رواية كريات الدم السوداء الجزء الثاني الفصل السادس عشر بقلم زحل شريف
_صح ما وجها عليه ورمه بالجو،بس ماتوقعته يسوي هيج٫٫٫ويا صوت الطلقه صرخت مديحه ،،،التفتت عليها تلطم عله وجهها بخوف ،،،اريد استوعب الي جاي يصير ،،مصدومه متفاجئه وهو خبص الشارع بصياحه.وانه واكفه اباوعله مذهوله.
علاء::اليوم انضف الشارع بيج طلعناج
من الصعده جبتي خيستج هناااااا.
_تقدم يريد يلزمني صار طارق كباله.
علاء::انته من يا صفحه جابتك؟
_دفعني طارق للطارمه،من قوة دفعته فلتت العكازه؛وطحت حسيت رجلي انخلعت ،،صرخت بصوت عالي يمممه الحكيليي،،، اجت مديحه دنكت عليه تريد تكومني ،،،صحت لاااا لا خليني لاتحركيني ،،
مديحه::شو بس خل اسندج للحايط.
_فرت روحي منا الوجع ومنا علاء وطارق صارو امالخ،،،، اجو مجموعه ولد يفاككون بيهم ،،، وهو بعده يتهدد ويغلط .
علاء:لحظه ماتبقين ماريد اشوفج
بالمنطقة يله بسرعاااااا .
طارق::ترى مالك حق شنو مستأجرة منك .
_جرتني مديحه تريد ادخلني ،،احس رجليه ماتن
اباوع عله طارق الي لازم علاء يدفع بي .
مديحه::بس عيني نفسج يمعوده.
_عافتني وركضت للباب طبكته،،صحت بيها
ولج المن سديتي راح يتكاتلون ،اركضي جيبيلي
نقالي بسرعه ،،،جابته وهيه تحجي
مديحه:هو ثابت بالسوك ولج غير كالو
نطلع الفجر ،، خو خابري الباشا .
_لا أول اخابر ثابت ،شمرت عليه الجهاز
وركضت تسمع لهوستهم ،،دكيت ونصدمت
الجهاز مغلق. صحت بيها تعاي .التفتت عليه.
مديحه::ها بشري؟
_جاهز ثابت مغلق . شتكولين اتصل بقدر.
مديحه:اي شمتانيه.
_ دكيت عله قدر،، ولج هم مغلق شسوي؟
مديحه::يرادلها اسوايه من الأول كتلج
خابري الباشا .
_هزيت راسي . وبسرعه طلعت رقمه
واتصلت أول رنه جاوب .
الباشا::ها سمرة اشتاقيتيلي؟
_نزلن دموعي بقهر ،رديت بعبرة الحكني.
الباشا::خير شكو شبيج احجييي؟
_علاء هد عليه . وقبل ماكمل كلامي سده الخط
عرفته راح يجي كلبي يدك بخوف لان ادري بالباشا
وعلاء بينهم حزازيات . شهكت ابجي .
مديحه::خل ادخلج حته نقفل الباب مال الصاله
خاف يرد علينا ولج يريد يسحلج ،،ترى لهسه
هو يتصايح ويا طارق .
_جاي اكوم وندك الباب حيل التفتت تباوع بخوف .
قبل ماارد عليها اجانه صوت طارق.
طارق::سلاسل افتحي الباب لا تخافين.
_اشرتلها فتحي ..
مديحه::لا يمعوده المن افتحه .
_صحت فتحي يمعوده. خل أفهم شصار .
هزت رأسها وتقدمت للباب فتحته ،، دخل طارق.
وهو يحاول يهدء نفسه باوعتله ،، البدي ماله ملخ.
مديحه::ها وين راح ؟
طارق::اجو اهله الضاهر الناس الي مقابيلكم
يصيرون أقاربه لان دخلوهم بيتهم .
_فضحني الله يفضحه.
طارق::اسف اذا بسببي صار كل هذا
بس سؤال؟ هو مراقب بيتج .
