رواية الضابط واليتيمة الفصل الرابع عشر 14 بقلم مجهول

ضليت الملم بالمطبخ بقيت اكل لريهام خاف اتريد وضليت باامطبخ كاعدة طلع هو وورا ريهام وزين سبقهم وطلع 

-متاكلين؟ (اشرت الها) 

- لا لا حياتي متاخرة ويادوب اوصل وطلعت 

التاف علية وليد 

- سدي الباب زين 

اني راسي بالكاع و لاباوعت علي 

- من اكلج شي اتجاوبيني 

- حاضر 

طلع وسديت الباب ورا وكعدت بالكاع ابجي من كل عقلي ابجي ابجي ورة نص ساعة هيج شي كمت غسلت وجهي ورحت طلعت الرواية اتلهى بيها 

كعدت خالة ب١٢ 

-صباح الخير 

- صباح النور يمة هاي شنو عيونج 

- شبيها خالة 

-حمرة شنو باچية 

- ها لا بس كطعت بصل واتاذت عيوني 

- وين البصل شو ماكو 

- بالمطبخ جوة اسويلج ريوك 

- لا عيني بس جاي جيبي للهول حبابة 

- تدللين من عيوني 

رحت حميت الجاي ووديتة وسالتها على الغدة وبديت اطبخ لين صارت ال٢طبت ريهام وايمن وزين 

سلمت عليهم وسالت ريهام شصار مصار بالمدرسة 

طب وليد اني سويت روحي مشفتة وضليت احجي وياها 

- ريهام اصعدي بدلي وتعاي سولفي 

- حاضر سيدي 

وراحت 

- هاج ذني 

انطاني علاكة 

- والي عدج انطيهن الريهام كلهن افتهمتا ؟؟

- اي افتهمت شكرا تعبت حيل الله يرزقك 

اليوم كعدت ب٧ نزلت سمعت صوت بالحمام عرفت مينا انتضرتها برة طلعت مستعجلة حتى ما انتبهت الي تركض وخبصة سالتها شبيج كالت مستعجلة عمود اتلحك معقولة هلكد شايلة همي ردت احرجها سالتها عمودي كالت اي عفتها وطبيت اسبح كملت طلعت شفت ايمن جوة 

- صباح الخير عيني مختفي علينا 

- هلة باخوي غير جامعة وطلعة شسوي 

مد ايدة على الاكل 

- حتى اكلها حلو 

رفعت وجهي علي 

- شنو 

- على مينا حلوة كلش وطبخها طيب 

لزمتة من ياختة 

- باوعلي زين مينا متتقرب الها اني جان عفتها بالشوارع للولد الشوارع لو رايد بس جبتها حتى احميها مو حتى اتاذيها 

- هاي شبيك وليد مو قصدي هيج شي ترة مو الي ابالك 

- حتى لو نظرة ما اسمحلك هاي بحمايتي 

نزلت ايدي وكعدت اني اخوتي كلهم يسمعون كلامي ويحترموني عدهم كلمتي نفس كلمة ابوية متنزل للكاع 

اجة يمي 

- اني اسف اخوية ما اقصد تربيتك اني ما اسوي الغلط

- ايمن لتسمع من جماعتك على البنات اعرف انت داير مدايرك ولد الموضوع الرئيسي البنات بس دير بالك لتخذلني 

- لا اخوية شنو اخذلك يلى اني رايح مع السلامة 

- بالسلامة 

ورة دقايق نزلت مينا ومشت كبالي التراك ضيك عليها وملتف على جسمها وبارز كل جسمها كمت افور شنو اذا ما اعالج الموضوع راح اتصير مشكلة بالبيت مو طبيعية

سالتني على ايمن وجاوبتها 

خليتها تكعد لازم ارزلها شنو ما حست على ملابسها شنو وين كاعدة ردت اشوف تعرف بملابسها سالتها عليهن ومن جوابها عرفت انو هي تعرف بملابسها ضجت اكثر جوابها اقبح من ذنب رزلتها جانت منزلة راسها ومتجاوب تعرف نفسها غلطانة كتلها اتباوع علية شفت الخوف بعيونها وشلون ذبت اكلها من ايدها انقهرت عليها بس اريد احل المشكلة حتى تبقى مرتاحة هنا 

