رواية زواج إجباري عشق السيد الفصل الرابع عشر بقلم جمانه السعيدي
اماني....ضجت من الغرفه وفكرت اروح الاهلي علما يجي السيد
بعدين بطلت خاف يزعل طالعه من البيت بدون علمه
وهاي المصيبه الجوووه راح تكبر الموضوع
بقيت كاعده حتى جعت صارت الدنيا مغرب طلعت توضيت ورجعت الغرفتي صليت وبقيت انتضر السيد
للساعه عشر بليل يله رجع سمعت صوته ونزلت اركض
فعلا احس بلامان اذا هو موجود
اماني....حضنته كدامهم هلو حبيبي
باسني من راسي وكال هله بويه هله بيج
اماني....سيد.من رخصتك اريد احجي وياك
السيد...كلش تعبان من طلعت منكم الصبح الهسه واني
بس احجي و تعبت من كعدت السياره
ولا متمدد ولا ماخذ راحتي
سكينه....تعال هنا بغرفتي حضرتلك مي دافي وملح افرك
رجليك حتى ترتاح
السيد...لا انتي تعبانه اماني تفرك رجليه
اماني...من عيوني مو تدلل
دخلت اجيب الماي من غرفته صارت وراي ودفعتني
وكعت على انجانة الماي والملح وعيوني حركني وركبتي انزلغت
سكينه....اسم الله اسم الله هاي شبيج ليش وكعتي
كمت ثوبي كله مي وعيوني تحركني
طلعت شافني السيد
السيد...هااا بويه شبيج
اماني....سكينه دفعتني على الماي
سكينه...يااا شوف شوف الحياله اني يمته دفعتج
صدك خيرا تعمل شرا تلكه
اماني....ولله هي دفعتني
سكينه...شالج الله يلجذابه
السيد...ميخالف بويه امسحيه بلحيتي وروحي بدلي وتعاي
جمانه السعيدي
صعدت الغرفتي غسلت وبدلت ملابسي ونزلت
لكيته كاعده وتفرج برجلي وتسولف وتضحك ويااا
اماني...احضرلك العشى
السيد...لا تعشينا بلطريق
اماني...اني منتضرتك حتى نتعشى سوا
السيد...بعد مااكدر اكل وتعبان اريد انام
اماني....يله اصعد نام
سكينه...مو يكلج تعبان انتي ماتفتهمين شيصعده الدرج
اينام هنا ويفضه
اماني...بس صار ٣ ايام مانايم بغرفتي
سكينه....صدك غبيه الرجال مايصدك يخلي راسه على المخده وهاي تريد حصته فايخه وماعندج شغل وعمل
اماني...لزمته من وجها وهي صارت جواي كاعده
رفعت راسه باوعت بعيونه تجي يمي تنام
راسا هي دفعتني بعكسه حيل
السيد....بس كافي كلام زايد اليله ليلة اماني اصعدي هسه اجي وراج
موعبالك راح يصعد طرت من الفرح
واخيرا راح ينسد علينا باب واحد من يوم رجعت سكينه
واني مجاي اكدر استفرد بي ابد
جمانه السعيدي
صعدت بدلت ورتبت شعري وتعطرت ونتضرته
صعد بس دخل للغرفه
بدل دشداشته وتمدد وراح بسابع نومه
باوعت علي وكلت استغفر الله ربي نام واني منتضرته من الصبح
يله ميخالف حتلو نايم اهم شي موجود يمي
ولو اني عندي هواي حجي اريد احجي وياااا
من جانت سكينه عد اهله
جان متفرغ اليه بس هسه احس مشغول حيل
اشتاقيت الكلامه الحلوووو
فتحت ايده ودخلت بحضنه وبقيت اباوع علي وهو رايح بسابع نومه
ياربي شكد احبه
عوضني عن كل الناس الي بحياتي
حتى اهلي بلاسبوع اروح مره ساعه وارجع
وابد مامستفقدتهم لان هو موجود بحياتي
وامي ماتدخل بيتنا ابد
من يوم رجعت العلويه لليوم
تكول خاف اسببلج مشكله ماتدري حياتي صارت عباره عن مشكله من يوم رجعت العلويه لليوم
حسيت بحركه
اكيد هاي سكينه تريد تعرف شجاي يصير
نسولف نضحك نايمين تريد تطمن
بقت واكفه تقرببا خمس دقايق لان خياله عاكس من جوا الباب لمن اتاكدت السيد نايم
والوضع هادء نزلت
ولله عجيب امرها
لمن هي تحبه الهلدرجه ليش ماحافظت علي
شكد غبيه ضيعته من ايدها
ماحست بقيمته لمن ازوج عليه
هوااي مثله نسوان تهمل الرجال ومن يزوج عليه تتخبل
مو جان يمج ماحافضتي علي
جمانه السعيدي
نمت بحضنه واحس نفسي فرحانه واني اسمع انفاسه
تخترق وجهي
الصبح كعدنا على صوت الباب يتكسر
سكينه....سيد اكعد راح الوكت
اماني...باوعت للساعه بلسبعه اله ربع ياربي ياوقت الي راح
