رواية سراج السادة الفصل الثامن عشر بقلم عسق ادريس
سيبشرك الله بكل ما تتمناه.🤍
اللهم يامن اذا تضايقت الامور فتح لها باباً
لم تذهب اليه الاوهام.
صلِ على محمد وآل محمد
الحمدلله
الحمدلله
الحمدلله
سبحان الله
سبحان الله
سبحان الله
الله اكبر
الله اكبر
الله اكبر
لاحول ولاقوة الابالله العلي العظيم
لاحول ولاقوة الابالله العلي العظيم
لاحول ولاقوة الابالله العلي العظيم
نريد همتجن ب ااتصاميم والدعم لروايه
التعليق والتصويت ومتابعه الحساب
خلونا ويا الساده..... 🤍.
_الحمدلله رب العالمين الذي يحيي ويميت ويميت ويحيي وهو حي لايموت له الملك وله الحمد والصلاه والسلام على محمد واله الطيبين الطاهرين
_المراحل التي يمر بها الانسان قبل ان يصل الى ساعه الرحيل من الحياة الدنيا
واول هذه المنازل عالم البرزخ لكن قبل عالم البرزخ هناك ساعات يمر بها الانسام قبل ان يسلم الامانه وهي ساعات الاحتضار وفيها احداث كثيره منها ايجابيه للمؤمنين وسلبيه للفاسقين
_بعدها تبدأ الحياة الثانيه وهي القبر او البرزخ وما ادراك ما البرزخ اعظم مافيه الضمه او مايسمى بضغطة القبر وهي التي لن يفلت منها الاولين ولا الاخرين الا النادر من المؤمنين وفي هذا القبر ملكان للحساب ووحشه والنتيجه اما روضه من ريض الجنه او حفره من حفر النار
_والاهم ب الذكر مايسئل عنه الميت في قبره وعالمه البرزخي هوا مبدأ الولايه لاهل البيت صلوات الله عليهم اجمعين
جر السيد حسره وسكتت مسح على وجهه ورجع يكمل
_عبد الرؤف:: الانسان يموت بعد ان ينتهي اجله والطير في السماء والاسماك في الماء كذالك يموت والحيوان يموت بل كل نفس ذائقه الموت قانون اللهي لايختلف ولا يتخلف حتى الملائكه في اخر الزمان تموت والامر يصل الى حدود ملك الموت ذالك الملك الموكل من قبل الله تعالى بقبض الارواح كذالك يموت بعد ان يصبح وحده امام الله تعالى
_عبد الرؤف:: قال امير المؤمنين (ع)
(عباد الله! ان الموت ليس منه فوت فاحذرو قبل وقوعه واعدو له عدته فانكم طرد الموت ان قمتم له اخذكم وان فررتم منه ادرككم. وهو الزم لكم من ظلكم. الموت معقود بنواصيكم. والدنيا تطوي خلفكم. فأكثرو ذكر الموت عندما تنازعكم اليه انفسكم من الشهوات. وكفى بالموت وعظا. وكان رسول الله (ص) كثيرا يوصي اصحابه بذكر الموت يقول: اكثرو ذكر الموت فانه هادم للذاك. حائل بينكم وبين الشهوات)
_عبد الرؤف:: نعم ونحن مقابل ذالك الموت نتمناه مره ومره نكرهه ونتمى زواله والخلود في الدنيا حلوها ومرها ولكن هذا القانون من المستحيل سيره في حياتنا
اروي الكم روايه
_عبد الرؤف:: عن هشام بن سالم قال: قال ابو عبدالله (ع) ان قوماً اتو نبياً لهم فقالو: ادع لنا ربك يرفع عنا الموت. فدعا لهم فرفع الله تبارك وتعالى منهم الموت. وكثرو حتى ضاقت بهم المنازل وكثر النسل وكان الرجل يصبح فيحتاج ان يطعم اباه وامه وجده وجد جده ويوضيهم ويتعاعدهم فشغلو عن طلب المعاش فاتو النبي وقالو: سل ربك ان يردنا الى اجالنا التي كنا عليها فسأل ربه عز وجل فردهم الى اجلهم
_عبد الرؤف:: بهذا الحديث وتلك القصه يوضح حكمه الموت بعد الحياة وبعد اداء الرساله التي بعاتق الفرد والتي هي معرفه الله تعالى وعبادته
ااذكر الكم ايات قرأنيه تبين حقيقه تمني الموت والفرار منه
_عبد الرؤف::[ قُلۡ إِن كَانَتۡ لَكُمُ ٱلدَّارُ ٱلۡأٓخِرَةُ عِندَ ٱللَّهِ خَالِصَةٗ مِّن دُونِ ٱلنَّاسِ فَتَمَنَّوُاْ ٱلۡمَوۡتَ إِن كُنتُمۡ صَٰدِقِينَ ٩٤][وَلَن يَتَمَنَّوۡهُ أَبَدَۢا بِمَا قَدَّمَتۡ أَيۡدِيهِمۡۚ وَٱللَّهُ عَلِيمُۢ بِٱلظَّٰلِمِينَ ٩٥][وَلَتَجِدَنَّهُمۡ أَحۡرَصَ ٱلنَّاسِ عَلَىٰ حَيَوٰةٖ وَمِنَ ٱلَّذِينَ أَشۡرَكُواْۚ يَوَدُّ أَحَدُهُمۡ لَوۡ يُعَمَّرُ أَلۡفَ سَنَةٖ وَمَا هُوَ بِمُزَحۡزِحِهِۦ مِنَ ٱلۡعَذَابِ أَن يُعَمَّرَۗ وَٱللَّهُ بَصِيرُۢ بِمَا يَعۡمَلُونَ ٩٦]
_عبد الرؤف:: ليس الموت العدم مثل مايشوفه البعض انما هو اجل البدايه في حياة اخرى حياة ام روضه من ريض الجنه للمؤمن واما نار من جهنم للمشرك والكافر
_عبد الرؤف:: اذن من يحل الموت يفصل بين اثنين بين الجسد والروح فالجسد الذي هوا من الارض يبقى ب الارض الروح التي هم من السماء ترجع الى السماء الاثنين يرجعون لمقره الذي جاء منه ولكن هذا الانفصال اما ان يكون رحمه واما نقمه
_عبد الرؤف:: كل نفس ذائقه الموت ونحن قدرنا بينكم الموت واينما تكونو يدرككم الموت ولن ينفعكم الفرار ان فررتم من الموت
هاي الكلمات الالهيه يؤكد الله سبحانه وتعالى فيها
1_ ان المون مقدر مكتوب
2_ان كل نفس ذائقه الموت
3_ان الموت يدرك الانسان اينما كان ولو في بروج مشيده
4_ان الفرار من الموت وهم حيث ان الفرار منه لاينفع مدام الانسان تحت سيطره الله وفي ملكه
_عبد الرؤف:: اسولف الكم روايه حلوه وتجذبني
عن امير المؤمنين (ع) قال لما اراد الله تبارك وتعالى وقبض روح ابراهيم (ع) اهبط الله ملك الموت
فقال: السلام عليك يا ابراهيم
قال: وعليك السلام ياملك الموت اداع ام ناع؟
قال: داع يا ابراهيم
فاجاب ابراهيم: فهل رأيت خليلا يميت خليله؟
قال: فرجع ملك الموت حتى وقف بين يدي الله جل جلاله فقال: اللهي قد سمعت ماقال خليلك ابراهيم
فقال الله جل جلاله ياملك الموت اذهب اليه وقل له: هل رأيت حبيبا يكره لقاء حبيبه؟ ان الحبيب يحب لقاء حبيبه
ابتسم السيد عيونه مدمعه مسح رمش عينه مانع دمعته تسقط
_عبد الرؤف:: سأل امير المؤمنين (ع) بماذا احببت لقاء الله؟
قال: لما رأيته قد اختار لي دين ملائكته ورسله وانبيائه علمت ان الذي اكرمني بهذا لان ينساني فاحببت لقائه.
كمل السيد كلامه عن الموت واحنا نسمع اله وعيونه مدمعه فكره الموت والابتعاد تذكرني بعون
سكت السيد مدنك جر حسره ومسح على راسه صافن وفاصل عن الكل واحنا ساكتين لسكوته
دنكت متذكره هيج وقت من جنا نجتمع عون يفتر حولنه او جالس بحضن السيد يسمع لكلام السيد وهوا ساكت بتمعن تحسه يفهم كل الكلام الي يحجي السيد رغم صغر عمره
رفع السيد راسه يباوعلنه الحزن مالي عيونه
حسيت كل الكلام الي حجاه عن الموت السيد مامستوعبه من ناحيه عون ولامصدك فقدان عون
جر حسره وهز راسه
_عبد الرؤف:: تكدرون تاخذون راحتكم اولادي خلص درسنا
هزينه راسنا ب اي وبدينه نكوم حتى نطلع من المصلا نخلي السيد وحده
مشيت اطلع من المصلا
التفتت للسيد شفته صافن تحسرت بقهر وحزن فتحت باب المصلا وطلعت
خليت الكتاب على القنفه ومشيت للمطبخ اشرب ماي
دخلت للمطبخ شفت عمتي كاعده على الكرسي كدامها الطاوله مكتفه ايدها راسها على الطاوله وصافنه
تمشيت للبراد اخذت الكلاص اشرب التفتت العمتي الحزن مخيم عليها والهالات محتله عيونها
حتى وجهها ضعف بشكل ملحوض
تقربت لعمتي اتمعن لوجهه
_مهجان:؛ عمه شبيج؟
رفعت عمتي راسها تباوعلي
_جهاد:: اشتاقيت لعون
عضيت شفتي ودنكت ماريد ابجي كدامها ماريد افتح جروحها
رفعت راسي من شفت عمتي كامت من مكانها طالعه من المطبخ كعدت على الكرسي عيوني مدمعه اني هم شتاقيت لعون
مرت الايام والحزن مازال مخيم على عائلتنه حسيت عون جان هوا سبب فرحنه وبس مات عون مات الفرح ويا
بيوم جنا كاعدين كلنا ب الصاله منتضرات العلويه تكمل حتى نطلع الحوزه نفتح باب الصاله بقوه التفتنا كلنا على الباب شفنا عمتي
دخلت للصاله بعصبيه باوعتلنه والتفتت ماشيه ب اتجاه المصلا
_جهاد:: يابااااا وينك!!!!!
