رواية الضابط واليتيمة الفصل الخامس عشر بقلم مجهول
كعدت ب٧ كمت اركض عمود الحك مسبحت بس بدلت وبديت اسوي ريوك صارت ب٧:٣٠ ووليد ما كو ولا الولد عزة شبيهم ذولة خفت من وليد عزة هذا من راح يكعد شراح يسوي بية او يجوز طلع عزة خاف طلع بدون ريوك يبو بعد اتعس
رحت لغرفتة فتحت الباب على كيفي طبيت للغرفة شفتة نايم بدون ملابس وعلى بطنة ومغطي جسمة بس نص ظهرة طالع بالبداية التفت وحطيت ايدي على حلكي بعدين التفت علي وابتسمت بديت اتقدم ظهرة كلة عضلات يجنن يا ربي ضليت شوية شوية اتقدم علي واشوفة اكثر شعرة امبعثر ومغطي نص وجهة اتقدمت اكثر من جهة وجهة اكو شي يجذبني اربد اشوف وجهة اكثر
- شدسوين
- بسم الله ( حطيت ابدي على كلبي عزة هذا شاكلة شنو دا اسوي هنا )
اتحرك وكعد وخلة ظهرة على ظهر الجرباية وصدرة طلع اني ضليت ابلع بريكي واباوع علي
- ال ال الساعة ٧:٣٠ وانت بعدك نايم فاجيت اكعدك خاف ماخذتك نومة
- شمعنة اخوتي مطبين عليهم
-ها مو ماكو وقت وكلت خلي بسرعة اكعدك
-تدرين اليوم جمعة
-جمعة صدك
-اي وكعدتيني بعطلتي هسة شلون اعاقبج
جان يحجي بهدوءويباوع بعيني اني رجعت خطوتين ليورة
-راح اروح لان عندي شغل ( احجي وارجع ليورة)
- مينا وكفت وما انداريت
- مو اتكعدين البقية ههههههههههه
طلعت اركض من الغرفة وطبيت لغرفتي عزة عزة ما اريد اشوفة ابد هاي شلون راح اشوفة اليوم يمة
اوه لازم اطلع الم المطبخ هاي شلون خاف هو نزل عزة لا لا
طلعت راسي من الباب دا اشوف ماكو احد بالممر رحت للمطبخ اركض دا الملم الاكل بسرعة ردت اوكع بس ما وكعت احد لزم ايدي
- وليد
- شبيج مستعجلة
جريت ايدي والتفت
- لا لا ما بية
جان كلبي ايدك ايدك بقوة هو راح انتجة على الكاونتر ومجتف ايدة ويباوع علية
كمت حتى مشي ما اعرف شلون امشي من الفشلة اتمنى احد يجي هسة وينقذني
فزيت قريب ٧:١٥ بس مطلعت لان اليوم جمعة وكلت ارتاح بالفراش ضليت على نومتي متحركت اني كلش نبه اقل صوت اسمعة سمعت الباب انفتحت وحسيت اكو احد طب اكو ميز التواليت ايصير ليورة فتحت عيني باوعت على المراية شفت انعكاس ظهر مينا وبسرعة لافت شفت وجهة جانت حاطة ايدها على حلكها خطية استحت لان شافتني ملابس ابتسمت على تصرفها بس بعدين التفت وضلت تتقرب غمضت عيني ومن حسيتها اتقربت كلتلها شدسوين ردت افززها ركضت وراحت
غبية عبالها اليوم دوام شكد مطفية
كلت خلي انزل العب وياها
نزلت شفتها تركض رادت توكع لزمتها اعرف بيها منحرجة مني
انتجيت على الكاونتر اباوع عليها وعلى تصرفاتها
- عرفت شلون اعاقبج
وكفت والتفت علية
اتقربت عليها حصرتها بيني وبين الكاونتر وضليت اباوع على عيونها نسيت نفسي لفترة بس ردت اشوف ردة فعلها ضليت اباوع اتقربت لاذنها وهمست الها
ردت احجي بس سمعت صوت راسا وخرت عنها وطبت امي للغرفة
- صباح الخير هاي شعدكم كاعدين اليوم جمعة كلت راح اطلع ما الكة احد
- والله يمة اسالي هلخبيثة خربت نومتي
- شنو كعدتي
طبعا مينا ساكتة وصافنة علية
- مينا
- ها خالة منتبهت
- يلى حبيبتي طلعي السمج حتى يموع واليوم راح يجونا خطار هواية كرايبنا اريد همتج
- اي خالة تدللين ( بصوت ناصي)
- عسكري جوابك بصوت عالي لازم يكون
باوعت علية بدون حتى ضحكة
اتريك الكل وكمت اسوي المقبلات والزلاطة وريهام اتسوي جلي والولد يحضرون الحطب حتى من يجون من الجامع راسا يشووها
اجوي الخطار طبوا بس النسوان لان الرياجيل لارحوا للجامع راسا
طبعا اثنين اكبار بالعمر خوات ام وليد ووبنية متزوجة وعدها طفلة كلش حلوة وصغيرة واكو بنية شابة اعتقد طالبة جامعة رحت اسلم عليهم
- هاي منو ام وليد ( المرة الجبيرة )
- ها اي صدك اعرفكم هاي مينا تشتغل وياية بالبيت الله يحميها كلش حبابة ووردة مال الله
- تسلمين خالة
- من شوكت مشغلين عدكم بنية صغيرة
- لا عيني مو صغيرة ترة
