رواية بنات الحجي السعيد الفصل السابع عشر بقلم شمس العراقية
بيداء ـ أباوعلها شلون لازمه أيده وهو ما أعرف شـنو يحجي وياها للحظه گلشي ثار بيه ركضت عليها دفعتها وصحت بيها شعندج لازمه أيده تذببين روحج على رجلي عبالج ما أعرفج من أجيتي لحد الان عينج عليه ادبسزز أحجي وأدفع بيها ونائل يحاول يسگتني ويسحبني لداخل لان شبه فقدت السيطره على نفسي وتخبلت
نائل ـ يمعوده صوتج فضحتينا بيداء گافي ولج صوتج فضحتينا أنتِ فاهمه الموضوع غلط ماكو شيء من البالج لاتصيرين خبله
بيداء ـ على صوتنا كل أهل البيت طلعوا وخالتي وأمها
وهو لازمني ودفعته بكل قوتي وخر أنت هم خاين شتفرق عنها والله يدري يجوز بينكم علاقه قبل لاتزوجني ومسوي روحك الشريف والعفيف والحبيب الوفي كلكم جذابين الله يأخذكم .
جواهر ـ شگو تصيحين وصوتج شعلوه فضحتينا وأذا أكو بينهم علاقه بنت عمته شگو بيها وأني أريد ازوجه وأشوف خلفته
بيداء ـ خاله تردين تزوجينه
جواهر ـ أي لعد اضل أنتظرج لما تجيبلي ولي العهد شو صارلج شگد ما حبتلي حتى زوجة ليث صارت حامل وأنتِ لحد الان أضل اباوع على هاي وهذيج وأني رايحه بحسره شوفة حفيدي .
نائل ـ يمه گافي مو وگته هالحجي يمــــه لخاطر الأسلام سگتتتتتتي عاد
بيداء ـ أي عادي وتسسوينها شتفرق عندج لان بواكه الزلم من نسوانها تسوي الاكثر مو أنتِ زوجة ثانيه عادي عندج تزوجين أبنج وتهجمين حياته لان تردين الكل يصير مثلج .
جواهر ـ انجبي وأحجي عدل نائل سگت مرتك .
نائل ـ أمششي للغرفه گافي أمششي .
بيداء ـ وأنتِ الثانيه عاجبج بنتج لازمه أيد متزوج ولو ما أستغرب أنتِ معلمتها ودازتها لان العايف بيته ويوميه بيت وتكشخ بناتها كدام الرايح والجاي كلشي يطلع منها .
نائل سحبني من أيدي وتماضر تباوع بنظرات شماته وأستحقار گلبي أشتعل بنار ردت أهجم عليها بس نائل أقوى مني وأخذني الغرفه وأني أدفع بي وصلت ودفعته ودخلت قفلت الباب روحلها خاين حقير جذاب
نائل ـ بس خل أفهمج بعدها بيج خير وأحجي بس لاتأخذيني بصياحج أنشهرنا وعلي صوتنا وصل بيت عمي رشيد هو هيج گبل تهجمتي بدوه ما تعرفين ليش ..
ـ ما يحتاج أعرف عرفت كلشي منزل رأسك وتحجي وياها وهي لازمه أيدك لو صدك ما عندك شيء جان سحبت ايدك منها مو الا وصلتكم هذاك الوگت سحبت ايدك وهي عادي عدها تباوعلي بإستحقار .
ـ ولج مو تدرين بيه أتنفسج وما تحلالي مره غيرج أنتِ ليش خبله وخبلتيني وياج .
ـ جذاب حبك كله جذب والله العظيم مبين عليكم أكو بينكم علاقه وكلام أمك أكدلي هالشيء وتريد تزوجك بحجة ما يصيرلنا أطفال وشفتك واكف عمتك وتسولف ومن شفتوني سگتوا هاي شـنو معناها لما أكو بينكم شيء .
ـ فتحي الباب خل نتفاهم
ـ مـا أفتحه روح منــا نائل .
ـ بيداء گافي خبال حبيبتي فتحي فدوه لعينج
ـ مــا أفتحه لاتحــاول روحلها شگد مگابلني روح گمل الحديث الغزلي مالتكم لان أني قاطعتكم .
ـ ساعه السوده الفكرت أجي بيها للبيت دفتحي عاد
ـ ما جاوبته وسمعت صوت خالتي تحچي وياه
جواهر ـ عوفها وأنزل وصل عمتك وأني بعدين أحجي وياها هي خبله عقلها طگه ونص عبالك طفله وتزعط بروحها ، يله أنزل شگو مگابل الباب جاهل أنت .
نائل ـ گله منج أنتِ السبب
جواهر ـ أني شعليه وردت تتزوج التحبها وزوجتك شسويلك بعد فوك سوالفك التصخم الوجه أمشي وصلهن ولاتضل ملاحگها ترى تركبك وما تخلي شخصيه لنفسك البسها وهي تجر عدل يله تحرك .
بيداء ـ أختفى صوتهم گبل دزيتله رساله أذا رحت ووصلتهن تحلم بعد تشوف مني نظره ومثل ما حبيتك وثقت بيك وبحبك أرجع أكرهك وترجع شخص ما أعرفه والله أسويها اذا رحت .
ضليت أنتظر وصلت بس ما شافها وبجيت وشويه وصلتني رساله من عصماء .
عصماء ـ شگو شصاير وياج ليش صوتكم طالع
بيداء ـ گبل أتصلت عليها وبجيت عصماء محتاجتج
عصماء ـ شبيج ليش تبجين ، أهدي أهدي شصاير
ـ أختنگت حيل وحجيت الها گلشي ومتواعدين ومحضره حبشكلات لسهره وگالي راح أعوفهم وأجيج ما عبالي منتظرني حيه تهجم حياتي .
ـ من شوگت أجتي
ـ أجتي تعلل هي وبنتها وأني من زمان أشوفها تباوعله بس ما مخليه بالي شمدريني جنت غبيه بس هسه تخبلت من شفتها لازمه أيده وتعاركنا وهسه عافني وراح يوصلهن البيت بعد كلشي صار عادي عنده وسمع كلام أمه سمعًا وطاعه ومشى يوصلهن وعافني أحترك بنار گلبي .
ـ والله ما أعرف شگولج بس من أيدج هالشيء لاتنسين نفسج بيداء أنتِ هواي غلطتي بحياتج!
ـ ما فهمت شتقصدين وشدخل
ـ كُل ساقيٍ سيسقى بما سقى، و لا يظلم ربك ٲحدآ الدنيا ستدور ، و المشاهد ستعاد ، و الأدوار تتبدل من قهرَ سيُقهر، "فإن الله يمهلُ ولا يُهمل وكما تُدين تُدان
ـ متشمته بيه عصماء هاي وأنتِ أختي وأجيتج محتركه بنار گلبي وأحجيلج هيج تگوليلي
ـ ما متشمته بس رب العالمين عادل وهاي عداله ربانيه لا كيفي ولا كيفج ولاتنسين شسويتي بحياة مهيب حتى لو هو الدخل حياتج جان بإيدج حل بس أنتِ عجبج الوضع وأستمريتي بخراب حياته وزوجته الها حوبه والله يدري كم ليل مر عليها مخليه رأسها عالمخده وتبجي وتشكي لربها ومثل ما تسلطتي على رجلها الله سلط عليج تماضر ولو بعد حين وهذا حق .
ـ بس أني تَبت وفتحت صفحه جديده بحياتي وحبيته والله حبيته يعني من كل عقلج تحجين مستحيل تكونين أخت وتحسين بأختج .
ـ حاسه بيج منو گالج ما حاسه ومن وصلني الخبر راسلت باسل گالي ما يدري شگو وحتى منعني أتدخل رجال ومره ما عليج بس أني ما صبرت .
ـ نار بگلبي عصماء نار والله تَبت يعني معقوله يسويها ويتزوجها لان خالتي تريد تزوجه لان ما يصيرلنا أطفال
ـ لا نائل يَحبج أن شاء الله ما يسويها وأني أحجي ويه باسل وأحاول أفهم منه السالفه وخالتج گبل تريد تزوجه والله ماحملتي يجوز العيب بإبنها ليش ترجع بس عليج
ـ أوف عصماء لو تشوفينها شلون حجت ضربتني طلقه
ولا فوك القهر راح وصلهن مستحيل يرفض طلب لأمه
يركض ركض كدامها مثل الواحد لازمه عليه لزمه ويخاف
ـ لا أن شاء الله ماكو شيء بس أنتِ هم ديري بالج من تماضر وخليج حذره منها وشگد ما تكدرين أبعديها عنكم وأكسبي زوجج .
ـ ليش تعرفين شيء عنها
ـ ها لا شعرف قابل بس هيج نبهتج
ـ لا تعرفين لان گلبي حاسني جان بينهم علاقه لان ماكو هيج ميانه تلزم ايده وهو عادي عنده وما منعها الا اذا هو عاجبه الوضع .
ـ أنتِ وين هسه
ـ بغرفتي قافله الباب
ـ من يجي فتحي الباب وأكعدي احجي وياه لاتخلينه لوحده وينفردن بي اسحبي لجانبج وأكسبي حتى لو مخليات أبالهن يزوجنه اذا أنتِ تضبطين امورج ما يكدرن يفرضن كلمتهن عليه .
ـ تمام يعني أفتح الباب
ـ أي وخابري سألي شوفي وين صار
ـ تمام خيتي
ـ يله گومي غسلي وجهج وكافي تبجين وتقهرين بروحج والصبح راسيلني وطمنيني عنج
ـ تمام خيتي وأنتهى الأتصال لكيته مراسلني
ـ ما خفن خبالاتج راح أوصل والكه الباب مفتوح
ـ وأذا مــا فتحته شتسوي
ـ أكسره على رأسج لاتخليني أتصرف تصرف ما يعجبج .
ـ لا مـا يحتاج تكسره تعال وتلكي مفتوح بس ما تلكاني!
ـ ليش وين موليه ما الكاج لاتكومين تخربطين جايج
ـ يمكن تلكاني جسد بس ماكو روح التحبك مثل قبل
ـ وشسويت هيج تحجين وحكمتي بدون ما تسعمين
ً ـ ما سگتت أمك من گالت أريد أزوجه وأشوف خلفته
يمكن صُدك تريد تزوجك!
ـ وأنتِ شعليج بالحجي ليش منو اليزوج أني لو هي
ـ ما جاوبته وگمت فتحت الباب ولگيته يم الباب دخل وقفل وأني مشيت وأجاني گبل حضني ويبوس بيه عوفني نائل
ـ والله ما أعوفج زعلانه مني واللي صار ماكو شيء من بالعقلج وزواج ما أتزوج شيلي هالفكره من رأسج لو مو أمي تطلب مني لو كلها توكف ضدي ما أكسرج .
ـ حضنته من وجهه وأذا ما جبتلك طفل
ـ لا بيدي ولا بيدج وليش هالتشائم وبعدنا قابل صارلنا خمس سنين من متزوجين وهالشهر أذا ماكو أخذج الدكتوره وسوي فحوصات كامله .
ـ أحلف ماكو شيء بينك وبينها قبلي
ـ حتى لو جان أكو ما يهمني المهم عندي أنتِ الأنسانه الحبيتها ومستحيل تجي وحده تأخذني منج لا تماضر ولا غير تماضر فاهمه خلي هالشيء بعقلج أني أحبج الج وحاربت كل أهلي وعاديت أخويه بس علمود تكونين اليه .
ـ حضنته أني أموت ولا فكره تروح لغيري والله أموت من دونك أني من حبيتك شفت الدنيا شگد حلوه معتبرتك أهلي وسندي وعزوتي وگلشي بحياتي .
ـ أسم الله عليج يومي كَبل يومج وشُــنوْ حياتي مَن دونچ ، لاتجيبين طاري الموت على لسانج وكافي تبجين شو تعاي .
ـ سحبني لفراشنا ونومني بحضنه ويبوس بيه بَس حسيته مــا مِرتاح وصافن ومن أباُوعله يِبتسم شُـــنوْ الشاغل تِفكيرك كُولي حبيبي .
ـ مَحد شَاغل تفَّكيري بَس أنتِ
ـ لا أحس بيك شيء ثاني صَفناتك مو خَاليــه!
ـ ماكو شيء حبيبتي خلص نامي كافي تَفكرين وتوهسين .
ـ باسني وحضني ونمنا والصبح راح الشغل وخابرت عصماء وحجتيتلها كُلشي تتصورين يُكون صَادق بكلامه .
عصماء ـ أي ليش لا وأنتِ هم حاولي تِخلينه قريب منج
وهالشهر روحي الدكتوره شوفيها شُنــوْ تُگولچ .
ـ تمام وخالتي وكلامها البارحه
ـ أنتِ ليش صايره ضعيفه ما جنتي هيج
ـ أختي الزواج يكسر العين وخاصه موضوع الأطفال أحس عاجزه عن كُلشي وكلامها البارحه يأكل بَگلبي خايفه منها تسويها لو تشوفين نَظرات نجلاء وتماضر حقاره
ـ وشعليج بيهن
ـ طيب إذا أكو علاقه حُب قديمه بينهم قَبلي ليش تزوجني وما تَزوجها وهسه رجعتله وخالتي تسمع كلامها تريد تزوجه بحجة الأطفال وأني شنو الهدف من هالزواج حتى لو يحبني ليش يسمح الها تلزم إيده ومــا منعها حتى والله راح أتخبل
ـ هسه هو مو كالج ما أتزوج ليش عقلج بس بيهن عوفيهن .
ـ وإذا عفتهن يعوفني ما أدري عصماء ما مرتاحه .
ـ لا أن شاء الله ماكو شيء ، أنتِ عليج بنائل وبس
ـ تمام يله باي شغلتج وياي وبمشاكلي
ـ لا يمعوده والله بالي يمج وشطالع بيدي عليج
ـ يِكفيني دعمج اليه
ـ تدللي
ـ مع السلامه ونزلت ولكيت سليم موجود كاعد يتريك بالمطبخ عبرته وصبيت الجاي
سليم ـ شنو هالصياح البارحه أهلج ما گالوا الج صوت الحرمه عوره ولازم ما تعلي صوتها .
