رواية هشاشة قلب الفصل السادس عشر 16 بقلم العباديه

إنهارت فوقي جبال صبري . .

حتى غدوت في دياجير عشقك ألوب فيها وأتعثر !!

لقد أحببتك من أعماقي . .

لكن مايحدث يُعيقني !!

هناك عثره كبيره أمام حلمي بك . .

لأأستطيعُ المضي بعد فيها بعد الآن !

أصبحوا يشبهونني بالورود الذابله . .

بَهُتَ لون الوجناتِ ذات البريقُ المُشمس ..

حتى الشفاه كانت كالياقوتات في الأعذاق قانيةً ..

أخذ السهرُ بي ماأراد أن يأخذ . .

أطاح بي في مغبرة الليالي وحيده !!

اصبحت وحيده بعد الآن . . . لاأبقى هكذا طوال عمري !! 

~~~~~~~~~~~~~~~~~~~~~~~~~~

ثُرىٰ...

ظليت مصفصفه مااعرف شنو السالفه ؟؟

هاي اخذت روحهه بالعياط وتجرجر بيه وتصيح انزعيه !! 

هسه شكو شصاير شنو السالفه ماادري؟ مافهمت من كلامهه ولا كلمه .

جنات.. انتِ متفهمين؟؟ دااكولجج انزعي القبوط وربي اموتج لج تبوگيني شلون وصلتي لهذا شلوووون

الكافتيريا متروسه طلاب وكلهه صافنه وهاي چنهه زعطوطه تصيح وكاتله روحهه . ولا عبالك دكتوره تغسل ويهج .

ماهر يسكت بيهه وهيَ ابدد فلا سكتت وولا اهتزت والنوب تجر بيه اني لهنا وفاض صبري ماگدرت اسكت عطت بيهه 

- شككككووو غير تفهميني؟؟؟؟

- هذا القبوط مالتي اشترالياه ماهر من رحنا لروسيا !!

- وشجابه إلي؟؟ عيني مشتبهه هذا مو مالاتج مو بس انتِ عندج قبوط

لزمت البروش بنتر وعاطت :-

- لج هذا من بابا لو تحطيه بين ألف بروش اعرفه من الشذره مالته واعز شي على قلبي ف انزعي يابواگه

- واني وين شايفتج واخذه منج؟؟

- اختج اكيد باگته بيوم العزيمه !!

حصرتني البچيه وتلّيم حلگي .. موقفي ضعيف مقابيل نص الكليه وماهر صافن عليه يشوف نظراتي ويتحفص ردة فعلي .. صح هيَ تعرفه ومنيشنته بس اني مااعرفه المن اصلاً مجرد اني شخص متطفل واخذته من اختي ولبسته بدون علمي إلمن !!؟؟

ماهر من شاف ردة فعلي عرفه مو إلي باوعلي وهز راسه بأسف وعيونه تعتب عليه !!

كال :-

- ثُرىٰ إنطيهياه تره انفضحنه 

بربشت بعيوني وعصرت شفتي حيل .. لزمته من الياخاات ونزعت الردان وشمرته عليهه بنتر إجه بنص وجهه .. خليت وطلعت انهديت بالبجي ..

لا ياربي كلشي أتحمل إلا هاي !!

ظليت اشهك وطلعت للبيت ..

قررت قراري وانتهت بعد..

باجر ماامتحن وشيصير خل يصير..

اصلاً وجهي بعد مايدخل للكليه ولا يعتب عليهه..

لو اموت ويدفنوني ويهيلون التراب عليه ماأنسى هذا الموقف اتذكره كلمه كلمه !!

رجعت طايره وروحي مفرفحه..

مااعرف بيمن اطلع حركتي؟؟

بنهى , بموج , بروحي؟؟

ركضت اكعد بنهى واهز بيهه..

كعدت مرعوبه وماتعرف شنو السالفه..

ظليت اصرخ واملخ بروحي

- ولج نهى احجي القبوط المن احجيييي

تباوع بيه وعيونهه قلق

نهى.. شكو شبيجج؟؟

- نهى احجي طمنيني كليلي مو الهههههه كليلييييي 

نهى.. غير تفهميني شصااايررررر

- القبوط اخذته جنات تكول مالتي وتفشلت مقابيل الكليه كلههههههه

نهى.. مااعرف بس انطتنياه موج هديه شدرراني انييي

- خابريهااا بسررعه خابريييها

جبتلهه موبايلهه جان ع الشحن نترته نترت وذبيته بحضنهه..

اخذته واتصلت..

فتحت حاكيه وتباوعلي بخوف..

نهى.. الو هلو موجه شلونج

موج.. الحمد لله وانتِ

نهى.. الحمد لله . اكلج موجه القبوط الهديتيه الي منيلج؟؟

موج.. هاا ؟؟ ااءء مالتي

نهى.. موج بداعة مرتضى احجييي

موج.. الصراحه مال جنات !!!!!!

هيَ اخذت القبوط مالتي جابلياه مرتضى هديه راحت انطته لصديقتهه علمود تحرگ گلبي.. اني هم رجعتهه إلهه واخذت مالتهه وانطيته الج !

نهى ظلت صافنه بيه ومحتاره شتكول .. خصمتهه وياهه وسدت الموبايل.

كعدت بالكاع وظليت ابجي..

يافشلة الفشله..

صخام بوجهي على هالكارثه هاي..

إلمن لبسته المننننن...

ظليت اصرخ وابجي واتذكر نظرات عيونه والطلاب الصفنوا عليهه من تجرجر بيه.. 

ادري بيهه ماميته ع القبوط ماعايزه هيَ بس تريد تفشلني..

طبت امي على صياحي واملخ بروحي وكلهم عرفوا بالسالفه.

امي عاطت بنهى

- اني مو كتلج لاتجيبين أي شي ولاتنطين أي شي لااخواتج احنه راضين بحالنه

نهى دنگت..

مروه.. نهى شعليهه هيَ اخذته البارحه طلعت غراضهه نفشتهن وظلت تگدر بكيفهه طاگينهه على ايدهه تاخذه

خليتهم وتلفلفت بفراشي .. دوم من اضوج التجأ للنوم .. شبعت بجي جوه الغطه..

اني ليش هيج حظي؟؟ 

گملّتي بگعه من دون العالم

واني اشهگ غفيت ماادري بالوقت..

گعدت الصبح على صوت أمي تريدني اروح للامتحان !!

هه هوَ اني قريت حتى اروح؟

امي عاطت بيه

- روحي حتى لو تكتبين اي شي المهم تمتحنين وانتِ قاريته بالشهري 

- مااااارررروووح بعد ولا ادخل للكليه ولااخطي خطوه

- وشششلللووون ترسبببييننن؟؟

- اييي ارسببب عسى مااموت المهم ماااارووح

دخل أسماعيل على صراخنه عاط بيه

اسماعيل.. ثريا تروح عليج سنه كامله روحي خويه

- مااروح

- اذا غياب ينطوج صفر وحتى ماتمتحنين دور ثاني

- اي خليهم اني اريد ارسب

- انتِ هسه مو بوعيج تحجين بعدين تتندمين واني مااخليج تتندمين رايح اطلبلج اجازه 

- مااااريد ارييد ارسبب

عاط بعصبيه

- اششششششش صصووتج ماا

سمعه

طلع واني بقيت صافنه على روحي .. نفسي ماجاي تطيق الإهانه انذليت ذله محد مذلولهه..

راح اسماعيل واخذلي اجازه..

محاچي اسماء وممشيتهه إله..

يگول العميد ماقبل بس اسماء أثرت عليه..

وطزز الرسبت والنجحت مايهمني شي بعد احس نفسي اكتفيت بالإهاين..

اكثر شي جرحني نظراته المؤسفه !!

متت من شفت عيونه وبيهه العتب !!

قدمت إستمارة نقل..

ومنتظره يطلع نقلي !! هه 

تخبلت انجنيت بس اريد أسوي شي ومااظل بالكليه .. اضحك على روحي من اكول اكو نقل

أدري بيه مايصير أنقل بس هيج قدمت اتأمل..

لم أجد مايسمعني حتى أنت !!

لقد تخليت عن ملمس أصابعي . . الذي كان يرجو لمستك . .

كُف عن النظر إلي بتلك نظراتك ..

إنها هيَ من أوقع بقلبي !!

إتركني أمضي في طريفي المُنحدر . .

فلن أعود إليك بعد الآن . . . . 

لن أعود !!!

الخاطره بقلم آيو Aya_Alabadi

