رواية كريات الدم السوداء الجزء الثاني الفصل الخامس عشر بقلم زحل شريف
_______قدر _______
_نوب من الخوف حرارتي ارتفعت اكثر
اتصلت عله بنين ردت وهيه تضحك.
بنين::فتحيلنا الباب عيني.
_عرفت ثابت بلغها واكيد مولي وياها
،شمرت الشال عله راسي ،،،،وفتحتلهم الباب
دخلو لفت انتباهي البوكس الي بيد مولي ،،مثل الحافضه الصغيرة . كعد وهو ينزل نضارته لعيونه وهو يفتحها ويطلع منها علاج درت وهي لبنين الي كوى كاتمه ضخكتها هزيت راسي شكو؟
بنين::مو ثابت كال حرارتج مرتفعة
_تقربت تتحسس جبيني كمزت
من صاحت.
بنين:يا صدك مصخنه .
_رد عليها وهو يبحوش بالبوكس.
مولي::يله هسه بس اضربها ابرة تصير زينه.
_فكيت حلكي يحجي من كل عقله ،هزيت ايدي بعدم رضى باوعلي جنه شايب بالنضارة .طك الانبوله مال الابرة وسحب محتواها بالسرنجه واشر بمعنى يله .
مولي::شوفي خلي ابنينه تغطيج
وطلع بس مكان الزرق
_رديت وانه اكوم من يم بنين الي
فحطت من الضحك . لا عيني ما اريد ابرة
ثابت كال خل ينطيج علاج .
مولي::وشنو احنه بكيف ابوحيه ،،يحدد نوع العلاج . هذا شغلي مااقبل احد يفرض عليه غير الي درسته شرفي المهني يمنعمني من التلاعب بحياة المريض لاي سبب كان يله اختي انبطحي لا تاخريني ترى عندي شغل.
بنين:::هههههههه يمه بطني
تدري جنك أبو حسن لا وعايش الدور.
_لازم الابرة ويدفع بمحتواها عله أساس يفرغها
من الهوى تالي ماسيطر ضحك وكام وكام المطبخ
شمرها بسله الزبل ورجع كعد .
مولي::صدك لو كالو لا تداين من العرف
ولا تداين منه لان بالحالتين انته خسران .
_صاحت بي بنين .
بنين::شجاب الدين ترى كالولك علاج.
مولي::اقصد نفس المعنى،،لاتشتغل للعرف
هاج عيني هاي ثلاث أوقات بعد الاكل،،،،وهاي
قبل النوم . يله انه اترخص وان شاالله باجر الكاج مثل الحصان قصدي مابيج غير العافيه.
_خلصوها ضحك ،،،بس الحلو بيهم مايسألون
عن شي ولا يدخلون ،كتلها ابقي انتي شعدج .
بنين::دوام باجر . والله .
_وصلتهم الباب . ورجعت افتر بالبيت بحيرة
تعبت من الانتضار والقلق،،كل اشويه اتصل بثابت لحد اخر مكالمه كال احنه بالطريق ،،ارتاح كلبي كمت للغرفه شمرت روحي عله الجربايه كلت امدد لحد ما يوصلون مادري شلون غفيت،، احس انشمر عليه غطى فزيت وكل ضني حلمانه ،بس من حسيت ايد تتلمس وجهي ،فتحت عيني تفاجئت من شفته صافن بوجهي نضراته حرجتني . حجه بصوت ذايب
ثابت::صباح ابيض ضاوي مثل
اسمج . شلون صرتي؟
-رديت بارتباك زينه.
ثابت ::خو ماخليتي مولي يضربج ابرة.
_ضحكت ،،وانه احاول انزل من الجربايه لزم ايدي مرجعني لمكاني ،،وهو يشمر نفسه بصفي كوى يحجي مبين نعسان كلش .
ثابت::خليج يابه.
-رديت لا لا اصلا ماعرف شلون غفيت
شنو وينها سونه؟
ثابت::بيتها ،خل انام ساعه ونوب
اخذج الها رجعي نامي .
_حجاها وجرني صار وجه مقابل وجهي
مبين عليه التعب ضل صافن بوجهي لحد ماغمض
وانتضمت انفاسه ،،،اول مرة انصير بهذا القرب.
هدوءة عكس شكله ،رغم مابينه وبين الباشا
هواي فرق بالعمر،،،، بس هو يبين أكبر ،ركزت بملامحه لحيته كثيفه يتخللها شيبات ،زايدته وسامه
حدة خشمه وسمارة ،، صافنه بي ومامنتبه لنفسي بحيث كمزت من فتح عينه ،، اتمنيت اختفى من الواقع ضحك برزانه ،،تحركة بعشوائيه متهربه من الموقف لزم ايدي باوعتله متسائله.
ثابت::يابه وين شارده غير،،نعرف شنو رايج بيه .
_انفاسه وعطرة المخلوط بريحة الجكاير
وضلام الغرفه يخلي التفكير يشطح غمضت
بخجل وهو استغل الموقف وزع بوساته بلهفه
ارتبكت حيل حس بيه ابتعد ،،،
_ردت اغير السالفه كتله اي احجيلي شنو صار وياكم من رحتو .ومديحه اجت لو بقت؟
ثابت::لا وين تبقه همزين لحكناهن .