دفعت عمتي باب المصلا ودخلت للمصلا
طلعت العلويه زهراء من غرفتها النقاب بيدها مستغربه
_العلويه زهراء؛؛ شبيها عمتجن؟
جاي نرد عليها ب مانعرف وسمعنا صوت صريخ عمتي من المصلا ركضت العلويه للمصلا واحنا وراها
دخلنه للمصلا شفنا عمتي واكفه بنص المصلا كدام السيد الي جان يقره ب الكتاب
وضع عمتي جان يوتر عيونها حمر وايدها ترجف رافع السيد راسه يباوع لعمتي
_جهاد:؛ ليششش رجعت سديت قضيه عون سيد ليشش!!!!!!
دنك السيد راسه يقره الكتاب متجاهل كلام عمتي ووضعها باوعت لعمتي بديت تنتفض بغضب ضربت على وجهاا بعصبيه
_جهاد:: ليشششش تريد تضم قاتل ابني ليششش تعرفففههه انت تعرف منو قاتل ابني صحححح موو!!!
وكفو الساده يمنعون عمتي تضرب بروحها ويهدوها وهيه منهاره تصرخ وتبجي باوعت لفقار وبجت
_جهاد:: فقار ليش السيد سد قضيه ابوي؟
دنك فقار راسه مايعرف شنو يجاوب لان هوا مايعرف السبب الي خله السيد يسد القضيه مره ثانيه!!!
رجعت عمتي تباوع للساده وتترجاهم يحجون السبب
وهما واكفين بس عيونهم مدمعه مايعرفون شنو يحجون محد يعرف السبب غير السيد
والسيد ساكت بدون ماينطي جواب
باوعت عمتي للسيد وصاحت بصوت عالي تسمع الكل
_جهاد؛؛ اني راح اخذذذ حق ابني اني بيدييييي اخذ ثار ابنييييي
حجتها وسكتت
للحظات طايحه بيد الساده مغمى عليها
انخصب الكل والعلويه من درت بقت تلطم وتبجي على حالة عمتي والمرحله الي وصلت الها من الوجع والحزن
مرن يومين والبيت ماكعد من المشاكل عمتي تتوسل ب السيد يرجع يفتح القضيه والسيد رافض
عمتي بس تشوف اصرار السيد على الرفض تضل تصرخ وتعصب وتهدد
ب الاخير تطيح عمتي مغمى عليها وينقلوها المستشفى
العلويه زهراء تمرضت لمرض عمتي وبدت تتعب حتى الاكل كطعته والتزمت الوحدة وكعده الغرفه بس
السيد من شاف تعب عمتي والعلويه
تعب وياهن حتى دروس الحوزه كطعهن صار وقته كله ب المصلا بس حتى نومه ب المصلا
بكل مره امر من المصلا اسمع صوت بكاء السيد من المصلا اعرف السيد مايتحمل يشوف عمتي هيج متاذيه ولا يشوف العلويه متاذيه لاذية عمتى
وكسرتها الاكبر وحزنه بفقدان عون الي مر ثلاث اشهر على وفاته ولهذا اليوم دموعنا ماوكفت
بكل مره ينذكر عون ببالي ابجي بحزن لذكراه
فقدان عون ترك بينه اثر جبير ومستحيل يزول للابد مصاحبنه
بيوم سمعت السيد يحجي ويا العلويه لباب الي جانت ب ايران على وضع عمتي وحزنه الشديد وانكساره ب الي جاي يصير
سمعت العلويه لباب تقنع السيد يسفر عمتي لايران تغير جو وتحاول تتعايش حتى تنسى الثار
لاكن السيد جان رافض تسفير عمتي وكلامه ورفضه على ابتعاد عمتي ب
_عبد الرؤف:: مستحيل اسمح لجهاد تبعد عني جهاد بنتي مستحيل اتحمل يمر يوم ماشوفها كدامي
فترة وترجع جهاد اقوة من قبل
_لباب:: عبد الرؤف لازم ترتاح نفسيتها طول ماهيه ب البيت راح تشوف عون بكل مكان غرفتها هيه وعون ملابس عون ولاتنسى المكان الي نقتل بي عون راح يأذيها!!
رفض السيد معارض كلام العلويه لباب
اعرف السيد مستحيل يكدر يفارق عمتي وهوا متعلق بيها بشده
بيوم دخل السيد معصب وينتفض وعمتي وفقار خلفه يمشون فقار مدنك متوتر وعمتي مامهتمه
دخلو للبيت بمجرد ما السيد وكف التفت يباوع لعمتي وفقار
لحظات فقط والكل انصدم مفزوع من التفت السيد على فقار وضربه كف على وجهه بقوه
انصدم كل الموجودين برد فعل السيد وعصبيته
جانت هاي اول مره اشوف السيد يضرب فقار لان السيد يمد ايمده على واحد من السيد!!!
باوع فقار لسيد ودنك والسيد كدامه ينتفض من العصبيه دار السيد على عمتي عيونه يردن يطلعن من مكانهن
_عبد الرؤف:: تعارضيني جهاد؛!!!!!!!
حجاها السيد ب اصياح وعمتي واكفه كدام السيد تنتفس بصعوبه عيونها مدمعه تباوع لفقار بحزن
_عبد الرؤف:: تكسرين كلامي وترحين انتِ وفقار تردون ترفعون قضيه وتفتحوها مره ثالثه!!!!!
دارت عمتي تباوع للسيد عيونها حمر وشفايفها يرجفن بعصبيه
_جهاد:: لعد اضيع حق ابني و
ماكملت عمتي كلامها ورفع السيد ايده يريد يضربها الكل وكف بوجهه السيد وعمتي مصدومه من رد فعله
جر عمي مهدي ايد السيد يهدي
_السيد مهدي:: استهدي بالله سيد
باوعت عمتي للسيد وعيونها مدمعه ابتسمت عمتي بحزن والتفتت على العلويه الي جانت مصدومه برد فعل السيد
_جهاد:: شفتي ابوي يمه؟ يريد يضربني بس لان طالبت بحق ابني!!!
صاح السيد بعمتي بعصبيه
_عبد الرؤف:: قضيه عون ماتنفتح مره رابعه واذا انفتحت اتبرى منج ليوم الدينن!!!
الكل انصدم بكلام السيد ورد فعله
باوعت عمتي للسيد مصدومه تبجي
_جهاد:: ليش؟ سيد ابني هذا شلون اتحمللللل ماخذ حقه
طاحت عمتي على ركبها تبجي تأشر على نفسها بحزن
_جهاد:: هذا عوني هذا عزيزي هذا روحي هذا قطعه مني شلون ماخذ حقه؟
التفت السيد منطي ظهره لعمتي الي بقت كاعده ب الارض تبجي وتشكي
_جهاد:: ليش ماتحسون بيه؟ ليش ماتحس بيه سيد اني راضيه بي يموت خلي يموت بس ليش يموت قتل؟ ليش يموت متلوع؟ ليش راسه ماهو؟؟؟؟؟؟؟؟
جر السيد حسره وحجه بصوت مكتوم
_عبد الرؤف:: مايضيع حقه يم الله
صاحت عمتي من مكانها بحزن وعصبيه
_جهاد؛؛ مانتظره يموتتتت انيييي حتى اشوف حق ابنييي بي اريد اشوفه هسااا ياخذ جزاته كدام عيونييييي
_عبد الرؤف:: قضيه عون ماتنفتح
باوعت عمتي لظهر السيد ورجعت تباوعلنه
_جهاد:؛ زين ليششش ليشش جاي اشوفه بكل مكان شلوننن اتحمل اكعد ب الصاله وابني مكتول بيهااااااا
جر السيد حسره والتفت يباوع لعمتي باوع للعلويه زهراء الكل انتبه للسيد شلون محتار يحاول يحجي بس مايكدر
دنك السيد ودخل للمصلا تارك خلفه عمتي الي انهارت تبجي بحزن واعتاب
_جهاد:: يمهه ابنييي شلون ماخذ ثاره
حضنت العلويه زهراء عمتي تسكت بيها ودموعها يطيحن ويا عمتي
انتهى هذا اليوم ب التعب والشقاء والحزن
عمتي ماكفت بجي بكل مره اسمع صوتها جاي من الغرفه واعتابها لعون
_جهاد:؛ شلون تعوف امك وتروح هيج؟ بس يلا مو بيدك اني ادري انت ماتحب تفارق امك مو صح عوني؟
مريت من غرفه عمتي اريد اصعد انام بغرفه عاتكه سمعت صوت عمتي جاي من الغرفه
_جهاد:: اه يبني شكول عليك ×2
_دولبني زماني بيك دولبني
_دولبني زماني بيك ياسلوى
_شلون انساك وانسى ايامنا الحلوه
_شهل البلوه المثلها ماجرت بلوه
فتحت باب الغرفه بدون ماحسسها شفتها كاعده كدام كاروك عون القديم تبجي وتقره ويا القصيده
اخذت نفس من شهكتها ومسحت دمعتها من خدها وههزت الكاروك
_جهاد:: امك جابتك ومدلل وحالك
_يوم البي صرت ياشبل شيبني
_شيبني اصيارك ونهدم حيلي
_هز مهدك يشمامه وسهر ليلي
رجعت سكتت رفعت راسها وغمضت عيونها متوجعه لزمت صدرها مكان الثدي وحجت
_جهاد: اطلبك ب البن يمدرتي الخزوك
_اطلبك سهر ليلي واامناده عذاك
اخذت الكماط والحاف ب الكاروك وشمتها بحسره رجعت خلتههن عل وجهه وتنفست بيهن بوستهن بلهفه وكفت تتلفتت وتكرر كلمات القصيده من البدايه خلت صبعها بحلكها وعضته بقوه صرخت بقوه
_جهاد؛: ولك يمهههههه ولكك روحي مفرفحه عليك وليدي
دخلت للغرفه ركضت عليها من ضلت تشلع شعرها وتلطم عل وجهه وتصرخ لزمتني تبوس بوجهي وتضحك بحزن
_جهاد:؛ مهجان بداعه ابا عبدالله عليج اخذيني لعون
حضنتها ابجي وهيه تدفع بيه تريد تطلع واني لازمتها اتوسل بيها تهدء
_مهجان:: كافي عمه كافي حتموتين
بدت تصرخ وتلطم دخل السيد يركض وعيونه مدمعه دفعتني عمتي
