رواية الضابط واليتيمة الفصل السابع عشر بقلم مجهول
اتغديت الحمدلله طبعا هاي الابنية اكلها كلش طيب ولا عبالك طفلة دائما تثبتلي انو قراري صح انو جبتها لبيتي ودعت الرياجيل وطلعت وية الشباب رجعت ب١ اول مطبيت كلت راح اشوف مينا بالحديقة بس مشفتها حسيت بخيبة امل شوية عبالك شي اتعودت علي كلت يجوز هسة تطلع لهذا كعدت على الميز انتضرت لل٢ وهي ماكو اتذكرت انو هي تعبت كلش اليوم فراسا كمت طبيت للبيت
ولفيت راسي ونمت كعدت على دكة التلفون
-ها احمد صدك ديلى جاي جاي
بلغوني صاير حالة خطف بنية شابة ولازم اروح بدلت وطلعت راسا واني بالسيارة اتذكرت انو مشايف مينا من البارحة عبالك شي اتعودت علي اخر انسانة اشوفها باليل واول انسانة اشوفها الصبح
طببت لكيت امسلميني ٣ حالات وكلها صعبات بين خطف وعصابة سرقة وجريمة قتل ومن اعترضت على كثرة القضايا كالوا بس اني وممنوع الاعتراض خابرت ابوية بلغتة انو ما ارجع اليوم
وبدة شغلي اني متعود على هذا الشي اصلا جنت مستغرب شلون عندي فراغ ذنيج الايام بس اتعودت على الريوك والراحة
يومين او اكثر اني مراجع للبيت قررت ارجع اسبح وانام واكل واطلع رحت طبيت عليهم الساعة ب٤ العصر شفت مينا باوعتلي بصدمة عبالك بية شي اجتي
- انت وين جنت ليش مختفي شنو صاير وياك
- ليش مكلولج
- لا ومسالت استحيت اسالهم
- شغل اني هيج شغلي وهسة وخري لان تعبان
- اصب غدة
- صبي
جنت احجي اثناء مدا انزع الحذاء واثناء مدا امشي دا اروح للهول جانت عندي فكرة وهي اكدتلي هاي الفكرة بتصرفها هذا جنت افكر ليش دائما تشكيليلي ودائما قريبة الي ومن حضنتني هم عرفت انو بدت تتعلق بية ونظرتها اليوم جانت كلش اتوضح هذا الشي فقررت اتاجهلها
من شفتة عبالك شفت ابوية شفت شخص عزيز كلش كلبي كام يدك حيل راسا بديت بالاسئلة الي مسيطرة على عقلي ضوجتني اجابتة ليش هلبرود
بديت اصبلة غدة وحطيت على الميز وكعدت
سلمت على امي وبوستها امي متعودة علية هيج
رحت اتغدة شفت مينا كاعدة كعدت وبديت اكل رفعت راسي شفتها اتباوعلي
- شبيج اتريدين شي
- ها
- ليش اتباوعين
- ها لا ماكو بس شوكت يخلص شغلك
- مالج علاقة بهيج موضىع مينا ( جانت نبرتة حادة وتحذيرية )
- اسفة
-كملت الرواية
- تعبان ما اريد احجي بهيج موضوع
- اوكي
من اتعامل وياية هيج حسيت ادموعي التمت بعيوني ردت ابجي بس سكتت
صعد نام وبعدين طلع بدون حتى ميباوع علية مجرد السلام عليكم وبس وراح مر اسبوع على هيج معاملة ما اشوفة بس دقايق بديت التهي بالتلفون ومرات اتذكر حجية ومرات اصحة على نفسي ليش هيج افكر وميصير واتذكر الي صار بالرواية من اعجاب اخاف اطلع عندي اعجاب الة او مشاعر واني مفاهمة نفسي عزة اذا صدك بس ليش عزة هو يجنن حاصلي اوف بس هو كلش كارهني وميطيقني صاير ليش هيج
غبت عن البيت اسبوع واذا اطب للبيت فمعاملتي وية مينا جافة كلش على كد السلام صح اشتاق احجي وياها واشاقة واشوف خجلها بس ما اريدها تتعلق بية ابد
شكرا لزيارتكم عالم روايات سكيرهوم
