رواية الشيخ سلطان الفصل الخامس عشر بقلم زينب نور
شمس
كاعده اتفرج تلفزيون واكل كيك
انفتح لباب مال شقه وانسد بقوه. صوت قوي راساً فزيت كمت وكفت اشوف شّــْْكو محسيت اله
سلطان عيونه تجدح نار وعروقه بارزه ما هلكد اعصاب صاير
لزمني من شعري لفه على ايده ويصيح. بوجهي ولج منوووو هذا
رفع تليفوني بوجهي صوره انس
شمس/اييي شعري دا تاذيني بــَس اصبر لحضه خلي افهمك
سلطان/ولج شتفهميني مو شِفـٍـــٰٰتْ كلشي وقريت كلشي وفهمت كلشي ولج شنووو انتي مستغفلتنه جايه تاخذين الورث وتعب السنين حته تروحين تخلينه بحلك هذا الساقط
شمس/والورث شله علاقه هذا حقي وجايه اخذه
سلطان/اييي صحح والله صحح حقج وياج وتعب ابوي مال السنين حته يكبر حصه ابوج حته تاخذيهن انتي وتنطيهن للي مايسوه فلس
شمس/بس انس يحبني وماله علاقه بالورث
سلطان/هاااا ماله علاقه بالورث والمحادثه كلها عباره عن جيبي الورث حته اتزوجج مووو
شمس/ايي احبه ويحبني ومتفقين نتزوج وبس ارجع للبصره اخذ حقي كوله وارجع البلدي واتزوج اني وانس ومحد اله حق يمنعني
سلطان/ولج لاتفوريني اكثر ولج متاخذين دينار واحد وتروحين لهذا لمهتلف حته ياخذهن منج ويشمرج
شمس/مستحيل ميسويها ولازم نتزوج اني وانس
سلطان/وليش لازم ليششش ولج تعالي خاف غلطانه وياه موووو من هذا مشتاقلج وتعالي وانتي ماشاءالله عليج تعبرين عن اشتياقج بكل رومانسيه وصور طايح حضها
شمس/ضربته على صدره وعط بصوت عالي كااااااافي كااااافي غلطانه وياه شنوو دااكولك احبه احبه لوما انت بنفسك مجرب لحب ولدرجه تزوجت وصارلك سنين متزوج وماكدرت تنساها
سلطان/وتجيبين علاقتي على علاقتج
ولج اني رجال لتقارنين نفسج بيه
شمس/ايييي انَـت رجال وكلشي الك متاح واني ابنيه وكلشي ممنوع كااافي هالتخلف الي انتم بي انتم ناس متخلفين تفكيركم رجعي مهما تدرسون وتطورون نفسكم بس التخلف ميفارقكم الحريه المطلقه للولد والتقيد للابنيه تدري آٌنــي مقهوره على بنتك هيا لان عدها هيج اب مثلك متخلف
سلطان/ضربتها راشدي قوي لدرجه انشمرت بالكاع
وصحت عليها ولج انه المتخلف يعني من اخافض على عرضي صرت متخلف لازم اشد كرون واصير دويث حته اعجب حضرتج
شمس/لزمت خدي حسيت بحراره موطبيعيه تطلع منه بقيت بالكاع ابجي واصيح
هاااا تحافض على عرضك لعداذا صدوك تحافض على عرضك شكوو طبيت لغرفتي وبقيت تبوس بيه ونمت فوكايه وحته اثار خليت على ركبتي وصدري هاي شنوو معناها حافظت على عرضك
سلطان/ضربت الحايط بوكسي وصحت ولج لتضلين تشبجين شي بشي ولج شفتج تبجين وتخبلت عليج اجيت اشوفج ذبيتي روحج بحضني وانتي لابس
استغفر الله ولج لبسج وصدرج مبين وانه شاب وبنص الليل والشيطان وز براسي شتتوقعين مني جا ما سترتي نفسج حته مايكبن عندي جانت غلطه وبنفس الوقت كلتلج غلطت واعتذرت منج وكتلج انسي كلشي
