رواية الشيخ سلطان الفصل السادس عشر بقلم زينب نور
مهند
شنو السالفه ابو حمزه انت مو متزوج
سلطان/واذا متزوج شني مو جدنه ماخذ ثلاثه وابوي ماخذ 2
شني بويه تعارض اذا اخذت الثانيه
الشيخ/لابويه لَيــِْش اعارض حقك هذا
مهند/شيخ بس انت وين وشمس ﯙين وفارق العمر الي ابينكم
سلطان/خزرته ومن شوكت احنه نفكر بالعمر يامهند شني شايفني شايب كدامك
حاتم/اسكت لك مهند
ابو حمزه انشالله شايف گـِْـِْلِْ الخير
سلطان/تسلم عمي
مهند راد يحجي وابوه سكته
رحنه للبيت وجه الفجر ردو لبغداد واخواتي هم كلمن ردت لبيتها لفجر
شمس/ نزلت ساعه ب9 لكيت زينب تسوي ريوك
سويت كوب حليب وكعدت اشرب
نصبت الريوك والكل اجه يتريك بس عمي نايم سلطان من اول مارجعنه وبعد ماشفته
كاعده اشرب حليب وهو نزل كال صباح الخير
كلهم جاوبوه اله اني مهتميت حته مباوعتله
سحب الكرسي وكعد سمعته كال
زينب صبيلي بس جاي
سلطان/نزلت آتــريـ☕ﮗ شِفـٍـْْ👀ــٰٰتْ شمس كاعده تشرب كوب حليب باوعت عليها شكد مشتاقلها صار شكد مشايفها ومن اتذكر الحجي الي سمعته والموقف الي صار ابينه اخر مره اختنك كلت صباح الخير كلهم جاوبو اله هي مجاوبت ولاباوعت ولااهتمت لوجودي
كلت الزينب بــَس جاي صبيلي ماريد ريوك
الحجيه/لَيــِْش يمه آتــريك صارلك 4 ايام بالمستشفى شوف شصاير بيك لحيتك وشعرك هوسه يمه زين
شمس/من سمعت حجي عمه لااردين رفعت عيني عليه صارت عيني بعينه راساً شِفـٍـْْــٰٰتْ شعره مكفش ولحيته حيل طولانه رفعت تك حاجب وبارعت بطرف عيني راساً كمت كلتلهم سفره دايمه انشالله صعدت فوك. لغرفتي ضجت. حيل اريــٍـد تليفوني كلت مادام سلطان ملتهي جوه خلي اطب لغرفته ادور بالكت الكه التليفون
طبيت ابحوش بالمجرات فتحت الكنتور وحسيت لباب انفتحت وانسدت راساً صوت قفل الباب نقفل بقيت جامده بمكاني بكلبي خررب بيه شسويت هسه شنو موقفي
سلطان/شفتها تباوعلي بطرف عينها وترفعلي حاجبها
كلت بسيطه شمس صعدت فوك. شربت جاي وصعدت لغرفتي والكاها فاتحه كنتوري وواكفه ابتسمت راساً قفلت لباب خوش شمس اجيتيني برجليج
كلت احمم مضيعه شي
شمس/درت وجهي وجريت نفس اييي اريد تليفوني
سلطان /شمرت نفسي على الجربايه تمددت على ضهري وخليت ايدي جوه. راسي كلت ويا تليفون هذا
شمس/تليفوني سلطان ممكن ترجعه
سلطان/ارجعه بس بشرط
شمس /وشنو الشرط
سلطان/كمت اتمشيت باتجاهه صرت كلش قريب عليها ودنكت راسي خليت عيوني بعيونها بس ردت استفزها
حجيت بهدوء وصوت ناصي
تنامين اليـوم بحضني للصبح مااسويلج شي بس احضنج وانام
رفعت ايدها رادت تضربني راساً لزمتها عصرتها حيل
سلطان/ديري بالج تعيديها مره ثانيه لج انه سلطان زلم. ميتجرئون يمدون ايدهم عليه مو لنوب نسوان
شمس/ااااي ايدي اسـٍّفٍّـ🙏 ٍّـﮭﮧ مو قصدي بس طلبك مرفوض
سلطان/ هديت ايدها وكلت وانتي ﺸنـٌٍـٍوﯛ صدكتي خو هذيج حلالي وتتمنه بــَس نضره مني شنو برأيج نفسي تدنه للحرام
وتليفون ماكووو انسي
رحت فتحت قفل لباب ورجعت لفراشي تمددت وخليت ايدي على وجهي شويه وحسيتها طلعت وسدت لباب
كمت على حيلي جريت حسره اووووف وتالي وياها هالشمس هاي شلت حالي
فتحت الكنتور طلعت دشداشه لونها ماروني غامق ولبستها ونزلت لكيت ابوي كاعد كعدت يمه
الشيخ/بويه سلطان انت ڝٍُـًدك رايدها لبت عمك
سلطان/اي بويه رايدها ونفسي بيها
الشيخ/بويه افاتحها بالموضع لعَـدْ
بهلاثناء طبت شمس
شمس/نزلت اسلم على عمو لان من طلع من المستشفى وماشافته بعد طبيت لكيته بس هو وسلطان كاعدين طبيت بسته. وكتله الحمدالله على سلامـتكْ عمو متشوف شر انشالله صحه وعافيه