_شلت راسي باوعتله ،، ماعرف هاي اول مرة
يجي لهنا .
طارق::اذن جان جاي قاصدج ومن شافني
استغل الفرصه المهم انه حاضر بشنو تردين اساعدج اذا عله البيت لاتحتارين هسه اروح ادورلكم مكان هواي بيوت وشقق واسعارها مناسبه.
_واعوف بيتي واكعد اجار،
طارق::شنووو يعني هذا بيتج اقصد
مو همه مأجري الج .
_هزيت راسي لا واشرت لمديحه تكومني ،،
سندتني ضليت لازمه بيها،،وهو يسال
طارق::لحظه بس فهميني ؟
_شفهمك ؟
طارق::مو انه عبالي بيتهم و مكعديج بي.
_لا بيتي هو مو طابو زراعي،،باوعلي وهز رأسه بتوعد
طارق::سهله اذا ماخليته يتوسل .
_اترجاك انه ماعايزة مشاكل ،روح لان هسه يلكولهم حجه يحجون بيها .
طارق::ترى مالهم حق ، بعدين هو أساسا
جاي وناوي ايصيحج ، لان تفاجئ من شافني.
_الضاهر عنده خبر ثابت سافر واستغل الفرصه.
طارق::شوفي سلاسل مو اوزج عليهم ولا قصدي
أكبر المشكله ،، بس حته لا يستغلون الأمر لصالحهم صيري ذكيه ومن يحجون كليليهم راح اشتكي.عليه
_ردت عليه مديحه.
مديحه::لا احنه خابرنه الباشا . وهو يتصرف.
_هز رأسه تمام. ودار وجهه يريد يطلع ، بعده بالباب
ودخل أبو اسعد ومبين عليه القلق .
أبو اسعد::ها يابه سلامات خو ماتاذيتو.
_حجاها والتفت لطارق وتفاجأت شلون تسالمو
بااحترام ضلينا وحده تباوع الثانيه . قطع نضرتتنا بسؤاله.
أبو اسعد::شنو الصار ليش وشلون اجه .ليش فتحتيله الباب . جان اتصلتي بينا .
_وانه مادري بي هو الي دك الباب ،،
وبعدين ليش جايني وشعده هاد عليه .
أبو اسعد::يكول جاي لصديقي وصدفه،،لمحت
السيارة بالباب وهو مايعرف طارق.
_قاطعه طارق معترض عله كلامه.
طارق::لحظه حجي اول شي ، هو اصلا ماسالها
ولا انطى مجال ، مباشرتا تهجم.
أبو سعد::اي مو مايعرفك .
_عرفت راح يستغلون، وجود طارق,,
بس هو ماسكت.
طارق::عذرا حجي,,هم ما اله حق يتهجم
بهل طريقه.؟
أبو سعد::البنات بمسؤليتنا والكل هنا
يعرف انو. سونه اخت جنتنا .
طارق::يعني قصدك لان شاف سيارتي
شك بوجود شخص غريب ؟
أبو سعد::اي لان يعرف البنات ماعدهن قريب.
طارق::بس هم مو من حقه
يرمي ولو غير سونه جان اشتكت عليه .
أبو سعد::عله شنو تشتكي يابه خليك
محضر خير.ودخلتك عليهن غلط لان ماكو
صله رحم بينكم ،، واعتقد موضوع البينا انحل .شرعا ميجوز تواصلك بالبنات .
طارق::18 سنه احنه بنفس البيت ربينا سوى
تجون تحرمون البينا بحجة الدين لا تعذرني.
أبو سعد::مالك حق تجبرنا أفهم يابه ،،،
البنيه سوا حاسبها اختك بت عمك هيه حاليا
عله ذمة رجل ,, وميقبل تتواصل وياك .
طارق::تمام ،، حقه الله يوفقهم اهم شي تكون
بخير ،،، بس خو ماتفرضون عليه اقطع تواصلي بااختها ؟
أبو سعد::المفروض انته تبعد ،، اذا يهمك امرهن لان هنه بحمايتنا ،،وسمعتهن من سمعتنا.