~~~~~~~~~~~~~~~~~~~~~~~~~

نهى..

خسرت كلشي لااني الامتحنت امتحاناتي بسبب النساوه ولا رجلي الوگف وياي بحملي.. مبارك بس يوميه يتصل بيه ويسده !!

حتى مليت ووصلت لدرجة اختنگ من يتصل.. بس يتصل يجرجر حسرات ويتنهد واني اظل ساكته وبس صوت انفاسي مسموع..

صبري بلش ينفذ وياه..

أجلت امتحاناتي مجبوره..

جا اني ليش مااريد اتزوج من هاي السالفه

خابرني اليوم بالليل كالعاده..

اول ماخابر سمعت طگة الجداحه !! 

تخبلت وجن جنوني ..

هذا جاي يدخن !!

رأساً عطت

- ولييييددد لتددخن والله العب لعب اذا دخنت

جر حسره وظل ساكت..

نترت وأعصابي فاييره :-

- يعني إلى متىٰ؟؟ ماتحجي؟؟ إلى متىٰ تبقه هيج بس تتصل وماتحجي؟

ماكو صوت

- وليد . قسم بالله اذا ماحجيت هسه راح اسده وإذا سديته بعد ماافتحه لو الإمه تنگلب.

رأساً جلّه صوته وتحمحم كال بهدوء وصوت ناصي .

- احمم مدادخن اني 

- جا شتسوي؟

- دفيت الچاي 

- بهالوقت چاي؟؟

- اي. المفروض مرتي تسويلي من العصر بس شنسوي نتحمل 

- جا منو الكال مستحيل ارجعهه مرتك

- هوَ هذا اللازمني

- ها يعني عند كلامك؟

- اي طبعاً

هوَ كال هيج واني اعصابي فاارت متت من الحرگه 

نترت :-

- تمام .. جا المن متصل بيه روح خيفيدك كلامك

- طولان لسانج حيييل

- لا والله

عاط بصوت فززني

- نهىىىى شنو شبيج اللسان صاير مترتين وتدورين المشاكل دواره هاا طلع الوجه الحقيقي

- اها يعني اني السويت المشكله مو بيبيتك ءءااقصد أُمك وبعدين وجهيش هذا يعني قصدك جنت امثل عليك 

- انتِ ليش دتلغيييين من تسوين هيج تخوفيني مثلاً؟ تره طولة لسانج تغثج متغثني لان توگعين من عيني بس تطولين لسانج واني مااخاف منججج فهمتتتتتيي

- لا اافاا اني اخوفك 

عاط بكل صوته وصاير ناار

- نهىىىى 

- شكو شكو شبيييك

- وقزرقط ومرض مو صوجج صوج الكلب ابن الكلب المتصل بيج

- موديه عليك تتصل بيه وو....

سده بوجهي الحقير !!

ع الأساس من مايحجي بعده عند كلامه !!

غير فارت روحي من كال عند كلامي ..

ظليت انشال وانرگع حتى الليل كله مانمته ورجعتلي الالآم والخنگه كلهه اجتمعت عليه..

حتى ثُرىٰ ماگدر اگعدهه مااهون بيهه..

