رواية سراج السادة الفصل الخامس عشر بقلم عسق ادريس
ابعث أمنياتكَ لمن لا يُغلق بابه.
اللهم يامن اذا تضايقت الامور فتح لها باباً
لم تذهب اليه الاوهام.
صلِ على محمد وآل محمد ♥.
االتصويت قبل مشاهده البارت +التعليق بين الفقرات
متابعه الحساب ♥.
‼️التنزيل راح يكون كل اسبوع ثلاث بارتات ‼️
خلونا ويا الساده!!
🤍
انصدم الكل بكلام قدس واصرارها على الطلاق باوعتلها العلويه جهاد مستغربه
_جهاد:: ليش تردين تطلكين؟
_قدس:: ماريده ماريد غضنفر
_جهاد:: غير اكو سبب يا امي؟
_قدس:: ماكو سبب اني ماريده
مسحت العلويه على وجهه محتاره جانت قدس مصره على قرار الطلاق رغم قبل جم يوم اشترو الذهب وكلشي ماشي صح شنوو الي صار هسه وليش غيرت قرارها بهل سرعه!!
كامت العلويه لباب من مكانها وتمشت لقدس تمسح على وجهه وتبوس بيها وقدس تبجي بهدوء
تقدمت لقدس احاول افهم الي بيها وشنو صار ماجانت ترد اشرتلي العلويه لباب ابتعد واخذتها وطلعت بيها لداخل المطبخ ماشيات للحديقه
دارت العلويه جهاد على البنات
_جهاد:: وين تلفوني؟
_خدلجه:: هذا عمه
اخذت خدلجه التلفون من الطاوله ونطته للعلويه جهاد طلعت العلويه جهاد وطلعت وراها اسراء
بقينا كاعدات ب الصاله وبالي كله عند قدس اريد
اروح يمها بس مانعاتني البنات لان العلويه لباب منعت وحده تجي وراهن
اندك باب الصاله كلنا عدلنا كعدتنا صاحت العلويه زهراء تفضل دخل غضنفر مدنك
_غضنفر:: السلام عليكم
ردينه علي السلام رفع راسه يباوع للعلويه زهراء مستغرب والحيره بوجهه هزت العلويه زهراء راسها ماعدها جواب طلعت العلويه جهاد من الغرفه من شافت غضنفر سلمت علي وهوا رد
باوعلها متتضر منها جواب
_غضنفر:: ها علويه شصار؟
اجت العلويه جهاد تحجي من شافتنا كلنا مركزات وياها هزت راسها واشرتله على المطبخ دنك غضنفر ومشه للمطبخ مشت العلويه جهاد واسراء والعلويه زهراء وراهم للمطبخ واحنا بقينه على كعدتنا
هزيت رجلي ماعرف شسوي ليش قدس طلبت تطلك معقوله غضنفر سمعها كلام او ضوجها؟ زين معقوله هيه ماتريده بعد؟ بس ليش هيه ب اخر فتره حيل تعلقت بغضنفر ليش هسه تغير كلشي!!
رفعت راسي على صيحه العلويه جهاد تمنع غضنفر يدخل للحديقه وكفنا اني والبنات ومشينه ب اتجاه المطبخ شفت العلويه جهاد واكفه كدام باب الحديقه مانعه غضنفر يدخل للحديقه
_جهاد:: غنضفر كتلك عوفها!!
_غضنفر:: خل احجي وياها
وكفن العلويات كدامه مانعاته يدخل وهوا مصر يريد يحجي ويا قدس مسح غضنفر على وجهه وركز ويا العلويه جهاد نضراته كلها حيره
_غضنفر:: جهاد خل احجي وياها
_جهاد:: امي عوفها خل ترتاح هسه هيه تعبانه
_غضنفر:: قابل انا اتعبها!!
دار يمسح على وجهه يسيطر على اعصابه
_جهاد:: مصره تريد الطلاك
دار غضنفر على جهاد مستغرب ضحك مافاهم شي
_غضنفر:: تريد تتطلك بدون سبب؟؟
_جهاد:: السبب منكك!!!
ضرب غضنفر على فخده بحده
_غضنفر:: مادريتتت راححح تاخذها بهل شكل!!
_جهاد:: كتلك غضنفر لاتحجي شي البنيه نفسيتها تعبانه رحت ركضت حطيتها السالفه كدامها اكيددد هيج رد فعلها
جر غضنفر نفس يهدء نفسه وهز راسه
_غضنفر:: ما طلك انا جهاد
_جهاد:: ماطلك بس خل نشوف حل لسالفتك
_غضنفر:: احجي وياها انتِ هيه تحبج وتحترمج كليلها مو قصده!
هزت العلويه جهاد راسها وغضنفر دنك مترخص يريد يطلع ابتعدنا اني والبنات سامحات اله يطلع
طلع من المطبخ واحنا دخلنه جرت العلويه جهاد حسره وكعدت على الكرسي تهز برجلها
تقدمت اسراء للعلويه بيدها كلاص ماي
_اسراء:: شنو راح تسوين
_جهاد:: شسوي كتله لاتحجي شي بس منو يسمع
_العلويه زهراء:- يايمه الولد مايدري هيج يصير
سكتت العلويه جهاد والكل سكت وياها اريد افهم شنو حجه غضنفر لقدس وهيج جانت رد فعلها؟!! ليش العلويه جهاد نبهته مايحجي!
بقينا كاعدين ب المطبخ واني بديت اضوج شنو اختي تبجي هناك واني كاعده هنا
توني اريد اكوم ادخل للحديقه ونفتح باب الحديقه
شفت العلويه لباب خاله ايدها على كتف قدس وتضحك وياها وقدس مبتسمه بس عيونها كلها حزن
باوعتلنا العلويه لباب ضربت قدس على كتفها بخفه تضحك
_العلويه لباب:: باعي كلها ضايجه لضوجتج
باوعتلنا قدس ودنكت ببدون ماتجاوب وكفت العلويه جهاد ومشت تطلع من المطبخ دارت على قدس واشرتلها تجي وراها مشت قدس ورا العلويه واحنا ضالات بس نصفن
"قدس"
مشيت ورا العلويه جهاد واني افرك بيدي دخلت للمصلا واني دخلت وراها جان فارغ بس اني وياها ب المصلا كعدت على كرسي الصلا واني كعدت ب الارض مدنكه
_جهاد:: قدس
بجيت بقهر من فكره الاشخاص المقربين الي ممكن يتاذون بسبب قربي الهم
_قدس:: بس اني ما اريد واحد يتاذى من سببي ادري ما راح يعوفهم دام اني موجوده
باوعتلي العلويه وهزت راسها بعدم رضا
_جهاد:: بنتي انتِ شعليج؟ ترا انت مو سبب انت
_قدس:: اخاف علويه صرت اخاف منه
_جهاد:: شوفي الانسان القوي والشجاع مايخاف الانسان المؤمن!!! يقوي نفسه ويحاول يطلع روحه من هل مستنقع بس انت مو قويه؟
باوعتلها عيوني مدمعات
_قدس:: اني مو قويه؟
_جهاد:: اي مو قويه لان لو قويه ماخليتي فكره الطلاق براسج بس لان غضنفر كلج لازم تتعالجين
_قدس:: بس اني مارادت اطلك لان غنضفر ك...
بعدني مامكمله وقاطعتني العلويه
_جهاد:: قدس غضنفر يحبج ويعزج اني احبج واعزج السيد والعلويات والبنات متعلمات عليج احنا هسه من نشوف اصرارج على الطلاق ماراح نكول قدس خايفه علينه راح نكول قدس ماحبتنا بيوم ولا ب لحظه حتى ب ابسط موقف قررت تطلق وتعوفنا.
