رواية اخذوني دفع للدار فصليه الفصل السابع عشر بقلم زينب نور
ياخذني قطار الليل ترچيه
و أطيح بسچه زلوفك
اليحرگ بابكم مو ريح
روحي متانيه تشوفك
شحلات النوم و طيوفك
اوداعتك كلّك نسيتك
اِلّا بلبل ضال من صوتك بروحي
من أسمعنّه بصفنتي
كل شي بيّه آيكَول آجيتك
*******************************
ليث : نزلت جوه وجان اشوف نهر عيونها حمر وساكته ماتنطق اي حرف رديت عليها اشوف امي ونور ومرت عمي وصدف يضحكن وهيه ولا يمهن سلمت وطلعت ماسئلتها ماريد الفت انتباه احد دخلت للديوان وشفت عباس سلمت عليه ورد عليه كوه احسه وغضب هم كاعد كتله شنو وينك يخوي
غضب : يعني ماتدري بشغلي انته يا ليث جديده عليك قابل شخباركم
شيخ عكاب: اي يا غضب يمته تتزوج ونفرح بيك
غضب : والله يجدي يمكم كلشي الخيط والمخيط (كلمات بصراويه قديمه تدل ع انو بيدكم الحل والربط )
شيخ عكاب : مبروكً يافهد اخيرا اسودنه راح تتزوج
ليث : اي يبا بس انه متزوج لاتحسبوني عههههه
عباس : ليش هوه زواجك هم زواج ينحسب
ليث : اي زواج وفتخر بيه
عباس : صرت ماعرف ليلي من نهاري حبيت كلشي بيها من رجعنه وانه بالي بيت عمي روحي بيت عمي مادري شسوي شلون اخذها مرات اكول شنو جنيت صرت مخبل احجي وي روحي اخ يانهر وين توصليني بعد كرهت حتى ابن عمي الي اعتبره اخوي وصلت المرحله مانام بالليل اكضيها جكاير شنو ذنبي وشنو ذنبها محبوسه بيت بين اربع حيطان واكثر خبر اذاني من اجتني صدف وكالت
صدف : دريت استاذ ليث شمسوي
عباس : بس لا ماذي نهري
صدف : ولك يا ماذيها مخليها ناقله اغراضها بغرفته
عباس : سكتت مارديت وضليت مصدوم لالا عباس مايحبها لا معقوله كل الحجي الي حجا جذب يعني يجذب عليه بس لا بده يحبها وصلت بيه مرحله كلت اخذها اي اخذها وشيصير خلي يصير كعدت افكر وراسي يوجعني كتلهم خلي نروح نشوف جدي عكاب وعمي حيل مشتاقلهم من اربعين علوان مارايحين كلت خلص ماكو كرامه بعد اريد اشوفها رحنه ودخلنه واجه ليث وصار الحجي اخير شي رديت عليه كتله هه من شوكت تفتخر ليش موكله فصليه وخدامه وشبعتها ضرب ومهانه هسه صرت تفتخر
ليث : عباااااااااس الزم حدودك احسلك كبالك ليث مو طفل
عصبني حيل هالعباس بدي اكضها اكطعه خال عينه ع مرتي موحاله هاي شلون اخلص كام وطلع
عكاب : شبيك يبوي ليش هيج ماكال شي غلط
فهد : صحيح ليث ماكال شي
ليث : لارد بس اتنفس سريع من الغضب
غضب : هدي يخوي كومً نروح العمرنشوفه ونشوف عباس شبي همً
ليث : تمام طلعنه بالسياره وصلنه لعمر كاعد ع النهر صافن وجكارته بيده
عمر : لك هلا بالشيوخ هلا شلون ثنين عشاك اصليين
غضب : خههههههه ماضن الشيخ ليث عاشك بعد تغير هواه وغمز
عمر : افا منو غير هوى هالاسد هذا
ليث : سكتون ثنينكم لو شلون
غضب : عمي اسكت لا يشمرنه هسه ومايخسر هواي طلقه وحده بس
عمر : اي ليوثي حبيبي احجيلي عن الغيرت هواك
ليث : تدري بيه اكرهك من تتمًوع
غضب : بداعتي خليه ههههههه يضحكني
ليث : كومً ادبسز من كلي هواك باوعت ع النهر وكتله عيونها يخوي اسمها لو شعرها
عمر : هلا هلا هذا صدك تغير تردده هههههه
غضب : موكتلك دباع شلون صافن خرب
ليث : اسكتو خرب عقلكمً
ضليت اردد بداخلي اخ نهري اخ
عمر : صفنت وكلت اكلك غضب نهر مو نفسه
غضب : اي هيه حسيت بيه راح يحبها بس غلست بس مالت الله لبنيهً كلش حلوه يخوي تاخذ العقل بس اخً هالكلب محجوز
ليث : اسمعه يحجي ومغلس من وصل لاخ كلب محجوز كتله لك كلب اذا حجيت هيج اطيح حضك
غضب : هههههه هلا هلا
عمر : لا لازم نروح للدكتور كوم ليث كوم
ليث : نجبو سرسريهً
عمر : صدك ليث عباس شبيه ؟
ليث : يحب مرتي
عمر وغضب : شنو؟
ليث : اي يحبها السبب انه انه السبب كله مني ماجنت ادري بالي حيصير
غضب : رفعت حاجبي وكتله وشنو الي صار
ليث : مشاعري ياخوي جاي تنجرف الها
عمر : كتلك انه ياغضب مبين عاشك
