سلمو على السيد رد عليهم كعد السيد بصف الولد يباوع لعمتي الي فاصله عن الكل ولازمه سبحتها تحرك بيها
سلم السيد والولد ردو علي كعد السيد على القنفه واخذ كلاص الماي يشرب
مشت شاهيناز تكعد بصف عمتي التفت فقار وشاهيناز ورا تريد تعبر صارو وجه بوجهه باوع واحد بوجهه الثاني خازرين بعض دارت شاهيناز من فقار عيونها مخنزره كعدت بصف عمتي اخذت ايد عمتي وخلتها بحضنها تمسح عليها
دار فقار على شاهيناز خازرها
الكل جان ساكت صافن عليهم وهما يخزرون ببعض جادح خال ايده جوا حنكه مره يباوع لشاهيناز ومره لفقار والسيد بيده كلاص الماي يباوعلهم مستغرب دار فقار عن شاهيناز وتمشه لطاوله الموجوده ب الصاله اخذ علاكه سوده فوك الطاوله وتمشه ب اتجاهنا اني والبنات يفتح ب العلاكه ويوزع انظاره بيني وبين البنات عدا شاهيناز
_فقار:: وانا راجع من الشغل شفت رجال جبير يبيع ب هذن وتذكرتجن
حجاها وطلع من العلاكه طقم فضه متكون من كلاده ومحبس وتراجي منقش بلون ماروني مده ب اتجاهي مبتسم اخذته من ايده اضحك شكلهن يجنن ونازك
_فقار::هاي لعتوكتي ادري بيج تحبين الون الماروني
_ عاتكه:: يجننن فقار شكراا
_فقار:: تدلل محروستي
مشه ب اتجاه حميده وطلع من العلاكه طقم نفس العندي بس بلون ازرق طوخ اخذته حميده تضحك
_حميده:: اللههه يجنن
_فقار:: انتِ هم ادري بيج تحبين هذا الون
_حميده:: مشكور فقار يجنن عاشت ايدك
_فقار:: ب العافيه
دار على مهجان يضحك وهوا تضحك ويا اخذ من العلاكه طقم منقش ب اسود ضحكت مهجان تاخذه منه
_فقار:: يعني سافرتي لايران انسى لونج المفضل الاسود؟
_مهجان:: والله عبالي ناسي شكرا يخبلل
_فقار::دللي
دار على حوراء وانطاها العلاكه بكبرها فتحت العلاكه وطلعت طقم ذهبي
_فقار:: يلا هذا اخر شي اخذي هوا وعلاكته
_حوراء:: شلون ذوق عاشت ايدك
ابتسم ومشه يكعد بصف غضنفر درت اباوع لشاهيناز جانت مدنكه وتلعب ب اصابع عمتي شفايفها يرجفن باوعت لفقار طلع تلفونه من جيبه مامهتم دارت عمتي تباوع لشاهيناز ضايجه من حركه فقار الكل جان صافن يباوع لشاهيناز نعرف حركه فقار حزت بخاطرها باوعت عمتي لفقار
_جهاد:: شهل حركات فقار؟
رفع فقار راسه يباوع لعمتي مستغرب
_فقار:: ها عمه
_جهاد:: ولك شنو ها عمه شلون تكسر بخاطر شاهيناز؟
دار فقار يباوع لشاهيناز رفعت شاهيناز راسها تحجي ويا عمتي صوتها يرجف
_شاهيناز:: لا عمه شسالفه عليمن ينكسر خاطري اصلا ماحب الفضه
_جهاد:: صح الفضه شوي عليج يلا فقار كوم
_فقار:: وين؟
_جهاد:: جيب لشهوده ذهب
_غضنفر:: هسه لو منجب من البدايه مو احسلك
باوع فقار لغضنفر ورجع باوع لعمتي وشاهيناز
_فقار:: هااا ناسي شاهيناز انا
_جهاد:: لا بداعت جادح؟
_جادح:: هم حطت جادح ب النص
_فقار:: عذريني شاهيناز على الجايات ان شاءالله اعوضج
دنكت شاهيناز راسها باوعت لسيد ساكت بس صافن على شاهيناز باوعتلها عمتي و دارت على فقار زمخت بي
_جهاد:: ولك انت شنو تكسر خاطر شاهينازه؟؟؟
_فقار::عمه نسيتها سبحان الماينسى
_جهاد:: هااا هيج مو؟؟؟
_فقار::عمه
كامت عمتي من مكانها تاشر لشاهيناز تكوم
_جهاد::كومي شاهيناز جيبي عباتج وعباتي
_غضنفر::ها راح تهجن
_جهاد:: لا كوم اخذنا لمحل الذهب بنتي مايلوك الها غير الذهب
كامت شاهيناز من مكانها تضحك مجامله تغير السالفه
_شاهيناز:: لاعمه مشكورة اصلا ثنينهن ماحبهن
_جهاد:: تردين الماس
_غضنفر:: ها جهاد راح اتاجرين بينه؟
_جهاد:: تستاهل شاهيناز
ضحكت شاهيناز واشرت لا مشت ب اتجاه المطبخ وعيون فقار وجادح عليها صاحت بيها عمتي توكفها
_جهاد:: وين؟؟
_شاهيناز:: اخذ عباتي حتى اروح لبيتنا عمه نعست
دارت عمتي على فقار خازرته دنك فقار يلعب ب تلفونه يضيع نضرات عمتي دخلت شاهيناز للمطبخ مشيت ادخل وراها اشرلي فقار ارجع لمكاني
_عاتكه:: خطيه فقار
ماهتم لكلامي وضل ساكت طلعت شاهيناز من المطبخ عيونها حمر وكف فقار واتمشه للمصلا مامهتم لبست شاهيناز عباتها وباوعلتنا
_شاهيناز:: يلا الله وياكم رايحه
_عاتكه:: شاهيناز وين مو كلنا انام سوا؟
_حميده:: اي شاهيناز مو اتفقنا نطلع للحوزه الصبح كلنا؟
_شاهيناز:: نعست ماكدر مع السلامه
مشت ب اتجاه باب الصاله تودع ب السيد نفتح باب المصلا وطلع فقار بيده علاكه هدايه جبيره ووكف بباب المصلا كدام شاهيناز مانعها تطلع باوعتلها خازرته
_شاهيناز:: وخر خل اعبر
_فقار:: وين؟
_شاهيناز:: للبيت ابتعد عن طريقي
ضحك فقار يباوع لشاهيناز رفع جيس الهدايه بوجه شاهيناز يضحك
_فقار:: يعني تتوقعين فقار ينساج؟
باوعت شاهيناز للعلاكه وباوعت لفقار عيونها مدمعه
_شاهيناز:: وخر فقار
_فقار:: شبيج شهده انتِ عزيزه عندي شلون انساج
_شاهيناز:: مشكور متقصر يلا شيل علاكتك ووخر
ضحكت عمتي على رد فعل شاهيناز
_غضنفر:: ماتحملنه جهاد وحده اجت الثانيه
