رواية سراج السادة الفصل الثالث عشر بقلم عسق ادريس
_عبد الرؤف:: كل اعمالنا بهاي الدنيا هيه مو لله هيه النا! احنا من نصلي و نقره قرأن صومنا زكاتنا خمسنه كل اعمالنا الزينه النا
عدل كعدته ورجع يكمل كلامه
_عبد الرؤف:: انت مامسوي فضل لله لان صليت صلاه الفجر لو قريت صفحتين من القرأن قريتلك دعاء او مناجات هاي كلها مو لله هذن يفيدنك باجر
_عبد الرؤف:: الله سبحانه وتعالى اول ماخلق النبي ادم اول بشر ب الدنيا لهذا يومنا سجدو اله وحمدو واستغفرو وركعو اله ملاييين واكثر!
تتوقعون الله يهمه اذا انا لو انت لو انتِ من نصلي اله وندعي؟ وهوا العالم كله يركع اله انبياء ورسول وملائكه وسماوات وارض و جبال وانهار واشجار وحيوانات اصغر كائن بهاي الدنيا واكبر كائن يركعون لله ويسبحون له ليل ونهار
_عبد الرؤف:: مو مهم صلاتنا وصومنا وكل عباداتنا لان احنا حياتنا بالواقع مثل المدرسه واحنا الطلاب و اكو معلم هذا شنو وظيفته يدرسنا يعني يجي النا كل يوم يشرح النا الدرس وينطينا امتحان ويعلمنا الصح من الغلط ويعلمنا حل السؤال بيوم النتائج المعلم ما يهمه ولا يركز اذا انا نجحت او رسبت لان باختصار هوا شارحلي السؤال قبل ومنطيني اهم المرشحات
وغيرها اكو اكثر من طالب اذا انا جنت كسولي اكو عشره غيري شطار اذا انا رسبت بهااي الماده اكو غير نجح بيها المعلم ما راح يهمه اذا انا نجحت او رسبت لان بالواقع هاي الي مو اله هو كل اللي يكدر يسويه انو يعلمني على الصح من الغلط وينطيني اغلاطي ويكول الي هاي غلط لا تسويه وهذا صح سويه حتى بيوم الامتحان المعلم ما اله يمي شي بيوم النتائج كلمن ياخذ الدرسه
_عبد الرؤف:: احفادي خلوها ترجيبه ب اذنكم كل اللي اسوي بهاي الدنيا من صح ومن خطأ من حلال ومن حرام هو الي وراح يرجع الي الاعمال زينه الي والاعمال الشينه هم الي يعني الله سبحانه وتعالى ما راح ياخذ مني ولا راح ينطيني غير اللي راح اسويه
جان السيد ينطي لاولاد محاظره ومرات هما يسألون والسيد يجاوبهم ابتسمت واني اشوف عون كاعده بحضن السيد مركز ويا كلامه والباقين متجمعين حول السيد بقه السيد يسأل الساده والعلويات يذكرهم الي درسو خاف ينسو
_عبد الرؤف:: تذكرون رويأ السيده زينب (ع) من جانت طفله؟
_عاتكه:: اي سيد اني اتذكرها
رائت السيده زينب روايه مخيفه وهي في عمر الطفوله فحدثت بذلك جدها رسول الله فقالت يا جداه رايت البارحه ان رياحا عاصفا قد انبعثت فاسوده الدنيا وما فيها واظلمت السماء وحركتني الرياح من جانب الى جانب واذا بالرياح قد قلعت شجره من مكانها والقتها على الارض ثم تمسكت بغصنه قوي من اغصان تلك الشجره فكسرتها الرياح فتعلقت بغصن اخر فكسرتها الرياح العاصفه فتمسكت بقسم اخر وغصن الرابع فكسرتها ثم استيقظت من نومي وحينها سمع رسول الله منها الروايه بكى وقال اما الشجره فهو جدك واما الغصنان الكبيران فهم ما امك واباك واما الاغصان الاخره واخواك الحسنان تسود الدنيا لفقدهم وتلبس لباسا مصيبه والحداد
رجع السيد يكمل احاديث عن اهل البيت ورايات مختلفه
_حوراء:: سيد سؤال؟
_عبد الرؤف:: اي علويه شنو سؤالج
_حوراء:: الله سبحانه وتعالى رحيم بعباده وانت ذاكر انو الله مايحمل شخص ذنب غيره مو صح سيد؟
_عبد الرؤف:: صح
_حوراء:: سيد بقصه النبي نوح (ع) من الله سبحانه وتعالى فتح ابواب السماء والارض ب الماء واغرق الكل اكيد وقتها جانو اكو اطفال مالهم ذنب بمعاصي الكبار شلون الله حملهم ذنب غيرهم واغرقهم
هز السيد راسه بعد ماسمع كلام حوراء وسؤالها
_عبد الرؤف:: انا اكلج شلون بزمن النبي نوح (ع) كان ابتلاء الله بقوم نوح (ع) اشد ابتلاء هسه اول شي خل نحجي عن النبي نوح (ع) اولا النبي نوح من انبياء اولي العزم الخمسه الله بعث النبي نوح لقوم بغضاء قولبهم صخر مثل ذنب محاوط بصخره
امهل الله جل جلاله قوم نوح مده طويله لم يمهلها لامه قبل واغرب من هذا انه لم يستجب لنداء السماء منهم الا جماعه قليله لا تتجاوز المئه ولا يزدادون واحدا وكان اصرارهم على الكفر بشكل غريب حتى ان كل منهم كان يستنهض للاخرين ويشجعهم على الكفر والطغيان وبعد الاعراض عن دعوه التوحيد طيله القرون المتطاوله استوجبوا من نبيهم ان يدعوا عليهم دعاء استئصاله ولكن الله سبحانه وتعالى لطيفا بعباده ولم يعالجهم بالعذاب
_عبدالرؤف:: الامام الصادق عليه السلام قال لما ظهر الله نبوه نوح اشتدت البلوى وارتبوا الى نوح بالضرب المبرح حتى مكث في بعض الاوقات مخشيا عليه ثلاثه ايام يجري الدم من اذنه
النبي نوع كان يدعوهم ليلا ونهارا فيهربون ويدعوهم سرا فلا يجابو
_عبد الرؤف:: ب احدى اليالي
جلس بعد صلاه الفجر للدعاء فهبط اليه وفد من السماء السابعه وهم ثلاثه ملوك فسالوا عليه ثم قالوا له يا نبي الله حاجتنا ان تؤخذ الدعاء الى قومك فانهم اولوا سطوع الى الله عز وجل في الارض قال قد اخرت الدعاء عليهم ثلاثمئه مائه سنه اخرى وعاد اليهم فصنع ما كان يصنع ويفعلون ما كان يفعلون حتى اذا انقضى الثلاثمئه سنه اخرى وبئس من ايمانهم جلس لدعاء فهبط اليه وفد من السماء السادسه فسالوه عليه وسالوه مثله ما سال الوفد الاول فجابهم مثلما اجاب اولئك ثم قضى الثلاثمائه سنه صلى ودعا فهبط جبرائيل فقال ان الله تبارك وتعالى قد اجاب دعوتك وطلب منه ان يامر قومه باكل الثمر وغرس النمط حتى يثمر فلما اثمر امره الله سبحانه وتعالى ان يامرهم ان ياكلوا من ثمره ويغرس نواه ولما اثمر امره الله جل جلاله بالاكل منه وغرس النوى حتى اثمر واوحى اليه الله قد اجيبت دعوتك فاصنع الفلك فكان بين اجابه الدعاء 50 عام
الكل جان مركز ويا السيد واني وياهم كمل السيد كلامه
_عبد الرؤف::الله سبحانه وتعالى انذار قوم نوح انذار محسوسا يدركه كل فرد منه فقد حبس عنهم المطر حتى هلكت مواشيهم وتلفت زروعهم كما صلب ارجالهم وارحام نسائهم فلا يولد لهم مولودا ووعدهم نوحا ان يرفع عنه سبحانه وتعالى هذا البلاء ان هم
تابوا استمر عليهم البلاء 40 سنه
_عبدالرؤف::هنا انا اجاوبج الامام الامام الرضا عليه السلام سألو شلون الله سبحانه وتعالى اغرق قوم نوح وفيها الاطفال ومن لا ذنب لهم فقال عليه السلام ما كان فيهم اطفالا لان الله عز وجل اعقم اصلاب قوم نوح وارحام نسائهم اربعين عام فانقطع نسلهم فغرقوا ولا طفل فيهم ما كان الله ليهلك بعذابه من لا ذنب له واما الباقون من قوم نوح فغرقو لتكذيبهم لنبي الله نوح وبعد هذه المده الطويله والانذارات السماويه كانت الواقعه العظمى لا تشبهها واقعه
_عاتكه:: يعني بزمن نوح ماجان اكو اطفال
_عبد الرؤف:: صح لان اصغرهم جان عمره 40 سنه وقتها
_شاهيناز:: سيد سولف النا قصص الانبياء كلش احبهن
ابتسم السيد وباس راس عون
_عبد الرؤف:: ان شاءالله بس اليوم لازم نروح للحوزه جايين سادة.......
_ايليا:: سيد سادة ال..؟؟
_عبد الرؤف:: اي بابا جايين اليوم للنجف
_فقار:: هلا بيهم
كعد السيد يشاقي عون وعون يضحك بصوت
_شاهيناز:: لاسيد لاتحضن عوون بي كخه
عون من سمع شاهيناز وكف زعلان وضايج اشر على شاهيناز يحجي وياها بثكل لسان
_عون:: تحه تحه
يحجي محروك كلبه وشاهيناز والولد يغيضون بي تمشيت ب اتجاههم
_جهاد:: ولج شاهيناز انت كخه لاتحجين على ابني
_شاهيناز:: لاعمه عون ماخذ معزتنا من السيد
باوع السيد العون يضحك اخذ عون وحضنه يبوس بي عون باوع لشاهيناز يغيظها وشاهيناز سوت روحها زعلانه وكتفت ايديها
_فقار:: لاسيد مامتفقين هيج يعني هاي احنا كلنا احفداك تعز عون اكثر من عدنا؟.
باس السيد عون من راسه وباوع للكل
_عبد الرؤف:: لابابا شلون انا مافرق بينكم كلكم نفس المعزه
_ساجد:: سيد تبوس براس عون وتكول معزتكم نفس الشي
_ايليا:: ماكو واحد صريح بكد العلويه
دار ايليا على امي جانت كاعده تسبح
_ايليا:: علويه احنا لو عون
_علويه زهراء:: عون
_غضيمر:: الف رحمه على والديج حتى ماكالت نفس المعزه
عون لمسه هادئه في بيت السيد عبد الرؤف طفل هادء ولطيف كل افراد العائله متعلقه بعون الولد وين مايرحون ياخذون عون وياهم والبنات كذالك غير السيد والدي يعز عون بروحه بكل درس ب الحوزه عون اول الحاضرين
مرت الايام وعون ابني فرحه وعوض الي بوجود عون مافكرت اجبر خاطري بشخص ثاني عون جبرني وجبر روحي ونساني غدره همام ومزن
طلعت من الغرفه بيدي دشداشه عون مستغربه وين اختفى لكيت امي وابوي كاعدين ب الصاله وخلفهم عون ضام روحه بظهرهم مصلخ لابس الحفاظه بس من اجيت حصر روحه بظهر امي وابوي مايرديني اشوف تقدمت باتجاهم مستغربه اغبي نفسي ماشايفته عود
_جهاد:: تدرون عون وين؟
دارو واحد يباوع بوجهه الثاني مستغربين باوعلي السيد عاكد حواجبه
_عبد الرؤف:: لا ماندري وين راح؟
_العلويه زهراء:: ولج يمه خاف ب المصلا
_جهاد:: لا شنو دورت ب المصلا مالكيته شنو اختفى؟
هز السيد راسه مدهوش
_عبد الرؤف:: اختفى؟
_جهاد:: اي ماهو عون اختفى صار بطل خارق!!!
