رواية عشق مابعد الطلاق الفصل الثامن عشر بقلم ساره فاضل
سمر
مبروك قيصر بالرفاء والبنين
قيصر
،،، لحضة صمت ،،،،،
شكرآ دكتوره سمر ماجان اله داعي اتعبين نفسج وتجين
سمر
ولاتعب ولاشي احنه البيناتنه موشويه جان لازم اجي واسجل حضور. لصديق العمر دكتووور قيصر
لوو شتكولين عروستنه الحلوه
سمر
ماشي
قيصر
اوووف ياربي سمر شجابه غمزت لرفل واجت تصرفت بس اني بساعته ضغطي هبط من الموقف رجعت كعدت واني مويم الدنيه اباوع السمر تطفر شرار باوعتلي بنضره مااعرف شفسره وطلعت من القاعه بس احس بطلعته طلعت روحي
6 ت
ااااخ ياربي والله احتاريت من جه امي
وجه حبيبتي
والجه الثالثه هاي البنيه التورطت بهالزواجه انتجيت ع الكوشه وأني شبه مغيب
ناي
هستونه كعدنه واجت بنيه حجت كلام ممفهوم وطول ماهيه تحجي ايده بيد قيصو وعاصره كف ايده بقوه لحد ماجت رفل وبعدته عن الكوشه
رفل
لخاطري تحملي كله نص ساعه ونروح للفندق
ناي
كاعده بضجر وبملل احس نفسي غريبه لومارفل
جان انفجرت ورجلي هه رجلي حلوه هاي مال رجلي ههههه يلااا افرح نفسي
رجلي كاعد يمي مثل الصنم لايحجي ولاينطق كاتلته الحسبات حته صدك جذب ماتباركلي
3
بال6ونص كالو يلا نزف العرسان طبعآ الزفه تجنن وتفرح كل عروسه بس اني ابد ولافرحت حسبالك زافيني للعدام لان العريس الزافينه عليه مبين مغصوب وهسه توضحتلي الفكره مليون بالميه شكد جنت اكول تتوهمين يولي ماكو هيج حجي الولد رزن الولد ثكيل
بس الشفته والسمعته هوه شخص بشوش ورزن بس وياي ضارب بوز زفونه بسيارة عمو عصام لان قيصر كال دايخ ميكدر يسوق
وصلنه للفندق وحسين مجهز كلشي الحجز والعشاء صعدنه اني وعمتي ورفل وحسين وعمو عصام وقيصر بقو جوه يسولفون
ام قيصر
الف مبروك ماما بالرفاء والبنين ان شاءلله يوم انفاسج ونفرح بيج
ناي
شكرآ عمه مااعرف شلون اجازيج لوانطيج عيوني صدك وكفتج عوضت جزء من وكفت امي
ام قيصر
اني امج وعمتج وصديقتج حبيبتي انتي كلشي مااريد بس اسعدي ابني واتحملي لأن انتي بس التطلعينه من الهوه بي
رفل
يلا عمه كافي حجي خل نخلي العرسان يرتاحون
يلا ناي تصبحين ع خير ونشالله بالتوفيق حبيبتي
والف الف مبروك
ناي
حبيبتي الله يبارك بيج يعمري متقصرين بعد كلبي تعبتج ونشالله يوم عرسج واخدمج بي
رفل
هاذا واجبي حبي انتي
والخوات مابينهن جمايل يلا حبي اخذي راحتج
احنه نروح وباجر نجيكم
ناي
مع السلامه
طلعنه وقفلنه الباب بطريقنه عاد واحنه نازلين سالت عمتي
عمه صدك جذب شجنتي ناويه تكلين لناي
رفل
اي وانتي ناويه تكليله هيج بليله عرسه
صدك جذب ياعمه بلا هاذا هم وقت واحد يختاره حته يحجي بيهيج موضوع خطر وماتعرفين
ناي تتقبل لا
وهوه اصلآ من التتقبل رجله بليله عرسه
تعرف عنه هيج شيء
خليه عمه
خليه للزمن هوه يكشفله شوي شوي حته تتأقلم وتصبر ع قيصر لان اذا عرفت وهمه ممتزوجين وزواجهم مجرد ورق يمكن تروح ومتقبل تعيش هيج وضع فيا عمه سكتي وخليه لرب العالمين هوه اليقرر حياتهم واذا ع سمر ادعي الله يبعده عن طريق قيصر بدون مااحنه ندخل لان اليوم حسين حاجا حجي لوجبل ينهز بس هوه منهزت ثقته بيه
ام قيصر
الله كريم ماما الله يبعده لبنت الحرام من طريق ابني بجاه السميع العليم
