رواية الشيخ سلطان الفصل السابع عشر بقلم زينب نور
سلطان
طلعت شمس استغفرت ربي شلون وياها لااكدر اعترفلها بحبي ولااكدر اسمع كلامها واسكت شلون بيه منين طلعتيلي ياشمس وانه شبيه موجنت قافل باب كلبي ماحبيت اله هاي الطفله راح تشلع كلبي
نمت
ثاني يوم ٱڵـڝُـًْـُپًٍح كعدت على المنبه دوام عندي بدلت ونزلت لكيت زينب كاعده تسويلي ريوك
سلطان/هلا ام حمزه صباح الخير
زينب/هلا شيخ صباح النـِْـورِِْْ
شيخ انه امس حجيت وي شمس وكالت افكر
سلطان/اي وافقت
زينب/بالخير عليك شيخ انشالله متهناي شمس حبابه وكلبها ابيض
سلطان/انكسر كلبي عليها بس شسوي مو بيدي والله
كلتلها والله ياام حمزه ماكو احد ابيض من كلبج
هي ابتسمت
زينب تحضرو العصر آْنَـتي وحمزه وهيا اطلعكم تغيرون جو اخذكم لمدينه الالعاب وللمول اشتريلكم كلشي نفسكم بي ونتعشه ونرجع
زينب/ببتسامه صدك شيخ
سلطان/اي صدك يله انه اتوكل للدوام
شغلت سيارتي وطلعت
شمس/كعدت ساعه 9 لكيتهم ماعدين ع الميز دا يريدون يتريكون عمو وعمه وزينب وايه
طبيت كلتلهم صباح الخير
الكل صباح النور
كعدت آتــريـ☕ﮗ
انتبهت الزينب
تاكل وتصفن وتبتسم كملنه الريوك بقينه بس اني وياها بالمطبخ هي تغسل مواعين
شمس/زنوبه شو احسج فرحانه اليوم خير انشالله
زينب/يااا ولج خيه نسيت اكلج غير سلطان كال تحضرو انتي والجهال راح اخذكم لمدينه العاب والمول ونتعشه
شمس/كولش فرحت يااا حبيبتي بالعافيه انشالله روحو تونسو
زينب/خيه ماتجين ويانه هم تغيرين جو
شمس/لا حبيبتي هاي طلعه عائليه خاصه روحو تونسو عمري
يله حته ورا لغده نرتب نفسنه شويه للطلعه
كملنه غده سلطان بعده مجاي
خلصت زينب شغلها واخذتها فوك فتحت كنتورها اريد شي مال طلعه ماعدها بس دشاديش وعبي راس
كولتلها ماعندج جبه
زينب/لاخيه ماعندي بس عد ايه هواي اروح اخذ وحده منها
شمس/يله روحي جيبي وحده منها وتعالي
راحت جابت جبه خليجيه مرتبه
رهمتلها شال وياها لبستهم وخليتلها مكياج خفيف مرتب ونطيتها مني جنطه صغيره مال ايد
طلعت مولش مرتبه
بدلت الهيا لبستها الفستان الي جبته الها من بغداد وسويتلها شعرها وحمزه هم بدل تحضرو اشوفهم شلون فرحانين خصوصاً زينب عبالك مدري وين ماخذها كولش انقهرت عليها
شويه وصعد سلطان شافني بغرفه زينب وشافهم مبدلين باوع على زينب شلون كاشخه ومرتبه رجع باوع عليه عرف اني ورا السالفه
سلطان/رجعت للبيت صعدت لغرفه زينب حته اكلها تتحضر تفاجئت شفتها متحضره وكاشخه ومكياج اول مره تطلع وياي بالجبه هي لبسها كله عبي شفت شمس يمها عرفتها ورا لسالفه كلتلهم يله مادامكم متحضرين نتوكل
زينب/سلطان متحاجي شمس تجي ويانه اكللها ماتقبل
سلطان/باوعـ👀ـت على شمس وحجيت وي زينب اذا تريد تجي خلي تجي هلابيها
شمس/حبيبتي زنوبه انتم عائله وطالعين تتونسون روحو تونسو اني شكو بالنص اتمنالكم طلعه ممتعه
باوعت على هيا صحت وين بوستي اجتي تركض باستني يمه يمه بنياتي الحلوات عيون عمتها تونسي ماشي وكولشي يعجبج اخذي اشرت براسها يعني اي كرصتها من خدها وطلعت لغرفتي
سلطان/اباوع الحركاتها والكلامها وهي متجاهلتني كانما مموجود انه سوالفها وي هيا
هي طلعت وانه كلتلهم يله انزلو
