 |
رواية دعني احطم غرورك الفصل الرابع عشر بقلم منال سالم
في منزل حسين الدمنهوري،،،،
-حسين : شوفتي اللي بناتك عملوه يا سهير
-سهير بغضب: اه شوفت يا حاج ، ينفع كده ؟؟ ده اللي ربيناكو عليه ؟؟؟؟؟؟؟
-دينا: دادي والله ما علمنا حاجة
-جانا: يا انكل ، عز هو السبب
-حسين: يا سلااااااااااااااام ؟ ده الراجل جايبك من جوه ، لأ والمصيبة انتي اللي ولعتي الدنيا هناك ، لا حول ولا قوة إلا بالله ، لا حول ولا قوة إلا بالله ، اوري وشي للناس ازاي بعد كده
-دينا: دادي الموضوع مش مستاهل
-حسين: وهو انتو يهمكوا حاجة ، ما انا اللي وشي في وش الناس
-جانا: يا انكل بس اسمعنا
-حسين: مش بعيد بعد اللي عملتيه في عز يطلب ينهي موضوع الخطوبة قبل ما يبدأ ، لله الأمر من قبل ومن بعد
-جانا: يكون أحسسسن برضوه!
-سهير: اهدى يا حاج حسين بس ، متعملش في نفسك كده
-حسين: أهدى ؟؟ أهدى ازاي بس يا سهير؟؟ انتي مشوفتيش حاجة !!!!!
-جانا في نفسها: الهي يحرقك يا عز
-دينا: والله يا دادي ، البارتي كانت عادية ومافيش فيها حاجة
-حسين: أه كانت عادية بس البركة في جانا ، حاطت التاتش بتاعتها
-جانا: والله ما أنا اللي بدأت
-حسين: أنا هكلم يوسف ، اعتذرله ع اللي عملتيه مع ابنه ، بس اقسم بالله لو هما لسه مصممين ع الخطوبة لهتم
-جانا: what ؟
-حسين: اللي سمعتيه يا جانا ، هبلغهم انك موافقة ، وده اخر كلام عندي
-جانا: هو غصب يعني؟
-حسين متجاهلاً جانا: وبعدين يا ست دينا مين الأخ اللي كنتي جاية معاه ده
-دينا: مش عارفاه ، هو ساعدني بس اطلع بره البارتي.
-حسين بحدة: أخرررررر مرة تطلعوا فيها مكان تاني لوحدكم ، بعد اللي حصل ده مافيش اي حفلات او خروجات تاني لوحدكم ..!!!
في شركة عز الدين ،،،
-عز بضحكة: ههههههههههههههههههههه
-ياسين: يابني ارحم نفسك ، هتموت من كتر الضحك
-عز: مش قادر يا سينو ، هههههههههههههههههههه ، كان نفسي تشوف شكل وشها ، يفطس م الضحك
-ياسين: ده انت طلعت مصيبة
-عز: ولسه !!
-ياسين: ناوي على ايه تاني ؟ ماكفاية كده !!
-عز وهو يمسك هاتفه المحمول: استنى هتشوف
-عز : الووو، السلام عليكم يا عمي ، ازي حضرتك؟
-حسين على الهاتف: وعليكم السلام يا عز يابني ، انا بخير الحمدلله
-عز: يااااااااااااا رب دايماً يا عمي ، انا بتصل اطمن ع البنات ، أرجو ان حضرتك متكونش عاقبتهم ؟؟ الموضوع مش مستاهل يا عمي !!
-ياسين وهو يضحك: يخربيتك ، ده انت بلوى مسيحة
أشار عز الدين لياسين بأن يصمت حتى يكمل اتصاله مع حسين الدمنهوري
-حسين: والله عشان خاطرك انت بس يا بني ، انا كلمتهم جامد، وحرمتهم من الحاجات اللي بيحبوها
-عز مدعياً حزنه : ليه بس كده يا عمي ، دول بنات صغيرين
-حسين: والله انت اخلاقك عالية يا بني ، مشوفتش زيك
-عز: الله يخليك يا عمي ، حضرتك تؤمرني بشيء تاني
-حسين : آآآآ .... لأ شكرا يا بني .. بس ... آآآآ
-عز: خير يا عمي في ايه ؟ شكلك عاوز تسألني في حاجة ومتردد ؟
-حسين ويبدو على صوته الحزن : بص يا بني من غير لف ولا دوران ، لو متصل عشان تنهي موضوع الخطوبة ، حقك مش هلومك
-عز: ليه بتقول كده يا عمي ؟؟؟
-حسين: يعني بعد اللي حصل امبارح من جانا .. فأنا مقـ...............
