رواية قصة زهراء الفصل السادس عشر بقلم زينب نور
ياسر:كاعد بالمضيف واجتلي رساله ماشفتها وصلت الثانيه شغلت الجهاز اشوفها خاف من الشغل شفته رقم غريب استغربت
والدم صعد الراسي كاتب
تعال شوف مرتك تتمعشگ بالمطبخ وضحك وسوالف
طفرت بعدني ماواصل لباب المطبخ واشوف سيف طلع ويضحك
دخلت واشوف هااي هم تضحك سحبتها من ايدها للغرفه فوگ دخلتها وسديت الباب وضربتها راشدي
زهراء:ضليت صافنه شبيه لزمه خدي وهوه اعصابه مبينه
ياسر:شكم مره نهيتج عن سيف كلبه شعندج وياااااه
زهراء:ماعندي شي والله شبيك
ياسر:مگرن انه اضحكين عليه صالج سبوع كالبه خلقتج
وهسه ضحكم بالمطبخ
احجي شعندج وييياااا يطلع يضحك وادخل وانتي اضحكينننن
زهراء:شبببيك كتلك ماعندي شي
جايلي اصيح
وهسه عايف الناس وجاااي ادكلي شعندج وياااه
وبعدين كافي كل شويه كايل شعندج وياه وشعندج
اشايفني من ذني الي تعرفهن بنات الشوارع كلت هج ولزمني من شعري
ياسر:كلبه شقصدج العرفهن هاااا
اشايفتني كل يوم ويه وحده
زهراء:عوفني ماابقه يمك دقيقه هسه اروح ويه اهلي
ياسر:انطيتج مجال هواي المره تطلع ومحمد اذا عبرتي باب الحوش وهاااها طلعه من الغرفه بعد ماكوو
وانه اعرف احسابي ويه ذاك النذل
زهراء:دفعني وطلع قفل الباب
كعدت ابجي شسوي ماادري حضي المصخم شجابه عليه
واصلا سيف حتى مابينه اي كلام بس اذا يطلب شي الولد اتغير حييل
كله بالشغل وكام يصلي الله هداه
وهسه جاي يتهمني عندي شي ويه الله يعلم ياهو التارس راسه
ضليت كاعده بالغرفه اديه مدبگات من الزاهي حتى ماخلاني اغسل فشلني كدامهم تمددت
ياسر:نزلت سئلت الولد على سيف كالو طلع انه الك
فتحت تلفوني اشوف منو هذا النذل طلعت الرقم اتصل مغلق
رجعت للمضيف شويه وطشت الناس دخلت لگتني زينب بالمطبخ
زينب:خويه شبيك سحلت مريتك
كدام النسوان شجرالك سمسويه
ياسر:ماكوو شي
زينب:خويه اعرفك من تضايك كلي شبيك
ياسر:سولفتلها على الرساله
زينب:خويه اسرعت كفيلك الله كلهم الولد والبنات جانو بالمطبخ
ويضحكون ويسولفون
اخذو الجدوره وطلعو للكراج ضليت بس انه يمها بالمطبخ انوب صاحت امي رحتلها
واباوع على زهراء وسيف اصلا محجه وياها اخذ الزاهي وطلع يضحك ويه الولد
اخذها مني خويه لموديلك الرساله
يريد الخراب بينك وبين مرتك
ياسر:بس لو اعرفه هل نذل
منال:سمعتهم
كتله بداخلي مااخليكم تتهنون
انه وراكم
ياسر:صعدت فتحت الباب شفتها نايمه بالگاع بلا غطه
شلتها للجربايه وغطيتها
وتمددت ابصفهااا
زهراء:حسيت بيه وهوه ينزلني للجربايه بس النوم مصيطر على عيوني مافتحتهن
مررر اسبوع وراح ياسر لشغله
اول ثلاث ايام باليل يخابرني ويسئل
نايمه وحلمت بيه حلم موو زين
وكلبي يرجف كعدت عرگانه
سحبت التلفون اتصل مايرد كلت نايم شفت الساعه ٤الفجر
كمت توضيت وصليت والخوفه بگلبي قريت شويه قران ورجعت للفراش شغلت سورة يس
واحاول اغفه
بس بالي عد ياسر احس راح يصير شي مدري شوكت غفيت
فزيت على صوت التلفون وهوه يدك شفته ياسر طفرت رديت عليه الوو ياسرر
ياسر:هلا گلبي شنو خوفتيني شفت المكالمات بالربعه صاير شي
زهراء:ارتاحيت من سمعت صوته
لا ماكو شي بس كعدت للصلاة كلت ادگ عليك واكعدك
خاف نايم
ياسر:اكيد ماصاير شي
زهراء:ايي
ياسر:ولو مامرتاح ديري بالج على نفسج وماريد مشاكل زهراء
هسه راح يجي. عماد نطلع للدوام من ارجع اتصل عليج
زهراء:خوش ياله مع السلامه
سديت الخط بس گلبي يعورني
بدلت ونزلت
.
