رواية كريات الدم السوداء الجزء الثاني الفصل السابع عشر بقلم زحل شريف
﷽
_بالدوام والجوع عاصرني،،الفه ابد ماتسد معدتي بقيت احسب الدقائق،،، لحد ما انتىهى الدوام طول الطريق ادعي،،،كون مريم غاسله مواعين الغده ،حته بس اكل انام ،، وصلت لشارعنا وتفاجئ سيارات بابنا حجيت بسري ابد مو مال خطار لان ميته تعب
دخلت للبيت واسمع الهوسه التفت عله الاستقبال وكلبي يدك ،،بسبب صوتهم العالي وهذا الي خلاني اتاكد اكو مصيبه تلكتني امي وجها مخطوف باوعت مريم ونغم صافات بركن المطبخ سلمت هزن روسهن كرد
دنكت انزع حذائي وانه اسأل شكو وجوهجن ماتبشر بخير شصاير.
وفيه::دفوتي يمعوده لايطلع احد ويشوفح
جاي تحققين كولي يارب استرنا.
_ويا ماحجت امي ارتفع صوت الي الاستقبال
التفتت طلع علاء تبعه عمي محمد لزمه
يريد يرجعه للاستقبال ،،همزين امي جرتني المطبخ،وهيه تدعي
وفيه::ياربي برد كلوبهم ولاتخلي الفتنه
تخرب بينهم .
_هسه غير أفهم شبيهم ،، شصاير ماتحجن
نغم::علاء والولد تحاجو .
_علاء طلايبه ماتخلص ,,شنو الجديد هسه يتصالحون ،،هزيت ايدي وما جنت قاصده
شي بكلامي لان دوم همه يتعاركون ،طفرت
مريم وعبالك تريد تفترسني .
مريم::خو كولي همه غلط ليش
ماتنطن بيهم وتصيحن علاء .
_باوعتلها متفاجئه ، صاحت امي.
وفيه::ها خير،، نوب تردن تتعاركن ؟شعليجن انتن همه ولد عم بينهم اكطعن حسجن ترى ناس غريبه
بالاستقبال .
_رادت تحجي مريم ،،،اشرتلها امي تسكت
عفتهن ودخلت غيرت ملابسي وصليت وطلعت
حته الجوعه راحت ،، والضاهر اهلي هم مامتغدين
لان الجدورة عله حطتها ،،الهوسه بعدها وكل شويه صوتهم يرتفع امي لازمه باب المطبخ وتندعي بخوف كامت نغم موجه كلامها لأمي.
نغم::راح أصب ؟ترى هوستهم
ماتخلص لليل ،،تعاي خاله اكليلج لكمه.
وفيه::اي صبن صبن .
_مديت السفرة،، رفعت راسي لمريم
الي تكترت عله صفحه اشرتلها يله هزيت
ايدها بعدم رضى .
مريم::يعني كل عقلجن شلون راح تاكلن
وهمه صايرين مطاحن بالاستقبال ؟
وفيه::اسم الله ،،شنو هل حجي . همه من
يحجون اصواتهم هيج عبالك. يتعاركون دتعاي اتغدي .
مريم::مااشتهي .
_غلست امي ،،كملنا وكفيت المواعين ،، ومريم كاعده وتنافخ ،،عذرتها اي وحده مكانها تعصب وتنقهر منا اخوها ومنا ثابت،، الي اخذ قدر وراح للزيارة صبيت چاي وكعدت اريد وحده تحجيلي
سبب المشكله . غمزت لنغم
نغم::هو غير كون انه مفتهمه،، ولج خلصوها
صياح بس الفهمته ،بسبب تهجم علاء على
اخت قدر ،، الجيران جايين لابوج يعاتبونه
شلون يرمي بالشارع .
_شهكت وضربت صدري بصدمه،،يمممه
شوكت وليش يا شودا الها بس لا تأذت؟
نغم::خرب عقلج ابنينه دنطي مجال
نفهمج حته هبطتيني .
_غير راميها ولج شلون شلون.
وفيه::راح اكوم اطلع ضيم كلبي بيج
اسكتي غبيه .
_ضليت أتلفت بينهن .
نغم: لا مو عليها رامي بالجو.
_شيريد منها ،،،ونوب البنيه مريضه ؟
مريم::لا يوكف كلبج شدعوا. وكأنو
العبدة وحده من بنات عمج.
_باوعتلها ،،تحجين صدك ؟
مريم::اي قابل متعافي ويرمي بالشارع.
_رغم اعتراض امي عله نقاشنا بس مريم
ماسكتت تحجي وقاصده تبرر تصرف علاء.
مريم::يكول رايح بشغل وبالصدفة
شايفه واحد داخل عليها .
_ردت نغم.
نغم:حتى لو كلامه صح هم مو من حقه يتهجم
عليها هو شعليه بيها بنت عمه بنت خاله .
مريم؛:ماسمعتي من كال للحجي انه حسبت استغلت غياب ثابت ،،مااعرف الي جان يمها
أبن الناس الي جانت عندهم قدر.
_ماعرف شحجي يعني؟
نغم:عود خل يبرر السوى لثابت .
_ ضلن مريم ونغم يتجادلن ؟لحد ماطلعوا الزلم
الي بالاستقبال وابوي والولد دخلو للصاله بعدنا
مامتحركين من مكانا ودخلت إم مريم تلكتها .
وفيه::ها يوميه مهبطج علاء ؟
إم مريم::هو بس علاء الناس مصيحته
ياوفيه مو الله فوك الراس ليش مانلوم الجابهن
وكعدهن بنصنا.
مريم::لاتكولين هيج استغفر الله ،،،همه مايغلطون نفسهم شيكولون كون،،، الناس تصفك بس ما يحجون من اسعد يدخل عليهن .
_التفتنا عليها ماجنها تشوفنا درات وجه
وراحت لغرفتها. ورا شويه طلعت لابسه صايتها لزمتها امي .
وفيه::زوجج ماموجود،،الج عم تترخصين منه قبل ماطلعين،،وهاي گدام امج گلمه زايدة بخصوص اسعد مايلزمني منج شي . فاهمتني .
مريم::هههههه شوف شلون اهتزيتي من وصل
الموضوع لابنج وبيته ،،بس من ثابت راد قدر صفكتي ومحد اعترض.
