رواية الضابط واليتيمة الفصل الثامن عشر بقلم مجهول
خلص ضغط الشغل وكدرت ارجع للبيت من وكت وصدفت انو خميس فصار عندي عطلة دخلت للبيت مشتاق للكل طبيت سلمت دورت بعيوني على مينا ماكو
سالت عليها كالو مريضة ومخلينها ترتاح
كلبي كام يدك صدك مريضة شبيها كالوا بس افلاونزة صعدت لغرفتي عساس انام ضليت اتكلب مكدرت نزلت ليجوة شفت ماكو احد خابرت على ريهام كالت طلعنا خالتي تعبانة وامي اتريد اتشوفها والولد راحوا وياها كلتلهم ومينا شلون اتعوفها وحدها كالت طبينالها كالت ما بية شي
رحت يم غرفتها ودكيت الباب
-ادخل
دخلت جانت منطية ظهرها للباب شوية وكامت اتكح من مسمعت حجي التفت شافتني واكف كامت
- وليد
صوتها مبحوح كلش
رحت جريت كرسي وكعدت يمها
- شبيج مريضة
-ما ادري كعدت لكيت روحي هيج انت شلونك اتغديت اروح اصبلك
- اي اتغديت اكعدي ارتاحي
بدت صخونتي اتزيد وكلش بديت اتعب وفجاءة اندكت الباب كلت اتفضل عبالي ريهام بعدها موجودة
انفتحت الباب بس محد حجة التفت شفت وليد كبالي انصدمت
اجة اتقرب جر كرسي وصار مقابيلي شفتة تعبان وضعفان سالتة على الغدة كال متغدي
حسيت ببرودة وضليت الفلف الغطة بس اريد ادفة شوية وحسيت ايد باردة على راسي رجعت راسا ليورة وشهكت من البرودة
من رجعت ليورة
- ششش اثبتي خلي اشوف صخونتج
رجعت حطيت ايدي عليها حرارتها عالية مثل الجمرة
طلعت رحت للمطبخ سويت كمادات وحطيتة عليها وكل ما احط اضل اتكمز من كثر صخونتها كامت اتهلوس بالحجي
جبت غطة ثاني حطيتة عليها شفت حرارتها انخفضت كومتها من الفراش شفتها متكدر تمشي شلتها بيدية ووديتها للحمام حطيتها بالبانيو رجعت للغرفة جبت الها ملابس تراك وملابس داخلية ومنشفتها طبيت للحمام علكت غراضها
- مينا مينا
ضليت اضرب على وجهة على كيفي حتى تكعد فزت
- هاها باردة وليد باردة
- اثبتي
فتحت المي الدافي عليها
- هسة تدفين كومي انزعي ذني لان عركتي بيهن واسبحي والبسي ذني جبتهن الج
مالت على رجلي وهي لازمة ايدي
- ما بية حيل وليد ( تحجي بصوت كلش ناصي والمي يوكع عليها )
- كومي بلة دلع يلى مينا يلى (كومتها لازم ايديها ثنينهن)
- ما انت نزعني
- مخبلة انتي لو الصخونة ماثرة عليج
- ما (ووكعت بحضني)
بللت ملابسي هم اللهم طولج يا روح
- مينا ( بصيحة )
كعدت ورة مسمعت صيحة وليد وليد شنو وليد شجابة اتذكرت من طب للغرفة ليش مجنت احلم صدك هذا وليد حسيت بايد على ظهري راسا فزيت ووخرت اني امبللة وبالحمام
- هاي شنو
- زين صحيتي هاج ملابسج اسبحي وبدلي ذني ملابسج عركتي بيهن
اخذت الملابس منة وطلع وعافني وسد الباب لحد هسة ممصدكة الي صار جنت بحضن وليد ما انكر انو هو ما فاركني طول هاي الفترة طول هلفترة احلم بي لدرجة كمت ما افرق بين الحلم والحقيقة مثل اليوم بالضبط كلبي لساعة يدك حيل
