رواية دعني احطم غرورك الفصل الثالث عشر
اتفق يوسف الكيلاني مع حسين الدمنهوري على أن يعطوا ردهم النهائي حول موضوع الخطبة على أخر الاسبوع ، وذلك حتى تتحسن صحة جانا ،،
-يوسف: متقولش كده يا حسين دي جانا في غلاوة عز ابني
-حسين: ربنا يباركلك فيه يا جوو، والله انا هاكون مطمن لما عز يتجوز جانا ، هو هيخلي باله منها ويحطها في عينيه ، ده اللي عملوه معاها لحد الوقتي مخليني طاير بيه !
-يوسف: ربنا يجمعهم على خير يا رب ، على معادنا ان شاء الله ، هنستنى موافقة العروسة يا سحس
-حسين: طبعا طبعا يا جوو، هي بس تفوق من اللي حصلها وهتسمع اخبار حلوة ان شاء الله
-يوسف: ياااا رب يا كريم
دينا وهي تطمئن على جانا بعد أن علمت ما حدث من والدتها ...
-دينا: ايه اخبارك الوقتي يا جوجو؟
-جانا: كويسة
-دينا: مامي قالت انك اغمى عليك وعز انقذك
-جانا بعدم اكتراث: اها ...
-دينا: يا بنتي سيبي اللي في ايدك ده واحكيلي كل اللي حصل بالتفصيل
-جانا: يوووه يا دينا ، مش عاوزة احكي حاجة
-دينا: طب خلاص ، فكي كده وروقي ، ايه رأيك نغير جو؟
-جانا: no
-دينا: لأ بليز يا جوجو ، يالا بقى متبقيش غلسة
-جانا: انا عاوزة أقعد لوحدي يا دينا
-دينا: لأ ماهو أنا مش هسيبك ، يا تخرجي معايا ، يا هزهقك
-جانا: طب هنروح فين؟
-دينا: عيد ميلاد حلا ، بيقولوا حتعمل party جامد فحت
-جانا: البت دي باردة وانا مش بطيقها أصلا
-دينا: انتي مالك بيها ، احنا هنروح نغير جو و have some fun .. ها وافقي بقى يا جوجو!!!
-جانا بعد الحاح: اوك ، عشان خاطرك بس
-دينا وهي تحتضن جانا: حبي يا جوجووو .. لاف يووو كتيرررر
.....
في النادي،،،،،
-حازم: ها يا جماعة اتفقتوا على ايه ؟
-لوجي: I am in
-حازم : وانتي يا دارين؟
-دارين بعدم اهتمام: لسه مش عارفة
-حازم: مممم ، مش عارفة ولا مستنية تعرفي رد عز
-دارين: so what ؟
ثم جاء ياسين بصحبة عز وانضموا للشلة
-ياسين: بتتفقوا على مين كده ؟
-حازم: ههههههه لأ احنا بنظبط هنروح حفلة حلا ولا لأ
-ياسين: ايه رأيك يا عز؟
-عز : ماليش مزاج
-دارين بلهفة: ليه يا عز ، تعالى نغير المود اللي احنا فيه ، ونعمل حاجة جديدة ..
-عز بنرفزة: يووووه ، قولتلك ماليش مزاج ، حلي عن نافوخي يا جانا !!
-دارين بدهشة : جانا؟؟؟؟ مين جانا دي يا عز ؟؟؟؟
-عز بتوتر: آآآآ .. قصدي دارين
-دارين في نفسها: هي الحكاية فيها جانا ، بقى كده يا عز!!!
-دارين بدلال: اهدى يا زيزووو ، انا بس شيفاك مضايق وعاوزاك تغير جو .. ها قولت ايه
-ياسين مشجعاً: يا يا عم الزوز ، فكك بقى ، وتعالى نشهيص شوية
-حازم: الشلة كلها رايحة مش ناقص إلا انت
-دارين: بليز عز ، بلييييييز
-ياسين: خلاص احنا هنيجي معاكو ، دايس يا برنس، ولا هتكسف صاحبك الانتيخ يا عز هههههههههههه
-عز مستسلما: ماشي هدوس معاكو في الليلة دي
.....