_فكيت حلكي بصدمه من جرتها امي
تمشي بيها حاولت نغم وامها يخلصنها ..
إم مريم؛:مع الأسف عليج ياوفيه جا احترمتيني.
تردين تكتلينها كدامي .
وفيه،::انجاني باطله الج حك بس تعاي وراي للغرفه
ماريد الولد والحجي يسمعون وتصير مو حلوى .
_حجتها وجرت مريم لغرفتها وامها تبعتهن
انه ونغم لحكناهن خزرتنا امي وطبكت الباب
ضلينا واكفين. وحده تباوع بوجه الثانيه.
نغم::شنو الي مضموم انه من زمان شاكه
بوضع مريم وسكوتها عن زواج ثابت ؟
_حاولت ماانطيها مجال تحجي گتلها امشينا
لاتطلع امي وترزلنا ،،باوعتلي مامقتنعه جريتها
كعدنا بغرفتي شويه وسمعنا صوت أبوي ارتفع
طلعنا ركض.
أبو اسعد::الغلط راكبكم من راسكم لرجليكم وتعتبون ،، خلص اخذيها ومن يجي زوجها
هو يتصرف انه بعد ماادخل .
إم مريم::هو متفق وياها هاي الأيام يطلكون
بعد ضاله المن خلونه نخصمها ونبقه أهل.
_بدون ماتلتفت جرت بنتها ومشت،،
التفت ابوي لنغم.
أبو اسعد::الي ماترضي بنفسج لاتوصلينه
لغيرج فاهمتني ؟
نغم::جوى رجليك عمو بدون متوصي.
_ترخصت نغم وراحت لبيتها ،،رجع أبوي للصاله بقت امي تلوب، سألتها عن اريج شعجب ماعبرت علينا ما معقولة ماسمعت الهوسه.
وفيه::عند اهلها گون يفضون السالفه قبل ماتجي
منين طلعلتلي قدر واختها هم حظي استغفر الله.
_مافهمت قصدج يمه،ترى سونه مالها ذنب
واسعد من زمان ابتعد عنها .
وفيه::ابنينه مالي خلك ثولج كومي من يمي.
_اي غير افتهم ، شدخل هاي بهاي .
وفيه::ولج هل متخبل يريد يعلس علاء علس.
_اي خو مايسكت عنه ،، غير البنات بحمايتهم.
وفيه::گون يجي ثابت چا خليته ينقل
البنات لبيته افضل .
_يمه هو سؤال وعليج بداعت العزاز جاوبيني
يعني معقوله اريج ماحست بسالفة اسعد.
وفيه::تعرف من أول مشكله.
_فكيت حلكي .وساكته ؟
وفيه::اي لان اعتبرتها حالها حال علاقاته
السابقه والي ماتعرفينه ،،هيه ذكيه
_شلون؟
وفيه::هواي نساء زلمها تخون واطربك بس بدون علم نسوانهم,, يعني يوصل لبيته ينزع كلشي بالباب ويدخل هو بس لزوجته ,,وهن تعاملن وياهم على هل أساس يعني ,, اتخلي محترمها وخايف لا تعرف افضل ماتواجه وتخسر كرامتها ماوجهته حته لايتماده .
_واقبل يخوني لا والله ،، خو ينكسح يأخذ
الي يخوني وياها .
وفيه:الطلاك مو هين وهيه تعرفه
من جانو بالاعداديه تدري بي وبسوالفه.
_على طاري الا عداديه ،، يعني لاتزعلين
يمه ،،وين حب اسعد لاريج ؟
وفيه::حبيش مال مزعطه.مو كنالها هذا مو حب
اصبري ،دگت رجلها أول سنه هو بالكيله گالتله
نتزوج ، وهاي النتيجه
_يعني مافهمت يمه لو مخلص كليه
يحبها لو شنو ترى ماكو ربط.
وفيه::قناعه وتفكير واتخاذ قرار مو لهذا العمر.
_افهم من كلامج هسه الي يحبون وهمه
بعدهم يدرسون هذول بعدين مايستمرون
وفيه::سؤالج المن ابنينه شو تحققين.
_مزغرة عيونها وتنضرلي بشك
ضحكت يا يمه شبيج بس اسال
وفيه::حلات الاختيار من الرجل يتعده عمرة ال25
_سكتت بعد ماطلعو الولد وابوي نبه عليهم
يسدون الموضوع وأكد مايوصلون خبر لثابت .
وفيه:گومي صبي لابوج بلكي ياكله لكمه
_عافتني وراحت ،،خذت الصينية
وتبعتها گوه مولي قنعه ياكل.
أبو اسعد:عود مر على البنات خاف محتاجات
شي البنيه وضعها ماعجبني مبينه مريضه .
مولي:صار يابه.
_المغرب طلع أبوي،،وامي تحضر بالعشى
وانه يمها اعزل بالمطبخ،،دخلت علينا عمتي
إم اريج بدون سلام ولا حتى انطت مجال نتلكاها صاحت.
إم اريج::سكتت،،،، على سوالفه العوج وگلت
مادامه راضيها ومامقصر وياها ،،وهيه تحبه خليهم مستقرين ،،بس توصل بي يخونها عينك عينك
لا والله اطلكها لو يصيرون عدها درزن جهااال.
_امي مانطقت حرف خلتها تحجي براحتها
انسحبت من يمهن دخلت بغرفتي اتصلت
على أبوي بلغته
أبو اسعد::جاي يابه .
_رجعت يمهن عمتي تحجي وتتوعد وامي
ساكته لحد ماوصل أبوي .
أبو اسعد::خير ليش صوتج واصل الشارع
يابه شكو شصاير ؟
إم اريج:هو منو من الشارع ،،ماسمع بمصيبتكم
شمتوقع من جبت بنات بشار،، وحطيتهن بنصنا
ماكلتو عدنا بنات سمعتنا گدام الناس وجملتها
بزواج ثابت بوحده منهن .
أبو اسعد::أول شيء،، لاتطعنين بعرض البنات
ثانيا هل الأمر ميخصج،، مشكلة بين علاء والبنيه
وانحلت اما بالنسبه لزواج ثابت ،،،،هو مو طفل
وزواجه بقدر كان إله هواي اسباب،،،، أهمها ستر البنيه الي طلبت الستر منه،،، ولمها وحماها من
شر علاء وامثاله يعني هل شي بينه وبين ربه.
