رواية قصة زهراء الفصل الثامن عشر بقلم زينب نور
زهراء:طلعت رحت للمطبخ سئلتني فاطمه شبيج كلتلها ماكو شي
دخلت زينب
زينب:خيه اعذريه تره البيه هوه موو شويه
زهراء:وانه شذنبي بعده مااجه و يزهك بيه ليش
زينب:حگج والله حگج بس شگلج اوكفي وياه لااتركينه
زهراء:ضليت كاعده بالمطبخ كالساعه تدخل منال عيونها تشمت
شويه واجه سعد شايل الصينيه
سعد:رجعيه الاكل مااكل
وتعاي انطيني اله ملابس
زهراء:رجعت الاكل ورحت للغرفه مرتكي ضهره على التاج مال الجربايه
ماباوعت بوجها فتحت الكنتور.
انطيت سعد الملابس وطلعت.
ياسر:من بعد ماصحت بيها
اريدها قريبه عليه بس مااريد واحد يخدمني يشفق عليه
دخلت زعلانه انطت الملابس وطلعت وانه كاره روحي بس ودي اكوم
لبسني سعد التشيرت كتله هذا هو روح طلع شفت الساعه ٥
ضليت مرتكي ظهري ماتمددت
زهراء:اجه سعد كال روحي يمه خاف يحتاج شي كاعد ما نايم
رحت مشتاقتله وهوه شلون يعاملني
دخلت للغرفه ماباوع منو دخل عينه على رجليه
تقربت يم الجربايه كعدت على الطرف رفع راسه عيونه بعيوني
محتاج شي
ياسر:هزيت راسي بمعنى لا اباوعلها تريد تبجي عيونها بيها لمعه مال دموع
تعاي
زهراء:تقربت يمه سحب راسي الصدره كمت ابجي
ياسر:ليش تبجين ...
زهراء:لفعت راسي اباوع بوجها راسه مشدود
وجروح بوجها شعره منفوش لحيته كبرانه مامرتبه
كتله
لاتطردني من يمك خليني اساعدك
ياسر:كاسر خاطرج موو
زهراء:لااا بس واجبي انته رجلي
ولازم اساعدك
سحب ايدي وضغط عليها وعيونه مخنزر
ياسر:انا مابيه شي واساعدين
مااريد مساعدت احد سامعه
زهراء:احس ايدي راح تنكسر
ادري مابيك شي رخه ايده وكام يتنفس حييل
ياسر فدوه لا تقهر حالك انشاءالله ترجع على حيلك مثل قبل واحسن
تدري وانته بالمستشفى اجيتك لبغداد
ياسر:شوكت...
زهراء:وانته وفقد الوعي محد كال بيك هج وهج نتصل عليهم مايردون
طلعت اركض كلت لحمزه ابن قاسم لحيت عليه وخذاني لبغداد
من وصلنه ماقبلو ندخل بس كلي ابوي انك فاقد الوعي
ياسر:شلون نجين والمستشفى كلها زلم احسابج بعدين
زهراء:موو مهم المهم عندي شوفتك
ورجعتك الي بالسلامه الله والامام الكاظم ماقصر
ياسر:ليش..
زهراء:من طلعنه من المستشفى كلت ل علي ياخذني
ىحت ونخيته وطلبتك منه ترجع كلشي مابيك
وماقصر
ياسر:بس مارجعت نفس مارتي
زهراء:مو مهم والله المهم هسه انته كدام عيني
وحسك بالبيت هاي كافي عندي سحبني عليه حضني بيد وحده
كتله تذكر من اتصلت عليك الفجر
ياسر:اممم
زهراء:ماكتلك الصدك ليش اتصلت عليك
اتصلت لان شفت حلم موزين بيك بيومها سمعنه خبر الانفجار
ياسر:شكيت عندج شي مارتاحيت لحجيج
زهراء:نفتح الباب بسرعه طفرت شفتها عمتي ام ياسر
ام ياسر:خلي الزلمه يرتاح
نايمه بحضنه
ياسر:يممممه
ام ياسر:يبعد امك انه الراحتك احجي هج
اسويلك شي تاكله
ياسر:لا يمه كلت الزهراء راح اسوي
زهراء:طرت للمطبخ حضرتله الاكل
وشلت الصينيه ومشيت طالعه امه
گعدت على طرف الجربايه والصينيه ابحضني سويتله لگمه اوكله صاااح
ياسر:عوفي من ايدج انه اكل
زهراء:لااعمر... قاطعني
ياسر:شگلتتتت...
