 |
رواية دعني احطم غرورك الفصل الثامن عشر بقلم منال سالم
حضر ياسين وبصحبته أحد الأشخاص،،،
-ياسين وهو يلهث: معلش يا جماعة اتأخرت عليكوووو..............
-عز وهو ينهض من مكانه بصوت عالي : جيت في وقتك يا سينو، تعالى آصاحبي
استغرب الجميع مما يحدث ، ولكن عز قطع عليهم حيرتهم ،،
-عز: بصوا يا جماعة ، انا النهاردة حبيت أعمل مفاجأة لعروستي اللي دايما بتبهرني
صدرت همهمات عالية بين الحضور
-عز مكملاً : انا جبت المأذون عشان أجوز جانا ؟
-جانا بدهشة: نعم ؟؟؟؟؟؟
-يوسف مقاطعا: ايوووووه بقى يا حبيبي
-حسين بلهفة: شوفتي المفاجأة يا سهير
-عايدة: بجد يا بني؟
-جانا: انت تعبان في عقلك؟
-عز ممسكاً يدها : متكسفيش يا حبيبتي ، ده انتي اللي قيلالي اعمل كده!!
-جانا: يخربيتك ، انت هتجيبلي مصيبة؟
-عز: متخافيش طالما بنحب بعض ، ايه اللي هيمنع ارتباطنا؟
-جانا: استحــــــــ.....
-عز: ششششش ، خلاص انا متفق مع عمك ووالدي ، وهنكتب الكتاب الوقتي ، يالا اقعدي يا عروسة
ثم جذبها لتجلس بجواره ، وبدأت أصوات الزغاريط والفرحة وموسيقى الفرح تعلو في الأجواء ،،،
-جانا: انت اتهبلت في مخك ؟؟؟
-عز متحديا: هتجوزك غصب عنك وبرضاكي وقصاد الكل !!
-جانا: مش هيحصل ، اوعى !
-عز قابضا على ذراع جانا بقوة: مش هتقومي من هنا وهتوافقي
-جانا متآلمة بصوت عالي : سيب ايدي ، ااااااااااااااااااااااه
-عز مستغلا الموقف وبصوت مسموع للكل: اهي يا سيدنا الشيخ قالت ااااااااااااااه ، يالا كمل اجراءاتك
-جانا: انت بتستهبل يالا؟؟؟
-عز: شوفي يا قطة ، انا هكتب كتابي عليكي
-جانا: مش هيحصل
-عز: لأ اعتبريه حصل ، انتي مش هتجيلك الجرأة انك تفضحي عمك وعيلتك قصاد الناس دي كلها
-جانا: لأ أقدر ومش هيهمني حد
-عز وهو يميل نحوها: بصي عليهم كده ، شوفي الكل هيقول ايه على عمك ، ومتنسيش صورك اللي معايا ع الموبايل ، هعمل منهم احلى شغل
-جانا: ميهمنيش ، اولع بيهم
-عز: انتي ميهمكيش ، بس عمك وسمعته تهمه
-جانا: قصدك ايه؟؟
-عز: شوفي بقى الحوارات اللي هتطلع ع صورك وانتي في حفلة حلا ، ولا وانتي عاملة خدامة ، ده انا هدمر سمعتك وكل ده بس عشان اعرف اخد حقي منك بــــ...
-جانا مقاطعة: ده بعينك ، مش هيحصل
-عز: لأ هيحصل الوقتي وهتشوفي
-جانا: أنا مش بتهدد من واحد زيك ...
-عز: تراهني اني مش هطلقك؟
-جانا قابلة للتحدي: احنا أصلا مش هنتجوز عشان نطلق.
-عز بثقة: يبقى انتي خايفة مني عشان شووور هكسب الرهان
-جانا بتحدي: لأ مش انا يا حلو اللي اخاف واكش من ده الوش
-عز: حصلنا الرعب .. مش بالكلام يا شاطرة ؟
-جانا وقد قبلت التحدي: أراهنك انك مش هتكمل معايا اسبوع واحد حتى !!!
-عز: هكتبلك مؤخر مليووون جنية ده لو حصل!! وهنشووووف يا حلوة ، واهوو كده اللعب بقى ع المكشوف!
-جانا: قول على نفسك يا رحمن يا رحيم ، وجهز الشيك من دلوقتي.
وبالفعل تم عقد القران ، وسط دهشات الجميع
-حازم: مش كانت خطوبة ، هي قلبت بجواز
-ياسين: عشان تعرفوا مخ عز باشا لما يتكتك التكاتييك
-دارين بغل: انا كنت حاسة ان في حاجة بيدبرلها عز ، بس ماكنتش اعرف انها هتوصل لكده ، وانا مش هخليه يتهنى مع الـ local دي
-ياسين: بس ايه رأيكو ف دماغه ، شيطان!!