استعدت الفتاتين للذهاب للحفلة .. ارتدت دينا فستانها الارجواني وتأنقت فبدت كأميرة صغيرة ، بينما ارتدت جانا فستاناً أزرق اللون فبدت فيه رائعة الجمال
-سهير وهي تودع الفتاتين: بسم الله ما شاء الله زي القمر يا بنات ، الله يحميكو ويكفيكو شر العين ...
-دينا: ثانكس مامي
-جانا: ثانكس أنطي
-حسين: على فين يا بنات؟
-دينا: احنا معزومين على حفلة عيد ميلاد حلا المنياوي يا دادي
-حسين: اهااا ، حلا المنياوي بنت جلال المنياوي ؟
-دينا: ييس دادي
-حسين: طيب مين هيوصلكوا ، وهترجعوا امتى ؟
-دينا: سلمى صاحبتنا هتعدي علينا توصلنا ، وقبل ما هنروّح هنكلمك يا دادي
-حسين: لأ مينفعش تتأخروا بره ، ع الساعة 10 بالكتير هكون عندكو ،و محدش فيكو يمشي من الحفلة إلا لما اجي مفهوم؟
-دينا: بس يا دادي 10 بدري اوي ، ده الحفلة مش هتكون بدأت
-حسين: يعني عاوزة ترجعي نص الليل يا دينا؟ عايزة الناس تقول بنات الدمنهوري راجعين الفجر لوحدهم ؟؟؟
-دينا: بس يا دادي ....
-حسين: مافيش مناقشة ، هي كلمة أو بناقص منها الخروجة دي!!!
-جانا: اوك يا أنكل ، يالا دينا نقعد احسن
-دينا بضيق: يوووه ، انتي ما بتصدقي يا جانا، خلاص يا دادي deal ..
ورن هاتف دينا فقالت: يالا يا جوجو ، سلمى واقفة تحت ، let's go
-جانا: اوك ، let's go ، باي
وانطلقت الفتاتين إلى فيلا جلال المنياوي حيث الحفلة المقامة هناك بمناسبة عيد ميلاد حلا
كانت الحفلة مبهجة بكل ما في الكلمة من معنى ، حضرها الكثيرون للاستمتاع بجو العيد الميلاد الذي كان بمثابة مهرجــان
-دينا: واو ، الحفلة تحفففة اوي يا جانا ، بجد كنت هزعل لو محضرناش
-جانا: عادي يعني
-دينا: فكي بقى ، شايفة حلا اهي هناك أهي ، بصي ع الـ dress بتاعها عامل ازاي؟
-جانا: ماله يعني بينور في الضلمة ، كفاية أوفرة يا دينا
-دينا: طب يالا نسلم عليها ونديها الهدايا بالمرة
بدأت الفتاتين بالتحرك تجاه حلا ، وفجأة لمحت جانا عز يقف مع بعض الأشخاص وتحديداً حوله العديد من الفتيات يتمايلن باعجاب نحوه وهو في قمة غروره معهن ، وفي نفس الوقت يهنئون حلا بعيد ميلادها ،،،،
-جانا: يخربيتك ، انت موجود هنا كمان
-دينا: في ايه يا جوجو؟
-جانا: بصي كده ، شايفة اللي أنا شايفاه؟
-دينا : اشوف ايه ، الله ، مش ده عز ؟
-جانا بغيظ: اه هو بغباوته
-دينا وهي تسحب جانا من يدها غامزة لها: طب يالا بسرعة نسلم على حلا و عليه بالمرة ، شوفي كل البنات دول حواليه
-جانا: ouch ، حاسبي ايدي يا دينا ، ملهوفة كده ليه ، هنجيب الديب من ديله ياخي!!
