رواية الشيخ سلطان الفصل الرابع عشر بقلم زينب نور
شمس
مو علاساس راجعين للبصره
سلطان/الجو حار وهيج عجبني اخذج سياحه
معاجبج تتونسين يعني وتغيرين جو وتشوفين شمال العراق
شمس/طبعاً عاجبني بس شكولت لعمو مو كولنلاله يومين ونرجع
سلطان/باوعت عليها ابتسمت غمزتلها معليج عوفيها يمي المهم مااريد احد يعرف احنه لاربيل رحت يدرون بقينه ابغداد ماشي
نرجع الوقت قبل يوم
سلطان/
رحت الصاحبي فراس التقيت وياه ادري بي عنده شقه باربيل مرات يروح هناك وانه مرتين رايحلها سفره انه وياه واصدقائنه كتله
الشقه بيها احد لو فارغه
فراس/لاخويه مابيها احد ليش محتاجهه
سلطان/اي والله خويه جايب المره هنا بيت اختي وحاب نروح هناك كم يوم هيج 4 ايام5 ونرجع
فراس/اي خويه تدلل هسه عود نمر للبيت وانطيك لمفتاح
سلطان/اخذت لمفتاح
ورحتت بالطريق اتصلت على ابوي
كتله حجي اجلو شغلي لكم يوم وارد انشالله وشمس يم بيت الوادم وانه هم وياها بس اكمل الشغل اجيبها واردلكم
كال انشالله بويه دير بالك على بت عمك
ٱڵـڝُـًْـُپًٍح من سلمت الكتاب خابرت المدير بلغته بوصول الكتاب كال الك مكأفئه من الشركه لو ماليه لو اجازه3 ايام كتله اريد اجازه
كال شوكت تحب تاخذه اخذها كتله من لباجر احسبوها
صادف يوم لاثنين واخذت اجازه ثلاثاء واربعاء وخميس وعندي جمعه وسبت عطله كعدت وي حضي كلت اسوي مفاجئه الشمس واخذها لاربيل تتونس وهم شويه الحو يختلف عن جونه
بس شمس تفاجئت من عرفت لنوب فرحت
كملنه الطريق حسيت نفسي تعبت حيل ونعست بقيت افتح واغمض خفت لااسوي حادث
شمس/شِفـٍـْْــٰٰتْ سلطان تعب من السياقه
كوتله الطريق سايد واحد
سلطان/اي هو طريق واحد لحد مانطب لاربيل
شمس/زين مو تعبت وشكلك نہعہسہت انطيني السياره اكمل بمكانك
سلطان/تفاجئت لاوالله تعرفين تسوقين يعني
شمس/طبعاً صار سنه وعندي سياره هناك هم
سلطان/والله معلومه جديده هاي ولج خاف انطيج السياره وتسويلنه حادث
شمس/جربني وشوف اصلاً سياقتي احلى من سياقتك
سلطان/طبكت السياره ونزلت كولتلها تعالي حولي بمكاني خلي اشوف سياقتج
صعدت بمكاني شغلت السياره ومشت بقيت نص ساعه اتابع سياقتها محترفه وهادئه كلش حلوه سياقتها
كلتلها ولج ماكلتي من زمان متت من السياقه
شمس/ضحكت كوتله يله هسه امنت نام ارتاح وامشي كوله كبل
سلطان/لحد مانوصل منطقه بيها مطاعم بالطريق اسمها الدوز كعديني ننزل نتريك وابرد السياره تقريباً بعد ساعه او ساعه ونص نطبها
شمس/تمام نام ارتاح
شفته رجع راسه ع الكشن ونام انقهرت عليه شكد تعب خطيه
كملت طريقي سياقتي ابطىئ من سياقه سلطان ورا ساعتين طبينه للمنطقه الي كال عليها سلطان وفعلا مطاعم شِفـٍـْْــٰٰتْ بالطريق كعدته
سلطان سلطان
فز كعدت رفع نفسه ها شموسه وين وصلنه
شمس/باوع هاي المنطقه الي كولت عليها
سلطان/ايي عاشت ايدج باوعــت ع الفون ساعتين كولتلها بــَس شو طولتي Abbas Haji
شمس/سياقتي ابطىئ من سياقتك
سلطان/بعد شويه امشي اكو مطعم كل مااجي انزل بي
مشينه مسافه كال يله هنا اطبكي