إم اريج::ستر قدر وخله اختها لاسعد
والبقية. يخلصون ليليهم يمهاا .
_صاح بيها أبوي .
أبو اسعد::اياااج تحجين هل حجي كدام غيري
راح أعتبر نفسي ماسمعت گومي روحي لبيتج.
إم اريج::واذا بعد يومين اسعد سوى نفسه
مومن أبو الخصيب وكال استر اختها ؟
_انصدمت برد أبوي .
أبو اسعد::لو شما يكون الي كلمه عليه
ويحترمني ويحسب احساب لرضاي ،، يبقى
هو رجال وبالاخص وهو وصل لهل عمر والمكانه .
_ردت بصوت عالي .
إم اريج:اسمعني وادي هذن البنات يطلعون
من المنطقه وبالنسبة لثابت يكدر يقطع
تواصل زوجته بااختها .
أبو اسعد::هل الأمر مالج دخل بي
وياريت تنتبهين بنفسج ولنبرة كلامج وياي
لحد الان عاذرج،، بحكم خوفج على ينتج اما تفرضين عليه لا يابه لهنا وخلص الكلام بينا
تعال مولي وصل ،عمتك لبيتها.
_گامت عمتي وهيه تحجي.
إم اريج::لا مارايحه لبيتي انه يم اريج اليوم.
_عافها أبوي وتوجه للصاله وهيه عبرت لبيت
اسعد ،، اباوع لأمي عيونها مليانه دموع اجه مولي
حظنها .
مولي::بداعت ثابت لاتنقهرين.
_كفخته على رأسه گام وهو يضحك.
مولي::كومي بنينه امشي وياي ناخذ
مسواك لاخت قدر .
_بعدني مامتحرگه دخل اسعد شايل ابنه
اخذته منه ابوس بي ٫٫٫اكلك اكلك
مولي::اهلا باشا.
الباشا::وينه أبوي.
مولي::بالصاله.
وفيه::عمتك راحت ؟.
الباشا::لا موجوده بيتي.
_انجمعنا يم أبوي اخذ دانبي يبوس بي.
أبو اسعد::خالك شخبارة ؟
الباشا::زين ، بس ماتراجع عن قرارة.
أبو اسعد::الله يعوضه بأابنه .
مولي::ترى طبيعي هو أول وتالي يطلع تقاعد.
_انشغلو يحجون عن الخال وابنه
وكل شويه موضوع جديد ،، وكل هذا ماشغل
أبوي عن اشتياقه لثابت ،باوع لابن اسعد وكال
أبو اسعد::هذا يشبه ثابت.
_ضحك اسعد وامي تغمز لمولي الي مدد رجليه
وهو غاص من الضحك ،، هز ايده أبوي بعدم اهتمام
الباشا::يابه ترى ابني يعني المفروض تجاملني
تكول ماخذ منك شويه گول ملامحه لامه .
مولي::والله تردون الصدك انه هم احس
البيت فارغ كلش اشتاقيتله. يابه انطينه الرقم
الي تتواصلون من خلاله.
الباشا::اي يابه صدك مشتاقيله.
أبو اسعد::عود ابلغه بمشاعر الاشتياق ،
الي تحسون بيها .
مولي::ههههههه .
_التفتنا على صوت اريج دخلت علينا
بدون مانحس سلمت بثكل ودنكت تريد تااخذ
ابنها من يم أبوي استوقفها اسعد.
الباشا::عوفي انه اجيبه وياي.امج راحت
اريج::لا تنتضر أبوي يجي علينا.
_باوعلها بتساؤل ،،تجاهلت نضراته.
الباشا::توج اجيتي بعد شكو
رايحه ؟ شنو تضلن وحده تزت الثانيه .
_شكد حاولو يتكتمون على موضوع سونه
في سبيل لا تسمع اريج ،،بس ماكو شي ينضم
اله مايجي يوم وينكشف،، گام مولي واشرلي
تبعته .
مولي::امشي نودي غراض للبنيه .
_يمعود انتضر خاف نطلع وذول يتعاركون
مولي::اكيد يتعاركون قابل تگوله مبروك.
_هو شنو المبروك،، ترى البنيه مابالها
وحسب الي عرفته من قدر تگول مستحيل
اختها ترتبط بأاسعد واصلا هيه رافضه الزواج .
مولي::هذا الي انعرفه احنه بس القال والقلت
الوصل لاريج غير شي ،،واكيد جبار ماضيع فرصه.
_واگفين يم الدرج ونحجي طلعت اريج فايرة وتبعتها امي ماخلتها تروح ،، اشرلي مولي بمعنى باي وفلت .
وفيه::لا تخربين بيتج ماما استهدي بالرحمن
اريج::سكتت عن غيابه وادري بي يخلص ليله
بمكانات السهر،، گلت طبعه وقبل مانتزوج اعرفه
غلست عن هواي أمور حته احافظ على علاقتنا
بس لهنا وكافي.
_صاح عليهن أبوي رجعن دخلن للصاله
تبعتهن هو گاعد وابنه بحظنه .
أبو اسعد::تعالي يابه الي وصلج كلام
يريد يهجم بيتج ترى المشگلة علاء .
اريج::ترى مو بس علاء الكل معترض على وجودهن خالو ،،حته أبوي يكول شلون الحجي
تقبل زواج ثابت .
الباشا::وابوج شكو بثابت؟
اريج::لان ماكو وجه مقارنه بين مريم وقدر.
الي ما معروف ابوها من أمها .
أبو اسعد::شنووو هل حجي بابا مااسمحلج
البنيه حاليا زوجه خالج,,, المفروض تكونين
حريصه على سمعتها ومتقبلين احد يطعن بيها .
اريج::غير گون اختها تحترم نفسها
وتحرص على سمعتها مو فاتحه بيتها للزلم.
الباشا::خلصصصص ، كافي عاد انتي شكو
حاشرة نفسج بالسالفه هااا شكو ؟
اريج::خو انه اسالك انته شكو سالفه
تخص ثابت ونسيبته.
الباشا::ولج هو ثابت موجود وانه ادخلت
انتي مفتهمه السالفه لو شنو.
