رواية نقش بارد الفصل السادس عشر بقلم فدك فاطمه
عَفتني لَوين تالي اَلليل
يَندهني كَلشي البيك
يَشبهني واحلفنك
بَعد لا تنشد شـلوني
اني الماضل حَزن ما
مَر على عيوُني..
دَلــهم
صوت الماي هو ينگط بنص حوض السنك جان بس هو مسموع بالغرفة هدوئها عكس موجة افكاري
جفوني ثگال ماكدرت انام كلشي يضغط علية نزلت عيوني الهة شلت الغطة على جتفهة شعرها الاحمر
مغطي وجهة كل ضني هي تجذب ما غافية
وخرتة عن وجهة ،كل خوفي من راسهة هذة الاحمر شلون بسرعة استسلمت البارحة مادري المكارة
نهضت ارفع راسهة من ايدي خدرت مديت ايدي اخذت الموبايل زفرت بضوجة دخلت على الرسائل
اول ما راسلتة شافهة و اتصل فتحت خط احجي بهمس:نايم بالدردشة شبيك ماصدگت
صفوان:اريد اشوف تاليتهة وياك مو گلنة نرجع الصبح
دلهم:ياصبح
صفوان: صبح الخلفوك تروح لو اولي منتظرك من الاربعة
دلهم:لا روح اني اجي بالليل أجر سيارة
غنوة: هم راح تروح
التفتت على صوتهة متغطة مطلعة بس عيونهة مغورگة تريد تبجي سديت منة خليت الموبايل على جهة استند براسي على ايدي
دلهم:وين اروح
غنوة:انتة تگلة اجي بالليل
دلهم:لگالي شغلة نريد نروح نشوفهة
ردت تنطيني ظهرهة :جذاب ماعندك شغل بس تريد تروح تسويلك مصيبة
حكيت خدي امنع روحي اضحك كل حجيهة صح شما اجذب عليهة تعرف اكو شي حافضتني بصم
تقربت اطلع راسهة من الغطة الين
عقلهة شوية: غناوي
غنوة:شتريدد مني اني صوجي اصدك بيك
دلهم: شفتيني رحت ،مو اول مرة يومية رايح راد
غنوة: هو جان منتظرك انتة جنت مخطط تروح وياه مثل اول مرة هم كعدت ما لگيتك
دلهم: هاي البارحة اتفقنة بعدين نسيت حتى الروحة لو ما متصل اضل للعشرة نايم
غنوة:جذاب اصلا ما نمت الليل كلة كاعد
دلهم: ماريد افوت لحظة وياج
غنوة:شگد جذاب
دلهم:طلعي راسج اختنگتي
غنوة:وخر عني روح لصاحبك
دلهم: لاتستحين طلعي راسج
غطت روحهة جريتة غصباً عليهة الوجه احمر
و الخدود موردة ماتباوع لعيوني تلعب بالسوار لبيدهة تهز جف رجلهة بحركة سريعة
دلهم:صباح الخير
غنوة:هلوو
نزلت شفتي على خدهة كافي عليه شوفتهة هيج هادئة خنگة الايام صارت اخف بصدري زفرت بضيق
غنوة:روح اذا تريد ضليت تتأفف علية
دلهم:وافوت هيج منظر
غنوة: جوعانة
تنهدت ماتصير الهة جارة حضنتهة لصدري انام على ظهري اصابعي بشعرهة كل ما اشوف عيونهة و وجع راسهة اكره روحي بالزايد
غنوة: دلهم
سكتت حتى تلح بالزايد كل شوية تگول اسمي بت اللذينة تجرة الف جرة تلزگ بحلگهة مدت ايدهة لخدي اني گوة مخلي عقلي صافي
غنوة: احجي وياك انزل اشتري صمون
دلهم:عوفي الاكل
غنوة:من رحت عفتة صرت جني سلبوح سيان كلشي ما استفاديت
دلهم: ما مانعج عنة اگلج هسة عوفي ماتشوفيني نايم
غنوة:مو هل گاعد
دلهم:غير انتي تندهين بية
غنوة: اروح يم رفا هم اشوفهة هم اتريك
حتى معدتي صارت توجعني من كد ما اكره هاي المرة درت وجهي عليهة منتظرة اگوم كل عقلهة
اباوع لرگبتهة مكان الوشم نصة مشخط صاير خطوط فوگة رايدة تمسحة بس موجود ماينمسح
دلهم: تردين اوخرلج الوشم
رمشت تستوعب مدت ايدهة لجتفهة تتلمسة تقربت مخلية راسهة بصف جتفي ماخذة تركيزي
غنوة:لا هو عاجبني بس ماحبة
دلهم:شلون عاجبج شلون ماتحبينة
غنوة:مثلك
سحبتهة قريب علية كل شوية تسحل روحهة و توخر
عصرت خدودها حتى تباوع ضلت ترمش بسرعة
دلهم: يعني اني عاجبج
غنوة:لا
دلهم:دگولي لاتبيعين ثگل
غنوة: جا اگول خايفة منك انتة ما عاجبني ولا احبك
دلهم:جا شجنتي تسوين بحضني البارحة
توسعت عيونهة دفعتني:وخرر اريد اگوم
دلهم: گومي مانعج
جريت الغطة من ايدهة شهگت تخوزر عيونهة الزرگ
مطززتهن سحبتهة هي و الغطة من كد ما فاهية بسرعة تجي بيدي ما أتعب
غنوة:دلهــم
رديت اقرب وجهة مني: شنو
غنوة: صير حباب
دلهم: ماكو حباب اكثر مني
هزت ايدهة صار صوت من سوارهة مدت ايدهة تاخذ الفانيلة اديهة ترعش من التوتر بس ما تبين
اخذتهة گبلهة شمرتهة شلت الغطة قربتهة علية
سكتتهة نست الاكل و نست صاحبتهة لحد الاربعة صفوان خبصني گوة علية گمت بالحمام و اسمعة يدك هورن من برة
طلعت انشف بشعري فتحت البردة اشرلة يسكت
التفتت الهة بسابع نومة غيرت ملابسي طلعت نزلتلة مستعجل
صفوان:ماضليت عريس شبيك صدك جذب
دلهم: شصار عليك گتلك الحگك بالليل
صفوان:تريد تشمرني بحلگ المدفع تطلع سلامات اصعد خل نولي
دلهم:خمس دقايق و ارجع لك
صفگ اديه على الستيرن بقلة صبر تمشيت للفرن اخذت خبز و اشتريت عشة رجعت اول ما فتحت الباب ندارت علية طالع من الحمام
غنوة:وين جنت
لو طاگتني طلقة ولا گايلة وين جنت تستفز اعصابي بيهة دخلت خليت العلاليگ على القاطع بالمطبخ
دلهم:رايح وية صفوان هذة عشاج
غنوة:ماتروووح شنوو بالنهاار ولا اشـ..