زهراء:خليت الصينيه على الطرفه وكمت اقل شي يزهك ويصيح كعدت يمه ماطلعت دخل احمد
يطمن عليه شويه وطلع
اباوعله شايل الدنيا على راسه حتى وهوه ياكل عاقد حواجبه
..
خلص شلت الصينيه وديتها للمطبخ وصبيتله جاي واخذته اله
ياسر:مااريد رجعيه
زهراء:ليش
ياسر:مااريد
زهراء:اذا على الحم......قاطعني
ياسر:كتلچ ماااااريد
زهراء:طفرني من مكاني بصوته ضل يحاول يعدل ويتمددد
ماكدر خليت الجاي على الميز وتقربت اساعده خزرني ماهتميت لزمته من ايده وشويه شويه تمدد بس هوه ايده على ظهري احس بيه حرگه نبت اضافره بظهري
غطيته وطفيت الضوه وطلعت
هم اجو ناس وعشه وهوسه للساعه ١١:٣٠ خلصنه الماعين انه وطيبه زينب راحت لجهالها ماجابتهم لئن يسوون هوسه
انكسر ظهري بعد ياسر مادخلت يمه ولا شفته من اهد العصر طلعت من المطبخ باب غرفت بيبي مفتوح
شفت عمي وجدي وعمتي سعاد
وام ياسر والولد كلهم يمه
صعدت سبحت بس ركض ركض لئن تعبانه بس ماي لبست وكاعده امشط واندك الباب
فتحته حمودي ابن طيبه
كال خالو احمد يصيحج
لفيت شعري لبست الشال ونزلت شفتهم طالعين كلمن بغرفته
احمد:خويه خليج يمه مارضه واحد منه ينام يمه اعصابه نار ومايتفاهم
سايسيه ومن يعصب لاتردين عليه
واكو علاج باليل وقت متئخر انطيه منه
زهراء:كتله ايي صعدت جبتلي تراك ومخدتي ونزلت دخلت مغمض بس مبين مانايم فتح عيونه
ياسر:المن جايه
زهراء:انام هناا
ياسر:هسه ذكرتي لو مليتي
زهراء:والله ملتهيه ماكدريت اجي يمك دار.......وجها فرشت بصف الجربايه طفيت الضوه وتمددت نبهت التلفون للعلاج بس خليت راسي على المخده غفيت
فزيت على صوت المنبه طفرت
الساعه ٣ طلعت العلاج شغلت ضوه التلفون عيوني من النعاس بالگوه اشوه طلعته
وكمت اكعد بيه كعته
ياسر:بيش الساعه
زهراء:٣
ياسر:شگعدج
زهراء:نبهت التلفون
ياسر:اتعبج وياي
زهراء:تعبك راحه لاتهتم
سنته شرب العلاج ورجع تمدد
رجعت لفراشي ماغيت كلت اضل گاعده لمن يئذن ياله انام
صدك صليت ونمت للساعه ٩ حسيت على ياسر يسحب التلفون من يم راسي
كعدت
صباح الخير
ياسر:صباح النور
زهراء:راح اگوم اخليلك ريوگ اكو علاج قبل الاكل
ياسر:لااا بس جيبيلي تيشيرت غير هذا
زهراء:طلعت كلها كاعده
صعدت جبتله تشيرت ونزلت شفت امه توه طالعه من الغرفه
دخلت سنته هوه ضخم يعني بالگوه اسنده
نزعته التشيرت بس انتبهتله مغمض وعاقد حواجبه اعرفه
مايريد احد يساعده لان طبعه هج
يعتمد على نفسه بكلشي
فه من غيرتله شفت ظهره عبالك محترگ لونه احمر
لبسته ورجع راسه للتاج مال الجربايه