اريج::اي فهمت وحجولي,,
الباشا::يعني اشوف علاء يهد عليهن واسكت
بنات لوحدهن ،،وهو معتبرهن يخصنه وامنهن
يمنا وسافر زين من يرجع يعاتبنا لولا.
ايرج::خوش وخلصت السالفه يعني لهنا
وخلصنا لو بعد محتاجات مساعدتك .
الباشا::لا أن شاء الله مايحتاجني .
اريج::تمام انشوف .
الباشا::انتبهي لكلامج ،، لا تستغلين
گعدتج يم امي.
اريج::اسمعني هاي كدام خالي ،،لا تتوقع اسكت
اذا سمعت لو عرفت الك دخله عليهن .
_راد أبوي ينهي الجدال وجه كلامه لاريج.
أبو اسعد::كافي بابا گنالج مشكله.
_ومااكتفت اريج ولا سكتت .
اريج::والله ياخالو ولو انته هم تحجي ويا ثابت
يعني يبعدهن منا ،،تدري حته قدر دخلتها عليكم
مو لايقه .يعني الي يأخذ هيج وحده مايقربها .
_قاطعها اسعد وهو يگوم.
الباشا::بسسس، اسكتي ماتعرفين تحجين
انلصمي لج شنو انتي تفرضين عليه لو تعلمينه.
اريج::اي ليش تنكرون الحق، شنو قدر
بت منو ترى المفروض ميدخلها بينه.
أبو اسعد::الي مستنكف من وجودها
بيتي لايدخل عليه هل كلام وصلي لامج .
الباشا::انجري كدامي وحسابج بعدين.
اريج::وعلى شنو تحاسبني حاسب نفسك
الي تنتهز الفرصه وتدخل للعبده عبالك ما ادري.
_طفر عليها وگفت امي كدامه ، وهيه ماسكتت
تصيح اجت عمتي ونوب زادت الطين بله .
إم اريج::امشششي بعد ماتبقين .
الباشا::اذا اخذتيها بعد مالها رجعه.
_ضلو يتصايحون ابنهم گلب الدنيا يبجي
شلت ورگضت لبيت اياد دگيت الباب طلع مخترع.
اياد::شكوو
_حجيتله مختصر ودخلت انطيت دانبي
لنغم ورجعت لبيتنا.الي انخبص من صوت
عمتي صاح بيهن أبوي .سكتن
أبو اسعد::مع الأسف هاي تالي الاحترام
توكفين بنص بيتي وتصيحين إم اريج
إم اريج::يعني باطل كلامي اتبله عليكم.
ابو اسعد::هو شكو وانتي كلبتي الدنيا
إم اريج::عوفنا من اسعد بس اريد اسألك
باالله يعني وجود هل بنات صحيح .
أبو اسعد::شنو الغلط بيمن مأثرات عليكم.
إم اريج::شلون ما مأثرات وبسببهن
تكاونت ويه جبار .
أبو اسعد::غير هاد عليهن .
إم اريج::اي طبعا يهد يشوف زلم تدخل عليهن.
أبو اسعد::لج يازلم كافي عاد اخجلي البنات ماعدهن شي .
_نقذنا اياد الي اجه وهو يگول لعمتي زوجج بالباب
أبو اسعد::روحي والي كلام وياج.
_التفتت على اريج باوعتلها صاح بيها أبوي
أبو اسعد::عوفي البنيه بيتها امششي.
_طلعت عمتي ،، واريد بعدها تتوعد لاسعد
اريج::اذا ابالك اسكت متوهم،
الباشا::ترى مصختيها،، عمي ثاري بس مريم
عاقله مدري بخت ثابت سكتها .
اريج::والله بالنسبه لثابت أمر عادي
يجوز اي وحده بمكان قدر وتتنخا مايتردد بمساعدتها بس خو مو انته .
_همه يحجون وابوي موجه نضراته لاسعد
الي يحاول يتهرب منه . ضحك اياد وحاول يلطف
الجو
اياد::والله محد مرتاح وفاهم الوضع غير ثابت.
الباشا::مو اكلك بخت .
اريج::وعليمن حاسده لان كسر بمريم
ترى الها حوبه ويا. لان مابيها قصور .
الباشا::وشنو داعمها لو مقشمرها وماخذ
راتبها ،،تزوج أمر طبيعي يا ما نساء تزوجو عليهن .
اريج::شو تحجي وكأنو تريد، توصلي رساله
خاف عبالك ما ادري جنت بعلاقه ويا اختها.
_التفتت على امي ،، باوعتلي وكأنو تاكدلي
كلامها الي دار بينا الضهر ،، ضحك اياد بس
فاجئنا أبوي بكلامه.
أبو اسعد؛:اسمعي يابه، عيب هل كلام وحرام
البنيه مهما كان حاليا هيه تخصنا ، ادعيلها
رب العالمين يسهل أمرها وتنستر .
اريج::العفو خالو بس حسب ماسمعت
هاي ثاني زواج الها مانسترت .
أبو اسعد::لا أن شاء هل مرة ربج يسهل
أمرها .ترى موذنبها اذا فشلت مرة .
اياد::شنو يابه أفهم من كلامك احد محاجيك
عليها لو انته شفت الها شخص ؟
أبو اسعد::لا بس أبن فاروق .
_وقبل مايكمل أبوي طفر اسعد
الباشا::شنووو ؟
_يبوووي اشتعملت اريج بنار
اريج::هااااا شو طفرت اسعععد والله
ماابقه دقيقه على ذمتك خاف عبالك تحطني كدام الأمر الواقع لا غلطان اخذ ابني وتحلم تشوفني.
_راد يبرر رد فعله الي ماله أي تفسير ثاني.
الباشا::ولج اسكتي انه وين احجي
وانتي وين افهمي.
اريج ::فهمني ؟.
الباشا:'الولد الي كال عنه أبوي يصير
أبن اخو زوج إم قدر .
اريج::اي وشكو .
الباشا::ثابت وعمام طارق صار بينهم مشاكل
وصلت للتهديد بسبب الورث يعني قصدي
اذا طارق ترتبط بااختها راح ترجع العلاقة .
_ضل أبوي يباوعله بس. شلون نضرات
اياد التزم الصمت اجت نغم شايله دانبي
اخذته اريج وگامت .
اريج::اسمع حرف من الي كلته ماقنعني
راح أعتبر الشغله حالها حال سابقتها سهرة
وانتهت.
