رواية عشق مابعد الطلاق الفصل السابع عشر بقلم ساره فاضل
قيصر
شنو قصدك حسين تره والله خبلتوني
أمي بجه وانتم بجه وكلمره تگلولي شوف بعينك
ششوف حسين انته فهمني حاجيني كلولي شنو العيب البسمر الماجاي اشوفه وانتم تشوفونه
حسين
انته ماتقبل احد يواجهك بحقيقة سمر
عينك معميه عن عيوبه كلش تعبتنه قيصر
سمر جانت مصادقه نص شباب الجامعه
وكل السوالف المكسره عده والطامه الكبر
سمر نفس التسوي وياك والي هوه النصب
ناصبه ع نص الشباب نفس ماناصبه عليك
تعرف انته دكتوره خديجه ودكتوره نور مؤجرات وياها يعني موصديقاته ومكعدتهم صدقه
مثل ماجاي تكلك قيصر انتبه وشوف دربك انته تاية بدوامة سمر وماجاي تطلع منه
قيصر
مااعرف شگلك ماجاي اصدكك حسين عقلي ماجاي يستوعب سمر البريئه الهادئه هيج يطلع منه صح اني وياكم هيه صعبه الشخصيه وعصبيه بس كلبه طيب سمر بعيوني مثل الملاك حسين ماجاي اصدككم
رفل
قيصرر انته موطبيعي بعد هاذا الحجاء حسين كله
حسين
وين رايح قيصر اليوم عرسك رجائآ لاتتهور ولا تسوي شيئ يعكر مزاجك
قيصر
لاأطمئن شغله ساعه والحكم
حركت سيارتي كبل لشقة سمر لازم اليوم
احط النقاط ع الحروف لازم اكتشف لغز سمر المجاي احد يشوفه انسانه عاديه غيري
الكل جاي يحذرني منه ويكولون ويزيدون بااطباعه ويحطون بيه العبر لازم اعرف سمر ع حقيقته وصلت جوه العماره
شفت سمر نازله من سيارته وصعدت
نزلت من سيارتي ع السريع لكيته صاعده بالمصعد لحكته ع الدرج وصلت الباب شقته دكيت الجرس
واني كوه متماسك طلعتلي دكتوره نور
قيصر
والله مضطر دكتوره محتاج دكتوره سمر بشغله ضروريه
دكتوره نور
دكتور قيصر لاتنسه احنه بنات وكاعدين يشقه وحدنه ومنريد العين علينه واني اسفه اذا احجي وياك هلشكل
قيصر
بالعكس حقج بس صديكيني مضطر
سمر
نور منو بالباب
نور
دكتور قيصر يسال عليج
سمر
امممم انتي فوتي الغرفتج خليني احجي ويه دكتووور قيييصر
قيصر
سمر ممكن نحجي ع انفراد واذا جو البيت ميسمح تعالي نطلع بره
سمر
وشنو النحجي بلاا مو اليوم عرسك ع هاي العربيه الخايسه روح اشبع بيه ولووو ليش مستغربه الطيور ع اشكالها تقع
قيصر
اللهم طولج ياروح سمر اكو مجال نحجي لونطلع بره بسرعه احجي
سمر
فوت جوه لاتفضحنه احجي شتريد
قيصر
سمر انتي تعرفيني شكد عاندت اهلي وناسي علمودج
وتمسكت بيج سنين رغم اسلوبج المينحمل والسانج السليط اليذب سم بس متحملج لان حاسب نفسي ابوج واخوج
بس انتي ماخليتي احد من طرفي مخربتي ويااا وكلهم كرهوج وضلو يحذروني منج واني ممصدكهم وشايفج ملاك
كل هاذ تلفيق قيصر كل هلحجي حته يبعدونك عني ومقصرو اليوم عرسك وبدل متخابرني وتعتذر عن السنين الربطتني بيه
جاي وتتهمني بسوالف تشيب الراس وحته الناس الميته مخلصت من الساناتكم روح قيصر روح تزوج واني عساني اموت شنوقيمت حبي ووفائي الك كل هاذا مااجه بعينك صدكت كلام الناس عليه