بيداء ـ علموني بس أكو أمور تتطلب الصوت العالي واظن مشاكل خاصه
ـ مشاكل خاصه وصوتج واصل سابع جار لا هواي خاصه
ـ وأنت شعليك تتدخل
ـ أحترمي نفسج ولج لا أكوم اكسر حلكج الخايسه قليلة تربيه نسوان أخر وگت يحبن ويتمعشكن ويصيرن أمهات بيوت عوذه حتى عوذه .
جواهر ـ شگو شبيكم .
سليم ـ علمي جنتج الاصول الأحترام لا أني أعلمها .
بيداء ـ گام وطلع وخالتي باوعتلي وسألتني وجاوبتها
جواهر ـ وهو شعلي يتدخل بكلشي حاشر خشمه عوفي ما عليج منه هو خبل
بيداء ـ اي وكعدت أتريك وهي وياي خاله
ـ ها عيني
ـ كلامج البارحه
ـ شبي
ـ صُدك تردين تزوجين نائل .
ـ أنتِ ما أحترمتي وحجيت بعصبيه ونائل أجاني الصبح وحجالي وأذا عالزواج ما بيها شيء بس اذا حملتي محد يجيب طاري الزواج وليش يتزوج شو أخذج على حب وحلوه ما ناقصج شيء واذا جبتي حفيدي بعد شيريد أكثر .
ـ الله كريم ، وگملت وصعدت فوك لكيت نجاح تنظف غرفة أخوها وأخذت ملابسها وعافن الفوك عليه گمت نظفته وغسلته ما خليت شيء ولكيته متصل عليه وحجينا بس خايفه من المستقبل خايفه وراقبته وشفت موبايله وحساباته ما لكيت گُلشي وتماضر ما مصادقها بس رغم هذا حاسه ضام عليه شيء!! لأن من يوم المشكله هو دايخ ومرات الكاه يم عمتي يسولف هو وياها من يشوفني يسكتون كإنما غريبه أو عدهم سر
وصارت مشكله جنات وأنصدمت بيها من عرفت التحبه متزوج وما أستغربت من تصرف خالتي وموافقتها على هالزواج لان تريد الكل يِصير مثلها .
وراسلت عصماء أريد أسألج على حماتج جنات؟
عصماء ـ سألي شبيها جنات
ـ صدك حبتلها متزوج وعايف مرته يعني هم عدها صخام أمري من عندي
ـ لاتتدخلين بيداء.
ـ يعني صُدك
ـ أي بس ما عليج .
ـ ها هيج الحجي طلع هم عدهن خياس عبالي بس أحنه عدنا أثاري وين مـا تروحين تلكين خيسه وأني توقعت بس أني جذروي معفنه .
ـ أنتِ أعرف بنفسج وكلمن يعرف بنفسه وبإخطائه وماله داعي هالحجي خليج بروحج واللي سمعتي سدي حلكج ولا تحجين بي عيب الله وصى بالستر مثل ما الله ستر عليج ودزلج نائل هي هم الله يستر عليها برجال نفس نائل يحبها ويخاف عليها .
ـ مو كلهن يغلطن الله يعوضهن مفهومج غلط
ـ غلط مو غلط ما عليج .
ـ لا يبوي شعليه سسويت اللي عليه تجاهه وما تتدخلت وخالتي مـا مقصره وياها تركض بأيدها ورجليها ما جاوبتني ..
وأجه موعدها وماكو حمل ونزلت وكعدت أبجي وخالتي ونائل منتظريني وعرفوا وخالتي ضاجت بس هو ما بينلي وضل وياي مساندني ومر كم يوم وأني وياه وخالتي تجهزنا نروح الدكتوره يگولون زينه عسى ولعلى .
جواهر ـ خاف تسألج شتأخذين لاتكولين الها أخذ أعشاب ومقويات!
بيداء ـ ليش خاله
ـ هنا كلهن هيج ما يعترفن بالاعشاب يردن بس شغلهن يمشي اني تزوجت ما صارلي أطفال ذكرولي وأخذت أعشاب ومن رحت الدكتوره ما رضت بس والله عفتها وأستمريت على الأعشاب وحملت بـ نائل .
بيداء ـ ماشي خاله ودخلنا الدكتوره أني وخالتي ونائل ضل برى وسوتلي فحوصات بس ما حجت وگملت التحاليل ورجعتلها
جواهر ـ ها دكتوره بشرينا
الدكتوره ـ جنتج لـو بنتج .
جواهر ـ جنتي ومثل بنتي ماكو فرق .
ـ جنتج ما بيها شيء بس راح انطيها مقويات ومنشطات وعدها نقص فيتامينات هم راح أكتبلها على علاج والله كريم وشهر ورجعيها عليه وان شاء الله ترجعلي حامل .
ـ الله يبشرج بالخير
بيداء ـ وأخذنا العلاج وطلعنا وخالتي تحجيله بس هو باله مو يم خالتي باله وعيونه يمي أني هزيت رأسي شبيك جنت كاعده ليورى وكدام أمه كالي
نائل ـ أحبج .
بيداء ـ أني هم وباوعتلي خالتي وضحكت علينا ورجعنا البيت وصعدت غرفتي وهو شويه وأجه گبل حضني ويبوس بيه لاتخاف گالتلي كلشي ما بيج وأن شاء الله شهر الجاي أحمل
ـ منو كالج خايف ، ان شاء الله حبيبتي بس أنتِ لاتضوجين
ـ أذا أنت بحياتي ليش أضوج
ـ يا بعد روحي أنتِ .
ـ وجوده وكلامه وأبتسامته كلشي يخصه هو المصبرني على هالحياة وبيوم تعشينا جاي نشرب جاي
وخابروا نائل عصماء تتولد ورحنا عليها وگلبي تكطع لان وحدها تمنيت أمي موجود وبقيت وياها ونائل يمي توقعته يروح بس ما راح ضل ويانا للصبح وأمي أجتي وفرحانه وتسولف وياها وأني نظراتي مليانه حزن وطلعنا بيت عيالها وكاعدين بغرفة خالتها وأمي تغيرلها
واني ساعدتها وسمعت اجو لبست شالي وطلعت ودخل باسل الف مبروك يتربون بعزك ودلالك
باسل ـ الله يبارك بيج .
بيداء ـ وشفت نائل بحضنه وحده من البنات وفرحان بيها وصفنت عليه وأختنكت
نائل ـ شوفيها شكد حلوه وعاقله هاي غنى
بيداء ـ أي حبيبي شفتها ودخلوا وصبوا الغده ورى الظهر أجاني .
نائل ـ ما نروح بيتنا .
بيداء ـ لا أمي موجوده وأختي توها مسويه عمليه عود بالليل .
ـ براحتج
ـ شو عبالك ضجت
ـ أي والله ومشتاقلج ما متعلم أنام بالغرفه وأنتِ ماكو
بس راح أنام بالأستقبال يم باسل والعصر أروح المحل .
ـ هيج ما تگدر تفاركني
ـ أبداً ولا ثانيه .
ـ فدوه أروحلك
ـ خفي عليه وين أولي ، يله رايح
ـ تمام باسني من كصتي وراح الأستقبال ورجعت كعدت يمهن ونمنا من التعب العصر كعدنا وليال اجتي نظفت الغرفه ودخلت خالتها .
هيفاء ـ يمه عصماء البنات راح اوديهن بغرفة عماتهن أحسن .
عصماء ـ بكيفج عمه الي تشوفينه .
بيداء ـ أخذنهن لقاء شالت وحده تبوس بيها بوسات ناعمه وليال هم شالت وحده فرحانات بيهن وسمعت لقاء تحچي لـ ليال .
لقاء ـ أمشي كبل لاتجي البومه نجلاء وتصيبيهن بعين عوذه من عينها .
بيداء ـ فز گلبي وتذكرت نائل گبل گمت رحت الأستقبال شفت بس باسل نايم فراش نائل فارغ ورجعت أدور على موبايلي .
عصماء ـ شبيج وجهج أنخطف على شنو ادورين
بيداء ـ على مُوبايلي أخابر على نائل سليمه جايه اهنا
ـ أحتمال راح المحل .
ـ لا بعد وگت ، گبل أتصلت عليه وجاوبني حبيبي وين أنتَ .
نائل ـ هلا حبي هسه طلعت من البيت بعدني بالفرع ليش .
ـ ها ، عمتك نجلاء جايه هم شفتها
ـ لا ما شفتها
ـ عليه نائل
ـ بكيفج لاتصدكين
ـ گول والله
ـ رجعنا لنفس السالفه بابا كبري عقلج كافي
ـ ماشي وين أنت
ـ طلعت رايح المحل
ـ دزلي صوره شويه ودزلي راح أتصل كاميرا
ـ أتصلي عمي أتصلي نشوف نهايتها وين توصل
ـ أتصلت وأمي وعصماء يحجون عليه وفتحلي وصُدك يسوق السياره وضحك
ـ ها خبالوا
ـ يله باي
ـ باي سدي من يمج حبيبي .
ـ سديته وكعدت وأمي تسألني أمي أني ما جاوبت بس عصماء تحجيلها
غنيه ـ منين طلعت النا هاي ، بيداء يمه ديري بالج على رجلج
بيداء ـ دايره بالي بس أني عندي مشكله واذا رادوا يزوجونه هاي حجتهم يكسرون بيها ظهري وگلبي .
غنيه ـ ومشكلة شنو يا ستار
بيداء ـ بنتج ما تخلف صار شگد ما جاي يصيرلي .
غنيه ـ أسم الله منو كالج ما تخلفين وشكو وأذا تأخرتي قابل صار عشر سنين ما يصبرون ولو العيال شيصبرهم يردونه فوكه فوكه وأنتِ ما رحتي الدكتوره فحصتي
بيداء ـ رحت گالتي كُلشي ما بيج وانطتني علاجات
غنيه ـ بعد شگو خايفه والله كريم تحبلين ان شاء الله
بيداء ـ يمه والله لعبت نفسي من العلاجات وقبلها
هم أخذت گومة أعشاب ومقويات لعبان نفس
غنيه ـ أعشاب مال شنو أخذتي
عصماء ـ بكيفج تشربين أعشاب من شوكت تأخذين
بيداء ـ من تزوجت خالتي جابتلي وگالت أخذي وكلما أخلص تجيبلي أنوب على أساس أحمل بسرعه وكل فايده ماكو .
عصماء ـ صدك بيداء
بيداء ـ اي والله شبيج
عصماء ـ شلون تأخذين أعشاب بكيفج لو بكيف خالتج أنتِ تدرين هاي الأعشاب شبيها أبد مو صاحيه من كل عقلج تحجين .
غنيه ـ لا شكو بيها واكو اعشاب صُدك شغلها مضبوط
عصماء ـ بعدجن على نياتجن بلكي طلعت هل الأعشاب علمود تيبس رحمها وما يصير الها حمل!
غنيه ـ لا خوما عمتها تضر جنتها
عصماء ـ اي ليش ما تضرها واول ما تزوجتي كتلج لاتنطيج بياضج ولا تثقين وخلي عينج مفتوحه وهسه تطلع الاعشاب تمنع الحمل واذا ما تصدكين اخذيها وشوفي شنو خسرانه يجوز يطلع كلامي مو صح تأكدي
بيداء ـ عزه لاتخوفيني
عصماء ـ الدنيا ما تتأمن ومن تروحين هسه گبل تركينها .
بيداء ـ ماشي وفجأه انفتح الباب ودخلت خالتي أستغربت جيتها عزه بس لا سمعتنا نحجي وسلمت وباركت لعصماء وراها نجلاء شافتني ابتسمت لي عفتهن ورحت جبت ضيافه ليال مجهزتها ضيفتهن وخاله هيفاء دخلت بس سلمت من بعيد وكعدت هنا شويه وكامن
نجلاء ـ البنات وينهن عبالنا نشوفهن
لقاء ـ فوك الغرفه نايمات عود غير مره تعاي وشوفيهن
نجلاء ـ شكو مصعديهن فوك من هسه بعدهن صغار خطيه لو تخافن من العين
لقاء ـ اي والله وأنتِ كلتيها نخاف من عيونج .
نجلاء ـ قليلة تربيه ينراد الج تكسير رأس
هيفاء ـ لقاء ماما سگتتي.
لقاء ـ سكتنا يمه سكتنا .
جواهر ـ بيداء ماما ما تجين ويانا هسه زلمتج يجي من شغله وأنتِ ماكو
بيداء ـ گال من يرجع المحل يجي يأخذني
جواهر ـ هذا هو براحتج يله تضل يمكم العافيه .
بيداء ـ الله يعافيج وطلعن ورجعت يمهن عزه عصماء خوما سمعنا نحجي
عصماء ـ لا ما أعتقد تعاي ساعديني أريد امشي ظهري طگ .
بيداء ـ ساعدتها ومشيتها بالبيت وكعد باسل من النوم وأبتسملها .
باسل ـ ها شلونج خوما عندج وجع
عصماء ـ لا زينه عندي بس مو هواي أخذت علاجي .
باسل ـ الحمدلله من رخصتج بيداء تعاي أني امشيج
بيداء ـ سندها وحضنها وهو يمشيها ويسولف هو وياها ويضحكون فعلاً على نياتكم ترزقون ورجعت يم أمي وتوصيني بشغلات وأهز برأسي واجتي عصماء هم ولليل خابرني
نائل ـ رجعتي لو بعدج
بيداء ـ لا انتظرك
ـ هسه راح ادخل الفرع طلعيلي .
ـ ها يعني ما تدخل البيت
ـ لا اوكفي اجي اشوف البنات نايمات كاعدات
ـ لا وحده كاعده جاي ترضع
ـ تمام وصلت اطعيلي مشتاقلج .
ـ وطلعت ودخل كبل حضني ويبوس بيه
ـ أشتاكيتلج يله خل أشوفهن ونمشي بيتنا .
ـ دخلنا شافهن وما خلونا نطلع الا نتعشى وتعشينا ورجعنا ولكيت نجلاء باقيه كاعده هي وعمتي عفتهن وهو هم اجه دخل الحمام يسبح وتذكرت الاعشاب اجيت فتحت المجر ماكو گلبت ودورت ما خليت ماكو وين اختفن يربي طلع نائل
نائل ـ على شنو ادورين
بيداء ـ الاعشاب هم شفتهن هذن خالتي جابتهن اليه
ـ لا والله ليش شسوين بيهن ولاتأخذين بعد والدكتوره مو أنطتج علاج استمري على علاجها .