اخذت شفتهة بوسة توسعت عيونهة مثل النار نطفت مستغربة ابتعدت ابوسهة براسهة اعوف خصرهة ضلت صافنة بوجهي
دلهم:تردين شي غير العشة
هزت راسهة بنفي تدير وجهة خجلانة طلعت گبل لا ترجع تحجي ماتسكت قفلت الباب امسح بحلگي
صعدت وياه حجة يشغل : بعد خو ماكو شغلة منا منا
دلهم:امشي لا تدوخ راسي
صفوان: اي مو جنت مسلطن واني مشعول ابوي هنا
دلهم:ماتنجب ، عدك ماي
صفوان: ورة اشربة بلكي تفطس و اخلص منك
دلهم: شايفلك عار يموت
صفوان:حتى گـ***" شايفهم يموتون
دلهم:الة انتة تكتلهم
حجة يفتح الجكمجة: هاك خو ما ظهرك التهب
دلهم: ياهو معلمك على الحنية
گلبت العصارة بيدي خليتهة ورة الكشن بلكي ما انساهة درت وجهي للشارع اختنگ من اشوفة
نزلت فتحت البيت اتجنب اباوع للدرج گلبي يصير حجر الندم ياكلني كل ما اباوع لمكانهة اتمنى يطيح عصام بيدي يابة انهيه
فتحت الغرفة دورت بالغراض اخذت الاحتاجة شلت الجنطة طلعتلة شمرتهة بالخانة الورة صعدت حرك السيارة يدور و ايدة بالموبايل
دلهم:مالگيت بيت
صفوان: بعدك تريد يمعود اكعد هنا و اسكت
دلهم: گلت اشوف بالقادسية قريب من اهلهة
صفوان:تدري بيهم مو خوش اوادم
دلهم: اخليهم اوادم غصباً عليهم اريدهة قريبة كلشي يصير
صفوان: اكو سهلة هناك البيوت زينة بس لاتسجلة بأسمهة ياخذونة
دلهم:بأسمك
التفت مخنزر :اني شعلية
دلهم:ما اضمنة الي و لا الهة اسجلة بأسمك حتى محد ياخذة لو يطمع بيه
صفوان:انتتة ماعدك قندرة غيري تلعب بحالة
دلهم:هواي عدي بس انتة ثقة عليمن تنتر فوك ما مخلي بأسمك بيت
هز ايدة ما عاجبة شغل الموبايل زفرت بضوجة اباوع للشارع و اتذكر كلشي بعقلي كل الصار
ـ كــــون أصير تراب ويَ هبت عواصف
ريحكم بس اوصللــكم .
شيجيبكم يا ماي عيني .
يايوم يصفالي الوكت و الفرح .
ياروحي شوگت تانينة و الموعد عبر.
عصرت عيوني انفض افكاري التفتت الة بضوجة يضحك يهز راس وية الغنية هذة الفايخ شيسوي
دلهم:ماتوگف على جهة اريد شي اكلة
صفوان:بس خل تخلص الاغنية اسمع اسمع هاي
ـ يا أهلنة الضيعونـــة
يا أهلنة الغربــونة
زفرت انفاسي بنرفزة من استفزازة مسحت على لحيتي بصبر اهدي افكاري گبل لا ارتكب بي جريمة
ـ كــــون أصير تراب ويَ هبت عواصف
ريحكم بس اوصللــكم .
يأهلنـــة الضيعونــة
يا أهلنة الغربــونة
مديت ايدي اسحب السترين اختلت السيارة عاط متفاجئ يدفع بجتفي نردمت بالحواجز لمخلينهن
وگفهة على اخر لحظة فتحت الباب انزل
دلهم:گتلت جوعان وگفهة
صفوان:ابن الگــ***" كلب ابن الكلب جان موتتنيي
دلهم:ماتموت يالله انزل هذة مطعم خل ناكل
نزل يسب ضل واگف يفحص بالسيارة دخلت المطعم اخذت مكان طلبت اكل منتظرة يجي طلعت
موبايلي صار ساعة من طلعنة بغداد
دورت بالارقام اتصلت عليهة ردت اول ما رن :ها
دلهم: تعشيتي
غنوة:اكلت لاهو عشة ولا غدة حتى الصلاة فايتتني ولا گعدتني اذا انتة گاطعهة الله غاضب عليك اني شنو ذنبي
فتحت الماي اسمعهة نزلت الكاسة احجي بهمس:اذا كاتلة روحج ما گعدتي
غنوة: موو كاعدت و نومتني
دلهم: انتي طفلة و ينمونج مو مرة شگدج و شكبرج
غنوة:انتة وين
دلهم:بمعارض اربيل
غنوة:يعني شنو وين ،تشتغل ؟
دلهم:امم اشتغل
غنوة:يمتة تجي صدك وين انتة احسك جذاب
دلهم:الفجر ارجع مو تنزلين غنوة قسم بالله اذا نزلتي حظج اطيحة
غنوة: اي ما انزل
دلهم: ماتنززلين لا يسحلونج ولا رجليج تمشي وحدهة ترة اعرفج اذا نزلتي
غنوة:شلون تعرفني مخلي نياشين بالباب لو تصوير مثل ذاك لبغرفة الوشم حتى تگضني
دلهم:اي مخلي
غنوة:ويين بالباب لو على الدرج شلون تخلي رفا تجي يمي و تنزع شالهة دلهمم صدك مخلييي
وخرت الموبايل صوتهة رج أذني اشتعلو اهلج باوعت لصفوان اجة خاي بعدهة تحجي و تصيح
دلهم:مامخلي اجذب عليج راح اسدة
حجت تضحك: ادري بيك جذاب
دلهم: احسابج من ارجع
غنوة:جيب حلويات وياك
منعت روحي ابتسم كدامة سديتة الموبايل وية كعدتة گبالي حجة يمسح اديه : نحك الصبغ كلة
دلهم: سهلة
صفوان:اذا ماتجيب سعر انتة تشتريهة
دلهم: جيبي راح يفرغ لو تأذن ما اخذهة
صفوان: ابو الدراهم توصل يمي تگض جيبك يم الحبيبة خمسين بخمسين
دلهم:تسكت لو شلون بيك يمتة تبطل تحشر روحك
صفوان: لو ما حاشرهة ما شفت عقدك المكيف بي
نصبو عليك اغم اخذو الاول و التالي
دلهم: حلال زلال شحارگ دمك
صفوان:دير بالك تثق بمرة
دلهم: الله لايوصلني لحالك
زفر بعصبية طلع جهازة من كل عقلة يخابرهة ماكو هيج ذلة رفعت راسي للولد نزل الأكل خلة الفاتورة
