رواية نصف عذراء الفصل الرابع عشر بقلم جمانه السعيدي
خلصنا ريوك وسلمنا عليهم نريد نطلع جان تحضني ام جاسم وتكول
ام جاسم...يمه فاطمه لاتنسيني كون الله ينجيج من هاي الشده مري عليه ولله افرح بشوفتج كلش جني شايفه امج الله يرحمها
فاطمه...لا خاله ما انساج انتي خالتي العزيزه وماانسه وكفتج وياي ابد
سلمنا وطلعنا جان اشوف جلال واكف اباب بيت ابو جاسم
اني صرخت يمه هذا جلال
جلال..فطيم ام المصايب هااا جايبه صاحبج وجايه لاياصلفه
تقدم جلال عليه يرد يضربني جان يصير فهد بينا اني ويا
فهد...تخسى اني وياها وتضربها اكسر ايدك قبل لاتمدها عليها فهمت
جلال...انته صاحبه وفوكاها تحاميلها اليوم اذبحكم اثنيينكم
وادفنكم هنا
ام جاسم...خاله استهده بلرحمن بت عمك بريئه
جلال...يريد يضرب فهد
فهد...ضربه بوكس بخشمه ( المعروف البوكس بلخشم يخلي الواحد يفقد توازنه )
فهد...اصعدي اصعدي فاطمه بسرعه اصعدي للسياره
جلال...لازم خشمه ويخر دم ويصيح
اوكفلي اذا زلمه خل اجيب سلاحي واجي
فهد ...اني زلمه غصبن عليك طلع مراجلك بدون سلاح ياجبان
جمانه السعيدي
وضربه اثنيين بوكس على وجها خلا مايندل دربه ابد
جلال مد ايده يضرب فهد ويريد يبعدا عنه
فهد..دفعه كومه بلكاع
فهد التفت لكه فاطمه صاعده بلسياره وتلتفت وتبجي
صعد بلسياره ومشا
كام جلال وراح يركض يجيب اسلاحه ويكتلهم
نزع جفيته ويمسح بلدم من وجه ويركض
ويصيح. وينكم وينكم هاي فطيم رجعت هي وصاحبها
فهد شغل السياره وكام يمشي على السريع بس الطريق ترابي
مايكدر يخلص بسرعه
جلال طلع هو وابو وعمه وكام يركض وبيده البندقيه ويرمي عليهم
فهد...دنكي فاطمه دنكي وستمر يسوق بسرعه رصاصتين اجن بلسياره
والثالثه اجت بايد فاطمه من يم الزند
بس جرحتها من فوك جرح جبير ما دخلت بايدها
استمر فهد يسوق وهو مايعرف فاطمه انجرحت
التراب صار اعلى من السياره
الطريق ترابي وهو يسوق بسرعه
جمانه السعيدي
صعد على الشارع العام وستمر يسوق بسرعه
منا لمن دخل بلازدحامات وضيع نفسه بين السيارات
جلال استمر يرمي بس لان التراب صار عالي بسبب السياره
كان يرمي بدون هدف
عسى ولعل يرميهم
وابو علي طلع السياره وشغلها ولحكهم بس فهد كان سريع
ودخل بلازدحامات
والسيطرات ماليه بغداد وهو شايل سلاح لمن ضيع سيارة فهد خاف لا ينلزم بسلاحه ورجع
التفت فهد على فاطمه
فهد...الحمد لله خلصنا منهم
شاف فاطمه لازمه ايدها ووجها اصفر
شبيج فاطمه اتاذيتي
فاطمه...من الهبطه والخوف والجرح ماتكدر تحجي
فهد...يمعوده لاتخوفيني شبيج
فتح العبايه شافها لازمه ايدها والبدي متحول من لون اصفر الون احمر
فهد رجع غطاها بلعبايه وطلع من السيطره وابتعد عنهم
فهد...شبيج حاجيني اصوبتي
طبعا فهد كصته انجرحت وقميصه اتشلعن الدكم بسبب التجرجر هو وجلال
قبل لايوصل السيطره مسح كصته ونزل شعرا على الجرح
طلع منهم وطبك على صفحه ونزل شافها
اوكفي هاج ماي اغسلي وجهج
بعدين يريد يشوف الجرح
طلع مكص زغير وفتح الردن وشافه
فهد...لاتخافين جرح بسيط الرصاصه ما داخله بايدج
فاطمه...ايدي توجعني
جمانه السعيدي
فهد...طلع عدت الضماد وضمد ايدها ونطاها حبايه مسكن
بعدين طلع جنطتها وفتحها وطلع بدي ثاني
هاج البسي ابمكان هذا انترس دم
لاتخافين مابيج شي
رجعت بلسياره ليوره وبدلت بديها
وهو راح بعيد وداير وجها لمن خلصت ورجع
اما بيت ام جاسم اجتهم اكوامه من بيت ابو علي
انتم ضامين فاطمه وتتسترون عليها
ليش مارجعتولنا خبر من اجتكم وانتم تدرون بينا اندور عليها
