رواية بنات سهر الفصل الخامس عشر بقلم فراقد حسن علي
يا تـرفه ، يا اخـت الشـذر
يـا ماي ، يا تــرچيه
تفضح لمعتـچ و السلف
خطـابه اجوكم عـ اللمع
عـرفوچ خـوش بنـية
===================
و كملت ساهرة قصة بنت علي ألجبيرة
بدموع مطاره ، وغصة حزن
وكالت / و البنيه الجبيره المسكينه
مرت بظروف صحيه كلش صعبه
وبسبب الفعل الشنيع صار عدها أستغفر الله
بذره حرام ،وبسبب هذا الحمل أدمرت حياتها ....
ولا هي ولا أهلها جانوا يعرفون هي حامل
اصلا محد مخلي على باله هي حامل
لان أطمئنوا من سووا تحليل وماكو حمل
وجان تنزل عليها العادة بس قليله
فاابد محد حسب حساب الهذا الموضوع
3 ت
بس هي المسكينه جانت دوم تشكي
من قوة الألم والمغص
ومن راجعوا بيها للدكتورة النسائيه
طلع عدها التهابات كلش قويه ،،
صارت بسبب العمليه التجميلية
السوتها الها الدكتوره بسبب فعل الاغت صاب
وأمتدت الالتهابات من الخياط الخارجي ،،
لعنق الرحم ،،للرحم والمبايض ،
وبتالي الالتهاب صاب كل الحوض
وأنوب كالتلها الدكتوره الذكية/ اكو اكياس دموية صغيره متواجده بداخل الرحم
اكيد صارت بسبب الالتهابات
وماتخوف على العلاج تختفي وتروح
4 ت
فبقت تقريبا من شهرين الى ثلاث اشهر
تعاني من المغص والألم
فحسبالها هي وأهلها من الالتهابات
وتشرب بهل العلاج وماكو كل فايده
لحد مابيوم صار عدها نزف كلش قوي
وألم فضيع سببلها فقدان الوعي
19
ومن وعت على زمانها الظالم
لكت مسويلها عمليه وشايلين رحمها ومبايضها
وهي بعدها بعز شبابها
طلع عدها الله يكفيجن الشر حمل مو زين
يسمونه الحمل العنقودي
وياه هذني الأكياس الدمويه
وبسبب التشخيص والعلاج الغلط
أنفجرن أبطنها الأكياس سولها تلوث بالرحم
هنا أضطر الجراح يشيل رحمها ومبايضها
لان شايف اكو بدايه أنسجة سرطانية
متواجده على جدران الرحم
فنقذ حياتها وصحتها من انتشار السرطان باقي جسمها
وخلصها من العلاج بالأدوية الكيمياوية لباقي عمرها
صح جانت الخطوة قاسيه او الصحيحه
بس الحمدلله نجحت عمليتها ومصار عدها مضاعفات
وبقت بعد العملية المره تتعالج
من الالتهابات يعني المرض جسدي
وتتعالج من المرض النفسي
يعني أدمرت صحتها ونفسيتها
7
فد يوم وجان تصفن ويه روحها وتكول /
ليش أنا جبانه وما كتلت روحي مثل أختي
ليش هي أشجع مني وخلصت نفسها من الم الدنيا الحقيره ؟؟!!
