رواية بنات الحجي السعيد الفصل الثامن عشر بقلم شمس العراقية
ليال ـ نصبوا جوادر فاتحج بگلبي يا يمــــه ، كاعده أني ولقاء وجنات بين جديتي فهيمه أم أمي وخالتي هيام ونوره ، أبجي عليج الدهر هديتلي حيلي يمــه .
سلوى ـ ولج يمه گافي صوتج راح تردين تموتين رويحتج وأمج لو عايشه وتشوفج ما ترضى بالعمل هذا
ليال ـ عمه هاي أمييي أمييي كسرتيلي ضلوعي يمه
ريتني أني الميته ولا شايفه لوعتها ، عمه جانت خيمه على رأسي ورأس أخواتي ورأحت أخذها من عدنا الموت غفل والله غفل لا عالبال ولا عالخاطر موتج يمه .
سلوى ـ الله يصبرجن يمه بس گافي بنيتي والله أخاف أطگ رويحتج كلهن بصوب وأنتِ بصوت عمت عيني عليج الله يرحمها عاشت مظلومه .
ليال ـ حاضنتها وأصرخ بحضنها وصوتي مطبك ومجروح ويسگتن بينا ما نسگت وسمعت بيهم رجعوا لو شاغت روحي وعلى صوتنا دخل باسل لابس شماغ أسود وركضت عليه ولك باسل رجعت وأمي مو وياك
لقاء ـ رجعت وعفتها بالمگبره ، سوده بوجهي سوده بوجهي ريتني اني ولا أنتِ يمه .
باسل ـ ولج لقاء دفنتها بإيدي أخ يمه كسرتيلي ظهري هديتلي حيلي شلون ماتت أمي شلون والصبح كاعد وأسولف وياها والله گلشي ما بيها .
ليال ـ حضنها ويبجي ويانا ونتصارخ بحضنه وجنات واكفه بعيده وتبجي وفتح حضنه واجتي تركض وحضنها وتصرخ بحضنه ونتصارخ ثلاتننا ونبجي دم على فراگج يمه
لقاء ـ ولك باسل صرنا يتامى راحت الجانت النا أهل راحت الحنينه راحت .
سلوى ـ ولك يمه گافي خياتك كطعن أرواحن أمكم الله يرحمها ما ترضى هالعمل هذا جاي تأذونها ولك باسل وليدي شد حيلك .
ليال ـ طلعت صاحتهم وأجو ليث وفارس ونائل أخذوا وهو گوه يمشي وگف ولزم ظهره وحضنه ليث ويبجي وياه وأخذوا وطلعوا وضلينا نبجي على فراگج يمه ...
وأول ليله وأمي مو ويانا ولا نفسها وحسها بالبيت كلمن نام بفراشه بس أني وأخواتي كاعدات نبجي وجنات بحضن لقاء واني نايمه على رجلين خالتي هيام
سلوى ـ ولجن يمه كافي أدري صعبه عليجن وعلينا هم جانت حسبة أختي الله يرحمها ومكانها الجنه بس ما يصير هالعمل گومن أكلن لكمه .
لقاء ـ أكل سم وأموت والحكها شلون أعيش وهي ماكو
ليال ـ حاولت ويانا والصبح أحنه كاعدين والبيت ما فرغ أويلي عليج يمه كلها تجي عليج تحبين الكل وتحظين بالكل جوارينج أجو عليج وأنتِ ماكو .
وثاني يوم بالليل كاعدين عمتي سلوى جابت النا الأكل
هيام ـ ليال لقاء جنات كافي ماما صارلجن يومين شو گومن يله ماما .
ليال ـ بالكوه والأكل مر علگم ، أكلت شويه وگمت غسلت وشفت جدر الدولمه على حطته سوده عليه يمه جانت مشتهيته وتالي ماتت وما أكلت منها ، أباوع البيت مليان بس عندي فارغ لان أمي ما موجوده .
رجعت يم أخواتي تمددت وصافنه ما مقتنعه بموتتها
لقاء ـ خاله باسل هم أكل .
هيام ـ والله خالتج نوره وجديتج حاولن رادن ما قبل يخلي لكمه بحلگه هسه خليت خوالج يمه بالأستقبال
لقاء ـ هم اكو احد
هيام ـ لا مرت أبوج أخذت عماتج وكرابيكم وراحت البيت الجبير ما ضل احد بس أحنه وبيت عمج كريم ليث ولا تحرك من مكانه ما عاف باسل أبد شلون رجال الله يحفظه لشبابه وأمه دره تسواهن كلهن .
لقاء ـ راحت روحها ان شاء الله
ليال ـ يحجن وأني صافنه ودمعتي على خدي ودخلت خالتي هبه بايدها شراب .
هبه ـ هذا شراب جابته أم ليث وكالت خل ليال تشرب منه موصيتلج علمود بلعومج مجروج شربي منه بلكي ترتاحين گمتي تججين بالأشاره وأنتن هم شربن منه ونامن كافي تعذبن بنفسجن الماتت أختنا بس شنسوي امر الله ومكتوب .
ليال ـ شربت وأخواتي هم وبعدها نمنا وأستمرت فاتحة أمي عمت عيني خمس أيام وخلصت وشالوا الجوادر وكلمن رجع البيته والبيت فرغ علينا بس جديتي وخالاتي هيام ونوره ضلن يمنا وعمتي سلوى تروح وتجي لان ايناس حامل وتخاف عليها وخطيه ما قصرت
كاعدين بغرفة أمي وأجتي جديتي أم أمي وكعدت يمنا سحبتني على حضنها وحضنتها شميت بيها ريحة امي هلكد بجيت وهي تنعي .
الحجيه فهيمه ـ هضيمه عيونج الحلوات يا هيفاء يطمهن التراب ، عمت عيني عليج بنيتي .
ليال ـ ودخلت خالتي هيام سگتتها
هيام ـ لا تبجيهن ما تشوفيهن شلون صارن خطيه يمه
جنات ماما گومي اكلي لكمه وجهج أصفر راح توكعين
لقاء ـ گومي أكلي أنتِ حامل .
هيام ـ حامل ولج شلون .
ليال ـ باوعت على لقاء وخالتي ما تدري وحجتلها كلشي وضلن مصدومات وجنات تبجي
الحجيه فهيمه ـ جم شهر الج جده
جنات ـ ما ادري جده
هيام ـ أستغفر الله وأتوب اليه شهل القهر يربي
گومي وياي گومي .
ليال ـ أخذتها خالتي وشويه وأجتي
هيام ـ يمكن الطفل ميت بطنها لان جاي تنزف يمه باجر الصبح اوديها وافحصها .
الحجيه فهيمه ـ تروحين وحدج
هيام ـ أخذ وياي شامل ، روحي ماما نامي وأرتاحي
ليال ـ نومتها وغطتها وتفتر علينا وأجتي عصماء بأيدها جنى وتذكرت أمي وكامت لقاء أخذتها منها
هيام ـ ياعيني البنات ولا افرق بينهم
لقاء ـ لا أكو فرق شوي جنى ضعيفه وغنى سمينه
هيام ـ هاي تشبه أمها
ليال ـ أثنينهن يشبهن عصماء
هيام ـ يكولون البنيه اذا تشبه أمها من حظ أمها
لقاء ـ شلون يعني
هيام ـ معناها الأب يحب الأم يعني باسل يحب عصماء هواي ومن كثر حبه الها يطلعن بناتها يشبهن أمهن
لقاء ـ هاي الشغله منتهين منها حب باسل لعصماء أخاف عليه من العين وبالأخص عيون عماتي تگول ليزر
هيام ـ الله يدوم حبهم ومحبتهم ويحفظكم حبيبتي
عصماء ـ تسلمين عيوني ، أمين يارب .
ليال ـ ضلينا كاعدين والصبح خالتي هي وخالي شامل أخذوا جنات وراحوا وتأخروا ورجعوا بس جنات گوه تمشي فرشتلها ونومتها ها خاله أشسويتي .
هيام ـ ميت بطنها ووكع خلصت يله نامي لما أسويلج مركة لحم ، ليال ولقاء گومن أجني نسوان من جوارينك مدري كالوا بيت عبد السلام هنا يوميه يجن خطيه وهسه هم اجني كومن كعدن يم جديتجن .
ليال ـ أي خاله گمنا ودخلنا سلمنا عليهن وكعدنا وحده شابه اسمها فاطمه أخت أستاذ أمجد وعماته ثلاثه .
فاطمه ـ والله ما مصدكين موتت أم باسل شلون مره طيبه وحنينه صارلنا عمر أحنه وياها أخت عزيزه وغاليه هذاك الأسبوع تلاكينا بالماركت ما ينشبع من وجهه وسوالفها الحلوات هيج غفل ركض بركض بس وعد والله والله يرحمها برحمته الواسعه ويصبرجن على فراكها .
ليال ـ أمين وكعدنا ونص ساعه وگامن وفاطمه گالت
فاطمه ـ لعد جنات وين ما شفتها .
هيام ـ متأثره على فراك المرحومه لان الصغيره
فاطمه ـ الله يصبركم ويكون بعونكم .
ليال ـ طلعن ورجعنا كعدنا ولقاء تمددت وصافنه وخالتي نوره گالت .
نوره ـ هالمره حسبتها مو خاليه من سألت على جنات وبالفاتحه ما شالت عينها عليها وسمعتها تسأل أم ليث عليها .
هيام ـ يجوز أنقهرت عليها لان سوده ملخت نفسها أكوم أوديلها الغده وأنتن ماما ما تتغدن .
ليال ـ لا خاله ما الي نفس .
هيام ـ مو بكيفج ماما گومن نوره گومي صبي الغده للزلم والنا يله كومن توضن وصلن وادعلها يله خياتي .
لقاء ـ أكول خاله شو ولا وحده من عماتي وجديتي
نوره ـ لا أجني من الصبح جنتن نايمات كعدن ساعتين وراحن بس عوذه ولا وحده متأثره بس سلوى هاي صدك أخت يابه شلون مره طيبه .
هيام ـ شيسولنا يتأثرن والما يتأثرن راحت من جيسنا الميت محد ينكسر وراه غير أهله كسرتلي ظهري بروحتها احجي واسولف بس نار مورثه بگلبي وارجع واكول بنياتها أمانة هيفاء جانت تگولي هيام شايله هم اخاف الله يقدر عليه وأموت وبناتي منو الهن شيسون وراي وهنا متعلقات بيه ما الهن بس أخوهن وهذا همه بكبر الجبل ويتلوع وراي وهو ما يطلع الشغل أذا ما يجي يحضني ويشم ريحتي وزلمه وينام يحضني شلون أذا متت جانت تفكر وتحسب لهذا اليوم .
ليال ـ تحجي وأحنه نبحي وبجينا كلنا وجديتي حيييل متأثره شگد احنه بناتها طاگ گلبنا هي أكثر بس تباوعلنا وتبجي واذا شافت باسل شيصير بحالها وهو سوده عليه يجي يحضنها وينام يدور على ريحة أمي .
كاعدين بغرفة أمي وجنات نايمه على رجليه ولقاء صافنه .
لقاء ـ تدرن أمي ما ماتت امي أنقتلت وجواهر قتلتها .
ليال ـ شلون يعني حجتلنا وضليت مصدومه صُدك تحجين وليش هسه يله حجيتي .
لقاء ـ وأذا حجيت شراح يتغير وأمي وماتت وسگتت عيب من الناس والبيت مليان ما ردت أسويلهم فضيحه وأخزيهم بس هسه أجه وگت الحساب والله ما أسكتلها
جنات ـ أني هم متأكده هي قتلت أمي
لقاء ـ شلون ليش شفتي شيء عليها .
جنات ـ أي شفت أجتي تمشي سريع حتى نفسها عالي وبايدها جيس أسود وگبل دخلت المغاسل بس شُــنو عبالك واحد يركض وراها وبعدها قفلت عليه الباب خلف الله على بيداء كسرته وكالتلي وأجيت ودعت أمي
ليال ـ لا مستحيل يعني وصل بيها حقدها تقتل أمي لهل درجه الموت سهل يعني تقتل القتيل وتمشي بجنازته وطول الفاتحه تفتر مسويه روحها خوش مره وكاعده بالصدر حسبي الله عليج يا جواهر .
لقاء ـ هو صبرتلها تخلص الفاتحه ويصير خير وهسه خلصت الفاتحه وبعد ما وصلن ودام جنات هم شايفتها أمشي وياي وتحجين گلشي مو تشوفيهم وتگومين ترجفين لاتخافين واذا غلطج فه هي السبب والطفل وسقطتي وطلاك وباسل گال يطلگج بس كل هذا منو السبب بي جواهر ونحجي ونگول جواهر متفقه ويه عماد ومشتريته وخلته هيج يسوي بجنات
ليال ـ ما عندج دليل لقاء شلون تحجين وراح يصير الحجي علينا عوفيها ختولي هي وربها تنجاز .
لقاء ـ وأني أضل كاعده وكاتمه قهري وكل مصايبنا من وراها لعد أمي الطيبه الحنينه نمله ما تضر جوه التراب
وجواهر الساقطه عايشه وتسرح وتمرح بكيفها لا والله ما أسگُت إلها وأخذ حق أمي من عيونها وخل الكُـل يكِشفها على حقيقتها هالمجرمه وجنات أنتِ هم مـــا تسكتين أريدج تنفجرين بيهم وكلمتج ويه كلمتي واذا قلبتي عليه أرجعج لٔايام قبل خاف ما عندج علم ، يله گومي وياي .
جنات ـ لا والله وياج يله أمشي .
ليال ـ وين رايحات يمعودات رجعن والله ما تحصلن شيء منهم بس القهر لقاء عوفيها ورجعي البينا كافيننا ما ناقصين قهر كافي عليه موتت أمي والله گلبي خلصان
ما سمعني ولبسن عبيهن وطلعن واجتي خالتي هيام نزلت هي وعصماء من فوك
هيام ـ أخواتج وين راحن
ليال ـ على جواهر يحاسبنها على سوالفها ويحجن لأبويه وعمامي
هيام ـ وگته هسه يا ماما وقابل هي جديده عليجن بسوالفها حسبي الله عليها وأمجن ماتت بعد شتريد شضل الها من خفت شگلها وساعه السوده الشفناها بيها ، ركضي لحكيهن ورجعيهن .
ليال ـ لبست عبايتي وطلعت وراهن وصلت بيت جدي وأنفتح باب بيت عمي وطلع ليث باوعلي وگال
ليث ـ شلونج ليال البقيه بحياتج والله يرحمها .
ليال ـ حياتك الباقيه ، فتحت الباب ودخلت وهو دخل وراي وأسمع صوت لقاء يربي راح تعلگ دخلت وكلهم موجودين حتى عماتي وباسل كاعد ولقاء تحجي بعصبيه ودمها محترك تفور فور سوده عليه ودخل ليث سلم وكعد وباوعلي .
لقاء ـ عبالكم أمي ماتت موت الله لــو مرض أني مو غبيه ومفتحه عيوني وبعيوني نزلت من فوك وشفتها جايه من ناحية غرفة أمي وبس راحت ركضت على أمي تطلب النفس طلابه وملابسها منكعه ماي وبساعه وحده أمي ماتت واللي موتها وقتلها هي جواهر هاي الحيه مسويه روحها خوش مره وهي مجرمه هي ذبحت امي ويتمتنا أني وأخواتي هي قتلتها .
الحجيه حليمه ـ ما نخلص أحنه من سوالفجن قبل امجن تهمتها بالسحوره وعلى أساس جني يفتر عليجن بالبيت وهسه اجيتهن أنتن تتهمنا بموت أمجن حتى الموت جواهر السبب بي ما كافي عاد مره كاعده وما قصرت وياجن بفاتحة امجن وامجن ماتت كعدن بيتجن وسكتن شهل العرامه والصلافه جايبه أخواتج وجايه تتهددين تگولين جواهر قتلت أمي صدك ما تستحين شو أخذي اخواتج ولي للبيت يله .
جنات ـ لا صدك كلام لقاء جواهر هي قتلت أمي أني بعيوني شفتها اجتي تركض وخايفه وبأيدها جيس أسود ودخلت المغاسل وبعدها قفلت عليه الباب ونمت وكعدت لكيت أمي ميته .