انتبهت جادح يباوع لشاهيناز وفقار ماعاجبه رجعت درت اباوع لشاهيناز وفقار هيه مطنكره وهوا يصالح بيها
_فقار:: كافي طناكير
_شاهيناز:: اكلك انت ياهو كلك اني مطنكره وخر خل اروح راسي ياذيني
_فقار:: لا ماكو انوب تحمليني ذنب خاطرج انكسر
_شاهيناز:: كتلك مابيه شي
_فقار:: ترا سويت هيج حتى اراضيج من اخر موقف
_شاهيناز:: قصدك من رزلتني ب الحوزه لو من رزلتني ب المستشفى لان طحت من الخيل كدام الناس والدكاتره؟ اذا على هذن الموقفين لا تشيل ابالك ناسيتهن
صفنا على شاهيناز ناسيتهن؟ هاي لو ماناسيتهن شلون؟ باوعلها فقار محتار
_فقار:: تذكرين ليش رزلتج ب الحوزه؟ وليش رزلتج على الخيل؟ ثنينهن من خوفي وحرصي عليج معزتج بمعزه عاتكه وطبيعي لو سويتي غلط ارزلج ادري بيج مقهوره من اخر موقفين وحقج عليا وهاي اليوم رحت اشتريلتج هديه صلح ترا حتى هدايه البنات اشتريتهن حتى اضوجج بهل موقف ونتصالح
سكتت شاهيناز مدنكه وفقار واكف كدامها رفعت راسها تباوع لفقار
_شاهيناز:: ارضى بشرط
_فقار:: تتشرط الست شاهيناز احجي شنو شرطج
_شاهيناز::ماترجع تكرر هذا الموقف وماتصيح علي بعد
_فقار:: عمي توبه بعد بس ارضي
باوعتله شاهيناز تكلب بعيونها اشرتله ينطيها الهديه هز فقار راسه يضحك وانطاها الهديه
_شاهيناز:: يلا اعتذارك مقبول
_فقار:: صلو على محمد وال محمد
ضحكنا نصلي على النبي واله رجعت شاهيناز وكعدت بصف عمتي باوعتلها عمتي صفح
_جهاد:؛ شبسرعه رضيتي
_فقار:: ها عمه
_شاهيناز:: خطيه عمه نقهرت علي
هزت عمتي راسها ماراضيه رجع فقار كعد بصف جادح
_فقار:: سيد شعجب مارزلتني
_عبد الرؤف:: لان ادري بيك ماراح تكسر خاطر بت عمك
_فقار:: لامنو يكدر يكسر خاطر شهوده
ابتسمت شاهيناز فرحانه بيومها شفنه الهديه الي جابها فقار لشاهيناز جانت طقم مثل طقمنه بلون اخضر طوخ وتاج كرستال وعبايه جديده وربطه
"قدس"
طلعت من البيت بيدي كلاص الحليب امشي ب البستان نزلت كاعده جوا النخله كدامي الشط شربت من الحليب ورجعت اباوع للمكان رفعت ايدي اباوعلها الفاف ملفوف على ايدي غمضت بالعه غصتي من اتذكر الموقف اختنك الي صار مو بيدي اني انجبرت علي
حاولت هواي اتذكر الي صار بس مو اني سويت هيج! اني ماحاولت اقتل اختي ماتذكر شي من الي صار كل الي اتذكره من الموقف
لكيت نفسي واكفه كدام باب الغرفه ونفس المرة الي شفتها ببيت السادة واكفة على مسافه مني دايرة ضهرها للحايط
فتحت عيوني جسمي يرجف اتذكر من رجعت بخطواتها ب اتجاهي منطتني ضهرها من سمعت صوت قس من الغرفه فرحت اختي موجودة!!ماراح تعوفني بس قس مافتحت الباب!!! بدت خطواتها تتقرب مني وراسها يلتف ب اتجاهي رجعت وهيه تتقدم دارت راسها ب اتجاهي منطتني ضهرها بس راسها راسها ب اتجاهي!!!!!!! هيه تتقدم واني ارجع وصلت للدرج عيوني مدمعات ماريد يتكرر الموقف ماريد ابقى وياها وحدنا
سرعت خطواتها ب اتجاهي وفتحت عيونها صرخت مرعوبه من منضر عيونها المخيف البياض موجود بس!!
ركضت ب اتجاهي فاتحه حلكها تضحك نزلت الدرج اصرخ
توني انزل البايه الاخيره وحسيت بشخص دفعني من الخلف صرخت مغمضه عيوني المكص بيدي طحت على ضهري اصرخ بقوه ماحسيت بيها يمي فتحت عيوني ببطىء ماشفتها يمي حصرت روحي بين القنفات ابجي حسيت بحركه حول ركبتي
رجف جسمي من نحط راس بركبتي
صرخت مفزوعه شفتها كاعده وراي تضحك طفرت على ركبها جايه ب اتجاهي
ردت هذا الكابوس ينتهي بس ماشفت نفسي غير ماخذه المكص بيدي وشاكه شرياني ناهيه كلشي
مافتحت عيوني غير اني ب المستشفى
صارت عيوني على الشط ابتسمت متذكره الي صار ب المستشفى وقت طلب غضنفر من الكل يطلع حتى نضل وحدنا وكف كدامي واني ابجي
_غضنفر:: اهدي قدس انا يمج ماعوفج
_قدس::لا تعوفني حتى انت مجبور عليا مجبور تضل يمي
باوعلي مستغرب عاكد حواجبه
_غضنفر:: مجبور؟
_قدس:: اي مجبور لان السيد طلب منك ادري اني انت انجبرت تاخذني
حجيتها ومسحت دموعي بكف ايدي ابتسم مصغر عيونه لزم وجهي ب ايده وتقرب مني يطبع بوسه خفيفه على كصتي رفعت عيوني صارت بعيونه ابتسم بهدوء يمسح بدموعي
_غضنفر:: تتوقعين انا اخذتج لان السيد طلب مني؟
دنكت ساكته العب ب لحاف الجربايه خله ايده جوه حنجي ورفع راسي يباوعلي مركز بعيوني
_غضنفر:: انا مو صغير حتى اوافق على هيج قرار لان السيد طلب مني صح انا وياج ب البدايه رفضت الزواج مو عيباً بيج بس انا ماجنت مستعد لهاي الفكره
مسح على خدي وكمل
_غضنفر:: وبعدين انتِ تشوفين يكدر الواحد يستهان ب قرار الزواج؟ليش هوا يوم لو يومين؟ الزواج دهر يعني مامجبور اوافق اتزوج حتى لا فلان ياخذ بخاطره عليه؟
_قدس::اي بس انت قبلت بيه لان مريضه
_غضنفر::بنيتي انتِ شلون تفكرين؟ شنو مرضج؟
دنكت ماكدر احجيها ماكدر اكول مرضي داخلي ماكدر اكول الي بيه قوي صعبه اكول جسمي بروحين شلون اكول اكو شي مشاركني بجسمي!!