تريكنه وخلصنه للمغرب مااسمع بس. الصرخه
وانه على الدرج رجليه صارن خيوط
وانه اسمع عمتي ام ياسر اصيح اصخام اصخمني راح ابني
باوعت بيهم شششكووو
شبيييكم
دعاء:رجلج راح بالنفجار
زهراء:كالت هج وانه طحت هذا حلمي حاسه راح يصير شي
اريد اصرخ اريد ابجي ماكو الساني نعگد
اشوفهم يركضون راح يرحون لبغداد شفت فاطمه جلبت بيها وائشر عليهم اريد اطلع الكلمه ماكوو
راحوو جدي وعمامي وابوي والولد
همه طلعو وانه انغمه عليه
صحيت وهنه يذبن على وجهي ماي صبن دموعي
كلتلهن الصبح حاجاني مابيه شي والله اكيد موو هوه غلطانين
ياسر:خلص الدوام طلعنه انه وعماد سيارته عطلانه
عماد:خل ندخل بهذا المطعم نتغده
ياسر:دخلنه تغدينه وخلصنه
طلعنه هذا المكان اكثر تجمع الناس بيه يعني بيه كوفيات ومطاعم
وحدائق
المهم طلعنه الساعه ٥العصر والشارع هوسه بالگوه تعبر من الناس السياره بالگراج
مشينه بعدنه ماواصلين للكراج وصار النفجار بعد ماحسيت ابي شي
بس اسمع صريخ الناس وصوت الشرطه
سعد:وصلنه خبر النفجار احس حيلي نهد اخوي حزام ضهري اخذنه سياراتنه ورحنه وادعي كون مابيه شي وصلنه لبغداد ضابط اعرفه هناك
رحتله كال كل الجثث نقلوها لفلان مستشفى
رحنه للمستشفى مگلوبه كلاب هذا الشايل ابنه هاذا الشايل اخوه
والنسوان تصارخ
سئلت كلتلهم اسمه
ماكو تخبلت كمنه نفتر بلردهات وندور وكلها مدمايه
خزيرت عماد صديقه الطكه براسه دخلت للغرفه اركض
وريتني ماشفت اخوي بهل صوره
دمه بطوله جدي تخربط
اجت الدكاتره دخلوه لغرفه العمليات
ساعتين وطلع الدكتور ركضت عليه هااا بشر دكتور
الدكتور:المريض حاولنه نوقف النزيف الي بالدماغ
بس مااگلكم راح الخطر
مانگدر نتئكد لمن تمر٢٤ ساعه
ياله نشخص حالته
وشي ثاني احتمال عنده شلل نصفي بس مؤقت
لئن الضربه بالعمود الفقري
وانشاءالله شفاء العاجل لكل الجرحه......