وهيَ منا صايره كلش.. لاتتحاچه ولاتسولف..

بس تصفن وتفكر وإيدهه بحلگهه ليل ونهار من القلق گرطت اظافرهه كلهه

بهالفتره راح تصير عدنه خطوبه..

واخيراً اجه الفارس مال تقوىٰ بعد انتظار دام سنوات..

تعين وسوالهه بيت يلا تقدم..

تقوى فرحانه ومكيفه واحنه وياهه..

هوَ الولد ينمدح بأخلاقه وفخر إلنه هيج نسب..

صارت هاي الرسميات ووصلنه لحفلة الخطوبه تقوى لحت عليه الا اطلع وياهه نجهز..

حدلي بدلي يختي ياام الغيره حامل مااكدر اطلع ماكو مااقتنعت..

إضطريت اوافق اطلع وياهه لان اني احلى ذوق على حسب رأيهن..

بهاي الحاله لازم اتصل بيه. 

بدت رحمة الله تعاي كلساع خابريه يقبل لو لا..

صحيح متعاركين بس هالشي مايمنع اخذ أذنه لان اذا اطلع بدون علمه تلعنني الملائكه لما ارجع .. حسب كلام امي.

انجبرت وأمري لله أتصلت بيه.

مره , مرتين , تلاثه ماكو رد..

ظليت اتشعوط عود يحرگ گلبي.. يدري بيه اتخبل من مايرد ويتجاهلني .. يخليني ع الهامش واخر اهتماماته..

ادري بيه يشوف الاتصال بس يريد يحرگ گلبي.. 

ومثل مايحرگ گلبي احرگ گلبه..

دزيتله رساله وادري بعدهه راح يتصل غصباً عليه..

- إذا تريد تطلگ گول حتى اشوف دربي !

والله ثواني والموبايل انرررج بإسمه..

ههه خاب تلعب وي نهى شبيك عمييي.

ظل يتصل لما راد ينقطع الاتصال يلا رديت..

جاوبت واحجي ببرود ومسترخيه عكسه صاير بركان..

فززني صوته العالي

- اي سسست نهىىى تشوفين درببجج ليش لاااا .وووين تشوفين دربجج كوليلي من هسسسه عندج درررب واني مااادرييي

رديت بصوت هادئ ومستفز إلى أبعد حد

- والله انتَ گلت مستحيل ارجعج واني هم لو اموت ماارجع ف اكيد يعني نهايتنه معروفه ماكو داعي احجي زايد مو؟؟

- انلصصممميييي انلللصمميي صوتجج مااسمعه والله وقسم بذات الله ينهى اذا تفكرين ولو تفكير بهذا الشي احسبي ربج ماخلقج ولو تموتين ويدفنوج هم مااسوي هذا الشي خليهه ترچيه بأذنج 

يا هذا راح يگلبهه علهه وليد برشاوي والعميد صديقه وهمه عيال نهى مشترين الدوله نصهم بالبرلمان احنه ناس على كد حالنه فوتي داومي وانعلي الشيطان 

- خابر ست اسماء بس بالأمتحانات اجي امتحن واطلع

- ثثرررررييياااا فتتتيتتتييي كلبييي دكوومي

شالهه من كتفهه وجرهه بكل قوته واحنه نركض وراه خاف يسويلهه شي شمرهه بالحمام وعاط عليهه

اول مره اسماعيل يعصب لهالدرجه ويلمس وحده بينه !!

عاط بيهه 

- تسبحين وترتاحييين تطلعين تجيني تكولين باجر اخذني للكليه وتطلعين فكرة النقل والتحويل فهمتتتتتيي

ظلت مكرفصه وتبجي حالتهه تشگ الگلب واحنه نبجي وياهه تعذبت حيل من وره هالماهر.

دخلت وياهه اريد اسبحهه نزعتهه بهدوء وجردتهه من ملابسهه وشلت ماي باااارد رغم الجو نص شهر الثاني .. شمرته عليهه وهيَ ولا عبالك صافنه ودموعهه تصب وي الماي

ظليت ابوس بيهه والم بشعرهه وابجي وياهه اريد اموت .

نهى.. ثراوي بعد روحي كافي خيولي اعتبريه شي ماصار 

شهكت وبجت.. ماتكدر تحجي..

لبستهه ملابسهه وطلعنه سويه..

اسماعيل يباوعلهه بخوف وقلق لان قسه عليهه لااول مره..

دخلت بفراشهه تدثرت ونامت !!

خلصت عطلة نصف السنه كله نوم نوم نوم..

ماملت من النوم نهائياً..

اجاني اسماعيل والخوف بعيونه 

اسماعيل.. نهى حاچيهه والله گلبي خلص من اشوفهه هيج شسوي وترجع مثل قبل فهمييينيي شأسوووي

نهى.. اسماعيل ماعليك بيهه هيَ ترجع وحدهه بس خل تمر هالفتره بهدوء

اسماعيل.. عمي والله لو كايلتلي اشتريلي منه اجيبه عسى ما بمليون بس ماكالت ماكالللتتت تستحي مني نهى تستحي 

نهى.. ماتهون بيك تكول خطيه

فرك وجهه وجر حسره

اسماعيل.. قنعيهه واحجي وياهه بلكي تسمع منج

نهى.. ماشي 

رحت احاجيهه وماتقبل نايمه وتدفع بيه !

ثاني يوم كعدت من الصبح خايفه لاتصير مشكله لان اسماعيل هددهه اذا ماتداوم يتصرف..

مالگيتهه بفراشهه تخبلت..

ظليت ادور واركض منا ومنا تسودنت..

بالاخير لمحتهه بالحديقه كاعده ع المرجوحه..

ثُرىٰ كلش حساسه ورقيقه تتأذى بسرعه .. الوحيده بينه هشه كلنه قويات ونوااجه وندافع الا هيَ تلتجأ للبجي والنوم تخلص من واقعهه . 