الدنيا بعدها من الصبح
رجعت ادك بلباب يله شني من نوم هذا
كعد فتح عيونه شافني مغمضه وداخله بحضنه
السيد...اي اي كعدت
سكينه...افتح الباب حتى اصدك كعدت
السيد....روحي بمعوده شنو هلازعاج من الصبح كتلج
هسه انزل
سكينه..حضرت الريوك الي تحبه
السيد.. يبووو شكد تلحين انزلي واني جاي وراج
السيد....اماني اماني
اماني.. واني مغمضه ماا مااا مااكوم
السيد...ليش حبيبتي
اماني...مشتاقتلك هليام مااشوفك
طبعا سكنه واكفه وخاله اذنه ورا الباب تسمع كلامنا
السيد...ولله مشغول حقج عليه
باسني من شعري
اماني...ماا اليوم انت اليه ماتنزل
السيد...خاف يجونا ناس باسني من عيوني
اماني...ولو ماا تنزل اليوم
سكينه انفجرت دكت الباب بعصبيه
سكينه....هي شني يله صارت الدنيا ضهر
السيد.. انتي شتريدين انزلي مااريد ريوك انزلي لا اطلع اسوي يومج اسود
سكينه....وجه القرد وتتنغوص
جمانه السعيدي
السيد....شتريدين عيون السيد
اماني....اني ماعندي حبيب غيرك
السيد...تمام وبعد
اماني...انت اهلي وكل ناسي
السيد...تمام وبعد
اماني.. ..لا تعوفني ابد
السيد....اني وين رايح وعايفج ترا امس صار عندي شغل مهم
اماني....من تطلع كلهم بلبيت يضوجوني وخاصه سكينه
تقبل تكول عليه انتي خدامه تكول انتي بهذا البيت خدامه
لمن كتله اني زوجت السيد حالي من حالج
تضحك عليه وتكول انتي نزوه بلنسبه للسيد وراح يجي يوم ويشمرج بلشارع
السيد...معليج بكلامه انتي زوجتي حالج من حاله
وانتي اللج معزه خاصه بكلبي
انتي حبي الحقيقي مستحيل تكونين نزوه بحياتي
اماني....يعني انت تحبني
السيد....اكيد احبج واموت عليج
ولو ينعاد الزمان بيه اني احرض سكينه حتى تسوي مشكله وازوجج
حياتي اختلفت من عرفتج لليوم
بس اني مو شاب بعمرج ولا اكدر اكابلج واكعد
لازم اشوف عملي
واذا على سكينه اجنبيه بلبيت ولا تحجين وياها ابد
خلصي الشغل الي عليج واصعدي
هسه تمام رضيتي انزل
اماني....حضنته حيل انت شاب واحلى الشباب تمام بس بعدني مشتاقتلك
السيد...اليوم نعزل شلون
اماني...تعرف شنو بنفسي
السيد...اي شنو كولي
اماني.. ..اخطفك واخذك مكان بعيد محد يعرفك ولا يعرفني ونعيش بس اني وياك
ترا ولله ضلم احبك ويشاركوني بيك
السيد....ترا انتي الي شاركتيهم بيه على يوم اخذج ونطلع
للبستان مال ابوي ونخلص يوم هناك
اماني...خاف كل شويه هاا سيد شلونك سيد وتلتهي عني
السيد...لا مالتهي عنج
راح نخلص يوم هناك ونرجع
اماني....تمام احبك
السيد...واني هم احبج
اماني....دير بالك تتغير عليه بيوم من الايام
السيد...مستحيل اتغير عليج انتي حبيبتي
اماني...اذا تفكر تعوفني بيوم من الايام اعتبر هذا اخر يوم بحياتي
السيد...هيج تحبيني
اماني. ..هوووهوو انت متتعرف اني شكد احبك
وماابدلك بلعالم كله
راسا تكسرت الباب
سكينه....شنو القصه اليوم تعارفتو واحد على الثاني انزل
مو الدنيا احتركت جوااا
اماني.. قصده كلبه احترك لان انت يمي
السيد...يله ننزل اني وياج
نزلنا جووا وهي محضر ريوك بس للسبد
اجيت اكعد
سكينه....كومي حضري النفس سم لو تردين اني اخدمج
اماني...رحت جبت قشطه وخبز ورجعت كعدت بصف السيد
وهي عيونه نطن عليه
بقينا اني وياها كر وفر هاي الفتره تنتصر عليه عشر مرات واني انتصر مره وحده
ومامصبرني عليه ومخليني اتحمله غير السيد
احاول ازغر المشاكل
حتى نبقى اني ويااا سويه
مستحيل اعوفه اله اني احبه ومتعلقه بي حيل
وهو يحبني بعمري ما رفضلي طلب
دائما يجيبلي هدايه ذهب وينطيني فلوس
حتى ينطيني فلوس المى اختي لان سمع حالته الماديه
موزبنه كل شهر ينطيني مبلغ اوصله اله
الحد مايوم صارت مصيبه لا على البال ولا على الخاطر
بعد ست اشهر من زواجنا اني والسيد