3 ت
بس بجت بخوف وتراجعت عن تفكيرها وكالت/
لا أنا مو جبانه بس الله حابني
مو يكولون ان الله اذا أحب عبداً ابتلاه
اكيد هذا الصار بينا جزاء شغلات غلط وحرام
أحنا أختارينها بيدينه
هاي جزاتها بالدنيا حتى يخف عنه عذاب الآخره
والله واعلم شنو جزاتها بيوم الحساب
9 ت
انتن جنتن صغار بهذاك الوكت
يمكن تذكرنها مااعرف ما واعياتها
نزلت السوك بغداد وبكل محافظات العراق
بدايه التسعينات
وخسارة التجار خساير جبيرة
كلشي بالعراق صار بسعر التراب
شكد تجار توفوا بسبب السكته القلبيه
والجلطة الدماغيه خسروا كل أملاكهم وأموالهم
6 ت
علي وبعد جم تاجر جانوا من ضمن المستفادين
من خسارة هذوله العالم
شلون ، وليش ،، وبيا طريقه أستفادوا
ماتعرف
2 ت
واكو شغله مو متأكده منها
سمعتها هيج طراطيش حجي
لان مجانوا الاهل يحجون كدام بناتهم
لو كدام الصغار بهيج شغلات مخجله
عساس علي وصديقه هم تاجر
معتدين على مرأه زوجة صانع او عامل يشتغل عدهم
او هي مواعدتهم او مصادقتهم بظهر رجلها
ماتعرف تفاصيل هواية عن هاي السالفه
بس تذكر كعدوهم عشيره العامل للفصل
واخذوا منهم فصل مربع
7
وبعدين كامت تنبر سوالف
وهذا سمع وهذاك كال
عساس الي جان يتعامل وياهم ويساعدونه بسوالف التهريب،، هم واصلين والهم يد قويه بالدولة
صايره بيناتهم خلافات ما تعرف نوعها شنو
هم الي صفوه وكتلوا هيج كتله بشعه
يجوز من باب ألانتقام
او يجوز بهاي طريقه كتلته يردونه
يصير عبره لليندك بيهم
وبكل الحالات علي أخذ جزائه العادل بالدنيا
أذا جانت هاي الهجمة
علمود أستفادته من خساره التجار
أو صدك بسبب أعتدائه على المراه
او علمود سوالف التهريب
بجميع الحالات ألعالم أتأذوا وشاطت قلوبهم
على عرضهم ومالهم وحلالهم
وعلي شاف ألاذية بأانواعها بالدنيا
اذا جانت أذيه النفس او أذيه الجسد ،
والله كان أله بالمرصاد
وبالآخره هو اليغفرله ذنبه
وهو بعد أرحم الراحمين
5 ت
وبقت البنيه الجبيره والام شلون بيهن ؟
وهن أصبحن عار بمجتمع ما يرحم
والمنهن وبيهن يعيرون بيهن
حسبالك هن أختارن هذا الشي بيديهن
مو مغصوبات عليه وشافن الويل من وراه
4 ت
وزاد الطين بله ،
من أضطروا عمامهن وأهلهن يهاجرون
من محافظتهم وديرتهم ( احدى محافظات الجنوب )
وأنهزموا من الفضيحة والعار
وأجو هنا يعشون بغداد بلكت تضيع سالفتهن
2 ت
والكل كام يباوعلهن بنظره العار
وحملوهن الذنب ويكولولهن / من وراجن خسرنا هواية
اذا مال ، او سمعه ، او مركز ، او منصب
وفد يوم العمام أجتمعوا يسون حل البنت أخوهم
وهذا يكول أكتلوها
وهذا يكول أذبحوها
وهذا يكول أتبروا منها
بعد ما عرفوا عن طريق الحبايب
كل سالفه الهجمة بالتفصيل
11
يعني بيوم صارت كعده ولمه مال نسوان
وتعرفن السوالف تجر
صار الحجي وانذكر الموضوع
وهي سولفت الحادث ألهن بالتفصيل
ان هي توسلت بالخنزير ما يكشفها
كدام ابوها وامها وباقي الخنازير الوياه
والنسوان ألفن الموضوع وسون من الحبايه كبايه
وعمامها رادوا يذبحوها ،،
شلون هي تسلم نفسه اله !!!
13 ت
وأنوب شدوا حزمهم على كتلتها بعد ماأفتهموا
من أمهات الحظ والبخت
عساس واحد من ضمن المجموعه
طالب وياها بالكليه
وهو جذب لا تعرف واحد ولا ابد
هن سألنها / ما عرفتي واحد منهم
كالتلهن / اكو واحد بيهم يشبه طالب ويايه بالدوام
بس ما متأكده من عنده..