-عز مقاطعاً : لأ أبداااااااااااا يا عمي ، بالعكس أنا مصمم على ارتباطي بالآنسة جانا
-حسين: يا بني لو محرج تقولي انك عاوز تنهيها ، قول متكسفش ، والله ما هضايق ، حقك
-عز مصراً : لأ يا عمي ، انا متلهف أعرف رأي الأنسة جانا ،وعندي أمل في ربنا انها توافق
-حسين والبسمة تعود لوجهه : طمنتني يا بني ، الحمدلله ، وع العموم انا حابب أبشرك بموافقتها
-عز : بجد يا عمي بجد ؟؟ هي قالتلك كده ؟؟
-حسين: من غير ما تقول ، انا مش هطمن عليها غير معاك يا بني
-عز : الله يخليك يا عمي ، انا بجد مش عارف أقول ايه ؟؟؟
-حسين : متققولش حاجة ، احنا هنتقابل ان شاء الله نتفق على التفاصيل ، ونحدد المعاد المناسب ..
-عز: باذن الله يا عمي ، وأتمنى انها تكون أعدة رجــالة بس ، يعني عشان يكون الاتفاق واضح
-حسين: أه طبعاااا طبعاااااا
وانهى عز الدين مكالمته مع حسين الدمنهوري
-ياسين: ده انت شيطان يا بني
-عز: وهي لسه شافت حاجة
-ياسين: بس ايه سبب تصميمك ع انك تخطبها
-عز: عشان ميبقالهاش حجة بقى ، لأ وانا كمان ناويلها على ............... !!
في النادي ،،،
-دارين: ها عرفتلي مين اللي كانت مع عز دي ؟؟؟
-حازم : اه ، اسمها جانا
-دارين : What ؟ بقى هي دي جانا اللي غلطت ونادتني باسمها يا عز
-حازم : وانتي لما عرفتي اسمها هتستفادي ايه
-دارين: بص يا حزوووما ، انا عاوزة منك favor ، عاوزاك تعرفلي كل حاجة عن اللي اسمها جانا دي في اسرع وقت
-حازم : والمقابل؟
-دارين: اللي انت عاوزه ؟
-حازم بخبث: عاوزك انتي دودي
-دارين: حااااازم ، الزم حدودك ، you're just a friend ، واظن ده واضح
-حازم بعشم: بس انتي بالنسبالي أكتر من مجرد صديقة
-دارين محذرة : يووووه ، حازم ، مش معنى اني بطلب منك شيء يخص عز يبقى تأفور معايا !!!
-حازم بضيق: خلاص يا دودي ، نتكلم في المقابل بعدين
-دارين: ايوه كده !! المهم يكون عندي كل الـ info عنها في اقرب وقت
-حازم: اعتبريه حصل يا بيبي
في منزل حسين الدمنهوري بعد جلسة الاتفاق بين رجــــال العائلتين على تفاصيل الخطوبة ،،،،
-حسين: الحمدلله يا سهير ، الولد متمسك بالبنت أوي رغم اللي عملته معاه!! ياااااه لو تشوفي اصراره عليها..
-سهير: الحمدلله ، ربنا كررررريم
-حسين: فاضل بس نحدد احنا معاد للخطوبة ونبلغهم بيه ، وقبلها ينزلوا يجيبوا الشبكة
-سهير: وماله يا حاج ، انا هشوف مع جانا المعاد اللي يناسبها وان شاء الله خير ، لوووووووولي ، عقبال دينا ياااااا رب
-حسين بفرحة : ههههههههههه ، يااااااه يا سهير ، متتخيليش انا ارتحت اد ايه الوقتي ، اللهم لك الحمد والشكر .. ربنا يتممهالها على خير
-سهير: يااااااااااااااااا رب أمين ...