_العلويه زهراء:: واو بطل خارق
كتمت ضحكتي من سمعت عون يضحك والسيد يريد يسيطر على ضحكته خليت ايدي على راسي محتاره
_جهاد:: ماما عون حبيبي تعال مالبسك الدشداشه بس لاتختفي
_العلويه زهراء:: مو كتلج لاتلبسي هاي الدشداشه هسه ارتاحيتي من اختفى الولد
_عبد الرؤف:: بابا جهاد انا اليوم اشتريله دشداشه غير هاي هوا مايحبها
_جهاد:: يلا مالبسه الدشداشه بس خل يظهر مالبسه بعد
_عبد الرؤف:: اي يلا خل نغمض حتى يظهر عون من جديد
_زهراء:: يلا يلا
خليت ايدي على عيوني بحجه اني ماعرف عون ورا ظهر امي وابوي اشوفه طلع من ورا ظهرهم يركض كدامي
طفر من مكانه يسمحلي اشوف بعدت ايدي عن عيوني وباوعتله متفاجئه خليت ايدي على صدري مدهوشه
_جهاد:: عون ماما وين جنت
_عون:: باححح
حجاها وركض للغرفه مصلخ يدهرب بركضته ضحكو امي وابوي يباوعون لعون ركضت ورا عون اريد البسه الدشداشه دخلت للغرفه بيدي الدشداشه من شافني رفعت الدشداشه صرخ حاصر روحه ب الزاويه
واني اضحك علي اجاني صوت ابوي
_عبد الرؤف:: جهاد بابا مو كتلج عوفي هاي الدشداشه
فكيت عيوني اباوع لعون اخوفه ب الدشداشه وهوا يصرخ بقوه يستنجد ب السيد
_عون:: به به (بابا)
دخل السيد للغرفه وعون ركض علي يريد يبجي اخذه السيد شاله يباوعلي مصغر عيونه وعون لاف ايده حول ركبه السيد يباوعلي
_عبد الرؤف:: لاتخاف بابا ماتلبسها
_عون:: واوااا
_عبد الرؤف: تاذيك مو؟ بابا جهاد الدشداشه هاي تبز بي لاتلبسيها اله
_جهاد:: لا سيد اشاقه ويا خل يجي يلا البسه غيرها يلا تعال ماما
فتحت ايدي اخذه وهوا تخبل حاضن السيد بعد السيد عني
_عون:: مااا مااا
_عبد الرؤف:: عوفي نطيني انا البسه اخاف على حفيدي
طلع السيد من الغرفه وعون يشكي اله شلون اجيت البسه الدشداشه وكفت صافنه ب الغرفه شنو ابني نساني
مرت الايام واني اشوف ابني يكبر كدام عيوني تحت ضل السادة وتحت حنان وحب اهلي ودفو والدي عبد الرؤف دخلت للبيت والبنات خلفي
_شاهيناز:: عمه ليش مارضيتي من ام ايسر دعت على اختها؟ وهيا حجتها بدون قصد بس لان كلبها محترك
_جهاد:: الامام امير المؤمنين (ع) يقول لاتستحقرو دعوه احد فانه قد يستجاب دعاء اليهودي فيكم ولايستجاب له في نفسه ماسامعه مثل دعوه البطران مستجابه
دخلنه للبيت بعد معركه طاحنه بين ثنين خوات على شي تافهه وبسيط شفت الولد متجمعين ب الصاله فقار يقراء وهما يلطمون وعون بنصهم يلطم بتحزم
__فقار: "ادوس اعلى المنيه واهز الغاضريه"
"اصيح بصوت ارجف الموت"
"اشدن جف اديه ×2"
"انا العباس ابو النوماس ابن حيدر علي وارث صفاته"
"منار الدين ابو الحسنين اموت بموتته واحيه بحياته"
"بدر عدنان ابد ماهان اجيب الماي اجيب الماي من منبع فراته"
"حليف الزود اشيل الجود اخو و تدري الاخو يوفي لخواته"
"ارد وبكفي رايه وروي هالضمايا"
"واظل وفاي ارد بالماي اروي الفاطميه"
"ادوس اعلى المنيه واهز الغاضريه"
"اصيح بصوت ارجف الموت اشده بكف ايديا"
"انا المعروف اخوف الخوف اذا حان الحرب ترهب يميني"
"اسد ضرغام اطر الهام اموت ولا يصل واحد عريني"
"جبل مامال اذازلزال اظل ثابت ولا يهتز يقيني"
"قمر ماغاب انا الخنياب اذا عطشانه عيله و ترتجيني"
"علي تشهدها فني ابد لا مااثني"
"ضربتي بحد فلا تنصد مثل حامي الحميه"
"ادوس اعلى المنيه واهز الغاضريه"
"اصيح بصوت ارجف الموت اشده بكف ايديا"
فقار يقراء والولد يلطمون حول عون بشكل دائري وعون يدك على صدره بقوه طلع السيد من المصلا يباوع لساده مبتسم من شاف عون يطفر ب النص تمشه اله صار بنصهم شال عون يلطم ب ايده والايد الثانيه يلطم بيها
ابتسمت فرحانه بعون ابني بده يكبر كل ماشوف عون كلبي يرفرف بفرح صفنت علي شلون ابوي والساده محاوطينه وهوا فرحان بيهم انتظرت اليوم الي راح اشوفه بي عريس وافرح بي واقر عيني ب ابني عوني الي راح يعيني بكبرتي
تواريخ لاتنسى حتى بعد مرور العديد من السنوات سيضل ذكراها داخل القلوب على هيئه نغزه موجعه .......
في احدى ايام السنوات الماضيه التي قضيتها ومر مامر عليها اروي اليكم فاجعه طفلي الصغير عون
الطفل الصغير الذي كان هدف لمعصيه غيره
دخل السيد للغرفه باوعلي القلق بعيونه باوع لعون مقهور
_عبد الرؤف:: شلون صار؟
باوعت لعون مقهوره خليت ايدي على كصته
_جهاد:: ماجاي تنزل حرارته خايفه يشمر
_عبد الرؤف:: جيبي بنيتي خل ناخذه للمستشفى
_جهاد:: سيد مو اخذنا كلشي ماكو تولو بس ابر اذو
بسته من خده متوجعه لوجعه جان يون بتعب صخونته من البارحه مانزلت رغم ابد ماعرضته للبروده ماعرف ليش لزمته هل صخونه
كعد يمي السيد صافن على عون بتعب عيونه مدمعه ابتسمت بحزن
_جهاد::سيد يصير زين لاتخاف
باوعلي السيد وباوع لعون نزلت دمعه من عينه دنك يمسحها اخذت ايده المسح بيها الدمعه وبستها
_جهاد:: سيد والله مابي شي يصير زين اني امه ماخايفه بكدك
_عبد الرؤف:: اتوجع لوجعه
تحرك عون من مكانه فتحت عيونه يباوع لسيد بتعب كوا مفتح عيونه خدوده حمر وحلكه يرجف من شاف السيد ابتسم بتعب
_عون:: به به
من حجه عون عيون ابوي نترست دموع اخذه من حضني يبوس بي وعون كوا يتحرك رغم عون مو اول مره يتمرض بس هل مره حزن السيد على عون بقوه خله السيد راسه بصدر عون يبوسه بلهفه
ماعرف ليش كلبي كرصني على ابني
_جهاد:: سيد شنو شبيك خوفتني على عون
باوعلي السيد بحزن هز راسه ب لا وبقه يبوس بعون جريت حسره بخوف
_عبد الرؤف:: خلينه ناخذه للمستشفى
_جهاد:: لا سيد خلي بلكت تنزل حرارته شربته علاج وخليلته حماله هسه اسويله كمادات انتم مو عدكم محفل اليوم؟
هز السيد راسه ب اي
_عبد الرؤف:: اي بس ماراح اروح راح ابقى يم عون خلي الساده يرحون والعلويات
_جهاد:: لاسيد لا خطيه ينتضروك روح اني اضل يم عون
_عبد الرؤف:: لابابا ماروح خليني يم عون
_جهاد:: لابداعت عون عليك خطيه لاتكسر بخاطرهم روح واني اضل يم عون بس لاتتأخر
كعدت اقنع ب السيد يروح واني اضل يم عون ماعرفت اصرار السيد على كعدته بهذا اليوم بحيث ماجان رايد يعوف عون طلع من الغرفه وكل شوي يرجع يبوس عون ويحاول يضل بس اني مصره على روحته وبقائي طلع الكل من البيت بقيت اني وعون وحدنا ب البيت
نمت بصف عون امسح على ظهره واقراله ادعيه اريد
الصخونه تفكه بس هل مره الصخونه خبثت ويا ابني
ماقبلت تعوفه غمضت عيوني بتعب متوجعه لوجع عون
مامر اكثر من نص ساعه وسمعت صوت ونه عون
فتحت عيوني شفته فاتح حلكه وصدره يصعد وينزل بتعب
كمزت من مكاني خايفه يشمر من الصخونه خليت ايدي على وجهه حرارته رهيبه شلته من مكانه وركضت بي
للحمام دخلت للحمام فتحت الماي البارد نزعته ملابسه اكعد بي
_عون:: ماما
_جهاد:: ياروح امك انت بيه ولابيك الوجع وليدي
بجيت واني اشوف ابني متوجع عون قطعه من روحي لا مو قطعه!!! عون روحي بكبرها
خليته بطشت الماي فتحت عيونه من بروده الماي رافض يكعد ب الماي بقيت امسح على وجهه وابوس براسه
_جهاد:: حبيبي ماما هسه اكومك عوني بس خل تنزل حرارتك
_عون:: ما ما
يحجي بثقل لسانه واني اتحسر لوجعه شلته من الطشت انشف بجسمه طلعت من الحمام ابوس بصدره العريان
_عون:: عب عب (عيب)
ضحكت علي رغم تعبه ومرضه يستحي ابوس بصدره متعود على السيد يبدله واني عود امه يلا يلا ماشايفه شي اني دخلت للغرفه خليته على الجربايه نشفت جسمه وكعدت البسه دشداشته خفيفه ماريد اثكل علي وهوا مصخن نومته على الجربايه وطلعت من الغرفه اسويله حليب دافي
طلعت من المطبخ ماشيه ب اتجاه الغرفه وكفت بنص الصاله مستغربه من سمعت صوت دكه الباب الرئيسي استغربت منو هذا
خليت الكلاص على الطاوله وطلعت من الصاله
وكفت قريب الباب والباب مستمر يندك حجيت بصوت ناصي
_جهاد:: عفواً منو؟
اجاني صوت خشن يتحمحم
_:: انا خويه علويه ابو محمد
_جهاد:: تفضل خويه محتاج شي؟
_:: اي علويه هذن كتب دزهن السيد
استغربت السيد ليش مادز واحد من الولد؟
_جهاد:: خويه جيبهن بعدين هسه محد موجود ياخذهن منك
_:: والله علويه الكتب هواي وثكال ماكدر ارجع بيهن
احتاريت شلون لعد ماكدر افتح الباب
_جهاد:: خليهن خويه يمك الولد يجون يدخلوهن
_:: خاف يضيعن علويه موسعه برهان تفسير القرأن غاليه لاتنوخد
_جهاد:: خليهن خويه يمك اني اطلع اخذهن مشكور ماتقصر
_:: ب الخدمه علويه راح اخليهن بصف الباب لاتنسيهن اودعناكم
سمعت صوته يبتعد عن الباب رجعت دخلت جوا اخذت كلاص الحليب ودخلت للغرفه شفت عون نايم بمكانه وفاتح حلكه بتعب خليت الكلاص على الميز لبست ربطتي وفوكها العبايه طلعت من الغرفه فتحت باب الصاله وطلعت للخارج افتح باب الشارع
متوقعه محد موجود فتحت الباب شفت الكتب كدامي
توني اجر الكتب ادخلهن
صرخت مفزوعه من ندفع الباب ودخل شخص للباب دفعت الباب امنعه يدخل دفع الباب بقوه رجعت طايحه على الارض
كمت من مكاني وركضت للداخل لزمت باب الصاله اريد اسد الباب ندفع الباب ودخلو شخصين
صرخت مفزوعه من دخلتهم وكفت بنص الصاله
_جهاد:: طلعوووو براااااا منووو انتمممم
تقدم واحد ب اتجاهي يريد يلزمني واني صرخت اهدده يتقرب
_جهاد:: بعددد عنييي بعدد
_:: عمة الساده صوتج كلش عالي
حاجها ولزمني من ايدي كورت ايدي وطكيته بعينه خله ايده على عينه متوجع من ضربتي ركضت ادخل للغرفه ماحس غير نجريت من ربطتي
طاحت الربطه من راسي صرخت ابجي بخوف جرني من ايدي مكتفتني رغم اني اطول منه واضخم هوا يجرني
واني ادفع بي لزمني الثاني يجر بملابسي واني تخبلت
سوادين الدنيا كلها صارت براسي
_:: الزمهااا حيلل لك اغممظ راح تفضحنه
_جهاد:: وخررررررر والله اندمكممممم
دفعني بخاصرتني بقوه كعدت متوجعه ب الكاع اصرخ عليهم مره اتوسل يعوفوني مره اهددهم ماعرف وهما مامهتمين سمعت صوت عون طالع من الغرفه يصيحني
من سمع صوت عون كمز من مكانه يتلفت على مصدر الصوت
دخل للغرفه واني اصرخ عون ب الغرفه عون ابني دخل للغرفه حاولت اكوم ويمنعني الي لازمني بديت ابجي بخوف من طلع لازمه عون من ملابسه يجرجر بي صرخت اتوسله
_جهاد:: لاعوفه الله يخليك عوف ابنييي مريض والله
_:: عزيزز الساده
حجاها وضحك يدفع بعون وعون مدمع يريد يبجي خايف كل مايريد يتقرب ب اتجاهي يمنعه لو يدفعه فتح عون ايديه ب اتجاهي يبجي
_عون:: ماما
تربع كدامه مقوس حلكه بحزن مصطنع
_:: تريد ماما؟؟
_عون:: اييي ماما
_:: روح الماما يلا
حجاها وتركه يأشر ل اتجاهي فتحت حضني منتضره عون يجيني ركض عون ب اتجاهي بتعب يريد يحضني ماشوف غير ابني عون طايح ب الارض على اثر ضربه قويه اجته من قبل هذا الشخص خلت عون نايم ب الارض يصرخ متوجع
نهاريت ب الصريخ الطم على وجهي كلشي ولا ابني
شال عون من ملابسه من جهه ركبته بجه عون متوجع ومختنك شاله وسطره براشدي وعون يبعد عنه ويرجع يجره براشدي ثاني وعون فاحط من البجي
_:: مثل ما عبد الرؤف حرك كلبي اليوم احرك كلبه ب عزازه اريد اشوف شلون اهل البيت يشفعولكم اليوم
باوعلي عون بحزن وتعب واني اباوعله دموعي على خدي حاول يجيني وهذا يجر بي
_جهاد:: تردون تحركون كلب ابوي حركو بيه اني بتته ووحيدته كتلوني انييي وحركو كلب ابوييي بيه عوفو ابني اني يحترك كلبي علي!