_شنو يعني خالها مارادها؟
ثابت::ياخال يمعوده ناس تعبانه.
_يعني المنطقه موزينه.
ثابت::مثل الصعده بيها الزين والشين
لو تدرين شلون تهجمو علينا من دخلنا المنطقه
همزين الباشا تصرف بذكاء وما تهور تالي طلع واحد صاح بيهم ، نوب سألنه شعدنا داخلين عباله نريد غير أمور .
_يا ونوب شلون وصلتو لسونه.
ثابت::الباشا طلعله بسالفه
ودلانه بيت خال مديحه .
_سولفلي كل شيء متت قهر،، كتله يله وديني الهن
لزم ايدي قربني عليه وعيونه تنضرلي بمكر هزيت راسي شكو ،،،
ثابت::يابه ترى المخطوبين يصير يتباوسون
_فكيت حلكي من جرائته ضحك وجرني عليه وبحركه سريعه باسني بخدي ابتعدت خجلانه وهو ميت ضحك ،،طلعت متحججه اسويله ريوك واكفه
وكل شويه التفت للصاله الكاه يباوعلي جبت الصينيه خليتها كباله .
ثابت::رحمه عله والديج بس جيبي
نقالي خل اتصل بالباشا اشوف شسوى
باام اعطوب عله كولته...
_خزرته معترضه ،،,ضحك انطيته النقال
وكعدت أصب جاي وهو اتصل عليه الباشا .
ثابت::وين راح شو مايرد .
_يجوز نايم ؟ يله تريك حته توديني
الهن أريد العب بمديحه لعب.
ثابت::لا يابه خطيه،،ترى تصرفها طبيعي
اي شخص بمكانها يحاول يبحث،، لاتلوميها اصلا
انه مقهور عليها كلش بس شبيدي عليها،، الله يتولاها برحمته ،،
_اخذ كوب الجاي وهو يكرر اتصاله.
ثابت::الوووو يابه.
-صفن ثواني ونزل الكوب يباوع النقال
مثل الي يتاكد من الرقم رد صاح
ثابت:: شنو الباشا،، ناسي نقاله يمكم ؟
_ماعرف شنو كتله الفضول موتني ،،اشرتله افتح الصوت ،فتحه وهو يسالها عن الباشا .ردت
سونه::اي هذا نايم بالصاله كال تعبان
ترى جاوبتك حته لاتقلق .
ثابت::دكعدي يابه يروح لبيته ينام.
_حجاها باانزعاج. وعرفت بيها حست
شنو اباله رأسا حولت المكالمه فديو
وهيه تحجي
سونه::هذا شوفه عبالك صار سنه نايم
تعال انته وكعده .
_صحت مسمعتها ،،،ها بعد وين توديج ؟
بسرعه كتم الصوت وصاح بيه.
ثابت::شنو هل حجي ،،مع الأسف عليج.
_دنكت رد يحجي وياها .
ثابت::طمنيني رجلج خو ماتاذيج.
سونه:: اي والله كلش مأذيتني
حته المسكن مافاد.
ثابت::هسه اشوف مولي بلكي
يحجزلج يم الدكتور ..
سونه::لا ميحتاج بس ردت ابلغك الباشا .
_نهت المكالمه بنبرة زعل.تريك
وكام شلت الصينيه المطبخ ولحكته
باوعلي وهز رأسه شكو . كتله وديني.
ثابت::خل اروح اشوف الحجي اكيد
حس بطلعتنا البارحه.
_يعني راح تحجيله؟
ثابت::مو بالتفصيل ؟ يله ترحين وياي
هو مشتاقلج ترى .
_استحي خاف ،،،ماخلاني أكمل
ثابت::عله شنو يابه . قابل راح أبسط بالصاله واحجي السالفه هاي بيني ،وبين الحجي .يله البسي.
_زين واذا سالك عن الباشا؟
ثابت::شعلينا شنو قابل بايت عدنا
رجال بدوامه ؟
_باوعتله متعجبه شلون يحجي غمزلي
شردت صايره سوالفه جريئه بسرعه
لبست صايتي وطلعنا تلكتنا إم اسعد .
وفيه::هلا بقدر شلونج ماما .
_شكد ارتاح لشوفتها سلمت عله الحجي
كعدنا بالصاله شويه واجت مريم صبحت وكعدت. باوعتلها عجيب ولا جنها تشوفني معقولة ماتغار،،،
بين سوالف الحجي وثابت ،،دك نقال إم اسعد اشرتلي اجيبه.
وفيه::قياده بدون زحمه ناوشينيا.
_ابتسم ثابت عله لقبها الي . انطيتها النقال
ورجعت كعدت .باوعت الرقم والتفتت لمريم.
وفيه::هاي امج ،،ردي عليها
اكيد مخابرة عليج ..
مريم:هلا يمه الحمد الله أي اي بيش الساعه
تمام قبل لا طلعون خابريني .
_حديث مريم لفت انتباه ثابت باوعلها مستفسر.نهت مكالمتها وكامت صاح عليها.
ثابت::شكو ؟
مريم::اهلي يردون يروحون لزينب
.وكالو امشي ويانه.
ثابت:: كالو لمنو ؟
_مدري شبيه خفت ،نضراته موجهه عليها بغضب
حجت إم اسعد محاولة تبسط الأمر .