صفوان : اريد ادخل للسجن
عگدت حواجبي مستغرب : شعدك
صفوان: اعاقب روحي
دلهم:اگعد و اسكت لا تدهرنة
تنرفز مدنك يجر بشعرة حجة مخلي راسة بين اديه :بس المطي ليخلي راسة براسهن
دلهم:تاكل لو اطلب لك حشيش
صفوان: الفاتورة شكد خمسين بخمسين
درت وجهي مغلس عنة اخذ الماي رد يستفزني:نوب متونس امداك و امدة عقلك شگالتلك و نطيتهة خمسين وانتة الممنون
دلهم:لاتدخل هسة اني متداخل بحياتك
صفوان :هيي حياتي م***" بيهة نوب انتة تدخل
دلهم :جا اسكت احسلك
نزلت الموبايل ارد على الرسائل لتجيني گمت اغسل طلعت انتظرة برة الجو بدة يبرد و الضوة صار قليل
نزلت عيني للشاشة من الاشعارات اشوفهن تستعجلتة نطلع وصلنة قريب على القادسية طلعت النگبة لبستهة غيرت هدومي بالسيارة
وكفنة على جهة رد هي يطفيهة :تبات هنا
دلهم: مادري اخابرك
نزلت اخلي موبايلي عدة تمشيت للشارع سيارة مال عمال يحلون هيج وكت اصير وياهم و ادخل حتى ما يعرفوني لو يلگطني واحد عرف
صعدت اخذتلي مكان بينهم لحد ما وصلنة للسوك نزلت وية الهوسة صعدت عبرية منهة بديت اتمشى بالدرابيين طلعت المفتاح من جيبي
بيت صغير غرفة و حمام اخذتة ادك بي وشم هنا غراضي ضلت ،ما ارتاح اذا ما امارس هاي الشغلة كلشي غيرهة ما يفيدني حتى لو فلوسهة قليلة
كعدت على ما يجون الولد لحد الوحدة خلصت وكفت على المغسلة اطيح الحبر ،اخذت الفلوس قفلت البيبان طلعت منتبه للدرابيين
حسيت الموبايل يهتز بجيبي طلعتة حجة اول ما فتحت خط : كملت الولد منتظر
دلهم :اي هسة رايحلة شصار وياك
صفوان:معند هذة يخاف ياخذهن
دلهم:اشتعلو اهلة گلة بس يدخلهن مانريد يتاجر بيهن
صفوان:يخاف يلزمونة
دلهم:روح انتة مو تريد تدخل السجن حتى يلزمونك مرة وحدة
صفوان:مو تهمة مخدرات و ابوك يطلع من گبرة واني ما اطلع
دلهم: خبر ظافر عنة گلة لهط فلوس من محلاتكم
صفوان:ماكو دليل
دلهم:بس هو اخذ اذا سمع هيج راح يخاف و يسوي لتريدة معليك امشي خبر عنة هو يجيك مثل الجلب
صفوان: هاي نسدت ، المخدرات بيدي وين اوديهن
نرجعهن ويانة
دلهم:تريد تدهرنة ندخل بغداد بمخدراتنة شني هي دولة الخلفوك
صفوان:شسوي ابلعهن
دلهم: اطفر على بيت الگ***" عصام بس امة هناك دورلك زوية و ضمهن و بالجية الثانية نطلعهن
صفوان:لا تبلي المرة يمعود
دلهم: ياهو ليدري محد تحطهن و تطلع حتى لو شافتهن عبالهة سحر
صفوان: هاي هي ، السيارة بمكانهة انتظرني مو تروح
سديتة منة اغير طريقي حتى ما أمر من الكهوة لجنت اروحلهة خاف اتصادف وية الولد اجرت سيارة طلعت من المدينة للأطراف
تمشيت للسيارة كعدت بسدهة منتظرة يجي استندت براسي على الباب غمضت عيوني يحرگني من النعاس ثبتت رجلي ابطل اهزهة
ساعة تجر ساعة لحد ما شرف صعدت ادور على الموبايل حجة يسد الباب : ضميتهن
دلهم:خو ما احد شافك
صفوان: لا يمعود تبتلي المرة على روحهة نوب
دلهم: خليهة تتونس
عقج وجهة متقرف شغلت الموبايل استملعة يحجي
اريد واحد يدخل مخدرات لمجمعات صلاح ونعمان
نزلت عيني للشاشة ثنين و أربعين اتصال و رسايل ما تنعد دخلت للمحادثة كلهة "وين انتة " " يمتة تجي"
بعدهة مستمرة ترسل
سديتة خليتة بجيبي استمع لصفوان شلون غفيت مادري كعدت من وصلنة للسيطرة مرينة منهة صفوان نخبص يشم بروحة خاف ضالة بي مخدرات
دلهم:شبيك تتلفت وجهك اصفر تخلي لما يشك يشك بيك
صفوان:ولكك مخدرات مو لعب يشون علية بصل
دلهم: اي شايلهن وياك غير ضلن هناك
صفوان: يجوز عدهم جلاب تشم
دلهم:هسة انتة خايف من جلب
صفوان: والله اذا انعلست بهيج تهمة اعلسك وياي انتة لدورت المورج وانتة لشتريتهن
حجاهة طبگ السيارة على جهة تململت نزل يشتري
اخذلة بالربع ساعة رجع مديت ايدي ورة الكشن
اخذت العصارة خليتهة بالجنطة
دلهم: وصلني للبيت ارجع ذني
صفوان: يمعودة عيوني كوة فاتحهن اشتغل عد الخلفوك نزلهن وياك
طبگ السيارة گبال البيت رفعت راسي للشباك شفت خيالهة من ورة البردة ،اخذت الجنطة صعدت فتحت الباب، الهول اظلم ماكو ضوة عكس مساع
شمرت المحفظة و المفتاح اباوع بطرف عيني الهة متمددة على الفراش و متغطية وگفت اباوعلهة ليشوفهة يگول بسابع نومة
شلت الجنطة طببتهة للغرفة فتت للحمام من جوة الباب اشوف رجليهة بس طفيت الماي مشت لمكانهة شلت الملابس من الگاع علگتهن و طلعت
فتحت البطل اشرب ماي رفعت راسهة مستندة على ايدهة و تفرك بعيونهة كعدت تعدل بشعرهة
سألت بهدوء:يمتة اجيت
دلهم: ساعتين هيج