_:: اليوم اريد اسوي حداد عام لساده اريدهم يبجون دم على حفيدهم وعزيز كلبهم
حجاها وطلع من جيبه سجينه من شفت السجينه نهاريت اتوسله
_جهاد:: لاااا لاااا ابني عوف ابنييي ماله ذنب صغير
_:: هوا لان صغير اريد احرك كلبكم بي سيد عبد الرؤف الجليل والمحترمممم اريد اشوفه يبجي بقهر على حفيده الصغير
وكف كدام عون وجر ركبته يباوعلي بحقد وعون يباوعلي بتعب قوس عون حلكه يتوسلي
_عون:: ماما حاف (اخاف)
_جهاد:: لاااااا عوفو ابنييي ابنييي يخاف كتلوني اني ركبتي الكم بس ابني عوفو يخاف والله خلوو عايش وكتلوني اني
شفت عون وهذا كل مايشوفه يبجي يضربه باوعت لعون اضحك احاول اسكته ضحكت بوجهه اغمض بعيوني
مسح عون دموعه يباوعلي مبتسم بحزن
_عون:: ماما
ابتسمت بحزن بين دموعي
_جهاد:: يروح امك يعيون امك يعزيز امك ياعون امك
ضحك عون يباوعلي نسيت كلشي بضحكه ابني نسيت الكل ب ضحكه عزيزي بقيت مبتسمه لضحكه ابني وهوا يمسح بدموعه ويضحك بتعب ضحكت ودموعي تارسه عيوني
_جهاد:: عون ماما
باوعلي عون واني دموعي منهمره على خدودي غمضت عيوني اريده يغمض عيونه وياي ماريده يتعب بموته ماريد يشوف السجينه
فتحت عيوني من بين دموعي شفت عون مغمض عيونه ضليت صافنه بوجهه راح ابني راح عزيزي انتهت وماتت جهاد من يوم شافت السجينه ماخذه مسارها بركبه عزيزي شفتهم بعيوني ينحرون ابني وهوا مغمض عيونه مثل الملائكه
نحرو ابني كدامي شفته فتح عيونه متوجع من حده السجينه وهوا يذبح بي بكل دم بارد وعون يحرك برجله متلوعه روحه يباوعلي باوعتله بحزن ابتسامتي مافاركتت وجهي جانت اكو صوره لاهل البيت موجوده بنص الصاله باوعت لصوره
_جهاد:: يا ابا عبدالله ابني نحرو مثل مانحرو عزيزك وصغيرك عبدالله الرضيع اخذ بيده لان ابني يخاف وحده يا ابا عبدالله لاتعوفففف ابني ابنييي راح بدون ذنبببببببب
طاح جسد ابني كدامي جسد بدون راس اخر نضراته جان يباوعلي متوسل اخفف عنه الوجع راح ابني منحور راح ابني متوجع راح ابني ومابسته قبل لايروح ابني راح عوني راح راح!!!!
"الحاضر" 2019
رفعت راسي احاول اسيطر على رجفه ايدي احاول اقنع عيوني خلص مايفيدني دموعج
بس عزيزي هذا عوني شلون مابجيله؟ مستعده ابجيله دم حبيب امه وروحها
جهاد كافي مرت سنوات حاولي تنقنعين نفسج عون ماراح يرجع!!! اي اعرف ماراح يرجع بس ماراح اخلي دمه يروح هدر اخذ بثاره لو اعرف الموضوع يكلفني حياتي راضيه
من كملت كلامي وكف دلهب مقهور فتح الباب وطلع للخارج شفت جادح مدنك راسه يفرك ب ايديه باوعتله بحزن هز راسه محتار مايعرف شيسوي
وكف النقيب جزام بعيونه الف سؤال والف حيره خله ايديه بجيبه ومشه محتار ضرب برجله الارض بقوه
_جزام:: حق ابنج يرجعلج لو اعرف الكتله ميت ومدفون ب الفتحه السابعه انبش الكبور كبر كبر واطلعه وهذا شاربي مو عليه اذا ماخليته يركع كدامج متوسل....
‼️ صور عون ب الانستا والتلي ‼️
"قدس"
مشت الايام والوضع نفسه ايامي ماشيه بين غضنفر وحياتي بين اهلي بديت اتحسن وكل التخيلات تختفي عني توقعت هاي هيه راح ارتاح من ملاحقه الارواح بس ماجنت متخيله الي راح يصير ب المستقبل راح تصير ضربه قويه
جنت كاعده ب الصاله وعمي والولد والكل مجتمع يشربون جاي ونسولف وقس متمدده على القنفه صافنه اني هاي الصفنه بالضبط احس وراها تشتيت عوائل وتدمير وتيتيم
طلعت نضال من المطبخ تصرخ
_نضال:: كاعدات الخايسات كاعدات؟؟؟
_قس:: شتردينا نوكف
_نضال::كومن لابارك الله بيجن هسه من يجي واحد ويجينه خطار شيكول البيت خايس ونسوان البيت متخمدات وكاعدات
_قس:: اكلج ترا والله دمرتي نفسيتنا انت وخطارج
_محمد:: ولجج قس!!
وكفت قس مطنكره تخصرت تباوع لنضال
_قس:: يعني اريد افهم الخطار ماعدهم شغل وعمل يكعدون يدورون وصخ البيت يعني انت شلون متخيله
جانت قسار لازمه تلفونها اخذته قس منها وخلته على اذنها جنها جاي تخابر
_قس:: هاااا خيه ام اسعد شلونج خيه شخبارج خايبه جيت خطار لنضيله لو تجين تشوفيننن وصخ البيتتت
خلت التلفون كدام وجهه مثل كانو فاتحه اتصال وتقدمت تصور ب البيت
_قس:: دتعاي خل اروايج البيت خل نسوي جوله على بيت نضال
وكفت كدام عمي محمد تصور بي هوا والولد
_قس:: شوفي هذا محمد رجل نضال
_محمد:: ولج محمد شنو؟؟
_قس:: شبيك عمو اني مو قس اني ام حمزه جاي احجي ويا ام اسعد المهم ام اسعد شوفي ام سعد شوفي حالته خطيه كاتله القهر عبالك ارمله
بقه عمي ساكت مصدوم وقس مامهتمه حصرتني الضحكه والولد دنكو يضعيون وجوهتم من عمي مايردون يضحكون ونضال متخصره تباوع لقس دفعت قس باب المطبخ ودخلت
_قس:: شوفي شوفي باع المواعين عبالكم هوايش ياكولون ويشمرون بماعينهم حقهم خيه حقهممممم ماكووو نسوان يديرين البيوتتتت عبالج نفس ونفسج
رجعت دخلت للصاله خاله الكامره بوجهنه
_قس:: وصلتج ريحه الخمه ام اسعد وصلتج؟ خيه شسالفه هوا المعطر بيش كلش يكتل روحه بلفين هسه انتم فكور جيبو كلور وغسلو البيت عبالك ريحه موته مادري ضامين جوا الدرج جلب ميت
تحجي وتلوف ب البيت واحنا نضحك ونضال كوا كاتمه ضحكتها ماتريد تضحك كعدت على القنفه خاله رجل على رجل
_قس:: خيه ام سعودي اني اكلج نسوان خايسات كلشي ماكو الله ويكلج نطيهن نوم واكل الجوله الثانيه اسويلج تصوير لغرفهن من جوه نطلع الخياسه يلا الله وياج حجيه شوي واروح لام حسن هم اخابرج
سدت الكامره وشمرت التلفون على قسار باوعت لنضال
_قس:: يعني عليج الله انتِ هيج متخيله الخطار من يجون؟ اذا هيج والله لايجون شكو وحده تعير وتضل تمسلت لاتجي حدها تكعد هنا ب الصاله وتنجب عقدتينا من سالفه الخطار شنسوي احنا نظف ويرد يتوصخ
_نضال:: والله عمي شوف السان يهو يكدرلج بعد وين بيه احجي
دخلت نضال للمطبخ وقس رجعت تمددت بمكانها هز عمي راسه ساكت مايكدر يحجي يخاف تمد السان هم
صعدت للغرفه ارتاح فرشت فراشي وشمرت روحي رايحه بسابع نومه... اخذتني النومه بحلم غريب ومرعب بطريقه مختلفه
جنت واكفه بمكان اظلم الضوه على صفحتي بس جنت لابسه اسود وشعري مفتوح واصرخ ماكدر اتحرك من مكاني شفت وحده تتقدم ب اتجاهي شكلها مرعب ويخوف شعرها مفتوح وعيونها عين وحده والثانيه ماكو بس الدم يصب لابسه اسود والدم ينزف بين رجليها تقدم بيدها قطعه بيضه متغطيه ب وشاح ابيض بس شفت القطعه البيضه صرخت اتوسل الها تنطيني ياها بس هيه ساكته وتلوف حولي بشكل دائري صارت كدامي وطاح الوشاح الابيض من فوك القطعه وطلعت جثه طفل صغير فاتح عيونه ووجه ابيض عديم الحياه
من شفته نهاريت اصرخ اتوسل الها وهيه ساكته تلوف ب الطفل حولي ابتعدت عني واني ماكدر امشي واكفه بمكاني واهمش عليها
دارت عليه وبجت
"مثل ماخذتو اعز ناسي راح اخذ اعز ناسكم"
حجتها وابتعدت عني واني واكفه بمكاني ابجي فزيت من حلمي خايفه خليت ايدي على صدري اجر النفس ماعرف شصار بيه من هل حلم
حسيتها رساله الي اعز ناسي منو؟ والطفل شنو؟
وخرت البطانيه مني وكمت من مكاني طلعت من الغرفه
مختنكه من الحلم نزلت الدرج نضال واكفه بنص الصاله تلطم وقس كدامها تضحك
ونسوان الولد متوزعات ب الصاله يبررن لنضال
_نضال:: اهججج اهججج من البيت والله اهججج
_قس:: هجي دام عمي ماموجود حتى مانلكاج
من سمعت قس ضلت ادك على راسها وقس حاصرتها الضحكه تريد تسكت ماتكدر كعدت على بايه الدرج اباوعلهن
_نضال:: ولجننن الخضره نصها ب الزباله الله لاينطيجن كون ي الخايسات
_مريم:: عمه هيه خضره ذابله شمرناها
_نضال:: ذبلتي وشمرناج كون
ضلن البنات يبررن سالفتهن ونضال ترزل بيهن تمشت لغرفتها تغلط علينه دخلت لغرفتها لازمه راسها
طفرن البنات لغرفهن واني وقس بقينه ب الصاله
باوعتلي قس وهزت ايديها
_قدس:: شبيج
ماجاوبتني وضلت ساكته كامت من مكانها دخلت للمطبخ خليت ايدي على راسي صافنه كمت من مكاني ودخلت للمطبخ شفت قس مطلعه ثلاث بتيتات وتغسل بيهن
_قدس:: اكلج قسه
_قس:: كولي
كعدت على الكرسي وهيهه تعلج بعلجها وتكشر بالبتيته
_قدس:: اكلج قس ليش ماتجين وياي لكربلاء؟
دارت تباوع عليه ماعاجبها
_قس:: وليش عيني اجي وياج شفتيني فتحت مشروعي وبده رزقي يمشي كلتي خل اسده بوجها واكلها تعاي وياي حتى ماتسترزق صدك الغدره تجيك من الاقربون
تحجي وتعوج بحلكها
_قدس:: عابت لهل خلقه اكلتيني اكل شحاجيه اني وثول جاي اكلج تعاي وياي اني استحي اروح وحدي
_قس:: اي عيني اني هم استحي بت خال عمه ولد رايحه انوب لكربلاء
_قدس:: هسه شكد حقيره انتِ غضنفر يكول اقاربه كلهم حيجون واني استحي وحدي
ضلت ساكته تكشر ب البتيتات
_قدس:: ها شكلتي
_قس:: اكلج عدنا زيت احمي البتيته
_قدس:: يازيت شبيج جاي احجي وياج
_قس:: هاي نضيله صالها سبوع تضم ببطل الزيت ماتريديني اخذ منه
كعدت تتدور ب كاونتر المطبخ واني سكتت بعد هاي شيقنعها انوب
طلعت من المطبخ صعدت لغرفتي سمعت صوت رنه تلفوني فتحت الباب بسرعه شفت المتصل غضنفر فتحت الخط اضحك
_غضنفر:: هلا ب العزيز
_قدس:: هلا بيك شلونك
_غضنفر:: زين بويه وانتِ شلونج
_قدس:: زينه الحمدلله
كعدت اسولف ويا غضنفر وهوا يحمسني لسفره كربلاء رغم اني ماريد اروح بس غضنفر هواي متحمس لجيتي وب النفس الوقت يريد التقي ويا عمته لباب مر الوقت
... سديت الاتصال من غضنفر وكعدت اكلب ب الجهاز شفت اشعار وصل من الوتساب دخلت على الوتساب شفت قس دازه رساله دخلت للكروب كروب "مجاهدات "
لحد يستغرب من اسم الكروب من راس قس حتى من سألنها على اسم الكروب كالت
_قس:: اي عيني دام احنا عايشات بهاي الدنيا يعني احنا جاي نجاهد نجاهد ب العيش نجاهد ب الحلال نجاهد حتى نوكف على اقدامنا والصمود بوجهه الظلم
_ملاك:: دمعت من قوه الكلام ومشاعره
_شاهيناز:: صالي ساعه اقره ب الرساله واصفك شهل ابداع بتنسيق الكلمات
_مهجان:: تخيلت روحي لازمه رشاشه واصيح اني المجاهده عاشت انمالج على هل ابداع
شفت قس مصوره المطبخ وكاتبه "اجاهد لاكسب لقمه الحلال" طبعا هذا الكروب قس مسويته وجامعه بي العلويات كلهن واني خواتي وقس هيه المشرفه تسد وتفتح الرسائل بكيفها بحيث ماتخلينه نسولف براحتنه حتى مره شاهيناز تعاركت وياها لان جنا نسولف وسدت الكروب اتصلت شاهيناز متحلفه بقس وقس متمدده على الفراش مامهتمه
_شاهيناز:: انتِ ماتستحين مو جاي اسولف شلون تسدين الكروب
_قس:: نعست وثول
_شاهيناز:: انت نعستي احنا مامنعساتتت
_قس:: وشنو تردني اخليجن تصيعن براحتجن وتسولفن لاعيني سوالفجن بس من اجي اني حتى الحك على الاكشن والسوالف ومايفوتني شي
طلعت ارقام البنات يكتبن ب الكروب كتبت حميده
_حميده:: اعطاكي الله اجر تعبكي ياختاه
بدت رسائل البنات وحده ورا الثانيه
_شاهيناز:: ها كروب شلونكم شخباركم شلونهن القافيات اهلا ب المجاهده قس بارك الله بيج تكافحين حتى تقطين بزعاطيطكم
دزت ملاك بصمه فتحت البصمه
_ملاك:: ها شلونجن مجاهدات مشتاقيلجن احسنتي احسنتي قس ابداع لايتكررر ولم ولن يتكررر وان شاءالله مايتكرر
ضحكت على كلام ملاك فعلا ان شاءالله مايتكرر كتبت رساله
_قدس:: هلا بنات شلونجن
شفت عاتكه تكتب دزت رسالتها وبدت الرسائل كلنا نراسل نستغل الوقت لا قس تسد الكروب
_عاتكه:: هلا كروب شلونكم هلا قسه حبيبي شلونج عاشت ايدج خوش تسممين ب الاطفال هلا قدوسه حبيبي مشتاقين
_شاهيناز:: يلا عيني يلا ماضل شي ونلتقي بعد جم يوممم
_ملاك:: اي والله بناتت متحمسه نصور حضرت الكامره
قرتت استغل الفرصه واخليهن يقنعن قس تجي وياي كتبت
_قدس:: بنات ترضنها قس ماتقبل تجي وياي تكلي مشروع قط الجهال اهم منج واني استحي اجي وحدي والبنات مايرضن يجن واذا قس ماجت اني ماجي
سمعن الرساله وبدن هجوم ب البصمات
_شاهيناز:: خاب خل تنجب شحدها ماتجي احنا صالنه سبوع نحجي ب السفره وتالي قس افندي ماتقبل
_عاتكه:: لا شنووو ماتجن صدك جذب؟ السيد يزعل والله حتى عمتي حسبتجن ويانا بعد شنو مانجي!!!