-دينا: سوري جوجو مخدتش بالي
لمح عز الدين جانا وهي قادمة لتهنيء حلا بعيد ميلادها ، فوقف بجوارها و..
-عز بسخرية : ايه اللي عملاه في نفسك ده يا صندوق ؟
-جانا بعصبية: افندم ؟
-عز: ايه ده ؟ ( وقام بالاشارة على لبسها )
-جانا بكل ثقة : أنا fashion Icon
-عز وهو يضحك بشدة : لأ قولي بلوظة أيقون ، بكابورت ايقون ، وايه الموظبليه اللي عملاه في شعرك ده ؟!!
-جانا بغل: نعم ؟؟؟؟؟؟؟؟؟؟؟؟؟
-عز: ايه انطرشتي؟
-جانا: اتلم يابا ، ولا حابب تاخد بالكف تاني؟؟
-عز ممسكاً بيد جانا وساحباً اياها: كلامنا مش هنا
-جانا: سيب ايدي بدل ما أصوت وألم عليك الناس
كات دارين تلاحظ ما يحدث من وجود حديث دائر بين عز الدين وأحد الفتيات ، فحاولت أن تتابع عن قرب من تلك الفتاة التي جذبها عز الدين معه وابتعد بها عن الأخرين ......
-عز وقد ترك ذراعها: الله يهدك يا شيخة ، انتي كل يوم بتخلي رغبتي في اني أدفنك مطرح ما انتي وافقة تزيد
-جانا: لخص عاوز ايه؟؟؟
-عز : ها هتحليها ودي ؟ ولا ... أدي ؟
-جانا: قصدك ايه ؟
-عز بخفة: نلعب بالية
-جانا باستهزاء: لأ اعمل امبالية
وفجـــأة قام عز بالقاء طبق الجاتوه في وجه جانا ،،
-عز: يبقى أعمل أمبالية ، خليها معجنة بقى
جانا من هول الصدمة أمسكت بطبق أخره وحاولت القائه في وجه عز ، ولكنه انحنى بكل خفة ليصبح مصير الطبق وجه حلا
-ياسين: مبدهاش بقى ، كرسي في الكلوووووب
وبدأ التراشق بأطباق الجاتوه ، وتحول عيد الميلاد إلى ساحة حرب
-جانا وهي تجري خلف عز: ورحمة أبويا مهسيبك
-عز وهو يضحك : هههههههههههههههه دوقي شوية م اللي بتعمليه فيا
وبالفعل استطاع عز أن يفلت من اصابات جانا المباشرة والغير مباشرة وينجو ببدنه ، بينما نالت حلا نصيب الأسد من أطباق الجاتوه
-حلا: OMG ، ايه اللي عملتوه ده ، بوظتولي البارتي بتاعي
-أحد الحضور وهو يقذفها بالجاتوه : دي أحلى بارتي اتعملت من سنين
-شخص أخر: نشنت ونشانك رشق ، مية مية يا معلم !
-دينا وهي تحاول العثور على جانا: ياااااي ، ايه ده ، انا قولت جانا مش هتعديها ع خير ، اووووبس
وفجاة تعثرت دينا وسقطت فوق ياسين الذي كان جالساً خلف منضدة يتناول الجاتوه في هدوء
-دينا وهي ترفع نفسها: hey you ، انت مش تخلي بالك؟
-ياسين: سوري يا أنسة ، بس انتي اللي جاية عليا مش أنا ، اتفضلي معايا ( وشاور لها على طبق حلويات بيده )
-دينا: بدل ما تقولي ، انتي كويسة ، بتقولي أتفضلي كلي !!!
