رواية قصة زهراء الفصل الثاني عشر بقلم زينب نور
سميه:عمه خافنها مو صاحيه
امي:شنو موصاحيه شنهي اتخبلت
سميه:لا بس خاف.....
نحجي وسمعنه صرخت زهراء من الغرفه طفرنه
زهراء:من وجع راسي اصرخ وماادري بروحي كمت افتر بالغرفه ولازمه راسي بيديني كعدت بالزاويه واصرخ
واملش بشعري
امي:يمممه بنيتي راح تروح من ايدي سميه اركضي صيحي الواحد من الولد
يمممه زهراء شمالج يمه جنتي ورده شجرالج
زهراء:كضت راسي امي وتقره عليه دخل علي وحسين
لبستني امي العبايه وانه لا احرگ لا ايد ولا رجل شالني علي للسيارة
ياسر:كاعدين بالصاله واجه ابن احمد واكف بالباب جان اجه يصيح
عمه زهرة طايحه وشايلها عمي علي
طفرت كلهم كامو طلعت حركت سيارتهم ركضت اجيب السويج ادور ماكو صعدت ويه احمد ورحنه وراهم
وصلو للمستشفى نزلو نزلت بس اريد اشوفها دخلوها للغرفه اريد افتهم شبيها شلون طاحت
حاجيت امها كالت هيج وهيج
نص ساعه وطلت الدكتورة
سئلناها
الدكتورة:متعرضه لنهيار عصبي
اتمنه هل فتره اتبعدوها المشاكل
وحاولو ياها ليش شبيها صارت هيج
هسه انطيناها ابره مهدء ومغذي
بس يخلص المغذي طلعوها
عدها العافيه ماشوف شرر
ياسر:دخلت وجها اصفر وجوه عيونها اسود متغيره حيييل
دخلو خوانها وامها طلعت ساعه وطلعوها من الغرفه سانده راسها لا متن امها وتمشي على كيف
خل ناخذها لبيتنه
زهراء:اسمعه يحجي انغمت كلبي مااكدر احجي ولا اكدر افتح عيوني
حسين:لا خويه خلها هل جم يوم يمنه لمن ترتاح
زهراء:رجعنه للبيت عمتي سعاد وام ياسر وفاطمه عدنه دخلني للغرفه تمددت اجت يمي فاطمه بس اشوفها تبجي مااگدر احجي ادموعي اصب
غمضت عيوني مااريد اشوف شي
غفيت ونفس الحلم يتكرر عليه فزيت بسرعه هيه فزه هيه طفره من الجربايه واتلمس برگبتي حيييل وهنا يمي ويصيحن مامنتبهتلهن
اضغط على رگبتي حيييل احس شي خانگني كامن يسحلن بديه ويذبن على وجهي مااي لمن هديت شويه
ورجعت غمضت بس مااريد اغفه واشوف نفس الحلم
فاطمه:طلعن عماتي وامي ضلينه انه والبنات يمها
سعاد:اگلج خيه البت موو صاحيه
امي:هم انتي يعني شنهي اتخبلت
سعاد:موو اتخبلت خاف دايسه مضروره واحد مسويلها عمل
لا سامح الله
سميه:جنج بگلبي عمه ايي والله تصرفاتها مو طبيعيه تفز باليل وصيح لاتخنگني
وبس انجيب اسم ياسر كدامها تسودن واضل ادگ على راسها
امي:انه ماائمن بهاي الشغلات
مال السحر اسم الله
فاطمه:لليل رجعنه للبيت زهراء ضلت عند اهلي مر ٥ايام يوميه اروحلها ونفس الحاله ماخلينه دكتور ماخلينه مستشفى
زهراء:كاعده العصر بالغرفه انه وسميه واسماء وامي ومااسمع بس الصياح
ياسر:كتله جدي راح اروح اجيبها كافي صار اسبوع رحنه انه وابوي وعمي حاتم وجدي
ضلينه نسولف كتله عمي جاي اخذ زهرة
حسين:ماتاخذها مريضه