_غضنفر::قدس انتِ مابيج شي لاتخلين فكره انتِ مريضه بعقلج الي جواج نكدر نعالجه بفتره زمنيه بسيطه
حاولت اسيطر على نفسي بس ماكدرت رجعن عيوني دمعن
_قدس::بس اني ردت اكتل اختي
حجيتها وبجيت تصعب علي فكره اني حاولت اقتل قس اختي رغم اني ماتذكر شي من الي صار بس الي اعرفه اني خطر دام هذا الشي جواي اني خطر على القريبين مني
_قدس:: غضنفر ردت اكتل اخت رادت تموت من وراي لو ماتتت شلون جنت راح اسامح نفسي خواتي شلون راح يسامحني لاتكلي مو مريضه لا اني مريضه
اخذ راسي وحضنه يمسح على راسي
_غضنفر:: جنتي متقصده تكتليها؟
_قدس:: لا
بعد عني وقرب وجهه لوجهي عيونه تنتقل بملامح وجهي
_غضنفر:: خلص لعد لاتحملين نفسج ذنب انتِ السبب لان هاي مو انتِ
_قدس:: اي مو اني بس اني ردت اكتلها
عكد حواجبه مستغرب جر نفس مغمض عيونه يحاول يسيطر على نفسه فتح عيونه وابتسم
_غضنفر:: قدوسه لو انتِ السبب جان ماشفتي اختج واكفه برا محروك كلبها عليج يا حبيبتي لاتحملين نفسج ذنب شي مو بيدج
_قدس:: غضنفر اني خطر بعدين يمكن احاول اكتلك هم
ضحك مبتعد عني كرصني من خدي وابتسم
_غضنفر:: فداج الروح وصاحبها
دنكت خجلانه من جوابه تقرب ب اتجاهي كعد على الجربايه توترت اكثر اخذ ايدي المخيطه بيده باسها على كيف لاعاد هنا ردت اطيح من الجربايه
_غضنفر::اذا تشوفين قربج خطر ف انا راضي بهذا الخطر
رجع باس ايدي وكمل كلامه
_غضنفر:: قدس انتِ صرتي حلالي يعني شي خاص ب السيد غضنفر واحنا السادة نقدس الي يخصنه ومستعدين نتعب العمر كله علموده
هوا يحجي واني كلبي يركص ماعرف شجاني حتى حجي ماعرفت احجي النفس صرت اجره ببطىء انتبه لرجفه ايدي شدد على ايدي بخفه جنت مدنكه وعيوني على ايدينا من حضن ايدي ب ايده ايدي اختفت جوا ضخامه كف ايده
_غضنفر:: غير تباوعلي حتى اشبع عيوني بعيونها
كسر صفنتي كلامه رفعت راسي عيوني بعيونه قوست حلكي عيوني مدمعه
_قدس:: لا غضنفر استحي فدوه
ضحك من رد فعلي وسحبني لحضنه راسي على صدره وهوا يضحك راسي يصعد وينزل
_قدس:: غضنفر صدك اخجل مامتعوده
_غضنفر:: ولايهمج اشبعج منه
ببعدت راسي من صدره وباوعتله
_قدس:: لا غضنفر ماعرف ارد
رجع سحبني لحضنه يطبطب على ضهري
_غضنفر:: هم ولا يهمج ماريدج تردين بس سمعي
رجعت بعدت عنه
_قدس:: لا مو
ماخلاني اكمل كلامي وسكتني يهز براسه
_غضنفر:: فهمتج قدوس انا من احجي انت بس سمعي واذا ماترديني احجي ف عذريني لان انا رجال احب امدح عطاء الله ونعمته
قوست حلكي اريد ابجي من الخجل مامتعوده ابدد من شافني ابجي انصدم مستغرب
_غضنفر:: هم بجت هم بجت بويه ماحجي شي بس سكتي لاتبجين تقهريني بدموعج
_قدس:: كتلك ماعرف اردددد
_غضنفر:: ولج بويه لاتردين تصخم وجهك غضنفر هسه عبالهم مدخلج تعذيب
نزل من الجربايه محتار وياي واني امسح بدموعي ويرجعن يطيحن وهوا يأشرلي اسكت واهدء
_غضنفر:: خاف اجي امسح ادموعج وتصرخين انوب من الحياءءءء
سكتت صافن باوعلي يرمش
_غضنفر:: حياء لو كيمياء
ضحكت والدموع على خدي اتخصر يباوعلي مبتسم واني اضحك من رد فعله مسحت ادموعي وباوعتله اضحك
_غضنفر:: ها الرايه خضره ان شاءالله؟
هزيت راسي ب اي
_قدس:: اي راح الخجل
_غضنفر:: بويه صدك جذب هاي لو واحد يشوفج هسه شيقنعه من الخجل
تقدم ببطىء واني الضحكه حاصرتني يباوعلي منتضر نضراتي تتغير حتى يبتعد
_غضنفر:: الامان؟
_قدس:: اي بس لاتخجلني
_غضنفر:: لا شحدي
وكف كدامي يباوع لدموعي مستغرب هذا البجي كله لان اخجل؟ اي حقه مايعرف عمري كله محد كايلي كلمه حلوه وكضيتها مكابله قس وكاعده وقس ممكن اكثر سبب لتعقيدي على كد مامسحت بمشاعري الكاع
باوع لشالي نازل وراخي سحبه من راسي
عدل الشال وخلاه على راسي يلفه ويضمم ب الشعر
_غضنفر:: هذن الشعرات الحلوه حافظي عليهن متفقين؟
هزيت راسي ب اي لف الشال واخذ شعري الطاح ضمه ورا ضهري باوعلي واشر ب ايده علامه اوكي
_غضنفر:: هسه تمام
_قدس:: غضنفر
_غضنفر:: ها بويه
_قدس:: دخت من ريحه الديتول
_غضنفر:: صار
حجاها ومشه يطلع من الغرفه بقيت كاعده ب الغرفه وحدي عيوني على الفاف البيدي نفتح الباب ودخلت العلويه والبنات اخذتني العلويه بحضنها من شفت قدس بجيت مقهوره ماكدر اتحمل فكره اختي رادت تموت بسببي!!
