رواية دعني احطم غرورك الفصل السابع عشر
جاء المساء ، وبدأ الضيوف في التوافد على منزل حسين الدمنهوري ، الذي أصبح بمثابة قاعة صغيرة لحفل يتميز بالرقي والجمال ،،،،،،
-حسين: اهلا وسهلا ، اتفضلوا ، شرفتونا
-أحد الضيوف: الف مبروك حسين باشا
-حسين: الله يبارك فيك ، اتفضل اتفضل
-سهير: اهلا وسهلا يا هانم ، نورتي
-أحد الحاضرات: مبروك يا سهير هانم ، وعقبال دودي ان شاء الله
-سهير: تسلميلي حبيبتي ، اتفضلي جوه ، خدي راحتك
-حسين: ها يا سهير ، اخبار عروستنا الحلوة ايه ؟؟
-سهير: البنات من البيوتي سنتر عندها من بدري ، وقافلين عليهم الباب.
-حسين : يعني شوفتيها ؟
-سهير: لأ لسه ، بس اطمن ، دول بنات جايين من أحسن وأشهر مركز تجميل..
-حسين: يا مسهل يا رب ، هههههههههههههه ، بس البنات كبرونا يا سوسو
-سهير بدلع : لأ يا حاج ،احنا لسه شبااااب
ثم حضرت عائلة يوسف الكيلاني ويصحبهم أصدقاء العائلة والمقربين منهم ،،،
-حسين: يوسف حبيبي ، يا أهلا وسهلاااااااااااااا باخويا الغالي
-يوسف محتضناً حسين: حبيبي يا سحس ، الف مبروك يا سهير هانم
-سهير: الله يبارك فيك يا بشمهندس
-عايدة: مبروووووك يا سهير هانم
-سهير مقبلة عايدة: الله يبارك فيكي عايدة هانم ، شرفتونا والله ، وربنا يفرح كل الناس
-يوسف: معلش يا سحس يا حبيبي ، اخوات عز مش هيعرفوا يجوا ، انت عارف ان البنتين متجوزين وعايشين مع اجوازتهم بره.
-حسين: ولا يهمك يا جوو ، ينورونا ان شاء الله في الليلة الكبيرة.
-يوسف: ها قولت لعروستنا ع المفاجأة ؟
-حسين: وهي هيبقى اسمها مفاجأة برضوه لو قولتلها ؟؟
-يوسف ضاحكاً : هههههههههههههههه صح ، عندك حق!
-حسين: يالا يا جماعة اتفضلوا ، العروسة هتخلص لبس و زواء وتطلع.
وفي تلك اللحظة دخل عز الدين متآنقاً كعادته ، مرتدياً بدلة سوداء (ميتالك) ، وقميص أسود رائع ، ورابطة عنق سوداء فزادته وسامة وهيبة فبدى مفتول العضلات ، ممشوق القوم ، ساحراً للأعين ،،،،
-عز: مساء الخير يا عمي
-حسين: أهلا بالعريس ، بسم الله ماشاء الله ، ربنا يحميك يا بني .
-عز: الله يخليك يا عمي
-حسين: خش يا عريس ، عروستك هتلبس وتحصلك ، اتفضل اتفضل!
واستمر الحــال لفترة قليلة ، حيث استقبال المدعوين ، إلى أن جاء أصدقاء عز الدين وجلسوا مع باقي الضيوف في حجرة الصالون ،،
-دارين بقرف: ممم ، شكلهم بيئة أوي
-حازم: بيئة ايه يا دودي ؟ دول من أصحاب الملايين !!!
-دارين: so what ، برضوه بيئة.
-لوجي: شوفي عز عامل ازاي ، واو !!
-دارين: نفسي اعرف ايه اللي مميز في البت دي عشان يفضلها عليا؟
-حازم: سيبك منها ، انتي الأصل يا دودي .
-ياسمين: عز شكله gorgeous ، fabulous ، واو
-دارين بضيق: اوووف ، انا مش طايقة المكان
-حازم: لو حابة نمشي ، يالا let's go
-دارين : No way ، لازم افضل موجودة عشان اشوف البنت الـ local اللي اخترها
-حازم: هما يومين يا دودي ، وهتلاقيه فركش وسابها ، مش هيستحمل ، انتي عارفاه مش بيطول مع أي واحدة كتير
-دارين: بس دي خطبها يا حازم !!
