رواية كريات الدم السوداء الجزء الثاني الفصل الثالث عشر بقلم زحل شريف
______سلاسل _______
_راح الباشا وهو يسب بيه
كعدت بحيل مهدود. نوب رجلي تاذيني
بقى ثابت يتعذر .
ثابت::امسحيها بوجهي هو استغل
عدم وجودي .
_شلت راسي باوعتله . وحجيت بعبرة
راح يبقى معتبرني الراقصه الي شوكت
مايعجبه يدك بابها ومو من حقها ترفض .
ثابت؛؛هيج جاي تهينيني . انتي هسه
محسوبه عليه ومهما كان مااقبل بهذا الكلام.
_ابتسمت بقهر. خلينه نحجي الصدك
لو حاسبني اخصك ماجان سوى هيج .
ثابت:لو مثل متكولين
فبنات اليل والعياذ بالله تارسات الشارع
والباشا مايصعب عليه شي . بس
_ضغطت عله رجلي قاصده اخفف شدة الالم
وحجيت بصوت عالي. بس شنو ؟
ثابت:انتي مو غشيمه وتعرفين هو يحبج
مثل ماانه متأكد من حبج اله .
_وانته كتلي الحب مو كلشي
مو لو نسيت كلامك بزواجي من فيصل؟
ثابت:ولحد الان اكول الحب مو اساس
لبناء حياة الامر المشترك بين كل اثنين
هو القبول خو اعرف يحبج بس هل مستعد يضحي.
_لايضحي ولا اضحي ، انه اساسا
منتضرة سالفتك ويا قدر اذا بعدها مصرة
عله الطلاك حته اخذها وابعد بغير محافظه
ثابت::وانه اكول انتي العاقله .
_ترى تعبنا ومن حقنا نرتاح
ساعدتونا بس مو اله نبقه تحت امركم.
ثابت::وانه مارايد غير راحتكم
اطيني مجال احجي ويه قدر . اذا ماقنعت الله وياكم
امنلج مكان وتعيشون انتي واختج وهسه كومي لبسي
حته ترحين وياي .
_جريت حسرة باوعلي مستفسر
دنكت . حسيته انغث من كلامي حاولت اتعذر
بس هو جان مفتهم حالتي .
ثابت::يابه ترى انه وياج صحبان ان
بقت اختج عندي او لا . دكومي والله تعبان فور
دمي هل سافل تدرين كاسر خاطري .
_حجاها وكام . واشر يله
ضحكت . دروح المن ماخذني وياك غير
تريد تحجي ويه ذيج الي متخبله .
ثابت::مالومها ترى رد فعلها طبيعي لاي انسان
عاش ضروفها هيه تحس بضياع تريدني وبنفس
الوقت تريدج وتفكيرها انتي الشخص الوحيد
الي يثبت هويتها او الي تمسح بي نضرة الناس
ونعتها بالقيطه. يرادلها وقت حته تقتنع وتتقبل نفسها
_شيقنعها مثل تجذب نفسها
ثابت::شوفي يابه ترى القيط
هو مجهول نسب .اما قدر فهيه نتيجه فعل
غير شرعي وجدا عادي ياما رجال غلطو مع نساء
واثمر عن هذا الغلط اطفال وبعدين يصحح غلطه
بزواجه منها وينسب هل الطفل اله .
_هزيت راسي. بااسف ورديت بعبرة
شبيدي عليها ولو ابوي باقي هم جان عاتبته.
ثابت::الله يرحمه. بعد الصار صار .
_سواها وطاحت بيها قدر . اوووف اوف.
تدري رغم كل مساوئه بس ماجنت اتوقع
هل مصيبه منه.
ثابت::الانسان خطاء . ترى ياما
ناس مسويه اكثر من هيج ومحد مكتشف
هسه زين ماطلعلج بمصيبه ثانيه.
_باوعتله.ضحك رديت هم عايزة
ولو كلشي يصير نوب بس لاتطلع مديحه اختي؟
ثابت::لا يابه شسالفه فلم هندي شنو.
_قاطع حديثنا صوت نقاله سحبه من جيبه
باوع للرقم وابتسم . رفضه ورد يسالني .
ثابت::ها ترحين وياي لو شنو؟
_لا خليني هنا اصلا رجلي تاذيني
ثابت::عندج علاج .تردين اخذج للدكتور؟
_لا يادكتور هسه اخذ مسكن .وانام .
ثابت::ديربالج لاتضغطين عليها
يله رايح واذا صار شي خابريني.
_قفلت الباب ورا ثابت ورجعت ،جريت علاكة العلاج
وهمزين بطل الماي باقي بي شويه شربت الحبايه
وكعدت عله الجربايه ودموعي تصب بقهر وبالي بي الف سالفه حايرة بمصيرنا انه واختي .وانه بهذا الحال طخت بخشمي ريحة العطر الي باقيه عله المخده ومدري شبيه استنشقتها بقوة:
غمضت عيوني استذكر ليلة البارحة صفنت معقولة
يحبني لهاي الدرجة . ماغمض ولا مل عيونه تنضرلي بلهفه .ومتعطشج لصوتي ،صافن بيه لحد ماكملت الموال وزفر نفس بتعب وهو يحضني .
الباشا::الصوت الي خلاني اعد الايام
بس حته ارجع اسمعه يابويه شكد مشتاق
لهل صوت سمرتي .
_باوعت عليه كلشي بي متغير مو الباشا الي اعرفه
الي كل همه الونسه . مد ايده سحبني لحظنه وهو يحجي.
الباشا::خليتيني اتحسر عله كل شخص
متهني بنومته.
_ اخذني فكري لاايام الصعدة من جان يجيني متلهف ، و يترك بصمته .. بكل شبر بيه
و أَعترف ماكو رجال غيرة حَسسني بأنوثتي ،
جان يعاملني عبالك ملك جمال بحظنه .
تحسرت وانه اتلمس شفايفي نزلت دموعي
عله موقفي ساعتها شلون غافلني بوسه عميقه
ما بين دفو لمساته و دكاته كلبه حسيت روحي
ضعفت بين ايديه وهو هم حس،، بعدته وانه امثل عدم رضاي للي يسوي ابتسم بمكر ، بس ماحرجني رجع طلب اغنيله .
الباشا::خليني استغل هل اليله بصوتج.
_وهيج خلصت اليله وسعفتني جيت ثابت
و الا ما ادري ان جنت اكدر اقاوم بعد لو لا ؟
تحسرت طاردة التفكير بي، خلص لازم ابعد عنه
توني اغفه ،، ودك نقالي رفعت راسي
اريد اشوفه وين كوى كمت جبته من الميز باوعت
رقم غريب كلت اي اجيت بوكتك دتعال افوخ كلبي بيك وكل ضني محابس ، فتحت وفاجئني الصوت عكدت حاجبي منو هذا سلم برزانه.
طارق::مرحبا اسف اذا اتصلت بوقت غير
مناسب انه طارق يمكن معرفه او سامعه عني.
_عضيت ايدي وانه العن بمديحه وتمنيت
لو الزمها . نبهني سؤاله
طارق: الوو تسمعيني.؟
_ريت اي اسمعك اهلا وسهلا .
