رواية بنات الحجي السعيد الفصل الخامس عشر بقلم شمس العراقية
عصماء ـ سحب مني الموبايل شويه ورجعلياه .
باسل ـ گوليلها خل أدز الخط مالتج ويه لقاء .
ـ تمام أنطيني أراسلها
ـ بس ما سألتي ليش
ـ أعرف شنو أبالك
ـ شنو أبالي
ـ هسه أراسلها لو لا .
ـ هاج راسليها خل أدزه
ً ـ أخذته وكتبت ألها دزي الخط مالتي ويه لقاء
ـ ليش أدزه
ـ دزي وخلص هو مو خطي بعد شگو
ـ خاف تشتاقين لعلي وأدزه الج وأنوب تخونين باسل
ـ من طاح حظج وحظ تفكيرج الوسخ ، دزي وبله لغوه
ً ـ لا صدك ما تخافين هو يراسلج وباسل موجود .
ـ لا ما أخاف ما عندي شيء أخاف منه ولاتنسين دزي ويه لقاء
ـ أوك راح أدزه
ـ بلغتها بس خوما تريد تراسله
باسل ـ أراسل منو
ـ أقصد
ـ تقصدين منو
ـ حتى أسمه ما أكدر الفظه كدامه ما جاوبته وهو فهمني وگال
ـ لا لاتخافين مو لهل الدرجه ومثل ما أنتِ محترمتني وما متدخله أني هم بس دزيت عليه لأن أخاف عليج من أختج لاتسويلج سالفه لأن الصراحه گلشي أتوقع منها .
ـ هزيت رأسي وضلينا كاعدين بس ساكتين وأجتي لقاء الظاهر رجعوا باوعت النا وسگتت
لقاء ـ هلاو شلونكم
باسل ـ هلا
عصماء ـ هلا عيني
لقاء ـ بس حبيت أسلم عليكم
باسل ـ عقدوا
لقاء ـ أي ، يله أني أترخص
عصماء ـ الله وياج، نزلت وباوعلي ورجع گال
باسل ـ نزلي عليها هي بهيج أمور متحفظه ما رادت تنطي الج كدامي .
عصماء ـ تمام ، نزلت وهي طلعت من الحمام.
لقاء ـ عصماء أوكفي أختج دزت وياي خط گالت أنطي لعصماء وصعدت لكيت باسل كلت بعدين أنطي الج
عصماء ـ لا عادي عيني راحت الغرفه جابته واجتي تسلمين .
لقاء ـ ولو تدللي .
عصماء ـ أخذته وصعدت لكيته صافن طلعت مكص وكصيته قطع وذبيته ونزلت سويت عشه وتعشينا وصعدت لكيته مغير ملابسه شكله يطلع!
باسل ـ يله اني طالع تردين شيء
ـ لا سلامتك بس وين تروح
ـ يم عمامي ليش
ـ لا هيج
ـ أذا تردين تعاي وياي على بيت عمي كريم
ـ ها أجي
ـ أي يله تحضري وأني جوه أنتظرج .
ـ تمام لبست وطلعنا بس أني وياه لبيت عمامه وصلنا دگينا الباب وطلع ليث سلمنا عليه .
ليث ـ يا هلا ، اتفضلوا أتفضلوا يمه أجانا خطار
سلوى ـ الف هلا بالخطار ، ياعيني عصماء هلا بيج بنيتي .
عصماء ـ دخلنا وأستقبلونها أحلى أستقبال وكعدت وياهن وأم ليث كلش حبيتها گامت جابت الضيافه .
سلوى ـ والله كلما يجي باسل يتعلل يمنا اسأل عليج وأكوله فديوم جيببها وياك يگول الله كريم وما يجيبج وهو يوميه كعدات وسوالف هو ولد عمامه .
عصماء ـ ليش عمه هما يوميه يتعللون! .
ـ أي والله هاي يوميه كعداتهم لـ الوحده مرات تصير بالثلاثه يلعبون دومنه خو سجاد أهله ناسينه يمنا .
ـ أي شگو بيها حلوه كعداتهم
ـ بس عمج سعيد هواي مطوخها ويه ولده عبالك بس هو عنده ولد هما هل الأثنين ما يصير هيج خانگهم بالدنيا يوميه يدك الباب يسأل عليهم وين نائل وين باسل وخطيه والله صرت احسهم يتفشلون هذا مو اخوه كريم وياه ولا يسأل هما شباب واعرف بنفسهم .
ـ أي هو هيج عمي .
ـ يمعوده مو هيج هذا مو حرص ، أدري خاف عليهم وتبعهم بس مو هيج خوما صغار هما وجواهر يبوه والله شايله هم لأختج شلون تعيش وياها هي من جديته تغار عليه وأذا تأخر يم ولد عمامه لا سعيد ولا خبره .
ـ لان أبنها وحيدها
ـ أي وحيد أمه ، أكوم اصبلهم جاي واجيج هسه ليث يخبصني جاي وجاي وياقوت تحركه يفضحوني ورجلج ينشرنا على الحبل جايكم موطيب.
ـ أخذي راحتج عيوني خاله ، راحت وصفنت يعني معقوله يجي يم ولد عمامه ما يطلع وياها ويطلع يكذب عليه بطلعاته لنص الليل يله يرجع وين أكو بنيه تطلع تتعشى ويه حبيبها شنـــــو ما عدها أهل أخوان عمام الا اللهم مكطوعه من شجره والأعرفه هي عايشه ويه أهلها ، هسه لو بنهار بيها مجال مو بالليل وتتعشى وبمكان عام! وفزيت على صوت ياقوت
ياقوت ـ أتفضلي عيني .
عصماء ـ تسلمين حبيبتي ، ضيفتني عصير وبقلاوه
ياقوت ـ أختج بيداء اليوم طالعه تخبل شفت صورها بموبايل عمتي جواهر حلوه ما شاء الله .
عصماء ـ أي ، عيونج الحلوه گلبي وأنتوا شوكت عرسكم .
ياقوت ـ بس يكملون شغلهم عدهم ترميم طابق الثاني يعني عن قريب أن شاء الله .
عصماء ـ أن شاء الله ، وأجتي خالتي سلوى
سلوى ـ يبو نسيت أقدملهم بقلاوه أمشي رتبي بالمواعين ودزي فواز على عصير .
ياقوت ـ ماشي
عصماء ـ راحت وضلينا كاعدين وأخذتنا السوالف وتأخر الوقت وهو ما أباله راسلته شوگت نروح
باسل ـ بعد وگت كاعدين
ـ تعبت أريد أتمدد .
ـ تمددي بحضني اليوم
ـ ما أريد
ـ ليش حبي
ـ ما متعلمه على حضنك وأنتِ صرت معروف بس من تشتاق وأني اليوم تعبانه مالي خلك
ـ هو بالتعب عازته ، يله لبسي عبايتج .
ـ يله خاله تصبحون على خير
ـ وأنتِ بالف خير ، سلمي على خالتج هيفاء والبنات وعود تعالي مو بعد ما نشوفج
ـ يوصل عيوني خاله أن شاء الله وطلعنا وليث طلع ويانا
باسل ـ شعندك طالع ويانا يأكلنا الواوي شو هذا البيت
ليث ـ مو صوجك والله أنت مو مال أحترامات .
باسل ـ أحاسبك عليها بعدين
عصماء ـ رجعنا البيت والكل نايمين گبل غيرت ملابسي ونمت وهو ضل كاعد .
باسل ـ شو نمتي
ـ تعبانه وأنت تبقى كاعد
ـ لا راح أنام
ـ شعجب
ـ تعبان وراي كعده الصبح تعاي بحضني ليش بعيده
ـ متضايقه حابه انام لوحدي أبنك متعبني
ـ ليش شبيج يحتاج أخذج دكتوره تسوين فحوصات
ـ لا ما يحتاج بعد هسه
ـ تمام براحتج نامي لعد
ـ سگتنا ومر الوقت باوعتله نايم ضليت كاعده ما كعد ولا راسل كالعاده! تالي نعست ونمت كعدت الصبح لكيته رايح السوك .
ونزلت وعرفت من البنات محددين موعد العرس هالشهر بس يخلصون شغلهم حسب ما فهمت أبويه طالب ما يتأخرون حقه سودت وجه الله يسود وجهه على كل سوالفها .
ومر كم يوم وكمت الاحظ عليه مو هلكد يلزم الموبايل ومرات ينساه ويروح يتعلل ويضل يمي بالغرفه ومن يجي گبل ينام ونفس الوقت محترمني كلمن ينام لوحده ، معقوله يكون حس بذنبه وعافها بس هيج بهل السهوله ما اعرف ليش گمت أشك بي والشگوك ما أدل على الخيانه تدل على لعب وأستغفال .
الظهر ما أجه عدهم شغل حتى عمي هم ما اجه وضمنت هو بالمحل لان عمي وياه ورجع بالليل تعبان دخل الحمام يسبح وطلعت ملابسه وموبايله أتصل! باوعت الشاشه عُلا بالانكليزي تقربت باب الحمام يسبح والاتصال مستمر وفتحت خط واجاني الصوت .
ـ الو باسل
ـ منو
ـ العفو أختي أني ليث .
ـ ليث أبن عمه
ـ أي ، أنتِ مو عصماء
ـ أي ، بس ليش مسجل رقمك عُلا ضحك وجاوبني
ـ ليا سافل يا باسل هذا قبل لايتزوج جنت اصيحله أبو عُلا هو حلف كال الا اسجل رقمك بإسمها علمود كلما تتصل أتذكرها .
ـ ها تمام هو هسه بالحمام من يطلع يخابرك
ـ تمام أعتذر اني أخابره بعدين .
ـ براحتك وطلع باسل ينشف بشعره وباوعلي بنظرات أستغراب .
ـ ويامن تحجين .
ـ ويه حبيبة الروح
ـ ياهي منهن
ـ أنت أعرف بيهن شمعرفني كم حبيبة عندك لان اكو بالانكليزي ويجوز أكو بالعربي الله يدري بالمخفي .
ـ مـا عندي مخفي وبس حبيبه وحده ، ما گلتي ويامن تحجين ومنو أتصل .
ـ عُلا وجاوبتها باوعلي وشبه أبتسم ورجع يمشط شعره ومتجاهلني ، مسجل رقم ليث بإسمها كلما يتصل عليك تطلع برة تحجي وياه عود تحجي ويه عُلا وتخلي الشكوك عليك عود أنتَ راجعلها باسل جنت تضحك عليه
ـ هسه شتردين
ـ هسه شيريد مبين سهل عندك تسترخص مشاعري وتلعب وياي لعبة الماضي وأرجع اسوي حاضر مو هذا جان كلامك وكعدت تحاسبني وتعاقبني على ماضي مو من حقك تحاسبني عليه وكل هذا وأني سگتت
وما فتحت حلكي بحرف وياك وتركتك براحتك وأحترمتك أنت وماضيك بس بعدين طلع كل هذا كذب وهم جنت تستلذذ بأذيتي عود رجعلتها وأعاقبج على نكرج ماضيج .
ـ بس ما مبين عليج متأذيته عادي عندج الموضوع .
ـ أي عادي من شفتك بعين الجبيره والحبيب الوفي بس بعدين أنصدمت بيك وشفت ما تستاهل أقهر روحي علمودك وأعاتبك وسديت حلگي وسگتت بس بعدين عرفت أني عايشه بوسط لعبه تلعبها عليه ولنص الليل يله ترجعلي جنت يم بيت عمك وعمتك سلوى كالت يوميه يجينا ، تلعب بمشاعري باسل لهل الدرجه مشاعري ما الها قيمه عندك
ـ ما عندي شيء جنت بس أريد أقهرج
ـ تقهرني وشمسويه علمود تقهرني لان نكرت وأنت شعليك بالماضي مالتي ، يعني صدك باسل جنت تكذب عليه .
ـ أي
ـ ليش باسل ، أيام وليالي عايفيني أحترك وأنت عادي عندك ومكمل التمثيله على حساب أذيتي .
ـ لو أريد أرجعلها جان ما الأساس ما عفتها .
ـ هذا مو تبرير ، ضربته على صدره أستغفالك اليه وحقارتك وياي على حساب مشاعري ما انساها الك وسكوتي مو لان كرامتي رخيصه عليه ولا لان عاجبني الوضع وصبرت وتحملت وبالأخير فوك قهري منك ترجع تصدمني بلعبه بس علمود تقهرني ، مستحيل هالمره أسكتلك مستحيل ، دفعته ومشيت وصاح وراي .
ـ وين رايحه عصماء يمعوده عصماء .
ـ أخليهن كلهن كدام أهلك علمود يعرفون أبنهم على حقيقته ، خاف عبالك بالبداية سگتت بس هالمره والخلقك ما أسگتلك واحد كذاب .
ـ عصماء عوفي أهلي على صفحه ورجعي نتفاهم ونحل الموضوع بغرفتنا بيني وبينج رجعي عصماء مو أحجي وياج .
ـ مشيت سريع واجاني لزمني من أيدي ومنعني
ـ شو دتعاي امشي رجعي الغرفه وبله خبال .
ـ وخر عن وجهي وخر والله أعيط والم عليك كل أهلك وخر وافضحك فضيحه تسوى عمرك ، جذاب
ـ ميخالف بس نصي صوتج بنت ألاوادم صوتج فضحتينا .
ـ أذا ما تعوفني اشمر روحي من الدرج وأبليك والله دفعته ونزلت على خالتي وهو وراي ولكيت عمي كاعد
سعيد ـ خير بابا شبيج ، شصايرلكم صوتكم عالي
هيفاء ـ عصماء بنتي شگو .
عصماء ـ خاله عمي سعيد أريد احجي وياكم واذا اني غلطانه گولولي .
باسل ـ لا اله الا الله أمشي للغرفه أمشي
عصماء ـ لزمني من أيدي ويحجي وصاك على سنونه ما امشي قبل ما احجي لأهلك على كل سوالفك .
سعيد ـ باسل عوفها وخر أيدك منها سوالفيش عمي احجيلي أنتِ بأمان ما عليج منه ، أحجي
هيفاء ـ ولك شمصخم أنتَ .
عصماء ـ حجيتلهم گلشي وهو ساكت عمي تراضاها ويروح مطاعم ويگول اروح اتعشى وياها ونص الليل يله يرجع واني سگتت وغطيت عليه وما حجيت والله خاله حلكي ما فتحته ولا گلتله ليش رجعتلها وعمي جنت تجي تسأل عليه واني اغطي وأكذب وراه عاملته بإصلي وتربيتي وجرعت المر وقهري وسگتت وماكو مره حره تراضاها على نفسها بس دست على نفسي بالاخير طلع يلعب على مشاعري كلها هذا بس علمود يقهرني ترضونها .
سعيد ـ ولك أنت ما توب من سوالفك وتالي وياك
باسل ـ يمعودين والله ما راجعلها والاسلام ودين محمد ما راجعلها وما عندي شيء وياها وأصلاً هي أنخطبت وكاطعة مهر .
هيفاء ـ أذا ما راجعلها لعد شمدريك بيها كاطعه مهر يجوز مو لعبه تقهر بيها عصماء يجوز صدك أنت راجعلها وهالمسكينه ساكته وصابره ، ولك ليش بشنو قصرت وياك بنيه مثل الورده تسوه راسك .
باسل ـ يمه يمعوده والله ما راجعلها وبنت عمها وصلتلي خبر ما تدري ما أبالي وأخر أهتمامي .
سعيد ـ لا الظاهر أنتَ ينراد الك تربيه من جديد والمفرض نربيك زين يله نزوجك ونشيل خطايا بنات العالم وياك ، زوجتك عبالي تعوف سوالفك وتصير أدمي طلعت غلطان .
باسل ـ يابه أفهم السالفه ترى أنتو فهمانين غلط
سعيد ـ أمشي أطلع من البيت خلقتك ما أريد اشوفها كدامي وگلتلك قبل لاتتزوج اذا ما اتوب من سوالفك أكظبك الباب وهذا أني عند كلامي أطلع من بيتي ومن تصير رجال تخاف الله وتكتفي بمرتك وتغض عينك عن عن بنات العالم وتبطل سوالفك ومكسراتك
وتفكر بيتك ومستقبلك أنت ومرتك هذاك الوكت تعال
عصماء ـ باوعلي وطلع من البيت وأني حيلي كله يرجف كعدت وخالتي جابتلي ماي واجتي جنات وعمي عاط بيها.
سعيد ـ رجعي لغرفتج شعندج كاعده .