وركضت لحضنه نزع عبايته وغطاها بيها وحضنها كعد بمكانه يبوس براسها ويقره الها قصيده يهديها بيها
بده يقره ويبوس براسها كعدت ب الزاويه بجهه الكاروك ابجي بسكته دخلت العلويه الجبيره للغرفه تبجي وتهز براسها واكفه يم الباب
هدت وبدت تبجي بسكوت وتسمع للسيد وتردد ويا
_جهاد: يوليدي خلي الماي لاتطلب الماي
_كل خوفي من تروح وتكطع احشاي
_دهرني ذبني عبدالله ياشمعه عيوني
كمل السيد وياها
_عبد الرؤف:: هاك اخذ ماي العين
_يبني وسلوتي
_خل افرح بدنياي
_وانت فرحتي
ضحكت تباوع لصورته المعلكه عل حايط
_جهاد:: خل ابتسم وارتاح
_واشتم وردتي
_ردتك ليوم لشيب وتلم كبرتي
بعدت عن حضن السيد وتمشت بالغرفه تضحك
_جهاد؛؛ كلبي الذي رباك شينيمه اليل
_يوليدي خل وياك يتهاده ويميل
_لو ردت منه تروح يتهدم الحيل
_دم نحرك المصيوب من عيني يسيل
دارت للسيد وضحكت بفرح تمشت اله تضحك ضحك بحزن الها ومسح دموعها حضنها و باسها من راسها حجت
_جهاد؛؛ سيد ماريد ابني اريد بس راسه بس جيب راس ابني لان والله هضيمه سيد كبر بدون راسسس هضيمههه ولكم ابني اندفن بدون راس كبره مابي راس ولج يمه ابني بدون راس يمههه
هز السيد راسه ساكت بيومها عمتي نامت بحضن السيد تبجي وهوا يبجي وياها والعلويه زهراء كوا واكفه على حيلها عرفت عمتي مستحيل تكدر تتخطى او تنسى عون ومستحيل اصلا يصير هل شي!! ابنها وعزيزيها نقتل كدام عيونها مستحيل تنام ليلها وابنها مات بحضنها
ثاني يوم الكل جان متجمع ب الصاله وعمتي كاعده على القنفه صافنه نفتح باب المصلا وطلع السيد بيده تلفونه باوع لعمتي وعيونه مدمعه
_عبد الرؤف:: جهاد بابا
رفعت عمتي راسها تباوع للسيد
_عبد الرؤف:: راح اريحج من الوجع الي جاي تمرين بي
استغربت عمتي تباوع للسيد كامت من مكانها ومشت ب اتجاه السيد واكفه كدامه
_جهاد؛؛ راح تفتح قضيه عون؟
هز السيد راسه ب لا وخله ايده على راس عمتي مبتسم بحزن
_عبد الرؤف:: راح اسفرج لاايران لعمتج لباب
كمزت عمتي من مكانها تباوع للسيد مصدومه باوعتله العلويه زهراء رافضه
_زهراء:: لاااا جهاد ماتروح لمكان
_جهاد:: ماسافر ماروح لمكان
باوع السيد لعمتي بيده جوازها
_عبد الرؤف:: ماجاي اطلب منج بنيتي انا جاي اجبرج على السفر
"قس"
صفن الكل على السيد وقراره المفاجأ بتزويج الساده
الي استغربو اكثر من الموجودين نضراتهم تشرح صدمتهم بكلام السيد
عكس السيد الي جان مبتسم بفرح من قراره
التفتت على ملاك بسرعه اشوف رد فعلها
شفتها مصدومه وعيونها مدمعه بحزن قوست حلكها تريد تبجي من انتبهت الي صافنه عليها
دنكت راسها بخجل دنكت راسي مقهوره عليها
رفعت راسي من سمعت جادح يتحمحم يباوع لفقار وفقار صافن ماراضي
باوع السيد الهم وابتسم
_عبد الرؤف:: اعرف مصدومين وجاي اشوف علامه الرفض بعيونكم بس لمصلحتكم البنيه خوش بنيه ومن حفيدات العاشور وتعرفون كلش زين هل عائله من اداب من ثقافه من دين وانتم ثنينكم كبار
باوع السيد لجادح موجه كلامه اله
_عبد الرؤف:: دخلت الثلاثين وعندك طفل يحتاج تربيه واهتمام وانت كذالك
_جادح:: احتاج تربيه؟
باوع السيد لجادح صفح وهز راسه ب الرفض
_جادح:: تحتاج شخص بحياتك يوكف وياك واي تحتاج اهتمام من ناحية كلشي وانت فقار
رفع فقار راسه يسمع للسيد
_عبد الرؤف:: ابني انت هم كبرت وانت اكبر اخوتك مايصير بهذا عمرك وضال رافض الزواج
_فقار:: سيد تعرف انا مامفكر ب الزواج
_عبد الرؤف:: فكر لعد
دار غضنفر على السيد مستغرب ومافاهم شي
_غضنفر:: ثنينهم سوا؟
هز السيد راسه ب لا وحجه
_عبد الرؤف:: لا واحد
_غل:: يعني قرعه وانتم وحضكم
_ايليا:: قاله باله برتقاله
دار عليهم السيد ب ابتسامه تحذيريه على غل وايليا دنكو راسهم ساكتين حسيت السيد ب ابتسامته يوجه الهم رساله راح احطكم ب القرعه
باوعت للشاهيناز ماجانت مهتمه بس واضح الموضوع ماعاجبها عكس ملاك الي ضلت مدنكه وصافنه درت اباوع للعلويه جهاد شفتها مدنكه
بالها بعيد واصلا مامهتمه تاكل
رجعت كملت اكل مستغربه الوضع السيد فاجاء الكل بقراره ورغم صدمه الجميع بس رد فعلهم جانت ايجابيه الكبار مارفضو ب العكس فرحو عكس فقار وجادح وملاك الي نقهرت
كمل الكل اكله وطلع من المصلا غير الساده الكبار البنات توزعن على الغرف والشباب تفرقو
دخلت للمطبخ اشرب ماي شفت العلويه جهاد كاعده وحدها ب المطبخ على الكرسي كدامها الطاوله لابسه نظارتها والكتب على الطاوله تقره بيهن
اول مادخلت باوعتلي ورجعت دنكت تكمل قرائه اخذت الكلاص اشرب ماي واباوعلها تعجبني شخصيتها تحسها ضاربه العالم كتم مركزه على نفسها وبس
تقدمت الها اباوع ب الكتب جريت الكرسي وكعدت حجيت بهمس ماريد اخرب اجواء الهدوء
_قس:: علويه
_جهاد:: همم
_قس:: هم تفسرين احلام؟
رفعت عيونها تباوعلي ابتسمت بوجهه وهيه ردتلي للابتسامه بنص خد
_جهاد:: شنو حلمتي
خليت كلاص الماي على الطاوله وكتفت ايدي متحمسه اسولف رجعت ضهرها للكرسي وباوعتلي ب اهتمام منتضره احجي
_قس:: حلم غريب علويه كلش غريب
_جهاد:: وهوا؟
جريت حسره وصفنت متذكره الحلم باوعت للعلويه وهزيت راسي
_قس:: حلمت اني صاعده ستوته وابطنش بيها بنص الشارع
هزت راسها منتضره اكمل رجعت كملت كلامي بحماس
_قس:: علويه الناس جانت تشرد اكو زومبي جايين يحتلون العالم واني بالي كله عند صحن الدولمه موجود ببيت جارتنا جني رحت لبيت جارتنا شفت الصحن محطوط على الطاوله اخذت الصحن وكعدت اكل
هزت راسها واشرتلي اسكت
_جهاد:: ولو اقاطعج الدولمه حاليه مالحه حامضه
صفنت اتذكر طعم الدولمه باوعتلها وهزيت راسي بنفي
_قس:: ماتذكر الصراحه بس جانت طيبه
_جهاد:: هااا كملي
صفنت اتذكر الحلم
باوعت للعلويه ورجعت اكمل متذكره
_قس:: علويه اني بس خلصت الدولمه طلعت اركض لان الزومبي وصلو صعدت الستوته ومشيت بسرعه بس اباوع هما وراي يركضون بنص الطريق طفت الستوته
_جهاد:: حرامات بلكت وصلوج الزومبي
_قس:: لا علويه افاااا ماتعرفيني زين بعدج
دكيت على صدري بنفخه مكمله كلامي
_قس:: بس طفت الستوته نزلت ادفع بيها واركض هوا تحسي حلم غريب بس حسيت بي اشاره ورساله الي
باوعتلي ساكته واني مبتسمه بوجهه رمشت بعيونها منتضرتها تحجي كتفت ايدها لصدرها
_جهاد:: تدرين شنو الرساله
_قس:: اي شنوووو
ابتسمت بوجهي وضلت تباوعلي بتمعن غابت ابتسامتي من فهمت رسالتها
توها توكف تنطيني الرساله
ودخلت ملاك للمطبخ باوعتلها عيونها حمر وايدها ترجف متوتره تباوع للعلويه جهاد
دارت العلويه جهاد على ملاك مستغربه
وكفت ملاك كدام العلويه تمسح بدموعها باوعتلي ورجعت تباوع للعلويه غمضت عيوني من خطواتها الجايه جنه كلبي حسني ب الي تريد تسوي
حجت ملاك متوتره صوتها يرجف
_ملاك:: عمههه
حجتها وشهكت تبجي بحزن باوعتلها العلويه بصدمه لبجيها ورجفتها
_جهاد؛: شبيج منو وياج؟؟
رجعت تمسح بدموعها باوعتلي ودارت للعلويه دنكت راسها بخوف شابكه ايديها ايد ب ايد متوتره
_ملاك:: عمه اني
_جهاد:: اي؟؟
بلعت ملاك ريكها ومسحت على وجهه
اخذت كلاص الماي اشرب صافنه عليها وعلى نضرات العلويه الي جانت منتضره ملاك تحجي
_ملاك:: عمه باعي هاي
سكتت تجر بالنفس دارت تباوعلي
حركت شفايفها بدون صوت
"اخاف" وتأشر ب عيونها على العلويه
بين تركيزنا وحركاتنا العشوائيه وتوتر ملاك وغمزاتي ولزماتي الها
كمزنا ثنينا على صيحه العلويه جهاد بينه بعد ماشافت مماطله ملاك ب الحجي
_جهاد:: لجججج احجي!!!!