عفتهه براحتهه. 

شويه ودخلت بدلت وطلعت..

كعدت بالمطبخ تنتظر اسماعيل.

طلع هوَ مبدل صبح عليهه ماردت..

زفر انفاسه بقوه ويباوعلهه بخوف..

طبطب على ظهرهه وكال :-

- ياالله يافاتح يله خل نتوكل 

خطيه اثنينهم ماتريكوا وضايجين .

مر اليوم سريع ومنتظرين ثُرىٰ تجي..

اول مادخلت من باب البيت ركضت عليهه

نهى.. ها ثُرىٰ بشرري

باوعت عليه تنهدت وهمست

- اسمي ثريااا 

صفنت ورجعت ركزت

- ها اي اي ثريا 

- شكو ماكو

- ماكو شي

- شصار

- ماصار شي

- شسويتي

- ماسويت شي 

- ياااااا هاي شنو؟؟ 

- كلشي ماكو

- عززه راحت البنت من ايدينه حبيبتي اصحي كليلي شسوه ماهر انتِ شسويتي 

- ماهر مامداوم وخفف الحمل عني 

- وجنات

- مداومه وشفتهه عادي

- اي وشنو الاوضاع

- ماكو أي اوضاع بس اخذتنه محاضره خلصتهه علينه بس ملاحظه وملاحظه ومهم وانتباه وسوالف وضحك وي الشباب وبس اما البنات ترزل بينه

- ههههه ماتعجبن

همست

- اي عدهه الگمر وتباوع للنجمات هه 

ابتسمت على حجايتهه..

صفنت بيهه.. خجلت وراحت..

شكد متعلقه بيه لخاطر الله..

ثاني يوم نفس الشي..

اول مااجت سويت جلسة تحقيق..

متجاهلته ومنخرسه بحيث صوتهه مايسمعه..

وحتى ايدهه ماترفعهه و ولاتشارك وياهم..

بس بالأمتحان تشد حيلهه علمود الدرجه كامله حتى ماتحتاج يومي..

احسن حل هذا وهوَ هم مااحتك بيهه..

بس نظرات عيونه الي من تسولفلنه تصفن وعبالك تتذكرهن وتتخيلهن كدامهه..

كمل الداوم كله هيج.. وخلصت السنه الدراسيه

اني امتحنت عادي وبطني كبرت..

مروه نجحت وثُرىٰ هم نجحت بالنهائي بس بقت عدنه تمتحن الامتحان الغابت بيه..

اما وليد نفس حاله مامتغير..

طيلة هالفتره سؤال ماكلف نفس وسأل عني ! وولا عن ابنه هم.. اخواني عرفوا بالسالفه..

محد لامني وخصوصاً اسماعيل..

دائماً صاير سند النه..

راد يروح لوليد بس سكت بطلب من عندي.. اريد اشوف تاليته وهمه منتظرين الإشاره من عندي..

بالعطله اسماعيل سوالنه جوازات كلنه بس اني ماسوالي لان عندي..

قررنا نسافر لاإيران علمود ثُرىٰ بلكي تطلع من الحاله الكئيبه لان امي تخبلت واخواني هم تخبلوا من حالتهه صايره عبالك مومياء..ولاسالفه وولا ضحكه..

اول مارجعت ثُرىٰ من الامتحان مال الدور الثاني جهزنه غراضنه وبعد لازم اخذ موافقته !

من كملت تحضير امي باوعتلي رأساً كالتلي 

- نهى دگيتي على رجلج؟؟

درت وجهي سويت نفسي ارتب بالجنطه وكتلهه :-

- اي

نترت

- من تحجين باوعيلي

التفتت عليهه لكيتهه خازرتني دنگت واستحيت .. نترت 

- ماخابرتيه مو؟

هزيت راسي منصيه

- تره هاي إيرااان لا رايحه تمتحنين ولا رايحه لسوگ صار قدر علينه لو على ابنج شنكللهم نگلهم ابنكم مات

- اسم الله ماما بيش مفاوله عليه

- لا هاي صدك حسبي حسابج وفوتي خابريه

- جا مايخابر هوَ؟؟ بس اني؟؟

- نهى انعلي الشيطان وفوتي خابري الولد وكليله تره انه رايحه

خاف يطلعهه حجه عليج 

- اي هسه 

- لا كدامي خابريه

- يوم والله اخابره والله بس لوحدي استحي مقابيلكم 

- يلا خوش

طلعت وخلوني وحدي ..

صار فتره طويله من اخر مره خابرني..

لزمت الموبايل وداخلي يصرخ مااريد اخابره مااريد اسمع صوته..

اتصلت وظل يدگ..

شويه ورد..

- الووو

- احم الوو وليد احنه راح نسافر لاايران وراح اروح وي اهلي 

- شنو شنو؟؟؟؟؟

- راح نسافر لاايران 

- شتسوون

شويه وسمعت صوت بنيه يمه !!

تخبلت 

- وليد منو هاي اليمك؟؟

- اني هسه بالصيدليه 

- والصيدليه بيهه بنات؟؟

- اي بنيه اجت تعيين جديد

- وليد انتَ صارلك شهوووور هاملني وتاركني اكيد لكيت التعوضك ممعقوله واني اكول شنو السر شنو اثاري هنا السالفه

- لتلغين زايد شويه واتصل بيج

- لا ليش ماتحاجيني هسه.. بس حقك ماتكدر لان كاعده يمك تخاف تكسر بخاطرهه

- في أمان الله

سداه واني ظليت اتشعوط واگول ليش متغير أثاري لگه غيري اليعوض عني.