مر الوقت ومشو طالعين بينه خارج المستشفى صعدني غضنفر بسيارته جادح اخو كدام والعلويه واني وشاهيناز ب النص
_شاهيناز:: ليش تكعدوني ب النص ماحب اكعد هنا
_جادح:: وين نكعدج بالقماره لعد؟
_جهاد:: شبيك تصيح عليها؟
_جادح:: خو انتِ واكفتلنا على الحجايه
_جهاد:: اي ماتصيح على بت اخوي عزيزه عندي هاي
_شاهيناز:: عممممه شكد احبج
حجتها وحضنت العلويه والعلويه تطبطب عليها هز جادح ايده ماراضي
_غضنفر:: قدس مريضه سكتو
_جهاد:: غضنفر اطبك على صفحه شو
_غضنفر:: ها ليش
_جهاد:: انزل انت وقدس تعالو ورانا بتكسي
_قدس:: علويه اني شعلي
_جهاد:: هم صدك شعليج لعد انزل بس انت يلا
_غضنفر:: هم سيارتي وهم تردين تنزليني وهم تاخذين خطيبتي؟
_جهاد:: وشنووو خطيبتك!!! اعرفها قبلك
_غضنفر:: واذا خطيبتي!!!
تصايحو العلويه تصيح تجي وياي وغضنفر يصيح تجي وياي وجادح لازم راسه وشاهيناز تصد الضربات العشوائيه
_جادح:: ووتالي!؟؟؟
_شاهيناز:: من الاخير قدس ويامن ترحين ويا عمتي لو غضنفر
باوعلي غضنفر من المرايه والعلويه دارت تباوعلي توترت ودخت ب الزايد دنكت العب بعباتي
_قدس:: بسياره اهلي
رفعت العلويه حاجبها وغضنفر عكد حواجبه اشرت العلويه لغضنفر
_جهاد:: اطبك اطبك انزل انت وياها واخذو جادح وياكم
_جادح:: هم حطت جادح ب النص
ضحكنا والعلويه ابتسمت تباوعلي وصلنا للبيت وشالني غضنفر منزلني بكل موقف يبدر منه استحي ب الزايد مامتعوده على الوضع الجديد بيوم دخل غضنفر للغرفه وطلب من الكل يطلع كعد على الجربايه مبتسم
_قدس:: بديت اخجل لاتضحك هيج
_غضنفر:: والله مادري شكلج هم احتاريت انا
_قدس:: كتلك غضنفر من البدايه
_غضنفر:: بويه حاجي شي راضي راضي
سكتت وهوا سكت اخذ ايدي ب ايده
_غضنفر:: قدس ركزي وياي انا راجع للنجف ار..
_قدس:: خوش
سكتت مبتسم عاف ايدي
_غضنفر:: ب الجذب كولي لا
_قدس:: ها يعني اكلك لا؟
_غضنفر:: عوفي ال لا سمعي
_قدس:: اسمعك
_غضنفر:: شوفي قدوسه اريدج تنتبهين على نفسج اليوم خسرتي دم هواي اريدج تعوضي جبتلج عصاير وفواكه اريدج تسدنين نفسج بيهن وين ماطلعين خواتج موجودات ماطلعين وحدج
هوا يحجي واني اهز براسي
_غضنفر:: قدس انا موجود بكل مره تحتاجيني راح تلكيني يمج
_قدس:: شكرا غضنفر
_غضنفر:: تدلل حبيبتي
دنكت مرتبكه ضحك تقدم باسني من كصتي ووكف
_غضنفر:: رايح انا انتبهي لنفسج
_قدس:: الله وياك انتبه لنفسك
مشه ب اتجاهه الباب دار علي واشر ب ايده باي اشرتله بيدي باي دك باب الغرفه اجته نضال وطلع من الغرفه
بيومها ماكدرت انام كل ماحاول انام اتذكر غضنفر وغطي وجهي خجلانه ثاني يوم جنت نايمه
سمعت صوت تلفوني يرن رفعت راسي شفت قس نايمه يمي والبنات ماكو اخذت التلفوت شفت المتصل غضنفر
فتحت خط وخليت على اذني
_قدس:: الوو
_غضنفر:: عليكم السلام
_قدس:: السلام عليكم
سمعته ضحك وتحرك
_غضنفر:: توج كعدتي مو
_قدس:: اي انت كعدتني
_غضنفر:: بويه مراسلج ب 9 وهسه ب 3 خفت بيج شي
_قدس:: لا نايمه انت شلونك
_غضنفر:: صرت زين من سمعت صوتج
بعدت التلفون عن ذاني وخليت ايدي على حلكي احاول اسيطر على نفسي بس هل مره غير هل مره ضحكت متونسه ماحس غير بكفخه اجت على راسي نستني الخجل والونسه بكبرها درت على جهه قس شفتها فاتحه عيوني ومتربعه يمي اشرتلي على التلفون تهمس
_قس:: جاي يكلج وين اختفيتي ردي
_قدس:: ها انتِ من طلعتي
_قس:: من امج ردي على الزلمه خل اسمع
خليت التلفون على اذني مهبوطه ماعرف منين طلعت توها نايمه
_قدس؛؛ الو غضنفر
_غضنفر:: ادري وين رحتي
_قدس:: طاح التلفون مني
_غضنفر:: من الكيمياء؟ مو
_قدس:: لالا بس عدلت كعدتي وطاح
_غضنفر:: كومي بويه كومي ماحجي بعد خاف تشمرين روحج من الجربايه من الخجل يلا كومي غسلي وتريكي
_قدس:: اي يلا
سديت الاتصال منه بعد ماودعته درت على قس مصدومه
_قدس:: انتِ منين طلعتي
_قس:: اللهه يكلج صرت زين من سمعت صوتج شنو شعورج
_قدس:: لججج مو جنتي نايمههه
_قس:: الساده هم عدهم سوالف حبيبات عبالي بس جافين ظلمتهم
_قدس:: وخري وخرييي
دفعتها وكمت من مكاني وهيه تتمرطح بمكانها مر اليوم ونفسيتي لابأس صح اتذكر ذاك اليوم بس احاول اطرده بكل مره اتذكر غضنفر اخجل وابتسم
مر ثلاث ايام ويومي كله يكضي ويا غضنفر انسى كلشي
نزلت الدرج متوجهه للمطبخ شفت البنات ملتمات ب المطبخ وقس واكفه على الطباخ
خلت الطاوه فارغه على الطباخ وخلت فوكها شكر وبدت تحرك ب الشكر على ماذاب خلت فوكه سمسم خلطتهن سوا وشالت الطاوه من الطباخ اخذت صينيه فارغه وفرغت الي سوته ب الصينيه اخذتهن وخلتهن ب المجمده
_قبس:: وهسه شنو هاي
