رواية بنات الحجي السعيد الفصل التاسع عشر بقلم شمس العراقية
جنات ـ جاوبتها بخوف أسم الله شبيها ليال خوفتيني
لقاء ـ خشمها ينزف بكثره ما جاي يتوقف وهذن يبجن خبلني ومِنا ليال بُسرعه گُولي لباسل وتَعالوا لٔان أتصل عليه ماكو يُمكن مخلي مَوبايله صامتْ .
جنات ـ تمام ، قطعت الأتصال وأجتي عصماء وحجيتلها وراحت على باسل لان أتصلت عليه ميجاوب وضليت بالغرفه وأجه من ناحية المطبخ وباوعلي دنگت رأسي وگلبي ينفض بصدري خوف مو طبيعي يربي والله عبالك يقبض روحي وأجتني عصماء ها .
عصماء ـ يله نمشي هسه حجه وياهن ليال تعبت بسرعه .
جنات ـ گمنا وحيدر يسأل باسل لان قلقناهم وطلعت بصف عصماء وطلعوا ويانا يم الباب وصلنا البيت باسل نزل قبلنا ركض وطلع ساند ليال والدم منكع ثوبها لقاء لبستها عبايتها وصعدت وياها .
لقاء ـ ركضي على بنات طگن من البجي .
عصماء ـ ماشي عيني عود طمنيني عليها فدوه
لقاء ـ ماشي ماشي .
جنات ـ دخلنا البيت والغرفه طاگه بيها عبوه الفواكهه لاعبات لعب والروبه مخليه دبه براسهن وشافنا ضحگن واجني يزحفن سريع على عصماء .
عصماء ـ هاي ليش هيج يربي شهل الوسخ
جنات ـ هاي سوالف لقاء هي تخليهن على راحتهن باعي حتى الحايط والسرير ، خرب بعقلج لقاء درينا تحبين الجهال بس مو هيج .
عصماء ـ يربي تعالن ماما تعالن ليش هالوسخ باع الدبك امشي نسبحهن ينراد الهن غسل وتشحيم .
جنات ـ والله أضمن لقاء هم مدبگه وياهن هسه طين الاصطناعي شمعرفهن بي بعدهن صغار خرب يومج .
" أخذناهن للحمام بس سبحن ورضعتهن من صدرها نامن بالسرايرهن يله أني انزل انظف الغرفه هسه يلتم ذبان ونمل
عصماء ـ ماشي عيني هسه بس جنى تنام أنزل أساعدج .
جنات ـ لا عيني ما يحتاج أبقي يم بناتج ، نزلت غيرت جراجف ونظفت ولما كملت ظهري طگ وغسلت الصاله والحوش ودخلوا ها بشروا ليال شلونج .
ليال ـ الحمدلله .
لقاء ـ طلع عدها فطر بخشمها يله الحمدلله مو كسر البنات نامن لو كعدن اشتريت الهن نوتيلا .
جنات ـ لا نامن ودخلوا وباسل شكل الها المغذي
باسل ـ لقاء علاجها على الموعد وأبر فقر دم بالليل عدها ابره ذكريني بيها وهاي العصاره هم قبل لاتنامين ادهني منها ، ماكو شيء إن شاء الله .
جنات ـ الحمدلله على سلامتج ليلو شلونج هسه
ليال ـ الله يسلمج زينه بس رأسي الوجع خبلني
لقاء ـ لان نزفتي هواي ولاتنسين الصوج من عدنا من وكعتي ما أخذناج المُستشفى وضليتي كلما تنامين خشمج ينزف ودمج صفر ، صاير 9 يله إن شاءالله على الأبر واشويلج معلاك وزبيب وفواكهه بيومين أصعده الج ، أي هسه ما علينا تعالي جناني سولفي ألنّا شخبار العريس وأهل العريس .
ليال ـ لقاء أهم شيء أهل العريس
لقاء ـ أي والله فديتهم وفديتج من تِفهميني اي أحجي أحجي .
جنات ـ يتغامزن بينهم وكعدت سولفت الهن ولقاء خربت من الضحك عوذه والله أني أشوفه أنصرع أتخشب بمكاني عبالك تلزمني كهرباء أضل ارجف وهو بس يباوعلي بس من يباوع مدري شلون اشرحلجن بس نظراته وعيونه لان حادات وعسليات عبالك نمر اخاف أكوم أموت حتى ريگي يبس .
لقاء ـ يابه فحطت شو من عماد ما جنتي هيج ليش هذا المسكين خوش ولد تَخافين منه لـو هذا هم حظه
جنات ـ لاتذكريني بي الله يأخذه ليش هم ينحسب على الزلم شيجيبه لـ حيدر وليال غمزت لقاء وترفع حواجبها
لقاء ـ أهـاا تطورات عمي تطورات وأحنه ما تشملنا هالتطورات نضل في جفاف عفيه ليال ساعديني قلبي الصغير لا يتحمل .
ليال ـ تشملج حبيبي تشملج بس يحتاج لج صبر اي جنات وبعد گملي گملي أحب هيج مواضيع على النيه والفطره بعيد عن سوالف الحب وخرابيطه ما شفنا منها بس القهر .
لقاء ـ أي والله بس تدرين حيـــل لأيگين لبعض حلوين
جنات ـ يحجن وتذكرته وبلعت ريگي أكوم أغسل انهزمت منهن ويصيحين وراي ، غسلت ليش هالخوف جنات .
مر كم يوم وأجو بالليل هو وأخته وباسل وعصماء استقبلوهم وكعدوا بالاستقبال وأبويه وجدي موجودين
فهمت جايبين المهر .
وبالمطبخ ويدفعن بيه ، أمانه خلي باسل هو يضيفهم والله ما بيه أخاف .
عصماء ـ عوفناها خطيه والله صعبه ما تشوفناها شلون ترجف .
لقاء ـ لا خليها لازم هي تضيفهم يله توكلي مو تكلبين الصينيه عليه وتفضحينا ديري بالج ، نصعد ترند العروسه الخجوله صمطت العريس .
جنات ـ ضحكن عليه خرب عقلج ، دخلت وسلمت ردوا السلام وضليت واكفه الا أبويه كال
سعيد ـ فوتي بابا فوتي
جنات ـ دخلت ضيف جدي وأبويه وصلت لباسل وگالي
باسل ـ ضيفي أبو كرار بالأول .
جنات ـ أي تقدمت ضيفته وأخذ مني وأني منزله رأسي وگلبي ينفض بصدري وصلت لباسل ضيفته وضيفت فاطمه اتفضلي
فاطمه ـ فدوه لهل الوجه كعدي يمي كعدي .
جنات ـ كعدت يمها وتسألني وهو منطلق وياهم وكلامه موزون وحركاته أيديه ونظراتي اله سريعه بس بيها هواي اي تفاصيل حلوة
عصماء ـ لعد عصماء وليال وين عبالي أشوفهن .
جنات ـ موجودات بالمطبخ .
فاطمه ـ رايحه اشوفهن أنتِ أبقي .
جنات ـ أبتسمتلي وكامت وضليت كاعده هو گبالي بس يحجي ويه جدي وأبويه وباسل اشرلي أي كمت شلت الصينيه وجمعتهن وصلت العنده حس بخوفي هو خلاهن بالصينيه وطلعت ولقاء غمزتلي خرب شنو هاي ماكو هيج شعور .
لقاء ـ ليش شبي مو حلو هالشعور
جنات ـ لا حلو بس بي خوف .
ـ الصراحه هو شخصيه قويه ومحترمه ويله هو هيج زين وأحسن علمود يسيطر عليج
ـ انجبي لقاء مو تبنا كافي تجرحيني
ـ لا مو القصد أجرحج بس أنتِ ماره بتجربه سابقه .
ـ متعمده تقهريني ورجاءً لاتذكرين الماضي اكرهه واكرهه أسمه وأكره الساعه الحبيت بيه لعنه ودخل بحياتي وخربها واني عقلي تنگه مشيت ورا جواهر وما حسب حساب وخسرت امي ونفسي ، بجيت وتقربت حضنتني
ـ شبيج أتشاقه وياج وعصماء هم هيج جانت هسه وين عادي صح تخاف منه بس بإحترام ومحبه وهذا افضل شيء بالعلاقات لاتضوجين مني أني متسرعه بسلامتي يله جنات صدك جذب .
ـ أي مسحت دموعي ورحنا كعدنا يم فاطمه وعصماء وليال ويحجون على العرس والتجهيزات وباوعتلي وأبتسمت .
فاطمه ـ باجر أذا ما عدكم شيء نروح نجهزلها لان هالأسبوع گالي العرس وما عدنا شيء بس غرفة أخشاب ونواعم .
عصماء ـ أي عادي عيوني ما عدنا شيء على رأحتج يمتى ما تجين هلا بيج .
فاطمه ـ سالمه عيونج والله كتله اصبر كم شهر تعرفوا على بعض يعني فترة خطوبه وينكسر الحاجز بينكم لان جنات مبين عليها خايفه سوده عليه بس شو بسلامته أخويه كال ما أريد فترة خطوبه گبل زواج وحددت الموعد يوم الخميس يعني بعد خمسة ايام وهسه يبلغهم هو بالموعد .
عصماء ـ هذا هو عيني اللي تشوفونه مناسب
فاطمه ـ ها جنات ماما شو اصفريتي يا سوده عليه والله ما يخوف بس هو هيج شخصيته بس گلبه طيب مع الوقت تتعودين واكيد زوجته يختلف الوضع .
جنات ـ خمسة أيام والعرس يوم الخميس بلعت ريگ ولقاء تباوعليي تاشرلي شبيج هزيت رأسي ورجعت فاطمه كالت
فاطمه ـ وما نسوي عرس هو ما رضى لا اغاني ولا دك وطبل احتراماً للمرحومه ام باسل واحنه نقدر حزنكم والله يرحمها جانت جاره عزيزه وغاليه وصديقة أمي بس شوفتها وسلامها علينا تسوى مدري شگد بس قدر الله وراحت يم ربها ، وگال بس يسوي غده ويأخذها يرحون لسليمانيه مو هيج أحسن
جنات ـ تحجي وأحنه مصدومه بأحترامهن لحزننا على امي على أقل احسن من اهلي ونائل أفندي ما صدك وسوه عرس وحفله عبالك أول مره يتزوج طلعوا الغربه احسن من الأهل .
فاطمه ـ جنات حبيبتي ضجتي مو والله أني هم ما رضيت وكتله خطيه عاروس من حقها تسوي عرس وتفرح هي وأخواتها أصبر كم شهر ونسويلكم عرس مبين ما رضى .
