رواية الفصلية هدير الفصل الثامن عشر بقلم مرج البحر
جاسم : صعدت فوگ لغرفتي جانت ساعه 7:39 م من التعب خليت راسي علئ المخده نمت حسيت علئ رنا تگعدني لان حاجيله لابويه وابوي معصب ورايدني سئلتها شيريد بس هيه مجاوبت عرفت زعلانه ايي يطبها طوب ورحت نزلت
جاسم : هايابه محتاجيني بشيء
ابو جاسم : ايي ابني رايدگ
جاسم : يي ياابه اتفضل شرايد
ابو جاسم : علمود اليوم ليش هيج مسوي بالبنيه ياابني لوميته بيدگ شنكول لاهلها وهيه امانه عدنه
جاسم : لابويه انت مامفتهم السالفه اني افهك
ابو جاسم : فهموني السالفه امك واختك بس احجي اني اسمعه من الكل واحكم مو مثل حضرتك
جاسم : حجيت السالفه من اول للاخير الابويه هااا بويه رايك
ابوچاسم : يابويه انته الغلط راگبك من لراسگ الرچلك واني هسه مراح احكم بس انتضر هدير تكعد وساعت الساعه احكم
جاسم : حاضر بويه بس اني چايگ بطلب واتمنه ماتردني
ابوجاسم : احجي بويه
جاسم : بويه اريد اتزوج
ام جاسم : :*يامصخم فوگ شينه كوات عينه:*
ومرتگ الموجوده فوگ وحالتها حالها وتريد تجيب ثانيه عليها وهاي فقيره تنوكل بينگم
جاسم 😡 : يمه رحمه لاهلج هاي مو مرتي هاي فصليه واخدتها وخلص وتولي من تصير السنه ترجع لاهلها
ابوجاسم : الله كريم هسه ماكو قرار كله بيدها لان هي صاحبه الحق
جاسم : هيه هاي هيه تالي مصيري بيد زعطوطه خلي اكوم احسلي هدير فاره عقلكم فرر
ابو جاسم بعصبيه : جاسم احترم نفسك واوزن حجايتك قبل ماتطلع من حلكك
جاسم : ايي حاضر بويه
رنا : كعدت يم هدير ضليت العب بشعرها واحجي وياها لان يكولون الشخص الفاقد الوعي حتئ لو ميحس بس اعضائه تستجيب ورئ شويه انطت ردت فعل فتحت عينها
وكامت تحجي تكول والله مامسويه شيء رنا ايي والله مصدكتج انتي بريئه بس يله كومي عايفتني وحد كاعده
هدير : اخخ يي بس ساعديني جسمي يوجعني ماكدر اگعد عدل
رنا :يي حبيبتي تدللين هسه اسويلچ المخده وانزل اصب عشا ناگل سوه وماگو ماريد زين
هدير : ههه تخسين ايي والله ميته جوع اني ليش ماكل 😂😂
رنا : ياصدگ تحجين
هدير : ايي وصدگ الصدگ اريد اكل زين لان مماكله زين ولااكلج ننزل سوه يم عمه وعمو
( هسه تكولون هاي شبيها تخبلت قبل شويه اخذت كتله معدله بس هاي اني هذا طبعي اخلي علئ الجرح ملح واسكت ويجي فديوم اموت من المكابره بس مو بيدي ) نزلت جوه وجانت رنا ساندتني لان مااكدر اتحرك وشفت عمتي وعمي وعمتي حجت
ام جاسم : يايمه شنو السالفه شنزلچ وانتي بعدهن اجروحج رطبه
هدير : عمه فدوه خلي المخده ورئ ضهري مااكدر ارجع لورئ اتئذئ
ام جاسم: ايي يمه ادللي
ابو جاسم : هاابنيتي شلون صرتي هسه
هدير : الحمدلله زينه
ابو جاسم : يله رنا جيبي الاكل لهدوره تاكل من الشوربه السويتيها بس هدير ميلحك طبخج من هسه اگلج
هدير : مشكور عمي
جاسم : طلعت من البيت رحت افتريت ورجعت للبيت وسمعت اصواتهم طالعه طبيت للاستقبال طبيت سلمت عليهم وشفت هدير كل هل الضرب وماعبالك بيها شيء بس هيه من شافتني دارت وجهه وكعدت تضحك هي ورنا