لقاء ـ سمعتوا لو تردون مكبرات صوت ومتأكده لو سحر من سحورتها لو سم
سليم ـ أدبسزز أنتِ سگتي وأنطمي أنتِ وعارج والله وطلعلج للسان يا عار والله جان من زمان ذابحج وخلصان من عارج يا أدبسزز
لقاء ـ ليش عار شو الحملت منه رجلها وأذا جنات غلطت جواهر السبب هي كشفتها وسحبتها وعود تساعدها وتالي ما تالي طلع عماد يعرف أخوها مظهر هذا مظهر شگد ترستي حلگه ذهب وفلوس وجذب الجذبه وكلكم صدگتوا وزجتوها بحجة الستر وتالي كسرت رگبتها كل هذا علمود تكسر أمي وتتنقم منها بجنات بس الله ينتقم منج ومنكم كلكم .
نائل ـ هييييي سگتييي عاد لا أكوم أكسسر حلگج ترة سكتلجن هواي وگلت امهن ميته وخطيه بس أنتن مو مال خطيه عمي مو بنات غضب الله انوب عليه القتل شكالولج علينا مافيات لو عصابات .
الحجيه ـ عرمه هالبنيه عرمه وهيفاء طلعت ما مربيه ولا وحده منهن بس ليال عقل ورزانه وثكل بس ربت هالبنيه والا هذن عوذه منهن عوذه وهاي هاي وجه أبليس طول الفاتحه تحقر ويه عماتها .
لقاء ـ أنتِ سگتي وخافي ربج وراج گبر وحساب وكتاب والعمر اله حوبه من تطعنين بتربيه أمي جان باوعتي على نفسج شمربيه وأني طالعه على بناتج وأمي ربتنا تربيه ينحلف بيها لا أنتِ ولا غيرج يطعن بتعب وتربيه أمي .
وأذا ليال عاقله فطالعه على أمي هي نسختها ومثل امي كظت عمرها جارعه المر وساكته وعاشت مظلومه وماتت مظلومه ، صبرت وتحملت أهانه جواهر وحقارة أبويه لحد ما ماتت هي ساكته ومتأكده تعرف جواهر قتلتها بس ما حجت لان أمي مسالمه مو مثلكم علواه اتشبه بهلكد من أمي تسواكم كلكم .
سليم ـ أدبسزز سگتي لا أكوم اكسر حلكج صدك ما تستحين شلون هيج تحجين ويه جديتج وأنت ساكت عاجبك بناتك شيحجن ما تكوم تسسكتهن .
لقاء ـ اي عاجبه لان دماغه مغسول وأبقى ساكت لان بعد ما يفيد كلامك اذا من جانت ما عايشه ما حجيت هسه من مات الحنينه تحجي وأذا جواهر ساحرتك فه تستاهل لان خسرت أنسانه ما تتعوض خسرت أمي وراحت من جيسك مو بس من جيسسنا شلون ضميرك هسه مرتـــاح أرتاحيت من دفنت هيفاء جوه التراب وأجييت كابلت هالسحاره المكاره .
ليال ـ تحجي بصوت عالي ودموعها تنزل عشره على عشره حضنتها وأحاول أسسگتها أخاف منهم يضربونها لان نظرات عمي ونائل ما تبشر بالخير وابويه منزل رأسه ما نطق ولا حرف وياسل متفرج بصمت!! ، گافي لخاطر الله گافي لقاء أمشي احلفج بغلات أمييي تمشين منو يهتم لكلامنا عوفيهم حسبي الله عليهم
لقاء ـ أمي ماتت وأنت ما تحجي وياها وأشهر وأنت مقاطعها وما تدخل البيت بسبب سالفة جنات وحملتها الذنب والمسؤوليه وقبل لاتموت اجيتها وحجيت عليها وهي بحرف ما حجت ولا غثتك ماتت وهي ما غاثتك ولا مخالفتك بإمر لو بحجايه هضيمه أُمي من نســــوانك ، ماتت وخلصت منك ومن ظلمك أنت واهلك حسبي الله عليكم جعل حوبتها ما تتعداكم .
نائل ـ گافييييي عاد أمشششي أخذي أخواتج ولي يله
لقاء ـ رايحه يا أخويه يا حزام ظهري بس هسه ثبت أني ما عندي بس أخ واحد وهو أبن أمي هذا أخويه أبن هيفاء تشرفكم كلكم وأنت أبن جواهر شتطلع نبي الله أكيد نفس قذارتها وسوالفها الخايسه الله يدري بتاريخكم
ليال ـ راد يضربها وباسل وگف ولازم ايده ولواها وعاط بي..
باسل ـ ويــــــن تريـــد تضربها أكسر أيدك واحملها على رگبتك اذا مديتها على وحده منهن
نائل ـ لعد عاجبك هالأدبسزز تحجي على أمي وتتهمها بالقتل صارلها ساعه تحجي بكيفها وأنت كاعد وتباوع وما گمت كسرت حلگها وسگتتها وحجت على امي وامي ساكته الها وابويه ساكت حتى على جديتي تجاوزت وما أحترمت أحد عمي هاي مو بنيه غضب الله
هيج بنيه ادبسزز وعرمه ما شايف .
باسل ـ لا تگُـــــول عليها أدبسزز أحترم نفسك نائــــــل وأحترم مصابهن والماتت أمهن وخل يحجن من نار گلبهن مصيبتنا مصيبه وأمك ما قصرت ويه أمي حقرت الا گالت بس وريت أمك الميته ولأ أمــــي .
نائل ـ شتحجي أنت وكلمن يُموت بيومه أثاري طلعت ساكت على هضم وأنكس من أخواتك وكلكم تكرهون أُمي من حُقـــــدكم وسِمكم من يومكــم تكرهونها وتكرهوني وفرحان عندي أخ وأخوات وهما يتهمون أمي بالقتل بس هاي العايزه وتريد مني أسگتلها لا والله أكسر رأسها وأذا أُمــك ما ربتهن زين أني أربيهن .
باسل ـ لاتطعن بتربية أُمي نائــــــل .
ليال ـ تعاركوا ولزمت لقاء أمشن سويتي مشكله وهسه يوكع بيها باســـل مو گتلج لاتروحين شحصلنا بس القهر هيج أحسن .
لقاء ـ حسبي الله بيج يا ظالمه أشوف بيج يوم وجلالة الله والخلق النفس من النفس يا جواهـــــــر حق أُمي والظلم اللي عاشته بسببج ما أخليج تتهنين بحياتج واضل وراج ورى خرابج خربتي بين الرجال ومرته وبين الام وبنتها وبين الأخ وأخوه وبين الاخت وأخواتها الله يخرب حياتج وانتوا ابقوا ساكتين وراضخين وعبده لهل المجرمه السحاره تستاهلون أشوف بيكم يوم أسود بجاه حوبة أُمي .
ليال ـ تقرب عمي سليم ضربها كف قوي ولزمت خدها مصدومه وضرب جنات وباسل وگف مصدوم عصر كف ايده قوي وعاط بعمي
باسل ـ ليـــــــــش ضربتهن ليـــــــش .
سليم ـ لعد اخليهن على حل شعرهن .
باسل ـ بالعباس أبو فاضل ضربتك الهن ما أعديها عالخير لو مو تُكــــــون عمي أنتَ وكلمن يشد على أيدك
ليال ـ تلاغوا هو وعمي وعمي گام يغلط وأبويه ساكت
سليم ـ دمشي لك لم أخواتك فضحنا جانت هيفاء لامتهن وساتره عليهن شهل الأستهتار فضحتونا كل وحده لسانها متر بنات شارع مو مثلهن .
ليال ـ تعارگوا وتقرب ليث سحب لقاء من ذراعها وجنات كذلك وطلعنا برى
ليث ـ أمشن شجابجن كافي لخاطر الله كافي أمجن ماتت الله يرحمها واذا الها حق الله يأخذه الها كعدن بالبيت وسگتن هيج أحسن سويتن مشكله ورجع ضربجن
ليال ـ لقاء تبجي ومصدومه وجنات كذلك ورجع ليث وجه كلامه اليه
ليث ـ ليال أخذي أخذي أخواتج وروحي البيت يله لما اجيب باسل وأجي
ليال ـ يله أمشن لقاء طلعت تمشي سريع وتبجي وصلنا البيت دخلنا وخالتي تسأل بيهن ودخلت الغرفه وقفلت الباب وجنات حجت لخالتي وأني ابجي لان ضربهن وگت ننضرب وأمنا مو على رأسنا صرنا مذله من بعدج يمه جنتي حاميتنا وما تخلين أحد يتعدى علينا وضربة الكف لقاء جانت طعنة سجين بنص كلبها لان كسرة أُمي والكف صعبه .
هيام ـ هيج أحسن مو حجيت ونبهت لاتروحن بابا هاي قادره وكلشي يطلع منها هي أمجن ما سلمت منها الله يدري بهاي روحتجن شتسوي بيجن والله مخليه أيدي على گلبي منها ولًو باسل يطاوعني ويطاوع جديته وخواله تجون يمنا تعيشون وأنعل البيت والمال والحلال والورث وساعته شحصلتوا هاي أمكم ماتت على شُــنوْ باقين وجواهر فرغت الها الساحه بكيفها الله يُستر منها
ليال ـ ما حجيت بس الغصه تذبح بصدري ودخل باسل باوعلنا وجنات تبجي
جنات ـ كله بسببي كله مني أني سمحت ألها وركضت وراها وعفت أمي مهضومه ومقهوره مني وتالي وكعتني بشر أعمالها وأنتقمت من أمي بيه ولما أمي ماتت من قهرها ، أني السبب اني الله ياخذني الله ياخذني
ليال ـ كعدت تضرب على وجهه وتبجي وخالتي تسكت بيها وباسل سحب خالتي وحضنها وتصرخ بصدره .
جنات ـ باسل أُمي ماتتت بسسسببي ماتت من قهرها شلون راح أعيش من دونها شلون والله جاي أموت الله يأخذني ويخلصكم مني أني لازم أُموت مو أُمي عمت عيني عليج يمه جوه التراب وأني عايشه .
باسل ـ خلص گافي گافي ، أُمي ماتت الله يرحمها
جنات ـ باســــــل أُمـــــي أُمـــــي .
ليال ـ ضل حاضنها وهي تبجي وصوتها مطبك
باسل ـ دخلي غسلي وجهج گافي يله .
ليال ـ ودك الباب على لقاء وگامت فتحته وحضنها وتبجي وتحجي
لقاء ـ ليش باسل ليش ، ليش الظالم ما بتعاقب ليش عايشه حياتها وأمي جوه التراب والله هي قتلتها والله متأكده وكلام جنات أكدلي هالشيء مو كدامك عفتها تقرأ قرأن كُلشي ما بيها وجانت مشتهيه دولمه وعمت عيني ماتت وما أكلت منها .
باسل ـ الظالم اله يوم خيتي ومتأكد أُمي جانت تعرف جواهر قتلها ولو تريد تحجي جان قبل لاتموت حجتلنا جان حجتلج أول ما دخلتي عليها الغرفه بس هي عرفت بنفسها راح تُمـــوت وتعرف اذا حجت لا أني ولا أنتن نُسگت وتشب حرب وراها وخافت علينا منها وسگتت حتى وهي تريد تموت فضلت تضل ساكته علمود تتجفى الشر وما ننضر لا اني ولا أنتن ،فهتي عليه لقاء .
لقاء ـ بس هاي أُمي باســـل شلون أنام والقاتلها عايش شلون باسـل شلون وأني لحد الان مــا مقتنعه ولا راح أقتنع بموتها بس گولي وفهمني باســل هاي أُمي .
باسـل ـ ولا أني مقتنع هدتلي حيلي والله
ليال ـ يحجون ويبجون وبجيت طگ گلبي سوده عليه منو النا غيرك
ومر علينا هذا اليوم وكان صعب وخالتي حجت وياه بخصوص نروح نعيش يم خوالي باسل ما وافق ولا لقاء ورفضت رفض قاطع وخايفه منها وعليها تحجي والغضب بعيونها وأدري أبالها أفكار الله يسترنا منها
وجواهر مو سهله أبداً مو سهله دام وصلت بيها تقتل گُلشي تكُدر تسوي بينا وسكوتها وعدم دفاعها عن نفسها مو لله وراها شيء الله يُسترنا منها .
لقاء ـ باسل باجر وديني على أُمي إذا مــا أروحلها يُمكن أُموت وياريت يجي يومي والحگها دنيا وما بيها أُمي ما تنعاش والله مــا تنعاش .
ليال ـ عافتنا ودخلت الغرفه ولحگتها ولگيتها حاضنه شيلتها وتبجي حضنتها وبجيت وياها وأجتي جنات ولمتهن بحضني أوووف يمه أوووف ومن الصبح تحضرنا وعصماء رادت تجي ويانا بس باسل ما قبل
باسل ـ غير مره أُوديج أدري بيج تحبينها وتردين تروحين وأدري شكثر جانت تحبج وراضيه عليج بس مو هسه والبنات ما أمن عليهن الأ يمج أبقي يمهن وخالتي هيام وخالي شامل هسه يجي وليث هم خابرته يجي ومع ذلك ديري بالج على نفسج والبنات .
عصماء ـ ماشي عيني مثل ما تريد .
ليال ـ طلعنا وأجه ليث وگف يحجي وياه وصعدت بالصدر وجنات ولقاء ليورا وباوعت على باسل صعد دبات ماي وشغل وطلعنا وتمشي بينا السياره وكلمن صافنه ودمعتها على خدها الجانت تكعد بالصدر واحنه ليورا وهسه أني كاعده بمكانج عمت عيني عليج يمه .
وصلنا المگبره ونزل باسل وشايل دبة الماي ويمشي أحنه نمشي وراه ونبجي يمه ليش وحــــــدج يمه
وصلنا وشفت أسمها وصورتها مبتسمه وركضنا عليها وحضنه گبرها يمه أجيناج تعمى العين عليج يمة اروح فدوة الطولج الحلو .
لقاء ـ يمه كعدي هديتي حيلي يمه من هسه خايفه من باجر شلون اكظي العمر وأنتِ ماكو يمه تكاتروا عليه ومحد صدكني يمه ، أنذلينا من بعدج يمـــــه .
جنات ـ أجيتج يمه وكعديلي يمه أني جنات اني العزيزة عليـج وازغر بناتــج كاافي يمـة النوم شيقنع الروح بوفاتج ، يمه رضيتي عليه تمنيت أسمعها منج يمه يمه هلگد تمنيت أحضنج وأنام على صدرج عمت عيوني ساعه المشيت وخليتج يا بعد گلبي يا يمــــه
ليال ـ الله يرحمج يايمه ، تدرين يمه دوم اسأل ربي بصلاتي ليش أخذج من عدنا وأنتِ جنتي صافيه وبريئه وحنونه وجنتي أحلى ام وربي يحبج وأخذج يمه لان الزين مايضل يمه .
باسل ـ ليال لقاء جنات كافي أبويه گافي ، أقرلها الفاتحه يله گومن .
ليال ـ جنات حاضنه الكبر وتبوس بصورتها واني لقاء نايمين على قبرها وباسل يسحب بينا .
باسل ـ عينيني والله ظهري مكسور .
جنات ـ خلوني يمها خلوني أنام اهنا يمه أندفن يمج يمه ما اريد أعيش بعد والهوا يخنك يخنك والدنيا تخوف يمه واخاف من اليوم يمر وأنتِ ماكو .
لقاء ـ ليال جنات گافي يله گومن گافي أمشن باسل يريد يضل يمها گومن .
ليال ـ گمنا وقرينا الفاتحه الله يرحمج يمه ولقاء حضنت جنات ومشينا على السياره وباسل كعد وباسها من صورته وضل يمها يبجي ونمشي وجنات تصرخ وتريد ترجع ولقاء تمنعها وأجه باسل عيونه دم وشغل وطلعنا للبيت وصلت جنازه وليث فتحلنا الباب عبرته بدون ما أباوع وكوه أمشي حيلي مهدود روحي ذابت مثل الشمعه بفراگج يمه ..
ومرت ثلاث أشهر على وفاة أمي ولا متقبلين وفاتها وطول هالفتره أخواتي رجعن كملن دوامهن لقاء أخر سنه الها وتتخرج ان شاء الله وأمي ما لحكت تفرح بتخرجها ، وجنات هم رجعت على الرغم بيت جدي معارضين وكلهم رافضين بس باسل ما سمع الهم وهو رجعها وهو يوصلها الجامعه ويجببها وأني صفى عليه البيت وأتصفن بالفراغ العافته أُمي ولا مقتنعه بموتتها .