باوعت ملاك للعلويه وبجت بصوت عالي صوتها محتقن
_ملاك:: عمه لاتخلين السيد يزوج فقار
بقيت متصنمه بمكاني الكلاص بيدي ماعرف ارفعه لو انزله باوعت لملاك مدنكه راسها والعلويه تباوعلها
رافعه حواجبها ماشفت نضرات الصدمه بعيونها
ولا الاستغراب نضراتها جانت مختلفه بس تباوع لملاك ومكتفه ايديها رجعت ملاك كملت كلامها بس عيونها ب الارض ماخلتهن بعيون العلويه
_ملاك:: عمه فقار لا خلي السيد ياخذ جادح
هزت العلويه راسها وكعدت على الكرسي خلت رجل على رجل تباوع لملاك
_جهاد:: مممممم
سكتت ملاك مدنكه راسها
باوعت للعلويه اخذت القلم من صفحه الكتاب وسدت الكتاب القلم بيدها تفر بي
_جهاد:: اي ليش ماتردين فقار يزوج؟
رفعت ملاك راسها تباوع للعلويه
_ملاك:: لان اني اريده
شكلت عيني مصدومه الكلاص بيدي
درت عيوني على العلويه جهاد شفتها رافعه حواجبها مصدومه تباوع لملاك الي جانت مصدومه بنفسها وشلون شمرت الاوارق بهل سرعه وكدام منو؟ كدام العلويه جهاد
غمضت العلويه جهاد عيونها ورجعت فتحتهن
باوعت لملاك ورفعت حواجبها مافاهمه
_جهاد:: تردي شنو؟
عضت ملاك على شفايفها ودنكت ساكته رجعت العلويه جهاد كررت سؤالها بهدوء
_جهاد:: جاوبي تردي شنو
بقت ملاك ساكته بدون جواب مدنكه راسها
الجو جان هادء ويوتر رجفه ايد ملاك وشهكتها المكتومه وهدوء العلويه جهاد الي جانت مركزه ويا ملاك و منتضره منها الجواب
هزت العلويه راسها واشرت لملاك على الباب
_جهاد:: براا
_ملاك:: عمه الله يخليج
شمرت العلويه القلم من ايدها على الطاوله وزمخت بملاك
_جهاد:: طلعي برااااااا
باوعتلي ملاك مقوسه حلكها ودموعها يصبن
طلعت من المطبخ تبجي
بلعت ريكي متوتره اخاف احط عيوني بعين العلويه خاف يلوحني طشار
خليت الكلاص من ايدي على الطاوله ورفعت عيوني اباوع للعلويه شفتها صافنه على الباب عاضه على شفايفها
_قس:: خطيه ماعرفت توصل الفكره عدل
دارت العلويه جهاد تباوعلي رافعه حواجبها
_جهاد:: ليش شلون جان لازم توصلها؟
_قس:: يعني علويه هيه لو ماتحبج وتثق بيج وتدري بيج راح تحتويها تجيج؟
ضحكت العلويه تك خد ب استهزاز وصاحت بيه مختفيه ضحكتها
_جهاد:: المفهوم من كلامها الادبسزز هاي تريد فقار يعني تحبه!!!!!!
_قس:: ب الحلال ب الحلال
فتحت عيونها بعصبيه وكامت من الكرسي
_جهاد:: حلاللللل شنووو ولج ابوها لو يدري يفين حضهااا
ابتسمت بوجه العلويه واني لاطشه ب الكرسي خاف تجيني ركعه
_قس:: على الاقل صارحتج
_جهاد:: تصارحني شنوو بسواد وجهها وتعاي اكلج فقار هم يحبها؟؟؟؟؟
صفنت بوجهه ماعرف هوا صدك فقار يحب ملاك لو لا؟ مادري رفعت راسي اباوعلها رفعت اكتافي ب ماعرف
_قس:: ماعرف والله بس الاعرفه مابينهم شي
جرت حسره ودارت عيونها توزعها على المطبخ
هزت راسها بعصبيه تباوعلي
_جهاد:: نسوان مستهترات
_قس:: علويه اني قس مو ملاك ملاك طلعت
كعدت على الكرسي تهز برجليها تفكر كمت من مكاني رجلي ترجف والله على صفنتها وعصبيتها هسه احس راح تحط الطاوله براسي
مشيت لباب المطبخ درت اباوعلها بعدها صافنه ورجليها تهتز
_قس:: علويه ترا هيه تريده ب الحلال احسن من مايروح للغريبه على الاقل ملاك منكم وبيكم
رفعت العلويه عيونها تباوعلي ابتسمت لنضراتها
عرفت راح احصل من هاي النضرات شي يخليني اسبوع كدام ب الفراش
_جهاد:: قس تردين تنكتلين؟
_قس:: يعني هذا طلب لو فعل مستقلبي
اباوع للعلويه شلون رفعت رجليها بحركه سلسله وبسطيه بهدوء ولطف بكل دقه واحترافيه
بحيث اقل الثواني النعال الي برجليها صار بيديها
باوعتلي وهيه خاله ايدها الي بيها النعال على الطاوله
_جهاد:: فعل راح يصير بهل ثواني
_قس:: ماشاء الله عندج هواي صفات حلوه غير الايد
_جهاد:؛ عندي صفات يدويه ورجليه
_قس:: الله يخليج
ابتسمت بوجهه ومشيت طالعه من المطبخ مصدومه من حركتها شلون كدرت تنزع النعال بهل سهوله
عبالي هل صفات بس عد نضال
مشيت اريد اصعد للغرفه
صفنت على الصاله فارغه محد بيها
حمدت الله جان هسه ملاك انفضحت لو واحد سامعها تصير كتلتها جماعيه
اجيت اصعد الدرج نزلت شاهيناز الدرج باوعتلها اسأل
_قس:: شاهيناز ملاك فوك؟
_شاهيناز:: لا مهي توني جنت فوك
هزيت راسي ب اي ومشيت ب اتجاه باب الصاله
طلعت من الصاله شفت ملاك كاعده ب الحديقه الخارجيه صافنه ب الارض مشيت ب اتجاها رفعت راسها تباوعلي
كعدت قريب عليها باوعتلي وجرت حسره
_ملاك:: تحسيني تسرعت؟
باوعتلها عيونها حمر والقهر بوجهه هزيت راسي وجريت حسره
_قس:: شوفي اني شكد صلفه بس عمري وحياتي ماوصلت لصلافتج
غابت ملامح الحزن والقهر من عيونها
للصدمه والحزن والقهر بس؟ بس مضاعف للحزن القبله
_ملاك:: ها
_قس:: خايبه ثوله ماتستحين نافخه رياشتج ورافعه صدرج بفخر حتى تكولين اريده؟ اريده يا ظالمه!!!!!!
ضربت على وجهه بحزن
_ملاك:: شفتي الحض؟؟؟؟؟ اكلها اريده
_قس:: لج ثوله اريده شنوو؟؟ توقعتج تحجين كلام مؤثر تخليني اصفق بفخر تالي ماتطلع منج بس اريده؟
مسحت على وجهه بتوتر باوعتلي عيونها مدمعات
_ملاك:: والله ماقصدي مادري شلون حجيتها عبالك لساني وحده نطق مو اني
سكتت بدون رد فعل يعني شنو احجي؟ ماكو كلام يوصف الموقف الي صار
دارت علي ولزمت ايدي ب تسأل
_ملاك:: اكلج عمتي شكالت؟ هم حجت عليه؟
هزيت ايدي وجريت حسره بقوه
_ملاك:: احجييي ولجج
_قس:: شكلج يعني تريد تصلخج وتملخج من العصبيه بحيث الصحونه كسرتهن ب المطبخ تكول شكد شايفه بنات مايستحن بس مثل هل ملاك ماشايفه
_ملاك:: لاااااا قس لاااصدك!!!
هزيت راسي ب اي ودنكت راسي بحزن
_قس:: وداعت نضال وهاي نضال عزيزه عندي وانتِ مامحلفتني
اباوعلها سكتت لثواني وبدت عيونها تصب من الدموع والشهكه بحيث خلتني صافنه لبجيها وهبطتها
اريد اسكتها ماكو بس الدموع اتطيح حتى صوتها صار عالي من البجي
_قس:: ولجججج ماكالت اشاقه والله ماحجت
_ملاك:: امدانييي شلون هيج اسوي امدانييييي
ضلت تغم بكصتها وتصيح امداني واني مادري اضحك اسكتها اكعد ابجي لبجيها
_قس:: خايبه منين تطفين انتِ اكلج ماحجت اصلا مانطت رد فعل
_ملاك:: ادري ادري اني هسه تضمها الي عمتي جهاد ماتنسى ابد والله اعرفها
نفتح باب البيت رفعت راسي اني وملاك
شفت السيد فقار يرفع بعبايته حتى يدخل للبيت رفع راسه صارت عيونه علينه باوع لملاك مستغرب دخل للبيت عاكد حواجبه من منضر ملاك وبجيها باوعلها مستغرب
_فقار:: شبيج علويه؟
مسحت ملاك دموعها ورفعت عيونها تباوعله مخنزره كامت من مكانها وصاحت بفقار
_ملاك:: انت كله من وراكككككك
دنكت راسي ماعرف شسوي مصدومه من صيحه ملاك وصدمه فقار الي فتحت عيونه بتعجب
باوعت لفقار اشر على نفسه مصدوم
_فقار:: انا انا شكوووو!!!!
