رواية اخذوني دفع للدار فصليه الفصل السادس عشر بقلم زينب نور
جاوبني بعذر يقنعني من اسال
مات الكلب بعدك موتت فراك
وبس يسمع بجيتك ينهض ويعدل
واذا انت رحت المن اكول اهواك
وبعد ياهو الاوصفه ويامن اتغزل
لغيرك ماتوسل كلبي فد يوم
ولان هو يحبك بيك يتوسل
********************
لجين : بعد مارجعنه للبيت قررت ثاني يوم اروح لبغداد وي بيت خالي لان همه عدنه نمت وكعدت ورحت ثاني يوم وياهم مسافه الطريق كلها وانه افكر شلون حبيت كتال اخوي شلون كلبي هواه وضل يطلع حجج حتى يسامحه واعذار ويكول حقه لان اخوي انسان متمرد ميخاف عصفت بيه الذكريات قبل لا اروح بيوم لبيت اهلي وهنا تاكدت انه احبه جنت جاي امشي بالجامعه وشفته واكف من بعيد قبل لا اوصل بمسافه وكفني طالب ماعرفه ولاشايفته وسلم عليه وكال
علي : مرحبا انه اسمي علي
لجين : تفضل خويه محتاج شي
علي : اي اريد رقمج اتواصل وياج ممكن
لجين : انت شدتحجي شكلولك عني
علي : باعي لجين انه اعرفج ومتابعج من اول يوم داومتي هنا ماردت اتقرب منج او اعترفلج بهالشي خفت تصديني انه هسه مرحله رابعه هندسه وياكم نفس القسم الي حبيته بيج ادبج واخلاقجً
لجين : بعدني ماحاجيه واجه سامر وكف يمي وكال
سامر : هاحبيبتي خو ماتاخرت عليج
لجين : ضليت صافنه
سامر : تفضل عيني شرايد
علي : انت منو
سامر : انه خطيبها انت منوً
علي : ها العفو اخوي انه جنت اسئلها على بنيه وياهم بس ماعرفتها
سامر : ها بنيه اوكي اخذ راحتك
لجين : بقيت مصدومه من كلامه وكتله انت شلون تتجرأ تحجي هيج وانه موخطيبتك
سامر : لا عيني اجرأ ونص خوش وبيج خير روحي كوليله انه مو خطيبج الا اكسرج
لجين : ليش هيج تتصرف وياي ليش هيج تعاملني ساعه زين وساعه ابليس
سامر : لان هالشي راجعلي
لجين : خله وراح وانه بوقتها حسيت بفرحه ماحسيت ع روحي الا لمن صاحت عليه خالتي كالت وصلنه نزلت ونزلت ملابسي ورحت للغرفه انام وراي دوام وانا اردد اي احبه احبه شلون فهموني شلون اتحمل شويه ودك تلفوني
نور : الو هلو لولو شلونج ليش ماكلتيلي راح ترحين ردت اجي وياج تدرين معطله انه
لجين : حبيبتي بسرعه بسرعه صارت خلي انزل المرا الجايه وانشالله يصير خير اجيبج وياي وشتردين نسوي
نور : خوش يصير خير يلا راح اروح
لجين : بوسيلي امي ونهر
نور : يوصل باي
لجين : باي
شمرت التلفون ونمت ثاني يوم كعدت الصبح بدلت وخلصت ورحت للجامعه وشفته بس نضرتي اله احسه تحولت من حب لكره ممزوج بحب وعدم رغبه بالبعد دخلنه وخلصنه المحاضره باوعلي باسف وراح ماتحملت اكثر رحت ونزلت ودكيت الباب وجان يكول تفضلي
سامر : فتحت الباب وجانت هيه واكفه اي هيه كلتلها دخلي لجين محتاجه شي ردت عليه
لجين : اي محتاجه
سامر : تفضلي كولي
لجين : اريد كلبي الي اخذته منه باول يوم شفتك اريد عقلي الي سيطرت عليه سامر
سامر : نصدمت من كلامها وكتلها لعد انه هم اريد كلبي الي اخذيته بدون استاذان مثل الحراميه
لجين : سامر شلون شلون كلي شلون وانت كتال اخويً
سامر : لجين انه حبيتج من اول ماجت عيني بعينج نخيت الامام علي يخليج من نصيبي لجين وشفتج بوقتها وعرفت انتي عرفتي بيه كتال اخوج
لجين : احبك انه سامر ماكدر من دونك ماكدر اذا ماشوف عيونك
سامر : اخ ياكلب سامر اخ
لجين : رحت عليه وحضنته حيل وضليت ابجي
سامر : رجعت الها الحضن وحضنتها حيل وكتلها وعد مني ماتصيرين الغيري مستعد لو اخسر روحي في سبيل اخذج فدوه الج
لجين : انه هم مستحيل اخذ غيرك اموت سامر
سامر : مسحي دموعج لجين ويلا روحي لمحاضراتج لا تتاخرين وانه اخابرج بعد شويه من اخلص شغلي
لجين : تمام
لجين : صار هذا الحجي بينه طلعت وانا فرحانه حيل فرحانه فرحانه انو سامر يحبني مثل ماحبه انه يارب هدي النفوس يارب خليت ومشيت وصلت للقسم وكملت المحاضرات وخلص اليوم الباقي عادي رجعت للبيت تمددت وانه افكر شراح يصير باجر .......