-حازم: متفرقش ، تلاقيها بس استعصت عليه
-دارين: مش مطمنة
-لوجي: اومال فين ياسين ؟
-دارين: I don't know
-حازم: هو قال اسبوقني ، وهيحصلنا ، وراه مشوار مهم وجاي.
دارين بعدم اهتمام: اها....
.......
-عايدة: اومال فين عروستنا يا سهير هانم ، كل ده بتجهز؟
-سهير: ماانتي عارفة العرايس يا عايدة هانم ، انا هاروح اشوفها ، لحظة واحدة!
ثم توجهت سهير لغرفة جانا لتطمئن على استعدادها ،
طرقت سهير الباب ، وحاولت فتحه ولكنه كان مغلقاً من الداخل،،
-سهير: جانا حبيبتي ، ها خلصتي ؟
-جانا من الداخل: ثواني يا انطي
-سهير: طيب قافلة الباب ليه ؟
-جانا: عادي يا أنطي
-سهير: دينا موجودة معاكي ؟
-جانا: ييس أنطى
-سهير: طب يالا أوام ، الناس جوم بره ومنتظرين ، وعريسك مستنيكي يا قمري
-جانا بقرف: طيب طيب ، اسبقيني يا أنطي واحنا هنحصلك ، just 2 minutes
-سهير: ماشي يا بنتي
-دينا: يالهوي يا جانا ؟ حرام عليكي بجد
-جانا: احسسسن ، انا عاوزاهم يطفشوا بأي شكل
-دينا: بس مش بالشكل ده
-جانا: مينفعش مع البني آدم الرزل ده إلا كده
-دينا: ربنا يسترررررر بقى ، ده لو مامي عرفت انك وزعتي بنات البيوتي سنتر ، ياني هيكون رد فعلها ازاي!!!
-جانا: متخافيش ...
(( كانت جانا ترتدي بكل بساطة كالفتاة الموجودة في لعبة subway .. الجينز الأزرق ، السويت شيرت ، السماعات على الآذن، الكاب على الرأس ، وغطاء السويت شيرت عليه ، وكوتشى أبيض في أزرق ، وتي شيرت ولادي واسع طويل ، وشعرها منكوش بعضه متناثر على وجهها ، والأخر مختبيء أسفل الكاب ، ولن ننسى السلسة الواسعة كراقصي الهيب هوب ، مع ملاحظة ان وجهها يغطيه التراب وأثار كحل وماسكرة ، فبدت عيونها مخيفة ووجهها بصفة عامة في حالة مزرية ))
خرجت دينا أولا من الحجرة ، ورحبت بالحضور ..
-سهير: ها ايه الاخبار يا دينا كله تمام؟
-دينا بقلق: مممم ، يعني !!
-سهير: ما تتكلمي يا بنتي في ايه؟؟
-دينا: آآآآ... الوقتي هتشوفي يا مامي
وبالفعل خرجت جانا من غرفتها وتوجهت نحو غرفة الصالون بهيئتها التي صدمت الجميع حتى عز نفسه !!!!!!!!!!!!!
-أحد الحضور: هي دي العروسة؟
-أخر: هي عاملة كده ليه ؟
-شخص أخر: شبه البلاك بلوك
-شخص رابع: لأ شبه اللي راجع من خناقة في الشارع
جلست جانا على نفس (الكنبة) بجوار عز الذي مازال غير مستوعباً لهيئتها ،،،
-عز: هااااا .... ايه ده ؟
-جانا: اقفل خاشمك !!
-عز:خاشمي ؟؟ انتي قلبتي صعيدي ؟
-جانا: اومــــال هاخد بتاري منك ازاي ؟؟
-عز: ماشي يا عم حبيشة ، طب قوليلي في عروسة تلبس كده يوم خطوبتها ؟
-جانا: أااه ، أنـــــــــا ، لو مش عاجبك فضها سيرة.....