-دارين: وانت يا سينو بتشترك معاه ومتقوليش؟
-ياسين: عندك يا دارين ، انا عبد المأمور ، ولو كان عز شم خبر إني سربت أي حاجة م اللي مخططله كان طير رقبتي ، وبصراحة انا مش مستغني عن عمري ، اصله متهور ويعملها
-دارين بتوعد: وانا هدمرها
.......
-سهير: بقى يا حاج حسين تبقى عارف ان عز هيكتب كتابه ع جانا ومتقوليش ؟ كده برضوه يا حاج ؟ اهون عليك تخبي عليا ؟ اومال لو مكونتش مراتك؟
-حسين: معلش يا سوسو ، هو كان محلفني مقولش ، عاوزها مفاجأة للكل يا ستي
-سهير: لأ اوعى كده ،انا زعلانة منك
-حسين مقبلاً جبينها: وانا ميخلصنيش زعلك ...
-يوسف: ايه رأيك يا ديلة في المفاجأة دي
-عايدة: يعني انت مشترك في اللي ابنك عمله؟
-يوسف: الله ؟ مش انتي كنتي مستعجلة عشان يتجوز وتفرحي بيه ؟
-عايدة: أه ، بس مش بالطريقة دي
-يوسف: يا ديلة ، ده كتب كتاب ، لسه الدخلة بعدين ، وهيتعمل فيها أحلى حاجة ، اطمني يا حبيبتي
-عايدة: لأ مش مطمنة الصراحة ، انا مشوفتش في حياتي عروسة تلبس كده ، ولا جوازة بتحصل بالشكل ده
-يوسف ضاحكاً : هههههههههههههههههه ماهي دي اللي تنفع لعز ابننا
جاءت سهير وهي تحمل صينية الشربات للعروسين حيث جلسا بمفردهما وعلى مقربة من باقي الحضور ، وقام الخدم بتوزيع الشربات على المدعوين،،
-سهير: اتفضلوا يا عرايس ، اشربوا شربات ليلتكم
-عز: شكراً يا طنط
-جانا: ميرسي يا أنطي
ثم أخذت جانا كأس الشربات ودلقته فوق رأس عز الدين ،
-جانا: اطفح بقى
-عز وهو مذهول: ايه اللي عملتيه ده ؟
-جانا وهي تبتعد عنه : بروق عليك يا عريس الغفلة
-سهير بالمناديل: ايه هزارك البايخ ده يا جانا
-عز والغيظ يقتله : سيبيها يا طنط ، هنتحاسب بعدين
ثم جاءت دارين مسرعة من الخارج واخذت تمسح الشربات عن عز بمنديلها ووجهت حديثها لجانا
-دارين: انتي اتجنني ، في واحدة تعمل كده مع عز باشا ؟؟ انتي مش عارفة هو مين يا local انتي ؟
-جانا: مين الاخت؟
-دارين: ياااي ، انا مش عارفة انت اتلميت عليها ازاي دي يا عز؟
-عز محاولة اغاظة جانا: بصي كده يا دارين ، شعري لسه مبلول؟
-دارين بدلع: اوووه يابيبي ، متزعلش ، she's vulgar
-جانا في نفسها : بتشتميني يا بنت الـ...... ، مبدهاش بقى
اخذت جانا كأس الشربات الأخر وألقته على دارين
-دارين: What the f*** ؟ are you mad ؟ انتي عامية ؟؟؟
-جانا: لا مؤاخذة يا ...، قولتلي اسمك ايه ، اه سردين باين !! سوري مشوفتكيش !!
-دارين : لأ انتي قاصدة ؟؟
كانت هناك حرب على وشك الاندلاع بين كلاً من جانا ودارين ، ولكن تدخل حازم وابعدها فورا
-حازم: تعالي معايا يا دارين ، calm down بليز
-دارين: اهدى ازاي ؟ انا هموتها بايدي بنت الـ... دي
-حازم: مش وقته ، تعالي بس
.....
-ياسين: الله ؟ مش انتي انتي ، ولا انتي مش انتي ؟
دينا: أفندم ، حضرتك بتقول ايه؟
-ياسين: ايه معرفتنيش ؟
-دينا: no ، مش فاكرة
-ياسين: لا يا راجل
-دينا: what?
-ياسين: لأ مش معقولة ازاي نسيتيني بسرعة كده ؟
-دينا: وهو أنا اعرفك أصلا عشان أنساك؟
وهنا جاء حسين
-حسين: مشوفتيش يا دينا مامتك ؟؟
-دينا: دادي الـ.........
-حسين مقاطعا: مين ده ؟
-ياسين: اهلا يا بشمهندس حسين ؟ حضرتك مش فاكرني؟
-حسين: لأ
-ياسين : ازاي يا فندم ، ده أنا رأفت ، قصدي المهندس ياسين رأفت
-حسين بلا مبالاة: اها ... طب يالا يا دينا تعالي ، عن اذنك !!!
........
انقضت الليلة على خير ، مع وعد من كلا الطرفين بالانتقـــــام ، حيث دقت طبول الحرب ، وتم رفع رايات الهجوم ، وكل شيء مباح في الحرب و ... الحــــــب !!!