كاعده أرتب ملابسهن وأكويلهن ودخلت عليه عصماء
عصماء ـ أگولج إيناس تتولد ، شفتهم من الشباك مخبصوين وخابرت عمتي سلوى گالت هسه صار عدها طلوگه وراح يأخذونها المستشفى مو لازم أروح وياها خطيه هي بگلشي واكفه ويانا لازم نوكف بولادة جنتها شتكولين .
ليال ـ والله شگو بيها خابري باسل شوفي شگولج وإذا على البنات وما يقبل تطلعين گوليله ليال موجوده وخالتي هيام هسه تجيني هي وجديتي خالي شامل يجيبهن .
عصماء ـ ماشي عيني
ليال ـ خابرته وأجتي ها شكالج
عصماء ـ أصلاً هو جاي بالطريق گالي تحضري نروحلهم المستشفى يله أصعد اتحضر وانزل البنات كبل لايجي
ليال ـ تمام ، ونزلت جابتهن يمي وأجه باسل وراحوا
خليتهن بالحجله يمي يفترن ويضحكن وياي فدوه للبنات
غسلت البيت وگملت شغلي وأجتي جديتي وخالتي وخالي وسلمت عليهم وحسيت خالي شامل عنده شيء لان بس يسألني على باسل .
شامل ـ يبعد خالج ما گالج شوگت يرجع .
ليال ـ لا والله خالي ما كالي لان طلع مستعجل هسه أخابر عصماء واسألها .
هيام ـ أي سأليها جابت خطيه .
ليال ـ گمت خابرت عصماء ها شلونكم ولدت لو بعد
عصماء ـ بصالة الولاده بعدها وكاعدين ننتظر .
ـ ها الله يسهل ألها ، عود رجعي خابريني من تولد
ـ أن شاء الله .
ـ ورجعت كعدت يمهم بعدها وضلينا كاعدين وگمت اني وخالتي سوينا العشه لان طولوا لورى العشه يله اتصلت عصماء ها
ـ ولدت الف الحمدلله
ـ الحمدلله شنو صارلهم
ـ بنيه
ـ بالخير عليهم ، شوگت تجون لان خالي شامل يسأل على باسل
ـ هسه نجي هسه خالج خابره
ـ هذا هو لعد أخذي راحتج ورجعت غسلت مواعين وصبيت الجاي واجه باسل سلم وكعدوا هو وخالي ما عرفت شبيهم عاد جديتي گالت .
الحجيه فهيمه ـ أذا قبلوا ما نسوي گلشي من هسه أكولك بس يعقد عليها ونأخذها ويانا .
باسل ـ لا يقبلون أني حجيت ويه جدي وقنتعه صح عمي سليم معارض بس عندي وخالي وعدتك وأوفي بوعدي لاتشغل بالك ارجعها الك .
شامل ـ الله وأيدك نباوع على الله وعليك
ليال ـ خطيه شگد انقهرت عليه لعد شگد يحبها ولحد الأن ما ناسيها وفعلاً باسل مشى بيها وفى بوعده واجو جدي وخوالي وكعدوا وعقدوا الهم بيتنا لان
عمي سليم صاحب مشاكل تجفوا شره .
كملوا عقد وهي مبتسمه وعيونها تدمع واجه باسل باسها وحضنته وبجت .
بلقيس ـ الله يحفظك ما قصرت .
باسل ـ لا والله مقصر المفروض من زمان مرجعج بس شسوي لعمامي يله هاي هي والله يسعدكم .
ليال ـ أبتسمت بخجل وأخذها باسل ودخلنا الأستقبال وخالي شافها ياوعلها مبتسم ومتوتر سلمت عالكل وردت السلام ويمسح بوجهه وتقدمت سلمت على جديتي وحضنتها وخالتي هيام
الحجيه فهيمه ـ يمه بنيتي عزيزة گلب شامل .
ليال ـ كعدت بصف خالتي مستحيه وخالي يباوع عليها وجدي يضرب على جتفه ويضحكون وتمنيت أمي موجوده جانت شگد تتمنى عمتي بلقيس ترجع لخالي بس مـا صارت بوجودها الله يرحمج يمه .
وراحوا وهي ضلت يمنا باسل مبلغ بيت جدي تضل يمنا ويعقدون محكمه وتروح وياه تطلع من بيتنا
وثاني يوم اجتي خالتي أخذتنا اني وياها وجهزتلها خطيه وأبداً ما طلبت بس خالتي ما قصرت جهزتلها جهاز كامل من گلشي وعقدوا محكمه وباليل أجه يأخذها ولا وحده من عماتي وصلت بس هي ما اهتمت فرحتها الجبيره برجوعها لخالي وخالتي
هيام كشختها ووصل خالي كعدوا شويه وضيفتهم
شامل ـ يالله .
باسل ـ وين خالي بعد وگت هسه أجيت
شامل ـ باسل لاتصير خبيث خليني أمشي .
باسل ـ أدري بيك .
شامل ـ لاتصير ادبسزز عيب ولك
باسل ـ لا والله وعلى راسي أنت وعمتي .
ليال ـ وطلع وعمتي أجتي مستحيه تقدم لزمها من أيدها
شامل ـ نمشي يا نظر عيوني .
باسل ـ خرب قهرتوني والله
شامل ـ غير أهلك ظالمين عساها بحظهم وبختهم ضيعوا هالسنين من عمارنا مو خطيه فركونها بالغصب
ليال ـ يحجي وگلبه محترك ودعناهم وتشكر من باسل هواي ومشوا وعمتي كعدت بالصدر بصفه ودك هورن الله وياكم .
ورجعنا لميت الهوسه وخالتي ضلت يمنا نامت على سرير لقاء هي ما متزوجه ودائماً تجيينا وتضل كم يوم يمنا حتى تعودنا عليها واذا طولت علينا نفتقدها لان عباره عن كتله من الحنيه .
نايمه وأباوع على جنات تدرس بتركيز لان فترة أمتحانات
ولاحظت موبايلها أخر أهتمامها كأنما تحاول ترجع الثقه لان باسل هو جابلها موبايل وأخذلها ملابس ورجعها وهو يوصلها موقفه صدك موقف أخ لأخته ويحاول بمكان أمي ويسألنا شنو محتاجات ويوصي خالتي وعصماء علينا ولقاء يخابرها وبالساعات يحجي وياها ربي يحفظه النا أخ ونعم الأخ .
وبيوم لقاء موجوده وكاعدين والبنات يلعبن يمنا ويضحكن وجنات شايله جنى لان هاي حبيتها ومتعلقه بيها ودخل باسل معصب خير يا ستار شگو شبي باسل
عافنا وصعد الغرفته ولحگته عصماء وضلت جنى يمنا
جنات ـ شگو باسل شبي
لقاء ـ هسه أصعد أفهم منه هو جان بيت جدي أكيد سمعوا حجايه وغثوا لان معروفين بحقارتهم يابه أذا حاجين على أمي أروحلهم أسحكم سحك .
ليال ـ أوكفي خل نفهم بالأول ، أخذي جنى نعست خل تنومها ولاتسألين بعدين عصماء تحجيلنا ونفهم شبي
" گمنا لغرفتنا ولقاء صعدت جنى الهم وشويه وأجتي ها .
لقاء ـ أنصدمن مثل ما أنصدمت أبداً ما معقولين أهلج
ليال ـ شبيهم
جنات ـ صايرلهم شيء .
لقاء ـ لا عرج ما يطگهم بس طلع أخونا حزام ظهرنا بعد عيني على هيج أخوه خاطب تماضر وهالأسبوع يأخذها
ليال ـ لا تشاقين صُدك تحجين .
لقاء ـ أي والله
جنات ـ هذا شبي ترى أمي هذاك اليوم ماتت .
ليال ـ لهل الدرجه يعني .
لقاء ـ گلشي توقعن منهم دام أمه جواهر شيطلع أكيد أنكس منها بس العتب مو عليهم العتب على أبويه شلون سمح الهم وشلون مشى بالخطبه وعادي وعقدوا ورجعوا وهلاهل والأمر طبيعي ولا كأنما أميي ماتت هيج أمي طلعت رخيصه عندك وما أحترمت حزننا عليها
عادي تزوج شعلينا أحنه بس على الأقل أصبر كم شهر يله صارلها ثلاث أشهر! شتكُول علينا الناس ولا عبالك ميت الهم ميت والماتت أمي .
ليال ـ نزلت دمعتي هما من يومهم ما يحبونها تردين من ماتت يحترمننا على حزننا عليها ، أصلاً تلكيهن فرحانات وتشوف عيونجن يسون عرس وعادي جداً دام باسل أجه مقهور والدمعه بطارف عينه أظن صاير كلام وهيج قاهرينه
لقاء ـ حسبي الله عليهم من أهل .
جنات ـ وبيداء خطيه والله ما تستاهل لـو تدرن من جنت يمهم شگد جانت زينه عليه وتنطيني من ملابسها ولما هي تكسر عليه الباب أني ما الحك أودع أمي
لقاء ـ أمه جواهر بواكه الزلم تريد الكل يصير مثلها حتى جنتها ما سلمت من شرها وتلكينها متقصده تريد تحرك گلب عصماء الأخت أختها وأكيد تنقهر عليها وبعدها شبسرعه تنزل عليها ضره وموضوع الأطفال لا بيدها ولا بيد نائل الامر بيد رب العالمين بس عقولهم همج ومتخفلين وأول عيب يذبونه بالمرأه وبحجة أبني وحيدي أريد أشوف أحفادي وهي كذب حقاره وسم .
ليال ـ لا الظاهر المهله الأنطتها الهم نجلاء خلصت
لقاء ـ يا مهله مــا فَهمت!
ليال ـ جفصت هيج الله يجفينا شرهم .
لقاء ـ تعالي مو عليه ذبيتي حجايه وسگتي أحجي شضامه علينا وشُــنوْ مهله .
ليال ـ تماضر
جنات ـ شبيها تماضر .
ليال ـ حجيت الهم بس أمانه لاتگولن لأحد
لقاء ـ شنگول عيني وأنتِ شو هسه يله حجيتي عدما عقد عليها وراح بتزوجون وين جنتي وأنتِ عندج هالسر الخطير خرب بعقلج ليال لو حاجيه جان فضحتهم فضيحه والله هو وأمه العاهره فورتي دمي .
ليال ـ الله وصى بالستر وحتى لو أمها نجلاء
مهما يكون بنية بيت
لقاء ـ شـو أحنه محد ستر على جنات شو جواهر ما سترت عليها لا راحت فضحتها كدام الكل وبفاتحة أمي عينك عينك بينها وبين عماتي تحجي عليها وكل هذا وأنتِ ساكته خرب بعقلج ليال .
ليال ـ تردين نصير مثلها
لقاء ـ لا نصير أنكس منها اليعابيج عابي واللي يضربج بججاره ضربي طلقه لعد هيج أحسن من شوهت صورة جنات وفضحتها والكل يباوعلها بنظرة أستحقار ما يدرون كلها تخطيطات جواهر وأبنها عامل العمايل وأنتِ تعرفين بسقوطيته وسگتي وستري عليهم وهذا هو راح يتزوجها وعادي الأمر طبيعي جداً لأن أمثالج تسترن على فضايح مو مال ستر
ليال ـ بس هي خطيه هو بنفسه ما أعترف بغلطه وتخلى عنها وأمه وكفت وياه وأذا فضحتها هي تتعاقب وهو محد يحاسبه لان هو رجال والرجال محد يلومه كلها تلوم البنيه وهذا الشيء نعرفه ومنتهيين منه .
لقاء ـ لا تگولين خطيه هيج بنات مو مال خطيه ما تعرف تحافظ على نفسها وتمشر بروحها من حضن لحضن تستاهل تنفضح وگلشي يصير بيها لان هي ما حسبت حساب لنفسها وسمعتها ليش أجي أستر عليها وجواهر لاعبه لعب بينا أجي أستر على أبنها! والله عفيه
ليال بطلي فهاوه بهيج أمور لاتخبليني أني بدون شيء عقلي واكف على شعره من سوالف أهلج الناقصه .
جنات ـ أكولج ترى حتى لو حاجيه بوكتها راح يزوجونهم
ليال ـ أي صح كلامج
لقاء ـ شگد نذل نائل لعبت نفسي شُــنوْ يعني كل الزلم هيج قبل لايتزوجون عادي عدهم السالفه والله فلا اتزوج الا ابقى هيج .
ليال ـ هو منو يفكر يتزوج أني من بعد وفاة أمي كرهت گلشي گوه أمشي الأيام تخنك خنك .
لقاء ـ الله يرحمها تدرين أمي لو جانت تدري هم جان سگتت مثلج وما تحجي لأن أنتِ نفسها نسخه من أمي متشوفيني شگد أحبج .
ليال ـ الله يرحمها علواه أشبهه
جنات ـ هو أنتِ تشبهينها ومن يومج حنينه علينا كلنا وبالأخص بعد وفاة أمي من ارجع من الجامعه وأشوفج بالبيت وتفترين علينا وتحضرين الأكل وترتبين ملابسنا وتكعدين من الفجر وتصلين ومن أشوفج عالسجاده كأنما أمي كاعده وتسوين ريوك لـ باسل وتكابلين البنات وخلگج طويل أنتِ أمنا الثانيه .
ليال ـ أجتني وحضنتها وتبجي بحضني أخ يا كسرتنا
كذب أحد يأخذ مكانج يمه وجنات صارت روحه بيه ومرات تنام بحضني وعلاقتها بلقاء زينه عكس هذيج الأيام .
وكل يوم يمر عليه بثكل الجبال وكلشي طافي وباهت والحياة ماشيه عند الكل الا عندي متوقفه لقاء بلشت تطبيق بالصيدليه وتروح العصريات وبس تتخرج تكعد بالصيدليه وشوي شوي تفتح صيدليه خاصه بيها ودعم باسل الها اللي كان النا أب وأم وأخ وصديق وسند ...
راحت عصماء باركت الهم ومن رجعت عرفت منها مسمي بنته نغم وتكول البنيه تشبه أبوها ولقاء جاوبتها
لقاء ـ أذا تشبه أبوها حلوه وليث حلو .
ليال ـ بگلبي حجيت بالخير عليك الله يحفظها الك ويجعلها من البنات الصالحات ولاحظت من وفاة أمي گلشي بداخلي برد صرت بس أتمنى يجيني الليل وأكعد أعاتب أمي وأذكر الأيام العشناها سوه صار كل تفكيري بإخواتي ودراستهم ومستقبلهن وبجنات وحالها وبالأخص بعد ما طلگها باسل طلاق غيابي لازم الها محامي ومن وفاة أمي هو يمشي بالقضيه لان عرفت من لقاء أمي موصيته وموصيتها على جنات أرتاحي يمه ما عفناها ورجعناها يمنا وطلاكناها ورجعت تدرس وتتخرج وان شاء الله منتظرها مستقبل حلو على رغم كلام جواهر وطعنها بسمعتها بس اكو رب الكريم .
كلهن نامن وأني ضليت أكلب وأتصفح بالأنستا ودخلت على ستوري أيناس ناشرته بنتها وليث لازم أيد بنته ويسولف وياها ويضحك ابتسمت وأنطيت أعجاب شويه وصلتني رساله منها
أيناس ـ شلونج ليال .
ليال ـ الحمدلله وأنتِ
ـ بخير الله يسلمج ، أخواتج شلونهن
ـ ماشي الحال الحمدلله .
ـ والله أريد أجي عليكم بلكي يوم يصحلي مجال واجي
ـ لا على راحتج .
ـ الصراحه اليوم ردت أجي بس صارت مشكله بسبب ياقوت وبطلت ليث ما خلاني .
ـ ما عرفت شجاوبها وحسيتها تريد تحجي رجعت دزت
ـ أكدر أحجي وياج أذا ما تكون زحمه عليج
ـ أي عادي .
ـ والله العظيم مشلوع گلبي من يوم أجتنا زعلانه
ـ منو
ـ ياقوت مو زعلانه صارلها أشهر
ـ أي سمعت شعجب ما رجعت
ـ والله خطيه رجلها وعمها وعمتها اجو يرجعونها ما رجعت وأخوانها قنعوا بيها ما قنعت ميبسه رأسها حتى ما دخلت سلمت عليهم عمتي توسلت بيها الا عجزت تالي راحوا وزياد شافها معانده هو هم عند مثلها .