_حوراء:: لا قس على بختج يبعد اختج لعد مشروعج اهم من شوفتنا
_ملاك:: لااااااا بربجن اني متحمسه ننجمععع لاتخربين علينه قسسسس اريدد اصورر
بدن البنات رساله ورا رساله واني وياهن اتمسكن شلون ماتجي قس اني اصلا استحي وهنا وياي مو محد وياي ووحدي لاماتحمل والله شفت قس تسجل بصمه دزت البصمه فتحت البصمه اجاني صوت قس وصوت الزعاطيط يمها يتعاركون
_قس:: اولا اتشكركم لكلامكم التشجعيني للاستمرار بمسيره الطبخ فدوه اروحلجن والله ثانياً اني مره عندي اعمال خو مااعوف اعمالي منو يديريهن؟ وثالث شي ملاك الناس ب الناس والاصلع يمشط بكرعته مدري شلون المهم اي عيني جيه ماجي
سدت الكروب واختفت شكد غلطت عليها الحقيره انوب ماتخلينه نسولف طفيت التلفون وخليته بصفي ضايجه لعد اني ماروح اني استحي انوب اروح وحدي لا مستحيل والبنات مايقبلن يرحن واني ارتاح ويا قس اكثر شي لان هيه ماتستحي وماعدها حدود والعلويات يحبنها وخاصتن العلويه جهاد تحب قدس بقوه
رن جهازي شفت عاتكه تتصل رفعت الخط
_قدس:: ها عتوك
_جهاد:: هلا ماما قدوسه
_قدس:: هلا بيج علويه شلونج
_جهاد:: الحمدلله خواتج شلونهن
_قدس:: الحمدلله يسلمن عليج
_جهاد:: الحمدلله شنو هاي يكولون ماتردن تجن؟
_قدس:: والله علويه اي اني استحي وحدي والبنات يستحن هم مايرضن يجن ف ماشوف نفسي اكدر اجي
_جهاد:: ماكو هيج حجي قس وين؟
كمت من مكاني ودخلت للمطبخ شفت قس كاعده تحسب ب مجموعه ارباعه والجهال كدامها ياكلون خوش عرفت تقطهم فتحت السبيكر واشرلتها باوعتلي مستغربه
_قس:: منو!
_قدس:: العلويه جهاد
اخذت التلفون مني تسلم على العلويه
_جهاد:: يكولون ماتردين تجين؟
_قس:: ها لا منو كال
_جهاد:: البنات كالن ليش ماتردين قس مو مشتاقيلج والبنات يردنج وياهن
_قس:: مو علويه والله يعني هل جم يوم مشغوله
_جهاد:؛ مشغوله بشنو؟
_قس:: اعمال علويه اعمال
_جهاد:: ياعمري استلمتي مفتاح الشركه مو!
ضحكت اباوع لقس باوعتلي قس بغرور
_قس؛؛ علويه لاتكسرين بواهسي
_جهاد:: ماكسر بواهسج ماما بس انتِ لاتكسرين بواهس البنات
_قس:: ابيع عليهن ثكل علويه
_جهاد:: لعد اذا تبيعين ثكل عليهن خل اكلج بعد جم يوم يجي غضنفر ياخذجن لنجف البارحه السيد خابر عمج واتفقنه واريدج موجوده مفهوم!!!
غمضت قس عيونها واني فرحت خلص العلويه ختفت الموضوع يعني قس مجبوره تروح سواء رضت او مارضت...
"عاتكه"
نزلت اركض للمصلا فتحت باب المصلا ودخلت ادور بين الرفوف ابتسمت فرحانه من شفته بين الرفوف اخذته وطلعت اركض اريد اطلع نفتح الباب وصار بوجهي السيد يريد يدخل ماسيطرت على نفسي ونردمت بي
_عبد الرؤف:: الله الله بنيتي شبيج تركضين
_عاتكه:: اسفه سيد ماشفتك
_عبد الرؤف:: لا بنيتي عليمن تعتذرين خو ماتأذيتي؟
_عاتكه:: لا سيد لا مابيه شي
ابتعد عن طريقي يسمحلي اطلع
_عبد الرؤف:: انتبهي لاتركضين
_عاتكه:: اي سيدد
طلعت من المصلا اتمشه على كيف ماريد ارجع انركع العجله من الشيطان اهدي عاتكه عوفي الحماس هسه
مشيت اريد اصعد الدرج طلعت عمتي من الغرفه لابسه عباتها ملامحها مكلوبه عمتي هل كم يوم ابد مو على بعضها تطلع ويا جادح وترجع بس من ترجع وضعها متخربط حتى صارت ماتكعد يمنه ودوم ضايجه وتنافخ
صرت كدامها مستغربه
_عاتكه:: ها عمه طالعه
_جهاد:: اييي
حجتها ومشت عايفتني صعدت الدرج ساكته دخلت لغرفتي خليت الكتاب على الجربايه ورجعت ارتب ب الجنطه خليت الملابس والمستلزمات الاحتاجها كعدت على الجربايه بعد ماكملت ترتيب الجنطه
اخذت الكتاب جان مثل دفتر المذكرات الجلد جوزي غامق ملمسه خشن ثقيل بدون نقش فتحته اوراقه ساده بدون تخطيط لونهن حليبي فاتح دفتر قديم اسجل بي يومياتي وذكرياتي الحدث المهم اكتبه بهذا الدفتر
خليته ب الجنطه اخذه وياي
طلعت من الغرفه نزلت الدرج اشوف الكل بده يتجهز ويتحضر كعدت على القنفه تعبانه العلويه جمعتنا كلنا الصبح وخلتنه نشطف البيت والغرف كلها دام سفرتنا مطوله
سمعت صوت شاهيناز ادردم على البنات دخلت للصاله بيدها الجنطه شمرتها على القنفه وكعدت يمي ماعاجبها دخلن البنات وراها حميده وحوراء يتناكرن نزلت مهجان من الدرج بيدها العبايه مطنكره
_مهجان:: عبايتي نشكتتت
نزلت من الدرج شايله العبايه بيدها تريد تبجي هزت شاهيناز ايدها ضايجه
_شاهيناز:: اني ماروح تراا خل اكلكم حتى الجنطه حضرتها كفيان شر
مرت مهجان من يمنه تلطم
_مهجان:: عباتيييي انشكتتتت
وكفن حوراء وحميده بنص الصاله يتصايحن وحميده حاطه صبعها بوجه حوراء تصيح
_حميده:: كتلج لاتلحينننن على الرمز يتفرمت ارتايحيتي هسه؟؟؟
_حوراء:: انييييي ويننن ادرييي مو كتلج علميني الرمز
نفتح باب المصلا وطلع ساجد ضايج يهز ب ايديه ماعاجبه طلع ورا ايليا يصيح
_ايليا:؛ تخسرهاااا هسه تجيب وحده جديده
_ساجد:: روح بابا هيه غير عطلانه يريديني اجيب جديده روح استغل غيري
شفت مفرقد نزل الدرج عاكد حواجبه وضايج شاف ايليا واكف يتعارك ويا ساجد على السماعه
_مفرقد:؛ تعال تعال ليش كاسر الساعه؟؟
_ايليا:: ياساعه؟؟؟
_مفرقد:: الساعه السوده العرفتك بيها ولك ساعتي الشتريتها شلون لابسها وشامرها ورا الميز؟
_ايليا:: هاااا لاهذا مو انا هذا غضيمر
دخل غضيمر من المطبخ بيده خياره يكرط بيدها
_غضيمر:: احجي؟؟
_ايليا:: سد حلكك ب الخياره واسكت
ضليت خاله ايدي على راسي راح ينفجر كل شوي طالعين بسالفه بحيث واحد ورا واحد يتصايحون نفتح باب المصلا طلع السيد مستغرب
_عبد الرؤف:: شبيكم بابا
تقدمت مهجان لسيد العبايه بيدها
_مهجان:: سيد عباتي نشكت
اخذ السيد العبايه من ايديها يشوف الشك صاير من النص
_عبد الرؤف:: هاي شلون نشكت
_مهجان:: جاي افتح الكفه ب الموس واخذتني ايدي ونشكت
_عبد الرؤف:: ولايهمج مهوجه بعدين اخذج نشرتي جديده
_مهجان:: صدك سيد شكرااااا
حضنت السيد فرحانه تضحك والسيد مبتسم يطبطب على ضهرها قوست حميده حلكها وتمشت للسيد
_حميده:: سيد شوف تلفوني
_عبد الرؤف:: شبي
_حميده:: سيد جنت احضر ملابسي وحوراء لحت على الرمز ونطفه من شعلته خليت الرمز يكول الرقم غير صحيح
اخذ السيد التلفون من ايدها باوعله وخلاه بجيبه
_عبد الرؤف:: انا بعدين اخذه للمصلح يشوفه
ضحكت حميده فرحانه باوع السيد لشاهيناز شافها كاعده مطنكره
_عبد الرؤف:: شهوده شبيها
_شاهيناز:: سيد ضايجه
_عبد الرؤف:: ليش بنيتي منو مضوجج
_شاهيناز:: محد سيد اليوم كعدت ضايجه
_عبد الرؤف:: نحلها ليش لا جهزن رواحتجن بعدين قبل لانطلع لكربلاء نروح نزور مرقد الامام علي (ع) نغير من نفسيتجن
تونسنا مو لان راح نروح نزور لان احنا كل يوم نزور من نروح للحوزه بس لان السيد يحاول يسعدنا ويغير نفسيتنا رجع دخل السيد للمصلا والولد طلعو من البيت كعدنا اني والبنات ب الصاله وحده صافنه بوجهه الثانيه
_شاهيناز:: اكلجن نسوي ختمه؟
_حميده:: اي صدك خل نسوي ختمه اليوم
_حوراء:: اني الجزء 30 من هسه
_مهجان:: لا بكيفج اني اخذ هذا الجزء
_شاهيناز:: اني اخذ الجزء 28 و 29
_عاتكه:: اني الجزء الاول والثاني والثالث احب سورة البقره
كعدنا نوزع الاجزاء بينه وننطي لكل واحد جزه موضوع يومي بينه نلتم كلنا ونختم القرأن ونهدي الختمه لموتانه والشهداء وموته المؤمنين والمؤمنات جميعاً والذي لم يذكرهم ذاكر والموته المنسيين تذكرت السيد من يكول
_عبد الرؤف:: الميت ينتضر كل شي من اهله لان الميت ينقهر من يشوف غيره يرتفع درجه درجه يشوف فلان ارتفع درجتين لان بنته وابنه وحفيده وحفيدته قرو اله سوره الفاتحه ووزعو ثواب لروحه! وهذا خطيه واكف بمكانه محد من اهله ذاكره؟ اليوم من اقره سوره الفاتحه واهدي ثوابها لابوي يجي جبرائيل ويا سرب من الملائكه ياخذ ثواب الفاتحه مني بطبق من ذهب ويروح لوالدي يكله هاي من ابنك عبد الرؤف تتخيلون شكد فرحته وتخيلو نضرات البقيه الي محد ذكره بيوم
_عاتكه:: زين سيد احنا شنو دورنا؟
_عبد الرؤف:: دورنا نذكر الموته ويانا مثل اهدي ثواب الفاتحه لوالدي وللمؤمنين والمؤمنات والذي لم يذكرهم ذاكر حتى باجر الله يسلط انسان يهدينه الفاتحه خاف هم ننسي!!!