وانتي بكل مره تبجين وخابصتني اشتاقيت البلدي والصديقاتي وانتي مشتاقه لهذا المهتلف
شمس/اييي صح اعترف ابجي عليه جنت ومشتاقتله وراح ارجع اللندن واخذ حقي كامل واتزوج انس وغصباً ماعليك افتهمت
سلطان/غصباً ماعليه موووو لزمتها من شعرها ولج غصباً على منوووو ركعت راسها بالحايط مرتين حيل
شمس/اييي كااافي اكرهك مااحبك كولكلم اكرهكم اخذ حقي وغصباً ماعليكم اخذه وارجع البلدي مستحيل ابقه يمكم اكرهك مااطيق اشوف وجهك مااحبك اكرهك
سلطان/باوعت عليها وهي تصيح اكرهك. اخذت السويج وتليفونها بيدي راساً طلعت وقفلت باب الشقه عليها
دنيه ليل شغلت السياره وطلعت ماادري افتر بالشارع واتذكر حجيها واشكلها وخصوصاً من تصيح احبه وتكلي اكرهك. وغصباً ماعليك مشيت بسرعه اله شويه اسوي حادث طبكت ع صفحه نزلت بقيت افرك براسي
ليششش هيج يربي ليشش باليوم الي مخطط من الصبح اخطط وافكر شلون اعترفلها بحبي تنكشف هي كدامي واسمع منها كلمه احبه لشخص ثاني واسمعها تكلي اكرهك مااحبك يااربي هواي اذيتها بس فقدت موزين ماكتلتها خلاص
ياريتني ماتقربت عليها لهل درجه ياريت بقيت عليها بعيد مثل غسان اٍُِجٌِــيٍّتٍُْ لشغل شجابني لاربيل بقيت ادفر بالتاير مال سيارتي حيل
اريد شي يطفي النار الي بكلبي ماكوو شي يبردني ويهديني
رجعت للشقه وافكر شلون راح اقنعها هذا طمعان بيها
وصلت للشقه طبكت السياره وبقيت 10 دقايق كاعد اهدء بنفسي اخــّّـّّاف لاتسمعني بعد كلمه واجرم بيها
صعدت للشقه فتحت لباب طبيت لكيت شكس بنفس مكانها بالكاع نايمه وشعرها على وجهه صاير تقربت عليها
صحت شمس اكعدي نامي بالغرفه شمس شمس وخرت شعرها من وجهه شِفـٍـْت اثر ايدي بخدها جريت حسره خليت راسها على ايدي احجي وياها بس ماكو شمس ولاطكه شلتها نيمتها على الجربايه جبت مي غسلت وجهه شِفـٍـْْــٰٰتْ عطرها على الميز بقيت ارش بيدي واشممها مرتين 3 مرات واضرب على خدها على كيف اريدها بس تصحى احجي وياها
شموسه حبيبتي اصحي فدووه اصحي
متت خوف عليها بقت تفتح وتغمض
كلت الحمدالله
شمس بقت تبجي وتصيح اريد بابا اريد بابا
سلطان/اخذت راسها على صدري اششش شموسه اششش فدووه العمرج كاافي لتزيد همي همين
شمس/اريد بابا بابا وينك تعالي وتبجي
سلطان/بستها من راسها كافي عمري انه ابوج كافي ابنيتي عسى ايدي انكسرت قبل لاامدها عليج
والله عصبت وتنرفزت
شمس/والله ماغلط وياي والله
سلطان/خلاص شموسه مصدكج كافي ابنيتي
بس اريد اطلب منج طلب واحد حته اثبتلج هذا ميحبج والله ميحبج وطمعان بيج
شمس/سحبت نفسي منه. شنوو
