رواية بنات سهر الفصل السابع عشر بقلم فراقد حسن علي
÷
ابتسم 😁
وتغنى بالسعادة ....
وإن كنت لا تملك شيء،
فالحزن يقصف من أعمارنا عمر
=====================
أساور/ ألمر بخواتي من لحظات فرح وحزن
عشته وياهن لحظه بلحظة
نزعنه ثوب الحزن سويه
لبسنه ثوب الفرح والألوان سويه
أشاركنه سويه بكل تفاصيل العرس
من الغراض وهدوم العرس
وتخطيطات الحفلة ،
وحسبالك نسينه عركنا وهوستنه مال المزعطة
المصارلها أشهر قليله من أختفت ويه فراك ماما
اليوم وحدتنا صارت عروس
وباجر ورانه حياة جديدة ما نعرف الدنيا شنو ضامتلنا بيها ، يعني معقوله هيج الواحد بسرعة يكبر
بس يبتعد عن حظن أهله ؟؟
8 ت
وعن خطيبي مازن
جان يوميه يخابر عليه من تلفون لمى
والله حتى مااعرف أحجي وياه بس أسمع
هو يسولف عن نفسه ، وعن حياته
وعن دوامه ، وحياته السابقه ويه مرته القديمه
ومشاكلها ويه خواته وفاء وشهلاء
لحد ما يوم سألني / أنتي هم جنتي تعرفين شاب
اقصد هم عجبج شاب من جيرانكم
واحد من شارعكم
أني جاوبته بالصدك بس هو ماافتهم قصدي كتله / والله أني غير مهند ولا اعرف شاب
ولا أتوقع أحب واحد غيره
بعدني ما كملت كلامي .....
12 ت
هنا دك حيدر ما جاوبته
عفت النغمة لحد ما خلصت
ورحت وديت التلفون ال لمى جانت بغرفتها
واني اكعد بغرفة حسين من أحجي ويه مازن
هي شافتني أبجي سألتني / شبيج؟
حجتلها الموقف الصار
وهي ذبت الصوج براسي كالت / غير تكوليله
الممثل التركي مهند
حقه هو من شطح عقله وراح على مهند أبن عمي
أثنينهن نفس الاسم
12
عاد هي رجعت أتصلت على مازن
وكعدت تحجي وياه وشرحتله سوء الفهم ألصار
بقيت فاكه حلكي عليها
شلون لبقه بالحجي وتعرف تسولف ،
و فهمتة الموضوع بكل بساطه
واني حتى حجي عادي مااعرف أحجي
هو راد يحجي ويايه بس اني ما قبلت
قلبي مكسور من كلامه
هي لمى كالتله /عوفها اني أحجي وياها
ومن ترتاح اخليها تحاجيك
هي هنا مو تسولف ويه مازن
أثاري حيدر كلساع يدك عليها حركها حرك
لان خطها مشغول ،
وهي مكيفه تحرك بعصابه
وره شويه دكت عليه وسوت نفسها زعلانه
شلون يلح عليها بالاتصال
والله أسمع صوت اعياطة عليها ميت غيره
يكلها / ساعه بال ١ بليل ويامن تحجين
وهي تجر بحجيها وتكله / ويه مازن أخويه
عنده مشكله هو وخطيبته وحاولت أصلح بيناتهم
2 ت
وهو يصيح / وأنتي شعليج بيهم هم يحلون مشاكلهم بيناتهم
1 ت
هي كالتله / عززززه البنيه تخربطت
هسه ارجع اخابرك وسدت الخط ،
واني جذب لا تخربطت ولا شي
سألتها / لمى اذا ما بيها احراج عليج
انتي شنو قصتج ويه حيدر خطيبج
شو مره تردين تطلكين ؟
ومرة اشوفكم سوية ؟؟
وأشوف انتي تحبي وهو ذابح روحه عليج ؟
5 ت
كالت/ تعالي اتمددي بصفي
اليوم نامي يمي شو ضايجة انام وحدي
كتلها / بس انزل ابلغ مسرة خطية يظل بالها
صدك نزلت ركض لكيتها نايمه
