رواية اخذوني دفع للدار فصليه الفصل الخامس عشر بقلم زينب نور
خذيت بعضي ليش ماخذت كلي خليتني باقي جسد مالها روح عايش وحيد ودمع عيني تهلي كلي تعب وكلي الام وجروح هذا انا قله من الناس مثلي على فراش افراق الحباب مطروح يازهرة أيامي وياباقي أهلي بنيت لك في الذاكره قصر وصروح انته بساتيني وزهري وفلي وانته طموحي لو بقى عندي اطموح عايش معايا مثل شمسي وضلي وينما تروح الشمس والضل باروح من قبل وفيما بعد ما قوم اصلي امشي أقف وانا على الأرض مسدوح اسمع صدى صوته مدوي يقلي انا معك مثل القدر وينما تروح
***************************
سامر : باوعت على صفحتي اليمنه وشفت تلفوني ههه تذكرت صورتها من اخذت صلحت تلفونها اخذت منه صوره الها تبقى عندي لان ادري ماراح صير الي اله بمعجزه سحبت التلفون وفتحت الستوديو وطلعت صورتها وضليت اباوع عليها وانه احاجيها شمسوي بدنيتي يا لجين حتى طلعين كبالي انتي يالذات واحبج هيج ومن اول يوم شفتج بيه كليلي شنو سويت حتى هيج اتعاقب اخوج هوه الي تعده ع كاعنه وماحترمنه وفوك هذا ضل يغلط صح انه متهور وعصبي بس شسوي تنهدت وسديت التلفون ونمت وثاني يوم كعدت من الصبح وبوجهي طلعت لبغداد لان عندي المحاضره الثالثه يعني ساعه 11 طلعت ومشيت الطريق كله وبداخلي اكول انشالله مداومه وصلت بعد طريق طويل وهذا بس يتذمر نعسان ذبيته بالاقسام وتوجهت للقسم وجان اشوفها اي واكفه هيه وصديقاتها باوعت لجهتي وشافتني بس باوعتلي بنضره مكدرت افسر شنو معناها خلت ودارت وجهه وراحت صعدت فوك كلبي حترك حرك كلت شبيك سامر مو انت الي ردت هيج موانت الي عاملتها بالبدايه هيج تستاهل خليت وصعدت لمحاضرتي دخلت للقاعه وخلصت المحاضره وهيه ولا لتفتت كلت خلص خليها براحتها الصار صار شسوي خليت وطلعت ونزلت لمكتبي بس احس نار جواي تمشي دخلت جان شويه ويندك الباب وكلت تفضل نفتح الباب وجان اشوف لجين اجتلي واول مادخلت كالت ......
..........///////
ليث : تمددت يمها وجان اسمعها تهلوس باسم اهلها شويه وكالت لا ليث لا لاتضربني ماسويت شي والله لا لا سمعتها هيج حجت ومتت بقهري عليها كلت هيج ماذيها ومادري وصلت بيه المواصيل اخوفها مني حتى بنومها اخ ليث اخ الناس تطلب عونك هسه ضلمت بنيه ومنو الي تصير مرتك خليت وغفيت بصفها بعد ماتاكدت صارت زينه وحرارتها نزلت صار الصبح سمعتها تصيح ليث ليث وخر عني اريد اكوم كعدت بس بقيت روحي نايم لان وهيه بحضني شعور لا يوصف وهيه قريبه مني جان تعيط
نهر : كوم ليث كوم
ليث : كعدت مصدوم من صوتها وخليت ايدي ع خدها كتلها بعدج مصخنه
نهر : لا زينه وانه شسوي هنا شنو جابني مجنت نايمه هنا
ليث : كلتلها الي صار خلت وطلعت شويه وطلعت وراهن لكيتهن يردن ينزلن يتريكن صحت عليهن يوكفن شويه ورجعت عليهن اجت صدف كضت ايدي ومشت مادري ليش تعمدت اسايرها لان انه اكدر اعيط بيها وابعدها بس من باوعت ع نهر حسيت بداخل عيونها نضره غيره شوي شوي موهواي لان اي وحده بمكانها ماراح تحبني ع السويته بيها الا من تطلع روحي يلا تنسه مشينه وصلنه للمطعم وجان اشوف شباب كاعدين كبال طاولتنه عينهم ماشالوها عن نهر كلت بكلبي اي طبعا يباوعون اذا بنت الكلب طالعه تخبل ماعبالك مريضه بس العيون يشلن رادت تكعد ويصير وجهم عليها كبل عطت تعاي كعدي منا هيه كبل اجت كعدت يمي بكلبي كلت اي هسه رتاحيت شويه وحجت لجين كالت
لجين : نهوره حبيبتي ليش ماتاكلين خاف متحبين هذا الاكل
نهر : لا ماشتهي شي شبعانه
لجين : ولج ياشبعانه البارحه من رجعنه من الزياره العصر وانتي نايمه وماتريكتي ولا تغديتي ولا تعشيتي وهسه تكولين شبعانه
ليث : شفتها شلون تباوع ع لجين حتى تسكت وكلتها يلا اكلي هسه كبالي موزين عليج ماريد اتورط اذا صار بيج شي لو متي كلت هيج وباوعت عليها عيونها جمعن دموع ورجعت كتلها