تقربت بسته بخده ضل يباوعلي
طلعت همه متريگين
حضرتله الريوگ واخذته للغرفه كلهم گاعدين يمه اشريل اخذيله على رجليه خليتها وكعدت على صفحه
الجد:بويه غداجن كون جاهز كبل لاتجي الناس
شيوخ كبار وعزلن كلشي لان يدخلون يشوفون ياسر
زهراء:طلعت اجو الولد جايبين اللحم
زينب اجت وامي وخالتي
بدن بالغده انه نضفت .الصاله وبخرتها ودخلت للغرفه
نظفتها ياسر ايده على عيونه كال من اطلعين صيحيلي سعد
طلعت صحتله راحله
ياسر:جيبلي سيم كارت وتلفون
سعد:صار بعد شويه يجي المضمد ينظف جرحك
زهراء:اجو شيوخ كبار من عشاير معروفه من البصرة وخارج البصرة
يسولفون الولد المضيف انترس
تغدو وخلصو واجه احمد سد الباب مال المطبخ
احمد:الناس راح تدخل مااريد اي صوت
زهراء:اباوع من فتحت الباب كلها معگله فوگ ١٠ زلم
شويه وطلعو راحو فتحنه الباب
البنات طلعن الماعين للكراج كلت والله ماغسل
بس انه وزينب وطيبه وفاطمه النفتر سهى ومنال وبنات خال ياسر كاعدات كلت مااغسل هلكت من الصبح ليهسه طلعت من المطبخ
باوعت ياسر وحده دخلت وسديت الباب كعدت يمه
شلونك حبيبي
ياسر:هزيت راسي ...
زهراء:اسويلك شي مشتهي اكله
ابالك
ياسر:لاااا
زهراء:ياسر فدوه لااضل هج.....
نفتح الباب ام ياسر
ام ياسر:وين عفتي الماعين مكومه
ودخلتي كومي ياهو اليغسلج
زهراء:عمه ظهري ذبحني من الصبح ليهسه افتر
ام ياسر:وشسويلج مامشتغلتلي الحمدالله بناتي يفترن وياج
ياسر:يممممه البيت كله نسوان
ويوگفن ابدالها ماتنگلب الدنيا اذا ماغسلت
زهراء:خزرتني ماعجبها كلام ياسر طبگت الباب وطلعت
ياسر:شبيه ظهرج
زهراء:مابيه بس شويه يوجهني
ياسر:تعاي هنااا
زهراء:لايدخل احد
ياسر:لااا تعاي شگلج سوويه
زهراء:تقربت بصفه باسني بخدي
وخله راسه برگبتي رجفت
شويه وندك الباب طفرت هوه عدل شعره ورجع راسه للجربايه وعقد حواجب ماكنه مسوي شي
دخل سعد
سعد:هذا التلفون والخط بيه
المضمد بره راح ادخله
زهراء:اشرلي اطلع طلعت للغرفه فوگ
ساعه ونزلت باوعت كاعده تغسل سهى وطيبه وفاطمه
المضمد طالع دخلت اباوع ليده لزم الغطه حيل وضاغط عليه
من الالم
حاجيته مارد خليته براحته طلعت
للمطبخ عاطت ام ياسر
شلون وشلون خليتها تحجي اخر شي كلتلها
مووهاي جنتج مادگليلها ادگوم وتتحرك اشو كاعده وساكته راجعه عليه
ام ياسر:البت حامل وهم تشتغل وياي مو نفسج تتختلين بالغرف
زهراء:عمه عيب عليج هذا الحجي شنو اتختل اشفتيني
ام ياسر:ولج تالي شيبي تعلميني العيب
منال:خاله عوفيها ناس زاحت المستحه الزينين راحو ضلو
الكح......