هدير : جنه نحجي اني وعمي واجتي رنا جابت الاكل ورئ اشويه اجه جاسم سلم اني مرديت كعدت رنا توكلني واني واحجي واضحك وياها حتئ ابين انو اني مهتتمه بس اني بيه حسره وخنگه بگلبي لو طلعتها يوگف العالم قصاص ☹ كملت اكل وعمي حجه ويايه
ابو جاسم : بويه اكعدي عندي حجي وياچ ولو انتي بوضع مايسمح
هدير : لاعمي اتفضل احجي
ابو جاسم : مادام احنه كاعدين كلنه ورجلج موجود احجي الصار وبرري وسقطي التهم الموجه الج
هدير : حاضر عمي ( احنه چنه بيت استاذ حارث الهو صديقه ماصاير شيء وهو اول مارجعنه جرني من ايدي وبدون اي سبب اجه يضرب ويشتم بيه وحجه حجي مينگال لاحد وعيرني لان صرت فصليه وكالت اني صووچي اني عفت بنت عمي علا علمود امثالج واتهمني انو عندي علاقه ويا شاب بس عمي بالله عليگ اسئلك سؤال اني اذا بيت اهلي مسويت مثل هل شيء انوب اجي بيت رجلي اسوي هيج وهذا كل العندي وهو اصلا ماانتضر ابرر شيء كبل اجه مثل الوحش هد عليه طبعا احجي والدمعه لامعه بعيني
بس ابدد منزلتها هاي ياعمي كل السالفه وانته احكم )
ابو جاسم : ايي عمي كلامج درر وويأج الحق
هدير : يله عمي اني اترخص اريد انام
ابو جاسم : انتضري بنيتي اسمعي الحكم وشرايده يتنفذ
هدير : عمي اني راضيه بحكمك مهما كان
جاسم : لعد مادام الكل موجود وانفتحت السالفه اني احب علا ورايدها علئ سنه الله ورسوله
ابو جاسم : انته اسكت مو وكت هل الحجي ومرتك موجوده وماحجينه وياها بالموضوع
هدير : لاعمي عادي عوفه خلي يزوج علا شرايده منه قابل خلي يشوف حياته ( حجيت هيج حتئ ابين اني مدايره بال بس اني من حجيتها خناچر غزت گلبي صعبه اتقدم حبيبگ لغيرگ علئ طبق من ذهب ) يله اني اترخص باچر ورايه دوام
ام جاسم :لايمه شنو هل الحجي انت قابل شبيچ حتئ ياخذ عليج هاي علا المتسوه اضفرج شو جمال واخلاق ونادره
هدير : ههه عمه ضحكتيني واني جسمي يوجعني
ام جاسم : يمه باچر ماكو روحه للمدرسه ابقي هنا واحنه ناخذلج اجازه
هدير : ايي حتئ اقر لثلاثاء امتحاني
ام جاسم : رنا اخذي المرهم وداوي جروح هدير
رنا : ايي يمه حاضر يله امشي حبيبتي اخليلج دهن واشتريت حلويات نكعد سوه
هدير : ههه اليوم كله دلال اول شيء توكليني بيدچ هسه تخليلي دهن ومشريتلي حلويات مو بعيد اتعود علئ الدلال وانتي راح تروحين☹ همستلها بس خاف جاي ترشيني حتئ اخذچ لاستاذي بس تحلمين 😝
رنا : انجبي لچ لحد يسمعنه امشي عاد هستوچ طلعتي من الموت وكاعده تحششين براسي وينه جاسم خلي يچي اعيد الضربه تستاهلين
هدير😳 : امشي يله تعبت ومالي واهس اسهر ووياچ اريد انام تعبانه
رنا : اسفه والله مو قصدي شيء
هدير : لاعادي صعدت فوگ رنا مددتني واني مغمضه عيني مخليه السمعات واسمع اغنيه
لمحمد الحلفي القصيده احسها بگل كلمه توصف حالي هسه بس اكو فرق بيني وبين الاغنيه هو فاقده صديقه الوفي وياه واني فاقده الحبيته والاذاني 😔
جاسم : كملنه الاجتماع الچان جوه وصعدت
فوگ لغرفتي تمددت علئ الجربايه وافگر بگل شيء صار اليوم واتفاچئت من هدير قبلت اتزوچ عليها ومنو علا التكرهه بس هيه مجانت دايره بال وعادي تحجي من فتحنه الموضوع معناها اني مااهمها من البدايه لان عدها غيري تعبت من التفكير لحد ماانمت .