دارت عيونهة متوترة گامت رمشت مامستوعب هاي شلابسة الماي ضل بحلگي نسيت اشربة وصلت يمي يالله بلعتة مركز بيهة
غنوة:ما اكل لو اسويلك شي تاكلة
حجتهة بأرتباك تعصر بصابعهة عافتهن گامت تجر بالقميص اللابستة خليت البطل على الكاونتر وصلت يمهة صار وجهة احمر مدنگة
حجت مرتبكة:لگيتة
خليت ايدي على خصرهة احس برودة الحرير جوة اصابعي نكمشت على روجهة خجلانة اديهة يرجفن
دلهم: وين لگيتي غناوي
غنوة:وية ذني الملابس لشتريتهن گبل من زمان
دلهم: متصلة علية ثنين و أربعين مرة حتى ارجع اشوفة
صار وجهة احمر هزت راسهة ردت :لا ردت ماردت شي بس هيج اتصلت
دلهم: اعتذر لان ما رديت عليج
دفعتني تدير وجهة :راح انام
اخذت ايدهة متندم لان تأخرت تمددت خليت راسهة على ايدي ضلت ساكتة تلعب بالحلقة رفعت وجهة الي تداري عيونهة عني
دلهم: همزين ما رسلتي صورة
ردت تقاطني:مو حلوة مو ادري هاي كلة من وراهة هي لعبت علية ضلت تلح اني ..
دلهم:شش شبيج نهديتي
غنوة:ادافع لروحي ليش تحجي علية
دلهم: ما حاجي عليج لو مخليتني اكمل جان گتلج طالعة جميلة
غنوة:لا تجذب
دلهم: من شفتج حتى جذب بعد ماعرف اجذب
غنوة:تضحك علية انتة محترف
دلهم: انتي هم محترفة تخليني غصبا علية اباوعلج
غنوة:وين جنت
غمضت عيوني بصبر حجت تدير وجهة : هسة لو اموت روحي هم ما تگلي ليش ماتحجي
دلهم:ماريد ادوخج
غنوة:تريدني اضل غبية
دلهم:ما راح تفهمين اذا حجيتلج ماتستفادين كلشي بوكتة حلو بعدين تعرفين
غنوة:بس اني اضل افكر
دلهم: شنو يمج و تفكرين ريحي بالج
غنوة:هو موصوجك والله
تقربت اشوف وجهة خزرتني تفلت ايدي من خصرهة گامت تريد تروح للغرفة تذكرت الغراض لزمتهة ارجعهة لمكانهة
غنوة:وخرر هم راجع وجه الصبح و هم تبيع علية الحجي ما تگلي وينك و تشوف الاتصال ماترد
دلهم:ضلي هنا اني انام بالغرفة
شمرت مخدتي يم الباب سحبت الغطة لراسهة گمت متنرفز من ملحتهة دخلت للغرفة شلت الجنطة طلعت قافل الباب وراي اجرت سيارة مشيت لذاك البيت طشرت الغراض اخذت السلاح ضميتة
اسمع طكطكة فوك بالطابق الثاني فتحت الباب مشيت على طروف اصابعي صعدت الدرج مستغرب فتحت الغرفة رفع راسة لازم سجينة
دلهم:شسوي هنا
صفوان: ماكو مكان انام بي
دلهم:مو رحت للفندق
صفوان:تعاركت و رجعت
شمرت المفتاح عليه :اقفلة من تطلع خلي يمك
نزلت هبطني الگ***" طلعت راجع بالباب اسمع صوت يمهة صوت القفل خلاهن ينتبهن اجت فتحت الباب متخوصرة
غنوة:رفا يمي
دلهم: تشوفين هذة وكت تسيورة هسة بالسبعة مدري بالستة الصبح
غنوة:اي مثل ما انتة تشوفة وگت رجعة للبيت
دلهم: انتظر يم الباب الجوة خل تطلع
ردت تقرب :دلهم
مدت ايدهة لخدي لزمتهة متنرفز:لا تتماوعين تعبان اريد انام خل تروح
غنوة: اي اي فدوة ايدي توجعني اجت تريگنة سوة تروح لشغلهة هسة راح تطلع
نزلت على ماتولي اجت تباوع بطرف عينهة تمشت للشارع اذا ما اشيل منا اني معتب منين طلعتي
صعدت متنرفز قفلت الباب ارتكت على الحاجز مال المطبخ تباوعلي بعتب:فشلتني گدامهة
دلهم: حتى بعد تتعلمين
غنوة:ما صار شي هي طالعة لشغلهة و مرت علية ما صار شوية من اجت
دلهم:تجيج بالسبعة
غنوة: راسلتني ما اجت هيج لاتحجي على البنية
دلهم:سدي السالفة و لاتطلعين صوت اريد انام
هزت راسهة بفهم كدرت انام كم ساعة كعدت
على اتصال صفوان گلبت متعاجز ارد عليه اخذت الموبايل خليتة بصفي اسمعة
صفوان:تجي وصلتني الاوكي من الولد هسة دك يتوسل
دلهم:البس و اجيك بس كون اكيد
صفوان:اذا مو اكيد اطلع بروحة گعدني من نومتي
نهضت مستعجل عيونهة علية تباوعلي ما عاجبهة غيرت ملابسي طلعت اخلي المفتاح عدهة نزلت
لگيتة طابگ بالباب
حجة اول ما صعدت : ظافر هاجم عليهم مراجع السجلات اجاني هذة سن يطك بسن تعال خاف يلزمة
دلهم:خلي يسوي لنريدة و طبة مرض گلة احنة نحلك مشكلتك خل يولي من خوف يصدك
وصلنة العصر مثل ما ندخل كل مرة مريت على السوك اخذت مخضر رحت لبيت الگـ***" عصام
طلعتلي امة من نسجن ضلت وحدهة اخوان عصام من ابوه ما ردوهة عدهم محد منهن يتحملهة بومة
سلمت گوة علية كاره شوفتهة شغلتهة شوية على ما
صفوان طلع المخدرات رمشلي ترخصت و مشيت
تلاگينة على الشارع العام نطاني سيارتة راح عبرية
للولد رجعت للبيت لنگعد بي اهز رجلي بقلق شيدبرهة هاي لازم الموبايل بس ينطيني الاوكي
أخبر عليهم مرت لاساعة و لاساعتين لليل خلاني افور من الانتظار بس رمش فتحت الموبايل بدلت الشريحة سحبت الجرار ادور بالخطوط العدي