ـ أريد أشوفهن احتمال يطلعن اعشاب تمنع الحمل
ـ شقصدج ما فهمت
ـ ركز وتفهم
ـ لا لا مستحيل خوما أمي تنطيج شيء وتضرج لا ما تسويها معناها تضرني وهي اكثر وحده تريد يصيرلي طفل .
ـ لا واضح ومتأكده سمعتني من حجيت لأمي ومنعتني وكالت أخذيهن وشوفيهن مال شنو وهي اجتي هي وعمتك لعد هسه ليش أختفن واني البارحه شفتهن بالمجر اللي يم رأسي .
ـ شلون شكلهن وشكد صارلج تأخذين
ـ من تزوجت اني أخذ ، عافني ونزل ونزلت وراه بس خالتي موجوده دخلها للغرفه
ـ يمه أكو أعشاب وينهن .
ـ يا أعشاب شتحجي يمه
ـ الجنتي تنطيهن لبيداء وينهن أريد اشوفهن
ـ شمدريني غير يم مرتك
ـ لا ما موجودات ماكو بالغرفه وأجيت اسألج
ـ واني شكو تسألني ما تسأل مرتك يجوز ذبتهن لان هي من راحت الدكتوره كامت ما تأخذ منهن .
ـ يعني مو يمج
ـ وليش يمي شسوي بيهن
ـ يله هذا هو .
بيداء ـ عبرني وصعد الغرفه وهي طلعت باوعتلي
جواهر ـ شبي رجلج
بيداء ـ ما بي شيء بس علمود الأعشاب سألني عليهن
ـ يجوز ذبيتهن ما تدرين بنفسج ، يله نزلوا وتعالوا تعشوا
ـ تعشينا الحمدلله
ـ يله اروح اصب عشه لعمج ، جنات تعشيتي
جنات ـ اي ماما تعشيت ويه جديتي وعماتي .
بيداء ـ صعدت لكيته كالب الغرفه والمجرات .
نائل ـ لمي هالهوسه أني رايح اجيب باندول من الصيدليه واجي .
بيداء ـ شال محفظته وطلع وشويه سمعت صوته عالي طلعت وگفت يم المحجر واكف باب غرفة خالتي ويحجي بعصبيه
نائل ـ هاي أني حذرتج ونبهتج ورفع السمٰاوات بلا عمد أذا بيداء صارلها شيء أحـــــرك البيت على رأسج وراس عمتي نجلاء!
جواهر ـ وأني شعليه بيداء عيب عليك هيج تحاجيني وأني أمك وبعد كل إليّ سويته الك هيج تَجازيني .
بيداء ـ عافها ومشه سريع ورفعت رأسه وباوعتلي وگُبل دخلت وسدت وراها باب الغرفه قوي رجعت رتبت الغرفه وصلتني منه رساله .
نائل ـ منا وهيج نهائي مــا تأخذين أي علاج من عدا علاج دكتورتج اي حبايه ما تشربين الا أني عندي علم بيها فاهمه .
بيداء ـ ماشي حبيبي وخفت ليش حذر خالتي كبل اتصلت على عصماء وحجيتلها بكلشي
عصماء ـ مو كتلج ورجلج عرف الأعشاب بيها مضره الج وراح على أمه وحذرها لان نائل يحبج ويخاف عليج منعج تأخذين أي علاج
ـ يعني هي السبب ما حملت لحد الأن
ـ الله وأعلم بس منا وهيج ديري بالج .
ـ بس هذا إبنها شُـــــنوْ جابرها تضره هو ومرته
ـ أنتِ لاتثقين بأي أحد وأنتبهي على روحج .
ـ ماشي يله باي خاف نائل يجي بعدين أخابرج
ـ الله وياج .
ـ كمت لبست وتحضرت وسويت أجواء واخذت صوره ودزيتها لعصماء شلوني
ـ عفيه عليج والله يدومكم
ـ أمين ، وراسلته حبيبي تأخرت
ـ عندي شغل
ـ شغل! وشغليش بهل الليل!
ـ أقصد يم جماعتي هسه أجي
ـ لاتتأخر وبقيت أنتظره وسمعت خطواته وصل وفتحت الباب طلع سليم وگبل سديت الباب وگام يصيح .
سليم ـ أنتِ ما مربايه ما عندج أحد يلمج شهل السقوطيه أدبسزز
جواهر ـ شگو شبيك تصيح شگو
سليم ـ جنتج الخاتون طلعتلي مدلعه شوكت تحترم نفسها ترى ما يصير الله ما يراضاها .
ـ جنتي محترمه نفسها بس أنت كلمه والثانيه تحجي وتطعن بيها عيب عليك بنات الناس مو بلا شرف ما اسمحلك تحجي وتهين بيها ومحد اله حق يحاسبها بس رجلها .
ـ والله عفيه منطيتها عين وأني اكول البنيه ليش هيج وهي اختها زوجة باسل رأسها ما ترفعه اثاري الشغل يمج .
ـ گافي عاد فضنا يوميه مسويلنا سالفه وبس تصيح ومخلي عقلك ويه عقلها .
سعيد ـ شكو شبيكم متعاركين
سليم ـ ماكو كُلشي .
سعيد ـ شمصعدج فوك نزلي وعوفي .
جواهر ـ ليش يغلط ويهين بجنتي خل يحترم نفسه
بيداء ـ أختفى الصوت وصفنت ما معقوله خالتي تضرني وهي دائماً أدافعلي ومهما يكون زوجة أبنها وهي حيل تحب نائل لا ما أريد اظلمها بسالفة الأعشاب والدكتوره گالتلي گلشي ما بيج وعلى العلاجات تحبلين كافي موقفها هسه من ردت سليم وأنطته حجمه .
ورجع نائل ما حجيتله لان حسيته ضايج وگبل سحبني ونومني بحضنه وهو ساكت ما يحجي وتمر الأيام ورجعت أدوام بالمعهد ومرات هو يوصلني مرات أروح ويه ليث وأيناس واباوع كرشها كبران هاي وراي تزوجوا وراح تجيب وأني كلشي ماكو شوگت طالت حيل طالت
_______________________
جنات ـ حسيت بثقل بأجفاني كوه فتحتهن وأطرافي ثكيلة رفعت ايدي بثقل فركت عيوني وفتحتهن النظر مغوش عندي تقريباً دقيقة يلا وضحت الرؤيا عندي بس انتبهت طفرت من مكاني بخرعة إبتعدت عن الفراش
الفراش مو فراشي غرفة مو بيتنا وباوعت لنفسي بلا ملابس مجرد عليه قطعه خفيفه تفضح اكثر من ما تستر !!!
ضليت فاتحة عيني بصدمة اريد استوعب هذا حلم لو حقيقة ....
بعدت الغطا وشفت الدم وشهگت وگتها تذكرت اللي صار بينا عزه العزاج جنات صخام الوجه كعدت أبجي ودخل عِماد ينشف شعره بالمنشفه وأبتسملي .
عِماد ـ مبروك علينا حبيبتي تممنا زواجنا .
جنات ـ على شنو مبروك يا زواج تحجي عنه ليش الزواج نتممه بالفراش لو بدله وعرس ، أني الغبيه شلون طاوعتك وعفت الجامعه وأجيت وياك .
ـ ترى أني زوجج مو الكواد مالتج عيب عليج وإليَّ بينا بالحلال بعد شگو البجي .
ـ بس عِماد ما يصير هالشيء الأ بعد ما نتزوج مو فترة الخطوبه واحنه أســتعجلنا وجبتني أشوف البيت مو ..
ـ كافي لاتطلعينها من عيني خلينا متونسين وأني رجلج يا حبيبي شو باوعيلي .
ـ تقرب حضني ويسگت بيه وسيطر عليه ورجع أخذني ونايمه وصافنه على نفسي وين وصلت ندهته بكتفه عماد گوم وديني البيت خاف أهلي يحسون عليه
ـ وأذا ترى زوجتي شرعًا وقانوناً شبيج بابا
ـ حتى لو بعدنا مخطوبين وكُله منك بس تأجل بالعرس
ـ شسويلج مو أبويه توفى يصير أتزوج وأربعينه بعده ما طالع من كل عقلج تحجين وأنتِ تردين مني عرس ولما أدبر أموري أهلج مو يردون سياكج خوما أخذج بملابس البيت ياعيني .
ـ من بعده مريض كتلك خل نتزوج بس أنت الله يسلمك
ـ جنات لاتعصبيني منج
ـ خلص لاتعصب بس والله من قهري وصعبه عليه
ـ لا صعبه ولا شيء وأنتِ زوجتي ، يله أكوم اسبح وأنتِ لبسي وتحضري علمود اوصلج البيتكم .
ـ تمام دخل الحمام وگمت وظهري طگ ولبست ملابسي وطلعت كعدت بالصاله باوعت البيت مجهز من كلشي بس بي نقوصات يله من نتزوج اشتريهن
وكاعده وأندك الباب عماد الباب يدك ما جاوبني گمت لبست شالي وطلعت منو
ـ اني فتحي
ـ منو أنتِ
ـ زوجة عماد
ـ زوجته! فتحته الها ودخلت وباوعتلي شگد حلوة أيه من الجمال ما جنت أتصورها هلگد حلوه ضحكت وكالت
ـ أنتِ الجان يحبج مو لعايفينه أني وجهالي ويحاجيج ويكظي الليل سهران بس وياج ، أنتِ الأخذتي من حضني وحضن جهاله وأركض لوحدي والمريض والبيت كلشي برأسي وحضرته كاظيها مكالمات وكاميرات وياج
ـ ترى مـا جنت أعرف بي متزوج
ـ خطيه عليج مظلومه يعني أبداً أبداً ما عرفتي متزوج وين اكو رجال بهالعمر ما متزوج عليمن كلاوتج ماما جوعانه أنتِ ما عندج اهل مشبعينج خبز من ذبيتي روحج على رجال متزوج وعنده جهال وشامرنا عند أهلي لا يسال ولا يدز مصرف والافندي متونس وياج .
ـ دخلت وباوعت عالغرفه وعلى ملابسه ونزلت دموعها مسحتهن بسرعه
ـ بالحمام جاي يسبح مو
ـ أي
ـ تممتوا زواجكم عالخير
ـ وطلع عماد وأنصدم بيها
عماد ـ ميساء شجابج .
ميساء ـ أجيت اباركلك على زواجك من المحروسه بالخير عليك ودام سويتها وراح تتزوج ورقة طلاكي توصلني وجهالك لاتحلم تشوفهم لو أعرف اخذهم وأنهزم بيهم تنسى عندك جهال ويبقون يمي اني التعبت والصبرت عليك وعلى خياناتك ما الك طفل عندي ونفقتهم توصلهم ونطلك بالحسنى أحسن ومثل ما دخلت بالمعروف وأحترم نفسك واطلع بالمعروف .
عماد ـ أبقي بالبيت أوصل جنات وأرجعلج ونتفاهم
ميساء ـ نتفاهم على شنو ليكون تريد توديها وترجع تقنعني لو تسحبني عالفراش وكلمتين وتضحك على عقلي هذن اضحك بيهن على والواكفه كدامك انطتك نفسها وهي مخطوبه لا حبيبي ما اتفاهم وياك بعد
ومستحيل تنزل عليه ضره يله مع السلامه وأخويه عود يبلغك لان هو لزم محامي ومتكفل بكلشي نلتقي بالمحكمه
ـ ميساء اوكفي خل نتفاهم .
ـ لا تلمسني وخر أيدك وأنتِ يالحلوه عبالج ربحتي لان راح أعوفه الج وعبالج اني خسرانه لا گلبي اني فزت بنفسي وبكرامتي ما ابقى ويه رجال تشاركني بي وحده وأخذي بالعافيه عليج فضالتي .
ـ گافي ميساء لو تمشين لو تحترمين نفسج
ـ محترمه نفسي أكثر منك ومنها وسمعيني ولج من طاح حظج تأخذين واحد عاف مرته وجهاله وتنامين مرتاحه أدعي عليج يعوفج مثل ما عافني اني وجهالي ولحكج الله يقرضجن هجمات البيوت بواگة الزلم .
جنات ـ طلعت وهي تحجي وطلع عماد وياها .
ميساء ـ الله يحرك گلبج مثل ما حرگتي كلبي وگلب كل وحده تهجم بيت عائله وتخربه وتشت أمانه وأستقراره حسبي الله عليجن وكل دمعه نزلت مني كون تتلوعين بگدما تلوعت وتمررت بس العتب مو عليج العتب على الثور العندي .
جنات ـ گومه حجت وأستحقرت روحي وشلت جنطتي واجه امشي وصلني
ـ خل نحجي
ـ بعدين عماد هسه وصلني بيت أهلي
ـ يله امشي .
ـ وصلني البيت ونزلت ولكيت نائل يفتر بالحوش شفته بلعت ريك .
نائل ـ وين جنتي خاتون
جنات ـ بالجامعه
ـ ومنو وصلج خطيبج مو
ـ أي
ـ امشي انكبري الله ياخذج .
ـ عبرته ودخلت البيت وجديتي باوعتلي بحقد وهزت رأسها دخلت غرفة عماتي وذبيت جنطتي وبجيت وكلامها يدك برأسسي اني غبيه غبيه شلون سلمته نفسي وبعدنا ما مسسوين عرس خرب بعقلج جنات .
دخلت عليه بيداء مسحت دموعي عالسريع وطلعت ملابسي أريد أسبح وگالت
بيداء ـ جنات شبيج
جنات ـ ما بيه شيء .
ـ بس اكو قطرات دم على ملابسج!
ـ باوعت شفت الدم وحسيت برطوبه قويه جاوبتها اي يمكن الشهريه اجتني من رخصتج دخلت الحمام وشفت دم بكثره شنو هاي يربي وتذكرت الشهريه هذاك اليوم تنظفت منها كبل سبحت وطلعت واحس دم جاي ينزل وياه وجع قوي وبيداء تريد تصعد حجيت بيداء
بيداء ـ ها عيني
جنات ـ عندج مسكنات بس فدوه بيني وبينج .
ـ مال شُنـــوْ تردين
ـ مال شهريه .
ـ جنات تعاي الغرفه
ـ ليش
ـ تعاي قبل لا أخوج يجي
ـ دخلت غرفتها ها
ـ جنتي يم خطيبج مو
ـ لا لا
ـ بلي جنتي يمه وأخذج وهسه صار عندج نزول دم بكثره .