كسر صفنتي صوت طرق الباب صحت من مكاني
_عاتكه:: منوو
_غضنفر:: انا خويه انا غضنفر
عدلنه كعدتنا اني والبنات ووكفت
_عاتكه:: تفضل خويه
نفتح الباب ودخل غضنفر مدنك رافع راسه باوعلي اني والبنات وابتسم بهدوء
_غضنفر:: شلونجن علويات
_شاهيناز:: الحمدلله سيد
_غضنفر:: الحمدلله السيد موجود؟
_عاتكه:: اي موجود ب المصلا
هز راسه ب اي وتقدم للباب المصلا دك الباب سمع صوت السيد يسمح اله يدخل فتح الباب ودخل ابتسمت غضنفر هواي محترم وحباب حتى جادح وغل رغم قصر مده التعارف بينه وبينهم بس معاملتهم النا لطيفه ومحترمه بشكل
تمشيت للمطبخ احضر الضيافه من كملت اخذت الصينيه وطلعت من المطبخ تمشيت للمطبخ دكيت باب المصلا اجاني صوت السيد يسمحلي ادخل
دخلت جان السيد كاعد وغضنفر كدامه من شافني غضنفر وكف ياخذ الصينيه مني
_غضنفر:: مشكور خويه تعبناج
_عاتكه:: ب العافيه سيد
درت اريد اطلع من المصلا ...سمعت السيد جر حسره بقوه محتار التفتت على السيد شفته صافن وغضنفر كدامه مدنك طلعت من المصلا مستغربه
مر الوقت وغضنفر طلع من البيت خلص وقتنا بين التنظيف والتجهيز خابرتنا قس وكالت غضنفر اجاهم وهما ب الطريق لنجف
بيدنا نحضر ب العشه الكل التم عمامي ونسوان عمامي واحفاد السيد كلها اجت كاعدين ب الصاله وقسم ب المصلا وعمتي بغرفتها من رجعت لهسه ماطلعت من غرفتها
دخلن قس وقدس ووغضنفر وراهن تقدمنا اني والبنات فرحانات بدخلتهن حضنت قدس وهيه تضحك
_عاتكه::هلااااا هلاااا
_قدس:: ههههههه مشاقتلج
_عاتكه:: اني اكثرر والله ها قس شلونج
باوعت لقس مطنكره ضحكت قدس تباوع لقس جريناها نبوسها ندري بيها جايه ب التهديد التمينه ويا البنات نسولف ونضحك وقس كل شوي تصيح عفت مشاريعي واجيت صبينه العشه والكل بده ياكل
خلصنه العشه وكلنا صعدنا ب غرفتي تجمعنا حتى انام
ثاني يوم كعدنا لصلاه اليل صلينه ورجعنا نمنا كعدنا قريب ال 9 نحضر لطلعتنا
نزلت اشوف عمتي واكفه ب الصاله لابسه عباتها صافنه من نزلت كامت انطتني علم نصعد بسياره فقار
نزلن البنات كلهن متجهزات للطلعه
وكفت قدس تسد بعباتها سمعنا صوت غضنفر دخل للصاله وكف كدام قدس
_غضنفر:: قدس بويه تصعدين وياي ب السياره
_قدس:: هاا ليش مو ويا البنات
_غضنفر:: لابسيارتي
_قدس:: تمام
طلعنه من البيت وقس ضايجه شلون قدس راحت ويا غضنفر وعافتها وحدها جرتها شاهيناز من يايختها
_شاهيناز:: خايبه دتعاي تطفرين منا ومناك
_قس':ولج شفتيها شفتيها؟؟ عافتني وراحت ويا غضنفر
جرجناها للسياره ب الكوا وهيه مطنكره وحالفه على قدس صعد فقار وعمتي بصفه جان شاد غتره سوده ومنقشه ب لون الاحمر حرك السياره وهوا يفتح تلفونه رفع صوت مسجل السياره يدندن ويا باسم
جان صوت فقار اعلى من صوت باسم شغل قصيده "جداه" جان فقار لابس مثل لبس باسم الكربلائي ب القصيده
_فقار:" جداه ناديت انا الاكبر"
"جداه والصبح اذا اسفر"
جداه سيف ابنك ان زمجر"
"فسيخطب في العسكر والطف له منبر جداه"
فقار يحجي ويا القارء واحنا نحجي بخفه ورا وعمتي تهز براسها حيل احب كلمات القصيده
جانت سيارتنا تمشي وسط السيارات البقيه وسياره السيد كدامنا والولد خلفنه مر الوقت والكل ساكت بس السياره تتحرك البنات كلمن ضاربتلها صفنه قس وشاهيناز وحده شامره حيلها على الثانيه وصافنات يباوعن من الجامه
مرت سياره غضنفر من يمنه شفت قدس تحجي ويا غضنفر وهوا مبتسم يهز براسه مندمجين ابتسمت
شكلهم حلو سوا رغم خجل قدس بس غضنفر عرف
يحسب الخجل ويخليها تتأقلم بسرعه......
دخلنه محافظه كربلاء شفت لافتت الترحيب كملنا دربنا لبيت السيد معز.... الطريق جان طويل ومتعب دخلنه لدرب بيت السيد معز جان قريب على درب الامام الحسين على مسافه دخلنه لفرع بيت السيد سياره خلف سياره.... صفت السياره كدام بيت السيد معز نزل فقار من السياره وعمتي نزلت ورا فتحت شاهيناز الباب ونزلت واحنا وراها شفنه السيد معز واكف كدام الباب مبتسم بفرح جانت سياره ايليا واكفه كدام سيارتنا نزل السيد عبد الرؤف من السياره لف عباته وضحك تقدم لسيد معز وتحاضنو تقدمنه نسلم بوسنه السيد على راسنا وهوا يهلي بينه
_السيد معز:: هلا ب احباب النجف هلا بريحه امير المؤمنين
درت على قس شفتها واكفه بصف السياره تباوع مستحيه تتقدم جريتها من ايدها ووكفتها قريبه مني دار السيد معز على قس ابتسم ودنك سلمت قس على السيد وهوا رد بترحيب اشرلنا للبيت ندخل
_السيد معز:: يلا بويه ليش واكفين تفضلو نورو داركم
دخلنه للبيت والساده يحجون سوا صارنن كدامنا العلويات زوجت السيد معز وبناته وحفدياته ونسوان ولده واكفات ينتظرنا ندخل من دخلنه تقدمن يرحبن بينه صار البوس بلاش وين مالوف تجيني بوسه اشرلنا دخلنه للداخل
وقس ادردم على قدس مستحيه من الوضع مامتعوده كل شوي وحده ساحبه وجهه تبوسه وترحب بيها دخلنه لصاله نفتح باب الغرفه شفت البنات حفيدات السيد عبد المقتدر طلعن من الغرفه يضحكن تقدمن ب اتجاهنا فرحانات
_ملاك:: لك هلا هلا
تحاضنه نضحك قس من شافات ملاك بسرعه نست التوتر صارن يطفرن شلون ثنين وشاهيناز ثالثتهم ومهجان وياهن كعدنا والكل التم ب الصاله كل شله ملتمين سوا
_العلويه زهراء:: شنو لباب ماوصلو بعد؟
_العلويه شيماء:: اي والله خيه بعدهم ماضل شي على وصلتهم
ضربت ملاك قس على رجلها تضحك
_ملاك:: شنو عفتي مشاريعج وجيتي شعجب
_قس:: اي والله بعد العلويه جهاد خابرتني كالت السفره متحله بدونج
_شاهيناز:: اي وبينه تملح الجيه مو
_قس:: اني شعلي؟ غير العلويه جهاد كالت
رجعت راسي على القنفه تعبانه مانايمه هواي وعيوني ينسدن وحدهن كعدن البنات يسولفن واني ساكته اتثاوب درت اباوع لعمتي صافنه تعصر ب ايديها مهمومه دارت العلويه شريفه تحجي ويا عمتي وعمتي فاصله ماتسمعها
صاحت العلويه بيها بقوه كمزت عمتي مستغربه دارت على العلويه
_جهاد:: ها علويه وياي؟
_العلويه شريفه:: ولج يمه وين صافنه صالي ساعه اصيحج
_جهاد:: عذريني والله مامنتبهه
_العلويه شريفه:: لايمه معذوره عود جنت اكلج ماضل شي لمحرم وينفتح درب المشايه ونفتح موكبنه وبيوتنا هاي السنه ويانا ان شاءالله انتِ
صفنت مبتسمه فعلا ماضل شي لمحرم وتبدي اجواء المواكب كل سنه بمحرم نجتمع ب الحله ببيت السيد عبد المقتدر على طريق المشايه اجمل الايام واحلاهن
كامن البنات وكمت وياهن دخلنه للغرفه جانت خاصه ب الضيوف واحنا دوم بكل جيه لكربلاء نكعد بهاي الغرفه نزعت العبايه والنقاب جريت بطانيه ومخده من النضده وتمددت ب الزاويه ارتاح
غفيت فاصله عن الواقع من التعب بسرعه نمت....
فتحت عيوني بتعب شفت البنات متمددات وحده بصف الثانيه كعدت على حيلي استوعب نومتي كمت من مكاني جريت الربطه فركت وجهي ولبستها فتحت باب الغرفه مديت راسي الصاله فارغه محد موجود
طلعت من الغرفه لازمه الربطه بيدي شفت عمتي والبنات متجمعات ب المطبخ من دخلت باوعتلي عمتي
_جهاد:: ها كعدن البنات؟
_عاتكه:: لاعمه بس اني
_جهاد:: روحي كعديهن حتى نطلع فقار راح يجي
_عاتكه:: ان شاءالله
طلعت من المطبخ جسمي تعبان كوا امشي دخلت للغرفه شفت البنات وحده نايمه فوك الثانيه بتعب
شعلت الضوه اباوعلهن
_عاتكه:: كومنننن بناتتتتت
_قس:: طفي الضوه لااطفي شمعه شبابج
_عاتكه:: ثثول عمتي تكول كومن
نامت متجاهله كلام شفت كاسه ماي محطوطه على الميز متروسه للعين اخذتها وكعدت اشمر بوجوه البنات وهنا يتصايحن ويغطن بوجهن
واني اجر ب البطانيات
_شاهيناز:: كعدنااااااا رحمينهه
_عاتكه:: اي عفيه يلا يلا نشاط خانم
بباوعلي صفح ماعاجبهن كامن من مكانهن الي طلعت تغسل والي كعدت تشيل ب الفراش واني مشرفه فوك روسهن سون هيج عوفن هذا ودن ذاك
_قس:: عاتكه راح الفج ب الفراش واشمرج بنص النضيده لامن شاف ولامن دره
سكتت من شفتهن عصبن طلعنه من الغرفه صبو الغده واحنا تجمعنا ناكل انطتنا عمتي علم فقار راح يوصل يودينا نزور وفعلا بدينه نتجهز اقل النص ساعه ووصل فقار كلنا صعدنا ب السياره طالع بينه
نزلنه من السياره ودعت عمتي فقار ومشت مشينه ورا عمتي نتمشه ب السوك اليدخل
شفت مرقد الامام كدامنا ابتسمت مرتاحه شعور الراحه بهل مكان فضيع تقدمت عمتي كدامنا ايديها ترجف تمشت للمرقد عمتي ضخمه وجبيره ماتعبت بسرعه لزمت المرقد تشهك وتبجي تقدمنه اني والبنات للمرقد بشوق ولهفه
لزمت المرقد غمضت عيوني اشتم ريحه طيبه ب المرقد
بقيت واكفه بمكاني وادعي ماخليت واحد مادعيلته من صغيرنا لجبيرنا الامام الحسين اقرب امام الي احسه حنين بطريقه مختلفه خجلي وحبي لامام الحسين يختلف رغم اني احب المعصوين كلهن بس حبي للامام الحسين مختلف انضرب براسي ب الرشيه على الخفيف
_:: يلا زياره تحركي
بست المرقد وابتعدت اسمح للنساء تزور بقيت صافنه على المرقد ساكته بس صافنه على جماليه المرقد والسكينه الموجوده بداخل هذا المكان درت على صوت صياح بين عراقيه وايراينه يتعاركن والله تعقدت من الايرانيات من اخر مره نكتلت ب المرقد وندافيت من يومها ماحتكيت بعد ب ايرانيه ماعدهم تفاهم كبل يسطرن
جانن البنات قس وشاهيناز وملاك ومهجان وحده واكفه بصف الثانيه على المرقد يدعن من سمعن صوت الصياح رفعن روسهن من المرقد يباوعون للعركه صاحت العراقيه
_:: خاله الله اكبرررر مايخلينه نزور امهات الثوم
صاحت بيها الايرانيه بكلام غير مفهوم ضحكت مهجان فاهمه كلامها وعمتي دنكت بدت الصياح بين الاثنين وخادمات العبته يفاكننن بيهن مشت عمتي كدامنا وصاحت بينه نمشي نصلي بس وين منو مركز شاهيناز وقس وحده لازمه ب الثانيه ومركزات ويا العركه
دارت عمتي علينه وصاحت بيهن مشن وهنا يتلفتن على العركه حجت قس تهز براسها
_قس:: الله لايشغلنه بغيرنا
_شاهيناز:: اي والله
باوعتلهن عمتي صفح وهنا خلن تربهن يصلن تجمعنه نصلي ركعتين خلصت الصلاه وقريت زيارة عاشوراء ودعاء علقمه قريت زيارة الامام الحسين وكعدت اسبح انتجيت اباوع للمرقد ماكو اجمل من زياره هل مكان
كعدن شاهيناز وقس ناصبات على وحده ايرانيه وعمتي تخزر بيهن تريدهن ينسحبن بس ماكو ابد اشرت قس على نفسها تحجي ويا الايرانيه
_قس:: خانم محروسج الكاعده كدامج عندي مطعم مشهور ب الديوانية
هزت الايرانيه راسها بتعجب مادري هيه فاهمه عليهن لو تردين بس تفتك منهن؟ باوعت شاهيناز لقس بعين ونص
