رواية قصة زهراء الفصل السابع عشر بقلم زينب نور
زهراء:لليل ومانعرف اي خبر عنهم
عمتي ام ياسر تخربطت
والبيت نترس نسوان
وانه بس اريد اسمع خبر منه ماكوو
نتصل عليهم مايردون زاد الخوف عدنه
كلهن كاعدات بالصاله كمت بس حيلي مهدود كامت وياي فاطمه
اشرتلها لااا
صعدت للغرفه طلعت دشداشته واشم بيها وادموعي اصب
ربي بجاه كلمن اله جاه عندك
لاتحرمني منه ورجعه الي والهله
مااريد شي بس اريد اشوفه يمشي بطوله كدامي واكحل عيني بيه
لاتحرمني منه
ضليت ابجي حيل احس بالعومي تجرح مابيدي اسوي شي گلبي مشتعل نار عليه
يامن يخبرني عنه ويبرد كلبي غفيت من البجي
فزيت شفت الساعه ٧ نزلت بيت عمي حاتم عدنه واهلي
غسلت واشوف فاطمه ادگ سئلتها كالت سعد
فدوه ارجعي دگي عليه
فاطمه:ماييرد
زهراء:وديله رساله دگي اي شي بس خل يرد
ضلت فاطمه ادگ فوگ ٥مرات اخر شي رد ويصيح سحبت التلفون من ايد فاطمه
سعد بروح كل عزيز على گلبك
گلي شلونه
سعد:هاا خويه لا مابيه شي
زهراء:احلفك بالله لا اجذب فدوه اروحلك گلي الصدك امشي عليك ابو فاضل احجي وابجي
سعد:مابيه شي مابيه شي
سديت الخط شگلها اگلها من امس لليوم ماصحه قفلت التلفون
زهراء:سد التلفون وابجي حييل
اكيد بيه شي والله ياسر موزين
ركضت جبت عبايتي
وطلعت اركض وهيه يركضن وراي ويصيحن وصلت للباب شفت
حمزه ابن قاسم
ابن عمي حاتم شافني واجه
حمزه:عمه شعندج طالعه ادخلي
زهراء:هسه تاخذني لبغداد لا والله اخذلي سيارة وروح لوحدي
حمزه:ادخلي رحمه لهلج هسه احنه بيه حال ماعايزين صياح جدي ادخلي عمه
زهراء:والله ماادخل اتوديني لو اروح وحدي
امي ومرت عمي يصيحن مارديت عليهن مشيت اجه وراي حمزه
حمزه:امشي امري لله
زهراء:اخذ السيارة وطلعنه
دخلنه بغداد واتصل على ابوه
حمزه:بويه انه ابغداد
قاسم:شعندك جاي والنسوان منو يمهن
حمزه:يابه جبت عمتي زهراء
زهراء:اسمعه يصيح على حمزه ويرزل بيه لئن رضه يجيبني اخر شي كله حمزه عنوان المستشفى
انطاه وصلنه ساعه ٢:٣٠ الظهر شفت واكفين بالباب قاسم وعمار ولد عمي حاتم نزل
وامشي وصلت يمهم شفت سعد طلع
قاسم:خوويه شلووون تجين المستشفى بس زلم
زهراء:اشوفه واطلع فدوه ليش مادكولون شبيه
سعد:تبجي وتحجي تعاي خويه تعالي
زهراء:دخلنه انه وسعد واحس كلبي يريد يطلع من مكانه عبالك اول مره اشوفه
وصلنه شفت جدي وعمامي وابوي وناس بعد مااعرفهم عاد هنه عاط جدي بس ماهتميت كل همي اشوفه
سعد حاجه الدكتور مارضه ادخل
اترجه بيه ماكو كله حالته ماتسمح
عاد هنه لزمت ابوي من ايده كتله كلولي شبيه
كلي كلشي احس جسمي جمد فاقد الوعي من امس لليوم
كمت ابجي بلا صوت سحبني اخوي علي وطلعني للسيارة صعدني وانه بس ابجي
مشى ماادري وين كتله اخذني للكاظم
علي:موو وكتها هسه راجعين للبصرة
زهراء:اخذني فدوه بس انخاه واذب حاجتي يمه احجي بلا وعي
واترجه بيه رضه وصلنه ل امام ساعه ٤ دخلت غسلت وتوضيت
علي كال انتظرج بفلان مكان
دخلت للضريح ونزلن دموعي مااريدك تردني ياباب الحوائج
..لسان. حال زهراء
نخيتك يالضريحك شامخ ابغداد
عندي بگلبي حاجه وجايك بيها
قبل ماامد ايدي والزم الشباك
يا باب الحوائج حاجتي گضيها
...........