وفيه::اكيد جبار هسه يخابرك ويترخص منك.
ثابت::ماكو داعي يتصل هيه ترجع تبلغ أمها
ماتروح كليلها زوجي ماقبل.
_حجاها وكام . ردت اتبعه اشرلي لا
بعده ماعابر باب الصاله صاحت مريم.
مريم::بس انه اريد اروح ،،اشوف اختي
ثابت::غير مرة انه اخذج.
أبو اسعد::روحو لغرفتكم اتفاهمو .
مريم::ماكو داعي عمو متفاهمين ،وانته تعرف بس ثابت مصر يسوي مشكله.ماعرف اذا غايته يهين اهلي كدام هاي .
_رفعت راسي باوعتلها متفاجئه.مالحكت
أرد عليها تقدم ثابت سحبها متوجهه بيها لغرفتهم
دنكت فشلانه احس الدمعه بطرف عيني .
أبو اسعد::كومي يابه أريد احجي وياج بموضوع.
_بلعت عبرتي ،،وكمت تبعته للاستقبال
كلبي يدك بخوف وكل ضني راح يحجي عن سالفه
سونه ،،كعد واشرلي كعدت كباله وانه أعصر بااصابعي .
أبو اسعد::اسمعي يابه٫٫صار فترة من حليت
الامر ويه أهل فاروق،،وبعد ماعرفت انو الجد
كاتب املاكه لايوب فهمت مو قصده يحرم البقيه من الورث بس لاجل يبقه ابنه المريض تحت رعايتهم القصد مايصير ينطوج كل شيء.
_هزيت اي ،، وهو مستمر يحجي.
أبو اسعد::فيا بنتي:انه شفت الانسب
انو تاخذين بس حق امج الشرعي من حصة
ايوب كوريث حاله حاله فاروق . وهم شرطت عليهم يدفعون ديه قتل غير متعمد . وبلغت خالج الجبير بكل شيء.
_نزلن دموعي بونه وعبرة ماكدرت لمنع
نفسي خليت اديه عله وجهي و بجيت بصوت .
أبو اسعد::استغفر الله ،،حقج يابه ابجي
وريحي كلبج الأم ماتتعوض .
_وكأنو بكلامه ضغط عله جرح كلبي
بجيت لحد ما تعبت وهو يستغفر ويحاول يهون عليه مصيبتي .سالته خالي ماطلب يشوفني.رد بااسف
أبو اسعد:انه كلمته بما يرضي الله
ومن باب الانسانية ،لكن الرجل ماخذ عله خاطرة.
_مهما كان غلطها المفروض يحن عليها
ويتأثر بموتها جنت اضن من يسمعون بموتها
راح يتقبلوني .
ابو اسعد::الله يجيرنا من قسوة الكلوب.
ترى القطيعه وعدم الحنية أمر طبيعي وياما نساء،،تستجدي الحنيه من الأخ وهو بايع صلة الرحم .
_شدني حديثه . رغم دموعي وشهكتي
بس استمعتله بتركيز.
أبو اسعد::احنه بزمان ،،،،،،،قلت بي المروءة
تدرين اكثر النساء تحتاج الأخ،من بعد ماتتزوج
تريده سند أمام الناس وتتباه بي ،،حته الزوج والعيال يحسبون حسابها ،،، بس ذاك من ذاك الي بقى بي غيرة،،، ولهذا السبب هواي الي انضلمن والي اكتفن بالصبر عله جور الرجل والعيال،واكو رجال خيرة ،صارو أهل وسند لنسائهم ،،،،الله يجبر خاطرج بثابت ويعوضج،،
_تحسرت بصوت مسموع.
أبو اسعد ::اسمعيني يابه ،،المراءة تكدر تبني لنفسها عائله,,نصيحه يابنتي ابدي حياة جديدة.
_هزيت راسي متفهمه كلامه،,قاطع حديثنا
دخول إم اسعد وهيه تكول.
وفيه::جبار بالصاله .
_كام الحجي،،ضليت حايرة ابقه لو اطلع وياهم
همزين هيه انتبهت عليه اشرتلي اكوم تبعتها
هو راح للصاله وانه وياها دخلنه للمطبخ.خلت القوري عله النار كتلها روحي انه احضرلكم جاي.
وفيه::خليني هنا مالي حيل القهر.
_ماادخلت ولا سالتها. شويه وارتفع صوت ثابت
التفتت عليها غمضت بأاسف وهيه تدعي .
وفيه::يارب تهدي نفوسهم .
_صبيت الجاي كامت هيه اخذته الهم
جريت الكرسي وكعدت ،،،اتصفن صوتهم عالي
بحيث اسمعمهم بوضوح ركزت بحديثهم.
ثابت::لو بعدلها يوم عله ذمتي هم ماتمشي
خطوة بدون علمي ،،،،مرة ماتراهمت وياها
ومو عجيب الطلاك وهيه الي طلبت .
جبار::غير انته كايللها فترة .
ثابت::اي ماردت اكسر بختها خو ماتتجاهلني
وتمشي بكيفها ،،والعتب عليك شلون تتفق
بدون علمي لا ومحضر نفسك تاخذها من الباب.