_قس:: قررت اعتمد على نفسي خلص بعد مايطب بجيبي ربع واحد مو من تعبي وحلالي
_قادسيه:: من تعبج وحلالج شنو راح تبيعين كليتج؟
_قس:: لاوين شضال بيها حتى سعر ماتجيب
_قسار:: لعد شحسوين
_قس:: بنتي سر المهنه ماينطي
بيومها طلعت قس من البيت ب البستان بيدها الصينيه والجهال البيت كلهم كدامها
_قس:: حبايبي كل قطعتين ب ربع
_سالم:: قس ماعندي فدوه نطيني وبعدين انطيج
_قس:: لايمه ماشتغل ب الدين اني عندك تعال ماعندك ولي
كدرت بيومها تبيع الصينيه على الجهال ب 3 ونص!!! ماعرف شلون قنعتهم ولا شلون كدرت تبيعها عليهم بس وقتها ربحت براسهم وضمت الفلوس من رجع ابن باسم الصغير يطالب بفلوسه ويبجي
_قس:: طلع السمسميه من بطنك لعد
_علي:: راحححت ببطني شلون اطلعها
_قس:: اي عادي جيب سجينه ومكص افتح بطنك واطلعهن يلا تعال تمدد هنا قدس جيبي خيط حتى نخيط بطنه من نخلص
الجهال من سمعو كلامها كلها طفرت وعافو الفلوس حتى ابن باسم هيه تجر بي تكله تعال حتى انطيك الفلوس وهوا يصرخ متنازل عن الفلوس وبهاي الطريقه سكتو عن الفلوس وماحجو بعد
ثاني يوم كعدت ي المطبخ جابت بتيته وكشرتها اقلام خلت فوكها كركم وخلط بهارات وخلتهن ب كلاص وطلعت للجهال تبيعه عليهم
_قس:: الكلاص بالف اليريد يجيب الف ويجي
_كرار:: شسالفه هوا صغير اصلا
_قس:: مابيعلك ولي
_كرار؛؛ لا اشاقه اريد عليج الله
وفعلا هم كدرت تبيع البتيته عليهم وربحت 9 الالف؟؟؟؟؟ بكل بساطه هذول يبجون فوك روس امهاتهم وياخذون فلوس وينطون لقس باوعت للبتيته كاشه نفسي
_قدس:: انتِ شخاله على البتيته؟
_قس:: مادري شنو شفت من بهارات حطيت
_قدس:: وهذول شلون ياكلونها
_قس:: شبيج نفسيتهم خايسه كلشي ياكلون
وهيج بدت قس بمشروعها مشروع قط الجهال لان ماجانت تبيع على احد غير الجهال ومحد يدري بيهم بيوم جنت كاعده ب الغرفه توني مخلصه حجي ويا غضنفر سمعت صوت صريخ نضال وقس طلعت من الغرفه ونزلت الدرج سمعت صوت صريخ نضال ولطمها ويا نسوان خواني وولد عمي دخلت للمطبخ
شفتها كلها ملتمه على قس
_نضال:: ولجججح الدجاج ويننننن
_قس:: يادجاج وين ادري بي
_مريم:: الدجاج البعتي على الجهال بحجه كنتاكي
_قس:: هااااا اي صح تذكرت جهالجن اكلو بعد عليمن
_نضال:: يبوييييي ولج قس ماخذه الدجاج كلهههه!!!
_قس:: ترا هيه دجاجه وحده وبس فخد وصدر
_بسمه:: عمه تدرين بايعتهن على الجهال وماخذه من كل واحد الفين على القطعه والقطعه بكد صبعي متروسه طحين وبهارات
_مريم:: وكلهااا دم حشه النعمه
_قس:: هسه شتدرين؟؟؟؟
_نضال:: الفلوس جيبيهن خل نجيب بيهن دجاجه نزغنب بيهاااا
_قس:: ههههههههي انسوهن
رفعت نضال النعال وقس ركضت من الباب ونضال وراها
_مريم:: يعني صدك جذببببب انوب اكلهم خل اسويلكم اني مايردون الى من قسسس
_بسمه:: واني هم مايرضون الى من ايديها
دخلت قس من الباب الثاني فحطانه من الركض ودخلت وراها نضال بيدها النعال رفعت قس ايدها
_قس:: اسمعو كلامي مايصير ثنين اذا ماخليكم تتندمون وتعتازوني وتجون اطلبون مني حتى اتصدق الكم ماطلع قس
حجتها ونضال شمرت النعال براسها
_نضال:: خليتج تكملين كلامج على لاترجعين تحجي مره ثانيه ويصير ثنين
وهكذا مرت الايام وقس بدت اطور مشروعها وتبيع على اخواني هم وولد عمي وحتى عمي!! ونضال والبنات صادف يوم من الايام رحت اني وباسم افتح الخيوط عند الدكتور رجعت الطريق كله صافنه على ايدي والاثر الموجود قربنا من البيت نشوف قس واكفه على الشارع وبيدها ابن باسم الصغير وكدامها مره جبيره مامنتبهه علينا استغربت باسم وكفه قدس نزل من السياره ونزلت ورا رفعت المره ايدها تدعي لقس
_:: الله يوفقج يايمه دنيا واخرة
توقعت قس منطتها فلوس او مساعدتها محد جان متوقع حركه قدس
_باسم:: ها شصاير؟
كمزت قس من سمعت صوت باسم تباوعله مصدومه
_:: هلا يمه منو انت
_قس:: ها هذا شسمه اخوي اخوي هذا
_باسم:: هلا بيج يمه تفضلي منو حضرتج
وجه قس كام ينطني الوان وهاي المره نفتحت ماخلت دعوه وحجايه حلوه ماحجتها لقس
_باسم:: مشكوره خاله الله يوفقج بس شسوت هيه؟
_:: يايمه فرحتني فرحه عمر باعتلي هذا الجاهل
وهنا اخذنا الصدمه درنا نباوع لابن باسم لازم بيد قس الي تشنجنت مصدومه انصدم باسم مستغرب
_باسم:: باعتلج شنو؟؟؟
_:: هذا الولد الصغير بنيتي خطيه ماتخلف وشكد دورنا على ناس ينطونه طفل افرح كلبها بيه ماكو جان هاي اخيتك كالت عدنا ولد صغير زايد اخوي مايريده
باوع باسم لقس الي ضلت على صفنتها
_باسم:: قسسس بايعه ابني؟؟؟؟
_قس:: ها لا جذب خاله شنو تتبلين عليا؟
_:: يا يمه شنو اتبلى عليج؟ مو اتفقنا على السعر
_باسم:: سعر؟؟؟؟؟؟؟ لج قسسس!!!!