طارق::ترى ابنكم الي حاول يسيء لسمعتهن
اترخص ،، سونه اذا احتاجيتي شي اتصلي بيه.
_ختم كلامه طارق والتفت عليه فهمت نضرته
احس نار واشتعلت بكلبي . رديت وانه كوى مسيطرة عله دموعي. لحظه طارق بس وصلني
المركز بدربك. انتفض أبو اسعد .
أبو سعد::يامركز بنتي ماله داعي تكبرين الموضوع.
_التفتت عليه:وصحت ياموضوع ،، حجي لو علاء
هاد عله بيتك تسكت.
أبو سعد::اكيد لا،،بس انتي هم غلطانه.
_مانطيته مجال يحجي،، رديت وانه أعصر ايد
مديحه بقوة لان رجلي موتتني. شنو غلطي داكه بابكم جايتكم ، اكو يوم أحد من الجيران شكالكم
مني . تردون تحكمون عليه ،،،اسمع حجي
بيتي وبكيفي مالكم دخل بيه .
أبو اسعد:لا موكيفج انتي محسوبه علينا
وثابت من كعدج هنا وصى الجيران وكالهم نسيبتي
احنه أهل ومايسكنون بينهم غريب بس لاجلنا تقبلو
وجودج بنص عوائلهم.
_شكد حاولت مااحجي ولا اعلي صوتي ،،
بس احس انداس ابطني:رديت وانه امسح بدموعي . اذا وجودي بنصكم يخلي علاء يتجاوز عليه . ماريد حمايتكم ومن اليوم احسبوني غريبه اطوني مجال ابيع بيتي واشيل،، اما بالنسبه لعلاء اشتكي عليه.حجيتها واشرت لمديحه ادخلني .
صاح بيه
أبو اسعد::لا ماتشتكين انه راح اطيح حظه.
_ماهتميت ولا التفتت ، عفته هو وطارق يحجون
دخلتني وركضت للباب مال الصاله قفلته . خليت
اديه عله راسي حايرة .
مديحه::لو ساكته لحد ما يجي الباشا.
_لا الباشا. ولا اي شخص انه مو عبدتهم
يردون يمشوني بكيفهم .ولج فهمتي كلامه لولاااا
قصده احنه مو ثقه وعلاء شك مدخلين واحد لبيتنا
افهمييي .
مديحه:ولا راح يثقون ويبقون
يشوفونا بنات الصعده.
_هو انه اريدهم يعرفون شنو احنه.غمضت عيوني من سمعت صوته ،،،،وهو يدك الباب بقوة .
الباشا::افتحي الغضب.
_ضلت مديحه تتلفت.صحت بيها ماتكومين
تفتحين شمتانيه. طفرت فتحته دفعهاودخل
الباشا::يوميه مسويتلج هوسه ؟
_ هزيت راسي بااسف. رد صاح.
الباشا::شجاب طارق المن مدخلته ؟
_يحجي ويدفر بالقنفات.صاح بي أبو.
أبو اسعد::انته لا دخل نفسك امشي اطلع
انه احلها دزيت عله جبار راح يجي .
الباشا::اطلع بروحه اليوم الساقط يستغل
عدم وجود ثابت ويتهدد ،، سهله اعلمه .
_صحت موجه كلامي لابو. حجي اذا عندك
كلام ويا علاء وابو اتمنى تاخذهم لبيتك . خزرني الباشا مااهتميت كملت كلامي. وبالنسبة الي ماراح
اسكت كتلك اشتكي . انتفض الابو.
أبو اسعد:بابا مو حلوه بحقج تصير هوسه
ودخلتج للمراكز ، عيب كتلج انه ماراح اسكت
عنه رغم انتي هم غلطانه.
_وبسبب هذا كلامك. اله اشتكي. تقدم عليه الباشا
وهو صاك عله اسنونه . صارت مديحه كدامي . جرها وهو يحجي بغضب .