طارق::ممكن التقي بيج لان
اتصل بقدر مترد عليه.
_واكيد الي انطاك رقمي كلك قدر
مزوجة وميصير تتصل بيها . قاطع كلامه
طارق::ولهذا اتصلت بيج حته لا اسببلها
مشاكل .
_فاجئني كلامه عكس ماجنت متوقعته
الي اعرفه كل شخص مدمن يكون ماعنده
لا اخلاق ولا غيرة بس هذا صفني يحجي باادب .
طارق::حقج تستغربين اتصالي بس صدكيني
مالي نيه ااذيها انه اعتبرها اختي ويمكن
حاجيتلج عني ؟
_اي وهيه هم جانت تكول طارق اخوي.
طارق::بيها مجال نلتقي ؟
_اي بس لازم انطي خبر لزوجها انته تعرفه
اكيد اهلك حجولك عنه .
طارق::. تمام انتضر منج اتصال .
واسف مرة ثانيه اذا ازعجتج.
_مااطاني مجال ارد سد التلفون .
صفنت شسوي . فكرت احسن شي انتضر
قدر شراح يكون مصيرها ويه ثابت . مسحت وجهي بتعب وانه اسب بمديحه وبسرعه خابرتها وبس فتحت خط
مديحه::الووو
_مانطيتها مجال تحجي صحت بيها
يعني راح تبقين تمشين وتوزعين ابارقامنا
بت الجحش شبيج شبيج تخبلتي،
مديحه:شبيج ياارقام؟
_بعدت النقال من اذني باوعت للشاشه
صغطت عله اعدادات الصوت وكل ضني الخلل
من يمي ورجعته لاذني ردت بنفس النبرة.
مديحه::شبيج ام اعطوب.
__وشبيج تحجين بصوت ناصي شنو ؟
مراقبينج لو خدرانه بت التالف نايمه
صحصحي .احجي وياج .
مديحه:: نوميش ولج مريضه مابيه احجي.
_عساج بالمرض بت التالف
ومدام مريضه شعدج باقيه هناك لو ماتفاركين
مديحه ::اكلها مريضه ولج مابيه
اتحرك عضامي كلها توجعني نوب ارد اكوم
اطفي البنكه كتلني البرد مااكدر.
_عضيت ايدي اتمنيت الزمج اله اكسر
اعضامج . هسه الج نيه تجين لو متانيه
الشفيه يعطف عليج ؟.تحسرت وردت بعبرة
مديحه::ماضن راح يعطف .
_ومن تعرفين هيج شكو باقيه.
مديحه::والى متى ابقه عندج ومنو يكول
عيال اختج يرضون ؟
_لا بشرفج صايرة تفكرين. ولجج شعليهم
كاعدين بيتهم لو يحكموني ويحددون الي يعيش وياي بيتي وكيفي . محد اله حق يحجي وانه اصلا ارد ابيعه واشيل بعيد عنهم .
مديحه::هسه عليمن تصيحين؟ مو طرشتيني
_اخ بويه كون اكضج وروح امي اله
اسحلج ولج وين لكيتي طارق وليش تنطينه رقمي .
مديحه::ترى هو طلبه مللني يوميه يجي
وشفته خوش ولد . كال انه بالي يم قدر بس اريد اطمن عليها لان ماجاي ترد عليه كتله هذا رقم اختها وهيه اطمنك.
_هسه الج نيه تجي لو لا ؟
مديحة::بس خل تفكني الصخونه ولج
مااكدر اتحرك.
_من حركة كلبي سديته بوجها
ضليت حايرة اوديمن عليها يجيبها. وماعندي
غير ثابت دكيت وتفاجئت برده.
ثابت::ادري احد وزاج عليه تتصلين بهل لحظه.
_فكيت حلكي بصدمه. سديته النقال
وانه اسب بمديحه بس ولا توقعت يحجي هيج
يا معقوله يم زوجته بعدني الوم بروحي ودك عليه
فتحت خط وانه فشلانه اجاني صوته يضحك.
ضليت اتعذر .رد
ثابت ::شبيج يابه نتشاقه وياج
امريني عيني ها محتاجه شي .
_صفنت ثواني كلت مو مال اكله روح جيبلي
مديحه عيب . حاولت ابين الامر طبيعي كتله
عود ردت ابلغك اريد اروح لمديحه .
ثابت::لا يابه وين ترحين ترى انتي
مو مال مشي وتعب . وبعدين شعدج رايحه ؟
خو هيه تجي.
_ تستحي وتكول خاف اهل ثابت
مايقبلون .
ثابت::شكو يمعوده شنو مانقبل .
دخابريها خابريها خل تجي
_مريضه خطيه
حته ماتكدر تحجي لازمتها فلاونزه
كلت اروح اقنعها تجي وياي.
ثابت:انه اروح بلكي يصيرلي مجال باليل.
_لا انه اروح هم اريد اجيب غراض
امي وبلكي الكه شي لجاسم عاد يبقالي ذكرى
وهم اتمشه شويه احس روحي اختنكت
لاتخاف ترى ماكو شي بالصعده .
ثابت::لا هو ماكو شي حاليا لان
محد طلع من الزمرة الجانت تشكل خطر.
بس انتي شيطلعج؟ للشارع.
_ ترى مو بعيد .
ثابت::ماشي عود انطيني خبر
من توصلين .
_نهيت مكالمتي ويا وكمت
لبست وخذت جنطتي وطلعت امشي بخطوات
بطيئه لحد ماوكفت تكسي لحد ماوصلت الصعده
ثابت كل شويه ياخبرني . نزلت براس الشارع امشي
ودموعي اتصب رغم الضيم العشنا هنا بس هو احتوانا المكان الوحيد الي مانستكف من لونا وهويتنا بي ولا نتعير من ناسه وغصب راحت عيوني للكراج الي شوفته تذكرني بيوم موت جويسم . بلعت غصتي ومشيت دكيت الباب طلعت مديحه وتفاجئت من شافتني .
مديحه::شجابج بت الصخل ؟
_دفعتها بالعكازه ودخلت طبكت الباب
واجت وراي وهيه تحجي.
مديحه::ولج مو كالولج لاتضغطين عله رجلج.
_كعدت عله القنفه وخليت العكازه بصفي
ادنت بوستني كفختها عله راسها .
مديحه::ايي خرب ابوج شبيج ؟
_حجتها وكعد عله المندر المفروش
بالكاع باوعت عليها جرت الشال شدت راسها
صحت بيها لو مااعرف امج جا كلت انتي بيت صوله.
مديحه::ولج راسي موتني.
_كلاواتج خليهن عله صفحه ،واحجيلي الشفيه شناوي؟هزت ايدها وردت وهيه تحاول تتعذر بمكانه .
مديحه::غير يقنع باابو .
_صحت ولج يرادلها قناعه شو عايش الدور
محابس وعبالك هو الولد المايكسر كلمة ابوووو
ومن حركة كلبي دكيت عله رجلي حيل نسيت
عمليتي ماانتبهت لحد ماالوجع خلاني اكمز .
مديحه::يمعودة يطبني مرض
هسه عليمن شاغت روحج شو بله خل
افرجها الج بلي ترتاحين .