_شاهيناز:: كاعده بمرقد الامام وتجذبين
_قس:: يااا ليش اجذب؟ ترا صدك عندي مطعم بس يعني هوا الزبائن بس زعاطيطنه تردين اكلج شنو اسم المطعم خاف تجين للديوانيه؟
هزت الايرانيه راسها اي مافاهمه شي من كلام قس تربعت قس كدامها تباوعلها بغرور
_قس:: اسمه مطعم لقمه واحده
_ملاك:: هيه من بعد هل لقمه ماتكرر الثانيه كبل للموت
_شاهيناز:: لقمه واحده وتلعب نفسج بعد من القمه الثانيه
_مهجان:: هسه اني مامجبربه مطعم لقمه واحده وماتمنى اجربه اصلا
باوعتلهن قس رافعه حواجبها اوالايرانيه صافنه
_قس:: شوف الغيره تلفح من القلوب
_شاهيناز:: اليحجي الصدك يغار
_قس:: معليج بيها خانم اذا تردين تسألين عليه ب المنطقه بس تدخلين حدود الديوانيه سألي على مطعمي وكلها تدليج
باوعتلها ملاك تهز ب ايدهها
_ملاكك:: قس لتقفيص
الايرانيه صافنه على البنات وهدنا يداهرن وقس تحجيلها على الاكلات التقدمها ب المطعم بدون ذكر الوصفات خوفن تاخذ الوصفات وتفتح بيهن مطعم بعد تعرفون قس وصفاتها مامطروقه
كامت عمتي من مكانها واشرتلنا نكوم كامن البنات يودعن ب الايرانيه
_قس:: خانم لاتكطعينه هم زورينه
اشرلتها الايرانيه ب اوكي احسها ناصبه على البنات وتضحك عليهن طلعنه نتمشه للخارج جنت امشي كدامهن ورا عمتي وهنا ورانا طلعنه للخارج اباوع للناس اعداد هائله ناس تدخل وناس تطلع دارت عمتي علينه تأشرلنا نمشي عكدت عمتي حواجبها مستغربه
_جهاد:: قس وشاهيناز وين؟
التفتت اشوفهن ماموجودات ضلينه نتلفت ب الوجوه رجعنا من المكان الاجينه منه ندور عليهن اختفن؟.؟
"شاهيناز"
طلعنا انا والبنات خارج المرقد جنت لازمه قس بيدي سمعت صوت الصياح بين ثنين التفتت واشوف الايرانيه نفسها والعراقيه كاعدات يتعاركن بقينا انا وقس صافنات عليهن وشلون يتعاركن وامهات العتبه يفاككن بيناتهن فعلا الله لا يشغلنا بهموم غيرنا
_قس:: والله عمي العراقيه دمها حار
_شاهيناز:: دمشي امشي لاعمتي تكتلنا بدالهن
التفتنا نضحك صفنت البنات ماكو التفتت ادور عليهن اني وقس
_قس:: شنو وين راحن؟
_شاهيناز:: تعاي خل نطلع خاف مشن كدامنا
طلعنا اني وقس للخارج نتلفت بين الناس ندور على البنات وعمتي ما الهن اثر كلش درت على قس
_شاهيناز:: ولج ماهن؟
_قس:: امشي نروح للامانات نلتقي بيهن هناك
مشينه اني وقس للامانات واحنا بعدنا ندور بين الوجوه شفت طفل صغير واكف بنص الناس خال ايده بحلكه يبجي باوعتله مقهوره خطيه بس لاضاع من اهله
كملنه طريقنه كدام وحده لازمه بيد الثاني
مرن من يمنا مجموعه نسوان وجوهتهن مخطوفه صاحت واحده من عندهن روحي شوفي هناك بلكت تلكينه
بسرعه طخت براسي جاي يحجن على الطفل الصغير
لزمت ايد قس ورجعت من الطريق الاجينه منه رجعت للمكان الي جان الطفل واكف بي ما لكيته موجود استغربت وين راح هذا الطفل حتى ما مر دقيقه استوى جان هنا كعدنا اني وقس ندور بين الناس على الطفل مشيت كدام مقهوره علي طفل صغير مايفهم شي زين منه يعرف اسمه اريد ارجعه لامه بقيت ارجع للخلف اتلفت بين الوجوه على الطفل انا وقس
_قس:: وين راح هذا؟ توا هنا
_شاهيناز:: شفتي شلون يبجي
_قس:: خايب دعبول ويننكك
طكتنا الغيره على الجاهل واحنا نغطس بين الناس نريد نلكه هل الطفل ماهو فص ملح وذاب شفت مجموعه ايرانيات كاعدات على البايات ياكلن بسكت مالح رحت يمهن
_شاهيناز:: خانم هم شايفتلج جاهل مر منا؟
_قس:: خطيه الخانم فهمتج
باوعتلها صدك وين تفهمني وحده من الايرانيات تاشر النه ما فاهمه اشرلتها قس بايدها طفل صغير والايرانيات صافنات بوجوهتنا وقس حالفه عليهن طفل صغير خلت قس ايدها على وجهها تمثل البكاء مثل حركه الطفل من جان يبجي الايرانيات واحده باوعت بوجه الثانيه وصاحن مثل الكفنها اشرن النا على جهه المطاعم اشرت الايرانيه على ملابسها تمثل الون الاسود صحنه اني وقس نهز براسنا جانت تقصد لابسه اسود وفعلا الطفل لابس دشداشه سوده
اخذت قس ورحنا ب اتجاه المطاعم وقس تسأل ب الناس واني اسحب بيها شفنه رجال جبير واكف كدام محل يحسب بخرز السبحه باوعتله قس
_قس:: السلام عليكم حجي شلونك
_:: هلا بويه هلا عليكم السلام تفضلن بنياتي
_قس:: حجي عدنا جاهل ضايع من سألنا كالو اجه من هل صفحه
_:: اهااا لابس دشداشه سوده؟
_قس:: الف رحمه على والديك هوا هذا مدعبل جنه خرزه
ضحك الحجي واشرلنا لداخل الفرع
_:: هناك بويه الله لايجذبني بس قبل شوي مر منا جاهل صغير هم لابس اسود
_قس:: مشكور حجي
جرتني لداخل السوك واني لازمه كلبي انوب تذكرت عمتي والبنات ياربي شلون سالفه هاي دخلنه وقس تمشي كدامي تسأل ب الكبار وكل مره نغوص اكثر بداخل السوك شفنا مجموعه نساء عراقيات متجمعات ياكل
_قس:: السلام عليكم
دارن يباوعن علينه ردن السلام وقس وكفت كدامهن
_قس:: بلا زحمه هم شفتن جاهل صغير مر منا؟
رفعن كلهن حواجبهن مصدومات بفرح
_:: ايييي قبل شوي مر منا جاهل يبجي لابس اسود مو!
_قس:: هواا هذا
كامن ثنين من البنات اشرلنا نمشي وراهن مشينه وراهن يحجن
_:: خطيه قبل شوي مر من يمنا يبجي مفرفح
دخلنه بفرع ضيك اشرن البنات بفرح
_:: هذا هذاااا
باوعتله واكف يباوع لناس مفرفح من البجي ركضت علي قس تمسح بدموعه وهوا يكلها ماما ويبجي
_قس:: ولك دعيبل اني بدالك ازعل منهم شنو ينسوني وابجي عليهم
_شاهيناز:: جيبيي قس خل نرجعه بسرعههه
شالته واجت يمي تمشي تشكرنا من البنات وطلعنه نمشي خارج السوك والولد يبجي عباله راح نخطفه
مرينه من يم الرجال الجبير ابتسم من شافنا شايلات الجاهل طلعنه من السوك نسرع بمشينه يارب انوب تذكرت عمتي والبنات
دخلنه للصحن نتلفت بين الناس انوب وين نلكه اهله هسه كعدنا ندور على النسوان اختفن
جاي نسأل اهل العتبه على المنادات وانصدمنا اني وقس وحده تباوع بوجهه الثانيه من ذاعو اسمنه ب المنادات
_"على الزائره قس علي وعلى الزائره شاهيناز منتظر التوجه الى مركز المنادات والدتكم ب الانتظار"
بقينه وحده صافنه بوجه الثانيه مامستوعبات اسمائنا هاي لو جاي نتخيل رجعو كررور المنادات مره ثانيه واحنا على صدمتنا باوعتلي قس مصدومه
_قس:: انفضحنااااا كلها عرفتتت بينا
لزمت قس من ايدها هيه والطفل اريد ابجي من الفشله والمنادات كل شوي يكرر ب اسمائنا بحيث الناس كلها سمعت قس وشاهيناز ضايعات
سألنا اهل العتبه على المنادات ودلونا
ركضنا ب اتجاه المنادات
_قس:: ولجججج
درت عليها مستغربه اشرتلي على مجموعه نسوان ضحكت فرحانه مشينه ب اتجاههن شفناهن يبجن ماشيات ب اتجاهه المنادات صاحت عليهن قس دارن ب اتجاهنا من شافن الطفر كمزن بفرح
_قس:: هاج حبوبه هذا دعبولكم
حضنته تبوس بي وتبجي تعاتبه شلون ضاع باوعلنه يتشكرن بينه ويبوسن رجع تكرر اسمنا ب الاذاعه جريت قس وركضنا للمنادات شفت عمتي والبنات واكفات يدورون ب الوجهه من شافنا من بعيد خزرتنا عمتي وهزت براسها متحلفه بينا
دنكنا اني وقس تمشي بخوف لعمتي تقدمت عمتي والبنات ب اتجاهنا خارزتنا
_جهاد:: وين جنتنن!!!!!
_قس:: علويه بداعتي خل نبررر
_جهاد:: امشن كدامي عود اشوف تبريراتجن
دنكنا اني وقس ومشينه ورا عمتي والبنات وكفنا جوا المروحات اشرتلنا نكعد
_جهاد:: كلن خل اخابر جادح
كعدنا اني والبنات وعمتي واكفه قريب علينه تتصل على جادح
_عاتكه:: وين جنتن صدك جذب
_مهجان:؛ عمتي تخبلت عليجن حتى اتصلت على جادح راح يجي
_شاهيناز:: جادح؟؟؟
_ملاك:: اي غير صالجن فوك الساعه ونص ماكو
تربعت قس تسولفهن على الطفل والبنات مندمجات ويانا رفعت راسي شفت شخص واكف على مسافه يباوعلنه
جان طوله وسط وجسمه لاضعيف ولاسمين لحيته كثيفه محدده لابس نضاره وواكف كدامنا يباوع علينه
كل شوي يتقدم ويرجع يبتعد
استغربت من نضراته حسيته يريد يجي يحجي ويانا وب النفس الوقت رافض
_ملاك:: شبي هذا صافن هيج؟
_شاهيناز:: مادري انتبهت علي يريد يحجي ويانا
تقدم ب اتجاهنا يباوع لعمتي صار قريب علينه عمتي جانت دايره وجهه تخابر بجادح غمض عيونه يغمز
انصدمت من حركته شلون يغمض بعيونه يباوعلنه ويباوع لعمتي هزت قس ايديها تباوعله حجت بصوت تسمعه
_قس:: هم اعمص وهم يغمز ربييي الك بيها اراده فوك مااعمص يغمز لو نضره كامل شيسوي
باوعلنه مصدوم وقس تباوعله وتخزر
دنكنا اني والبنات نتلفت نريد نضيع نضراته عنا الولد تقدم ب اتجاهنا اكثر قس من شافته كمزت
_قس:: خيررر خويه شبيك متيهه؟؟
سكتت يريد يعتذر دارت عمتي ب اتجاهنا مستغربه من شاف عمتي ابتسم بفرح وعمتي من شافتهه ضحكت فرحانه تقدم ب اتجاه عمتي فرحان
_جهاد:: معراج!!
_معراج:: هلا بعمه الساده
ضحكت عمتي فرحانه
_جهاد:: يمتى وصلتو
_معراج:: ماصالنه هواي من خابرتي على جادح اجيت ويا شبهت على البنات بنات اخوج
_جهاد:: اي هذن العلويات
دار علينه ابتسم ودنك
_معراج:: شلونجن خويه علويات
ردينه علي بهدوء وهوا دار يحجي ويا عمتي صفنت قس مقدمه شفايفها
_قس:: شفتن مو اكلجن بعض الضن اثم
_ملاك:: دسكتي غيرر انتِ انتهديتي على الزلمه
_قس:: اشم ايدي اني عبالي واحد من العطفيه كلت شافني وياجن ونعجب زين وطلع من اقاربكم جان سحولت بي الصحن
_عاتكه::اجه جادح
درت ب الاتجاهه التأشر علي عاتكه شفت جادح جاي من بعيد مدنك باوع لعمتي ومعراج ودار يباوعلنا
_جادح::السلام عليكم
_جهاد:: عليكم السلام ها جادح
_جادح:: ها علويه لكيتي البنات؟
_جهاد:: اي هذن قس وشاهنياز
دار علينه جادح مستغرب
_جادح:: وين رحتن؟
سولفتله موقف الطفل حتى نطلع ب الوجه الزين وينسون سالفه ضعيتنا
_جادح:: يعني انتن ضايعات والطفل ضايع؟ وجاي تدورن على اهل الطفل الضايع وانتن اصلا ضايعات؟؟؟
_قس:: الجانب الايجابي رجعنا الطفل لحضن امه
باوع جادح بوجه معراج ورجع باوع لعمتي هزت عمتها راسها ماتعرف شتجاوب
_معراج:: ركزو ب الجانب الايجابي الكل رجع لعائلته
_جادح:: فعلاً. يلا علويه خلصتو نرجع؟
_جهاد:: لاخل نكمل زياره يلا كومن بنات
منا من مكانا وعمتي تشرحلنه اذا ضعنا نرجع نلتقي بيها
كملنه زياره وطلعنه شفنا جادح ومعراج منتضرينا من شافونا مشو ومشينه وراهم اخذنا اغراضنا من الامانات وطلعو بينه للخارج جان اكو شخص كاعد ب سياره جادح من شافنا نزل من السياره مبتسم يهلي بعمتي
_جهاد:: مشواق!!