سامر : طلعت هيه وانه حيل فرحان بكلامها واخيرا طلعت مشاعرنه متشابهه يارب ماقصرت فدوه الاسمك ربي يقدرني حتى اكدر اخذها من اهلها كملت محاضراتي وخلصت شغلي ورجعت للقسم وهذا التنمبل (الكسول ) بعده نايم وكل ايمن كوم كوم وسم
ايمن : ها ها كايم بس تصيح ماتخلي واحد ينام
سامر : لك حيوان يانوم صارت الدنيا عصر خله وكام يغسل وانا بدلت وغسلت وصليت وتمددت ع الجربايه وانا افكر اباجر شراح يصير ويانه اخ يا لجين اخ شسويتي بيه ربي هذا عقابي خليتني احب اخت الانسان الي كتلته واخذو اختي فصليه بمكان ما يكتلوني اختبارك صعب يارب خليت ونمت ماحسيت ع شي بعد غير ع الحلم الي ماعرف شلون كعدت منه سالم حلمت انوً.......
...............//////
نهر : رديت عليه بعصبيه وحزن وكتله ما اصعد انام فوك هاي غرفتك انت والعروس الي راح تجي
ليث : منو كلج انيمها بهاي الغرفه لا اشتري غرفه جديده وانيمها بيها
نهر : حجه هيج ردت ابجي الا شويه وكتله صار شيخ هسه اخذ هدومي واصعد ما انه فصليه وضيفتي انفذ الاوامر وبس خليت ورحت لميت ملابسي وصعدت فوك رتبتهن وجان يجي يفتح الباب ويكول
ليث : منا وراح انه وياج نفس الغرفه وحتكونين مسوله عن كلشي يخصني غسل وكوي وتنضيف واكل
نهر : حاضر ليث كتله هيج وتقرب عليه كلش كلش حصرني ع الكنتور وكال
ليث : عفيه بالشاطر الي يسمع الكلام لان اذا ماسمعتي راح تتعاقبين
نهر : كال هيج وراح عني مدد ع الجربايه وغمض بس احس كلبي صار الف يدكً بالدقيقه من شده الضربات خليت ايدي ع كلبي حتى يهدأ كملت تعزيل الملابس مالاتي ونضفت الغرفه وبخرتها بس ع كيف حتى مايكعد ضليت اشتغل وبداخلي اكول عندي حساس حيل حلو احس هالمكان راح يغير نفسي من حال الى حال وحسيت من تقرب مني ليث بسي غريب عمري ماحاسته ولا شايفته عطره الي يدوخني خليت ونزلت جوه وجان تجي صدف وامها وغزل سلمت عليه غزل ورديت عليها بس هذنيج مردن السلام وخلن ودخلن شويه واجتني صدف من ورا جرتني وكالت .......