كل الموجودين بالبيت نايمين
بلغتها وصعدت ركض يم لمى
ذبت أسلاميتي وربطتي ورحت تمددت يمها
كالت شوفي / من أنا بصف الرابع اعدادي
حيدر خلاني براسه ، هو جان طالب بالكليه
لحد ما خلصت سادس ادبي ونجحت
الحمد لله ،،بس كعدت بالبيت
لان ما عدنا بنيه تكمل كليه
3 ت
هو أجى خطبني وعقدنا سيد ومحكمة
وانا الصراحة هم جنت معجبه بي واحب شخصيته
بقينا سنه مخطوبين وما كدرنا نسوي عرس
لان واحد من اولاد خوالنا أستشهد
جان بجيش الامام وكتلوا الأمريكان
فأجلنا عرسنا لحد متطلع سنه
4 ت
أنا خلال هاي السنه تسودنت عليه
تعلقت بي وحبيته بخبال
وهو دللني دلال مال بنات الملوك
شنو طلعات شنو هدايا شنو مواعيد
ما ينام اذا ما يجي يشوفني ويبوك بوسه ويروح
ومرات بالنهار اذا اخوتي ما موجودين
وبالصدفه يتصل عليه وأكوله ماكو احد يجيني بسرعة ونكعد وحدنا بالاستقبال
وهو طبعه حروري يستغل الفرصه
ويقفل الباب ونعيش أحلى لحظات
7 ت
بس شنو كم مره أشوف تلفونه مسوي صامت
وجنت أغار واكله / ليش تلفونك صامت ؟؟
يكلي / انساه صامت من افتر بالمستشفى على المرضى
لو من ادخل للعمليات
ومن اخذ تلفونه وأفتشه كلشي ما ألكي بي
3 ت
وهو جان دوم يحجيلي على مجتمع المستشفى
يكول / تعبان واكو استغفر الله ممرضات مو راحة
،ما نجمع الكل حشه الزينات
بس اكو بيهن اخلاقهن تعبانه
وهوايه يحجيلي عن مواقف تمر عليه من يصير بالخفاره ، لو تصير المواقف ويه باقي الاطباء
2 ت
بيوم دزت عليه شهلاء اخته
خطيه زوجها كتلوا الأمريكان
وبعد وفاته أجت عاشت وياهم
عدها بس ولد واحد ،
هم أمهم وابوهم يصير عمي متوفين الله يرحمهم
وجانت وفاء هستوها متزوجة
كالتلي/ اريد أنصحج عوفي حيدر
تراه مصادق عليج ويعرف ممرضه حشاج يكول عليها ك.....
وعلاقتهم مطوره حتى ينام وياها بيوم خفارته
أنا سمعت هذا حجيها لو سودنت
طكن سواديين براسي
بس كتلها / شلون عرفتي؟؟
وشلون اصدك كلامج ؟؟
حلفتلي بروح امها وابوها وبروح رجلها
هي شايفه تلفون حيدر وبي رسايل يثبت كلامها
وحتى كاتب على رقم البنيه/ المدحدحه
8 ت
انا شنو رجعت لبيتنا ملخت روحي
واعصابي أنفجرت ، لعبت طوبه
وخابرت على طارق جان بالدوام
اعرف بس هو اليوكفلي بهيج موقف
لان منتصر راح يحل الموضوع بهدوء ومايريد مشاكل
( 2 ) ت
امي تصلت على حيدر كالتله/ هسه تجي
هو هم جان بالدوام بس راد يعرف شكو
لان كلبت البيت صياح وعياط
وامي رجعت خابرت على منتصر
كالتله بالموضوع
كاللها /أجيت بس ديري بالج عليها
نهى جانت بعدها ما متزوجة
خطيه كابلتني وكعدت تبجي ويايه
لان هي هم جانت تحب وميض ابن خالي
وبالبسكوت محد يعرف اكو علاقه بينهم
لان علاقتهم بس على التلفون
ونهى خطيه جانت تخاف واحد من خواني يلكفها
تقفل باب الغرفة وطب بالكنتور وتخابره
وانا ابقى اراقبلها لا واحد يكبسنا
وبالذات بنزول طارق لان ذيب يعرف كلشي