طلعت واحد خليتة عبيت رصيد مسحت وجهي اضبط اعصابي نفتح الباب دخل صفوان مستند علة
الحايط اتصلت كل رنة احس الوقت يفلت من ايدي
بلغت عليه تأكدت البلاغ ثقة يحرك الجهة المختصة
صفوان:ارجع اني اضل هنا اتأكد من كلشي اذا وصل الخبر لصلاح انتة اول المشكوك بيهم تأكد كون انتة ببغداد بهيج وقت
شمرت الموبايل عليه اخذت السويج طلعت اتلفتت
ما نزلت بالطريق جريتهة من القادسية لبغداد
طبگت السيارة يم البيت تأكدت مقفولة صوت طبگة الباب نبهتني التفتت لبيت خالتة الباب بعدة يتهز واحد رگعة خبال اي والله تريدلك وحدة صاحية
صعدت دگيت الباب ماكو رد خابرت عليهة تفصلة
دزيت رسائل تشوفهن ماترد ،لحيت بالاتصال بدون فائدة نرفزتني
دلهم"افتحي الباب ولد عمي صادفوني ماريد التقي بيهم"
بس شافتهة فتحت الباب صار وجهة بوجهي عيونهة تباوع بخوف سحبت ايدي دخلت قفلت الباب متوترة وجهة اصفر
دلهم:ماكو شي لاتخافين
ردت بخوف تلزم ايدي:راح يجون يرمون البيت
دلهم: لا ضيعتهم محد يجي
غنوة:الله عليك وين جنت
ضميت راسهة لصدري حضنتني اسمع صوت دگات گلبهة من خوفهة لميت ادية عليهة امسح ظهرهة
دلهم: اهدي عيني
غنوة: والله مايجون
دلهم:اي مو اگلج ماكو شي
هزت راسهة بفهم زفرت بضوجة صبري نفذ منتظر خبر من صفوان دفعت دك فلوس على المخدرات اذا ما ثبتت التهمة عليه اروح احرگة و افتك
.
.
غنـــوة
اتلفت بالبيت بخوف اباوعلة شكلة و تصرفاتة كلهة قلقة خلاني ماعرف شسوي رجلية بادن و گلبي صار يوجعني كل ما رفعت عيني الة
زفرت يمسح شعرة كل شوية ينزل عينة للموبايل مديت ايدي مرتبكة انتبه الية بس ماحجة شي غمض عيونة مرجع راسة للحايط
دك جهازة و فزيت وياه اخذة اسمع صوت صفوان يحجي بس ما افهم شگلة هو بس يهز راسة بأي
سداه منة مسح على وجهة زفر براحة مديت ايدي لازمة رجلة خايفة:ها شصار مشو
حجة يهز راسة:اي صار مثل ما اريد
غنوة: محد يجي بعد خاف ندلو البيت من تطلع يجون
بعد ايدي تمدد مخلي راسة على رجلي حاضن بطني توترت جسمي كلة كزبر مديت ايدي مترددة خليتهة على شعرة غمض عينة ملامحة مرتاحة
غنوة: دلهم
رد بهدوء: لا تضلين تفكرين محد يجي ولا يندلون انسي السالفة كلهة
غنوة: جا انتة ليش اجيت متوتر
دلهم: مو متوتر تعبان و دايخ
خليت ايدي على خدة فتح عيونة يباوعلي نظراتة و تعابيرة اختلفت عن اول ما اجة بس اتصل بي صفوان تغير مزاجة
غنوة: راح تنام
دلهم:لا جوعان اذا عدج شي
غنوة:اي هسة مو تغفى
هز راسة يجر المخدة يخليهة جواه رحت للمطبخ التفتت الة :عادي احميلك الجاي
دلهم:كلشي الجان
جان عدنة روبة صبيتلة منهة و خبز خليت كوب جاي
شلت الصينية خليتهة يمة عاف موبايلة كعد ياكل
حجة يتلفت الي :متعشية
هزيت راسي :اي اكلت
دلهم: وعلاجج
غنوة:ضل بي حبايتين بس احسن من ذاك حتى لو اعوفة راسي ما يگوم يوجعني جيبلي بعد منة
دلهم: خلصي حتى نروح للدكتور
كمل اكل شلت المواعين اغسلهن التفتت لفتحة الباب تنهدت بضوجة من طلع شمرت الكاسة
بالسنك طلعت صوت عالي كعدت بالگاع ابجي حاضنة رجلية لصدري صارلة يومين يروح و يرجع
شلع گلبي دمر اعصابي من كد ما افكر لو ما رفا يمي و تحاجيني جان تخبلت من وراه ضالة بس منتظرة
رفعت راسي من سمعت صوتة نزل العلاليك من ايدة شميت ريحة اكل و العلاگة ثانية مبين بيهة لبن
حجة مستغرب:شبيج تبجين
مسحت دموعي فشلانة رديت ادير وجهي:عثرت بالباب
دلهم:تعورتي حيل
هزيت راسي گمت اجة گبالي يشوف رجلي كل ابالي
مشة بعد ما يجي طلع رايح يجيبلي عشة عضيت شفتي انفض افكاري هو ضوجني حيل
غنوة: شنو هذة المن اشتريت مو توك اكلت
دلهم: الج ادري الروبة ماتشبعج
ضميت شفتي امنع روحي اضحك حجيت انطيهة ظهري: شگالولك علية ما شايفة
دلهم:علاجج قوي لازم تاكلين
غسلت الكاسة و نظفت السنك من شمرتهة توصخ
نشفت ادية صعدت فوك الحاجز فتحت العلاليك
طلعتهن طلع من الغرفة
حجة يسأل :وين هدومي
غنوة:غسلتهن كلهن نشفتهن رفا مشرورات هناك بالغرفة هاي الثانية فاتحة الشباك الهن
دلهم:وشبيهن غسلتيهن كلهن
مديتلة لفة رديت بصراحة:خباثة لان ضوجتني ردت اگصصهن و خفت منك غسلتهن
هز ايدة ياخذ اللفة مني شمر الفانيلة بالسالة اجة ارتكة بأديه فوك مني الحايط مال المطبخ لجهة الهول مبني للنص و من فوك هم صاير مثل المربع
غنوة:ماتلبس فانيلة
دلهم:هنة وينهن و البس
غنوة:مو ذيج لشمرتهة شبيهة
حجة ياخذ ايدي يبوسهة :مرة ثانية فكري گبل لا تخبثين ليش تعبتي اديج الحلوات
غنوة: ماتعبت غسلتهن بالغسالة مـ..