الباشا::سدييي حلكج لا تراددين.
_باوعتله ،، والعبرة خانتني شكد حاولت اصير قويه
ماكدرت لان فعلا ضعيفه،،،، لان مالي سند بلعت غصتي ورديت ،، بصوت يادوب ينسمع اخذ ابوك واطلع باوعلي متفاجئ هزيت راسي اي . التفتت
يريد يتاكد أبو سمعني لو لا. وعبالك انشغال أبو بالنقال ،، فرصه. حته يرد عليه.
الباشا::راح اعبرها. لخاطر الحجي .
_بعدني ماراده اندك الباب . ابتعد الباشا
صاح بي أبو .
أبو اسعد::روح افتح الباب اكيد جبار .
_حجاهاوالتفت عليه.
أبو اسعد::اتصلت بي ردت اكله روحي لبيتي
كال وصلت .بعد خلينا ننهي الموضوع هنا.
وياريت ماتتصلين بثابت وتقلقي.
_دخل الباشا ويا رجال وشخص ثاني بعمرة.
مديحه ضلت حايرة . تباوعلي غمزتلها اجت كعدت يمي . سلمو وكعدو . بده الحجي بالكلام سولفلهم
تهجم علاء ومااستغربت رد أبو.
جبار:شجنت متوقع من جبتهن بنصنا.
_صاح الباشا.
الباشا:جباررر لو تحجي العدله لو تسكت وتعوفنا نحل السالفه . لا تفرها ترى لحد الان ثابت ما عنده علم وابنك متهجم عله البنات .
جبار::اكيد يتهجم يشوفكم طابين طالعين
عليهن ويعرفهن جا حلال عليكم .
الباشا::جباررررر. اوزن كلامك لاتستغلني
بوجود الحجي ترى مااضمن نفسي . ولك ياهو الطاب عليهن هذن عرضنا ثابت ماخذ اختها .
_همه يتصايحون وانه دموعي تصب الحجي
صاح بالباشا
أبو اسعد::بيها مجال تحترم وجودي.
الباشا::اسف يابه.
_وعجيب شلون يحترمونه شكد عصبي الباشا
ساعتها حسيته يفور ، بس ابد مايتجاهل كلمة أبو سكت وهو ينضرلي بغضب،،،جريت العكازه لزمتها وضغطت عله روحي تحملت الوجع وكفت وصحت بعلو حسي حجي لهنا ،،،،وتعذرني اطلعو حلو،، مشاكلكم بينكم التفت عليه الباشا درت وجهي . صاح جبار .
جبار::مشكلتنا بسببج اسمعي تحترمين.
_ماخليته يكمل . رديت عليه اسمع انته
ابنك مو وصي عليه ،،،ولا واحد بيكم اله حقك
يحدد الي يدخل لبيتي . واذا عندك شي نحجي بالمركز .
أبو اسعد::لحظه يابه. مو هيج الكلام .
_شنو الكلام حجي ،، اليسمعكم يكول انه فاتحه
بيتي للزلم . تردون اطلعوني غلطانه علاء دخل عليه لكاني اركص شاف ابيتي ناس موزينه. احجي والباشا يخزر بيه تجنبت نضراته وانهديت بيهم .صاح جبار
جبار::وشعده أبن فاروق بيتج.
_وانته شكو شعليك ؟ ترى زودتها عندك مشكله
ويا ثابت يريد يطلك بنتك لادخلني. التفت جبار عله أبو اسعد يباوعله بعتب . رديت كتله،، بالنسبه لاختي
جنتكم ورجلها يحكمها،، انه مالكم شي يمي ،،
ضل الحجي ساكت والباشا شلون المصدوم
ماتوقع احجي وياهم هيج،،بس جبار يرد عليه .
جبار::مالج ضله بينا. وثابت مو بكيفه
لمي اجوالاتج ،،وردي لبشار هناك ،، فتحي بابج طلاقتين ،،گارج وگار اهلج مانحكمج توبين.