عصماء ـ لا أم مرتضى بالعكس فرحتونا وخجلوتنا والله وهي أساساً بلغتني ما تريد عرس وقابل ما شايفين أعراس المهم الستر وراحة البال وهو هم ما يقصر يأخذها السليمانيه وهم يتونسون وأحسن من بعض التكاليف مالها داعي .
فاطمه ـ أي والله كلامج ذهب يله على عرس أمجد نسوي أحلى عرس ونفرح كلنا .
جنات ـ أبتسمت ولقاء توترت وخدودها احمرن واجه باسل وصار لازم يرحون ودعناها وراحوا وعصماء بلغت باسل
باسل ـ أي گال النا وكدام أبويه وجدي عمي أوادم وناس محترمين خوما مثل أهلي واخويه فضحونا كل أحترامات ما خلوا وهورنات بكل الفرع صرنا علج يله الله يسعدهم وما أريد قصور عصماء ما يحتاج أوصيج بيضي وجهي كدام الجماعه هما بس نسبهم كافي ، هذا النسيب الأول ويضل أول .
لقاء ـ هــا اي عمي شگو عليج جنات اخذتي مركز الاول
باسل ـ وشبيج ضجتي .
لقاء ـ ليش ما اضوج شُــــنوُ نسيتنا
باسل ـ لا ما ناسي بس هو وينه جاي واني ما منطي المركز ، عمي أنطي عيوني بس يجي
لقاء ـ شدعوه هيج بس تريد تخلص من عدنا
باسل ـ اني اخلص منجن شايفه واحد يريد يخلص من روحه والله يوفقجن ان شاء الله .
لقاء ـ فدوه لگلبك هي العدها هيج اخ حنون وسند ما يميل شتسوي بالزواج والمركز وربي يحفظك النــا .
جنات ـ صعد وعصماء لحگته ولقاء وليال يتبسبن شبيجن اكو شيء ضاماته عليه والله .
ليال ـ لا ما ضامين شيء مو يمج الحجي أنتِ خليج بأبو كرار وما عليج بينا .
جنات ـ يتغامزن بينهم ضحكت عليهن وكعدت وصفنت وتذكرته وبلعت ريگي والخميس العرس الله يعين گلبي
وثاني يوم أجتي فاطمه ورحنا اني وعصماء وجهزنا الصبح ذهب وملابس والعصر لليل هم كملنا قسم ورجعنا وضلت نواقص اني وعصماء رحنا ثاني يوم كملناهن واشترتلي جنط وهي وأخواتي رتبوا أغراضي وحضروا ملابسي بجنطة سفر لان گالت كبل نطلع لسليمانيه .
عصماء اخذتني الصالون باسل وصلنا وصبغتلي شعري وحفافه وتنظيف بشره وكملت گلشي ورجعنا وبالليل أجتي عصماء والبنات طلعوا وقفلت الباب وگعدت يمي
عصماء ـ شلونها العروس الحلوه
جنات ـ الصراحه عصماء حيــل خايفه
ـ ليش حبيبتي لاتخافين جنات أستغفري أتوكلي على رب العالمين ولاتخلين أخطاء الماضي تأثر على الحياة الزوجيه مو القصد غير شيء لا اقصد الأفكار التجيج طلعي رأسج وأفكارج من الماضي وخلص أنتِ بديتي صفحه جديده وراح تدخلين بيت ثاني وحياة ثانيه وكلنا نخطأ ونمر بتجارب بيها صعبه نتخطاها وبيها نتعلم منها ونكتسب عبره ومعرفه وما يحتاج أطول بالكلام وياج وأنتِ أنسانه واعيه وتفهمين عن شنو احجي مو .
ـ أي وكلامج شكد حلو هواي ريحيني وما تصورين شكد جنت محتاجه هذا الكلام وأختنكت عبرتي ذبحتني تذكرت امي اخذتني بحضتها وتبوس بيه .
ـ متأكده خالتي هسه فرحانه بقبرها تدرين ليش .
ـ ليش
ـ لان راح تتزوجين شخص يخاف الله وهي مناها تتزوجن وترتاحن بحياتجن ، دائماً جانت تحجيلي عصماء اتمنى الله يعوضهن بزلم يحبونهم ويخافون الله بيهن مثل خوفي عليهن وأكثر واذا عبالج خالتي زعلانه منج لا ما زعلانه ولا بيوم زعلت منج وقلب الام ما يقسى وبالأخص خالتي هي قلبها حنون وصافي ما تقسي ودائماً جانت تكولي راضيه عليهن دنيا وأخره وكلامها من طلعتي جان بلحظه عصبيه وحتى قبل لاتموت وصت بيج لقاء وباسل معناها أنت بعقلها وشاغله بالها وهسه اجه اليوم ترتاح وتفرحلج حتى لو مو ويانا ، تمام
ـ بجيت الله يرحمج يمه .
ـ أمين ، وهسه أريد منج تصلين وتقرين قرأن وتصفين بالج لان وراج حياة زوجيه منتظرتج وهواي امور هسه أعلمج عليهن وأول شيء وأساسهن صلاتج التزمي بيها وبالأخص صلاة الفجر من تصلينها تلقائياً يومج كله تكونين مرتاحه ولا تفوتين ولا فرض ولاتعوفين قراءه القران لان المواضبه على الطاعات تجلب السعاده حتى لو جانت متأخره وصدكي كلما تتقربين من رب العالمين كلشي حلو يكون قريب منج
وأضافه عمود العائله وأستقرارها وصلاحها على دُعاء الزوجه او الأم ، وتكون ميزه حلوه بيج عند زوجج هسه أخوج أكثر شيء يحبه بيه التزامي حتى لو تصير مشاكل بينا ما يكدر يطول بالزعل واضافه اكو امور ثانيه هسه اعلمج عليها بالعلاقه وبالحياة .
ـ كعدت تحجيلي وتعلمني وأني اسمعلها يمكن ساعتين أحنه نحجي وحيل ارتاحيت وحضنتها ممنونه منج عصماء .
ـ ولو تدللين أنتِ أختي وغلاتج بغلات باسل ، يله هسه كومي وياي الحمام أسويلج تقشير وسنفره ليال وصتلج مقشرات ومرطبات جسم تخبل جيبي ملابسج ولحكيني .
ـ تمام وأخذت ملابسي ومنشفتي ولحكتها وسوتلي تقشير وسنفره وطلعت وسبحت وطلعت مشطتلي شعري وظفرته لان طويل .
ـ علمود يضل مصفط منا لما ناخذج الصالون .
ـ تمام ، گملت وراحت واجني ليال ولقاء وضلينا كاعدين والصبح كعدت دخلت سبحت واخذتني الصالون باسل ودانا سوتلي تسريحه بسيطه بس رفعتلي شعري
ومكياج ولبستني البدله وگفت وباوعت لنفسي حلوه وصفنت كأنما خيال أمي ملاحكني نزلت دمعتي الله يرحمج يمه .
وبـ 2 اجه باسل أخذنا ولكيت عماتي موجودات وبناتهن وياقوت وفيروز وعمتي سلوى وأيناس بطنها جبيره عرفت بيها حامل! وأخواتي لابسات الأسود وشافوني بجوا وحضنوني .
عصماء ـ لاتبجنها خطيه مكياجها يولن يخرب .
ليال ـ الله يسعدج يارب
لقاء ـ جناني رغم سوالفج الخايسه بس والله أحبج وجنت أضربج واحجي عليج من حبي وخوفي وحرصي عليج ولاتزعلين مني وأني هواي احبج الله يسعدكم .
جنات ـ وأني هم هواي احبج حضنتني وتبجي وياي بس بسرعه تمسح دمعتها ما تريد عماتي يشوفن الها دمعه وكفت وباوعتلهن بشموخ .
نجلاء ـ خطيه ولا عبالك عاروس عاد هلاهل طشن عليها جكليت وما كافي ما سويتن الها حنه تفرح مثل البنات وامجن ماتت تموتن وراها .
لقاء ـ هلوله ما تهلهلن دخلي اسمع وحده منجن تهلهل الا اشك حلگها بالنص اذا اهل العريس يهلهلن عادي اما انتن ولا وحده تطلع صوتها أحترمن نفسجن وكعدن وأمي غاليه علينا لا الحنه ولا العرس ينسيناها وجنات بنفسها طلبت بدون عرس وحفله لان أكثر وحده بينا متأثره وحسبي الله على الكان السبب .
نجلاء ـ عوذه منج ومن لسانج حشى من بنيه حشى
لعد شگو جايين لفاتحه مو عرس وفرح .
لقاء ـ أنتِ أجيتي من كيفج ما دازه عليج خط مصخم تجين وتردين عرس وحفله زوجي رجلج وطربگي منو مانعج وقبل كم شهر زوجتي بنتج ما شبعتي من الحفلات .
ليال ـ لقاء كافي لاتسويلنا مشكله خل تعدي عالخير ترى متعمدات يحجن يردنجن تحجين ويسون مشكله والله سكتي وتحمليهن هالساعه هسه اجو بالطريق .
جنات ـ سگتت وطلعت وسمعت گالوا اجو ودخلوا أبويه وباسل وحيدر وراهم رفع ايده وسلم وكلهن يباعن عليه نزلت رأسي وكف يمي وفاطمه بصفه
فاطمه ـ حيدر الزم ايدها .
حيدر ـ فاطمه لاتخبصيني .
جنات ـ وتقرب أبويه باسني من كصتي وبجيت بابا
سعيد ـ الله يسعدج بابا حبيبتي ديري بالج على نفسج ورجلج وعيالج .
جنات ـ ان شاء الله بابا
سعيد ـ ما يحتاج أوصيك عليها
حيدر ـ أن شاء الله عمي بعيوني
جنات ـ تقرب باسل حضنته وبجيت بيك ريحة أمي
رفع راسي ومسح دموعي ودمعته نزلت مسحها عاالسريع .
باسل ـ جنات خيتي ما يحتاج أوصيج بيضي وجهي وديري بالج على رجلج وعيالج هما صاروا أهلج وبيت أمي مفتوح الج بكل وقت وأمي راضيه عليج
جنات ـ بجه وعيونه تصب دموع وحيدر طبطب على اكتافه ما تحمل طلع برى وليال ولقاء يبجن وتقرب لزم ايدي ومشينا وكلهن يأخذن صور بالموبايل وباوع على فاطمه وگال
حيدر ـ گولي لأخواتها عالصور خل يمسحن گلشي .
فاطمه ـ ماشي لايضل بالك .