_ احس الالم بكلبي ،ضلت تبجي كسرت
خاطري كعدت . ركضت لعلاكة العلاجة مالتها تبحوش بيها صحت ترى رجلي بيها بلاتين مو فلانزة طلعتلها شريط حبوب و جابتلي ماي .
مديحه::هذا مسكن .
_اخذته منها وانه اسال وهذا منو الجابه
الج . سكتت لحد ماشربت الحبايه اخذت بطل
المي وردت كعدت بمكانها .
مديحه؛هو جابه امس .
_وفي ابن التالف.
مديحه ::ليش احس تقصدين غير شي.
_كلهم مابيهم خير والحلاب اوفى منهم.
مديحه::شوفي مو عبالج ادافعله
بس كدامي خابر الخال وحجه ويا ولج لو تدرين
شسوا بي كلك كل عقلك تريد ترجع لنفس المستنقع.
_وليش يرجع خو يحطله مكان
ويزوجكم بي.
مديحة::عود محابس كاله شكو بيها
مو هذا ثابت اخذ قدر.
_اي صدك يعني منين مستنكف
جا ابنه احسن من ثابت.
مديحه::شوفي ماريد اضوجج بس .
_تحجين لو اصفكج بالعكازه.
مديحه:يكله اول شي قدر ماتربت بالصعده
ولا احد شايفها حته يخاف بيوم يصادفه احد
من الطلعوها يقصدني انه وياج .
_كولي يقصدني ترى مايهمني
انتي شكو طالعه راكصه.كملي.
مديحه؛اي كاله وبعدين ثابت ،مو مثلك يعني هو ستر عليها لله ،بس انته لازم تحاول تحسن من وضعك فكر عندك خوات وزلمهن ناس مستواها يختلف كون توصل لمستواهم حته يتقبلن وجودك . وحته عنج حجه.
_وانه شكو بمستوا ؟
مديحه::مو محابس كاله يعني لو الباشا
متزوج سونه . خواته مايتقبلنه.
_ياطلابت سونه الماخلصت.
مديحه::اي رد كاله الباشا مو غبي
ولا يفكر مثلك ترى ماياخذها ولا يضحي
بسمعته.
_صفنت والله لو الي خلك جان خليته
يجيب الخال يخطبني . المهم هذا كله حجي
ومحابس يكدر يجبر ابو . ولو شريف ماعافج
هنا لوحدج .
مديحه::لا كالي امشي اوصلج لسونه
بس انه مارضيت .
_وليش ماجيتي لو عليمن جايتني غير تبقين
توزعين ارقام ولج شسوي بيج .
مديحه:؛لا بس كلت اذا اجيتج راح
يخلص من مسؤليتي .
_فكيت حلكي .يعني هو اصلا مارايدج، و انتي ذابه روحج عليه ومجلبه بذياله من طاح حظج .
مديحه::غصبن عليه يجازي تعبي
وكفاتي بالركن وانه اراقب خاف الحكومه تكبسه
يولي جا يريد يدور وجهه ويروح وعبالك مايعرفنا.
_تكومين لو اكوم اسحلج وشرط اذبج
بنص النشارة مال النجاري وارش عليج كاز
واحركج . ولج يولي انعل ابو لابو خيرة
مديحه::الى متى ابقه عندج
كليلي ترى اول وتالي تجيج قسمه.
خو ماتشرطين عله الياخذج ياخذني وياج
شنو غساله وفوكها هديه خلاط .
_لاوتحششين ،اول شي سالفه الزواج
بالنسبة الي مافكر ولا اريد رجال بحايتي
ولج امس الباشا باس الكاع وتوسل .
مديحه::تطورات وكذا وليش يبوس
الكاع خو يبوسج.
_تحجي وتهز بحواجبها . شمرت عليها
الكوشه مال القنفه . ضلت تتوسل حجيتلها
الصار وكل موقف اذكرة تخلي اصابعها بحلكها
وتصوفر . خرب ابوج طرشيني شبيج.
مديحة::تدرين لو انه بمكانج جا
اخذته وكسرت خشم اهله والخال.
_مالي نفس بعد الشفته كافي
خليني اعيش مثل البشر انام اكل اطلع
دكومي امشينا ترى رجلي موتتني ،
مديحة::هو كال اطيني مجال هاي
الايام . خليني اشوف تاليتيه.
_وبعدني ماراده عليها اندك الباب
كامت وعبالك تعرف الي جاي صحت وراها
لاتفتحين اذا ماتتاكدين منو . ماردت عليه
ورا ثواني دخلت وهو وراها . سلم وعود مسوي روحه مصدوم بوجودي عرفت احد من المنطقه اطا خبر .
محابس::هاي ام اعطوب هنا جا ليش
ماخابرتيني وكلتي .حيا الله من يانه عله كولت
اخوانه الخليج .
_رديت برود. ترى بيتنا عود شوكت
ماحطيتلها بيت ساعتها تبلغك باليجيها، باوعلي
مستهزء كعد وخله رجل عله رجل . ورد بنفس نبرتي.
محابس::هههه صايرة متكلمه ام اعطوب.
_تعلمنا مثل ماانته تحاول تتعلم
تقلد ابوك وناسه بهاي كعدت . فك عيونه بصدمه من ردي . ماانطيته مجال يحجي بسرعه سالته اي استاذ شوكت ناوي توفي بكلمتك قبل عذرك مالي احد مطلوب للحكومه هسه انته ابن الخال .
محابس::اكيد مو نذل مثل ابوج .
_صير احسن منه وافرضها عله
ابوك خو مايتبرة منك اذا تزوجتها .
محابس ::شي خاص بينا لاتدخلين
روحي رتبي حياتج بدال ماضاله يومين
معرسه ومطلكه .
_شسوي ردت رجال بي خير
ماكو كلكم زباله. حجيتها وجريت عكازتي
اريد اكوم طفر عليه جرني من ايدي حيل.
محابس::اي بت الزباله . دتعاي ارد اعلمج
الزباله شيسوي .
_يحجي ويعت بيه اختل توازني
ورجلي اذتني طفرت مديحه ترد تخلصني منه
دفعها وتوجه بيه للغرفه ماتوقعت يسوي هيج.
مديحه::ولك هدها شبيك تخبلت رجلها
يمعود لاتسكط عمليتها .
_ولا اهتم لحجيها سحلني للغرفه
والتفت قفل الباب . ضليت واكفه اباوعله
ماردت ابين خوفي . سندت روحي عله الحايط
مديحه ضلت ادك بالباب وتصيح . وهو يسب بيها
محابس::سدي حلكج لو اطلع اشعل
عشيرتج .
_حجيت مسمعتها . بله اسكتي خلينه انشوف
استاذ محابس شيريد . والتفتت عليه وصحت
بيها مجال تفهمني شني هل تصرف تريد تكتلني لووو؟
محابس::اثنينهن .
_تفاجئت برده . هزيت ايدي وتقدمت للباب
جرني مرجعني نكتت ايده وصرخت وخرررر نذل.
ولك حاطها مقر تخلص ليلك يمها استغليت حاجتها الك
محابس::مثل مااستغليتيني. ورتبتي امورج
ويا الباشا وعلستن اهل الصعده انتي واختج.
