رواية نقش بارد الفصل الخامس عشر بقلم فدك فاطمه
داويني ترى معلعل
بَس بشوفتَك هالروح تتعدل .
غنـــوة
مرت فترة وفاة أسراء دلهم هادئ لگالة شغلة يطكطك بيهة على گولتة ضال من البيت للشغل ما يطلع اني اراقبة مركزة حتى من يدك الموبايل اكعد و اگابلة اسمع منو شكو يالله ارتاح
قبل الاربعين بأسبوع و اقل صارت المحكمة مال عصام كل ضني دلهم سكت، طلع مخلي محامي
و يريد يثبت عصام ضربهة قبل الوفاة مو بعدهة
صارلهم فترة يتعاركون على هاي السالفة اخر شي فاز محامي عصام و ثبتو الوفاة صارت گبل الطلق
الناري و نحكم سنتين يمكن ماجنت مركزة
بكد ما مغثوثة من عصام لان طلع خاينهة هي ما تبتعد عنة بس يجوز ما لگت شي تقهرة بي مستغربة
ليش ما حجت لدلهم گبل انتحارهة
ضل عصام يتردد لبيتهم و يلوم بيهة و يعارك هو ساكت ما حجة شي لان همة الغلطانيين ، لو اني بمكانهة هم ما اگول خاني حتى محد يشمت بية
رشگت لماي على وجهي شكد يحترك گلبي من اتذكر
السالفة هاي الفترة كلهة احس گلبي يصير حجر استخطيهة كلشي صار مرة وحدة
مرات الانسان ينجرح يتصرف تصرفات مو بوعية بس لان هو يتألم مايعرف شلون يطلع روحة يريد بس ينطي ردة فعل تساوي جرحة
عنت روحي صعدت على الحاجز لبنص المطبخ حلو احب اكعد عليه ناصي احسن من الوكفة تربعت الگط بالتمن خاف بي شي الموبايل مشتغل اسمع قصائد
من رحنة بالاربعين مال اسراء سمعتهة بالسيارة من دلهم و ضليت اسمعهة عجبتني نزلت سويت التمن
اخذت موبايلي راسلتة
غنوة " من ترجع مو تنسى العلاج"
شافهة ما رد اخاف من غطاتة ليغطهن
رجعت رسلتة "وين انتة"
دلهم" بمعارض اربيل ويين غير بالشغل"
رمشت ما فاهمة اربيل شعليهة سديت الموبايل مو صوجك صوج لتراسلك رجعت كتبتلة"تجي للغدة"
بيدي الموبايل انتظرة يكتب ما يوصل شي بعدين يالله گال اجي سديت الموبايل خليتة على جهة
بعدنة كاعدين بالمشتمل البيت لحد هسة ما انباع
لان هو ورثة من ابوه ضال بس هو لازم يخلص
الاوراق ماعرف شنو كلشي ما افتهمت منة هذاك الولد مستعجل يريدة من شافهة طويلة بطل مايريد
انتظرت دلهم لحد ورة الصلاة يالله رجع فتحت الباب مرتكية عليه :وين جنت
باوعلي طالعة روحة من الدنيا دخل ضامة ضحكتي امشي وراه اخذ ملابس بوجهة للحمام كلة ريحة اكل و زيت يشتغل بالمطعم نص شفت
و العصر و بالليل مدري وين يروح اسألة ما يجاوب
صبيت غدة خليتة بالهول على ما طلع توة رفع الفانيلة لشعرة سحبتهة
غنوة:هذة الخاولي مو يمك
اخذهة حجة :يبزز ماريدة
غنوة: والله مليت اغسل و ماكو
ما اهتم مايبطل هاي العادة كعد يتغدة جبت الخبز كعدت بصفة اهل رفا يخبزون احلى شي صار بحياتي
هذة مرات توديلي اكيف بيهن
غنوة: يمتة تبيع البيت
دلهم: ليجون مايعجبوني
غنوة: شراية همة مو خطابة
رفع حاجبة رد :لاتصيرين فكاهية
غنوة: والله شنو اختنگت منا كلش ماكو مكان حتى امد راسي منة
تأففت من سكت مايرد لا هو بايع البيت لا مخلينة نرجع هناك احجي وياه يغلس روحي بزعت منة
عفت الغدة على النص گمت حجة بنتر :تعاي كمليي
غنوة:ماررريد
دلهم: طبج مرض
مسحت الطباخ و نظفت على السريع اخذت موبايلي
راسلت رفا انزللهة ما گالت لا بسرعة ردت بتعاي
لبست الشال رحت توني فتحت الباب عاط بية گمزني يريد ارجع باوعتلة خايفة من صوتة العالي
حجيت متوترة:رايحة لرفا
دلهم:طلعي شوفي شسوي بيج سديي الباب و طبي
غنوة:ما اختنگت محد عدهم بس هي و امها
فتحت الباب خزرني مديت راسي :بس شوية واجي شوويونة
دلهم:المن مولية اذا شوية و تجين
غنوة: اريد اروح
سكت بس ما عاجبة سديت الباب على كيف نزلت بعدني بأخر باية بالدرج شفت اخوانها اجو من شغلهم توهم واصلين
رجعت ضايجة دخلت قفلت الباب حجة واكف يم الطباخ:ها خلصت لشويونة مالتج
غنوة: اخوانها اجو
دلهم:حَل
باوعتلة معبسة حجة يفتح بالخانات :وين الشكر
غنوة:يمك بهاي الخانة المفتوحة
سداهة و حجة:ياخانة
غنوة:توك فتحتها و سديتهة
دلهم:تعاي طلعي
زفرت بضوجة رحت يمة وخر وگف وراي فتحتهة طلعتة سحبت الكوب اخلي حسيت بي تقرب علية
غنوة:ماتوخر لا اجفي الجاي عليك
مد اديه من وراي لزم ادية و ايدة الثانية بيها حلقة
لبسني بسرعة اجت ابالي اول مرة هم هيج سوة
عيوني نترسن دموع اتذكر ذيج الحلقة شلون فرحت
بيهة وراهة حصلت كتل لمن مليت
نترت ايدي من ايدة نزعتهة راحت ابتسامتة شمرتهة
عليه رديت بضوجة:مارريدهة دير بالك تقرب علية بعد
دنك اخذهة من الگاع خلاهة بالخانة نفسهة طفة الطباخ طلع للهول حجة يحرك المخدة :طفي الضوة كعديني بالاربعة
مشيت عايفتة فتحت الغرفة النظفتهة سويتهة الي
فارغة بس ملابسي و فراشي بالگاع سديت الباب كعدت وراه ابجي كل ما اتذكر اتهاماتهم
مرت فترة حسيت الباب ندفع يريد يفتحة حجة من وراه:عليمن تبجين افتحي خل اشوفج
غنوة:امشيي منا ماريد اشوفك
دلهم:غناوي عوفي الصياح منا الوادم عيب لاتطلع اصواتنة
زحفت بعيد عنة دخل للغرفة گعد بصفي بجيت
بالزايد حسيت بأيدة على جتفي نترتة بضوجة
دلهم:گليلي شتردين شنو الي يرضيج واني حاضر لاتضلين هيج شنو الحل لتردينة اسوي
غنوة:انيي لو عندي حل ما ضليت وياك ماعنددي مختنگة من كل الصار
دلهم: اني غلطان حقج علية شما تسوين بس نطيني فرصة اصحح لسويتة
غنوة: شنو اتصلح انتة تعرف شصار بية وراك وانتة بكل برود تريد تهاجر تعوفني تدري اخوي نطاني مهلة شهر لو ما تبين زواجي يذبحني اتصل بيك ايدي على گلبي ترفضة
دلهم: تردين حگج من علوان اجيبة من اهلج اخليهم يعضون اصابعهم ندم تـ..