_مالحكت احجي . صاح بي الحجي.
أبو اسعد::كوم اطلع كلمه ثانيه اذبك انته وابنك
من العشيرة ،، الضاهر غلطت من ردت الم السالفه هسه انه اخذها تشتكي .
_راد يحجي اشرله يطلع كام وهو يتوعد بيا.
باوعت للباشا هز رأسه بمعنى شكو . دنكت
اجمع روحي الي اطشرت من القهر
رفعت راسي لمن كال الحجي .
أبو اسعد::انه مانطيت بيج كدامهم .
_حجي انه ماغلطانه .
أبو اسعد::بس مو من حقج تحجين بمشكلة
بنته ورجلها يابه مثل مااعترضنا أحد يتجاوز عليج ،،مانقبل ينحجي بنتنا. هل الأمور بينا احنه أهل .
_ياريت هيج وطلعوني من قانون حكمكم .لان انه مو جنتكم ولا اقربكم ،،،،،باوعلي ورد باوع للباشا
وكأنو يأ كد شي بينهم ،،،مااهتميت كام وهو يستغفر وصل للباب والتفت للباشا الي كاعد .
أبو اسعد::شمنتضر ماتكوم.
الباشا:'اجي وراك يابه.
_كمزت مديحه من صاح.
أبو اسعد::كووووم .ساس المشاكل امشي
كدامي ،،،عود شوفلك عذر لزوجتك لغيابك
الي ماله مبرر.
_فرك وجه بعصبيه. وكام وهو يتوعدلي بنضراته.
طلعو ركضت مديحه قفلت البيبان ،، ورجعت تباوعلي وبعيونها الف سؤال ،،اشرتلها احجي.
مديحه:بس كلمه لان اتضل تاكل بكلبي.
_احجيها مادام باقي مكان بكلبي لكلمه توجع .
مديحه::انتي تحجين وانه اباوعلج
ماشوفج سونه.
_جا شتشوفين ؟ ذبيحه بيد يهود.
مديحه::لا بس حلفي ماتزعلين.
_درت وجهي بملل اجت كعدت بصفي
غصب عني ابتسمت،، نزلن دموعها مسحتهن
بيدها وحجت بعبرة.
مديحه::جنج سلوم من احد يعيل بيها
مثل حجيها وكفتها لا تحسب حساب احد ولا تباوع لعزيز وكت الي تريد تحجي ادوس بالكل.
_لان اليسكت الناس ادوسه.شوفت عينج
سادين بابنا ،، وكافين خيرنا شرنا .وهمه بالينا
مديحه::شتتوقعين ثابت اذا عرف.
_ولج ذكرتيني بالي يمهم تلفواناتهم
مغلقه نوب خاف صار بيهم شي.
مديحه::لا اسم الله ،، يجوز مابيهن شحن.
_ثنينهم طفو سوى؟ باوعتلها ضحكت
مديحه::وروح امي الناس تجبرنا نضحك
ترى واضحه أبو حيه فلت بقدر غلق جهازه .
_لا مامعقوله. حجيتها وجريت نقالي من القنفه
دكيت وهم مغلق ،، عدت الاتصال بقدر نفس الشي
حرت ،اسال منو عليهم ،،،،،،،،،ماعندي غير حل
دكيت عليه رفضه ،كلت اكيد يم اهله بعدني افكر
اتصل فتحت خط ،حجه بعصبيه
الباشا::ها شعندج من مصيبه بعد .
_بلعت غصتي ،،اسمع يمه هوسه بس ماكدرت
أفهم عرفت المشكله كبرت . صاح منبهني .
الباشا::تفكرين لو شنو احجييي.
_سديته بوجهه ،،رد دك رفضته .بس احس
بروحي فحمت ، حجيت بكلبي هينه يالباشا.
والضاهر مديحه سمعته بس ماحرجتني ردت.
وهيه تحاول اطمني.