-ياسين: اعملك ايه يعني ، وع العموم يا ستي متزعليش ، انتي كويسة؟ طب اتفضلي معايا؟ كده تمام؟
-دينا: اه تمام
في نفس الوقت وصل حسين الدمنهوري إلى فيلا حلا المنياوي ، ووجد الفوضى العارمة ،،،
-حسين: ياساتر يا رب ، ايه اللي بيحصل هنا؟
-عز وقد لمح حسين فنادى عليه : عمو حسين ، يا عمي ، أنا هناااااا
-حسين متوجها لعز: ايه اللي بيحصل ده ، في ايه هنا ؟؟
-عز مدعياً البراءة: مش عارف يا عمي ، انا لسه واصل حالاً !!
-حسين: طب معلش يا بني ، دور معايا ع البنات في وسط الهالومة دي
-عز بخباثة في نفسه : انت جيت في جمل يا حاج
-حسين: ها يابني ، معلش انا بتقل عليك ، بس أنا معرفش حد تاني غيرك هنا ، اومال فين أهل البيت ده ؟؟؟
-عز وهو يجعل حسين ينحني ليتفادى طبق جاتوه طائر: مش عارف والله ، ده اسمه تسيب ومسخرة يا عمي .
-حسين: اه والله مسخرة فعلا، بسرعة بس يا بني الله يكرمك، هاتلي البنات من جوه.
-عز: حاضر يا عمي ، حضرتك استنى بره في العربية وانا هجيبهم واجيلك ، حاسب يا عمي حااااااسب الطبق الطاير .... !!
وبالفعل قرر حسين الدمنهوري أن ينتظر الفتيات في سيارته ريثما يحضرهم عز الدين إليه من داخل الفيلا
دخل عز الدين مرة أخرى لداخل فيلا حلا المنياوي ، ولكن هذه المرة ليبحث عن جانا
بعد دقائق قليلة خرجت دينا بصحبة ياسين لتجد والدها في الانتظار فتجري عليه
-دينا: دادي ، دادي ، انت جيت ، شوفت اللي حصل
-حسين بضيق: أه شوفت ، مين الأخ؟
-ياسين: مساء الخير يا فندم ، حضرتك أنا المهندس ياسين رأفت
-حسين : أها ؟ وبتعمل ايه مع بنتي؟؟؟
-ياسين: ولا حاجة يا فندم ، انا كنت بحاول اخرجها بره المعركة اللي بتحصل جوه ، اما حتت دين ......
-حسين مقاطعاً كلام ياسين: انا متشكر ع اللي عملته
ثم أمسك حسين بذراع دينا وفتح لها باب السيارة ودفعها لتركب
-حسين بغضب واضح : حسابنا في البيت يا دينا مش هنا ، وشكرا يااااااا.... قولتلي اسمك ايه ؟
-ياسين بتردد : آآآآ .. رأفت ، قصدي ياسين رأفت
-حسين: شكراً ، مع السلامة !!!
وانصرف ياسين ، ومازال حسين يعلو وجهه الغضب ، ودينا خائفة مما سيحدث لاحقاً
....
داخل فيلا المنياوي ، وتحديداً حول حمــام السباحة ، ظل عز الدين يبحث بعينيه عن جانا إلى أن رأها تقذف حلا بطبق جاتوه ، فالتقط هاتفه والتقط لها صورة وهي تفعل ذلك ، ثم توجه إليها ،،،
-جانا: والله لأوريكي يا حلا ، انتي حفلتك زي وشك ، تستاهلي اللي حصل فيها!!
-حلا: Go to hell جانا ، انت اصلا مكونتيش مدعوة
-جانا: أهو نصيبك بقى أنها تبوظ
-حلا: اوووووووووف منك ، مش هسيبك
وجدت جانا من يجذب ذراعها بقوة ، فالتفتت لتجده عز الدين قابضاً بيده على ذراعها ، ويدفعها للمضي قدماً معه
-جانا بغل: انت اتجننت ؟؟ سيب ادي بقولك !!!