اتصل بيه بعد نص ساعه رديت بسرعه وافووور 

وليد.. شبيج انتِ اكلتيني وبلعتيني الولد يمي مكدرت احجي منطيتيني مجال شنو فلمج فهميينييي

- هه تغطي سالفتك والله اني محتاره بيك اكول الجان يذوب بين ايديه ومايكدر يفاركني لحضه بس اطبخ وارجع هيج صاير ماهامه اشهر طويله.. اني هم صفنت بالسالفه وطلع السر عندك وحيده

- نهىىىىىىى اشششش كلمه زايده لتحجين تعرفيني اني شنو ومستحيل اتقرب من جنس حواء كافي عليه انتِ مطيحه حظي .. ماإلي طاقه اتحمل بعد بنيه وعلاقه وسوالف لعبان نفس 

- شنو مطيحه حظك؟؟ هسه صرت مطيحه حظك

- اهووووو نهى فضيني شنو سالفة ايران تره مالي خلگ

- مصدومه بيك والنبي 

- نهى

- مرض وسم اليصيب نهى ويخلصك منهه .. روح وليد روح خل افضك احسن شي ليش اضيع وقتك وانتَ وقتك ثمين . الله وياك

- لج اوكفي اوكفييي لتگطعيين الاتصال اوكفيييي

- ها شتريدد؟

- شنو الموضوع فهميني

- ماكو شي وليد ارجع لشغلك واعتذر اخذت من وقتك

- نهى انتِ ناويه عليه اليوم؟؟؟؟ والله دتموتيني احجي فهميني بهدوء 

نترت 

- راح نروح لاايران سفره واتصلت بيك اگوللك 

- زين انتِ مجهزه نفسج فيزتي جواز ماجواز وهالسوالف

- اي فيزنه صار فتره 

- لعد ليش متصله بيه؟؟ وجودي وعدمه نفس الشي سواء وافقت او لا انتِ رايحه رايحه مدام مفيزه

سكتت..

- هاي هيه نهى روحي الله وياج

- هاي شبيك وليد غير اهلي يروحون قابل اني وين ابقه

- تمام هاي هيه واني مكلت شي

- بس چنك ماموافق

- لا موافق 

- وليد

- نهى كتلج موافق خلاص روحي حضري نفسج

سواهه زعله وظل يتزعل فارت اعصابي نترت بيه بعصبيه 

- ان شاء الله توكع الطياره لحتى تخلص مني وتفتك

سديته منه واعصابي فايره وادعي على نفسي .. يعني صارله شكدددد لاسؤال لاجواب لاشي خبلني والله

طلعت كلت لاامي وهزت راسهه برضى ماتدري حجاهه من وره خشمه..

بالليل خابر عليه .