-حسين لسهير: تعالي هنا يا سهير ؟ ايه المنظر اللي عملاه جانا ده ؟؟ هو ده اللي الفستان اللي اشتريتوه ؟؟ هو ده الزواء اللي كانت بنات السنتر بيحطوه عليها؟؟
-سهير بخوف: والله ولا اعرف يا حاج؟ انا مصدومة ، مشـ.....
-حسين مقاطعاً: الناس هتقول الوقتي ايه علينا ؟؟، فضحيتنا بقت بجلاجل !! لله الأمر من قبل ومن بعد !! فوضت أمري لله !!!!!
.....
-عايدة ليوسف: ايه ده ؟؟؟
-يوسف: باين حد قالها انها حفلة تنكرية مش حفلة خطوبة
-عايدة: انت بتتريق يا يوسف ؟؟
-يوسف بضحك: هههههههههه يعني عاوزاني أعمل ايه؟
-عايدة بغيظ: شوف الناس هتقول ايه علينا ، هنبقى حكاية النادي كله!!
-يوسف: عز كان قايلي ان جانا ممكن تحمل حاجة جنان ، بس الصراحة متخيلتش كده
-عايدة : يعني انت كنت عارف؟
-يوسف: لأ مش بالظبط ، بس من كلام عز عن جنان جانا ، كنت متوقع حاجة زي كده
-عايدة: بس احنا مش هنخلص من كلام الناس ؟؟
-يوسف: كده كده الناس هتكلم و.......
.......
-دارين: OMG ، ايه ده ؟
-حازم: هاااه؟
-لوجي: ياااي ، دي العروسة؟
-ياسمين: يعع!!
-دارين: سوفاج اوي ، شبه البلطجية
-حازم: هههههههههههه دي مجنونة رسمي
.....
-عز بدهشة: الصراحة انتي كل مرة بتفاجئيني !
-جانا بقرف: إياك البعيد يحس ..!
-عز بغرور: لأ مابحسش!
-جانا بضيق : أصلك بارد
-عز: مش أبرد منك
-جانا بهمس: جك حش وسطك.
-عز: بتقولي ايه؟؟؟ سمعيني؟
-جانا تنظر بقرف: بص قدامك
-عز بتريقة : ليه هو انا سايق الكنبة وانا معرفش ؟ يمكن خايفة لأخبط في الكونسور!!!
-جانا: اللهم طولك يا روح ، يا مهون، صبرني ياااااا رب
-عز: المصيبة عمك بيقولي ده بنات السنتر شغالين صنفرة ومحارة في وشك من يومين
-جانا: لييييه ياخويا ؟ شايفني حيطة قدامك!!
-عز : هاقول ايه بس ، ايش تعمل الماشطة في الوش العكر !!!!!!!!
-جانا: طالما وشي عكر ، مالك لازقلي زي البرغوت
-عز: عشان امص دمك يا جميييييييييييييل !! ها ها ها .. بصي شوف المزز اللي اعدين ، اتعلمي منهم
قام عز الدين بالاشارة والتلويح بيده لشلته ومجموعة من الفتيات الذين حضروا ليشاركوه فرحته .. وقد تعمد عز الدين أن يدعو أكبر قدر من الفتيات إلى الحفلة لكي يجعل جانا تغتاظ أكثر وتشعر بالغيرة
-جانا بكل ثقة: هه ، ولا يفرقوا معايا ببصلة
-عز: ياشيخة ، دول ملكات جمال ، كل واحدة من دول ، تحل من على حبل المشنقة ، بصي وملي عينيكي ، مش انتي بمنظرك ده ؟؟؟؟؟
-جانا بحدة: ماهو علبة الميك اب النضيفة ، تعمل م الخدامة مضيفة !!!
-عز بضحكات عالية : ههههههههههههههههههههههههه ، تصدقي صح ، طب ابقي هاتي الميك اب ده ، هينفعك اوي ههههههههههههههه
-جانا بغيظ: اووووووووووف !!!
ثم حضر ياسين وبصحبته أحد الأشخاص،،،
-ياسين وهو يلهث: معلش يا جماعة اتأخرت عليكوووو.