ويبقى الليل كله كاعد
17
المهم أجى حيدر واجى منتصر
واجهته بكل الكلام السمعته
وهو نكر كلشي وحلف مية يمين ماكو هيج حجي
وعساس شهلاء تريد تخرب زواجنا
نفس ما مسويه بوكتها مشاكل ويه مازن ومرته السابقة
وانطى التلفون لمنتصر كلبه كلشي مالكه بي
وانا هم كلبته كلشي ما لكيت بي
ومن عدها منتصر سد الموضوع
كال / هاي سالفة غيره نسوان لا تهتمين للموضوع
1 ت
وليش ما وره يومين وهم دزت عليه شهلاء
رحت عليها اريد اشوف شعدها وليش جذبت عليه
والكاها مزوركة من الكتل
حيدر أملخها تملخ من الكتل
وحلفت بروح رجلها توكف ويايه وتكشفلي الحقيقه
وهي مو جذابه وحيدر هو الجذاب
2 ت
ومرت على هاي السالفه ثلاث اشهر
وشكد كعدت وسولفت ويه حيدر
يكلي الحقيقه وحتى لو صدك بس لا يصدمني
وهو مصر يكلي ماكو شي وشهلاء جذابه
1 ت
بيوم جنت كلش تعبانه
جانت جايتني الدوره وبطني مكطعتني من الوجع
ومن تجيني مفاصلي كلها تكوم توجعني واصخن
هو يجيبلي ابره ويضربلياها اصير شويه احسن
يكول مفعولها اسرع من كبسول البونستان
المهم الصبح خابرت عليه تلفونه مغلق
وره شويه انفتح الخط دزلي رساله/ عندي عمليه
من اخلص احاجيج
هنا دكت عليه شهلاء
كالت / انا من الصبح مشيت لبيت خالي
حتى (فهد أبنها )يشوف بيت أجداده
وبس احب اكلج حيدر بالبيت وياه وحده
لان مازن ألتحق ومرته عد اهلها والبيت فرغ ،
وانا بذاني سمعته الفجر
يخابرها ويكلها ب ١١ الصبح نطلع لبيتي
شويه نتونس ونرتاح
8 ت
انا سمعتها هيج كالت وعيوني صارت بكصتي
لبست حجابي وعباتي وطلعت طايره
وامي بقت تصيح ورايه ولا سمعتها
انداريت على بيت عمي هو بيت حيدر
بالشارع الورانه ،
جانت يمكن ساعه اقل ال ١ الظهر
شكد دكيت الباب محد طلعلي!!!!
كمت وفتحت سرقي الباب من جوه ودفعتها وفتت
كمت ادك باب الكلدور بخبال
وابجي واعيط /اطلع حيدر النذل
والجيران طلعوا على صوت عياطي
وهم محد جاوبني ولا احد طلع عليه
1 ت
أمي ونهى لحكني
لكني بحاله اخبال رسمي تسودنت
نار وتنهش بروحي
نهى بقت تباوع كالت /ماكو احد بالبيت شوفي ظلمه وكل البوب مقفوله
1
ليش ما شويه برد قلبي
وكلت الروحي صدك شهلاء جذابه
وتغار مني تريد تخرب حياتي ويه وحيدر
وطلعنه بره البيت نريد نقفل باب الشارع
ونرجع البيتنا
واشوف حيدر جاي بسيارته
وياه بنيه كاعدة بالصدر ما لابسه حجاب مفرعه ومكياجها يلعب النفس
ومبينه من شكلها مو راحة
هنا تسودنت بعد مااشوف
لميت عليهم الشارع
فلشت جامته سيارته بالطابوكه
حتى مااتذكر منين جبتها
3 ت
والبنيه انا ونهى شبعناها كتل
تكابلنا عليها زوعناها العافيه
4
وهو تفشل من العالم يكلهم /هاي مرتي الثانيه
وانوب لاص سالفه على روحه بالزايد
خلاني اتسودن عليه
كمت اخرمش واضرب بي بالشارع
وكدام العالم لان من صدك فقدت اعصابي
مااحس الا كفخني راشدي فلش بي وجهي