عصماء ـ شربت وأرجف ودمعتي بطارف عيني
هيفاء ـ لاتقهرين روحج خيولي لايصيرلج شيء وأنتِ حامل منو يستاهل ننقهر علموده ، ذكرتيني جنت حامل وأنقهرت قهره أنفجر كلبي وماتوا بطني تؤام اسم الله عليج وعلى بطنج لاتقهرين روحج موزين عليج
باسل ـ ليش توصينها هي حاجي هذاك بكد الثور يقهر بيها والله يا عمي اني شگيت بي مو بس أنتِ .
هيفاء ـ گافي سعيد سد الموضوع البنيه تعبانه أمشي أخذج لغرفتج أرتاحي
ـ لا خاله خليني أهنا ما بيه أصعد .
ـ ماشي حبيبتي براحتج .
ـ عمي طلع بالحوش يمكن طلع يدور عليه باوعت لخالتي خاله عادي أنام يم البنات .
ـ أي نامي مهم راحتج يله كومي .
ـ رحت لغرفة البنات لقاء وليال نايمات بس جنات كاعده
هيفاء ـ نزلي نامي بالكاع خل مرت أخوج تنام على سريرج يله گومي .
جنات ـ ليش شگو .
هيفاء ـ هسه مو وگت اسئلتج ، تعاي ماما عصماء نامي وأرتاحي ولاتضلين تفكرين وتقهرين بروحج هسه يفكر ويحس على روحه ويجيج ندمان ويعتذر منج كل الزلم هيج .
عصماء ـ مشكوره خاله .
هيفاء ـ تدللي بنيتي حبيبتي .
عصماء ـ تمددت وطلعت وأسمعها تحجي ويه عمي
هيفاء ـ ها لگيته خاف يشيل رأسه ويهچ
سعيد ـ وين يهج منو يلفي ، نايم يم أهلي ها نامت
هيفاء ـ أي نامت بغرفة البنات تحركون الدم أنت وأبنك وأبد ما تخافون الله وتكولون حامل وخطيه .
سعيد ـ شبيج گبيتي بيه وأني شعليه
هيفاء ـ أبنك وطالع عليك عليمن يطلع الخلف على الخلفوه تذكر لو أذكرك من جنت حامل أشسويت بيه
عصماء ـ وأختفى صوتهم بس تعاركوا بسببنا ضليت صافنه تالي من التعب نمت وكعدت الصبح والوقت متأخر والغرفه فارغه ، كمت بس خالتي تطبخ الغده
صباح الخير خاله .
هيفاء ـ صباح النور شلونج اليوم
ـ الحمدلله زينه
ـ أجاج الصبح لكاج نايمه وتريك وراح السوك
ـ تراضوا هو وعمي .
ـ عمج طلع قبله هسه يتراضون المهم أنتوا
ـ خاله عادي أنام هالفتره يم البنات .
ـ الشغله بيها عقاب
ـ والله خاله السواه بيه مو قليل
ـ هو يستاهل بس لاتطولين عليه أبني گلبه طيب والله الصبح أجه مقهور وضل ينتظرج وهم حجيت وياه حلف ما راجعلها .
ـ حتى لو ما راجعلها بعدني مقهوره منه
ـ من حقج يله نامي يم البنات بسرير لقاء لان التحقت الصبح .
ـ ماشي خاله ، أساعدج بشيء
ـ لا حبيبتي ما عندي شيء گملت الغده والبيت نظيف العصر ليال من ترجع من جامعتها تنظفه .
ـ ماشي عيني خاله ، عفتها وصعدت فوك ردت ادخل أسبح بس باوعت الساعه خفت منه يجي تالي گمت طلعت جنطه صغيره خليت بيها كم قطعة ملابس وشغلاتي وسمعت صوته أجه توني أريد أطلع فتح الباب وگف .
باسل ـ وين رايحه أنتِ وجنطتج
عصماء ـ وخر عن طريقي .
ـ بعصبيه أمشي رجعيها يله ماكو طلعه من البيت
ـ باسل وخر خليني أنزل وتقرب وأبتعدت عنه
ـ بعدج زعلانه
ـ أي وحاقده عليك هم
ـ وين تزعلين بغرفة أخواتي لازم عجبتج النومه لظهر ولا ابالج تكعدين اليشوفج شلون نايمه يكول باسل معذبها
ـ أي صُدك معذبني قابل كذب
ـ أويلي شــنو نوع التعذيب سولفيلي بله أتونس على سوالفج .
ـ شو وخر عاد طابتلك السوالف
ـ أني أعرف اليزعل يروح بيت أهله يزعل
ـ أني ما أروح لأهلي وأذا أزعل ازعل بيتي يله وخر لا أعيط واصيح خالتي تشوف شغلها وياك .
ـ لا دخيلج لاتعيطين ستري علينا .
ـ مشيت وگلتله عود أخذ راحتك وأذا تريد ترجعلها ارجعلها وأتونس مطاعم وهدايا ساعات!
ـ وين أرجع هو أني ما راجعلها وانطردت من البيت لو راجعلها شتسوين يمكن تذبحيني .
ـ گلشي أتوقع لعد شتدري ، نزلت عالدرج وصاح وراي
ـ يمه السكوتي طلع يخوف يمه .
ـ دخلت غرفة البنات ودزلي رساله
ـ أنتِ عاقله ما تلوكلج هالتصرفات جيبي جنطتج وصعدي خل نتفاهم ونحل المشكله يله حبي .
ـ مستحيل وبهيج مواضيع عقلي اطبگه على صفحه
ـ إذا عقلج يطبك على صفحه تصيرين خبله
ـ هو أنتَ ما تعيش عندك بس الخبله أبو النسوان
ـ خوش لقب حلو
ـ أي يلوكلك .
ـ تعاي يله ،لا أني أنزلج
ـ ما أجي والله لا اتعب نفسك واذا نزلت أكبر المشكله خليني هيج أحسن الك .
ـ عصماء يله حبي قبل لا يرجعن البنات من الدوام
ـ ما أجي والله وحجيت ويه خاله وفهمتها راح ابقى يمهن
ـ ها حلو مدبره أمورج ومأخذه الأوكِ من الحكومه .
ـ ما جاوبته
ـ مشتاقلج والله وأني أسف بس تعاي خل نتفاهم
ـ راح أحظرك أذا ما تعوفني
ـ أحظريني حبيبي أحظريني هاي تاليتها
ـ هل شگو تخوني
ـ والله ما خاينج بيش تردين أحلفلج حتى تصدكين
ـ ما أصدك حتى لو تحلف
ـ والله خوش ولد أني
ـ حظرته وعفت الموبايل عالشحن وطلعت ملابسي اريد أسبح واجه ودك الباب جنت قافلته
ـ أفتحي الباب خل نحجي
ـ روح منا باسل كافي عوفني
ـ خل نتفاهم وأعوفج على راحتج بس فتحي
ـ ما أفتح .
ـ لعد فتحي الحظر وبطلي هالتصرفات .
ـ ما جاوبته
ـ أني أعلمج .
ـ راح الصوت وأنتظرت شوي وطلعت رحت الحمام سبحت وغسلت ملابسي ونشرتهن بالحديقه عالحبل وأنفتح الباب الحوش ودخل .
ـ شعندج سابحه .
ـ ما جاوبته
ـ مو أحجي وياج
ـ ما جاوبته شلت السله وعبرت من كدامه .
ـ والله لومو حامل جان عرفت شغلي عدل .
هيفاء ـ عصماء تعاي تغدي .
باسل ـ وأني مشبوه ما تصيحيني
هيفاء ـ من إيدك يا أمي أنتَ جبت الشبه لنفسك أكو واحد عاقل مخلي جوهره بغرفته ويباوع لغيرها .
باسل ـ منو مباوع شبيج يمه تردين تخبلينها عليه هي بدون شيء عقلها طاگ بي فيوز .
هيفاء ـ گافي تحرك بدمك ، أكعد تغدى وأصعد غرفتك نام وأرتاح أعتبرها رايحه لاهلها .
عصماء ـ تحجي وياه واني أتوضى على المغسله .
هيفاء ـ عصماء صبيت الغده تعاي تغدي ماما .
عصماء ـ تغدي خاله عليج بالف عافيه ما جوعانه من يجن البنات اتغدى وياهن .
هيفاء ـ براحتج .
عصماء ـ دخلت الغرفه صليت وكعدت أسبح وهو أجه شايل الخاولي شمر عليه .
باسل ـ صلاتج ما مقبوله لان عايفه رجلج
عصماء ـ منين جبت هالفتوه
ـ والله أنتِ صايمه مصليه المفروض تعرفين بأمور الدين ورضا وطاعة الزوج .
ـ أنت عرفها زين بعدين تعال علمني عليهن من تطلع سد الباب وراك ، اريد اتمدد اخاف عمي يجي .
ـ أمشي تمددي بغرفتنا محد يصعد وتأخذين راحتج أهنا هوسه هسه يجن البنات وبس يتعاركن .
ـ لا مرتاحه .
ـ أبقي لعد
ـ طلع وعاف الباب مفتوح گمت سديته ورجعت فتحت الحظر على بيداء وشفتها ناشره حاله أيديها وأيد نائل ولابسين حلقات وأغاني حب ، الله يهديج ويصلح حالج ويسعدج أنتِ وياه .
العصر كعدت لكيت البنات راجعات وليال تسوي كيكه تغديت وخاله لبست عبايتها
هيفاء ـ ليال خاف ابوج يجي يسأل عليه اني طالعه ويه عمتج سلوى تجهز لـ ياقوت .
ليال ـ ماشي .
هيفاء ـ تردن شيء محتاجات اجيبلجن وياي .
ليال ـ لا ماما سلامتج
هيفاء ـ عصماء ماما محتاجه شيء
عصماء ـ لا خاله تسلمين ، وراحت وگمت سويت العشه وللمغرب خالتي رجعت هو ما أجه ردت اسأل عليه تالي تراجعت بقيت على موقفي وصبينا العشه وهو ماكو .
ليال ـ باسل وين يجي على العشه لا .
جنات ـ گالي طالع ويه جماعتي أتعشى معزوم
هيفاء ـ صخم الله وجه مو عفته كاعد هو وليث وعمتج كالت باسل يتعشى يمنا .
جنات ـ يمـــا .
عصماء ـ كشفت جذبته خالتي باوعتلي وضحگت وكملنا وتعللنا وأجه عبرنا وخالتي صاحت وراه
هيفاء ـ وين تعال أكعد ويانا شلون جبت كرزات تخبل
باسل ـ جماعتي ينتظروني أطلع وياهم .
هيفاء ـ بس لاتطول أرجع من وگت .
باسل ـ شعندي راجع .
عصماء ـ صعد وشويه ونزل كاشخ وعطره ترس الصاله
تجاهلته وضلينا كاعدين وهو ما أجه تالي گمنا وتمددت وليال كعدت ترسم وجنات تتصفح ، تالي نمت وأستمر الحال ثلاثة أيام لا أني تنازلت وهو مل ويكشخ ويطلع أحسن شيء أراسل ليث واتأكد منه أخاف يسويها من صُدك ويرجعلها .
رحت على ليال وسألتها أكولج محتاجه رقم ليث تكدرين ادبرينه اليه فدوه .
ليال ـ رقم ليث ليش .
عصماء ـ بس اسأله على أخوج .
ـ ها گمتي تخافين عليه أذا هيج حقج وليث أقرب واحد لـ باسل . .
ـ بس لاتكولين اله حبابه
ـ لا صُدك جذب تدللي انطيني موبايلج اسجله
ـ سجلته عالغيب يمكن حافظته شكراً ليال
ـ الله يصلح حالكم هسه تتصلين عليه
ـ أي ماطول جنات طالعه لان من تجي أخاف تكوله
ـ هم صدك لعد أتصلي قبل لاتجي وتخبث عليج يم باسل .
ـ تمام وأتصلت عليه شويه وجاوبني مرحبا ليث.
ليث ـ أهلاً منو .
عصماء ـ وياك عصماء زوجة باسل .
ـ هلا بإختي أتفضلي .
ـ تسلم باسل خوما يمك .
ـ لا أني بالدوام والله ليش صاير شيء الأهل بيهم شيء لا سامح الله .
ـ لا لا ماكو شيء الحمدلله بس أريد اسألك عليه بالليل هم تطلع وياه .
ـ وين نطلع
ـ صار فتره يطلع هو وجماعته بالليل
ـ أها مره وحده طلعنا وبعد ما طلعنا
ـ أها تمام أسفه ازعجتك
ـ لا تدللي ولاتخافين عليه وهو ما يطلع أذا مو اني وياه ، ريحي بالج باسل عندي وأذا بيوم زل من الطريق أني أرجعه وأكولج شوفي شغلج وياه بس متأكد ما يزل هو من النوع يكتفي رغم لقبه المشهور ابو النسوان بس هو مو هيج واذا على الماضي كلنا عدنا ماضي بينا الينسى وبينا يضل عايش على ذكراه .
ـ مشكور ورحمه الله والديك
ـ والديج خيتي بالخدمه
ـ مع السلامه
ـ بأمان الله .
ـ أنتهى الأتصال الحمدلله طمني .
ـ لاتخافين ماطول طمنج خلي على گلبج ماي بارد
ـ اي الحمدلله ، بس أكولج خوما يگوله سألتني عليك
ـ لا ما أظن ليث سراني
ـ تمام مشكوره
ـ العفو عيني ما سويت شيء .
ـ طلعت من يمها دخلت المطبخ سويت العشه وشفت خالتي نزلت من فوك شايله ملابسه ودخلت الحمام غسلتهن وطلعت نشرتهن بالحديقه ، گملت العشه وأجه وصاح على خالتي .
باسل ـ يمه غسلتي ملابسي .
هيفاء ـ أي يمه عالحبل .
عصماء ـ باوعتله من الشباك اخذه ملابسه سبح ونزل صبينا العشه وهو ياكل وعيونه عليه بالكوه تعشيت توترت من نظراته گمت غسلت المواعين وليال صبت الجاي وطلعت وهو أجه باسني من رقبتي بحيث كل جسمي نمنم .
باسل ـ بعده زعلان حبيبي .
عصماء ـ أجتي ليال هو أبتعد وفتح باب الثلاجه خلت الأستكانات وطلعت كملت غسل وهو يمي بس ساكت
منين نازل عليك هذا الهدوء .
ـ أنعديت منج .
ـ نشفت أيدي وصبيت الجاي وتقرب أخذ القوري ليش
ـ موزين عليج يسوي نقص حديد عوفي مضر بالصحه
ـ أيباه مضر بالصحه اني لو أسلم منك صحتي عال العال
ـ أمشي بغرفتنا نحجي .
ـ بشنو نحجي
ـ بالمشكله الزعلانه منها وعايفة غرفتج ونايمه يم أخواتي .
ـ ما يحتاج ، عادي نحجي هنا .
ـ المكان والأجواء ما تساعد
ـ ليش ، باوع عالباب وتقرب اخذ شفايفي عالسريع دفعته ومشه وگال
ـ أنتظرج
ـ ما أجي
ـ تجين
ـ ما أجي
ـ گافي تحرگين بگلبي أمشي صعدي
ـ خليني على راحتي
ـ صار أربع أيام مخليج على راحتج شگد أخليج بعد وكل ما أخليج أكثر تتعودين أصلاً متعوده ولا هامج الوضع
ـ هما هيج يرضون نسوانهم .
ـ شتردين طلبي .
ـ ما اريد گلشي .
ـ صعدي غير ملابسج واخذج نفتر ونرجع ها شتكولين
ـ لا
ـ أدري بيج ضايجه وأني ما قصرت وياج تحملتي فوك طاقتج يله صعدي وتعاي لما اشغل السياره
ـ بس ما تصعد وراي .
ـ ما أصعد والله
ـ تمام مشيت وهو يباوعلي
ـ أحركي بيه أحركي اني أعلمج .
ـ طلعت ماكو أحد وصعدت للغرفه ولبست ورتبت نفسي .
ـ يله عصماء تأخرنا
ـ خبيث يريد يسمع خالتي عود تراضينا ، گملت ونزلت وهو واكف أجيت شعندك اصيح .
ـ غير ننطي خبر لدول الجوار تم الصلح .
ـ بعدنا .
ـ مهم أتفقنا الباقي سهل .
ـ يمك سهل يمي مو سهل
ـ أني أسهله ما عليج .
ـ أي خل نمشي مو تأخرنا .