واذا ع البنات الوياي صدك اخذ منهم ايجار بس جنت استحي اكلك اني محتاجه مصاريف فدخلتهن ايجار واذا ع الشقه من باجر افرغه الك وبعد متشوف خلقتي اني كله سبوع وطالعه للبعثه وبعد متشوفني اخلص مني
قيصر
سمر تحجي وتبجي مااعرف اصدكمن اصدك الناس لواصدكه طلعت من بيته واني كلبي يتكطع وصل
عليهه وع نفسي وع الاسنين الراحت هدر من اعمارنه رحت بوجي للبيت بس حته الطريق مااشوفه
سمر
طلع من البيت هاذا الحقير اااخ لوااعرف منو كله بسالفه اهلي والايجار بس مصيره ينعرف اله اشرحه بس خل اعرف منو الخايس الموصله الحجي
خابرت وسن كتله راح اجي اكعد يمج هاذا الاسبوع بين ماتطلع البعثه مكالت لا بالعكس كيفت لميت اغراضي وملابسي وكلشي الي بالشقه اخذته وخليته بالسياره
والبنات بلغتهن يطلعن من الشقه خلال هلاسبوع ويبيعن الاثاث ويدزلي حصتي عاد هنه اشترن كلشي وكالن ياخذنه لشقتهن الراح يجرنه
كتلهن من يفرغن المكان يدزن المفاتيح لدكتور قيصر سلمت عليهن وطلعت ورحت لبيت وسن لكيته منتضرتني
ج اول ماوصلت فتت للحمام لأن شايطه غضب خره بي عكر مزاجي طلعت لكيت وسن مجهزه الغده
سمر
الله ينعم عليج حبي
وسن
اكلي وسولفيلي شنو الخلاج تعوفين شقتج تره كاتلني الفضول
سمر
سولفتله ع جية قيصر
وسن
وع هاي تركتي شقتج والله بطرانه ولج شقه كاعده بيه ومكان راقي وايجار يدخلج كل شهر وتعوفينه
سمر
ولج تبقين غبيه اني من تركت الشقه اكدتله اني موطماعه وماعايشه بالشقه طمع
لا بالعكس بينتله انو اني جنت متقبلته منه لان حبيبي لاأكثر موطماعه واستغلاليه مثل ما موصليله
وبعدين فهميني فرضآ البعثه اتاأخرت وين تروحين ومنيلج حمل ايجار انتي تعرفين المنصور شلون ايجااراته غاليه واني اعرفج متسكنين الابمكان راقي دائمآ عينج ع المكانات الراقيه أصلآ تعجبت من كلتي تجين يمي اسبوع وانتي تكرهين منطقتي،لأن شعبيه
سمر
يجي يوم تعرفين شنو يدور براسي وبعدين اذا ع قيصر لاتخافين محبس باأيدي بااي وقت اشرله يجي مثل الجلب هههههه كل ضنه هسه كاتلني القهر علي لان تزوج العربيه ام الوصخ عابت گبر حته گبر اي والله
واذا ع السكن وياج راح اعصر ع نفسي ليمونه واكعد بمنطقتكم الخايسه ولاتخافين هيه كله سبوع وتطلع البعثه ونخلص من العراق وهوسته
ووصاخته ونغير جوو ملينه
وشن
زين اذا ع السكن ومصاريف الدراسه ع حساب الدوله شلون تعيشين تتصرفين اكلج شربج لبسج ذني سنين مويوم ويومين شلون راح تدبر وياج
سمر
لاتخافين عليه حاسبه حسابي ايجارات البنات الجنت اخذهن صار خمس سنين اجمع صارن فلوس حلوه تكفيني وزايد
وسن
مااعرف بعد انتي اعرف بضروفج ونشالله تروحين وترجعين بالسلامه
سمر
حبيبتي راح اشتاقلج مااعرف شلون راح اكضي يومي بدونج
وسن