هزت ملاك راسها ب اي وهيه تبجي
_ملاك:: ايي من وراك اذا عمتي كتلتني من وراك انت السببب
_فقار:: اناا شعلي شمسوي!!!!
دارت ملاك منطه ضهرها لفقار تمسح بدموعها جانت تمسح بدموعها وترجع تبجي وترجع تمسح مره ثانيه اباوع لفقار واكف بمكانه مصدوم مايعرف شنو يسوي بس مدنك ويهز براسه
مسح على وجهه ورفع راسه ب استغراب
_فقار:: مامسوي شي يخلي عمتي تكتلج؟
دارت علي ملاك مخنزره عيونها والدموع بعدهن يصبن باوعلها ورجع دنك
_فقار:: علويه احجيلي حتى افهم هسه انتِ عليمن تبجين
_ملاك:: مادخلك
رفع راسه يباوعلها عاكد حواجبه دارت وجهه منه تباوع للحديقه مكتفه ايديها
_فقار:: لا دخلني شلون مادخلني انتِ جاي تبجين وتكولين كله من وراك انا شمسوي وخليتج تبجين
_ملاك::اي سوي روحك ماتدري اصلا صدك انت معليك اني الصوج بيه اني ثوله
حجتها ودخلت للبيت تبجي
فتح فقار عيونه مصدوم وعاكد حواجبه اشر على روحه وصاح
_فقار:: شمسويييي انااااااا
حجاها ودخل للبيت ورا ملاك
بقيت كاعده بمكاني وصافنه على الي صار ورد فعل ملاك وتهجمها على فقار وصدمته
"شاهيناز"
نزلت من الغرفع متوجهه للمطبخ شفت عمتي
تطلع من المطبخ
_شاهيناز:: عمه
_جهاد:؛ نعم
_شاهيناز:: كولي تفاحه
باوعتلي رافعه حاجبها ضايجه
_جهاد:: تفاحه
_شاهيناز:: هذا كلبج عندي مفاتحه
بقت على نضراتها واني مبتسمه بمكاني
_جهاد:: كولي كلاص
_شاهيناز:: كلاص
_جهاد:: وخري من يمي وسكتي لا اصلخج خلاص
حجتها ومشت من يمي
ضحكت متونسه يلا المهم اخذتني على كد عقلي
اجيت امشي وراها واصيح
_شاهيناز:: عمه كولي الفف
_جهاد:: شاهيناز كفييي منييي
_شاهيناز:: بداعتي كولي الف
باوعتلي كوا مسيطرة على روحها
_جهاد؛: الف
_شاهيناز:: هاج بوسه يا احلى ولف
حجيتها وجريت وجهه ابوسه وهيه على عكده حواجبها
_شاهيناز:: يلا عمه هسه روحي
دنكت راسها ومشت صاعده الدرج اجيت اصعد وراها
بس وكفت من سمعت صوت رشا التفت اباوع لرشا
شفتها شايله ابنها محمد باوعتلها مبتسمه
_شاهيناز:: ها رشرش
_رشا:: شهوده فدوه اروحلج ماتسوين جاي للساده هذا محمد مايسكت متنحس مادري شبي
_شاهيناز:؛ دلليي ام محمد اني اسوي الجاي
اتشكرت مني ومشت تسكت ب ابنها تمشيت للمطبخ
شفته فارغ محد موجود اخذت القوري ترسته ماي وخليته على الطباخ وطلعت من المطبخ
صار جادح بوجهي باوعلي وكمل دربه للمطبخ
صعدت للغرفه وتمددت منتظره الماي يفور
كل شوي اباوع للساعه خاف انسى
كمت من مكاني ونزلت للمطبخ خليت بثل الجاي فوك الماي وطلعت صينيه وكلاصات اوزع الشكر بيهن
منتظره الجاي يفور حتى اصبه
طفيت الطباخ من شفت الجاي فار صبيت الجاي ب الكلاصات
اخذت صينيه الجاي وتمشيت اطلع من المطبخ
دخلت للمصلا شفت الساده كلهم ملتمين وكف غل ياخذ الصينيه ابتسم ب امتنان
_غل:: مشكورين
_شاهيناز:: ب العافيه
كعد يوزع الاستكاين على الساده انتبهت الكل موجود عدا جادح
طلعت من المصلا عدلت ربطتي ومشيت ب اتجاه المطبخ
دخلت للمطبخ ومشيت متوجهه للباب الحديقه
شفت جادح كاعد على المرجوحه بيده الجكاره من شافني
شمر الجكاره من ايده وباوعلي
_جادح:: خاف تردين تركضين لعمتج تنطيها علم
باوعتله بصدمه كاذبه اشرت على نفسي بظلم
_شاهيناز:: اني؟؟؟؟؟
هز راسه وضحك
_جادح:: سمعتج تكولين لعمتج كارتون جكايره اسود
صفنت متذكره اي والله صدك بس غير لمصلحته؟
باوعتله ورفعت اكتافي
_شاهيناز:: ماعرف يمكن صح بس اكيد لمصلحتك سيد لان الاضرار راجعه الك
هز راسه ب اي ودنك ساكت تذكرت استكان الجاي مالته ضل ب الصينيه
_شاهيناز:: اجيبلك جاي سيد
باوعلي وهز راسه برفض
_جادح:: لا مشكور
هزيت راسي براحتك ودرت ادخل
استوقفني كلامه من كال
_جادح:: شنو رد فعلج اذا فقار تزوج؟
درت علي مستغربه سؤاله باوعتله ب استغراب
_شاهيناز:: عادي مبروك اله
_جادح:: يعني ماتهتمين؟
_شاهيناز:: اي عادي خلي يفرح ب العكس افرح
هز راسه بدون مايخلي عينه بعيني
_جادح:: زين واذا انا؟
رفعت حواجبي ب استغرب مافاهمه
رفعت اكتافي بعد اهتمام
_شاهيناز:: اي عادي هم افرح
رفع راسه صارت عينه بعيني لثواني ورجع كسر نضراته
_جادح:: زين تتوقعين السيد يختارني لو يختار فقار؟
صفنت افكر باوعتله بماعرف
_شاهيناز:: لو ثنينكم بنفس اليوم احسن
باوعلي ماعاجبه
_شاهيناز:: اي شكو بدال الفرحه فرحتين
_جادح:: واذا انتِ الفرحه؟
سكتت مافاهمه كلامه رمشت بعيوني صافنه على الورده باوعتله مدنك حتى ماباوعلي
_شاهيناز:: يعني اني اتزوج حفيده العاشور؟
باوعلي عاكد حواجبه
_جادح:: استغفرالله اعوذ بالله من كلامج
_شاهيناز:: سيدد انت تكول انتِ الفرحه يعني قصدك..
_جادح:: قصدي اخطبج!!!