ـ مو عبالك أنطيتج وجه وأستقويتي .
ـ مو أرجع والله .
ـ تسوينها والله ، أمشي دخيل ربج شوكحه .
ـ ضحگت وطلعنا وشغل أغنيه ويباوعلي
ـ ما عبالي هيج عناد وزعلج ثكيل .
ـ زين هسه عرفت
ـ أي علمود بالمره الجايه أذا تعاركنا اخذ أحتياطاتي .
ـ يعني تخوني بالسر
ـ طبعاً بالسر شايفه خيانه بالعلن وين صايره هاي
ـ باسل نزلني
ـ لا يمعوده أتشاقه والحسين ما أخونج
ـ حلفت بأهل البيت دير بالك ضحك وهز رأسه
ـ ماشي ماشي بس أعصابج
ـ طاري الخيانه ما تجيبه على لسانك
ـ تمام
ـ أنت خوني وشوف شسوي بيك
ـ ما يحتاج شفت والله شفت ، هسه بردي محرك أعصابج وخل ننزل أني اجيبج أنوسج مو تفولين أعصابج عليه .
ـ من وراك
ـ أي من وراي يله ميخالف .
ـ نزلت قبله وهو على وجه أبتسامه أكو شيء يضحك
ـ لا والله ، اني فطير وأضحك
ـ ضحكت وأختنكت الا شويه
ـ حلو حلو أسم الله .
ـ باوعتله وأبتسمت
ـ رضيتي
ـ بعد شويه
ـ زين إذا شويه يعني أكو أمل
ـ أحساسي يكولي أنت ما خاين
ـ يعني أشتغل احساسج عليه يالله .
ـ بس شويه مو هواي لا تتأمل .
ـ تاليتي اروح أشدلي رايه وأفي سبع نذور وازور كل المقامات المقدسه ماطول تبدل أحساسج بيه وأجاني العفو ، الله يبشرج بالخير محمود مكشور ربي
ـ ضحگت على سوالفه الحلوه هيج زعلي مأثر عليك
ـ أي والحسين مسطور
ـ لزمني من أيدي ويفرك بأصابعه بكف أيدي تعبير عن الشوك ما عافها وأفترينا وأخذنا عطورات وكم شغله محتاجتهن ودخلنا ماركت اخذنا حلويات وكرزات وأخذ لخالتي وأخواته ورجعنا البيت دخل عليهن انطاهن واني ضليت يم الدرج وأجه سحبني من أيدي وصعدنا غرفتنا
توترت لحظة قفل بيها الباب ذبيت عبايتي وشالي وتقرب حضني من وجهي .
باسل ـ أني قفلت عليج ،حبيت روحج قبل شگلج ولج حتى ولد عمي يگولون اليه شبسرعه تخطيت شلون تردين أعوفج وأروح لغيرج بس جانت حقاره مني ردت أستفززج وأقهرج .
عصماء ـ خلص لاتقهرني .
ـ أسف حبي
ـ والهديه
ـ يا هديه
ـ الساعه الي على أساس من عُلا .
ـ من صاحبي والله جايته هديه من صاحبته وعايفها وكال بدال ما اذبها أنطانياها عود هدية زواجي .
ـ گول والله
ـ أوگفي أشوفج الكارت علمود تصدكيني .
ـ فتح المجر ويكلب ويدور عليه خبيث ضام الگارت
ـ أي شفتج ما متأثره وضميته ، هاج أقري .
ـ قريته كاتبه كلام حب وأسم الولد ضياء وعنوان ورقم
ليش هيج .
ـ ها حبيبي .
ـ نقهرت بالزايد ،تقرب حضني ويبوس بيه ورفع حنجي
ـ رضيتي حبيبي
ـ خاف أرضى وترجع تقهرني
ـ منو يقهرج أني اوفا عليج حقج بعدج ما تعرفين باسل من يحب المره يعشق سلالتها كلها
ـ وتقرب أخذ شفايفي وحيل مشتاقلي واني كذلك وخلص الزعل وتراضينا ورجعنا مثل قبل وأحلى ...
وثاني يوم الظهر أجه من المحل جنت بالمطبخ ودخل وگف يمي
باسل ـ شطابخه اليوم .
عصماء ـ دولمه .
ـ العشق كله ، يله صبيها لما أغير ملابسي
ـ تمام ومشه يم الباب وگال
ـ صدك عود عمتي وأختج أهنا بيت جدي
ـ من شوگت جايات
ـ هسه شفت نائل وگالي عاقدين محكمه والعصر يرحون يختارون غرفه .
ـ اي بيها الخير .
ـ أذا تردين تروحين روحي ما عندي مانع هاي هي نتقبل الأمر ونسگت ومثل ما كالت أختج گلنا عدنا ماضي وأني عندي ماضي وأنتِ بس أكو فرق بين اليعيش ويعوف الماضي وبين اليضل عايش بالماضي مالته ويجوز هي تصلح غلطها وتصارح نائل والله يهديها ويستر عليها .
ـ ماشي حبيبي
ـ لاتزعلين مني خاف حجيت عليها كدامج تمام
ـ لا حبيبي عادي تصير
ـ فديت العاقله ، يله صبي الدولمه .
ـ تمام وصبيتها وتغدينا وضليت متردده اروح لو لا فتحت الحظر وراسلتها رحتوا لو بعدكم شافت الرساله
بيداء ـ لا رحنا ليش تسألين خير .
عصماء ـ مو على أساس تشترون غرفه رجعتوا بسرعه
ـ أبويه خابر كال رجعن ما يقبل نطول من ورى حقارة رجلج كل طلعة نطلعها سم وزقنبوت .
ـ وهو شعليه
ـ أيباه مو هو گايل لأبويه عن علاقتنا گولي زين فضت بالخطبه زين ما ذبحني
ـ يله زين فضت بالخطبه رغم هو كشفج على علاقه وياه .
ـ أي وهسه شتردين
ـ ما أريد شيء هيج سألت
ـ بعد وگت على سؤالج ورجلج هسه صاير حنين وأجه يبارك لأخوه
ـ شعليج أنتِ أخوان بينهم
ـ شنو شعليه مو صار زوجي
ـ لاتصيرين حقيره وتخربينهم وأذا ما حضر خطوبة أخوه فه من وراج لاتسوين روحج ما تدرين على كلن قفلنا هذا الموضوع ماله داعي بعد دام أنتهت بخطوبه .
ـ باي .
ـ الله وياج ولا تصير ادمي هالبنت ومرت فتره ومتحضرين لعرس نائل حتى أخواته أشترن ملابس واني هم وباسل وفرحانين اله وفعلاً باسل گلبه طيب وعادي شارك أخوه وساعده بترتيب غرفته وأجه يوم الحنه وتجهزت من الصبح گلت اروحلهم البيت وأراضي أمي
وصلنا وهو نزل سلم على بيت جدي وأبويه ما موجود وأمي هم ما طلعت!
باسل ـ لعد عمي وين وعمتي عبالي أسلم عليهم وأروح .
شهلاء ـ عمك طلع عنده شغل وعمتك ملتهيه ويه بيداء .
باسل ـ يله خير أن شاء الله سلمينا يله اني أروح اذا احتاجيتي شيء خابريني وديري بالج على نفسج
عصماء ـ تمام حبيبي وأنت هم أنتبه لاتسوق سرعه
باسل ـ تدللي .
عصماء ـ راح ودخلت أغراضي خليتهن بالطرمه لعد شعجب امي ما طلعت .
شهلاء ـ جاي تحضر ملابس أختج بالجنط علمود ادزهن
يرتبوهن بغرفتها ويتحضرن شوية أنوب يجي نائل ياخذهن لبغداد
ـ ليش بغداد مو أهنا الحنه
ـ لا گالن حاحزين قاعه أختج طلبت قاعه وعمتها هم تريد قاعه
ـ وشعجب أهنا أكو قاعات ليش الا بغداد
ـ والله ما أدري مبين رادن هناك وعلمود خالات العريس بيداء تسولف مدري بعد .
ـ ها أي شگو بيها ودخلت وشافتني بيداء
بيداء ـ أجتي الخاتون .
غنيه ـ منهي
عصماء ـ اني يمه السلام عليكم
غنيه ـ لا عليكم شجابج منو دلاج الدرب بعد وگت لو ضاله للعرس مو أحسن زين هسه تذكرتي تجين حالج حال الغربه .
شهلاء ـ غنيه شنو هالحجي هاي بنتج جايتج .
غنيه ـ هي لان بنتي أحجي منو عاتب عليها وگايل الها تجي والدرب الجابها يرجعها لا أريدها ولا أريد جيتها .
عصماء ـ يمه
غنيه ـ لا الج الأم اي والله لا الج الأم امشي ولي منا هسه جايتني ويمه هواي تعرفين قدر الأم حرامات بيج التعب .
عصماء ـ يمه لا هيج تحجين واللي صار والله ما النا دخل لا اني ولا باسل بيش احلفج وتصدكين مو هو الخابر ابويه وشنو مصلحته يگوله .
غنيه ـ صمي حلگج ولحكي رجلج وأهلج ربوج وتعبوا عليج هيج تجازيهم تحجين على أختج كدام زلمتج جان كسرتي ركبتها أمشي طلعي من بيتي امشي وجهج ما اريد أشوفه .
عصماء ـ يمه فدوه اروحلج أسمعيني لاتظلميني طلعتني من الغرفه أدفع بيه
شهلاء ـ غنيه على كيفج البنيه حامل خافي ربج ولج خطيه البنيه منو الها غير أهلها لاتهضمينها وهي شعليها والحجايه انفضحت وتططمت وخطبوها بعد شگو شله داعي هالحجي ولج غنيه هاي معصومه ام گلب الطيب كظت عمرها تركض كدامج ومعيشتكم هيج تحاجينها .
غنيه ـ لا خلف الله عليها وغصباً عليها أهلها شمسويه ولج بيت عيالج وعيني عالباب وكلهن كالن عصماء ليش ما اجتي ما يدرن بنتي جلبه تغزرت برجلها ما صدكتي زوجتج طلعتي ميته عالرجال دروحي خل رجلج يفيدج لو يدوسج بالقندره لاتجيني وتگوليلي يمه عمى العماج وعمى أمج وياج .
عصماء ـ طلعت برى وركعت باب المطبخ وقفلته وكعدت بالطرمه أبجي وعمتي شهلاء تحجي عليها تالي خابرته باسل وين أنت .
باسل ـ بعدني بديالى جاي أفول بانزين ليش عيني
عصماء ـ أختنگت وأسمعها تحجي عليه .
ـ عصماء شبيج يابه .
ـ باسل أرجع أخذني .
ـ أي أرجع بس شبيج
ـ ماكو شيء بس أرجعلي أنتظرك
ـ ماشي جايج
ـ بقيت كاعده أنتظره تالي گمت غسلت وجهي وعدلت حجابي وشفت بيداء باوعتلي من شباك المطبخ من شوكت وصلنا لهل المرحله وأحنه أخوات من شوگت أني انطرد من بيت أهلي وسمعت هورن ودك الباب فتحته
ـ شبيج
ـ خل نمشي
ـ فهمت ، صعدي وأني اجيب أغراضج
ـ صعدت وجاب أغراضي عود اجيت وجبت ملابسي وأروح وياها الصالون تالي أنطردت ، وتمشي السياره وأني كلام أمي برأسي أنقهرت حيل لا بيه أبجي كدامه ولا بيه أحجي مهما يكون أمي وهو هم ما سألني ورن موبايله
باسل ـ هلا نائل هلا خويه .
نائل ـ هلا عيني رجعت بعدك .
ـ رجعت راح أدخل بغداد
ـ جان گتلي يمعود
ـ ليش گول
ـ والله علمود عمتي وبيداء تجيبهم وياك لصالون ما ضل وگت ، گلت رايح وبطريقك تجيبهم.
ـ ما أدري محد گالي وليش أجيبهم وياي ليش الحنه
مو يم أهلها!
ـ لا أهنا بغداد حجزتلها صالون وقاعه .
ـ شعجب ما حجزت بديالى
ـ هي رادت أهنا وأمي هم علمود خالاتي مبين اتفقن ورحت حجزت .
ـ بيها خير .
ـ خير يصيبك يله توصل بالسلامة .
ـ ربي يسلمك الله وياك .
ـ سد الخط وكال .
ـ تدرين الحنه بالقاعه
ـ لا ما أدري هسه من رحتلهم عرفت
ـ أني هم هسه يله عرفت جان ما وديتج مناك وكبل لقاعه ليش هالتعب عليج .
ـ يله ما صار شيء وصلنا البيت صعدت لغرفتي گبل تمددت تعبت من السياره وصعد وراي
ـ ها تعبتي
ـ أي والله ظهري كام يوجعني
ـ نامي وأرتاحي عود بعدين اوديج الصالون
ـ ما يحتاج صالون أني أهنا أمكيج نفسي
ـ بس كلهن راح يروحن أذا تردين أوديج
ـ لا عيوني أنت ما يحتاج .
ـ هو أنتِ حلوه والمكياج أنتِ تخلينه أحلى من الصالون
ـ فدوه لوجهك .
ـ أرتاحي اني رايح بيت جدي أشوف نائل خاف محتاج شيء وبعدين أودي أخواتي الصالون وأرجعلج .
ـ تمام ونزل وضليت بغرفتي مخنوگه ومر الوقت وراسلت ليال ها رحتوا
ليال ـ أني يم بيداء بالصالون
ـ ها شوگت رحتي
ـ نائل اجه أخذني ، وأنتِ وين
ـ بغرفتي شوي تعبانه
ـ ما بيج غير العافيه أنتبهي على نفسج ، نزلي يم أمي وباسل وينه عايفج لوحدج
ـ موجود هسه راح ويريد يودي البنات الصالون
ـ أي يجيبهن عليه بنفس الصالون جان لعد أجيتي وياهن .
ـ لا ما يحتاج أهنا اتمكيج
ـ براحتج أي شيء تحتاجي راسليني .
ـ أن شاء الله ، شكراً ليال .
ـ ما بينا شكر تدللي .
ـ حنينه عليه أكثر من أختي وكمت سبحت وكعدت خليت مكياج وكملت ولبست فستاني وعبايتي وأجه هو وگف ها
ـ مال أطگ الغرفه قفل ونومه لباجر الصبح .
ـ لا حبيبي ما يصير ، ها وديتهن .
ـ أي وأجيت أخذج يله نزلي أمي تنتظرنا .
ـ وطلعنا گبل للقاعه وصلنا ورجع ودخلنا أني وخالتي القاعه مليانه بس نسوان وكلها جايه أكثر شيء أقربائهم
وشفت البنات لقاء طالعه تخبل شنو هالجمال .
لقاء ـ مو بجمالك حبيبي
جنات ـ شعجب ما أجيتي ويانا لصالون .
عصماء ـ شويه تعبانه وخليت بالبيت
لقاء ـ يخبل والله يله تعالوا ، يمه نسيناج شنو الاناقه
هيفاء ـ مو بجمالجن وليال وينها ما شفتها .
لقاء ـ قنبلة الموسم والله لو هذاك الرجال شايفها الا يطگ روحه بطابوگه .
هيفاء ـ كلمن وقسمته يمه يله امشن .
عصماء ـ مشينا وجانت بعدها ما جايه وكعدنا لوحدنا وعمتهم نجلاء كاعده ورانا وگالت
نجلاء ـ شعجب مو ويه أختج .
هيفاء ـ حامل وتعبانه نخاف عليها ودزينا ليال بمكانها
نجلاء ـ ها كم شهر الج
لقاء ـ بعدها بداية حملها ليش عمه تردين تأخذين الها سونار تشوفين جنس البيبي .
نجلاء ـ اي واخذلج هم اشوفج شوكت تزوجين ونخلص من لسانج وين الله وأهل البيت تاخذين واحد ويصكرج
لقاء ـ صدك جذب عمه غير أنتِ عمتي حبيبتي وطالعه عليج جان أنتِ أخذتي واحد يصكرج .
نجلاء ـ قليلة أدب
هيفاء ـ لقاء سكتي كافي ماما عيب
لقاء ـ لاتكولين سكتي والله متحلفتلهن كل وحده تحاجيني اخليها عجينتها بكصتها خليني أبرد گلبي .
عصماء ـ وسكتنا وجنات تصور بنفسها وتراسل وتضحك ما أدري ليش تذكرت بيها بيداء وسوالفها ونغزني گلبي منها .