ـ الله يهدي سرهم
ـ أمين ، أني شريد غير ترجع والله ليال لو أسولفج يشيب رأسج من الوضعيه تصوري بگلشي تتدخل بحياتي بنتي برجلي بغرفتي بأكلنا بگلشي وصلت بيها ملابس ليث هي تختارهن ليث هيج يلبس وهي تكوي ملابسه عادي أخوج أكويله بس أكو أمور ما جاي أتقبلها وصلت بيها تكولي هيج لبسي وهيج سوي شعرج وهذا لون صبغي مثله قبل أخويه جان جداً معجب بأناقتي وبشعري واني اعرفه شيحب وشنو يكرهه ميخالف أخوج تعرفينه بس مو بالملابس وبذوقه الشخصي صح لومو صح .
ـ أي صح بس الأعرفه هي جانت حيل مقربه منه وصديقته أخذي الأمور بغير جانب وأستفادي منها
ـ يا أختي والله أجيت وياها ما يفيد يعني اني بعدني توني والده تگولي جسمج مو حلو ضعفي عاد ليث ما يحب جسم ما مرتب واني ولدت طبيعي وبطني زينه بس بعدني يرادلي وقت .
ـ ورجلج من كل هالحجي وينه ليش ما تحجيله عن تصرفات أخته وياج .
ـ يمعوده كم مره حجيتله كام يصيح عليه أهوو هم رجعنا على سوالف العمه والجنه والحمايه هو صح زين وياي وماكو منه بس من أفتح وياه هيج مواضيع ما يدخل نفسه يكولي تحمليها شسويلها يعني والله عمتي ماكو منها دره زينه وياي شلون أمي بس ياقوت مطلعتلي گلب بصف گلبي حتى من جانت بيت رجلها تتدخل وأنوب زعلت كملت عليه .
ـ والله ما اعرف شگولج طيب احجي لعمتي سلوى
ـ من زينها وياي أستحي أگول إلها على بنتها مهما يكون تضل بنتها ولان زعلانه شويه صعبه عليه ، ليال
عادي أطلب منج طلب
ـ شُــــنوُ .
ـ تكدرين تحجين ويه عمتي سلوى وتگولين الها بما أنه أنتِ قريبه منها بلكي تحجي ويه بنتها وتبطل تتدخل بحياتي وبرجلي وبنتي والله طاگ گلبي منها .
ـ لا بهاي أعذريني شوفي حجيتلي وسمعتج للاخير ما بيها شيء تحجين تفضضين عادي أسمعج لان الواحد أذا ما يحجي ينفجر بس مال أتدخل لا أعتذر مشاكل خاصه بينكم مالي دخل بيها
ـ أسفه ليال بس من قهري حجيت والله
ـ لا عادي ولا يهمج تنحل أن شاء الله كل بيت تصير بي هالمشاكل بين العيال .
ـ هو أنتظره يجي وأكعد أحجي والكي حل لهل المشكله
لو يرجعها لرجلها لو يمنعها تتدخل لان لعبت نفسي .
ـ تمام عيني ان شاء الله تنحل .
ـ ليال تسلمين لان سمعتيني .
ـ لا عادي يمتى ما تحبين أني موجوده .
ـ شكراً حبيبتي .
ـ العفو .
ـ صُدك أنتِ مو تخرجتي
ـ أي الحمدلله
ـ شعجب ما تسجلين بمعهد دورس خصوصيه أو مدرسه أهليه أحسن ما كاعده بالبيت والله كعدة البيت تخنك أني ما متعلمه بس من ورى بنتي مجبوره .
ـ ما مخليه أبالي والله ، الله كريم منا لوكتها .
ـ الله كريم ، يله حبيبتي أخذي راحتج أنومها قبل لايجي
ـ تمام الله وياج ودزتلي صورتها باوعت عليها حلوه الله يحفظها انطتني أعجاب وغلقت الموبايل وصفنت وتذكرته من نهى العلاقه علمود شروطه طبقهن عليه وعلى غيري لا وهو بنفسه يوديها الجامعه يالله شگد أناني وشخصيتك متناقضه .
وثاني يوم عصماء راحت لأهلها وأختها راحت وياها وباوعتلها عيونها مورمه من البجي إنقهرت عليها الله يكون بعونها والزلم أبداً مو وفيين ونكرانين العشره ونائل حاله حال ليث وغيره كلهم نفس الطيبه كرهونا بالحب وساعته والله خلوا قلوبنا مثل الصخر بسبب فعاليهم وأذيتهم المستباحه إلنل لحد الان أدك بگلبي هورنات العرس من عبرت فرعنا نذاله ما تُغتفر للأبد .
بيداء ـ جنت حاسه والله جنت حاسه هالسعاده ما راح تدوم اليه ويجي ويوم وأنكسر عصماء گلبي مثل النار وسمعته يحجي وياها وتگوله كافي صبرت عليك هواي وهو يحاول وياها تصوري تگوله أغضب عليك ليوم الدين أذا ما تتزوج وتخلفلي حفيدي هم شايفه هيج أم
عادي عدها تخرب حياتنا وسعادتنا وتحرك گلبي .
عصماء ـ والله ما أعرف شحجي وشگول وهو اجاج حجيتي وياه فهمتي منه
ـ لا ما أجه طلع من لبيت وأني هم ولا راسلته عفته
لان واضح راح يوافق على قرار أمه ويتزوج ومنو يتزوج تماضر من أكولج اكو بينهم علاقه قبلي وجنت حاسه بهالشيء محد صدكني وهسه ثبت الشك باليقين
ـ وأنتِ شُــــنوُ قرارج
ـ قراري بشــنو
ـ أذا تزوج تبقين لو تروحين أقصد علاقتكم .
ـ عصماء أحبه والله أحبه جنت شايفته سند وأهلي هو شلون بيوم وليله انكسر هالكسره بزوجه تأخذه مني
ـ من يحجي أكعدي وأحجي كل البداخلج وتفاهموا اذا فعلاً ناوي يتزوج لازم تتخذين موقف يا تبقين زوجة اولى وتتحملين گلشي يا تعوفينه وتنهين گلشي القرار قرارج ما يحتاج أحد يتدخل وينصحج لا أني ولا غيري ولا حتى أهلي هاي حياتج أنتِ فاهمه عليه .
ـ لو أنتِ مكاني شتسوين
ـ وشعليج بيه لاتقارنين حياتج بحياة غيرج فكري بحياتج هسه
ـ لا نفرض نفرض
ـ شتفرضين حتى لو صارت ما أبقى وحتى لو أريد ابقى عندي بناتي واكو هواي غيري يتحملن كلشي لخاطر اطفالهن وأنتِ ما عندج اليكسر ظهرج بعد بكيفج تبقين لان تحبينه أبقي بس لازم تتحملين .
ـ ماشي أسمع صوت يمكن أجه بعدين أخابرج
ـ ماشي عيني .
ـ وأجه وباوعلي حسيته يريد يحجي وياي بس متردد
نائل ـ كاعده
بيداء ـ أنتظرك
ـ فدوه رحتلج تعالي يمي
ـ حضني بس بداخلي نار حضنته وبجيت أعرف بيك تريد تحجي وياي ومتردد وسمعتكم أنت وأمك تحجون تريد تزوجك وصبرها خلص ولازم تتخذ القرار .
ـ بيداء
ـ شنو قرارك تأفف ويفرك بوجهه وأبتعد عني وكف يم الشباك دايخ ومحتار .
ـ تتزوج مو ليش مو وعدتني ما تكسرني وأنتِ بنتي وضحكت على عقلي بهل الكلام وتالي ما تالي بكلمه من امك تكسرني وبيداء عادي واذا أحبها اتزوج
ـ مو هيج حبيبتي والله مو هيج
ـ لا هيج لعد شگو غير موضوع الأطفال ترى مو بيدي
ـ أعرف مو بأيدج والله أعرف بس
ـ بس شُــــنوُ يعني تتزوج
ـ أي
ـ عالخير أن شاء الله بس أني ماشيه ما أبقى بحياتك
ـ ما تمشين وتبقين بحياتي غصباً عليج فاهمه أني أحبج الج وهذا الزواج بس علمود أخلص من الحجي واسد حلوك وحبنا يضل مثل ما هو وأحبج الج لوحدج
ـ تضحك عليه يا حب تحجي عنه وأنت رايح تتزوج ويصيرلك أطفال منها وشيء أكيد تحبها لان أم أطفالك بعد أم فلان مو بيداء مخليه مزهريه تباوع عليها وبس ما تكدر تخلف الك طفل حضني ويبوس بيه واني ادفع بي عوفنييييي عوفنييييي أكرهك أكرهك حتى أنت هم كسرتني دفعته وحضنت المخده وبجيت وهو ضل كاعد لنص الليل طگ گلبي هو كاعد يدخن باوعلي گلبت وشفت عصماء كاعده وراسلتها بلغتها
ـ يعني قرار أخير
ـ أي جاي تكون عصماء وهو بس ساكت ويدخن يكولي احبج يا حب هذا
ـ الله يكون بعونج .
ـ عفت الموبايل وحاولت أنام ما كدرت وكعدت ما لكيته وضليت بغرفتي ما نزلت وأجه الظهر شايل قاط خلاه بالكنتور .
ـ ليش لحد الان ما نازله
ـ جايب قاط جديد لازم اليوم تخطب .
ـ نزلي تغدي
ـ ما حاوبتني
ـ أي اليوم.
ـ وديني لأهلي
ـ ماكو
ـ مو بگيفك وديني لأهلي
ـ گلت ماكو روحه يعني ماكو ، يله نزلي
ـ ما انزل تريد تنزل أنزل أنت، عافنب ونزل وبجيت وراسلت عصماء حجيتلها جاب القاط اليوم يخطب
ـ صُدك تحجين مو عيب وعمتي ما صارلها أشهر من توفت اني عبالي ينتظر هسه .
ـ ما ادري والله هسه اجه وفهمت منه يله بعدين احاجيج عفت الموبايل لان سمعت بخطواته واجه جايب الاكل
واجه كعدني عوفني نائل لاتلح
ـ لا الح شو گومي تغدي وياي
ـ لا فد مره اركصلك ترى رايح تخطب ياريت تعوفني لان راح أعوفك ضربني على رأسي
ـ أكسر حلكج اذا تحجين هالحجايه يله تنزقبي وما تنزلين عادي ابقي اني اجيبلج الأكل وكلشي تسوينه أعكسه .
ـ ما جاوبته وبالكوه أكلت كم لكمه وعفته للعصر دخل سبح وطلع وباوعلي بجيت واجه حضني واني ادفع بي عوفنييييي خاين كسرتني وراح تتزوج
ـ أوووف يا نار گلبي شمسويه بحالي .
ـ ضليت أبجي بحضنه لما غفيت كعدت ما لكيته نزلت مثل المخبله وهلاهل صداها يتردد بأذني سسويتها نائل ، باوعت وشفته هو وعمه سليم يضحك وفرحان اله بهل الزواج لان حقير يكرهني .
سليم ـ هسه أكولك من صدك مبروك هسه عمي والله أنت زلمه تعجبني تستاهل وتماضر خوش بنيه الله يسعدكم .
الحجيه ـ مبارك جده مبارك أن شاء الله تفرح صدرك بطفل .
بيداء ـ كلهم يباركون اله وأمه تهلهل بعلو صوتها وتبوس بي وهو باسها من رأسها واني أباوعلهم عايشين أفراحهم عادي وكدام عيوني .
جواهر ـ يا فرحتي بيك يا يمه فدوه لطولك تستاهل يمه تستاهل .
بيداء ـ الله يحرك گلبج مثل ما حركتي گلبي ورجعت تهلهل ودخلت عمته انسام وهم جابنها بهلاهل وعلى أثر اصوات هلاهن دخل باسل يصيح عليهم .
باسل ـ شُــــنوُ هالهلاهل مو عيب هيج الميت رخيص عدكم شويه أحترموا هسه رحت خطبت ما حجينا بس مو هلاهل تارسه الفرع ترى ما يصير .
جواهر ـ وليش ما يصير عيني ترى الخاطب أبني وفرحانه بي شنو تريد اضل العمر كله أدك والطم على امك وهي ماتت الله يرحمها محد يموت ورى أحد خلص يومها شنسويلها يعني .
باسل ـ أنتِ ما حاجي وياج أحترمي نفسج بالأول بعدين أحترمي الميت محد عاتب عليج
نائل ـ شو أنتَ الما محترم نفسك وتحاجي أمي بهل الاسلوب ، أنتوا شتردون بالضبط ترة ما صايره يوميه هادين علينا لو أنت لو اخواتك .
باسل ـ أني جاي هداد عليك سمعت الهلاهل وأجيت واشوفها ما الها داعي هسه وأمي ما صارلها كم شهر من توفت شويه أحترموا هذا الجيتك بي .
جواهر ـ لا والله نهلهل ونعرس هم واليوم خطوبة وأسبوع اليجي يعرس وأسويله عرس هم والله خوش تعال الميت اليموت موتوا وراه .
باسل ـ أنتِ سكتي سكتيي .
نائل ـ أحجي بأحترام ويه أمي لو تشوف شيء ما يعجبك
باسل ـ هي أمك ما محترمه نفسها ترديني أحترمها ما تسمعها شتحجي شنو ألاسبوع الجاي يعرس كأنما الشغله عناد بيه وبوفاة أمي .
ـ اي أسبوع الجاي أعرس ليكون عندك مانع
ـ لا تشاقه
ـ لا والله ليش ما يعجبك
ـ اي طبعاً ما يعجبني خطبت ما حجيت بس على أقل اصبر كم شهر شيصير يعني ما تحترم حزني على والدتي .
ـ والداتك ماتت الله يرحمها والحياة ما تتوقف شنسويلها يعني وكلمن يخلص يومه واذا هيج مقهور لان ما احترمت حزنك شو ما گلت على نفسك أنت وخالك شامل من رجعت اله عمتك لو هذا ما محسوب زواج .
ـ بلي محسوب زواج بس مجرد اخذتها عقد عليها وثاني عقد محكمه وأخذها وياه وهاي كل السالفه .
ـ يعتبر عرس وأنت وخالك ما أحترمتوا وفاة أمك وأخته تريد منا نحترم حزنكم لا حبيبي أنت كسرت حزنك من رجعت عمتك لخالك واحنه نكمل أفراحنه .
ـ نائل أنتَ أخويه لاتسوي عرس هسه أصبر بس هلكم شهر حتى العالم تحجي شيكولون دافنين رأس بصل
ـ محد يحجي جان حجوا من رجعت عمتك مسويلي بيها حزانين أنت وخالك ما تبطلون سوالف الحزن مالتكم عود متأثر على امك روح عمي روح .
ـ من يومك نذل
ـ منو النذل ولك
بيداء ـ راد يضربه بس باسل مشه وعافه وخالتي كامت تحجي وتصيح
جواهر ـ شفتي باسل شفي ابن هيفاء شيحجي تعالوا لاتفرحون والله امي ميته شو ما كال على نفسه من رجع بلقيس لشامل صدك ما يستحي .
نائل ـ يمـــــه گافي سدي الموضوع .
بيداء ـ باوعلي وشافني عفته وصعدت ولكيت عصماء تتصل عليه جاوبتها وسألتني وحجيتلها رجلج طلع دمعه بطارف عينه .
عصماء ـ بعدين نحجي .
بيداء ـ عفت الموبايل ودخل نزع القاط مالته شدعوه هيج قسيت ويه أخوك تكدر ما تسوي عرس لو تماضر ما ترضى الا عرس .
نائل ـ أنتِ لاتتدخلين .
بيداء ـ باجر وديني لأهلي ما اضل بعد .
ـ ماكو روحه
ـ مو بكيفك والله ما اضل بعد دام هالأسبوع تتزوج شكو باقيه ، شويه أحترم مشاعري اني مو حجر
ـ أذا تروحين ترجعين
ـ ما أرجع
ً ـ لعد كعدي وسگتي وطلعه من البيت ماكو
ـ والله يا نائل أذا ما خليتني اروح بيت أهلي بليلة عرسك اكب نفط وأحرك روحي واخليك بندمك فتح عيونه على وسعهن واجاني بخوف وخر لاتلزمني
ـ شنو هالحجايه الحجيتي أكسر حلگج اذا تفكرين مجرد تفكير فاهمه لاتخبليني وياج .
