رواية نصف عذراء الفصل الثالث عشر بقلم جمانه السعيدي
ابو علي....روحو صيحولي جلال جلال خطيب فاطمه
شويه واجا جلال
جلال...هااا عمي امرني
ابو علي...اريدك تراقب بيت ابو جاسم يمكن يعرفون مكان بت عمك اني شاك بيهم
جلال...غير اذا صدك احرك بيتهم عليهم حرك
ابو علي...هسه خل نتاكد بلاول ويصير خير
وصلت ام جاسم للبيت ونطت الرقم لابو جاسم
اخذه وراح البيت المختار
فاطمه...احنا كاعدين نحضر بلغدا ودك التليفون وشاله عمي حجي سعد
لان فهد بلدوام بعدا ما راجع
ابو جاسم...السلام عليكم
.حجي سعد...عليكم السلام اهلا وسهلا
ابو جاسم ...اريد فهد موجود
حجي سعد...لاولله بعدا بلدوام ما راجع خير امر خدمه
ابو جاسم...فهد موصيني على عنوان وجبته اله
زين فاطمه موجوده
حجي سعد...اي موجوده منو اكللها
ابو جاسم....كللها عمج ابو جاسم
حجي سعد....اهلا وسهلا تشرفنا بيك ابو جاسم
ابو جاسم...النا الشرف حجي
حجي سعد...هسه دقيقه اصيحها الك
فاطمه...اللو شلونك عمي شلون صحتك
...هله عمي انتي شلونج
...الحمد لله خالتي ام جاسم شلونها
...بخير الحمد لله
...بويه جبنا عنوان خالج بديالى جيبي ورقه وقلم وسجلي يمج
...هسه دقيقه يله تفضل كاعد اسجل
...اعذرينا من التقصير بويه
...لاولله كل تقصير ماكو انتم اهلي واتشرف بيكم
بيت ابو علي عم فاطمه
جلال...عمي شفت ابو جاسم راح بيت المختار
ابو علي...اني ضني مايخيب اكيد خابر اطاهم العنوان
جلال...ها عمي نهد عليهم
ابو علي...لا بويه ابقا مراقبهم بلكت بت عمك تبين ساعتها
حسابهم عدي
جلال...هسه اني شسوي
ابو علي...ابقه مراقبهم واذا شفت شي لاتتصرف من كيفك
اعرفك ارعن وتخرب كلشي
تعال كلي واني اتصرف وياهم
جلال...لاتخاف عمي اني عد عيناك
جمانه السعيدي
رجع فهد من الدوام ونطته فاطمه العنوان
فهد...باجر اطلب اجازه يومين واخذج الخالج على الاقل يم خالج محد راح يكدر يحجي اي كلمه
بس بقائج يمنا راح يخليهم يركبون الحق علينا
هسه يكولون صاحبها وشردت ويا
العشاير ماترحم بهيج سوالف
فاطمه...بس همه رايحين الخالي وكايل موعندي
فهد...اي يكول جنت ضامها خفت عليها منهم واني جان التقرير بوكتها موعندي
ولمن حصلت التقرير بديت اطالب بحقها
فاطمه....زين خوش فكره
فهد...جائز نضطر نرفع عليهم دعوه واحنا محتاجين مستمسكات اللج يعني جنسيه شهادة جنسيه اي شي
فاطمه...بس اني ماعندي اي مستمسكات كلهن بيت عمي
بس جنسيه عندي من جنت زغيره
باقيه بيتنا ماجبتها مامتوقعه راح احتاجها
لان طلبو مني جنسيه وشهادة جنسيه بامتحانات الثالث متوسط وغيرتها
فهد...ميخالف عادي شغاله بس لازم نحصلها
زين من انروح انمر على بيتكم ونجيبها ويانا لان نحتاجها ضروري
اذا عاندو ويانه نحتاج نرفع عليهم قضيه وساعتها احتاج خالي يساعدنا بهذا الموقف
( خال فهد مدير مركز الشرطه)
بس خل اروحله بلاول وافهمه شصار ويانه واشوفه شيكول بهذا الموضوع
لان يوميه يسئلني عليج ومحتار ليش اهلج ماسئلو عليج
متوقع اهلج من الشوملي
فاطمه...اكيد راح نحتاج واحد بخبرته يعلمنا شنو انسوي بهيج موقف
جمانه السعيدي
راح فهد وبقيت منتضرته على نار يمته يرجع
اتاخر يله اجا
فاطمه...الله يساعدك
فهد...هلو فطومه
فاطمه...بشر شكال خالك
فهد...يكول...الحق كله وياها هي بالغه السن القانوني
وتكدر ترفع عليهم قضيه وتحبسهم
وتكدر ترفع عليهم اكثر من قضيه قضيه تشهير شهرو بيها وهي عدها تقرير
قضية عنف اسري ضربوها وحبسوها
حتى من حقها تبيع حصتها من الارض
بما ان هي الوريثه الوحيده الابوها
واذا رفعت عليهم قضيه تكدر تاخذ عليهم تعهد بعدم التعرض الها