ويلزموها عمامها وياخذوها للكليه
ومن بعيد راقبوا الولد وتاكدت زين من عنده
وطلع مو هو
وهن الحبايب سونه صديقها ومتفق وياها
ومخططين على هاي ألهجمه وكتلت أهلها
وصخام الوجه
8 ت
وكامن يوزن الحياييه على كتلت البنيه
علمود غايه حقيره حشاجن
وهي حتى يتوزع ورث علي على أخوته
لان أتفقوا مرته يودوها لاهلها
بعد ما يكولون مالها شي يمنا
هي متفقه ويه بتها على هاي السالفه
وهذا الخنزير صديقها
7 ت
ولافن الحبايب الموضوع والسالفه على البنيه
وحاكلها حياكة ظلمة
بس الله ما يعوف البرئ بدون عونه
5 ت
وهنا وتنطق وتشهد الها بنت عمها
أن هي سمعت نسوان
يدبرن ويحوكن الها هاي السالفه الغمه
وقسمت بالقران على كلامها
وأهل الشوارب كعدوا الحبايب لليمين
نصهن خافن واعترفن بس مو بشكل مفصل
ونصهن نكرن كلشي
وكامت ناس تشمر السالفه على ناس
بس الحمد لله ظهر الحق وربج براها للمظلومة
7
واحد من أولاد عمامها جان مراهق
يمكن بصف الرابع اعدادي
طلع طلعة زلمة شهم وينشد بي الظهر
ويكوه بيه الحيل ،
وكف بوجه أبوه وأعمامه وكاللهم / أني أتزوجها
هي بنت عمي ومرجوعها عليه
عارها يمسني
وشرفها يزيدني فخر
أنا أعقد عليها وأتزوجها
وقابل بيها وبكل عيوبها ألتسولفون بيهن عنها
21
هو هنا صدم الكل بهذا قراره
حتى أبوه أنصدم بي ومنعه
بس هو وكف بوجه الكل
ونفذ كلامه
3 ت
ليش ؟؟؟؟؟؟
لان هذا الزلمه الشهم يحب عمه علي
وجان دوم متواجد بيتهم
وعمه يكله/ أنت أوليدي المطالع من ظهري
وبس تتخرج من الاعدادية أزفلك جماره قلبي
يقصد على بنته الصغيرة الله يرحمها،،
وأسجل نص أملاكي بااسمك
10
هو يضحك ويكله / خلي بناتك وأملاكك على قلبك
بس كلمه أنت أوليدي ومعزتك اليه
تسوه عندي الدنيا كلها
وصدك بكلامة وبوعدة الشهم
وعقد على بنت عمه
وسكن ويه بنت عمه وأمها بيتهن
وكص السان كل بشر وسخ يحجي عليهن
وكف شوكه بعين كل شخص يريد أذيتهن
6 ت
والحلو هنا هو هواية كبر بعين أبوه وأعمامه
وكاموا يحسبوله ألف حساب
2 ت
وبده حياته من الصفر ويه بنت عمه
وأخذ حصته من ورث أبوه
وبدة يشتغل بيها بتعب وكد
وكل درهم زاد عنده بالحلال
2 ت
وللعلم بنت عمه رادت تحوله أملاك أبوها
بس هو ما رضى
كاللها / مشكوك بمصدرهن بيهن حرام
اذا تردين تبرعي بجزء من الاملاك لاعمال الخير
والباقي أتنازلي بي العمامج حتى يفكون عنج
وهي مشت بشوره ، وصدك ربحت
حولت جزء من الأملاك للاوقاف الدينيه
والمال أتبرعت بجزء من عنده للفقراء
وباقي الاملاك والمال تنازلت عنهن بالتساوي العمامها
وصدك فكو عنها وبقى مصيرها بيد الله
وأبن عمها ( رجلها )
6 ت
وهو الشهم كون نفسه بنفسه
وبلش شغله بتجارة السيارات
وصلوات على النبي صار عنده بدل البيت عماره ،
وبدل السياره معرض مال سيارات