مسحت دموعي وهزيت راسي ب لا
_قدس:: بس اني
_جهاد:: انتِ مو السبب بهذا الشي خلص السالفه صارت بعد انتِ عبالج ب الطلاق راح ينحل شي؟
_قدس:: اي حتى ماتتاذون
هزتلي راسها بنفي
_جهاد:: بنتي انت بطلاقج راح تخربين ماتعمرين اولا شي انت بعدج صغيره حتى تتطلقين؟ ثاني شي غضنفر يحبج راح تاذي كذالك وهواي سوالف انت لو تصيرين شجاعه وتحاربين لو
سكتت بدون ماتكمل عرفت لو اطلق وفعلا اخرب على نفسي وعلى المقابل
_جهاد:: قدس كلشي ينحل ماكو شي يضل مثل ماهوا حتى الشي الحلو يجي يوم يصير مر والمر يصير حلو وهاي الدنيا وهذا قانونها
وكفت العلويه وتربعت كدامي
_جهاد:: تدرين شنو؟
_قدس:: شنو
جرت حسره طالعه من اعماق كلبها وحجت
_جهاد:: وقت فقدت ابني عون الدنيا ظلمت بعيوني هواي انتِ من تباوعين تكولين عادي باجر العلويه ترجع تزوج وتخلف ثنين وعشره هذا جان كلام البعض الي بس ب الواقع اني ماجانت هاي فكرتي؟
صفنت ساكته ورجعت تكمل
_جهاد:: فعلا اني اكدر ارجع ابني حياتي مره ثانيه بس مرات من تتعودين على شي وتفقدي راح تظلين تشوفي بكل مكان اني رجعت بنيت حياتي مره ثانيه ووكفت على حيلي بس بعدني اتذكر الماضي لان اني ماطلعت من الماضي اصلا!
جنت مركزه بكلامها وهيه تحجي
_جهاد:: الانسان مرات شكد ماتمر ايام وهوا يحاول يطلع نفسه من الحفره الي طايح بيها راح يشوف نفسه بعد فتره سنوات بموقف حلو وناس حلوين واماكن حلوه يتذكر الي صار بي قبل سنواتت ويرجع يكأب نفسه
العبره من كلامي انتِ هسه شكد ماتحولين تبعدين نفسج ماراح تستافدين لان هذا الشي راح يبقى يلاحكج هسه لو تصيرين ذكيه وتحاولين تتعايشن وتعالجين نفسج من الي انتِ بي لو تشردين وتطلقين وماراح تستفادين شي غير الاذيه الج
مسحت دموعي بكف ايدي وصفنت بوجهه
_قدس:: شسوي لعد
_جهاد:: لاتسوين خلي كلشي عليه ويجيج الصافي
_قدس:: اخاف
_جهاد:: الشجاع مايخاف يخلي الخاف يخاف منه.
كامت العلويه من يمي باوعتلي واشرتلي ابقه كاعده بمكاني
_جهاد: كعدي راجعي كلشي بعقلج وصفي بالج تنحل وداعتج ماتضل هيج
مشت تطلع من الغرفه واني كاعده بمكاني جريت حسره اتذكر كل الي صار....
جنت كاعده ب الغرفه وحدي ارتب ب الغراض الي اشتريتهن وفرحانه بيهن حسيت الدنيا اخيرااً قررت تضحكلي بعد هاي السنوات كلها ب غضنفر ماعرف اوصفه بهل مده القصيره شفت اهتمام ماشفته قبل وشفتت حب ماخذته من احد
غنضفر انسان مختلف! حبه غريب واهتمامه غريب كذالك
كسر صفنتي صوت رنة التلفون عفت الملابس من ايدي وكمت اخذته الجهاز شفت المتصل غضنفر ابتسمت وفتحت الاتصال اضحك
_قدس:: توني افكر بيك
ضحك بقوه سمعت صوت خشن بصفه
_جزام:: سم الهل ضحكه
انكتم صوت الاتصال دقائق استغربت وين راح ورجع فتح الكتم تحمحم وحجه
_غضنفر:: شلونج بويه
بعدت التلفون عن اذني مبتسمه ماعرف الخجل منين اجاني من يكلي بويه احس روحي فراشه طايره مو قدس اروح لغير عالم رجعت خليت التلفون على اذني اسيطر على ابتسامتي
_قدس:: زينه وانت
_غضنفر:: الف الحمدلله بخير دام العزيز بخير انا بخير
_قدس:: احممم اي شتريد
_غضنفر:: كلامج يغرس ب الكلب غرس
_قدس:: اييي مو غير اعرف شتريد؟
سمعته جر حسره مبتعد عن التلفون استغربت حسرته معقوله كلامي ضوجه؟ بس اني محجيت شي جاي أسأله شنو يريد؟ سمعت صوته غضنفر يصيح والولد يصيحون ويا
_دلهب:: حطه ب السياره خل ادفنه
_فقار:: خاف يسجنوك
_دلهب:: عمي احنا اهل السجن
_جادح:: اي خطيه اهل السجن غير يخلون صلعته بزنزانه خاصه خاف الشعر يضوج المساجين
سمعت صوت طكه والولد صاحو وغضنفر فاطس ضحك وصوت السيد مفرقد يريدهم يسكتون اجاني صوت غضنفر يضحك
_غضنفر:: عزيزتي رايح انا من ارجع احاجيج
_قدس:: تمام بيباي
_غضنفر:: الله وياج
سد الاتصال استغربت شصار سمعت صوت جادح متوجع عفت التلفون على الميز ورجعت كعدت بمكاني ارتب ب الملابس صفنت متذكره حلم غريب حلمته من يومين!
"جنت نايمه بنص الكبر والبزونه السوده تفتر فوك الكبر وتباوعلي واني ملفوفه ب الجفن بس عيوني طالعه حسيت بشخص يحسبني من الكبر ويطلعني باوعت للخارج قبري الوحيد الموجود بهل مكان
ركزت من بعيد جانو مجموعه اشخاص يتقدون ب اتجاهي بسرعه من شفتهم ركضت خايفه منهم منضرهم جان مرعب ومخيف!! والكل يركض وراي وصلت لمكان ماكدر اركض منه شفت شخص كدامي لابس دشداشه سوده وشعره طويل يباوعلي من بعيد ويضحك تقرب مني وابتسم لحظات ونسحبت لداخل الارض" فزيت من الحلم مرعوبه بيومها من الخوف
رجعت للواقع مخنوكه من الحلم ليش هل كوابيس ماتقبل تعوفني!! كملت ترتيب الملابس كمت من مكاني طالعه من الغرفه
نزلت الدرج شفت البنات ملتمات حول العلويه لباب وهيه تسولف وياهن متونسه كعدت بصف شاهيناز باوعتلي وابتسمت اخذت ايدي بحضنها ورجعت مركزه ويا العلويه لباب رفعت قس ايدها تحجي ويا العلويه
_قس:: زين علويه سؤال؟
_العلويه لباب:: جواب يمه
_قس:: بس علويه لاتزعلين بس هوا سؤال يعني يدور براسي!