فريت السياره وطبكتها ونزلنه طبينه للمطعم غسلنه ونزلنه ريوك تريكنه
طلع سلطان غسل لسياره وبردها
طلعت اتمشه ماركتات اشرت لسلطان راح اطب كلي طبي
طبيت افتر اخذت علاكه حلويات وطلعت رحت يمه شفته كمل كال يله اصعدي كوتله اني اسوق
سلطان/لا انه اسوق
صعدت ومشينه بقيت افتح الحلويات وناكل اني وياه
شغلت اغاني ونسمع هو كل شويه يباوع عليه ويبتسم
شمس/وتالي وياك قرقوز كدامك بس تبتسم
سلطان/ضحكت بصوت لاوالله بس سوالفج تضحك وحركاتج مال اطفال
شمس/هواني اصلاً طفله كله عمري19 سنه
قابل مثلك شايب31 سنه
سلطان/رفعتلها حاجبي هااا ولج شايب مووو بسيطه مشيت بسرعه قويه
شمس/عزززززا راح نموت بطىئ بطىئ والنبي شاب وزينة الشباب بــَس بطىئ
سلطان/يله ماشي
تدرين بعد يومين عيدميلادي
شمس/صدووووك
سلطان/اييي والله صدووووك واصير32 يكبر الشايب سنه
شمس/ضحكت بصوت لدرجه دمعت عيوني
سلطان/اٌضـحٍــك على ضحكتها بقيت
مشينه لحد ماطبينه اربيل
وصلنه للسيطره نزلنه سوينه لاقامه وكملنه طريقنه كبل للشقه
شمس/هسه وين رايحين
سلطان/شقه مال صاحبي هنا نروح نبقه بيها خلي نرتاح ونسبح شويه تضلم الدنيه واخذج للقلعه حلوه لاجواء هناك
شمس/تمام
وصلنه لمجمع سكني طبك السياره يم عماره نزلنه صعدنه بالمصعد لطابق السادس
طبينه لشقه صغيره بس كولش حلوه ومرتبه
بقيت افتر بيها هول صغير بي تلفزيون وتخم ناعم وغرفه نوم وحده بيها غرفه تركيه بيضه نفرين ومطبخ وحمام ومرافق وبلكونه بالهول
سلطان راساً فتح السبالت لان حيل حاره طافيات ومقفوله الشقه
فتحت الجنطه طلعت تراك برموده وبديه ربع ردن لون احمر وطبيت للحمام سبحت وطلعت
سلطان طب وراي يسبح داامشط وتذكرت ملابسي الداخليه نسيتهم مطلعتهم وياي راساً ضربت راسي شكد غبيه شكد عـيـ🙈ــب من سلطان عزززا متت خجل
بقيت اُدُعُيےّ🙏 بالكت مينتبهلهن
سلطان/طلعت شمس وراساًطبيت وراها اسبح اخذت برموده وتيشيرت وطبيت نزعت ملابس دااعلهم وشفت ملابس داخليه معلكات لونهم وردي سيت كلت اكيد مالات شمس متعمده تعوفهم لوناسيتهن
خليت خاولي فوكاهم وسبحت كملت وطلعت
شِفـٍـْْ👀ــٰٰتْ شمس واكفه كبالي وجهه ينطي الوان افتهمت ناسيتهم وخجلانه سويت نفسي عود مشفتهم راساً كولتلها راح ارتاح شويه واروح اجيب غده واجي اخذي راحتج بالغرفه نامي وانه هنا آنہام عالقنفه
شمس/القنفه كولش ناعمه اْكّـيد تتكسربيها انت نام جوه واني انام هنا عادي
بكلبي ادعي مشاف لملابس بس تصرفاته طبيعيه يمكن مشافهم
هو تمدد على القنفه صغيره علك رجليه فوك التجوه وخله ايده على وجهه ينام
شمس/سلطان كوم نام عالجربايه مو هيج تتكسر ياعيني كوم
سلطان/هي هاي قنفه كرسي شكدوتها
شمس/ضحكت قنفه بس انت عملاق تحسها كراسي
سلطان/هااا ولج عملاق مساع شايب وهسه عملاق جريتها من شعرها ولج انتي سنفوره هالكدودتج تشوفيني عملاق
فطيره بس تضحكين
شمس/دمعت عيوني من الضحك مسحتهن لفيت شعري وكعدت
طب هو للغرفه اتمدد كبل طبيت للحمام شِفـٍـْت الخاولي فوكاهن عززززا غميت نفسي شكد عيب لوماشايفهم جان مغطاهم اخذتهم ورحت ضميتهم راساً بالجنطه