صرخ باسم مصدوم قس من شافت رد فعله عافتنا وطفرت للبيت تركض دار باسم على المره يصيح
_باسم:: روحي الله ينطيج
_:: شنو الله ينطيني مجديه عدكم شنو
_باسم:: روحي منا لااخبر عليج الشرطه خطافه الجهال
نزلت اركض للبيت وباسم يتعارك ويا المره وثنينهن يهددون ببعض دخلت للبيت شفت البنات ملتمات مايدرن شنو السالفه
_قدس:: وين قس؟؟؟
_قادسيه:: دخلت لغرفه ابتهال مادري شبيها تركض
دخل باسم للبيت يصرخ ويلطم
_باسم:: ولكممم تريد تبيع ابنيييي قسسس تريد تبيع ابني
كلها طفرت مستغربه محد فاهم شي وباسم يلطم طلع قاسم من الغرفه مستغرب
_قاسم:: شبيك؟
_باسم:: ولككك اختك قس لكيتها واكفه برا تعامل على علي ابني!! تريد. تبيعه
_قاسم:: شنو تبيع منو
_بسمه:: يمه ابني!!! قسسس تريد تبيع ابني!!!!
كلها نصدمت ومرت باسم تلطم وباسم شوي ويشك زيجه وكف كدام باب الغرفه يدك على الباب
_باسم:: فتحييي البابببب لاافلشه على راسج
_قس:: عليمن تفلشه على راسي من زينيتي صدك سوي خير واشمر ب الشط
_باسم:: لججج ياشطططط اليوم اغركج ب الشط تردين تبيعن ابني
_قس:: هسه شبايعه هوا كله جاهل
لطم باسم على وجهه وقس مامهتمه ترد ببرود
_قاسم:: ولجج ماخفتي!! شلون تردين تبيعن الجاهل ماخفتي نسالج وين!!!
_علي:: كالت ابيعك واخذ الفلوس واسافر التركيا
كلها دارت على علي مصدومه وهذا مامهتم بيده كيكه وياكل هسه عرفت بيمن راشيه الولد وساكت مايدري مسويه بي تفاوضات
_باسم:: ولججج قسسس اموتج اليوم
نفتح باب الغرفه وطلعت قس طفر عليها باسم يريد يكلتها وقاسم لزمه
_قس:: انت مصدك ردت ابيعه شبيك؟؟؟
_باسم:: لعد شسوين براااا؟؟؟؟؟ مو تتفقين
_قس:: لا شسالفه صح سوالفي مكسره بس مو مال ابيع جهالك بس ردت اجرب شعور المتاجرة
_نضال:: ولجج اتاجرينن بالجهال؟؟؟؟؟
_قس:: انطتني بي ٢٩ مليون كتلها سويهن ٣٠ ماقبلت كتلها روحي
_باسم:: اموتججججح اليومم
_قس:: اكله ماردتتت ابيعه تتوقعون يطلع مني هذا التصرف!!!!
كلنا صحنا اي مو متوقعين لامتأكدين انصدمت قس تباوعلنا صفح.. بيومها التمو عمامي يحلون الموضوع قس ماخذته ب الشقه مامهتمه
جنت كاعده بالمطبخ ب اليل والكل نايم اسولف ويا غضنفر وهوا يسوق نفتح باب المطبخ ودخلت قس عيونها منتفخه من النوم
_قس:: اكلج انتِ ماتنامين؟
حجتها واجت كعدت يمي تسمع لغضنفر
_غضنفر:: صدك قدوسه السبوع الجاي السيد قرر يسوي سفره لكربلاء وطالبج تجين
_قدس:: كربلاء؟
_غضنفر:: اي عمتي لباب جايه من ايران وسادتنا والاقارب جايين من بغداد والحله حتى فد مره نشتري النيشان
_قدس:: ماعرف خاف عمي مايقبل؟
_غضنفر:: عمج خلي علي المهم انت ماعندج شي؟
_قدس:: لاماعندي شي
_غضنفر:: لعد جهزي نفسج
ماجنت اعرف هاي السفره راح تترسخ بعقلي عمري كله
..
