رواية قصة زهراء الفصل الخامس عشر بقلم زينب نور
زهراء:كعدت الصبح نزلت تريكنه وخلصنه شفت سعد يريد يطلع كتله ذبني بدربك على اهلي صدك لبست عبايتي جدي وعمي وام ياسر بالصاله كلتلهم رايحه
رحت دخلت من يوم الرجعت ماشايفتهم سلمت عليهم وكعدنه سوالف ابوي كال ضلي تغدي
تغديت عدهم العصر كاعدين بالحديقه كالت امي
ماصار عندج شي كلتلها لا بعده بيدالله
قبل لا يئذن المغرب وداني حسين بالباب مادخل
دخلت من باب الكراج المضيف بيه زلم دخلت للمطبخ منال واگفه وام ياسر وزينب سلمت ردت زينب
زينب:هلا خيه شلونج
زهراء:الحمدالله
صعدت توضيت ونزلت صبت العشه وخلصنه
وره العشه اجو حموين عمتي سعاد لئن هيه ماخذه غريب
المهم اجو هومه ونسوان ثنين وشباب
دخلن سلمن وكعدن خليت عصير وگلاصات وقدمته الهن خوش نسوان حبابات
فتحن الموضوع ويه عمتي سعاد جايين يردون سهى لبن عمها
عمتي كيفت وكلتلهم البت بتكم وانتم بكيفكم
هااي الفتره كلها سيف يشتغل يطلع من الصبح يرجع بالليل مانشوفه
شويه وراحو دخل جدي حاجه عمتي كلتلها انطيهم يبه
صعدت ساعه ١٠ بدلت وتمددت
اتصلت على ياسر مارد شويه وداز رساله كاتب يمي جماعتي مااكدر الرد
عاد انه قفلت التلفون ونمت
مر الاسبوع اليوم يجي ياسر
كعدت من الصبح نظفت الغرفه وبخرتها ونزلت تريكنه وجدي وعمامي طلعو طلابه عدهم
اجت دعاء طلعت فاصوليا جامده ولحم
ركبت الغده انه نظفت الخضره
وكملتها وصعدت لبست دشداشه بنفسجيه مرتبه على جسمي كملت ونزلت ساعه ،١٢ دخل ياسر اتلگته امه. سلمت عليها انه بالمطبخ اباوعله مااعرف اسلم عليه كدام احد شويه وشفته صعدت وراه.
بعده ماداخل للغرفه طلعت منال من غرفتها واكلته بالسلام دخل ودخلت وراه وسديت الباب
ياسر:ليش ماسلمين جوه
زهراء:استحي تقرب عليه باسني بخدي وحضني
ياسر:مشتاقلج
زهراء:وانه هم
ياسر:خليلي ملابس بالحمام وجوعان بلا ريوك
زهراء:الغده مخلص اسبح وانصب
خليتله ملابسه ونزلت مديت السفره ودعاء وفاطمه يصبن
كمت انقل بالاكل لمن نزل ياسر لابس تراك نيلي وجاكيت بيه سحاب شويه واجه جدي وعمي والولد والتمينه كلنه على الاكل
كملنه غده لميت الاماعين انه ودعاء كلتلها خل انطلعهن بالكراج حتى اغسل المطبخ طلعناهن
غسلنهن دعاء وفاطمه
انه طلعت المنضفات والزاهي
وسحبت صونده من الكراج رفعت ثوبي لبسه بجامه جواه
خاف يطلع واحد من الولد رحت فتحت الحنفيه ورجعت افرك بالرضيه مالت المطبخ
لمن كملتها الصونده بيدي وطلعت اسد الماي بعدني ماواصله للماطور ومااسمع بس الصرخه
رجعت اركض عبالي شو صار
والصونده مفتوحه وبيدي
دخلت للمطبخ واشوف منال زالگه بالماي ركضت عليها اساعدها وادكوم
اشوو هاي ضلت اصرخ
منال:اااالحگوووو لييي
تررريد تموووت ابنيييي
يممممه
زهراء:انه اهنه نثولت ماافتهمت شصار. اشويه وكلها التمت انه متعجبه عليها شدكول
منال:خاله تريد تموت ابني
ام ياسر:الله اكبر عليج انشاءالله
ليش هج
زهراء:دخل ياسر
ياسر:شكو شصاير شنو هل صياااااح
ام ياسر:هاااي تريد تموت ابنك
واكفه والصونده بيدها والمره طايحه بالگاع
منال:كلتلها اووكفي بس اعبر لا اذبين ماي ماقبلت فاتحه الماي وترش