ليث : نهر انه اسف هيج حجيت ماتعمدت ترا بس شفت معامله صدف الج بالفترا الاخيره ماريدها تحس ب
نهر : تحس بشنو ؟
ليث : ماكو شي يلا اكلي
نهر : ماشتهي
ليث : كتلج اكلي
نهر : شنو كوه الاكل يا اخي ماريد
ليث : اوكي براحتج وسمعيني نهر اذا شفتج واكفه يم عباس صدكيني تصير موزينه شويه وحجت بكل جرئه وحسيت وراها ان هاي البنيه شخصيتها حيل قويه بس لانً نكسرت بخوها وردت عليهً
نهر : انت شعليك بيه ها كلي شعليك موتكول انتي خدامه موتكول انتي فصليه جاوبني موهيج كتلي هسه تكلي بأذني سمعتك كتله من اطلكها واشمرها عند اهلها عود اخذها لان ماتهمني بشي موهيج كتله هسه جاي تكول ماتوكفين يمه بعدين انه ماواكفه هوه الاجه
ليث : لفت انتباهي كلامها وكتلها اوكفي شلون سمعتي هيج كتله ؟ ردت عليه بكل حزن
نهر : ماكو شي ليث خلينه نرجع احسن راح تطلع السيارات
ليث : ليش ماتحجين ها ليش دائما سكتين
نهر : لان السكوت احسن بهواي من الحجي واحد يحفظ نفسه احسن
ليث : قبل لا احجي رجعن البنات وانه اشوفها حيل متاذيه خلينه ورجعنه وكبل صعدنه بالسياره وطول الطريق اباوع عليها خاله راسها ع الجامه ومغمضه عيونها مادري شلون اجاني احساس تمنيت محد موجود واخذها بحضني احساسي جاي يزيد يوم عن يوم تجاها بدون ماخطط لهلشي خلص الوقت وصلنه للبصره ودخلنه البيتنه وانا اباوع ع عباس عينه ماشالها من عليها دخلنه للبيت وهيه كبل راحت لغرفتها وانه صعدت فوك ارتاح خليت راسي ع المخده واجت بالي شلون نايمه يمي قبل لنسافر شميت عطرها بغرفتي وغفيت كعدت ثاني يوم الصبح نزلت جوه ولكيتها بالمطبخ كالعاده ماتتاخر بالكعده شويه وكعد جدي وابوي وامي صبحت عليهم وكعدنه نتريك وجان جدي يكول
شيخ عكاب : ..............
.............//////
نهر : كلي منين سمعتي الحجي سكتت ماردت احجي ماردته يحس انو انه مهتمه بيه ماريده يحس انو انه مقهوره اريده يحس انو اخلص منه اريد ارجع الاهلي وكتله ماكو شي خلينه نرجع قبل لايحجي رجعن البنات ومشينه وصلنه وصعدنه بالسياره وخليت راسي ع الجامه تمنيت اشمر روحي منها هواي هواي فكرت وماحركت نفسي احس بيه يباوع عليه ويتنهد واحجي بكلبي اخ يا نهر كلبج يدك اله يدك للانسان الي عذبج وضربج اخ يا كلبي يوجعني ماحسيت بالطريق وصلنه وراها للبصره واول مانزلت توجهت لغرفتي وانا اردد كبر مايستحي شلون يباوع عليه مايكول مرت ابن عمي اخ بس كله من ليث كله هوه الرخصني يستاهل خليه احسن بدلت وغسلت ونمت كعدت ثاني يوم سويت ريوك وكعد ليث مايحاجيني حتى ماصبح عليه شويه وكعد شيخ وعمي فهد وخالتي قسمه صبحنه عليهم وجان شيخ عكاب يكول
شيخ عكاب : اي جدي شوكت نمشي ع بنت عمك انه كتلك من نرجع من السفر
نهر : جاي اشرب ماي من حجه رئسا شركت وضليت اكح كبل طفر عليه وكال
ليث : اسم الله اسم الله شبيج تنفسي تنفسي
نهر: ضل يضرب ع ضهر شويه وجريت نفسي ورئسا دموعي نزلت من عيني باوع عليه ورجع باوع ع جدي وكال
ليث : جدي عوف سالفتي هسه بعد وكت عندي هواي امور احلها خلينه نروح نخطب لغضب حبيبته احسن ونفرح بيه وانت وعدتني جدي
شيخ عگاب : خوش يوليدي بلغ اخوك خلي يبلغ الجماعه نروحلهم الخميس انشالله
ليث : انشالله جدي
نهر : من كال هيج مادري ليش رتاحيت شويه بس بقت غصه بكلبي تكول تاليته ياخذها عليمن رتاحيت ياكلبي خلصو ريوك وكامو هوه بقه كاعد وكال
ليث : منا وجاي انتي مسؤوله عن غرفتي وتنضيفها
نهر : حاضر شيخ بس شغير رايك باوعلي وحجه
ليث : مايخصج وبعد شغله ملابسج تنقلينها بالغرفه وياي لان هيه هم غرفتج
نهر : باوعت بصدمه بس ملامحي نترست غضب ع حزن وكتله ........
................//////