الشيخ/هلابويه هلا ابنت الغالي تعالي يمي بويه باسني براسي وكال بويه شموسه اكو موضوع اريد احجي بي وياج
شمس/بكلبي واخيراً راح يكولي علمود الورث
اي عمو تفضل اسمعك ابتسمت كل ابالي راح يكولي علمود الورث
الشيخ/بويه لبارحه اثنين من ولد عمج طلبوج مني
شمس/فتحت عيني شنوو عموو منو همه
الشيخ/لاول مهند ابن عمج حاتم
والثاني سلطان
شمس/راساً باوعـتا لسلطان شفته دنك راسه ويلعب بسبحته
الشيخ/بويه والقرار لاول ولاخير الج آْنَـتي تختارين الي تشوفي مناسب آلُـج مهند او سلطان همه اثنينهم ولد عمج وانتي فكري براحتج. بويه
شمس/حسيت بصدمه موطبيعيه اني جايه علمود اخذ حقي موعلمود اتزوج هنا مستحيل بقه راسي يفتر ولنوب سلطان متقدملي هالشي من سابع المستحيلات يصير واني اصلاً احبه الانس
شمس/عمو من رخصتك. بس آٌنـي
ماريد اتزوج لامهند ولاسلطان
هنا سلطان رفع راسه عليه وخزرني
عمو اني مستقبلي وحياتي مو هنا مستقبلي وعيشتي وحياتي هناك آٌنـي. تعرف على شنو جيتي وشنو الغرض منها بس مال ابقه هنا عايشه طول عٍـمـري مستحيل
الشيخ/بويه ورثج وحقج بالحفظ والصون دينار ماينقص
بس مال تردين ليغاد هاي مامقبوله بويه هناك جان ابوج فوك راسج خيمه وابوج راح لدار حقه وانتي بت حدثه شلون تعيشين وحدج هناك بين الغرب لابويه انتي مكانج هنا بين اهلج وعمامج واصلج. احنه لحمج. ودمج.
شمس/دمعت عيوني وحسيت الصار كله بسبب سلطان باوعت عليه لحد ماباوع عليه اشرتله يعني تعال
كوتله عمو من رخصتك.
وطلعت كبل الغرفتي صعدت بقيت ابجي وافتر بالغرفه احس نفسي مخنوكه وحياتي انتهت لحد ماطب سلطان وسد لباب
تقدمت عليه
ابجي واحجي
انت شرايد مني هاااا شرايد لَيــِْش هيج حطمت مستقبلي موتدري بيه اني مااكدر اعيش هنا لَيــِْش عبيت براس عمي حته مااارجع
سلطان/عقدت حواجبي دقيقه دقيقه شمس منو العبه براسه والله وداعت حمزه وداعت هيا اني كلشي ماحجيت وياه هو وحده هـًُّـيًُْـچ حجه
شمس كعدت بالكاع ابجي بحركه
انتم ليش ماتفتهمون شبيكم والله مااكدر اعيش هنا حياتي ومستقبلي هناك آٌنـي اجيت زياره مومقيمه هنا كولشي عفته هناك واجيت حته فتره وارجع مو اٍُِجٌيٍّتٍُْ حته يعد ماارجع
سلطان/ تقربت عليها وكعدت مقابيلها على رجلي
شمس احنه نخاف علــيج جنتي بحمايه ابوج وتحت جناحه وابوج توفه مابقالج احد هناك انتي هنا بامان بيناتنه ياعيني ابقي هنا وشيلي فكره الرجعه من بالج
شمس/مااكدر والله مااكدر هناك متعوده مااكدر اعيش هنا لَيــِْش محد يفهمني
وشنو سالفه الزواج هاي
شنو بكيفكم تخطبون
وانت باي حق تخطبني انت اول شخص يمد ايده عليه وياذيني بحياتي محد ماد ايده عليه وانت مديته واذيتني لحد لان اتذكر الم الراشدي والم راسي من ركعته بالحايط
سلطان/فقدت موبوعي ولمفروض تعذريني
شمس/اني وياك مستحيل نتزوج من سابع المستحيلات انت زوجتك اعتبرها صديقتي واختي الكبيره شلون اخذ زوجها مستحيل وحته لو انفرض عليه ابقه هنا مراح اتزوجك واذا انجبرت على انو اختار واحد منكم اكيد مراح اختارك
سلطان/صارت عيوني بكصتي
شني يـعـنـي تختارين مهند
شمس /ايي ممكن اختار مهند اله انت لـ❌ـلا مستحيل مننجمع اني وياك
سلطان/وليشششش مستحيل
شمس/افهم عاد زينب زينب شنوو ذنبها
سلطان/وزينب شكوو اني من بدايه زواجي اصلاً كلتلها اتزوج وهي اصلاً ماعارضت انتي وله غيرج راح اتزوج عليها
شمس انتي الي افتهمي لااخليج تاخذين هذا المهتلف اليريد يضحك عليج ويكشولج. ولااخليج تاخذين مهند لو عسى ما تبقين طول عمرج. بلا زواج وتبقين هنا كدام عيني
جريت نفس لج شمس افهمي عاد انييييي وسكتت
ردت اكلها احبج والله يابت عمي حبيتج
بس ماكدرت الساني انعكد خليت وطلعت.