جبار::ياخوي خلني ساكت يابخت الحجي
بي وانته تريد اطلك يعني اذا بقت شهر واله سنه
شنو الفرق ماراح تكسر بختها ماتنحسب مطلكه.
ثابت::تحجي وكأنو انه الغلطاااان جبار جيتك
وحجيت بيني وبينك وفهمتك وكتلك عذرتها
وشوفتتك النقاااال . ورجعت بسالفه اخس
منها انته تريد تغلطني ،،،لو شنو انه لااخوها ماحجيت ،،،عاملتها بااحترام وماخليت اي شخص يقلل من احترامها ،،،تالي ادوس عليه انته وياها .
_اول مرة ثابت ،،يحجي بعصبيه بااصعب الموافق
هو كلامه بهدوء ومايتسرع عرفت طبعه وحفظته
بس الضاهر مشكلته ويه مريم جبيرة رغم شكيت باأطراف الحديث بس مادخلت،،ضل جبار يصيح.
جبار::وانه رضيت لو انته المنعتني مااكتلها
ثابت::لو العلاج بالطك جان المجرمين تابو.
جبار::يابه انته هم ماحاولت تقربها الك
ولا تنسى منعتها من كلشي ومن خلت نقال بدون علمك كتلك يخوي طفله والنقال سلوتها .اصريت
ماتخلي وحرمت عليها الطلعه.
ثابت::اي باالله صوجي هو انه لان ماشمرتها
عليك من أول غلط،،تجاسرت وسوت الأكبر.
اسمع بعد اخوك مرة عله ذمتي لاتطلع ونقال
عاجبك حياك الله ماعاجبك اخذها ورقتها توصلها.
جبار::هسه انته هيج حريص جا مامنعت
بت الصعده الي مالها ساس ولا أهل ماحبستها
شو نقالها وتفتر .ولك فضلت النغله عله بنتي
وسترتها ،،جبت اختها وحاير بيهن .مريم غلطها
يتعالج بس العبده لو خلفت واحد مثل ابوها.
_صاح بي أبو اسعد سكته.
أبو اسعد::خلصصصص لهنا وخلص الكلام
جبار تجاوزت حدك المرة التحجي عنها جنتي.
حالها حال بنتك روح والنه كعده .
ثابت::مالنه كلام اخذت بنتك وياك.
جبار::ها الصدك يوجع مووو.
ثابت::تشررررف عشيرة الي حمت. وحافظت عله نفسها وهيه بنص الفجور الي دورت ستر وطلبت الحمايه الي ،،لليوم هيه تخجل مني احطها عله راسي لو تصير بت يهودي صبي كافر اطلعععع جبار لاتخليني انسى البينه .
_خليت ايدي عله حلكي ،،مانعه صوت شهكتي
اي أول وتالي يتعير بيه ،،صوتهم صار عالي والضاهر
يدافعون لان أبو اسعد ضل يصيح.
أبو اسعد::هيج وصلت بيكم تتكامشون
كدامي ثابتتت . اطلع كتلك.
_البيت انخبص بصوتهم ،،،مريم تبجي وتتوسل باابوها وأم اسعد بصفحه،، عضيت ايدي أريد اسيطر عله روحي ،،،.الخوف رجف جسمي..... كمت فشلانه من نفسي همزين من اجينا ،،انطاني مفتاح البيت طلعت بدون مالتفت وراي امشي واتعثر يتراوالي الناس تباوعلي،،،، وصلت و بوجهي للحمام فتحت الدوش وكعدت ،،،دموعي تنزل
ويا الماي احتاجيت وجودها عتبت عليها يممممه ليش عفتيني ليش .وبسبب صوت الماي ونحيبي ما انتبهت اله والباب انفتح وهو يصيح بااسمي.
ثابت::قدر قدر .
_رفعت راسي ،،باوعتله .عكد حواجبه
ويمكن لاحظ انو انه بملابسي ،،دنكت لان عرفت فهم وضعي ،،،،دار وجه وراح شويه واجه شمره
ملابس عله الباب مال الحمام ،كمت غيرت وطلعت
لكيته كاعد بالصاله,,,, اريد اعبر للغرفه استقفني بصوت عالي .
ثابت::شلون اطلعييين بدون ماتكليلي
ليش اجيتي وحدجججج.
_ماجاوبته .. صاح بقوة
ثابت::مو احجي وياج ليش طلعتي؟
ولا تتعذرين بحالتج جان دخلتي لغرفة بنين.
_تجاهلت كلامه،،،، وكتله وديني لسونه
كام متوجه عليه جرني وهو يصيح .
ثابت::انه جاي اسألج لاتتجاهلين كلامي.
_عتيت روحي منه وصرخت،، شتريد اكلك ماسيطرت عله نفسي ،،،،تعرف حالتي ،،بعد عله
شنو تصيح ،،،، وديني لاختي واخلص من المشاكل.
ثابت::شعليج المشكله متخصج.
_تخصني لان من جان يحجي وياك عله بنته
الأمر عادي،،،،بس من عيرك بيه تعاركتو ،،وراح يبقه يعيرك كلامه صح،،،،،، ونفس كلام سونه من كتلها اتزوجي الباشا كالت واذا خلفت اسود شراح يكون مصيرة ،،،حجيتها وبجيت جرني لحظنه رغم حاولت اتملص بس شد قبضته .