شمرني للكاع وهي الشمره
هنا بعد فقدت ماحسيت على الدنيا
14 ت
من صحيت لكيت روحي بيتنا
ومنتصر مكابلني وكاعد
ومهند موجود يخابر ويصيح مااعرف عليمن
وامي كاعدة يمي وتبجي
ولازمه كلينكس على خشمي يصب دم
اريد أحرك راسي من المخدة مااكدر كلش ثكيل
نفس كامت تلعب وتكرمين بس درت راسي
زوعت معدتي وتكرمين اكو دم
وامي كامت تعيط خبصت الدنيا
تصيح / يمه ه ه بنيتي مااااتت
اعياط امي خله حيدر يسودن
دفع خواني ومهند واجى يشوفني
منتصر شكد طبعه هادئ
بس من شافني هيج أنمردت
الزم حيدر وضربه بوكس ودفعه طلعه بره الاستقبال
6 ت
مهند هو الأخذني للمستشفى
طلع هذا الدم من خشمي
وعندي انهيار عصبي
وضغطي صاعد
انطوني علاج وبقيت بالمستشفى
لليل رجعت للبيت
4 ت
عمامي خبصهم همام
وطارق شعل الدنيا وعاف دوامه ونزل لعب فلك بحيدر ، طارق انا وياه أصدقاء مو أخوان ،
15 ت
واجتمعوا عمامي وصارت كعده
ومازن هم عاف دوامه ونزل وكف ويه أخوه
وماانطه بي
وصارت هوسه شكبرها وشكدها
ناس وكفوا ويه حيدر
وطلعوني انا مو زينه
وليش هيج سويت هوسه وفشلته
وسويتله مشكله ،
جان خليت الحل على ايد اخواني
هم يحلون المشكله
3 ت
وناس لا وكفوا ويه منتصر لان كاللهم /
انا اعترف هي غلطانه من سوت الهوسه
بس حقها رجلها وتحبه وتغار عليه
وهي مسولفتلي على كلشي
وصارت سالفه كبل وانا سديتها كلت غيره نسوان
بس مال يضربها بالشارع وتوكع بالكاع
وتشلح والعالم تتفرج عليها هاي ماارضى عليها
عود شوكت ما تغمض عيوني خل نسابه يدفنون بناتي ورايه
هنا طارق راسه والف سيف الا حيدر يطلكني وهو حيدر يحلف بعرش الله ما يطلكني ويخليني هيج معلكة
3
عاد اتفقوا نعوف الموضوع لحد ما تبرد
اعصاب الكل ، وبهذاك الوكت الهم كعده ثانية
حيدر بقى يخابرني وانا ولا اجاوبه
وانا اعرف بي جذاب مايأذيني
دزلي رساله عود يهددني
كاتب بيها /
اذا بقيتي مصره على الطلاق ابلغ عمامي
انا ماخذج مراه أليه واسحبج البيتي غصبن عليج
2 ت
انا شسويت عود صرت شاطرة
شوفت الرساله لمنتصر
وهو دز على مهند وعلى سعيد وعلى مازن
وعلى حاتم ،وشوفهم الرساله وهم تصركعوا ،
وراح مازن جابه واجى
وهو مانكر الحجي وكال المنتصر / أختك مرتي
وشلون ما تفهما أفهمها طلاك مااطلك
5 ت
خله منتصر يتسودن عليه وبقى يحقق ويايه
وشريد اكله حيدر ما لامسني لو ما شايفني
واحنا كلشي صار بيناتنه بقت بس على الدخله بقيت ساكته
وهنا سطرني منتصر براشدي تفلني دم ،
كالي / طبج مرض تبقين بذمته وشوكت ما تفك سوادينج ابلغه يكمل عرسكم
11
وهل سالفه صارلها سنتين ويه سنه خطوبتنا
صارلنا ٣ سنوات من عاقدين سيد ومحكمة
وهم صارت هوايه مشاكل
مازن طلك مرته
ومنتصر هو ونهايه عرك ومشاكل لحد ما طلكها
وقبل كم شهر باع بيته وغراضه واجى استقر يمنا
وانوب طلعت سالفتكم بالجديد