اخذتهم وطلعت للملاعيب لعبو الجهال تونسو كل الملاعيب صعدتهن واشتريتلهم ملشي رادو زينب فرحانه حيل والابتسامه تارسه وجهه اخذتهم بعدها للمول طوبتهم كلتلهم شتريدون اخذو
حمزه وهيا اخذو ملاعيب وكم قطعه ملابس وزينب كالت شيخ ســَ✺ــلامَـٰـ✺ـتكْ كلشي مااريد شِفـٍـْْــٰٰتْ محل جبب خليجيه نفس الي لابستها كلتلها هاي الجبه مالتجً
زينب/لاشيخ مال ايه
سلطان/تعالي وياي لهذا لمحل طبينه كلتلها اختاري3
زينب/لاشيخ فدووه العينك ماريد اكلفك
سلطان/زينب اختاري 3 وتكلفيني ﺸنـٌٍـٍوﯛ شًٌـبـٰيج
شو تعالي خلي نختارهن سوه اختاريتلها 3 على قياسها ومرتبات
شفت وحده لابستها الملكانه كلش مرتبه ونازكه وقياسها ناعم
سلطان/اكلج زينب هاي تلبس شمس
زينب/شو اشوفها اي شيخ تلبسها هي ناعمه وهاي تصير عليها
اخذتها وياهن وكلت الزينب هي كل متطلع تجيبلج وياها هاي انتي انطيها الها كليلها منج
زينب/څــوش شيخ صدك البت وين متروح تجيبلي الي وللجهال
سلطان/حاسبت المحل وطلعنه لمحل دشاديش اخذتلها 2 مرتبات وتعشينه واخذت وياي عشه للبيت ورجعنه طبينه لبيت لكيت امي وشمس كاعدات يتفرجن تلفزيون
شمس/هيا اجتي تركض وشمرت نفسها بحضني كالت شوفي عمه شجبتلج هديه
كوتلها شنو ياروح عمه
انطتني لعابه باربي شاورتني كالت اني كلت لبابا اثنين اريد اليه بس اني جبت وحده آلُـ✿ـجُ ووحده اليه
حضنتها وابوس بيها اوووي فدووه الي تذكر عمتها يعيوني. انتي تجنن تشبهج يله شراح نسميها
هيا/نسميها شمس
شمس/لا اسميها هيا ولعابتج سميها شمس
مْـإأڜْـي متفقين
هيا/اي متفقين
زينب/يله تعالو تعشو احنه تعشينه جبنالكم ويانه
الحجيه/حمزه جده صيح عمتك ايه فوك خلي تنزل تتعشه
زينب/اخذت العلاليك وكالت شمس من تخلصين عشه اصعديلي
شمس/اوك حبي
كملت عشه وصعدت لزينب شوفتني شمشتريه جبب ودشاديش وفرحانه بيهن
شمس/تلبسيهن بالهنى حبيبتي كولش حلوات
ايي البسي هيج ارتبلج شنو عبايه قابل من كبرج انتي
زينب/كلهن اختارهن اليه الشيخ
شمس/بكلبي الله يهدي انشالله
زينب/صدك جبتلج وياي وحده هديه مني
شمس/صدووك شواشوفها
الله تجنن عاش ذوقج حبيبتي
تـسـڵِمۭيؖـنْ❀
رحت لغرفتي قستها قياسي فت
كولت زينب متعرف حته تختار ملابس اكيد هاي سوالف سلطان
صفنت وين جانت حياتي ووين صارت لبسي وين جان وهسه وين لبسي
مرت ايام عاديه سلطان مااخلي عيني بعينه ومتجاهله وجوده اصلاً هو الصبح دوام والعصر لليل بالمضيف صارت مشاكل بين عشاير وصارت معدات عدهم بالمضيف كم يوم استمرت صرت لو اشوفه وقت العشه لو يتعشه هو بالمضيف لو بره مرت 10 ايام تقريباً واني حرف محاجيه وياه
صرنه شهر لثامن
اشتاقيت لفوني حيل ضجت ساعه 11 بليل رحت
دكيت لباب على سلطان
فتح لباب باوع عليه كال تفضلي
لابس شورت وفانيله. بــَس وجكارته بيده
طبيت معدت على القنفه
هو مدنك يلعب بتليفونه
شمس/سلطان اريد فوني
سلطان/صار شكد محاجي وياها ومشتاقلها حيل بس ماابينلها عرفتها جايه علمود التليفون
رفعت حاجبي كلت هااا رجعنه لسالفه التليفون عود من اعقد عليج ارجعلج التليفون وتغيرين گـِْـِْلِْ برامجج واذا لكفتج تراسلين او تحجين وي هذا الي اسمه انس احسبي الله ماخلقج افرغ المسدس براسج وادفنج. بيدي وميرفلي جفن
شمس/طريقه كلامه كولش مرعبه واعصاب صاير