_العلويه لباب:: لايمه عليمن ازعل احجي
تربعت قس والكل مركز وياها باوعت قس للعلويه لباب وحجت
_قس:: ليش اني اتعب نفسي هسه ب العباده والصلاه واني اعرف وراي عمر طويل اكدر اتوب بي يعني عادي هسه خل اعيش حياتي وبعدين من اكبر اتوب واصلي واتعبد والله سبحانه تعالى غفور رحيم يعني اكيد راح يتوب علي
صفنت على سؤال قس والكل صفن وياها حسستني هيه من كفار قريش تريد تعيش حياتها هسه وبعدين اتوب وتحجيها بكل بساطه ابتسمت العلويه لباب على سؤالها
_العلويه لباب:: حق نفسك عليك ان تستعملها بطاعه الله عز وجل وحق الله عليك ان تعبده ولاتشرك به شيئا
سكتت العلويه اخذت كلاص الماي شربت ورجعت تكمل
_لباب:: الانسان بكل بساطه مايعرف يمتى يموت هسه اني اليوم خل اسوي ذنب معين ارجع اكرر الذنب باجر وعكبه فد اسبوع سبوعين شهر سنه سنتين اني هذا الذنب مستمره علي سنتين كعدت ويا روحي بيوم كلت باجر اتوب كافي بعد
بس ب اليوم الي اجيت اتوب بي اموت وتنهي محاولاتي ب التوبه وقتها راح تنسد البيبان كلها وماكدر بعد اتوب
جانت منة الله كاعده على القنفه باوعت للعلويه
_منة الله:: علويه سولفينه الروايه الي نزلت بيها ايه المباهله
_لباب:: الامام علي (ع) قال لما قدم وفد نجران الى النبي قدم فيهم ثلاثه من النصارى من كبارهم العاقب ومحسن والاسقف فجاءوا الى اليهود وهم في البيت فصاحوا بهم يا اخوه القرده والخنازير هذا الرجل بين ظهريكم قد اغلبكم انزلوا الينا فنزل اليهم منصور اليهودي وكعب من الاشرف اليهود فقالوا لهم احضروا غدا نمتحنه
وكان النبي اذا صلى الصبح سال ههينا من الممتحنه احد؟ فاذا وجد احد اجابه واذا لم يجد احد قرا على اصحابه ما انزل عليه
تلك الليله فلما صلى الصبح جلسوا بين يديه فقال له الاسقف يا ابا القاسم فداك موسى من ابوه
اجابه النبي عمران
الاسقف: فيوسف من ابوه
النبي: يعقوب
الاسقف: فانت من ابوك
النبي: عبد الله بن عبد المطلب
_الاسقف: فعيسى من ابوه؟
فسكت النبي فنزل جبرائيل فقال هو روح الله وكلمته ف اجاب النبي بهذا الجواب فقال الاسقف روح بلا جسد؟ فسكت النبي فاوحه الله اليه
(إِنَّ مَثَلَ عِيسَىٰ عِندَ ٱللَّهِ كَمَثَلِ ءَادَمَۖ خَلَقَهُۥ مِن تُرَابٖ ثُمَّ قَالَ لَهُۥ كُن فَيَكُونُ )
لباب: فوثب الاسقف وقال مانجد هذا في يامحمد في التوراه ولا في الانجيل ولا في الزبور ولانجد هذا الى عندك فاوحه الله (فَمَنۡ حَآجَّكَ فِيهِ مِنۢ بَعۡدِ مَا جَآءَكَ مِنَ ٱلۡعِلۡمِ فَقُلۡ تَعَالَوۡاْ نَدۡعُ أَبۡنَآءَنَا وَأَبۡنَآءَكُمۡ وَنِسَآءَنَا وَنِسَآءَكُمۡ وَأَنفُسَنَا وَأَنفُسَكُمۡ ثُمَّ نَبۡتَهِلۡ فَنَجۡعَل لَّعۡنَتَ ٱللَّهِ عَلَى ٱلۡكَٰذِبِينَ )
فقالوا انصفتنا يا ابا القاسم فمتى موعدك قال بالغداء ان شاء الله قال علي ابن ابي طالب فلما صلى النبي الصبح اخذ بيدي وجعلني بين يديه واخذ فاطمه فجعلها خلف ظهره واخذ الحسن والحسين عن يمينه وعن شماله ثم بارك لهم باركا فلما رأوه قد فعل ذلك ندموا وتامروا فيما بينهم قالوا والله انه لنبي ولان باهلنا ليستجيب الله له علينا فيهلكنا ولا ينجينا شيئا فاقبلو حتى جلسوا بين يديه قالوا يا ابا القاسم اقنا قال نعم قد اقلتكم اما الذي بعثني بالحق لوباهتكم ما ترك الله على ظهر الارض ناصرينا الا اهلك
جنا مركزات ويا كلام العلويه خلصت كلامها دارت عاتكه على العلويه لباب
_عاتكه:: علويه بعد سولفينه عن الامام علي
_لباب:: ممممم تعرفن ليش لقب الامام علي ب القضم؟
صحنا كلنا اي نعرف باوعتلنا قس صفحه ماعاجبها
_قس:: اني ماعرف علويه
_لباب:: الرسول كان بمكه محد يكدر يحجي ويا من الكبار بسبب موقف عبد المطلب محد يكدر من الكبار يحجي ويا الرسول ف ضلو ويزون ب الاطفال الصغار فاجنو الاطفال اذا شافو الرسول ياخذون حصو وصخر ويضربو وياذو ف النبي شكى للامام علي ف الامام علي (ع) كله يا رسول الله اذا خرجت بيوم فاخرجني معاك ف خرج النبي ومع الامام علي
ف من شافو الاطفال التمو على الرسول ب الحجار والتراب ف الامام علي صار يقضمهم ب وجوهم وانافهم واذانهم
ف الاطفال يرجعون الاهلهم يبكون ويصيحون قضمنا علي قضمنا علي فسمى ب القاضم
_قس:: بعد ايدي حيل وياهم
ضحكت العلويه لباب واحنا ضحكنا بدت العلويه تسولف وتروي واكثر كلامها عن الامام علي وصلت لروايه
_لباب:: الامام الباقر يقول رجع علي (ع) الى داره في وقت الغيظ فاذا امراه قاتمه تقول ان زوجي ظلمني واخافني واتعدى علي وحلف ليضربني فقال يا امتة الله ارجعي حتى يبرد النهار ثم اذهب معك ان شاء الله فقالت يشتد غضبه وحرده عليه فطأطأ راسه ثم رفعه وهو يقول لا الهالله او ياخذ المظلوم حقه غير متعتع اين منزلك فمضى الى بابه فوقف فقاعد السلام عليك فخرج شاب فخرج علي يا ابا عبد الله اتق الله فانك قد اخفتها واخرجتها فقال الفتى وما انت والله لاحرقنها لكلامك فقال امير المؤمنين أمرك بالمعروف وانهاك عن المنكر وتستقبلني بالمنكر وتنكر المعروف قال فاقبل الناس من الطرق يقولون السلام عليكم يا امير المؤمنين فسقط الرجل بين يديه وقال يا امير المؤمنين اقلني عشرتي فوالله لاكونن لها ارضا تطاني فاغمد سيفه فقال يا امه الله ادخلي منزلك
جانت العلويه تسولف والكل مركز وياها ماجانت تعوف نقطه ولاسؤال واني والبنات مندمجات وياها وعلى طريقه كلامها الحماسيه باوعت لساعه ورجعت باوعتلنا
_لباب:: يلا ولجن كومن شوفن بيش صارت الساعه
_قس:: لاااااا علويه وصلنه من الامام علي راد يكتل مرحبا
ضحكت العلويه لباب وهزت راسها
_لباب::ولج يمه مرحب مو مرحبا
_قس:: اي نفس الشي علويه
_لباب:: كومن خل نتجول ب البيت ونوب نكعد نكرز حب وب الحديقه شو ضوجه هنا
_قس:: وتكملينه قصه مرحبا
_لباب:: اي شلون اني احب هل روايه
كامت العلويه لباب والبنات كامن ورها اجيت اكوم وياهن دخلت ساره للصاله باوعتلي وضحكت
_ساره:: حبيبتي غضنفر يريدج برا
كمت من مكاني اعدل بربطتي وملابسي دخلت ساره للمطبخ واني طلعت للخارج شفت غضنفر صافن على معراج الي جان يحجي ب التلفون كلام مامفهوم بس واضح ايراني باوعلي غضنفر ابتسم واتقدم واكف بصفي على مسافه حجه معراج كلام بطريقه حماسيه انتفض غضنفر من مكانه
_غضنفر:: جذبببببب
باوعتله مستغربه همست بيني وبينه
_قدس:: شنو كال
بباوعلي ورفع اكتافه
_غضنفر:: والله بويه مادري بس مبين السالفه حاميه
رجع معراج تحمس. بالكلام وغضنفر ينتفض ويا
_غضنفر:: لا كولللل غيرهااا خوش زلمه جان
_قدس:: منو؟
_غضنفر:: مادري غير الصدك
ضحكت ساكته معراج مامنتبهه عليه وغضنفر واكف مكتف يباوع لمعراج ضحك معراج وسد الاتصال دار على غضنفر يضحك من شافني دنك بسرعه
_معراج:: السلام عليكم خويه
_قدس:: عليكم السلام سيد
_معراج: شلونج خويه ان شاءالله بخير
_قدس:: الحمدلله
_معراج:: يستاهل الحمد
باوع لغضنفر قدم غضنفر شفايفه وهز راسه
_غضنفر:: لاتنسى
_معراج:: ان شاءالله
ابتعدت عن طريقه من شفته يريد يدخل مشه مدنك ب اتجاه الباب دك الباب يتحمحم اجاه صوت العلويه زهراء تسمح اله يدخل دخل وهوا مدنك ضليت صافنه شكد مؤدبين الساده جبيرهم وصغيرهم حتى على الاقرباء مايحطون عينهم دوم غاضين البصر علويات وساده!!!!