مديحه::كلبي بارد وروح امي مابيهم شي.
_ياريت ،لان كافي عليه همي .
مديحه::خاف اكلج امشي للدكتور وتكتليني.
_غير لو بيه حيل.
مديحه::جا تضلين هيج .
_خليني اشوف مصيبة علاء وين تصفى.
ويجي ثابت .
مديحه::شنو ابالج إم اعطوب؟
_بعد مالي ضله بينهم . لان همه وبيت علاء
بينهم مشاكل واحنه نصير العذر يضلون يستفزون
ثابت بيه .
مديحه::الباشا مايسكت ؟ لو تاخذين كلامي.
_خزرتها. ضحكت. جريت العكازه ردت اطكها
شردت صحت عليها جيبي علاجي خل اشربلي حبايه بلكي رجلي تسكن لان احس الألم بكلبي.
مديحه::الم الحب ،،ماله علاج،،يمه الحب يمه.
_رديت لا دخيلج لاتغنين هاي الأغنيه.
دنكت خجلانه ،، باوعتلها وهزيت ايدي اجت خلت العلاكه بحضني وكعدت ،، تحسرت بصوت مسموع
مديحه::بيش احلفلج وتصدكين لحد ماطلكج
_اشششش ،، ابد لاتفتحين الموضوع. لان انه
نفسي مامقتنعه وندمانه شلون غلطت هيج غلطه .
مديحه::ماتوقعته بهاي النذاله.
_لا تلومينه ،، مو هاي احنه كدامج،،، وهذا الباشا
وحته ثابت ترى ،،، فرض قدر عليهم كوى ومامطمنه
وخايفه لا هاي المشكله تأثر عله زواجها بي .
مديحه::ماضن ،، ثابت يتأثر ترى مبين يحبها.
_مااثق ابشر بعد يامديحه،،،، العشته بالصعده
بكوم والي تعلمته من هاي الناس كوم ثاني
ذول الحب عدهم مو أساس. اهم شي عوائلهم.
مديحه::مادري بس انه اشوفه مختلف عنهم.
_ياريت دكومي خلينه نتمدد بالغرفه،،،، بلكي
الألم يخف ،،هزت رأسها أي وكومتني تمددت
وكل وحده بينا تفكر شكل مر وقت والوضع
سكته ،
مديحه::جعت وانتي هم لازم تاكلين لان وراج علاج.
_طلعت تسوي اكل شويه واجت ،،صينيتها
عله رأسها ضلينه مكابلين الصينية مانشتهي
مديحه ::شني نقشمر عله روحنا
_شيليها ماكدر اكل معدتي تأذيني .
مديحه::شتكولين معقوله تعاركو بينهم.
_ماسمعتي أبو اسعد شلون اعترض من جبت
طاري بتهم ..كال احنه أهل يعني لاتخافين عليهم.
يبقون أهل وحته لو تعاركو يتصالحون .
مديحه::شمالهم اهلنه عافونا؟ ،،شبيناوهيج ذبونه الابهات مو زينة أمهاتنا ليش ماتن وخلنه ضايعين. ليششششش.
_صرخت من كلبها. باوعتلها ودموعي تصب
الي يشوفها تضحك،،،، يكول هنيالها بس انه أعرف
بداخلها هم وقهر ،،، ياما سولفتلي من جنا نطلع نجدي تحجيلي الشافته وهيه زغيرة . تعذبت هواي . جريتها لحظني،، وحالي مو احسن من حالها.
ابجي لروحي لو ابجيلج.
مديحه::لشوكت نبقه عايشين بذل وخوف.
_ماننذل بعد،،، محد اله يمنا شي البيت ينباع
وعندي فلوس الغايب مال فيصل ناخذلنا مكان
بغير منطقه. واذا عله العيشه تدبر ،،بلكي نكدر
نشوفلنا شغل حته لو نفتحلنا محل بالبيت.
مديحه::نوبه انه فوكج حمل تجماله.