ـ نزلت رأسي وبجيت اي عليج الله ستري عليه اذا أهلي عرفوا يذبحوني حتى لو خطيبي ما يتفاهمون واللة
ـ لا شسالفه مو لهل الدرجه هو زوجج بس لو مخليتها عالزواج أحلى وأستر بس بعد صار الي صار وهسه انطيج علاج اخذي اذا ما فاتج بلغيني علمود ادبرلج
ـ تمام مشكوره بيداء
ـ تدللي
ـ أنطتني وشربت ونزلت وصار بوجهي نائل عبرته ولكيت ماما صابه الغده وتغدينا وحجوا بموضوعي
سعيد ـ ابوه بعده ما طالع الأربعين خوما الح عليه تعال اخذها كوه .
جنات ـ كملت واني غسلت المواعين ورجعت نمت لكيته كومه مراسلني ويسألني على وضعي وحجيتله
عماد ـ وهسه شلونج اذا بعدج اجي اخذج نطلع واوديج
جنات ـ لا اخذت علاج هسه احسن
ـ بعدج ضايجه مني
ـ اي والله من اتذكر احس روحي قشمر
ـ ليش من اخذتج ودخلنا البيت جنتي طايره وحابه هالشيء شجاج كلبتي
ـ سد الموضوع
ـ تمام حبيبي هسه نامي وأرتاحي وأذا ما بيج لاتروحين باجر أجليها
ـ تمام وعفته ونمت وبرأسي كومة أفكار وثاني الصبح الحمدلله صبحت زينه الله ينطيج بيداء گمت تريگت
جواهر ـ ماما جنات خلصي ريوكچ وگومي غسلي الحوش عمتج نجاح ما بيها
جنات ـ اي ماما هسه وكملت وكمت غسلت الحوش وكدام الباب وشفت ليال طلعت لابسه عبايتها وأجتي ودخلت
ليال ـ اوگفي ما أريد أدخل أصلاً أني جايه عليج .
جنات ـ خير صاير شيء
ـ لا بس جايتج واكولج أمي من يوم طلعتي من البيت هي بس صافنه وتسألنا عليج وحتى ضعفت من قهرها عليج ، كملي شغلج وتعاي شوفيها وطلبي رضاها مهما يُكون تضل أمج .
ـ بس هي
ـ هسه مو وكتها ، امج هاي ما تحنين الها شنو من گلب گلبج ، يله اني رايحه الغده عالنار .
ـ مشت ورجعت باوعتلي
ـ ها تجين
ـ أي أوكفيلي بس أبلس شيء فوك ملابسي دخلت ركض أخذت عبايتي وماما صاحت وراي
جواهر ـ خير وين رايحه
جنات ـ على أهلي أشوف أمي
ـ وشبيها أمج تروحين عليها شو هي ما تجي عليج ولا تسأل تگول عندي بنيه ميته عدله .
ـ ميخالف أمي
ـ ميخالف أمج دروحي روحي ما يصير برأسج خير
ـ مشيت وليال بعدها تتنظرني ومشيت وياها ليال خوما تطردني .
ـ لا وأنتِ هم لاتضلين خشم اوكعي يم رجليها بوسيهن هاي أمي جنات والأم معناها الدنيا كلها توسلي بيها وطلبي رضاها حتى بحياتج ما تتوفقين اذا ضلت غاضبه عليج .
ـ أن شاء الله وصلنا ودخلت البيت لكيتها كاعده ومخليه بنات باسل تقريباً عمرهن أربع خمسة أشهر وتوكل بيهن فوح تمن ورفعت رأسها شافتني ليال دفعتني وركضت وكعت يم رجليها يمه أبوس رجليج سامحيني وأرضي عليه .
هيفاء ـ شجابج ، ليال أنتِ رحتي جبتيها مو يعني مو هي أجتي من كيفها .
ليال ـ يمه خطيه
هيفاء ـ شو ما گالت خطيه من هانتني وجفصت عليه ومشت ورى جواهر خلي تصيرلها أم وتفيدج عكبيش جايتني بعد ما كسرتيلي كلمتي ومشيتي كلمتها وأخذتي رجال متزوج من حضن مرته وجهاله صرتي أنكس من جواهر وأمثالها هو أني هيج ربيت وعلمت
جنات ـ يمه
هيفاء ـ كعدي لاتضلين واكفه
جنات ـ تمنيت أحضنها وأشتم عطرها بس بعدها مقهوره مني كعدت وأخذت بنات باسل بحضني ابوس بيهن يخبلن وهي كل شوي تباوعلي ونظراتها حزينه
هيفاء ـ شوكت تزوجين
جنات ـ أبوه مات وتأجل الزواج هسه
ـ خير ان شاء الله وبيتج وحدج لو ويه ضرتج وعيالج
ـ لا وحدي
ـ أيجار لو ملك
ـ لا ايجار وأثثه بس بعده بي نقوصات
ـ ومرته وينها بعدها زعلانه .
ـ أي يم أهلها وتريد تتطلك
ـ تفتهم وخوما تطلعين وياه
ـ ها لا ما طالعه
ـ أي عبالي ديري بالج على نفسج منا لما يأخذج لاتنطينه وجه .
ـ بگلبي لو تدرين بنتج أشسوت كتمتها بصدري واجتي لقاء سلمت من بعيد ودخلت المطبخ ونزلت عصماء كمت باوستها وموبايلي دك
ـ جاوبي ليش مستحيه .
ـ حاوبتها هلا ماما
جواهر ـ تعاي أبوج هسه يجي ويسألني عليج مو شفتيها گافي لو تردين تبقين .
جنات ـ هسه أجي وسدت الخط بوجهي ودنگت بست ايد أمي وبجيت أرضي عليه يمه نزلت دمعتها وأختنكت
هيفاء ـ روحي لاتصيرلج مشاكل روحي لبيت أهلج
جنات ـ يمه أنتوا أهلي
هيفاء ـ جنات روحي .
جنات ـ گمت من يمها ورحت البيت ولكيت أبويه بالبيت وسألني. على أمي
سعيد ـ أمج شلونها .
جنات ـ زينه ومشيت الغرفه وعرفت هو ما يحجي وياها من يوم مشكلتي يمكن محملها الذنب ، تغديت بس ما الي نفس ونظرات أمي ما تفاركني وكلما أريد اروحلها ماما جواهر تمنعني وتضل تحجي عليه تالي بطلت واكتفيت بدراستي واروح واجي واحجي ويه ليال اسألها على امي الحمدلله زينه .
عماد ـ راح اجي أخذج أني أوصلج الجامعه تجهزي .
جنات ـ لا حبيبي تسلم أروح ويه أبو الخط وما أكدر خاف أهلي ما يقبلون .
ـ بلغت مرت أبوج أني أوصلج لاتسوينها سالفه عبالك طالعه ويه صاحبج بابا رجلج اني رجلج شبيج أنتِ .
ـ لا عماد مـا أكدر وحتى لو مرت أبويه وافقت أخواني ما يقبلون
ـ يعني كلمتي لو كلمة أخوانج
ـ ماكو مقارنه بس خليني أروح ويه أبو الخط فدوه وأنت عندك شغل ما أريد اكلف عليك
ـ تكلفين عليه شـُنو ، يله بالطريق راح أوصل
ـ عماد
ـ لاتناقشيني محسستني غريب عليج .
ـ قطع الخط ياربي هذا شلون وياه گمت لبست ملابسي وتجهزت ورحت عليها ماما شلون تنطين موافقه لعماد يوصلني الجامعه ونائل ما يقبل .
جواهر ـ شگو بيها وهو رجلج قابل غريب خلي يوصلج ونائل شمدري وأنتوا مخطوبين بعد شگو هالعياره
ـ بس ماما
ـ شيسويلج قابل هو بس يوصلج وخطيبج يريد يشوفج وين طالعه مطاعم مولات شو أهلج مانعين عليكم كلشي روحي وياه خطيه .
ـ تمام وطلعت وأتصل وطلعت لكيته واكف وصعدت وياه وطلعنا لجامعه وشغل أغنيه اليوم مزاجك عالي
ـ مشتاقلج غير .
ـ وباوعت الشارع وين رايحين
ـ لبيت نص ساعه وأخذج الجامعه
ـ يا بيت عماد لا عفيه وديني الجامعه .
ـ ترى متزوجين ياالاسلام شبيج
ـ مستحيل تنعاد وهسه ترجعني ما اروح وياك
ـ شو عبالك أنجلبتي عليه
ـ عماد الله يخليك وديني جامعه وطبك السياره باوعت احنه واصلين البيت
ـ نزلي يله حبيبي
ـ ما أنزل
ـ تالي وياج نزلي مشتاقلج شبيج ما مشتاقتلي
ـ مو هيج أتفقنا كتلي بس مره وحده شو هسه هم جبتني .
ـ لان مرتي وهذا حقي وأريدج كافي تصعبينها عليه
ـ ما أنزل
ـ تنزلين لو شلون جنات
ـ گتلك مـا أنزل
ـ من عيني جنات فتح موبايله وضل يكلب وطلع صورة لقاء! شُنـــوْ هاي
ـ تنزلين لا يصير شيء لأختج ما يعجبج ولا يعجب أهلج
ـ مستحيل تهددني عماد تهددني بصور أختي وأنت زوجي
ـ ما أهدد بس جبربتيني أستخدم وياج هالاسلوب
ـ لا مستحيل تكون نفس الشخص الحبيته وصور أختي تمسحهن فاهم اذا سويتلها شيء ما تلوم الا نفسك
ـ ما عندي شيء ويه أختج واللي اطالب بي منج حقي وحلالي ما غلطان وياج بشيء
ـ أول مره أشوف رجال يهدد مرته من أولها هيج شلون أمن وياك بعدين .
ـ أنسيها وأني أنسيج كلشي يله حبيبي نزلي وعوفي الي صار على صفحه
ـ سحبني من ايدي وأني ابجي وأخذني البيت ودخلنا الغرفه اللي أخذني بيها وأنعادت المشاهد برأسي عالرغم زوجي بس ما حسيت وياه بالأمان ، عافني ودخل الحمام وكمت لبست وأني كارهه روحي شوگت يتم هالزواج وأخلص من هالقذاره الوكعت نفسي بيها
وصلني الجامعه وراح وتكرر هالشيء عددت مرات وأخر مره كان شبه فاقد الحب والشغف بعلاقتنا وبسس يحجي ويتذمر وأني فاصله عن العالم بغبائي ورجعت البيت سبحت وقررت احجي ويه خالتي تحجي ويه أبويه يحجون وياه علمود الزواج لان حيل طولنا وأني الوضع هيج صار يخنگني عالرغم حقارته من هددني بصورة لقاء بس سگتت تكتمت عن الموضوع لان هذا نتيجه إختياري وأتحمل وأسكت وأذا حجيت محد راح يرحمني وأمي تتأذى كافي عليها اللي شافته مني على أقل أتزوج وأنستر .
حجيت وياها بس ما گتلها مأخذني وأروح وياها ما أعرف بس حسيت أذا حجيت راح تعصب مني .
جواهر ـ أول مره أشوف بنيه مستعجله عالزواج أكثر من الرجال شبيج ماما صبري دامكم عقدتوا وثبتوا زواجكم هو يكمل شغله ويأخذج لاتخافين ما مطوله يجوز نهاية الشهر يأخذج وأسويلج احلى عرس!
جنات ـ أن شاء الله ورحت راستله ما يجاوبني وين يله رد عليه
عماد ـ ها حبي شلونج
جنات ـ وينك بعد وگت
ـ والله عندي شغل گومه هالشهر أن شاء الله أنتِ يمي
ـ ها صدك تحجي يعني قرب عرسنا
ـ أي حبيبي والله گملت شغلي بس ما نسوي عرس ضخم تعرفين أبوي متوفي وأني فهمت أهلج واذا تردين عادي سوي حفله حنه وأحتفلي ما عندي مانع
ـ لا حبيبي هذا هو وما يصير أبوك هو عمي
ـ بنت أوصول حبيبتي
ـ بعد روحي وفعلاً بلش يجهز ويدزلي صور البيت جاي يصبغه ومشتري النواقص ومأخذ ملابس اله وفرحانه وشاركت الصور ويه ماما شافتهن بس حسيتها ما عجبها شبيج ماما
ـ لا شبيه قابل بس ضايجه راح تفاركيني .
ـ فدوه أروحلج كل يومين أني يمج باستني ورجعت احجي وياه ونخطط لزواجنا ولازمتني الدوخه گوه أحجي
وضليت ايام روحي غايبه حتى الأكل كارهته وأني ادخل الصحيات اضل اتقيء ومعدتي تتملخ يربي شبيه روحي ممروده مرد عبالك بغير عالم .
وبالجامعه والبنات ذكروا تاريخ الامتحانات وعقلي وگف يم التاريخ باوعت وتذكرت الشهريه غايبتلي صارلها أيام وعقلي كام يفسرلي معقوله أكون حامل لا مستحيل هو كال مأخذ أحتياطاتي بلعت ريگ وخفت وبالطريق وگفت ابو الخط يم الصيدليه وأخذت أختبار اكثر من واحد صديقتي متزوجه دائماً تستخدمه ومن رجعت البيت دخلت الحمام وقفلته وسويت وكعدت انتظر وطلع أيجابي أكو حمل لا ياريي لا لا رجعت سويت الثاني ونفس الشيء والثالث والرابع كلهن نفس الشيء يا صخام وجهج يا جنات حامــــــــل .
" وضميت الأختبار وتكتمت على الموضوع وراسلت عماد مغلق وينك واليوم ليش مختفي هسه وگتك
والصبح رحت الجامعه وراسلته وينك حبيبي
عماد ـ موجود گلبي ليش صاير شيء وياج
جنات ـ بعدين من أرجع أخابرك
ـ أوك حبيبتي يجوز باجر أجيكم وهم عطله تمام
ـ هلا بيك حبيبي بس شنو المناسبه
ـ أشوفج والله مشتاقلج
ـ تمام حبيبي هلا بيك ورجعت البيت وردت أكول لماما بس جانت متعاركه هي وأبويه ونائل ما عرفت شبيهم بس المشكله تخص نائل! بس ما فهمت الموضوع
والصبح كملت شغلي وتجهزت ورجعت هم سويت أختبار حمل وبين واضح كلش وضميته أشوفه اله وكشخت وأجتني ماما رشتلي عطر
جواهر ـ علمود عماد أفندي يدوخ ولو هو دايخ ما يحتاج
جنات ـ ضحكت واجه نائل
نائل ـ تعاي أجه خطيبج ، شعنده جاي هذا
جواهر ـ عطله وأجه يشوف خطيبته شكو بيها
جنات ـ مشيت ونائل وماما ويانا ودخلوا سلموا عليه وشفت الوقت مناسب أحجيله وماما أخذت نائل بس گوه وگام تقرب عليه شلونك حبيبي وأني مبتسمه
باوعلي بنظرات ما كدرت أفسرها غير فراق! عماد
عماد ـ جنات حبيبتي أحب أكولج شيء قبل لا أروح
جنات ـ فز گلبي ولزمته من قميصه وين تروح
ـ مو مهم وين أروح وين أجي المهم الأحاسيس والمشاعر العشناها بكل حب وصدق نيه تمام
ـ عماد شتحجي أنت خله أيده على شفايفي وبعدها باسني من رقبتي وهمس بصوت زلزل خلايا روحي
ـ جنات أنتِ طالق طالق طالق ما تصيرلي مره بعد حتى بالأحلام ما ننجمع .