بلعت ريكي وكولتله بصوت ناصي
وشوكت نعقد
سلطان/اليوم الثلاثاء نعقد الجمعه عود حضري روحج
شمس/وخوما نعقد وزواج نفس اليوم ترى اني مجاهزه مااكدر اتزوج الثلاثاء
سلطان/وليش متكدرين شنوو السبب
شمس/مااكدر عندي عذر
سلطان/وصلت الفكره كلتلها اهااا ماشي ومنو كلج اني راح اتقربلج اصلاً ترى كتلج ماخذج حته احميج وبس مماخذج حته تكونين زوجه اليه تقربت عليها صرت كلش قريب توقعت راح ابوسها غمضت عًـٍُُيُِِِِوـنُـ👀ــًها حيل
اشرت على كلبها وكلت
لتتوقعين اتمم زواجي عليج وهذا بي شخص ثاني عودشوكت مااشوفك نسيتي وتريدين ياله اتدنالج وهالشي يبقه بينه طبعاً ديري بالج تكولين لاحد حته الزينب ولا اي احد
شمس/بداخلي ارتاحيت وفرحت كوتله
بــَس قبل لعقد عندي شرط
سلطان/هااا رجعنه للشروط
شمس/ايي هو تظل تروح يم زينب وتنام يمها وتقسم ايامك بيني وبينها وتعاملها كزوجه وتنطيها كل حقوقها تمام
سلطان/تمٌـام ست شمس
يله اريد آنام باجر وراي كعده ودوام تصبحين على خير
شمس/مااشي وانت من اهلوو بااي
طلعت رجعت الغرفتي
حسيت نفسي فشلني بــَس كولت بسيطه بدت الحرب وياك يا سلطان
صار يوم الخميس
كالو باجر نعقد
الحجيه/يمه روحي وي ايه للسوك شوفيلج شي تلبسينه للعقد اخذيج ثوب شوف شنو
سلطان/جنت كاعد واسمع امي تكلها ايه تاخذج
كلت انه اخذها ماعندي شي
يله جهزي نفسج حته نطلع
شمس/صعدت بدلت لبست الجبه وحجاب ونزلت
صعدت يمه بالسياره اخذني لمحل بي فساتين كولش حلوات تركيه باوعـ👀ـت عليه كولت وتندل كلشي لازم كاي للمحل ماخذ فستان قبل
سلطان/رفعتلها حاجبي ايي صح جاي مره اخذت واحذ لصاحبتي منهم
راساً فتحت الباب ونزلت من السياره. هي نزلت طبينه للمحل بقت تفتر وكفت على صفحه لابنيه ام المحل بقت تفتر وياها
شمس/الفساتين حلوات كولهن موديل تركي بقيت افتر اختاريت 3 كولت اشوف منو الي يناسبني طبيت لغرفه التبديل لبستهم اختاريت واحد منهم لونه اوف وايت مخصر على الجسم وردنه كيبور وشغل بي حلوو اخذته وطلعت لسلطان حاسبهم وصعدنه السياره كال محتاجه بعد شي كوتله لا
رجعنه للبيت صعدت لغرفتي رهمت وياه حذاء كعب عالي واكسسوارات ناعمه رتبت وجهي سويت قناع. وتنضيف بشره ثاني يوم اجوي اخواته الي بالعمار اثننيهن هنا وجهالهم واجوي بيت خالته اهل ايه وخالته الثانيه وبيت خاله. بس بنات يعني
لبست الفستان وخليت مكياج. ورتبت شعري ونزلت هوسه جوه عيني على زينب مبدله ومكيجه وفرحانه. كلت بكلبي هالعائله امرهم. عجيب فرحانه بخطوبه زوجها
المل بقه يصلي على النبي من شافني
اكه السيد ورا لباب عقدلنه طب سلطان كعد يمي بدون حته ميباوعلي انتبهت عليه لابس قاط اسود وقميص ابيض ومزين مرتب نفسه كولش
طلع من جيبه علبه بيها حلقات اليه واله هو جايبهم
هو اصلاً مزوج ومشفته بيوم لابس حلقه هــًـًســًه جايب حلقه اله هم لبسني الحلقه ساده مابيها شي
لبسنياها ورفع عينه عليه
سلطان/اليوم عقدي على شمس وكلها حايه وهوسه فرحان حيل بس مابينتلها لان بمخيلتها زواجنه اتفاق بس
كاعده بصفي واشم عطرها بس ماباوعتلعا لحد ما لبستها لحلقه رفعت عيني عليها صفنت بوجهه طالعه جنها لعابه
تمنيت بداخلي ماعرفت كل هالاشياء عليها جان يمكن