ثابت::هو وينه يابه اسود احمر كلش الجان
بس انتي بحبحيها عليه وخلي يصير.
_شمر المنشفه من شعري وجرني مكعدني
عله الجربايه يحجي ويمسح بدموعي.
ثابت::اهم شي انه قابل بيج وبلي يجي منج
قيادة،،، يابه الف رحمه عله موتاج إم اسعد ،،,شلون لقب هذا يخبل ،ولايكلج ومن اليوم ماصيحج غير قيادة .اسمعي عيوني لازم نتحمل ونواجه المشاكل ونصبر ،،،،هاي الدنيا ماكو شي بالساهل.
_يعني عادي حته لو خلفت وطلع ،ماخلاني أكمل
خله ايده عله حلكي ،،،مانعني من الكلام .
ثابت::عيشي يومج ،،،ولا تفكرين بالجاي لان
كل شي بيد رب العالمين ،،،شو بله شبيهن خدودج؟
_باوعتله وانه اتلمس وجهي،، شنو شبيهن؟
حجيتها وانه اكوم،،،،،،،،جرني مرجعني
ثابت::وين رايحه.
_اريد اشوفهن بالمرايه.
ثابت::انه مراتيج بعيوني شوفي نفسج .
_ويه كل كلمه يبوس خدي ،،، ابتعدت
عنه مغيرة الموضوع ،،كتله وديني لسونه
أريد ابقه يمها كم يوم .
ثابت::اوديج وبليل اجي عليج حته
نحضر نفسنا الفجر نسافر.
_مادري ليش وشلون اجه ابالي اساله
انته تحبني ؟
ثابت::اموت عليج عاشك كل شي بيج.
_______سلاسل_____
_باوعتله ،،، مغشمه نفسي عن كلامه
هز رأسه بمعنى شكلتي ،، دنكت لزمت رجلي
الألم يزيد ماينقص . ردت اكوم صاح بيه.
الباشا:ماسمعت جوابج؟
_عله شنو اجاوب باشا؟
الباشا::نعقد وهيج يصيرلي صفه احكمج بيها
ست سونه خو مانبقه يوميه جارينج من مكان.
_لا تجرني ولا جرك،،،،،انه اصلا ماراح ابقه
هنا بس ينباع البيت اخذ مديحه وروح اعيش
بكربلاء وهيج مالك حق ولا راح تجيك مني اذيه.
الباشا::بكيفج تخططين ولج انتي،،شحاسبه
نفسج شو مامخليه أحد بعينج اسمعييي لججج.
_صحت ما اسمع ما اسمع ومالك شغل بيه.
تقرب عليه كمزت بخوف ومادري شلون طكت
رجلي بالقنفه شاغت روحي كمت أصرخ ضل حاير راد يلزمني اشرتله لا اجت مديحه تركض .
مديحه::ليش طكيتها ترى هيه معليها
انه السبب هاي انه كدامك موتني .
فوك وجع رجلي غبائها صاح بيها.
الباشا::انجري جيبي علاجها .
_ركضت جابته كعد وجرني بصفه
فتح العلاكه طلع العلاج اشرلها تجيب ماي.
الباشا::يابه من وكاحتج إم اعطوب هينه
شووو خل اشوف رجلج .
_نزل بالكاع سحب رجلي يتفحصها
الباشا::مو حجينا اكعدي ركدي هودي
تطفرين جنج كنغر ،،،، ولج زلم ماحملت البلاتين وانتي مطيزه الدنيا تمشين،،،ونوب ويييين الغجر.
_هسه انته ترزل بيه مكسور خاطرك عليه
مافهمت شو وخر عني روحي راحت الوجع موتني.
الباشا::بس اهدي اهدي يفلفل مو. الصياح
وشد الاعصاب تهيج الألم يزمو ،،،اصبري
راح اروح للصيدليه بلكي ينطيني مسكن قوي .
_كام يريد يطلع صحت ورا وين طالع
منا الجيران اذا يشوفونك شيكولون.
الباشا::شسالفه شنو يراقبون بيتج
عادي ترى يعرفون ثابت متزوج اختج.
_اي هو متزوج اختي ،،انته شنو.
الباشا: انه راح يتزوج اخت مرة ثابت
ولج اسكتييي من خرب عقلج ،،،خليتيني أخرط.
_باشا اترجاك ،،،كافي تعال خل اخابر ثابت
حته تطلعون انته ويا خاف يوصل خبر لاهلك شيكولون عليه مبيته يمها. باوعلي وهز ايده
طلع صحت عله مديحه تعاي كوميني للغرفه .
مديحه::الله ياخذني كله بسببي .
_روحي قفلي الباب لايرجع علينا.
مديحه::لا والله معليه نوب يكتلني هو بدون كلشي متحلف بيه وبعدين شكو ترى نسيبج وجايج مرة مسويه عمليه عادي .
_ولج مالي خلك سواااالفج كوميني،،،،، جرتني ماكدرت ادوس عله رجلي نوب العكازه ،،ماكو
رديت كعدت عله القنفه دموعي تصب.