لقاء ـ جنات ترى اوفر گافي تصوير ما شبعتي اكل هو خوما اكل كم صوره وفضت شعندج جك جك .
جنات ـ شعليج بيه
لقاء ـ هاي مال شعليج بيه أكوم اسحلج بالقاعه والله عوفي المهجوم كافي تصورين حتى كراسي صورتيهن شعندج كشف صحة .
جنات ـ أهو بطلت .
عصماء ـ عافت الموبايل وأرتفعت صوت الأغاني وعلنوا وصولهم ودخلوا لابسه بدله لون احمر طوخ وبدلتها هواي دلعتها مفتوحه وتسريحه مفتوحه نازل شعرها وهو لابس زي عربي ودخلوا يمشون وشفت امي وراهم كبل نهضت وطگ گلبي عيني أنتِ يمه ، أباوعلها كاشخه لابسه أسود وبي ذهبي ، دمعت عيني وكعدوا عالكوشه وأجتي ليال
طالعه تخبل فستانها مميز ونازك .
ليال ـ هلاو شلونكم .
لقاء ـ زينين تعاي شوفي تماضر باعيها شلون دموعها على خدها خرب رغم أمها نجلاء بس قهرتني بهيج مواقف گلبي ينعصر ليا نذل يا نائل ليش عفتها خطيه
ليال ـ سگتي وخليها سمعت جواهر تگول الها ما أعوفج أخذج اله زوحة ثانيه .
لقاء ـ وات
ليال ـ هذا السمعته صدك جذب ما ادري .
لقاء ـ مجهزات طبخه وشكلها أختج يا عصماء لاتأكلها ناشفه وجواهر مو هينه من هسه أكولج الله يستر .
عصماء ـ ما حجيت وأريد اروح وأخاف يفشلني تالي بقيت ويه البنات وبدأ الرقص كلهن كامن ركصن بس ليال ما كامت ضلت كاعده يمي وأباوع لبيداء گامت تركص وفرحانه وأبتسمت لان رگصها حلو وهيج وخلصت الحفله ونريد نروح لبست عبايتي وتقدمت خالتي تسلم على أمي وتبارك لبيداء وأني وراها وصلت أمي أشرتلي بأيدها يعني وخري عبرتها والدمعه بطارف عيني وصلت بيداء الف مبروك بالرفاه والبنين .
بيداء ـ الله يبارك بيج شو لابسه عبايه شنو جايه لحج ترة حفله وكلها لابسه فساتين يمتى تتطورين مثل العالم .
عصماء ـ أختنگت لان فشلتني گدام خالتي ولقاء وراي جاوبتها .
لقاء ـ منو گلج ما كاشخه ترى نريد نمشي ولبست عبايتها واذا هسه تنزعها تطلع أحلى منج .
بيداء ـ ترة أختي وما گلت شيء .
عصماء ـ مشيت مقهوره وخالتي هيفاء زعلت وكالت لامي .
هيفاء ـ من يمتى الستر يتعيب عليه عيب هالحجي وأختها وهيج تحجي لعد شخلت للغريب .
غنيه ـ أم باسل ترى ما تقصد وهنا أخوات بينهن
هيفاء ـ أخوات بينهم يحجن بس مو كدامنا وكدام العالم عيب واذا التطور باللبس خل بنتج تتطور .
عصماء ـ باوعت لأمي ومكسور خاطري منهن ومشينا واجه نائل صادفنا .
نائل ـ ها ترحون .
لقاء ـ أي والله بالخير عليك عيني
نائل ـ خير لجميع تسلمين ، لعد وحده منجن تضل تروح وياي .
لقاء ـ أني أعذرني .
نائل ـ ليال خويه تبقين
ليال ـ أي عادي تدلل .
عصماء ـ وطلعنا وليال ضلت وبالسياره لقاء ما صبرت
لقاء ـ يابه مقهوره قهره دمي فاير .
باسل ـ خير منو وياج بس لا جواهر
ـ لا دخيلك ، بيداء .
ـ شبيها
عصماء ـ حجتله وخالتي هم حجت وباوعلي بالمرايا
باسل ـ باوعيلي زين ، خوما زعلتي من كلامها
عصماء ـ لا عادي .
باسل ـ شايفه من تمشين وياي شگد مفتخر ومتباهي بيج وبعبايتج لهذا ما عليج من الحجي .
هيفاء ـ لا والله يمه قلة أحترامات .
باسل ـ عادي يمه ولا يهمج هي هاي العقليه يشوفون التطور باللبس .
جنات ـ ترة صدك وبيداء ما گالت شيء ولان حفله وكلها بنات حجت هيج .
باسل ـ شايفه اذا سمعتج تحجين انوب حلگج أكسره .
لقاء ـ حييل وبعد الج وحده بالبيت بس خل نوصل
عصماء ـ وصلنا البيت أني صعدت لغرفتي وهو ضل واكف بالباب ويه ليث وبالليل هم رحنا سوه حنة نائل
بقيت يم خالتي ما طلعت والبنات ما قصرن بعرس أخوهن ولاحظت على ليال حيل تعبانه شبيج ليال
ليال ـ تروحين البيت حيل تعبانه ورأسي يوجعني
عصماء ـ تمام هسه أكول لباسل وبلغته وطلعنا أني وياها وجان ليث واكف ويه باسل وعبرناهم ليال دخلت غرفتها وأني رحت الغرفتي وباسل تأخر يله رجع ونمنا والصبح كعدنا من وگت رحنا بيت الجبير وهوسة العرس ورجعت البيت أني وخالتي تجهزت وخالتي صعدت ويه عمي هي والبنات وأني ويه باسل لوحدنا والحبيته يمشي على كيفه يخاف عليه من الطسات غمرني بحنيته ..
وصلنا بيت أهلي وشفت أبويه ورحت عليه سلمت عليه وأبوس بأيده يابه شلونك گبل حضني وباسني بحنيه
أسكندر ـ بخير بنيتي أنتِ شلونج زينه
عصماء ـ الحمدلله زينه ، ضليت بس أباوعله ودمعتي ما وگفت وأني أشوف أمي تبجي ونائل باسها وهي أنفجرت بالبجي تمنيت تگولي تعاي يمه ، ومشوا وردت أروح وخفت منها تفشلني كدام باسل وتالي مشيت وعفتها تبجي وعيوني تتوسل بيها ...
وصلنا القاعه وأخذوا صور والعرس جان حلو ردت أروح عليها تالي تراجعت وضليت بصف خالتي وخلصت الحفله وهما راحوا الفندق وليال راحت وياهم وأحنه رجعنا البيتنا .
وگبل صعدت غرفتي وباسل أجه وراي وأول ما دخل عاف گلشي وتقربلي .
باسل ـ باوعيلي زين .
عصماء ـ رفع حنجي وباوع بعيوني .
ـ عليمن عيونج زعلانه شو أضحكيلي
ـ ضحكت وحضني وشبكته باسل أحبك
ـ شــنو شگلتي!
ـ خجلت وتهربت منه رجع يباوعلي ونظراته ولمسات أيديه على خدي
ـ أحلى أحبك أسمعها ولج دافيه حيل دافيه شگت گلبي
ـ أسم الله على گلبك .
ـ أسم الله علينا .
ـ غمرني بحنينه وعوضني عن كل حزن شفته وعشنا ليلتنا بكل حب ويوم عن يوم هالحب يزيد مو بس حبيته أشوف الدنيا كلها بي يكفيني ما يحب يشوفني حزينه ولا ضايجه ويخاف عليه من گلشي ويوصيني على نفسي مو بس لأن حامل بأبنه لا بس لان هو حنين وگلبه طيب ودائماً خالتي تگول أبني طيب الله رزقه وحده طيبه مثله ...
ودامت حياتنا الحمدلله هادئه ومستقره .
_________________
ليال ـ حياتنا ماشيه ونفس الروتين دوام ودراسه وهذا الفترة جانت حفله تخرج وصور وعشت لحظات حلوة ويه صديقاتي وأهلي .
هالفتره جانت صعبه علينا وكلها مشاكل من نائل وبيداء وعصماء وبالأخير صارت خطبه رسميه وأنصدمنا بهل الخبر وطلعوا على علاقة حب ومبين عليهم نظراتها فاضحتها وهو كذلك الصراحه ما فرحت لهل الخطبه لان تذكرت حقارته ونذالته ويه تماضر شنو ذنبها كسرها وعافها وعادي عنده حتى لو هي غلطت مو معناها ما يصلح غلطته أو يعترف بذنبه هذا ظلم واذا أبن جواهر يعني لازم يكون الامير والنساء جواري عنده ...
وجواهر فرحانه بهل الجنه وبس تحضن بيها وفرحانه وتهلهل وعبالك تغور بأمي وبينا عود على عناد عصماء بيداء صارت جنتي ما أعرف ليش شايفين تصرف عصماء ورفضها شيءجبير وخطأ على الرغم هو صح وأي أخت بمكانها تسوي أكثر وواجبها تنصح وتمنع
بس گلشي صار العكس وبس وصل الخبر لأبوها صارت خطبة رسميه ما أعرف حظها لو حظ جواهر تكون جنتها
والله لان نائل حبها وهذا الحفيد وأبن جواهر ووحيدها .
نظرات عمتي نجلاء كلها حزن وخيبة أمل كبيره بحقها وبحق بنتها بس الشاغل فكري شنو جبرها تسكت وهما كسروا بنتها حتى گامت ما تجي والصراحه بالي يمها أريد اسأل عنها وأخاف يشگن بيه أعرف رغم أني ما حاجيه حتى لأخواتي بس من هذيج الليله هي ما بينت
الله يكون بعونها على هالصدمه الأجتها من نائل وأمه
لقاء ـ شفتي لكافه مالتها كلش أوفر لعبت نفسي ولا عبالك أخت عصماء شُنو هاي ، الثكل حلو مو خطبنا أختج ترجف رجف حتى من عدنا تستحي مو بس من باسل .
جنات ـ لا شگو بيها كل عروس بمكانها تفرح وبالأخص أذا كان حبيبها وهذا يوم مهم بحياتها شتردين منها تكعد تلطم .
لقاء ـ ست جنات تتحدث أگولج أنتِ ليش تحبين الخفاف المثلج يعني وين ما اكو وحده ما تنبلع، أنتِ أدافعين الها مثل جواهر وهسه بيداء سبحان الله نفس الطينه
ليال ـ لان يشبهنها .
جنات ـ انوب أنتِ ترى عيب مهما يكون صارت خطيبة أخونا الجبير
لقاء ـ اي عيني فديت المتكلمه اكول سگتي سگتي .
جنات ـ سگتنا صدك عصماء ليش ما حضرت خطوبة أختها
لقاء ـ وشعليج أنتِ
جنات ـ اني كلما أحجي حجايه شعليج شعندج وياي .
لقاء ـ مو كدامج صارت المشكله ودزت نائل على أختها والله تفتهم ما راحت وحضرت تعجبني هيج نسوان حتى من اهلها تتأخذ موقف .
جنات ـ ترى مو بس هي حتى باسل وأثنينهم رافضين هالزواج شفتي عمي سليم شيحجي يگول الا يعرفون شيء يله يرفضون .
لقاء ـ عمج سليم لو يضل بالبصره يم خواله مو أحسن يجي بالوقت بدل ضائع ويفسر على كيفه وهو شعليه وأعتقد رفضهم لان أختها كشفتها على علاقة حب وعصماء من نوع ما تحب هاي الأمور وعاشت أيدها .
ليال ـ شعلينا الله يصفي الگلوب .
جنات ـ على طاري الخطوبه هم نروح على حنة ياقوت سمعت بس تخلص يأخذونها .
لقاء ـ أي نروح ، لاتگولن تشترن ملابس
ليال ـ لا شسالفه الكنتور مليان خليها على عرس نائل
جنات ـ يله أني أروح
لقاء ـ وين موليه
ـ بيت جدي وين يعني
ـ وشعندج بيت جدج مو هسه جنا يمهم
ـ أهوو لقاء وشعليج أنتِ
ـ أنتِ عميه ما تشوفين مو كدامج جواهر هجمت علينا شعندج رايحه داگه اقامه هناك مو صخمنا وحجينا بس بالعزايم والمناسبات نروح
ـ خلص بطلت ما أروح بس سگتي .
ـ لا روحي علمود أكسر رجليج وأخليج عرجه .
ـ الله يأخذج
ليال ـ حجتها وطفرت ولقاء شالت الكعب وشمرته وراها واجه بالباب وأنكسر هيج أحسن
لقاء ـ تروحين فدوه لكعب رجلي .
جنات ـ أذا ما أكول لأبويه لقاء گسرت الباب أصبريلي
لقاء ـ خوفتيني والله گمت أرجف تردين أني اروح اكوله
شوفي ولج أذا رحتي بيت جدي أدزج قربان لجواهر
جنات ـ يما گوليلها .
لقاء ـ يمه گوليلها العوجه أمشي غيري فستانج لا أشكه عليج أدبسزز .
ليال ـ متعاركات بينهم فلا يعقلن لا والله ، عفتهن ونمت والصبح رحت الدوام ومرت فترة نفس الروتين وبيوم رجعت من الدوام ولكيتهم أبويه وباسل لابسين متحضرين وابويه لابس العگال والدشداشه الكفه تذبح والسبحه بإيده خير .!!
ونزلت عصماء أنطته موبايله والسويج سلمت عليهم ودخلت المطبخ ولكيت أمي .
هيفاء ـ هلا يمه أجيتي أصبلج غده
ليال ـ لا أغير ملابسي يله يمه وين يرحون أبويه وباسل وشعجب مو بالمحل! باوعتلي ونظراتها حزينه ودخلت عصماء وسگتت .
عصماء ـ عمه باسل يگول تروح ويانا .
هيفاء ـ مو على أساس بس مشية زلم .
عصماء ـ ما أعرف والله أفهمني منه
هيفاء ـ هسه أشوفه .
ليال ـ نشفت أيدها وطلعت عصماء ما عرفتي وين يرحون وشنو مشية زلم!
عصماء ـ گالوا يرحون يخطبون لـ ليث! .
ليال ـ ليث
عصماء ـ أي ليث هيج فهمت من باسل .
ليال ـ ما جاوبتها ودخل باسل وصارت عيونه عليه تصرفت طبيعي وعصرت أيدي قوي ومشيت الغرفه عبرته بدون ما أباوعله ، سويتها ليث رغم أنتهينا من زمان بس وجعني گلبي مو سهل عليه هالخبر أبداً مو سهل يريدله جبال تحمله مو گلبي
بقيت بالغرفه وكدامي الرسومات أكثر من رسمه رسمتك بأيدي وبعقلي وبخيالي وأنتَ أشسويت
الله يهني سعيد بسعيده ، شلتهن وكمت غيرت ملابسي وطلعت لكيت عصماء كاعده تعزل المطبخ صبيت الأكل وكعدت أكل ، أمي راحت .
عصماء ـ أي دزوا عليها
ليال ـ كملت وصلتني رساله من لقاء
لقاء ـ وصلج الخبر
ـ أي وصلني بالخير عليه
ـ مصدومه والله ، ما توقعته يسويها ويخطب كل ظني فتره ويرجع ، حرامات عبالي أنتِ تكونين من نصيبه رغم حقارته ونذالته بس أحس ما تلوگله وحده غيرج والله أنتوا تخبلون ، ليش هيج صار وحبكم
ـ يا حب يمعوده أني صوجي حبيته ما عبالي يصيرلي جرح .
ـ لاتزعلين فدوه خلي هو الخسران .
ـ الحمدلله ، منين عرفتي
ـ هسه دخلت الفيسبوك وشفت فارس ناشر منشور وصور والبنات ناشرات ستوريات ما تعرفيهن لواكه فول
ـ أي
ـ أمي راحت مو
ـ أي دزوا عليها ، دخلت الفيسبوك وشفت المنشورات عاقدين وگلبت بالصور وصارت صورته گبالي وحلقته تلمع ، أبتسمت بخيبة أمل كبيره .
ورجعوا أهلي وأمي تباوعلي سويت روحي طبيعيه بس غصب مو بيدي بداخلي نار تأكل بگلبي وهالشعور ما يحس بي بس المجربه .
جنات ـ يمه خطيبته هم حلوة
هيفاء ـ أي حلوة الله يستر عليها بس هو أحلى منها أكوم أغير ملابسي .
ليال ـ راحت ودخل باسل باوعلي وصعد ولحگته عصماء وجنات عينها بموبايلها وأني صفيت لوحدي ورجعت لغرفتي ومر هالليل وعشت بي كسرتي .