حيدر ـ نزل الطرحه على وجهي وطلعنا وعصماء ساعدتني ىالبدله وصعدت ليكدام واكو سيارات بالفرع واقاربهم بس گلشي ما مشغلين وصعدنا وعصماء تقربت باستني وخلت بحضني مصحف ديري بالج على باسل وأخواتي
عصماء ـ بعيوني لايضل بالج يله حبيبتي بالسلامه
جنات ـ الله يسلمج وصعد السياره وطلعت لقاء شايله جنطتي مال السفر أمجد اخذها منها وخلاها بالسياره وعصماء شالت دولگه ماي ومشينا ودعت أهلي بحزن
وحيدر اتصل عليهم
حيدر ـ أمجد وصيت عليهم واحد واحد
أمجد ـ أي والله لايضل بالك
ـ هورن واحد ما أسمع نهائي اكسر السياره على رأسه اليدك هورن فاهم عليه عود من نطلع من المنطقه فد مره خليهم عادي .
جنات ـ عاف الموبايل وطلعنا من المنطقه وشغلوا أغاني بس هو ما شغل الحمدلله .
وصلنا الاستوديو ونزلت فاطمه وبنات اثنين ساعدني ودخلنا اخذنا صور وهو تقرب عليه والكادر جانن بنات
صرت قريبه عليه وأنفاسي عاليه بس هو طبيعي الف ويلاه يله خلصنا .
وطلعنا للبيت نزلت كعدت بالأستقبال وهو راح واقاربهم كلهم يباوعون اليه ولاحظت ولا وحده صورت بس بنيه صغيره شايله موبايل وامها جرته منها
ـ وين موليه تردين تفضحيني شيخلصني من عمج حيدر .
جنات ـ ضليت كاعده وفاطمه جابتلي عصير شربت وعطشانه واجه هو
حيدر ـ يله فاطمه خلي جنطة ملابسي بالسياره وتأكدي من أغراضها زين وجيبلي شيء فوك بدلتها لو تغيرها احسن .
فاطمه ـ لا شتغير منها خطيه ميخالف هسه اجيبلها وما مبين منها گلشي هاي طرحه تغطي .
ـ لا هواي تغطي دروحي جيبلي لو تنزعها .
ـ گول يالله يا حيدر لعد المن ملبستها بدله ياعيني
ـ ترى سيطرات تارسه الدنيا شنو مأخذها فرجة لأمة محمد شبيج أنتِ .
ـ على كيفك لاتعصب هسه اغيرلها كومي جنات حبيبتي
جنات ـ گمت وياها ودخلتني الغرفه طلعتي ملابس
فاطمه ـ تكظي هالليله اهنا والصبح روحوا والله يا حيدر راح تجلطني ، جنات حبيبتي شتلبسين هو شوي ينگ على اللبس .
ـ بكيفج طلعتي فستان أبيض طويل وكلش حلو ومرتب ونزعت البدله ولبسته ولبست الشال فاطمه خوما راسي صار جبير من ورى تسريحه .
ـ لا بالعكس حجابج يخبل فدوه لهل الوجه جماره نياله حيدر نياله .
ـ خجلت وطلعت وضليت كاعده وأباوع الغرفه حلوة ومرتبه ودخل هو گبل نزلت رأسي وفاطمه وراه
ـ دأبقى اليوم والصبح روحوا
ـ لا حاجز شُــــنوُ جاي العب عليهم كملتي خليتي گلشي بالسياره وشاحنتي هاج لاتنسيها .
ـ ما بقيت شيء وشوگت ترجعون
ـ أسبوع
ـ يعني بيوم السبعه
ـ أن شاء الله صيحيلي أمجد دزيته على رصيد راح نام شگد روحه طويله .
ـ أي هسه
جنات ـ وأجه أمجد .
حيدر ـ أخذتلك غفه
أمجد ـ ما لكيت أهنا
جنات ـ انطاه وطلعوا سدوا الباب وراهم وهو يعبي الرصيد وأتصل وباوعلي گبل نزلت رأسي شكو تباوعين خرب عقلي .
حيدر ـ هاا كاكا حبيبي شلونك مثل ما أتفقنا أي أسبوع أريدها نظيفه بعد يمك ، ماشي هسه راح أطلع من بغداد ، ماشي حبيبي ممنون منك على رأسي والله
جنات ـ نهى الأتصال ومشه .
حيدر ـ يله أمشي .
جنات ـ طلع وأني وراه وطلعنا من باب المطبخ وصاح على فاطمه وامجد
حيدر ـ كرار وين
أمجد ـ موجود يم أبويه
حيدر ـ صيحيله خوما ضايج
أمجد ـ يا ضايج يبجي .
جنات ـ وأجه كرار عيونه حمر باوعلي بنظرات حاقده
حيدر ـ لا هيج تباوعلها عيب اني شحجيت وياك بابا
كرار ـ أنتَ مو گلت ما أتزوج بعد أمك شو تزوجت
حيدر ـ صارلك شگد ساكت هسه حجيت بس من سألتك ما جاوبتني .
ـ شمدريني عبالي توفي بوعدك ومحد يأخذ مكان أمي
ـ أمك محد يأخذ مكانها ماشي بابا صير عاقل وراي ولاتسوي مشاكل والأيباد مثل ما اتفقنا بس بالنهار وبالليل تنام من وگت مو تضل سهران ولاتعاند عمتك فاطمه .
ـ ماشي شوكت ترجع
ـ شعليك بيه شوگت ارجع وگافي تبجي خوما صغير يا بابا عمرك ١٤ سنه زلمه أنت .
جنات ـ مشه وصعد فوك وصاح وراه
حيدر ـ كرار بابا كرار شلون وياه هذا ، أمجد لاتعوفه أبداً واذا تروح المكتبه اخذه وياك لان صار فتره يتذكر أمه عينك عليه .
أمجد ـ ان شاء الله .
جنات ـ ومشه سريع وأني وراه وصعدت وهو يحجي ويه أخته ويوصي على أبنه وشغل وطلعنا وطول الطريق ساكتين وموبايله يتصلون عليه .
حيدر ـ هلا سيدي خير لجميع الله يسلمك ويخليك
اي والله طالع ممنون سيدي .
جنات ـ گمل اتصاله وأباوع عالشارع وتوتر فضيع وصلنا الدخوليه وگف السياره .
حيدر ـ بطاقتج جبتيها وياج مو
جنات ـ أي بالجنطه ، انطيتها اله وكملنا الاجراءات ودخلنا سليمانيه ودخلنا المغرب وحاجز شقة متكامله ونظيفه كلش دخلت الصاله وهو جاب الجنط وقفل الباب ودخل الغرفه يربي سنوني سن يطگ بسن وأجه
حيدر ـ تبقين واكفه ، تعالي الغرفه غيري ملابسج أرتاحي
جنات ـ دخلت الغرفه وهو ذب سترته ويباوع بالغرفه ما اعرف على شنو يدور يركز بگلشي ونزل البرده وقفل الباب يمــه گلبي وطفه الأضويه بحيث صارت الغرفه ظلمه بس أنارة السبلت مشتغله وتقرب لزم ايدي رفع حنجي
حيدر ـ ليش أنفاسج عاليه خايفه .
جنات ـ ما حجيت
حيدر ـ لاتخافين جنات رفعي رأسي وباوعيلي
جنات ـ رفعت رأسي وباوعتله وركزت بوجهه ولكيته مركز بيه وأبتسم .
ـ بعدج خايفه
ـ ما حجيت وتقرب باسني من خدي بوسات ناعمه وثواني أنتقل لشفايفي وأخذني اله
" نايم وأني كاعده وجريت الفستان غطيت جسمي وسحبت نفسي بهدوء وطلعت برى ودورت بملابسي على شيء ألبسه ولكيت ثوب قصير لبسته عالسريع ودخلت الحمام سبحت وگملت وطلعت هو بعده نايم مشطت شعري عفته مفتوح وشفت بدلة نوم تذكرت عصماء گالت لبسيها
لبستها وعليها روب ورجعت نايم على بطنه رفعت اللحاف ونمت بصفه .
كعدت على صوت موبايله أنداريت هو ما موجود لبست الروب وطلعت بالحمام ، فتحت جنطته وطلعتله ملابسه تراكسود والمشط وعطوراته مجهزتله فاطمه
شلت الجنطه ورتبت وعلكه ملابسه الكنتور وملابسي كذلك واجه هو عبالي مكشف همزين لابس تراكسوده
حيدر ـ أروح اجيب العشه وأجي ماطول .
جنات ـ تمام طلع ورتبت أغراضي وعدلت الجربايه ورفعت شعري واجه هو .
حيدر ـ تعالي تعشي .
جنات ـ فتحه ورتبه عالطلبه وكعدت بصفه بس شوي بعيده باوعلي .
ـ تقربي
ـ تقربت ورفع ايده ذب القراصه ونزل شعري ورفعت خصلات ورى اذاني وبديت اكل بس گوه مستحيه منه .
ـ أگلي ترى تموتين جوع
ـ أكلت وهو خلص قبلي راح يغسل اكلت اكلت واجه وغصيت باللكمه كوه بلعتها وكمت غسلت خرب جان أختنگت وطلعت لميت الاكل وشغل التلفزيون وكعد وكعدت بعد مسافه عنه ورجع گلب بموبايله شويه وعافه وگام وسحبني من ايدي وأخذني الغرفه وقفل الباب والاضويه وأخذني .
ثاني يوم العصر طلعنا تمشينا وأخذني مدينه العاب جافي لاند بس افترينا وشربنا عصاير واخذلي شاميه وگفنا وفتح موبايله .
حيدر ـ أخذيلي كم صوره
جنات ـ تمام وگف وأخذتله كم صوره وأني اخذله ركزت عليه وتمعنت بشكله هو بسرعه يلاحظ وأبتسم وأخذ الموبايل مني وكال
ـ هسه أني اخذلج
ـ وگفت وهو يأخذ واخذت راحتي واسوي حركات وهو يضحك
ـ ها أستخفيتي .
ـ عزه
ـ أتشاقه وياج تعالي تقربي
ـ وگقت بصفه وأخذنا صور أني وياه وگمل وصفن بوجهي
ـ نرجع
ـ بكيفك
ـ خل نتعشى .
ـ تمام ومشينا وگفنا أكو بنات يبيعون أكسسورات وكفت وعجبوني ضليت أكلب وهو اختارلي قلب شفاف بي رسمه ناعمه واخذت أسواره ودفع الحساب ومشينا
دخلنا مطعم تعشينا وكملنا وصى على نركيله دخن أحسه يباوعلي بس ما يخليني اللحظ عليه .
ـ يله نكوم
ـ اي ، ورجعنا بالطريق نزل يشتري كرزات وجبس وحلويات وليال أتصلت وحجينا
ليال ـ يله عيني اخذي راحتج هسه يجي بس ردت اطمئن عليج لان أستحيت اتصل عليج البارحه .
ـ ماشي عيني
لقاء ـ بعدج تخافين
ـ لقاء گافي ضحكت وراحت واجه ومن وصلنا هو دخل يغير ملابسه وأني غسلت وفتحت شعري ودخلت الغرفه وتقدم قفل الباب ....