الي يخليني استغرب الساده الكبار رغم عمرهم الكبير واحنا نعبتر بناتهم بس نادرا يخلون عيونهم بعيونه! تذكرت اولاد عمي والوضع بيناتنا بحيث ماتذكر بيوم لبسنه شال كدامهم؟ لو تسترنا او احترمنا الحرام بحجه متربين سوا؟
اشرلي غضنفر نمشي ب اتجاه الحديقه مشه ومشيت ورا باوعت لضهره من الخلف غضنفر يعتبر زوجي وحلال الي بينه ورغم هذا كله دوم حاط حاجز بينه ويحاول يحترم المسافه ومايتجاوز حده!!
دخلنه للحديقه من الجهه الخلفيه دار علي غضنفر اشرلي على المرجوحه صاير بنص الحديقه كعدت وكعد غضنفر بصفي على مسافه يهز ب المرجوحه برجليه
دار علي مبتسم ابتسمت ل ابتسامته
_غضنفر:: شلونها العزيزه
_قدس:: زينه
حجيتها وكسرت نضراتي عنه
_غضنفر:: قدس تدرين شكد عزيزه عندي انت رغم قصر المده بس المعزه جبيره صرت اعتبرج فرض واجب علي اقوم بي اذا ماسولف وياج ب اليوم احس يومي ناقص غاليتي انت
ابتسمت بفرح على كلامه تربعت على المرجوحه اسولف اله شنو مقرره اسولف وهوا متربع كدامي يسمعلي
بين كلامي واني احجي حجه غضنفر بشرود
_غضنفر:: قدس تحبين العلويه جهاد؟
باوعلته مستغربه هزيت راسي ب اي
_قدس:: احب العلويه جهاد احب شخصيتها هادئه وغامضه وقويه اشوف الكل يحترمها وياخذ بكلامها حتى الساده والعلويات الكبار يمشون ب القرار التحجي العلويه جهاد حكيمه تدري شنو؟
هز راسه
_غضنفر:: شنو!
_قدس:: العلويه جهاد تحجي قليلل بس الكلمات القليله الي تحجين تأثريهن جبير احسها ام للكل حتى السيد عبد الرؤف اتذكر مره اتصل على العلويه جهاد ياخذ رأيها بموضوع
كلش احب العلويه جهاد احسد الي مايعرفها
جنت احجي واوصف ب العلويه جهاد وصورتها وكلامها ببالي فعلا احسد الي مايعرف العلويه جهاد سكتت اباوع لغضنفر الي جان ساكت من خلصت عدل كعدته
_غضنفر:: زين تحبين العلويات حفيدات السيد
_قدس:: اي اكيد احبهن كلهن مقربات الي
_غضنفر:: زين تحبين خواتج واهلج!
ضحكت على كلامه ب استغراب
_قدس:: غضنفر اكو واحد مايحب اهله؟
_غضنفر:: اريد اعرف جوابج؟ تخافين على اهلج؟
_قدس:: اكيد احبهم واخاف عليهم
بلع ريكه ومسح على وجهه باوعلي متردد يحجي
_غضنفر:: زين اذا تأذو من سببج شنو راح تسوين
انتفضتت من مكاني مصدومه عكدت حواجبي معارضه كلامه
_قدس:: يتاذون من سببي!! ليش ممكن اكون السبب بأذيه الي احبهم
هز راسه معارض كلامي
_غضنفر:: لا بنتي مافهمتيني اقصد يعني لنفترض شخص تحبي تأذى بسببج شنو راح تسوين او رد فعلج شنو؟
_قدس:: ماعرف بس اكيد ماحب هذا الشي
_غضنفر:: زين مثلا مثلا العلويه جهاد بيوم تأذت من طرفج راح تحاولين تساعديها؟
_قدس:: اكيدد
هز راسه واخذ ايدي ب ايده
_غضنفر:: قدس تعرفين الكل حالياً جاي يشوف الي جنتي تشوفي
هزيت راسي مستغربه
_قدس:: شنو يشوفون
_غضنفر:: يشوفون كلشي حاليا الكل حياته بخطر دام انت موجوده يعني الخطر موجود
سحبت ايدي منه معصبه
_قدس:: شقصدك غضنفر!
_غضنفر::اقصد انت لازم تتعالجين لازم نبدي نعالج ونرقيج حتى نحافظ عليج وعلى الحولج ومايصير بيهم مثل ماصار بعاتكه
ابتسمت على كلامه بحزن
_قدس:: مو كتلك غضنفر كتلك يأذي الي احبهمم شفت هسه انت جاييي تحملني اذيه الباقين
كمت من المرجوحه ابجي وكف غضنفر بسرعه كدامي يحاول يبرر كلامه
_غضنفر:: بنتي مو هيج قصدي السبب مو منج بس
_قدس:: ششنوو السبب مو منج انت تكلي ضرج جاي ياذي الكل هذا كلامك!!!!
مسح على وجهه تايه حسيته ورط نفسه يريد يبرر بس مايعرف شلون مشيت مبتعده عنه دموعي تجري على خدي سمعت خطواته من خلفي يمشي بسرعه
_غضنفر:: اوكفي قدس جاي احجي وياج!
درت علي وصحت بوجهه
_قدس:: ماتحجي ويايييي خوشش كلشي بينه انتهى طلكني وهاي هيه حافظ على حياة التحبهم
عفته وكملت طريقي صرخت من لزم ايدي يوقفني باوعتله وعطت
_قدس:: لاتلزمنييي خوشش عوفيي خافف تتاذى بسببي
_غضنفر:: قدس ليش ماتفهميني الي اقصده اريدج تتعالجين لنفسج مو لغيرج
_قدس:: يعني اني مريضه هيج تشوفني لعد ليش ب المستشفى صرت حنين تكلي مابيججج شي مايهمني راضي اعيش وياج هااا!!!.
سكتت حاط ايده على راسه
_قدس:: عوفني غضنفر ماريدك بعد اصلا كلامك هذا دليل انت محملني حتى طيحه عاتكه
_غضنفر:: لااااا!!!!
_قدس:: اييييي
مشيت اطلع من باب الحديقه المتصل ب المطبخ وغضنفر يحاول يوكفني دخلت للمطبخ شفت جادح ومعراج واكفين يضحكون ب المطبخ من شافوني سكتو ودنكو مشيت لخارج المطبخ دخل غضنفر للمطبخ واني طلعت صعدت للغرفه
دموعي ماوكفن ماخليت وحده من البنات تشوفني
معقوله صدك اني سبب ب اذيه غيري؟ زين بس اني مالي ذنب اني هم متاذيه... بقيت اليوم كله كاعده ب الغرفه شكد حاول غضنفر يحجي وياي ماريدت حتى حضرته من التلفون ماريد اسمع صوته كلامه حسسني ب الحقاره
تكلبت على الفراش مامتحمله احس كلبي يحركني كل ماتذكر كلامه زين معقوله صدك ممكن يتاذون اكثر لو ضليت محاوطتهم
ماتحملت اكثر لبست الربطه وطلعت من الغرفه نزلت الدرج شفت الكل متجمع ب الصاله كدام العلويه لباب
_قدس:: السيد وين؟
_قس:: شبيج قدس ليش عيونج حمر
_قدس:: كلت السيد وين!!!!!!!