هسه عيوني متفاركها ابد بس كل مااتذكر صورها وكلامها وي هذاك واتذكر بالشقه تصيح اكرهك ومتخلف احس مالي نفس بيها
الكل باركلنه اليه والها حته زينب فرحانه وباركتلنه طبيعي
كملت الحفله
صعدت شمس وراها بشويه صعدت
اخذت تليفونها فتحته مسحت المحادثه مال هذا انس وحضرته ومسحت لبرامج كلهن وحذفت رقمه هليته بجيبي ورحت دكيت باب الغرفه
فتحته وطبيت بعدها بنفس لبسها تقربت عليها وكفت كبالها بستها براسها
سلطان/الف مبروك
شمس/دنكت راسي كوتله وانت هم الف مبروك شكراً
سلطان/اباوع عليها شكدحلوه طالعه
كلت
هسه انتي صرتي حلالي
شمس/اي اعرف
سلطان/مديت ايدي بجيبي طلعت تليفونها خليته بيدها وطلعت
شمس/من نطاني تليفوني كولش فرحت راساً فتحته اكلب بي البرامج كولهن محذوفات الواتساب مسويته على رقم لندن مااكدر ارجعه عليه بعد
نصبت الفيس راساً طبيت على صفحه انس كلبي طاك عليه كولت اكيد هــًـًســًه مشتاقلي دورت مالكيت صفحته فتحت الماسنجر لكيته حاضرني انصدمت ليش
راسلت صديقتي هناك تعرف بعلاقتنه وهم. صديقته الانس تصير
سالتها عليه كالت موجوده صفحته وياي
وانس موهنا سافر لامريكا وتزوج هناك قبل كم يوم نشر بوست مال زواجه تزوج وحده عراقيه متجنسه بامريكا
واخذت سكرين للمنشور ودزتلياه
شِفـٍـْْــٰٰتْ انس هو ووحده ثانيه لابسين الحلقات والفرحه تارسه وجهه انهضمت حيل بجيت بحركه كولت كوله بسبب سلطان هو الي بعدني عنه وراح اتزوج حته مابدلت ملابسي بعدني بفستاني ومكياجي خًًًًًًًٍٍُّٓـًًًـًًًًًٍٍٍٍٍٍٍُِّرب من البجي رحت فتحت باب غرفت سلطان بدون ماادك.
سلطان/شمس طبت عليه كبل جنت ابدل لابس بس شورت شفتها تبجي منهاره تقربت عليها
شمس شّــْْكو شبيج ليش هيج تبجين
شمس/ردت اصرخ برجهه واكوله انس تزوج. غيري بسببك بس تذكرت الضرب الي ضربنياه واعصابه خفت لـ❌ـلا يضربني وياخذ الفون مني بس يعرف بيه دورت على انس
خليت ايدي على وجهي وابجي كوتله مابيه شي بس اشتاقيت البابا جنت حابه يكون وياي بهذا اليوم
سلطان/مديت ايدي مسحت دموعها وحضنتها خليت راسها على صدري
اششش كاافي ربي يرحمه هسه هو مرتاح لان انتي بمكان امان وعندج اهل يحبونج. ويخافون عليج
كافي بنيتي تعالي وياي
طوبتها للحمام غسلت وجهه
كولتلها يله روحي بدلي ملابسج ونامي ماشي
شمس/مْـإأڜْـي
رجعت لغرفتي نزعت الفستان سبحت و لبست برموده وكيمونه بقيت افكر
يعني معقوله انس هنت عليه وبهالسهوله تخلى عني معقوله سلطان كلامه صح انس مجرد يضحك عليه
وارجع واكول لا مستحيل شفت فوني دك باوعـ👀ـت سلطان جاوبته
سلطان/بقه بالي يمها
اتصلت اشوفها نايمه لو كاعده
جاوبت صوتها مخنوك
سلطان/شبيج شمس
شمس/مدااكدر آنہام مخنوكه حيل
سلطان/تعالي يمي
شمس/ماشي
سديته ورحت لغرفته
طبيت وسديت لباب جان متمدد على الجربايه
صاحني تعالي بنيتي تعالي يمي
سلطان/ساعه11 والكل نايم وانه ماكدرت آنام افكر بشمس خابرتها بعدها تبجي كلتلها تعالي يمي
طبت شمس لابسه برموده حصر وكيمونه والصدر والزنود مبينات
بكلبي شني ياربي تعاقبني جاي هي هسه حلالي صارت وكلها كم يوم وتصير مرتي بس انه نطيت كلمه مااتقربلها لحد ماتنسه هذا انس وتريدني هي ياله
فتحت ايدي كلتلها تعالي يمي
راساً اجتي وشمرت نفسها بحضني
………………..