ـ وديني لأهلي ما اضل يمك وأنت تزوج تماضر .
ـ خل أكمل شغلي وأوديج ميخالف بس موهسه
ـ لا هسه وشنو شغلك ، تشتري غرفه وتجيبها گبال عيني وتعذبني متعمد تحرك گلبي .
ـ لاتخافين ما اجيبها يمج
ـ لعد وين توديها
ـ أشتريت بيت تسكن لوحدها وأنتِ أهنا
ـ يا سلام على حلولك يا سلام منو گالك ابقى
ـ غصباً عليج تبقين وحجيت ويه أهلج ووافقوا
ـ ووافقوا هما وافقوا أني ما موافقه حياتي مو حياتهم
ـ لا اله الا الله على هالليله
ـ نائل لأخر مره أكولها الك وديني لأهلي عافني ونزل وبجيت ما شاء الله من هسه بيتها لوحدها ومشتري لا الظاهر تخطيطات مشتغله من زمان ومجهزين ومرتبين أمورهم على الأخير وأني أخر من يعلم الله ياخذني اي والله مو حياة زقنبوت من ما تجي قهر ما تنعاش .
" ضليت كاعده عايشه كسرتي وأبجي كرهت الدنيا والعايشين بيها طفى واهسي بيها لان أخر شيء متوقعه يكسرني هو نائل وخابرت عصماء كالت باجر تروح لاهلي أخذيني وياج
عصماء ـ ترى أبات يوم واحد وأرجع ما أكدر اطول البنات وحدهن
بيداء ـ بس أخذيني طلعيني منا راح اسوي شيء بنفسي اذا ابقى عصماء أفهميني واصله مرحله كارهه حتى نفسي .
ـ اسم الله أستغفري ربج ماشي قنعي رجلج بالهدوء وتعالي الصبح بس دوامج شلون .
ـ تمام هسه عوفي دوام هسه اخر سنه تلزك تدبر
ـ ماشي .
ـ راسلته وبلغته
ـ مو گتلج أني اوديج
ـ أني أريد اروح باجر
ـ بس ترجعين وياها يوم واحد بس
ـ ماشي
ـ مبين وافقتي
ـ أي
ـ ماشي روحي بس راح أشتاكلج والله
ـ ما جاوبته گمت حضرت ملابسي وتجهزت واجه ينام نمت وعفته حاول وياي قافله والصبح كعدت هو ما نايم مدخن الا كايل بس تجهزت وطلعت وتقرب حضني يبوس بيه تاخرت لازم امشي
ـ لاتزعلين مني والله الزواج صار غصباً عني
ـ أنت رجال ومغصوب لعد شخليت للبنيه ماله داعي هالكلام لاتنزل من شخصيتك كول هاي تخطيطات امك وعمتك مشتغلين عليها من زمان واجه وكتها وأتخذتوا حملي سبب وتفذتوا خططتكم أكولك اي بس مال مغصوب لا
ـ بيداء لاتحركيين گلبي
ـ أنت الحرگت گلبي لاتكلب الايه ، عفته ونزلت وشافتني خالتي وصاحت وراي .
جواهر ـ وين
بيداء ـ رايحه بيت أهلي وعايفتج العريس والغرفه تصرفي بيها ليش التكاليف ، بالخير عليكم افرحي بعرس أبنج خاله ، عفتها ومشيت وصلتهم لكيتها متجهزه وشفت البنات سلمت عليهم وبس أريد نطلع من الفرع والشباك مقابلنا وشفته واكف وصافن عليه تجاهلته وصعدت ليوره وحضنت غنى وشغل وطلعنا وما باوعت وراي نهائي يا كسرة العمر .
وصلنا بيت أهلي وأمي تحجي وتقنع بيه واني قافله اخر شي عطت بيها عوفيني بقهري لو أنتِ أبويه ياخذ عليج مره ترضين لا ما ترضين لهذا وفري نصايحج .
غنيه ـ لعد تعوفين رجلج الهن وتعوفين الجاه والعز والدلال وتجيني تكابليني وتعيشين بالفكر والعازه ونرجع لسوالفج من جديد بيداء لا رجعي وستري على نفسج بيت رجلج مو أول ولا أخر رجال يتزوج وعذره وياه وحيد امه وتريد تشوف أحفادها من حقهم .
ـ تعيىريني يمه وشسوي بالجاه والعز والدلال شسوي بي يمه الكسره بالروح شنو ما حاسه بنار گلبي وأذا ما خلفت شسوي شطالع بيدي هذا امر رب العالمين ليش تذبون الصوج بس بيه وهو لازم يتزوج والله وحيد أمه كثر الله خيرج يمه ما قصرتي ريتني باقيه ومتحمله كسرة رجلي ولا كسرتج .
ـ شسويلج يا يمه وأنتِ تزوجتي بفضيحه وربج ستر ما انذبحتي وربج ستر عليج بسوالفج الما تسولف لهذا كعدي وأرضي بقسمتج يمه وين ترجعيلي أني المحل وعزلته وعايشه على شغل أبوج بس مدبرين العلاكه خلف الله على اختج ورجلها تجسيني من ملابس
عصماء ـ يمه گافي سدي الموضوع البيها كافيها هم الله يساعدها ترة مو هينه عليها يله گومي .
بيداء ـ أخذتها وطلعت وضليت كاعده وأبجي ويتصل عليه ارفضه تالي غلقته وأتصل من موبايل عصماء ما جاوبته حظرته وأمي وحتى أبويه كظت حظرته ما بقيت ولا خط تواصل ويومين اني بس ابجي وعصماء اليوم راحت اجاها رجلها واخذها .
ومر أسبوع وهو يراسلني ويتوسل متجاهلته وبيوم ما جنت متوقعه اليوم عرسه الا شفت تهاني أختها ناشره ستوريات مسوين حنه بقاعه وبدله وركص وأغاني ودك وركص حفله من حفله وراسلت عصماء وبلغتها شفتي طلعوا ما مصدكين
عصماء ـ ولا أحترموا البنات شافن الستوريات شگد أنقهرن بس ما حجن ولا باسل حجه لان هما ما احترموا مهما يكون أمهم خطيه لو خالتي عايشه وام نائل المتوفيه والله جان احترمتهم بس مع الاسف والله
بيداء ـ أكيد باجر هم يسوي عرس مو
ـ هو اليسوي حنه وحفله ودك وركص ما يسوي عرس
ـ عفت الموبايل وغلقته وبقيت كاعده وثاني يوم صادف عرسه ومتابعه ستوريات تهاني وتنشر وشفتها ناشرتهم تقدم لزمها من ايدها ومشوا وأغاني وهلاهل
تزوجت هاي هي واليوم تنام بمكاني وبيداء شيء لم يُكن هباءً منثوراً ...
وأجه الليل وبجيت دم وعصماء على أتصال وياي تسگت بيه واني أنتهيت صارلي يومين ما نايمه من حركة كلبي عصماء نار تاكل بيه
عصماء ـ اووف لعد اني ولج هيج حقاره ما شفت
زفه وهورنات من الفرع وباسل سوده بوجهي منزل راسه ودمعته على خده حركوا گلوبنا والله يعني ماكو واحد شريف گال الهم أحترموا وبلا هالسوالف والعالم تحجي ما صارلها أشهر من ماتت جانوا أستحــوا أي والله ولج والله العظيم فد مصدومه وبالأخص عمي مو هاي مرتك يعني متشمتين بينا لو شُــــنوُ فلمكم ترى الموت ما بي شماته بس هاي حقاره من خالتج .
ـ هو كله شغل خالتي أصلاً لا عمي ولا غير عمي اله دور بالبيت بس سليم وهذا هم يخاف منها عبالج مسيطره عالكل .
ـ مـــا يصير هيج الأحترام واجب هي هم بمثابة أمك
هيج مستعجل سوي عرس على سكيتي مو الا هورنات وهلاهل عبالك أول مره معرس .
ـ گافي لاتحجيلي فدوه
ـ ماشي بعدين اجيج اروح على بناتي يبجن وباسل عصبي ماله خلكهن باي .
ـ تمام ، وراحت وضليت كاعد واجتني امي أخذتني بحضنها بس نار مشتعله بصدره كسر گلبي يمه وتزوج أخذ رجلي مني هجمن بيتي المخافن الله .
ـ حسبي الله ونعم الوكيل ، الله كريم يمه الله يجبر خاطرج ويترس حضنج .
ـ ضليت نايمه بحضنها وكل شوي أفز وأباوع الساعه هسه نايمه بحضنه هسه يسولفون وهيج لما صبحت الدنيا وخابرتني عصماء وحجيت وياها ورجعت نمت وضلي مالي خلك حتى صخنت وثاني يوم من زواجه العصر اجاني واني سمعت صوته گمت قفلت باب الغرفه .
نائل ـ بيداء فتحي الباب خل نتفاهم
بيداء ـ وعلى شُــــنوُ نتفاهم لاتعب نفسك أرجع على تماضر وبيداء أنساها خلاص طلعت من حياتك وكلمن بطريق .
ـ مو على كيفج عوفي هالحجي وأمشي وياي أنتِ حبيبتي وأم بيتي .
ـ بس مو أم جهالك اني ما اخلف شكو مبقيني بحياتك
ـ أهوو يا سالفه ما تخلص شو فتحي
ـ ما افتح والله لا اتعب نفسك وعفته وتمددت وسمعت الباب ينضرب وكمزت نائل شتسوي
ـ أكسر الباب شسوي قابل
ـ لا يمعود أبويه يضل يحجي أوكف فتحته شتسوي باب الخلفوك تكسره من كل عقلك لزمني من ايدي وسحبني وسحب جنطتي وموبايلي نائل وين عوفني
ـ عالبيت وين قابل
ـ نائل عوفني ما أرجعلك والله ما أصيرلك مره بعد عوفني يمـــــه لحكيلي .
ـ موجودين بالبستان هسه من اجيت شفتهم بيج خير وعيطي أخذج وياي أخذج .
ـ شالني واني أرفس وادفع بي عوفني عضيته وضغط على سنونه وتحمل وفتح السياره وذبني بالصدر وقفل الباب عليه وراح جاب ملابسي وغراضي وطلع عبايتي واجه شمرها عليه
ـ لبسي وستري نفسج
ـ ما ألبس
ـ لبسي لا أبتلي بعمرج والله
ـ ما لبستها عاندت واجه لبسني بالغصب وعدل شالي عود يغار الحقير خاين أكرهك أموت منك أكرهك
ـ فهمنا فهمنا .
ـ عاط بيه وقفل باب البيت وشغل السياره وطلعنا البيت وباوعت على رگبته وشفت أثر لعبت نفسي شگد حقيره .
ـ شبيج تباوعين لازم مشتاقتلي
ـ لا أني أشتاقلك بس جان قبل لاتجي تباوع بالمرايا وتشوف ركبتك عيب هاي السوالف تافهه ما تدل على حب ، رفع رأسه وباوع بالمرايا وضرب الستيرن .
ـ خرب بعقلج تماضر .
ـ بعد وگت هسه يله حسيت حركتك أوفر الصراحه
ـ انجبي
ـ اي انجب ليش لا تدلل .
ـ بيداء
ً ـ الله يأخذني على هالعيشه ما جاوبني وعصماء أتصلت رفضتها وراسلتها حجيتلها خبالته
ـ هسه رجعتي بالغصب
ـ اي شالني ودخلني السياره وداخلين حرب
ـ يستاهل لاتنطينه وجه
ـ أعجبج
ـ يله توصلون بالسلامه
ـ الله يسلمج نهيت المحادثه وهو يباوعلي شبيك تباوعلي بنص عين عبالك أخونك
ـ مو اكسر حلگج احجي عدل بيداء .
ـ سگتت ووصلنا ولكيتها موجوده هي وأمها وكاشخه والعطر يكفخ مبالغه بكشختها درينا عروس كبر عبرتهن بدون كلام وصعدت وهو وراي وخالتي تحجي وياه هو ولا عبالك يسمع
جواهر ـ وين تركض وراها تعال أكعد ولك نائل مو عمتك هنا نائل ويامن احجي اني .
بيداء ـ أجه وقفل الباب وگف كبالي روحلهن شگو جايني كمل الكعده وياهن خطيه زوجتك وعمتك ما يصير حبيبي أني گلت حبيبي لو انتهى كبل سحبني واخذ شفايفي وادفع بي وهو مستمر نائل عوفني
ـ ما أعوفج صارلج يومين مفارگتني أهلي نبشتهم نبش وتگولين عوفني وين اعوفج وأني عقلي وكلبي بس يمج .
ـ ما گدرتله وسيطر عليه ونايمه بحضنه وطلع جگاره ويدخن ويبوس من كصتي وبجيت ليش هيج سويت
ـ ما أحب زعلنا يستمر ما أكدر دايخ مثول والله امشي وأعارك من رحتي لليوم ما خليت واحد ما عارگته گله من وراج لج أفهميني أحبـــــج .
ـ حضنته البارحه نومتها بحضنك مو الليل كله هي بحضنك .
ـ كافي بيداء
ـ اي أكيد ما جاوبني ونمننا للمغرب الباب يدك قوي وعاط بعلوا صوتوا
ـ وجع منو
تماضر ـ أني شوگت نروح البيت .
نائل ـ نزلي هسه أجي .
بيداء ـ راح تروح مو
نائل ـ أوصلها وأبيت أمها يمها وأرجعلج
ـ جذاب هسه تروح ما ترجع وليش ترجع وسگتني
ـ انجبي أنتِ حبي لاتخلين هاي السالفه أساس حبنا بطلي رعونيه وقدري حبي الج .
ـ روح يله
ـ أرجعلج وأني الج
ـ أذا رجعت وأني غبيه شلون بسرعه رضيت گبر طمني انداريت وهو كام سبح ولبس وأجه باسني وراح وخابرت عصماء أختج غبيه غبيه
عصماء ـ شگو شبيج
بيداء ـ حجيتلها
ـ شبسرعه رضيتي
ـ هو ما انطاني مجال وتعرفين بيه أحبه
ـ دامج رجعتي هذا هو تحملي وأرضي بواقعج وهاي البدايه بعدج وينج وين سوالف الضراير .
ـ اني ليش تنزل عليه ضره من نزل عليها ملك الموت
ـ قسمتج خيتي شتسوين بعد
ـ اووف اوفف خل انزل اشوف شكو ماكو وأشوفه يرجع من يمها لا .
ـ ماشي .
ـ ونزلت لكيت خالتي صابين العشه كعدت تعشيت وياهم ومن گمت صاحت وراي
ـ أمشي غسسلي المواعين وين صاعده گبل
ـ وگت جانت ما تخليني أغسل ماعون ما حجيت لان كاعدين دخلت غسلتهن وهو ماكو وراسلته ما تجي مو
ـ لا حبيبي الصبح أجي
ـ والله عرفت أدري بيك نسونجي بداله من وحده لوحده
ً ـ ليش ما تنجبين
ـ ضحكتني وضحكت عليه وأخذت رغبتك ومشيت وراها وراح تبات يمها وبيداء أركعي رأسج بالحايط
ـ لا والله مو هيج بس عمتي ما باتت يمها وما أكدر أعوفها لوحدها .
ـ اي من حقك تخاف عليها مرتك عيني مرتك
ً ـ بيداء حبيبي باجر الصبح أني يمج ونحجي وأفهمج
ـ لا تجي ولا توصل ولا أتعب نفسك ولسانك
ـ بالنهار يمج وبالليل يمها لان بيتها لوحدها منو يبات يمها وعمتي هم عدها بيتها وعيالها
ـ خوش حل شفت صباحي وشفت مسائي
ـ بله قشمرتج هسه
ـ ليش وين مشتريلها بيت ست الحسن
ـ بالفرع الثاني بظهر بيت خالتي هيفاء .
ـ يعني قريب
ـ اي قريب عليج
ـ باي
ـ هسه راح اجي بس لاتزعل مني
ـ لاتجي ولله راح أغسل المواعين واصعد انام شافها وما رد عليه وكملت ودزيت محادثتنا الها شوفي طيحان الحظ .
