رواية المتمرد والصغيرة الفصل الرابع عشر بقلم رسل
بجامع مناراته غصن..
سوينه گبة من الورد
من كمل اذان العطر
فاحت مسك ركعاتنه!
ما شلنه چفين لسما
بعده الحچي بسابع گلب
وربك قبل دعواتنه!
________
اديان... اجة الاسبوع الي كالو ابو فهد بعد يومين يجي مادري احس روحي فرحانة كالتلي هيفاء روحي نظفي غرفتة رحت نظفتها سويتها تلمع
العصر هيفاء كالت ترحين للصالون كتلها لا شعندي
و اصلا ابو فهد ميقبل كالت لا عادي ميتدخل بهاي السوالف .. كتلها بكيفج .. كالت بدلي بسرعة
لبست جبة من سراب لان هن ضخمات وهي بالسادس ابتدائي بس نتلابس اني وياها
وخليت شال اسود شمرتة ع راسي
هيفاء كالت لزيد واجة ياخذنة
طلعنة جانو اكو لمة مال زلم كبال البيت نص يباوعون عيونهم زايغة و نص لا نزلو روسهم
صعدنة بالسيارة وهيفاء كالت لزيد ساعة وتعال
دخلنة للصالون ام الصالون سلمت على هيفاء مبينة تعرفها
-فدوا منين هاي الحلوة بس لا وحدة من بنات الشيخ
هيفاء: لا مرتة
اديان.. شو هاي عوجت حلگها يا و الگبر
حفتلي وجهي گمت ابجي والله نوب وجهي كام يحرگني وهن يضحكن
هيفاء: متسوين شي لشعرج
اديان..لا ماريد
هيفاء هم حفت وانطتها الحساب و ضلينة منتضرين زيد ورا عشر دقايق اجة
زيد: لك هاي شنو هسة ابو فهد اذا شافچ يعيد شبابة ههههههه
هيفاء: ههههههه انجب ولك
اديان.. اني ضليت بس مدنگة احس شوية وابجي من الخجل وصلنة للبيت ام سراب كالتلي نعيماً حبيبتي حبابة كولش الد ما سمعتني حجاية
سبحت وطلعت اجني زهراء و حوراء كعدن يمي كالن طالعة حلوة ولج تعالي خل ناخذ صور
اخذت تليفوني وضلينة نطگ صور تعبت ونمت
ثاني يوم الصبح كعدت وهم نفس الرنة مال التنظيف و ام محمد كل شوي و غمتني
العصر .. دخل فهد يصيح اجة بابا اجة بابا كلهم انجمعو بالصالة بس اني ما رحت كلت عيب شعندي
ورا شوية دخلت هيفاء كالت ليش ما سلمتي مو عيب كتلها بعدين وهو صعد نام نزل بالليل ع العشة
ابو فهد : يابة وعليكم السلام
اديان : الحمدلله ع السلامة
ابو فهد :الله يسلمج بوية
اديان... مرت الايام عادية زيد سافر لاربيل صار وفاة سهام 6 اشهر و علي الله يرحمة 8 اشهر
غسلت المواعين جان الجو بارد شتا متعودة اسبح يومية دخلت سبحت و ممتعودة البس شي ثخين اشوفهن كلهن لابسات قديفة
اني البس صيفي حتى بالشتة فرشت فراشي لعبت شوية بالتليفون و نمت كعدت الصبح حرارتي مرتفعة جسمي ما اكدر احركة شافتني هيفاء
خطية انقهرت علية جابتلي بندول ولفة جبن وجاي كالت اليوم لتشتغلين البنات يشتغلن شفت التليفون ماكو بس مابية حيل ادور رجعت نمت كعدت الظهر التليفون موجود
ما انطيت للموضوع اهمية للعصر سمعت هوسة وركض دخل ابو فهد للغرفة
-منيلججججججج تليفوووون كلبة
اديان: اني جسمي ماكدر احركة نوب اجاني هيج يصيح كمت ارجف كتلة .. من حوراء عمو والله
-نعااااال قندرررة وينجن
اجتي زهراء و حوراء كاللهن انتن انطيتنها التليفون
حوراء: اي بابا هي ذاك اليوم اجتني تتوسل تريد تليفوني كالت بس دقايق اني انقهرت عليها انطيتها تليفوني القديم
زهراء: اي صدك بابا
... سحب التليفون من يم راسي وهم كلهم ملتمين بالغرفة فتح التليفون ضل يكلب واحس دمارات گصتة راح تطلع شال التليفون و و شمرة ع الحايط
صار سبع اجزاء سحبني من ايدي سحل فوك ع الدرج واني بس ابجي ما ادري بسالفة شنو و هيفاء تكلة خوية بس اوكف خل نفتهم شني السالفة
ابو فهد: وخرييييييييي ام بهاء لا تنكتلين وياها وخريييييي
دخلني للغرفة قفل الباب سحب الحزام من الكنتور طلعلي صورة محادثات وي ولد وصوري بالمحادثة واني بعدني لسة ما اميز من ياجهة الي يكتب
ومن ياجهة الي يدز الرسايل
بس شفت صور محادثات و صوري و مكتوب ليجوة
(مهرة اصيلة مرة الشيخ )
ابو فهد : هذاااااااااا منوووووو
اديان :وروح امي ما ادري
سحب الحزام من الكنتور وكال تحچين لو احچيچ بطريقتي ...