"مهره"
صرخت متوجعه واني اشوف الكزاز نابته بكعب رجلي
كلها نهارت تصرخ الجهال صار واحد يتلاطم ويا الثاني حتى الطفل الي شمرت علي البوريه نسى وجعه والتهه يصرخ ويا وجعي كابلوني الجهال وعباس شوي ويشك زيجه
_عباس::خاله راحححح تموتينننن
_::راح يكصون رجلججججج خاله
_::شوف الدممم شوفوو
هماا يصرخون واني اصرخ على صريخهم حتى نسيت الوجع بكد ماصرخت السيد مكابلنه ومصدوم على صريخنه واني الطم على وجهي
كض السيد مبتعد عنه للخارج توقعته شرد اي عفيه حالتي هسه من وراك تالي تعوفني وتطفر
_عباس:: خاله راح تموتين مو؟
_مهره:: عباس راح اكوم ازوركك ب البوريه ولك وخر عنيي
حجيتها وبجيت وفوك ضيمي محد مر ب الفرغ فارغ يصوفر تصوفر سمعت صوت هورن سياره درت اشوف مفرقد صاعد ب سياره تكسي وجاي ب اتجاهنا
نزل من السياره ياشر للجهال يكوموني
_مفرقد:: تعالو بابا تعالو عينوها
التمو الجهال علي كل واحد من صفحه واني كاتمه وجعي بس دموعي يطيحن
صعدوني للسياره الجهال يودعوني واني ابجي صعد السيد كدام واني وحدي ورا والجهال السيد منعهم يصعدون طلعو بينه للمستشفى والجهال يركضون ورا السياره دكيت على فخدي ابجي
_مهره::راحت رجلي راحت راح يكطعوهااا
استغفر السيد والسايق كاتم الضحكه واني اتلاطم ويا روحي على الخفيف
_مفرقد::كولي يالله خويه ماكو شي ان شاءالله
_مهره::اكله رجلي راح تنكطع يكلي ماكو شي
سكت من ردي مصدوم والسايق كح يضيع ضحكته شو انت شلون ترديني ادور انطيك راشدي هسه وكفت السياره كدام المستشفى نزل مفرقد وفتح باب ياشرلي انزل
_مهره:: وين بيههه انزلل وينن
بباوعلي محتار اشرلي اكعد بمكاني ومشه داخل المستشفى سمعت صوت السايق مدنك يضحك
_مهره:: اكلك خويه ليش تضحك؟
_:: لاخويه ماجاي اضحك
_مهره:: لعد هذا حلكك عليمن فاتحه تشوف السالفه سهله انت وتضحم عليها؟
سكت مدنك واني ادردم ويا روحي هسه انت شبيج شو احتاري بضيمج وعوفي الوادم طلعت السيد مفرقد بيده كرسي من المستشفى خلاه كدام باب السياره واشرلي انزل
_مفرقد:: حاولي تنزلين يلااا
باوعتله ماكدر رجلي ماكدر احركها من الوجع لزمت باب السياره وكفت اصرخ من قوه الوجع الي اجتني شمرت روحي على الكرسي ابجي اخذ السيد الكرسي ومشه يركض متوجهه للمستشفى هوا يدفع واني ابجي من الوجع جان لابس عبايه ودشداشه ويدفع ب الكرسي والعبايه مالته طايره ورا
اتلكونا الدكاتره يركضون كدامنا ومفرقد وراهم ب الكرسي واني اصرخ رافعه رجلي دخلونا للغرفه الدكتور يأشر على السرير شالني ثنين ممرضات وخلني على الجربايه باوع الدكتور الرجلي مستغرب
وهنا بدت مرحله الصريخ
الدكتور يجر برجلي واني اجرها الممرضات لازماتني يحاولن يثبتني ومفرقد واكف كدامنا فاتح حلكه على قوتي ب المراوغه بحيث بحركه وحده سطرت الدكتور والممرضه ابعدهم عني نوموني على الجربايه ثنين لازماتني من ايدي واني اصرخ
_مهره:: ماريدددد خلوهااا خلو الكزازه تولي
_الدكتو:: بابا ثبتي بسرعه اسحبها
_مهره:: اشكتي عليككم اسد المستشفى احركها على روسكم يبويييييي
_مفرقد:: خويه صوتج يرحم والديج
_مهره:: رجليييييي ولك سيد رجليييي
_مفرقد:: الله اكبر
حجاها وخله ايده على وجهه واني ابجي اريدهم يبعدون عني بحركه سريعه سحب الدكتور الكزازه من رجلي رجيت المستشفى رج ب الصريخ سنحت روحي من الوجع وذبلت ساكته عيوني ينسدن
من الوجع بدو يخيطون برجلي واني دموعي تطيح
على كيف انتبهت لمفرقد واكف على صفحه يباوعلي مقهور مقهور سيد مو؟ لو ماطالعلي هيج
خلصو خياطه وابتعدو عني يلفون برجلي واني روحي رايحه تقدم مفرقد ب اتجاهي بيده تلفونه
_مفرقد:: انطيني رقم اتواصل بي ويا اهلج؟
_مهره:: ماعندي بس خالتي
_مفرقد:: رقمها؟
رديتله الرقم مسنحه من الوجع مابيه احجي طلع من الغرفه يتصل على خالتي واني مبطوحه بمكاني مرت ساعه ودخلت خالتي للغرفه مهبوطه من شفتها بجيت
_مهره:: خاله رجلي
_ايمان:: سوده عليه يمه ولج شصاير بيج
كعدت اسولف الها وهيه تبجي على بجيتي طلعت من الغرفه ورجعت بيدها علاكه بيها عصاير ولفات
_ايمان:: هذا السيد جابهن
_مهره:: مفرقد مو؟
_ايمان:: يامفرقد ولج؟
_مهره:: هوا اسمه سيد مفرقد بس اني بعت ميانه
كعدتي توكلني وتشربني ب العصير مر الوقت وندك باب الغرفه دخلن نسوان ثنين منقبات وحده منهن جبيره والثانيه اصغر منها تقدمن ب اتجاهي
يتحمدلي على السلامه
_اايمان:: مشكوره يبعد روحي مو نقصن بحضرتج بس منو؟
_العلويه زهراء:: اني العلويه زهراء وهاي رقيه مرت ابني بنيتج الحلوه تدرس عدنا ب الحوزه
عرفت وقتها هاي العلويه الجبيره مرت السيد عبد الرؤف ماعفتني بوقتها وضلت وياي على ماطلعنه من المستشفى ودعتنا نصعد لسياره رفعت راسي اباوع لسيد جان مكتف ايده يباوعلي من صارت عيني بعينه كسر عيوني مدنك ماجنت اعرف بهذا الموقف راح تبدي رحلتي داخل عائله السيد عبد الرؤف
"جهاد"
طلعت من البيت اني وجادح متوجهين لسيارته فتحت باب السياره وصعدت صعد يباوعلي
_جادح:: جهاد السيد ماراضي
_جهاد:: يرضى بعدين
_جادح:: جهاد ترا
_جهاد:: جادح توديني لو لا؟؟؟
سكتت مأيس من الكلام شغل السياره ومشه ب السياره درت على الجامه صافنه هاي خطوتي الاولى بهاي خطوتي راح افتح دفاتر قديمه