.............../////
ليث : كاعدين ناكل وجان جدي يكول
شيخ عكاب : ابني حتى نحدد موعد لخطوبتك من بنت عمك
ليث : صفنت ع كلامه مادري ليش حسيت انو تسرعت بخطبتها وانو ضجت لان قرب موعد الخطوبه ردت ارد وجان تكح نهر طفرت من مكاني كتله خو مابيج شي نهر اتنفسي
نهر : كح مابيا شي صرت احسن
ليث : رجعت كعدت ورديت عليه لاجدي موهسه خلي نحل سالفه غضب اول شي ونخطب اله انت وعدتني جدي
شيخ عكاب : تم وليدي انطي خبر لغضب من يرجع من الشغل نروح مشيه يوم الخميس وانشالله خير
ليث : حيل فرحت الاخوي من جدي كال هيج خلصنه ريوك وكمنه كتلها منا ورايح تشيلين ملابسج وتخليهن بالغرفه فوك باوعتلي بعصبيه وكالت ماريد بعدين هاي غرفتك انت ومرتك كتلها منو كلج انيمها بيها لا اشتري جديده باوعت بحزن بعيونها الي يشلن كلبي وكالت حاضر اته وضيفتي انفذ الاوامر منا انا فصليه خلت وراحت بس ضلت بكلبي حجايته وكلت اخ يانهر يمته اكدر انسيج هاي الكلمه شلون اخليج استغفر الله خليني ساكت احسن خليت وطلعت خابرت غضب ورد عليه
ليث : لك ها غضب شلونك
غضب : هلا بالشيخ شلونك شخباركً
ليث : بخير يخوي وين مانشوفك
غضبً: غير بالصخام هههههه
ليث : من ترجع حضر نفسك
غضب : لشنو ؟
ليث : ايبا ع اساس ماتدري
غضب : كول يخوي لشنو؟
ليث : حبيبي الف مبروك مشيتك الخميس ع الانسه سمر
غضب : سكتت نوب رديت احلف كول والله
ليث : نجب قابل مجذب عليك قبل صدك ماتستحي
غضب : اخ يا كلبي ولك احبك شيخي واخيرا واخيرا راح اخذها
ليث : اي مبروكً ههههههه
غضب : يبارك بعمرك يلا خل اروح ابلغ حبيبتي
ليث : الله وياك حبيبي
غضب : خابرني الشيخ ولحد هسه مامصدك الي كاله حيل فرحت خليت وخابرت سمر
سمر : الو حبيبي
غضب : ياروح حبيبج مشتاقلج ياعمر غضب
سمر : غضب تدري بيه استحي لاتحجي هيج
غضب : لك اروح فدوه لحبيبتي
سمر : خلي اعرفكم عن نفس انه سمر حاليا عمري 30 سنه اصغر من غضب بخمس سنين من الانبار اني من عائله كلش متعصبه بخصوص الديانات وايضا الطوائف دخلت كليه وتعرفت ع حبيب كلبي الي غير نضريتي عن الناس كلها تعلقت بيه وحبيته حب ماصار ولا حيصير ومستعده افدي بروحي ع موده طبعا انه البنت الوحيده الاهلي ع ثلاث اخوان اخواني كلهم اكبر مني انه اصغر شي وكلهم متزوجين وضباط ابوي لواء بالجيش عائلتي كلش غنيه ومن طبقه حيل عاليه طبعا غضب ماوصفلكم نفسيتي وطبعي بس بسببه تغيرت نضرتي ضليت اتعامل وي الناس كلهم طبيعي واحب الكل واساعد الكل شما احجيلكم عنه قليل مرات اصفن اكول انه خلاص صرت غضب نسخته ع بنت جان كلشي يحجيلي عن اهله وتاذيت الاذيته من مات اخو بس نقهرت ع البنيه الي سولفلي عليها غضب بس تمنيت بمكانها حتى اخد حبيبي حتى لو فصليه هههههه لضحكون عليه هايه الي تحب تتمنى اشياء غير منطقيه بفتره علاقتي بيه حيل تاذين عشر سنين حتى ضلو يضربوني لان ماقبل اتزوج شتغلت ولتهيت بشغلي وغضب يعرف كل تحركاتي وشنو اللبس كتلكم صرت نسخته حتى بكلامي البصراوي نرجع لموضوعنه
غضب : لج سمر فرحي لج يوم الخميس يمج انه واهلي
سمر : نصدمت وحجيت لاتجذب غضب
غضب : نجبي شنو اجذب ماتستحين
سمر : اوي حبيبي اسفه بس من الصدمه
غضب : اموت ع الاوي يابعد كلبي حضري نفسج وبلغي اهلجً
سمر : انشالله يروحي
غضب : عندي شغل بيباي عمري
سمر : بيباي
ليث : خلص شغلنه وصعدت فوك لكيتها تعدل بملابسها كتلها منا ورايح انتي مسوله عن التنضيف الغرفه وملابسي واكلي وكلشي كالت حاضر تعمدت اتقرب عليها كلش واكلها عفيه بالشاطره الي تسمع الكلام ضحكت بداخلي وانه احسها خايفه هههه خليت ونمت ع الجربايه وهيه تعزل بالاغراض خلت ونزلت وانه كملت نومتي شويه وكعدت بدلت ونزلت جوه وجان اشوف ...
.............../////