اول مارديت كال :-

- نهى اريد اروح وياج

استغربت

- شنو وين؟؟

- وين يعني غير حتسافرون اروح وياكم احسبوا حسابي هسه دزيت اوراقي للفيزا

- وين تجي تره اسماعيل يريد يتعارك وياك 

- معليج انتِ اني واسماعيل بس اطلعي منهه

- هه خوش والله اخويه لو اخوك

- اخويه 

- ايباا

سكت وتنهد . همس بتعب

- ههه فرحان

- ليش

- غير حشوفج

- هههههههاي واني ضايعه عنك . لازم ماتندل بيتنه خطيه بعد كلبي انكسر خاطري عليك

- اشش سكتي سكتي اني احل اموري وياج بس خل اشوفج

- ديلا عمي باي 

- هههه اشردي عادي اني وراج وراج

- شهالتناقض !!!؟؟

- نهى روحي لتصير مشكله ننهي الاتصال افضل تمام

- اي يلا باي

- باي 

~~~~~~~~~~~~~~~~~~~~~~~~~~~

ثُرىٰ..

مرت شهور بالكليه واني ماحاسه نفسي اداوم كليه عبالك واجب عليه بس اريد اخلصه وانفذ بريشاتي..

وين جنت احس بطعم كليه..

اروح بكامل نشاطي وحماسي..

الحياه صارت بعيني بلا لون..

بهتت وتغيرت وغابت ضحكتي..

ماهر صار طيف جميل يمر عليه قبل منامي.

كم مره حلمت بيه كد اشتياقي إله , لانظرات , لا ضحكه , لا كلمه , كلشي ماكو..

كل يوم اطلع حسابه واراقبه..

اني بيه طبع اي شي يصير بيه قبل النوم اتحلم بيه..

صرت يوميه اطلع حسابه بس كون يزورني بالحلم واكعد مرتااااااحه وعبالك صدك شفته..

صح يدرسني ويجي بس ابد ماشايفته..

وجهه مااگدر شوفه اخلص المحاضره مدنگه..

وولا احجي صوتي تقريباً راح..

اروح وارجع بس اهز براسي..

بالمحاضرات البقيه هم ماارفع ايدي..

بس اليگومني اشرحله لان فاهمه بس مااكوم.. ومن اشرح صوتي ناصصصي بحيث يوكفون الاساتذه يمي يلا يسمعوني .

شايله هم لاإمتحانه..

خاف يعاديني ويجيب الاسئله صعبه !!

هيَ اسئلته صعبه بس خاف ارسب بيهه ويجيبهه اصعب من كل مره.. لان غبت !!

قريت بتركيز ووي كل سطر اتذكر مواقفه..

ههه اتذكر مره من كتلت روحي الا اگوم.. وكلساع ارفع روحي علمود يشوفني

هوَ مر من يمي عود يتمشى ويشرح مسافه قليله تفصلنه .. اني رفعت روحي ومديت اصبعي حيل اريده يشوفني علمود اكوم .

صدك وينطخ اصبعي بعينه .. لزم عينه قوي والتفيه عركه واني اريد اطلع شلون ساالفه هاي .. 

هديت صوتي ورديت

- جا من اتصل عليك ليش ماترد عليه؟؟

- هستوني جيت للموبايل جان صامت

- امم والرساله رأساً شفتهه 

نتر بعصبيه :-

- هسسسه المطللوووب شنووو

- اريد اطلع 

- ماكووووو

- ياااااااا

- شنو "يااا" طلعه ماكو ماكووو تريدين تروحين بدربج مو

- وليد اريد اروح وي اختي شبيك

- وشبشابه تشبشب ضلوعج

حولت صوتي لهادئ وتوسلت بي لان حاجتي يمه اذا كال ماكو يعني صدك ماكو واني مختنگه اجتني هالطلعه من الله على الله ..

- وليد تقوىٰ إنخطبت ونريد نروح نجهز للحفله خل اطلع حباب ولودتي

سكت

- وليد ياروح نهى 

هدأت أنفاسه وتغير صوته كال بعد صفنه دامت لثواني :-

- اممم بس شتلبسين تصوريلي

- وين اصورلك بطني واني صايره عبالك كرش حتى جسمي خرب چقه وامشي

- لا كلشي مابيه تمثال منحوت بدقه

- احم هسه اطلع

- طلعي بس مو تشترين فاضح خليه مستور 

- اي ماشي

- عندج فلوس لو ادزلج

- لا عندي

- هاي هيه منتظر الصور مو تنسين

- اي..باي

- الله وياج

سديته واني جذب اني ماعندي ولا فلس بس مااگدر اطلب منه واحتاريت منين اجيب..

يلا البس من تقوىٰ اكيد راح تشتري فساتين بس كون يجي على قياسي

للمغرب واندگ الباب طلع إسماعيل ورجع بإيده ظرف !! 

كلنه استغربنه شكو !!

انطانياه 

اسماعيل..هذا من وليد

ابتسمت عبالي هوَ اجه

- منو جابه؟

- ولد شاب كال هذا من وليد لعائلته

ضجت لان ماكلف نفسه واجه..

لهالدرجه مااستاهل يجي ويدگ الباب ويتعب نفسه..

رحت للغرفه فتحت الظرف لكيت بيه فلوس هواي..

ووياهه ورقه كاتب بيه "ادري بيج ماتحبين تطلبين مني وتستنكفين بس كم مره كتلج اني رجلج ولاتخجلين هالمره عديتهه المرة اللخ مااعديها" 

صفطتهه واني ضايجه ليش ماكلف نفسه واجه؟؟

رسلتله 

- تره اني حالياً بعصمة أهلي يعني همه يصرفون عليه مو انتَ ف ماكو داعي تدز

- بس تبقين مرتي ومن مسؤليتي ف معليج اني بكيفي ادز ماادز 

سكتت مارديت ادري بعد هالجمله تصير عركه مااحلاهه .

اسماعيل اجه معصب عليه ومنتظر يعرف شنو بالظرف..

كال 

- شنو هذا الظرف؟؟

ظلت اوتوت ومااعرف احجي 

- اااءءءء

- احجييي

- هيج دزلي رساله

- والرساله مايعرف يدزهه ع الموبايل؟؟

نهى تره اعرف شكو بالظرف واني مااقبل تاخذين مادامج عدنه وزعلانه تره اني ساكت لحد الآن ومغلس اريد اشوف تاليتهه وياكم واني بالأصل محضرلجن مبلغ لباجر انتِ والبنات كلجن تشترن للخطوبه .

- هاي هيه بكيفك

سكتت لان صاير عصبي ..

طلعنه للسوگ واشترينه كل الشغلات النحتاجهه.. 

اول ماصارت الحفله ولبست فستاني گصيت صور..

جنت لابسه فستان بنفسجي فاتح لونه هادئ بس هوَ يلمع على طوله..

مابيه تعلاگات.. ومن الخصر ضيق وبارز انحناءة خصري ومن النهايه بيه فره كلوشه..