وصار عنده خير من الله
وسمعته الطيبه وخيره طاش بكل مكان
وكامت كلمته تمشي على الصغير والجبير
والكل تاخذ بشوره
8 ت
ومن توفه أبوه ألله يرحمه
أشتره بيت قريب بيت أهله
وسكن بنت عمه وأمها بي ،
وهو رجع سكن بيت أبوه
يعني صار عنده مسؤولية بيتين
هنا هو كبر شويه بالعمر
وحاله حال كل شاب يريد عرس وزواج
لان بنت عمه هي صديقته أو استغفر الله أخته
بس كدام العالم هي مرته
والحلو هم متفقين بكلشي من تفكير وتخطيط
وكلب على كلب أكثر من الأخوة
ولا هي تشوفه رجلها
ولا هو يشوفها مرته
هذا العقد فادهم من بابين
الاول يسقط الحرام بيناتهم مثلا ما تلبس من عنده حجاب ، يشوفها شمحتاجة وشتريد
يطب للبيت شوكت ما يعجبه
ومن باب الثاني سد بي حلوك العالم
هي مرته وتخصه محد يدخل باأمرها
8 ت
كامت أمه أدورله على مراه
وجابتله بنت بت خالها ، هو ماأعترض
صارت القسمة وعاش وياها سنين
خلف منها بنيه
وراه سنين يلا جابت ولد ضرير خطية
من الولاده أجى أعمى
25
بس شنو عاش عمره وياها ضيم بقهر
شيبت قلبه ، يا كالت امك
يا حجن خواتك
طلعها بيت وحدها وما خلص
وأنوب طلعت بسطوانه جديده
تعال طلك بنت عمك
بويه المراه كافيه خيرها شرها وهي ما يمج
مايفيد ادورلها مشاكل من جوة الكاع
شكد ما خلكه طويل بس أطلع روحه ،
يحطها ويكتلها وتروح لبيت أهلها زعلانه
وفتره ويروح يرجعها
لحد ما شاب قلبه وراسه من كثر المشاكل
عاد طلكها وانطاها حاضرها وغايبها
وفوكاهن حصه من الورث مال جهالها حتى
بس تفك عنه ياخة
وحاليا هو خاطب وعرسه بعد جم يوم
وان شاءالله البنيه تطلع حبابه وتريح قلبه
لان متعوب سودة عليه
9 ت
بنت عمه ألمظلومه مرتين راحت حجة لبيت الله
مره راحت هي والشهم
ومره أخذت امها وياها
الحمد لله من حصلت حجة هي وأمها
ويمكن راحت عمره أربع مرات
وراحت للسيدة زينب مرتين
وراحت زارت غريب طوس ابو محمد مره
الحمدلله هي حاليا مرتاحه ومستقرة روح وجسد
مقتنعه بفكره وحدة وهي،، عبادة الله تسوه كلشي
ودوم تكول تزرع طيب تجني طيب
وبالكلمة الطيبة كل طريق يلين
19
ومربط الفرس هنا يا بعد قلبي
المراة سترها وغطاها رجلها
والدنيا ما ترحم المراة لبدون رجال
12 ت
وانتي يا حبيبتي صح بدايتج غلط ويه طارق
والفاس بعد وكع بالراس
والشيطان شاطر هم دمر حياتج
بس لازم ماتخلين هذا الغلط يدمر حياتج الباقيه
وسلمي زمام أمورج بيد الله
هو حكمته ورحمته وسعت كلشي
14 ت
ولا تنسين انتن نثايه مألجن والي
وأمجن مكروها عند ال الحسن
عمي جابر وعمجن حاتم اختارولجن احسن حل
من تكونن تحت عبايه زلمه يسترجن
4 ت
والله منتصر أخو خيته
والتعبان يسند روحه علية يصبحله عزوه وسند وتجيه
وابد ما يتعاجز عن شيل ألحمل
سودة عليه كبر كبل وكته
والله شكول عليه قليل بحقه