ـ ومشه وعافني وصحت وراه وين رايح عماد شُنـــوْ هالحجي فتحت الباب وركضت وراه عـــماد أوكف وهو عالسريع شغل سيارته وطلع وبعدها أختفى وعلى صوتي اجه نائل يسألني وأني مصدومه عقلي تبنج من اللي سمعته ودموعي تجري عشره عشره .
نائل ـ وين راح خطيبج وشبيج تصيحن تعاركتوا احجي جنات شبيج مو وياج ويامن احجي ويه الحايط .
جنات ـ أفتر مثل المخبله ورحت على ماما بالغرفه جانت تخابر شافتني عافت الموبايل ماما ماما اشهك ودموعي تجري أريد احجي ما بيه ونائل وبيداء يسألون
نائل ـ غير تحجي وتفضنا شبيج لخاطر الأسلام سوالج شيء علمود اروح أصمط أهله كلهم أحجي شبيج
جواهر ـ شكو ماما شبيج أحجيلي شصار .
جنات ـ خل نحجي لوحدنا فدوه ماما
جواهر ـ أخذ مرتك واطلع خل أفهم منها شبيها
نائل ـ شُنـــوْ أخذ مرتك وأطلع أحجيلي شبيج لا أكسر حلگج شسوالج سليمه أحجي عاد .
جواهر ـ شو دوخر لاتضل تعيط تأخذنا يعياطك شو أطلع
جنات ـ قفلت الباب وگعت بالكاع وبجيت ماما أني أنتهيت أنتهيت تدمرت
جواهر ـ شگو شبيج شـو أحجيلي شحجيتوا
ـ ما حجينا لطمت على وجهي قوي طلگني طلگني ثلاث مرات ماما ثلاث مرات وراح سريع گلشي ما فهمت منه طلگني وأني حامل بإبنه وكع الأختبار الحمل من أيدي وأخذته وشافته وأني ابجي ماما الله عليج خابري وأفهمي منه ليش هيج سوى بيه شنو ذنبي يطلگني والله أهلي يذبحوني شصخم بعمري بهل المصيبه الوكعت على رأسسسي أبوس أيدج ماما ساعديني ما عندي غيرج .
ـ يعني مأخذج سلمتي الج نفسسج وحبلج مو
ـ أي أي الله يياخذني باوعتلي وضربتني راجدي وكامت تضرب بيه على رأسي ماما الله يخليج لاتصيرين ضدي ماما أبوس أيدج ورجليج ساعديني
ـ ولج شساعد منج أذا أنت ما مساعده نفسج ولج الله يكصف عمرج ما صبرتي دودتي الا تنطين نفسج مو گتلج أصبري نهاية الشهر يأخذج تالي حبلج وطلگج وعافج عليه ، ولج شسويلج بعد أكثر من السويته أنتِ من يومج سكط وخل أمج تحير بيج لو بس تعرف تخلف وتذب عليه واربي وأبتلي گومي اوديج على أمج تحيرلج بهل المصيبه گومي من كام بيج الموت وخلصني منج أنتِ وأمج گومي .
ـ ضربتني وتجر بشعري واني ابوس بإيدها ماما الله يخليج أستري عليه والله أمي اذا عرفت تموت هي عدها ضغط واني السبب شتسوين سوي بيه أذبحيني بس لو توديني على أمي أخاف عليها .
ـ خايفه على أمج ولج أدبسزز بس ما خايفه عليه اذا أجاني أبوج وسألني شگوله أكوله بنتك حامل ومطلگه ولج ما خايفه عليه أصبريلي يا جنات والله من أنعل أبوج لابو اليساعدج يا أدبسزز امشي أنتِ وعارج على أمج
ـ سحبتني من ايدي وسحلتني وفتحت الباب نائل وبيداء أنصدموا ونائل منعها ويحاول يخلصني منها بس عاطت بيه ودفعته
ـ وخر عن وجهي لا اطلع قهري كله بيك وبإختك هالعار
نائل ـ شمسويه جنات احجيلي يمه أحجيلي
جنات ـ فتحت الباب وطلعنا وتجر بيه ماما الله يخليج أستري عليه ماما لاتكولين لأمي فدواتج أبوس بإيدها وضربتني قوي وبحقد وبگلب اسود وصلنا ودگت الباب قوي تريد تشلعه وفتحت لقاء
لقاء ـ شعندج كسرتي الباب همج ما تشوفين اكو جرس عمى اي والله .
جواهر ـ عمى العماج وعمى أختج وياج وين أمج هيفاء وينج هيفاء .
لقاء ـ شتردين منها شعندج تصيحين وين كاعدين أحنه جنات شبيج شگو ، هيييي اوكفي امي ضغطها صاعد وين داخله اوكفي احجي شعندج وأمشي طلعي برى مو احاجيج وطرررششش جواهر سليمه امشي طلعي برى .
جنات ـ دفعت لقاء وفتحت الباب ودخلت وأني وراها تسحب بيه بكل قوتها وشفت أمي كاعده بأيدها حبايه تريد تأخذها وعصماء شايله كلاص الماي ودفعتني قوي بحيث وگعت على وجهي يم رجلين أمي وبجيت وأني منزله رأسي ورجعت صاحت بأمي .
جواهر ـ هاج أستلمي بنتج الأدبسزز هي وعارها وربيها زين لـو بس تعرفين تخلفين وتذبين عليه ، أني ربيتها بس ما ربيتها على هالأنحطاط هذا وسترت عليها عبالي أدمي بس بنتج أساسها خايس والأساس من الأم وأنتِ السبب بخراب بنتج وأنتِ تتحملين عارها .
لقاء ـ شتحجين أنتِ شو هسه جايبتها وجايه صارلها شهور يمج تلعبين بيها وسويتي اللي برأسج شتردين بعد .
جواهر ـ أنتِ أنطمي شتطلعين أكيد عار مثل أختج
لقاء ـ محد عار الا أنتِ امشي طلعي من بيتنا لا اطلعج جنازه والخلقج ارتكب بيج جريمه .
جواهر ـ طالعه أصلاً ما يشرفني أبقى بس هاجن استلمن عار أختجن جنات حامل !
جنات ـ شمرت أختبار الحمل ولقاء شالته وباوعتلي وأمي أيديها يرجفون وكامت وأني زحفت وأبجي
هيفاء ـ حامل
جواهر ـ أي حامل بيها دوده مثل أمها ما صبرت الا رجعت وهي هم ما صبرت وأنطت نفسها قبل الزواج وعود تروح الجامعه وهي جانت نايمه بحضنه ومكيفه يأخذها وين اكو رجال ياخذ مره أسترخصت نفسها قبل الزواج حتى لو زوجج بالحلال بس كلشي اله طقوسه والظاهر بنتج ما تعرفهن واني لهنا وامشي وأنتِ تصرفي بعار بنتج واللي بطنها لان رجلها طلگها قبل شويه وراح بدون ما يحجي ولا كلمه .
جنات ـ مشت وعافتني وركعت الباب وراها وأمي وكعت يم يمي وكابلتني وتحجي بقهر
هيفاء ـ ولج حامل الله يغضب عليج الله يكصف عمرج تردين تموتيني تردين تخلصين عليه شلون تنطين نفسج وأنتِ مخطوبه مو وصيتج ولج مو وصيتج وتالي حبلج وطلگج والله يدري بي وين أنهزم والله قصص وروايات عراقية كرار صلاح كلها هذا تخطيط مرت أبوج هسه تطلع منطيته فلوس يسوي بيج كل هذا كسرتي ظهري بسالفتج وحققتي اللي أبالها وفضحتينا وسودتي وجهي بين أهلج ولج الله يسود وجهج ليش هيج سويتي بينا وبنفسج جنات ولج ليش يمه .
جنات ـ وكعت يم رجليها وأبوس بيهن يمه مالي غيرج يمه غلطت والله غلطت الله يأخذني وارتاح وأخلصج من عاري لطمت على وجهي بقوه والطم وابجي يمه خلي يعرفون خلي يموتوني بس أنتِ أرضي عليه يمه من يوم غضبتي عليه أني ما عايشه يمه خل أموت بس رضاج عليه أبوس أيديج ورجليج يمه أروحلج فدوه
أبوس برجليها وكفوف ايديها وسحبت ايديها وگامت ونظراتها كلها خذلان وخيبه كبيره
هيفاء ـ روحي لأهلج روحي
جنات ـ ما أروح باقيه يمج يمه حاجيني أضربيني أحجي كلشي سوي بيه قابله بس لاتسكتين يمه عاقبيني خليني أموت على ايدج بس رضاج يمه .
هيفاء ـ ليال لقاء ودنها لأهلج جنات روحي روحي .
لقاء ـ يمه خطيه يمه لاتعوفينها على أيدج جواهر
جنات ـ مشت للغرفه وصحت وراها يمه فدوه أروحلج لاتتعوفيني وأذا وجودي أذيه الج خلص أروح ، گمت وعثرت وگعت وسندت نفسي وگمت وبجيت وأخواتي ساكتات وباوعت على باب غرفتها تمنيت تصيحيني وأحضنها وترضى عليه بس ما صارت ورجعت مكسوره ومخذوله من نفسي على نفسي دگيت الجرس وأنفتح الباب وطلعلي عمي سليم وسحبني من شعري قوي ودخلني البيت وكلهم موجودين وشفت أبويه منزل رأسه وهو يسحلني من شعري قوي ودخلني غرفة عمتي وجاب عوده خشب ويضرب بيه بكل قساوه لحد ما أستسلمت .
سليم ـ ولج أدبسزز تنطين نفسج وتحبلين وتالي يطلگج هالساقط الحبيتي مدري منين جبتي النا وسودتي وجهونا الله يسود وجهج ولج سگط فوك ما حبيتي وزوجناج وسترنا عليج تنجلبين علينا وتصخمين وجوهنا الله يأخذج ولج أنتِ المثلج لازم تموت
جنات ـ بعد ما جسمي تبنج من الضرب دخل نائل سحب عمي وطلعه برى ويصيح ويغلط على نائل وقفل عليه الباب .
الحجيه ـ عوفها كافي تضربها ترى رجلها مو صاحبها وجنات غلطت واذا أكو عار تحاسبونه هو رجلها زوجتوها اله وأنتوا تعرفون بي متزوج وأنتوا تتحملون كلشي يجي منه لعد شتعرفون .
سليم ـ لا والله هالبنيه ما مربايه تربيه شوراع هاي مو تربيه بيت مكيف مخلف بنات أستلم هاي بنتك بعدها مخطوبه حبلانه والأفندي طلگها وراح بيك خير روح جيبه واتفاهم وياه ليش طلگها مو هذا أختيارك أنت ومرتك صلحت الغلط بالغلط استلم الفضايح الأجتنا من ورة قلة عقلك وتصرفك كلشي ما تعرف گلشي من يومك عايفهن وشامرهن هنا وأخوهن بهل البيت ومكابلني
لعد شتدري اب مو فوك رأس بناته .
جنات ـ نمت والوجع يأكل بيه وأصواتهم عاليه وتعاركوا أبويه وعمي سليم ونائل كله بسسببي وضليت يومين وعمتي تجيبلي الأكل مالي نفس وأسمع صوت أبويه متعارك ويصيح
سعيد ـ كله منج رأس البليه أنتِ مو على أساس أخوج يعرفه طلع لا يعرفه ولا شايفه ونبشنا عليه نبش فص ملح وذاب محد يعرف وين مولي وأهله سألناهم كالوا ما نعرف وطلع الأفندي ماخذ مرته وجهاله ومنهزم متگوليلي شمسويه أنتِ .
جواهر ـ عوفنيييي الله يكسر أيدك عوفنييي أني شعليه فوك ما سترت على بنتك العار .
سعيد ـ ولج الله يأخذج يا ستر هذا تحجين عنا كسرتي ركبتها وصخمتي وجوهنا .
جواهر ـ اي كشفتها وطمطمت عليها وكلت تزوج احسن ما تنكسر رگبتها وياه شمدريني بنتك كح***ومفلفله وانطت نفسها وهي بعدها مخطوبه ما جان تصبر لما تعرس والرجال شافها رخيصه وطلگها وبدال ما تجي وتضربني روح على أمها هي عافتها على حل شعرها وسربتتها وتلعب بكيفها لو بس تعرفون تخلفون وتشمرون بدون تربيه اذا جنات بدعت الله يستر من الباقيات هسه يطلعن انكس من جنات
سعيد ـ ولج سگتيييي الله يأخذج سگتيييي
جنات ـ أسمعها تصيح باوعت من الباب طلع نائل سحب أبويه گوه يمشي ولازم گلبه ركضت بيداء جابتله ماي وطلعت جواهر شافتني واجتي تفلت بوجهي وكامت تضرب بيه موتنني وعمتي ونائل خلصوني منها .
نائل ـ گافي تخبلتي گااااافي .
جواهر ـ خل تموت هالعار الله يأخذها هي وأمها وأخلص منهن يوم عيد تطلع جنازيجن يوم عيد تف على شگلج ولج اني أبوج بضربني من وراج ومن ورى أمج بسيطه جنات .