_لا بشرفك . عود صدك تحجي
يعني هسه انته ضايج عليهم لو شنو
ولك المفرض تبوس ايدي لان خلصت الناس من
شرهم وانته اكثر واحد اجت هل سالفه لمصلحته .
محابس::وهمه شذنبهم ولج خيرهم انحكم
سبع سنين والكارثه سليمه ١٥ حالها حال غازي.
_ويطبها مرض ،قليل ابحقها ولك خليني
ساكته تدري الخال ابوك وخذتني اله تعرف
لو يحركونها بنار جهنم عله السوته .
محابس::جرتج بحبل لو انتي المشيتي
برضاتج سوننننه ،ياهي الغنت حته تلفت انتبه
_قاطعته. وهسه انته جاي تحاسبني
عله الفات شو وخر خل اطلع . ولو بيك غيرة
استر مديحه خطيه ترى تحبك وحاطه املها بيك.
محابس::وانتي منو املج؟
_هههه ابشرك حفضت الدرس
وبعد مااتامل بشر . رد وصفني بردة
محابس::اتزوجها بس بشرط .
_وبدون ماساله شنو فهمت من نضرته
ضحكت. ويلوموني من اكول نذل مو العرج دساس
شهكت من قوة الطكه الاجتني مالحكت الزم
الحايط صارت طيحتي عله رجلي صرخت بصوت عالي . ومديحه فلشت الباب وهو استلمني غلط.
محابس::اذا ماخليتج تتوسلين استرج.
_بين صريخي وصوت مديحه
ارد بس اكوم ماكدرت . دنك عليه جرني
محابس::طلعلج السان عبالج
ثابت يوكف بوجهي لو اخاف من الباشا .
_كعدني عله طرف الجربايه وهو يسب
بيه . دنك يريد يلزم رجلي دفعته .
محابس::طبج مرض .
_ضعطت عله روحي وكمت اشرتله
افتح الباب .
محابس ::كعدي خلي احجي وياج
_شتحجي ولك شتحجي كل عقلك.
محابس::اي شكو بيها ترى عادي
قابل هيه اختج ومايصير اتزوجن سوى.
_لا وتحجي بالشرع خوش ،بس الي ماتعرفه
حرام زواجي بيك لان ابوك جان رايدني زواج
بالسر من خذتني اله سلوم.
محابس::بي ماتزوجج.
_والضاهر مديحه سمعته صاحت .
مديحه::وانه بعد مايشرفني واحد مثلك
افتح الباب ترى الباشا واهله جايين.
_كمت وانه احجي. احرتكت عشيرتج
المن خابرتي . تقدم مانعني اوصل الباب
صحت وخررر لا تخليني اسوي الي ماصاير.
محابس::وشبيج انخطف لونج
خاف ماتردينه يشوفج وياي .
_واخر همي انته ويا وبعدين
اكيد راح يعرف دخلتي للغرفه غصب عني.
محابس::خوش بس خو ماكتيله
اخذتج للكراج غصب.اله صدك هو يدري لولا.
_بلعت عغصتي ورديت . ليش ماتدري
خالتك سلوم. شكد تحبه بحيث ماتضم عنه شي.
محابس::جا عليمن خايفه بعد .
_وقبل ماارد . اندك باب الغرفه بقوى
وصوت ثابت هز البيت هز.
ثابت::افتح الباب ياحقير.
_تقدم كبلي سحب السركي
وبس انفتحانفتح الباب جفت ثابت وهو يصفك
محابس عله وجه اترد للخلف متفاجئ ماجان متوقع
الطكه راد يتلازم ويا ودخل الباشا التفت ثابت جر محابس بعده وكف بوجه الباشا.
ثابت::خل نطلع. وتعاركو براحتك
_تقدم عليه كومني واشر للباشا اطلع
ومدري شعجب ماحجه . طلعت لكيت مديحه
كاعده ومخليه راسها بين رجلها وتبجي . صاح بيها
ثابت :كومي يابه ._
_اشرتلها كامت لبست صايتها ولمت غراضها . طلع الباشا قبلنه. وقبل مانعبر،الصاله صاح عليها محابس،
محابس؛؛وين موليه . رجعي لمكانج
همه اجو ياخذون نسيبتهم انتي شكو.
_التفت عليه ثابت باوعله بااستحقار
بس فوخ كلبي من رد عليه.
ثابت::عود من تخليلها بيت اتحكم
بيها ويله توكل اريد اقفل الباب .
_هز راسه بتوعد وطلع.
_ركضت مديحه طفت الثلاجه والاضويه
وسدت بيبان الغرف وجابت القفل انطته
طلعنا . وثابت قفل الباب الرئيس . وصلنه للركن اشرلنا ثابت طلعن كدامي وتقدم عله محابس . خفت امشي ويتعاركون ضلينا واكفين وهو استلمه رزايل.
ثابت::نصيح لا تلحكنه ولا ترواي وجهك
لامااضمن رد فعله . انتضرني اوصل البنات
واجي لبيتكم والي كلام ويا ابوك .
_لزمتني مديحه تجيلي لحد ماوصلنه سيارة
الباشا . ومن كثر ماشارب جكاير صايرة مدخنه
ساعدني ثابت صعدت ومديحه يمي وهو صعد بالصدر
ثابت::خرب ضميرك ادري مسويها مدخنه
شسالفه .ماتكلي .
تجاهل كلام ثابت والتفت عليه يحجي
بحركه .
الباشا::بس اريد اعرف المن اجيتي
شعدج هنا ولج انتي ماتوبينننن .
_مارديت عليه درت وجهي لمديحه
اريدها بس ترفعلي رجلي . وهو تخبل يصيح
بصوت عالي .
الباشا::احجي بت الكلب ردي .
_صحت شكو شتريد ترى ماموديه
عليك تجي وراي .
الباشا::وانه ماجيت حبا بيج
بس لخاطر سمعتنا اسمعي ولج اختج جنتنا والكل يعرف انتي تخصينا ومعتبرينج منا تحترمين نفسج
ودروب الصعده تبطليها . عندج شي تردين ترجعين لذاك الزباله .
_غثني كلامه حاول ثابت يسكته
بس هو زودها . رديت عليه واذا اخذتو اختي
تمشوني بكيفكم لو شنو ترى مالك شي يمي
هز راسه تمام و سكت . طلعنا الصعده ومشه بينا مسافه وطبك ساله ثابت .
ثابت::ها بس لاخلصت بانزين .
_رد وعينه عليه .
الباشا::اخذ مديحه وانزل.
_صاح بي ثابت.
ثابت::ماتحترم نفسك ترى زودها ليش تخليني
اطيح حضك شو امشي يله .
الباشا::والله ماتحرك كتلك انزل.
ثابت::لا صدك ماتستحي ولك كوا.... انه وتريد تاخذها
الباشا::ليش مو بعده العقد ماانته وبعد يومي
لو نسيت مو انته العقدت النه اضن مو حرام
اذا اريد احجي ويها عله انفراد .
ثابت::هينه اعلمك .
_حجاها ودار علينا اشر انزلو
وقبل مااتحرك . صاح بيه.