عضيت شفتي اباوعلة بورطة كعد بصفي رفع راسي مقلص عينة :نزلتي
غنوة:اي جا اخلي رفا تغسلهن اغار
رفع حاجبة يباوعلي بشك مسحت حلگي بوستة بخدة دنكت حتى ما اشوفة شلون يباوعلي مستهزء
ندار و كعد وراي حاضن جتفي يحجي بهدوء كلمة كلمة:غناوي هاي اللواتة ماتمشي عدي تبوسيني و تمطين الحجاية حتى انسى ما ..
نداريت طخ خشمي بخشمة سكت يباوع لشفتي حجيت العب بصابعي: مو انتة ضوجتني والله حيل ضجتت حتى الشقيقة هاجت علية ولا ترد و اتعارك وياك ولا ترجع اجيت من الصبح تنتر طردت رفا
خليتني استحي منهة البنية معليهة
رد يگوم من مكانة :كملي عشاج و نتفاهم
هزيت راسي بس دار وجهة نسيت السالفة احب الكباب هنا يجيبة طيب حيل اكلت لحد ما شبعت رحت غسلت رجعت كعدت يمة
غنوة: ها كملت
دلهم:بالعلاگة قوطية جيبيهة الي
گمت اخذتهة بيهة حلويات اخذت الجبس مديتلة الباقي طشرهن و فرغ الحب بالعلاگة و عدل المخدة ورة ظهرة مرتكي على الحايط
غنوة:تشوف فلم
دلهم:امم
غنوة:عدي واحدد يخبببل شفتة وية رفا اوگف اراويه الك
گمت متحمسة اول مرة اعرف فلم الة اخلي يشوفة
طلعتة راسلتة الي رفا كعدت بصفة نطيتة الموبايل
حجة ما عاجبة : الشفق مال مزعطة ما اشوفة
غنوة:حباااب والله حلو وصلت للنص يالله طلعة
دلهم: شعاجبج منة
غنوة: دشوفة هسة راح تحبة
دلهم:بشرط
رديت اتغطى :موافقة
دلهم: ما تسمع گبل توافق اذا يسامونج علية ما تتعبينهم تشمريني شمر
غنوة: يالله شنو شرطك
شاورني يبوس خدي : البسي القميص الاسود
وخرتة اهز براسي ولا البسة اني غبية شلون لبستة
ضميت راسي جوة المخدة ما راحت الفشلة من وراه
رديت متوترة:حالفة ما البسة بعد
دلهم: نشوف الفلم مالتج
غنوة:لا ماريدة اتابع وياك شنو تطلع اشوف
رد بضوجة:بكيفج
كعدت قريبة عليه اكرز حب ما عاجبني مطلعلي انجيلا مدري شسمهة دهر حلوة هنا باوعتلة بطرف عيني رجعت اتابع
گمت اريد اجيب كلاص سحبني مخلي راسي على صدرة رمشت ما مستوعبة من صار مشهد بالفلم
شهگت ادفع بيه عصر خدودي سوة
حجة بخبث:ها صرتي محترمة و فلمج رومنسي و جزء اضرب من جزء
غنوة:ما اشوفهن انييي مو مثلك ساقطة
توسعت عيونة ارتبكت انتبه لروحي وخر الموبايل كعد لازمني حجة بحدة: ياهو الساقط
غنوة: رـ.. راح البس القميص
دلهم: احجيي
غنوة:مو عليك عليهم همة
دلهم: ممنوع تغلطين بعد سامعة
غنوة:اي زلة لسان گلتهة
عافني رجع يتابع يبس ريجي ارتكيت على المخدة المس بالشاشة لحد ما راح المشهد عناد بية رجعة
درت وجهي اتأفف اخذت القوطية شربت اخر شي بيهة شمرتهة تململت بضوجة خليت خدي علة جتفة العب بشعري اتابع
طلع من الفلم اختار لردتة كيفت عدلت گعدتي خلة ايدة على خدي رجعني لمكاني بوسني براسي بهدوء
حجة يتلمس خدي:ضلي هيج
غنوة: خاف جتفك يوجعك
دلهم:على ثگلج هسة انتي
ابتسمت عبالي يشوفني سمينة اخذت حب اكرز و اتابع من يطلع مشهد مو حلو يگلي ها هذة فلمج يگول اني گايلتلهم يسون هيج
سد الموبايل تمدد لميت الهوسة طفيت ضوة للحمام و المطبخ شربت ماي اخذت البطل مديتة الة درت اريد اروح للغرفة
حجة يلزم ايدي:وين
غنوة: اجيب فراشي
دلهم: هذة كافي علينة تعاي بصفي
سكتت گلبي يدك حيل تمددت بصفة حضن خصري
شفتة صارت على رگبتي حبست انفاسي برهبة منة
بوسني بهدوء صعد لخدي غمضت رفع وجهي يمشي خشمة على رگبتي يشمني بوسني هواي
ترس جلدي بلمساتة انتهيت و استسلمت احاوط رگبتة نزع الكماشة ايدة على خصري يرفعني الة
حجة يبوس أذني :احبج غناوي
عضيت شفتي اضم راسي بحضنة ابتسم يسحبني
إيده نزلت على خصري وانا بديت أتنفس برهبة
نوبة شغف ولهفة ضلينة هيج بوسات متلاحقة
صغيرة كبيرة أحضان لمسات ايدي بيدة كل شوية يبوسهة غمضت عيوني گلبي يرجف
نطيتة ظهري اتغطة استحي اباوعلة مد ايدة من وراي للموبايل تنرفزت اخذتة دفعتة بعيد على الگاع وصل للحايط طك بي
حجة يرفع راسة:صدك جذب
غنوة: هاي لو اني لازمة موبايلي جا ضليت تتأفف
دلهم:ما اشمرة هيج
غنوة: اني اشمرة و اكسرة
رد يگرصني بجتفي: صايرة شقاوة
تحركت ابعدة:انتتة علمتني
دلهم:هو اني شايفج حتى اعلمج