مر يومين وصار لازم أتقبل الصار وليث وحبه راح لغيري
والحياة ما تتوقف والله يعوضني ويحبر گلبي وكملت وشلت جنطتي ورحت الجامعه وكاعده ويه البنات
غدير ـ أكولجن ما عرفتن شوگت عرس ياقوت علمود نحهز نفسنا أني كلشي ما عندي لازم أشتري ملابس .
تهاني ـ بس تخلص أمتحانات بعدج وينج ورانا كومة أعراس وحفلات ينراد النا بنك
ـ هو بس عرس ياقوت ونائل منو بعد يعرس
ـ ليث شنو نسيتي
غدير ـ لا ما نسيته بس شوگت منو گال شو ما سمعنا گالوا مو هسه
تهاني ـ لا ياقوت گالت بس تخلص الأمتحانات لان هسه دوام وما تگدر .
غدير ـ ما شاء الله بهاي السنه كلها تزوجت حتى أستاذ باهر خاطب .
تهاني ـ أي سمعت البنات يحجون گالوا خاطب بنت خاله
ليال ـ يحجون بس أني ما شاركت وأجتي ياقوت يله بنات أترخص منكم
غدير ـ كاعده وين
ليال ـ عندي محاضره عفتهن ورحت وسمعتها بأذني كالت
ياقوت ـ عشتوا ما تريد تكعد وياي عاد من حورج
غدير ـ شنو هالحجي ترى ليال ما جابت طاريج ليش تحجين عليها .
ياقوت ـ لاتصيرين محامي دفاع ونسيتوا شلون رفضت أخويه وأستحقرته وفشلته كدام الكل .
غدير ـ وأنتِ شعليج عيب تضل بنت عمج وسالفه مر عليها وگت والزواج مو غصب ولاتنسين الغلط جان من أخوج وين جان قبل لايتقدم أستاذ باهر والكل متحضر
ياقوت ـ أي فهمنا سدي سالفتها .
غدير ـ ما عرفتج والله
ليال ـ تجاهلتها ومشيت مع الأسف والله طلعتي حقيره وأحقر من أخوج مشيتي وراه واحنه صديقات وبنات عم من عمر .
وأبتعدت عنها واذا أحضر عرسها حقاره عود عبالها مقهوره لان زياد أخذها وعافني ما تدري مو بعيني لا زياد ولا غيره .
خلص الدوام وأني طالعه شفت سيارته مقابيلي گملت طريقي وفتح باب السياره ونزل وسمعت صوتها
أيناس ـ أسفه حبيبي تأخرت عليك
ليث ـ لا عادي هسه أجيت
ياقوت ـ خبصتني بيك أجه وأجه يمعوده أنطي مجال
ليال ـ وگفت أنتظر أبو الخط وعبروا من كدامي وهي كاعده بالصدر نزلت رأسي ومشت سيارته وجفص على گلبي وراح وأجه ابو الخط وطلعت للبيت شوگت تخلص هالفتره ..
وأجه عرس نائل والتهينا وياه ورحنا أشترينا ملابس وتجهزنا وبلغني نائل أروح وياه نجيبهن لصالون طلعت كلهم موجودين وهو واكف يم الباب تجاهلته وصعدت بسيارة نائل .
نائل ـ يله تأخرت من وراكم
فارس ـ روح عمي لاتحصلك رزاله منها .
ليث ـ ليش وين تروح .
نائل ـ لأهل المره نجيبهن لصالون ها ليال نمشي جبتي أغراض والبدله خوما نسيتي شيء
ليال ـ لا ما نسيت شيء وطلعنا ومن وصلنا بيداء رادت تصعد بالصدر بس عجبني نائل من گال الها
نائل ـ أختي كاعده كعدي ليورا .
بيداء ـ مو لازم أني أكعد بصفك
نائل ـ ما أطير يا حبيبي لاتسويلنا سالفه .
ليال ـ لا عادي أنزل خل تجي .
نائل ـ لا أبقي يله نمشي .
ليال ـ وطلعنا وگملنا شغلنا وبالقاعه كلهن ركصن اني تعبانه بقيت كاعده وبالرجعه هم رحت وياه وبالطريق أتصل موبايل نائل .
نائل ـ هلا ليث ، لا والله بعدني ما مخلص بس اوصلهن ونرجع ماشي حبيبي .
ليال ـ وصلناهن ورجعنا المغرب فدمره والكل بالحديقه كاعدين ، نزلت يله نائل أني اروح محتاج شيء .
نائل ـ لا خيتي ما قصرتي عود أريدج باجر هم
ليال ـ ان شاء الله ، ومشيت لبيتنا وثاني يوم هم نفس الشيء بس أحس حيل تعبت وصلناهم الفندق ونزلت جنطهم وجواهر وياي .
جواهر ـ خوما نسيتي شيء
ليال ـ لا ما نسيت وصعدنا أني وياها المصعد وصلنا غرفتهم دگيت الباب وطلعلي جبت ملابسكم .
نائل ـ مشكوره عيني ما قصرتي تعبتج وياي .
جواهر ـ شو وخر خل أشوفها .
ليال ـ دخلت وأني ضليت أنتظرها وهي تأخرت يله أني نازله
نائل ـ أوصلج أني وشكلها امي مطوله بالتوصيات يمكن عبالها بيداء تكصبني .
ليال ـ ضحگت الله يسعدكم ونزلت لوحدي وصلت باب الخروج وشفته واكف يم السياره يدخن تجاهلته وصعدت بسيارة فارس لان اجينا وياه وكلها رايحه بقيت بس أني
وهو وفارس .
فارس ـ عمتي وين
ليال ـ هسه تجي وبقيت كاعده وأجه هو كعد بالصدر
ليث ـ شنو نضل واكفين لصبح
فارس ـ لما تجي عمتي .
ليال ـ وأجتي وكعدت بصفي وطلعنا .
جواهر ـ يمه الفندق مأمن ما بي شيء مو
ليث ـ شسالفه أكيد مأمن ليش خايفه عليه
جواهر ـ ليش ما أخاف عليه وحيدي يمه عيوني الأشوف بيهن ، أول مره يبات بعيد عني .
فارس ـ گولي يالله عمه لاتخافين ماكو شيء هاي مو كل هالشباب وياه تزوجت وعندج ليث راح يتزوج أمي هم تضل خايفه عليه .
جواهر ـ صدك شوگت تتزوج انطي مجال هسه خل نرتاح من عرس نائل ونشتاك للعرس كلكم بشهر واحد .
فارس ـ مبين ساكت خل يزوج زياد والله كريم بعدنا ما مخلصين شغلنا .
جواهر ـ ها زين تستاهل وخطيبتك خوش بنيه حلوه وتنحب وأستاذه جامعيه وأهلها خوش ناس والله ليث تعرف تختار .
ليال ـ محد جاوبها وصلنا البيت ودخلوا بيتهم ردت يوكف يم الباب وأنزل بس هما دخلوا ونزلت بسرعه وعمتي سلوى شافتني .
سلوى ـ ليال بنيتي تعاي ضلي على العشه
ليال ـ لا عمه تسلمين أروح البيتنا تعبت تعرفين من البارحه أني وياهم .
سلوى ـ أي والله سوده عليه حتى گلت جان دزوا لقاء اليوم ليش گله بس أنتِ وبعدين عرفت أخوج هو يريدج وياه يعرفج حنينه فدوه لوجهج .
ليال ـ لا عادي يله عيوني عمه أترخص منج .
سلوى ـ خل واحد من الولد يوصلج الدنيا ليل اخاف عليج
ليال ـ لا عمه شگو هياته بيتنا مع السلامه ومشيت هو جان وأكف بعد مسافه ويدخن وفتحت الباب وطلعت أتمشى وحسيته واكفلي يم الباب وصلت بابنا باوعت واكف يم باب بيتهم وتجاهلته ودخلت لكيتهم يتعشون ولقاء هي وكعبها تفتر بالمطبخ هلاو .
هيفاء ـ هلا بنيتي تعاي تعشي .
ليال ـ أخذ دوش وأجي بقولي حصتي ، لقاء الكعب ذبي خرب بيومج شكد تحبين الكعب
لقاء ـ لا ولج لابسته خاف جناني تسوي خباثه اطكها بي بس هو يبردلي گلبي .
ليال ـ خرب بيومج لعد باسل وعصماء وين
لقاء ـ بلابل الحلو صعدوا من زمان ، يله تعاي سويت طماطمه حمس تفلش .
جنات ـ شيأكلها بدون بصل .
لقاء ـ وأني ما مسويتها لبطنج گومي أنتِ طبخي .
ليال ـ عفتهم وسبحت ورجعت يمهم وتعشينا ونضحك ونسولف ولقاء دك تصنيف على العشيره كلها واولهم عمامتي وبالمقدمه عمتي نجلاء
لقاء ـ ولج تركض كدام جواهر عبالك رجلها خرب الكرامه تباوعلها وتبجي أصلاً اتبرت منها ، أيي شنو هالخضوع يمه فدوه متگوليلي جواهر شلازمه عليهن هيج يركضن كدامها .
هيفاء ـ هنا هيج من يومهن قبل لاتأخذ أبوج
لقاء ـ لعد هاي عدها أسرار من القدم ، للامانه بالعرس محد عجبني غير بنات عمتي انسام هدير وغدير فد مرتبات وخلوقات ، خوما ياقوت صايره وجه الجوب ونفسيه ردت أجضعها هي وأخوها وافوخ گلبي بيهم واكف وبس يدخن ولا عبالك خاطب سوه عندي أختناق
يالله يوم عن يوم يزودون اذا اجمعهن شهر ما يبرد گلبي بيهم .
جنات ـ شگد گلبج أسود
لقاء ـ وأولهم أنتِ خاف عبالج ما مشموله أنتِ على رأس القائمه
ليال ـ وهم رجعت عليها وضحگت عليهن وكملنا وكلمن لفراشها وثاني دوام واستمر نفس الروتين وجنت أغسل الحوش ودخل عليه باسل من برة
باسل ـ عوفي الغسل ودخلي جوه ولحد يطلع أكو عمال على السطح مال بيت عمي .
ليال ـ عفت من أيدي ودخلت وعصماء جانت تسوي العشه وباوعت من الشباك المطبخ وشفت البلكونه متوجهه علينا والشباك مفتوح ورجعت واجتي جنات
ودخلت صحت بيها وين جنتي نحجي اجنبي أحنه
جنات ـ يعني وين ، جنت يم بيت عمي كريم وگلت لأمي گالتلي روحي گافي عوفني أعتقني بحالي .
ليال ـ وشعندج رايحه
جنات ـ رحت شفت جهاز ياقوت وكالوا يجيبون غرفة ليث عبالي اشوفها تالي باسل كالي روحي البيت هم مثلجن حقنه
عصماء ـ ليش جابوا الغرفه .
جنات ـ اي هسه وصلت جاي يصعدونها ينصبونها أخذ طابق الفوك هاي الشباكها متوجه علينا .
ليال ـ ما حجيت وللمغرب أجه باسل جنت اثرم سلطه
باسل ـ حبي لاتتنظروني على العشه ، معزوم يم بيت عمي ، اتعشوا أنتوا .
عصماء ـ ماشي عيني .
ليال ـ وراح وضل يمهم الليل كله ومن طلعت أكمل غسل الحوش هو وباسل واكفين يم الشباك كأنما متقصد أختار هالغرفه وهو اساساً غرفته جانت جوه
عود أحركلج گلبج ما تدري حركته وخلص صار رماد ما عاد أهتم ، كملت غسل ودخلت البيت والتهيت بدراستي وذبيت كل طاقتي والحمدلله الله ما ضيع لي تعب
وخلصنا أمتحانات وخلصت أخر سنه اليه الحمدلله أكملت مسيرتي الدارسيه وكعدت بالبيت لاتعيين لا شيء صفط شهادتك وأكعد حالنا حال باسل درس وكعد بدون تعيين .
وبيوم كاعدين ودخلوا علينا باسل وعصماء راحوا وحدهم لدكتوره ها بشروا ولد لو بنوته .
لقاء ـ أوگفوا خل نخمن وكل وحده تخمينها صح الها هديه .
باسل ـ يله بله خمنوا
لقاء ـ أني أكول بنيه يله ليال وأنتِ شتگولين
ليال ـ أباوع على عصماء تباوع باسل وحاضنه من أيدها ومبتسمه وهو غمزلها أني أكول ولد لان عصماء أبتسمت
جنات ـ أني هم أكول ولد
باسل ـ أحم ها نگول
لقاء ـ يله گولوا .
عصماء ـ گول أنت .
باسل ـ عصماء بيها تؤام .
ليال ـ وصرخت لقاء بفرحه
لقاء ـ ياااااا فدوه يعمري .
ليال ـ اللهم صلِّ وسلم على سيدنا محمد واله محمد بيج تؤام فدوه لله .
هيفاء ـ صلاوات ما شاء الله ، تعاي أبوسج .
ليال ـ أخذتها بحضنها تبوس بيها الله يگومج بالسلامه
عصماء ـ الله يسلمكم .
لقاء ـ تدري باسل أني شگيت بيها لان بطنها من هسه جبيره ونفسها ضاك عليها شوف أختك صيدلانيه شكد ذكيه .
باسل ـ طالعه على أخوج
جنات ـ ما بين ولد لو بنات .
عصماء ـ لا كالت بعد من تدخلين بشهر الخامس يبين الجنس .
هيفاء ـ أي بعد هسه ما يبين
لقاء ـ حرامات عبالي مبين
باسل ـ لا بعد بس بين تؤام الحمدلله ربي .
هيفاء ـ انتبهي لنفسج لاتنزلين هواي الا شغلة ضروريه والصبح ضلي نايمه والبنات عطلن ما عليج بالشغل وهم أنطتج علاج شيء.
عصماء ـ أي أنطتني مثبتات ومقويات وكالت عندي فقر دم.
هيفاء ـ باسل هذا شغلك بعد الدلال عليك شايله روحين بطنها خطيه من بدايتها فقر دم .
باسل ـ بدون ما تكولين وصيتلها على طلي كامل وهسه أروح السوك أجيبلها ، يله أكعدي أرتاحي .
ليال ـ وأحلى فرحة دخلت بيتنا بهل الخبر الحلو وتحجي ويه أمي وأمي توصي بيها وهي تهز رأسها بس حسينا فرحتها مكسوره وصعدت غرفتها .
لقاء ـ شنو لحد الان أهلها مقاطعينها .
هيفاء ـ والله ما أدري ما سألتها وتصير بين الأم وبنتها هسه تسمع بيها حامل بتؤام وتجيها ويتراضن .
جنات ـ أي أمها حتى من أجتي على بيداء ما حجت وياها .
هيفاء ـ لاتتدخلين أنتِ ، هي وأهلها عيب ماما .
لقاء ـ اللكافه اذا ما تبطلينها أجيبج بوكس أفلش معالم وجهج الحلو .
جنات ـ تايهتلج أني يمه احجي وياها ترى ما يصير كلما احجي هي واكفتلي وتهدد تكول لاعب مصارعه .
هيفاء ـ رجعنا على مشاكلجن لقاء گافي ماما عوفي أختج خوما صغار أنتن ليال ماما شو ساكته
ليال ـ ها لا ماما وياكم فزيت من صفنتي وبالليل رحنا بيت جدي نتعلل واجتي عمتي سلوى علينا .
سلوى ـ سألت عليكم كالوا بيت الجبير شلونجن
هيفاء ـ الحمدلله عيني يا هلا بيج أي والله اجينا نتعلل
سلوى ـ اي شگو بيها ، عود باجر معزومات على حنة ياقوت جيبي البنات وتعالي مو ما تجن
هيفاء ـ أي أن شاء الله نجي .
سلوى ـ ليال شلونج حبيبتي .
ليال ـ بخير الحمدلله عيني عمه .
سلوى ـ فدوه لوجهج ، يله أني اروح من رخصتجن
ليال ـ وراحت ولقاء بصفي همست
لقاء ـ بعدها نفسها بيج ليش اني ما كالتلي شلونج بس ليال اويلي يا ليال شمسويه بيهم .
ليال ـ الله يسعده وبقينا كاعدين وتأخر الوقت وطلعنا بالباب وشفناها بالحوش لان الباب مفتوح .
أيناس ـ ماشي خاله باجر الصبح اجي أخذها .
سلوى ـ براحتج .