سويت شعري بتسريحه مثل الضفيره الهنديه بس على عريضه وجبيره وثبتتهه..

دزيتله بس صور جسمي لو تخبل..

رسل

- دزي الصوره كامله شنو اتفقنه

لعبت بأعصابه دزيتله

- وجهي مايساعد تعبان

- كذاااابه والله كذذاابه متريديني اشوف

- لا مو هيج

- نهى لتلعبين بأعصابي لان هسه صاير نار دزيلي البقيه بلكي تبرد ناااررري

- ها اي هسه ادزهن خل تبرد. نارك

دزيتله الصور وسكت بعد مادز شي. حسيت بلذة الإنتصار لان من لهجته صاير عصبي وجسمي مأثر بيه..

صورت مقاطع من الحفله بتلبيس الحلقات وصورنه وي تقوى كلش حلوه طالعه ببدلتهه الورديه.

ثُرىٰ ماألهه واهس بشي.. تمشي وتسوهي صايره كلش راحت البنيه من إيدينه شكد حاولت وياهه ماكو بس تتصفن وحايره بزمانهه اخر موقف كان بالنسبه الهه القشه الكسرت ظهر البعير.. راحت ثُرىٰ التتشاقى التسولف وتضحك والنوب مروه لاطشتلهه .

مروه.. ثريا والله اشتاقيت لضحكج وشقاج صح احجي عليج بس الصراحه اضحك من گلبي

باوعتلهه صفنت عليهه وتنهدت خلتنه وكامت !!

والله حصرتني البچيه هاي ليش هيج؟؟

كله بسببي اني الغبيه شلون اخليهه تاخذه وهوَ من موج وحتى احتمال شايفه عدهه .. اوف بس شدراني غير هيَ دزته جديد وبتعلاگته.

مرت فترة العطله مال نصف السنه وثُرىٰ بقت على موقفهه ماتدخل الكليه يعني ماتدخل وامتحان ماامتحنت ومحتارين شلون نرقع السالفه ؟

من اجه الدوام ثُرىٰ ماتقبل تروح..

امي واخواني لعبوا بيهه لعب وهيَ بس تبجي..

ثُرىٰ.. حولوني لغير كليه حولوووني ماااببقى 

اسماعيل.. ولج وين نحووللج صدك تحجييين

ثُرىٰ.. خل احول لغير كليه وامتحاني الغبت بيه امتحنه بالكليه الجديده

مروه... ههههههههه هاي وين لاگيتهه لازم عبالج بعدج بالمدرسه لج بابا هاي كليه اذا حولتي لغير كليه تحولين للأدنى ماتروحين للاعلى فهمتيييي وتعيدين من المرحله الاولى

ثُرىٰ.. ميخالف اروح أي كليه واعيد المهم مااداوم

مروه.. يعني تروحين تربيييه مثلاً وانتِ معدلج ثمانينات

كرفصت وظلت تبجي وترتچي براسهه ع الحايط بهدوء .

مروه.. كملي بس هاي السنه وع السنة التجي حولي لجامعه بغير محافظه

ثُرىٰ.. مااگدر مااگدر سوولي مثل نهى بس امتحن

اسماعيل.. نهى دبرت عليه متفاجئ !!

وعلي بيومهه متت فشله .. ظل يحاول يفتح عينه ويرفعهه .. فتح عينه صارت حمره حيل وتدمت باوعلي صفن بيه شوي وضحك !..ظل لازم عينه يهفي عليهه ويضحك .. والطلاب ميته ضحك ومتفاجئين بيه يضحك .. 

مدري ضحكو عليه مدري ضحكو على ضحكته لان مايضحك ابدد !

ادري شبيك تضحك غير فاگسه عينك.. 

انطبقت الكلمه العراقيه مال "افگس عينك" ..

والله وفگست عينك يماهر ..

اني متفشله وحايره وين اطم روحي..

وهذا ميت ضحك ولازم خاولي على عينه..

طلع عنده مجموعة خاوليات مو واحد..

خوش عمي والله نازك مايحك عينه بايده الا بخاولي اوووي.

بنفس الوقت كومني وكاللي :-

- كومي شرحي يابه لاتفگسين عيني الثانيه 

نزلت راسي متفشله وشرحت الدرس كله ضيعت الريمود مالتي وين . اني اريد انسى الفشله نصيت وظليت اشرح النوب يريد يسكتني ماكو .. تالي اشرلي بإيده وضحك

- بس بس ههه هههههه ههههههه خرب 

.

ظليت ابتسم واتذكر المواقف واحد واحد بكلشي لازم اتذكره بكلششششييي مليييت

ثاني يوم بدلت وتريكت ورحت للامتحان..

دخلت للكليه وگلبي وجعني..

تذكرت اول يوم دخلت بيه وكل موقف وكل ذكرى بكل ممر..

دمعت عيوني وحبستهن احاول اخفي ضعفي..

قريت اسمي..

ودخلت لقاعتي..

ماشاء الله القاعه مليانه هاي كلهه اكمال..

ابو الرزايل بعد منو الينجح عنده ذاك من ذاك بس المجنص..

كعدنه بأماكننه المخصصه وبقينه منتظرين الاسئله .. شويه ودخل للقاعه وعيونه تحوم وتدور مثل الناعور .. التفت لمحني ورجع التفت عليه حط عينه بعيني نظراته تمركزت عليه خزرني بغضب وزفر أنفاسه بعصبيه .

قره الاسئله وصار عصبي رغم دخل هادئ !

ظل يطبطب بحذائه بالكاع ويقره ع السريع لبگ لبگ..

النوب الاسئله تكسر هذا ناوي يخليني سنتين راسبه عنده..

ولا فهمتلي سؤال .. اريد اسأل وخايفه..

واحد سأله نتر بيه ولصمه لصم.

هذا جاي يرجف من العصبيه !!

ورقة الاسئله بإيده ترفرف وإيده تهتز !!

شمر الورقه بعصبيه وطلع !

حتى نسيت القاريته وبس اتذكر بحركاته..

ظليت احل وبتركيز عشتو..

شويه ودخل كال للمراقب مال القاعه جانوا واكفين علينه اثنين كال لواحد بيهم

- روح اانتَ اني اوگف مكانك

- لا دكتور ميصير روح ارتاح

- لا اني اراقب روح رووح

راح المراقب وظل هوَ واكف بمكانه وكف مقابيل القطاع الآني بيه مكتف ايديه ويخزرني بعصبيه..

دنگت احل ورجعت رفعت راسي بهدوء لكيته بعده صافن بيه مكتف ونفس نظراته الغاضبه !

رجعت اركز عود بس كلشي ماكو

الاسئله كلهه يمكن اطلع سؤال واحد اعرفله .. حتى درجة نجاح ماتطلعلي . 

مر الوقت سريع والقاعه بلشت تخلص وبس اني عقلي مطنكر .. شلون بيه هسه النوب هذا قلقني من وره نظراته نسيت كلشي .