صرخت وعيوني دمعن ماتحملت اكثر والبنات مستغربات مني طلعت العلويه جهاد من الغرفه مستغربه
_جهاد:: شبيج قدس ماما؟
وكفت كدام العلويه مسحت دموعي احاول اقوي نفسي
_قدس:: علويه اني ماريد غضنفر
_جهاد:: شنو ماتردين غضنفر يعني؟
بلعت ريكي وحجيت
_قدس:: اريد اطلك ماريده اني ماريد غضنفر بعد اريد اطلك منه!!!!!!
كلامي جان صدمه ب النسبه للكل حاولت العلويه جهاد بس اني جنت مصره على كلامي وقراري كلام غضنفر يدور براسي
كامت العلويه لباب من مكانها مبعدتني عن الكل تمشت للحديقه تمسح بدموعي واني اشهك كعدتني على المرجوحه
_لباب:: ولج يمه كافي عيونج راحن
_قدس:: ماريده علويه
_لباب:: ماتردينه هاي هيه بس ليش غير اكو سبب؟
_قدس:: بطلت احبه
ضحكت العلويه لباب باوعتلها مقوسه حلكي
_لباب:: يمه ماكو ماتحبي كليلي شسوه اني اكلج يستاهل وقتها
جريت حسره اخاف احجيلها وهم تحملني ذنب خلت ايدها على ايدي وهزتلي راسها احجي
حجيت الها كل الي صار من طيحه القبر لكلام غضنفر وقراري ب الطلاق جانت تسمعني وهيه عاكده حواجبها
_لباب؛؛ والطلاق حل؟
_قدس:: لعد شلون ابعد الاذه عن الي احبهم
_لباب:؛ غضنفر ماعرف يوصلج الكلام بطريقه افضل المقصد انت لازم تتعالجين لنفسج مو لغيرج يعني الاذيه راجعه الج اول وتالي ممكن يلوح البعض شرار شوي بس تبقى الاذيه كلها الج ولاتنسين غضنفر يحبج ويعزج ليش تتوقعين يحملج الاذيه
بقيت صافنه على كلامها وهيه تحاول تبرر موقف غضنفر واني اهز راسي بس طلعنه من الحديقه تحت انضار الكل بيومها ماتقربت من احد كلام غضنفر يدور براسي ماكدر انسى!!
نزلت من الغرفه شفت الكل ملتم ب المصلا وغضنفر كاعد على كرسي المصلا من دخلت دار يباوعلي نضراته حزن باوعلي السيد وضحك
_عبد الرؤف:: تعاي بنتي قدوسه
تمشيت لسيد مدنك كعدت قريب السيد على مسافه والساده كلهم ملتمين يسولفون جذب انتباهي كلامهم من ذكرو السيد...... "!
انصدمت من عرفت الساده تربطهم علاقه ب السيد
والي زاد صدمتي من شفت صوره الساده متعلكه ب الحايط والسيد...... بنصهم وسيد ثاني كاعد قريب والساده عبد الؤوف والمعز ومقتدر واكفين قريب منهم واضح عمرهم جانو اصغر شكلهم هيبه وحضوري
التفتت اباوع لغضنفر جان يباوعلي بهدوء ساكت ماخليت عيني بعينه وبقيت مندمجه ويا الساده
بيومها استوعبت انو ملازم احمل نفسي ذنب واذيه الكل واحاول اتعايش ويا الوضع واعالج نفسي بس مستحيل انسى كلام غضنفر!!!
"عاتكه"
"الماضي"
في اليوم السادس من وفاه عون بعد مرور ست ايام ولهذا اليوم كلنا نتصرف طبيعي احيانا ننهار؟
ممكن بسبب الصدمه محد مستوعب مره نتعايش ويا الموضوع ومره ننهار ب البكاء من نشوف ظلمه البيت وفراغه من عون
جانت عمتي كاعده كدامنا صافنه على الحديقه من باب المطبخ
_جهاد:: شتاقيت العون
توجهت النضرات كلها العمتي الي بقت على كعدتها عيونها على الحديقه
_جهاد:: مر جم يوم اصيحه مايجابوني
حجتها وبجت عافت العلويه البيدها وكامت تمشت كعدت بصف عمتي دارت عمتي على العلويه عيونها حمر من الدموع
_جهاد:: يمه ابني
بجت عمتي جرت العلويه زهراء راس عمتي تبجي وياها نامت عمتي بحضن العلويه تشكيلها
_جهاد:: يمه صوته مايروح من بالي اسمعه ب المصلا ب الغرفه ب الصاله من اصيحه مايجاوبني
مسحت العلويه على راس عمتي تبجي بهدوء واني وشاهيناز ومهجان نبجي ويا عمتي والعلويه
_جهاد:: مختنكه يمه
_العلويه زهراء:: يا بعد امج اسم الله عليج من الخنكه
كامت عمتي من حضن العلويه تنزع بربطتها شفت شعر عمتي ودنكت مقهوره تذكرت من عمتي كصت شعرها جان طوله لنص ضهرها رجعت باوعت لعمتي شعرها لكتافها
شمرت عمتي الربطه قريب عليه تتنفس بسرعه
_جهاد:: النفس ضاك بصدري يمه
مسحت دموعي واني اشوف لوعه عمتي واذيتها متلوعه مثل الحمامه المذبوحه وتبجي
والعلويه ساكته بس دموعها تطيح ماتعرف شتسوي حتى الكلام صار ماله فايده من تشوف الكدامك متاذي ومحروك وكلامك مايطفي ابد تفضل السكوت
طلعت عمتي من المطبخ واحنا رجعنا نكمل بس محد سكتت كلنا نبجي بوجع وقهر كلنا متأذيات وموجوعات
نمت بغرفه العلويه جانت عمتي نايمه والعلويه واني وشاهيناز ومهجان وحميده
فزيت بليل على صوت عمتي تبجي بوجع
حجت عمتي بغصه
_جهاد:- "دللول دللول ي عون دللول ×2
" نام نام يايمه الولد"×2
"افزن شايطه واتذكر امناغاك واذكر سهر ليلي الي كضيته وياك"
"حاربي زماني وليش ماخالاك ياسهم الغدر دم النحر راوك"
"يامدلول يامدلول سهم نحرك يمدلول" ×2
"نام نام يايمه الولد"
جرت عمتي حسره وبجت بقهر بجيت جوا البطانيه دموعي تصب اسمع اذيه عمتي وقهرها تحجي بصوت خافت ماتريد تسمعه ويا كل كلمه تحجيها تبجي وتصيح يمه عون كملت عمتي بحركه
_جهاد:- "كبالي ومددت يمه الولد رجليك لامجروح وامك تكعد اداويك"
"اداويك اداويك اشد جرحك واداويك"
"در صدري بمحنه ولهفه ناديتك ردتك ترضع بصدري وترجيتك"
"عدل يبني وتحاجيني تمنيتك"
"ماصدكت ميت لمن هزيتك"
"بلا روح بلا روح الولد نايم بلا روح"
سكتت عمتي تكح بقوه صوتها رايح من البجي
_جهاد:: يمه عون تروح ماتودع امك هيج تهون عليك دموع امك
كوا كتمت صوت بجيتي ماريد اخليها تسمعني اريدها تشمر كل الي بكلبها
_جهاد:: هيج وقت انت نايم بحضني واني مغطيتك تذكر مو؟ انوب من تكعد تبوسني بخدي وتكلي ماما
بجت بقهر
_جهاد:: عون مابيه والله تعالي يمه خل انام عيوني ماتغمض بدون شوفتك
سكتت عمتي شوي ورجعت سمعت صوتها
_جهاد:: "انوحن وشيصبر الراح غايبها" ×2
"علي دنياي ملتمه مصايبها"×2
"هيج امك غريبه بكربلا تذبها"
"ساكت ليش يبني ماتجاوبها "
"احاجيك احاجيك دجاوبني من احاجيك"
بجت عمتي
_جهاد:: ماتجاوب امك عون سوده بوجه الحرمني منك وخلاني ملوعه هل لوعه
سكتت عمتي ومارجعت سمعت صوتها بعد بس صوت شهكتها تنسمع عصرني كلبي بوجع مامتحمله كميه الوجع الاجتني بهل لحظه بلاعيمي تريد تنشلع من البجي بكل مره اتذكر عون اتأذى من اتذكر لوعه عمتي وحركتها اتوجع اكثر
نمت وقتها دموعي مانشفت من خدي
كعدت اليوم الثاني البيت مخبوص ب النساء اليوم السابع يعني مرت سبع ايام البيت بدون عون؟