_دارت وجها وطلعت اياد اخذ نغم وراح
ضل أبوي يباوع لاسعد الي انطعن وجه
أبو اسعد::ها ماواجتها.
الباشا::مو هيج يابه بس گلي هو طارق
_قاطعه أبوي .
أبو اسعد::شوف تكبر يصيحولك باشا تتفرعن تصول واتجول بكيفك بس تكسر كلمتي بأاسعد اتبرء منك
الباشا::لا يابه ماعاش . بس افهمني.
أبو اسعد::لك شفههههم .عوف البينيه لحال سبيلها كل عقلك اخليك تهدم بيتك لك بابا ماترهم لا انته ترتاح ولا اريج ولا هيه تحطهن ثنينهن كافي عاد كافي سد موضوعها اتركها لك ماتخجل من ثابت
مو هيه تعتبر نسيبته وتخصه .
_گام يريد يطلع صاح بي أبوي.
أبو اسعد::كلمه ما اكسرها أن سمعت متعرص الها
لو حاولت تحجي ويا طارق لو توكف بنصيبها اتبرء منك فاهمنيييي .
_هز رأسه تمام وطلع ،، موليله مرت علينا عبالك
حرب كل شويه داخلين انذار طلعت الصبح
لكيته واكف بالباب وتلفونه بأذنه ومبين مشتعل شعل التفت شافني حاول يبتسم صبحت عليه
الباشا::اذا مسوين جاي بنونه .
_هزيت راسي اي ودخلت صبيتله بين
ماجاني الخط هو يمكن مدخن باكيت ،صعدت
وانه اباوعله انتبه عليه غمز وشكد احب هاي الحركه منه ، وقبل مانطلع شارعنا شفته صعدت
سيارته ومشه .
____سلاسل___
_اباوع النقال بصدمه اريد اركز رفعت راسي
لمديحه وانه اسألها هسه هل صبح الي بده بالباشا وهوسته شلون راح تكون نهايته،، شتكولين.
مديحه::غير أعرف هو شماله مكروص
من صبح الله شبي يريد يطلع من التلفون شكو
_اشرتلها انطيني ايدج خل اگوم ،، ادنت
تريد تعتني بس حرك رجلي صرخت.
مديحه::ها ها شكو .شبيج؟
_رفعت الغطى من رجليه وجرت دشداشتي
نزلت نضرلي لرجلي شهكت من منضرها
مورمه وصاير بيها زراك .
مديحه::گتلج امشي للطبيب عاندتي
ولج شوفي شصاير بيها .
_تحجي وتحاول تساعدني ،، ولج احسها
يكبر الغرفه مااكدر احركها ،، شلون بيه.
مديحه::لازم دكتور بس شلون .اوكفي خلي
اجيبليج بالسطل ماي حار خلي رجلج بي بلكي
ينزل الورم عاد بس ادوسين عليها لحد. مانوصل للطبيب .
_ماگدرت اتحرك راحت جابتلي ماي ،،غطيت رجلي بي احسها تنكد من الوجع ،، انطيني علاجي بلكي
بي فايده يساعدني بس ينزل الورم .
مديحه::دخل اسويلج ريوك .
_شگد حاولت بس حالتي تستحق البجي
نزلن دموعي الم حاجه ضياع كلهن حاويتهن
صفنت بكلامه شيقصد يعيرني لو شنو ،،گوه
جبرت نفسي للاكل شربت العلاج .
مديحه:ها مانزل الورم.
_رحمه لأمج ماتبدلين الماي شو ارتاحيت
من جان حار .
مديحه:أي اي الماي الحار زين.
سالت الصينيه ورجعت اخذت السطل ،،مااستغربت من اجت تركض '' لان سمعت الباب اندك عرفت هو اجه كتلها دخلي السطل،، وروحي فتحيله.
مديحه::خاف ايعاركنا هو انه مافهمت شبي
وشكالج من خابر ؟
_دنطيني اي شي اخلي على راسي وفتحيله الباب.
مديحه::جا ادخله اهنا .
_مااگدر اتحرك رجلييي فضيها روحي .
مديحه::خوش خوش دحطي رجلج بالماي لايبرد.
_شويه وصلني عطرة ،، الدوم سابقه وينبهني لوجوده
دخل وهو يحجي.
الباشا::لججج انتي شنو فلمجج گليلي.
_ماجاوبته انتبه لسطل الماي ورجلي
عگد حواجبه باوع . والتفت لمديحه سألها.
الباشا::هذا اختراع جديد شكو منكاعات رجلها.
مديحه::مو صبحت مورمه.
الباشا:من عرامتها من مشاكلها وسوالفها
العوج تعاي شيلي وجيبي،، علاجها المن انطوها علاج اذا
_ادنت مديحه شالت السطل .
الباشا::الصخل الخطبج شاف حالتج لو اتفقتي من بعد مااطيبين ولج لابيج گتله وافوخ گلبي شسوييي گلي وتالي وياااج ؟
_يحجي ويفش بعلاكة العلاج ، دنك عله رجلي
سحبتها وانه اسأله شنو خطبني شنو حجيك
بالنقال بيها مجال تفهمني، ابتعد وباوعلي
الباشا::شوكت بس فهميني شوكت عرفتي
لج ماصارتلج عبرة من استعجالج وغبائج
بزواجج بفيصل نوب طارق .
_ماخليته يكمل صحت شنووو اوكف شنو
طارق شنو عبرة انته شجاي تحجي .
الباشا::تردين تقنعيني ماتدرين.
_هو شنو الادري شبيك .
الباشا::جا شلون محاجي أبوي عليج
_هو منو ؟
الباشا::طارق . زين ليش تتقبلين اي شخص المهم مو انه هيج گارهتني ،، معقولة نضراتج جذب معقولة اتوهم سونه بس فهميني .
_هو يحجي وانه ومديحه فاكين حلوگنه بصدمه
تحسر بصوت مسموع رفع رأسه باوعلي كحت
مديحه تنبهني من صفنتي، وهو منتضر مني تبرير
طلب من مديحه تجيبله كرسي وهاي ماصدكت
ركضت جرت مال التخم تعتعت بي جرة منها
كعد گبالي .
الباشا::يله اسمعج ولا تتقيدني احجي
گلشي فهميني لان تعبت من امس عيني ماغمضت.