الباشا::وحق الله اذا نزلت اكسر رجلج الثانيه.
_ضليت حايرة وهو ثابت تصايحو
خفت يتعاركون .كتلت لثابت هاي هيه
اخذ مديحه وروح قابل جديده عليه هل سالفه
همه ضلو كل ساعه واحد جارني بس وروح امي اذا ماجريتهم للحكومه .اذا مااشتكيت عليه وعله محابس
ثابت::نزلي يمعوده.
_اشرتله لا ضل يحجي وغلط عله الباشا
كوى قنع يعوفني نزلت مديحه . درت وجهي اخفي
ادموعي عن نضرات ثابت الي ماقابل بتصرفي
تحرك الباشا يسوق مسافه مو بعيده وكف باوعتله متساله شكو .
الباشا::عبري هنا مو سايق ابوج.
_صحت . شلون اعبر انته شنو بشر
يعني ماشفت شلون صعدني كوى صعدني
ثابت .بدون مايرد عليه نزل افتر من الجهه
الباب اليمي فتحه وماانطاني مجال احجي جرني
عليه اضطريت الزم بجتافه شالني عبرني للصدر
الباشا::نوب شثكلج بت الجحش
شكد وزنج طن .
_طبك الباب ورد صعد طول الطريق
هو .ويحجي .
الباشا::كعدناج مثل البشر وبيت
وحدج وبنصنا وحامينج . بس البيج مايخليج
لازم تزورين الصعده وتعيدين امجادج بيها .
_حسيته داس بطني ماكدرت اسكت
رديت اونه. افرج برجلي . لا والله مشكور
وكثر الله خيرك عله اساس مشتريلي بيتك بفلوسك
ترى مهري من فيصل باشااااا.
الباشا::لنعل ابوج لابو فيصل لابو الساعة
السوده العرفتج بيها .سهله انه اعلمج نوب
ماراضيه .
ضل يسب بيه وبمحابس دخت . رديت عليه
ترى انته مدخل نفس انه ماخابرتك .
الباشا::اي اكيد مانخابريني غير تخافين
عله محبس . بس خو ماعوف ثابت يركض وراج
ترى مللتينا بت الجحش شتردين ها نضل نباوع
لمحابس وهو ساحلج .واكيد يوصل الخبر للحجي.
_عفته يحجي ودرت وجهي للجامه
وصلنه للمزرعة طبك و نزل اندار فتحلي الباب راد يجرني صرخت بوجهه :
-عوفني اني انزل !
ترى اكدر مو مكرمه.
الباشا::دتعاي يمعوده لا اطيحين
ونوب يسوونج عليه مرة .
_رديت بعبرة . لوتدري اكو احد يداعيك
بيه جا ماسويت هيج . باوعلي مستغرب .
الباشا::شمسوي ولج فوك ماجيت طلعتج
من النذل الي الله يعلم شناوي يسوي.
_وطلعتني منه وخذتني الك .باعلي ورد
الباشا::دنزلي احجي وياج وارجعج ترى
ماجايبج اعرس عليج .
_غمضت من الم رجلي اريد أَثبت العكازة ، زفر انفاسه بقلة صبر ، مد ايده حاوط ظهري و ساعدني ، ماردت اضعف تململت جوه ايده ، همس بأنفعال :
الباشا:ترى حلال شنو نسيتي انه عاقد عليج .
صحت بعصبية :
-يا طلابه العقد الما تخلص ما نسيت ..بس وخر
عني روحي .صرخ بوجهي :
الباشا::ترى تعبتيني ، كليلي شتريدين بالضبط لوين تريدين توصلين ، كعدناج ابيت معززة مكرمة ما هجدتي كل شويه مادة راسج بالصعدة ، لو يم مديحة شنو بويه حنيتي لو تردين ترجعيله لو شنو ؟
فريت ايدي مستهزئة بكلامه
- واني اذا اريد ارجعله قابل تمنعني
الباشا::امنعج و اكسر راسج بعد ، شوفي سونه لا تمتحنين صبري عندي استعداد ادفنج حية و ما يرفلي جفن
_باوعتله بأسف و حسيت بتعب
رحت كعدت عالقنفه
_واكف يباوعلي بحزن ، :تحسر و صاح بتعب :
الباشا؛؛فحطتيني تدرين
_ابتسمت غصباً عليه و همست :
-انت جايب الفحطة لروحك باشا ، انت الجاي تركض وراي ترى طريقنا مسدود ، رجعني لبيتي اترجاك
الباشا : تعبان مالي خلك اسوق خليها
باجر هيج هيج باقيلي ليلتين وياج
-عفيه هالليلتين ، شلون يخلصن عمي
ما يصير انطيك بدل عنهن و تعتقني عاد
باوعلي بنظرات ماكرة اخترقت حتى جلدي
دنك على رجلي و صار يمسد عليها خفيف ،
الباشا::هو بدل واحد و ما يحتاح اكلج شلون
_ارتبكت و سويت روحي ما فاهمة قصده ، صحت
ترا جاي توجعني و بسببك حتى علاجي ما جبته .
الباشا : و شتسوين بالعلاج و اني موجود ، اني اطيبها الج
فريت ايدي و ضحكت
-على كيفك عيني يا صيدلية
رفع حاجبه و همس
الباشا::و تحششين بعد
_باوعت لعيونه واضح بيهن الشوك و الهفة دارت لحظة صمت وشكد جنت محتاجه اركز بوجهه و اشبع شوف بتفاصيله ..
كام كعد بصفي ، استندت بأيديه قاصده ابعد بس بحركة سريعة من عنده جر راسي و خلاه على صدره
دنك يشم بشعري همس بنبرة مرتخية :
الباشا::خليني بس اشمج عاد ، و اسمع انفاسج .
_حسيت روحي جاي اجاهد ما بين صوت عقلي الي يطالبني ابتعد و صوت گلبي الي تباطئت نبضاته و تريد قربه ..اطلقت صراح دموعي. اغلط بروحي مثل الي يدفعله بشر وهو مجلب بي
الباشا::ليش تكابرين فهميني
ولج وداعت الحجي وشرفي لو مااعرف بيج
ترديني جان عفتج .
_دنكت مد ايده و رفع حنجي ، باوع بعيوني لثواني ، ارتخت نبرة صوته و الكلام يطلع من حنجرته مثل مسكن خدر كل حواسي .
الباشا : انتِ ليش ماجاي تفهمين انه من اكدر من دونج سمرا ؟
سكتت و لساني انعكد ، احس كل اسلحتي انهارت كدامه حاولت اندفع بنفسي بعيد عنه بس ما انطاني مجال شدد قبضته على خصري و لمساته صارت أكثر جرأة محسيت الا و نزل على شفايفي ببوسه قوية ترجمت كل شوكه و غضبه و حرمانه مني
الباشا::كافي تعاقبيني ولج مو رجفت
شفايفج فاضحتج .ارد اشوف لشوكت تقاومين.
_لحظات و تجرد هو من كل وعوده بأن يتركني
لحال سبيلي و وما يتقربلي. نقذني من ضبقته
صوت النقال دفعته رد جرني حاولت احجي بعصبيه
هز راسه تمام وسحب نقاله فتح خط ومن رده عرفت
ثابت الي اتصل.