زهراء: والله كلمن يره الناس بعين طبعه
منال:شقصدج
زهراء:والله تعرفين قصدي كلش زين خليت ومشيت ضلت ادردم هيه وخالتها
صعدت فوگ تمددت للمغرب نزلت
شفت احمد دخل العربانه للغرفه لياسر يقضي حاجه
گلبي ينمرد.عليه من اشوفه هج
كعدت بالصاله يم عمتي سعاد
تخابر ماادري بيمن
مرر اسبوع
اليوم احد اليوم اول يوم اله بالعلاج الطبيعي اجروحه اشويه احسن
كل هاي المده ساعه يحجي طبيعي وياي ساعه يزهك بيه ويطردني
ويرجع يصيحني واحاول اصير قويه ماابينله ادموعي وام ياسر مافكت ياخه عني كل ماادخل يم ياسر واطلع الكاهن ميتات قهر هيه ومنال مرات احس هيه شريجتي مو منال
كعدت من الصبح انطيته ملابسه وتريگو وراحو احمد وسعد وحسين اخوي راحو وياه
طلع فتحت الباب والشباك ونظفت الغرفه خليت الشباك مفتوح
حتى الهوه يتغير
ياسر:وصلنه للمركز مال العلاج
دخلنه لان حاجزين
حجه الدكتور شكثر بده بالعلاج
ضرب على رجليه ماكو ماحسيت اي شي حركاهن ماكوو
الدكتور:هذا شي يطبيعي
بس من اداوم على العلاج راح اشوف النتيجه تختلف
بس شويه ابعد عن التوتر لاتعيش بالكئابه
ياسر:طلعنه مامقتنع بحجي الدكتور وصلنه للبيت روحي طالعه
وين جنت ووين صرت
زهراء:همه جايين وانه وزينب بالترك تخبز والزم الها الغطه
من خلصنه دخلت للمطبخ شويه مااسمع بس الصيحه
سعد:دخلناه للغرفه بس اعصابه نار يزهك ويصيح على ابصط شي
گعدناه ع الجربايه وصاح...
ياسر:ماااريد اشوف احد
وكلمن يلزم جهاله لااهججكم والله
سعد:خليناه وطلعت
زهراء:اسمعه يصيح اجه سعد روحي يمه هوه انه لازم اواجها
بكل شي غسلت وجهي ودخلت للغرفه باوع بخزره
ياسر:ااانه شگلت
زهراء:اهدء حبيبي
ياسر:شنوووو اهدء مخبل گدامج
زهراء:لااا والله بس لااصيح موو زين على صحتك
ياسر:اطلعي
زهراء:فتحت الباب وطبگته حييييييل ضل يغلط ويصيح
ياسر:ااانه الج بنت الكلب.......
زهراء:عفته وصعدت انه شكوو يرجع عليه عصب بس لاتغط وتطرد
شذنبي انه .....
دخلت للغرفه تمددت
غفيت سمعت الباب يندگ حيل طفرت فتحته رحاب
رحاب:عمو ياسر يصيحج
زهراء:لفيت الشال ونزلت شفته وحده كتله صحتني
ياسر:اي تعالي
زهراء:وكفت قريبه عليه بس مبينه زعلانه عليه
سحبني من ايدي صرت بصفه
وهمس
ياسر:اسفه اتحمليني لازعلين مني مو قصة اكرهج او مااريدج
من اطردج لا
بس بهاي حالتي مااريد اشوف احد
زهراء:بس انه من اي احد
انه مرتك ولزم اكون قريبه عليك
ياسر:بستها بگصتها اروحلج فدوه
يامرتي وبنتي
زهراء:اسم الله عليك...
تقرب وجه يبوسني اخذ شفايفي بشفايفه
عبالك شلون العطشان
فززنه صوت رحاب فاتحه باب الغرفه و اااااصيح...
رحاب:بيبي ام ياسر طاحت.....
شكرا لزيارتكم عالم روايات سكيرهوم