نزلت جوه حجيت وي امي كلتلها يمه انه رايد شمس وصحت زينب هم.
كلتلها زينب اذا رايد اتزوج. شنو تعترضين
زينب/لاشيخ مااعترض حقك هذا
دنكت. راسها بس انه خايفه تاخذ وحده تغيرك عليه وعلى الجهال
سلطان/محد يغيرني عليكم هذوله جهالي قطعه من روحي وانتي امهم معززه مكرمه
يمه زينب انه الي. رايدها موغريبه ولابعيده منه. وبينه
الحجيه/منهيه يمه
سلطان/شمس
الحجيه/يمه شمس بت حازم والبت تحسب يوم يوم شوكت ترد لديرتها
زينب /علواه على شمس انه اكيف تاخذ شمس وتبقه يمنه ماترد وشمس حلوه ونضيفه وصغيره ربي يهنيك ويسعدك وياها
سلطان/زينب كلش كسرت خاطري ابدماعارضت وعبالك فرحت من عرفت بشمس
بس شسوي هالشمس هاي حبيتها مااكدر بعد اشوف الخطاطيب تجيها كدامي لو اسمح لهذا يضحك عليها وتردلديرتها وهناك وحدها بالغربه وهي طفله كلشي يصير ابوها وماكو فوك راسها
بقت هي شلون راح تقنع
سلطان/زينب شمس معارضه على الزواج علمودج تكدرين تحجين وياها وتقنعيها ويا ام حمزه انه مراح اتغير عليج تبقين الجبيره والعزيزه وام حمزاوي وهيا وماراح اقصر وياج بشي الله شاهد
زينب/انشالله شيخ
انه رايحه لشمس صاعده
سلطان/صعدت لشمس كعدت بقيت افرك بالسبحه توترت ربي يعديها على خير
شمس/افتر بالغرفه وافكر بمصيري بقيت اقارن بين انس وسلطان
شِفـٍـْْــٰٰتْ سلطان بكلشي أحـسًٓـن من انس الشكل والشخصيه والغيره صح احبه لانس بس احسه ابد ميغار عليه الي قهرني كتله اتزوج غيرك علمود الورث ماعارض وراساً قبل
كلت شلون اذا اضطريت ابقه هنا واخذ لو مهند لو سلطان
مهند ابد مستهضمته وحسيته نسونجي مرتاحيتله ابد وسلطان مااكدر اكسر بكلب زينب شنو ذنبها
بهلاثناء اندك الباب كلت تفضل
طبت زينب
شمس/هلوو حبيبتي
زينب/هلا شموسه اريد احجي وياج بموضوع
شمس/تعالي اكعدي هنا كولي حبيبتي محتاجه شي
زينب/شموسه ليش ماتقبلين بسلطان
شمس/انصدمت حيل بكلامها
شبيج زينب غير زوجج هذا مستحيل اقبل واكسر بيج واني كولتلج انتي بمثابه اختي
زينب/وعلي خيه اعرف شكد كلبج ابيض وشكد تحبيني ويمكن انتي اكثر شخص بهالببيت يحبني بس شمس سلطان اول وتالي راح يتزوج وانه ادري بهالشي وجنت خايفه ياخذ وحده تغيره عليه وعلى جهالي انه ماريد شي بس اريدنه يبقه خيمه فوك راسي وراس جهالي
ومن عرفت سلطان ناوي يخطبج خيه وعلي فرحت جا آْنَتي احسن من غيرج انتي حنينه عليه وعلى الجهال وادري ماراح تغيرينه علينه وانه احبنج واريدنج تبقين دوم يمنه خيه وعلي انه موافقه من كلب ولسان لاتفكرين بيه
شمس/زينب تحجي واني عيوني دمعت عليها
كولت يعني جايه تخطبين لزوجج وهيج عًـًـًآدًيً عندج والله امرج عجيب انتي
زينب/خيه الزلمه مخلي براسه مره ثانيه اذاموانتي غيرج ع لاقل انتي اعرفنج احسن ماتجي الغريبه وتاخده منه وتخلي حته يطلكني يمكن وتدرين انه ماعندي احد غير الله وسلطان خيه وافقي والله سلطان هواي يتمننه