الباشا::يابه شنو جو الرعب هذا.
_ومدري شكله . وخلاه ياوعلي بصدمه
كام وهو مزعوج توجه للباب فتحه وتفاجئت
بثابت الي دخل وعيونه ادور لحد ماشافني
دار موجه كلامه للباشا
ثابت::منا وانتهى البينه.
الباشا::لابشرفك خل نتفاهم يابه
شسالفه ترى الكلام اخذ وعطى اطيني مجا. مرة
صار بيني وبينها خلاف وطلكنا، شنو الغلط اذا ردت اصالحها ونريد نتفاهم .
_حجاها والتفت عليه غمزلي صفنت ثواني
يله افتهمت حركته . بسرعه مديت ايدي لجتافي
ادور شالي جريت خليته عله شعر. وكمت قاصده
ابرر موقفي ردت ابين لثابت ماصار بينا شي باوعلي وضحك .و ثابت .مستمر يحجي.
ثابت::وتفاهمتو بشرني شنو اخر كعدتكم
ترجع لذمتك شكو بيها هاي من الزينات .
الباشا::رجعي يابه شكو كمتي ليش محسسيني
مسوي فد جريمه . واشبيج مرتبكه وعبالك ابوج
لازمج طالعه وياي من المدرسه .
_تمنيت اختفي من الفشله نزلن دموعي
دفعه ثابت وطلع وهو يحجي.
ثابت::يله يابه انتضرج بالسيارة.
_دنكت اخذت عكازتي . ودموعي تصب
باوعلي وحجه بقهر .
الباشا::عليمن تبجين انتي الي مصرة تخلينه
بهيج مواقف ،تذكري حاولت وياج بكل طريقه:
ردت امتلكج مثل ماامتكلتي عقلي بااول أغنيه
سمعتها بصوتج .
_بلعت عبرتي ومشيت ردت اعبر من يمه
جرني لحظنه شمني بقوة .
الباشا:هاي اخر مرة تشوفيني ثقي
بعد مااعترض طريقج ،روحي الله وياج.
_مشيت واحس الم بكلبي اقوة من الم
رجلي . لكيت ثابت واكف ماباوعت بوجه
فتحلي الباب صعدت . وطلعنا من المزرعه طول الطريق دموعي تصب كوى كاتمه صوت شهكتي لحد ماوصلني لبيتي تلكتني مديحه من الباب . حته مارديت عله ثابت من ودعني دخلت واشرتله تقفل الباب . نفذت واجت تركض وراي وتسال.
مديحه::وين اخذج المفلوك؟
_بجيت بصوت عالي. كامت حظنتني
مديحه::يمعوده عليمن تبجين . شصار فهميني.
_صحت . غير كون انه فاهمه حته افهمج
ولج ادفعه وانه بحاجت حظنه . ارفضه وادعي
بكلبي كون مايعوفني . ليششششش مكتوب عليه
ماارتاح ليش رب العالمين خلاه بطريقي وحرمه عليه.
مديحه::انتي محرمته عله روحج.
موكتلج اخذي وكسري خشومهم .
_ولج شحال لو ماشفتي مرته شكد حلوه.
مديحه::وانتي شناقص .
_ناقصني نسب بي خير سمعه اسم اهل اصل عشيرة.
ولج ناقصني هواي .اعذار يتعذر بيها اذا عيرو
راقصه وابوها طبال عبده واخوها انكتل بسبب المخدرات دخلتي للمركز .
مديحه::اووو لو كلها مثلج جا الغجر ماعرسو
ولا سلطانه تزوجة الشيخ .
_سكتنا صوت النقال كامت جابته وهيه ادردم.
مديحه::هاي قدر موتتني كل شويه ادك
_خو ماحجيتي الها الصار.
مديحه::لا ثابت كال اذا سالتج كولي ضربتها
ابرة ونامت عود من تكعد تخابرج . وانه نفذت الكاله.
_شعجب مو عوايدج . عاد انتي بسرعه
تغردين . شمرت النقال عليه وهيه تغمني
رديت عله قدر الي استلمتني عتب.
قدر::اي بعد اجتج مديحه طبعا تنسيني
بعد شلج بيه . هيه اقرب مني الج بس انه ردت اطمن
عليج ترى ماريده اجي لا تخافين ماراح اطلك واكعد عندج .
_بلعت غصتي وحاولت ارد طبيعي
ترى جنت نايمه اليوم رجلي موتتني وكوى سكنت.
قدر::خوش اخذي راحتج . يله باي.
_شمرت النقال وكمت . بوجهي للفراش شبعت
بجي لحد ماغفيت . ثاني يوم كعدت لكيت مديحه
محضرة الريوك اشرتلي يله . تريكت وهيه تسولف عليه.
مديحه::اكلج عندي فكرة.
_لا عفيه مابيه حيل افكارج الجهنميه .
مديحه::دسمعي اول .
_سمعنا .
مديحه::شنو رايج اروح لاهل امي .
_باوعتلها تحجي من عقلها .
مديحه::اي شبيج شوجنج ماراضيه
ترى المفروض من زمان اروح .
_وشعدج رايحه ومنو يكول يردونج
وشمدريج باقين بمكانهم .
مديحه::همه بمكانهم بس وين بالضبط
مااندل. وشعدي رايحه . اكلج لازم اروح لشوكت
ابقه بدون اهل ولا الي اصل وعبالك زرعه مشاتل .
_وعله اساس انه اهلي تارسين المنطقه
خايبه دسكتي وهو ياهو سالج عن اهلج وحته
لو سألوج كولي اهلي سكنو النجف . وعله طاري النجف
وبدال افكارج المثل وجهج شتكولين لو نروح لااهلنه
نزورهم .
مديحه::تندلين ؟انه مااندل مكان امي.
_حته انه مااندل . غمتني وكامت وهيه تحجي
مديحه::وتكول افكاري مابيها خير جا ماخذتنه
نسال منكر ونكير .زين منو يندل حته يدلينا
_تحسرت . بله امج ثابت يدلينا
بس امي محد يعرف مكانها غير سلوم .
مديحه::اي نروح نسال سلوم .
_ولج هيه. بالركن مال الصعده
ونروح نسألها .ما تسكتين ترى روحي طافرة
مديحه::شبيج اقصد نروح نواجها
ونكلها تنطينا العنوان.
_عفتها تحجي وكمت . لحكتني
وطول اليوم اليوم هيه تحاول لحد ما زهكتني
صحت ولج منو الي يدخلنه لصخام بت الكلب.
هزت حواجبها وردت بضحك .
مديحه::الاخ ثابت .
_غمضت عيوني بقهر . من موقف
البارحه حته مالي عين اخابرة وهو هم مااتصل.
مديحه::مطوله بصفنت الذكريات .
_باوعتلها . بحيرة سندت روحي
وكعدت عله القنفه . وهيه تنضرلي بقله صبر.
مديحه::راح تشحنين لو تردين تلقين خطبه
ماتحجين بت الصخل مو فتيتي كلبي.