والله اعلم باجر شبيها الدنيا من جديد
4 ت
عاد سألتها/ شوكت تراضيتوا ؟؟
جاوبتني / من وميض أجى خطب نهى
أحنا عدنا طبع العشاير يحكمنا
من يتقدم عريس الوحدة من البنات
اهلها ياخذون موافقه ولد عمها كلهم
خاف واحد رايدها
واذا محد اله نفس بيها
يلا يخلوها تمشي بحال نصيبها
هنا منتصر أضطر يحاجي حيدر ويبلغه
وهو مااعترض وبارك لمنتصر ولوميض
10
منتصر وطارق وهمام ما كطعوا علاقتهم بمازن
بس حيدر لا قاطعوا واخذوا على خطرهم من عنده
وبيوم مشيه نهى عمي جابر صالح الكل
وصارت مشيه فرح ومشيه صلح
وانا وحيدر مثل البحر علاقتنا مد وجزر
يوم أتسودن و اريده ،
ويوم اخاف من عنده لا يرجع يصادق عليه
وبهذيج ساعه وحق الله أحركه بالحياة
ما أتحمل مراه ثانية تباوع عليه
مو عاد تصبح ضرتي
9 ت
هسه هو كاعد يقنع بيه نزوج وياكم
ومازن هم مشجعة على الفكرة
وانا كاعدة افكر والله كريم
صح ما انسى فعلته بيه
بس من هاي هوستي وياه
هو صارلته عبره
واتوقع بعد ما يعيدها
13 ت
والصراحه انا هم أحبة واجذب عليج
اذا اكلج اكدر اعيش ويه رجال غيره
3 ت
هي هنا شلون الفزت وكعدت على حيلها
وكالت/ تعالي اعلمج على شغله
شوفي حيدر ومازن طبيعتهم حرورين
ويحبون الدلع ومياعه البنات
مازن خلوق ماعنده درب النسوان
بس جان مفلش مرته يحب هاي سوالف
يعني أطمنئي يحب كلشي بالحلال
5 ت
وحويدر الخبيث تؤ جرب ويه غيري وابد مااسامحة على هاي الدكه الناقصه
3 ت
شوفي شلون راح أنتقم من عنده
دكت تلفون عليه وفتحت سماعه
وهو بس كال / هلا بنفس ريتي
صفني هذا مو جان قبل شويه عصبي ويرعد شبسرعه بدل ؟؟
وحويدر الخبيث تؤ جرب ويه غيري وابد مااسامحة على هاي الدكه الناقصه
شوفي شلون راح أنتقم من عنده
دكت تلفون عليه وفتحت سماعه
وهو بس كال / هلا بنفس ريتي
صفني هذا مو جان قبل شويه عصبي ويرعد شبسرعه بدل ؟؟
1 ت
هي لمى عود سوت نفسها نعسانه ومغطت روحها
وجرت صوت ونه المغطة بدلع ناعم
وحجت بصوت مايع كالتله / نبض دلبي
أنا نعسانه بس حبيت أبوسك وامسي عليك حتى أنام مرتاحة
6 ت
وهو جاوبها / بووووووويه ولج تمنيتج بحظني
الا أملخج على هاي ألونه ، ولج حركتيني وين
أولي هسه ؟؟؟
41 ت
هي ضحكت وكالتله/ اسم الله عليك حبيبي
تخيل روحك نايم بحظني
واحلم احلام حلوه ويايه
تصبح على خير دلبي
وبسرعه سدت الخط
وهو شكد بقى يتصل
هي عافته ولا ردت علية لحد مامل
وانوب دزلها رساله كلها فشار
وهي بقت مكيفه وتضحك لان حمسته
17 ت
كالتلي / شوفي وتعلمي شغلات تفيدج
وأحمسي مازن بيهن ،
بس ديري بالج على روحج
شوفي بس لا تنطي
احذرج هاي دنيا وكلشي يصير
ولعي بيج بس لا تنطي شي منج
8 ت
يالله بقيت الليل كله أفكر بكلامها
أني وين جنت وين صرت
شو لا اني ولا خواتي نعرف هيج نصرف
والله أستغربت ألخلل وين ؟
بينا لو بيهم ؟؟
13 ت