وبقينا أسبوع افترينا ورحنا سد دوكان بقينا يومين
ورجعنا لبغداد وحيل أشتاقيت لأهلي وبالطريق لقاء دزتلي رساله
لقاء ـ تعالي سولفيلنا عليج الله ما حبيتي
جنات ـ شگد ادبسزز أنتِ شو مستخفه
ـ عوذه شمسويه أصلاً فد عاقله وبالي يمج لان جنتي خايفه گلت خطيه اسأل عليها وصارلج أسبوع من تزوجتي وهسه اني وليال نحجي بيج گلت خل اراسلج ونشوفج حبيتي لو بعدج تخافين منه .
ـ باوعت عليه منتبه عالشارع ومركز بالسياقه وركزت عليه وباوعلي وأبتسم رديت الأبتسامه كتبت الها أي شلون لعد ودزيتلها سمايل خجلان
ـ وكعتي ومحدى سمى عليج
ـ أي بس يعني
ـ فهمنا فهمنا الله يدوم محبتكم حبيبي .
ـ يله أدعبلي أروح على زوجي
ـ يمه النسوان يمه روحي عيني روحي خرب بحظي باقيه مكابله الحياطين .
ـ ضحگت وعفت الموبايل وطلعت جبس أكلنا اني وياه وحسيت روحي فعلاً ويه شخص يستاهلني رغم بعدني بالبدايه بس لاحظت عليه يهتملي وحنون ومثل الفاگد محنه وأحتواء ومبين عليه صاحب مسؤوليه لان دائماً من يخابر أمجد يسأله على أبنه أكل شرب وأبوه وعلاجه والكهرباء أنتبهوا الها وحتى أخته يخابرها يسألها وهواي أمور حسيت بالأمان وياه .
وصلنا البيت ودك هورن وأمجد فتحله والبيت مغسول والحديقه نظيفه واستقبلتنا فاطمه والحجي تقدم حيدر باسه من راسه وتقدمت اني وباسني وخله بايدي فلوس لا عمي ليش كلفت على نفسك حيدر اشرلي بحاجبه
حيدر ـ أخذيهن منه .
عبدالسلام ـ الله يسعدكم ويهنيكم يابه .
أمجد ـ شلونها طالبتي .
جنات ـ الحمدلله الله يسلمك .
فاطمه ـ اتفضلوا هسه تعبانين من الطريق لما انزل جنطكم ، رحمه تعاي قدميلهم ماي بسرعه .
جنات ـ دخلنا بالاستقبال كعدنا عالتخم واجني بناتها كبار يطلع عمرهن بگد كرار رحمه وزهراء وزينب وسلمن على خالهن .
حيدر ـ يا هلا بالبنات اوكفن خالي اوكفن هالشهر غلست عليجن لان تعرفن خالجن تزوج ومصاريف .
زينب ـ الله يخليك النا خالي حتى لو ما تنطينا عادي
أمجد ـ عادي ولج زينب مو أعرفج ام فليس
زينب ـ ما مأخذه منك من خالي
أمجد ـ يجي رأس الشهر ونشوف منو ما يأخذ مني الا اوزعن على رحمه وزهراء هذن حبيبات خالهن أنت روحي على خالج حيدر
زينب ـ هو أنت ما تحبني بس تحبهن
جنات ـ زعلت وطلعت
فاطمه ـ شبيها زينب بس لا أمجد خليت عقلك وياها .
حيدر ـ أمجد عوفها يمعود هي بسرعه تزعل .
أمجد ـ لا هسه اراضيها .
جنات ـ كعدت بصفي فاطمه وتوزع إبتسامات ومبين عليها كلش فرحانه خطيه .
فاطمه ـ أي شلونج وشلونه أخويه وياج .
جنات ـ زين ماكو منه
فاطمه ـ ها خير خير ان شاء الله الف الحمدلله .
جنات ـ باوعلي وأبتسم وگمت الغرفه لكيتها محضره ملابسنا اني وياه واجه أخذ ملابسه وسبح وطلع واني وراه ورتبت ملابسها وطلعت الوسخه وغسلتهن واجيت مشطت شعري ورتبت نفسي وعدلت حجابي زين وطلعت لكيته يحجي ويه كرار
حيدر ـ أكو واحد ما يحاجي أبوه
كرار ـ أي
ـ وليش بله
ـ أنت تعرف ليش
ـ كرار بابا أنت مو صغير وخوما أضل بدون زواج يا حبيبي وجنات خوش بنيه وحبابه وراح تحبها يله گوم سلم عليها
ـ ما أسلم عوفني ختولي مبين عليها جلبه
ـ مطول خلگي وياك بس أذا تضل هيج اركعك بالقندره
جنات ـ صعد الدرج وحيدر انزعج وصاح على فاطمه .
حيدر ـ فاطمـــه
فاطمه ـ ها حيدر .
ـ هذا مزومل من رحت لحد الان مو
ـ أي والله وحتى أكل بالكوه امجد يقنعه
ـ والأيباد والحاسبه هو مكسرهن مو
ـ أي اجيت لكيتهن مكسرات ورى ما رحت يمكن مكسرهن
ـ أحجي وياه ترى أركعه براجدي اميل فچه
ـ صارلك عمر ما ضاربه هسه صار زلمه تضربه عوفه بعده ما متقبل انطي مجال مع الوكت يستعدل .
ـ صعدي شوفي وقنعي خل ينزل يتغدى ويانا .
ـ ماشي أنت هم طول خلك عليه .
جنات ـ صعدتله وهو دخل الأستقبال ورحت المطبخ لكيت الخضروات نظفتهن وحضرت المواعين واجتي فاطمه باوعت كرار ما نزل وياها وصبينا الغده حيدر مزعوج عاف الاكل وصعدله وعمي صاح عليه .
عبد السلام ـ حيدر أبني عوفه هو بدون شيء أعصاب
حيدر ـ شعوفه يابه وهو من يوم الخطبت مطنكر ومقاطع حتى الأكل رايح مخلص جلد على عظم
أمجد ـ هسه بس تصعدله تتعارك وياه .
حيدر ـ لا أنزله يأكل وياي سمنني .
جنات ـ صعدله وفاطمه گالت .
فاطمه ـ صوج حيدر گتله خل يروح يم خواله ويخلص العرس وجيبه ما قبل هو منطي عين ومدلله لما تفرع هسه كلمه ما يكدر يحجي وياه .
أمجد ـ فاطمه أبنه شيسويله لعد والولد بعده مصدوم هو جان حيل متعلق بأمه على كيفكم وياه ووين يدزه لخواله يتعود وبعد ما يرجع والله حيدر يتخبل .
جنات ـ وأجه حيدر وكرار مو وياه .
حيدر ـ جهزيلي صينيه أصعد اتغدى وياه .
جنات ـ فاطمه رادت تكوم لا لا خليج اني اكوم كمت صبيت الهم وأجه وگال
حيدر ـ أعذرينا صارت بوجهج بس كرار متعلق بأمه وجان معارض زواجي بس مع الوگت يتعود .
جنات ـ لا عادي خطيه من حقه الأم ما تتعوض الله يصبره ، اصعد عليه أني أجيب الغده .
حيدر ـ الله يكملج بعقلج .
جنات ـ تلمس وجهي بحضن ايده وراح صعد قلبي وصعدت الصاله بيها تخم وشاشه ورف بي گتب وغرفتين مقابل بعض وحده غرفة أمجد وحده غرفة كرار ، دخلت وباوعلي وصد وجهه وحيدر أشرلي نزلت الصينيه .
حيدر ـ گوم سلم عليها يله بابا
كرار ـ خل تطلع من غرفتي ما أريد اشوفها .
حيدر ـ لا اله الأ الله طلعي عيني طلعي هذا أعتبري ضرتج وعلي الأ يشيب گلبي .
جنات ـ نزلت وأنقهرت على أبنه خطيه أكيد جان يحب أمه وواضح متعلق بأبوه أو يشوفني راح أخذه منه .
لكيتهم مكملين بس فاطمه بعدها هي وبناتها رحت اغسل صاحت وراي
فاطمه ـ وين تعالي گملي غداج .
جنات ـ شبعت والله .
ـ شأكلتي شبعتي شو تعاي تغدي .
ـ رجعت ونزل حيدر أحميلك الغده
ـ أحمي وأنتِ تغديتي .
فاطمه ـ لا والله أكلها ما عجبني .
حيدر ـ كعدي تغدي عوفي لاتحمي
جنات ـ لا هسه أحمي
ـ جنات رجعي كعدي بابا .
ـ هسه رحت حميته وأجه أمجد صب الجاي .
أمجد ـ أصبلج جاي
جنات ـ لا تسلم گملت ورجعت وتغدينا أني وياه وشلت المواعين غسلتهن بمكان فاطمه ومبين عليها تعبانه خطيه صبيت جاي وگعدت بصفه وباوعلي نظراته تخلي واحد يصفن وفاطمه وكالت لأمجد
فاطمه ـ أشرب جايك کوم وصلني اني والبنات .
أمجد ـ تعبناح ويانا فطوم .
فاطمه ـ ما جان تتزوج علمود ما أتعب أختك ما لكيت بنت الحلال ونزوجك لو هم مثل أخوك يشلع گلبي لما الله حط كدامه جنات والله هداه ووافق عليها .
أمجد ـ الله كريم تجي ان شاء الله تجي .
فاطمه ـ جنات خوما غسلتي المواعين .
جنات ـ أي
فاطمه ـ ليش غسلتيهن يا عيني بعدج بسم الله والله حيدر ينراد الكم بنكلادشيه جنات وين تلحك أني بيتي وبيتكم ويله الحك .
حيدر ـ لا تلحك بيها الخير والبركه تعجبج .
فاطمه ـ بنات هيفاء بعد السباعيه والنداره الله يرحمها مربيه والنعم ما مربيه .
جنات ـ أمين ، غسسلت ولبست عبايتها وگام امجد وصلهن وعمي كاعد أصبلك جاي .
حيدر ـ لا ما اريد جاي ، أريدج شيلي الأكوابه وتعالي .
جنات ـ تمام ، راح الغرفه وگملت شغلي وصلت الغرفه ظلمه لكيته متمدد ، عبالي اغير ثوبي بس استحي منه ، فتحت الكنتور ورى الباب لبست عالسريع وباوعتله يكلب بموبايله .
حيدر ـ قفلتي الباب.
جنات ـ لا ، گام قفله وأجه عليه تلمس خصري وركز عليه وصرت أحب قربه ولامساته والعصر كعدت وهو يحجي عالموبايل .
حيدر ـ ان شاء الله حبيبي أبو غنى .
جنات ـ هذا باسل .