التفتت الة حجيت بضوجة:ها أها انتة اعترفت ما شايفنيي
دلهم: التعلوم يصير بالصغر ما شايفج گبل
غنوة:اني اجيتك كلشي ماعرف حسي ماينسمع
دلهم:عبالج الحسة ماينسمع عاقل ياهي المكارة لتسوي دكايك ناقصة وتقفل الباب و تگطع عني العشة و الغدة تضم راسهة ما تطلعة بعد
غنوة: مو اني
دلهم:اي مو انتي المكارة
حجاهة تقرب يتحرش بية يعض بخدي ابتسمت اخلي ايدي على ظهرة حجيت اتذكر :اگلك ظهرك
رد يشم رگبتي :شبي
غنوة:الجلد مزلوغ صاير كلة احمر شوف وخر شوفة
تغطة يگلي خيولي سندت راسي على جتفة مغمضة عيوني يحرگني من النعاس ماريد انام تحملت لحد ما أذن وخرت ايدة و گمت
فز يباوعلي مستغرب حجيت البس :أذن گوم صلي
دار وجهة متغطي حجة برود:صلي انتي ماتفيدني الصلاة
لزمت جتفة اباوعلة :شنو ماتفيدك وين لاگيهة هاي گوم يالله اني فايتة گبلك من ارجع الگاك كاعد
غطة راسة مامهتم گمت شغلت الضوة كلة تنرفز ضل يصيح طفي ما رديت اخذت هدومي دخلت للحمام اشوفة من جوة الباب طفة الاضوية
طلعت انشف بشعري شغلتهن نفض الغطة يباوعلي يريد يخنگني باوعتلة بطرف عيني واكفة على السنك
اتوضى غصباً عليه گام خليتلة مكان كدامي صليت
فترة اجة صلى سديت الموبايل تقربت يمة حاضنة ظهرة نزل التربة للگاع التفت الي
غنوة: هسة صرت حلو
دلهم:عوفي هاي الكلاوات اني مامخلي شي ما مسوي
غنوة:مثلا شمسوي ظالم بايگ تسكر لو تسوي حرام
ليش ماتصلي انتة مو جنت تصلي و عفتهة
دلهم: سدي الموضوع لاتدخلين بية
غنوة: شكد غثيث اسمع من ذاك اليوم ردت اگلك شغلة
دلهم:امم شني شغلتج
مديت الموبايل اراويه حجيت مبتسمة:صرت اقرة قرآن انتة مو علمتني اقرة و رفا طلعتة بالموبايل هم شوية علمتني گبل جنت بس اشوفة ماعرفة
عبر ايدة وراي حضني و ايدة الثانية تمسح على شعري حجة يبوس راسي:تستاهلين تعرفين كلشي
غنوة: مو اليوم قريت اريد هدية
رد يرفع راسي:هنا النة بيهة هدية
غنوة:اي خل نروح للكاظمية مو قريبة حباب نروح بالليل ازور و نتعشة هناك ها شگلت
دلهم: سهلة
حجاهة نزل راسة يريد يبوسني وخرت ادفعة:بعدني مامكملة اريد اقرة
دلهم: مايبطل وضوئج
غنوة:تضحك علية رفا علمتني كلشي حتى الوشم طلع حرام رفا گالت الذنب مو عليج عليه لان يدري وانتي ماتدرين ما گالج
دلهم:منين طلعتلي هاي صاحبتج
رديت اقرب منة: انتتة تحبني
رفع حاجبة حجة يگرص حنجي:شتردين
غنوة: اريد كون شگلك تسوي
ضحك بصوت عالي رافع راسة باوعتلة معبسة حجة بين ضحكاتة يگرص خدي: نامي و تحلمي
غنوة:الزلم كلشي تسوي لنسوانهة
دلهم: غناووي لاتصيرين مدري شلونج عوفي الافكار هاي تخربين عقلج ضلي مثل ما انتي
جر مخدتة تمدد راسة بصف رجلي تربعت اقرة اباوعلة بطرف عيني اخذ ايدي يبوس ببطن ايدي
شواربة تبزز بية ماتخليني اركز
غنوة:دلهم
رد يخلي ايدي بشعرة :لاتوخرين لحد ما اغفى
غنوة:صاحبك يدك عليك
دلهم:خيولي
مديت ايدي لموبايلة گلبتة على الشاشة رجعت اتهجة و اقرة كلمة كلمة علمتني رفا ،لحد الصبح نعست كلش عفت الموبايل على جهة رحت نمت
كعدني العصر حتى نروح للكاظمية كعدت متحمسة بدلت وكفت انتظرة بعدة مدد بالصالة ضليت الح
لحد ما گام غسل و لبس طلعنة سوة
اجر سيارة رحنة اول مرة بحياتي ادخل مزار جنت اروح بس مشاية و ازدحام ما ندخل جوة نرجع بسرعة و الكاظمية و بقية الزيارات مو دوم يرحون
يروحن البنات بس اني اضل يم جهال
حجة يلفت انتباهي الة : هذة الرقم عدج و اني هنا بس اوكفي برة معليج اني ادورج
غنوة: اتأخر اريد اضل هواي مايصير ندخل سوة
دلهم: اخذي راحتج شكد ماتردين ضلي
هزيت راسي مكيفة رفعت روحي اجيت ابوسة بخدة تلاحگت روحي جراني هو يثبتني خازرني باوعتلة معبسة مو صوجك
درت وجهي دخلت نسيتة بعد على الراحة لحسيت بيهة ما انظل بس اشوف منين يزورن السنوان امشي وياهن گوة زرت كعدت بعيد اصلي
أذن الغروب هم صليت ضليت هواي كاعدة مرتكية على الحايط حاضنة رجلية لصدري ماعرف اعبر عن
الاحس بي و احجي حتى بالدعاء ماعرف شنو اگول بس دموعي تنزل بعدني لهسة مقهورة ما ناسية
هواي ضليت لحد ما راسي صفة من البجي