ابو جاسم....البنيه توها اجتنا وهاي اول مره نشوفها توها دخلت علينا
ومانشوف غير جلال فوك راسنه وسوه مشكله
ابو على...ماكو نكعد للحق
فاطمه حسيت نفسي دايخه وتعبانه مدري من الخوف والهبطه مدري من الجرح
كل شويه يوكف فهد ويغسل وجهي ويشربني ماي
وطول ما اني بلسياره لازم ايدي ويحجي وياي
فهد...فاطمه...جوعانه اجيبلج شي تاكلين
فاطمه...لا مااريد الخوفه ماتطلع من كلبي شلون شافنا وشلون عرف بينا
همزين ماكتلك همزين ما لزمونا جان ذبحونا اثنينه ذبح
فهد...لاتشغلين بالج الله نجانه من ايدهم ويمكرون ويمكر الله ولله خير الماكرين
اكيد ناصبينا فخ لان شكو بام جاسم من طلبت عنوان خالج
فاطمه...شلون بيت ام جاسم خطيه خاف ياذونهم بسببنا
فهد...لاتخافين القانون موجود
اهم شي انتي هسه لازم ترتاحين انشاء الله عبرنا مرحلة الخوف
هسه راح نقيم عليهم دعوه ونكاومهم عشائريا
فهد...اوكفي خل اسئل خالي شنو الاجراء القانوني اللازم نسوي عليهم
فهد...خابرت خالي وسئلته وكال خل تشتكي عليهم وتثبت حاله تكول اني بريئه ويردون يقتلون متهميني بشرفي
وهذا التقرير يثبت برائتي
فهد...شتكولين نشتكي عليهم
فاطمه...بكيفك هو المبلل مايخاف من المطر
فهد...زين ماطول بعدنا بغداد خل نشوف اقرب مركز شرطه ونشتكي عليهم
جمانه السعيدي
وفعلا رحنا المركز شرطه وشتكينا عليهم وحولنا للمستشفى
وضمدو جرح فاطمه
ودزو استدعاء الجلال وابو وعمه ابو علي
فهد...خالو القضيه يجوز اطول اريدك تخابر مدير مركز الشرطه بلكت عندك معارف يخلونا نطلع اني وفاطمه
البيت خالها واذااحتاجونا نرجع عليهم
خال فهد...ميخالف بس خل يواجهونها بيهم وتكول ذوله
وتحجي شلون ضربوها وشلون يردون يقتلونها
وفعلا دزو عليهم مفرزه وجابت ابو علي وجلال وواجهتم فاطمه وحجت كلشي
وقدمت تقرير الدكتوره واستدعوا الدكتوره والشهود الثنيين
وثبتو صدق كلام فاطمه
خلوهم بلسجن اثنيينهم
وعليهم قضيتين وحدا محاولت قتل عمد
والثانيه التشهير بفاطمه
لليل واحنا بعدنا بلمستشفى وقرر الدكتور لازم ابقى وقت اكثر حتى اخذ العلاج اللازم خاف يلتهب الجرح
خابرو علينا من بيت حجي سعد
وفهد حجالهم كلشي بلتفصيل
ثاني يوم اجا ورانا حجي سعد وعم فهد الثاني يطمنون عليه
جمانه السعيدي
حجي سعد...يابويه زين مارحتو بيها
فهد...مسحيل اعوف فاطمه انت ربيت رجال لازم اطلعلها حقها من ذوله الجلاب
ثاني يوم بدو يدزون علينا ناس نتنازل عن الدعوه
واني ماقبلت
ثالث يوم صرت احسن وفهد اخذني البيت خالي
وحجي سعد واخو رجعو للشوملي
وصلنا البيت خالي وخالي اتفاجئ بينا وتعجب لمن شافني
كعدنا وحجيتله كلشي صار وياي
ضل بس يتشكر من فهد
فهد خالي ابو رحيم احتمال تصير كعده ابيتك احنا لازم نشرط عليهم شروطنا وينفذونهن يله نتنازل عن القضيه
ابو رحيم اكيد لازم نطلع حقها يله نتنازل
ولله جنت اعرف هي ما مرتاحه عدهم وشكد حاولت اجيبها تعيش وياي
وعمه ما قبل عمامها كاتلهم الطمع يردون الكاع
وهي مو مهم زينه موزينه
فهد هو الطمع سبب كل هاي المشاكل هسه احنا نشد عليهم
ونخليهم بلسجن فد اسبوع وبعدين نقدم شروطنا يله نتنازل
اهم شي يرجعوله كلشي
الكاع والبيت ومالهم علاقه بيها ابد
ابو رحيم انت زلمه والنعم منك ومن اهلك
اشكرك خالي اني هسه اترخص لازم ارجع للشوملي لان من امس خلصت اجازتي
وهذا رقم تليفون بيتنا
ابو رحيم انشاء الله خير
فهد فاطمه محتاجه شي
فاطمه محتاجه سلامتك سوق على كيفك ودير بالك على نفسك
وسلملي على اهلك هووواي
شكرا لزيارتكم عالم روايات سكيرهوم