قاطعتة ادفع جتفة:اريد حگي منك لاتصير سبع وانتة غلطان
دلهم:واحننة على شنو نحجيي فهمينيي شنو تردين خبلتيني منين ما اجيج ترفضين
غنوة: بس عوفني براحتي لا تحجي وياي ابد مو جنت تريد تهاجر اعتبر نفسك انتة ببلد و اني بغيرة
جر ايدي حجة بجدية:ارجعج للقادسية اشتريلج بيت تكعدين وحدج ما اوصل كلشي يجيج على الحاضر
غنوة:انييي ماداخلة على طمع وياك لا اريد بيوت لا اريد ذهب بس خاطري مكسور ماعرف شسوي
تنهد مسح على وجهة محتار اني هم شلون اكدر انسى و اسامح ما ادري كل ما اشوفة گلبي يوجعني
دلهم: نرجع اخليج وحدج فكري عدل
غنوة:طلگني
رد بنتر:غنوووة
غنوة:هاا اريد اتطلگ منك مهري و الغايب اعيش بيهن خليني لوحدي ماريدك اريد ارجع حقي منك ماعرف شلون هسة أبالي بس اعوفك
دلهم:گتلج محد عندي بس انتي
غنوة: عوفنيي هسة كلش مختنگة روح ارتاح انتة تعبان بعدين نتفاهم
دلهم:نتفاهم هسة بعدين ارتاح ،لاتبجين خلي نوصل لحل
هزيت راسي برفض سحبت ادية : ماكو حل اني ضايجة اضل احجي حجي مو حلو
لزم ايدي گومني:تعاي تغدي علمود علاجج
گمت وراه لازم ايدي بجفة مايعوفهة يشتغل بالايد الثانية حمة المرگة ويطلع المواعين حاولت اسحب
ايدي ما خلاني تنهدت ساكتة
صب غدة شال الصينية خلاهة بالگاع اخذ الخاشوگة عند الة يوكلني باوعتلة بخزرة بطرف عيني مركز يوكلني حتى عيونة ماتصير بعيوني
غنوة: لاتسوي روحك فقير اعرفك اني
قرب الخاشوگة مني مبتسم : خل نوكلج بعدين نتفاهم
رديت ارفع ايدي:اني اكل
دلهم:وخرري ايدج
وخرت ماكدر اضم خجلي لان يوكلني گوة ابلع اللگمة لازمة دولكة الماي بيدي خلصت غدة شلتهن
غسلتهن هو راح نام شغلة يتعب
شمرت الغطة عليه من بعيد حتى مايگول مهتمة وهيج حجيت ادخل للغرفة:العباة طارت فوگاك
لف راسة بيها رد بصوت اسمعة: عباتج احن منج
غنوة:كون تختنك بيهة
دلهم:شفايتلي
سديت الباب اشوف موبايلي يضوي رفا تتصل رديت عليهة گالت اخوانها مشو لحت اجي يمها نتونس
طلعت اندس بجتفة: دلهم نمت
رد بدون مايفتح عيونة:روحي مو تتأخرين
غنوة:شنو ناسي اذانك بالغرفة
دلهم:صوتج عالي
عفتة ينام مشيت نازلة يمهة لگيتهة منتظرتني بالباب حضنتني حجت:اسفة گتلج انزلي و اجو اخواني من وكت
غنوة:لا ميخالف شفتهم و رجعت
رفا:لا مو حلوة بحقي تعاي تفضلي هسة اعوضج عن نزلة الدرج لتعب ماما هنا تعالي
اخذتني وراهة دخلت خجلانة امها كاعدة بالمطبخ كدامهة تمن اصفر تعجن بي رفعت راسهة النة
رفا:ماما هاي غنوة
ردت ترفع ايدهة من العجين:هلة خالة تعاي ابوسج عذريني حبيبة ماكدرت اصعدلكم
دنگت سلمت عليهة رديت خجلانة:لا خالة ماصار شي گالت رفا ماتكدرين تصعدين
ام رفا:اي والله ركبي ماكدر منهن استريحي حبيبتي لاتستحين
كعدت اعصر بصابعي متوترة اول مرة اشوفهة مرة نزلت ما لگيتهة بس رفا جانت بالبيت كعدنة سوة
رفعت راسي الهة ابتسمت تغمزلي خلت عصير و كيك گدامي حجت : ها شرأيج بخاتون حلوة
هزيت راسي حجيت مترددة:اي طالعة عليج
حجت بضحكة:اني طالعة علييهة
ابتسمت ادية عرگن مرتبكة لان امها هنا بسرعة هنة ياخذن على الواحد يسولفن و يحجن بطبيعية بدون
ارتباك خلني اندمج
ضليت يمهن سوينة كبة سوة حجت تعزلي بصينية:هاي الكبايات من ايدي تاكلينهن بعد ما تاكلين غيرهن
غنوة:مسممتهن شنو
باوعتلي معبسةمو صوجج ست غنى
غنوة:لاتخربين اسمي
ردت تغمز:ها علينة حرام و على البَيك مالتج حلال ها غناوي غناتي
وجهي گب من الخجل مرة سمعت دلهم صاحني ولزمتهة علية ضحكت امها تطگهة اريد اضم وجهي من الفشلة هي تگرص بية و تضحك
سمعت صوت زلم عرفت اخوانهة اجو بسرعة گمت
طلعت وياي فتت منهم مدنگة مشيت صعدت الدرج صاحتني التفتت الهة الدرج خارجي هي واكفة ببابهم نزلت لازمة صينية مال الكبة
رفا: شجاج يمعودة هاي الكبة الروح و الرية نسيتيهة
غنوة: راحت عن بالي مشكورة
رفا:تدللين اذا الكبة مو الج المن نوكلهة لذولة الشواذي
ضحكت اخذهة من ايدهة صعدت الدرج متوترة من الزلمة الواگف گبالنة عيونة علية مطززهن خفت
فتحت الباب دخلت خليت الصينية بالمطبخ باوعت لدلهم كاعد ايدة مخليهة علة گصتة صافن بالسگف
كعدت بصفة اعصر بملابسي التفت الي حجةمستغرب: شبيج
غنوة:مو اجيت هذة واحد خوفني يباوع و يخزر بية هاي مرتين من انزل اشوفة
نهض ياخذ الفانيلة من الگاع : وينة
غنوة:لبابهم ابيض توني من صعدت جان واكف
گام حجيت امشي وراه:لاتتعارك بس هو خوفني
دلهم:جا اتعارك عركتين هيج
فتح الباب نزل ركضت للشباك بجهة الشارع شوية شفتة نزل اشوف بس ظهرة الولد بعدة واكف من
شافة نزل التفت يمة ستوتة سوة روحة ملتهي بيهة
اشوف بس ظهر دلهم من شكلة مبين يسولف لان ذاك توتر يباوعلة و يرجع يلتفت لطمت على خدي
من دفعة ليورة لزمة من راسة طگاه كلة
ركضت للموبايل خابرت رفا بلكي خوانها يطلعون صدك تلاحگوهم فرغوهم واحد عن الثاني اسمع دلهم يصيح عليه ذاك يرد ماسمع شنو يگولون
كلهم يحجون سوة دفعو دلهم للدرج بعدة رافع ايدة يهدد و واحد من اخوان رفا راح للولد يحجي وياه عفت الشباك رحت فتحتلة الباب