8 ت
وطارق وروح أعزاز قلبي صح يشرب وابو نسوان
بس والله قلبه ابيض أبد ما يحقد
يسولف بليل ينسى بالنهار
وكون بس واحد ينخاه يمد روحه بساط اله
و واحد تلاف عنده الفلس والمليون سوه
ويموت على المراه شكد يرعد ويصيح ويعيط
بس خل يشوف مراه تبجي
لو تتخربط كدامه يوكع قبلها ،
ويموت على سوالف ودلع ومياعه البنات
انتي صيري سباعيه وكسبي واعدلي
والله بسرعه يتقشمر
22 ت
ومازن اتمنيت عمامي كون كل خلفتهم مثله
كلمه الرجوله والشهامة قليله عليه
من صغره مؤدب وخلوق
ولجن جانوا يضحكون عليه أولاد عمي الباقين
يكولون / حرامات مسجلينه ذكر بالجنسية
اخلاقه اخلاق بنيه علويه
حتى يستحي يسلم علينه أحنا بنات عمه
عود من التحق بالعسكريه شويه أستكوى
وطلعت عينه ، بس بقى خلوق ومؤدب
مسره / عاد أني هنا حجيت الصراحة /
ساهره تردين الصدك اني مارايده منتصر لان شايب
ومريض ، هم يموت و اترمل مره ثانيه
والله ماعندي قلب بعد يحمل فراك
هي خمست اصابعها بوجهي وكالت /
برررد بررد من شر نغطتج
اسم الله على أسمه وطوله بيش مفاوله عليه
ولج بعده شاب صغير بالعمر
هستوه عمره صار ٣٧ سنه
13 ت
وترى شعره من هو صغير عنده شعله بدايه كصته
وبعدين طشت بكل راسه وهل تشوفينه
شعره ابيض مشيب من وراها
7 ت
وقلبه تعب من القهر والجكاير
مو هو بصف الاول متوسط يدخن
والحمد لله مايشكي من اي مرض
انتي صيري سباعيه وداري
وشيلي وياه حمل المسؤوليه
10 ت
وعلمن أختجن هذيج الفاهيه
خلي تجلب بمازن بسنونها
ترى الحياييه يحومن عليه
طامعات بي يردنه ،
تراه فرصه ما يتعوض
5
كتلها / بس حرام والله تدمر أساور وياه
هو ما يخلف حسب ماافتهمت من كلامه
هذاك اليوم بالكعدة
1 ت
جاوبتني / ولج هم كلهم ال الحسن
يتأخرون وتنشلع قلوبهم
يلا تجيهم البزره
4 ت
وتردن الصدك مرته هي بنت عم أبوي
هم تصيريله بنت عم أبوه
ما تحملت براعه خواته
جانت وحدة ما متزوجة
وحدة أرمله
عاد وفاء اجت قسمتها ومشت
وظلت شهلاء ارملة بالسقوط الأمريكان كتلوا رجلها
عدها بس أوليد واحد ، وماترضى تعرس بعد
وهل ظلت عايشه ويه حيدر ومازن
وهجمت حياتهم أثنينهم
6 ت
ولجن أنتن حياتجن عكب عين أبوجن وأمجن
صارت بالضيم ، أقبلن بقسمتجن وسكتن
وعمامي مال ينطوجن الغريب
هاي كطنه وشيلنها من أذانجن
عمامي عدهم قانون لا ياخذون من غريب ولا ينطون الغريب ،،قبلن بقسمتجن وصيرن بذمه زلمة
وخلصن أرواحجن أحسن ما ظلات هيج ،،
ياهو الجاي ما خذ بيجن كفخة
7 ت
شوفن مااريد أخوفجن بس راح اسولفجن
عن طبع أهلجن،،
عمامي وأولادهم لا تشوفنهم
واصلين بالدراسه وخريجين
واحدهم عقله مصخرج عدهم المراة عوره وعيبه
ويعتبروها حالها حال الطبله بالبيت
13
والمراه التطلع عن شورهم يكسرون ظهرها
2 ت
