رواية نقش بارد الفصل الثامن عشر بقلم فدك فاطمه
تروحلچ فدوة امنيَاتي .
.
غـــنوة
متمددة بمكاني عيني على السگف منعسة كلش اريد اگوم ماكدر اسمع صوت الاذان واضح الجامع قريب گوة تعوذت من الشيطان و گعدت
اباوع لروحي نايمة على الگاع بعيد عن الفراش گلبت ادية حاضنة فالينتة منين اجت بيدي مادري
شمرتهة بعيد التفتت الة
همزين نايم ماشافني جا صرت مضحكة گمت توضيت صليت رجعت كعدت يمة انده بيه ارفع راسة منا يرجع ينام من جهة الثانية
حجة بنتر يدفع ايدي :شتررردين شتردين
غنوة:گوم صلي
اخذت نفس زفرة متنرفز گام غسل اخذلة صفنة تعدلت اخلاقة يالله راح توضى و صلى كعدت على الحاجز مال المطبخ مطلعة الروبة و الخبز اكل
اشرلي اطفي الضوة طفيتة رجع نام دگهة للظهر جرة وحدة كون اشوفك لعلوان لعبالة انتة عدك شركات و مؤسسات
العصر كلش بالخمسة خابر صفوان يريد فلوس ضلو
يتجادلون مدري شلون قنعة ينطيه هو حتى شغل ماعدة
غنوة: ابيع الحلقة
رد برود:ماتفيديني مو غالية
غنوة:جا المن مشتريهة الي اذا مو غالية
دلهم: ما جان عدي مبلغ زين اشتري بي
نزلت رحت يمة لازمة زندة: اريد فستق
رفع حاجبة يباوعلي : صارلج من الصبح تاكلين وترجعين ليورة تلث مرات نزلتيني للمحل
غنوة: نمونة
دلهم : لا حاضر و تدللين
ابتسمت بوستة بخدة لزم ادية ثنينهن يبوسهن نوب ضل يبوس بخدي لحد ما دك جهازة صفوان اجاه
گام طالعلة مشيت للمطبخ ارتب بي
عدلت الهول لميت الهوسة و الهدوم لمطشرة عگدت حواجبي اباوع لأيدي ماكو الحلقة رجعت ادور مالگيتهة اخذت الموبايل خابرتة
رفضة اسمع صوت خطواتة من برة فتح الباب باوعتلة متخوصرة:وين حلقتي
رد يضحك:ياحلقة
غنوة:بگت حلقتي اني احد يلومني من اگول ما اثق بيك لا والله انتة صدك مو ثقة كاعدة يمك تبوس بية و تبوگني
اجة يريد يلزم وجهي نترت ايدة ضايجة مو علة الحلقة على حركتة شلون كدر ياخذهة من ايدي ما حسيت بي
دلهم: مو انتي گتيلي اخذهة
غنوة:گتلك اخذهة مو بوگهة
بوسني بخدي يحجي بضحكة :اخذتهة ما بگتهة بعدين القانون لايحمي الحلوات السايحات ما حسيتي بية من نزعتهة
دغيتة ببطنة اشوفة يضحك ماكدر اضل معصبة حضني يحك لحيتة بخدي:اني رجلج لازم توكفين وياي
غنوة:ماريد اوگف وياكك طلگني
دلهم: اطلگج حتى الجفاف يطلع من أذانج
غنوة:معليكك الحرامي
ضل يضحك شايلني مايرضى ينزلني كعدني على الحاجز يوكل بية فستق باوعتلة متنرفزة اخذتة منة
غنوة:بعتها
دلهم:لا هاي بجيبي اذا اخذتيهة انتي بطلة
غنوة:ماريدها تجيب احسن منهة
طلعهة من جيبة خلاهة بيدي رجعتهة الة ماريدهة
ضلينة واحد يشمرهة على الثاني شلتهة خليتهة بالخانة مال الكاونتر راح اخذاهة
حجة يغير ملابسة : اسبوع و يستعدل الوضع
غنوة:وين رايح
حجة متنرفز:طگيني طلقة ولا تگليلي وين رايح
غنوة:غيررر حتى اعرف
دلهم: للقادسية
افتريت ادور شي اطگة بي شلت الخاشوگة شمرتهة دنك يلبس بالجواريب مامهتم الية يحضر بغراضة
غنوة:دلهمم شبييك