دخل يسب بي و يشتم حتى فشاير فشر لزمت ايدة بضوجة من حجية سحبتهة راح للمغسلة يغسل
طلعت ماي نطيتة حجة هو يشرب: وين ماروح الگة عار كدامي كللة من شعفتجج الحمرة لو تصخمينهة جوة الشال انييي كل مشاكلي تنحل
غنوة:وانييي شعلية حتى ما مباوعتلة هو يخوف
رد ينزل بشالي بعدني لابستة: المنن طالعات المنن
دفعتة بضوجة:دوخر هلستهن
دلهم: اگصهن ارتاح
غنوة:سويني صلعة انيي شعلية هو مايستحي
دلهم: الگ**" ابن ال**"
غنوة:دلهممم
تفاجئت بي من لزم خصري قربتي بصفة يبوس شعري الطالع حجة بهمس: هايم بيج
دفعتة من جتفة:جذاب
دلهم:و روح اهلي
غنوة:لو تحلف منا لباجر ما اصدك
عاف البطل حرك ايدة الثانية على ظهري رفعت راسي اباوعلة بضوجة :گبل شوية گتلك لا تلمسني
دلهم: انسى عذريني
غنوة:وخررر
حجة بهمس گبال وجهي:بس ابوسهن و اوخر
گب وجهي من الخجل باوعتلة موسعة عيوني:شنوو
رد بخبث: خدودج
غنوة:دمشيي وخر اوف
جر شالي وخرة اني احوس ماكدر يسطر ادفر بي حصرني يم الحايط لازم ادية عضيتة بزندة
حجة يحل شعري:مو عضة ترد الروح تعضين
او تدغدغين شهل السنون الحلوة
غنوة:انتتة شنووو
دلهم:شترديني اصير
رديت بنتر:اريدك تصيررر طليقي
رفع راسة ضام ضحكتة مايريد يضحك حضني مخلي وجهة برگبتي : حلوة هاي بس مو كل حلو يكمل
غنوة: شكد غثيث
دلهم:لسانك حبيب الروح
رديت اقلدة استهزء:حبيب الروح دوخر هي ضلت روح من وراك المنگرش شترجى من واحد كلة حبر
دلهم:امسحهن لعيونك
غنوة:لاا لاتمسح لا تتعب
دلهم: يعني عاجبج هيج
غنوة:اگلك اكرهك تگلي عاجبني
دلهم: حبيني و احبج شعدنة
غنوة:عدنة سوالفك البايخة ما أمن بيك گد شبر
حجة بهمس بأذني: مشتاقلج
غنوة:مو هاي انييي يمك
دلهم: اريـ... اشتعلووو اهلج بنت الگ***"
عاط من ضربتة حيل دفعني معصب شردت جراني من ياخة الثوب خنگني بعدة وجهة مگلوب متوجع
غنوة:اختنگتت رگبتييي نحزت بالياخة
دلهم: ادبسزز والله ارجع اربيج بطلي هاي الحركة
غنوة:ما ابطلهة
دلهم:اذا ما اكسر رجلج
دفرتة اريد اوصلة لازمني من ورة شالني خرمشت اديه حتى الجلد تزلع عضاني برگبتي بكل قوتة
رفعت ادية بس اريد اوصل لشعرة طب للحمام شايلني رافعني عن الگاع شغل الماي البارد
غنوة: والله اذا نگعتني ازعل
دلهم: تهديدج مو ذاك الگد
غنوة:دلهم حباب والله ماعيـ..
خلاني جوة الدوش رجفت من برودة الماي نزلني مايرضة اطلع راسي شهگت بردانة ضميت وجهي
بصدرة عيوني حرگتي
حضني ارجف من البرد و گلبي يدك حيل طفة الماي رفع راسي باوعتلة بضوجة و سن يطك بسن من البرد
حجة يگرص خدي: مرة ثانية اغط راسج و ماطلعة بس تعيدين هاي الحركة
رديت بهمس: جلب
تقرب ما فاهم :شنوو
درت وجهي اوخر بي طلعت انگط ماي من راسي لرجلية شال الخاولي من الباب خلاه فوك شعري اخذتة شمرتة عليه معصبة
جريت الهدوم من التعلاگة يم باب الحمام دخلت بدلت بعدني البس فتح الباب عطت مغطية روحي
شمر هدومة على السلة واكف بالباب يبدل
غنوة:ماتروح شبيك ماتشوفني ابدل
دلهم:اشوف خوش. منظر كملي
غنوة:دطلع يالله
مشة خلة الباب مفتوح على حيلة گوة علية لازمة اعصابي من كد ما ضجت اجيت ابجي سديت الباب قوي صوتة طلع عالي
حجة من برة: على كييفج مو باب الخلفوج
غنوة:ولا باب الخلفوك
دلهم:كلشي يخرب ادفع فلوسة
طلعت اباوعلة بغيض:اي اذا تضل عليك كلشي يخرب امشي ولملم وراك
دلهم: راح تصير نادرة براسي
غنوة:هو اني نادرة لو ما اني بيتك يعفن من هدومك لتنگعهة و تذبهة
دار وجهة اسمعة يحجي بهمس بس ما افهم كتلني الفضول اريد اعرف شگال ضليت اباوعلة الخبيث
مشطت شعري لافة روحي بالغطة اريد ادفة احس نار صارت تطلع من وجهي بس لا اتمرض اتخبل
مر اليوم كلة ثنينة نعاطس بالليل طلع اجاه صفوان
لزمتة يم الباب گبل لا يطلع
غنوة: وين ترحون لاتضوج بس والله خايفة منك
دلهم:خايفة مني لو علية
غنوة:ماينخاف عليك
دلهم:ماكو شي طالعين عادي مثل يومية
رديت بخوف: ترجع
حجة يبوس شعري : اي عيني ارجع،قفلي الباب
لا تنزلين اذا اجيت اني اتصل عليج
هزيت راسي بفهم طلع سديت الباب وراه قفلتة رحت اكعد بركن البيت اخذ نت من بيت رفا يوصل
مرات اتابع افلام لو العب
خليت راسي على المخدة اراسل بوتين عرفت دلهم
مفرغ البيت كلة جاي ينقل بالاغراض لبيت خالتة هي جيرانهم ثنينهم بنفس الشارع
گتلهة تشوفة وين مخلي أغراضي تعزل منهن الاحتاجة و تودي وياه ضلت تتململ متعاجزة گوة گامت رايحة تشوفهن
سديت الموبايل خليتة يم المخدة تغطيت غفيت وراهة لحد ما اتصل يالله فزيت منعسة كلش رحت
فتحت الباب دخل
عفتة مشيت لمكاني تمددت اسمعة يسألني خاف مريضة لو صخنت اشرتلة بيدي بـ لا ،غطيت راسي
بالخمسة كعدت سويت ريوك گعدتة گوة فاتح عيونة رحت حضرت الهدوم رجعت لگيتة بعدة نايم
خليت ايدي على خدة مصخن التفت الي سحب الغطة يخلي فوك جتفة:خل تصير بالخمسة واگعد
غنوة: هي بالخمسة ،خابرهم لا تروح
دلهم:ماخذ اسبوعية مقدمة اريد افتك منهن
غنوة:يعني هسة تشتغل بدون فلوس
هز راسة گعد راح غسل و تريگ وكفت وراه يلبس بهدومة مديت ايدي مترددة لزمت ايدة حارة
