رواية الضابط واليتيمة الفصل السادس عشر بقلم مجهول
-هسة عيني ام اسعد عوفج منها يا حطيتي بالج وياها
- صدك مسمعتي غير ام ....
حتى ما حجت وياية راسا ولا سلمت انقهرت من حجيها كلش بس غلست وكملت شغلي
اجتي هاي الابنية الشابة
- انتي شنو اسمج
كعدت على الميز كبالي واني اثرم بالزلاطة باوعتلها
- مينا
- شكد عمرج ست مينا
- عمري ١٩
- اممم بعدج مراهقة
- ليش انتي شكد عمرج
- بس اني هنا اسال وانتي اتجاوبين
عرفت هاي شنو نوعها فبديت اغلس عليها
- وين غرفتج
- بالطابق الثاني
- ياااا هاي صدك عندج غرفة
- شنو
- والله مدلليج ست مينا
اجتي ريهام
- كافي ريام لتّجرحين مينا
- شدا اجرحها عيني علكيفج شنو لازمة موس
- كافي بنات اني مضجت
- اشش انتي مدخلين بيني وبين ريهام
- ريام كافي (بصيحة وجانت من وليد)
- وليد انت متعرف شحجت
باوعت على وليد بصدمة هاي شراح اترتب حجي علية
- تدري كالت
- اسكتي ما اريد اسمع شي الي سمعتة كافي كلش واسمعيني ريام زين ترى مينا بحمايتي وماكو سبب يخليج اتهينيها وابيتي
- وليد شبيك
- هاي شكو بنات ريام شبيج
ريام كامت تبجي
اني رحت جريت وليد من ايدة وطلعت برة
- انت تدري شنو سويت هسة انت طيحت حظي واخيرا حسيت بامان ببيت وحسيت براحة اني اعرف هيج بنات راح تبجي وتبتليني بشغلات مسويتها وراح يصدكوها ويكرهوني وحتى كلامك ميصدكوا تعرف ليش لان راح تبتليني بعلاقة او انو تارسة راسك بشي هاي كلها شايفتة واعرفة والله وعايشتة ومليت ما اريدة ينعاد
جنت ابجي وما احس بدموعي اتقرب وحضن وجهي بايدة ومسح ادموعي
- مينا اني ما احتاج ابرر حتى احد يصدكني او يعذرني اني كلمتي وحدة ومحد يكدر يكسرها وراح اتشوفين بعينج
جريت ايدها وطببتها للبيت اجتي ريام
- اني اسفة مجان قصدي اهينج او اجرحج
- ها (رفعت راسي اباوع على وليد منصدمة هاي شلون )
- يلى ريام كافي وانتي هم لتضوجين ورحوي اتونسي وية البنات جوة
- اسفة وليد مرة ثانية خاف ضجت
- يلى طبي
التفت على مينا وابتسمت ابوجها جريت ايدها وكعدتها برة على الميز بالحديقة
- شلون هيج صار
- يعرفوني بالبيت ما اعصب على شي تافه ولوما هي غلطانة جان ما عصبت عليها
كل الي فكرت بي بهل لحضة اريد احضنة اريد اكون يمة دائما اريد الامان الي يوفرة الي اريد حنانة ضليت اباوع بعيونة ورفعت ايدي ما اعرف شلون هيج سويت او وين جان عقلي بس اتبعت كلبي بس هذا الي احتاجة هسة واريدة
اتقدم علية وحضني خفيف حيل بس خلة راسي على صدرة ضليت اسمع دكات كلبة وبديت ابجي بدون صوت شوية شوية طلعت مني شهكة
وخر ايدة ووخر راسي عن صدرة
- ليش تبجين لتبجين انسي الماضي واهم شي الحاضر والمستقبل
- اخاف والله اخاف هذا كلة يروح بغمضة عين
- لتخافين ما طول اني موجود محد ياذيج ويلى كومي كافي دلع وراج الغدة لو العسكري ديتهرب من الخدمة
- لا لا شتهرب مسحت عيني وكمت طبيت
لزمتني ام وليد
- شبيج يمة شبيها عيونج شنو سوتلج ريام فهميني
- لا خالة ما بية شي والله خلي الحك اكمل الشغلة
- ليش وليد عصب فهميني شنو سوت
- خالة خلص الموضوع هاهية حبابة عوفي وريحي بالج وروحي اكعدي لتعبين نفسج
- تمام بس لتضوجين هي عقلها صغيرة ترة
-من عيوني
وكمت ادفع بيها ووصلتها للاستقبال ورجعت للمطبخ طبوا الولد ولدين شباب ورجال جبير ووياهم وليد وايمن كعدوا بالاستقبال اجاني ايمن
- مينا ملحتي السمج
- اي
- ماشي
رتبت السلطات والمقبلات ورحت سويت العصاير واللبن وطفيت التمن واجة ايمن اخذ السمج هو وزين ووليد ليهسة مطلع من الغرفة ولا شفتة من اخر شي
كملوا السمجة ورادوا الاكل بالهول بالكاع رتبت الاكل اجة زين ساعدني كعدوا اني رحت نظفت المطبخ وصبيت اكل لنفسي اكلت شوية ورحت رتبت الحلويات والجاي خلصنا الاكل والتنظيف
متت تعب هلكت
رحت اخذت ملابس من غرفتي ورحت للحمام ترست البانيو مي دافي ونمت بي ارتاحيت كملت سباحتي وبدلت ولميت شعري وطلعت
شفت ام وليد اتودع الخطار
رحت وكفت بعيد عنهم سدوا الباب واجتي ام وليد
- تعبتي مو الله يوفقج يا ربي شلون اكل طيب يخبل عاشت ايدج يبعد كلبي
- اي والله يمة فدوة للحلوياتي مالتي
- هههههههه تسلمين خالة تعبكم راحة
كلمن راح لغرفتة والولد طلعوا كعدت على الميز وصبيت جاي وتلفوني بيدي شوية اكلب واحاول اتعلم علي
رحت على ام وليد
- خالة شسويلكم عشة
- لا عيني كلنا انتخمنا والولد اذا رادوا ياكلون برة
- لعد راح انام
- اي يمة روحي
الحجي هذا الساعة ٧
حطيت راسي على المخدة لحد هسة وليد ماكو
ورة شهر
الحياة نفسها الفرق الوحيد انو ماكو وليد والصبح يطلع قبل لا اتريك وورة ايام يلى يرجع للبيت يا دوب اشوفة دقايق بس
واذا يشوفني احسة يتجاهلني وبعيد عني كلش
مشتاقتلة مشتاقة احجي ويا
شنو تتوقعون وليد شبي وشنو الي اتغير