وخالي يكول اني اعرف كم حزبي بهاي المنطقه راح يخوفوهم
يعني موقفج سليم ١٠٠/١٠٠ ومحد يكدر يقرب عليج
فاطمه...رفعت اديه للسما الاهي يارب العباد احمدك واشكرك لان وكفت وياي وطلعت حقي من ذوله الضالمين
تدري الدنيا جانت ضيكه بعيني كلش وجنت حاسه نفسي ضايعه
لان كلشي ضاع مني بوكت واحد ابوي وامي واختي والتقرير مجرد وجودي بيت عمي
جان اكبر ضياع بلنسبه اليه
فدوووه الكرمك يا كريم
تدري فهد شنو احلى شي صار وياي بحياتي
فهد...شنو بله
فاطمه...انت احلى نعمه رب العالمين خلاها بطريقي
يوم الي انهزمت جنت اشوف الموت بعيوني
اذا بقيت بيت عمي اموت واذا انهزمت هم اموت لان مااعرف وين اروح وكلشي ما اندل ولاعندي فلوس تكفي
ورب العالمين راد يجبر خاطري وخلاك تطلع اليه
جمانه السعيدي
فهد...احم..احم...موهيج راح انغر بنفسي واشيل خشمي
فاطمه...شيل خشمك تستاهل تكون مغرور
فهد...اني يمكن امي داعيتلي معقوله بنيه حلوه هيج وتخبل وفوكاها تتغزل بيه عيني عينك
باجر اخذ اجازه حضري نفسج حتى نروح
بلاول نروح البيت ام جاسم نجيب الجنسيه من بيتكم وبعدين نطلع الديالى
تبقين بيت خالج ونتفق شراح نسوي بوكتها
ابو علي...هااا جلال شكو ماكو
جلال..صار يومين وكلشي ماكو اني ما اتصور تجي هنا برجليها تعرف احنا ندور عليها ماتجي
ابو علي...هسه انت شخسران شو لاشغل ولاعمل النهار كله مكابل حماماتك وكاعد اعتبرها حمامه وراقبها
اذا صدناها نكتلها ونسجلها قضية شرف وساعتها الكاع ترجع النا كلها
ثاني يوم راح فهد للدوام وحتى يطلب اجازه واني جمعت ملابسي وشغلاتي كلهن لان راح اكعد بيت خالي
بس ضايجه كلش لان راح ابتعد عنهم
سجى...تدرين تعودت عليج كون تنحل مشكلتج باسرع وقت حتى ترجعين هنا وتزوجين انتي وفهد وتملون البيت علينا جهال
عمه...اي عمه صدك تعودنا عليج
ام فهد...بس ترجعين بلسلامه لاشتريلج احلى جهاز واحلى ذهب
فاطمه...الله لايحرمني منكم ابد انتم اهلي ورب العالمين جبر خاطري بيكم لو احمد ربي ليل نهار ما اوفي حقه
ندى...اني اجيت اودع هاي البنيه الحلوه
ياربي شلون بعدها يمي وشتاقيت الها
فاطمه...ياحبيبتي اني الي ما اعرف شلون اجازي هاي المحبه الحلوه
يمكن امي بكبرها وتدعيلي
ندى...وعندي خبر الكم كلش حلووووو
اني حامل
فاطمه...الف الف مبروك تستاهلين يا احلى البنات
يوم نفرح بسجى ويجيها ابن الحلال الي يستاهلها
ام فهد...اي ولله سجى حبابه وطيبه وتستاهل احسن واحد بلدنيا
عمه مبروك ندى
ندى الله يبارك بيج عمه
من باجر اروح اسوي دفتر رعايه صحيه واريد سجى تروح وياي
ام فهد اي سجى تروح وياج اني مابيه حيل النهار كله محبوسه بلبيت خليها تغير جو شويه
جمانه السعيدي
سجى بشرفج واحد يغير جو يروح للسوك
يروح زياره يروح منتره
مو مستشفى ويه وحده حامل وتتقنعر على
ام فهد اي مكان بس اطلعين راح تنسين الحجي والسلام من كعدت البيت
سجى انشاء الله
فاطمه ثاني يوم طلعنا من الصبح حتى نلحك على ام جاسم بلبيت قبل لاتطلع الزرع
وصلنا من وكت لكينا ابو جاسم طالع وام جاسم كاعده تريك بلولد
دخلنا بيتهم حيل فرحو بينا
وعبرنا ثنيينه اني اندل شغلات امي خالتهن بجيس
عقد الأرض وعقدزواجها ولكيت جنسيتي وياهن
فهد كلهن جيبيها يجوز نحتاجهن
فاطمه اي يجوز بعد مانكدر نرجع هنا
ردنا نطلع ولزمتنا ام جاسم اله تتركون روبة هايشه دسمه وابد
جلال ابن عم فاطمه
كعدت الصبح وصعدت الحمامات
جان اشوف سياره غريبه واكفه باب ام جاسم
شكيت خاف هاي الها علاقه بفاطمه
لان هاي السياره ما شايفه ابد يم بيت ابو جاسم
فكرت اصيح عمي
بعدين كلت خل اتاكد بلاول وبعدين اروح احشم عمامي