رحت لسلطان
شمس/سلطان شلون افعل نت ع الرصيد مااعرف
سلطان/ترى هستوني غفيت
شمس/يووووه والله اسفه يله نام
سلطان/تعالي بويه تعالي اخذت الفون وفعلتلها نت يومي وانه هم فعلت لتليفوني
شمس/اخذت لفون كوتله شكرا
طلعت اراسل انس ماكولتله اني باربيل كوتله ابغداد بقه يلح اله يخابر
سويته صامت كوه قنعته مااكدر احًــجًِي
وهم بقه يدز رسايل وشسويتي على الورث وطولتي وتحجين وياهم وحلتلج الكعده كوومه رسايل بزعني طفيت لنت وفتحت التلفزيون كلبت بي شويه وغفيت
سلطان/كعدت جوعان حيل طلعت شِفـٍت التلفزيون مفتوح وشمس نايمه طفيته وبدلت وطلعت اجيب غده رحت
جبت بيتزا وصاح وعصاير ومقبلات ورجعت. طبيت ع كيف شمس على نومتها شفتها خليت لاكل ع الميز فتحته ورحت كعدتها كعدت بالكاع مقابيل القنفه
شمس شموسه
شمس/هاااا
سلطان/كومي تغدي
شمس/نعسانه مااريد
سلطان/يله كومي ابنيتي
شمس/فتحت عيوني وكعدت افرك بعيوني كمت غسلت وكعدت اكل كملنه اكل
سلطان بقه يلوب على جاي ميكدر بدونه بقه يدور بالكاونتر لحد مالكه لعبه جاي ولعبه شكر
كال اووووف هــًـًســًه ياله. ردت روحي
سوه جاي واني كاعده ع الميز اباوع عليه
سلطان/اصبلج تشربين
شمس/لا مااريد
سلطان/لعد كومي تحضري نروح للقلعه
شمس/تمام
كمت بدلت من الملابس الي اخذتهم من المول
لبست بنطرون سمائي كابوي
وقميص وردي وحذاء رياضي وردي شديت شعري عالي خليت مكياج خفيف كحله ومسكارا وحمره وردي رشيت عطر وطلعت
سلطان/شفتها بدلت العطر يفتر وراها لبسها زين مستور بس لو تلبس حجاب.
طبيت للغرفه بدلت
وطلعت
شمس/سلطان هنا لبسها كولش اختلف كوله كجول مو نفس هناك لو دشداشه لو قاط وستر لبس رسمي يعين
هنا لبسه كوله جينزات وتيشيرتات واحذيه رياضيه
كولش اناقه لبسه
كال يله جاهزه
شمس/يله جاهزه
نزلنه صعدنه بالسياره وانطلقنه للقلعه.اول مره اجي لاربيل كولش حلوه وصلنه القلعه. نزلنه نتمشه هواي ناس وكولشي يبيعون بيها حبيت المكان كعدنه يم النافورات ولنوب بقينه نمشي شربنه لبن اربيل وكل شويه يشتريلي شي سلطان ركي ورمان واذره. وموطه وعصاير طبيعيه بقينه لليل كولش اخذت كومه صور بالفون كال تعشينه واخذ علاكه حلويات كال خاف بليل تجوعين
ورجعنه طبينه للشقه ساعه12
بقينه نتفرج تلفزيون وناكل حلويات شويه وكال نعست
كوتله طب جوه نام
سلطان/لا انتي نامي جوه تتكسرين هنا
شمس/بالعكس على كدي القنفه انت تتكسر هنا طب نام
سلطان/ماشي تعالي اخذي مخده وشرشف
طبيت تمددت اجتي اخذت مخده وشرشف وطلعت نامت
شمس/بقيت احجي وي انس نص سـَـاعه اراسله ونمت
كعدت على صوت سلطان
يكعد بيه
شمس/صباح الخير
سلطان/صباح النور
شمس/بيش الساعه
سلطان/ب9 يله كومي شربي هذا الحليب واكل الكيك خته تتحضرين بسرعه اخذج لشقلاوه وهم اخذج لشكم مصيف
شمس/تمام كمت شربت لحليب واكلت الكيك
وطبيت بدلت
تحضرنه ونزلنه
الطريق يجنن جان هو يمشي على الجي بي اس
وصلنه لشقلاوه طبينه للسوك مالتها اخذنه كرزات وحلويات. سجق وفواكه مجففه وقمر الدين