رخيت جسمي بالبانيو واتذكرت البارحة اتذكرت شنو الصار وخلاني اتمرض هيج حتى مرضي هو السبب بي
قبل يوم
جنت بالمطبخ انظف الساعة ب١٢ رحت للهول عمود ارتبة سمعت خالة وليد وامة يحجون
- مناوية تخطبيلة
- منو
- وليد
- والله يوم المنى الي اشوفة عربس بس وين ميقبل
- يمعودة غصبن ما علي انتي بس هددي برضاتج علي يقبل واني اشوفلج بنية ترهملة
- منو قصدج
- شبيج ريومة بنتي حلوة وعايشة ويا يعرف اطباعها وتعرف اطباعة
- بس
- لا بس ولا شي اصلا انخلقوا لبعض تذكرين من جنت اشاقيج واكلج ما انطيج بنتي هسة اكلج انطيها لان ماكو احسن من وليد
- وليد ما تكدر اتحكم بي او افرض علي وانتي تعرفي شنو وهو يشوفها عبالك اختة
- انتي بس حاولي ويا وهسة اتشوفين
- ان شاء الله والله ريومة خوش بنية
عفتهم ورحت اركض كلبي يوجعني وكعت بالغرفة مالتي وضليت ابجي بحركة ليش لبش واضرب على صدري ما اعرف ليش هيج احس شبي كلبي معقولة احب وليد ياربي ليش هيج راح اتخلين احب واحد ميحبني ولا يطيقني وراح اتخليني اشوف عرسة واني اخدم الناس بي
اوف يا ربي ما اريد كملت اليوم بالكوة ما اعرف شلون كمل
كل ما اذكر الحجي ابدي اطك بجي شلون شسوي هسة ضليت بالبانيو سمعت دك الباب فزيت
- ممنو
- شنو بيج شي شو اتاخرتي
- لا لا هسة راح ابدل
- تعاي للهول شغلتلح تدفئة
كمت ابحي وما جاوبتة حتى ليعرف هسة شلون شسوي
كملت تبديل وطلعت طبيت للهول مكان دافي وهو ماكو كعدت اجة شايل غطة خفيف اجة يمي
- وخري ظهرج
وخرت ظهري وحط الغطة علية لفيتة بيدي وغطاني كلي
- تدرين هذا الغطة مال جهال بس انتي هلكتوتج ( وسوة حركة بايدة اتبين حجمي الصغير)
كام راح جاب صينية وطب كعد مقابيلي الصينية بيها طاسة شورية وصمونة وكلاس مي وادوية
- يلى اشربي الشوربة واكلي الصمونة
- ما ما اريد ( وحطيت ايدي على حلكي )
- شنو متريدين يلى بسرعة لتخليني افتح حلكج وادخلها كلها ( بحدة وخنزرة)
اخذتة من ايدة وبديت اشرب شوية شوية وهو يدور بالادوية ويقراهن
- اكلي الصمون هم
بديت اكل عبالك عندة عين ثالثة بس شكد حلو اهتمامة يربي
اتذكرت الحجي وبديت ابجي وادموع اتصبصب
ايد وليد رفعت وجهي وشفتة يباوع بوجهي بستغراب
- شبيج
- ما بية ( ووخرت وجهي )
رجع ايدة ومسح دمعوي
اسكتي وكملي اكلج وهاي السالفة مراح اتعدي هيج الة افهم شبيج
كملت الشوربة وشربت الادوية واريد اكوم اروح لغرفتي مقبل
- نامي هنا هاي تدفئة وغطة ومخدة هنا اكدر ابقى وياج بس بالغرفة ما اكدر اطبلج منا لما تجي امي وريهام
- اممم حجيت بدون وعي عبالك انطاني منوم
الجو صيفي ومو مال افلاونزة جنت شاك ومن شفت ادمعوها عرفت مرض نفسي اكو سبب لمرضها المفاجئ هذا بس لازم اعرفة
نامت كبالي ضليت اباوع عليها هادئة وعبالك طفلة ناعمة وبريئة