هذا السبوع كله ماتذكر التقيت ب السيد وخواني الساده الى نادراً بس السيد ابد ما لمحته
البنات كلهن متوزعات ب البيت الي تساعد ب الطبخ والي تنظف
جنا منتضرين الملايه تجي حتى نبدي ب العزاء دخلت للمطبخ شفت العلويه واكفه ب المطبخ امي ونسوان عمامي وعلويات السيد معتز ومقتدر موجودات يساعدنا
شفت العلويه زهراء واكفه بتعب عيونها مطفيه جانت تعز عون وتحبه بطريقه مختلفه عن الكل حفيدها الصغير وعزيزها ممكن عون خله ب العلويه اثر كبير
جان دوم يتودد الها ويبوس بيها
وهيه دوم تتلهف العون
اجت الملايه وبدت النساء تتجهمر ب الصاله والمصلا واحنا ماكعدنا
كلنا نساعد ونرتب طلعت من المطبخ بيدي صينيه الماي
شفت العلويات كاعدات ب الصاله كدام الملايه وهيه تقره وعمتي بنصهن بس دموعها تطيح
كعدت قريب المطبخ اتسمع للملايه وابجي ويا النساء
معقوله الكل اليوم لابس اسود ومتجمع يبجي لعون؟ يعني هاي هيه عون مايرجع بعد! رراح عون راح قره عين الساده
وكفت الملايه والكل وكف وياها يلطم الكل جان يلطم بحركه واذيه وعمتي بنص النسوان تلطم على صدرها بقوه وادور حول نفسها وتصرخ
مستحيل انسى شوغه عمتي على عون مستحيل انسى تلي فقدانه بسبب النفوس الضعيفه
طفل؟ ينقتل بدون سبب جريمه تهتز الها عروش الرحمان خلصت القرايه والكل
رجع لبيتهم
بليل طلعت من الغرفه شفت عمتي واكفه كدام باب المصلا عيونها مصدومه وايديها ترجف تقربت من عمتي بخوف اسمع صوت همام طليق عمتي والسيد يحجون من المصلا من بين كلامهم ضليت مصدومه واني اسمع همام
_همام:: قبر عون لحد هاي الساعه بس جسد بدون راس
انصدمت ناسيه كلشي!! صح وقتها عون انقتل مذبوح بس راسه معقوله لهاي الساعه عون مالكو راسه سمعت صوت بجي السيد وصوته مبوحوح
_السيد عبد الرؤف:: اي عون ماله راس
رجعت عمتي للخلف دايخه توني الزمها وطاحت من طولها للارض بقوه ماكدرت اصرخ لان همام موجود ماردته يسمع صوتي بنفس الحظه دخل ايليا للصاله
من شاف عمتي طايحه ب الارض ركض عليها واني ابجي
دخلت لغرفه العلويه شفتها كاعده تقره قران رفعت راسها من القران مستغربه هزتلي براسها بشنو
_عاتكه:: عمتي علويه عمه طاحت
استغفرت العلويه وسدت القران رجعت طلعت من الغرفه شفت ايليا معدل كعده عمتي ويحاول يصحيها طلعت العلويه والكل التم على عمتي وهيه فاقده
يحاولون يصحوها صاح فقار ناخذها للمستشفى والبنات ركضن يجيبن عباه عمتي
واني واكفه ابجي انفتح باب المصلا وطلع السيد مستغرب من شاف عمتي طايحه انتفض يركض على عمتي
اخذو عمتي للمستشفى واحنا ب الصاله خايفات على عمتي عضيت صبعي متذكره الي سمعته عمتي شنو رد فعلها من تذكر كلام همام والسيد
عمتي وقت دفنه عون ما راحت لدفنه لان جان مغمى عليها والساده منعو
مره وحده عمتي زارت قبر عون وتخربطت على القبر
بيومها الكل جان منتضر رجعه عمتي والساده والعلويه تبجي على عمتي واذيتها تعرف صعبه عمتي تتحمل كل هذا مره وحده.... نفتح باب الصاله ودخلو الولد وعمتي بنصهم سانديها والسيد حالته ماتتوصف
دخلو الساده عمتي للغرفه والسيد دخل للمصلا دخلنا اني والبنات للغرفه شفنا عمتي صافنه بتعب باوعت عمتي للعلويه
_جهاد:: جنتي تدرين يمه؟
استغربت العلويه كلام عمتي
_العلويه زهراء:: شنو ادري؟
_جهاد:: تدرين ابوي ساد قضيه عون !!!!
انصدمنا كلنا بكلام عمتي السيد سد قضيه عون!!!!
_جهاد:: تردون تضمون القاتلللللللل قاتل ابني تردون تضمو
_العلويه زهراء:؛ جهاد صوتج
دارت العلويه علينه واشرت النا نطلع صرنا اني والبنات وحده صافنه بوجه الثانيه طلعنه من الغرفه وبقت العلويه وعمتي وحدهن ب الغرفه
كعدت ب الصاله صافنه ليش السيد سد قضيه عون!شلون راح نعرف القاتل دام عمتي ماتعرف القاتل منو شلون راح نتوصل للقتلو عون!!
كمز الكل من سمع صوت التكسر والصراخ جاي من الغرفه دخلو الولد للغرفه والسيد طلع من المصلا الكل ركض للغرفه شفنا عمتي طايحه ب الارض تبجي بحركه وصريخ والعلويه كاعده كدامها تبجي لبجيها
دارت عمتي على السيد من شافته حجت بشهكه
_جهاد:: تضم قاتل ابني سيد؟
دنك السيد راسه بدون جواب وعمتي صافنه علي هزت عمتي راسها ومسحت دموعها دكت على الارض ب ايدها بقوه
_جهاد:: ابني دمه مايضيع وداعت ذيج لوعته ب الذبح اذا ماخلي القتله يبجييي دم على عمره اني مو علويه ساده.........!!!!!
"شاهيناز"
ببعد الي صار ويا قدس وغضنفر واصرار قدس على الطلاق الكل جان خايف لا فعلا يصير الطلاق
السيد من سمع مارضى على قرار قدس وكعد هوا والساده يحجون وياها
محد جان يعرف السبب وشنو الي دفع قدس للهذا القرار طلعت من الغرفه اني وقس نازلات للمطبخ البنات جانن كاعدات ب الصاله دخلنه للمطبخ شفنا باب الحديقه مفتوح
مشينه للحديقه نسولف
توها قس تسولفلي مغامره من مغامراتها لبيع اولاد اخوانها ومانسمع غير همسات قريبه علينه صرنا وحده تباوع بوجه الثاني
_شاهيناز: سمعتي
_قس:'جسمي يبس ماكدر اتحرك
كمت من مكاني رجلي يتراكصن من الخوف اجت قس وراي اطفر تونا نطلع من الحديقه وجان نسمع
صوت غضنفر يحجي ويا قدس تشنجنا بصف الباب
_غضنفر:: قدوسه بابا كافي والله مو قصدي
صارت عيونه اني وقس على قدس الي جانت كاعده على الكرسي كدام الطاوله تشرب جاي وغضنفر واكف كدامها يحجي وهيا صافنه على الكلاص
_غضنفر:: عزيزتي يهون عليج من البارحه لليوم ضال افتر وراج حتى ترضين
_قدس:: ماكتلك افتر وراي اني مو كتلك طلكني انت ليش ماطلك؟
حصرتني الضحكه على كلامها بس ماردت اضحك استحيت يسمعون لو يحسون بيه
_غضنفر:: لا بويه شلون يهون عليه اطلكج غير عزيزه عندي انت مو كتلج احنا الساده حتى حبنا غير
دنكت مستحيه استغفر ويا روحي هسه اني شجابني هنا درت على قس شفتها كالبه وجهها ماعجبها
_قدس:: لاعيني لاحبكم غير ولا غيرها اني ماريد بعد طابت النفس
_غضنفر:: شنو جانت مريضه وطابت
خليت ايدي على حلكي كاتمه ضحكتي باوعتله قدس ماعاجبها
_قدس:: خليك جدي شوي
_غضنفر:: وعيونج اصير جدج وعمج
طفرت قدس من مكانها مزعوجه
_قدس:: شبيج جاي احجي وياك رد عدل غضنفر!!
