رواية سراب الفصل الرابع عشر بقلم جمانه السعيدي
سراب...رجعنا للبيت الجهال نامو بلسياره
نزلهم السايق وياي ودخل رائد للبيت رائد خله أنمار بحظنه واني شلت مصطفى
رحت للمشتمل ورائد اجا وراي وبحظنه انمار
خليت مصطفى على الفراش ونزعته ملابسه وهو نايم ولبسته برمودا وبدي
وأخذت انمار من حظن رائد هم غيرت ملابسه وهو نايم
رائد...لا اضوجين بعد مااشتكينا علي مستحيل يقرب عليج باجر اذا طلبوج بلمركز اروح وياج طالبي بكل مستمسكاتج
خل يجيبهن لان تحتاجينهن اذا قدمتي خارجي
سراب...خايفه
رائد..بس يكتب تعهد بعد مستحيل يقرب عليج
سراب...ولله ماشايفه هيج بشر هلكد حقير يعني طلكني بدون سبب وشمرني بلشارع وحتى ابنه ماكسرخاطره
شكد توسلت بي يرجعني وماقبل
وخالي راحله اكثر من مره
وماقبل يرجعني
وهو يعرف اني مالي احد ولا بيدي صنعه
ولا اكدر اتحمل مسولية ذوله الجهال وحدي
ومع هذا اتخلى عني
وهسه ماهان علي يشوفني فرحانه اني والجهال
يعني لا اغنيك ولا اخليك اجدي
منو شنو مخلوق هذا
جمانه السعيدي
رائد...لا تضوجين انتي بعد طلعتي من جوه ايده كلشي مايكدر يسوي
اذا تردين اخلي محامي ويجيبلج كل حقوقج منه
سراب...كلشي مااريد منه بس خل يحل عني مااريد اشوفه ابد
رائد...اروح اعصرلج ليمون حتى تهدين
سراب...لا اني اروح اسوي النفسي يله اخذك الغرفتك
رائد...خل اطمن عليج
سراب...لا تخاف عليه مابي شي
دفعته ورحنا للمطبخ طلعت ليمون وعصرته وخليت شويه شكر
رائد...تعاي نكعد بلحديقه
سراب....يله
رائد.... انتي شيلي الكلاصات واني ادفع نفسي
اكو كرسي كعدت علي ورائد اجا على الكرسي مالته كعد قريب عليه
شربت شويه ليمون
سراب...ممكن اسئل سوال
رائد...اي
سراب...ليش كلت خطيبتي كدام رشيد ترا عادي حتلو كلت الخدامه ماازعل هذا عملي واني مااستنكف منه
ماطول شغل شريف وماماخذه شي من احد
خلاص كول عليه خدامه
رائد....لا انتي بعيني جبيره وماعاش الي ينقص من قيمتج
انتي مو خدامه انتي انسانه مكافحه عايشه بشرفها
يعني انتي فعلا انسانه قويه
بوكت الكل اتخلى عنج امج وطليقج وخالج
طلعتي ادورين شغل وماتخليتي عن ذوله الاطفال
رغم انتي تكدرين تعوفيهم بلشارع وتشوفين نفسج
مثل كل القصص الي جاي نسمعه كل يوم
جمانه السعيدي
سراب...يمه اعوف ابني واخوي بلشارع مستحيل
ذوله قطعه مني شلون اعوفهم
رائد...يعني اني اذا تقدمتلج توافقين
سراب...تحجي صدك
رائد...طبعا احجي صدك ولو انتي تستاهلين واحد احسن مني واحد يمشي ويتحرك ويقوم بواجباته كزوج
سراب...لا تكول هيج انت بعيني احسن رجال
جنت مزوجه الكامل الي يمشي شسوالي نص بطني جوع
وعايشه بذله واهانه
رائد.. يعني موافقه
سراب..انت شلون تقبل بوحده مثلي لا نسايب ببهم حظ
ولا عندي شهاده وفوكاها بركبتي ثنيين
رائد...انتي الانسانه الي كدرت اطلعني من العزله الي جنت عايش بيه
وذوله الاطفال غيرو حياتي وسدو النقص الي عافته روان
بحياتي