ياسر:عمي البت ماضل طبيب مارحتوله ويكلكم مابيها شي شنو كعدتها اهنا بعد واذا على امها تجي يوميه واشوفها
علي:البت مريضه كنالك انطيناك اياها وردة رجعتها ذابله
زهراء مالها طلعه منه والزلم اليحجي
ياسر:اخذهاااا غصبن على اليرضه والمايرضه مالك حگ تدخل البت مرتي وهسه كايم اجيبها كمت صحت عليها زهرة
زهراء:سديت اذاني لا يمممه والله مااريده ماااريد اروح ويااااه
محمد:عمي اذكر الله البت تعبانه خل ترتاح وهيه ماكاعده عد غربه
احنه اهلها
ياسر:عممممي تريد ترتاح يمي اهنااا مااضل
زهرةةةةة
الجد:والكم اصواتكم واحترمو لاومحمد كلمن يحط نع... بحلگه ويسكت وانته
البت اضل عد اهلها لمن تتعافه وتشافه وتردلگ اخر حجي عني والزمه يفك حلگه هسه
ياسر:طلعت وعفتهم اخذت السيارة وافتر حاير بسالفتهاااا
زهراء:راحو اجو ابوي وخواني كعدو يمي وانه مغمضه وبس ادموعي تنزل راسي بحضن امي
امي تحجي ويه ابوي بس مااركز باكلامها عدل
امي:زهرة تعبانه ماترجع بهاذا حالها هناك لمن تشافه وترجع
حسين:ايي يمه ماخليها ترجع
امي:اكلكم شي البت مضرره
محمد:شنهي يعني
امي:مسوالها عمل
محمد:استغفري ربج يمره شنهي هل حجي
سميه:عممي تصرفاتها ادل على هل شي هسه انتم وكالساع ماخذيها لدكتور يكلكم مابيها شي
يعني شغلتها مو يم الطبيب
امي:اي لزم انسويلها جاره ناخذها لسيد ناخذها ليمام
منال:مر اسبوعين هيه عند اهلها
صعدت خابرت امي
سلمت عليها وگلتلها
يمه صالها اسبوعين عند اهلها
راح يصير شهر على سالفت العمل
وكلشي مابين لاالتفتلي ولاشي
ابتهال:بعد وكت
منال:شنو بعد وكت هااي صاحبتج جذابه بس اخذت افلوس ومابين شي
ابتهال:هسه هيه موو نافره منه وتكره طاريه وماتريد اشوفه
منال:ايي
ابتهال:يعني اشتغل وبين المفعول
منال:بس هوه مادايرلي بال ولايهتملي وروحتها كلها هوه ينام بغرفتها
ابتهال:شوفي واسمعيني زين
اكدر اسويله محبه ويلتفتلج ومايشوف غيرج
بس سويت كفخه الها حتى هوه يقتنع ويتئكد هيه مارايته ونافره منه بالكت توصل للطلاگ ويطلگها
وبعد يضل ماعنده شي ويرجعلج
منال:يعني هيج ادگولين
ابتهال:اي لاتسرعين
موو كلشي يصير بيوم وليله
منال:سديتها من امي ونزلت
زهراء:كعدتني امي الصبح سبحتني ومشطتلي اديه عبالك مشللات مااحرگهن جابت سميه صينيه الريوگ كلتلي لگمه وبطلت
للعصر بدلتلي مابيه احجي وكلها وين رايحين اخذنه علي ويانه سميه
مشينه مسافه انه عيني على الجامه راسي على متن امي واباوع
وصلنه كبال بيت عالي نزل علي دگ الباب طلع رجال جبير معگل تمشي بيه امي وسميه دخلنه جوه
شويه وامي ضلت تحجي ويه الرجال ماافتهم حجيها راسي موتني
السيد:صالها شكد هيج
امي:سيد راح يصيرلها شهر يمكن
السيد:تعاي بنيتي هنا
زهراء:دنتني امي لزم راسي قره عليها ومدري شسوه بعد طلعنه انه وعلي وسميه ضلت امي يمه