دلهم:شبية شمسوي رايح اشتغل
غنوة:ماتعرف تشتغل هنا
اجة مستند بأديه بصفي حجة : هنا هواي يوشمون الموضع سهل هناك عدي معارف من لواحد لواحد يوصلولي اكدر اربح براسهم
غنوة: خل نرجع هناك سوة
هز راسة برفض:مو هسة رايح ليلة وحدة و ارجع لاتخافين
غنوة: والله اذا جبتلك مصيبة وياك بعد ما اضل يمك لو يصلبونك ذهب
دلهم:انيي مسوي مصايب يمتة
غنوة:ييمة تستفز اعصابي صاير
دلهم: انتي صايرة اعصاب
غنوة:انتة مستفز
دلهم: هسة اني حجيت شي انتي من وحدج تصيحين
غنوة:غير فايخة جا هو الفايخ شلون
درت وجهي متنرفزة حضني رفعت ايدي حاضنة رگبتة مغمضة عيوني بدون ماحس مريحة راسي على جتفة ادية على رگبتة
دلهم: غناوي وراي روحة
غنوة: بس شوية
رد متفاجئ:شبيج
بوستة برگبتة شد حضنتة على خصري حجة يبتعد:الفجر ارجع نامي لا تنتظرين
غنوة:يومية انام ولا مرة انتظرتك
دلهم:جذبج مو ذاك الگد تدربي اكثر
غنوة: والله انام
گرص خدي واخذ اغراضة طلع نزلت من مكاني رحت للبردة فاتحة شوية منهة اباوعلة واكف برة منتظر صفوان يجي
فتحت الشباك شوية طلعت صوت حتى ينتبه رفع راسة يأشرلي ادخل رجت جبت القميص لبستة لبارحة رفعتة الة خزرني راجع
سديت الشباك أضحك فتح الباب خازرني يحجي بعصبية مكتوبة: طاحظج المن رافعتة و تأشرين مو بس احنة بالمنطقة وياننة ناس عايشة
رديت بضحكة: شدراهم عبالهم علم
دلهم:راح تعرضيلي بلواگج وما اروح مبينة
غنوة: بعد انتة و ضميرك
حرك ايدة بشعرة يفكر خابر صفوان گالة ما اروح لاتمر علية ضل يرزل بي گوة سداه خلة الموبايل بجيبة دنك ينزع بالبوتين طلعة برة
كيفت لان بطل مايروح رجع كعد رحت گومتة گوة عليه يسوي العشة عفتة رحت كعدت اتابع
بالموبايل لحد ما أذن واني اتوضى صفنت على روحي بالمراية اباوع لوجهي خدودي كل خد شكبرة
تلمستهة مصدومة ولا مرة سمنت لهاي الدرجة حتى شكلي احسة متغير كملت وضوء طلعت ايدي على خدي صافنة
صليت و تمددت بالهول مخلية ايدي جوة خدي اباوعلة يحضر بالعشة شال الصينية اجة خلاهة
وكعد اول لگمة مداهة الي اخذتهة أكل
دلهم: ماتگعدين
غنوة: مابية حيل سويلي لفات و نطيني
دلهم:گعدي لا تغصين
گمت متأففة تقربت يمة مرتكية بأيدي على رجلة
غلس عني ياكل گلت راح يخلص الطاوة احترمت نفسي و اكلت واني أكل افكر اقلل اكل خاف اسمن
غنوة: دلهم تحب البنات السمان لو الضعاف
دلهم: احبج انتي
رفعت حاجبي ارد عليه:ليش تجذب گول الصراحة ما ازعل
دلهم:شلون تعرفيني اجذب
غنوة:اعرفك من صوتك
قلص عيوني يباوعلي مركز:شلوون
غنوة:جا تريد اعلمك حلوة هاي
دلهم:جذابة
غنوة: والله اعرفك من صوتك
دلهم:يتخيلج صوتي نفسة مايختلف
گابلتة متنرفزة لان يجذبني يباوعلي بسخرية مامصدك جريت ايدة حتى ينتبه علية
حجيت بضوجة: والله اعرفك نبرة صوتك تختلف من تجذب
دلهم:سأليني خل نشوف
غنوة: صدك جنت تروح علمود تشتغل لو تريد تسويلك مصيبة؟
دلهم:رايح اشتغل
رديت اطگة علة زندة :جذااب
رجلعي الضربة حجة :نجبيي
