رواية عوده مستحيله الفصل الثالث عشر بقلم جمانه السعيدي
نسرين....ماقصرتو شيخنا ممنونه منكم
الشيخ...اسمعج احجيلي شنو مشكلتج
نسرين....اني من الديوانيه من مركز الديوانيه اهلي رادو يزوجوني لابن عمي غصبا ماعليه
اني راسبه بلسادس سنتين وتوسلت بيهم اكمل دراستي
بلكت انجح وماقبلو
هذا الزواج اني رافضته لان ابن عمي انسان فاشل بمعنى الكلمه لا شغل ولا عمل وعايش عاله على اهله
يردون يكربسونه براسي بلكت يصير زين بعد الزواج
شيخنا حشى مااكول بوجهك
هو الاعوج ينعدل
يعني هو مخربط وفاشل واهله فكر
حتى فلوس زواج ماعندا يزوج ابوي يكول اني أسد النقص الي عندا
اني ولله مو علمود الفلوس
لو اشوفه انسان زين ويحاول يطور نفسه ويشتغل
جان مانقهرت
بس هو كل النهار نايم ولا شغل ولا عمل تعاي ازوجي بلكت ينعدل
جمانه السعيدي
يعني امه وأبو واهله ماكدرو يصلحون حاله اجي اني اصلح حاله
الزواج مسوليه مو لعبه اذا صار عندي اطفال شلون أدبر حالي شلون اعيش
الزواج موسسسه لازم تكون متكافئه من كل الاطراف حتى تنجح اني اريد واحد يشيل مسوليتي
مو اني ويااا نحير بزمانه
حاولت اقنع ابوي ماقبل توسلت بامي ماقبلت زعلت كطعت الاكل كأنما مايشوفوني بعيونهم
مستمرين يحضرون بلزواج
واني ولا واحد حس بيه
الزواج مو غصب الدين والشرع يكول الزواج موغصب
تعرف اني عقل طفله ومن شفتهم مامعبريني ولا مهتمين
مافكرت غير اشرد من البيت
عقلي ما جابلي غير هاي الفكره
اني هسه ندمانه لان اهلي اتاذو بسببي
اكيد كلام الناس مايرحم ابد
اريدك تساعدني ارجع الاهلي بس تاخذ عليهم تعهد اولا ماياذوني ابد
وثانيا مايزوجوني لابن عمي
جمانه السعيدي
الشيخ...بسيطه قصتج كلش بسيطه وانشاء الله حله بسيط
مايكون خاطرج اله طيب
بويه شاهين شوفلي واحد من الولد يروح الاهله
ويجيبلي ابوها معزز مكرم واني احل هاي المشكله
الشيخ...كلامج عين العقل وهذا الزواج باطل والاعوج يبقى اعوج
ماينعدل ابد
بس تصرفج غلط ماالمفروض تعوفين بيت اهلج ابد
تعرفين هاي الشغله تنزل راسهم
كان المفروض تبقين ودافعين عن رائيج اكثر وتصممين
على الرفض
تحجين ويه عمج لو ابن عمج وترفضين الزواج
بس بايويه كلش غلط عفتي بيت ابوج
شاهين....اااني اااروح الاهللله اخذذ العنوووان منه
بلضبط ووارروح اجيب ابوها واجي
نسرين...كلبي كام يدك على السريع خفت كلش
خفت خايفه من ردت فعل اهلي
جمانه السعيدي
الشيخ...اخذي راحتج بنتي وانا ماعجبج كلام ابوج
لو ماتردين ترجعين ويااا
هذا بيتج اكعدي واسكتي
اخذي راحتج
طلعنا اني وشاهين ابوي يجي هنا ونتواجه اني ويااا
شلون اباوع بعيونه
شراح اكله راح يسامحني لولا
شاهين....باااجر اطلع مممن الصبببح اااريد عنوانن اااهلج
بلضبببط
نسرين ...بطني كامت توجعني واحس ضغطي صعد
شاهين اذا راح
ابوي واخواني راح يجون وياااا
بليل كاعده بلبستان وافكر
ايجوز باجر اخر يوم اليه هنا
ويجوز هاي اخر ايام عمري
اي نسرين انتي الي جنيتي على نفسج
باوعت شفت شاهين اجا كعد يمي
شاهين....كالعاددده هنننا وحدددج
نسرين...افكر بردت فعل اهلي من يعرفون مكاني
شاهين...لللا تخخخافين مااايصيير غيير الي كاتبه الله
جمانه السعيدي
نسرين اني نسرين
شاهين...شششنووو يعني
نسرين...اني اسمي نسرين مو زينب
شاهين...وليييششش كلللتي ززززيييينب
نسرين...خفت لا اهلي يسمعون اني هنا ويجون وراي
شاهين....الاسسسسم ممماااييفررق اااابد اااهم شششي
الروووح وووانتي ررروحج حلللوه وكلللبج
ططيب
نسرين...انت ماكو منك بلدنيا كله
شاهين....انتتتي اللي ماااكووو منننج
نسرين...ليش اتعب نفسك الطريق طويل منا للديوانيه