السيد:حجيه بنتج مضرره
امي:جنت شاكه والله
السيد:ومسوالها اكثر من عمل
امي:عمرها مااذتلها احد ليش هيج منو اله مصلحه يئذيها
السيد:حجيه اليكرها كلشي يسوي
والمسويتلها مره توها مزوجه
امي:شكلها اسمها
السيد:مااكدر اكول بس الكوله هيه كريبه عليها كلش
وهاذا بخور تبخربها بيه وهاذا سبحيها بيه
لئن البين عندي حتى ليح راسها وجسمها مخليه الها بالحمام بشي
وحته بملابسها كلها ذبيها
والسحر يبطل انشاءالله
واسبوع تستمرين وانشاءالله يصير خير واذا ضلت على هاي الحاله
انشاءالله فكت سحرها يم ابا فاضل (عليه السلام)
يمر اسبوع وتاخذوها هناك
ادخلي على ابا فاضل
بطهاره ودمعه وانشاء الله مايردج
امي:اخذت الغراض وطلعنه للبيت
قبل ٣اسابيع
منال:حرت الماي وين اخليه الها
مالكيت بس هاذا الحل
شفت غرفتها ماهيها بيها
دخلت للحمام
باوعت للشامبو يبين اذا خليته
خليت شويه والباقيه
خليته بالغسول مال الجسم طلعت ذبيت البطل من السطح ونزلت ركض
زهراء:رجعنه بدلت اجت امي اسولفلي هيج وهيج
ماصدكت ماائمن بسالفه السحر
للمغرب بخرتني بره بالطارمه
وتقره على راسي
كملت دخلتني جوه وشربتني ماي وتمددت
غفيت بسرعه ونفس الحلم بس مافزيت جن ادافع عن نفسي بالحلم
ياسر:رحت لبغداد وبالي يمها حتى مادري ششتغل ماشتغل
كل يوم اخابر سعد ويكلي نفس الشي
سميه:وينه جا حجي السيد اليوم صار سابع وماتحسنت حالتها
كل مالها وتذبل والوجه اصفر
امي:بعد مااسكت باجر ناخذها للعباس دخيله
يجي عمج واكله ونطلع من الصبح
شنهي شمتاني لمن تروح البت من ايدي ويصخم وجهي
سميه:بس هسه منو السوالها هيج
امي:بنات الحرام هواي والي يكرهن
سميه:عمه يكلج توها معرسه وكريبه عليها
ماعدنه احد معرس بس غير منال شريجتها
امي:كصري حسج يممه مانحط بذمتنه بس اصير بنتي زينه مااريد شي
زهراء:اجت الصبح گعدتني امي
بدلتلي وطلعنه ابوي وعلي وامي وياي وحركنه لكربلاء
غفيت بحضن امي لمن وصلنه كعدتني
دخلنه للحمامات بدلت ملابسي الجينه بيهن وهيه هم غيرت ملابسها ماجاي افتهم شي غسلت وجهي وعطرتني واشوفها دموعها اصب نزلن دموعي كملنه وطلعنه اتمشي بيه وصلنه للتفتيش مال الامام العباس عليه السلام
ازدحام كملنه بعدنه على عتبه الامام بس امي ضلت وياي ابوي وعلي راحو
لزمت ايدي امي وتنخه وتدي وتبجي
امي:يااابو فضل ماترد طلابك
اجيتك وبيدي بنتي شافيها وعافيها وردها الي
بجاهااا زينب الحوراء بجاه فاطمه الزهراء
لاتردني خايبه
وحاشه انته ماترد محتاج
عليله وجبتها لدارك شافيها وعافيها وقويها وردها الي
امشي عليك خدر زينب لاتردني
زهراء:امي لزمتني من ايدي وتبجي وتحجي انه بس ادموعي ينزلن جمر احسهن سكتت وهيه تردد يابو فاضل دخيلك حاجتي يمك
مشتني تونه دخلنه للصحن