سلطان/باعي راح نتصل عليه واحجي وياه طبيعي وهيج وهيج تكوليله اذا رفض يعني يحبج واذا وافق يعني ميحبج طمعان بفلوسج وصدكي الي يحب مستحيل يقبلها فهمتها
وكلتلها فتحي تليفونج فتحته كدامي حته الرمز عرفته
طبيت ع الواتساب ودست اتصال وفتحت مايك فتح خط
انس/هلاووو حبيبي وين اختفيتي
شمس/هلوو انس
اكولك جنت احًــجًِي وي عمو وشرط عليه شرط مينطيني دينار واحد من ورثي الها اتزوج ابنه بس اني اتفقت وي ابنه اخذ الورث وشهرين ويطلكني وهو وافق
انس/ وشنو شعني زواج شكلي لو زواج كامل
شمس/اباوع على سلطان واحجي
زواج كامل طبعاًهمه ماعدهم شي اسمه زواج شكلي
انس/يعني حته ينام وياج
شمس/دنكت راسي اي
انس/اذا ماكو غير حل عادي قبلي المهم تاخذين ورثج وتجيني حبيبي
شمس/غمضت عيوني حيل ونزلت دموعي كوتله ماشي صار يـعـنـي ماعندك اعتراض غيرك يلمسني
انس/اذا مينطوج ورثج شنسوي لعَـدْ
شمس/ماشي بااي رايحه انام
سلطان/سديت الخط
هااااا شفتي هذا الي وكفتي بوجهي علموده وتصيحين احبه وطلعتيني متخلف مووو اگـلج جذاب ومميت عليج على فلوسج متصدكين
شمس/مستحيل انس يحبني
سلطان/رجعت تعصبت وصيحت
ولج كااافي تدافعيله كل هذا الي سمعتي بكل سهوله كلج روحي لغيري المهم تجيبين الورث وتجين وبعدج مصدكه هو يحبج لج هو عراقي لو موعراقي هذا
شمس/اي عراقي
سلطان/الخسيس ذره من الغيره ماعنده
شمس/انت لَيــِْش مدا تفهمني والمفروض اكثر واحد يفتهمني هو انت لان مار بتجربه وحاب ولحد لان ماناسيها الحبيبتك صار سنوات
سلطان/لا نسيتها
شمس/والله شبسرعه نسيتها ولحد قبل كم يوم تكولي ماكدرت انساها وعلى طول افكر بيها لك حته مرتك ماكدرت تنسيكياها
سلطان/باوعـ👀ـت عليها وكلت بكلبي بس انتي كدرتي تنسينياها انتي الي صحيتي كلبي يدك من جديد انتي الي عيشتي مشاعري وخليتيني افكر بالحب بعد گـِْـِْلِْ هالسنين ليش ياربي مامقسوملي احب ابد كل ماكلبي يدك لوحده تطلع سالفه وتخرب كلشي باوعت على الساعه ب2
كمت من يمها وكلت
تحضري ساعه3 نطلع من هنا نرد للبصره
ورتبي شقه الرجال
شمس/شكد تونست بهاليومين الونسه طلعت من خشمي راسي لحد لان ياذيني موتني
كمت رتبت الشقه وفشيت النفاخ
لميت ملابسي كولهن
كولت اله اشتغل عناد وياك يا سلطان شكو شي متخبه اله اسوي اله ابزعك
طلعت بدي ربع ردن وي الحزام لونه اسود وبنطرون لونه سمائي وحذاء رياضي اسود وضميت البقيه كولهن
طبيت للحمام يبحت ولبستهن ولفيت شعري على شكل كعكه بدون ماامشطه
هو طب لم ملابسه وبدل طلع شافني كام يباوع عليه من فوك ليجوه
سلطان/شنووو ماكو غير هالتيشيرت هذا تلبسينه
شمس/اكوو بس بكيفي عجبني وبعدين انت مومن حقك تتحكم بلبسي اني بوجود بابا جنت البس هيج ومايوم حجه وياي تجي هسه انت تمنعني
سلطان/عصرت ايدي حسل وصكيت على اسنوني