2
قيصر
وصلنه للفندق امي ورفل صعدو ويه ناي يجهزونه واني وحسين وعمو عصام بقينه جوه حسين ترخص وراح لان اتصلو بي المستشفئ جايه حاله ومحتاجينه ضروري عاد بقينه اني وعمو عصام وحدنه
عصام
قيصر بابا ممكن احاجيك بموضوع واتمنه تفتهمني بدون ماتقرر شي من دماغك
قيصر
تفضل بابا گول
عصام
باباتي اليوم عرسك اني لاحسبالك عاجبني وضعك طول العرس منتجي وبغير عالم وبنت الناس وجه ينطي الوان من القهر بس لاحول ولا قوه وفوگ وضعك التعبان المتقبل بي أي عروس جية سمر وكلامه المسموم الوصلتليا رفل وامك والله البنيه ناي بنت اصول وتحملته وحده غيره متقبل بهيج حجي
وان كان الكلام امبطن بس مفهوم بس ناي بنت اصول وسكتت
شوف بابا مادام اليوم عرسك وهاي البنيه سمر تركتو بعض وجيته مجرد حلاوة روح لااكثر ابدي ويه زوجتك حياة جديده تعرف عليه انطي من وكتك و من كلبك وعقلك وافهم شنو التريده بيه وسوي اذا جان مستواها الدراسي البنيه زغيره واسهل من رجعته للمدرسه ماكو
اني وامك نرجعه واذا جان ع الشكل والمضهر تره الفرق وضاح مرتك ملكة جمال وسمر انسانه محلوه فياابني اريدك اول ماتصعد توضه انته وزوجتك وصليلك ركعتين واقراء قرآن ودعائ التوسل
1 ت
اني طلبت من امك تخلي بجنطتكم وادعي الله بالتوفيق وتسهيل حياتك والله ميقصر ان شاء الله
وهااا أبني اني نسيت اوصيك اليوك تگضي شغلتكم انته وزوجتك مااريد ترجع للبيت والبنيه مماخذه لازم تخلص هاذا الشيء حته الله يباركلك والبنيه من تجي للبيت متجي مكسورة خاطر شكلك رجله متقربله وتعرف حجي النسوان يابابا لاتخلي مرتك بموقف متنحسد علي ماشي بابا
ام قيصر
يلاا ماما اصعد لمرتك وان شالله بالخير وبالبركه ويوم الاشوف ابنك وافرح بي حياتي امي انته
هلاا هلاا بناي ماما خطيه زغيره جيبه بالهداوه موتضوجه تره يتيمه ومكسورة خاطر لاتكسر خاطره ماماتي مااوصيك خليه بعيونك حبيبي
قيصر
ان شالله ماما
اني اترخص اريد اروح ابدل لان كلش اختنكت
هستوني اباب المصعد واجت رفل تركض وراي
رفل
ولو اني مومن حقي احجي ولااعاتبك ولااقرر بمكانك بس قيصر كل الحجا عمو وعمتي مالك شغل بي
لاتاخذ البنيه وانته مالك نفس بيه دير بالك تره تكسره كسرة عمره يمته ماتحس نفسك مرتاح وبداخلك تقرر هاي الانسانه الناواي تكمل وياها حياتك
ادخل عليه وخلص ذب كلشي وراك بس بهيج حالتك ووضعك ماانصحك لان راح تجرح ناي جرح عمره واني مااسمحلك تجرحه لان ناي اختي اني وعدته اكون الاخت والصديقه وانشالله اكون عد وعدي
2 ت
قيصر
ماشي
رفل روحي لايروحون وخليني اصعد لان راح ينغمي عليه من التعب روحي
6
رفل
اخابر حسين يجيك يجيك وضعك
قيصر
لاا مابيه شيء بس مجرد ارهاق لااكثر هسه اطلب من ادارة الفندق بندول اخذه ويخف الصداع
رفل
ماشي تصبح ع خير
قيصر
اجمعين
ناي
نزلو عمه وررفل عاد اجيت فتحت الجنطه طلعت سيت نومي الابيض والبرنص مال الحمام ومعطراتي اجيت انزع البدله وافوت للحمام بس نسيت موضوع البدله قيطان ومربوطه من اسفل ضهري لازم رفل تساعدني بيه ركضت ع تلفوني كلت قبل لاتروح وانعلس
الووو
هلوو رفل
الووو
هلو نوني شعندج مخابره موهستونه يمج