شمس/مسحت وجهي وكولت افكر بالموضوع عود
زينب/يله خيه خليني انزل انه
شمس/نزلت زينب واني افكر بحجيها معقوله اكو وحده بنفسها تخطب لزوجها وتتوسل بيه حته اقبل وهيج بكل رحابه صدر
منا افكر ب انس وحيصير 10 ايام محاجيه وياه ومناافكر بحياتي هناك وهنا دراستي مستقبلي بيتنه سيارتي ذكريات بابا هناك صرت بدوامه وتفكير اكل راسي مااعرف شسوي
اجه حمزه صاحني آتُـ‘ـُغُــُډة
غسلت وجهي ونزلت
لكيت الكل موجود كعدت آتُـ‘ـُغُــُډة وابد ماشلت عيني على سلطان
سلطان/نزلت شمس كعدت تاكل بس بقت تلعب بالتمن بالخاشوكه تكلب بي وصافنه ماتاكل الكل انتبه عليها
الحجيه/يمه شمس ماتاكين
شمس/جنت صافنه وحجت عمه وياي راساً فزيت عفت الخاشوكه وكولتلها شبعت وكمت
الحجيه/يمه اشبعتي وانتي من كعدتي وماخليتي لكمه وحده بحلكج
شمس/عمه مااشتهي
كمت كولت عن اذنكم سفره دايمه وصعدت لغرفتي
سلطان /كملت غده وشربت جاي وطلعنه للمضيف انه وابوي وغسان واجوي ولد كرابتنه وزلم على ابوي بقينه لليل تعشينه بالمضيف سوينه عشه وعزمنه على سلامة ابوي ورجعنه بليل طبيت للبيت صعدت لغرفتي سبحت باجر دوام تمددت على الجربايه فتحت تليفون شمس رجعت للمحادثه مال هذا انس رجعت للبدايه ماماسحه شي هي رجعت لاشهر من هي جانت هناك شِفـٍـْت هواي سوالف وغزل وحب ومواعيد اكتشفت من خلال المحادثات حته بايت يمها بالبيت بقيت اقرا وافور قفلت التليفون اريد انام ماكدرت ساعه 12 واندك باب غرفتي
شمس/بقيت افكر بكلشي وحته بزينب
اخر شي قررت واخذت قراري ورحت لغرفه سلطان دكيت لباب فتحه اليه
كلي ادخلي بــَس شكله موع بعضه ابد ومخنزر وشكله عصبي كولش يخوف لدرجه ردت ارجع لغرفتي درت وجهي وصاح. بيه ادخلي
دخلت هو سد لباب طلع جكاره. ودخن كال هااا شعندج احجي سولفي
توترت وخفت كوتله هيج ماكو شي ممكن ارجع لغرفتي
خزرني وكال احجي شعندج جايتني وساعه 12 بليل شنو مثلاً جايه تكليلي تصبح على خير وترجعين
شمس/سحبت نفس وكتله لا.طبعاًاخذت قرار واجيت اكولك بي
اني موافقه على الزواج منك حجيتها واني مدنكه
بس بشرط
سلطان/فرحت بداخلي بس اتذكرت سوالفها وي هذا انس استهضمت لنوب كالت بشرط رفعت حاجبي وشنو شرطج ست شمس
شمس/اني ضروري ارجع لهناك لازم اصفي اموري هناك واسوي اوراق دراستي حته اكمل هنا
سلطان/اي الله كريم عود بعدين موهسه
شمس ترى زواجي بيج مورغبه ولاحب بــَس اريـد احميج وبس
شمس/اعرف مورغبه ولاحب لان اصلاً انَـَت كلبك مدفون بحب الي اسمها هدى زينب صار سنوات وياك ومكدرت تنسيك هدى ولاكدرت تحبها عاد اني مصارلي شهرين من عرفتني ولتكول احميج اني اصلاً اكدر احمي نفسي ممحتاجه حمايه احد بــَس انت راح تزوجني سالفه عناد واني راح اوافق عليك سالفه غصب
درت وجهي وطلعت
……………….
شكرا لزيارتكم عالم روايات سكيرهوم