شاهين...مممن سسسئللتج للليش تتعرضضين نفسج للخطر علمممودي كلللتي تتتستاهل
انتي تتتستاهلللين اااساعدج لان ااانتي انسسسانه حلوووه
مممن جوووه وومن برررا
نسرين....شكرا يااحلى كلب بلدنيا انت
شاهين....العنوووان لا تنسسيني
نسرين...بيش الساعه تطلع
شاهين...اصلي الصبح واطلع
نسرين...اكعد احضرلك الريوك
شاهين....لا تعببين نفسسيج اااتريك بلطررريق
نسرين...ماكو اي تعب اني اصلا يوميه اكعد اصلي صلاة الصبح
شاهين....لازززم اااشووف هههذاا الوجه الحلوووو قابل لالا اااطلع
نسرين...ابتسمت شكرا يله روح نام لان وراك باجر سفر
تصبح على خير
شاهين...وووانتي مممن اهل الخييير
رحت اتمددت ياربي فرق بين السما والكاع بينه وبين وليد النذل
ذاك عشمني وجابني مناك لهنا وغدر بيه لو لا رحمة رب العالمين الله يعلم شصار بيه هسه
وهذا لا يعرفني ولا قريب عليه وشكد يحاول يساعدني
مو دائما اختياراتنا صحيحه
المعدن الحقيقي نعرفه من نعاشر الناس راح تطلع الحقيقه
نمت وكعدت للصلا صليت ورحت للمطبخ
حضرت الريوك واخذته ورحت البيت شاهين
لكيته كاعد يصلي
شاهين....صباااح الخييير
نسرين...صباح الخيرات
شاهين...ليش كعدتتتي اتتتريك بلطريق
نسرين...اشوفك قبل لا تطلع
ابتسم وااني هم اريد اشوفج قققبل لللا اطلع
كعد يتريك كمل وغسل وطلع واني شمرت ورا ماي
جمانه السعيدي
خلاص خل الي يصير يصير ليش خايفه
اذا كاتبلي رب العالمين اموت راح اموت لو اضم نفسي سبع ضمات
واذا اليه عمر راح اعيش
واذا اهلي يعاقبوني استاهل هذا العقاب اكيد
رجعت نمت وماكعدت غير الساعه عشره ونص تريكت
وام عامر دزت عليه اريد زينب تجي ترتب غرفتي
شغله حلو ونازك
رحت لكيته تخابر اشرتلي ادخلي الغرفه رتبيه
دخلت وبقت اذني يمه
اسمعها تكول
اي سويت كلشي كلتلي علي بس كلشي ماصار
يفتر جنه حصان
يمكن كالله ماصار هواي هنا يومين
ام عامر...شكد ويبين المفعول هااا اسبوع زين انتضر اسبوع واشوف دير بالك تضحك عليه
راسا اجا الشيخ
الشيخ...ويامن تحجين
ام عامر...ويه عامر مشتاقتله اريده يجي اشوفه
دخل الشيخ للغرفه ولكاني انضف
الشيخ...ام عامر ياا ام عامر اني مو كلت هاي البنيه ماتشتغل
نسرين...لا شيخنا اني اخدمكم بعيوني اني احب الشغل
ماأحب اكعد
ام عامر خليه تحرك نفسه شويه هسه هي قابل تشتغل عماله
الشيخ...ولو تكعد وتسكت ترديه تكول جنت بيت شيخ سعدوون اشتغل بمكان الاكل والشرب
نسرين...لا ولله انتم اكرم ناس شفتهم بحياتي
وعايشه عدكم معززه مكرمه
لو شكد مااخدمكم هم قليل بحقكم
اني خلصت اذا تردون شي ثاني اخدمكم بعيوني
طلعت الجراجف الوصخه وخليته بلغساله واسمع الشيخ
يحجي عليه
لان تخليني اشتغل
هسه عرفت شاهين عليمن طالع كلبه هيج طيب
ابو أطيب كلب بلدنيا
جمانه السعيدي
بقيت منتضره شاهين وعيني على الساعه
وافكر هسه وصل شاف ابوي شاف خواني
شكالو عليه
راح يجون ويااا لو لا ايجوز يجون وياخذوني اليله
اوصل بيت اهلي
اشوف امي وهدى ايجوز ابوي مايقبل يجي لان زعلان عليه اني اصالحه وابوس ايده وراسه
وابوس حتى نعاله بس يرجعني مشتاقتلهم هواي
بقيت احوس حتى غدا ماتغديت التوتر والقلق اكل راسي
الساعه بلخمسه العصر كالو اجا شاهين بس محد ويااا اجا وحده
سئلتهم اجا وحده وماكو اي احد ويااا
كالو اي يعني اهلي مااجو ويااا
رحت ركض لكيته واكف هو والشيخ برا يسولفون
راسا صاح عليه الشيخ
الشيخ.. تعاي بويه تقربت عليهم شاهين شكله ضايج
كلش ضايج حتى ماباوع بوجهي
نسرين.. شلونك شيخنا
الشيخ...الله يسلمج بويه شاهين مالكه اهلج شايلين من بيتهم همه وبيت عمج
راسا دموعي نزلن اهلي شالو بسببي
اني شكد حقيره
اهلي تعبو عليه وربوني واني اجازيهم بفضيحه
ويشيلون من بيتهم