عدت كم يوم واني مااحجي وية مازن
خاطري مكسور من كلامه
اني عندي انضرب وينكسر عندي عظم ويطيب
ولا واحد يسمعنى كلمه يمكن لحد مااموت تبقى تاكل بقلبي
3 ت
عاد بيوم فاجئني مهند ابو تأميم
جايبلي تلفون خاص ، مازن موصيلي عليه
الصراحة هواية فرحت بي وكيفت صار عندي
تلفون شخصي
1 ت
بهذيج الليله خابرني مازن واعتذر مني
لان غلط على ماما ،
واني فهمته طبيعتي بسرعه أنقهر وازعل ،
وسهرت لوكت متأخر
بقيت بغرفة لمى أحجي وياه
وهي لمى هم تحجي ويه حيدر
بس مااسمعها من تسولف صوتها ناصي
مو مثلي مفضوحة
يمكن منتصر بغرفته يسمعني شنو أحجي
8 ت
الصبح كعدت متأخره واسمع صوت الهلاهل
يرج بالبيت صادف هنا يوم الثلاثاء
غسلت بالحمام الفوك نفس الكبر مال الحمام الجوه
هم الطابق الفوك كله عليه
ونزلت ، شفت أثنين نسوان كبار
وياهن مجموعة مال نسوان وجهال
ولد شباب مالين الاستقبال
خالتي عرفتي عليهن طلعن عمات بابا
وهذني النسوان نص جناينهن
ونص بناتهن ،،واحفادهن
ام ساهره وخالتي وساهرة كاعدات يمهن
والله اني قويت حالي وسلمت عليهن
وهن كلهن النسوان باوسني
وخالتي تكلهم / هاي مرت مازن بت المرحوم الوسطانية
أباوع عليهم شكلهم ولبسهم
مال محافظات أهلنا بالجنوب
والنسوان الكبار حتى وجهن وايديهن بيهن دك أخضر
وكل ما يحجن كالن/ يا من دهر صابها
لو يكولن / يااا فلك
لو يكولن/ ياا خيه عليج ألعباس صكد مايكولن صدك
بس كلش حبيت سوالفهم وطبيعتهم
9 ت
مسرة وسوار هم كاعدات
خالتي ما تقبل يشتغلن تكول عرايس
ميصير يشتغلن يلحكن على الشغل خل يرتاحن
للعصر وما شاء الله
أنمله بيت خالتي ناس أقرباءهم ومعارفهم ،
كلساع صايحين علينا اني وخواتي تعالن سلمن ،
من نسلم على الخطار ويعرفونا عليهم
يكولون /هذني بنات المرحوم عدنان
اكو بعض من الخطار يكولون /يااا هذني بنات سهر الشارده !!فد أنقهر وانحرج أضم روحي بهدومي
2 ت
لليل ما شاء الله كل أقارب بيت منتصر القريبين
يعني عمامهم واولادهم وبناتهم أجوي
وصار البيت من صدك عبارة عن حفلة
من صدك فرحوا وهذا يغني وهذاك يصفك
من صدك لمتهم وعزوتهم بيها فرحة اكثر من فرحة العرس
مسره وسوار ،،
لمى ونهى من العصر خلنهن يبدلن
ولبسن دراعات خليجة تخبل
وخللهن مكياج بسيط والله طلعن غير شكل
حسبالك لاكلهن جو الكشخه والفرفشه
وكالن /مو عدجن ذهب امي شايفتة عدجن
طلعنه والبسنه ،
1 ت
اني هم لمى كالت / انتي هم عروس
ولو بليل لو باجر الصبح ينزل خطيبج
هم بدلي واكشخي حتى اخليلج مكياج
كتلها / عيب من خالتي شلون بالعشا والشغل
1 ت
كالت / ولج العوبه
مو أجتي ام احمد وجنتها وياها
هن لزمن المطبخ من العصر امي دزت عليهن
كامت تضحك وكالت / انتي عجبتج سوالف عمتي
وفكيتي حلكج على بيض البط شلون كبار
وعلى حياتهم هناك ونسيتي الدنيا
دمشي غسلي وبدلي خاف يجي مازن