_غضنفر:: بعد روحه لغضنفر يعني شكلج تكليلي طلكني اكلج يلا امشي جيبي الجنسيه خل نتطلك؟
هزت قدس ايدها ماراضيه
_قدس:: زين الله فضحك ونكشفت
_غضنفر:: ليش نفضحت شنو شفتي صوري على الفيس مصلخ
خليت ايدي على راسي ودي اتمدد ب الكاع من الضحك هيه تحجي بجديه وغضنفر لا باوعت لقس تضحك بدون صوت صارت عينه بعين بعض ضحكنا مانريد صوتنا يطلع دفعتني قس بدفعتها رجعت على الباب بقوه هيه دفعه وهيه صرخه من قدس
_قدس:: جنييييييي
من سمعناها اني وقس طفرنا نصرخ جانت قدس واكفه ورا غضنفر تبجي وهوا يهدي بيها من طلعنه من المطبخ وشافو ركضتنا ثنينهم طفرو بحيث قدس طلعت من المطبخ تصرخ واحنا نركض وراها نصرخ
دفعنا باب المطبخ داخلين للصاله جاننن البنات كلهن ملتمات ب الصاله من شافونا نصرخ صار صريخهن بفلس
بحيث خدلجه جرت منة الله من رجليها تركض بيها
وكلها تصرخ جني اني وقس مانعرف الجني وين الصراحه بس من سمعنا قدس صرخت خفنا لا جان موجود ويانا يتسمع
جانت قدس تركض من عدنا واحنا نركض عليها والبنات يركضن من عدنا انفتح باب المصلا وطلعو الساده كلهم مصدومين طلع غضنفر من المطبخ يلطم يحاول يهدء بينه واحنا ماكو وحده تركض من الثانيه
طلع السيد من المصلا مصدوم
_عبد الرؤوف:: شصاير!!
وكفن البنات قريبات على السيد وقدس تباوعلنه وتبجي
_قدس:: جني هذن سيد جني
صرنا اني وقس وحده تباوع لثانيه مصدومات
_قس:: نجبي منو جني
وكف غضنفر يضحك يريد يحجي مايكدر كل مايجي يحجي يضحك
_معراج:: هذا شبي
سكر غضنفر من الضحك يباوع لقدس الي ترجف من الخوف
_غضنفر:: ولج بابا مو جن هذن
_قدس:: شلوننن طلعن من الحديقه يركضن علينه؟!
دنكنا اني وقس انوب شنكول جنه نتسمع الكم
_خدلجه:: البنات من مساع كعدن ب الحديقه
باوعتلنا قدس مصدومه مسحت دموعها
_قدس:: لعد ليش ركضتن
_قس:: مو هاي شسمه ال ال شنو شاهيناز
_شاهيناز:: الصرصرررر طفر علينهه واحنا ركضنا من شفناكم تركضون ركضنا وراكم
هزت عمتي ايدها ضايجه
_جهاد:: محمود مشكور اللهي
محد جان مستوعب الي صار غضنفر فاطس ضحك حتى الساده رزلو وهوا ماكو مايكدر يسكت وقدس ترجف من الخوف عمي حقها اني عبالي الجني اجه يركض ورانا وطلعنا نتراكض
اطشر الكل والساده رجعو للمصلا واحنا كعدنا ب الصاله مبتسمات لقدس الي ضلت تخزر بينه اجت العلويه لباب بيدها ابن رشا وصلاح حفيد السيد معز صلاح يصير ابن السيد معز الوسطاني من العلويه شيماء جادح وغضنفر وغل اولاد السيد معز من زوجته الثانيه رنا الي عايشه ببغداد وعند السيد بعد اولاد ومنهم محسن
كعدت العلويه لباب بيدها "محمد " السيد الصغير خلته بحضنها وكعدت تناغي والطفل صغير بس يهز براسه كلنا ابتسمنه لشكله حتى قدس ضلت تباوعله فرحانه بي باوعت العلويه لباب لقدس تضحك
_لباب:: ان شاءالله قدوسه تجيبلنه واحد نفس محمد
دنكت قدس مستحيه تفرك بيدها
_قدس:: بعدنا مخطوبين علويه بعد وكت
_لباب:: يا يمه ان شاءالله من تزوجون الله يترس حضنكم
بقت قدس مدنكه تاكل بشفايفها محد جان يدري هاي الدعوه كافله تغير حياة قدس للسوء وتكون السبب بدمارها بيوم من الايام باوعت العلويه لباب للبنات وصاحت بيهن
_لباب:: كومن جيبنا كرزات خل نكرز حتى اسولفجن يلا يلا
كامن البنات للمطبخ واحنا التمينه على العلويه دار على قس
_لباب:: مرحبا
_قس:: مراحب ورده
_ملاك:: شنو جاي تتراسلن
ضحكت العلويه لباب
_لباب:: ولج يمه قصدي مرحب بس قس دكول مرحبا عود اسولفجن الروايه
_قس:: هاااا واني عبالي جاي تتعرفين
بقينه نضحك والعلويه لباب مرحه بشكل وحبابه بحيث ماقيدتنا ب الكلام وماخذتنا على ماينا جابن البنات الكرزات والتمن حول العلويه
_لباب:: اي نكمل روايه
لما قدم رسول الله من الحديبه مكثت بها 20 ليله ثم خرج منها غازيا الى خيبر
خيبر اسم منطقه تبعد عن المدينه المنوره ساعات وهي عباره عن حصون وقلاع محصنه كانت اليهود تسكنها فلما وصل النبي الى خيبر واستعد للقتال والصطف العسكران اخرج النبي رجل من المسلمين اسمه عامر ابن الاكوع يبارز رجل من اليهود اليهود اسمه مرحب خرج مرحب يقول
"قد علمت خيبر اني مرحب."
"شاكي السلاح بطل مجرب"
جاوبه عمر قائل
"قد علمت خيبر اني عامر"
"شاكي السلاح بطل مغامر"
تتضاربا بالسيف فوقع سيف عامر على ركبته فمات منه حاصر النبي تلك الحصون 25 يوم ثم اعطى رايته ابا بكر وقيل اعطى الرايه الى عمر بن الخطاب اول فنهض ونهض معه المسلمين.........!