اجاني صوت باسم الكربلائي قصيده _يطير الصاف عافوني_ غمضت عيوني مركزه ويا كلمات القصيده
بديت اردد ويا كلمات القصيده بهدوء
"كبل متروح وتهاجر يطير الصاف تانيني"
جريت حسره ويا كلمات القصيده
"عساه الموت يلفيني يطير الصاف واتمنى"
"ولا دنياي اكضيها على الاهات والونه"
وكف جادح كدام المكان المقصود
_جادح:: نزلي
بلعت ريك رجفه خفيفه سرت بجسمي فتح جادح الباب
_جادح:: غيرتي رأيج؟
هزيت راسي بلا ونزلت من السيارة مشه جادح واني امشي ورا وكف كدام الباب درت اوزع انضاري على المكان يخنك ويعصر الكلب عصر دك جادح على الباب وتكتف منتضر الرد اتاخرو ومحد فتح الباب
_جهاد:: خاف محد موجود؟
_جادح:: خلي عندج صبر
سكتت اعصر ب ايدي اهدي جهاد صبرتي هاي السنين كلها هسه على دكه الباب ماتكدرين تصبرين سمعت صوت خطوات تتقدم ب اتجاه الباب اجاني صوت فتحه سركي الباب نفتح الباب وطلع يباوعلنه مبتسم سلم على جادح ودار ب اتجاهي يبعد عيونه عني
_دلهب:: شلونج علويه
هزيت راسي بدون ماجاوب اشرلنا ندخل دخل جادح واني دخلت ورا مشه دلهب كدامنا يأشر نكعد
_دلهب:: تفضلو
_جادح:: شهل مكان انت وين مكعدنا
_دلهب:: جا اكعدك على راسي
كعد جادح على القنفه واني كعدت على مسافه منه ترخص منا دلهب وطلع وزعت انضاري على المكان يخنك مو طبيعي الطاقه السلبيه الموجوده ب المكان
_جادح:: شحجي عليج جهاد
_جهاد:: ضل دردم انت
سمعنه صوت ضحكه بصوت خشن ابتسمت جوا النقاب اعرف هذا الصوت عدل التفتنا على دخلته
رجل طويل القامه صاحب جسم مملؤ
ببشره سمراء وعيون سوداء تغطيها رموش كثيفه
ملامحه طاغيه لاتصاحبها الرحمه ابتسم تك خد
_جزام:: يول هلا ب نسل رسول الله
وكف جادح يسلم علي واني كاعده بمكاني مدنكه رجع جادح بمكانه وجزام ماهتم تربع وكعد بمكانه استغفرت بكلبي ماريد احجي وادخل بذمته خلصت الاماكن؟
دخل دلهب بيده بطل ماي وصلاحيه وكف كدام جادح انطاه الصلاحيه والبطل
_دلهب:: هذا البطل للعلويه وانت اشرب ب الجكه
_جادح:: وليش ماجيبلي بطل شو انت ماتحترم
_دلهب:: دنجب لك مالكيت بس هذا البطل
_جادح:: منين اتلكاها منك من المكان الجايبنه علي
كعد دلهب بصف جزام مامهتم
_دلهب:: وين اكو احلى من هذا المكان
_جادح:: اي من الكبور
ضحك دلهب متربع هوا وجزام على الكبر مامهتمين هسه عرفتو ليش المكان يخنك؟ المكان جان عباره عن غرفه جبيره وبيها كبور كبر بصف كبر والولد كاعدين على الكبور مامهتمين لحرمه الميت انطاني جادح البطل وشرب من صلاحيت الماي بعده توا يبلع الماي وكمز من مكانه غاص ب الماي يكح بقوه
_جزام:: دك على ضهرك يول لاتموت
_دلهب:: شهيقققق زفيرررررررر
جادح يكح وهذول متربعين على الكبور يحجون بدم بارد سكت جادح عيونه حمر دار على دلهب يأشر على الماي صوته مبحوح
_جادح:: دلهب الماي ليش هيج طعمه و بي طعم ماي ورد؟
_دلهب:: هااا انا اكلك اكو ناس اجو الصبح زارو موتاهم وعدهم ماي ورد زاد ب الدبه نسو خليته ب الجكه الك كلت ليش ينشمر نستفاد منه
صفن جادح بوجه دلهب دار يباوعلي مايكدر يحجي شمر طاسه الماي من ايده يتحلف ب دلهب كعد بمكانه مطنكر ودلهب مامهتم
دار جادح وجهه يباوعلي اشر على جزام وحجه
_جادح:: النقيب جزام
هزيت راسي ب اي اعرفه ومو هسه! لاااا اعرفه من سنوات وهوا هذا نفسه الي راح يساعدني ارجع حق ابني
_جهاد:: حضره الضابط اعتقد تعرفني!
هز راسه ب اي
_جزام:: حفيدة السيد ....... وام عون!
هزيت راسي ب اي كمل كلامه مستغرب
_جزام:: بشنو اكدر اساعدج
_جهاد:: والدي السيد عبد الرؤف سد قضيه مقتل ابني لسبب مجهول واني اريد افتح القضيه واخذ حق ابني وماريد غير العداله اريد الحرمني من ابني يتلوع بكد مالوعني على فركته....!!!!
............................................................
بمناسبه هواي الشباب كلها حايره ب العائله ومافاهمه
تسلسل العائله وفلان منو وفلتان ف
شرحت الكم تسلسل العائله كله
السيد عبد الرؤف
زوجته: العلويه زهراء
اولاده
1_السيد مهدي _زوجته _العلويه رقيه
اولادهم
.
مفرقد
فقار
غضيمر
ايليا
عاتكه
المحنسات
_فاطمه
_زهراء
_ام الحسن
_ام الحسين
_ام الحسنين
_ام المحسن
_ام المحسنين
2_السيد منتظر
_ساجد
_سجاد
_حور
_حوراء
_حميده
3_السيد هادي
_محمد
_احمد
_هدى
_شاهناز
4_العلويه جهاد
_عون
‼️مهجان حفيده السيد عبد الرؤف يعني بت ابنه بس يا ابن؟ الحد هسه مانعرف بعدين راح نعرف ‼️
اخوان السيد عبد الرؤف
1_السيد مقتدر _زوجته _العلويه شريفه
احفاده
ملاك
اديان
دعاء
وديان
ميزان
2_السيد معز _زوجته رنا
اولاده
جادح
غضنفر
غل
‼️ب اختصار عاتكه شاهيناز مهجان والخ... ‼️
حفيدات السيد عبد الرؤف
‼️العلويه جهاد بنت السيد عبد الرؤف ‼️
‼️مهجان حفيده السيد عبد الرؤف مو بت جهاد ‼️
‼️ليش امهات البنات مايطلعن شاهيناز وحميده‼️؟ ب اختصار اني ماريد اسويها هوسه عليكم ف اكو شخصيات ماجاي اضهرها لاكن ب المستقبل الها ضهور ‼️
‼️ شاهيناز وحميده عايشات ويا السيد عبد الرؤف لااا كل بيت وحد لاكن البنات يضهرن بكثره ببيت السيد عبد الرؤف كونه هوا السيد وجدهم ف يلتمون ببيت السيد ‼️
وبس ☝🏽🔥‼️
..
شكرا لزيارتكم عالم روايات سكيرهوم