ولج شمس لتخليني ارتكب جريمه بيج هسه
استغفرت ربي وكلتلها يله كدامي امشي ماناسيه شي
شمس/لا
سلطان /رحت اتفقد الشقه وشفت كلشي مرتب فتحت الثلاجه نص الكيه باقيه لاتخرب وتصير ريحه بشقه الولد خليتها بكارتونتها وخليت ماعونين وجطلات اثنين وياها وطلعت قفلت الشقه ونزلنه ساعه4 صارت صعدنه بالسياره اول ما رحركت السياره شمس رجعت الكشن للاخير ونامت
قريب الدوز وحسيت روحي قفلت من لبارحه ٱڵـڝُـُپًٍح
مانايم وصلنه للمطعم كعدتها كلتلها كومي اتريكي
شمس/مااريد
سلطان/مانزلت راساًسحطت السياره ومشيت شويه وكعدت هي شغلت اغاني ومعلكه رجلها على البنيد حركاتها غريبه حته كالت مااحب الاغاني الضجه هسه مشغله كله اغاني ضجه وتغني وياهن لنوب لبست مناضرها وفتحت شعرها وتلعب بشعرها فتحت الجامه والهوى يطير بشعرها وانه فاتح تبريد اباوع على حركاتها واكول بكلبي
امده كلبي ماحبيت اله هاي الطفله اباوع لحركاتها نفس حركات هيا
مشيت مسافه وحسيت نفسي غفيت انه واسوق راساً طبكت السيارت ونزلت فتحت الباب الي يمها وكلت يله نزلي
شمس/نزعت المناضر وباوعتلي ورافعه حاجبي شنوو معقوله بهالسرعه وصلنه للبصره
سلطان/ايي وصلنه انزلي شمس
نزلت
كلتلها يله حولي بمكاني متت نعس مااكدر اقاوم بعد
هي نزلت بمكاني صعدت
صعدت الجام وطفيت الاغاني
سلطان/اسمعي مااريد هوسه واغاني وضجه اريد آنام
شمس/اباوع عليه خله ايده على عيونه ونام راساً بقيت اسوق مشيت مااريد كم سـَـــاعْـ⌚ـــٰه محسيت اله مقابيلي بغداد ترحب بكم سيطره بغداد بس كولش ازدحام الدخوليه بقيت واكفه بالازدحام
هنا كعد سلطان
سلطان/فزيت كمت اباوع نفسنه بسيطرة بغداد شكد نمت لعَـدْ اني من الدوز لبغداد هي تسوق شِفـٍـْْــٰٰتْ لازدحام والسواق كلهم عينهم عليها وهي زنودها طالعه وشعرها صارت اًْعًۤـيًٗــــؤَّنُِـيِ بكصتي
انه معلك قاطي ليوره نزلت كلتلها يله كولي فتحت لباب مديت ايدي بلجنطه مال لقاط طلعت لقميص سحبته. صعدت وشمرته عليها
سلطان/هاااج لبسي غطي ايدج أحـسًٓـن مانصير فرجه لامة محمد
شمس/شفته اعصاب صاير وشمر القميص عليه لبسته بس عفته مفتوح بدون ماادكم الدكم وفيت ردنه للثلث
طلعنه السيطرت
كال السياره حمت
اخذنه لمنطقه اجرلنه فندق غرفتين
طبينه غرفه بصف غرفه كال ارتاحي وبليل كلش نطلع نكمل طريقنه خلي اودي المفتاح للولد واجي
بقيت تمددت غيرت ملابسي لبست غير بنطرون وقميص ردن
وتمددت ع الجربايه غفيت
سلطان وديت المفتاح واخذت گـِْـِْلِْ ورجعت للفندق دكيت ب
لباب متفتحه ردت اتصل عليها تذكرت تليفونها عندي
دكيت لباب قوي طلعت
تفرك بعيونها جانت نايمه
طبيت فرشت لاكل كلتلها تعالي اكلي
شمس ماريد
سلطان/من لبارحه مماكله تعالي اكلي وبطلي هالحركات هاي