رفعت إيدي اريد اسأل سؤال..

- استاذ

اجاني يركض.. وكف يمي ويباوعلي..

جر نفس عمييييق وهمس

- استاااذ هه استاذ

حيييييل صار شكد مسامعهه !!

دنگت مغلسه وأردفت :-

- استاذ هذا السؤال شنو المطلوب تريد اطلعلك؟؟

يباوع لدفتري عاگد حاجبه 

دگ ع الدفتر حيل كال :-

- ركززززي ثُرىٰ ركزززي 

باوعتله بنظرات قلق وخايفه شأركز هذا اكثر سؤال متأكده منه وعود كلت انجح منه.

عزززه بوجهي .. الوقت قرب يخلص وانثبرت اكتب وامسح وايديه كامت ترجف .

يفتر يتمشى سريع ويباوعلي هم انثبر وياي .

كال :- 

- ثُرىٰ كومي تقدمي بالبدايه أبردلج

جاوبت بسرعه

- لا استاذ هنا مرتاحه

- كومي كومي مكانج حار ومدتكدرين تركزين

كمت ركض ارجف 

- اهدأي اهدأي عليمن مخبوصه ابقى وياج عسى ما تخلصين باجر 

شويه ارتاحيت من كلامه..

ظليت احل وامسح..

كل القريته تبخر بالجو..

أيست من روحي..

الورقه تصخمت واليأس امتلكني..

اخر شخص وياي بالقاعه سلم ورقته.

اني شفته وانهديت بجي..

ظليت ابجي وامسح بدموعي ارجف..

هوَ تخبل ظل يروح ويرجع ويباوع لدفتري..

المراقب الوياه كاللي

- بابا اهدي وحلي كدامج وقت لتخافين 

مسحت دموعي وحجيت بصوت مخنوك

- استاذ مااتذكر شي والله نسيت كله طارر

باوعله وكالله :-

- ماهر انطيهه بداية الحل 

باوع عليه ورجع باوع عليه .. عرفته مايريد يعلم .. لو يريد من البدايه وعلمني

كتله :-

- لا استاذ مايحتاج

أيست حيل وسديت الدفتر بعصبيه .. هيَ سنه خل اعيدهه واخلص من هذا الظيم .

من وكفت باوع عليه خزرني وأشرلي بحواجبه بمعنى اكعدي .

مااهتميت اخذت الدفتر وانطيته للمراقب الوياه ماقبل ياخذه مُشفق على حالتي. 

- بابا رجعي حلي حرامات سنه كامله علمود درس

- ميخالف هيَ سنه اعيدهه وهاي هيه

- اني طالع ابقي انتِ ودكتورج خاف ينحرج مني ينطيج راس سطر.

خله وطلع لان يدري بهذا الدهر شديد والكل يعرف بيه .. خزرني واشرلي ع الستيج .

نتر 

- كعدددي

كعدت ومقابيلي الدفتر مسدود ماتحركت اي حركه جامده .

نتر بعصبيه 

- فتحييييه شمنتظظررره 

فتحت الدفتر خايفه وإيديه ترجف 

كال

- طلعي السؤال الثااني

طلعته وبقيت صافنه عليه

نتر

- لازم ماتتذكريه من حضرتج دخلتي اصبعج بعيني 

رفعت راسي عليه

- ها؟؟

نتر بعصبيه 

- من كمتي ودخلتي اصبعج بعيييني بوقتهه هذا درسناه وانتِ بنفسج شرحتيه 

ظليت استرجع بذاكرتي .. والله وتذكرته .. ضحكت ودنگت حليته .. باوعلي مبتسم ..

ورجع ع السؤال الثالث .

- هذا السؤال شرحته الكم من انتِ مريضه والافلاونزا مفوله عندج كمتي تحجين من خشمج لان مطموم ههههه

- يييححح

ضحك من اعماقه .. باوعلي تنهد وصفن بعيني .. دنگت وسويت نفسي احل .

عزززه هذا حتى الفلاونزا مالتي يتذكرهه .. مو ذاكره حاسبه وإبو فاضل هم الحاسبه مو هيج .

ظل يذكرني بهالطريقه واني اتذكر واحل لما كملت .. باوعلي وجر نفس بإرتياح .. حتى ماكلف نفسه وردلي الحل ظل بس يذكر بيه 

سلمته الدفتر باوع لاإسمي وتعكر وجهه .. جر حسره

وهمس :-

- آخر مره موو؟؟

- هاا؟؟

- آخر مره تجين 

- اي 

ماادري منو موصلله اريد احول .. او يمكن هوَ توقع .. مايدري اسماعيل واگفلي وگفه يصيح لانقل ولاتحويل .

ضغط ع الدفتر حيل بحيث نص الدفتر تعكمش .. نصيت راسي وفتت من يمه غمض عينه وجر نفس مثل اليشمني .

رجعت للبيت زايده كآبه ماناقصه .. اذا حولت لازم بغير محافظه وتعاي روحي وارجعي لو اقسام لو خطوط يبوو .

اهو والله دوخه نظام الكليات ومافاهمته من الأصل وولا اريد افهمه .. ابقى بكليتي احسللي .

لميت ملابسي ورحنه لاايران .. جانوا منتظريني امتحن علمود نروح .

الله شكد احساس حلو من صعدت الطياره..

كيفت وطرت..

ظليت اضحك واحشش..

مدري فرحانه لان راح اسافر اول مره بحياتي..

مدري لان حجيت وياه وشفته ارتاحيت لان بهالعطله تعذبت ..

وصلنه اجرنه سويت..

تجنن الاجواء تجننننن..

اخذونه اماكن سياحيه واسواق ومولات ووو تونست حيييل .

غيرت جو والجو هم تغير عليه صرت گطن وخدودي طفرن دم على الجو الإيراني . بارد ومنعش..

رحنه لمطعم كلنه . وگعدنه ع الطاوله مجتمعين حتى وليد اجه ويانه ويحاول يراضي بنهى الحقير طالع على عمه قاسي صارله شكددد هسه يلا فكر حضرته يراضيهه ويرجعهه .

كعدنه ناكل ونسولف..

شويه وبلش الانسحاب التكتيكي..

نهى ووليد راحوا يتمشون..

واهلي كلهم انسحبو !!

- وين وين يااهل الغيره

مروه.. رايحين نشوف ذني المولات ونرجع

- واني؟؟

- ابقي مانطول

- اوف بدت رحمة الله

ظليت انتظر وانتظر وهنه ماكو..

عزه بس لا عافوني...

النوب حتى موبايلي خليته بالفندق..

صخام بوجهي..

والله ولا اطلع حتى لو اجه ابو المطعم.

عسى ما يطردني مااطلع..

خل انزل اكل واكل والله كريم..

توني اريد اطلب..

وسمعت صوت وراي خلاني جامده 

- السلامُ عليكم !!

الفصل السابع عشر من هنا