ـ اي عازمينا عالعشه بيت جدج اني وأهلي بس ما اظن يرحون أبويه تعبان بس يجوز أمجد وأمجد كرار ما اكدر اعوفه نروح بس أني وياج .
ـ اي براحتك .
ـ يله ما تگومين .
ـ ليش خوما تأخرت ساعه بيش
ـ لا لا ما تأخرتي وأذا تأخرتي شگو عدنا
ـ لا هم يله گمت وفتحت الكنتور وهو واكف لبست ثوب فوك ملابسي طول وشال وتذكرت عصماء من وصتني
عصماء ـ أنتِ ساكنه بعيال لازمه تحترمينهم وتسترين نفسج ديري بالج تطلعين مكشفه حتى لو حماج ساكن فوك وشال هم ما تنزعينه من رأسج وبغرفتج لبسي ودلعي نفسج ورجلج براحتج .
جنات ـ طلعت لحمام سبحت ومن طلعت مديت رأسي وطلع حيدر من الغرفه
حيدر ـ طلعي ماكو أحد أمجد بالمكتبه .
جنات ـ طلعت لغرفه وحضرتله ملابسه وهو بالحمام صحت حيدر
حيدر ـ هـا
ـ وللحظه صفنت وحبيت لفظ أسمه رجع صاح
ـ هـا جنات ، جنات وينج
ـ وياك وياك
ـ ما تحجين لعد ، رايده شيء
ـ اي علمود ملابسك شحضرلك تراكسود لو بنطلون وقميص
ـ لا حضريلي دشداشتي نيليه .
ـ ماشي عيني رجعت حضرتله وسمعت عمي الحجي يحجي ويه حيدر
عبد السلام ـ والله يبعد أبوك ما بيه جان رحت روحوا أنت ومرتك وسلملي عليهم
جنات ـ صدك تعبان خطيه وتذكرتهم منو يسوي الهم عشه خطيه وفاطمه الصبح جانت أهنا لبست شالي وطلعت وسلمت على عمي .
عبد السلام ـ هلا بنيتي ، شوفلي كرار وينه خل ينزل
حيدر ـ هسه صاعدله غير لو يلين ميبس رأسه
عبد السلام ـ طول خلك وياه على كيفك يابه .
جنات ـ حيدر صعدله وعمي طلع كعد بالطرمة وفتحت الثلاجه وطلعت لحم مثروم نكعته وثرمت بتيته ونزل
حيدر ـ شتسوين .
جنات ـ اسويلهم عشه .
ـ ها عفيه بس خاف ما تلحكين
ـ لا الحك وأهلي قربيبهن هسه أكمله .
ـ لعد سوي حميسه طماطمه بيها مرگه وكثري بصلها ولاتخلين بيها كلشي بس ملح وزيت قليل أني دائماً اسويها لأبويه يحبها .
ـ ماشي عيني .
ـ سالمة عيونج وعاش أصلج .
ـ خجلني بكلامه وگف يم عمي يحجي وياه وأني أطبخ وعيوني عليه وقليت البتيته وخليتها على لحم المثروم والمحموس بالبصل وكلبتها وطفيتها وسويت الطماطمه على طريقته وثرمت سلطه ناعمه خليتها بالثلاجه وشفت ماكو لا خبز ولا صمون ، صحت حيدر
ـ ها
ـ بس صمون وخبز ماكو
ـ هسه أكول لـ أمجد من يجي يجيب وياه گملتي
ـ اي تعال شوفها هيج مو ، تقرب وشافها وأكل منها
ـ اي عاشت ايدج مسويتها أطيب من عندي .
ـ غمزلي گمت أرمش من الخجل رجع ضحك وگال
ـ أطبين بهدومج من أحاجيج
ـ يمه صخنت ورجعت أغسل المواعين وهو يضحك كملت ورحت لبست عبايه خليجي ورتبت بمكياج خفيف كلش واجه هو لبس وگمل وشال سبحته وباوعلي بي شيء لبسي
ـ لا والله بس هيج أحب أباوعلج عندج مانع .
ـ طلع وتوترت بس بداخلي فرحانه وطلعنا وأباوع عليه من يمشي ثكيل جعل محد يلبس دشداشه بس أنتَ
رحنا بالسياره وعبرنا من بيتنا الأضويه طافيه يم بيت جدي أكيد وصلنا ودك هورن ونزلنا وطلعوا نائل وباسل وتذكرت حقارة نائل بس تقدم سلم على حيدر وباوست باسل شلونك
باسل ـ هلا بجنات بخير خيتي يله اتفضلوا اتفضلوا
جنات ـ وردت أسلم على نائل مشه وباسل هز رأسه همزين حيدر دخل ما شاف تصرفه وهما دخلوا يم الزلم وأني دخلت وكلها موجوده وعبرت الكل حضنت أخواتي مشتاقه مشتاقه
ليال ـ مو بگدنا مخنوگه خنك وراج شلونج اخبارج
لقاء ـ تعاي خرب ما عبالي هيج فراگج طلعتي عزيزه حيل .
جنات ـ تبوس بيه وجواهر وراها باوعتلنا وكالت .
جواهر ـ يله عاد وين جانت قابل موزين تزوجت ولگت رجال يستر عليها ، غيرها وعلى سوالفها محد يأخذها
لقاء ـ رجعنا لسوالفج بس أريد أعرف ليش تحبين تنهانين ، وعبالج فضحتيها الله ما يستر عليها ويعوضها لا حبيبتي دعوات أمي ترافگنا حتى
وهي متوفيه الله يوفقنا لان أمي نقيه مو بعض ناس گلوبها سماد والله بريء منهم .
جواهر ـ سمعتي خاله شتحجي عليه والله ينراد الها تكسير رأس وتحجين على نائل ليش هديت على أخواتك وهذن أخواته لا خلقه لا أخلاق كل وحده لسانها متر .
الحجيه حليمه ـ وتالي ما نخلص احنه هم رجعنا لمشاكل نصن صوتجن لاتفضحنا كدام الرجال الغريب ، جواهر عوفيهن لا عليج بيهن وأذا لقاء حجت أني أكسر رأسها
جنات ـ تقدمت سلمت على جديتي وعماتي وعمتي نجلاء تباوع من فوك ليجوه واجتي عصماء جانت يم بيداء شافتني أبتسمت
عصماء ـ جنات حبيبتي
جنات ـ حضنتها مشتاقتلج
عصماء ـ وأني هم والله عيالج شلونهم ورجلج
ـ زينين الحمدلله
ـ الله يجعلكم دومكم يارب تعالي كعدي ليش واكفه
ـ كعدنا ونسولف وعمتي نجلاء گالت
نجلاء ـ شلونه أبن رجلج سمعنا ما راضي على زواج أبوه
جنات ـ أستغفر الله هاي شمدريها ، زين الحمدلله
لقاء ـ وأنتِ شمدريج عايشه وياهم لو منصبه كاميرات
الحجيه حليمه ـ لقاء جده گافي
لقاء ـ سگتي جنتج وبناتج وبعدين گولي لقاء گافي واني هذا العشه كله ما طاب رأسي لان كلها تدعي المحبه مطمسه بالكذب والنفاق والحسد والكرهه بس شنسوي نمثل على النسيب أحنه أهل خوش أهل لان مهما يُكون رجال غريب .
نجلاء ـ كرت عينج على هالنسيب الشايب .
لقاء ـ منو الشايب حيدر خل يوكع بيدج وتزوجي وحده من بناتج بعدين گولي شايب ولو أمشي على تماضر تنطينها بدون مهر بس منين يحظي خياسها مطمم لاعب لعب وبعدين أخذها .
نجلاء ـ شتحجين أنتِ شهل الحجي على بنتي .
لقاء ـ ليش أنكرصتي شحجيت قابل ترة هسه هي مرته حتى لو قبل ...
جنات ـ ما گملت كلامها وغمزت لعمتي وجديتي صاحت بينا وسكتنا بس نظرات عمتي ضلت على لقاء وعمتي انسام تسأل بيها وجديتي ضربتها بالعوجيه وسگتن ما أدري ليش حسيت جديتي هم تدري .
ليال ـ ليش تحجين وأني شحجيت وصيت بيج ناقصين مشاكل .
لقاء ـ ما سمعتيها شتحجي على حيدر محد شايب الا هي ، بس أدبسززيات أمهات فلفل .
جنات ـ ضحكنا على وصفها أكول الجن منو طبخ اخاف تسحرلي حيدر .
لقاء ـ لا حبيبتي اني وليال وعصماء طبخنا وعمتي نجاح مكابله الجدر جنت نايمه يم الكدوره حصنتهن واجيت أكوم اشوف خاف ادز جني من جنانينها .
ليال ـ استغفر الله أستغفر الله گومي واني وياج .
جنات ـ راحن المطبخ وفتحت موبايلي دزيتله رساله حيدر خابرت أمجد علمود الصمون
حيدر ـ أي خابرته وجاي يتعشون
ـ دزلي صوره أمجد صاب العشه ومرتبه وكاعدين هو وعمي بس كرار مو وياهم ، وكرار ما نزل تعشى
ـ لا والله من ارجع أخذله كباب وأصعدله .
ـ ماشي عيني .
ـ تبقين لو تروحين وياي لان بس أتعشى اروح للبيت
ـ ها عبالي أشوف أخواتي يله غير مره
ـ لا أبقي شوفيهن تعللي وبعدين اجي أخذج
ـ تمام شكراً .
ـ العفو .
ـ وصبوا العشه وأجو أخواني اخذوا وتعشينا وعافن المواعين والهوسه وعصماء وليال رادن يغسلن لقاء عاطت بيهن
لقاء ـ وين موليات والله التغسل ماعون الا افرك رأسها بالسنك شو امشن كعدن وأنتِ عمه تعالي ما بزاعنه من الغسل أمشي أنعل الفطس لابو العطس أي والله
جنات ـ جرت عمتي نجاح وكعدنا ولا وحده كامت عاد جواهر عاطت بيداء
جواهر ـ گومي غسلي المواعين .
بيداء ـ أي گايمه .
لقاء ـ تماضر گومي ساعدي ضرتج
نجلاء ـ ليش عشتوا تغسل مواعين والعزيمه الجن ولنسيبجن احنه شگو بالغسل وأخاف عليها بيضاتها نازلات .
لقاء ـ بيضاتها نازلات لازم ملزوگات بتفله عمه فدوه ما تبطلين سوالفج ، گومي تماضر ساعديها لا أصيح نائل هو يعرف شغله كلجن تعرفن شگثر يحب بيداء .
جواهر ـ وأنتِ شعليج حاشره خشمج بينهم .
لقاء ـ هسه أخابره من عيني .
تماضر ـ لا عوفي كايمه ، عوذه منج شگد مكروه .