_غير گون انه مفتهمه حته افهمك٫٫حجيتها
ومديت ايدي للنقال دگيت على طارق وقبل
مايجاوب سحبه من وفتح الصوت ،، هزيت راسي
تمام رد طارق.
طارق::الو ها سلاسل .
_بلعت غصتي بسبب نضرات الباشا الي شعلن
روحي وحجيت بصوت مبحوح . هلا بيك بس
اريد اسألك انته. من اجيتني گلت قدر بحسبت
اختي صح لو لا.
طارق:اي اكيد بس مافهمت
شنو مناسبة هل سؤال.
_بس خليني أكمل كلامي.
طارق::تفضلي.
_وبسبب علاقتك بقدر انه هم حسبتك
اخوي واستقبلتك بيتي .
طارق:: بس لحظه لحظه سلاسل هسه طخت
اي مو انه اتصلت بيج الصبح ردت اسولفلج
عن الدار بيني وبين أبو اسعد .
_شنو الدار حجيتها وباوعت للباشا
الي گبب الغرفه من گثر ما دخن جگاير.
طارق::هو بسبب المشكله لامني انو دخلتي
عليج غلط ومن هل قبيل، فكتله البنيه اخت
قدر مو صاحبتي وانه كل همي اتواصل بصورة
صحيحه من خلالها تكون شوفتي بقدر مقبوله
_اشرلي. الباشا بقله صبر وفهمت يريدني
اگول لطارق يختصر ويدخل بالموضوع
بس تجاهلت طلبه وبقيت استمع .
طارق::هو الي اقترح عليه گال ليش
ماتخطب يومه وهيج يكون الامر صحيح شرعا
وعرفا خو ماكو مجال ابررله رفضي خفت انتي
أو هو تفهمونه غلط .
_احس نار واشتعلت بگلبي حاولت اتمالك
اعصابي لحد مايكمل كلامه،، همهمت بمعنى أي.
طارق::فگتله انته,,تعرف الصار وامي مو بسهولة راح تقنع اذا النا نصيب يصير خير ,,بس لساعتها أنتم مو من حقكم ,,تمنعون تواصلي بيها .
_تمام هذا الي ردت اعرفه
طارق؛:بس انه مافهمت هو حاجاج لو شنو
_بعدين اخابرك هسه اعذرني لان ،،الباب يندك بسرعه نهيت المكالمه ،، وصحت بعلو حسي
باشاااا انته ابوك مشتريني،،،، بكيفكم تزوجون وتحجون أنتم مصدكين انه العبده مالتكم كااااافي لهنا ويعذرني ثابت من اليوم الي يحجي كلمه يسمع مني اليوجعه خوووووش.
الباشا::وحمس بت الكلب صوتج طرشتيني
_انه فايرة وهو شلون ماي بارد ونزل على گلبه
اشرت لمديحه شيلي السطل وگمت طفر لزمني
دفعت ايده .
الباشا::إم اعطوب مو أشلع اعطوبج اوكفي
خل اشيلج وين تردين ترحين
_شيل ايدك مني كفني شرك وانه بخير
الباشا::مابيه غير حب ابد لاتتوقعين مني شر
_رجعت گعدت على الجربايه،، وهو الابتسامة
شاكه حلكه ،، باوعتله وحجيت بخبث،، وشبيك
فرحان شو جنج مكيف ترى انه مارفضت عرض
طارق .
الباشا::اعدمج غير .
_لو اريد ماتلزمني ،، بس طلبت النفس.
الباشا::اله مني ماطبتي .
_هزيت ايدي بعدم رضى ورديت ،، من كلشي .
الباشا::وانه ؟
_سكتت ، رد سأل .
الباشا::احجيها وشاربي مو عليه اذا اعترضت طريقج گولي مالي نفس بيك بس. حطي عينج
بعيني واحجي .
_غمضت مانعه دموعي ،، بس ماسيطرت نزلن مثل المطر وهو گبالي يباوعلي بتحدي . بلعت غصتي
وگتله ، مانرهم ولا نصير اترجاك فوت حالي .
الباشا::ليش ولج ليش معذبه روحج ومعذبتني
_لان مستحيل اهلك يتقبلوني .
الباشا:اخرهم يقبلون وأكبر دليل ثابت
_باشااا؟
الباشا::ها سمرة.
_تجاهلت كلمته ونبرته اليحجي بيها ورديت
ترى انه عندي عقل حالي حالك مو مثل ما
انته جنت تكول لسليمه عقل عبيد .
الباشا::من جنتي واكفه ورا الشباك تتسمعين
لكلامي وتبوكي النضرات حته تشبعين عيونج
من شوفتي .
_المهم ،، قصدي ثابت علاقته بزوجته
منتهيه قبل لاتدخل. قدر لحياته، عكد حاجبه
بشك باوعلي ،، بس ماراد يدخل بتفاصيل
تهرب من الموضوع ،، وتقرب وهو يگرص خدي
الباشا::أبوس علقج واعطوبه تفتهمين .
_باوعت لمديحه حواجبها تصعد وتنزل
خزرتها التفت هو شافها كوه لازمه ضحكتها
هز ايده وگالها .
الباشا:دحضريها بين ماكمل شغلي
واجي ناخذها للدكتور .
_بعدني ماحاجيه اندك الباب باوعلي
بشك هزيت راسي شكو .
الباشا::منتضرة احد منو جايج.
مديحه::راح اشوف منو .
_ثواني وصدح صوت أبو غمض عاض شفته
ابتسمت وعيوني متوجه عليه وبيها الف سؤال
بس مالحك يبرر . دخلو امه أبو باوعله وانطعن
وجه تقدم يريد يجر ايده يبوسها
الباشا::يابه بداعت ثابت بس اسمعني.
_ماانطى مجال يحجي
أبو اسعد::يحرم عليك بيتي ماريد المحك
بمكان انه بي ياريت تحترم رغبتي وما تگسرها
مثل گلمتي باشا .
_طلع بدون مايلتفت . دخلت أمه وهيه تحاول
تصرف طبيعي باوعت لوضعي بأاستغراب
حجه الأب بنبرة خلتني اثور.