سراب...بنتك اسمه روان
رائد...الله يرحمه هي وامه لو ما اني نمت بلسياره جان هسه بنتي وزوجتي عايشات
شوفي القدر هنا يموتن واني اعيش
اعيش حتى احس بالذنب طول عمري
سراب...لا تكول هيج انت انسان مومن كل إنسان واله يوم يموت بي حتلو عايش بقصر ومقفله كل البيبان علي
اذا يومه يموت
الله سبحانه وتعالى يكول يدركم الموت لو كنتم في بروج مشيده
هذا كان حد عمرهن وانت بعد الك عمر تعيش واحتمال تكون اسره
رائد...يعني اني ممكن يصير عندي اطفال
سراب.. ليش لا ماكو شي بعيد على رب العالمين
رائد..ماجاوبتي موافقه
سراب...خل ناخذ وقت أكثر ندرس واحد الثاني ايجوز تغير رائيك
جمانه السعيدي
رائد..مستحيل اغير رائي اني اول مره شفتج حسيت اعرفج من زمان مااعرف حسيت احساس حلو
سراب.. انت الي كلبك طيب وماكو منه
رائد..اني مراح اضغط عليج انت حره توافقين اوترفضين
ومن حقج تزوجين واحد يكدر يمشي ويتحرك
اني مراح اضغط عليج
سراب...فدوه لا تكول هيج انت ماناقصك شي ابد
يله انام لان اذا بقيت اكثر مستحيل اكدر الصبح اكعد
رائد...اني اصلي وانام فد مره
سراب..ادخلك للغرفه
رائد..... ياريت
سراب...دفعته ودخلته الغرفته وطلعت أتراك حتى ينام بي وعدلت فراشه
رائد ... ابدل واتوضى وانتضر الصلا
سراب..تمام اني هم راح انتضر اصلي وانام بلكت رب العالمين يوفقني
صلينا وساعدته صعد على الجربايه
وطفيت الضوا وطلعت
ثاني يوم ماكعدت اله الساعه ١١ من النوم
لكيت الحجيه خطيه محضره الريوك ومتريكه وكاعد تنتضر اكعد
سراب...صباح الخير حجيه اسفه اخذتني النوم البارحه اتاخرنا بقينا سهرانيين
الحجيه ...ميخالف يمه براحتج
رائد ماكعد والجهال على التلفزيون
كبل حضرت الغدا اسمع تليفون رائد دك
رائد...الووو اي صار شويه ونجي
رائد...سراب سراب
سراب.. نعم
رائد.... تعاي الشرطه كمشو رشيد ويردونج بلمركز
الحجيه...ياا مركز رشيد منو
سراب..خل ابدل ورائد يحجيلج كلشي صار
سراب....حجيه ميخالف ديرين بالج على الجهال الحد مانرجع
الحجيه...عوفيهم
رحت بدلت ورجعت طلع رائد مبدل لا بس بدي وبنطرون
جينز واني لبست نفنوف اسود مخصر
سراب..ماشربت الكهوه مالتك
رائد..من ارجع اتصلنا بلسايق علما اجا رائد حجه كلشي للحجيه كل الأحداث الي صارت ويانه البارحه
جمانه السعيدي
اجا السايق وطلعنا بلطريق رائد اتصل على المحامي حتى يحضر ويانه
وصلنا ولكينا رشيد واكف برا والشرطه واكفين يمه
بس شافني خزرني بس اني بعد مااخاف منه ابد
دخلت وحجيت كلشي عنه للضابط والضابط استدعاء وحقق ويااا
ماكدر ينكر لان رائد جان شاهد علي وهو يتهجم عليه
ويطعني بعرضي
كتب تعهد بعد مايقرب عليه ابد
سراب...حضرت الضابط اريد كل مستمسكاتي مايقبل ينطيهن خاف ارفع علي قضية نفقه
الضابط كاله تروح اجيبهن وتجي الك ساعه بعدها أصدر امر إلقاء القبض عليك واسجنك اسبوع
طلع يجيب كل مسمسكاتي واحنا طلعنا للبيت محامي رائد كال اني اجيبهن للبيت