زهراء:فتحت عيوني على كبرهن شنو هل جذب
ياااسر والله جذابه
ام ياسر:وج موو دخلت وانتي واگفه اتباوعيلها
زهراء:والله جذب اجيت اكومها وكامت اصرخ
ياسر:ذبي البيدج وامشي اصعدي بسررررعه
زهراء:ذبيت الصونده وطلعت
ام ياسر:هيه هاااي
ياسر:يممممه شترديني اسوووي
لخاطر محمد تره تعبان وطالعه لووحي
بعدني ماااجيت وبدت المشاكل
خليت وصعدت
ام ياسر:امشي خاله امشي عساها بحضها وابختها انشالله انمدي على ضهرج ورفعي رجليج
زهراء:دخل وطبك الباب حيييل طفرني
ياسر:وووبعدددين
زهراء:شنووو هسه صدكت يعني انه المطيحتها
ياسر:وكت غسل هسه ابدال مااصعدين وادكابليني رايحه اتغسلين الظهاري
زهراء:هسه رجعت عليه انه مااتحمل هاي العيشه سويلي جاره يوميه ذابتلها جذبه عليه
مااكعد بعد بهل بيت
ياسر:ويين تردين حضرت جنابج
زهراء:خليلي بيت وحدي مادام منال وامك صافه وياها على الباطل انه ماارتاح
ياسر:احترمي ولاتحجين بمي وبيت وحدج ماكوو كطنه وشيليها من اذانج
زهراء:عفته ودخلت للحمام غسلت ورجعت اخذت ملابس وطلعت
متمدد وداير وجها جذاب ماايحبني لوو يحبني صدك جا دور راحتي
انه الغبيه سلمته نفسي وصدكت بيه
امداني اي والله سحبت مخده من الجربايه وتمددت بالكاع
شويه وندك الباب كمت فتحته رحاب بنت احمد
رحاب:وين عمو ياسر ادكو بيبي خل يجي بساع
زهراء:التفتت مفتح عيونه ماحاجيته اكيد سمع رجعت لمكاني شويه وكام نزل
راح تترس راسه واصعده
سحبت الغطه والرمونت
رفعت رجليه على الكنتور واكلب بالتلفزيون شويه ودخل
فتح الكنتور وبدل وتعطر وطلع
ماكدرت اصبر وين رايح لفيت الشال على السريع ونزلت شفت منال اطلعها ام ياسر تمشي بيها على الدرج
ياالله على الجذب روحه بلا رده عرفته راح ياخذها للطبيب رجعت للغرفه وافورر عليه بسرعه راح ماكال لا ماعول جذاب وين حجيه راح
كعدت وكلبي محترگ شكول عليك من اخذت هااي عليه اوووف
تمددت وغفيت سمعت الاذان ونزلت بعدهم ماجايين دخلت للمطبخ توضيت وسمعت باب الكراج نفتح باوعت من الشباك
نزلت ام ياسر وبيدها علاكه مال علاج ونزلت الحيه عود ماتكدر تمشي كادها ياسر ذبت راسها على متنه الحراره صعدت عندي
شلون تتماوع عليه وهوه مامصدگ دخلو للصاله طلعت ماجني شفتهم خليت وصعدت كاعده اصلي وهوه دخل كعد خلصت ونزلت
ماحاجيته
مرر اربع ايام شايل وجها عني وانه هم ماحاجيته فوكاها هوه الي يزعل العصر اجو عمام سهى
اتفقو على باجر يملجون
اخذتها عمتي سعاد للحافوفه
وانه مامحصله بس الكرف
عزلنه البيت كلش لليل صعدت ذبيت روحي من التعب لثاني يوم كعدنه من الصبح حاجاني حاجيته بس وجهي ثكيل عليه بدلت ونزلت تريكو وخلصو وبدو يذبحون
للعصر التمت الناس اجت اسماء مكيجت سهى ورتبتها اجو عمامها وعماتها وولدهم وبناتهم صعدت انه لبست بدله طويله لونها ماروني بيها جاكه من الصدر وحزام زهبي على الخصر
خليت مكياج خفيف وكحل كملت شمرت الشال على راسي وطلعت كاعده انزل وصار بوجهي ياسر عقد حواحبه
ياسر:ويين
زهراء:وين يعني نازله جوه سحبني من ايدي ومشاني وراه دخلني للغرفه وسد الباب ودفعني
.