اديان: والله كلشي ما ادري والقران
كمت ما احس الضربة منين تجيني وهو يصيح
گح*** .. ادبسزز بنت السكير و... و... اشكال الغلط والفشار يخلي الجسم يكزبر
تعب من الحزام نوب جر شعري كام يضربني راشدي و اوگع ويرفعني من شعري هذا اليوم اتعذبت بي اكثر من ما تعذبت من ماتت امي
ضليت بس اتوسلة يعوفني ماكوو بس دموعي تنزل بعدين كال لتتحركين اذا اتحركتي انعل والديج
فتح الجرارة طلع مگص اني هنا ما تحملت گمت اصيححح بكل علو صوتي كلشييي ولا شعري صح اكول اكصة ويضوجني بس من تصير صدك احسة اغلة من روحي
هو من شافني اعيطط جانت اكو دولكة مي ع الميز شمرها ع وجهي كمت اشهگ المي بارد و اني جسمي يوجعني وحرارتي مرتفعة
لزمني من شعري قوي ...
ابو فهد: يابة والحمزة اذا تحركتي ادگچ صفر خوش لو مو خوش و اطلع كو** اذا ما اسويها
اديان.. بعد سلمت امري لرب العالمين هو شايف كلشي شعري جنت ظافرتة شايفين لمن نخلي قراصة للظفيرة ويبقة زايد
ليجوة هو گصة هذا الزايد وكام
ابو فهد : هاي خليها ترجية بأذنج كل متحاولين تسوين شغلة من كفة ظهري شعرج ينگص وبعد بكيفج
و طلع من الغرفة وقفل الباب اني الدنيا دارت بية بعد ما ادري شصار ما صار
كعدت ع واحد يذب مي ع وجهي فتحت عيوني شفتة هو رجعت غمضتهن اجة هو نام ع الجرباية اني كمت اريد افتح الباب مينفتح
ابو فهد: انطمريييييي ما كو طلعة
اديان: ماريدددددد طلعنيييي من غرفتك
اشو گبل اجة خنگني صرت بينة و بين الباب اختنكت كمت اكح
لزمني من زندي و شمرني ع الچرباية
ابو فهد: انطمرييييييي بساع
اديان: خنگت وجهي بالمخدة وضليت ابچي مستحيل اكو هيج بشر اول مرة اشوفة هيج الله يساعد مرتة
حقها ماتت من كثر الضرب
كرهتة كره ماصاير ضليت اتحسر
على الايام الجنت اشتغل بيهن
والله احسن من عيشتة بمليار مرة نمت كعدت الصبح هو ماكو وباب الغرفة مقفول ياربيييي ميتة من الجوع بعدين ضليت افكر هو شيقصد زين صوري شعدهن يمة
وهذا منو الولد اني محاجية ولا وي اي واحد ساعة اكول خاف ام محمد لو زهراء و حوراء لو خالهن ضليت افتر بالغرفة شفت بيها ثلاجة
فتحتها بيها فواكه و حلويات و عصاير اخذت عصير و نستلة اكلتهن غرفتة بيها حمام داخلي كلت خلي اسبح دخلت سبحت و رجعت بنفس الملابس ماكو ولا صوت بالبيت معقولة هيج
ولا واحد گلبة يرف علية كعدت امشط
بشعري شفت الخصلة الي
گصها ضلت دموعي تنزل جسمي كل صفحة بي توجعني ضليت اباوع من الشباك بس الحديقة مبينة
ورا شوية انفتح الباب ....