_كفختها عله رأسها . ابتعدت عدلت كعدتها
باوعتلها وهزيت راسي بمعنى شكو.
مديحه::عندي فكرة .
_اطربينا بافكارج.
مديحه::لا الطرب عليج ماكو غيرج يطرب.
_بروحي حزن وهموم ،،تطرب كل گلب مجروح،، وهم عندي ونين ونوح ،،،مثل موال عاشك ما حضى بمحبوب ،اغني اليوجعن روحي .
مديحه::لخاطري ،،أريد ابجي،،
ومايفوخ كلبي بس صوتج .
_هي هاي فكرتج طاح حضج
عبالي عندج شي ،،بي خير وتنفعيني بفكرة.
مديحه::اي ولج ،، عندي مشروع جهنمي
ومتأكده راح تكيفين بي ،وسهل .
_وشمنتضرة ماتحجين
مديحه::اول مرة حلفي تغنيلي.
_خوش اذا سالفتج بيها فايده .
مديحه::ليش مانفتح صالون .
_بت التالف اول مرة تحجين شي بي خير
هو انه من زمان مفكرة بي . وعندي خبرة
تعلمت من جنت اروح لصالون ايوو.
مديحه::مادام عجبتج الفكرة.غنيلي بس تعالو
_لا دخيلج ،، اطلبي اي شي هاي الأغنيه
مديحه:ليش؟
لان كل ما اغنيها لشخص يبعد عني،،بالاخص
هل مقطع،،، صرتو بس ذكرى عزيزة وماتغيب ،
وكأنو لعنه وتتلبس بي يصير،،ذكرى توجع گلبي .
مديحه:: انتي تريدينه يصير ذكرى .
_ادورين وتلفين وتردين لنفس السالفه
ترى بديت أشك . الباشا دافعج عليه
مديحه::لا وروح امي بس .
_يبووووي ,,عمي رجعي ابجي وفكيني.صفنت
باوعتلها جريت العكازه وانه احجي وروح امي يامديحه اذا ماسكتي اكسرج تكسر .
مديحه::هههههه لا ولج بس جاي افكر
اذا المشكله بين علاء والباشا كبرت ..
_تكبر تصغر احنه مالنه شغل نارهم تاكل حطبهم
ولو حاول يعيدها ويتهجم علينا اشتكي عليه.
مديحه::شكلج.بس
_همزين النقال دك نقذني من ملحتها
طفرت جابته وهيه تهز بحواجبها .
مديحه::اعتقد الأخ .
_جريته منها باوعت رقم طارق .ترددت اجاوبه
بس لح وكرر الاتصال اكثر من مرة.
مديحه::ردي يمعوده .
_فتحت خط ،، وسكتت صاح .
طارق::الووو سونه تسمعيني .
_رديت بصوت تعبان ، اي .
طارق::يمعوده قلقتيني،،خو ماسوولج شي؟
_لا لا شيسون شنو يطلبوني.
طارق::اي المفروض يخافون،،منج ضلي مصرة عله الدعوى لحد ما يجون ،،ويعتذرون منج فهمتي . ترى هو رمه بسلاح الدوله،،،،،،،واذا اشتكيتي يلعب بي لعب وحته ينفصل من عمله.
_ادنت مديحه تستمع لكلامه كرصتتها ،،،اريدها
تبعد خنكتني ،،،جرت النقال مني وفتحت الصوت
عضيت ايدي بتوعد ولا اهتمت وطارق مستمر يحجي.
طارق::انه هم ماسكتت لابو اسعد ترى هو
راد يفرها علينا .
_لا ترى هو خوش رجال ،، بس اكيد ماينطي
لعلاء لان همه كرايب ترى أبو يصير أبن عمهم .
طارق::اي اعرفهم ،،،،،وأعرف باقي ولدهم
المهم انه بس ردت اسالج وياريت تحجيلي
الصدك.،،قدر مرتاحه بينهم لو لا بروح اهلج .