ياسر:ونازله هج لو تنزعينه الشال موو احسن
زهراء:بس نسوان بعدني هسه اعدله
ياسر:موو كتلج لاتحطين كحل
زهراء:اووو تره موو حاله هاي بكلشي تدخل روح شوف ذيج عبالك هيه العروس موو كادر عليه
ياسر:انه ماعليه ابحد المهم انتي وشوفي وباب لمطبخ لا توصليه
نبهتج وكولي بعدين وهاذا
زهراء:سحب الشال يعدله هههه مايعرف عووفه انه اسويه
ياسر:ماكوو غيير هااي البدله
زهراء:ياااسىررر
ياسر:حضنتها مااريد احد يشوفج ويكول حلوه انتي حلال ياسر بس
ممنوع احد يشوفج
زهراء:صدك وانته حلال منوو حلالي لو حلالها
ياسر:هم رجعتي اروح انزل احسن
زهراء:نزل لفيت الشال عدل ونزلت الصاله متروسه نسوان
شويه وكالو راح يعقدون عقدو عمتي سعاد ماقبلت يهلهلن
دخل الولد لبسو الحلقات ولبسها الذهب اول مره اشوف سهى تستحي طلع
عشاهم عدنه للمغرب صلو وصبو العشه بالمظيف الزلم والنسوان بالصاله
ننگل وماكو لمن خلصنه عشه وكفنه انه وطيبه على الجاي وحده اصب ووحده تودي راحو اهل العريس
بقو بس كرايبنه انه بالمطبخ اعزل ويمي فاطمه وطيبه وسميه وزينب يعني نسولف ونضحك شويه ودخل سعد واخوي علي
سعد:هااا بويه بس لاتعبت مريتي
زهراء:هااي اياها واكفه كدامك ماتريدها تشتغل انته شتغل ابدالها
علي:والله خووش حجي شيل الجدوره للكراج وغسلوهن انته والولد
سعد:لا يابه شغسل
زهراء:التفت سعد للباب صاح
سعد:تعال خويه تعال انته مو خطبت اختك مااتغسل اماعين
سيف:اغسل والله جا شني مابيها عيب
علي:عفيه بالمعدل لا ضل نفس هاذا خابصنه بمرته
زهراء:ضلو يسولفون ويضحكون وصدك طلعو الجدور للكراج لئن كبار
ضلت بس زينب يمي بالمطبخ
شويه وصاحت عليها امها وانه واكفه اغسل بالستكاين دخل سيف يضحك ويسولف بره هوه والولد كال وين الزاهي
انطيته اله اباوع للستكاين وكمت اضحك بيهن خمسين استكانه
ههههه حتى الموكب موهج مااهيس بس ايدي انلوت التفتت وشفته ياسر سحبني من ايدي اريد افتهم شصار وطلعني من المطبخ البصاله ضلن يباوعن عليه واديه كلهن زاهي صعدني دفعني للغرفه وسد الباب وماحس بس ......
شكرا لزيارتكم عالم روايات سكيرهوم