غنوة: والله جذاب عدك غير سالفة تسويهة لايم الشغل ولا شي
رد بضحكة :وقزالقرط گتلج رايح اشتغل
غنوة: احلف
دلهم:ما احلف انيي
غنوة:غير جذاب
لف ايدة على رگبتي جراني لحضة يحجي بحدة:بطلي تگليلي جذااب مو گايلج لا تغلطين
غنوة: بس هاي سماح
دلهم:ممنوع
غنوة:گلي شنو ردت تسوي الله عليك
دلهم:گليلي شلون تعرفيني اجذب صوتي و نبرتي مايتغيرن
غنوة:ما اگلك عيني عبالك تضحك علية
ضل يضحك علية يسويلي لفات يوصلهة يم حلگي
وياكلهة دفعتة متنرفزة ضلينة نتشاقة حتى الاكل برد واحنة نتعارك
شلت الصينية وغلست المواعين رجعت يمة نتابع
عيني عليه كل شوية يشوف موبايلة يرجع يتابع بهدوء
غنوة:شنو منتظر
دلهم:منتظرج تنامين
ضحكت لان بعد مايعرف يجذب خليت راسي علة صدرة حاضنتة بوسني فوك حاجبي يمسح على شعري غفيت من كعدت ثاني مرة ما لگيتة
رفعت الموبايل الساعة بتلاثة اتصلت عليه رفضة عرفتة مشة و سوة الي براسة والله يستر من سوالفة
لحد الظهر يالله رجع ما حاجيتة مليت منة مايسمع ولا يهتم گضاهة نوم لحد أذن الغروب گعدتة صلة
تعشة عفتة ما ردت اكل كعدت على جهة
دلهم:زعلانة
غنوة:لا ما اشتهي
دلهم:تعاي هنا خل اشوفج
عفت الموبايل رحت يمة مخلية راسي على رجلة بعد شعري عن وجهي مدنك يشوفني گرص خدي
حجة ببتسامة: شبيج مطنكرة
غنوة: مادري اختنگت متضايقة من تكمل
عشة خل نطلع
دلهم:صار
انتظرتة على ما كمل عشة گمت بدلت طلعنة من نزلنة تعاجزت اريد ارجع بس خفت اگلة يضل عاگد حاجبة تمشينة شوية
بطريق الرجعة وگفني سحب ايدي صرنة بسد الحايط باوعت مستغربة من تصرفة عينة على البيت
سيارة عالية سودة طابگة يمة و رجال يحجي وية اخو رفا برة يأشر فوك على المشتمل الكاعدين بي
مد ايدة بجيبة يسب طلع الموبايل يتصل مبين على صفوان اول مافتح حجة بنتر:الگ***" صلاح كدام بيتي .. رايح لبيت خالتي لاگيني هناك .. خابر هذة گرايبك مو يجفص بأسمي كدامة .. الله وياك
اخذ ايدي يمشيني حجيت خايفة:شكو شنو يردون منك
دلهم: مادري ماخذج لبيت خالتي ضلي هناك
باوعتلة معبسة بقهر رجعنة لهاي السالفة يومية بمكان درت وجهي عنة اجر سيارة وصلني يم بيت خالتة اول مرة اطبلهم
نزلني دك الباب انتظرها تطلع يباوع وراه يتلفت دفعني بخفة ايدة يمهة و موبايلة مابطل يرن
دلهم: خليهة يمج خالة ديري بالكم عليهة خاف يجيج صلاح اي شي يسألة عني انتي ماتدرين
حجت مبهوتة: شجابة هذة ما يفكون ياخة عنك
رديت بنتر:خل يفك هو و يعوفونة
خزرني اسكت عفتهم دخلت جوة واكفة يم باب المطبخ اباوعلة ضايجة يسولف وياهة وينتر مايعجبة الة يحط راسة براسهم دخل هي وراه تلوم بي خافنة مسوي شي يخلي صلاح يجي وراه
وصل يمي حضن خدي بأيدة حجة بهمس:لاتطنگرين بس اشوفة شعدة و نرجع للبيت
غنوة:ليش جبتني هنا
دلهم: ماريدة يشوفج
سكتت عيوني علية اباوعلة بلوم تجاهلني وصى خالتة علية وين ما وصل الباب ندك بقوة التفتت الة يأشر ندخل جوة و ولد خالتة طلعو واكفين بالحوش