_ماترددت بالجواب. بسرعه كتله اي مرتاحه
كلش ثابت يحبها وهيه هم تحبه ترى همه
مسافرين . سكت ثواني ورد
طارق::الله يسعدها اتمنى صدكيني اتمنى ترتاح
_كسر خاطري حسيته,, صدك يعتبرها أخته
كتله بس يجون احجي ويه ثابت حته تلتقي بيها.
طارق:ياريت ياسونه ،،انه عاذرة هو رجال
ويغار بس ما جاي يتفهم تعلقي بيها..
_نزلن دموعي عله وضعه . كتمت حسرتي
حته مديحه نزلن دموعها ،،كلته هيه كالت
صور أمها بقن عدكم .
طارق::اي صح هو انه ردت اشوفها بخصوص
هل موضوع . الف الحمد الله فترة سجني امي
عايفه البيت لحد ما طلعت يله رحنا سوى اقصد
ماذابه شي من غراض قدر وامها.
_فرحت ،، من كال هيج . رديت أي ياريت
لو تدري شلون ضاله تتحسر رادت اي شي
يخص أمها .
طارق:اي سهله بس خل اشوف شلون
اوصلهن الكم ماريد اسببلج مشكله ثانيه
يله اخذي راحتج عود طنيني شيصير وياج.
_نهيت مكالمتي ويا وانفجرت ابجي لحال قدر , جانت تشتاق لامها ،،وتكول لو عندي صورة عاد اباوع بيها لو قطعه من ملابسها اشمها ،،
مديحه::يا عليمن تبجين؟ ربج عوضها بثابت.
_احجي والوم روحي.،،،معقولة استعجلت بزواجها،,,,,من ثابت وضلمت طارق،، يعني
لو منتضرته يطلع،، يمكن احسن الها .
مديحه::لا تكولين هيج بالعكس الولد
جاي يكول اتمنالها الراحه وأكد يعتبرها أخته.
_ضليت حسبه تاخذين،،،،، وحسبه تجيبني
تعبت خوف تفكير قهر لليل وماكو خبر من الباشا واهله غفيت وفزيت مديحه بصفي ذابه روحها نيته
باوعت شكد نمنا جريت النقال صاير صبح لفت انتباهي مكالمات من الباشا ورسائل دخلت عليهن.
الباشا::وين وليتي يغضب . من تشوفين مسجاتي اتصلي خرب بعطوبج يابه بس خل اتفرغلج.
_فزت مديحه تباوعلي .
مديحه::ها شنو صار ؟بيش الساعه ؟
_بعدني ماراده عليها دك نقالي استغربت
شعنده متصل هيج وقت ،،رديت بخوف الوو.
طارق:اسف بس ضل بالي؟
_عله شنو ترى همه مااجو بعد .
طارق::اكيد خو ابنهم غلطان .
_بعد اهله ماينطون بي اكيد .
طارق::بروح امج شتحتاجين
اتصلي بيه. احسبيني اخوج.
_مشكور رحم الله والديك
اريد انهي المكالمات ،،وهو استوقفني كال .
طارق::لحظه سونه نسيت اكلج
دار حديث بيني وبين أبو اسعد.
_شنو الحديث مافهمت . حجيتها وباوعت لنقالي
الي يضهر مكالمه ثانيه ركزت بالشاشه وتفاجئت
رقم الباشا ،، بسرعه كلت لطارق من رخصتك بس اجاوب اجتني مكالمه . خطيه سده من يمه . فتحت
خط .بعدني ماكلت الو صاح.
الباشا:مشغوللللل صار ساعه ولج من امس
ادك ماترديييين سوووووونه .
_بعدت النقال من أذني لان صار بيها طنيين ،،
اريد أفهم شبي هيج يصيح،، مديحه وجهاا انخطف رد صاح بصوت أعلى .
الباشا::جم رجللللللل اتسوينهم ؟
بعد سووووونه . اصبريلييييي جايج.
شلونكم شخباركم ان شاء الله بخير