أبو اسعد::اعتقد مو من الصح دخول
_عدلت گعدتي وانه احجي بگلبي أجريت والله جابك دخلي افوخ وجع روحي بيك باوعتله وصحت
حجي ماداگه بابك ولا جيتك دخيله وحاير بمشكلتي
ولا گاعده عندك ومسؤل عني وتريد تسترني
ضاله ادلل بيه، وتتخطبلي منو گالك انه صخل
وتمشيني بكيفك .
أبو اسعد:سعيتلج بالستر .
_وانه مفضوحه وانته تريد تسترني حجي
ان جان تريد تحافظ على بيت ابنك الزمه
مو تضلمني لهنا وكافي مالكم فضل عليه ان جان
على گعدتي بينكم فهو بيتي حلالي وهم راح
اصير احسن منكم اطوني مجال بس اگدر امشي على رجليه وابيع. واشيل .
أبو اسعد::اسمعي يابه بغض النضر عن كلشي
اتشوفين وجود ابني بغرفتج أمر طبيعي اي شخص
مايتقبلها .
_نكتت الغطى من رجليه احس روحي شاغت
باوعلي مصدوم تقرب يتفحص شكلها
أبو اسعد:صدك جذب لج بابا شلون ساكته
هاي ملتهبه
_حجاها والتفت لزوجته.
أبو اسعد::تعاي هيئيها بين مااتصل بالولد
يشوفولنه دكتور لا اله الا الله.
_طلع وزوجته حاولت بس تگومني مديحه
صوت شهكتها زرف گلبي صحت بيها عليمن تبجين
وفيه::سمي بالرحمن ماما ،، مو زين عليج هل
عصبيه والقهر تعاي بنيتي عينيني بس انسندها
_رجع أبو اسعد علينا
أبو اسعد:؛خليها بمكانها اياد راح يجيب الدكتور
لهنا مانگدر نسميها شيوصلها .
_من قهري احس دموعي مثل الجمر
ضل هو محتار وزوجته التزمت الصمت لحد ماوصل الدكتور دخله اياد
اياد::طلعي يوم واخذي البنيه وياج.
_ طلعن هيه و مديحه ولا استغربت من
كلام الدكتور .
الدكتور::ماااجاملكم الحاله جدا خطرة
أبو اسعد::گول ياالله يابه
الدكتور::والنعم باالله بس واضح الالتهاب حجي شوف الورم والون ،،ومع هذا هم نسوي فحوصات أخرى هسه لازم تأخذ ابر بلكي نسيطر ونكدر نخفف من نسبة الورم و الالتهاب.
اياد::اي ماكو مشكلة دكتبلي افضل شي
الدكتور::هنه صح قويات بس لازم تضربهن
حاولو ثنين باليوم يله اترخص وان شاالله
تجيبوها للعياده.
_طلع اياد ويا الدكتور ،، دنكت اباوع لرجلي
نبهني أبو اسعد بكلامه.
أبو اسعد::هسه اريدج تعتبريني ،، بمكان ثابت
واكيد لو هو موجود ياخذج لبيته .
_مسحت دموعي بطرف الشال وابتسمت
بحزن ،، باوعلي مستغرب وزوجته دارت
تخفي دموعها ،، رديت مشكور بس مااكدر
اروح وياك.
أبو اسعد::لا تجادلين يابه مستحيل اخليج
كلشي يصير يجوز.
_قاطعته مايصير اكثر من الصار ، واذا احتاجيتك
اخابرك بالنسبه للابر مديحه تعرف تضربني
وفيه::لج ماما ميصير حبيبيه امشي
بس اليوم وبلكي باجر يجي ثابت عود انقلج بيت
اختج خو ماتخجلين من اختج.
_شكد حاولو رفضت ،، جاب الأبر اياد
بقو گاعدين شويه وراحو .
مديحه:گون اگدر احفر المگبرة واطلع امي
وامج يا يابه شسوي بيهن .
_شيفيد لو شما سويتي ،، دكومي بس
وصليني للحمام ،، هزت رأسها وگومتني
مديحه:هاي انه واگفتلج .
_فوك الضيم انتي وولج وين احنه بيت الاعرج
طلعت لكيتها منتجيه على الحايط لزمتني اتجيلي
دگعديني هنا اختنگت من الغرفة.
مديحه::يمكن نقالج يدك .
_جابت باوعت مالي حيل ولا خلك رفضت المكالمه رجع يدك عفته لحد ما مل ودز رسأله فتحتها
الباشا::ولج بس ردي طمنيني هسه اياد خابرني
بنت الصخل ليش ماجيتي وياهم .
_كتبتله مابيه شي بس خلصني .
الباشا::سهله يصير خير بس خل أكمل شغلي
اذا ماسحلتج .
_ماجاوبته . ضلينه للعصر وحده مگابله الثانيه
استاقيت لقدر ،، ابتسمت صدك شرد بيها ثابت
مديحه::أبو حيه مو هين ترى
_الله يسعدهم .
مديحه::الباب لو يتراوالي.
_شسالفه بابنا صار مزار نوب منو جاني ؟
مديحه::خاف الباشا.
_لا ما اعتقد توه يراسلني دكومي شوفي منو.
راحت وهيه ادردم شويه ودخلت اباوع وراها
مرة ركزت بيها ماشايفتها شكلها من الناس الطاكه
انتبهت لوجودي باوعتلي وعكمشت وجها شلون شايفتلها شي مقرف ،، صحت بمديحه شكو منو هاي.
مديحه::ما ما عرف تگول.
_سبقتها بالرد
إم اريج::اني اخت أبو اسعد إم زوجة الباشا
تعرفينه مو ؟
_هزيت راسي اي ،، تفضلي خير سألت وانه أعرف
سبب جيتها ،، تجاهلت سؤالي وگعدت على القنفه
الي گبالي وحجت بنبرة كلها تعالي.
إم اريج::شوفي ماحب احجي هواي .
_ومنو گالج انه عندي خلك اسمع ياريت
تختصرين غردي.
إم اريج::راح اسويها لله وانطيج مجال
لحد ما تتشافين بعدها تختفين مااريد
احد يندلج طريق .
_هههههههه ومسويتها لله،، دسمعي
مني الي راح اگولج أيا لله ،،،تحترمين نفسج
وطلعين ومااشوفج مرة ثانيه لان اذا حاولتي
تندكين بيه .