والبنيه من يحكمها زلمه بعد مالهم دخل بيها
بس اذا غلطت بشي ومسهم هذا الغلط
يلفشون حياتها هي ورجلها
4 ت
وحزامهم ووكفتهم ولمتهم وحده
بوكت الخير مو كلهم يهدون
بس بوكت العرك والشر كلهم يتحزمون
3 ت
واذا اتفقوا عمامي وأولادهم الكبار على موضوع
أحسبن الموضوع خلص وتنفذ
وأصبح تنفيذه واجب على الكل
وفن واحد يفك حلكه ويكول لا
يشكون حلكه ويسونه وصلتين
6 ت
ونسوانهم من العجايز للمتزوجات للبنات
وحدتهن تزخ فلفل حار من البراعه والصلافه
وأنتن فقيرات ،،والله بس تزلن وياهن
ياكلنجن لحم ويشمرنجن عظم
6 ت
وعمتي فاطمة مكيفه عليجن
وهي القنعت عمي جابر يخطبجن الولدها
بس همام يحب فاتن ما قبل على أساور
والحمد لله من صارت قسمة مازن
1 ت
و الحمد لله ما عدجن أخو
بالعباس جان حيدر دججه وكتله وأخذ بثار أخوه
ولجن حيدر كلبه جلد وميت
من هو صغير صلب وكوي
ولجن تسودن على مازن لان ما دله على مكان أبوجن
2
أني كتلها / لعد منو كتل بابا ومحمد
غير هم أخوانه وعمامه كتلوا ؟؟
1 ت
هي طبكت حواجبها وكالت / منو كالج
عمامج وعمامي كاتلين أبوجن ؟؟
1 ت
جاوبتها/ ماما الله يرحمها هي كالتلنا
قبل ما تتوفى عمامكم كتلوا أبوجن
2 ت
هي شو جتفت نفسها وكالت/ وهاي جتافي لابو فاضل
وداعت عزاز قلبي،، وروح الغوالي
عمامي وأولادهم برين من دم أبوجن وأخوجن
وأنا متاكده من كلامي لان منتصر ما يضم عليه
شهكة الهواء
2 ت
وأبوجن عرفوا مكتول قبل سنتين لو أكثر
من أمجن جايه هي ومراه غريبه وياها
وحتى لابسه بوشيه
ومرت على عمتي فاطمه
وبالباب حاجيه وياها حتى ما داخله للبيت
والتكسي بقى واكفلهن
1 ت
وعمتي تكول/ ما عرفتهن
وهي حتى ما رفعت بوشيتها
سلمت عليه وبقت تحجي وتبجي
وكايلتها/ أنا مريضة وعلى يا ساعه الله ياخذ أمانته
ورجلي وأبني أنكتلوا وره السقوط
وانا متاكده أنتم كاتليهم !!
4 ت
بس اريد اكلج عندي بنات وأخاف اموت ويضيعن
اذا يردوهن عمامهن خلي يسترون عليهن
2 ت
أنا حصلت رقم أخوي بلال الجبير خال البنات
وخابرته وكتله نفس الحجي
وكال / بس أوصلج واللكفج أعدمج انتي وخلفتج جبتيلنه العار وأثنين ازلام انكتلوا من وراج
وابوي وامي توفوا من قهرج
وأحنا حياتنه أنعدمت بسببج
5 ت
وجنت بالمقبره يم عدنان وسولفتله ضيم قلبي
ومن رديت البيتي بالطريق شو واحد وكالي
اجي عليج وأبلغج بالعندي
وأنا ما تيهت دربكم جنت دوم اتابع اخباركم
من بعيد البعيد
أنا حصلت رقم أخوي بلال الجبير خال البنات
وخابرته وكتله نفس الحجي
وكال / بس أوصلج واللكفج أعدمج انتي وخلفتج جبتيلنه العار وأثنين ازلام انكتلوا من وراج
وابوي وامي توفوا من قهرج
وأحنا حياتنه أنعدمت بسببج
وجنت بالمقبره يم عدنان وسولفتله ضيم قلبي
ومن رديت البيتي بالطريق شو واحد وكالي
اجي عليج وأبلغج بالعندي