مديحه::اعذريني . بروح امج والله ماعبالي هيج
_باوعتلها بقهر.. يمعوده شعليج انتي ؟
مديحه::همه حامينجن ونعم الله عليهم ،،،حقه يحجي ،،،،،بس يجي الباشا اروح ارجع للصعده
_اسكتي بروح امج،،،،،،،،بعدنا نحجي اجه الباشا
بيده علاليك شمرهن عله القنفه مديحه ،،،وتقرب عليه رفع رجلي صعدها للقنفه ،،،،راد يفتح الضماد حجيت وانه امسح بدموعي لا تجيسها توجعني .
الباشا::بس خل اشوفها خاف. الحديد
متحرك ترى خطر يجوز ملتهبه .
_هسه انطيني اي شي يسكني,,فتح الحبوب اطاني
وحده وجر بطل خلاه بيدي ،،،شربت الحبايه كعد كبالي يباوعلي دموعي تصب جر الكرسي قدمه عليه
وهو يشعل جكارته .سالني بقلق
الباشا::ها ماسكن الالم؟
_هزيت راسي اي .
الباشا::دصيحي لمديحه خل تأخذ العلاليك
تسويلج ريوك حته العلاج يتفاعل واذا،، ماصرتي زينه اخابر مولي يجيبلج ابرة .
بعدني ماراده اجت مديحه شالت العلاليك
عرفتها جانت تتسمع . شويه وجايت الصينية
سحب الطبله خلاها كبالي واشرلها حطتها ودارت وجها تريد تروح صاح عليها.
الباشا::تعاي تريكي يابه.
_دنكت تمسح بدموعها متت قهر عله موقفها
بس فاجئني من كام جرها وهو يحجي بحنيه.
الباشا::مالومج بس روحتجن لوحدجن غلط
وشفتي بعينج الوضع هناك يعني لولا ستر الله
شصار بيجن.
مديحه::أي صح،،بعد صارت هاي هيه احسن
حته أيس ،، انه كلت لسونه ارجع للصعده .
الباشا::لا يابه شنو هل كلام انه مااقبل
شلون انعوفج. وبعدين انتي شعدج هناك .
مديحه::ماعندي بس وين اروح.
الباشا::تردين تبقين يم أم عطوب . واذا ماعاجبج العيشه وياها ،،ومالومج لان ماتتعاشر اخذج لاهلي.
_رفعت حاجبي باوعتله. ابتسم .دنك سواله لفه
وهيه صبتله كوب جاي ابتعد للقنفه الثانيه تاركلنا مجال ناكل ،،جبرنا نفسنا عله الاكل كامت،،مديحه
كتله هسه شنو تروح لو تنتضر ثابت؟ ماجنه يسمعني تمدد بمكانه ،،جر الكوشه مال التخم طبكها وخلاها جوى رأسه.
الباشا:: خل امدد شويه لان مابيه اتحرك
عود من اكعد الله كريم .
_فكيت حلكي . اشرلي اسكتي وغمض
ضليت حايرة اباوعله دقائق وغفه اجت مديحه
تتغامز عضيت اصبعي واشرتلها بس اصبري
مديحه::رايحه انام بعد ماقاوم.
_خرب ابوج ولج تعاي كوميني للغرفه
حاولت تمشيني ماكدرت رجلي عبالك جبل احس بيها مورمه ،، رديت كعدت راحت جابت غطى عبالي الي وتفاجئ من شمرته بحذر عله الباشا . فكيت عيني وهيه ولا جنها تشوفني،،، عافتني وراحت ضليت حايرة احجي ويه روحي ،،،هسه ثابت شيكول عليه خلته ينام عدها استحيت اخابرة صفنت إلى متى ياسونه ،،،،،،لشوكت تبقين حايرة،،،خذني التفكير ومرة اكثر من ساعه تلفون الباشا ماسكت كل شويه تجي مكالمه ،، اكيد اهله
تالي دخت منه ضغطت عله روحي ونزلت من القنفه للكاع زحفت لحد ماوصلته شفت المتصل ثابت فتحت خط تفاجئ . رد سالني
ثابت::لا تكليلي بعده يمج.
_حسيت بي انزعج ،، ردت ابين انه ماراضيه
فتحت كامرة وجهتها عله الباشا .
ثابت::خرب ضميرك . دكعدي يابه.
_هزيت راسي ،، وقبل ماسد الخط سمعت قدر تصيح ،،،حيل هضمني كلامها نهيت مكالمتي وياهم
وشمرت النقال ورجعت لمكاني ،،،،ومدري شلون
خذني عيوني اباوع عليه،،،،،، نايم بعمق نزلن دموعي وانه اتأمل شكله . فتح عينه باوعلي وابتسم
ومااستغرب كلامه اعرفه جريئ رفع طرف الغطه واشرلي .تعاي .
الباشا::ترى الدنيا فرص.تعاي اضمج بحظني
ليش ضاله تبوكين النضرات وتتحسرين.
_هزيت ايدي .ترى جنت افكر بالعكازه
الباشا::هههههه. شفتيني حاطها جوى راسي
ترى شمرتها يم بيت الاعرج.
_دنكت اخفي ابتسامتي.
الباشا::لشوكت اتكابرين ليش معاقبه روحج؟
_لان مو صحيح،،لان مو الي ،،لان غلط،،لان ماترهم.
الباشا::وهذا كلامج دليل عله حبج الي
سونه،، الانسان يعيش مرة بس يموت اكثر من مرة ،،عيشي وخليني اعيش وياج ،، انطيني فرصه اصحح غلطي اعتذر اعوضج.