ـ بعدج وينج
ـ قهر والله العظيم
ـ الله يساعدج ، گال باسل بيته بظهر بيتنا ومراسل لقاء طالب منها رمز الشبكه
ـ منطيته لـو بمكانها ما أنطي سم
ـ أي منطيته شتسويله رغم حقارته السواها وياهم يضل أخوهن وهما مو مثله ويكولون هو فطير وأندفاعي من أمه
ـ منو الفطير نائل
ـ اي
ـ محد فطير حبيبتي يله اروح انام تعبانه والصبح أروح اكمل دوامي واذا نفصلت لو تعاقبت الا اروحلها البيت احركه عليها وعليه .
ـ ماشي بلغيني شيصير وياج
ـ اوك ونمت وكعدت الصبح على دگة الباب باوعت بالسته خير منو
نائل ـ اني فتحي الباب .
بيداء ـ شجابك حلمان بيه فتحته ودخل عفته وحضنت المخده ونمت
ـ صايره تحضنين المخده
ـ اي والله رجلي أنباك المن ضاله بالعوز العاطفي دفرني وجرني ونمني بحضنه ومن النعس نمت وكعدت وعفته نايم لبست وكملت كوم وديني المعهد اذا ما طلعت مفصوله .
ـ لا رجلج موجود محد يفصلج
ـ الله يخلي لزمني من ايدي ونزلنا وخالتي تباوعلنا
جواهر ـ شُــــنوُ بايت اهنا وعايف مرتك وحدها بالبيت
نائل ـ لا هسه أجيت يله بيداء امشي تأخرنا
بيداء ـ وطلعنا وطبك باب بيته ونزل وشويه واجه وهي ورى الباب تباوعلنا
نائل ـ قفلي الباب زين .
بيداء ـ اجه وصلني المعهد ودخل وياي عفته يمهم ودخلت وهوسه كومه فايتنني محاضرات بس يله مهم رجعت وأستمرت حياتي المخربطه بالليل يمها وبالنهار يمي من ١٢ الظهر يجي لـ ١٢ بالليل يروحون واجتي فتره بس مشاكل وشفته هو تعب وواضح عليه متعذب تالي نسحبت وعفته على راحته وعصماء مصبرتني وتعلم بيه واجتي فترة التخرج والتهيت بالتجهيزات ويه صديقاتي وفرحانه وياهن وطلبت عصماء تحضر ما حضرت حفلة تخرجي الحقيره وهي بنفسها گالتلي يردون يرحون يحضرون لتكريت يحضرون تخرج لقاء من كلية الصيدله لان نفسيتها حيل تعبانه لان جانت تتمنى امها تحضر حفلة تخرجها ...
وتخرجت الحمدلله وخلصت وحققت حلمي وكعدت بالبيت انتظر تعيني وكل هالفتره تماضر ما حملت وبلشت نفس المعانات العشتها اني جاي تعيشها
هي يوميه مأخذتها دكتوره خالتي وأمها وكومة علاجات وتتنظر تصير حامل .
وبيوم كاعده بغرفتي وسمعت صوت عالي وشكلها عركه خير يا ستار شگو نزلت سريع ولقاء لازمه خالتي وتضرب بيها بعصا وخالتي تعيط وتحاول بس تكدر لان لقاء مسيطره عليها اخر شيء نومتها وخنگتها من ركبتها عزه راح تموتها .
لقاء ـ شوفي ولج أذا ما طلعين خشمج من حياتنا وجلالته اطلعج من الدنيا لو اعرف أدخل جنهم خاف ساكتين خايفين منج لا ولج والله ساكتين جاي أجمعن الج.
الحجيه حليمه ـ شگو يوميه هاده على مرت أبوج ما تستحين ولج هاي حسبة أمج خوما صغيره يوميه مطلعه صوتنا تردين تفضحينا ولج عوفيها الله يأخذج راح تموتينها يبوووه لحگولنا ولج بيداء لحكي لخالتج
بيداء ـ بردت گلبي سويت روحي متأثره ياا لقاء عوفيها شسالفه ما يصير وحاولت من جذب وضربتني على رجلي
لقاء ـ وخري من وجهي لا انومج فوك خالتج وخري
بيداء ـ ابتعدت وهي جرتها من شعرها وضربت لقاء ورجعت لقاء دفعتها بحيث خالتي شاغت روحها ونامت عليها نوامي وعضتها بكل قوتها الا طلعت الدم وتفلت بوجهه
لقاء ـ شوفي ولج روحتج لبيت عبد السلام وحاجيه على جنات كدام فاطمه وتردين تخربين قسمتها والخلقج أخرب خلقتج بيت عبد السلام خط أحمر خليج بعيده عنهم وبالأخص فاطمه
يعني خربتي حياتها لصفر وموتني أمي سكتنا الج بس مال تخربين قسمتها لا حبيبتي اني مفتحه الج بالماء العكر ارجعج لخيستج ام لبن تف على خلقتج الزفره .
بيداء ـ ما كملت وياها والحجيه ضربتها بالعوجيه قوي على رأسها اظن فشختها لان لقاء لزمت راسها متوجعه وخالتي كامت حيل الحصان جرتها من شعرها وتضرب بيها وعمتي نجاح تدخلت وتحاول تفازع لقاء بس لقاء ضربت الحجيه غدرت بيها .
الحجيه حليمه ـ ربيها زين لان هالجلبه ما مربايه كتلي ايدج وما مدت .
بيداء ـ تدخلت واحاول اخلص لقاء وخالتي ضربتني ولقاء جرتها من شعرها وخالتي كامت تعيط ودخلوا فارس وسجاد وسجاد سحب خالتي هي سحبه هي وكعه وجر وخلص لقاء منها .
سجاد ـ تخبلتي لو مخلفه بگد بناتج حاط عقلج وياها جان أستحيتي على عمرج وشيباتج فضحتينا صوتج واصل لرأس الفرع وين عايشين احنه كاوليه خوما كاوليه بس تعيطين .
جواهر ـ ولك أنت هيج تحاجيني ولك وتدافع الها ودمك محترك على بنت عمك لازم مضبط امورك أنت وياها بس اصبرولي انتوا الاثنين عليه سوالفكم عبالكم ما ادري بيك تحبها وبينكم مراسلات وغراميات ساقط مثلها بس كلامي ويه عمك سعيد وأبوك رشيد هما يشوفون شغلهم وياكم .
لقاء ـ شتحجين أنتِ
فارس ـ خاله گولي يالله شهل الحجي هذا ، لقاء أمشي سجاد اطلع ما عليكم يله
سجاد ـ احجي اللي تحجينه ماكو شيء وبنت عمي وادافع الها لعد شتردين أعوفها الج وهي يتيمه وروحي گولي ما عندي شيء أخاف منه .
بيداء ـ لقاء سگتت باكت هوا وفارس سحبها وطلع وسجاد وراهم وخالتي كعدت تبجي ولازمه عظام جسمها وتون والحجيه باوعتلها وكالت
الحجيه ـ تعالي أحجيلي شُــــنوُ هذا السمعته شخربطتي بسوالفج كدام فارس وسجاد! .
جواهر ـ بعدين عمه بعدين يجي سعيد ويصير خير
الحجيه ـ شوفي أني ما ارضى على سوالفها ودگاتها وياج بس ما أسمحلج تطعنين بيها ويه أبن عمها واني اعرفهم أثنينهم لا سجاد ولا لقاء تطلع منهم السالفه العوجه وتجفص لاتجفصين وعوفي سعيد قهر هيفاء كافي عليه .
جواهر ـ شسويله قابل أني موتتها والله خوش كسرتني الله يكسر عظامج وأنت ما تفازعين لو متشمته بيه حقيره مثل أختج ادبسززيات عوذه .
بيداء ـ الحجيه اشرتلي معناها سگتي وعفتها ورحت المطبخ والعمه نجاح تحجي ومقهوره ودمعتها بطارف عينها .
نجاح ـ يعني والله ، الله ما يراضاها ليش تگتلها
بيداء ـ قصدج الحجيه لو خالتي
ـ لا أمي ضربتها بالعوجيه فشختها خلتها تنكز من الوجع فطرت گلبي فوك ما يتيمه امهن ماتت وعافتهن على أيد النسواين وخالتج تستاهل الكتله ليش تروح يم الجوارين تحجي على جنات وتطعن بشرفها لان سمعت جايتها قسمه بس الصوج من أخويه هواي راخي الها الحبل وعايفها على حل شعرها بكيفها تحجي وتطعن بسمعة بناته وأمي هم منطيتها عين من يوم زوجتها لسعيد وشالت خطية هيفاء ما يوم رزلتها وحاجتها لما هسه هيفاء ماتت وأستقوت وتفرعنت وأستلمت البنات وتطعن بشرفهن بأذني بالفاتحه سمعتها تحجي لجارتنا ام انس خلفتها بس ولد وخلتها على كل للسان ليش مو بنية بيت مو خطيه بس وگت بنات هيفاء ينحلف بتربيتهن ينحجي عليهن ومنو اليحجي جواهر .
بيداء ـ ردت أجاوبها ودخلت خالتي خزرتني وطلعت وسحبتني من ايدي الغرفه خاله على كيفج
جواهر ـ شوفي ولج من هسه أكولج هاي الحيه تريد تخربج عليه علمود تطلعج من البيت ولج عمت عينج البيت بيتج هذا القصر الح حتى لو ما خلفتي كافي بس نائل يحبج ويباوع على طولج .
ـ لا خاله شسالفه مهما يكون أنتِ خالتي أم زوجي واللي يحجي عليج يحجي عليه وعلى نائل
ـ أي عفيه عليج هيج أريدج لاتخلين ولاتسمحين لأحد يحجي عليه لان يكرهوني وشايفين المال بيدي وكلشي عندي وأنتِ ضلي وراي وأستلمي مكاني كل محلات الذهب والعمارات والبيوت وهذا القصر الج أنتِ زوجة أبني وحبيبة گلبه كلشي لأبني ونسوانه حفظي كلامي .
ـ هزيت رأسي طبطت على أكتافي وعافتني بذهول وصعدت خابرت عصماء وحجيت الها گلشي .
ـ اي اجتي هسه
ـ اي وأكملج نجاح خطيه مقهوره وعمتي شحجتلي الصراحه ما اعرف منين أبدي
ـ شحجتلج خلها تحجيي والمال والبيوت وكلشي ورثه لا بكيفها ولا بكيفج وأنتِ بهيج مواضيع لاتتدخلين عيب هما بينهم أحنه ما علينا ديري بالج تنجرين ورى خالتج المال مال أبوهم احنه ما علينا ما ندخل لان ما يجيينا بس وحع الرأس فاهمه .
ـ تمام أسمع صوت نائل أبقي عالخط طلعت وأسمعها تحجي وتبجي وتشكيلها
نائل ـ لعد لقاء تضربج سهله وعيونج اليوم گتلها عمل شعبي لان هواي تمادت وأستجلبت الا اربيها اليوم إذا ما سگطتها أني مـو نائل .
عصماء ـ شو رجلج بسرعه يحمى ويندفع روحي روحي خل اروح انزل عليهن لايجي ويسسويها لان باسل بالمحل
بيداء ـ عزه لحگي بسرعه خطيه قطعت الخط ونائل مشه سريع وشويه اجه عمي وطلعته ايديها وشوفتها ضرب لقاء وهو ولا باوع دخل الغرفه وهي تصيح عليه
جواهر ـ شو ولا مهتم فوك ما بنتك تضربني وأنت ساكت المفروض تروح تكسر رأسها وتربيها .
سعيد ـ وأنتِ شموديج عليهن لما أدورين موت مو گتلج البنات ما عليج بيهن كم مره احجي اني مو گتلج اكسر أيدج اذا رفعتيها على وحدهن مو حجيت وصخمت
ـ هي اجتني للبيت شايله عوده كسرتني بيها الله يكسرها ان شاء الله
ـ هيج من كيفها
ـ شو ما تصدگني قابل اجذب عليك ولو انت شيهمك
ـ البنات عوفيهن وعقلج گبري مالي خلك مشاكل
ـ لا يبوي ليش الك خلك بس لو هيفاء جان الك خلك
ـ أنجبي جواهر هيفاء أرتحمت وراحت لربها .
ـ ماشي يا سعيد هسه أبني يبردلي گلبي
ـ ليش أبنج شعليه
ـ دزيته على بنتك العرمه يعيد تربيتها
ـ شُــــنوُ دزيتي يضرب أخته ولج الله لا يبارك بيج تاليتج تجلطيني والله شلون ادزينه يضرب أخته شلون من كثر أخواته يالمغضوبه .
بيداء ـ عزه علكت ركضت اتصلت على عصماء ما جاوبتني وضليت أنتظره الله يستر هسه يتعاركون وتصير مشكله عفيه خالتي ما تكعدين أذا مو مشاكل .
_____________
جنات ـ كسرتي بوفاة أمي خلتني أكرهه گلشي بالحياة هيج عايشه عالهامش صح أخواتي ما مقصرات وباسل ساندني ويكفيني خلاني أكمل دراستي وهو تكفل وطلكني من عماد اللي ما أعرف شيء عنه كرهت الحب والزلم من ساعة العرفته بيها
وكل هذا وما خلصت ضلت جواهر تحجي وتطعن بيه وبالفاتحه أسمعها تحجي عليه بس ساكته لاحول ولا قوه وأمي ماتت وأستقوت وتفرعنت علينا وخلتنا برأسها الله يستر منها عكب هذيج المحبه والتمثيل عليه بالحب والخوف وخلتني امن وأثق بيها صرت أتوقع گلشي منها وما أستبعد هي القتلت أمي وضميت كلامي ويه كلام لقاء لكن رجعنا مكسورين فوك كسرتنا والكل ضدنا عبالك مو اهلنا وحوش وخنازير والسبب من جواهر .
صارلي درس عكب الأم ما ماكو أم ثانيه وكمت ما اثق وأمن بإي بشر وحذفت حساباتي اكتفيت فقط واتساب أريد ارجع ثقة أخويه وأخواتي بيه وفتحه صفحه جديده بحياتي ومستحيل بعد اللي صار أرجع احب وانحب انعل الحب واليحب ما شفت منه بس القهر والمشاكل وخسرت أمي وثقه أهلي بيه
وثقتي بس بأخواتي وأخويه وعصماء الي شكد احجي عنها ما اوفي حقها حيل حنينه وزينه عليه تسأل وتتفقدنا ومن تروح لأهلها ما تطول يوم وترجع وتضل بس تخابر اكلتنن شربتن ملابسجن عالحبل ونفس الوقت سرانيه أبداً ما تحجي وگتها أكتشفت الصح السواه أبويه بحياتنا هو زوج باسل لعصماء لان أنسانه تثقل بالذهب ...
رجعت من الجامعه جانت فترة أمتحانات وذابه كل حيلي عالدراسه وتعبانه بشكل ، رجعت ولكيت عصماء وليال مجهزات الغده واجه باسل وتغدينا وسألني على جامعتي الحمدلله گلشي تمام .
باسل ـ الحمدلله .
جنات ـ كملنا الغده وكمت غسلت المواعين وعصماء اجتي تغسلهن ما خليتها لا عوفيهن البنات يبجن .
عصماء ـ ماشي عيني مو كلت توج راجعه وتعبانه وعندج امتحانات اني ما عندي شيء .
جنات ـ لا عادي ، راحت وكملتهن ورجعت تمددت وليال باوعتلها تقرأ قرأن ضليت صافنه عليها وباوعتلي
ليال ـ صدق الله العظيم ، شبيج تباوعين صاير وياج شيء .
جنات ـ لا بس هيج احب أباوعلج أشوف أمي كدامي تقرأ وتعرفين كلشي من امي أعتز بي ليال أدك گلبي دمعتها وراي وكلامها ينخر برأسي اني شلون هيج هضمتها وبجيتها وزعلتها ، لو أموت أحسن لان جاي أموت من القهر ياريت حاضنتها وشابعه من ريحتها .
ليال ـ شو تعالي عليه وشيلي هل الأفكار من رأسج وهي ماتت ومسامحتج وراضيه عليج موصيتهم بيج
جنات ـ نمت بحضنها وتلعب بشعري واشم ريحة أُمي بيها وتحجي وكلمات بلسم لجروحي لما غفيت وكعدتني نمت على سريري والعصر كعدت صليت والباب أندك طلعت عصماء لابسه حجاب الصلاة فتحت الشباك دخلت مره وطلعت عليها هاي فاطمه!
عصماء ـ يا هلا بيج اتفضلي أتفضلي
فاطمه ـ بالمهلي أم غنى زاد فضلج حبيبتي .