اخذت قبعه مال سفرات اني وسلطان اخذ شفقه رياضيه لبسناهم وطلعنه. رحنه لمصيف كلي علي بيك احواء حلووه والمي بالكاع. بارد ثلج بقينه نتمشه اكلنه ركي واخذت كومه صور لعبت بالمي ونطيته فوني يصورني
تونست حيل احلى تغدينه وتوجهنه لمدينه الشنكل بانه صعدنه اثنينه بيها تجنن مرتين صعدنه مره كلمن وحده ومره صعدنه عربه مزدوجه هو يسوق
كملنه اتوجهنه لمصيف بيخال اكلنه البطاطه المشويه والاذره صار العصر كال يله نرجع ورانه طريق
ركعنه طبينه للشقه بليل بالطريق جبنه عشه ويانه لحم بعجين وفطاير
ورجعنه تعشينه
سلطان/والله اشتاقيت للتمن ومرك والتشريب
شمس/واني هم
سلطان/باجر اخذج لمطعم نتغده بي عربي كله اكلات دسمه
كملنه العشه ونمنه لان تعبانين حيل
انس كومه دزلي رسايل ومعصب حته غالط عليه وخبصني احجي وي عمج علورث واخذي وارجعي بسرعه
تعبت من هالحجي بس احبه مااكدر ازعله كتبتله بس ارجع للبصره راساً افتح لموضوع وياه واخذه وارجعلك حبيبي
كتب
اول مترجعين راساً نتزوج مااكدر بعد اتحمل بعدج عني اشتاقيتلج حيل
كوتله واني هم ميته شوق الك انـ شـاء الـلّه راساً وتزوج حبيبي
سلطان/اتذكر حركات شمس وسوالفها حسيت كٓٓلٍٰــْـبي يدك عليها مشاعري المدفونه من حب هدى حسيتهن تحركن معقوله حبيتها الشمس لو بس اعجاب
لا اكيد احبها اني من اشوفها كلبي يظل يرجف عليها
بقيت افكر بيها لحدماغفيت
كعدت ساعه 9 طلعت شفتها نايمه وشعرها هوسه صاير لابسه برموده وتيشيرت بقيت واكف صافن عليها على شعرها الجنه ذهب على ملامحها بياضها شفايفها الورديه تذكرت من بستها وحضنتها اشتاقيت لطعم شفتها. كعدت بالكاع تقربت عليها شميت عطرها افيششش يرد الروح معقوله شمس صحت مشاعري من جديد وخلتني احب من جًٰـِّديـد بعد مادفنت الحب بكلبي صار اسنين
بقيت بالربع ساعه صافن عليها واتامل ملامحها لحد ما بقت تتكلب فتحت عًـٍُُيُِِِِوـنُـ👀ــًها وابتسمت صباح الخير
سلطان/صباح النور
يله كومي نتريك حته افرج مولات اربيل واخذج لمدينه العاب تجنن
شمس/كعدت كوتله تمام طبيت سبحت وطلعت لافه شعري بالمنشفه جايب ريوك تريكنه وطبيت للغرفه بدلت وجففت شعري وطلعت هو طب بدل كملنه ونزلنه. رحنه لفاملي مول افترينه بي واشتريت كم شغله. اليه والهيا
سلطان/اشوفج هواي تشترين شغلات الهيا
شمس/احبها
سلطان/فدووه الكلبج وهي هم تحبج والله من نامت يمي صرعت راسي بيج عمه شمس وعمه شمس خبصتني
شمس/ضحكت والله اشتاقيتلها
كملنه وطلعنه لمجدي مول هم افترينه اتغدينه وكال يله اخذج لاحلى مدينه العاب
رحنه لمدينه العاب اسمها مجدي لاند
كصينه. بطايق وطبينه مخليت لعبه ماصعدتها اكو لعبات هو يصعد وياي واكو لعبات لا وحدي
سلطان/صعدنه بالديلاب
اسوفه تتفرج وتصور من فوك بقيت صافن عليها كلت خلاص لازم اعترفلها بحبي بس ترددت خايف من ردت فعلها وخصوصاً هي تحب زينب حيل وزينب زوجتي بقيت بحيره بين الي اعترف وبين الي لـ❌ـلا
بس قررت بليل اعترفلها احسن بالشقه وبهدوء هسه خليها مستمتعه بــَس بليل لازم اعترفلها بحبي وشيصير خلي يصير
بقينه بالمدينه تقريباً 3 سـَـــاعْـــ⌚ـــات