دنك يمسح على راسه ويستغفر واني واكفه بمكاني مصدومه بس ارمش بعيوني ماعرف شحجي
حسيت الجو يوتر دار وجهه يباوع للجهه الثانيه ويهز رجلي
رجعت بخطواتي للخلف ودرت طالعه من المكان كلبي وحواسي كلها ترجف
فتحت باب المطبخ وطلعت عيوني مدمعه ماعرف ليش شنو صار باوعت لايدي ترجف ماكدر اسيطر على رجفتي
ركضت متوجهه للطابق الثاني التفتت على باب الحمام
نفتح وطلعت ملاك تمسح بدموعها باوعتلها وباوعتلي بصدمه رمشت بوجهه وهيه ترمش بوجهي مستغربه اجت ب اتجاهي تصعد الدرج وياي
التفتت اباوع الها حجيت وصوتي يرجف
_شاهيناز:: هاا هاا شبيج
مسحت دموعها وباوعتلي تبجي
_ملاك:: مابيه شي
_شاهيناز:: شبيج تبجين؟
_ملاك:: نمله دخلت بعيني وانتِ شبيج
_شاهيناز:: ذبانه دخلت بعيني
حجيتها وصعدت الدرج اركض من سمعت صوت باب المطبخ ينفتح و جادح يتحمحم فتحت باب الغرفه وطبيت اتنفس بصعوبه
وكفت كدام المرايه شفايفي ترجف هاي شبيج شاهيناز اهدي ليش هل رجف كله
نزعت الربطه وشمرتها مني ليش هيج جاي يصير يجوز لان انصدمت بكلام جادح يخطبني شنو اني اعتبره اخ
وين لحكتي تتعبري اخ شاهيناز شبيج
عضيت على شفايفي بتوتر درت اباوع لملاك الي شمرت روحها على الفراش تبجي باوعتلها ب استغراب هاي النمله هيج تبجي معقوله؟
نفتح باب الغرفه دخلت قس تهفي على وجهها بتوتر
باوعتله ودنكت تفرك ب ايدها تباوع لملاك كعدت صافنه
على الارض بلعت ريكي معقوله الي صار جوا؟
ممكن البعض يستغرب التوتر الي جاي امر بي بهل لحظات بس عمري مامريت بهل موقف
مسحت على وجهي وكعدت اهدي بنفسي شبيج شاهيناز يمكن حجاها ب الشقه؟ زين يمكن جاي ينطي رأيه يعني مو كلشي تسمعي مثل ماتفهمي انتِ
زين شكد ثوله اني شلون امشي هيج هسه شيكول مامصدكه؟ لا شنو شحده يكول اني اصلا استحيت ومشيت وانصدمت يعني غير انصدمت؟
زين لنتفرض هوا جاد بكلامه شنو رد فعل الباقين لو عرفو؟ مسحت على وجهي بتوتر
هوا اصلا اكبر مني ب 7 سنوات ومطلق وعنده طفل؟
زين العمر عادي يمشي
عنده طفل هم عادي نمشي الوضع
زين شنو سبب الطلاق؟ اني هم ماعرف ليش هوا مطلق
صفنت مصدومه رفعت ايدي وجبت روحي براشدي ولج شاهيناز تفكرين وتقيمين الوضع؟ مصدكه انتِ لو استهتار هذا؟
عيب عليج شاهيناز شبيج
رفعت راسي اباوع للبنات يباوعلي ب استغراب باوعتلي قس واشرتلي على عقلي
_قس:: ها شفطتي
_شاهيناز:: هااا
_ملاك:؛ شبيج شاهيناز تسطرين بروحج؟
صفنت عليهن صدك شجاني اني ماعرف شصار بيه
نفتح باب الغرفه التفتنا اني والبنات على الباب دخلت عطاء للغرفه
باوعتلنه وصفنت على وجوهتنا ب استغراب هزت ايدها وضحكت
_عطاء:: ها ترملتن
استغربت اني والبنات وحده تباوع بوجه الثانيه مستغربات كلامها دارت قس على عطاء مافاهمه كلامها
_قس:: شنو؟
_عطاء:: وجوهتجن تتلاطم عبالك ارامل
حجتها ودخلت باوعتلها قس صفح
_قس:: فكاهيه عطاء
_عطاء:: فكاهيه وكتاليه
_قس:: هاي كلكم نفس الشمره
سكتت قس تباوعلنه سكتت وياها شنو احجي خاف اعبر وتسحلني هنا اني والبنات خل نستر على رواحتنا افضل؟
مر الوقت واني والبنات نزلنه بس بالي كله ب جادح وكلامه لحد هاي الحظه اني مامستوعبه كلامه وكل ماتذكر اصفن واتوتر
جنا كاعدين ب الصاله النساء كلهن والساده محد موجود ماخذات راحتنا على الاخر نازعات الربطه ونفتر ب ارياحيه
نزلت عمتي من الدرج مبتسمه تباوعلنه ابتسمت لشكلها
جان شعرها لكتفها
رافعته وشكلها طالع ولادي بس يجنن كدلتها ورا اذنها والباقي صاير على وجهها
ملامح عمتي رغم حدتها بس مريحه وتجبر المقابل يصفن بيها
كعدت عمتي على القنفه واحنا متوزعات ب الصاله
خلت عمتي رجل على رجل وباوعت لسهام الي جانت كاعده ب الارض توكل ب ابنها عيسى
_جهاد:: شلونج سهام
رفعت سهام راسها تباوع لعمتي ب استغراب هزت راسها وابتسمت
_سهام:: الحمدلله بخير
ابتسمت عمتي بوجه سهام وهزت راسها دارت على منة الله وابتسمت
_جهاد:: اي منه شلونج
باوعت منة الله على عمتي وباوعتلنه بتوتر
ابتسمت ودنكت تجاوب بدون ماتحط عينها بعن عمتي
_منة الله:: الحمدلله عمه
هزت عمتي راسها تباوع لمنة الله وسهام وتهز برجليها
سهام جانت تتصرف طبيعي عكس منة الله الي جانت متوتره وكل شوي تباوع لعمتي وادنك
_جهاد:: دربالجن تلعبن بذيولتجن ترا ماتلومن الى نفسجن
باوعت منه ل سهام وحده صافنه بوجه الثانيه
مسحت عمتي على شعرها وفتحت التلفون بيدها
واحنا ملتهيات ب التحضير لزواج قدس وغضنفر
_عاتكه:: زين قدوس ليش ترجعين لبيتكم خو هنا نسوي العرس؟
باوعت قدس لعاتكه وضحكت
_قدس:: شلون ولج وين يرضون اهلي هم وغير تاخذوني من بيتتتت اهلي
_مهجان:: زين يمتى نحضر ونشتري اذا غضنفر يكول السبوع الجاي لعد ماضل شي؟
_شاهيناز: السيد كال باجر ياخذنا واحد من الساده
_حميده:: اي جادح كال
سكتت حسيت بمغص ببطني مادري شصار بيه
من سمعت اسمه فركت ايدي ومسحت وجهي
درت اباوع لعمتي جانت تباوع لتلفون ومبتسمه بفرح
باوعت لسهام تباوع لمنة الله بخزر عاضه على شفايفها
ومنة الله تفرك ب ايدها متوتره
استغربت وضعهن حسيت وراهن شي والي زاد شكي خوفهن وتوترهن من عمتي ونضرات عمتي الهن
حسيتها توصل الهن فكره لان منة الله توترت برهبه وخوف
التفتت على ملاك من سألت منة الله
_ملاك:: شعجب انتِ هيج ضعيفه
_قس:: عطاء ماخذه عافيتها
تحركت عطاء من مكانها وعمتي زمخت بيهن
كعدت عطاء تخزر بقس وقس ساكته ماتريد تضحك
مر الوقت وقدس وقس بدن يحضرن حتى يرجعن لديوانيه حتى يحضرن للعرس
واني والبنات متونسات على الوضع راح يصير عدنا عرس وقدس تجي تعيش قريب النا
بس كل ماتذكر حفيدة العاشور اصفن الحد هسه محد يعرف منو الي اختاره السيد
بهذا اليوم ماشفت جادح ولا التقيت بي
لان هوا اختفى بهل يوم
جنا كاعدين كلنا وملتمات ب الصاله نتعشى باوعت اسراء العمتي ب استغراب
_اسراء:: اكلج وين جادح اختفى لاهوا ولا ابنه؟
_جهاد:: رجع لبغداد اخته كفايه متخربطه بليل
بيومها عرفت سبب اختفاء جادح هوا وابنه عماد الدين
حاولت اتناسى الوضع وفعلاً كدرت انسى كلام جادح
واشوفه كلام عابر وماخلي التفكير ياخذني
لان الوضع صار ممل وبكل مره افكر بكلامه اتوتر ويجيني مغص مادري ليش بطني تضل ترجف
ثاني يوم ودعنه قدس وقس بعد ماخذهن غضنفر ورجع بيهن لديوانيه القاء الجاي راح يصير ب العرس
جنت كاعده اني والبنات ب المصلا نفتح باب المصلا ودخلت العلويه زهراء
_العلويه زهراء:: ولجن يمه كومن رتبن الصاله ويا البنيات راح تجي البنيه
استغربنا يابنيه؟ باوعت ملاك للعلويه باستغراب
_ملاك:: يابنيه علويه؟
_علويه زهراء:: بنيت العاشور
سكتنا كلنا واني بديت ابلع بريكي متوتره
مسحت على ايدي وكمت ويا البنات دخلنه للصاله شفنا البنات يرتبن ب الصاله
بيت السيد معز بي جنتين بس رشا وساره
رشا عدها طفلين وساره كذالك والباقين كل واحد طالع بيت وحد وعاز رغم هذا بزيارتنا الهم يجون لبيت السيد ويانا
لاكن مايطولون ب البيت والسبب عدهم اطفال والعلويه شيماء ماتتحمل صريخ الاطفال وهوستهم
بسبب الشقيقه ف زيارتهم ماتطول لهذا احنا ب البيت ماخذات راحتنا واحنا القايمات ب الواجب
لان بيت السيد اعتبار بيتنا
مر الوقت والبنات كملو تنظيف الصاله وكلها التهت
عكسي الي جنت كاعده ب الصاله ايدي على راسي وصافنه ماعرف شنو الوضع
هسه انتِ عليمن محتاره؟ حيرتج بدون سبب
رفعت راسي على الكامره جانت تصور الخارج شفت سيارة بيضه وكفت كدام البيت ونزلن ثنين نسوان كبار وبنيه شابه
طلعن علوياتنا يهلن ب النسوان ويستقبلنهن
واني وملاك وعاتكه ب الصاله نباوع للكم
دخلن النسوان والعلويات للصاله واحنا مصفنات بوجهن
كعدت البنيه على القنفه واحنا كدامها
جنت صافنه عليها وعلى ضحكتها الطيفه جانت مبتسمه بهدوء توزع عيونها العسليه علينه
بشرتها بيضه ملامحها تجذب النضر
باوعتلنه ودنكت مبتسمه
العلويات جانن ملتهيات يسولفن ويا النسوان واني صافنه عليها كلش نجذبت لشكلها جميله بشكل ملامحها كلها متناسقه
دنكت صافنه على ايدي من تذكرت جادح اذا شافها شنو رد فعله هم راح تعجبه؟ اي اكيد اني بنيه وحبيتها شحال جادح لو خطبها
باوعتلها مره ثانيه جانت تسمع وصافنه تباوع لعمتي
مسحت على وجهي بضجر شبيح شاهيناز شجاج تخزرين ب البنيه
حجت اسراء تباوع للبنيه
_اسراء:؛ ماتحجين ولج عرفينه عليج
ابتسمت بهدوء وحجت
_نبراس:: اسمي نبراس وعمري 20 جامعه قسم اداره واقتصاد
_لباب:؛ يمه فدوه للبنيات شهل وجه الحلو
ابتسمت نبراس على كلام العلويه وغزلها
مسحت على شفايفي اباوعلها حليوه حيل حلوه
مر الوقت وانسحبن النسوان واهل نبراس والعلويات متونسات على نبراس ويمدحن بيها
تمام هيه حلوه اني اتفق وياهم البنيه مؤدبه وهادئه ومرحه كلامها هادء بس ابتسامتها حلوه
نزلت من الغرفه متوجهه للمطبخ وكفت قريب الباب من سمعت صوت جادح وعمتي اجيت انسحب بس ماكدرت فضولي اقوه من انو يسمحلي انسحب وخاصتن بعد ما سمعت كلام جادح
_جادح:: شوفيلي حل جهاد ماريد اتزوج
_جهاد:: انت عندك لسان روح كلهم ماريد
باوعت من الباب شفت جادح وعمتي كاعدين على الكراسي كدام الطاوله
_جادح:: تدرين السيد يزعل
_جهاد:: عادي يزعل فتره ولا انت التبتلي وتعال اكلك ليش ماتريد تزوج؟ البنيه حليوه ومرتبه
مسح جادح على راسه وهز برفض
_جادح:: ما مفكر هسه
_جهاد:: مامفكر ليش؟ جادح ترا كبرت انت وابنك يحتاج اهتمام
_جادح:: الله كريم
_جهاد:: يمتى؟
باوع جادح لعمتي واتحسر
_جادح:؛ انا ابالي وحده
عكدت عمتي حواجبها مستغربه تباوع لجادح
_جهاد:: مني هاي يهي مباوعه لوجهك؟
_جادح:؛ جهاد؟؟؟؟؟
_جهاد:: شبيك اقصد مني هاي جادح بس لاعندك علاقه محرمه!! كلي خل اكل الابوي والساده يربوك
باوع جادح لعمتي ضايج ومخنزر
_جادح:: شكد حقيره وبعدين لا مو علاقه محرمه بنيه شايفها ورايدها ب الحلال
_جهاد:؛ شاهيناز مو؟
فتحت عيوني مصدومه وجادح يباوع لعمتي مستغرب
_جادح:: شدراج؟
_جهاد:: الميت ميتي واعرفه زين
مسح جادح على وجهه يتحسر
_جادح:: بس يخلص محرم اخطبها
_جهاد:؛ ماينطوك ياها
_جادح:: ليشششش
حجه جادح متنفرز وعمتي مامهتمه
_جهاد؛: ماينطوها اني اكلك
_جادح:: يردوها لفقار مو؟
انصدمت من كلام جادح شنو فقار؟ للا ماكو هيج شي اصلا فقار مثل اخوي
باوعت عمتي لجادح مستغربه
_جهاد:: منو كلك؟
_جادح؛؛ اعرف السيد كلي
حجاها وابتسم بحزن
_جهاد:: اي بس فقار يعتبر شاهيناز اخته
_جادح:: رايدها جهاد بداعة عون عندج شوفيلي حل
ضاجت عمتي من جادح حلفها بعون مسحت على وجهه وجرت حسره بعصبيه
_جهاد:؛ لاتحلفني بعون وبعدين ابوي انطه كلمه يعني مايكدر ينسحب اذا لا انت ولا فقار يريد ؟؟؟؟
_جادح:: احجي ويا هادي؟
_جهاد:: مايقبل لاتفشل نفسك ويا هادي يريد فقار لشاهيناز!!