جنات ـ دخلت الأستقبال واجتي ليال اخذت الضيافه وشويه ورجعتلي مبستمه ها
ليال ـ دخلي سلمي على فاطمه تسأل عليج وتريد تشوفج
ـ تشوفني وليش
ـ هسه دخلي سلمي مو وگت ليش
ـ أستحي گوليلها نايمه .
ـ عيب المره تسأل عليج كل مره تجينا وتسأل عليج وأنتِ ما موجوده بس هالمره سألت وعصماء كاللتها بالمطبخ هسه تجي
ـ وليش تسأل عليه شتريد مني
ـ هسه أمشي وأفهمي منها .
ـ جريت الشال وذبيته على شعري ملابسنا كلها اسود دخلت وشافتني وأبتسمت وگامت تبوس بيها من گل كلبها
فاطمه ـ هـلا بجنات شلونج حبيبتي همزين شفناج صار كم مره أجي ما الكاج بجامعتج .
جنات ـ أي والله عندي إمتحانات
ـ الله يسهل عليج حبيبتي كعدي كعدي .
ـ كعدت وعيون عصماء عليه ومبتسمه ما فهمت شيء مثل الاطرش بالزفه عاد كالت
ً ـ لعد خالتجن هاي الحلوة شسمها
ليال ـ خالتي هيام
فاطمه ـ اي عفيه كل مره اجي هي موجوده عبالي الكاها واشوفها شگد حبابه لا صغر بيجن بس أشوف بيها هيفاء نفس الطيبه والمحنه .
ليال ـ أي خالتي هيام كلش حبابه والله شوي جديتي مريضه وما اجتنا والا هي تجينا كل أسبوع .
فاطمه ـ هي صح ما تعوض مكان الأم بس بمثابتها وهيفاء الله يرحمها ويسكنها فسيح جناته .
عصماء ـ أمين يارب ويرحم امواتج .
فاطمه ـ وام غنى هم بيها البركه .
ليال ـ اي والله عاد عصماء شگد ما احجيلج عنها ما اوفي حقها حيل زينه ما معتبرينها زوجه اخ ، هي أخت وصديقه وبعدين زوجة اخ .
فاطمه ـ الله يحفظها وبميزان حسناتج ، ما اعرف منين ابدي بالموضوع .
عصماء ـ گولي أم مرتضى .
فاطمه ـ الصراحه اني جايه أبلغكم يعني انطيكم خبر
أريد جنات لأخويه أبو كرار بس بالأول گلت أكول الكم ونشوفكم بالأول وبعدين الزلم يجون .
جنات ـ بلعت ريگ وباوعتلهن وعصماء تباوع ليال وليال باوعتلي هزيت رأسي لا لا .
عصماء ـ أبو كرار يعني هو متزوج
فاطمه ـ لا هو زوجته متوفيه صارلها أربع سنوات عنده بس ولد عمره ١٤ سنه وأخويه بعده شباب والبيت فارغ ويوحش بس هو وأبنه وأبويه واخويه الثاني أمجد وأني قريبه عليهم يوميه اروح انظفلهم واطبخلهم والصراحه من زمان أدورله على بنت الحلال وما الكه أحسن من نسبكم ويشرفنا نأخذ من عدكم .
عصماء ـ خلي أبلغ أبو غنى ونردلج خبر .
فاطمه ـ فدوه لگلبج وابو غنى يعرف أبو كرار عشرة عمر هو وياهم وأمجد وأحنه جوارين من زمان من أول ما سكنت هيفاء الله يرحمها ، وهذا رقمي خلي عندج اذا وافقتوا انطيني خبر علمود نجي مشية زلم .
عصماء ـ ان شاء الله عيوني أم مرتضى .
فاطمه ـ تسلملي عيونج الغاليه يله أني اترخص منكم اروح تأخرت ، جنات انطيني بوسه .
جنات ـ باستني وأني مصدومه بعصماء وطلعوا وليال اجتي عصماء شلون توافق وتأخذ الرقم اني ما اتزوج .
ليال ـ دصبري شبيج وشتگول الها طبعاً تگول نكول لباسل خوما تطردها وهي جوارين عيب وبعدين شبي والله حلو بعده شباب .
جنات ـ ترى أبنه بگدي الا شويه شبيج ليال .
ليال ـ قسمه ونصيب خيتي ما نجبرج على شيء ولاتحجين وتنفعلين على عصماء أموتج هاا
جنات ـ لا والله شعليها هي خطيه واجتي وسكتنا
عصماء ـ أكولجن اني كتلها بس احس تورطت أخاف باسل يحجي عليها وابنه جبير ها ليال مو تورطت .
ليال ـ لا ليش قابل تطردينها بلغي وشوفي شيكول ولو جنات رافضه .
عصماء ـ هو شگد عمره
ليال ـ أعتقد بگد ليث لو اكبر منه بس أني شايفته كشكل بگد ليث ما أعرف شگد عمره .
جنات ـ تحجون بكيفكم ما اتزوج لا هو ولا غيره عفتهن ودخلت غرفتي وما طلعت حتى عشه ما تعشيت ورى العشه قبل لا أنام واندك الباب باسل هلا خويه أتفضل .
باسل ـ شلونج جنات زينه زينه .
ـ الحمدلله زينه
ـ خويه اني جاي أحجي وياج بموضوع
ـ كول عيني
ـ سالمه عينج شوفي جنات اللي صار جان غلطه حتى لو تصلحت تضل غلطه وأثرها باقي سواء عليج أو بالمجتمع واليوم عرفت أم مرتضى جايه علينا وعرفت ليش جايه وأبو كرار أني اعرفه ولد خوش ولد وسمعته مثل المسك رجال يخاف الله وما عنده مكسرات هو صح أرمل وعنده ولد بس هذا مو عيب ولا سبب يخلي يتزوج مره ثانيه ويكمل حياته وأخته رايدتج أنتِ لو تريد جان گالت ليال الجبيره او لقاء بس هي عرفت تختار اولاً حلوه وثانياً شكلج يوحي بالفقر وحتى لو غلطتي ما معناها أختي تضل تغلط لو ما مربايه وغلطج جان السبب بي مرت أبونا هي دخلت مثل الارضى ونخرتنا .
ـ بس
ـ خل أكمل كلامي خويه ، الزواج قسمه ونصيب وأول تالي تتزوجين سواء أعزب أو منفصل او أرمل حسب قسمتج وجواهر وصلني شتحجي عليح والصراحه أريد أسد حلوك وأموت هذا الموضوع من أساسه وما أريد تنظلمين وتضيعين برجلين ولا عبالج متعاجز منج لو اريد ازوجج واخلص منج لا والله أخليج بعيوني وانوب أمي وصتني بيج شترديني افتح كلبي وأضمج فه الأريده منج تفكرين براحتج والج الوقت واذا شفتي نفسج ما تردين عادي ولا يهمج هذا هو ماكو قسمه بس ما نريد نستعجل بالأول فكري وبعدين رديلي خبر .
ـ ماشي
ـ متفقين
ـ متفقين طبطب على أكتافي وطلع ودخلت ليال
ليال ـ الصراحه الصراحه
جنات ـ شُــــنوُ
ـ أبو كرار رجال من ظهر رجال
ـ وشمدريج بي
ـ هسه عصماء شوفتني حسابه باسل مشوفها شگله لان عصماء عبالها شايب ، اوكفي خل ابحث وشوفي
ـ بحثت وطلعت حساب وشفت صورته هذا عسكري
ـ أي وشبي عسكري حامي الوطن ليكون ما عاجبج
ـ لا بس
ـ أكول فكري وبعدين رديلنا خبر وهاج باوعي على صورته يجوز تنعجبين بيه وتوافقين بكيفج اني ما عليه مجرد شوفتج صورته ما نريد نظلم الولد وعبالج لان عنده ولد شايب وهو من صغير متزوج وبس هلولد عنده وبكيفج فكري شخسرانه
ـ باوعت على صورته شورابه ثخان وعيونه عسليات بيهن نظره حده تخوف شگله بكد ليث يمكن اكبر منه .
ـ لا أكبر من ليث هسه عصماء گالت .
ـ هاج موبايلج
ـ باوعتي زين
ـ أي
ـ خير ان شاء الله خل أبلغ لقاء
ـ اوكفي لقاء تخبصنا وتراسلني تشوش عليه
ـ لا ما عليها بيج اراسلها لان اكو سر بيني وبينها
ـ أحم اكو أسرار
ـ خاصه حبيبتي .
ـ أوك عيني وتمددت بفراشي وتذكرت أمي وبجيت يعني لو ما غلطانه جان بقيت حالي حال أخواتي وأتزوج زواج مثل كل البنات وتفرحين بيه ليش خربطت بعمري وغلطت ونتائج عالغلط ما تنغفر وتالي يتقدملي أرمل وعنده ولد كله مني اني السبب أسستاهل .
ضليت ثلاثه أيام أفكر ودايخه ساعه أوافق ساعه أرفض وأتذكر بنفسي أشسويت اوافق انوب ارفض دخلت بحرب ، وبيوم نزلت من الخط وجواهر صادفتني وغمتني .
جواهر ـ ها أم دوده دودوتي الا تنطين نفسج وتحبلين وتالي شبع وشمرج وعافج وشلونج هسه مرتاحه ويه أخواتج ، شلونه الحمل شوكت تولدين عالخير .
جنات ـ شگد شفت حقيرات مثلج مـا شفت .
جواهر ـ ضلي ضلي خدامه لعصماء وبناتها كرفي ونظفي لان أنشگت طوبتج تفله بعد محد يتفل بوجهج
جنات ـ ما أستحملت حقارتها دخلت مقهوره منها ودخلت الحمام بجيت الا طگيت شگد نذله الله يأخذج هجمتي حياتي وأني غبيه أذا رفضت أبو كرار أوافق وانستر وأخلص من لسانج الوسخ .
طلعت لكيت عصماء بالمطبخ عصماء .
عصماء ـ ها عيني
جنات ـ أني موافقه تكدرين تكولين لباسل لان أني استحي منه .
عصماء ـ ماشي عيني أكولها وبيها الخير .
جنات ـ خير اليصيبج ، رجعت الغرفه وليال فرحانه اكثر مني ولقاء على الخط
لقاء ـ لج راح تتزوجين شبيهم يجون عليج ما يجون عليه عوذه يله أنتِ اخذي ابو كرار واني اخذ أخوه .
2
ليال ـ عزه العزاج صوتج فضحتينا
لقاء ـ شگو بيها الزواج حلال خوما أضل عانس أريد اخلفلي كم طفل افرح بروحي صدك لو جذب
ليال ـ لا عمي صدك
لقاء ـ لا عزه أتشاقه وياجن اكول خوما عرس وحفله لان بعد سنوية أمي ما طالعه .
ليال ـ بعد هسه هما ما جايين وطبعاً هما يقدرون
لقاء ـ أي عبالي لا عمي أوادم ومثقفين ينكطون ثقافه خرب بيومهم خوما مثل اهلج الهمج عوذه
ليال ـ لاتذكريني وتفحمين كلبي .
لقاء ـ يله بلغوني وأني هالأسبوع انزل لان ما أصبر بعد حنيت
تستمر القصة أدناه
ليال ـ المن حنيتي
لقاء ـ لشارع المن احن ليال بطلي سوالفج لا اطعلج من الموبايل وأهفج
ليال ـ بطلنا عمي يله ادعبلي .
لقاء ـ أوكفي ليال قبل لاتبلغونهم حجيتهن لأخته
ليال ـ بشنو .
لقاء ـ لازم يكون عدها علم لان يعرفون فصخت خطوبه وتطلگت وبس لان بعدين اذا عرفوا يصير ظلم وعبالهم خادعيهم ما نريد يصير حجي
ليال ـ قبل لاتحجين عصماء گالت باجر تگول الها عرفت تجي البيت وتحجيها
ـ اي عفيه عبالي ما ابالجن كلت اذكرجن
ـ لا أبالنا والله كريم
ـ ماشي عيني بلغوني
ـ تمام
جنات ـ قطعت الخط وليال تسولف وأني دايخه وثاني يوم اجتي ام مرتضى وعصماء حجتلها وكملت وباوعتلي وأبتسمت .
فاطمه ـ لا يمعوده على بختج أحنه رايدن نسبكم واذا على هذيج الشغله تصير بأغلب المخطوبات ومثل ما هي تطلگت أخويه أرمل ، شنو يعني نبطل لا حبيبتي اني من كثر ما دخلت گلبي گلما ينزل احجيله عليها أخر شيء كام يحجي عليه لان هو بسلامته عاقل وجنات هم ورده مو قصره والله يسعدهم وابداً لاتفكرين ولاتشيلين هم وهم أبلغ أخويه وأخلي بالصوره وأفهمه أحسن ما يعرف بعدين وتصير اشكالات
عصماء ـ اي فدوه لگلبج ولعقلج ام مرتضى .
فاطمه ـ لا حبيبتي أحنه اهل ان شاء الله
جنات ـ أذا الأخت هيج عاقله ومتفهمه أكيد الاخ مثلها يارب سهل أمري وباوستني وراحت وثاني يوم خابرت عصماء وبلغتها حاجيتله وما عنده مانع .
وثاني يوم واجه باسل من المحل وگال العصر يجون تجهزوا وطلع مبلغ أهلي وابويه موافق وحتى عمامي حضروا كلهم ومحد معارض نهائي وليال خابرت خالاتي واجني خالي شامل جابهن هيام ونوره وعمتي بلقيس وياهن فد فرحت بشوفتها .
لبست فستان أسود بس دخلت خالتي ما رضت
هيام ـ لا خاله أنتِ راح تتزوجين ذبي الأسود بعد
جنات ـ لا خاله فدوه
نوره ـ يا بعد خالتج الحزن بالگلب مو باللبس وتتزوجين وعروس وتلبسين أسود حتى فال مو حلو عليج يله ذبي
جنات ـ ما قبلن وكوه نزعته ولبست واحد ذهبي ورتبني واجوي وگلبي يدك سريع والأفكار براسي على ساعه أكولهم ما موافقه بطلت تالي أستغفرت ربي وطلعت وشافتني ام مرتضى وتبوس بي وتصلي على محمد وأربع نسوان وياها نسوان عمامها كعدت بصف خالتي وليال قدمت الضيافه ومر وقت هواي ودزوا عليه
عصماء ـ يله جنات گومي حبيبتي يعقدون الكم .
فاطمه ـ يله حبيبتي .
جنات ـ طلعت وياهن وكل جسمي يرجف ميته خوف وشفت باسل أخذ ايدي بحنيه وفتحوا الباب وباسل لازم ايدي وصار الكلام وطلبوا موافقتي وعلنت الموافقه وتم العقد .
" رجعت كعدت يمهن وباركن اليه والحلو بيهم أبداً لا هلاهل ولا جكليت فد محترمين وبعدها راحوا ومرت الأيام وخلصنا أمتحانات الحمدلله ولقاء هم خلصت ونزلت وفرحانتلي وكاعدين نسولف ولقاء گمزت شگو شبيج .
لقاء ـ هاي جواهر يمتى أتـــًوب
ليال ـ شگو شبيها شمسويه .
لقاء ـ هذا أمجد مراسلني تعالن شوفن وأقرن بسرعه
جنات ـ باوعت على رسالته .
أمجد ـ هلا لقاء شلونج يابه أخبارج شوفي يا بنت الناس أحنه صار بينا نسب والصراحه اني أعتز بيكم وغاليه عليه وما أقبل احد يحجي عليكم ويمسكم
بحجايه
لقاء ـ كثر الله خيرك بس العفو منك شصاير شسمعان
أمجد ـ ترى نعرف أختج جانت مخطوبه وبعدين أنفصلت يعني عادي تصير بإرقى البيوت بس مال مرت أبوجن تجينا للبيت وتطعن بجنات كدامي وكدام أختي لا هاي واكفه لان عيب حجت حجي ما ينلبس عليه ثوب وأني أعرفكم زين حق المعرفه وگبل طردتها من البيت واجيتج وبغلتج وخليتج بالصوره .
لقاء ـ الف رحمه نور تنزل على أليّ ربتك مشكور لان بلغتني بس ممكن سؤال
أمجد ـ جواب
لقاء ـ أخوك أبو كرار جان موجود يعني سمعها من تحجي .
أمجد ـ لا والله بالدوام من يوم العقد التحق خابروا من الدوام وراح وگالي من ينزل يعقد محكمه وبلغ باسل بهل االشيء وحتى لو جان موجود جان طردها وما خلاها تكمل لان هو گلشي ولا سوالف النسوان يتخبل منها .