غنوة:عوض الاسبوع الجاي لاتروح اليوم
دلهم: هذة اخر يوم بعد ما اشتغل وياهم
غنوة:ليش
دلهم:ماعجبوني
تأففت هاي رابع شغلة ولا يثبت يعرف يسوي كلشي
من كد ما يشتغل و يعوف ،مشيت وراه قفلت الباب
نظفت البيت و غسلت الهدوم اشتغل و بالي وياه كعدت اتريك راسلتة مايوصلن ماعندة يمكن
خليت الموبايل نظفت الكاونتر لمحت الحلقة بالخانة طلعتهة مو مثل ذيج اخف بطني نمغصت
شمرتهة بضوجة سديت الخانة
سويت غدة وانتظرتة لحد الثنتين ماكو اتصلت عليه
جاوب بصوت مبحوح من النشلة گال بالطريق راح اوصل ، رحت حميت الغدة نقصت الطباخ
انتظرتة بالباب اول ما ندك فتحتة نزع حذائة برة
دخل رفعت ايدي بسرعة اخليهة على وجهة حرارتة زينة ،لزم ايدي باس اصابعي سحبتهة وخرت اباوعلة بطرف عيني
غنوة:بدل حتى نتغدة اني جوعانة
رد يخلي ايدة على جتفي: منتظرتني
غنوة: لا
گرص خدي مشة للحمام شمرت عليه هدومة لزمهن گبل لا يطيحن بالگاع ، صبيت غدة اباوعلة خاف يطلع اخذت البراسيتول و خافض الحرارة جبتهن من رفا خليتهن فوك الحاجز الناصي حتى من يكعد يشوفهن و يشرب اذا يريد
تغديت گبلة حتى لايگول منتظرتني كملت رحت للغرفة اباوعلة من طرف الباب لحد ما كمل طلعت اغسلهن نظفت الطباخ وكف بصفي اخذ البراسيتول
دلهم: منين ذني
غنوة: رفا جابتهن گتلهة راسي يوجعني
دلهم: هاا و الراسة يوجعة يشرب خافض حرارة
غنوة:ترة اني هم مصخنة حالي من حالك
رفع ايدة يريد يشوفني وخرت فتحت الماي غسلت
عفتة يباوعلي مقلص عيونة بشك درت وجهي درت
وجهي متوترة رحت لمكاني لأسحب منة انترنيت
العصر طلع زامي نايمة كعدت مالگيتة سوة بية حالة نفسية من ورة طلعاتة سحبت الموبايل اراسلة لگيتة هو كاتبلي رايح لهلي
توسعت عيوني بصدمة فزيت كاعدة على حيلي اتصل عليه مايرد شيسوي مولي هناك شعدة يمة بس لا جسام رايح يتعاركون، لاعندي رصيد اخابر
ضليت على نار احوس من القلق شادة راسي و اسب بي و بالساعة السودة لشفتة بيهة غير كون يگلي المن رايح شعدة
لحد الغروب يالله رجع اباوعلة بضوجة مغتاضة هو مستغرب مني مبهذلة و راسي نفجر من التفكير
غنوة:شعدك رحت هناك
حجة مستغرب:مو گتلج رايح اجيب الاوراق مالتج
و المستمسكات
غنوة:ويين گتليي وين ضليت افتر من القلق
طلع موبايلة راسلهة ما واصلة حتى مامنتبه عبست بضوجة يگلي ماعندي نت عبالي وصلت من طلعت
طنگرت عليه نوب يريد نروح باجر نعقد بالمحكمة
جرجرني الصبح وياه هناك شفت علوان وياه مرتة
گلبت وجهي بضوجة المن جاية
دخلنة للمحكمة وكفت على جهة علوان يگول ملك كاعد مخلي رجل على رجل هي يمة يتشاورون شوية
واجتني كعدت بصفي
حجت بهمس:شگد تخلين مهرج احنة متعودين عشرة بعشرة
غنوة:عشرررة شنو طبقة بيض لو مرة
غفران:عشر ملايين شبيج
رديت بغرور: ادري ملايين دلهم مايخلي هيج فلوس قليلة الي لازم اكثر اربعين خمسين
فتحت عيونها مصدومة شفت دلهم اجة گمت متوترة وگفت يمة اجر بطرف القميص وكف مستغرب
غنوة:تعال اشاورك
دنك قريب علية حجيت بهمس:گلت لمرت اخوي الغايب و الحاضر خمسين بخمسين
باوعلي مصدوم مثلهة :شگد شگد
غنوة: هواي لو شوية
دلهم: لا شوية كروة للبيت مايكفلنة منين اجيبهن الج ست غنوة حتى لو نبيع كلياتنة اني وياج مانحصلهن
غنوة:جا ماتخليهن هسة تضل تضحك علية
دلهم:تتشاقين مو
هزيت راسي حجيت:لا والله تضل تضحك علية
مسح على خدة داير وجهة ضام ضحكتة جريت القميص الف بي على اصبعي ماريد اتفشل گبال غفران هسة لو مقللة شوية
غفنوة: ها
دلهم: ها غنوة تردين مية مليون
غنوة: لا مو تنطيني بس اكتبهن
رد بضحكة :اي مو قشمر اني لعبيهن على غيري
غنوة:اني مو قفاصة ترة
دلهم:وتگلي ما داخلة وياك على طمع
غنوة: اووف ترة مادري هيج حجيت
خلة ايدة على ظهري يمشيني كعدنة على الكراسي گبالهن اهز برجلي متوترة اباوع لغفران المن اجت والله داغتني من اشوفهة اضوج
لزمت اصبعة اجر بأيدة حجيت بهمس: قررت
دلهم: اي قررت اطلگج
غنوة:ترة ماريدهن بس اكتبهن
دلهم: حتى لو اريد انطيج ماعندي
باوعتلة بضوجة هزيت ايدي:نمونة
دلهم:لا مو نمونة هاي هي مثل ماتردين
التفتت الة بشك:ها
دلهم: اي ها جا شسوي تورطت بيج
درت وجهي مكيفة من دخلنة وعقدنة صدك كتبهن اباوعلة اعض بشفتي فرحانة لان ما فشلني گبالهة
خزرني حتى اعوف حركاتي كملنة طلعنة حجة بهمس يمشي وياي : بعد لو تحرگين روحج ما اطلگ
غنوة:هنة خمسين راح تموت
دلهم:اي والله راح اموت عليج
فلتت ايدي منة اخزر بي لزمهة حجة بحدة:لاتخزرين
غنوة:ايي ماخزر يالله
وگفنة يم السيارة غفران تحوس لحد ما حجة علوان : الحاضر حگهة عليك لازم تنطيهة بيدهة
دلهم:وصل گبل لاتجون مو غناوي
التفتت الة مافاهمة:ها
سحك رجلي رديت متوترة:اي اي عندي نطاني
عبست من شفتهم ضلو متوترين على ساس يرحون گالو نريد نزور الكاظمية و تعبانين نرتاح يالله نروح
دلهم:براحتك منا الشارع اخذ تكسي اكو فنادق هواي اجر قريب على الامام احنة ورانة اوراق نكملهن يالله غناوي