إم اريج::اي بت بشار شتسوين
_اسوي مثل اي وحده من بشار يصحلها
واحد مثل الباشا . وضيفي عليها ،،هو منتضر
مني كلمه گومي لا اهينج.
إم اريج::سافله وأعرف المثلج شنو بس
ماتعرفين المثلي شتسوي.
_اووووو عرفت المثلكم يصيح لله هواي بكد انغولة الصعده . مديحه وصليها للباب ،وشمري وراها ماي لان اريدها تكرر جيتها النا.
إم اريج::تمام انتي الجبتيها لروحج .
_اشرتلها اطلعي كامت وهيه تتعود.
مديحه::شنو شلون شنسوي .
_مارديت عليها جريت النقال ودگيت رد بلهفه.
الباشا:اخ يابويه من الزمج شلون صرتي إم اعطوب.
_تدري بس انته بين ناس عندك مالت الله.
الباشا::غير انتي ضالمتني.
_تدري مابيهم واحد شريف.
الباشا::ها إم اعطوب تحجين على اهلي
اكص السانج ،، اله الحجي وامي .
_تدري احنى احسن من نسوانكم بهواي لان ماعدنا زلم مثلكم ،، تحمينا بس حاولنا ،نحمي نفسنا اسمع باشا لهنا وارجع بت الصعده وتربات سلوم التوصل لبيتي اطلعها بدون هدوم ،، اله افرج الشارع عليها.
الباشا::دخل أفهم شكو ولجج.
_سديته بوجهه ودكيت على طارق .
طارق::اهلا سلاسل .
_تكدر توصلني للكراج اريد اروح لكربلاء.
طارق::اي انه اخذج بسيارتي . ديله هيئي
نفسج بين ماانطي خبر لاهلي وافول السيارة
_التفت لمديحه بدون ماجادلني گامت بسرعه لمت ملابسنا بجنطه وطفينا ،،،الكهربائيات بالبيت اجه طارق تكابلو عليه صعدوني بالسيارة .
مديحه::بس اقفل الباب .
طارق::هاي شصاير برجلج ليش ماگلتي
اخذج للدكتور ،، شلون راح تزورين اذا هيج.
_هو انه رايحه حته اتعالج .
طارق::صاير شي .
_لا بس اريد ارتاح كم يوم بالزيارة
اختنكنا من البيت
طارق؛:يله راح اسوي نفسي أثول واصدك.
_بعد ماقطعنا مسافه من الطريق دگ نقالي
بسرعه طفيته ،، عيوني للجامه ومديحه ترد على
كد السؤال رغم طارق،، حاول يخلق حديث بينهم لحد ماوصلنه فتحت النقال اتصلت على أبو بشاير رد بقلق .
أبو بشاير::حياك الله كيف حالك .
_بخير,,بس ردت اترخص منك حابه ارتاح
كم يوم بالحسينيه انه وصديقتي. اذا بيها مجال .
أبو بشاير::اله تأمرين يخوج بس عسى ما شر
يعني لايكون حصل خلاف بينك وبين ثابت
طمنيني عن اختك.
_فهمت سؤاله،،رديت محاوله ما ابين
قهري٫٫لا لا اصلا همه بشهر العسل .
أبو بشاير::طيب ربي يسعدهم المفتاح
تحت عمود الكهرباء .
_شكرا بس اتمنى ماحد يعرف بوجودي
أبو بشاير::خذي راحتك والنا كلام بعدين.
_طفيت النقال ،،وصفت لطارق مكان الحسينيه.
طارق::ليش مااحجزلكم فندق لا تتقيدين
ترى عندي خير سلاسل بروح امج تعتبريني اخوج
_وروح امي مو على الفلوس بس
هنا ارتاح،،،يله نزلني وتوكل
طارق::طرده هاي؟
_ههه لا بس ماكدر اكلك تفضل مو بيتي.
طارق::ولا انه اقبل ادخل يله رقمي يمج
شيصير تتصلين انه راح ازور وبلكي الحك ارجع
_ليش ماتبقه الفجر ،، طريق تعب.
طارق::لا امي وحدها خطيه تضل بقلق
_ودعنا وراح دخلنه ومديحه ماقصرت بسرعه
نضفتلي الغرفه وتمددت اباوع للسكف احس عقلي تعب من التفكير . حسرتي توصل لباب الحسينه
مديحه::هسه بيها مجال تفهميني ليش خابرتي وگتيله وليش طلعتي من بيتج ،،ولا تكليلي خفتي من تهديد إم مرته.
_اخاف على قدر بس ،، وبهذا السبب گتله
أجيت هنا حته اتعالج واوكف على حيلي
مديحه::وكفتي .
_نبدي حياتنا بكيفنا نشتغل نطب نطلع
مالهم يمنا شي اول خطوه ابيع البيت واخذ بغير
مكان .
مديحه::والثانيه؟
_ازوجج واخلص من ملحتج.
مديحه::وانتي؟
_انه ابقى عاشك ماحضى بمحبوبه .
مديحه:'كونج مرة فتحي النقال.
_فتحته وانه اضحك ،، واجتني الرسائل تمطر
مالحكت اقراهن دك
مديحه:ردي .
_رديت واستلمني.
الباشا:اطيرين لو بسابع سما الوحج ولجج ليش لان گتلج اريدج لان عرفتي احبج،، هيج ادوسين عليه
_مو انه باشا بس الف مرة گتلك
أهلك ماراح يسكتون شتقنع ابوك الي طردك من بيته لو اخوانك لو زوجتك لو أمها الي اجت تهدد
الباشا::وانتي خايفه.
_لا بس انه دم ولحم حالي حالك مو هينه عليه انهان واتعير هواي تحملت أولهم انته شكد
دست عليه
الباشا::نحطهم أمام الأمر الواقع.
_هذا حلم الواقع رافضنا.
الباشا::نحقق الحلم تدرين بيه مااعوف حلمي
_شيصير لو مرة مانلت حلمك ؟
ليش ماتتقبل مو كلشي تريده لازم تاخذه.
الباشا:لان اذا ردت شي وماحصلته احفر الكاع.
_بس هل مرة مجبور تتقبل الأمر
اعتبرني حلم ماتحقق .
شلونكم شخباركم.
((((اوليس كلما نحلم به يتحقق )))
شكرا لزيارتكم عالم روايات سكيرهوم