لقاء ـ هاي منو بس لا خطيبته
جنات ـ أي هي
هيفاء ـ أمشن يله .
ليال ـ مشينا وسمعت صوته يحاجيها
ليث ـ يله صعدي أوصلج .
ليال ـ وصلنا بيتنا وگبل نمت وعفت أخواتي كاعدات يختارن ملابس شنو يلبسن والصبح كعدنا متأخرين وتجهزنا بالبيت ورحنا الحنه أمي دگت الباب ودخلنا بيتهم وطلعت عمتي سلوى أستقبلتنا .
سلوى ـ يا هلا بالغاليه هلا بيجن .
ليال ـ دخلنا الأستقبال وعمامتي يفترن وكل البنات موجودات وهي بعدها بالصالون ودخلت علينا عمتي نجلاء .
نجلاء ـ تشوفن غرفة ليث شلون جايب غرفه تخبل يا غرفة باسل يا غرفة نائل .
هيفاء ـ عليهم بالف عافيه لا ما يحتاج قابل ما شايفين غرف .
لقاء ـ دود دود والله ميته محد أخذ من بناتها شگد حقيره عود تريد تقهرنا ، عابتلج أنتِ وياه وغرفته قحط
ليال ـ بقينا كاعدين وجنات لازكه يم جواهر ما اعرف شنو تحجي وياها گلبي نغزني ودفرت لقاء روحي صيحيها .
لقاء ـ لعد أني المن لابسه كعب
ليال ـ لا يمعوده بس صيحيها هسه نمشي للقاعه
راحت سحبتها وأجتي وصار الوقت وطلعنا للقاعه باسل وصلنا ودخلت ياقوت هي وزياد وشفت أيناس وياها وياها وعرفت هي رايحه وياها الصالون وتفتر واجتي علينا سلمت وتقدمت سلمت عليها هلا أستاذه
شلونج .
ايناس ـ هلا حبيبتي ليال الحمدلله بخير شفتج وكلت اسلم عليج وعلى عائلتج الف هلا بيكم گلبي .
لقاء ـ شكراً كلج ذوق .
ليال ـ راحت وطالعه حلوة وهي من يومها حيل محبوبه ولطيفه بشكل
لقاء ـ مبين عليها تنحب .
هيفاء ـ أي تبين خوش بنيه الله يحفظها .
ليال ـ وكعدنا والكل ركص بس احنه ما شاركنا دگينا ثكل بس بأعراس أخواني لا والله بدعنا بالاخص لقاء
وصار وقت توزيع الضيافه وأيناس تفتر على الكل وتباوع خوما اكو نقص واجتي يمنا واشرفت على الضيافه وأبتستملي بكل حب .
روايه #بنات_الحجي_سعيد
بقلم شمس العراقيه
#الحلقه_الخامسه_عشر١٥ ♡#القسم٢
____________________
ليال ـ راحت ودخل باسل باوعلي وصعد ولحگته عصماء وجنات عينها بموبايلها وأني صفيت لوحدي ورجعت لغرفتي ومر هالليل وعشت بي كسرتي .
مر يومين وصار لازم أتقبل الصار وليث وحبه راح لغيري
والحياة ما تتوقف والله يعوضني ويحبر گلبي وكملت وشلت جنطتي ورحت الجامعه وكاعده ويه البنات
غدير ـ أكولجن ما عرفتن شوگت عرس ياقوت علمود نحهز نفسنا أني كلشي ما عندي لازم أشتري ملابس .
تهاني ـ بس تخلص أمتحانات بعدج وينج ورانا كومة أعراس وحفلات ينراد النا بنك
ـ هو بس عرس ياقوت ونائل منو بعد يعرس
ـ ليث شنو نسيتي
غدير ـ لا ما نسيته بس شوگت منو گال شو ما سمعنا گالوا مو هسه
تهاني ـ لا ياقوت گالت بس تخلص الأمتحانات لان هسه دوام وما تگدر .
غدير ـ ما شاء الله بهاي السنه كلها تزوجت حتى أستاذ باهر خاطب .
تهاني ـ أي سمعت البنات يحجون گالوا خاطب بنت خاله
ليال ـ يحجون بس أني ما شاركت وأجتي ياقوت يله بنات أترخص منكم
غدير ـ كاعده وين
ليال ـ عندي محاضره عفتهن ورحت وسمعتها بأذني كالت
ياقوت ـ عشتوا ما تريد تكعد وياي عاد من حورج
غدير ـ شنو هالحجي ترى ليال ما جابت طاريج ليش تحجين عليها .
ياقوت ـ لاتصيرين محامي دفاع ونسيتوا شلون رفضت أخويه وأستحقرته وفشلته كدام الكل .
غدير ـ وأنتِ شعليج عيب تضل بنت عمج وسالفه مر عليها وگت والزواج مو غصب ولاتنسين الغلط جان من أخوج وين جان قبل لايتقدم أستاذ باهر والكل متحضر
ياقوت ـ أي فهمنا سدي سالفتها .
غدير ـ ما عرفتج والله
ليال ـ تجاهلتها ومشيت مع الأسف والله طلعتي حقيره وأحقر من أخوج مشيتي وراه واحنه صديقات وبنات عم من عمر .
وأبتعدت عنها واذا أحضر عرسها حقاره عود عبالها مقهوره لان زياد أخذها وعافني ما تدري مو بعيني لا زياد ولا غيره .
خلص الدوام وأني طالعه شفت سيارته مقابيلي گملت طريقي وفتح باب السياره ونزل وسمعت صوتها
أيناس ـ أسفه حبيبي تأخرت عليك
ليث ـ لا عادي هسه أجيت
ياقوت ـ خبصتني بيك أجه وأجه يمعوده أنطي مجال
ليال ـ وگفت أنتظر أبو الخط وعبروا من كدامي وهي كاعده بالصدر نزلت رأسي ومشت سيارته وجفص على گلبي وراح وأجه ابو الخط وطلعت للبيت شوگت تخلص هالفتره ..
وأجه عرس نائل والتهينا وياه ورحنا أشترينا ملابس وتجهزنا وبلغني نائل أروح وياه نجيبهن لصالون طلعت كلهم موجودين وهو واكف يم الباب تجاهلته وصعدت بسيارة نائل .
نائل ـ يله تأخرت من وراكم
فارس ـ روح عمي لاتحصلك رزاله منها .
ليث ـ ليش وين تروح .
نائل ـ لأهل المره نجيبهن لصالون ها ليال نمشي جبتي أغراض والبدله خوما نسيتي شيء
ليال ـ لا ما نسيت شيء وطلعنا ومن وصلنا بيداء رادت تصعد بالصدر بس عجبني نائل من گال الها
نائل ـ أختي كاعده كعدي ليورا .
بيداء ـ مو لازم أني أكعد بصفك
نائل ـ ما أطير يا حبيبي لاتسويلنا سالفه .
ليال ـ لا عادي أنزل خل تجي .
نائل ـ لا أبقي يله نمشي .
ليال ـ وطلعنا وگملنا شغلنا وبالقاعه كلهن ركصن اني تعبانه بقيت كاعده وبالرجعه هم رحت وياه وبالطريق أتصل موبايل نائل .
نائل ـ هلا ليث ، لا والله بعدني ما مخلص بس اوصلهن ونرجع ماشي حبيبي .
ليال ـ وصلناهن ورجعنا المغرب فدمره والكل بالحديقه كاعدين ، نزلت يله نائل أني اروح محتاج شيء .
نائل ـ لا خيتي ما قصرتي عود أريدج باجر هم
ليال ـ ان شاء الله ، ومشيت لبيتنا وثاني يوم هم نفس الشيء بس أحس حيل تعبت وصلناهم الفندق ونزلت جنطهم وجواهر وياي .
جواهر ـ خوما نسيتي شيء
ليال ـ لا ما نسيت وصعدنا أني وياها المصعد وصلنا غرفتهم دگيت الباب وطلعلي جبت ملابسكم .
نائل ـ مشكوره عيني ما قصرتي تعبتج وياي .
جواهر ـ شو وخر خل أشوفها .
ليال ـ دخلت وأني ضليت أنتظرها وهي تأخرت يله أني نازله
نائل ـ أوصلج أني وشكلها امي مطوله بالتوصيات يمكن عبالها بيداء تكصبني .
ليال ـ ضحگت الله يسعدكم ونزلت لوحدي وصلت باب الخروج وشفته واكف يم السياره يدخن تجاهلته وصعدت بسيارة فارس لان اجينا وياه وكلها رايحه بقيت بس أني
وهو وفارس .
فارس ـ عمتي وين
ليال ـ هسه تجي وبقيت كاعده وأجه هو كعد بالصدر
ليث ـ شنو نضل واكفين لصبح
فارس ـ لما تجي عمتي .
ليال ـ وأجتي وكعدت بصفي وطلعنا .
جواهر ـ يمه الفندق مأمن ما بي شيء مو
ليث ـ شسالفه أكيد مأمن ليش خايفه عليه
جواهر ـ ليش ما أخاف عليه وحيدي يمه عيوني الأشوف بيهن ، أول مره يبات بعيد عني .
فارس ـ گولي يالله عمه لاتخافين ماكو شيء هاي مو كل هالشباب وياه تزوجت وعندج ليث راح يتزوج أمي هم تضل خايفه عليه .
جواهر ـ صدك شوگت تتزوج انطي مجال هسه خل نرتاح من عرس نائل ونشتاك للعرس كلكم بشهر واحد .
فارس ـ مبين ساكت خل يزوج زياد والله كريم بعدنا ما مخلصين شغلنا .
جواهر ـ ها زين تستاهل وخطيبتك خوش بنيه حلوه وتنحب وأستاذه جامعيه وأهلها خوش ناس والله ليث تعرف تختار .
ليال ـ محد جاوبها وصلنا البيت ودخلوا بيتهم ردت يوكف يم الباب وأنزل بس هما دخلوا ونزلت بسرعه وعمتي سلوى شافتني .
سلوى ـ ليال بنيتي تعاي ضلي على العشه
ليال ـ لا عمه تسلمين أروح البيتنا تعبت تعرفين من البارحه أني وياهم .
سلوى ـ أي والله سوده عليه حتى گلت جان دزوا لقاء اليوم ليش گله بس أنتِ وبعدين عرفت أخوج هو يريدج وياه يعرفج حنينه فدوه لوجهج .
ليال ـ لا عادي يله عيوني عمه أترخص منج .
سلوى ـ خل واحد من الولد يوصلج الدنيا ليل اخاف عليج
ليال ـ لا عمه شگو هياته بيتنا مع السلامه ومشيت هو جان وأكف بعد مسافه ويدخن وفتحت الباب وطلعت أتمشى وحسيته واكفلي يم الباب وصلت بابنا باوعت واكف يم باب بيتهم وتجاهلته ودخلت لكيتهم يتعشون ولقاء هي وكعبها تفتر بالمطبخ هلاو .
هيفاء ـ هلا بنيتي تعاي تعشي .
ليال ـ أخذ دوش وأجي بقولي حصتي ، لقاء الكعب ذبي خرب بيومج شكد تحبين الكعب
لقاء ـ لا ولج لابسته خاف جناني تسوي خباثه اطكها بي بس هو يبردلي گلبي .
ليال ـ خرب بيومج لعد باسل وعصماء وين
لقاء ـ بلابل الحلو صعدوا من زمان ، يله تعاي سويت طماطمه حمس تفلش .
جنات ـ شيأكلها بدون بصل .
لقاء ـ وأني ما مسويتها لبطنج گومي أنتِ طبخي .
ليال ـ عفتهم وسبحت ورجعت يمهم وتعشينا ونضحك ونسولف ولقاء دك تصنيف على العشيره كلها واولهم عمامتي وبالمقدمه عمتي نجلاء
لقاء ـ ولج تركض كدام جواهر عبالك رجلها خرب الكرامه تباوعلها وتبجي أصلاً اتبرت منها ، أيي شنو هالخضوع يمه فدوه متگوليلي جواهر شلازمه عليهن هيج يركضن كدامها .
هيفاء ـ هنا هيج من يومهن قبل لاتأخذ أبوج
لقاء ـ لعد هاي عدها أسرار من القدم ، للامانه بالعرس محد عجبني غير بنات عمتي انسام هدير وغدير فد مرتبات وخلوقات ، خوما ياقوت صايره وجه الجوب ونفسيه ردت أجضعها هي وأخوها وافوخ گلبي بيهم واكف وبس يدخن ولا عبالك خاطب سوه عندي أختناق
يالله يوم عن يوم يزودون اذا اجمعهن شهر ما يبرد گلبي بيهم .
جنات ـ شگد گلبج أسود
لقاء ـ وأولهم أنتِ خاف عبالج ما مشموله أنتِ على رأس القائمه
ليال ـ وهم رجعت عليها وضحگت عليهن وكملنا وكلمن لفراشها وثاني دوام واستمر نفس الروتين وجنت أغسل الحوش ودخل عليه باسل من برة
باسل ـ عوفي الغسل ودخلي جوه ولحد يطلع أكو عمال على السطح مال بيت عمي .
ليال ـ عفت من أيدي ودخلت وعصماء جانت تسوي العشه وباوعت من الشباك المطبخ وشفت البلكونه متوجهه علينا والشباك مفتوح ورجعت واجتي جنات
ودخلت صحت بيها وين جنتي نحجي اجنبي أحنه
جنات ـ يعني وين ، جنت يم بيت عمي كريم وگلت لأمي گالتلي روحي گافي عوفني أعتقني بحالي .
ليال ـ وشعندج رايحه
جنات ـ رحت شفت جهاز ياقوت وكالوا يجيبون غرفة ليث عبالي اشوفها تالي باسل كالي روحي البيت هم مثلجن حقنه
عصماء ـ ليش جابوا الغرفه .
جنات ـ اي هسه وصلت جاي يصعدونها ينصبونها أخذ طابق الفوك هاي الشباكها متوجه علينا .
ليال ـ ما حجيت وللمغرب أجه باسل جنت اثرم سلطه
باسل ـ حبي لاتتنظروني على العشه ، معزوم يم بيت عمي ، اتعشوا أنتوا .
عصماء ـ ماشي عيني .
ليال ـ وراح وضل يمهم الليل كله ومن طلعت أكمل غسل الحوش هو وباسل واكفين يم الشباك كأنما متقصد أختار هالغرفه وهو اساساً غرفته جانت جوه
عود أحركلج گلبج ما تدري حركته وخلص صار رماد ما عاد أهتم ، كملت غسل ودخلت البيت والتهيت بدراستي وذبيت كل طاقتي والحمدلله الله ما ضيع لي تعب
وخلصنا أمتحانات وخلصت أخر سنه اليه الحمدلله أكملت مسيرتي الدارسيه وكعدت بالبيت لاتعيين لا شيء صفط شهادتك وأكعد حالنا حال باسل درس وكعد بدون تعيين .
وبيوم كاعدين ودخلوا علينا باسل وعصماء راحوا وحدهم لدكتوره ها بشروا ولد لو بنوته .
لقاء ـ أوگفوا خل نخمن وكل وحده تخمينها صح الها هديه .
باسل ـ يله بله خمنوا
لقاء ـ أني أكول بنيه يله ليال وأنتِ شتگولين
ليال ـ أباوع على عصماء تباوع باسل وحاضنه من أيدها ومبتسمه وهو غمزلها أني أكول ولد لان عصماء أبتسمت
جنات ـ أني هم أكول ولد
باسل ـ أحم ها نگول
لقاء ـ يله گولوا .
عصماء ـ گول أنت .
باسل ـ عصماء بيها تؤام .
ليال ـ وصرخت لقاء بفرحه
لقاء ـ ياااااا فدوه يعمري .
ليال ـ اللهم صلِّ وسلم على سيدنا محمد واله محمد بيج تؤام فدوه لله .
هيفاء ـ صلاوات ما شاء الله ، تعاي أبوسج .
ليال ـ أخذتها بحضنها تبوس بيها الله يگومج بالسلامه
عصماء ـ الله يسلمكم .
لقاء ـ تدري باسل أني شگيت بيها لان بطنها من هسه جبيره ونفسها ضاك عليها شوف أختك صيدلانيه شكد ذكيه .
باسل ـ طالعه على أخوج
جنات ـ ما بين ولد لو بنات .
عصماء ـ لا كالت بعد من تدخلين بشهر الخامس يبين الجنس .
هيفاء ـ أي بعد هسه ما يبين
لقاء ـ حرامات عبالي مبين
باسل ـ لا بعد بس بين تؤام الحمدلله ربي .