لقاء ـ رحمه الله والديك
أمجد ـ ووالديج .
ليال ـ عزه كل هذا منها ليش هيج تحقر ترة احنه بلغنا فاطمه وأبو كرار صار عنده علم ومع ذلك اجه وخطب وعقدوا شهل السم .
لقاء ـ لا عبالها ما حاجين الهم وخادعينهم بس صبرج عليه هسه أبرد گلبي واخذ حق جنات منها لعد تطعن بشرفها كدام ناس غربه تريد تفلش هالزواج اصبريلي
ليال ـ ولج وين رايحه لقاء رجعي عوفيها يجي باسل ونحجيله هو يتصرف وياها يكول لنائل لابويه لعمامي مهم عوفيها لاتسويلنا مشاكل وتفتح حلگها علينا
لقاء ـ لا والله ما اعوفها ليال وخري عن وجهي وخري
لا أبتلي بيج قبل لا أبتلي بيها وهي شافت سگتنا الها من وفاة أمي وتفرعنت بس ويامن أندكت وياي أويلي اتونس عالمشاكل اني اليوم لـو أني لـو هي أذا ما طلعت قهر أمي كله بيها بحيث أمي بكبرها وتبتسم
جنات ـ دفعت ليال وفتحت الباب وأكو عوده مال بلياردو خشب باسل وليث يلعبون بيها شالتها عزه ليال هاي قويه مال موت والله
لقاء ـ شگالولج عليه رايحه ادغغها هو أريدهها تموت
جنات ـ وطلعت وشمر العصا من الحايط ودگت الجرس ويمكن هي فتحت الباب لان دفعتها وقفلت الباب ليال امشي نلحگها .
ليال ـ لا عوفيها ما ينخاف عليها اذا رحنا ننكتل ثلاثتنا على اقل وحده تنكتل أمشي داخل لايشوفنا ولد عمامي شعدنا واكفين يم الباب .
جنات ـ ليال خل نلحكها وربي خايفه عليها
ليال ـ هسه تجيج مثل الذيب لاتخافين خافي على نفسج منها ، يله امشي
جنات ـ كعدنا وننتظر ونزلت عصماء سألت عليها ما حجينا وليال كامت تخاف ها نروح
ليال ـ شو گمت اخاف امشي .
جنات ـ طلعناه واجتي هي وسجاد وفارس بس لازمه راسها وشعرها مخربط والشال نازل دخلت وهما راحوا ها مگتوله
لقاء ـ منو أني لا بس جديتي فشختني بالعوجيه تعاي ليال شوفي راسي عنجر يمكن اوف خرب توجع طرت رأسي عجوز البين .
جنات ـ شافت رأسها متأذي سوده عليه من وراي
لقاء ـ لا ولج بس تعالن هاي جواهر حجت حجايه اذا لفتها عليه هالمره اخلص عليها خلاص
ليال ـ مهم بردتي گلوبنا شحجت
جنات ـ تحجي واحنه مصدومين عزه خاف تسويها
لقاء ـ لا ختولي فارس جان موجود وهو يتكفل بيها وأني هسه أراسل ليث وأخلي كل سوالفها كدامه وهو خل يتصرف وياها .
جنات ـ واجتنا عصماء شكلها خايفه.
عصماء ـ بسرعه گومن بغرفتي نائل اجه والشر بعيونه امشي لقاء .
لقاء ـ وين امشي انهزم قصدج لا خل يجي شيسوي
ليال ـ كومي نائل خبل ترة تحركي بسرعه
جنات ـ وسمعنا صوته يدك بالباب
نائل ـ فتحي الباب لا أكسره والقرأن والفرقان اليوم اجنزج .
لقاء ـ عزه صارت صدك موبايلي وين اخابر احد ينقذني
جنات ـ أمشي أخذتها وصعدنا غرفة عصماء وقفلنا الباب وليال وعصماء ضلن جوه ونسمع صوته يصيح ولقاء تخابر .
نائل ـ وينها الادبسزز تضرب أمي وتكسر العصا عليها مكسره امي تكسر والله اليوم اسكطج لقـــاء .
عصماء ـ وين وين داخل البيت ما بي أحد بس أني والبنات والبنات بحمايتي ما أسمحلك تمد ايدك على حده منهن تريد تضربهن أضربني بالأول والزلمه والأخ الصدك ما يضرب مره ولا يضرب أخته واذا الك حق يجي أخوك وتفاهم وياه بس مو بغايبه تضربهن .
نائل ـ أكول أنتِ مسويتلي نفسج ولي أمرهن وأم البيت من بعد خالتي هيفاء وخري عن وجهي لان ما عندي شيء وياج مشكلتي ويه وأخواتي وأني اخوهن اضربهن اسكطهن ما الج شغل انتِ منو وحده غريبه وبس زوجة أخ لاتشوفين نفسج شوفه بعدي عن وجهي
عصماء ـ ما أبتعد شتسوي سوي .
جنات ـ تلاغوا بالكلام وكام يغلط خرب انلاصت وكعت براس عصماء .
لقاء ـ باسل وين أنت ما تجاوب
باسل ـ شگو شبيج
ـ الحكلي سويت مصيبه وراح انكتل
ـ ويا كواد يكتلج وشنو المصيبه أحجيلي
ـ كتلت جواهر گتله بحيث سكطتها الا شويه
ـ عفيه بنت أمي أخت أخوج عفيه بالنسوان السباعيات
ـ يا سباعيه أختك خاتله بغرفتك وأطك رجفتين لان نائل اجه ويصيح يريد يگتلني الحگني بس عصماء وليال واخاف يرجع عليهن لان كام يغلط ومتلاغي هو وعصماء .
ـ مو هي بكيفه أبقي بالغرفه لاتطلعين هسه أعزل وأجي خابري ليث يجيج قبلي .
ـ تمام
جنات ـ ها حصل
لقاء ـ أي الو ليث أبو المروه الحگلي
ليث ـ شگو شبيج منو وياج
جنات ـ حجتله گلشي
ليث ـ جايج .
جنات ـ ما نسمع بس صياح خل اطلع اشوف
لقاء ـ كعدي وستري علينا وين تطلعين بس يشوفج يجلب بيج .
جنات ـ لا راح اطلع وأنتِ ابقي فتحت الباب وطلعت وهي ضلت ونائل يريد يصعد وليال مانعته ويدفع بيها
ليال ـ ما أخليك والله صدك ما تستحي ومرت أخوك دفعتها ولك جان أستحيت جاي حامي علينا واحنه بطرك أرواحنا وخر .
جنات ـ الباب جان مفتوح ودخل ليث ونائل دفع ليال من ثالث درجه للكاع شهگت وگعت ليال مُباشرةً على وجهه ركضوا عليها عصماء وليث رفعوها والدم يصب من خشمها وحلكها وليث عاط بي وهو وصلني دفعني ويدفر بالباب بكل قوته
ليث ـ تنكســـر أيدك يا حـيوان يا عـــار
جنات ـ ليث صعدله ركض عالدرج واجه ابويه وتقرب ليث ضربه بوكس وبطحه وضربه الثاني وضل يضرب بي بكل قوته فقد وتخبل الا ابويه خلصه منه وسحبه من ليث
ليث ـ هالمره عدت وعمي خلصك من بين أيديه مره ثانيه أذا مديتك على وحده منهن والعباس أبو فاضل الحك بخالتي هيفاء يا عـــار .
نائل ـ سهله ليث سهله ولقاء حسابج عندي وين تروحين مني الزمج الزمج والحسين الا أسكطج .
سعيد ـ أمشي من طاح حظك يا أرعن ما تصيرلك جاره وشمسوي لاختك ليش خشمها يطگ دم ليال شبيج بابا
ليث ـ شمرها من ثالث درجه مسوي روحه أخ ، أخ ز**
جنات ـ هجم عليه وأبويه منعه ودفعه وصاح بي
سعيد ـ أمشي اطلع من البيت ورجلج أكسرها أذا وصلت عتبة الباب أرعن وخزي ولك تضرب أخواتك امشي لا بارك الله بيك أمشي .
نائل ـ سهله ليث سهله .
جنات ـ مسح خشمه وفتح الباب وطلع وأبويه لحگه وليث واكف عالدرج ويباوع على ليال خشمها ينزف ولازمه رأسها وعصماء شايله القطن وصاح
ليث ـ أم المصايب طلعي عليج الأمان .
جنات ـ طلعت وشافت ليال تخبلت
لقاء ـ ليال شبيها ليال ضربج مو
ليال ـ أي من وراج طار خشمي گتلج أكعدي ما كعدتي
ليث ـ ليش شوكت صارت العركه
ليال ـ من نص ساعه ليش فارس وسجاد ما گالوا الك
ليث ـ لا محد گالي جنت بالسوك هسه أجيت يله الحمدلله عالسلامه وهسه شلونج
ليال ـ لا زينه
جنات ـ ودخل باسل شاف ليال وكام يحجي
باسل ًـ هذا خبل شلون يشمرها من الدرج اذا خشمها طلع بي كسر مو اكسر خشمه والله
ليث ـ أخذ حقه
باسل ـ مو خابرتك وكتلك روحلهن بسرعه أني جان عزلت ولحكتك بس نسوان شلعن گلبي ياخذن ويرجعن
ـ بس خابرتني اجييت ولازم تحجي وياه وتفهم عمي شنو البيت ما بي أحد يتهدد عليهم ويغلط وما يحترم ترى واكفه وضرب ليال الله سترها ولو عصماء هم جان ضربها لان أعرفه مثل الثور من يشوف وصله حمره يكوم ما يشوف كدامه .
ـ أني أعلمه طايح حظ يله أمشي ليال يحتاج أوديج
ليال ـ لا اذا يحتاج أكولك
ليث ـ أنقطع النزيف لو بعد .
ليال ـ لا ماكو الحمدلله .
ليث ـ الحمدلله يله باسل أمشي هسه تلكاها محتركه
باسل ـ وحركتهم .
جنات ـ طلعوا باسل وليث وكعدنا وليال لازم خشمها وشفتها مشگوكه ومورمه الله سترج والله بس ليث ما قصر والله ضربه بوكسيات كلت راح بموت لما ابويه لحكه .
لقاء ـ ليث أبو المواقف
جنات ـ گامت تغسل خطيه تأذت
لقاء ـ لا هسه تنسى لان بس موقف ليث كافي عليها
جنات ـ شگد خبيثه ، تمددت على التخم ورجل على رجل وحركات مال مافيا
لقاء ـ أويلي برد گلبي رغم كلشي صار بس ميخالف الكتله الحصلتها جواهر تستاهل التضحيات والختلات بالغرفه مهم فوخت گلبي أرتاحي ماما حبيبتي الناس ادز رحمات أني ادزلج كتلة جواهر نعمة كريم .
جنات ـ خاف ما تسكتلنا ولج هاي داهيه
لقاء ـ عادي ولا يهمج اني موجوده أروح اشوف ليال واذا ليث تقدملها خل توافق عليه خطيه يابه شلون خايف عليها خرب بعقلك ساعة العفتها وأنت متزوج وميت عليها .
جنات ـ لا يابه
لقاء ـ شبيج بسرعه تصدگين يله اروح اشوفها
جنات ـ راحت شافتها اجه باسل اطمئن عليها وصعد غرفته وقرر منا وهيج ينزل جوه يستقر يأخذ غرفة أمي لو غرفته القديمه لان كام يخاف علينا من جواهر .
وثاني يوم باسل ما طلع الشغل وبلغ ليال وعرفت اليوم عقد محكمه ورحت تجهزت وعصماء هم لبست تروح ويانا واجتي عمتي سلوى اضل يم لقاء وليال والبنات
لان كام ما يأمن .
وسمعنا هورن السياره وطلع باسل وگلبي يدك سريع ولزمتني الرجفه عصماء خايفه
عصماء ـ من حقج عيوني لاتخافين .
جنات ـ لزمت أيدي وطلعنا ورى باسل لان صاحلنا واكف ويه ليث وباسل يحجي وياهم وباسل فتح الباب وصعدنا كعدت من جهه وراه يمه گلبي راح يوكف من أولها هيج
واجه يضحك هو وليث وگاله
حيدر ـ سويلي غده زين واجيك
ليث ـ تدلل على عزايم أبو كرار العلم .
حيدر ـ حبيبي أبو نغم .
جنات ـ وصعد وسلم
حيدر ـ السلام عليكم
جنات ـ ردينا بس اني بصوت ناصي کوه ينسمع وشغل وطلعنا للمحكمه وطول الطريق هو وباسل يسولفون ومبين تربطهم علاقه وصداقه ما اعرف هو هيج أجتماعي وصوته كلش حلو شبيه اني كمت اركز احم
" وصلنا نزل قبلنا لان عنده سرعه فضيعه ونزلت صارت عيونه بوجهي نظرلي نظره سريعه وكبل مشه ويه باسل واني بصف عصماء ودخلنا المحكمه والأجراءات
لما دخلنا وصار الكلام اني من الخوف والرجفه كمت أخربط عكسه هو كاعد بأريحيه ومتكلم درجه أولى .
كملنا عالخير وطلعنا وابداً ما باوعلي يمكن لاحظ خوفي ورجفتي الحمدلله ما باوع ، وطلعنا بالطريق گال .
حيدر ـ ترى غداكم يمنا مثل اتفقنا قبل لانطلع
باسل ـ ابو كرار شُــــنوُ هالزحمه جاي نجربك حبيبي .
حيدر ـ لا والله بس لازم تتغدون يمنا وأحنه صرنا أهل
جنات ـ يبوه شلون سالفه اريد اوصل البيت لزمني المغص والله ، وصل البيت دك هورن واحد بس أمجد انزرع يم الباب وفتحه وأول ما شافني أبتسملي ونزلنا واجتي فاطمه سلمت علينا ودخلنا الاستقبال وهو يهلي ويرحب بينا أنحشكت بصف عصماء وكعدنا
وأمجد جاب الضيافه
أمجد ـ طالبتي زوجة أخويه قادر ربي .
جنات ـ ضحك وكعدنا وهو كاعد عالتخم يحجي وهو وباسل واني لازمه ايد عصماء وهي تسأل عالبنات
وصار وقت الغده واجه
حيدر ـ خيتي أم غنى أتفضلن اتغدن ويه ام مرتضى علمود تأخذن راحتجن
جنات ـ طلعنا وصرت بصفها ودخلنا غرفة بيها سرير واحد ومرتبه كلش ريحتها فد طيبه عرفت هاي غرفة الحجي وكعدنا وام مرتضى تفتر علينا وفرحانه بينا
وعصماء تراسل البنات مسويتاني فيلم بالمحادثه الجماعيه اني أعلمجن بس أرجع
لقاء ـ شعجب ما حضنته باسته كرصته
عصماء ـ لا ولج فد ثكيله صدمتني بهل الثكل حسيت روحي يمها اخاف وحده من ثكلها ورزانتها .
لقاء ـ ولج هي خبره خبره منين اجاها الثكل يالحمزه اشك ثوبي
ليال ـ لا خطيه لقاء كافي توبي وهذاك ماضي
لقاء ًـ لا انعدت منه لان يكولون ثكيل وعاقل
عصماء ـ يمكن
جنات ـ كرصتها وضحكت وجابت الغده وتغدينا ومن جمعت السفره اني وعصماء ساعدنها لان وحدها خطيه واني شايله المواعين طلع هو وباوعلي ومشه تخشبت كبل رجعت الغرفه أنتِ وديهن والله ما اروح
عصماء ـ شگو شبيج .
جنات ـ ما اروح ما اروح
عصماء ـ لاتروحين شجاج شگلتي لزمتج كهرباء ترى ما ياكل بشر حاله حالنا ليش هلكد خايفه منه
جنات ـ ما أدري اني اشوفه لو يباوعلي أكوم أموت
عصماء ـ يله هسه بعد العرس يصير الأمر طبيعي اني جنت هيج مثلج لايبوي هسه وين
جنات ـ ضحكتني وكامت غسلت ورن موبايلي لقاء جاوبتها هلا لقاء .
لقاء ـ جنات تعالوا ليال خشمها ينزف ما ينكطع وعمتي سلوى راحت وما اعرف شسوي والبنات يبجن
بسرعه گولي لباسل .
شكرا لزيارتكم عالم روايات سكيرهوم