هدير : كعدت اسمع الاغنيه وابچي علئ حالي اني بنت العز والدلال اجي انضرب بهاي الطريقه الوحشيه وياريت لو مسويه شيء غلط تعبت من البچي ونمت حسيت الصبح الساعه 6 قررت اروح للمدرسه لان البيت يخنگ علئ الاقل اروح للمدرسه هم احضر الدروس وهم اضيع نص اليوم بالمدرسه رحت چبت ملابسي مال مدرسه من الغرفه فتت للغرفه لگيت جاسم نايم كلت بصوت انيالگ انته نايم ومتهني وغيرگ متاذي من وراگ بس كلت ساعه 6 شعچب مگاعد رايح لدوام اووي يطبه طوب قابل شعليچ بي بلگت يتاخر ويعاقبو اخدت چنطتي ورحت للغرفه الثانيه بس بدلت ماسبحت لان الماي يحركني اذا اجه علئ جسمي كملت ونزلت جانت ساعه 7 لگيت عمي وعمتي كاعدين صبحت عليهم ورحت بستهم لان گلش احبهم
ابوجاسم : صباح الخير
ام جاسم : صباح الورد علئ وردتنه شلونها اليوم
هدير :الحمد الله عالي العال وكعدت اتريگ
ام جاسم :يمه ليش مبدله مال مدرسه مو اتفقنه متروحين
هدير : عمه والله اضوچ وحدي ورنا كالت انتو اليوم تروحون شعندي باقيه وحدي( وبهاي الاثناء دخل جاسم صبح علئ الگل بس اني مرديت) وكملت حجي وياعمتي كتلها ابقو
ام جاسم : والله بنيتي ماانكدر رنا مدرسه والبيت تايهه ضال ان شاء الله هم نچي مانعوفچ وحيدچ
هدير : براحتگم عمه البيت بيتكم وهله بيگم كل وكت
جاسم : يابه مادام راجعين من تروحون اخطبولي علا لان مابيه صبر بعد
ام جاسم : وشدعواگ هيچ مستعجل ترئ مراح تطير علا موجوده
جاسم : ميخالف يمه احبها لابنيه ورايدها
ام جاسم : حبتگ حيه من حبيتها
ابو جاسم : الله كريم ابني يصير خيرر
هدير : (ضچت من سمعت حجيه هيج وميت عليها بس بعد مايفيد الحجي بس ضحگني حجي عمتي .)
هدير : هههه عمه اني ارروح صار وكتي ورحت بستهم وشاورت عمتي كتلها خطيه
قنعي عمي ابنج يتزوج مفلفل علئ علاوي 😂😂
ام جاسم : ههه امشي لچ ولي
هدير : ههه يله مع السلامه توصلون بالسلامه
ابو جاسم : تعاي بنتي هاچ مصروفچ
هدير : تسلم عمي عندي مصروفي وطلعت
جاسم : يمه شبيها شاورتچ
ام جاسم: مابيها شيء بس گالت قنعي عمي خلي يتزوج خطيه مفلفل علئ علاوي
ابو جاسم :ههه والله هاي الابنيه
جاسم : حسيت الصبح ساعه 5:30 گمت صليت وقريت قران ورجعت للفراش تمددت بين ميصير وگت حسيت علئ هدير اچتي للغرفه مادري شتاخذ وحجت بس سمعتها من هيچ كالت :* انته نايم ومتهني وغيرگ متاذي من وراگ :* ضچت صراحه من حجيها وحسيت بالذنب بس گل مااتذگر شسوت هيه بودي اخنگها بس اني معندي دليل وضحگتني من كالت يطبه طوب قابل شعليچ بي بلگت يتاخر ويعاقبو ههه هيه ماخده راحتها وتحجي عبالها نايم بس اني جنت كاعد ورئ ماطلعت رحت بدلت هدومي وكعدت علئ النت ورئشويه سمعت صوت واحد ينزل علئ الدرچ عرفت هاي هيه نزلت انتضرت شويه ونزلت حتئ لاتكول يراقبني ولاحگني نزلت وصبحت عليهم وهيه مدايره بال كاعده تحجي وياامي اني قررت افتح موضوع علا كدامها بلكي تتاثر وحجيت وامي رزلتني بس هيه ضحكت وراحت تسلم علئ امي وابوي لان راح يروحون بس شاورت امي وضحكت وامي رزلته وضحكت وجاي تطلع بس ابويه صاحها انطها مصرف بس هيه عدها جان صراحه اني استحيت موقفي مهما كان هاي مرتي ولازم اصرف عليها حتئ لو زعلانين
صار عندي فضول اعرف شكالت لامي سالتها كالت تگول قعني عمي ابنج يتزوج مفلفل علئ علاوي ابويه ضحگ واني هم ضحگت علئ تصرفاتها واهلي ركبو سيارتهم وراحو واني رحت للدوام وحدي ماوصلت هدير هيه راحت .