مشاني گدامة التفتت مستغربة اباوع ليورة دلهم بس يريد يروح توسعت عيوني بصدمة من صفگت اديهة غفران غمتني
فكيت حلگي ما مصدگة سوت هيج التفتت اباوع لطريقي حجيت مغتاضة:غمتني
دلهم: وارجعهة عليهة
غنوة:عيب غير احنة بالشارع
ابتسم يفتح باب السيارة اجينة بسيارة صفوان ضل هناك يم بيت خالتة منتظرنة هسة نروح نلگاهة حرب بينة و بين رفا كل ما يجي يتعاركون
وصلنة للبيت من الصبح طلعت انعس ما شبعت نوم
ضلو همة برة كاعدين بدلت نمت عايفة كلشي
الفترة ورة العقد مرتين دلهم رجع للقادسية حجتة يبيع البيت لهناك هاي فلوسة كلهة ورث أمة من اهلهة ابوه كلشي ما محصلين منة اخذوهن ولد عمهم عدا البيت لعدهم هنا ، البيت الباعة بالقادسية هو ورث بين امة و خالتة
هنة وحيدات اهلهن نطة خالتة حصتهة ضل الباقي
گال يشتري بي بس الاسعار غالية هو يجرجر بالسالفة يريد يضل گاعد هنا يحب التختل بالدرابين
رفا صارت تصعد يمي شوية تنزلني وياهة اضل طول اليوم يمهم تعودت عليهن يگول مو غربة علية لحد
العصر ارجع اصعد من يجون اخوانهة
جانت يمي تلعب بشعرهة ضافرتة تريدة يصير ملولو حلقات تورطت بي ماينحل طك ظهري اسوي وياهة گوة خلصنة الضفاير
تمددت اباوع للسگف متندمة على شعري من گصيتة بعد ما طال هي تگلي لان گصيتي وانتي مقهورة بحرگة گلب احترك
باوعتلهة بأستهزاء مشت للمطبخ تسوي جاي عدنة زبد خلتة يمي وياه خبز كعدت منتظرة تصب جاي
رجعت خلت الكوب يمي حجت تمد ايدهة :ماتلبسين حلقتج حتى رجلج ما لابس
غنوة:ماريد اكرهة
رفا:تكرهين الحلقة
غنوة: اكره رجلي
ردت بضحكة تهز ايدهة: تجذبين على روحج علية غير كاتلة روحج ذاك اليوم نطيتي علمود بالظهرية خليتيني اروح اجيب خافض الحرارة ، لو طلع ابتلي على راسي حتى اني اضل خايفة عليه
ضحكت اخوط بالكوب :مو اخاف عليه اخاف منة گتلج شسوة بية ما اثق بي
رفا: هو شوية تخافين عليه و شوية منة
غنوة:ماحبة من وراه شبعت ضيم
رفا: والله اذا واحد مايحبني و يسوي مثل ماتسوين اضل عايشة يمة لنهاية حياتي اشو مامخلية شي مامسويتة
غنوة:مو علمودة اني ماحب اكعد بمكان وصخ ولا احب اشوف ملابسة مطشرة اكره البيت ماتحملة
رفا: طگيلج شسوار و شلحة وصبغي اضافرج تحمري و تكحلي اوو عاملي هو و الحايط
هزيت ايدي على سوالفهة حجت تلزمني: والله ما اتشاقة شايفة هذة العجل صفوان بس اخلي الحجل برجلي والبس قصير يضل يجوعر يم للباب نزعي ما نزعي همة هيج عقولهم تشتغل
غنوة:شلون تلبسين كدامة غير حرام
رفا:لا مو حرام عاقدين
شرگت اباوعلهة مصدومة :جذابة
ردت بدون اهتمام: والله عاقدين من زمان صار شكد
غنوة:جا هو يگول خطيبتي
رفا:مخبل ششترجين منة
غنوة:جا ليش كاعدة عد أهلج
رفا: من عقدنة قبل العرس راح وية جماعتة للشمال و خاني هناك الجلب الحيوان وحلفت على القراءان ما اتزوجة هو حلف ما يطلگني و تعاركو فترة وراهة صارت مشكلة دخل للسجن هم اكلة كم سنة عادي ضليت يم اهلي ردت اطلگ ماخلوني
حجيت بتردد:يصير تطلگين بدون ما يدري
هزت راسهة :اي اروح للحاكم الشرعي لعقدنة ويطلگنة حتى لو هو ماكو ولا يوافق بس هذة الحجي
من جان بالسجن هسة مادري
غنوة: ها شو اني اشوفة حباب صفوان
رفا: اي هسة صاير حباب
غنوة:حرمات ليش تضلين هيج معلگة
رفا: اني مرتاحة اذا تطلگت امي تضل تلح تزوجي هسة ساكتة عني و اريد اكمل دراسة ماعندي مشكلة بالعقد
غنوة:هسة انتي مرت صفوان
رفا:يخسى اصير مرتة
غنوة: والله بطلة ضليتي هاي سنوات كلهة معندة على رأيج شعب ما جبرج
رفا:سوة فلك اخذني و شردت اجة لهلي ضليت ابجي
كتلت روحي گتلهم هو گتلني تعاركو وياه خواني سكت فترة ضل يركض وراي لكل مكان فضحتة بالشارع گتلهم يتحرشون بية شالوه الشرطة بهذلتة بهذال صار عدة فوبيا من النسوان
نزلت الخبزة مصدومة جا اني ما اسوي هيج بس هي عدها اخوانها و اهلهة تكدر تسوي مصايب
و ترجعلهم و امهة هم هنا تدافعلهة
غنوة:تدرين دلهم اخذني گوة من اهلي هددني يكتل اخزي اذا رجعت
ضحكت عفطتلي فكيت حلگي شهگت طگيتهة شردت تهز بيدهة : يمعودة جذابيين ينفخون بروحهم هذة صفوان هدد لمن مل سحبت اقسام خليت المسدس بيدة گتلة روح اكتلهم ضل يفر بذانة
غنوة:دلهم مخبل مو مثلة و اخوانج ولد خالتة مايكدر يسوي شي الهم
رفا :اي هم صح بس يضلون حبابين يم لتعرفلهم
غنوة:اني اخاف اسوي هيج والله يكتلني
رفا:هي المشكلة ماعندج غيرة المهم عوفينة من هذة الموضوع وين هسة هو
غنوة:مادري مشة گال عدة شغل
رفا: يرجع من وكت
هزيت جتفي ما ادري اخذت الموبايل حجت: خابري شوفي وينة
غنوة:شتردين منة خيولي مالي خلق تالي عمري البس و اتمكيج لدلهم اغم روحي
ردت منفعلة:يا دلهم خيوليي المن دافنة روحج بهاي الخنگة غيري شوية قصص وروايات عراقية كرار صلاح خلي نفسيتج ترتاح تعاي وياي لغرفتي گومي
غنوة:خااب رفا
ردت تسحبني:گومييي اهو شكد عجوزية بس فالحة بالغسل و التنظيف ادري راح تموتين اذا نطيتي لروحج شوية
گمت بضوجة شمرت الشال علية نزلت وياهة، دلهم عشر مرات گالي لاتنزلين ،دخلت لبيتهم امها نايمة
بالهول صعدنة لغرفتهة
حجت تسد الباب :يمتة تنزعين الاسود