لما علم النبي ذلك قال لاعطي الرايه غدا الى رجل يحب الله ورسوله ويحبه الله ورسوله كرار غير فرار لا يرجع حتى يفتح الله على يديه
فبات الناس يتفكرون حول الرجل الموصوف بهذه الصفات المقصود بكلام رسول الله وكان علي غائبا في تلك الغزوه فما كان الناس يحسبونه المقصود بكلام النبي حتى قال بعضهم اما علي واما علي فقد اكتفيتوه فانه ارمد لا يبصر موضع قدمه بل كان كل منهم يرجو ان يعطي الرايه واصبح الصباح وخرج رسول الله بالرايه واقبل الناس الى النبي ليعرفوا الرجل الذي يستحق ان يكون ان يكون حاملا لرايه الاسلام وفاتحا لحصون اليهود فقال النبي اين علي ابن ابي طالب فقيل يشتكي عينه فقال ارسلوا اليه فجأؤ به على بخله وعينه معصومه بخرقه فاخذ سلمه ابن الاكوع بيده واتى به الى النبي فقال النبي ما تشتكي يا علي قال رمد ما ابصر معه وصداع براسي فقال النبي اجلس وضع راسك على فخذي ففعل علي ذلك فدعا له النبي وتفل في يده فمسح بها عينه وراسه فتحت عيناه وسكن ما كان يجده من الصداع وقال النبي اللهم فه الحر والبرد واعطاه الرايه وكانت بيضاء فقال له خذ الرايه وامضي بها فجبرائيل معك والنصر امامك والرعب مبسوس في صدور القوم واعلم يا علي انهم يجدون في كتابهم ان الذي يدمر عليهم اسمه (ايليا) فاذا لقيتهم فقل انا علي فانهم يخلون ان شاء الله فاقبل علي ب الرايه يهارول بها ولحقه الناس فركز رمحه قريبا من الحصن واشرف عليه حبر ابن الاحبار فقال من انت فقال انا علي ابن ابي طالب فقال اليهودي قلبتم غلبتم وما انزل على موسى اي غلبتم قسم بالتوره على موسى فخرج اليه مرحب في عامه اليهود
قال مرحب
قد علمت خيبر اني مرحب"
شات السلاحي بطل المجرب "
اطعن احيانا واحيانا اضرب "
فقال علي
" انا الذي سمتني امي حيدر"
" ضرغام اجاما وليث قسورة"
" على الاعادي مثل ريح صرصره"
" اكلكم بالسيف كيل السندره"
" اضرب بالسيف رقاب الكفره "
فلما سمع مرحب منه ذلك هرب ولم يقف خوف مما حذرته منه مرضعته فتمثل له ابليس في صوره حبر من الاحبار اليهود فقال له الى اين يا مرحب؟ فقال قد تسمى علي هذا القرن بحيدره فقال له ابليس فمن حيدره؟ قال مرحب ان فلانه مرضعتي كانت تحذرني من مبارزه رجل اسمه حيدره وتقول انه قاتلك فقال ابليس شوها لك لو لم يكن حيدر الا هذا وحده لما كان مثلك يرجع عن مثله تاخذ بقول النساء وهن يخطأن اكثر من مما يصيبن وحيدره في الدنيا كثير فارجع فلعلك تقتله فان قتلته سددت قومك وانا في ظهرك استرسخ اليهود لك فرجع مرحب الى قتال علي فدعاهم علي الى الاسلام او الجزيه او الحرب فاختار الحرب فضربه الامام بسيف على راسه ضربه قطعت الحجر والمغفره وراسه حتى وقع السيف في اضراسه فخل ساقط
وحمل علي على الجيش اليهود فانهزموا ودخلوا الى الحصن وسدوا بابه وكان الباب حجرا منقور في صخر فالباب من حجر في ذلك الصخر المنقور كان حجرا رخي وفي وسطه ثقب لطيف رمى علي
رمى علي القوس من يده اليسرى ووضع يده اليسرى في ذلك الثقب الذي في وسط الحجر وكان السيف بيده اليمنى ثم جذبه اليه فانهار الصخر المنقور وصاب الباب في يده اليسرى فحملت عليه اليهود فجعل عليه الباب ترسا لهم وحمل عليهم فانهزموا فرمى الحجر من يده اليسرى فمر الحجر على رؤوس الناس من المسلمين الى ان وقع في اخر العسكر حتى حسان بث ثابت وقتها استاذن الرسول حتى يقول شعر
بجه حسن ب ايد العلويه لباب باسته من خده وهزت رجلليها يسكت
_خدلجه::علويه اني احب روايه الامام علي والخاتم
_لباب::اي حلوه هاي الروايه
عن الامام الباقر في قوله عز وجل (إِنَّمَا وَلِيُّكُمُ ٱللَّهُ وَرَسُولُهُۥ وَٱلَّذِينَ ءَامَنُواْ ٱلَّذِينَ يُقِيمُونَ ٱلصَّلَوٰةَ وَيُؤۡتُونَ ٱلزَّكَوٰةَ وَهُمۡ رَٰكِعُونَ )
ان رهطا من اليهود اسلموا منهم عبد الله بن سلام واسد وثعلبه وابن صوريا فاتوا النبي فقالوا يا نبي الله ان موسى اوصى الى يوشع بالنون فمن وصيك يا رسول الله ومن ولينا بعدك فنزلت الايه (إِنَّمَا وَلِيُّكُمُ ٱللَّهُ وَرَسُولُهُۥ وَٱلَّذِينَ ءَامَنُواْ ٱلَّذِينَ يُقِيمُونَ ٱلصَّلَوٰةَ وَيُؤۡتُونَ ٱلزَّكَوٰةَ وَهُمۡ رَٰكِعُونَ )
ثم قال رسول الله قوموا فقاموا فاتوا المسجد فاذا سألو خارج فقال يا سائل اما اعطاك احد شيء قال نعم هذا الخاتم قال من اعطاك قال اعطاني اياه ذلك الرجل الذي يصلي قال على اي حال اعطاك قال كان راكعا فكبر النبي وكبر اهل المسجد فقال النبي علي ابن ابي طالب وليكم بعدي قالوا رضينا بالله رباً وبالاسلام دينا وبمحمد نبياً وبعلي بن ابي طالب ولياً
_لباب:: ونزلت اكثر روايه عن هذا الموضوع
خلصت العلويه لباب كلامها وبدت بروايات ثانيه واحنت كدامها نسمع روايات سامعاتها بس نستمتع من نرجع نسمعها مره ثانيه
سولفت قصص الانبياء وقصص اهل البيت والامام علي كلشي جانت تسولف وتنصحنى ب الكتب الي قرتهن من جانت صغيره
باوعت العلويه لمحمد شافته نايم اشرتلنا نسكت خاف يكعد
_لباب:: يلا كومن باجر نكمل
ترخصنه من العلويات صعدنا للغرفه حتى انام كلها تمددت بمكانها بسرعه غفينا ماخذتنا النومه
مافزينه غير على صوت دكه الباب بقوه رفعت راسي من المخده شفت عمتي كامت من الفراش تفتح الباب
فتحت عمتي الباب صارت رشا كدامها ابتسمت العمتي خاله ايدها جوا بطنها متوجعه
_جهاد:: ها رشا شسوين صاعده مو تعبانه انتِ؟
_رشا:: اي والله تعبانه كوا صعدت بس اجيت اخذ محمد
باوعتلها عمتي مستغربه
_جهاد:: محمد؟ ليش وينه
_رشا:: شنو وينه مو يمجن؟
دارت عمتي تباوعلنه البنات كلهن رفعن روسهن مستغربات محمد ماموجود يمنا اخر شي اخذته امه من حضن العلويه من نام
_جهاد:: لا مو هنا
_رشا:: لا علويه فدوه شنو مو هنا
دخلت رشا للغرفه مفزوعه و الخوف بعيونها تدور على ابنها بنيه كمت من مكاني اباوعلها جانت خايفه طلعت من الغرفه تركض جرت عمتي ربطتها وطلعت تلبسها كامت اسراء واني والبنات وراهن شفت البنات كلهن موجودات ب الغرفه عدا وحده بس!!!!!
طلعنه من الغرفه البيت نكلب كله يدور على محمد صغير منو اخذه!! عمره كم يوم فقط وين راح!! جانت رشا تبجي منهاره والباقين خايفين على محمد ويدورون بخوف ماعرف ليش لزمني كلبي من اختفاء محمد
ركض غضنفر للحديقه وعمتي ورا واحنا كاعدات ب الصاله صافنات عليهم بخوف سمعنا صوت صريخ جاي من الحديقه كلها طفرت تركض للحديقه
مشينه اني والبنات وراهم للحديقه وكفنا ب المطبخ قريب باب الحديقه صفنت على باب الحديقه
انصدمت مرعوبه بفزع واني اشوف قدس واكفه ب الحديقه سابح ب الدم والي زاد الصدمه مصدر الدم !!!!!!
""
اريد الكل يتابع الحساب من ينشر البارت الجديد اريد ندخل رقم جديد لان حرامات يعني متابعين الحساب والمشاهدين بينهم مقارنه جبيره؟
المهم شنو تتوقعون شافو ب الحديقه؟
انستا
شكرا لزيارتكم عالم روايات سكيرهوم