لم يهتم عز الدين بما تقول وأصر على سحبها معه ، ولكن جانا قاومته بكل شدة وحاولت التراجع للخلف قائلة بصوت عالي
-جانا: انت حيوان وزبــ.......
لم تستطع جانا أن تكمل كلامها حيث صفعها عز الدين بشدة ثم حملها على كتفه وسط صراخها وابتعد بها عن مكان الحفل
-جانا بصريخ: نزلني بقولك ، انت مابتسمعش ، نزلنييييييييييييي ، الحقووووني
-عز: .........................
-جانا: حد يلحقني يا ناس ، البني آدم ده خاطفني ، يالهووووووي
لم يستمع إليها عز الدين ، ولكنه أنزلها حينما وصل إلى سيارة حسين الدمنهوري
-عز : اتفضل يا عمي ، بنت أخوك المحترمة جانا أهي !!
-جانا بصدمة: أنكل حسين
-عز بخبث : يؤسفني أقولك يا عمي ، ان الآنسة جانا كانت رافضة تماماً انها تيجي معايا ، وفضلت أتحايل عليها عشان تخرج ، وأقولها ان حضرتك منتظرها بره ، فكان ردها ليا (( طز)) !!
-حسين بدهشة: بتقول ايه؟؟
-جانا بصدمة: أنا ؟؟؟؟؟
-عز مكملاً : لأ والمصيبة يا عمي إن الآنسة جانا هي اللي .... أنا أسف مش عارف أقولهالك إزاي .... إنها ....
-حسين: قول يا عز عملت ايه ؟؟؟
-عز : إنها يا عمي اللي بوظت الحفلة ، وأدي صورتها وصلتني ع الموبايل وهي بتحدف الآنسة حلا بالجاتوه ، وبتفسد عليها فرحتها
-جانا مقاطعة: يا أنكل ، ده مد ايـ..........
-حسين مقاطعاً اياها: شششششش ، كلامنا في البيت مش هنا .... !!!
-عز مكملاً : ده حتى الصورة نزلت على الفيس بوك يا عمي ، شوف ، شووووووف كده ، اهي ع الفيس
-حسين مغتاظاً : وكمان نزلت ع الفيس ، يادي الفضايح !!!!
-جانا بصدمة: لا يا راااااااااااااااجل ، الله يخربيتك ؟ أنا؟؟؟؟؟؟؟؟؟؟
-عز: الله يسامحك يا آنسة جانا ، أنا بعتذر اني جيبتها لحضرتك بالطريقة دي ، أقصد يعني شيلتها ، أصلها كانت رافضة تماماً تيجي ، وكمان .. احم ..تطاولت بالألفاظ عليا !!
-حسين ناظراً بغل لجانا ودافعاً إياها لتجلس بداخل السيارة : بقى كده يا جانا ؟؟ اركبي العربية الوقتي كلامنا في البيت.
-عز: ارجوك يا عمي ، متعاقبش البنات ، عشان خاطري ، ده طيش بنات أهوج وغير مقصود ، لو ليا خاطر عندك اتفاهم معاهم بالذوق
-حسين: ربنا يسهل ، انا بعتذرلك يابني لو كانت جانا ضايقتك بشيء
- عز متصنعاً البراءة: لا يا عمي حضرتك متعتذرش ، المهم ان البنات كويسين ، الحمدلله ، الحمدلله.....
ركب حسين السيارة وهو في قمة حرجه مما فعلته الفتيات ، وفي نفس الوقت غمز عز الدين لجانا بعينيه ولوح لها بيديه كتعبير عن انتصاره في هذه الجولة ثم وضع يديه في جيبه وتابعهم بنظره إلى أن ابتعدوا عن المكــــان
عز بفخر : ولسه اللي جااااااي أحلـــــــــــــــــــــــى ..
ثم أخذ يطلق صفيراً في الهواء كتعبير عن فرحته الشديدة ...