وأنا ما تيهت دربكم جنت دوم اتابع اخباركم
من بعيد البعيد
2
وهذا رقم تلفوني اذا تردين تساعديني
ومطلعه من جزدانها ورقه مخليتها
بيد عمتي بيها رقم تلفون
وكايلتلها بس انطيني رقم تلفونج خاف اموت
عينج على بناتي
2 ت
تكول عمتي / شكد توسلت بيها تفوت للبيت
وهي ابد ما قبلت صلت سالفتها صلي على راسي
وراحت هي والمرأة الغربيه التكسي واكفلهن
1 ت
من دخلت للبيت ومسولفه،،لنهى ولمى الصار
نهى كايلتلها / لا تجيبين طاري للموضوع خاف
تصير هوسه وعركة من جديد
1 ت
ودازه ارقامهم على نفس الرقم لأمجن مطيته العمتي
وكاتبتلها / انا خالتج فاطمة
وهاي كل ارقام بيتنا
خاف ادكين على رقم وما تحصلي عندج بعد أرقام
وهذا رقمي الخاص بس لا دكين عليه بئ وكت
اخاف عليج دزيلي رساله وأنا اخابرج
1 ت
وعمتي بقت سالفه تاكل بقلبها
ووره اسبوع يمكن سولفت المنتصر بالصار
هو شكد دك على الرقم يطلع مغلق
عاد بلغ حاتم وعمامي بالموضوع
وعمجن حاتم من عرف بموتت أبوجن
وجيت أمجن على عمتي فاطمة
دك روحة بالكاع ،
ولجن هلكد حزن وبجه عليه
لا تشوفنه لسان ويرعد وحك داحي الباب
نفسه طيبه وقلبه نظيف
ومهما يكون وصار وجرى
يبقى ألمات أخوة ويحن عليه
6 ت
وبعد الولد عدهم عرف واصدقاء بشركة اسيا
وبالبسكوت شافوا الرقم
طلع مسجل بااسم رجل من اهالي تاجي ،
وعلى العنوان راحوا عليه
ومحد أنطاهم نشده العالم تخاف
وحتى محد يعرف هذا الاسم ولا عائلتكم
ورجعوا بخيبت ظنهم عود بلكت يلكوجن
1
وهنا عمامي والولد شدوا حزام على مازن
تعال دلينا على مكان عدنان وهم ما رضى ،
كال / شنو ترحون تكتلون سهر
وتسبون البنات .
1 ت
وعمامي والولد وكفوله عظم بالزردوم
عاد أخذهم للورشة مال أبوجن
ولاكين زلمة غريب كايللهم/ أنا مشتري الورشه
من غير زلمة مو من عدنان
ومطلعلهم مكتابه البيع والشراء
صدك بااسم غير زلمة
ومن يومها أصبحتن فص ملح وذاب
2 ت
مسرة/ أني صفنت بكلام ساهرة
يالله معقوله ماما ضمتنا عن عمامنا
لان تعرف هيج راح يصير بينا وخافت علينا !!
بس الموت جان اقوى منها وخلاها ترجعنا الهم
وصدك خوفها لان شفنا المر من عدهم
2 ت
وانوب صفنت أحنا ما عدنا رقم آسيا
بس رقم بابا ألأثير بهذا تلفونه
1 ت
واكيد هاي المراة الغريبه هي خاله أم عمر
جانت وين متروح ماما هي تطلع وياها
1 ت
بس ماما ما جانت تلبس نقاب
ليش لبسته من أجتي على خاله فاطمة ؟
وبقت صفنه تاخذني وصفنه تجيبني
4 ت
ساهرة بقت تسولف ويانه وتقنع بسوار
ما تعترض على زواجها من طارق
وهي مره تقتنع وتكول ميخالف
ومره تخاف وتكول لا مااتزوج أخاف منه
وصدكت ساهرة بكلامها وتنفذ قرار العمام
وبلشوا باأجراءات العرس
-
و بيوم العرس هم أنكتلت سوار ........
شكرا لزيارتكم عالم روايات سكيرهوم