_مشواق:: كالو العلويه جهاد زعلانه عليك
ضحكت عمتي فرحانه بيهم صعدنا السياره وجادح ومعراج كدام ومشواق كال ارجع بتكسي لان ماتكفي السياره
"عاتكه"
وكفت السياره بباب البيت نزلت عمتي من السياره و ركضت للداخل واحنا وراها دفعت عمتي باب الصاله ودخلت تتلفتت صارت كدامنا العلويه لباب كاعده على القنفه تسولف ويا العلويات الكبار من دخلت عمتي لافت عليها بفرح وكفت العلويه لباب عيونها مدمعه ركضت عمتي الها شمرت روحها بحضنها والعلويه لباب تبجي وتعاتب عمتي
_العلويه لباب:: هيج يجهاد تنسين عمتج وتخليني مفرفحه عليج
باستها عمتي من ايدها ورجعت باستها بوجهه
_جهاد:: شلون انساج امي انتِ اكو وحده تنسه امها
بجت العلويه لباب وعمتي تمسح بدموعها
_العلويه لباب:: شلون تعوفيني وحيدتي وترجعين واني متعوده عليج
سسكتت عمتي ماجاوبت والعلويه لباب تعاتب بعمتي رفعت راسها تباوعلنه مسحت دموعها تضحك بعدت عمتي عن العلويه تبوس براسها
_لباب:: يمه فدوه لهل نسوان كبرن العلويات
_جهاد:: اي كبرن بعد
_لباب:: تعالن يمه تعالن تعالن ابوسجن
فتحت ايديها تاشرلنا نجيها تقدمنا اني والبنات وهيه تحضن بينه وتبوس بجت مهجان بحضنها والعلويه تبوس بوجهه
_مهجان:: شتاقيتلج علويه
_لباب:؛ ولج يمه اني ميته عليج كتلج ضلي يمي مارضيتي
باوعت لقس شافتها واكفه وعازله نفسها تباوعلنه اشرتلها العلويه لباب تجيها تقدمت قس متوتره
_لباب:: هاي الحلوه منين
_قس:: من الديوانية
ضحكت اني والبنات وعمتي تهز ب ايديها تضحك
_جهاد:: هاي قس اخت قدس خطيبه غضنفر
_لباب:: يمه فدوه شحلاتهه هيه واختها
ابتسمت قس وضلت ساكته انسحبنا كاعدات على القنفه وعمتي والعلويه لباب يسولفن
_:: السلام عليكم
التفتنا كلنا على مصدر الصوت شفنه وحده طويله بكد عمتي واصلا تشبه عمتي!!! واكفه مكتفه بباب الغرفه تضحك كامت عمتي من مكانها فرحانه تقدمت لعمتي وعمتي سحبتها تحضنها
صارن وحده تحضن ب الثانيه بفرح تباعدن عمتي لازمتها ب ايدها فرحانه بيها باوعتلنا وضحكت
_:: يمه فدوه للحلوات
اخذتنا تبوس بينه وعمتي تضحك باوعتلنا عمتي تاشرلنا
_جهاد:: هاي اسراء بت عمتي لباب هاا وتؤم معراج
_حميده:: اسراء ومعراج
_جهاد:: اي الاسراء والمعراج
ضحكت تباوعلنه دارت عمتي على اسراء مستغربه
_جهاد:: البنات وين؟
_اسراء:: موجودات ب الغرفه اوكفي اصيحهن
دخلت للغرفه اقل الخمس دقائق وطلعت هيه ومجموعه بنات احجامهن واطولاهن مختلفه وحده طويله وحده كصيره وحده سمينه وحده ضعيفه وحده بيضه وحده سمره تقدمن لعمتي يبوسنها وعمتي فرحانه بيهن وحتى هنا يسلمن على عمتي بلهفه باوعن علينه سلمن ببرود ودارن كعدت عمتي واسراء والبنات كعدن بصفهن
كعدنا اني والبنات نباوع للمه الصارت كلها تسولف وكلها فرحانه بس اني والبنات ساكتات
كامن العلويات الكبار يرتاحن من الدرب ونساء السيد معز كامن يحضرن الاكل بقت عمتي واسراء واحنا البنات كاعدات باوعتلنا اسراء تاشر للبنات
_اسراء:: خل اعرفجن على بنات اخوي
اشرت على وحده بيضه وطويله
_اسراء:: هاي خدلجه بت اخوي عمران الجبيره
رجعت اشرت على وحده تارسه وخدوها تارسات وجهه
_اسراء:: هاي مبين وهاي منة الله وهاي امانه وهاي عطاء وهاي كريمه وهاي مشرقه
جانت تاشرلنا على البنات واحنا صافنات بوجهتهن باوعتلنا عمتي تعرفهن علينه ب الاسم ضلينه الصفحتين ساكتات بس اسراء وعمتي يحجن صفنت قس وتربعت كدام عمتي واسراء
_قس:: علويه هذا معراج الي اجه ويانا؟
_جهاد:: اي شبي؟
كعدت قس تسولف الها الموقف الصار وشلون رادت تتعارك ويا وعمتي واسراء مندمجات يضحكن انتبهت البنات وجوهتن نكلبت يخزرن ب قس
ضحكت اسراء تباوع لقس
_اسراء:: ححلوه هاي مال هم اعمص وهم يغمز
_جهاد:: تعجبج قس
_خدلجه:: عيب عليج تنتقدين بخلقه الله وبعدين عمي مو اعمص عمي عنده قصر نضر
التفتنه كلنا على خدلجه جانت حمكانه وتحجي بحركه كلب باوعتلها قس مامهتمه
_قس:: اي عادي حتى العمصان خلقه الله
وكفن يخزرن ب قس وقس ولايمهه تباوعلنهن بعين ونص دخلن الغرفه اعتذرت ااسراء عن حركات بنات اخوها وعمتي تضحك
_جهاد:؛ ترقبي
_اسراء؛؛ شدي راسج
استغربنا كلام عمتي واسراء مافاهمات شي....
دخلنا اني و شاهيناز للمصلا السيد معز جانت جنه السيد شايله الفرشه تغسل ب المصلا دخلت خدلجه ورانا تريد تاخذ تربه باوعتلنه تخزر بينه
باوعتلها شاهيناز مستغربه
_شاهيناز:: شبيج حبيبتي عيونج راح يطلعن من مكانهن
دارت خدلجه على شاهيناز تباوعلها بنص عين
_خدلجه:: نعم؟؟؟
سكتت شاهيناز عنها ماتريد تسوي مشكله جنه واكفات بنص المصلا عبرت من يمنه تكشكش بوجوهتنا انصدمت من دفعت شاهيناز من صدرها بقوه باوعتلي شاهيناز مصدومه على حركتها دارت شاهيناز عليها وجرتها من تريد توكفها بس بسبب ارضيه المصلا وكلها ماي مانشوف غير خدلجه نربدت ب الكاع على ظهرها
صرخت متوجعه من الطيحه
نصدمنا اني وشاهيناز من طيحتها تونا اني وشاهيناز نزلنه نكومها ومانحس غير على منة الله دخلت علينه للمصلا تركض
باوعتلها اريد اكلها طاحت بدون قصد ماشوفها غير جايبتني بدفره لازكتني بصف خدلجه شاهيناز كمزت من مكانها على منة الله وهذيج لزمت شاهيناز
تكافشن وحده تجر ب الثانيه
اجيت اكوم افاكك بينهم ماشوف غير خدلجه جارتني من ربطتي صرت ادفع بيها وهيه تجر بيه
ركضت علينه جنه السيد معز تفاتح بينه ماتعرف تبعد منو عن منو دخلت قدس للمصلا بيدها التلفون مبتسمه رافعت راسها ونصدمت بمنضرنا ماخذلتها صفنه ثواني وطلعت تركض من المصلا جرتني خدلجه من الربطه منزعتني الربطه من شفتها نزعتني الربطه فار دمي جريتها من شعرها فوك الربطه وهيه تجر بيه
دخلن البنات كلهن للمصلا حتى حفيدات العلويه لباب ركضن علينه وحده تفاكك ووحده تصكع عطاء جانت ضخمه بحيث طبكت ملاك ومهجان سوا تركع بيهن
قدس جانت واكفه كدامها تريد تكتلها من شافتها شلون ركعت البنات عود اجت تسحب نفسها جرتها عطاء من ملابسها وركعتها ويا البنات
التمنن حميده وحوراء على كريمه يسحلن بيها هاي مبين وعطاء من شافنهنن
دارن علليهن بحيث وحده شالت حوراء والثانيه حميده
اني سامعه الكثره تغلب الشجاعه بس مال وحده تجمع 7 مره وحده لاماشايفه ولاسامعه!!!!
عطاء فعلاً عطاء الله انطاها الطول والضخامه
بحيث لازمه بكل ايد ثنين
جرتني مبين واني لكيتها حجهه هاي قزمه بلا ينكدر الها
سمعت صوت عطاء تصيح متوجعه التفتت عليها اشوف
قس صاعده فوك ضهرها تجررر بيها شلون صعدت ماعرف بس انتبهت على كرسي الصلاه موجود معقوله صعدت عليها
صرخت متوجعه من اجتني طكه بخشمي خلتني اطفر من الوجع التفت على ملاك شفت بيدها تربه تشمرها على البنات
حرفياً الوضع جان مهزله واحد يجر الثاني صايره مرابد نفتح باب المصلا دخلت عمتي وخلفها اسراء مصدومات
توها عمتي تدخل وتزحلكت رجلها ب الكاع تريد تطيح
اجت اسراء عود تلزم عمتي مانشوف غير اسراء وعمتي فوكها نايمه ثنينهن صرخن متوجعات من قوه الطيحه
صاحت اسراء وهيه متوجعه بينه
_اسراء: كافيييييي كعدنننن
محد بينه ردت كلنا جنا ملتهيات ب التصكع
_جهاد:: كافي!!!!!!!!
بس سمعنه صوت عمتي كلنا وكفنا فحطانات نجر النفس طفرت قس من ضهر عطاء فحطانه كامت عمتي من مكانها هيه واسراء ناكعات ماي باوعتلنه عمتي خازرتنا
_جهاد:: الله يطيح حضجن
_خدلجه:: عمه احنا
_جهاد:: صوتتت ماسمععع!!!!
سكتت خدلجه مدنكه راسها
_اسراء:: ماتستحن؟ كاعدات ببيت الوادم صريخجن واصل للشارع!!! وفوكها تتكاتلن؟!!!!
_جهاد:: ساره شنو صار؟
دنكت ساره جنه السيد معز تستحي تحجي ماتريد تنطي بوحده وتقهر الثانيه باوعت عمتي على قس
_جهاد:: قس احجي
_قس:: ها علويه اني؟
_جهاد:: اي انتِ احجي الصدك ولاتتحايزين لحد شنو سبب المشكله
_قس:: والله مادري
_اسراء:: ماتدرين شنو؟
_قس:: ليش اجذب مادري المشكله عليمن دخلت لكيتهن يتعاركن واني امشي بقانون حق باطل انا ويا الاحباب
باوعن اسراء وعمتي وحده بوجهه الثانيه مسحت عمتي على وجهه محتاره
بيومها السيد والعلويه لباب من عرفو ب المشكله زعلو علينه وحاولو يصالحون بين الطرفين بس احنا جنا صامدات على قرار الزعل....
ثاني يوم السيد والعلويه لباب قررو يجمعونا وياخذونا كلنا نزور سوا وبسبب اعدادنا وكثرتنا قرورو يأجرون كوستر ياخذنا طلعنه من البيت الكوستر واكفه كدام البيت وجادح صاعد بمكان السايق طلعت عمتي تباوع لجادح مستغربه باوعلها جادح وضحك يغمز بعينه
_جادح:: ارهم وين ماتحطوني
_مشواق:: جادح خليني اسوق
انتفضت اسراء من مكانها معترضه
_اسراء:: صدك جذب تردون تكتلونا
_جادح:: والله هواي نخفف عدد
_جهاد:: جادح اني سياقتك ماثق بيها
_مشراق:: والله هيه جنها انتِ راح تسوقين الكوستر
_غل:: حتى تبطنش تبطنش ب الكوستر
_معراج:: شاهد لاول مره علويه تسوق الكوستر لعدم ثقتها ب الاخرين
_جادح:: وتطلع جهاد ب التصوير داخله بطسه ومنزله العلويات يدفعن ب الكوستر
ضحكو الولد وعمتي تباوعلهم صفح
_جهاد:: شنو هسه مانصعد؟
_جادح:: يلا يلا صعدو
التمينه كلنا وجادح فتح الباب صعدنا ب السياره جادح ومشراق ومعراج كدام والباقين بسيارتهم عمتي واسراء كاعدات ورا كرسي السايق والعلويات الكبار كاعدات وراهن واحنا متوزعات كعدت قس بصف الجامه واني بصفها وشاهيناز وملاك على الجهه البصفنه والبنات كدامنا وحفيدات العلويه لباب ورانا
مشه جادح ب السياره طالع للحرم
والكل متوزع يسولف جان قس كاضه بيدها موزه تاكل بيها من خلصت فتحت الجامه وشمرتها
ورجعت تسولف طبيعي شو هيه ثواني ومانحس غير الموزه مشموره بنصنه درنا نباوع لعطاء شايله الجنطه تريد تركعنه بيها
_قس:: خير خير شبيج؟؟
_عطاء:: ماتستحين انت تشمرين كشر الموزه علينه؟؟؟
_قس:: ياهو شامره عليج اني شمرته من الجامه
كعدت عطاء تخزر بينه واحنا كعدنا هادئات مانريد مشاكل بنص السياره كدام الولد نحاول نبعد المشاكل حالياً
وكف جادح السياره وباوعلنا ننزل وكفت عمتي واسراء يباوعلنا واكفات بصف الباب
_جهاد:: هسه راح ننزل نزور ماريد عرايك
عطاء عرايك ماريد وفري العرايك للبيت خوش؟
_عطاء:: ان شاءالله عمه
_جهاد:: حميده ودعاء وكريمه وامانه ضحك ماريد خوش؟ تنزلن صوتجن ماينسمع مفهوم؟ ملاك ومنة الله التلفونات يرحن للامانات
_ملاك:: لاعمه شلون نصور
_منة الله:: عمه لا فدوه اريد اصور
_جهاد::ماكو!!!! مبين وحوراء الاكل الجبتنه وياجن عوفنا ب السياره
_جادح:: ياهي جايبه اكل وياهاااا وين رايحينننن
_مبين:: لاعمه والله جوعانه
_حوراء:: ماتغذيت اني عمه
_جهاد:: شاهيناز وقس وخدلجه محارشات ماريددد تفهمن؟؟ ماريد وحده تشمر على الثانيه
_قس:: لاعلويه احنا حبابات
_جهاد:: ااي لاادري بيجن عاتكه ومشرقه ومهجان فهاوه ماريد؟؟؟ وحده تنتبه على الثانيه مو تضيعنن!!؟؟ مفهوم؟
صحنه كلنا اي نزلت عمتي واسراء وراها واحنا نزلنه وراهن نحاول نبعد عن بعض مانريد مشاكل.....