جنات ـ دخلت الغرفه وركعت الباب وضليت بالغرفه وصافنه وابجيي وعيون أمي گبالي مليانات دموع أخ كسرتي الج وأنتِ ما تتعوضين وأني عفتج ولحكت جواهر وتالي رفستني برجلها مو بعيده اطلع اني عايشه بمخططاتها لان تالي ما تالي عماد أخذ زوجته وجهاله وأنهزم محد يعرفله أثر وخلاني بطني طفل وكسر ركبتي الله يكسر ركبتك ويحرك گلبك أضعاف الأذيه الشفتها منك ومن جواهر الحقيره واني الجنت مأمنه وواثقه وحاسبتها أم أثاري من بعد أمي ماكو
أم ومحد يعوض مكانج يمه اوف الله يأخذني ساعه الهضمتج ومشيت ..
والصبح كعدت من النوم كمت غسلت ولكيت واكع عليه دم غسلت ولبست والوجع يعصر بيه بس سگتت شحجي شصخم منو يسمعني ويساعدني گملت وطلعت وشفت جواهر جايه من برى تمشي سريع ونفسها عالي وبإيدها جيس اسود!! لازمته قوي عبرتني ودخلت الحمام وقفلت الباب هاي وين جانت .
دخلت الغرفه وشويه والباب أنقفل ما عرفت منو قفله عليه حاولت أفتحه ما أنفتح تالي رجعت نمت وما أعرف شگد مر وقت وكعدت على صوت بيداء أدك بالباب قوي
بيداء ـ ولج جنــــات فتحي الباب جنــــات .
جنات ـ گمت بيداء الباب مقفول عليه من يمج .
ـ ماكو مفتاح أوكفي راح أجيب الجاگوك وأكسره .
ـ لا عوفي لاتكسرينه
ـ ولج شعوف منه وأمج ميته صارلها ساعتين ومحد گالج وكلها راحت وعافوج لحگي وروحي ودعيــها .
_______________________
لقاء ـ هواي لقاءات عابره تصير بحياتنا جان مجرد لقاء بسيط بس ترك شعور حلو ، جنت كاعده أني وأمي وأخواتي وأتصفح ورن الجرس واكيد لقاء تفتح ليال گومي فتحي الباب
ليال ـ كومي أنتِ ما بيه
لقاء ـ شبيج ما بيج أهو هم لقاء ، لبست شالي وفتحت الباب وصار بوجهي وهو تفاجئ العفو أستاذ
أنخبصت وهو حجه
أمجد ـ السلام عليكم بس هاي مره أجيتي المكتبه ونسيتهن وعبالي ترجعون ومـا رجعتوا وضلن يمي فه گلت اني اوصلهن بنفسي ، أتفضلي .
لقاء ـ ها أي تذكرت والله مـا صارلي مجال تمام مشكور مديت أيدي وأخذتهن وضل يباوعلي وأني كذلك وفزيت على صوت باسل وكبل سحبتهن .
باسل ـ منو
لقاء ـ أستاذ أمجد أبن عبد السلام عبرني وطلع عليه وتسلام هو وياه ومبين سلامهم حار ، ضليت ورة الباب وأسمعهم يحجون .
باسل ـ يا هلا والله شلونك شخبارك ما نشوفك عمي
أمجد ـ هلا بيك والله مشاغل تعرف الحجي تعبان وسلمني المكتبه وحالياً أني أكعد بيها وأضافه الدروس الخصوصيه يا أخي الحياة متعبه .
باسل ـ والله صدكت ، اتفضل أتفضل
ـ لا حبيبي زاد فضلك أني اجيت اكو شغلات أخواتك الله يستر عليهن مره اجو المكتبه واخذوا شغلات ونسوهن وبعد محد مر اخذهن واجيت اوصلهن
ـ ها أي هلا بيك تعبت نفسك
ـ لا حبيبي ما مسوي شيء
ـ أبو كرار شلونه أخباره ما ناوي يتزوج
ـ والله زين لا يبوي من بعد المرحومه قافل عالزواج تعرف بينهم عشرة عمر
ـ اي والله صحيح هو خوش رجال الله يصبره ويعوضه أمانه هواي تسلملي عليه .
ـ يوصل أن شاء الله
لقاء ـ رجعت دخلت وليال شافتني وضحكت وغمزتلي شگو تتغمزين
ليال ـ لعد بس أنتِ تغمزين تعاي سولفيلي شنو هاللقاءات السريه .
ـ يا لقاءات يمعوده هذن الأخذتهن الج هاج ولو متأخره بس هسه يله تذكر وجابهن
ـ يعني بس جابهن لو أجه يشوفج
ـ شو بكيفج كمتي تفسرين وتستنجين أفكارج
ـ هيج مجرد تفسيرات شبيج عصبتي يمه راح أطگ علينا .
ـ ما احب ظن السوء عفيه
ـ يمه عيني خفي علينا .
ـ ورجع باسل وشافهن وباوعلي خفت يظن بيه بس كرصني من خشمي فديته شگد يثق بينا وأحنه گد الثقه .
ومن بعد هاللقاء بعد ما شفته وأصلاً طول فترة العطله ما طلعت وليال أكلت رأسي تسمي المعجب السري ما ندري شُنـــوْ منتظرنا من الحياة من مواقف وأشخاص تركوا شعوراً وأختفوا ...
لقاء ـ مخليه غنى بحضني وأرضعها وجنى نايمه گبالي يمه فدوه للبنات عيني حبيبات عمتهن أبوس هالوجوه الحلوه ودخلت عليه ليال ها گملتي شغلج
ليال ـ اي ظهري طگ ولج لاترضيعن عصماء ترضع من صدرها بيها حليب حرامات كل ما تصح الج فرصه ما تصدكين خطيه يشبعن وبعد ما يرضعن أمهن .
ـ لا خطيه أحس ما يشبعن شوفيها شلون جوعانه وتباوعلي أصلاً تحاحيني بعيونها تكُولي شُكراً عمتوا .
ـ أي تكُول عمتي تحبني وتنهزم من الضيافه وتجي تخليني بحضنها ، يله عوفيها هسه كله تذبه لان هواي رضعت وأمي كالت تصير مشوهه لان ما تعرف نفسها
ـ لا حبيبي شلون ما تعرف نفسها ولج صيري خوش بنيه وحبابه وأريدج شخصيتج قويه وأهم شيء ما تحبين خليجن هيج مثل عمتجن لقاء .
ـ خبال شمفهمن يله عوفيها وگومي سمعت من أمي بيت عمي كريم يجون وأحتمال أيناس تجي أنتِ طلعي وضيفي أني ما أطلع نهائي .
ـ تمام هاج هاي شبعت طبطبي عليها خل تريع ونوميها هذيج لا كبل تنام ، يله ديري بالج عليهن
هيفاء ـ ليال لقاء ماما وينجن
ليال ـ اجو طلعي عليها بسرعه وأذا سألت عليه گوليلها يم البنات أمانه أهم شيء ما اطلع .
لقاء ـ تمام وطلعت ولكيتهم توهم جايين وسلمت عليهم ودخلن يم عصماء وليث دخل الاستقبال قدمت الضيافه وانطيت لباسل وليث كال .
ليث ـ وينهن خل أشوفهن ويشوفن عمهن .
باسل ـ لقاء جيبهن خل يشوفهن رايح بالحسره خطيه عليه ما شايف جهال
لقاء ـ تمام هسه رحت على ليال انطيني غنى ليث يريد يشوفها وجيبي جنى وتعالي وراي .
ليال ـ ما اجي
لقاء ـ يم الباب شبيج لاتتدخلين اني أدخل شلتها وطلعت اخذها مني وباسها وللابسها أسمها
ليث ـ لك مو على أساس تسمي أول بنت الك عُلا ليا خاين .
باسل ـ ليا سافل وخبيث ما تعرف تكتم على الأسرار
ليث ـ هاي هديتي الهن غنى وجنى عاشت ألاسامي ويتربون بعزكم ودلالكم حبيبي .
باسل ـ بس أسم بدون سنجيل جان أستحيت وأنت عمهن .
ليث ـ وين يلبسن هسه عود ابوهن صايغ ما يقصر فوك ما اجيب أنت مو مال هدايا خل اشوفك شتجيب
لقاء ـ ضحكوا ورجعنا وليال ضلت يمهن وأني كعدت يم عمتي سلوى وايناس ومن كامن انطن فلوس وراحن وايناس تباوع كانما حست ليال مختفيه وهيج أحسن
وبيوم من بعد مشكلة جنات واللي صار أجه أبويه وهو من زمان ما جاي علينا دخل شاف البنات وأمي من دخل أبويه أمي صعدت فوك بغرفة عصماء ما حجت وياه نهائي وعجبني موقفها حملها الذنب بأبتعاده وسكوته
باوع على ليال واستغربنا نظراته!
سعيد ـ ليال بابا تعاي بالأستقبال أحجي وياج بموضوع
ليال ـ أي بابا .
لقاء ـ مشت وراه وعصماء تباوعلي واشرتلي من فوك ما اعرف والله
عصماء ـ خالتي تسأل شيريد جاي أفهمي شيريد من ليال وتعاي
لقاء ـ تمام رحت وگفت وأسمعهم يحجون
سعيد ـ ليال بابا عرفتي وشصار وإشسوت أختج جنات هالشيء صعب علينا كُلنا عليه وعلى أمج هم وحجينا بالموضوع وضمن الحجي صار كلام مهم يخصج أنتِ وأختج لقاء بابا أني قررت ازوججن وأرتاح والدنيا صايره تخوف والشيطان ما مات لهذا قبل كلشي أسمع رأيج .
ليال ـ ما فهمتك بابا رأيي بشنو .
سعيد ـ أذا أبن عمج ليث تقدملج زوجه ثانيه توافقين
ليال ـ ليث لا بابا مستحيل أوافق شتحجي بابا
لقاء ـ ما تحملت وگبل دخلت منين طلعت بهل الزواج من ليث وزوجه ثانيه أنت اب شلون تقبلها تنزل زوجه ثانيه ليش ما عندك خبز تعيشنا لو عاجبك تزوجنا شلون ما جان
سعيد ـ لقاء أحترمي نفسج وطلعي برى قليلة أدب .
لقاء ـ لا ما اطلع وأعرف بإختي لان شفتوها فقيره گلتوا عادي وإذا خل نزوجها ليث ونخلص وكل هذا بسبب سالفة جنات اللي زوجتك هي السبب هي خربتها ولعبت بعقلها .
سعيد ـ لقاء أكسر حلكج واللة
لقاء ـ كسر حلگي عدما خلصتوا من جنات انطيتوها لرجال متزوج رحعتوا على ليال هم متزوج ومرته حامل أنتوا شنو من أهل شنو من أب هيج أحنه رخصيات عندك .
سعيد ـ أنتِ ينراد الج تكسر رأس ما تحترمين .
ليال ـ مع الاسف عليك بابا خيبت ظني بيك بس أنت من يومك عايفنا أحنه وأخويه وأمي كظت عمرها النا وربتنا وتعبت علينا وسهرت ليالي بغيابك وسدت مكانك وصارت النا الأم والاب بالوكت أنت جنت عايش بس وينك يم جواهر .
لقاء ـ وكلها هذا وامي لوحدها وما هامك شيصير بينا وياما صارت ويانا مواقف تخوف ونسولف الك ما تصدگنا وكلكم كذبتوا أمي ومحد صدگنا بس بعدين صار هدوء لان جواهر سيطرت على جنات وهناك وأنكشف المستور وحققت غايتها وهسه بحجه سالفة جنات اريد ازوججن واخلص من همجن عبالك أهنا نسوي مثلها واجيت تظلم ليال بزواج ثاني ومن منو من ليث
وليث لو بي خير جان أخذها زوجة أولى ليش ينزلها زوجة ثانيه ويظلم بنات العالم وياه لو أنتوا ما تفكرون بإحد بس بمصالحكم .
عافنا وطلع وصحت وراه زواج ليال من ليث ما ينحجي بي لا أختي ولا حتى أني ومن نريد نتزوج نجيك عود نگولك زوجننا بس كون زواج بس خير وتخاف الله بينا يا ابونا .
وشاف امي واكفه عالدرج وصاح بيها
سعيد ـ دازتلي بناتج كل وحده لسانها متر ولقاء مو عبالك تحاجي أبوها عبالك عدوها هاي بدال ما تعلميهن الأحترامات لابوهن لا دازتهن بمكانج مع الأسف عليج هيفاء .
لقاء ـ أمي ما حجت ولا كلمه من يومها مسالمه وهو خله ومشى ورجعت عليها ليش ما حجيتي ليش ما انتفضتي بوجه الى متى تبقين ساكته صارلج سنين محترمته وهو بكيفه يطب ويطلع وكل اربع أيام مرات أسبوع يجي عود يبات والله عليه حقوق من أنعل هيج حقوق بيها أهانه الج من فدوه لعينج بس كُوليلي الى متى تبقين راضخه اله يمه ترى سگوتج دمرني أني لو بمكانج من زمان أخلعه وأكعد بيتي معززه مكرمه وأبني زلمة البيت وهو خلي مكفخه وسميع لجواهر وربع جواهر .
ليال ـ لقاء كافي لاتتدخلين
لقاء ـ واذا ساحرته خلي بسحره من ايده هو دخلها حياته وعافج عند أهلج والله بس تتزعلين بس ما يگول على نفسه والله مرتي حامل ونفسيتها تعبانه وأقدرها لا الحلو الحجي سعيد يطگها بقوطية بيبسي ابو الربع واخذلها جواهر ما بيها تفله خرب بحظ الكواد أنتِ تنزلين على ضره بس شوفتج تعال سعيد وسلالته كلها تاج رأسهم أنتِ وهسه جاييننا ليال بابا تقبلين زوجة ثانيه لأبن عمج وبكل برود گلبه يعني لوما ابويه الا أخنگه .
هيفاء ـ شيفيد الكلام بعد بنيتي من أولها ما حجيت تردين من أخرها بهذا العمر وصرت جده لا يمه خليني ساكته ومحترمه نفسي أني ما حجيت وكدامجن حجه
وعايفته ولا عبالج عاجبني الوضع ترى من يوم الرجعتله اني ما عاجبني بس شسوي واقعي وحياتي ولازم أرضى وأسكت والله عوضني بيكم وعندي شوفتجن أنتن واخوجن ومرته وبناته تسوى عندي كنوز الدنيا وليال ماما لاتخافين هذا الزواج ما يصير وما طولني عايشه ما أخليج تنزلين على ضره لو هالشيء يكلفني عمري وحياتي .
لقاء ـ حضناها ونبوس بيها والله حجيت من قهري عليج هاي هي أنسي اني حجيت ولا تزعلين فدوه أروحلج ماما .