شمس/اااااف كلشي عندك امر وطاعه كوتلك مااريد خلاص ماااريد
سلطان اخذت لفه
وطلعت
شمس/اني ميته جوع بس ماريد اكل وياه شفته طلع كعدت اكلت
سلطان/طبيت بالغرفه ردت اغسل وشميت ايدي العطر مالتها بعده لهسه بيدي
بقيت اشم بيها غسلت بــَس بمي حته ميروح العطر تمددت نمت شويه ب2 دكيت لباب عليها
كلتلها يله نروح
سلمت الغرف وطلعنه بوجهنه للبصره لفجر طبينه. لصبح طبينه لبصره من بغداد لحد ماوصلنه لبيت ابد ماحجيت وياها ولاحرف وهي كاعده حته مانامت
وصلنه لبيت خابرت على غسان نزل فتحلنه لباب طبينه بعدهم نايمين كبل صعدت وهي وراي تمشي صعدت طبيت لغرفه زينب رحت بست هيا مشتاقلها نايمه جانت طلعت لغرفه حمزاوي هم بسته ورحت لغرفتي بدلت ونمت
كعدت ب12 نزلت امي وزينب سلمت عليهم
شفتها كاعده حته متباوع عليه
سالت على ابوي امي كالت نايم ماله خلك من لبارحه
سلطان/شني يمه ماله خلك ماوديتو لدكتور موغسان هنا
الحجيه/يمه ماتدري بابوك عنودي ماقبل توسلت بي
سلطان/طبيت اله للغرفه كتله حجي كوم اخذك للدكتور كوه كومته ابوي مو على بعضه ابد اخذته للدكتور تحاليل وفحوصات طلع السكر مالته والضغط معلكات شعرايه بينه وبين الجلطه
نومو مستشفى كالو ميطلع اله يستقر الضغط والسكر
خابرت على غسان اجوي هو وامي بقينه وياه لليل كلتلهم روحو بقيت يمه. انه
بقه يومين بالمستشفو وحالته مامستقره
هنا اجوي عمي حاتم وعمي حسين ومهند ابن حاتم اكوي للمستشفى اخواتي الي بالعمار وبذي قار اجني بقت بس ام بغداد ماكدرت تجي على التليفون بقت ويانه
خابرت على دوامي كوه كدرو ينطوني اجازه بعد بقيت يم ابوي مارحت للبيت حته ملابس جابلي غسان بالمستشفى بدلت
لحدمااستقرت حالة والدي شويه وطلعنه كعدنه بالمضيف شويه الشيوخ والوادم كلها انكلبت علينه والذبايح
هوسه صرنه لليل كلش ياله طشت الوادم
شمس/عمو بالمستشفى. والدنيه نكلبت يمنه والكل متوتر عليه سلطان اصلا ماشفته. بعد ابد صار 4 ايام
كالو طلع. من المستشفى جابو للمضيف كلها بالمضيف بس النسوان احنه بالبيت
سلطان/بليل طشو الزلم بقينه انه وعمامي وغسان ومهند كاعدين بالمضيف نشرب جاي
عمي حاتم حجه
خويه شيخنه ابو سلطان
دام كمت بخير وسلامه والفجر متوكلين لبغداد بعد شيجيبنه عندي يمكم مطلب خويه مهند رايد بت المرحوم حازم على سنة الله ورسوله وهو ابن عمها بـٍْْـٍْ؏ـٍْْد هاا خويه شتكول انت جبيرنه والشور لاول والاخير يمك
سلطان/صارت عيوني بكصتي من سمعت الحجي
الشيخ/والله خويه علواه شمس تصير لمهند هو وليدنه وهي ابنيتنه انَه كل اعتراض ومانع ماعندي بس اشور البت وانشالله خير
سلطان/ماتحملت كمت وكفت على طولي وكلت من رخصتك بويه ومن رخصتك عمي بس انه رايدها الشمس
………………..