هدير : اليوم رحت للمدرسه وحدي جاسم ماوصلني وصلت للمدرسه جانو شذئ وربعها موجودات سلمت ودخلت للصف وكعدت برحلتي بس اجتني شذئ
شذئ : شعجب اليوم دوامتي
هدير :قابل ليش ماداوم (صراحه شگيت ب شذئ هيه ورئ هاي السالفه بس كلت لا قابل هيه منين تعرف صفحه جاسم علئ الفيس ومنين تعرف اني فصليه)
شذئ :لاهيج
هدير : دگ الجرس اول درس اجه استاذ حارث وزعنه الاوراق مال الامتحان واخذت درجه كامله وعادي مرت الدروس بس شذئ بس تلمح الي بشيء بس الحمدلله وجهي ماامضروب جان انفضحت وعيب من استاذ حارث خلص الدوام ورجعت للبيت وحدي وكعدت اسوي غده لان جاسم يچي بال2 صاير سويت غده واكلت وعزلت اكل اله وصعدت فوگ احضر دروسي بس مجان عندي هوايه اشياء حسيت علئ صوت طكطكه جوه عرفته اجه اني مدرت بال اله نزلت هو جان ماكو يمكن صعد يبدل فوگ رحت حميت الاكل وصبيته وخليته علئ الطاوله وصعدت فوگ بالغرفه الثانيه وكعدت احفظ التحاضير اليوميه .
جاسم : وصلت للجامعه انطيت المحاضرات للطلاب وكملت المحاضرات العندي بس ضليت ارجع ب 2 لان اكعد اكمل شغلي كملت كل شيء شفت وحده ونص لميت غراضي وطلعت للبيت وصلت شفت البيت هدوء باوعت علئ الساعه هسه هيه جايه صعدت فوك سبحت وبدلت واريد انزل اصبلي غده بس شفت الاكل مصبوب معناها تعرف اني اجيت وسوتلي الاكل كعدت اكل وكملت خليت الاماعين بالسنگ وصعدت للغرفه اريد انام وسمعت صوتها جاي تقرا طبيت للغرفه ونمت مااحسيت الاالساعه ب 5 لان اريد اروح للقاعه الحديد سجلت جديد سبحت واخذت فاكهه وطلعت ان شاء الله من ارجع اكل .
هدير :كعدت احفظ تحاضيري كملت كل شيء ب 3:30 سويت المنبهه ساعه واكعد
نمت بعد مااحسيت بشيء بس جسمي بعده حيل يوجعني حسيت علئ المنبهه يدك وكل ساعه اطفي لحد مفزيت ساعه 5:15 نزلت مبين ماكو احد كعدت نضفت البيت وغسلت الاماعين الماكل بيهن وكلت خلي اسوي عشه مادام بعد ماجاي سويت بيتزا وخليتها بالفرن وصعدت سبحت بمااي دافي ولبست دشداشه قصيره ونعمت شعري وطلعت ريحه البيتزا رحت اشوفها باقيلها شويه كعدت علئ الطاوله العب بالموبايل ورئ شويه انفتح الباب وهو طلع جاي اني مدرت بال كملت البيتزا وكصيتها وخليتها بمواعين ماعون اخذته وماعون خليتها علئ الطاوله اذا جوعان حتئ يشوفه اخذت ماعوني وصعدت اباوع فلم تركي واكل واتصلت رنا علئ الفايبر وكعدنه نحجي سوه وحجيتلها عن شذئ شحجت بالمدرسه وهي كالت اذا ماطلعت هيه ورئ هاي المشكله اكص ايدي محسينه علئ الوكت ساعه 9:30 هي راحت لان باچر عدها دوام واني هم عفت الماعون مانزلته بس حضرت اهدومي وكويتهن وحضرت جنطتي وقتت الموبايل علئ الساعه 6:30 حتئ اكعد ونمت .
جاسم : اخذت فاكهه اكلتها وطلعت للقاعه الحديد اتمرن ضليت لحد ساعه 7 وطلعت للبيت وصلت للبيت فتحت الباب وجانت هدير بالمطبخ لابسه دشداشه وفاتحه شعرها البطولها وريحه الاكل تخبل صعدت فوگ سبحت حتئ اخلص من التعب وبدلت نزلت جوه حتئ اشوف شاگل لكيت هدير منضفه البيت ومخليه ماعون بيتزا ومغطيته الي كلت بگلبي حتئ وهيه زعلانه جاي تقوم بواجبهه واني جنت حتئ ناسي انطيها مصرف كعدت اكل جانت البيتزا كملت اكلت وغسلت الماعون وصعدت فوگ سمعت صوتها تحجي ويا رنا طبيت لغرفتي وكعدت علئ النت لحد مانعست ونمت .اذالكيت تفاعل حلو انزللكم بليل بارت اخر
لا تنسون متابعه او ارسال طلب صداقه حته يوصللكم اشعار النشر وشويه كثرو تفاعلكم حته نختمها بساع لا نطول عليكم داده دوسي اعجاب وعلقي شكد متكدرين
شكرا لزيارتكم عالم روايات سكيرهوم