"قدس"
طلعت من بيت السيد معز متوجها للسيارة غضنفر
بيدي الجنطه وشايله العبايه الي جانت تسح وراي ب ايدي الثانيه جان غضنفر وغل واكفين قريب السياره يحجون
من شافني غضنفر اخذ الجنطه مني يصعدها للسياره
سمعت صوت العلويه جهاد
التفت على مصدر الصوت
جانت العلويه جهاد والبنات واكفات ب الباب
_جهاد؛: انتبهي لنفسج وتعاي هاج اخذي هاي
حجتها ومدتلي علاكه سوده باوعت للعلاكه باستغراب
_قدس:: شنو هاي علويه
_جهاد:: ليمون وملح خاف ادوخين ب الطريق لو يصير عندج لعبان نفس
طلعت قس من البيت شايله كل جنطه ب ايد اجت تقدمت تنزل نزله البيت والجنط ب ايديها والعبايه تسح وراها
نزلت النزله ركض وهيه تنزل مانحس غير الجنط مشموره من ايديها ماسيطرت على روحها راحت ب اتجاه غل بسرعه
مانشوف غير اجت بصدره وهوا رافع ايده مصدوم
بحيث قس صار وجهه بصدر غل
بعدو من بعض ثنينهم مستحين وقس تمسح على وجهه وتتعذر وغل مدنك يهز براسه
باوعت العلويه جهاد لقس تهز ب ايديها
_جهاد:: شايله جنطتين وجايه هوا انتِ زين منج شايله روحج يابنيتي
رفعت قس راسها تباوع للعلويه
_قس:: لاهوا الغلط ب الكاع مو بيده
_شاهيناز:: اي صدك الكاع ماتحملت هل شخصيه العظيمه تمشي عليها
ضحكنا وقس مستحيه من غل
ودعنا العلويات وصعدنا ب السياره مودعين الكل اخذت العلويه طاسه بيها ماي بس اتحركنا شمرتها ورانا
الطريق كله هدوء وسكوت
باوعلي غضنفر مبتسم
_غضنفر:: السيد راد يودعج بس مالحك طلبو الساده
_قدس:: اني هم ردت اودعه بس هوا هم ودعني قبل لايطلع
هز غضنفر راسه مبتسم
_غضنفر:: ماضل شي وتجين يمي
اابتسمت ودنكت خجلانه باوعتله وهمست
_قدس:: غضنفر اسكت استحي
_غضنفر:؛ يابعد روحه لغ..
سكتت يباوع للمرايه لجهه قس التفتت لقس شفتها مغطيه راسها ب الشال ونايمه
باوعلي غضنفر يضحك
_غضنفر:: اخذني الواهس نسيت اختج
_قدس:: خطيه مانامت زين البارحه
هز راسه ساكت اخذ ايدي وباسها
_غضنفر:: شكد احبج
_قدس:: اكلك ترا ضوجتني كتلك استحي كافي
باوعلي مصدوم يرمش بعيونه سحبت ايدي منه مستحيه دنكت افرك ب ايدي
رفعت راسي حجيت اريد ابجي من الخجل
_قدس:: اسفه غضنفر
مارد علي رفعت راسي اباوعله جان يسوق بس ملامحه عاديه مابيه انزعاج
_قدس :: غضنفر
كمل طريقه ساكت واني اعض بشفايفي نغزت بصبعي بجتفه
_قدس :: مو احجي وياك
مارد علي وكمل طريقه يسوق رجعت كررت نفس الحركه ونغزته بصبعي بعضله ايده ابتسمت متونسه
_قدس :: اللههه شكد حلوه عضلاتك تونس
كررت حركتي اكثر من مره وهوا ساكت
بعدت ايدي منه ضايجه باوعتله بقهر عيوني مدمعه
_قدس :: تمام هيج صارت غضنفر هاي هيه
حجيتها والتفتت اباوع على الجامه شفته يلوف راسه ب اتجاهي
_غضنفر :: شنو هاي هيه؟
بقيت ساكته ومارديت رجعع كرر كلامه مره ثانيه
_غضنفر :: مو احجي وياج شنو هاي هيه
بقيت ملتزمه ويا الصمت ماخليت عيني بعينه خلي مو هوا زعل ومايرد عليه؟ خلي يجرب الشعور
_غضنفر :: ضلي ساكته خوش يصير خير
التفتت على غضنفر بعصبيه
_قدس :: شقصدك يصير خير؟ هااا شقصدك؟؟؟
سكت ومارد عليه
_قدس :: يصير خير يعني انت جاي تهددني؟؟
باوعلي بطرف عينه رافع حواجبه
_غضنفر :: اي جاي ابتزج بصورج
باوعتله بعصبيه حواجبي معكوده باوعلي وابتسم
_غضنفر :: شكد حلوه انتِ
كلبت عيوني بغرور وحجيت بحده
_قدس :: ادري بدون ماتحجي
باوعلي وضحك
_غضنفر:: احلى قطعه اشوفها بعيوني انتِ
_قدس:: شقصدك يعني شايف غير قطع وتقيمني ك احلاهن ؟
عكد حواجبه منزعج
_غضنفر:: نجبي بابا يا قطع خلصت عمري اغض البصر بس انتِ العيوني ماعرفن ينغضن يمج
سكتت مبتسمه نغزني بخصري يضحك
_غضنفر:: خجولييييي
_قدس:: غضنفرررررر
_غضنفر:: روحههه
جان يحجي ويسوق بفرح واني اضحك متونسه التفتت اباوع لقس شفتها على نومتها التفتت على غضنفر
_قدس:: غضنفر اريد اتعلم اسوق السياره
_غضنفر:: اي ليش لا
باوعتله مبتسمه بفرح
_قدس:: يعني عادي ماعندك مشكله؟
_غضنفر:: مشكلتيش؟
_قدس:: يعني اني اسوق لان بنيه ؟
التفت يباوعلي مستغرب
_غضنفر:: وين المشكله جهاد تسوق
باوعتله مصدومه
_قدس:: العلويه جهاد تسوق سياره؟
_غضنفر:: اي اتذكر اول مره ساقت دعمت جادح والسيد
حجاها يضحك بفرح
_غضنفر:: مره مشت ورا جادح ب السيارة وجادح يركض منها ويصرخ اويلي والله رادت تموته وكتها
ضحكت متخيله الموقف
_غضنفر:: وكتها جادح زعل منها يومين ب اليوم الثالث شافته جاي يمشي ب الشارع هم طارت ورا ب السيارة
ضحكت على ضحك غضنفر وهوا يكمل
_غضنفر:: اول مره كالت خلوني اسوق وحدي وصدك كلنا نزلنه من السيارة وهيه ضلت وحدها تسوق
خلتنا شايلين عمايمنه ونركض وكتها ردات تدعم جاهل صغير واحنا نركض وراها والسيد تخربط
ضحكت متونسه على مواقف العلويه وغضنفر يسولف ومتونس
كملنا الطريق لديوانيه وقس على نومتها ولاتحركت غمضت عيوني خاله راسي على الجامه
خليت ايدي جوا راسي صوت السيارة براسي وهزتها ماخلتني اخذ راحتي
باوعلي غضنفر واشرلي على ايده
_غضنفر:: نامي على جتفي
_قدس:: لا خاف ماتاخذ راحتك ب السياقه
_غضنفر:: خلي راسج وشوفي السياقه الصحيحه
ضحكت وقدمت نفسي لجتفه خليت راسي على جتفه وضحكت
_قدس:: جتفك عريض
_غضنفر:: حلالج
ضحكت متونسه على نومت جتفه غمضت عيوني اريد انام بس ماكدرت انام رفعت راسي من كتف غضنفر والتفت لقس شفتها بعدها على نومتها رجعت راسي على كتف غضنفر وكملنا الطريق سوالف وغزل واني مره اضحك ومره ازعل ومره اخجل
وغضنفر متونس الطريق كله يضحك ويسولف
بعد مرور الوقت وصلنه لمنطقتنا نازلين للبستان التفتت على قس اكعدها جانت مغطيه وجهه ب الشال
شلت الشال من وجهه نصدمت من شفتها فاتحه عيونها مخنزره
_قدس:: يمهه
باوعلي غضنفر مستغرب ورجع يباوع للمرايه لجهه قس
الي عدلت كعدتها حواجبها معكوده وواضح الانزاعج عليها
_غضنفر:: صح النوم خويه.