هيفاء ـ لا يغاليتي أكو أم تزعل من بناتها ما زعلانه منجن والله يرضى عليجن دنيا وأخره .
لقاء ـ حضن أمي أمان الدنيا كلها عافتنا ودخلت غرفتها ولليل كاعدين أني وليال ، تندمت لان حجيت خرب أني بسرعه ثبگت خاف تضل تقهر بروحها
ليال ـ أنتِ الله يسلمج بسرعه تشتعلين .
لقاء ـ شمدريني ما تحملت والله لا وعادي عنده تتزوجين وهو متزوج ومرته حامل اخ ربي هذا أبويه مو صاحي اكيد طاكله بطل وجاي علينا شنو من اب أنت بله جنات غلطت وهذا أختيارها تستاهل طيب ليال ليش .
ـ تتوقعين ليث يدري
ـ ما أدري وأذا طلع يدري وموافق أروحله البيت أفضحه كدام مرته والله .
ـ لا دخيلج عوفي الاكشن مالتج وين تروحين ستري علينا وهسه تبين أذا يدري أو لا .
ـ أوكفي ليش ننتظر تبين خل ارأسله واسأله حار بحار
ـ لا لقاء عوفي يجوز ما يدري
ـ ليال دخيل ربج سگتتي خليني اشوف شغلي لان طگ گلبي منكم كلكم ، راستله هلاو ليث شلونك
ليال ـ ها جاوبج
لقاء ـ لا بعده بس فاتح أنترنت اي شافها وجاوبني
ليث ـ هلا لقاء هلا يابه بخير الله يسلمج
ـ ليث سؤال وجاوبني بكل صراحه عليك الله
ـ سألي
ـ منو يمك
ـ محد
ـ وأيناس وين لان الموضوع شوي حساس
ـ أني فوك وهي نزلت أحجي شصاير قلقتيني بالموضوع الحساس!
ـ أبويه اليوم فاتح ليال بموضوع الزواج
ـ يا زواج! ليش منو متقدم الها
ـ محد متقدم أنطي صبر أحجيلك
ـ أحجي عاد
ـ يمكن ما تدري ما أحجي احسن يله باي
ـ لقاء أحجي يمعوده شُنو باي .
ـ هيج أنسى
ـ لا اله الأ الله شنسى شغلتي بالي تحجين لو شلون
ـ تتزوجك
ـ منـو تتزوجني
ـ منو قابل ليال أبويه طلب موافقتها زوجه ثانيه معقوله أنت ما تدري
ـ ليال
ـ أي شبيك صفنت
ـ شوگت صار هالحجي
ـ يعني ما تدري
ـ شوگت صار هالحجي وعمي يمتى حجه ويه ليال
ـ الصبح اجاها وفتح الموضوع ورفضنا وأجييت اسألك وطلعت ما عندك علم
ـ أي والله هسه سمعت منج
ـ طيب سؤال ثاني
ـ سألي
ـ أذا نفرض نفرض حجوا وياك حتى لو ليال رافضه أنت شنو جوابك توافق لو ترفض .
ـ أرفض طبعاً ومستحيل يصير هالشيء
ـ أوك وأحنه غلقنا الموضوع من يمنا وبعد يمك
ـ وهسه أفهم الموضوع كله وأغلقه
ـ تمام مشكور ليث
ـ العفو .
ـ باي
ـ الله وياج .
ـ باوعت على ليال شفتي كلامه شرايج
ـ بشنو
ـ يعني
ـ عجبني بردة فعله مو راضي على هالزواج
ـ تدرين أني بدون ما أحجي وياه واسأله عارفه جوابه
ـ شلون يعني
ـ لان أعرف بي بعده يحبج ويعرف بنفسه ظلمج وياه وما يريد يظلمج أكثر
ـ كثر الله خيره .
ـ الله يعوضج ويعوضني
ـ هههه موجود بس يخاف منج
ـ أنزول عليه بعبع كدامه يخاف مني .
ـ خليج هيج أحس مرتاحه لا هم ولا غَم
لقاء ـ هو هم هيج وسكتنا وتصفحت شويه وصلتني رساله دخلت هذا سجاد خير
سجاد ـ هلاو
لقاء ـ هلاوات
ـ شلونج لقاء
ـ زينه الحمدلله شمذكرك بيه اليوم ومنين طالعه الشمس ومراسلني خير .
ـ معجب بيج
ـ دزلي سمايل خجلان
ـ يااا صارلي شگد صابره وتالي الله عوضني بيك يله نعمة كريم بلغ أهلك وتعال
ـ شبيج ما صدگتي واحد معجب بيج گبل جيب أهلك خرب بيومج ولا تعقلين بعدج خبله
ـ منو الخبله
ـ عصبت عمي أني الخبل
ـ أي عبالي ، أي صدك شمذكرك بيه
ـ أشتاقيتلج
ـ سجاد أنطيتك وجه لا تستخف وأدوس زايد
ـ عوذه منج شگد تفشلين شفتج معوزه حنان گلت خطيه كسرتي خاطري
ـ سافل أني بنت عمك ولك
ـ ادري ولج لان بنت عمي مراسلج اني خوش ولد ما ازحف أبداً
ـ اي أعرفك خوش ولد واضح واضح
ـ والله العظيم أنتِ داهيه
ـ شصار على حبيبتك
ـ وأنتِ شمدريج
ـ ترى باسل أخويه
ـ بس لا يسولف الج أسرارنا ليا
ـ لاتغلط لا مو كل أسراركم بس المهمات وتعال باسل فضحك وگال سجاد يحب وحده بالجامعه وياه
ـ أي أدري بدكته الناقصه ادبسزز أحنه نستر عليه وهو فاضحنا .
ـ تستاهلون غير .
ـ لقاء جايج بموضوع محد يخلصني غيرج
ـ مصالح مو أكول شمذكرك بيه وأنتَ تعليق ما تعلق
ـ أي والله وشغلتي داچه
ـ شنو موضوعك گول
ـ أبويه يريد يزوجني الج والصراحه أني والحجي مو على أصطلاح لان قبل فترة فتحت موضوع حبيتي وياه وتعاركنا وطردني بس بالاخير رجعت
ـ يزوجك اليه! لاتگولها
ـ أي والله مصدوم بهل القرار طلعلي بي وهو وعمامي سجاد يتزوج لقاء هم شايفين رجال يتزوج رجال
ـ طحنت مشاعري خرب بيومك شكالولك عليه مربيه شوراب العگيد ، شنو هاي سجاد زعلت روح بطلت ما أتزوجك .
ـ اسف والله بس معتبرج واحد من ولد عمامي ما جاي أتخيل فكره تصيرين مرتي غير نكظيها ملاكمات أني وياج وأثنينا نفس البرج والحسين تصير بالتفك .
ـ ولو جرحت مشاعري بس ميخالف تمون
ـ يعني أنتِ موافقه عليه
ـ لا شسالفه أني اتزوجك مستحيل
ـ ليش شبيه
ـ ما بيك شيء أكول تعال أنت مو اجيت تتوسط يمي شو عبالك غيرت رأيك
ـ لا شسالفه بس سوالفج حلوه
ـ أي وهسه شلون نفض هالسالفه
ـ حجيت ويه عمي سليم وطلع هو صاحب الفكره ردت أنتفه بوكس بس خطيه خاطب على أبواب زواج رأفت بحاله .
ـ هذا أفكاره بعالمه الموازي لاتخاف ما اتزوجك أطمئن
ـ عابتلج ولج
ـ شوگت تتزوج حبيبتك
ـ أبويه معارض والله وأمي تريد تأخذ فيروز أخت ياقوت هو احنه ويه ياقوت گوه
ـ ليش
ـ يمعوده بس مشاكل هي وزياد وهسه زعلانه يم أهلها وزياد قافل الا يطلگها .
ـ شو ما سمعت بهل الخبر
ـ وين تسمعين غير لو تطلعين
ـ اي والله ما طالعه ، يله يصير خير الله يسهل أمرك
ـ أمين الله يسمع منج يله عيني أخذي راحتج دوختج وياي
ـ لا عادي تدلل الله وياك وراح وأنصدمت بهل القرار أثاري الجماعه طابخينها بينهم بس عليمن عليه بس للامانه خوش مختارين اليه واحد حلو وشخصيه بس حرمات يحبله وحده خرب بعقلج لقاء معوزه حنان ضحگت على روحي والله لو يضل اخر يوم بعمري ما اتزوج من الكرايب
ضليت دايخه بهل السالفه وهو كلفني بيها لان عمي رشيد متسلط وابويه ارحم منه عليمن اروح احسن أبلغ ليث مثل ما يغلق موضوعه وموضوع ليال يغلق موضوعنا اني وسجاد وراسلته ليث كاعد وضليت انتظر نص ساعه يله جاوبني .
ليث ـ هلا لقاء .
لقاء ـ الصبح حجيت وياك بموضوعك أنتَ وليال وهسه هم عرفت يردون يزوجوني لـ سجاد ممكن تتدخل وتمنع هالزواج عمامي ما أعرف شبيهم طاگ بيهم فيوز والله ومستعجلين على زواجنا .
ـ بس لايگيين لبعض أنتِ وسجاد
ـ ليث
ـ لا أتشاقه شبيج وهو هم يحب وحده خطيه
ـ أي ادري أحجي وياهم بلا زحمه عليك وأني لما أمون عليك ما اجي
ـ تدللي من عيوني بالخدمه ما يكون الا خاطرج طيب
ـ تسلم ما تقصر الله يكوم مرتك بالسلامه
ـ الله يسلمج
ـ باي
ـ الله وياج .
ـ والحمدلله وثاني يوم وصلتني منه رساله
ليث ـ أطمئني غلقت موضوع زواجج وزواجي من ليال
لقاء ـ تمام مشكور
ليث ـ العفو .
لقاء ـ وصلتني رساله من سجاد وضحكت على سوالفه
سجاد ـ لج شُنو أنتِ حليتي موضوع الولايات المتحدة ما تحله عمي الج تأثير قوي بالحكومه .
لقاء ـ لا شدعوه ما سويت شيء
ـ روحي الله يبشرج بالخير مثل ما تبشرت بهل الخبر ويعوضج بواحد أحسن مني .
ـ شكراً شكراً
ـ خوما طحنت مشاعرج لان اني شو متسرع
ـ لا عادي ولا يهمك
ـ أصيله
ـ شكرا
ـ العفو بنت العم الكفو .
ـ ضحكت وعفت موبايلي وگمت گملت شغل البيت وأمي كل وقتها ويه البنات وتشتري ملابس وحيل تعلقوا بيها بس مع ذلك جانت عيونها حزينه وعينها عالباب وأروح الجامعه وأرجع تخابرني وتسأل عليه كأنما عاشت شعور الفقد بسبب جنات وصارت تخاف علينا على الرغم هي ما قصرت ويانا وكانت أم ونعم الامهات
وبيوم اللي دخلت علينا جواهر وجنات جنت أني نازله وعلى أساس التحق بس أمي من بعد اللي صار حيل تعبت وضعها تخربط وأخذنها المستشفى وكلنا خايفين عليها لان شكلها ذبل وكل من القهر الكتمته بداخلها على جنات وغيابها عن البيت وبعدها وضعها الصحي أستقر ورجعنا البيت الحمدلله رجعتلنا أمي وتكعد ويانا ونأكل ونسولف بس بعز السالفه تغلط بإسماءنا
هيفاء ـ جنات ماما الملابس عالحبل روحي جيبيهن
لقاء ـ أي يمه ما گتلها أني لقاء وينج جنات تعالي شوفي أمي وبالليل من دون الأيام باسل تعشى وگام
باسل ـ يله أني رايح يم عمامي
هيفاء ـ لاتروح اليوم
باسل ـ ليش يمه
ـ كاعدين وبناتك جاي ينغان ابقى وخطيه مريتك يوميه عايفها ورايح على عمامك ما تشبع منهم .
ـ اي يمه أبقى ليش لا أصلاً الكعده وياج تسوى كل الكعدات
لقاء ـ دنك باسها من جف أيديها وكعدنا ولعبنا بات محيبس ونضحك ونسولف وباسل وعصماء واني وامي وليال ومن المحبس بيد امي هي تغشش باسل لان هما اثنين واحنه اكثر نفوز وهي جانت تغششه وتغمزله ونضحك لا يمه غشيتي ما يصير
باسل ـ لا ولن ما غششتني أنتن ما تعرفن تلعبن مو يمه فدوه لوجهج .
لقاء ـ ولعبنا وكان الفوز لباسل وعصماء والله بالغش فزتوا امي تغششكم وأمي تضحك وباسل حضنها ويبوس بيها ويغور بينا وهي حاضنته وتبوس بي وليال جابت حبشكلات وكرزات وفواكهه وكعدنا اكلنا وتأخرنا بالتعلوله وباوعت على باسل وسألته
هيفاء ـ شصار على أختك
باسل ـ ما صار شيء دورنا عليه أني ونائل وليث مختفي هو ومرته وجهاله ساقط منهزم والله لو يوكع بأيدينا بس سهله خل نطلكها محكمه ونصدر امر بحقه الا اسحله سحلة الجلب .
لقاء ـ سگتت بس عيونها تحجي وبعدها گمنا نمننا وقبل لاتنام قست ضغطها طبيعي والصبح كعدت لكيتها مسويه ريوك مثل كل يوم تريك باسل بستها قوي صباح العافيه شلونج اليوم
هيفاء ـ هلا بنيتي صباح النور لا الحمدلله هسه باسل قبل لا يروح قاسلي ضغطي زين وتريكت وعبالي اطبخ الغده بس شو تعبانه ما بيه .
لقاء ـ وليش أنتِ تطبخين أحنه وين رايحين روحي أرتاحي وهسه عصماء تنزل تطبخ الغده واليوم جمعه وهي كل جمعة هي تطبخ الغده
ـ اي لعد كوليلها خل تطبخ دولمه شو اليوم كعدت مشتهيتها وخلي بيها شحم ليه
ـ تدللي بس وينج وين شحم ليه يمه وضغطج
ـ شويه مو هواي
ـ ماشي عود نتفاهم عليها
ـ يله لعد أروح أقرا سورة الكهف وأنتِ عاوني مرت أخوج خطيه ما تلحك وحدها وراها بناتها يردن منها ومن تنزل جيبيهن بكراسيهن يمي .