نباوع من الشباك خفت اشوف أبن خالة يرجعة ورة ظهرة ما يريدة يطلع سحبوه لورة البيت يالله فتحو الباب سدت البردة خالتة تسب بصلاح
دخلتني جوة گعدت اعصر بطرف القنفة بين اصابعي حيلي باد من شفت وجوهم و شلون نخبصو
يدفعون بدلهم حتى يطلع و مايلاگيه
اسمع اصواتهم من برة رغم السوالف عادية بس صوتهم جان عالي واحد يشمر حجي على الثاني هذة صلاح صوتة يكزبر الجلد
اخذولهم بالساعتين يالله طلعو اول ما مشو اجة دلهم دخل للبيت من الترك فزيت اباوعلة ما شافني طلع برة يحجي وياهم و رجل خالتة يحاول يقنعة
يتنازل يروح الهم همة يردونة على ساس يصفون النفوس و يرجعون مثل گبل يجي يعيش قريب عليهم ببيت اهلة القديم و كلشي يرجع طبيعي
دلهم يضحك على سوالفهم جذابيين عدهم حيلة ضامينهة حاجوه ملو منة ما سمع راسة يابس هسة لو للصبح يضلون ما يقتنعون
صاحني طلعت سلمت على رجل خالة مشينة من الباب الورة جانت سيارة صفوان هناك هو منتظرنة
تفاجئت برفا صاعدة ورة تطمنت من شفتهة جاية
صعدت بصفهة حضنتني تحجي وياي بس مزاجي
قفل ماريد احجي تعبت من هاي السالفة
حرك السيارة ورة ما صعد دلهم زاغت عيوني من شفتة نطاه سلاح اخذة خلاه بخصرة جوة التشيرت
صفوان: أحمد نكر معرفتك بس هو شاك احسلك تكعد شكم يوم لحد ما يفك ياخة
دلهم: مادام وصل بيت خالتي ما يعوفني
صفوان:روحلة شوف شنو تاليتة وياه
دلهم:تاليتي بالگبر اذا مو هو نعمان يكتلني
صفوان: لو ترجعلة تشد ظهرك بي تأمن روحك من نعمان بعدين ترجع تحمسهم
دلهم: لا مجاملة لا جذب ما اخلي ايدي بأيدة
اباوعلة بس صفحة وجهة اشوفهة دموعي تارسة عيوني من يجيب سيرة الموت گلبي ينعصر شلون ايد لازمتة و تضغط عليه
حجت رفا بهمس:أهدي حبيبي لا تبجين بالج على روحج
غنوة:تسمعينة شيگول
رفا: اذا هو يدري بيهم چلاب المن ضال هنا
غنوة:هو مثلهم شعبالج يدور مصايب
غمضت عيوني معدتي تحرگني مامرتاحة كل ما اغمض عيوني تدور بية السيارة ادوخ ضليت صابرة
حاولت اهدي اعصابي ما افكر راسي بدة يوجعني
ماعرف شلون غفيت كعدت على صوتهة رفعت راسي امسح بوجهي اباوع حولي السيارة واكفة على الشارع ضوة السيارات يمر و يروح
غنوة: وين احنة
رفا: رايحين للقادسية وگفو يستراحون تعاي نزلي
غنوة: ما اريد انزل
رفا: اي ضلي محنطة هيج تعاي غسلي ارتاحي شوية وجهج صار اصفر كركم
فتحت الباب عيني عليه جاي لجهتي نزلت بس خليت رجلي بالگاع افترت بية دخت اجيت اطيح طك عكس ايدي بالباب لزمتة متوجعة
رفا:اسم الله تأذيتي بيج شي
هزيت راسي لازمة ايدي : لا دخت من وگفت
حجة بقلق واكف ورانة :تعورت
رفا: لا مابيهة شي
دلهم:انزلن ارتاحن هنا تعاي غناوي
ابتعدت اجة گومني لزمت ايدة اريد اسيطر على وگفتي ماكدر راسي موتني الشقيقة هاجت علية شلون واحد لازم راسي و يردم بي بالحايط
گعدت ابجي سادة عيوني اجة بصفي لازم ادية حجة يرك راسي بيدة: غناوي تعاي غسلي و اشربي علاجج هسة ترتاحين لاتضغطين عيونج هيج فتحي