_قس:: الله يصحيك
_غضنفر:؛ شنو؟
ضحكت لرد قس واستغراب غضنفر
وكف غضنفر السياره كدام بيت اهلي يدك الهورن
فتحت باب السيارة ونزلت نزلت قس وراي وغضنفر ينزل ب الجنط باوعتلي قس مخنزره
_قس:: تف عليج
_قدس:: ياا شبيج
_قس:: الطريق كله اخذتو تتغزلون واسوالفكم التافهه واني ميبسه بمكاني ماكدر اتحرك خاف اخرب عليكم الجو
ضحكت متوقعه
جنت متوقعه قس كاعده ورد فعلها عرفت جانت مستحيه من غضنفر وماكدرت تحجي ف سوت روحها نايمه
طلعو اخواني وعمي محمد اتسالمنه وياهم ودخلنه للبيت وهما مشو لغضنفر يستقبلو دخلت للبيت فرحانه اريد اشوف خواتي مشتاقتلهن
دفعت باب الصاله بيدي ودخلت شفت خواتي كلهن متجمعات ب الصاله ونضال يمهن من دخلنه كمزن فرحانات بدخلتنه
حضنت خواتي وحده وحده متلهفه الهن وقس وراي تصيح
_قس:: ها نضيله اشتاقيتلج
_نضال:: هلا زياره مقبوله
حضنتنا نضال تسلم علينه وقس تصيح
_قس:: ريحه دجاج هاي شنو بغيابي تسوون دجاج
حجتها وتمشت للمطبخ واني كعدت ويا البنات اسولفهن الي صار ويانا وهنا متحمسات ويسمعن بفرح
ونضال ركضت ورا قس تشوفها خاف تضم الدجاج عليهم
صعدت اني والبنات نصعد الجنط اسولف ويا خوتني واحضن بيهن
نفتح باب الغرفه مدت مريم راسها وحجت وياي
_مريم:: السيد راح يروح تعاي ودعي
كمت من مكاني وطلعت من الغرفه اركض
شفت غضنفر واكف قريب الباب يحجي ويا عمي تقدمت ب اتجاها وهوا مبتسم يباوعلي
باوعلي عمي واشرلي على غضنفر
_محمد:: تعاي بنيتي السيد يريد يروح ودعي قبل لايروح
حجاها عمي وابتعد باوعت لغضنفر بزعل
_قدس:: راح تروح ليش ماتضل؟
_غضنفر:: لابنيتي وين اضل وراي شغل لراسي واريد اشد الغرفه
حجاها وغمزلي يضحك واني مبتسمه على ضحكته
_قدس:: راح اشتاقلك
_غضنفر:: انا هم
حضني واني خاله راسي على صدره مسح على ضهري وحجه
_غضنفر:: ماضل شي وتنورين البيت
_قدس:: ممم
_غضنفر:: تصيرين زوجت السيد والمحامي غضنفر معز
_قدس:: مممم
_غضنفر:: ونجيب زعاطيط
وخرت راسي مبتعده عنه باوعتله بخزره
_قدس:: شسالفه غضنفر
_غضنفر:: يلا يلا اخر مره
سحبني حضني وباسني من راسي مبتعد
_غضنفر:: انتبهي لنفسج
_قدس:: وانت هم
مسح على راسي يعدل الشال ابتسم بوجهي
_غضنفر:: احبج
التفتت منسحبه منه باوعتله واشرتله
_قدس:: الله وياك
ضحك متونس على خجلي واني ضايجه ليش مايفهم اني اخجل بسرعه وماعرف ارد من يخجلني بكلامه؟
طلعو اخواني وعمي يودعون غضنفر
دخلت للبيت تعبانه صعدت كبل للغرفه اريد انام الطريق تعبني
دخلت للغرفه شفت قس نايمه جفت على وجهه بعدتها نايمه بصفها
بسرعه رحت ب النوم من التعب
ماكعدت غير من سمعت صوت صريخ الجهال
اتحركت من مكاني ماكدر انام من صوت الصريخ براسي
كمت من مكاني وطلعت من الغرفه
نزلت الدرج منزعجه من الصوت شفت ابن باسم الصغير يصرخ وامه تسكت بي مامهتمه لصريخه
_بسمه:: كافي مامااا
_مجد:: مااااااااااااااااا
كام يصرخ ويضرب ب امه باوعتلها عيوني كوا مفتحهن
_قدس:: بسمه سكتي ترا ماصايره هاي
_بسمه:: يعني شسويله ماتشوفي جاهل صغير يريد يطلع ب الشارع وليل خو ماطلعه؟؟؟
طلعت قس من المطبخ بيدها خاشوكه
_قس:: سكتي يعني شنو شسويله لككك مجد اسكت لا احمي على ****
باوع مجد لقس مامهتم
رجع يباوع لامه ويصرخ يضرب بيها صاحت بي قس م
_ قس:: عيببب ولك امك لا تطكها
_مجد:: معليج انتِ تف عليج ب/رببوك
لحظات هادئه صامته لطيفه سريعه
تنقلب على صريخ من قس جرت النعال وركضت على مجد تكتل بي نريد نخلص الولد منها ماكو لازمته ودك
وحدها من لقطاتها الي ماكدر اتخطاها من جرته من سرواله وعضته ب زره خلت الولد يشيل روحه ويركعها من الصريخ
نريد نشلعها منه ماكدرنا نضال ادك على راس قس تريدها تشلع الطفل وقس تلزك بي راجديات
سحبنا قس من مجد مفرفحه روحه يشهك من البجي وبسمه تلطم على وجهه وتبجي
_بسمه': الله لايوفقج قس ولججج الولد راح يموت
_قس:: ربتيلج ياه سنتين كدام ولك اني بربوك الكلب
اجت ترجع علي مره ثانيه وجرتها نضال من شعرها
شالت بسمه الطفل ودخلت بي تركض للغرفه تبجي تهدد ب باسم وقس تصيح من المطبخ
_قس:: رجفتي عضله رجلي امشيييي لجججج
_نضال:: طركاعه لفتج كون ما افتكينه رحتي لكربلاء جم يوم
_قس:: يكلي برب/وك اني بربوك؟؟؟
_نضال:: اي و "" "" هم
خليت ايدي على راسي تعبانه من ااصريخ
كعدت بمكاني احجي عليهم ماكدرت انام زين والصرخي براسي
مر الوقت وكلهم رجعو التمو عادي ويسولفون ويضحكون ولاجنه قبل شوي تعاركو
باوعتلي قس وصاحت
_قس:: تحتاجين نفخ لبراطمج
_قدس:: انجبي شنو نفخ
_نضال:: انجبي انتِ تردين ترحين بهذا وجهج
انصدمت اباوعلهن شلون يتنمرن على وجهي
_مريم:: نروح لام سامر خوش تميش الشعر خل تصبغه اصفر
_قس:: عيععع اصفر شنو بيها ابو صفار
_ابتهال:: يمه اني هم اريد اصبغ شعري واحف
باوعت نضال ل ابتهال ماعاجبها
_نضال:: ليش معرسه انتِ
_قس:: بتج تريد رجل
باوعت نضال لقس رافعه حواجبها
_نضال:: وانتِ ماتردين
_قس:: لايمه اسم الله عليمن اريد خل اكون نفسي والله كريم
باوعتلها مستغربه
_قدس:: تكونين نفسج شنو ليش مو لازم الرجال يكون نفسه
_قس:: لاعيني الزلم يخوفون انوب تاليتي مكتوله ومطروده المن اجي لنضال هنا تعير بيه عليمن خو خل اكون نفسي وبعدين ان شاءالله عود نشوفلنه مهندس دكتور
عوجت نضال حلكها تهز ب اييديها
_نضال:: شتشتغلين ست قس
_ابتهال:: ضلت بس السحوره ماشتغلتي بيها
_قس:: لا هاي سوالف امج ماخذ شغلها واطيح سوكها
لحظات صمت صارت وصدمه بكلام قس
انتج الى الصريخ والضرب من قبل نضال
جرت نضال قس من رجليها تصرخ وقس لازمه فرشه الصاله جرتها نضال للغرفه وقس والفرشه راحن ويا نضال للغرفه
شالت نضال النعال ودك على قس الي جانت مغطيه راسها وتصرخ
ما انتهت المشكله الى بتدخل عمي والولد الي فاككو نضال من قس
طلعو قس من جوا نضال مسنحه من الكتل ونضال متحلفه تصير كتلت قس على ايديها
قس ابد ما ردت على نضال ب العكس من الخوف التزمت السكوت صعدناها اني والبنات للغرفه وهيه تون من الوجع
_قبس::: حل تستاهلين
_قادسيه:: ماتعرفين تسكتين هذا حلكج مايعرف الصمت
_قسار:: شوفي هسه نكتلني هيج احسن
رفعت قس راسها تباوعلهن
_قس:: هيه لو مسويتلجن سحر محبه لو انتن لوكيات
غمنها البنات وطلعن من الغرفه باوعتلها محتاره قس لو بس تلزم السانها ماتكدر
مر الوقت واني كعدت ارتب ب الملابس
باوعتلي قس وحجت
_قس:: شوفي الكروب
_قدس:: شنو شكو!؟
_قس:: جادح؟؟
اخذت التلفون مستغربه ودخلت على الكروب بالوتساب شفت حميده كاتبه رساله
_حميده:: جادح راح يعقد على نبراس
شكرا لزيارتكم عالم روايات سكيرهوم