يشوفج حلوة ويضيع صول جعابه بشوفتج
مازن من التحق ما نزل مجاز هذاك الاسبوع
كالي / ساد واجب بدال صاحبه
مرته جايبه عمليه وعنده بعد طفل صغير وهو باقي يداريهم
حتى بوكتها ضحكت كتله / وهو ليش شالع قلبه
خو يوديها لبيت اهلها يداروها
كالي / لا خطيه مايكدر لان اهلها محافظات
وبعد صارت ولادتها فجأة وهو يخاف عليها
وعلى جهال بقى يداريهم
اني كتله / اكلك خاف هذا جذاب
ويريد يتهزم من شغله ،
وين اكو رجال هيج يتحمل يداري مرته وجهاله؟؟
ضحك وكالي / ولج هذا أخوي بمعزة حيدر عندي
لا مو جذاب وحتى مايكدر يعوفها ويطلع
انا مرتين رحت وديتله مسواك وغراض انا هم بعتباري عم جهاله
هو ضحك وكال / جأ أنا هم واحد منهم هم زلمة حباب
اني هم سمعت كلام لمى
ورحت بسرعه سبحت
وبدلت هم لبست دراعه
واخذت محبسي وكلادتي من يم مسره
عدها مفتاح الكنتور مالتنه بغرفة خالتي
وهي مسره خطت عيوني كحله
وخليت حمره ورديه خفيفه ،
ولبست ربطتي شنو اباوع بالمرايه
هيج لبس الالوان والمكياج البسيط يغير الشكل
5 ت
كعدت اني وخواتي بالصالة يم النسوان
صح مبدلات وكاشخات بس حجابنه كامل
يعني لابسات ربطه ،والدراعه ، والجواريب
وكل وحده بصفها عبايه الراس خاف يجي رجال
نلبسها ، ولو احنا ضعنا بين النسوان الموجدات
3 ت
وحده من عمات بابا
النسوان الكبار كالت / خايبات كومن
ناوشني سطله لبن ، معيانه ، صينيه
أي شي ادكن عليه ،خلينا شوي نطرب
شمالجن صاكجن العباس صفجن هلهلن
يالحديثات بعرس الغالي ابو حسين وما تدبجن
خايبات ألمن ضامات الحيل
كومن ارفسن الكاع وطلعن منها الماي
ولجن اااااخ لو بحيلي الاول
الي هسه اكومن العب فلك
سهى طفرت وجابتلها سطله عاديه
وهي كامت ادك وتغني والبنات والنسوان
كامن يصفكن ويهلهن
1 ت
هنا أجى منتصر مااعرف شيريد من خالتي
وكف باب الصاله وأشرلها تعالي
هي المرأة العجوز كامت ادك وتغني /
اعذرني عمه موش حيلي الأولي...
وكامت تهلهل
وبالكوه خطيه كامت ووكفت على حيلها
لابسه هاشمي أسود مطرز بخيط ذهبي
13 ت
أجى عليها منتصر وبواسها وباس ايدها وراسها
يكلها / عمه غلاتج بكلبي
بغلاه الحجيه فاطمة
وهي بقت تدعيله الله يرزقه ويوفقه
2 ت
نسوان عم منتصر هم نسوان كبار
كامن يشاقن وياه ويجرجن بي
يردنه يركص وياهن
وهو خطيه بين عليه الخجل وارتبك
بالكوة خلص روحة من عدهن وانهزم
عمة بابا الثانيه كالت / أسمعوا مني يالمعرسين
ممنوع تثنون على نسوانكم تراه نار الشريجة تحرك
احجيلكم قصة من سنه ٨٠
عن مراه اسمها حصة من عربنا
متزوجة وعاشكة ريلها لحد السوادين
بس بعد الله ما رزقهم بفروخ
ريلها أسمه حمود ومشى للكويت يشتغل
خطيه حالتهم ماهي زينه
والحمد لله ربكم رزقه بشغل زين
وكام يزت بالخير لمريته وأثنيهم أستعدل حالهم
وليش مالكواد يزتلها مكتوب يكلها / راح ازوج من بت الشيخ الاشتغل عنده .