مااحس بس عطر عمري ماشامته بحياتي كفخ خشمي وجسمي باد وطحت بعد مادريت بشي
بس وانه مغمضه واسمع هوست الناس وبجي امي بس مااكدر افتح عيوني وارد عليها
ماشوف بس مره لبسه اسود بسود وجها مامبين وياها رجال طويل لبس اخضر وجها مايتباوع بيه النور البيه يعمي
طلعت المره من جيبها وصله خضره شدت بيها راسي ومشو اصيح وراهم اصيح اريدهم يلتفتون اعرفهم منو ماكو
وانه اصيح حسيت بروده دخلت جسمي
وصوت ترس اذني ترس
انطاج امرادددددج
والصوت يرد بذني ثلاث مرات
لمن حسيت ماي على وجهي فتحت عيوني نسوان ملتمات عليه وامي تضحك وتيجي ودموعها اصب
والنسوان يصلن على محمد
ويصيحن انطاها مرادها انشاءالله
دخلتني امي للضريح كعدتني يمه
وادموعي عبالك شلال
وكلصوت اصرخه احس يطلع وياه شي من داخلي
ساعه وانه مجلبه بالضريح
لمن كومتني امي وطلعنه لبوي وعلي سولفت الهم امي طلعنه للمام الحسين زرنه وكملنه بس احس روحي مو انه
طلعنه للبصرة وامي تحجي ويبوي
وادگله انطانه مرادنه ابو فاضل مايرد محتاج
بعد غفيت مادريت بشي لمن وصلنه للبيت ودخلت للغرفه تمددت بملابسي وغفيت ماكعدت اله الثاني يوم الصبح
على صوت فاطمه تنده بيه
بس نومي كله ماشفت الحلم الي يترد عليه كل ليله
بس هاي اليله ماحلمت بيه كعدت جسمي مرتاح بس بالكوه اكوه لبستني فاطمه وطلعت يمهم
باوعت امي مامخليه شي مامسويته عبالك مو ريوك وخالتي عدنه كلنه التمينه
سوه وتريكنه كمت رادت ادكوم وياي فاطمه كلتلها لا اگعدي رحت بالحديقه ابوي كاعد صاحني
رحت يمه وحضني
ياسر:رجعت للبصرة كلبي طاگ عليها بس مارحتلهم
كعدت الصبح بس منال بالبيت كلتلها وين كالت ابيت عمك محمد
كلبي فز كلت خاف بيها شي للظهر رجعت امي سئلتها كالت زينه بس رحنه نشوفها
زهراء:شويه ودخلنه جوه راحن خالتي وعمتي بس فاطمه ضلت
سوت امي غده دولمه يسولفن مدري شلون جابن طايري ياسر
احس كلبي فز على اسمه معقوله مااجه يسئل عليه
اكيد مرتاح ويه مرته الثاني
شله بيه بعد
اتغدينه ومر اليوم عادي
دخلت للغرفه باوعت بوجهي. معقوله هااي انه
وجهي اصفر وعيوني من جوه سود
اتعجبت بشكلي خصرت الدشداشه عليه جسمي عود صاير
طلعت صحت على فرح كلتلها جيبي الميزان
جابته واجت تركض
وزنت تعجبت صايره 53 جنت 60
نازل 8 كيلوات
طلعت للصاله سميه كاعده تنظف بالخضره كعدت يمها
وابالي حجايه
اكلج سميه
سميه:كولي خيه
زهراء:راح اكلج شي بس احلفي يضل بينه
سميه:كولي
زهراء:شوفي انتي تعرفيني سوالف السحر كلها انه اكش منها
ومااصدگ بيه بس احلفج ابعزيز گلبج
السيد كال مسوالها عمل موو
سميه:ايي خيه اكثر من عمل
زهراء:حلفتج ماكال منو او لمح شي
سميه:لا والله بس كال المسويته مره ومزوجه توه وكريبه عليها
ومرشوش على ملابسج وسابحه بيه
زهراء:صفنت رجعت ذاكرتي
من......