_شحجي ولج مستحيه منه
اسكتي متت قهر من اجه عليه
للمزرعه . وشافني بمنضر اوف خرب روحك الباشا.
مديحه::لماذا هل شاهدك بمنضر
رومانسي خليع مع الباشا.
_تحجي وتتغامز . طكيتها بالعكازه
ابتعدت عني وهي تضحك.
مديحه::اخ خرب اعطوبج
تدرين مفكرة اخذ العكازه واشمرها من السياج
واخليج اطفرين مثل الكنغر .
_وبعد ملحه منها . دكيت عله ثابت
وانه ادعي كون مايرد بس الضاهر
هل دعوى باطله ماوصلت رد عليه مثل عادته.
ثابت::ها يابه ؟
_وبعد السلام . كتله عن فكرة مديحه
ثابت::اي خل اشوف الولد يرتبولج
زيارة .
_يعني يصير؟
ثابت::اي طبيعي جدا وهيه مرت ابوج.
_جا ومديحه .
_ثابت::ومديحه شعدها رايحه.
_حجيتله تريد تسال عن اهل
امها وسلوم تندل مكانهم واساميهم.
ثابت::شكلج . يعني من جانب حقها
بس مااعرف هل صحيح روحتها مو احنه مانعرف
هذاك المكان وناسه وخاف تذب نفسها بتهلكه.
_نسال سلوم ونفتهم .
ثابت::تمام .
_وبعد يومين خابرني كال هيئو نفسكم
اجه علينا طلعنا . وكل ضني اشوف الباشا هناك
وتفاجى بااياد . دخلونه لغرفه . كعدنا وحده تباوع
بوجه الثانيه . ومدري ليش دخول المركز يخوف
لحد ماانفتح الباب رفعت راسي اباوعلها
نصدمت من شافتنا كامت مديحه قبلي بوستها
سحبت العكازه وكمت بطئ متعذره برجلي
جرتني لحظنها وعبالك ام مفاركه بنتها.
سليمه::ام اعطوب . مشتاقتلج بت التالف.
_ استغربت تصرفها وجنت حيل شايله عليها بسبب
الصار بي بس خانني دموعي ثواني وهيه شابكتني
بعدت امسح بدموعي كعدنا وحده كبال الثانيه وانصدم
تعرف عني كلشي . صفنت شعجب محابس ماحاجيلها عني بس اكيد اكو من الي يوللصها اخبار الشارع والاكد شكي من كتلها انه استقريت بكربلاء اشتغل بفندق .
نضراتلي بعدم قناعه ضلت تسال عن وضعي .وسالت عن قدر اختصرت الجواب بس راحت لخوالها وماعرف عنها شي باوعتلي مامقتنعه .ردت كالت
سلوم::شعجب جاياتني ولا تكولن
مشتاقيلج.لان اعرفجن زباله وناكرات عشرة.
_انطلقت مديحه حجتلها سبب
جيتنا . وانه بس اباوع عليهن نفس شكلها
ونفس الحركات ونفس العنتكه .
سليمه؛؛وشعدج موليه من زينهم اهل امج
ترى حسب مااذكر مابقه منهم غير واحد
من خوالج رجليه عوج .
_غصب عني ضحكت .ردت مديحه
مديحه::يابه اريد اطلع بيه للشغل
رجليه عوج اديه اطوال . ميت وباقيه مرته
المهم اروح انكبر يمهم عاد مني وبيه لا اتعاير ولا يستنكفون مني .
سلوم::وليش ماقبلتي بمحابس وانكبرتي يمه.
_باوعتلها مستغربه معقوله
محابس مجذب عليها. ردت مديحه بقهر.
مديحه::ابو ماقبل.
سليمه::وهو اله ياخذ اذنه
مديحه::جا شلون يتزوجني بطلاسم
غير اهله لازم يعرفون.
سليمه::وانتي شكو بااهله بت الجحش
يعقد عليج وتبقين كاعده بيتي انتي وام اعطوب
لحد مااطلع.
_باوعتلها وهزيت ايدي خزرتني
كتلها يعني يخليها بالصعده
سليمه::لا يوديها للصين .
_هو احنه نريد نخلص من الصعده
جا المن متزوجته اذا يخليها بنفس الخيسه.
سليمه::اي مؤقت بلكي اطلع انه ونشوفلنا
مكان بغير منطقه.
مديحه::الي يسمعج يكول بعد شهرين
واطلعين ١٥ سنه سلووم نموت وتخلص عقوبتنا
بالاخرة وانتي بعدج.
_كفختها . وهيه تحجي.
سليمه::فال الله ولا فالج.
مديحه::هو شنو فالي وفالج ترى انتي
محكومه ماجاي اخذلج سونار واكلج بيج مرض.
سليمه::مرض بكلبج . ولج بلكي عفو بلكي
تخف محكوميتي بحسن سلوك .
_ردت مديحه بضحك.
مديحه::من هاي الناحيه ايسي ماتشملج
لان متاكدين من سلوكج المنحرف .
_رغم القهر ضحكت . ردت كالتلها
سليمه::ادعن بلكي يطون عفو هاي الفترة
مديحه::الله لايكولها.
_كفختها حيل بحيث طاحت مديحه
من الكرسي . والضاهر اكو كامرات بالمكان
بسرعه اندفع الباب ودخل علينا الشرطي موجه
كلامه لسليمه .
الشرطي::ولج انتي شوكت تهجعين
شوكت ماشوفج تعاركين ليش طكيتيها؟
_ضحكت بدلع وردت عليه
سليمه::لا حضرتك هذني بناتي وجاي اتشاقه
وياهن من كثر حبي الهن اطكهن .
_هز ايده وطلع وطبك الباب . وهاي مديحه
ميته من الضحك .
مديحه::سلوم اطيني العنوان مضبوط
وخليني اروح ادور بلكي اطيح بواحد منهم
خلي محابس يوكفلج اذا شريف.
_سالتها عن مكان امي . دلتني بقت توصينا
نبقه بالبيت وطلبت نبلغ محابس يزورها
سالتها عن صوله وام دعدوش .
سليمه::همزين وياي بنفس القاووش
عاد اطلع ضيمي بيهن .
مديحه::حته اهنا ماخلصن منج.
سليمه::هنه يطلعن قبلي
حته ام طيبه . ديري بالج تندكين بيهن.
مديحه::لا ان شا الله مايطلعن.
سليمه::ديري بالج من ترحين لهناك
ترى بيهن بيوت ازيد من ضيم الصعده
ولو ياخذج محابس احسن .
_اطيتها مصرف ودعناها وطلعنه
وطول الطريق انه افكر . وشوفتها خلتني ادعي كون قدر تستقر ويا ثابت ونعيش تحت حمايتهم .وصلنه للبيت خابرت ثابت ،حجيتله تفاصيل زيارتنا لسليمه.
ثابت::الله يهديها .
_بلغته اريد اروح للنجف ازور اهلي.
ثابت::يابه ميصير ترحن وحدجن.
_شعلينا مو هاي الناس جاي تروح.
ثابت::بنات وحدجن ..
_كوى قنعته .
ثابت::شوكت ناوين ترحون ؟
_ماعرف خل اشوف مديحه.