اي ادري بس انتي نسيتي تساعديني بنزع البدله هسه اشلون ابقه بيه للصبح
ولج تبقين شالعه كلبي ليش اني شلي شغل بيج بعد اشو رجلج ويمج هوه يساعدج يلا يلا اشو انكسحي حسبالي مدري شعده
4 ت
لاعفيه لا تروحين تعاي ساعديني. والله استحي
لاتستحين ولاشي واني هستوني راح اصعد السياره واروح باااااااي ههههه
ناي
لا ياربي شلون برفل واخبالاته
الوووالووووو سدة بوجي الخبله
قيصر
بابا يحجي وامي تحجي كل حجيهم صح مابي اي غلط وصدك سمر انتهت من حياتي بس اكو حاجز ميخليني اتقبل ناي مااعرف شسوي كلامهم لوهله اثر بيه
بس لمن اجت رفل وعتني وفهمتني شنو اسوي
دخلت للغرفه لكيت ناي تتوسل برفل تصعد تساعده ورفل بلواتته متقبل وسدت التلفون وهيه تتنهد
عاد كلتله
اذا ماكو مشلكه تردين اساعدج
ناي
بس
قيصر
شنو
ناي
خاف عيب مو اني استحي
قيصر
ههههه
لاعادي اغمض عيوني بس دليني شنو افتح
ناي
هاذا القيطان فتحه من جوه وبعدين كمل باقي القيطان بس امانه تغمض
قيصر
خلص موكتلج اغمض لو ابطل مافتحه عادي اني ابدل وارتاح واني ابقي للصبح بيه
ناي
يلا افتحه بس امانه تغمض
قيصر
راح افتح بالبدايه القيطان المشدوده واكمل الباقي مغمض ووالله فتحت القيطان واني مغمض صدك ضايج ومقهور بس ضحكتني والله ياربي محتار بين كلبي اليريد سمر وبين عقلي الشايف هاي البنيه ملاك كملت القيطان للأخير مااحس اله عافتني وشردت للحمام
ناي
يمه يمه متت من المستحه هاي شلون ادبره رحت للحمام ركض ذبيت البدله ع صفحه الحمام جبير اخذت حمام بسيط رفعت شعري بقراصه وغسلت مكياجي لان احس جبل ع وجهي كملت وبدلت وطلعت لكيت قيصر متمدد بملابسه ع الجربايه ووضعه يخوف مااعرف ليش اخذتني رجلي و اجيت اكعده لكيته
شبه مغمي علي ضربته هزيته يمه بس لامات
قيصر
قيصر
فدوه احجي
فتح عيونه وكلي ماكو شي بس خابري ع الروم سيرفس خل يجيبون 2بندول
ركض رحت خابرت والله ماطولو كبل جابوهن انطيته ياهن وكومته بدلت ملابسه بس جان كوه واكف ع حيله طلعت بجامته من الجنطه وبدلتله واني خايفه وبنفس الوقت مقهوره بس اني بليلة عرسي زوجي اتخربط وياريت ويانه احد كله راحت للبيت كتله اخابر عمو عصام يجي ياخذنه للبيت مقبل كال ماكو شي شوي واررتاح
5
نام واني افتر بالغرفه ومحتاره اخابر ع عمو عصام لواخذ حجايته لل2حسيته تحرك ركضت هاا قيصر بشر شلون صرت مووكعت گلبي
ركض رحت خابرت والله ماطولو كبل جابوهن انطيته ياهن وكومته بدلت ملابسه بس جان كوه واكف ع حيله طلعت بجامته من الجنطه وبدلتله واني خايفه وبنفس الوقت مقهوره بس اني بليلة عرسي زوجي اتخربط وياريت ويانه احد كله راحت للبيت كتله اخابر عمو عصام يجي ياخذنه للبيت مقبل كال ماكو شي شوي واررتاح
قيصر
والله ماكو شيء لاتخافين بس هبوط بالضغط من التعب صارلي يومين ممرتاح ركض وتجهيزات شلون مترديني اوكع ولاماكل صار عندي هبوط حاد
1 ت
ناي
خوفتني 🥺
قيصر
لاتخافين
اني اسف اذا ضوجتج لوخربت ليلة عرسنه بس والله مجنت متوقع اوصل للفندق خفت اتخربط بالعرس واني مماكل من البارحه الضهر
ناي
راح اجيب الاكل
جبت الاكل خليته كدامه أكل شوي واني ماكدرت اكل
قيصر
ليش متاكلين
ناي
مجاي اشتهي شي من الخوفه