جنات ـ گامت وتدردم أويلي لقاء محد يأخذ حيفي غيرج بردتي گلبي فديتج
ليال ـ گُلنا بردت گلوبنا بس تاليتنا بالنعل باعيهن شلون يباعن النا بابا هذن ما يفوتنها والله عوفيهن وجفينا شرهن نضل ناس تنطح ناس والله لو أمي عايشه گلشي أتحمل بس گافي والله گلبي خلصان من القهر.
جنات ـ ليال تحجي بقهر وأنهضمت وبجت گبل راحت الحمام تبجي لحگتها ليال الله عليج گافي تبجين .
ليال ـ عوفيني جنات روحي كعدي عمتي سلوى هسه گالت تجي تشوفج .
جنات ـ رجعت ولقاء سألتني عليها تريد تبقى لوحدها
لقاء ـ يمكن زودتها مو
عصماء ـ لايمعوده شتسوين لعد ، كايمه أشوفها
جنات ـ راحتلها عصماء وأجتي عمتي سلوى وياقوت وايناس بطنها بارزه أكولج كم شهر الها .
لقاء ـ ما ادري بس گالوا بيها ولد يعني أربعه لو خمس شهور مدري شيسون بالخلفه وبنتها بعدها صغيره اجتي علينا هذاك اليوم سألتها عصماء كالت أحسن علمود أربيهم سوه ونفس العمر .
جنات ـ گومي ، تقدمت سلمت عليهن وگعدنا
سلوى ـ مبارك بنيتي الله يسعدكم ونجيج للبيت نجيج بس سمعنا معزومه أنتِ ورجلج وكلنا نجي نشوفج.
جنات ـ هلا بيج عيوني عمه
سلوى ـ لعد ليال ماكو ما شفتها وينها .
لقاء ـ بالصحيات عمه هسه تجي
جنات ـ أجتي وسلمت عليهن وكعدت وعمتي سلوى تباوعلها ولزمت ايدها
سلوى ـ ليال يمه شبيج شو عيونج حمر باجيه .
ليال ـ أي والله عمه بجيت تذكرت أمي .
جنات ـ نزلت دموعها وانفجرت وعمتي حضنتها وتسكت بيها وبجينا كلنا حتى ايناس بجت ويانا
ايناس ـ ليال حبيبتي أنتِ مؤمنه وهذا قدر رب العالمين وأدعيلها الله يرحمها ويسكنها جناته أعرف صعبه عليج بس أنتِ الأخت الجبيره وأخواتج يباعن عليج ويستمدن القوه منج لاتضعفين كدامهن والموت حق علينا كُلنا
ليال ـ الله يرحمها .
جنات ـ مسحت دموعي وأتصل عليه حيدر گمت جاوبته ها حيدر
حيدر ـ شبي صوتج .
جنات ـ هيج ماكو شيء وأختنگت .
ـ تبجين
ـ أي وين أنتِ رحت مو
ـ أي هسه وصلت البيت وگلت لأخوج باسل خليها هسه
ـ تمام
ـ كافي تبجين ، الله يرحمها برحمته الواسعه .
ـ أمين يارب ، جبت عشه لكرار
ـ هسه راح اطلع اجيبله
ـ من ترجع گولي
ـ ماشي يله أخذي راحتج
ـ الله وياك ، رجعت كعدت يمهن ودخل نائل گال .
نائل ـ يمه أكو مره جايه غريبه جايه تسأل عليج يمكن من الجوارين ما ادري طلعي شوفيها .
الحجيه حليمه ـ منيهي هاي المره لازم ما سألتها ولك جده خاف مجديه .
نائل ـ مجديه بهل الليل شمدريني أكوم اسأل گالت اريد جواهر ام نائل الظاهر تعرفج كومي واكفه يم الباب .
جواهر ـ أي يمه گايمه
جنات ـ كامت ولقاء هزت رأسها وكامت باوعت من يم الشباك اشرتلي رحت يمها ها .
لقاء ـ منو هاي جايه بهل الليل الا أذا واكعه بمشكله شفتيها شلون أصفرت .
جنات ـ أي وطلعت جواهر والمره لابسه أسود ما مبين منها شيء وگفت جواهر وكامن يحجن وجواهر ادفع بيها والمره ادفع بجواهر ولقاء نفضت البرده ومشت وين رايحه
لقاء ـ هاي وراها سالفه شجابها بهل الليل وشمعنى تريد بس أم نائل ولقاء موجوده وتفوتني أبد لا والله
جنات ـ طلعت ولحگتها وجديتي صاحت ورانا
الحجيه حليمه ـ وين رايحات ومنهي هاي المره .
جنات ـ ما جاوبنها وطلعنا وادافع بيها ركزت بيها هاي ميساء!! زوجة عِماد، لقاء لقاء هاي زوجة عماد
جواهر ـ أمشي طلعي من بيتي شجابج بهل الليل أمشي بعدين أخابرج الله يأخذج مو كتلج ما توصلين البيت أمشي ولي منا .
ميساء ـ مــا أمشي تضحكين علينا ما اتحرك منا .
لقاء ـ خير شتردين وشبيجن متعاركات لو خلصت الاتفاقيه والمخططات البينجن .
ميساء ـ جنات .
جنات ـ باوعتلي اي جنات الرجلج هجم حياتي شعندج جايه لو اكو مخططات ثانيه .
جواهر ـ امشي طلعي يله أمشي .
ميساء ـ ما أطلع عوفيني تضحكين علينا عوفيني لا ادفعين دا أكولج عوفيني جذابه نصابه
جنات ـ على صوتها طلعوا نائل وباسل وأبويه وعمي سليم وعمي كريم جديتي وجواهر ادفع بيها
سعيد ـ جواهر منو هاي المره وليش أدافعين بيها .
ميساء ـ عمي أني زوجة عماد خطيب جنات سابقا!
باسل ـ شُنو زوجته ورجلج الكواد وينه نهزمتوا مو كواويد أنتِ ورجلج ضحكتوا على أختي ونهزمتوا بس اذا هو رجال خل يطلع يواجهني .
ميساء ـ رجلي مو كواد وهاي المره أجتني للبيت وحجتلي گلشي وگالت افضحوا جنات وقنعي رجلج يطلگها وانطيكم فلوس وذهب
وقنعته وطلكها وانطته المبلغ بس مو كامل ونخابرها ما تجاوبنا اخر شيء حظرتنا واني ورجلي منهزمين لان أنت منطي أسمه ونخاف نرجع وهسه اجيتها وتطردني
جواهر ـ جذابه أمشي طلعي من بيتي اكيد احد دازج تتبلين عليه .
مبساء ـ أعرفج تعرفيني أتبلى عليج بس أنتِ وحده ما تخافين الله وجبرتينا نحجي ويطلگها وتخرب سمعتها
وبعدين گلتي جنات حامل وطلعتي كلام عليها واحنه الصوج منه ركضنا ورى الفلوس عبالنا تصدقين ويانا بس طلعتي جذابه وأنهزمتي من انفضحت جنات وصار اللي تردينا وهسه كمتي ما تعترفين وعماد دزني گالي روحي فضحيها وگولي الهم على گلشي وجنات جانت ما تدري بيه متزوج ومن عرفت عافتني بس زوجه ابوها قنعتها ورجعتلي . .
جواهر ـ جذب ماكو هيج حجي .
ميساء ـ أي جذب مو حسبي الله عليج من مره خليتي عماد يكسر ركبتها وهي حامل وطلعتينا أحنه نكسسين وأنتِ الخوش مره مو وأني رضيت وتزوجها وكلت أمري لله بس كلامج القريتي برأسي من الشيطان وأقتنعت وكسر رگبتها وعافها وتالي ما تالي ضحكتي علينا .
نائل ـ أمشي طلعي برى امشي خلصت التمثيله يله يله
ميساء ـ عوفني لا ادفع عوفني على شنو أمثل
نائل ـ طلعي لا اسحلج بالفرع أنعل ابوج لابو الجابج روحي على رجلج العار يلفيج مو دازج بالليل تحجين على العالم .
جنات ـ دفعها وطردها برة ما انطاها مجال تحجي
ميساء ـ حسبي الله عليج يا جواهر .
جنات ـ قفل الباب ورجع وباوع لامه وصاح بالكل .
نائل ـ ليكون صدكتوا هالحجي بابا هاي واحد دازها علينا
لقاء ـ لا صحيح كلامها والمره تحجي وگلبها محترك شجابرها تجي بهل الليل لما مضحوك عليها بتسليم الفلوس من الأول حجيت وگلت عماد جواهر أشترته
نائل ـ انجبي وانلطمي على حلگج لا اكسر سنونج
باسل ـ نائل أحترم نفسك والكالته المره صحيح وامك هي اللي راحت بيت عبد السلام وحجت على جنات وطعنت بشرفها مثل ما خلت عماد يطلگها لو هم كولوا جذب ما تصدكون بلقاء
جواهر ـ خوش والله تحالفتوا عليه أنت وأختك وهسه تطلع انت داز عليه زوجة عماد وتحجون عليه وتلزكون بيه والتهمه لعد لقاء شمدريها وتكول من الاول كتلهم عماد جواهر اشترته هسه بينت السالفه انتوا متفقين ويه زوجة عماد تجي تحجي عليه .
لقاء ـ جذب لاتجذبين خافي ربج أني زوجة عماد ما اعرفها الا جنات شافتها وگالتلي لو بس تردين تخلصين روحج من المشكله وتلزكينها بيه مو اعرفج تعلميني بيج أم السحوره .
جنات ـ تقرب نائل راد يضربها ولزمته ايده ولواها وكعها على حافة الدرجات مال الدخوليه وباسل ضرب نائل وتعاركوا وابويه وعمي سليم يفازعون وجديتي تقربت ضربت لقاء وعمي كريم صاح بيها .
كريم ـ ليش تضربينها فوك ما نائل ضربها
الحجيه حليمه ـ كله منها رأس الفتيله ام المصايب ما يوم دخلت البيت ما سوتلنا سالفه ومشكله وخلت الاخوان متعاركين
سعيد ـ گافييييي گافييييي أعداء أنتوا خوما أعداء
باسل ـ أي أعداء ومنا وهيج أنت عدو الي مو أخوي فاهم الأخ يضرب اخواتي ما اعترف بي أخويه وجاروبه ما البسه برجلي مو عاد أخ
نائل ـ أنجب لك أكل** خيخيه سايق مرتك وأخواتك امشي لمهن ولي وخلقتك ما اشوفها بهذا البيت وأمي تاج وباج وشيخه عليكم كلكم ترضون ما ترضون واتفاقياتك ومخططاتك أنت وأختك العرمه وزوجة عماد فشلت لاتحاول تسقط أمي لان ما راح تگدر .