نزلت ذابة ثگلي عليه ترس ايدة ماي غسل وجهي فتحت عيوني گوة متحملة الوجع ما رضيت اروح للاستراحة لنزلو يمهة كلهة ضوة قوي و أصوات
كعدت على الرصيف بصفي رفا مخلية راسي على جتفهة جابولنة اكل بس شميت ريحة اللحم معدتي فارت دفتهة لعبانة روحي
رفا: اكلي بس شوية حتى تشربين علاجج
غنوة:ماريد ريحة اللحم تلعب النفس ريحة زفرة
رفا:مابيه والله اكلي شكم لگمة علاجج قوي
غنوة:وخيرهة عني ماريد
رفا:ولج ليش عنودية انتي اجيبلج غير شي شنو تردين
غنوة:كلشي ماريد حتى العلاج ماريدة هسة شوية واصير زينة
باوعتلي ما راضية غمضت عيوني مستندة على جتفهة اخذولهم نص ساعة اسمع بس اصواتهم يسولفون بهمس حتى ما نفتهم عليهم
رجعنة للسيارة لحد ما طلع الضوة تبينلي الطريق شفت القرية مالتنة اختنگت بالزايد مديت ايدي من ورة الكشن اگرص بي دفعني
مايكدر يلتفت رفا كاعدة بصفي هو يسوق و صفوان يدخن كل شوية تطگ الكشن تريدة يذب الجكارة
حجيت بهمس خايفة :رفا هنا بيتنة
ردت مبتسمة:حلو المكان هنيالج
غنوة: بس ناسة مو حلوين
رفا: الله يساعدج عليهم يرادلهم واحد حوك يدوفهم دوف هيج ينب رجلة بگلبهم
غنوة: هم يخلون الصوج بي كلشي مايرضيهم
رفا: راح يخليج يم اهلج شنو اذا نزلتي انزل وياج
غنوة: هلة بيج ، شعجب خلوج تجين
رفا: لخاطرج گلت تضلين تاكلين بروحج خل اروح اضحكج شوية
ابتسمت غصباً علية حاضنة ايدهة :شلون ترجعين وحدكم
رفا:لا انزل وين متنزلون يروح يجيب صفاء اخوي هنا يشتغل وية جماعتة و بعدين يجوني
غنوة:خطية صفوان صاير سايق
رفا:هو عاجبتة السياقة دوم يجيب اخواني يأجرونة مرات
غنوة:انتي عاجبتة مو السياقة ولا خوانج
گرصتني تخوزر رغم احجي وياهة بس خايفة لاصدك يرجعني لهلي ما ارجع عبرنة بيتنة التفتت مستغربة
وكفنة يم بيت بمسافة عنة كفى السيارة نزل باوعتلة مستغربة اشرلنة ننزل راح فتح الباب نزلت
صفوان ما نزل گبل راح يجيب اخو رفا
دخلنة اني وياهة راحت جوة انتظرتة يم الباب نزل الاغراض لمحضرتهن رفا من بيتنة ذاك دخلهن جوة
لزمت زندة تقرب خلة ايدة ورة ظهري حجة :شلون صرتي
غنوة: شوية احسن المن هذة البيت
دلهم:بيتج
زفرت بضوجة:ما لگيت مكان الة هنا
دلهم: قريب على اهلج
غنوة: علمود تعوفني و تروح يمتة ما حلالك
لم وجهي بين اديه مخلي عينة بعيني حجة بجدية:ما اعوفج
غنوة: وعــد
دلهم: وداعة عيونج ، لايضل بالج اني هنا ما اروح دخلي ارتاحي
عفتة رحت جوة كعدت يم رفا تباوعلي مقلصة عيونهة ندك الباب گمت نطاني علاگة بيهة ماي وعصاير و بسكت
اخذتهن منة يبتسم بوجهي بس حتى ما اضل افكر
رجعت يم رفا بس گعدت لزمت ايدي باوعتلهة ما فاهمة شبيهة تقربت تحجي بهمس
رفا:غنوة يمتة اخر مرة اجتج الدورة
فكيت حلگي مصدومة من سؤالهة احنة بيا حال حجيت اسحب ايدي: شبيج ياا
رفا:شنو اسأل سؤال عادي
غنوة:مادري احنة بيا حال و تسأليني هيج
رفا:اضنج حامل
طاحت العلاگة من ايدي صافنة عليهة بطني مغصتني صدك صار هواي ما جايتني ما منتبهة اني ماحب تجيني من تتأخر افرح اضل متونسة ما اهتم