طبعا متجاوب واتريد اتكوم مخليتها اتكوم شفت الدمعة بعينها وحتى صوتها مال وحدة حاصرة البجية لوما هي خوش بنية جان مصارت حالتها هيج كلت خليها ترتاح بس راح اضل احسسها بغلطها اليوم عفتها وكمت الي ضوجني اكثر انو كلتلها اتقيسهن ليش متسمع كلام اول مرة واحد يكسرلي كلمة 

رحت ابدل بس صوتها المخنوك والدمعة قهرتني حيل بدلت دكيت الباب على ريهام وزين اخذتهم ونزلت شفتها بمكانها بعدها رحت البس حذائي طلعوا كبالي 

صحت الها عمود اتسد الباب جانت منزلة راسها ومتجاوب كتلها جاوبي اكثر شي ينرفزني انو متجاوب عفتها وطلعت كملت شغلي من وكت مريت على محل اخذت الها اتراكات عريضة اكبر من قياسها واخذت كم دشداشة مال شابات ورحت اخذت ريهام وزين ورجعت للبيت نزلوا كلهم اخذت الغراض من الجنطة وطبيت للبيت شفت ويهام بصفها كتله اصعدي وانطيتها الغراض اتشكرت مني عفتها وصعدت لغرفتي امبينة باجية عيونها حمر اظاهر اسلوبي جان كلش قاسي 

عفتها رحت ابدل ونزلت التمينا على الاكل دك تلفوني 

- هلة باخوية اي ماشي اها ابيت منو اوك اوك لا اجي شلون ما اجي ماشي مع السلامة 

- هاي منو

- يابة هاي جمعتي عازميني راح اروح العصر واخذ مفتاح وياية خاف اتاخر 

- اي روح اتونس الله يسهلك 

صعدت لغرفتي انام. نمت ساعتين هيج شي وكعدت بدلت واتعطرت واخذت السويج نزلت لكيت مينا كاعدة لابسة وحدة من التراكات الجديدة وشكلها حلو مو ضيكة ومو عريضة حيل زينة عليها سلمت وطلعت برة رحت لجماعتي سوالف وضحك وتدخين وشفنا فلم واكل وبلي ستيشن كلش احبة لعبنا محسيت الة الساعة ١١ باليل سلمت على الولد وطلعت وصلت للبيت فتحت الباب شفت مينا كاعدة حاطة الرواية بحضنها والتلفون وصافنة كحيت حتى تعرف اني هنا 

كعدت بصفها 

- شدسوين باليل 

- ماكو كاعدة ( بصوت ناصي ومتباوع علية )

- بجيتي اليوم 

رفعت راسها وباوعتلي 

- اي (وبدت تبجي ) انت قهرتني اني مو قصدي والله بس استحيت اكلك ضيكات وكلت موزين اشتراالي ذني البسهن واتحمل والله مو قصدي ( ضلت تبجي وتحجي مث الجهال وكلساع تشهك ) 

- مفتهمج بس اول شي عاندتي ومقبلتي اتقيسين ومتجاوبين من اسالج 

قاطعتني 

- غير انت اتخوف انت شايف عيونك والله جسمي يرجف حتى معرفت شلون احجي وارد 

- ههههههه هسة اني صرت اخوف تمام 

- اي اتخوف 

- لتكرريها مرة ثانية لتعانديني بشي 

- انت هم لتحجي وياية هيج ( بدلع ) 

- شلون هيج يعني 

- قصدي بهذا الاسلوب حباب والله متت قهر 

- زين انتي ليش حاطة التلفون بحضنج 

- اريد اشغلة بس ما اعرف 

شغلتة وبديت اعلمها شلون اتسوي والاساسيات باوعت على الساعة صايرة ب١:٢٠ 

- يلى اتاخر الوكت كومي 

- اي 

- هما بعدج ضايجة 

- لا 

- يلى امشي كبالي 

طبينا للبيت وسدينا الباب وقفلتها 

الفصل الخامس عشر من هنا