غنوة:مادري مستحية من دلهم بعد ما دايرة السنة ما انزعة
رفا:مو مشكلة خطوة حلوة منج اعماي بأصلج خلي يستحي على دمة
جرتني گعدتني سكتت عنهة شسوي بية تسوي كملت وجهي تململت منهة زلغت جلدي ضلينة اليوم كلة نتملعب بسرعة اندمج وياهة
شكد ما ارتاحيت لوتين بالبداية رفا تختلف حتى صرت ما اخجل منهة شگول تسمعني اذا غلطت تصحح تفهمني الاشياء الماعرفهن
كعدت وراي تكوي بشعري ماحس غير جرت ثوبي طفرت مفزوعة لازمتة :هااا
رفا:عززا بعينج هذة وشم وتگول اكره رجلي ماحبة يمة يعيارتجن حتى واشملج
غنوة:من زمان مسحت منة ضل شوية
ردت تسحل بثوبي:بعد وين
دفعتهة اجر بي:وخرري شبيج ماكو بس هذة
رفا: لاتسوين بعد مو حلو خلي جلدج نظيف
غنوة:سويتة و تندمت
رفا:اي اني اكرهن ،شوفي شعرج شلون صار خل نساويه يا مطي گاصة الة هيج
غنوة:اني
رفا:خوش گص عاشت ايدج من نطلگ نفتح صالون المطلقات الجادات
غنوة: صدك تضلين وياي
رفا:عيب عليج بعد صرتي اختي لججج مگعدتج على جربايتييي
عاطت بأذني دفعتهة وخرت تضحك شلت المخدة طگيتهة :شبيييج بية شقيقة راسي يوجعني
ردت تحضني: حبيبتي سودة علية اسفة والله انسى بعد نبهيني مادري
غنوة:اي خنگتيني وخري
حجت تگوم :رايحة اجيب الشمع اهلس رجليج جنهن رجلين حمودي
ضميت رجلي متفشلة طلعت تضحك تركض صوت ركضهة مبين امهة صاحت عليهة يجوز فزت من ضحكهة شوية رجعت قفلت الباب
باوعتلي بخبث حجت: انزعي هاي الاقمشة لفرضوها عليج
غنوة:رايحة اروح للبيت
رفا:خاب هسة لو البطل مالتج يلزملي الباب هم ما اعوفج
غنوة: شبييج تباوعيلي هيج جنج دلهم
اخذني الوقت لحد ما اجت امها گالت دلهم برة يسأل عني نهبططت طلعت هي حاضنة جتفي
عاصرة خدودي سوة :تعشيي هنا
غنوة: ماتغدينة
رفا:وكلتج جبس
غنوة: والله صار هواي هنا دهر صابني
رفا: عادي قابل وين انتي كلنة بيت واحد لايهمج
غنوة:عيب من امج
رفا:امي لو بيدها تطردني و تخليج لعبانة روحهة مني گوة متحملتني
ابتسمت اعدل العباة رديت عليهة:تحبج كلش حبابة هي هنيالج الله يخليهة الج
رفا: حبيبتي اوي غنوة شبيج دمعتي تعاي اتبناج
غنوة:لا عيوني يوجعني من الكحلة
سمعت صوت دلهم برة دك الباب مرة ثانية طلعت
الغصة مجلبة بية حتى ما رديت عليه صعدت كدامة
دخلت للغرفة قفلتهة كعدت ابجي تمنيت روحي اضل يمهة هذة بيتنة لا ارجع لحياتي هاي الفارغة
مسحت دموعي استغفر ماريد اصير هيج الحمدلله
غيري ماعندة لعندي طلعت اغسل من السنك دلهم
بالحمام باوعت بالمراية وجهي صار خطوط
حطتلي كحلة و خلت لرموشي هم صار خريطة غسلتة رجعت خابرتهة ضايجة گتلهة راحن صارن على خدي
رفا:تعارك وياك وبجيتي لو غسلتي
غنوة:ثنينهن
رفا:عابتلة ليش يتعارك تعاي راح اوكف على الدرج بسرعة نحطلج غيرهن
فتحت الباب على كيف طلعت هيج بدون حجاب هي اجت من برة نهاية الدرج هم اكو باب للشارع
صاير بصف بابهم
وكفنة جوة الحينكو مال الدرج تضوي بالموبايل خلتلي عدلت وجهي نفتح الباب دلهم طلع شافنة
حجت بهمس: ادري مخلين سرة بيج مايعوفج
غنوة: ما ادري لازگ
رفا:طالع على صاحبة اني احبج بس ماحب رجلج من وراه صار صفوان عدة مليون حجة يجي بيهة
غنوة:هسة هو يمكم
رفا:اي يريد عشة خليت امي تصبلة أجيت هاي كملت اذا بجيتي ازرف عينج بالقلم
غنوة: حلوة
رفا: گمر بس جيب ليشوف
ضحكت تحجي بصوت مسموع مشت خلت الكحلة بيدي و المسكارة اول مرة اخلي احس وجهي مو حلو شي ثگيل عليه
رجعت صعدت هو واكف بالباب مكتف اديه رافع حاجبة حجة : خوش هيتة غنوة عود گتلج لا تنزلين
غنوة:مانزلت هي نزلتي
دلهم: شلون نزلتج
غنوة:سحبتني و نزلت
مركز علية يحجي بصوت ناصي مشيت للمطبخ جوعانة خاف اطبخ يروح العطر لخلتة بريحة التگلا هي ماسوت عشة حتى ماتخرب كشختهة
غنوة:جوعانة ماتعشيت مامسوية جيبلنة عشة
دلهم: سوي اي شي تعبان مابية حيل انزل
غنوة: حباب
تنهد بضوجة اخذ المحفظة نزل فتحت الخانة لبست الحلقة اهز برجلي متوترة نزعتهة رجعت لبستهة ضليت محتارة
اجة اني بعدني البس و انزع خليتهة بأصبعي رحت
اخذت العلاگة منة ضلت عينة على ايدي مشت صبيت العشة طلعت ماي
صوت الحجل مال رفا اللابستة مبين رافعة شعري بطوگ احس بروحي غبية كلش متفشلة من لسويتة بروحي كل شوية ارفع ايدي لعيني و انزلهة
ورة العشة تمددت بالهول مخلية رجلية وحدة فوك الثانية اهز بيهن يطلع صوت ناصي بيدي الموبايل عود اتابع مسلسلات هو جذب اراسل برفا
كتبت ضايجة"راح اغسل وجهي"
رفا"يبووي خلي ينام و غسلي رجعي لحالتج الجلحة"
غنوة"لاتغلطين علية كلة من وراج تورطت"
رفا"دتعاي نامي يمي شبيج"
رفعت راسي نزل راسة يباوع لجهازة جان يباوعلي حجيت اخلي الموبايل بصفي:خل اروح لرفا
دلهم:اهووو ساعة السودة لجبتج بيهة هنا من يمتة انتي يمهم
غنوة:من الصبح بالعشرة هسة خل ارجع
دلهم:لا ناس ناس غربة عيب
غنوة: اريد اروح انام يم رفا
رد بزهگة:وتناميين هم اكتملت السبحة
غنوة:جا شبيك تزمخ هي نومة يروح نصك اذا خليتني هي بس الليلة
دلهم:ماترحين اسكتي يالله ممنوع بعد تنزلين هناك