هيفاء ـ انتبهي لنفسج لاتنزلين هواي الا شغلة ضروريه والصبح ضلي نايمه والبنات عطلن ما عليج بالشغل وهم أنطتج علاج شيء.
عصماء ـ أي أنطتني مثبتات ومقويات وكالت عندي فقر دم.
هيفاء ـ باسل هذا شغلك بعد الدلال عليك شايله روحين بطنها خطيه من بدايتها فقر دم .
باسل ـ بدون ما تكولين وصيتلها على طلي كامل وهسه أروح السوك أجيبلها ، يله أكعدي أرتاحي .
ليال ـ وأحلى فرحة دخلت بيتنا بهل الخبر الحلو وتحجي ويه أمي وأمي توصي بيها وهي تهز رأسها بس حسينا فرحتها مكسوره وصعدت غرفتها .
لقاء ـ شنو لحد الان أهلها مقاطعينها .
هيفاء ـ والله ما أدري ما سألتها وتصير بين الأم وبنتها هسه تسمع بيها حامل بتؤام وتجيها ويتراضن .
جنات ـ أي أمها حتى من أجتي على بيداء ما حجت وياها .
هيفاء ـ لاتتدخلين أنتِ ، هي وأهلها عيب ماما .
لقاء ـ اللكافه اذا ما تبطلينها أجيبج بوكس أفلش معالم وجهج الحلو .
جنات ـ تايهتلج أني يمه احجي وياها ترى ما يصير كلما احجي هي واكفتلي وتهدد تكول لاعب مصارعه .
هيفاء ـ رجعنا على مشاكلجن لقاء گافي ماما عوفي أختج خوما صغار أنتن ليال ماما شو ساكته
ليال ـ ها لا ماما وياكم فزيت من صفنتي وبالليل رحنا بيت جدي نتعلل واجتي عمتي سلوى علينا .
سلوى ـ سألت عليكم كالوا بيت الجبير شلونجن
هيفاء ـ الحمدلله عيني يا هلا بيج أي والله اجينا نتعلل
سلوى ـ اي شگو بيها ، عود باجر معزومات على حنة ياقوت جيبي البنات وتعالي مو ما تجن
هيفاء ـ أي أن شاء الله نجي .
سلوى ـ ليال شلونج حبيبتي .
ليال ـ بخير الحمدلله عيني عمه .
سلوى ـ فدوه لوجهج ، يله أني اروح من رخصتجن
ليال ـ وراحت ولقاء بصفي همست
لقاء ـ بعدها نفسها بيج ليش اني ما كالتلي شلونج بس ليال اويلي يا ليال شمسويه بيهم .
ليال ـ الله يسعده وبقينا كاعدين وتأخر الوقت وطلعنا بالباب وشفناها بالحوش لان الباب مفتوح .
أيناس ـ ماشي خاله باجر الصبح اجي أخذها .
سلوى ـ براحتج .
لقاء ـ هاي منو بس لا خطيبته
جنات ـ أي هي
هيفاء ـ أمشن يله .
ليال ـ مشينا وسمعت صوته يحاجيها
ليث ـ يله صعدي أوصلج .
ليال ـ وصلنا بيتنا وگبل نمت وعفت أخواتي كاعدات يختارن ملابس شنو يلبسن والصبح كعدنا متأخرين وتجهزنا بالبيت ورحنا الحنه أمي دگت الباب ودخلنا بيتهم وطلعت عمتي سلوى أستقبلتنا .
سلوى ـ يا هلا بالغاليه هلا بيجن .
ليال ـ دخلنا الأستقبال وعمامتي يفترن وكل البنات موجودات وهي بعدها بالصالون ودخلت علينا عمتي نجلاء .
نجلاء ـ تشوفن غرفة ليث شلون جايب غرفه تخبل يا غرفة باسل يا غرفة نائل .
هيفاء ـ عليهم بالف عافيه لا ما يحتاج قابل ما شايفين غرف .
لقاء ـ دود دود والله ميته محد أخذ من بناتها شگد حقيره عود تريد تقهرنا ، عابتلج أنتِ وياه وغرفته قحط
ليال ـ بقينا كاعدين وجنات لازكه يم جواهر ما اعرف شنو تحجي وياها گلبي نغزني ودفرت لقاء روحي صيحيها .
لقاء ـ لعد أني المن لابسه كعب
ليال ـ لا يمعوده بس صيحيها هسه نمشي للقاعه
راحت سحبتها وأجتي وصار الوقت وطلعنا للقاعه باسل وصلنا ودخلت ياقوت هي وزياد وشفت أيناس وياها وياها وعرفت هي رايحه وياها الصالون وتفتر واجتي علينا سلمت وتقدمت سلمت عليها هلا أستاذه
شلونج .
ايناس ـ هلا حبيبتي ليال الحمدلله بخير شفتج وكلت اسلم عليج وعلى عائلتج الف هلا بيكم گلبي .
لقاء ـ شكراً كلج ذوق .
ليال ـ راحت وطالعه حلوة وهي من يومها حيل محبوبه ولطيفه بشكل
لقاء ـ مبين عليها تنحب .
هيفاء ـ أي تبين خوش بنيه الله يحفظها .
ليال ـ وكعدنا والكل ركص بس احنه ما شاركنا دگينا ثكل بس بأعراس أخواني لا والله بدعنا بالاخص لقاء
وصار وقت توزيع الضيافه وأيناس تفتر على الكل وتباوع خوما اكو نقص واجتي يمنا واشرفت على الضيافه وأبتستملي بكل حب .
وخلصت الحنه ورجعنا البيت وتمددت فتحت موبايلي لكيت طلب متابعه فتحته من ايناس وافقت عالطلب
وتابعتها هي ما ألها ذنب ونفس الوقت أستاذتي والصار مقدر ومكتوب يكون من قسمتها والله
يسعدها هي وياه .
وثاني يوم ما حضرنا العرس باسل ما قبل گال فقط تحضرن الحنه لخاطر بيت عمي كريم وعمتي سلوى اما بالعرس محد يوصل حتى حذر ومنع أمي مباركه ما تروح تبارك بس جواهر راحت واخذت بيداء وياها ونائل ضل على موقفه ما راح اجه كعد يمنا ومشت الأيام والأشهر وعصماء طلع بيها تؤام بنات وبطنها كبرت وگوه تمشي خطيه لان تؤام والدكتوره گالتلها دير
بالج احتمال تصير عدها ولاده مبكره لان صاعده نازله والبنات نازلات من هسه وباسل فرحان وخايف عليها وحياتنا مستقره الحمدلله ومنتظرين حفيداتنا .
وبيوم كاعدين العصريات وأتصلت عمتي سلوى على أمي وجاوبتها وكملت الأتصال
هيفاء ـ عزمتنا على الحنه باجر .
لقاء ـ نروح مو .
هيفاء ـ أي نروح .
ليال ـ يحجون وأني أكلب بالأنستا وصلتني رساله فتحتها بطاقة دعوه من أيناس جاوبتها ان شاء الله .
وثاني يوم أخواتي يتجهزن وأجتي أمي كعدت يمي
هيفاء ـ أذا ما تردين لاتروحين وأني ابقي بس عصماء وأخواتج يرحن .
ليال ـ لا ماما اروح عيب هي هم عزمتني مهما يكون أستاذتي لايضل بالج عليه عادي .
هيفاء ـ أكيد ماما والله مأخذه روحي وكل بالي يمج
ـ حضنتني وابتسمت لاينشغل بالج عليه والله عادي مسحت على راسي وراحت كمت طلعت فستاني ولبسته وكملنا وطلعنا لبيتهم لان الحنه بيت العروس مو قاعه
كعدنا بالأستقبال والكل موجود وياقوت سلمت من ورى خشمها وشغلوا الأغاني وعلنوا أفراحهم وهوسه صاعدين نازلين لان جنت كاعده من يم الباب .
كالوا تحضروا راح يمشون وگمنا والتوت رجلي عثرت حسيت رجلي طگت وامي وأخواتي التمن عليه ما بيه شيء بس التوت .
هيفاء ـ شجاج يا يمه .
ليال ـ أمي ما شالت عينها مني وطلعنا وكفت بصف عصماء ونزل هو لابس قاط أسود وقميص أبيض وعماتي هلاهل وجكليت ولزمت ايد عصماء .
عصماء ـ نطلع برى اني هم تضايقت .
ليال ـ لا عادي ، وطلعوا الكل وعبر من يمي حتى ما باوع وطلعنا بسيارة باسل ونمشي وراه لان ما نندل بيتهم ، وصلنا بيتهم جبير حيل وحديقه ضخمه ومنصبة كوشه كعدنا والكل نزلوا وعرفت راح يجيبها من الصالون بعدها ما جايه .
لقاء ـ كلبي أحترك لو ما جايين أحسن وترى رجلج ما التوت أنما حيل ما ضل بيج تمشين شهل العذاب هذا
لما عيب اخذج ونرجع البيت والله أخاف عليج اطگين .
ليال ـ عادي يمعوده ما يأثر ، وشغلوا الأغاني وصلوا
دخل لازم أيدها وكعدوا عالگوشه ويمسح كصته بالكلنكس وجنات تصور ولقاء تأفف وأني عيني عليه كاعد نفس شگله المغرور وتوتره وأنزعاجه من هيج أماكن لما صارت عينه بعيني أبتسمت وبعدها صديت وجهي عنه وما باوعت عليهم بينت نفسي طبيعه وأضحك ويه عصماء وأسولف وأحس نظراته ناحيتي ولقاء تباوعلي وأني بالكوه مقاومه وأبين گلشي عادي وين العادي وأني حاضره عرسه .
ماطول نص ساعه وطلع وعمتي حجت وتوسلت بي قافل وبلشت الحفله دك ورقص وبقينا كاعدين وبعدها كمنا باركنا الها وطلعنا للبيت ..
ونايمه على مخدتي وصافنه والتخيلات برأسي باجر عرسه أختنگت وغصب أتذكر حقارته وقساوته وجبرت نفسي ما أنقهر وعاندت كلبي ودست عليه وعشت معارك ويه روحي ونمت واني بگلبي نار ما تطفى
هالمره الدرس كان قاسي يا ليث أنطيتني درس
بالحب بعمري ما راح أنساه .
وأخيراً أستوعبت أنه مالي غير نفسي وأني محد حبني صح ومحد يستاهل گلبي وطيبتي ومحد يستاهل حقيقتي ومشاعري الصادقه . ليال
______________________
جنات ـ كل هالفتره المرت مستمره علاقتي بي على الرغم متزوج وجان حبي الي أقوى وتغلب على عاطفتي وما كدرت أبتعد وماما جواهر وياي ومساندتني ..
عماد ـ شوگت ترجعين البيت ما كافي عاد خل اجيبج يمي اذا خليتج تحضرين أعراس لخاطر شكد تعرسون ما تخلص أعراسكم
جنات ـ غير تزوجوا ويوم النا
ـ الله كريم حبيبي ما ضل شيء عن قريب
ـ ان شاء الله
ـ يله سمعي الكلمه ورجعي
ـ خوما أرجع وحدي هسه تخلص الحفله ونرجع كُلنا
ـ أخذتي صور وفيديوهات
ـ اي حبيبي من أرجع أدزلك
ـ دزيهن هسه كاعد أشوفهن
ـ ما أدز الا تكولي أشسويت وشقررت بخصوص زوجتك .
ـ ما سويت شيء بعدها زعلانه يم أهلها وتنتظر الطلاك .
ـ واتفقتوا .
ـ حاظرتني وقافله مو مال تفاهم ختولي .
ـ وأبنك وبنتك شلون
ـ جانوا يمي وديتهم الها
ـ أنت وديتهم
ـ أي لعد منو
ـ وهي طلعت الك
ـ لا دزتلي أخوها.، الحقيره ما تريد تشوف شگلها
ـ وأنت شدعوه تريد تشوفها
ـ هيج خباثه أقهرج بيها
ـ وهيج تقهرني
ـ والله احبج صدك تحجين لما أحبج ما عفتها ومكابلج
ـ عبالي علمود أموتك غير
ـ وأحلى موته أموت على أيدج
ـ اسم الله حبيبي .
ـ يله دزيلي ومن ترجعين خابريني هلوكت كله مراسلات ما سامع صوتج .
ـ ما أكدر أخواتي يمي
ـ وبيت جدج يم مرت أبوج
ـ جنتها بس تفتر ما أكدر خاف تكشفني
ـ يله أنتبهي على نفسج لعد لما تفض عالخير .
ـ يعني تطلگها عماد
ـ أي وهي هم تريد طلاك وهيج احسن النا .
ـ بعدين نحجي ونهيت المحادثه ورجعنا البيت وشفت ماما گبل رحت عليها وحجيتلها .
جواهر ـ أمشي بغرفتي نحجي وكافي خل يجي
جنات ـ رحت الغرفه ها ماما
ـ ما كالج شوكت يطلكها علمود يجي يخطبج
ـ لا ما كال والصراحه اني حيل دايخه وخايفه اذا اجه اهلي يرفضون
ـ لا محد يرفض هو أهم شيء أبوج ويوافق ما عليج
ـ وأمي وأخواني .
ـ شعليج بأمج واخوج نائل من يشوف أبوج يوافق هو هم يوافق
ـ خايفه
ـ لاتخافين وأنتِ مو تحبينه
ـ أي أحبه بس
ـ لا بس ولا شيء هذا هو اليحب يضحي هالكدامج أني مو لان أحب ابوج ما عفته وعماد يحبج واذا على مرته ما عليج بيهم وهو يريد يطلگ خوما أنتِ كلتيلي هو ضل وراج ويريدج خل يتحمل لعد شعباله أنتِ رخصيه لا عيني أنتِ بنتي والا اسويلج خطوبه كلها تسولف بيها أني أمج .
ـ فدوه لكلبج ماما من دونج ما اعرف شسوي .
ـ أنتِ بنتي حبيبتي لاتشيلين هم ولاتفكرين كلشي ينحل وأني وياج ما أعوفج ، يله روحي قبل يضلن يحجن عليج .
ـ أكوله خل يجي
ـ أني احجي وياه
ـ تمام وطلعت من يمها فرحانه وشويه ارتاحيت بكلامها ودعمها اليه وفعلاً اليحب لازم يضحي وضليت احجي وياه وبيوم حنة ليث وأيناس من رجعنا لكيته دزلي رساله .
ـ حهزي نفسج حبيبي باجر اجي أخطبج .
ـ فرحت وجاوبته صدك حبيبي
ـ شعبالج حبيبي وحجيت ويه مرت أبوج وضبطت اموري كلها باجر الصبح نجيكم .
ـ الف هلا بيكم حبيبي .
ـ ديري بالج على نفسج منا لباجر
ـ دايره بالي حبيبي لايضل بالك ، واجتي لقاء گبل عفت الموبايل .
ـ شعندح كاعده يله نامي ، ترة أعصابي اليوم مفوله
ـ شسويلج اني وعلى شنو مفوله
ـ لازم ما شفتي أختج شلون ذبلت ، أنتِ شنو ما عندج احساس .
ـ ترة هي عافته ما وافقت على شروطه ولا ضحت واليحب يضحي
ـ ها جديده هاي مال اليحب يضحي وبشنو يضحي بمستقبله ودراسته علمود رجال
ـ هي مو تحبه وهو يحبها ليش كابرت وخسرته ومن تزوج وعافها وهسه تبجي عليه .
ـ شگد حقيره أنتِ هي ما بجت كدامج صارلها ايام كاتمه بگلبها وتكابر على وجعها وأنتِ هيج تحجين يابه بيج گتله افوخ كلبي بيج .
ـ هسه شحجيت
ـ لاتحجين احسن يله انطمري باجر ورانا عرس صخمان والله يمكن ما اروح ولا اخليها تروح تحضر عرسه وتشبع قهر من وراه .
ـ بكيفج لاتروحين ، عفتها ونمت وشايله هم الباجر اهم شيء ما انكشف عندي علاقه بي غير اخواتي يذبحني والله .
ومن الصبح كعدت وطفرت الحمام خابرت ماما
جواهر ـ خليج طبيعيه لاتخلين أحد يشك بيج
جنات ـ وأهلي بالعرس شلون .
جواهر ـ ضبطت كلشي ما عليج لاتخافين بنيتي
ـ فديتج ماما .
ـ يله روحي لاتخابريني عندي شغل .