ثابت:تمام نبقه عله تواصل.
_بعدها بيومين قررنا نروح
وخلال هاي الفترة الباشا ابد مابين ولا حته اتصل
صفنت معقوله نفذ كلامه وبعد مثل ماكال . كمت وانه
الوم روحي غير هذا الترينه ياسونه بعد شكو تحجين.
مديحه::ها شفطتي . خيه صايرة تحجي ويه روحج.
_وهيج يخلص وقتي. وهمزين مديحه مهونه عليه
الضيم حضرنا نفسنا وبلغت ثابت وطلعنا الفجر
وصلنه النجف وعله وصف سلوم نمشي ونسال
للضهر يله اندلينه .
مديحه::لا بالدنيا لامينا ولاهنا .
_شبعت بجي لحد ما تعبت
ونوب رحنا لام مديحه كوى جريتها
فرفحت تكسر الكلب.
مديحه::المن خلفتيني وعفتيني ورحتييي.
_هلكت وتعبت وبدت رجلي توجعني
حجزنا فندق . سبحنا ونزلنا مديحه بحياتها
مازايرة تمشي وتباوع منبهرة بالمكان زرنا وطلعنا.
مديحه؛:اكلج جعت .
_يله شوفيلنه مطعم خلينا ناكل.
مديحه::هذا مبين مال مثقفين . تعاي ندخل .
_خلصتها تحشيش عله كلشي هيه تعلق
بتنا بالنجف وثاني يوم . كالت نتوكل لمنطقة الغجر.
مديحه::هيه مجازفه . لو بالهدف لو يردونا للنجف.
_بس لازم ابلغ ثابت .
مديحه::زين شتكولين يقبل لو لا؟
_مااعرف بس اكيد مايقبل.
مديحه::وانتي ماتكسرين كلمته ادري بيج.
_مو شغله كلمه بس الولد غايته يحميني
وعيب اخلي بضهري .
مديحه::زين عندي فكرة.
_طربينا باافكارج الي راح تودينا بمصيبه.
مديحه::نوصل هناك يله تخابرينه
حته مايكلج ارجعو وهم يصير عنده علم
احنه بهذا المكان عاد اذا صار بينا شي يتلاحكنه.
_خرب عقلج غالبه سلوم ١٠ صفر
بالمكر دمشي يله .
_صعدنا للمحافظه الي وصفتها النا سلوم
وصلنه ونوب سالنه منين نوصل لهل منطقه
ضلو السواق يتنادسون . جرتني مديحه طلعنه
من الكراج .
مديحه::نشوفلنا رجال جبير بلكي
نكسر خاطرة وياخذنا.
_وكفت واحد والضاهر يندل
وطول الطريق يتسال . وهيه كالتله امي منهم .
ضل يشكي حال الناس الي بهذا المكان .التفتت عليه
نبهتني اتصل بثابت .وفعلا مثل ماتوقعت من كتله تخبل وضل يعتب .
ثابت::مع الاسف وانه اكول حاسبتني
اخوها وصديقها .
_ضليت اتعذر بس حسيت بي زعل.
ثابت::يابه هو انتي مقررة بعد اتصالج
هذا ماله داعي يعني مجرد ماجاي تنطيني علم.
خلص الله يسهل امرجن .
_سده بزعل . ضليت الوم بيها.
مديحه::يمعوده يعني ماكو غير حل
قابل جايين نتونس .
_ضليت الوم بروحي لحد ماوصلنه
حاسبنا السايق ونزلنه . لزمتني مديحه عود تجيلي
بس حسيت بيها خايفه . هزيت راسي ها .
مديحه::شو انقبض كلبي .
_هسه شنو نرجع . نفوت .؟ ردت وهيه تتلفت
مديحه::خاف نرجع ونوب نضل نلوم
نفسنا ليش مادخلنا وتاكدنا .
_مشينا بخطوات ثكيله. وعيونا ادور بين
وجه الناس الي استغربو وجودنا وبين حاله المنطقه
الي شما اوصفها مااوصل لمستوا الهلاك والتعب
وكأنو مكان مخصص للحيوانات مو بشر مابي لاتبليط
ولا اي شيء يدل عله وجود الحياة . التفت عله مديحه
الي وكفت تباوع بخوف سالتها شكو. اشرت لبيت مقابيلنا وهيه تحجي بهمس.
مديحه::اكو واحد جان بالباب شافنا
ودخل يمكن راح ينطي خبر للبقيه.
_رديت وانه صاكه عله اسنوني.
بت التالف عايزه وتخوفين بيه دمشي.
مديحه::هسه العتب عليمن عله امي
عله السافل الي ضحك عليها ونكرني.
_نمشي ونتلفت والضاهر محد يدخل هل مكان
غير ناسه ولهذا السبب توجهت علينا الانضار
اباوع نساء كبار وزغار رجال مبين عليها التعب
الغجر يمتازون بحواجبهم الي مربوطه من النص
حلوين بس الشمس مخربه لونهم .وكل مانعبر عله مجموعه جهال وينتبهون لوجودنا يركضون يبلغون اهاليهم وهذا الي خوفنا اكثر.
مديحه::اشوايت الله عله الصعده ذول
حته جهالهم يراقبون .
_دباعي البيبان عبالك . جاي يباوعون لزفه
مديحه::هسه غير نوصل للاعرج.
_نسال احسن . وبعدني مامكمله كلامي عبرت
مديحه لواحد من البيبان الي متوسطته مرة
مدري شحجت وياها بقيت واكفه لحد مااجت
سالتها ها بشري.
مديحه::ذابينه بالعزل لان اعرج .امشي
بنهايه المنطقه حسب وصف هاي
الي ابد ماحبيت شوفتها .
_مشت وهيه تحجي .
مديحه::انوب انتي وعكازتج .شبينا
ماضلينه لحد ماطيبين عاد اذاصار شي نكدر
نركض نفلت نصخم .
_وتوج يله انتبهتي لرجلي.
مديحه::شمدريني مرات الخوف يخلي
الواحد يفكر .
_ضحكنا عله وضعنا لفت انتباهي
مجموعه مال جهال يلعبون .وخذوني لاايامي
من جنت بعمرهم والعب نفس العبه ومدري شنو الي
دفعني تقدمت ناحيتهم . باوعولي مستغربين وارتدو بخوف دنكت لمستواهم وانه اردد لعبتهم
انه الذيب واكلكم . وانه الام واحميكم .
مديحه::لابشرفج .
_تجاهلت مديحه . وحجيت ويه الجهال
بعبرة . حته انه جنت العب مثلكم بس
من كبرت امي ما حمتني طفر واحد منهم
يسال بفطرة
الطفل::جا منو خلصاج من الذيب؟
_ ماشفت اذيابه بس اجلاب الصعده
شبعت بيه عض .ومادري بعد وراي ذيب.
مديحه::دمشي يمعوده . هيه هنا النهايه
لو بحلك الذيب لو الحضن الامان.
_نزلن دموعي . ورديت عله الجهال
لاتلعبون هاي العبه تولي . لان بعدين
من تكبرون تتندمون لان مالعبتو غيرها .
شلونكم شخباركم ان شاء الله بخير