مسوية درب تطلعين بكيفج
غنوة:جا نطيني الخميسن
رفع راسة مستند على الحايط بقلة صبر متنرفز خليت ايدي على زندة اندسة:ها اروح
دلهم:امشيي ولي
ضحكت گمت اريد اروح طلعت الشال رفعت ايدي اريد الوح العباة حسيت بي وراي حضني بين اديه
غنوة:راح انزعهة مو كيفت
دلهم: نزعيهة اكيف اكثر
طلعت الحلقة شمرتهة لزمهة حجة:عبالي الدشداشة حرمات
غنوة:دلهم
تقرب يخلي وجهة بوجهي: انطيج عشرة هسة بس خليني ابوسج
غنوة:خو اتطلگ و اخذهن كلهن بكرامتي
دلهم: ماريد اجبرج غناوي
غنوة:اوووف وخر خل اروح
دلهم: ماكو روحة تعاي نطلع
غنوة:ويين
دلهم:اخذج نفتر تغيرين جو
غنوة: اروح هيج عادي لو امسحهن عيب
حجة يقرب علية: لا طبعاً نمسحهة
تحركت اروح للمغسلة جر زندي عليه رفع وجهي حجة بهمس:اني امسحهن لاتتعبين
خلة شفتة على شفتي مالحگت ادفعة لزم ادية مثبتهن بينة ضغط علية رفع راسي يبوسني وگفت على طروف اصابعي بس اريد اوخر عنة
حضني يمنعني اتحرك شهگت احس بنغزات شاربة فوك شفتي ايدة على خصري منبت اصابعة بيه
ابتعد رفعت راسي اتنفس بوسني بحنجي و خدي رجع يبوسني خليت ادية على رگبتة ارجف هو مدري
شصار بي من ما دفعتة
ضل يبوس بية لحد ما رجلية خدرن اباوع بطرف عيني للموبايل مالتي يدك رفا منتظرتني يم الباب
ركيت راسي على جتفة الهث هو مثلي ايدي على صدرة گلبة يدك قوي اني كل جسمي يرجف
دنگت كل ضنة اريد اضربة غلط علية بسرعة يلزمني مالحگ طلعت من جوة ايدة شردت للباب بس العباة بيدي فتحتة ايدي ترعش نزلت البس بيهة
دخلت لبيتهم هو بالباب بنهاية الدرج مالحگ يلزمني اكو زلم برة شاط للسمة مخنزر علية لان طلعت هيج دخلت اللهث رفا متخوصرة تهز برجلهة
شافتني شهگت:عزة هاي شبيج تعاي دهر
رديت اللهث:شردت
ضحكت بصوت عالي غسلت من المغسلة رحت وياهة محد بالهول گالت مجتمعين بالاستقبال
ضليت يمهة بالغرفة حضرت حلويات و شغلت حاسبتهة نتابع بيهة تمددت يمهة گلبي بعدة يدك
حيل كل ما اتذكر لسويتة اني بوستة لو ما شاردة يمة انتحر ما اضل بالبيت
رفا:شبيج احجي وياج
غنوة:اي اسمعج
منتبهين على الفلم موبايلهة يدك حجت تاخذة: هذة رقمج
رديت خايفة:خيولي هذة دلهم
سدتة رجع اتصل گلبت الجهاز خلتة صامت لحد الفجر احنة كاعدين صلينة و نمنة تغطيت مامرتاحة
لان مو مكاني اخذت موبايلهة
حجيت اندسهة:رفا فتحي
ردت منعسة:1989
غنوة: اكتبهة
رفا: لا بوسيهة شبيج حنيتي راح تخابرينة
سكتت متفشلة اخذتة دكت على رقمي نطتني اياه غطت راسهة منعسة بسرعة تغفى نزلت من الجرباية كعدت شوية بعيد عنها
رد علية حجة بصوت بارد: شتردين
غنوة: ءء هدومك وية هدومي غسلتهن ضلن هناك اذا تروح للشغل البسهن
دلهم: لا ماروح اليوم گاعدلج هنا
غنوة:ليش جا خل يطلع الضوة و اجي ما اضل
دلهم:تعاي سويلي ريوگ
غنوة:استحي اطلع هسة
دلهم:البارحة ما استحيتي
غنوة:غير مستعجلة رفا منتظرتني
دلهم:اشتعلت روحهة منين طلعتلي قندرة
غنوة:شبييك شبيك
دلهم:يم الباب تعاي
غنوة:ماكدر رفا نايمة خاف اطلع يلاگوني اخوانهة
زفر بضوجة وحجة:ضلي لاتطلعين لحد ما يرحون هاي سوالفج كلهة ماتعجبني
غنوة:وانتة سوالفك هم ماتعجبني متحملتك
دلهم:نمتي لو ضليتي سهرانة و الشقيقة تدك براسج
غنوة: ها
دلهم:ها تعاي ضلي راسي و راسي
غنوة:هسة راح انام وانتة تروح مو خلي المفتاح فوك الباب
دلهم:لا رايح انام
غنوة:والشغل دلهم هم بطل منة لو يطردونك حقهم والله اذا انتة يوم تروح عشرة لا
دلهم:اروحلهم هيج مطفي من النعاس
غنوة:جا ما نمت
دلهم:لا نمت شبعت نوم تدرين الصوج مو بيج لا والله بية اني الگ**" سويتج هيج جنتي شحلاتج
غنوة:يعني صرت مو حلوة البارحة مو حلوة هاي رفا لعبت بوجهي لعب
تنهد و حجة:مشو اخوانهة تعاي
ضحكت عليه طلعت اتلفت اعدل بالعباة بالمطبخ كوابة الجاي ضالة اسمع صوت بالحمام فلتت بسرعة لگيتة منتظرني بالباب
صعدت وياه مرتبكة خاف يضحك علية يريد يتعارك
همزين ماحجة نزعت العباه سحبني بخفة ايدة
تمدد بفراشة خلاني بصفة راسي على ذراعة بوسني
بگصتي حجة بصوت هادئ : غناوي حبيبة الروح
غنوة: جذاب
دلهم:اي والله جذاب هواي اجذب على روحي و اگول ماحبج
رفعت راسي عيوني بعيونة حجيت بهمس:تحبني
دلهم:هواي احبج
عضيت شفتي مبتسمة حتى واني نايمة اهز بجف رجلي متوترة ماعرف شنو اگول مسح على خدي
ضم راسي بصدرة غمضت عيوني رفعت ايدي مترددة عبرتهة من جوة ايدة حضنتة اتلمس ظهرة
دلهم: شدورين بظهري ما تگليلي
غنوة: اريد اصابعي يلتقن من الجهتين مايوصلن
دلهم:افكارج تصفن البني ادم
غنوة:اوگف راح يوصلن
رد يحضني :اوف صيري بصف گلبي
غنوة: ماريد هو بصفك و شبعت ضيم
دلهم: ولا يشبه الضيم لشفتة البارحة
غنوة: والله فايخ انتة
دلهم: اي والله هيج منطيج مجال تلعبين
و تتملعبين
غنوة: ماتستاهل انتة اناني و خبيث
خلة ايدة بفروة شعري غمضت عيوني مسترخية غفيت لحد الظهر يالله گعدنة فتحت عيوني اباوع للمطبخ اتمنى يجي واحد يسويلي اكل جوعانة
تنهدت خليت ايدي على ايدة حجة بنعاس:شبيج تتحسرين
غنوة:مو عليك على الاكل