ليث : سد حلكك عمر يلا غضب مشينه نرجع تاخرنه
عمر : اي اشرد اشرد يجي يوم ونكعد هالكعده وتصيح احبها
ليث : عود بحلمك
غضب : يلا يخوي مع السلامه عمر
عمر : الله وياكمً
ليث : رجعنه للبيت وطول الطريق ساكت دخلنه لكينهً الكل ماكو صعدت فوك فتحت الباب ولكيتها
نهر: الله يساعدك شيخ
ليث : بتسمت بداخلي وكتلها ويساعدج بس بلا شيخ
نهر : انشالله ليث
ليث : جاي انزع وجان عيني تجي ع ايدها نهر شبيها ايدج
نهر : ها مابيها شي بس طاح عليه ماي حار وانه اغسل مانتبهت
ليث : ارتباكها مايدل ع انو هيه صدك محتركه بالماي كتلها سلامتج نتبهي مرا ثانيه
نهر : انشالله
بعد مانزلت جوه للمطبخ اجتني صدف وجرتني كل قوتها اول ماضربتني وكالت
صدف : هاي اخر مرا انبهج ابتعدي عن ليث ابتعدي عنه لا والله اسوي بيج شي اندمج طول عمرج ورا
نهر: انتي شبيج وخري وخري عني كامت ودفعتني طاح عليه الجاي موبس ايدي حتركت بالاساس حتى رجليه متت من الالم ضليت ابجي بسكات
صدف : اذا فكيتي حلكج اطيح حضج مابقى غير القليل واجي هنا واراويج شغلي عدل
نهر : ضليت ابجي وانه ادور عن شخصيتي وينج نهر وين لسانج الي جنتي تاخذين حقج من كل شخص ياذيج اجه بالي ليث تمنيت يحبني حتى يدافع عني خليت وكمت بدلت جانن اكو ملابس جوه ماصعدتهن وطلعت صاحتلي عمتي
قسمه : يمه نهر تعالي يمنه
نهر : اي خاله صار
ضليت انفذ بدون ماحس بشي خلص اريد اخلص
دخلت وكعدت يمهم وشويه ونزل بس اخذ كلشي ويا بنزلته تمنيت اركض وحضنه وابجي واكله اذتني بس بينت ماهتميت لنزلته خله وطلع مستعجل صار الليل وتعشو وغسلت ماعين وصعدت اتمدد دخلت للحمام بدلت ملابسي لبست دشداشه قصيره سوده وفتحت شعري ع طوله لان متعوده هيج انام وانا حيل احب شعري شويه ودخل ليث وصار الحجي الي قريتو فوك شويه ورجع التفت الي وكال
ليث : شلابسه ؟
نهر : ملابس شلابسه بعد
ليث : بكلبي اكول اخ شهالجمال خرب والشعر ذوبنيً
نهر : تصبح ع خير شيخ
ليث : شوهايه بالكاع نايمه وينج ليش بالكاع الجربايه المن خترعوها
نهر: حتى ليث ينام عليها
ليث: بكلبي كلت فدوه لسانها شطوله هههه اوكي تندمين بعدين
نهر : احب نومه الكاع
ليث : اف اريدها تنام يمي نمنه ثنينه وكعدت الصبح لكيتها ماكو نزلت وشفتها سوي ريوك صبحت عليها
نهر : صباح النور شيخ اخليلك جايك
ليث : اي والله ياريت
نهر : انشالله صبيت الجاي ورحت انطيته اله وكض ايدي متقصد كبل سحبته بس مادري شنو صار بيه احس كهرباء دخلت لجسمي احساس غريب امتلك كلشي بيه خليت ورحت للمطبخ بعدت عني الافكار الي سيطرت ع عقلي وبديت اشتغل
في بغداد ....
سامر : حلمت حلم فزيت منه مرعوب حلمت انه كاعد وي لجين بالحديقه وفجئه لجين طاحت بحضني كلها دم باوعت لكيت نهر واكفه واديها كلهن متروسات دم وبيها سلاح وكالت الي ماخليت تفرح وانه محبوسه هناك ماخليك تفرح وانه متاذيه سامر فجئه صوتها تغير وصار اكثر رعب وبدت ملامحها تتغير وتصير كلها جروح فزيت ع ايمن يكعد بيه كل قوته
ايمن : سامر سامر كوم سامر كوم شبيك اكعد
سامر : فزيت ساعه 11:30 بالليل بس حيل مختنك وعركان كلي شبيج ايمن رجعت كتله كابوس كابوس ايمن كابوس وراها كوه رجعت نمت وكعدت الصبح متاذي اكثر من الليل وطول الطريق افكر وانه رايح للجامعه اكول صحيح اختي بسببي تاذت ونحبست ومستقبلها ضاع وانه اريد افرح كانو كلشي مامسوي وصلت للقسم وجان اشوفها بنت كلبي لجين حبيبتي الي متاكد بعد ماصيرالي كملت مسيرتي ورحت وكانو ماشوفها
لجين : عبر من يمي حتى ماباوع عليه حيل نغثيت من تصرفه بس وضعه ماعاجبني كلش كلش حتى وجهه اصفر انتضرت بطلاع الروح تخلص المحاضره خلصت ونزل نزلت ورا ودخلت بدون استاذان
سامر : ها لجين شنو تردين
لجين : ليش هيج تتصرف وياي سامر
سامر : باوعت عليها بحزن وكتلها .....
........