سعيد ـ تنجب ونتضرب على حلگك بالقندره هذا أخوك يا طايح الحظ .
نائل ـ هيج اخ اذا اشوفه بالشارع اتفل عليه وساعة السوده صار بيها أخويه كواد مو أخ .
جنات ـ باسل يعصر بأيده واعصاب صارت نار ودمارتا برزن وابويه ضرب نائل راجدي وجواهر عاطت بي
جواهر ـ ليش تضربه فوك ما يدافعلي .
نائل ـ اضربني عادي واضرب باسل وبدال ما واكف يحاسب بأمي ويحجي ما جان يكظب اختها ويربيها
ليش خلاها على حل شعرها ولعبت بكيفها وأمي من كشفتها سترتها وهسه عد ما طلگها امي طلعت موخوش أدمي لو أمي ما كاشفتها جان الله يدري جنات شتسوي .
جنات ـ يحجي وأني ابجي ومصدومه بي وتقرب باسل ضربه وجواهر تفازع وابويه يجر بـ باسل ونائل صاير بظهر أمه
نائل ـ دمشي لك دروح لم عرضك هي امك تبرت منها وما أعترفت بيها من سقوطيتها وسوالفها وصورها والفيديوهات الدازتهن اله وخلف الله على ابو كرار ستر عليها غير واحد تفله ما يتفل عليها مو يحطها بيته .
باسل ـ دفع جواهر وضربه الا وكع بالكاع وطلع دم من خشمه وعمي كريم وابويه حضنوا باسل وشالوا وباسل عاط بعلوا صوته ويبجي .
نائل ـ لك ساقــــط غيره زز التحجي عليها أختك اختك عرضك يا عــــار عرضك أختك مثلما اختي عـــار أختك
جنات ـ عمي كريم تفل على نائل وسحب باسل وهو يبجي وجسمه يرجف
كريم ـ تف على شكلك وموت اليكرفك من بين الزلم والأخوان وأنت سعيد روح طم روحك بصف هيفاء على هالخلفه السكط لا والله هيفاء تشرفك روح دورلك حفره وطم روحك أنت وأبنك يحجي على اخته عرضه فضحتونا خيزيتونا شتكول علينا العالم صرنا مضحكه
باسل ـ عمي عوفني أخلص عليه عوفني عمي رحمه لاهلك عوفني .
كريم ـ امشي عمي أمشي .
جنات ـ أخذه وطلع وأبويه رجع ضرب نائل خلص عليه كوه جديتي وجواهر خلصنه منه وعافنا وطلع لقاء تقربت وكالت .
لقاء ـ جنت أكول عندي أخوان هسه اكول عندي أخ بس من يومك عربانة أمك وابقى عربانتها تدفع بيك .
الحجيه حليمه ـ وخري الله يأخذج كله منج سمانيه
جنات ـ دخلت شلت جنطتي وطلعنا للبيت وأني ابجي أدم وصلنا البيت ودخلنا ولقاء كعدت تحرك بروحها واني ابجي واشهك اختنگت وكمت أدك على وجهي بخبال كله مني كله مني الله يأخذني اني قهرت امي وهسه باسل انقهر بسببي اني الصوج بيه وكلام نائل صدك اني محد يتفل بوجهي خلف الله على حيدر ستر عليه
الطم وابجي ولقاء حاضتني وتسكت بيه
لقاء ـ أنتِ ما الج دخل أنتِ جنتي ضمن مخططاتها وميساء بنفسها كالت عماد كال هي عافتني من عرفت بيه متزوج بس مرت أبوها جبرتها ترجعلي يعني أنتِ ما الج ذنب .
جنات ـ شلون مــا إليّ ذنب لقاء شلون وأمي ماتت من قهرها من زعلها من من سوالفي ماتت وهي ما تحجي وياي شلون مو ذنبي شلون .
لقاء ـ ذنبج جنتي ضمن خطة إنتقامها رادت تكسر أمي بيج وكسرتها وحتى لمن توفت أمي قفلت عليج الباب ما رادت تشوفينها وتودعينها لان جانت متأكده امي راح تموت وضامنه هالشيء رادتج تعيشين بعذاب الضمير طول عمرج وحققت هالشيء وشفتي هسه شلون طلعتي نفسسها مثل الشعره من العجين لفت سالفة ميساء علينا أني وباسًل وبرءت نفسها وخلت الأخوان يتذابحون بينهم
جنات ـ حسبي الله ونعم الوكيل بيها .
ليال ـ جواهر ما تعوفنا الا تقضي علينا خلاص هسه من شفتها شلون أفترت ولزگت گلشي بيج وباسل وگلبت نائل خنزير على أخوه خلتني فاتحه عيني عدها طريقه تخلص منها من الموت من حبل المشنقه .
لقاء ـ جواهر مصيبه واحنه عايشين بداخل عقلها ومخططاتها الانتقاميه ودام وصلت بيها كلبت علينا نائل خنزيز وحجه وطعن بشرف جنات والكل واكف وياهم وحتى ردة فعل أبويه بارده هاي كلشي نتوقع منها هي القتلت أمي شتوقعين منها .
عصماء ـ جنات حبيبتي لاتزعلين من كلامه وابو كرار الله دزه الج ونقذج من هالحجي كله لدرجه حتى من أخته حجتله ما انسحب وضل مصمم على قراره ، هذا عوضج ديري بالج عليه ولاتهتمين للكلام اللي انگال الج .
جنات ـ بجيت كلامه يدك برأسي شلون يطعن يشرفي وأني أخته
لقاء ـ أعذري خيتي أعذري عربانه دفاعيه بيد أمه .
ليال ـ گومي غسلي وتعالي نامي وأرتاحي
جنات ـ لا أروح البيت
ليال ـ وين تروحين ما ضل وگت منو يوديج باتي وباجر الصبح أذا تردين تروحين روحي .
لقاء ـ من كل عقلج تروحين وأنتِ بهذا حالج باعي وجهج وعيونج ورمت من البجي وأذا شافج يسألج شتكولين اله لا أبقي مثل ما گالت ليال الصبح روحي .
جنات ـ لا خلوني أروح أحسن وهسه باسل يجي ما أريده ينقهر بسببي وكافي عليه الكلام السمعه من نائل
لقاء ـ أهووو مو گلنا كافي شبيج أنتِ وباسل من قهره وحبها الج أنقهر .
جنات ـ عفتهن يحجن وطلعت غسلت وجهي أحمر وعيوني مورمه ودورت على جنطتي وأتصلت عليه كبل جاوبني حيدر
حيدر ـ ها جنات .
ـ خوما كعدتك
ـ لا كاعد اني وكرار ليش گولي .
ـ تجي تأخذني
ـ ها ضجتي
ـ أي تعال أخذني
ـ هسه أجي .
ـ تمام أنتظرك ورحت عليهن راح اروح هسه يجي
لقاء ـ عندتي الا تروحين
ليال ـ دامج تردين تروحين روحي بس لاتحجيله عيب
عصماء ـ خطيه يجوز تشوفه قريب منها وتريد تضل يمه روحي حبيبتي .
جنات ـ بوست البنات سلميلي على باسل تصبحن على خير .
ليال ـ وأنتِ بخير ششفتي من هالجيه بس قهر .
جنات ـ ودعتهن ودك هورن وطلعت وصعدت مرحبا
حيدر ـ مراحب هلا والله هلا بجنات .
جنات ـ بگلبي حجيت لو تدري جنات شگو بگلبها ولو تدري أنهزمت من كلشي وأجيتك ولو تدري أباوع على الله وعليك مسحت دمعتي وهو يكرز حب خله بايدي
حيدر ـ خوش حب هسه جبته بعده حار هسه من نوصل سويلنا سهره مرتبه شو ما نعسان .
جنات ـ تدلل من عيوني
حيدر ـ سالمه العيون وصاحبتهن .
جنات ـ وصلنا غيرت ملابسي وهو عبر من يمي وباوعلي ولزمني من وجهي .
حيدر ـ هاي أنتِ شگد باجيه عيونج مخوخات هو هيج جنات عمي جاي تعذبين أمج ما يصير أدعيلها أقريلها قرأن مو بجي وخشمج صاير طماطيه .
ـ باوعتله وصفنت عليه ونزلت دموعي ومسحهن
ـ شحجينا شو گافي عاد .
ـ گبل حضنته وتمسگت بي وهو مثل الأنصدم وضليت حاضنته مو بأيدي حيدر أمي نار بگلبي عليها حسيت بايديه حاوطتني وبادلني الحضن ومسح على شعري .
ـ حقج الأم عزيزه .
ـ تداركت نفسي وأبتعدت مستحيه منه أسفه بس
ـ على شنو
ـ نزلت رأسي خجلانه منه
ـ هو الحضن وصاحب الحضن الج
ـ أبتسمت وخليت شعري ورى أذاني .
ـ روحي غسلي وجهي وحضريلنا صينيه مرتبه نسهر أني وياج .
ـ طلعت غسلت وشفت المطبخ والمواعين مغسولات خطيه الظاهر متعلمين لوحدهم يله منا وهيج ما اخليهم اني اطبخ وأغسل ، حضرت ماعون فواكهه ورتبت الصينيه وحضرت لعمي وأمجد هم ودخلت الغرفه حيدر عمي وأمجد كاعدين لو بعدهم وديلهم حضرتلهم
ـ أبويه أنطيته فواكهه أكل وأخذ علاجه ونام بس أمجد لا ما ينام هسه انطيني اصعدله هي يفرح لان ما متعلم خطيه كظه عمره يخدم نفسه بنفسه .
ـ أخذ الصينيه وصعدله وأسمعه يگوله
أمجد ـ بويا شُنو هالدلال بحلم لو بعلم عمي ترتيب وكذا وين جنت قبل ما جان تتزوج من زمان .
حيدر ـ دأكل والصبح تشكر منها علمود تضل ادللك
أمجد ـ تدلل أنت وياها ، ورحمه الله والديها .
جنات ـ رجعت الغرفه وطلعت ثوب نوم ولبست ورشيت معطرات جسم وفتحت شعري ولبست روب علمود لايبين شيء وسمعته اجه ورجفت ودخل هو جانت الأضويه مفتوحه قفل الباب واجه
حيدر ـ شُنو هاي جنات .
جنات ـ حضرتلك
ـ شنو حضرتيلي
ـ الكرزات والفواكهه
ـ وبعد
ـ اي بس وحضن وجهي .
ـ صارلي شگد أطفي الاضويه ومحروم من هالجمال عليمن .
ـ خجلت .
ـ حوريه لو شنو
ـ ما حجيت .
ـ شو باعي خل أشوف خشمج راح الأحمرار منه
ـ رفعت رأسي خجلانه وصفن وأخذ شفايفي لكيت نفسي أبادله بكل شعور حب وعشنا هالليله اجمل من الليالي القبلها ونومني بحضنه لأول مره .