واني بعد راح اشتاقلج يلا نكضيه اتصالات ونشالله تهون
حسين
رفل وين قيصر راح بنضرج
رفل
ويرادله سؤال اكيد راح لسمر تلكاه هسه كالبته مناحه وسوالفه التعبانه والله محروك كلبي اكو واحد يبدل ناي الحلوه الطيفه ام كلب الطيب بهاي الزرگه الخبيثه
حسين
يحبه حقه اليحب ميشوف عيوب اليحبه يشوفه مثالي ولايتصيدله اخطاء دائمآ بنضره ملاك وقيصر سمر بعينه نازله من الجنه رغم مساوئه
رفل
الله يبعده عن طريقه
وبعدين شنو قصدك باليحب ميشوف لاعيوب ولااغلاط اليحبه اعتبره بسمار لوشنوو
حسين
هههههههههاااااي
والله موقصدي وين راااح بالج
رفل
شعبالك الكفه وهيه طايره
حسين
يابه حسبيه عليه نسيت هستونه متصالحين وبعدج تتحسسين اسف بعد مااحجي شيء يضوج حبيبتي
رفل
هههههه اي هيج أريدك مااريدك تغثني بهيج حجي تعرفني بسع ازعل وتعرف زعلي موحلو وكوه اتصالح ههههه
حسين
لايابه كلشي الا زعلج اني بحلم بعلم حبيبتي راضيه وكاعدين سوه ونسولف ولج رفولي مشتاقلج بكد رحمة الله. يمته تصيرين من نصيبي وننجمع بالحلال والله اكثر شيء متمني من ربي ننجمع ابيت واحد ونستقر مابقئ بالشباب شيء يادوب نلحك نعيشنه كم سنه نطلع نتونس نسافر ونجيبلنه رفوله عنونه
رفل
ههههه ليش صعبه ذاااكه بيت ابويه تعال وتقدملي وعود نشوف لونوافق لولا ههههه
حسين
والله يوم المنئ
أخذيلي موعد ويه الوالد واني اجيب ألاهل واجي والله يقدم البي الخير
رفل
خل يخلص عرس قيصر والله كريم راح افاتح الوالده بالموضوع والله يقدم البي الخير وهمه عمومآ
مو من النوع الأهل المتزمتين برائيهم بالعكس كل اليردونه سعادتنه بس لازم استشيرهم واخذلك موعد مواجيبك فجة للواجه وينصدمون ونلاقي ردت فعل عكسيه احنه بغنه عنه
حسين
بايات يروحي
رفل
دخلت للبيت لكيت عمتي دتطبخ بالغده ومستعجله وناي بغرفته هستوه ماخذه حمام دكيت الباب
ناي
تفضل
رفل
هلوو عروستنه الحلوه صح النوم
ناي
هلوات حبيبتي وينج من كعدت واني اسال عليج وكالو ويه قيصر اخابر ع قيصر ميجاوب انتي ناسيه جهازج خير اكو شي لاسامح الله
رفل
يبووو ناي صارت اشياء بس ارتاح اسولفلج
انتي ليش لهسه ممشسوره شعرج هم يلاا ورانه شغل كومه بس نتغده نبلش لان بال4لازم احنه بالقاعه
ناي
هسه اشسور بس مالي خلك رفل ،،،،،،،،قيصر ميحبني اصلآ زواجنه كله محاسته فرحان بي
رفل
شهلحجي يانوني شكاعده تحجين من يمج بالعكس قيصر كلش فرحان بزواجم ومكيف لان راح يتزوج بنيه بت اصل وفصل مقلج واذا ع الحب اكيد يجي بعد الزواج تره انتم هستوكم متعرفين مصارلكم شهر
ناي
مااعرف احساس غريب وشعور يخوف ينتابني وكلش قابض ع كلبي ومخوفني من هاذي الزواجه
رفل
اهوووو كل هاي اوهام صلي ع النبي وتعالي نتغده وبعدين نبلش بشغلنه وخلي اوهامج بضهرج لان كثرة الاوهام اتعب اكبر واحد ةانتي اليوم عرسج يعني اجمل يوم بعمرج لاتضيعين حلاوته بهلتفاهات