طلعنه ساعه 9
شمس/فتنه من يم محل معجنات وكيك تذكرت ليوم ميلاد سلطان كوتله اوكف هنا يم المحل
سلطان/باوعت محل كيك تذكرت اليوم ميلادي ابتسمت كولتلها يله
طبينه للمحل بقت تفتر اختارت قالب بالفواكه
وبقت تفتر اخذت نفاخ. وشموع واخذت حته كبوسات اثنين
طلعنه دااحاسب
شمس/مااااا هاي هديه ميلادك وكولشي مني
سلطان/ميخالف اني ادفع وهديه منج
شفتها برطمت وضاحت
كولتلها يله تعالي انتي دفعي بس لتضوجين
حاسبت وطلعنه
وصلنه للشقه خلت القالب كيك بالثلاجه. كالت بين ماابدل انفخ النفاخ
بقيت كاعد انفخ النفاخ
وهي طبت للغرفه ورا شويه طلعت لابسه بدي احمر ربع ردن وبنطرون اسود كابوي وحمره احمر وفاتحه شعرها وعطرها اويلي على عطرها سطرني مااتحمل بعد كلت ورا لميلاد لازم اعترفلها خلاص
اجتي جابت الكيكه وخلت الشموع عليها جابت لكبوسات لبست واحد وتريد تلبسني الثاني كلتلها والله لو أّمُِـწღწـْوٌٍت ماالبس كبوس شني صغيرون آٌنـي
شمس/حباب على وانسي
سلطان/لا وهدي ماالبسه
شمس/تمٌــام شغلت الشموع. وغنيتله
happy birthday
كالت يله طفي الشموع واتمنه امنيه. بكلبك
غمضت عيني وتمنيت
شمس تبقه وياي طول لعمر ومتعوفني ابد
طفيت الشموع
وقطعت الكيكه بقينه ناكل والاجواء حلووه والنفاخ يتطاير يمنه
طبت للحمام
رحت اخلي تليفوني ع الشحن جان تليفونها جاي اشيله من الشحن وراساً وصلت العا رِســٰالـْـ✉ـٌـه علواتساب
من رقم مكتوب عليه My love
وصوره ولد قريت الرساله
مكتوب حبيبتي وينج شو مختفيه اليوم مشتاقلج حيل
بقيت بصدمه منو هذا راساً طلعت من الحمام حاول ماابينلها واهدي اعصابي
كوه سيطرات
سلطان/شمس فتحيلي تليفونج بس اتفرج الصور الي اخذتيهم اليوم
شمس/تمام فتحته ونطيته اله
شو راساً طلع خارج. الشقه كولت ليش مشافهم هنا
سلطان/اخذت لاليفون وكبل نزلت جوه فتحت سيارتي وكعدت بيها دخلت عالواتساب وفتحت الرساله رحعت رقره رسايل قديمه شِفـٍـْْــٰٰتْ الشي الي ابد ممتوقعه اشوفه وخصوصاً من شمس الانسانه الي اشوفها ملاك وبريئه وعباره عن طفله والي رجعت الحب بكلبي من جديد اقره الرسايل والغزل والحب والصور الي دازتهن اله بالكيمونه وحته صدرها مبين بقت اعصابي ترجف
وهو دازلها صورة واحد جنه سلبوح املس مثل النسوان وزعطوط واكثر رسايله الها جيبي الورث وخلي نتزوج وهي مجاوبته اخذ ورثي واجيك راساً نتزوج فتحت عيوني معقوله هذني رسايل شمس وهذا مبين يضحك عليها خابصها بالورث واتزوجج وهي تتوسل بي وتتغزل بي والصور يررربي مااكدر اسيطر على اعصابي ولج شمس گـِْـِْلِْ هالسوالف عندج بقيت اضرب بالستيرن حيل مو بس اعصابي جسمي كله يرجف تخايلت حته غلطانه وياه هو خابصها بالورث وهي بس تتوسل بي وتتغزل بي تذكرت من بستها وهي شلون تفاعلت وياي اكيد هم جان يبوسها هيج وهناك كلشي عدهم. عًـًـًآدًيً موبعيده حته نايم وياها مجرد اتخايلت الفكره ونزلت جسمي واعصابي يرجفن. صكيت سنوني اريد بس اصعدلها بس اوصل الشمس
....................
شكرا لزيارتكم عالم روايات سكيرهوم