لزمت ايدهة ابالع حجت بضحكة:ها وجهج گلب شبيج
غنوة:خـ..خاف رجعت تمرضت
رفا: غير گلتي شالوه بعد منين تتمرضين هو حامل ماكو غيرهة حتى متغيرة كلج و سمنانة كلشي تشمينة ضلين سادة خشمج منة
غنوة: شدراج يجوز مريضة من تمرضت هم صار هيج
رفا:راح اخنگج جنتي مامتزوجة و تمرضتي وگالولج يابة بيج تكيس هسة انتي متزوجة طبيعي تحملين
عصرت ادية خايفة من اتذكر العملية شلون تأذيني
و الالام لگبلهة وجع ظهري و بطني حضنت ادية خايفة اباوعلهة عاضة شفتي هزت ايدهة
رفا:ولج حامل شبيج نخطف لونج
غنوة: ان شاء الله حامل ولا مريضة
ردت بضحكة:امين مبروك حبيبتي
غنوة:هو شفتهمنة وتباركين
رفا:عيني ماتخيب نظرتهة دشوفي اذا حامل اريد هديتي توصلني لباب البيت
غنوة:تدللين
رفا:گليلة يجيبلج تحليل مو بس يعرف يطارد بيج يومية لمكان ها من تتاگدين حامل هذة العود بالگاع لاتشيلينة حتى بعد مايعوفج و يروح يسوي مصايب
هزيت راسي بفهم لو يسمعهة دلهم يشگ هدومة ضلت توصي بية تغير افكاري كلهة بس مرات ما اسمع اشوف روحي ابالغ و اضغط عليه اذا اسوي مثل ما تگلي اني اعرف بي منهة
هي ماخذة نظرة عن الزلم تكرهم من ورة صفوان كل ما احاول اغير نظرتهة تعاند بالزايد تحب بس اخوانها و البقية معاديتهم
اجة صفوان طلعت رجعة للبيت خلتني محتارة
و مترددة افكر بحجيهة خليت ايدي على بطني مشاعري ماعرف اوصفهة احساس بداخلي يختلف عيوني تغوشت من الدموع
مرتكية على باب المطبخ اباوعلة واكف برة لحد ما تحركت السيارة مشو دخل سد الباب اجة ناحيتي
رفعت ادية حضنتة ابجي لف ايدة على خصري مستغرب دخلني يبعدني عنة ما ارضى مخلية راسي بصدرة گلبي يدك حيل
حجة يمسح على شعري:كافي غنوة يمعودة عليمن البجي لاتخافين ماكو شي وداعتج .. هاي هي اتفاهم وياهم بدون مشاكل.. ما اطلعج بعد من هذة البيت لا تعبين يومية بمكان غنوة اسمعيني شبيج حبيبي
سد الباب اسمعة يحجي ماكدر ارد عليه مشاعري كلهة تخربطت اريد بس ابجي گعدني فتح الماي غسل وجهي يمسح على عيوني
دلهم:غناوي گولي يالله شبيج بوية راسج يوجعج متأذية بس حاجيني
رديت بصوت مخنوگ:اگلك
حجة يرفع وجهي الة:گولي شبيج
غنوة:يمكن اني حامل
رخت ايدة بدون مايحس عدل گعدتة مگابني صافن علية مسحت دموعي مدنگة العب بصابعي اعصر بيهن اگشط باللحم لفوك من الأضفر
دلهم: شتحجين انتي
غنوة: والله رفا گالت
مسح وجهة متنهد:وانتي كلشي تگولة صاحبتج تصدگينة
غنوة:اي واني هم اقتنعت بعد انتة اقتنع
خلة ايدة على خدة يباوعلي عيونة على وجهي نزل نظراتة لجسمي عبست حاضنة روحي متغطية بالعباة اخزر بي
غنوة:شبييك
دلهم:وشبشابة لتشب بيج لاتگليلي شبيك
غنوة:ليش تباوعلي هيج
دلهم: اكو صيدلية هنا تندلين
غنوة:شدراني منين اعرف الشارع
دلهم:اروح ادور احسن ما انتكل عليج
اخذ محفظتة گام جلبت بيدة حجيت:وياك
دلهم:دگعدي يمعودة وين
غنوة:خاف ماترجع
رد متنرفز:خبلتينييي