ام قيصر
يلا بنات الغده جاهز هم يلاا تتغدن ماما
رفل
جايين عمه
ناي
رجعت رفل وحجيله بلأحسه بس احسه ضامه عليه شيء رفل بيه طبيعه من تصبر ع البشر وهيه تعرف هاي مجرد تصبيره تتوتر وكلامه كوه تجمعه طلعنه ولكينه عمتي مجهزه الغده خطيه ممخليه شيء مامخليته ماكدرت اكل بلگوه كلتلي شوي
ام قيصر
ماما كملي اكلج شكلتي قابل مستحيه من عدنه
ناي
لاعمه شبعت من رخصتكم
ام قيصر
براحتج ماما
قيصر
السلام عليكم
الجميع
وعليكم السلام
ام قيصر
ماما وين جنت ليش مااجيت تتغده ويانه
قيصر
جان عندي شغله مهمه لازم انهيه
ام قيصر
خل اكوم اصبلك غداك
اكيد هسه ميت من الجوع
قيص
لاماما العسل مااشتهي اخذي راحتج انا راح اصعد لغرفتي اناملي ساعه وب3كعديني حته اسبح وابدل
ام قيصر
ع راحتك ماما
ناي
دخلت للغرفه الكاعده بيه اني ورفل وسمعت قيصر اجه حسيت كلبي فز من سمعت صوته بس بلحضه فزت كلبي تحولت لفزه قهر وضوجه ليش هيج يعاملني شسويتله ليش هلبرود العنده زين اصدك كلام رفل واكول واقنع نفسي هاذا طبعه مااعرف شسوي كياني كلا تخربط
خابرت ع والدي ووالي من البارحه ممخابرتهم وكلبي نار عليهم
الوووو
ابو سجاد
الووو هلا بويه هلا بناي شلونج بويه
ناي
الحمد لله بويه زينه انتم شلونكم والي شخباره
ابو سجاد
الحمد لله بويه كلنه بخير انتي شلونج بيت عمتج شلونهم
ناي
الحمدلله الكل بخير يسلمون عليك
ابو سجاد
اليوم عرسج يابنيتي والله متمني اني ازفج بس شسوي الحمدلله صدك قسمتج بعيد بس الحمدلله انتي بأيد امينه.
ناي
اي بويه اليوم تمنييت انته وامي حاضرين وتمنيت انزف من بيتكم وبحضوركم بعدني بااول يوم وكتلتني الغربه بويه
ابو سجاد
ماغريب الا الشيطان بويه بعد انتي بين اهلج وناسج ذول اهلج بعد لايضل بالج يمنه ولاتخافين علينه واحنه كلوبنه وياج وموجدين بأي وكت خابري نجيج ونوكفلج لاتهتمين بعد ابوج فرحي واتونسي اليوم عرسج لاتتكدرين
ناي
نشالله بويه
يلا بويه انه اترخص باجر اخابرك هسه رفل منتضرتني حته تجهزني
ابو سجاد
مودعه بالله بويه الله يريح بالج ويحميج
ناي
سديته من ابوي واني طاكه بجي كلبي طاك عليهم صار يومين وشتاقيت الهم ياربي رحمتك
رفل
يبووو هم تبجين شسالفه ناي قابل ماخذينج للذبح هاي شبيج
ناي
مشتاقه لأهلي
رفل
احنه اهلج وناسج حبيبتي انتي
وبعدين اهلج موبعيد وره عرسكم بشكم يوم وروحي شوفيهم
رفل
حبيبتي وانتي بعد والله صدك جنت محتاجه صديقه والله جابج اليه وبعدين لاتخافين بيتنه هياته بعد شارع واحد اني يمكم لاتخافين ادوخكم كل نص ساعه يمج لحد ماتقفلون الباب بزناجيل يلاا تخلصون مني ههههه
ناي
بالعكس البيت بيتج وانتي الداخله واحنه الطالعين
رفل
اوي حبيبي
ييلايلا خل نبلش ماكو ابجي واخرب عليج المود