المسجينه حصة ضاكت الدنيا عليها
وبس كالت / الله يسعده
وظلت تحمس بروحها وذبلت ورده شبابها من القهر
وبيوم زتلها الكواد مكتوب ثاني كاتب بي / أنا عرست بس ما نسيتج 🤦♀️
هي المسجينه ماتت من الحسرة والقهره وتسودنت ظلت تمشي وتغني والدموع غسلت الويه
يعني موش واحد كتلبها الاغنيه
لاهي من نار كلبها غنت
24
اااه يا يمه ااااه يوليفي
عگلي وزماني ياحمود ردوه اليه
شو حسبالك قصة هاي المراة حصة مشهوره وكامن كل النسوان والبنات والولد اهل الجنوب يغنون ويه العجوز ، وعمتهم ادك على السطله وهم كلهم يغنون
شفت بيداء مرت عمنا حاتم طكت من البجي
هم يغنون ويصفكون ويهلهلون مكيفين وفرحانين ، وهي مخليه بتها نوره بحظنها وكاعدة على صفحة
ودموعها سايحات على وجهه الاغنيه أثرت بيها
والله أنقهرت عليها
شفت بيداء مرت عمنا حاتم طكت من البجي
هم يغنون ويصفكون ويهلهلون مكيفين وفرحانين ، وهي مخليه بتها نوره بحظنها وكاعدة على صفحة
ودموعها سايحات على وجهه الاغنيه أثرت بيها
والله أنقهرت عليها
هنا ويه الدك السريع والاغنية
طارق وحمودي وماجد وياهم أثنين من ولد عمتهم
كاموا يركصون ، فد ركصهم حلو ومرتب مو مثل البنات هوسه وتكمز
وطارق مخلي الجكارة صفح بحلكه ويركص لابس بس فانيله داخليه بيضه وبرموده ، فد ركصه حلو
خربنه من الضحك من كال / فطومه يقصد على خالتي بروح امج أخذني الواهس كومي اخذيلج هزه خل اكيت عليج
هي شمرت عليه قوطيه الببسي وكعت برجله
وكالتله/ يالنذل احشم شويه
حتى لو تعرس تبقى ملكوف
هو يضحك ويكلها / بروح عروبه كومي اخذني الواهس
وأنوب صاح / ولج لمى تعاي كابليني
حيدر عاط عليه / ليش ما تلصم احسلك لو اكوم اني اكيت عليك شدكول
هو كام يحجي مثل البنات ويكله / عابتلك ليش تتحرش ما عندك خوات
حيدر كاله / لا والله ما عندي نثايه بالبيت كل الاعرفهن حاتم مقيد اسمائهن على الدفاع
لمى أشرتله بيدها يعني بسيطة اني اعلمك
هو كال / بووويه بعد شيخلصني
عمي يا كلمه ردي المجانج
حيدر كاله / لا والله ما عندي نثايه بالبيت
كل الاعرفهن حاتم مقيد اسمائهن على الدفاع
لمى أشرتله بيدها يعني بسيطة اني اعلمك
منتصر كاله / هااا جبان شبسرعه انباك بوشك
هو كالي / اي والله اني يم الداخليه جبان
عمي لحد يدخل رحم للعزاز
لا يرجع طارق يعنطز عليه
ومابيه حيل اخذ ٣ سنين بعد اراضي بي
خله كل الموجودين يخربون من الضحك
-
اليوم حلقتنا حلوه ملينا فرح 🤩
تعقدت من مشاهد الحزن 😫
شكرا لزيارتكم عالم روايات سكيرهوم