و الشقيقة هاجت علية خفت بالزايد هوسة صوت احسة بنخر بدماغي
طلعت ما اشوف كدامي عيني اليسرى غوشت
ضليت واكفة برة لحد ما حسيت بأيدة على جتفي
التفتت الة تبدلت ملامحة لقلق لزم وجهي :شبيج
رديت بغصة: الشقيقة هاجت علية
دلهم:صدك تحجين ماردة عيونج من البجي ماتفكرين بروحج
غنوة:مادري يصير هيج
دلهم:خل نرجع للبيت هدوء حتى ترتاحين
غنوة:اريد اضل
دلهم:غير مرة اجيبج مو بعيدة
رمشت عيني تحرگني من يصير وجع براسي جفوني يصير ثگال الوجع احسة بمقدمة راسي مثل واحد لازمني يدك على راسي
رجعنة للبيت غيرت ملابسي تمددت بالهول هدوء
حتى الاضوية طفيتهن ،جاب عشة كعدت اكلت
و شربت علاجي صرت احسن شوية
غنوة:اگلك نرجع صرت زينة
دلهم: نرجع ليش لا
گمت متحمسة صدك طلعنة افترينة هواي برة حدايق و اسواق نسيت الخنگة مال هاي الايام كلهة
امشي وياه ضام ايدي بجيب الترواكة دخلنة لمحل مال مكياج وكفت متوترة حتى استحي اخذ أشرلة هو ياخذهن راح دفع خلة العلاگة بيدي
رجعنة متأخرين صعدت كدامة خليت الغراض علة جهة نزعت ملابسي بالغرفة شمرتهن من التعب لبست اول ثوب اجة بيدي طلعت واكفة ادور بطل الماي اريد اشرب
دلهم: غناوي
التفتت مستغربة:ها
دلهم: بعد لاتبلسين هيج من ترحين لصاحبتج
باوعت لدشداشة مستغربة رجعت باوعتلة:من انزل ما البسهة استحي بس هنا
دلهم:امم من تجي هنا هم نزعيهة
غنوة:خوش
خلة ايدة جوة خدة يباوعلي توترت رجعت الماي رحت لمكاني شلعت موبايلي من الشحن اگلب بي
ادور شي اشوفة
الساعة جانت بالوحدة الة ربع طفيت الموبايل تقريت يمة حجة يبوس جتفي : حلوة اخت المستلك
رديت بضوجة:دلهم لاتحجي هيج
دلهم: على اخوج الاغم مو على سالم
غنوة: اي بس ماحب هو صح مو زين وياي بس مادري اضوج
دلهم: شلون بيج و بگلبج
ابتسمت ارجع شعري ورة أذني شماني حجة:هذة العطر اذا مو من رگبتج ما ينشم
گلبي صار يدك حيل وجهي صخن بس اتبوسم تقرب يبوسني غمضت عيوني حاضنة جتفة مد ايدة من فوگي يبعد الموبايلات و الشاحنة
بنص هاي العاطفة و الحنية اول ما ريحت راسي على ايدة مغمضة عيوني دك موبايلة هو غافي ضل يدك و يفصل فزيت مستغربة من حركتي كعد
اخذة مرتكي بأيدة فتح خط اجة صوت صفوان يصيح مخبوص:وينككك ماتگلي اتصل ماكو اطلع منن بيتكك نعمان خبر عنك
شهگت فازة هو كعد مستغرب رد:خبر على شنو شمسوي
صفوان:فتح قضية جلال
عگدت حواجبي مستغربة باوعتلة زفر بضوجة حجة:وين اروح خل يجون انتظرهم
صفوان:شنو تنتظر على ساعة يجون يشلونك
دلهم:على شنو اشرد اني كاتلة معلية بي تعاركنة هو ولة يشرب صار عدة تليف و مات شعلية بيي
صفوان:عبالك نعمان و صلاح راح يعبرونهة هيج
يلزگون الف سالفة فوگهة
دلهم: خيولون بس اشرد تطلع تهم من جوة الگاع علية نازل انتظرهم برة
سداه گام غسل رجلية بادن ماكدرت اوگف حجيت اصيح وراه :دلهممم شكو منو لياخذك
دلهم:الشرطة هسة تجي نازل جوة
غنوة: شسوويت بس گلي شمسوي بذني اليومين
دلهم:كلشي مامسوي همة يتحرشون بية
لبس اجة كعد بصفي حجة يبوس شفتي:راح اشتاقلج لاتضلين تفكرين ماكو شي القضية ماتمسني بس همة يصعبونهة
غنوة:اذا يتدخلون بيهة روح لا تسلم روحك اني انتظرك هنا
دلهم:جؤؤ تخلص بسرعة و ارجعلج لا تخافين و تنخبصين ضلي بالبيت و مثل كل يوم
غنوة: وعد تجي
رد يخلي شفتة على خدي :وعد هسة البسي خل انزلج يم صديقتج يالله حبيبي
گمت لبست حجابي و راسلتهة نزلت وياه صفوان واكف يم سيارتة متخوصر يباوعلة ما راضي عليه
عصرت ايدة بأيدي باوعلي يطمني ماكو شي مايدري گلبي شلون يرجف من الخوف دخلت رفا بالباب منتظرتني وكفت يمهة حضنت جتفي
حجت عينهة على صفوان:ولا مرة شفتك و شفت الخير
تقرب يم الباب يحجي بعصبية و همس:طبييي جوة ادبسزز مو صوجج صوج النعول لعدكم يخلونج لازمة الباب
هزت ايدهة تباوعلة بسخرية عفتهم عيني على دلهم
طلع موبايلة خلاه بيدي نزل اوراق وياه هم ضماهن
گالنة تدخلن اقل من ربع ساعة سمعت صوت السيارات مال الشرطة گلبي نقبض اباوع من الباب
جتفوه و اخذوه
شكرا لزيارتكم عالم روايات سكيرهوم