وبلشنه شغل طبعآ ناي متحب المكياج ثكيل ولاتحب الشعر السرح حابه ومفتخره بنوع شعره الكيرلي كلش احب شخص يحب شخصيته وتفاصيله كملته ولبسته البدله وطلعت ملاك
بعدين خلصته وخليته تلبس حذاءه والاكسسوارات
عاد اني مكيجت وسويت شعري ع السريع
هاذ جان شكلي
ناي
خلصتني رفل وطلعتني اخبل والله هلرفل لو انطيه عيوني مااعوضه كملت ولبستني البدله الجايبته عمتي كلش نازكه وحلوه واكسسوارات تخبل والحذا كلش حلو حسبالك كلشي جاي ع مزاجي حبيبتي عمتي الله يخليلياها ممخليه شي مجايبته
رفل
عمه عمه تعالي
ام قيصر
ها ماما خلصتن
ماما صلاوات ع النبي عيني بارده ولج يمه شطالعه تخبل
رفل
هه عاشت ايدي ههههه
ام قيصر
عاشت ايدج بس هوه القالب غالب يمه صلاوات شتخليله يخبل عليه
ناي
يخليلياج عمه والله هيج اخجل
رفل
هههههه كافي كافي يلا عمه خل نبدل ونخلي العرسان يرحون قبلنه
ام قيصر
ماشي اني هماتين كعدت قيصر لان اجا حسين كال هوه راح يرتبه تعرفين قيصر ميعرف بدون حسين الله يخليهم البعض
رفل
امين
قيصر
رجعت للبيت وكلش مقهور وضايج والحسبات ماخذتني ومااعرف شسوي. صعدت الغرفتي اخذت علاج للصداع متديت ونمت بدون ماافكر باأي شيء لان اذا ابقئ ع هلتفكير راح انجن
مااحس الا حسين يكعد بيه
حسين
قيصر قيصر
شنو من عريس انته اكعد يابه اكعد
قيصر
اهوو اخذتني نومه شحال لوماكايل لمي تكعدني ب3
حسين
يلا مصار شيء روح اسبح بين مااجهز اغراضك
دخل قيصر للحمام لكيت القاط معلك ع التعلاكه طلعته من النايلون وحضرت حذاء والجواريب طلع قيصر وبدل عاد لبسته الببيون وشسورت شعره وخليتلا عطره لبس ساعته ونزلنه من فوك
ناي
كعدوني بالصاله وخلو فوك راسي البركع اجن زوجات عمام قيصر وبنات عمه
هلاهل وركص قبل لانتوجه للقاعه صدك سون اجواء اعراسنه الشعبيه الحلوه
لشوي ونزل قيصر من فوك ونزل ورا حسين
قيصر طالع يجنن بكامل شياكته
لابس قاط اسود وقميص اسود واليلك جوزي والحذاء جوزيه والببيون حمره جان كئنما طالع عارض ازياء
3 ت
شال البرگع وباسني من كصتي كلش خجلت لان حسين جان موجود
كعد يمي عاد شوي وعمو عصام كال الكل يتجه للفندق مابقالنه وقت
طلع الكل وعمتي وعمو طلعو السيارتهم بس رفل وحسين بقو يمنه
ولشوي وطلعنه للسياره ساعدتني رفل
صعدت بسيارة قيصر وهمه راحو لسيارة حسين
طلعت سيارتنه وره الكل بس حسين ورفل ورانا طول الطريق وهوه يباوع كدامه حته كلمه حلوه ماطلعت منه
اني هم سكتت مومال اني احجي وصلنه للقاعه لكينه الكل منتضرنه بالباب والهلاهل والصفكات والديجي مشغل اغاني تجنن نزلنه شوي وكفنه يم الااهل والكرايب حاولو يركصون قيصر بس هوه يستحي
3 ت
عاد توجهنه ووصلنه للكوشه والمكان يجنن كلشي حلوو ونازك وهستونه كعدنه وجاي رفل ترتب بشعري مااحس ألا بنيه اجت من بعيد متوجه لقيصر وكبل لزمته من ايده
شكرا لزيارتكم عالم روايات سكيرهوم