"مهره"
مرت الايام ورجلي بدت تتعافى احسن رجعت للحوزه بعد ما جنت ماخذه استراحه بسبب رجلي مشيت للحوزه ببطىء لان اكو وجع خفيف برجلي شفت السيد مفرقد يمشي بسرعه باتجاه الحوزه من لمحني بطىء مشيته وظل يمشي بخفه وصلت اله وصارت خطواتنا متقاربه على بعد مسافه بيني وبينه نزل راسه يحجي بصوت خفيف
_مفرقد:: الحمدلله على سلامتج خويه شلون صارت رجلج
حسيت بتوتر وخاصه لان هاي اول مره نحجي سوا دنكت مستحيه وحجيت بصوت خافت
_مهره:: الحمدلله احسن مشكور على السؤال
_مفرقد:: لاشكر على واجب خويه شنو تحتاجين احنا ب الخدمه
حجاها ومشه بسرعه مكمل طريقه باتجاه الحوزه اول مره نحجي سوا يعجبني السيد مفرقد قمه ب الخلاق والادب فعلا السادة متربين عشر مرات
مشيت باتجاه الحوزه بسرعه دخلت للحوزه شفت النساء كلهن متجمعات شفته السيد عبد الرؤف واكف ينطي محاضره كلش ارتاح للسيد عبد الرؤف ومحاضراته انسان هادئ وحتى كلامه بي طمانينه بشكل رهيب سلمت ودخلت وكعدت بمكاني جان الدرس بادي وانا واصلة متاخره رفعت واحده من النساء ايدها تسال السيد
_:: سيد ولو مستحيه احجيها بس اريد حل للسحر دعاء او حديث او معوذه او حرز
هز السيد راسه وهوا مدنك
_عبد الرؤف:: عن محمد بن عيسى قال سالت الرضا عليه السلام عن السحر فقال هو حق وهو يضر باذن الله تعالى فاذا اصابك ذلك فارفع يداك حذاء وجهك واقرا عليهما ( بسم الله العظيم باسم الله العظيم رب العرش العظيم الا ذهبت وانقرضت) قال وساله رجل عن العين فقال حق فاذا اصابك ذلك فارفع كفيك حذاء وجهك واقرا الحمد وقل هو الله احد والمعوذتين وامسح على نواصيك فانه نافع باذن الله
وروي عن ابي عبد الله انه سئل عن المعوذتين قال ان رسول الله (ص) سحره لبيد بن اعصم اليهودي فاتاه جبرائيل عليه السلام بالمعوذتين فدعا عليا فعقد له خيطا فيه 12 عقدا قال انطلق الى بئر ذر وان فانزل الى القليب فاقراء ايه وحل عقده فنزل عليه السلام واستخرج من القليب فتحلل ذلك عن الرسول الله
وقال جبرائيل عليه السلام( باسم الله ارقيك من كل شيء يؤذيك من حاسد وعين والله يشفيك)
_:: زين سيد يعني هم اكو حرز للسحر؟
_عبد الرؤف:: اكو تكتب بورقه وتتعلك
بسم الله الرحمن الرحيم
( قال موسى ما جئتم به السحر ان الله سيبطله ان الله لا يصلح عمل المفسدين ويحق الله الحق بكلماته ولو كره المجرمون)( واوحينا الى موسى ان القى عصاك فاذا هي تلقف ما يأفكون فوقع الحق وبطل ما كانوا يعملون فغلبوا هناك وانقلبوا صاغرين)
السيد يحجي والنساء يسجلن مر وقت الدرس وانا صافنه على محاضره السيد ما نكر اني بهاي الحوزه هواي تعلمت وهواي وعيت على مواضيع اني جنت غافله عنها خلص الدرس وطلعت من الحوزه بدت الايام تمر والوضع نفسه نفسه ما تغير منه شيء اروح للحوزه وارجع
بيوم من الايام قرر السيد يسوي النا امتحان عن اللي تعلمناه طلعت من الحوزه صافنه شلون راح اجاوب بهذا الاختبار رغم اني بهل فتره كلها اسجل بدفتر خاص بس المصادر دوم اتغاضه عنها
صار قدامي السيد مفرقد جان يمشي راجع مشيت باتجاهها مدنكه مستحيه صحت باسمه بهمس
_مهره:: سيد بلا زحمه
وكف والتفتت ب اتجاهي مستغرب بس لمحني دنك راسه
_مفرقد:: تفضلي خويه؟
وكفت كدامه افرك ب ايدي متوتره
_مهره:: والله سيد اعذرني وكفتك بس اريد مساعدتك
_مفرقد:: اي تفضلي خويه
_مهره:: السيد عبد الرؤف قرر يسويلنه اختبار واني الصراحه ماعرف يعني اني ماسجل المصادر وهسه كلشي رايح من بالي
هز راسه بتفهم
_مفرقد:: ان شاءالله خويه الاختبار الاسبوع الجاي صح؟
_مهره:: اي اي صح
_مفرقد:: ان شاءالله باجر انطي لوحده من العلويات اسم ومصادر الكتب اخليها تسلمجن ياهن
شكرته فرحانه وفعلا ثاني يوم اجت واحده من العلويات انطتني اسماء المصادر وحتى الكتب بيومها كلش فرحت بمساعده السيد متوقعت راح يساعدني او توقعت!!! بس خجلي خلاني اتخيل انو السيد راح يرفض المساعده
"قس"
مر ثلاث ايام على جيتنه لكربلاء الصراحه ب البدايه اني جنت مستحيه واتصرف ب حياء وادب بس من يوم العركه والمساحل الصار حتى نسيت الخجل شلون
اذا هما شافوني صاعده فوك روس بناتهم عبالك صاعده على جمل بعد شيفيد الخجل والمستحه؟
شكد حاول السيد والعلويه لباب يقاربون بينه وبين حفيدات العلويه لباب بس ابد ماصار تجاذب
والصراحه السبب مو من عدنا بس حفيدات العلويه لباب خشمهن يابس
ومبتعدات بقوه من يوم صحت عمهن اعمص
شالن والشيله شيله عبالك مادري شكلت؟
بيومها طلع الكل من البيت العلويات والساده وقدس وغضنفر راحو ويا العلويه لباب وزهراء يشترون الذهب
التمينه اني وشاهيناز وملاك ومهجان وعاتكه ب المطبخ
ومنة الله وخدلجه وامانه موجودات على مسافه من عدنا وحده تخزر ب الثانيه
وكفت منة الله تشرب من ماي البراد
خلت الكلاص الشربت منه على البراد ورجعت تصب اكل ب الصحن
راحت مهجان تريد تشرب ماي اخذت الكلاص من البراد وراحت للمغسله تغسله ب زاهي صفنت منة الله على مهجان ماعاجبها حركتها ومهجان مامنتبهه عليها
خلصت مهجان غسل الكلاص ورجعت تشرب ماي
وكفت منة الله كدام مهجان متخصره
_منة الله:: عود انتِ انظف من حلكي وتغسلين الكلاص؟
دارت مهجان عليها مستغربه بعدت كلاص الماي من حلكها
_مهجان:: شبيج خيه شنو تتنفسين عرايك؟
_منة الله:: عيب عليج مهجان شهل حركه يعني من شربت من الكلاص ترحين تغسلي بزاهي؟
صفنت مهجان بوجهه ومنه الله تحجي بقهر ابتسمت على قهرتها اتونس على هاي السوالف
باوعتلي خدلجه شافتني اضحك
_خدلجه:: شبيج تضحكين؟؟؟
_قس:: شعليج حلكي يحب يفرش روحه؟
_خدلجه:: شوف مسطلحاتها
_منة الله:: يحتاجن كتله بعد
وكفت كدامها اهز بروحي
_قس:: لا عليج الله فدوه لاتحجين وياي بهل طريقه القاسيه اخاف شوفيني شوفيني شلون جاي ارجف جسمي فعل وضعيه الاهتزاز لتهدديني فدوه اخاف
احجي واهز بروحي ضحكن البنات وهذن تسودنن هزيت ايدي مستهزءة بيهن جانت خدلجه شايله مس التمن من هزيت ايدي ماشوفها غير شمرت المس بوجهي كمزت من شمرتها ابتعد عن المس نشمر بعيد عني باوعتلها مصدومه طكت ايد ب ايد مقهوره
_خدلجه:: حرامات ماجه براسج
_قس:: دتعاي اعلمج شلون تنيشنين عدل
لزمت الصحن اريد اشمره عليها وهيه شالت خاشوكتين تريد تشمرهن عليه التمن البنات بنصنه مانعاتنا نتقرب من بعض
_قس:: وعلي انيمه براسج وخرنننن عنيييي
_خدلجه:: عوفنها خل تجي اريد اشوف شتسوي
شلت الصحن مقنصته براسها لعد اني معاشره نضال هاي السنوات كلهن بدون فائده شرط اخليها سنتين كدام مصدومه من قوه التقنيص
ستوني اشمر الجدر عليها ونطفت الكهرباء كلنا سكتنا هادئات
_امانه:: بنات فدوه وحده تشغل الضوه
_عاتكه:: اوكفن الجداحه وين
_منة الله:: هاي هنا يم الطباخ
كعدن البنات يدورن على الجداحه واني تكترت على صفحه حسيت بشخص داس على رجلي بقوه كمزت من مكاني متوجعه توقعتها خدلجه مستغله الضوه
_قس:: خدلجههه!!!!!
_خدلجه:: وجع شكووو
_قس:: ليش ادوسين على رجلي وسم
_خدلجه:: شبيج وثول ياهو يمج؟؟؟؟
جان صوتها بعيد عني بس متأكده وحده من عدهن توني جاي امشي وماحس غير على دفعه قويه اجتني بضهري لطشتني ب الكاع صرخت متوجعه من قوه الدفعه
صاحن بيه البنات يطمنن عني واني نايمه ب الكاع متوجعه
_ملاك:: قسههه شبيج!؟
_قس:: دفعتنييي مادري ياهييي دفعتني
_امانه:: هوا ياهو يمج ويدفعج؟؟
سمعت صوت الجداحه اجه ضوه خفيف من الجداحه عاتكه توضي ب الجداحه
_عاتكه:: قسسس كومي ولج وينج؟؟
_خدلجه:: ضويلي تعاي خل اجيب تلفوني
كمت من طيحتي لازمه ايدي متوجعه طلعت خدلجه وعاتكه من المطبخ ضلينه كاعدات بنص الظلمه وحدنا واني حالفه بس يجي الضوه اكض حفيدات العلويه لباب كل وحده ركعه ب الصحن على راسها
رجعن عاتكه وخدلجه يضون
باوعلي البنات جنت كاعده بزاويه المطبخ بعيده عنهن
باوعتلهن خازرتهن
_امانه:: شكو تخزرين
_قس:: من اخلاقجن العاليه عود علويات بس صدك ماجذبت العلويه جهاد من كالت السيد ب اخلاقه
_خدلجه:: عيني هوا ياهو اجه يمج حاصره روحج ب الزاويه ياهو يطكج؟؟؟
جاي ارد عليهن ونفتح باب المطبخ بقوه دخلت مبين ترجف وتبجي طفرن البنات عليها خايفات
_خدلجه:: شبيج!!!!
_مبين:: اكووو حرامييي ب البيتتتت
_منة الله:: شبيج يمعوده ياحرامي
_مبين:: والله بنات جنت نايمه وكل شوي اسمع صوت طكه وطيحه تالي من طفت الكهرباء حسيت بواحد يجرني من اصابع رجلي
_منة الله:: تتخيلينن خاف!
كعدت ب الكاع منهاره تبجي بقوه بقينه اني و البنات وحده تباوع بوجهه الثانيه مخترعات انوب خاف صدك حرامي واني فلوسي ضامتهن فوك واعرف حضي يعوف الدنيا كلها ويروح يركض لفلوسي طبعاً فلوس تعب ينباكن بسرعه
التفتنه كلنا على صوت تكسير جاي من خارج المطبخ كلنا كمزنا ملتمات بجهه وحده
وحده لازمه ب الثانيه رجع تكرر صوت التكسير بس هل مره من الطابق الثاني انهارن البنات ب الصريخ
واني واكفه بنصهن حتى مايلوحني شي خاله البنات كبش فداء
صاحت خدلجه من مكانها صوتها يرجف
_خدلجه:: منووو برااا رحمه الوالديكم كلوبتنا خلصانه
_قس:: بناتت وحده تطلع تشوف منو هذا!!!!
كلهن دارن عليه يباوعلي باوعتهن ب استهزاء
_قس::وعلي تحلمن اطلع
_مبين:: مووو كتلجن اكووو حرامي
_ملاك:: خاف جني هذا مو حرامي!
هيه حجت هيج واحنا نلصمنه انوب خاف صدك جني جان اكو باب خارجي مربوط ب المطبخ مثل بيت السيد عبد الرؤف هم حديقه جبيره سمعت صوت تطفر جاي من الخارج
_قس:: صوتجننن
سكتن البنات يسمعن وياي صوت التطفر بنص تركيزنا وكب اصريخنه من اندك الباب بقوه بحيث الباب راد ينخلع من قوه الدكه
_ملاك:: يمههههههه لحكينيييي يمهههه
_خدلجه:: يمههه لا يمه فدوه اخاففف
_قس:: اندهرنا ونفضحنه ونشلخنااااا
صار التلاطم والصياح ماله والي من الخوف مابينه نطلع من المطبخ ضالات نتصارخ سمعنه صوت ركض جاي من الخارج كلبي صار بصف الامعاء الغليظه والدقيقه
نفتح الباب ودخلو الولد مصدومين معراج وجادح وفقار
_معراج:: شبيجنن!!!!!!
رركضن البنات على عمهن يبجن واحنا ضلينه بمكانه حضنت خدلجه خالها تبجي مسح على ظهرها بخوف
_معراج:: شبيج خالو ليش تبجين
شهكت تسولف اله كل الي صار وهوا عاكد حواجبه مستغرب من حجت على دكه باب المطبخ طفر جادح من مكانه للباب فتحه وطلع والولد لحكو
يفتشون ب الحديقه بس جانت فارغه محد موجود
لعد منو الي جان يدك ب الباب ويطفر قبل شوي؟؟
كمزت عاتكه من مكانها مثل المتذكره شي
_عاتكه:: فاطمه اختي!!!!!
حجتها وطلعت تركض من المطبخ ركضنا وراها نصرخ بيها ترجع بس هيه مو بالها ناسيه كلشي وبالها كله يم اختها فاطمه جانت نايمه فوك وحدها
شلون نسيناها!!!!!
ركضت عاتكه بسرعه تصرخ ب اسم فاطمه طلعت اني وشاهيناز وملاك نركض وراها حتى خدلجه ومنة الله طلعن ورانا يضون صعدت الدرج بسرعه خايفه وصلت لاخر ثلاث بايات من الدرج تريد تكمل صعدتها
وكفت بمكاني صافنه على الي شفته مستعده احلف الف مره على الي شفته جانت اكو وحده طويله شعرها مفتوح واكفه واكفه مقابيل الدرج وعاتكه مانتبهه عليها
نصدمت اصرخ من ندفعت عاتكه بقوه راجعه للخلف واكعه على ضهرها ضليت مصدومه واني اشوف عاتكه متكومه ب الارض ودمها تارس الارض!!!!!!!!
شكرا لزيارتكم عالم روايات سكيرهوم