قيصر
حقج اني اسف وهاج هاي الفه من ايدي لاتبقين بلا اكل ميجوز
2
اباوع على خوفته وعلى لهفته عليه واني مستحي
من عدهه ومن نفسي ليش ياربي ليش هيج كلبي رافض هاي البنيه مابيه شي ينجذبني اله احس نفسي صنم كدامه ياربي ساعدني
ناي
جاي ياكل واحسه يسولف بداخله انطاني لفه زغيره بس مالي نفس اكله كوه جرعته لأن حيل مقهوره من قيصر ولاجن فرحان بيه مثل العرسان ولاجن اني مرته حلاله ابد حته كلمه حلوه مكالي ولاحته ايدي لزمه
من يوم عرفته احسه مثل الغريب واني جاي اسولف ابالي مااحس الا قيصر دنك ودمعت عينه
شبيك قيصر صاير شي شو اوضاعك ممفهومه
1 ت
قيصر
اني اسف ناي اسف
اني مااستاهلج مواني اليتزوج وحده مثلج كامله ومتجمله بكل الصفات الحلوه اني تعبان حيل تعبان مااريدج اتعبين وياي
ناي
شكو قيصر انته جاي تخوفني بتصرفاتك وبكلامك شلموضوع كلي صارحني
قيصر
شكلج ناي اني ماأستاهلج ماأريد اعلگج بيه وانتي تتحملين نفسيتي واوضاعي التعبانه اني امشي بدون گلب ناي اني هايم جسد بدون روح مااعرف شبيه ولااعرف ليش هيج يصير بيه
ناي
گلي شتحس صارحني حته اگدر اساعدك بس اذا هيج تحجي بلألغاز مااعرف شلون اساعدك احجي فضفضلي
قيصر
شحجيلج ناي اني مجنت موافق اتزوجج بسبب علاقه قديمه عندي
و امي دبرت هاذا الزواج رغم جنت مموافق اتزوجج واضلمج بس مااعرف ليش اني متحمس
وحاب الزواج منج بس
مااعرف ولااعرف
شنو السبب المخليني هيج كلبي واجعني من البارحه واني مااعرف شبيه وليش هيج كلبي مقبوض ودخلت عليج واني شوي حاولت اتفهم الوضع وامشي طبيعي بس مااعرف شنو الزمني من كلبي وجع فضيع حسيت نفسي ع وجه جلطه ناي اسف ع الجاي احجي بس جان لازم اكلج بالي بداخلي لان ماحاب اضلمج
6
ناي
هوه يحجي واني كلبي ينعصر عصر من القهر لو مالعيب جان شگيت هدومي وصرخت باعلا صوتي عمتي ورطتني اي ورطتني الله واكبر ماكالت يتيمه وخطيه واني اخ ياأني ماشيه وراهم مثل الثوله ومافسرت ابتعاده عني كره لاجنت اصبر نفسي واكول مشغول شغله صعب وياخذ من الوكت وهاي النتيجه اااخ ولج يمه تعالي ليه وكابليني شسوي وشتصرف خلص كلامه الي نصه ماسمعته من القهر جان اكله
3 ت
ميخالف مصار شيء ونشالله نتجاوز هاي المحنه سوه واذا مصار نصيب عادي ولايهمك تبقه ابن عمتي وتعز عليه
قبصر
يعني ماعندج مانع نعيش سوه بدون مااتقربلج
ناي
بالعكس افضل الي والك انو نعيش اغراب تحت سكف واحد لان مانعرف هاذا الزواج شنو مصيره
بس
مااعرف شحجي لوشكول اعاتبك لواعاتب عمتي الخلتني بهيج موقف جان المفروض تگلي قيصر انو انته مالك نفس بهلزواجه موتورطني وتربطني بيك بدون ماانته رايدني انته ضلمتني قيصر ضلمتني
4
قيصر
خلصت كلامه المثل السجاجين ويفوت بگلبي وفاتت للحمام سمعت طبكت الباب وبجي بدون صوت بجي يكطع الكلب ماأعرف شسوي لوشگول اني ابو الصوج المفروض مااخذ حجي امي واجرحح هاي البنيه المثل الملاك
2
بقت بالحمام فوك الساعهوهيه جوه الحمام اني گاعد باب الحمام خايف عليه مااريد يصيرله شيء شوي دقايق ومااسمع بس صوت ردمه بالگاع حاولت افتح الباب بس الباب مقفولَ
ناي ناي نااااي، ،،،،،،
شكرا لزيارتكم عالم روايات سكيرهوم