_ماغلطت بحقي،، ولا الك ذنب ،، هاي قسمتي .
الباشا::واذا كتلج احبج.
_بلعت غصتي بس ماكدرت امنع دموعي.
شمر الغطه واجه كعد بصفي . ردت اكوم ماكدرت
حجيت متهربه من الموقف ،،ليش شمرت العكازه
وخليتني هيج.
الباشا::حته ماتطلعين،، ضلي هيج
_اول وتالي رجلي اطيب سهله.
الباشا::نكسرها مرة ثانيه.
_خوش هم اطيب .
الباشا::لوقتها معالجين ،، بعقدي عليج
_تحلم .
الباشا::وكتلج من قبل ،،، وراح ارجع اكررها
انه من الناس الي. ماتنتضر ،،، واحقق كل حلم
احلم بي .
_تتعب .
الباشا::ماحب السهل،،،دوم اسعى للصعب
حته من الزم ،،،،حلمي بيدي اعيش بسعاده.
_باشا؟
الباشا::ها سمرة.
_حجاها وجرني لحظنه شمني بقوة ،،حجيت بصوت ناصي عوفني باشا ،،،،،،لاتطلع مديحه عيب فدوى اروحلك وخر ترى رجلي توجعني.
الباشا::مشتاقلج سمرة.
_ونيت متحججه برجلي ابتعد ،، وهو يضحك.
الباشا::إم درب عود لوتيه.
_اترجاك روحي والله عيب من اهلك اكيد راح يعرفون بيك هنا،،،، يعني ليش تريد الناس تحجي عليه .هز رأسه أي كام عدل ملابسه واخذ غراضه
واكيد مايضيع فرصه،، دنك باسني وطلع يضحك.
صحت عله مديحه تعاي ادري بيج كاعده
مديحه::هههههه بس زين يسوي بيج.
_دروحي شوفيلي اي شي اتكه عليه
مديحه::الماسحه ماكو غيرها.
_امري لربي دجيبيها.
مديحه::اروح اجيبلج عكازه.
_خرب ابوج ولج ،،، دخل ينسون سالفه امس
ترى اذا لكفوج طالعه،،،، يعلكج الباشا بالبنكه.
مديحه::جا تبقين اطفرين؟
_بلكي ثابت يجي واكله .
مديحه::ماريد اضوجج بس ترى سمعت
مكالمتج ويا والضاهر ماقبل عله نومت الباشا هنا.
_انه مامواعدته،،، وهو يعرف عناده ماله حق
يزعل ،،،، اصلا منتضرته يجي اريد اشوف شنو
نهايته ويه قدر هو كال انطيني مجال .اذا ماتراهمو
حته اخذجن وامشي لكربلاء .
مديحه::يمعوده خليها بحمايته،، وحته انتي
لو تقبلين بالباشا ،،، ولاتكليلي اهله ترى هو رايدج.
_مايخلونه صدكي،،،، وحته لو عاندهم هم فترة
ويعوفني لان مايكدر ،،،،،،،يستغني عن اهله ..
مديحه::الله يحنن كلبهم .
_اطتني الماسحه،،،نوب متت ضحك عله روحي
دخلت للحمام كوى كدرت اسبح .. ضلت هيه
تحوس بالمطبخ تخترع اكلات. توني اريد امدد
وندك الباب صحت عليها فتحي ،، شويه وسمعت
صوت قدر كمت الزم بالحيطان. طلعت لكيتها
اتعارك مديحه.
قدر::ولج مافكرتي يذبحونجن.انتي ابيعه
روحج بس اختي ،،، شنو ذنبها جارتها وراح
_ضلت مديحه ساكت ،، صحت بيها جايه
تعاركين لو مشتاقتلي .. ادنت حظنتني .
قدر::لو صاير بيج شي اله اعدمها.
_خزرتها وانه اشر بعيني التفتت شافت
مديحه مدنكه عافتني وراحت جرتها لحظنها
عفتهن يبجن .. كلت. خليهن يرتاحن اباوع بقدر
عيونها مورمه عكد حواجبي ،،، واشرتلها شبيج
دنكت تتهرب مني . صحت بيها احجي ترى أول وتالي أعرف.
قدر::ماكو شي بس .
_حجتها وغصت ،، جرتها مديحه قربتها عليه
حلفتها بروح أمها ،، تسولفلي.
قدر:'هو ماله ذنب .
_تحجي وتناشغ سولفت مشكلة ثابت
ويه أبو زوجته.. وكلامه باوعت لمديحه وفهمت
نضرتي دنكت ،، كتلها ها سمعتي ،، بعد لاتكولين
وافقي بالباشا ،، لان ساعتها اهله يطردونا اتلاثتنا.
قدر::لا لا ،، اصلا كلهم ماقبلو عله
كلام أبو مريم.
_احنه مامجبورين نتحمل ،، خلص فلوس
وعدنا يعني نكدر نعيش وين. ماكان.
قدر::بس شلون اعوف ثابت وهو يحبني
ترى ماقبل وتعارك وياهم وحته يريد يطلك مريم.
_ وانتي تحبينه لو لا تردينه مقتنعه ؟
قدر::ترى كالي نعتبر نفسنا مخطوبين
وراح. نسافر نغير جو ونتعرف عله بعض .