زهراء:فوگ الساعه انخه وادعي والله مو بس اله دعيت للكل المرضه
طلعت شفت علي رحتله ماحاجاني شافني تعبانه طلعنه للبصرة شويه واتصلو عليه كلهم
علي: راجع للبصرة اهاا خوش
لا بعدني ماطالع من بغداد
زهراء:سئلته كال ابوي وجدي وعمامي راجعين هم
وصلنه باليل دخلت سكته كعدت يمهن يسئلن بيه كلتلهن
ام ياسر ضلت تعنه وتبجي
گلتلها والله هسه يرجع النه نخيت الكاظم ومايردني انشاءالله
وابجي وياها ابجي على ياسر وعلى حالي عمري مادامتلي فرحه
ليش عمري ماغضبت ربي وسويت شي موزين ربي والله امتحانك صعب
صعدت كالن اتعشي مارضيت
تمددت وغفيت
فزيت هلى صوت اذان الفجر نزلت شفت ام ياسر ماده سجادتها بالصاله واصلي اهلي رايحين سمعت صوت بره طلعت شفت جدي وعمي يوضون
توضيت وصعدت صليت وقريت قران
نمت على السجاده
لثاني يوم العصر دخلو سعد وقاسم همه مارجعو ضلو ابغداد انخمش گلبي
سئلهم جدي كلوله على حطت ايدك
سئلهم على عماد صاحب ياسر
خطيه الولد هم بالنعاش
مر اسبوع على نفس الحاله عمتي راحت شافته بس مايدخلون
احد الولد بس ضلو يمه
حالنه حال القهر اكلني لابيدي اسوي شي ولاهاي
ماعندي غير ادعيلي
يوميه قبل لاانام الزم ملابسه واشم بيهن اغفه على عطره والدمعه بعيني
..
صعدت للغرفه تمددت على مخدته وغفيت
لثاني يوم البيت كله مابيه طعم
منال راحت لهلها
وره الريوگ وگفت اغسل الماعين
ومااسمع بس الهلاهل
صرت مثل الثوله كمت اروح منه وارد منه ذبيت الماعين وركضت
اشوف جدي وعمي وعمتي سعاد وام ياسر اتهلهل
صاح جدي كرت عينج بويه زلمتج صحه
مااعرف اشلون اعبر عن البداخلي
ضليت ابجي من الفرحه اجو التمو عدنه اهلي وعمامي
وجدي ذبح ٥ذبايح فده لوجه الله
وعزم الاهل كلهم البيت نترس
شفت عمي بالكراج رحت اسئله يمته يجيبوه
صالح:توه صحه بعدنه ماندري حالته خل يكوم يوكف على رجليه والله كريم
زهراء:رجعت للمطبخ صح كلبي يعورني عليه لئن احتمال يشلل
بس المهم عندي حسه بالدنيا بس يرجع اشيله بعيوني
لليل العالم طشت
صعدت للسطح توجهت للكاظم
كتله دخيلك يعطاي المراد ماقصرت
شويه ورجعت للغرفه اتمنه هسه انه يمه واكله شتحس اساعده
ياسر:فكيت عيوني بالگوه بس رجليه ميتات مااحس بيهن
شفت الولد واكفين كمت اصيح
رجليه ماتن
اجو الدكاتره ضربوني ابره هديت
كلتلهم اطلعو مااريد احد هناا
اااااطلعووووو
غمضت عيوني وايدي تمشي على رجليه حياتي انتهت
ابنادم بلا رجله ميت حتى لو يه اهله يحسهم يساعدوه بالشفقه
زهراء:مررر ٥ايام وگالو راح يجيبوه اجني حييل وقوه ماادري منين كال عمي نظفو غرفت بيبي لىن مايكدر يصعد