ـ تمام ورجعت ولقاء تباوعلي توها كاعده صباحو
لقاء ـ منين طالعه الشمس شمكعدج مو بالعاده تفزين من نومج بهيج وقت خير شعندج
جنات ـ شعندي قابل مو عرس ولازم نروح من وكت
لقاء ـ تردين تروحين روحي ما اروح اني ، خل اشوف ليال ، ليال عيني كعدي .
ليال ـ عوفيني نايمه لقاء .
لقاء ـ كعدي خوما بس نوم من رجعنا گبل نمتي
ـ عوفيني
ـ تمام براحتج أبقي نايمه
جنات ـ طلعت وباوعت الساعه ولكيت امي مجهزه الريوك ونزلت عصماء تريگنا واجه باسل وكعدنا نأكل
واني بالكوه ما تنبلع اللكمه .
باسل ـ ما تأكلين .
جنات ـ ما جوعانه ورن موبايل باسل وفز گلبي وفتح خط
باسل ـ ها نائل ، منو الخطابة ومنين هذول لازم ما عرفت ماشي جاي هسه بس اكمل جايي .
هيفاء ـ ها يمه شيريد منك أخوك .
باسل ـ يگول جايين ناس خطابة وتعال .
ـ ما عرفت منين
ـ لا بس گال خالي مظهر يعرفهم
ـ خير خطابه ومن معارف مرت أبوك ما انطي ولا وحده من بناتي .
ـ هسه خل نشوفهم يجوز خوش ناس .
ـ ما انطي فهم أبوك هالحجي .
ـ صار يله أني رايح .
جنات ـ راح ولقاء گبل باوعتلي تهربت من نظراتها راح أصب جاي منو يريد .
لقاء ـ أنييي صبيلي بكوب واحمي أريده حار .
جنات ـ تحاجيني بصيغة تهديد بلعت ريگ وكمت حميته وصبيت الها وكملنا والموبايل عفته مثل ما گالت ماما لاتخلين احد يشك بيج وغسلت البيت ويه عصماء والكراج ولقاء واكفه باب المطبخ ومتخصرتلي شگو
لقاء ـ منين نزلت عليج النداره خير يا طير .
جنات ـ فوك ما أشتغل والله أنتِ تخبلين الواحد يمه گوليلها .
هيفاء ـ تالي وياجن صغار أنتن هسه الخطابه اجو عليجن يمتى تعقلن .
جنات ـ تتعارك وياي وعصماء گبل نزلت ثوبها وكرشها شكبره ولبست شالها وكالت .
عصماء ـ أجه نائل!
جنات ـ خليت أيدي على گلبي ودخل نائل وباوعلي .
نائل ـ لبسي وأمشي ابويه يريدج!
هيفاء ـ خير وين تروح وشيريد منها .
نائل ـ هو دز عليها يله أمشي
هيفاء ـ غير نفهم شيريد منها شو كبل أمشي والخطابه منين .
نائل ـ من معارف خالي مظهر يله أمشي
جنات ـ ودخل باسل وباوعلي .
باسل ـ وين رايحه طلعه من البيت ماكو
نائل ـ باسل شبيك ترى أبويه دز عليها.
ـ واذا دز عليها ما تروح شگو مستعجل على زواجها
هيفاء ـ شگو يمه باسل فهمني شصار
باسل ـ يمه الخطابه الجايين على جنات بس الولد ما عجبني وجبير عليها .
هيفاء ـ ومنين هذا
نائل ـ مو كلنا من معارف خالي مظهر شبيج خاله
هيفاء ـ حتى لو من معارف خالك مظهر ما أنطي ما عندي بنات لزواج باسل اني شگلت الك ولك يمه فهمت ابوك
باسل ـ بدون ما تگولين ما انطيهم مره بس بعدين أفهم السالفه كلها ويصير خير .
جنات ـ باوعلي وهزلي رأسه وبلعت ريگ ونظرات لقاء اكلتني بقيت ساكته ونائل كام يحجي وأبويه يتصل
نائل ـ هسه ما تجي وياي
باسل ـ لا ما تجي أخواتي ما ضالات بالدار ازوجهن شلون ما جان والولد جبير الرجال عمره ٣٦ سنه انطي جنات ميته جوع ازوجها اله .
نائل ـ لا ضل مخليهن تباوع عليهن شبيك أنت كل بنيه تتزوج ومصيرها بيت زوجها ليش مصعب الامر .
باسل ـ وشدعوه أبوك مستعجل ودز على جنات وخطبوها على عيني ورأسسي خل يصبرون يوم يومين اسبوع شهر نسأل نصخم لو كبل نوافق ما مصدگين دگو ثكل فضحتونا .
نائل ـ ترى خوالي يعرفونهم شبيك أنت .
باسل ـ وأني شعرف من خوالك والأخت أختي وأني أخوها وأسأل عليهم وعلى الولد وأفكر يله هذاك الوكت يصير خير .
جنات ـ نائل ما حجه وكبل طلع وباسل كعد يم أمي وتحجي وياه ومبين ما عاجبه أبداً ولقاء تقربت وهمست بصوت ناصي ورفعت حاحبها!
لقاء ـ وشمعنى أنتِ .
جنات ـ شمدريني روحي سأليهم .
لقاء ـ أي اسأل بس بالأول اسأل باسل!
جنات ـ وتقدمت كعدت بصف أمي وسألت باسل وطريقه سؤالها تجيب الشك شكد خبيثه .
لقاء ـ صدك باسل وشمعنى گبل طلبوا جنات! شنو أحنه نضل عوانس .
باسل ـ شو ما تستحين ولج
لقاء ـ لا أقصد ليش جنات!
باسل ـ ما أدري تگول جواهر شايفينها بعرس نائل
هيفاء ـ وين شافوها ليش يجذبن لا يمه زواج وبي جواهر ما يصير اصلاً ما تحجون بي ولاتناقشون .
باسل ـ هو هم هيج يمه التريدينه يصير يله أني رايح على بيت عمي عفنا العرس والتهينا بسالفة الخطابه عيب منهم ، وانتوا ترحون لا
هيفاء ـ لا يمه مرتك ما تشوف كرشها ما بيها وأني رأسي يوجعني وهسه عصماء قاستلي ضغط مالي خلك وأنوب اجتني خطبة جنات هسه أبوك يجي وأفهم منه وروح أنت اوكف ويه أبن عمك لاتقصر لان هما بكل مناسبة ويانا يركضون كدامنا ما يقصرون وبيت عمك كريم يستاهلون
باسل ـ ماشي لعد لاتطبخون اني ادزلكم غده من عرس
هيفاء ـ هذا هو أبني .
جنات ـ وراح باسل وكبل رحت الغرفه تهربت من نظرات لقاء ولكيت ليال كاعده صباحو صح النوم .
ليال ـ صح بدنج شعجب كاعدات من وگت شگو سمعت أصواتكم .
جنات ـ توني ردت أحجي ودخلت لقاء
لقاء ـ خطابة على الست جنات والولد ثلاثيني جاد! توقعي عمره والج جائزه نعال ابو الاصبع نكفح نفسنا بي .
ليال ـ خطابة وعلى جنات شكد عمره
لقاء ـ ٣٦ سنه ومن طرف أهل جواهر! شلون صدفه
ـ ها هيج الحجي أي وشصار
ـ مـا صار شيء بعد
ـ شبسرعه صارت هالاحداث وأني نايمه
ـ وازيدج ما نروح العرس
ـ بعد أحسن مالي خلك هوسه ورأسي مطبل .
جنات ـ طلعت ليال وأباوع على لقاء تضرب برجليها بالكاع عفتها وطلعت وبقينا بالبيت وباسل جابلنا الغده تغدينا ومرت الزفه من بابنا وصوت الأغاني والهورنات وليال تكلب بالموبايل وأمي تباوعلها وشكلها تبين طبيعيه وما متأثره بزواجه لو اني بمكانها أموت والله .
لليل رجع باسل وعرفنا موصليهم الفندق ورجعوا وصبينا العشه وليال ماكو رحت الغرفه وأسمع صوتها بالحمام بس صوت شهكاتها تنسمع ردت أدك الباب واجتني لقاء منعتني .
لقاء ـ عوفيها خل تبجي وترتاح اذا ضلت تكتم تتمرض
حسبي الله عليك وعلى حبك يا ليث يا حقير .
جنات ـ ورجعنا تعشينا وباسل يباوع النا وأفتقد ليال بس ما سأل عليها لان هو من زمان يعرف بيها تحبه
وخلصنا العشه ورحت عليها كاعده بس صافنه ليال
ليال ـ ها
جنات ـ شلونج
ـ زينه الحمدلله
ـ گومي تعشي .
ـ بعدين ما جوعانه ، باسل رجع
ـ اي من زمان وسمعنا صوت أبويه اجه
ـ خير شبي أبويه صوته عالي .
ـ طلعت وأبويه يحجي بعصبيه .
سعيد ـ وأنت شلون تگول لنائل شأعرف من خوالك هاي حجايه تنگال صدك أنت ما تستحي
باسل ـ أي صدك قابل كذب شأعرف عنهم والولد مبين جبير على جنات هي بعدها طالبه لو مأجله جان هي بالسادس وليش الا جنات ليش ليال ولقاء أكبر منها
ـ أهل الولد شايفينها بعرس أخوك والناس خوش ناس وهو هذا الزواج ناس تشوف ناس أنت مو شفت عصماء بالمحل بعد شگو والرجال ما يعيبه عمره واذا على أخواتك ليال ولقاء جان أنطيتهن لولد عمامك مو كدامك تزوجوا وليث أختك ليال هانته ورفضته كدام الكل واليوم عرسه راح أخذله غريبه ، نضل ياهو يجي نرفضه
ـ على كيفك حجي ترى ليث هو رفس نعمته وأنت جان موقفك ضده وكفت ويه بنتك ليش هسه گلبت الحجي
ـ ما گلبت ولا متعاجز منهن بس القصد ما يصير يا أبني ياهو اليجي نرفضه وما يعجبكم العجب لعد شتردون .
ـ بعد وگت عالزواج خل يخلصن دراسه وهي تجيهن قسمه زينه وليال يله السنه تخرجت .
ـ وأني أسمع كلمتك ويضلن اخواتك كاعدات ترة لا أنت ولا اني ولا أمك دايمين الهن وهذا الزواج اني موافق عليه لا كيفك ولا بكيف أمك .
ـ هيج گبل توافق سألت عليه وعلى سمعته بله طلع يشرب لو يكبسل لو خريج سجون اكتفيت على معرفة أهل مرتك وگبل تزوجها
ـ انجب ولك وأحجي عدل لا اكسر حلگك مو أنت تعرف مصلحتهن أكثر مني فاهم
هيفاء ـ مو بكيفك توافق والبنيه بنتي وما موافقه
بله طلعت لعبه من جواهر وتريد تكسر ركبة بنتي
سعيد ـ جواهرر شغل وعمل ما عدها تكسر ركبة بنتج
وجنات بابا تعاي يمي .
جنات ـ ها بابا
سعيد ـ بابا أكيد سمعتي وعرفتي والولد خوش ولد ونعرفهم وأني هم سألت عليه وعلى أهله وهسه شتگولين موافقه .
جنات ـ باوعت على امي وباسل هزيت رأسي اي بابا
سعيد ـ خير أن شاءالله .
جنات ـ طلع أبويه وباسل دفع الصينيه وتكسرت الاستكانات ويفرك بوجه وصاح عليه
باسل ـ لعد حضرتج وافقتي أكص أيدي اذا ما طلعتي أنتِ جايبته .
هيفاء ـ ما توافقين وهسه تخابرين أبوج وترفضين وهذا الزواج ما يتم فاهمه زواج وجواهر مشاركه بي
ما يصير لو يبنيلجن بيت من ذهب .
باسل ـ كافي تحركين بدمج هسه أخذها وتكوله ما موافقه وأني ابلغهم وانهي كلشي
جنات ـ عفتهم ودخلت الغرفه ولكيت ماما تتصل جاوبتها وبجيت ماما ما موافقين ما موافقين
جواهر ـ وشعليج بيهم وامج شگالت .
جنات ـ أمي أكثر وحده معارضه لأن من معارفج بس خاله شلون كلتي الهم من معارفج!
ـ شعليج أنتِ وهسه اجي ويصير خير لاتبجين أمي
ـ قطعت الخط وضليت كاعده وأجتي ماما ودخلت علينا وكامت تحجي على أمي
جواهر ـ شنو هالحجي حاجينه على أهلي لازم ما يعحبونج أهلي مو أنتِ بنت الوزير أنت وابنج المثقف انهجم بيت الغنى شفناج وعرفناج درينا أبوج تاجر بس مال تحجون على أهلي لا هاي واكفه .
هيفاء ـ شتردين أنتِ شتردين .
جواهر ـ ليش واكفه بقسمة جنات ومثل ما هي بنتج جنات بنتي واني ربيتها وتعبت عليها والقسمه اجتها من طرفي والولد خوش ولد بس كرهج وسمج عبالج لان اكرهج اكسر ركبة بنتج .
باسل ـ گافي عاد وجنات بنتنا وأنت مرت اب وأحترمي نفسج وأمشي منا ولا تتدخلين بزواجهن .
جواهر ـ لا اتدخل وجنات تجي وياي جنات ماما أنتِ موافقه .
جنات ـ هزيت رأسي أي .
جواهر ـ بعد شگو بنتج موافقه ليش أنتِ وأبنج معارضين هذا هو أبلغ ابوها ويصير خير وأنتِ اطبخي حصو أنتِ وأبنج وجنات بنتي وأني ازوجها وأنتِ زوجي ليال ولقاء هاي اذا تزوجن!
هيفاء ـ جنات بنتي أني واني ازوجها وجنات ماما ما توافقين فاهمه وشعرفتي منه كبل وافقتي شو أنتِ حتى ما شفتي هيج كبل توافقين عليه لو بس لان من طرف جواهر ترة اني الحبلت بيج تسع شهور مو جواهر
جنات ـ أمي حجت وباسل باوعلي بنظرات تخوف بلعت ريك وكل جسمي رجف .
هيفاء ـ اغضب عليج ليوم الدين اذا وافقتي .
جواهر ـ حسبي الله عليج من ام ، أمشي جنات
باسل ـ وين تمشي جنات ما تطلع من البيت وأنتِ لاتتدخلين ترة لحد الان محترمج لا قسم برب العزه ما يصيرلج خير .
جواهر ـ ماشي يا باسل طالعه بس إذا جنات يصير عليها شيء ما تلومون الا نفسكم .
جنات ـ طلعت ماما وأمي كعدت لزمت صدرها ركضنا عليها واخذوها الغرفه ترتاح وقاسوا ضغطها مرتفع وضلينا خايفين عليها واجتي لقاء سحبتني من ايدي عوفيني وين مأخذتني ودخلتني الغرفه وضربتني ليش تضربيني
لقاء ـ أنتِ خابرتيها وگلتي الها على رفض امي وباسل مو
ـ لا ما خابرتها
ـ عليمن تجذبين عليه بابا شمسويتلج جواهر غاسله مخج شبيج أنتِ وتعاي ليش وافقتي بهل السرعه! شتعرفين عن الولد لو هذا حبيبج مو
ـ لا ما أعرفه
ـ جذابه والقران جذابه
ـ گتلج ما اعرفه على شنو اجذب
ـ عبالج اني ليال لو امي لو باسل تضحكين عليهم ويصدكونج لا حبيبتي أني لقاء وجواهر والعيبها وكل سوالفها عندي تعلميني بيها وأكص ايدي اذا ما طلع الكواد مالتج ومالتها والا ليش محروك دمها وجايه مناك لهناك بس علمود جنات وجنات بنت منو بنت هيفاء وهيفاء منو هيفاء ضرتها يعني العدو المبين لجواهر .
ـ وأني شعليه بهل الحجي قسمه وأجتني ووافقت
ـ هيج گبل طبك ربك لا شايفته لاتعرفينه توافقين
ـ ودخلت ليال وقفلت الباب
ليال ـ لقاء لا اتعبين نفسج جنات جيبي موبايلج
جنات ـ ما أجيبه
لقاء ـ جيبي ولج طلعي موبايلج لا اكسر عظامج والله
ـ نامن عليه أثنيهن واني لازمته بگل قوتي ولقاء عضتني بكل قوه وأخذته مني .
لقاء ـ هسه نشوف شنو سبب موافقتج يا جنات
شكرا لزيارتكم عالم روايات سكيرهوم