ـ أن شاء الله يمه وطلعت وأجتي ليال باستها من راسها
ـ الله يرضى عليجن ، حضري مواد الدولمه من تنزل مرت أخوج تسويها
ليال ـ ان شاء الله هلاو كاعده قبلي اليوم
لقاء ـ والله شو كعدت شبعانه نوم يله خل نتريك وكعدنا تريگنا اني وليال قصص وروايات عراقية كرار صلاح ونزلت عصماء واخذت البنات يمها بالكراسي يمها وهي تقرأ قرأن وتضحك الهن ورجعت لكيتهن يطبخن دولمه ودخل علينا باسل
عصماء ـ ها عيني أشسويت
باسل ـ الله يكصف عمره هسه نروح نسأل عليه بلكي نلگي اله أثر ، أني اطلگها بس أريد أكسره وين اليوجعه
لقاء ـ هو ليش هيج سوه
باسل ـ جلب جواهر ليش يعني يله أني رايح على نائل
شطابخين اليوم دولمه أويلي وأمي والبنات وين
لقاء ـ بالغرفه جاي تقرأ قرأن والبنات يمها وراحلها وطلع شايل السويج اوف يا جنات اشسويتي بروحج وبينا .
ليال ـ يله أني اروح اسبح وأغسل الملابس
لقاء ـ كملن الدولمه خلتها عالنار واسمع البنات يبجن ورحنا اني وعصماء شالت جنى واني اخذت غنى من حضن امي تعالي نسبحج
هيفاء ـ عصماء من تسبحيهن نشفي شعرهن زين ديري بالج عليهن جناوي تعاطس ورأسها حار
عصماء ـ ان شاء الله عيني عمه .
هيفاء ـ كملتن الدولمه
لقاء ـ اي خلنها عالنار وخلن بيها شحم ليه مثل ما طلبتي بس ها ما تكثرين هسه بس تستوي اجيبلج ماعون صبري نفسج لما يجي باسل ونتغدى
هيفاء ـ اي عاشت أيدجن ، ساعديها وديري بالج عليهن
لقاء ـ ان شاء الله يمه وشلتها وصعدت وياها ودخلت الحمام وياها سبحناهن وطلعت للغرفه لبستها وغنى بحضن عصماء
عصماء ـ يولي الدولمه نزلي نصي نارها لاتحترك وصبي ماعون لعمتي لان نتاخر لما يجي باسل بس لاتكثرين شحم موزين عليها
لقاء ـ ماشي عيني أستلمي بناتج يله ادعبلن على ماما
ونزلت ويه ما نزلت صادفتني جواهر جايه من ناحية غرفة أمي وتمشي سريع أنتِ شمدخلج بيتنا شجابج بعد كل إليّ سويتي صدك أنتِ ما تستحين دفعتني ومشت وطلعت تمشي بسرعه ونغزني گلبي أمي رحت الغرفتها وأمي نايمه بس فاتحه عيونها وكوه تشهك النفس يمه يمه وصرخت بعلوا صوتي يماااااا يمااااا أنفض بيها وهي تجر بثوبها تحاول تسحب نفس وملابسها منكعه بالماي وطلعت اركض وعيطت عصماء ليال الحكن أمييييييييييي بسسسسسرعه
حضنتها وشگيت ثوبها يمه حاجيني يمه فدوه يمه
شبيج يمه وأجتي ليال وشافتها وطلعت تركض
هيفاء ـ أريد نفس أريد نفس يمه لقاء ما بيه
لقاء ـ ولجن بـســـــرعه يمه فدوه أروحلج قبل شويه عفتج گلشي ما بيج ودخل باسل وكف ومصدوم وحضنها وعاط بينا
باسل ـ شبيها توني عفتها ما بيها شيء لقاء حاجيني امي شبيها ليش ما بيها تتنفس عفتنها وضغطها صعد مو گلت ما تعوفنها وأمي مثل خيالجن .
لقاء ـ والله ما عفتها والله ولج يمه سوده بوجهي وشالوها هو وليث وأني وراهم وجريت شال عصماء من شعرها وصعدت وياهم خلوها بحضني وليث يسوق وشغل بكل سرعته وباسل مد أيده وحضن ايدها ابوس بيها من كصتها يمه حاجيني تباوعلي ونظرات تخطف گلبي نزلت دموعي يمه خليج قويه تحملي هسه نوصل
هيفاء ـ يمه تعبانه باسل وينه باسل
باسل ـ يمه عيني أنتِ يمه يمج اني يمج ما بيج شيء هسه نوصل ليث سرع سرعتك رحمه لأهلك .
هيفاء ـ أريد نفس مختنگه يمه
باسل ـ اصيرلج نفس يمه هسه نوصل هسه ، شلون تعوفنها شلون مو امشي وأصي بيها مو كتلج أمي أمانه عندج لقاء .
لقاء ـ انفخ بوجهه أريد اوصلها نفس وليث شغل التبريد وشهگت وحجت بكلمات متقطعه
هيفاء ـ باسل يمه ديري بالك على أخواتك وعلى جنات أخواتك وصيتي يمه .
باسل ـ يمه لاتوجعين گلبي يمه فدوه اروحلج لاهيج تحجين ما بيج شيء والله مثل كل مره تتخربطين وتصيرين زينه وجنات بس ارجع اجيبها الج وتبقى يمج
لقاء ـ يممممه لاتعبين نفسج ، فدوه أروحلج لزمت أيدي وشدت عليها وباوعتلي بستها من عيونها
هيفاء ـ لقاء ماما ديري بالج على أخوج وعلى جنات يمه أني ظلمتها ودمرتها والصوج مني أني أنطيتها لجواهر
لقاء ـ يمه كافي لاهيج تحجين ليث بسرعه فدوه
ليث ـ وصلنا وصلنا
جواهر ـ گوليلها أمج مسامحتج راضيه عليج دنيا أخره والله يرضى عليكم كلكم
باسل ـ يمه حاجيني يمه يمه أمي ليش سگتتت
يمه تسمعيني يمه
لقاء ـ أيدها رخت من أيدي ومن ايد باسل وگفت السياره وانفض بيها واصرخ يممممما لا لا لا لا لا يمه لاتعوفيييييينا يممممممه أخذوها من حضني وراحت أمي راحت الحنينه ..
كاعده وابجي وباسل يبجي ويفتر وليث يهدي هي لحظات وكلها اجتي وأولهم أبويه يمشي ورجليه ما يشلنه وصل يمنا ويحجي سريع
سعيد ـ وينها هيفاء ش ش شبيها أمك شبيها
باسل ـ ما أعرف يابه ما أعرف عفتها كلشي ما بيها أجتني ليال تركض كالت أمي موزينه اوف يمه اوف
نائل ـ شوكت دخلتوها .
ليث ـ من نص ساعه تقريباً
لقاء ـ أهز برأسي مثل المخبله واون ودموعي تنزل دم ربي لاتوجعين گلبي ربي هاي أمي بعد وگت والله بعدنا ما شبعانين منها ، يمه لاتعوفيييييينا يممممممه
اباوع على باسل يدك رأسه بالحايط ونائل حضنه
نائل ـ گول يالله يمعود باسل خليك قوي ما أعرفك هيج
باسل ـ أمي موزينه نائل موزينه نائل وصتني على أخواتي أمي عافتلي وصيه كسرت ظهري يا قوي تحجي عنه أني عكب أمي ميت ، أندفن يمها والله أذا صارلها شيء
ربــــــي ردلــــي أمــــي .
لقاء ـ وطلعوا الدكتادره وعلنوا وفاتي مو وفاة أمي وكعت بالكاع أصرخ وباسل هجم عليهم يعيط
باسل ـ لا لا لا أمييييي ما تمووووت أمييييي ما بيها شي أرجعوا شوفوها ولج يمه ليش سويتيها ورحتي ليش يمه ليش عوفونيييي أني المتتت مو أميييي
لقاء ـ أمشي بدون روح أجيت بأمي رجعت بشيلتها أمي ما ماتت أمي نقتلت جواهر موتتها عفتها گلشي ما بيها شلون بساعه تموت وراحت من بين أيدينها خطف وجواهر موتتج يمه بس المن أحجي ومنو يصدكني وباسل تخبل وما ضل برأسه عقل حتى لو أحجي ما يسمعني ..
وصلت البيت والسيارات كلها طابگه يم باب بيتج يالحنينه أجوا عليج جيرانج يمه وأنتِ ماكو يمه ليش رحتي ..
وصلت والباب الحوش مفتوح والصاله مليانه نسوان كلها لابسه أسود وكرهت السواد من فاتحتج يمه وشفت ليال املخه نفسها وكعت بنصهم وكمنا نلطم وندك على صدرونا بقوه كسرتنا الحنينه الما يتعوض مكانها راحت أمييي ولج ليال ماتتتت أميييي رحت بيها ورجعت بطرك شيلتها ماتتتت أميييي ماتتتتت .
ليال ـ بصراخ يمـــــا ويني وين اليتم يمـــــا المن عفتينا يمــــا ، والله بعد وگت يمـــــا ما شبعنا منج
يا حبيبتي يا أمــــي .
جنات ـ يمـــــا أجيتج والبيت خالي يمـــــا رجعيلي عمت عيوني عليج يمه كون أني الميته يمـــــا
لقاء ـ ودخلت علينا جنات وكعت يمي وتضرب على وجهه وتصرخ وتكابلنا ثلاتنا وندك ونلطم يما المن عفتي بناتج على بختج يما ما هيج متفقين يمـــــا
جنات ـ لقاء أمييي ماتتت وهي ما راضيه عليه الله يأخذني گون اني الميته ولا هي يمه اني استاهل الموت مو أنتِ سوده بوجهي يمـــــا هضمتج مني
وشبعتي قهر من وراي يمـــــا أجيتج وأنتِ ماكوووو .
لقاء ـ تضرب بأيدها بالكاع وتضرب على صدرها وتصرخ واني وليال نفس شيء وخالاتي أخذنا بحضنهن بس محد يأخذ مكانها وتضل كسرة أمي جبيره وجعتيلي كلبي من رحتي وعفتينا يمـــــا .
وأرتفعت الأصوات وكالوا جابوها وخالاتي يعطين وكلها تبجي عليج يمـــــا حتى عماتي اليكرهجن بجن عليج يما ودخلوا يمــا سوده بوجهي باسل شايل تابوتج
دخلوا وأهنا نتصارخ وخلوا التابوت بالكاع وفتحوا وجنات حضنتها وتبوس بيها وتبجي وباسل يبوس بايدها وليال حاضنتها ونايمه وتصرخ واني اخ يكسرتي ماتت على أيدي .
ليال ـ عمت عيني عليج يا يمه عمت عيني يالحنينه
يايمه كسرتي ضهري بروحتج يايمه بعدنه صغار ماشبعنا منج يايمه يمه كسرتيني سوده بوجهي يمه
جنات ـ يمه أكعدي وحاجيني يمه سمعيني صوتج ارضي عليه يمه ، اخخ يايمه كسرتج جبيره واني من دونج ضايعه وضعت من عفتج يمه سامحيني يمه
يمه شلون أعيش من دونج يمه ، يمه رحتي وأني ما شفتج وبست أيدج ونمت بحضنج يمه عمت عيوني يا گلبي يا يمه أمي راحت وأني بحاجتها يمه هل عليه التعب بروحتج يمه .
لقاء ـ عمت عيوني عليج يمه حبيبتي ، باسل باسها من كصتها وعدها وگام تقربت حضنتها وجنات نايمه برگبتها وتبوس بيها ودخلوا علينا يردون يأخذونها عوفونها نشبع منها وخروا
باسل ـ خلوهن خلوهن يشبعن منها تلحكون تدفنوها هاي الماتت أمييي أمييي عوفوهن لاتأخذونها هسه عوفوهن .
لقاء ـ ليال تقربت باستهه وحاضنيها وخالاتي يردن يشوفنها واحنه ميتين وياها وسحبونها بعيد عنها وتقربن جديتي وخالاتي ودعنها وجنات ترفس وتتوسل باسل وتصرخ
جنات ـ باسل ادفني وياها لاتأخذونها خليني أشبع منها ماتتت وأني ما شفتها باسل ماتت وهي ما راضيه عليه .
لقاء ـ حضنها ويبجي وياها وشالوا التابوت ونتصارخ ومجلبين بي جنات عمتي نجاح لزمتها وهي تصرخ
جنات ـ يمـــــا أخذيني ويــــاج يمـــــا .
لقاء ـ أخذوها وأني مجلبه بيه خالتي هيام خاله خليني أشبع منها خلوها أمانه عليكم خلونا نشبع شوف منها يمـــــا لاتروحيييين يمـــــا أرجعي يمـــــا وشالوا التابوت كلنا كدروا النا الا ليال ملخت نفسها وشعرها وادفع بيهم وحاضنه تابوت نائل سحبها بقوه وشمرها علينا وطلعوا ومشوا وطلعنا نتراكض وراها وكفنا يم الباب وليال تصرخ وتركض وحافيه .
ليال ـ رجعولي أمييييي رجعولييييي أمي يمـــــا
لقاء ـ ليث جيت من السياره ولف شعرها بالشماغ ودخلها وهي ترفس وتضرب بي .
ليال ـ عوفنيييي هاي الماتتتت أمييييي الله يخليك رجعها بعدنا ما شبعنا منها ولج يمـــــا ارجعلينا وين رايحه وعايفيتنا يمـــــا
لقاء ـ طلع ودخلنا البيت والبيت خالي من حسج يمه خالي من أنفاسج يمه وكعدنا ندك ونلطم وليال الدم ينزل من وجهه وعمتي سلوى تهدي بيها بس هي منتهيه واني خالتي هيام خاله أمي ماتتت أميي ..
وبجينا وبجينا وبجينا وريت البجي يرجع الميت جان بجيت العمر كله بس ترجعيلنا يمه.، يمه جنات ميته وراج شلون تعيش حاضنه مخدتج وتصرخ يمـــــا
وراحت أمي وصفى البيت خرابه وشنسوي من دونج
يا حبيبتي يالحنينه ، الله يرحمج يغاليتي
كسرتنا الحنينه الما يتعوض مكانها 💔😔
الرحمه والفاتحه على روحها ربي يرحمها برحمته الواسعه ويسكنها فسيح جناته 🙏🏻
شكرا لزيارتكم عالم روايات سكيرهوم