طلعت كلشي ونضفتها ورجعنه الجربايه
ومسح وتلميع وانه كلي حيييل
والبنات طيبه وزينب اجن ملخن شي ماسونه منال كاضه ضهرها وتفتر جذب
كملت كلشي الساعه ١١الصبح صاحت زينب
زينب:هسه انتي نظفتي كلشي و وجهج خليتي تكعدي خيه اكعدي
خل احفج
زهراء:صدك حفتلي وجهي وكملت صعدت سبحت ولبست دشداشه صفره وبيها ورده سوه مرتبه عليه
كملت نزلتله ملابس جوه
خليتهن بغرفت بيبي
واباوع للساعه كامت ماتمشي
للساعه ٣ دخلو
اباوع من شباك المطبخ خالينه على كرسي واحمد يدفع بيه ذبحو جوه رجله
دخلوه للديوان لئن ناس جايه
نص ساعه ودخل بس احسه مو ويه الناس
راسه مشدود
ايده لفيها اباندج
دخل للغرفه مال بيبي انه واكفه بالباب دخلت امه سلمت عليه بس هوه سادت وخواته وعمتي سعاد
سلمو وطلعو
اجيت ادخل صاااح على احمد طفي الضوه ومااريد احد يدخل مااريد اسمع صوت
زهراء:رجعت ليوره رفعوه احمد وعلي للجربايه اباوعله خله ايده على عيونه واشرلهم اطلعوو
طفه الضوه وطلع
انه ميته على شوفته حتى ماباوع بوجهي متت بدمي كلهن بالصاله وسلمن عليه بس انه لا رحت للمطبخ البنات وسعد يسولفلهن
زينب:خويه شنهي ماكالكم الدكتور شي
سعد:طلعنه وانطانه تحويل لمركز علاج طبيعي هنا بالبصرة كل اسبوع يروحله بس مو هسه لمن تتحسن جروحه
واذا مافاده اضل بيد الله
زهراء:انطلعه للخارج
سعد:الله كريم الحمدالله من رجع سالم
زينب:زين وصاحبه
سعد:رجله مبتوره
زينب:الله يساعده
سعد:خويه سويله شي خل ياكله لئن مارضه يتريگ وبس انلح وياه صاح كاره روحه وكاره الدنيا
عمي الحمدالله هوه هج الي يشوف مصيبه غيره تهون عليه مصيبته
المستشفى هذا الطايره ايده هذا رجله ناس مالگوه خير شر
الحمدالله على كلحال
زهراء:سويتله اكل خليته بالصينيه ورحت للصاله صاحت عمتي خليه نايم هسه كلتلها سعد كال مماكل شي
عفتها ودخلت ضوه خفيف بالغرفه خليت الصينيه بالگاع وشغلت الضوه رفع ايده خلاها على عيونه
تقربت عليه متغطي نص جسمه
كعدت يمه على الجربايه
رفعت ايده الي علا بطنه بستها وشميتها دموعي خانني ونزلن
هوه ماتحرك
همستلها ياسر اكعد اكلك شي
ياسر:اسمعها مارديت عليها
زهراء:تقربت بسته بخده
حاجيته ياسر اكعد وخرت ايده عن عيونه
ياسر:اطلعي برررره
ياسر:اطلعي ماااريد سم واليدخل اكسر رجله
زهراء:كمت ودموعي تنزل طلعت
وعفته فشلني كلها ضلت عينها عليه ركضت للحمام ابجي
ليش هج ليش يصيح ويزهك بيه شمسويتله
ابدال مايقربني اكثر من اي واحد بحالته هاي
وانه كلبي مشتعل نار على شفوته
كمت غسلت وجهي وطلعت.......
شكرا لزيارتكم عالم روايات سكيرهوم