دلهم:اي اني بيش الكيلو
غنوة:گوم اطبخلي
دلهم: نامي احسن
عافني دار وجهي لجهة الثانية تغطة التفتت اشوفة
نداريت مديت ادية احضنة مخلية وجهي يم رگبتة
حجيت اشاورة: دلهم حباب
حرك جتفة متنرفز: اسكتي لا ابتلي بيج
غنوة:حبيب الروح
فتح دار وجهة علية حجة يجعص خدي:انتيي ليش شقاوة
غنوة : شسويت
دلهم:و براءة تگول شتسويت
غنوة: اي والله انتة مو تگلي هيج عادي اگلك و گوم سويلي ريوك
حجة رافع حاجبة: مو تكرهيني
غنوة:ايي اكرهك
رد يقلدني:اي اكرهك تتبغدد علينة غناوي
ضحكت ادير وجهي اريد اگوم ضل حاضني يحك رگبتي بلحيتة دفعتة كاشة ايدة صارت على بطني
دفعتة اضحك شالني نومني فوك صدرة
غنوة:بهذلتني شبيك
دلهم:شبة لتشب بيج
وخرت اتذكر الي سمعتة حجت لازمة جتفة:تددري رفا تصير مرت صفوان
رد مستغرب:هاي لمخبلة
غنوة:اييي
دلهم:جا شتسوي عد اهلهة
غنوة:ماتريدة مثلي ومثلك هيج
دلهم:جا انتي شتسوين يمي
غنوة:لو اعرفهة من زمان جان ما ضليت يمك
دلهم: عبالج اخليج احرك الدنيا على راسج
غنوة: هو انتة مسودن
رد يبوس زندي:ماعوف سالفتي
ضحكت وخرت منة كعدت اجر بثوبي رفع راسة يرتكي على ايدة يباوعلي گمت لزم رجلي وكفني
دلهم:انزلي هذة يطنطن على راسي
غنوة: شبي حلو كلش
دلهم: خبلتج علية و العباس
مشيت الم بشعري اخلي الكماشة حجة وراي:يگول بالجنة
غنوة:روح جيب ريوك
دلهم:مو جاي نتغزل
غنوة:جوعانة دلهم
اخذ الفانيلة رد :اشتعل ابوه
غنوة:اي والله بهل الصبحية
دلهم: ادبسززز
غنوة:ماحجيت بس الحقيقة كلة من وراه انتة تعبان
فات مني راح للحمام غسل رجع فتحت الخانة اطلع القوري حجة قريب علية: غناوي
غنوة:شتريد دلهم
حجة يوخر:ماريد گمتي تنترين نتر
غنوة:بس خل اشبع
اخذ محفظتة طلع اشترة ريوك بس كملنة أذن الظهر
مر اليوم كلة هو مگابلني و گاعد توترت من وراه ثاني
يوم طلع بعد مارجع لحد الليل اجة رفعت راسي متغطية بس عيوني طالعة
غنوة:وين جنت
التفت يشمر غراضة على المخدة : جان عدي شغل
غنوة:ياشغل يضل لنص الليل حرامي انتة
دلهم: شغل خاص
رديت ما فاهمة:شنو الخاص
اجة مدد بصفي اني على الفراش هو بالگاع مخلي ايدة جوة راسة حجة ببتسامة:خاص بيج
غنوة:يعني
دلهم:خل تكمل و اگلج هسة تجيج الحالة و تخربين مزاجي و واهسي
غنوة:متعشي
تقرب يعبر ايدة من فوگي يستند عليهة:لا تردين تعشيني
غنوة: ضامتلك عشة
دلهم: گعدي شوفي شنو جبتلج
غنوة:شنو منعسة مابية حيل اگوم
مد ايدة لحد ما وصل للعلاگة جابهة يمي فتحهة رفع ايدة بيهة سوارات ضميت ابتسامتي اسوي روحي ما يهمني بس هنة حلوات
لبسني واحد يطك بالثاني يطلع صوت كل ايد بيهة ثنين رفعت ادية اشوفهن باجر اراويهن لرفا
غنوة: حلوات ذني من الخمسين
دلهم: اي اقصاد صارن تدرين بية فقير
ضحكت اوخر الغطة عني گمت سويتلة عشة على ما بدل كعد ياكل اني بصفة اراسل بيهة ماترد بعدني
اكتب سمعت صياح من برة رفعت راسي مستغربة
گمت لزمني يگعدني:وييين وين
غنوة:هذة صوت رفا بس اسمع شعدهة
دلهم:دگعدي مو عيب ترضين واحد يتصنت علينة
هزيت راسي صدك عيب نوب تصير عادة ما ابطلهة
انتظرتة كمل غسلت المواعين رجعت نمت عيني على الرسايل شافتهن ما ردت
التفتت الة:صفوان اجة وياك
دلهم:اي
غنوة:اگول هاي غطاتك لازم هو بيهة
ما رد مايحجي هسة الة يصير لبراسة ،بيدي الموبايل توني اريد التفتت لفتني ظهرة وخرت الغطة اشوف مجرح جهة جتفة كلهة مزلوغ الجلد
حجيت فازة:دلهمم تعاركت وية جسام
رفع راسة حجة بحدة:يااا نعلل
غنوة:شبيك ظهرك شبي
دلهم:صفوان دفعني من السيارة الزمال هذا المن تفكرين بيي
غنوة:جا عبالي تعاركت وياه انتة گلت شغل يخصج
طزز عيونة علية كعد على حيلة
حجة بعصبية:و جسام يخصججج ستت غنوة موو
رديت بخوف: لاا بس يعني عبالي انتة رحت لهلي
دلهم:تطلع روح الواحد گوة حجي ماتعرف تحجي
غنوة:فوك ما اسألك نهديت بية
رجع نام يتأفف مديت ايدي اتلمس ظهرة كلة مجروح على گولة رفا صدك ثور شلون شامرة هيج
غنوة:شنو تعاركتو .. دلهم احجي وياك.. مو گاعد ليش ماترد علية
التفت مخلي ايدة على خدة:ها شتردين
غنوة:عليمن تعاركتو
دلهم: سالفة بينة تجادلنة عليهة
غنوة: گوة تطلع الكلمة تضل تتأفف و تكتل روحك يگول اجدي منك
دلهم:وتالي وياج
غنوة: ماحجيت شي انتة جاي معصب
دلهم:ورة ما تزهگني و تحرك دمي تگوم تبلگ بحلگهة و تتنعوص
غنوة:شنو تبلگ
كعد زهگان من اسألتي درت وجهي متغطية لا احصل كلمة تضوجني حسيت بي من نام لحظات
تقرب علية حاضني
غنوة:مو تريد تنام
حجة يشم شعري:مخلية من عطري
غنوة:ماكو غيرة بالبيت
دلهم:هو الزين
باوعتلة بطرف عيني مكيف لان مخلية من عطرة عفت الموبايل گلبي يدك برهبة نمت على ظهري
خلة ايدة على رگبتي يبوسني بخفة و هدوء
دفعت ايدة حجيت متوترة:دلهم وخر
رد يقرب اكثر : غــناوي غناتــي
زفرت انفاسي مرتبكة بوسني بخدي و عيوني اخذ ايدي خلاهة ورة رگبتة مدنگ مثبت شفتة على خدي
ـ عندما تتهاوى خصلات شعرك على وجهي
وفمي، وأشم رائحة شعرك،
وتضمك أذرعي بلهفة كبرى،
أشعر أن احتواءك هذا،
يكفيني في أشتات العالم