وخر ايدة مشة صحت وراه :جيبلي وياك حلقوم
التفت يضحك فتح الباب مشة كعدت بالحوش منتظرتة تأخر يالله رجع جايب تحليل ثنينة ما نعرفلة و ما سأل ابو الصيدلية يستحي
باوعتلة اهز بيدي حجة يشمرة علية :بنية ترة شأكللهة
غنوة:وانتة يايوم استحيت حتى يلزمك المستحة هسة
اخذ الموبايل يبحث باوعتلة خجلانة دايرة وجهي يسحب برداني يگلي تعلمي اخذتة منة اخذت الموبايل ماريدة يشوف شكد فشلة
جان جايب تلاثة يگلي ادري بيج فاهية تخربينهن اول واحد خرب صدك و ثاني وكفت منتظرتة اباوع طلع خطين احمر گلبت الموبايل صورتة رسلتة لرفا
تأخرت يالله شافتة حمضت بالحمام من وراهة دزت بصمة شغلتهة اسمع حجت: اذا مو بكج عطور ما ارضى بغيرة هدية مبرووك عمري
عضيت شفتي خجلانة ارد عليهة كتبت بس الله يبارك بيج سديتة غسلت رشگت ماي على وجهي
طلعت لگيتة مرتكي على الحايط بصف الحمام سحبت ارادني اغطي التحليل اباوعلة مدري شنو شعوري غريب
دلهم:شصار حمامة غراب
رديت بهمس :حـ..حامل
تقرب يمي رفع وجهي غمضت عيوني بوسني براسي ضل هيج حاضني شفتة على گصتي احس بأنفاسة ايدي على صدرة گلبة يدك حيل مثلي
غنوة: دـ..دلهم
رفع راسي عيوني بعينة نظراتة غريبة حجة يمسح على خدي :عيونة اهلة و ناسة يروحلج فدوة دلهم
حسيت وجهي راح ينفجر من الخجل نزلت عيوني حضني شايلني من الگاع ماحجة شي بس نظراتة كافية ثنينة نعيش شي غريب علينة
كعد على الدرج اني بحضنة مگعدني فوك رجلة اريد اگوم مايخليني لازم ادية مخلي شفتة عليهن
غنوة: گول شي ليش ساكت لاتخوفني
دلهم: مادري شگول من الفرحة
غنوة: لاتجذب
رد يأشر على وجهة :هذة وجه واحد يجذب
مسحت على خدة مبتسمة:وجهك مصدوم
دلهم: مو بس وجهي كلي مصدوم غناوي
رديت متحمسة أشر :راح يصير عدنة وليد اني وياك
ضحك يبوس خدي توة يستوعب حضني يحركني
كل شوية يشمني يصيح:يابوية غناوي
بطني مغصتني من صوتة العالي دغيتة خجلانة حجة بصوت مسموع : يروحولج فدوة كل العرفتهم لگبلج و البعدج محد مفرحني هيج
غنوة: راح ابجي كافي دلهم حباب شبيك تصيح عيب
دلهم:منين عيب بس اني و وياج هنا
غنوة:صوتك عالي
شالني بيد وحدة لزمتة خايفة اضحك طلع بالحوش يصيح احبج سديت حلگة هنا الناس ينامون برة اذا الجو زين هسة يسمعونة
نزلني يبوسني خليت ايدي على رگبتة مغمضة عيوني خرمشتة من اختنگت وخر يبوس بكل وجهي
حضني جاعصني بين اديه
غنوة:اختنگت دلهممم الفرخ راح يطلع من خشمي
دلهم:نجيب غيرة ميخالف
غنوة: شبيك اول مرة تكتشف هاي الميزة
وخرني يضحك:ادبسزز منين اجتج هاي الفكرة
غنوة: والله غير متزوجين
دلهم: خرب عرضج لا ادري
غنوة:جذااب ماتدري
حجة يضحك:ولجج بت الفارسية هسة هاي هم سالفة تعارك عليهة
غنوة:جا شبيك مصدوم
دلهم:من الفرحة
ضحكت اوخر اديه عني حجيت متذكرة:وين الحلقوم
دلهم: والله ماكو محل مفتح بس صيدليات
غنوة:اكوو المحل لهنا اسواق ما يعزلون هذة الرجال ينام و ابنة ياخذ مكانة
دلهم:اني المن جبتج هنا وتگلي ما اندل كلشي ماعرف