_ضحكت مديحه طكتها قدر .
مديحه:وروح امي مسلسل تركي.يخلفون بعدين يتزوجون،،،، هههههههه ،، ترى الباشا فقير اله ثابت مسوي روحه ثكيل . أبو حيه .
_ضلت ناصبه عليها. وهاي شبعتها كفخ
كتلها خوش . الله يسعدكم شوكت ترحون
قدر::الفجر نطلع.
_جا هو شعجب مانزل وياج ،، عود ردت اعتذر
منه اكيد زعلان عليه ..
قدر::عله شنو تعذرين ،، لا مااقبل الصار صار
وانتهى الموضوع. وخلي ابالج بعد لانتعذر ولا نتوسل .
مديحه::اي والله شنو تعتذرين منه يولي.
_حجتها وغمزلتي. وهاي قدر انهدت بيها.
قدر::انجبي مااسمحلج. تحجين عليه
مديحه::ولج انه الحجيت لو انتي .
قدري::اي انه بكيفي,, زوجي اذبحه
اطبخه للفطور،، اضمه للسحور معليج.
_فكيت حلكي ،، هاي شوكت صار ،زوجها وطبخته مديحه ضلت اطفر لازمه صفحتها وتضحك من كلبها وهاي ولا مهتمه ،، ضلت يمنا لليل خابرت
بنين وفتحت الصوت وذيج زايده عليهن.
قدر::من ارجع من ننجمع .
بنين::ليش انتي وين ؟
قدر::قصدي من ارجع من السفر
مو انه وثابت نريد نروح نزور .
بنين::يا عيني بالعافيه ادعيلي وياج
قدر::دسدي الخط من يمج. لان ثابت يتصل بيه.
_انه ومديحه وحده تباوع الثانيه. ومانتبهت قدر للصوت الي مفتوح . صاحت الووو وصدمتي رده
ثابت::مشتاقلج .
_التفتت علينا مديحه طفرت للغرفه
وانه دنكت . ضحت بخجل . نهت مكالمتها.
قدر::راح يجي عليه.
_اجه عليها وماطولو اخذها وراح دعيتلها
تستقر ويا . خلص ليلي تفكير غفيت ومديحه
يمي كعدتني الصبح.
مديحه:: الباب يندك.
_ادري انه اكدر اكوم دروحي فتحي.
مديحه::خوش بس خل اطلعج للصاله خاف
نوب حرامي احد يجفت علينا.
_كعدتني عليه القنفه وراحت للباب شويه
ورجعت بيدها عكازة وعلاكه .
مديحه::ريت الحب ينباع، جا اشتريت
ب 10 الالف
_وليش مكلفه روحج شنو هل تبذير
خو بربع،، دحجي منو جابهن .
مديحه::الباشا اطانياهن وراح.
_شعجب مادخل؟
مديحه::يستحي.
_تغصبني اضحك. اطتني العكازه بعدنا نحجي
ورجع الباب ندك. كتلها مو اعرفه مايستحي
مديحه:: خاف ناسي شي.
_مارديت عليها عفتها تبرر شويه ودخلت
هزيت راسي ها.
مديحه::هذا طارق بالباب.
_شنو شجابه شلون اندل .كمت وانه احجي
شعده جاي شوصله لبيتي .
مديحه::هسه شنو اطرده ؟
_صفنت. ثواني تالي كتلها لا كليله تفضل
بس اول انطيني صايتي وشالي. جابتهن الي
مديحه::يله راح ادخله الولد انصلب بالباب.
_استقبلته وتفاجئت بشكله شكد حجت عنه قدر
بس طلع احله من الوصف سلام وكلام سالته عن سبب زيارته .
طارق::تعبت وانه اطلب من ثابت التقي بقدر
_ماعرف شكلك .
طارق::لاتكليلي بس حاولي تقنعينه
اريد بس اشوفها
_احاول . وهو ترى خوش ولد بس يجوز يغار عليها
طارق::حقه بس ثقي . انه اعتبرها اختي .
_بقينا نسولف . وحجالي عن أمه وسالفه
تجر سالفه ،،، والولد كلش مؤدب توها مديحه
تجدد الجاي والباب انربد . ضليت أتلفت
طارق::خير عدكم مشكله ويه احد .
_لا لا اصلا محد يعرفني.
طارق::لعد خل اشوف منو .
_كام طارق وانه تبعته وبس فتح الباب
جفت علينا علاء .وكف يباوع متفاجئ بوجود
طارق الي ضل لازم الباب بيده . مديت راسي
سالته خير شكو فلشت الباب . رسا دفع طارق وتوجه عليه وهو يصيح بصوت عالي ..
علاء؛؛فاتحتلج بيت مواعيد بنصنا. العبده.
_يحجي ويتهدد عليه ،،،تلازمو هو وطارق ضلو يدافعون ما توقعت ولا حسبت يصير هيج .علاء يصيح ويغلط بثواني التممت الجيران بسبب صوته
من صدمتي ماعرفت ،،،شسوي هيه دقايق شلون صار كل هذا مااعرف غافلنا علاء ،،،،وبحركه سريعه سحب سلاحه ورمه .
حبايبي شلونكم ان شاء بخير