ـ جنت ما نعسان هسه طفيت وقفلت گومي طفي الأضويه وتعاي نامي
ـ والفواكهه والكرزات
ـ عوفيهن الصبح لميهن
ـ تمام ، گمت طفيت الأضويه ورجعت نمت بحضنه وغمرت رأسي بركبته أمان ودفو وحنيه تمنيت داخل حياتي من زمان ولا متعذبه هالعذاب ولا سمعت هالكلام من نائل ضليت صافنه وأفكر وهو نام رفعت نفسي وبسته من خده ورجعت گملت نومتي .
كعدت ولكيته ما حيدر باوعت موبايله موجود والساعه بـثلاثه ونص وين راح ، لبست وطلعت رحت الصحيات حيدر ماكو ، وين راح صعدت فوك وشفت شحاطته يم غرفة كرار تقربت وفتحت الباب حاضن أبنه ونايم وصفنت عليهم رغم أبنه جبير بس ما حارمه من حضنه أو يمكن متعلق بي لهل السبب زعلان على أبوه ومقاطع حتى الأكل
عفته ونزلت رجعت نمت وقتت الموبايل على أذان الفجر مثل ما علمتني عصماء ونمت ورن موبايلي وهو بعده گمت فتحت الباب بهدوء وسبحت وصليت وكعدت اقرأ قرأن وانفتح الباب وفزيت
حيدر ـ أسم الله خوفتج عبالي نايمه .
جنات ـ لا كعدت سبحت وصليت .
ـ تقبل الله .
ـ فتح الكنتور واخذ ملابسه وسبح واجه صله وكمل ونزعت حجابي ورحت يمه شلونه كرار
ـ زين وعدته أنام يمه وعفتج
ـ لا عادي خطيه أبنك متعلق بيك
ـ بشكل متعلق بيه وكلما التحق يگلبها فاتحه وراي
متعبني مزاجي وبس يتزعل شكد مطول بالي وياه بس ما يفيد ومن تزوجت قافل فدمره انوب يگولي صرت تكرهني هذا شجاوبه .
ـ هو يشوفك أمه وأبوه وكلشي بحياته وبيوم وليله تجي وحده تشاركه بيك صعبه عليه ، تفهمه وطول خلگك وياه هو مع الوگت يتقبل الامر الواقع .
ـ أن شاء الله ، تعالي يمي ليش بعيده
ـ گلت خاف أيدك تعبت لان أني وأبنك نمنا عليها
ـ لا ما تتعب تعالي ما عليج من إيدي .
ـ نمت بحضنه والصبح أندك علينا الباب بقوه
ـ منو كسر الباب ، أي أي .
ـ كام فتحه ماكو أحد ها حيدر
ـ ماكو أحد كملي نومتج هسه أجي
ـ راح وشويه وأجه واني بعد ما أجاني النوم كعدت نظفت البيت وغسلت الحوش وطلعت لحم خليته عالنار راسلت ليال دزتلي طريقه البامية لان مو هلكد بالطبخ ليال وأمي الله يرحمها جانن يطبخن .
كعد صباح الخير .
حيدر ـ صباح الورد شُنو هالنشاط هسه امجد ينزل تصير بي سكته قلبيه .
جنات ـ ضحكنا وكعد سويتله ريوك ورتبته عالميز واجه عمي وأمجد وتريكنا سوه وحيدر عينه عالدرج كرار ما نزل .
أمجد ـ جنات رحمه الله والديج ، ها حجي شلونه الريوك
عبد السلام ـ من ماتت أمك ما متريك الصبح .
جنات ـ حيدر باوعلي وأبتسملي وكام
حيدر ـ رايح السوك كتبلي شنو محتاجه لان خاف هاليومين التحق .
جنات ـ وشوگت تنزل
ـ ضجتي من هسه
ـ أي والله
ـ يحفظج الله شنسوي تتعودين ، يله شوفي النقوصات ولو أمجد أنت تعرفهن
أمجد ـ شويه خليلي شخصيه بجعب الأستكان شنو أمجد أم البيت ما يصير هيج يا حيدر .
حيدر ـ لاتزعل شنسوي غير الوگت هيج خلانا وتالي اجتنا جنات سترت علينا .
جنات ـ باوعلي ما أعرف شحجى بس بحركة شفايفه وكتبت النواقص وأمجد ساعدني لان ما أعرف شنو النقص وصيته على شغلات للبيت هم ودخل غير ملابسه وطلع وعمي هم گام
عبد السلام ـ رايح أفتح المكتبه كدامك .
أمجد ـ ماشي يابه ، جنات من يمج جاي جاي .
جنات ـ صبيتله وگعدت گملت ريوك وياه ، أكولك كرار هو هيج طبعه لـو من تزوج أبوه هيج صار .
ـ قبل لاتموت أمه جان شلون ولد بس من ماتت مليكه تغيير حتى شگينا بي توحد بس طلع ما بي شيء .
ـ لعد ليش هيج خطيه
ـ بسبب صدمته على وفاة أمه وحيدر كلش جان مهتم ومتعلق يعني تصوري يروح الدوام يضل شايل هم هو بس هالواحد وأمه جانت مدللته وتحبه هواي
ـ خطيه أنقهرت عليه لعد من هذا زعلان على أبوه
ـ لان عباله راح تأخذين منه أبوه ومراهق تفكيره مختلف يحتاج صبر وتعرفين الفقد يغيير الشخص هواي حتى التغيير الشخص يلاحظه على نفسه بالأخص الأم
ـ أي والله صحيح كلامك وحيدر شلونه بعد وفاتها ممكن تحجيلي عن أم كرار وشلون توفت .
ـ ماكو فرق عن صدمة أبنه يمكن أكثر لان هو من النوع ما يظهر مشاعره يكبت بداخله ، وأساساً وفاتها جان صدمه علينا كُلنا تمرضت وبسرعه بسرعه أخذها المرض بعدين بالأخير أكتشفوا وجان متمكن بيها وگتها أتذكر حيدر تدمر لصفر ، جان يحبها وحتى من ما صارلهم أطفال بس كرار أُمي الله يرحمها طلبت منه يتزوج هو رفض وحتى زعل على أمي تالي أبويه گال الها سحبي نفسج هو راضي شعليج وأمي ما تدخلت بعدها .
ـ الله يرحمها .
ـ أي الفقد أصعب شيء بالحياة مأذي حيل مأذي توصلين لمرحله تكرهين حتى نفسج .
ـ يحجي وحسيته عايشه ليش أنت عايش شعور الفقد
ـ أي عشته مرتين مره بإمي ومره بحبيبتي
ـ ها خطيه ، أحجيلي أمانه
ـ أكولج شو أخذج الواهس گومي كملي غداج هسه يجي حيدر .
ـ أحجيلي عن حبيبتك
ـ لا خلي سر مو تحجين أزعل منج والله
ـ لا والله سرك بير بس أحجيلي عنها
ـ عادي تجاوزت هالمرحله والله يرحمها ماله داعي أحجي
ـ شلون توفت
ـ بحادث ، جنت حيل أحبها وحبنا حلو وعلى أبواب زواج حتى حيدر جان يدري بحبنا بس ما شاء القدر نكمل أجاها الموت وأخذها مني ، عشت فترة صعبه حتى الكافر ما حبيت بعدها أبداً ومع الوقت تعايشت ويه حقيقة موتها والله يرحمها .
ـ خطيه انقهرت عليك وعلى أخوك
ـ لا يمعوده كلمن ويومه وقسمته تعاي مو يجي حيدر وتحجيله وتگولين أمجد سولفلي عن مليكه وگتلج جان يحبها وتگومين تغارين وتنگين على رأسه .
ـ لا ليش أغار كلمن واله مكانته الخاصه وهي أولى مني مرته وأم أبنه وبينهم عشرة عمر أكيد صعبه عليه
ـ الله شُنو هالعقل العندج جنات
ـ أعجبك وهسه نسيت حبيبتك
ـ أي
ـ ما تحب أقصد عندك حبيبه
ـ شو أخذتي ميانه زايده شو گومي على شغلج
ـ خلص كايمه، شلت المواعين غسلتهن وهو طلع جگاره شُـــنو تدخن
ـ بس من أضوج
ـ ما عبالي أدخن تفأجات بيك
ـ مو دائماً ، أكول جنات
ـ گول
ـ أمانه لاتتحجين لأحد عن الحجيته الج خلي سر بينا
ـ عن حبيبتك
ـ جنات
ـ ضحكت تمام المن احجي هنا بس أخواتي قريبات مني
ـ أهنا المصيبه ازعل منج والله أذا حجيتي .
ـ لا تدلل سرك بير
ـ يله أني راح اروح خاف كرار ينزل لاتحجين وياه عوفي لايكوم يجفص ويذبلج حجايتين
ـ ماشي .
ـ فيمالا
ـ الله وياك ، وراح وگملت الغده وشغلي ودخلت غرفة عمي عزلتها ونظفتها ورتبتها وشلت ملابسه خليتهن بالغساله وصعدت فوك أكو حمام فوك لكيت ملابس أمجد نزلتهن ونظفت الفوك كله بس ما دخلت غرفته وباوعت على كرار نايم وفتحت باب السطح والشابيك
وسمعت صوت حيدر أجه
حيدر ـ جنات ، جنات وينج .
جنات ـ فوك
حيدر ـ تعالي جبت المسواك .
ـ أي أجيت ، الله يساعدك
ـ ويساعدج
ـ رتبت المسوك والمواد الغذائيه جايبلي گلشي
ـ هذن الوصيتني عليهن ماسحه وهالسوالف .
ـ اي عاشت ايدك
ـ عاش أصلج
ـ أبتسمتله وتقرب باسني من رگبتي
ـ كرار كعد لو بعده نايم
ـ لا بعده نايم أشتغل وهو حاضني وسمع صوت وأبتعد
ونزل كرار
ـ هلا بوليدي
كرار ـ عمي أمجد طالع
حيدر ـ أي هو وجدك ليش محتاج شيء .
ـ لا
ـ أكعد تريك
ـ ما جوعان
جنات ـ طلع برى وحيدر يباوعله وللظهر اجو وصبيت الغده وتغدينا وكرار هم ماأجه وأبوه صعدله وما تغدى وغسلت والمواعين وهو فوك ، دخلت غرفتي دزلي رساله .
حيدر ـ نامي باقي يمه .
جنات ـ ماشي عيني ، أحضرله الغده
ـ لا عيني أذا يريد أني احضرله .
ـ براحتك وأتصلت على لقاء هلاو شلونكم
لقاء ـ
شكرا لزيارتكم عالم روايات سكيرهوم