غنوة:اي اعرف المحل يمتة يفتح يالله روح جيبلي
دلهم: تعاي وياي
غنوة:تخاف ترة ماكو جلاب هنا
رفع ايدة يريد يطگني ضحكت اوخر رحت جبت عباتي طلعنة سوة نضحك للهوة كل شوية يگلي سدي حلگج هو الضحكة من الأذن للاذن
وصلنة المحل راحت ضحكتي اشوف جسام واكف هو و ثنين من ولد اعمامي يباوعلنة مصدوم من شوفتنة هنا
نزلت عيوني عنهم لازمة ايدة اشترة حلقوم علبتين گرصت ايدة احجي بهمس:شدعوة
دلهم:شش صوتج
عبست منو ليسمعني اشترة ريوگات و زيت كلشي نحتاجة ماكو بالبيت بس طباخ و كاونتر و باقي الغرف فارغة بس الفراشات
رجعنة معبسين ثنينة حجة يلف ايدة على جتفي:تگولين ماكو جلاب
غنوة:لاتحجي على ولد عمي
نزل راسة خازرني ضميت شفتي امنع روحي اضحك افتح بالعلبة اريد اكل حجة بنتر:اي دافعي عنة دافعي
غنوة: ليش معصب ما گتلك تعال هنا انتة بأرادتك اجيت
دلهم: لو ما صالح الجلب يركض وراي جان رحت لغير مكان بس هاي قريتكم حتى الله مايدري بيهة
شهگت ادفعة بعيد عني حجيت :دلهمم شنو هذة الحجي استغفرالله رب العالمين يدري بكلشي
دلهم:حجاية لتنگال جا صدك
غنوة:ميخالف لا تتشاقى هيج شقى ماحبة
دلهم:صوتج نصي بعدين تأمري
غنوة:المنگرش
خلة ايدة على على ظهري يمشيني و يگرص بية تحركت احوس بعيد عن ايدة دخلت للبيت نزعت العباة رفعت ايدي الة اوكلة
اخذهة من ايدي ياكل عفت العلبة بيدة رحت للجنط
اسوف شنو من هدوم جايبتهن رفا لامة كلشي مشمور بالگاع مخليتة هنا حتى هدومي الوصخة
دلهم:اكو ملابس الية
غنوة:كلشي ماكو الك
دلهم:جا هاي صاحبتج شكد ثولة
غنوة:مو ثولة تكرهك
دلهم: واني هم اكرهة يوم الافرح بي قاطات من تمسحين رقمها
غنوة: ماتحبهة لان صديقتي تفتح عقلي
دلهم:تخبلج مو تفتح عقلج
ضحكت ادخل للحمام بس الماي السيح يشتغل ذبيت علية شوية ارتاح لبست القميص طلعت الهوة البارد يخلي كل عظامي ترتاح
طلعت لگيتة برة صافن على السمة يدخن يمة جگارتين ممرودات و الثالثة بيدة ولا جنة ذاك الفرحان يهز برجلة و مخلي ايدة بشعرة يكفش بي
شلت الفراشات خليتهن يم الباب حتى يدخل هوة من برة شوية الجو حلو بس البيت اضلم على ضوة الموبايل وحشة هناك اخاف تقربت يم الباب
طلعت هدومي سويتهن مخدة تمددت ايدي على بطني امسح عليهة احس بخوف و رهبة من الحمل
مسؤولية خاف ما اگدرلهة ،اني ربيت جهال اخواني بس هسة يختلف هذة ابني
گمت توضيت صليت بس حتى ما افكر لو انكر هاي النعمة غيري يتمناهة التفتت من حسيتة بصفي
كعد خلة راسة فوك رجلية حجة بنبرة جافة:فللي شعري
خليت ايدي بشعرة احركهة بهدوء: ليش ضجت
دلهم: ما ضايج افكر
غنوة: فكر زين دلهم الحياة مو لعب انتة بعد مو مسؤل بس عن نفسك عني و عن هاي الروح لبداخلي شوف شلون تصير بعدين لو تبلينة مثل ما سوة ابوك لو تعدل حياتك
دلهم: استعجلت بكلشي حتى بزواجي منج
وكفت ايدي حسيت بقهر من كلامة خلة ايدة فوك ايدي نزلهة لشفتة حجة : ما ندمان غناوي اني بشر اسف اذا الحجي جرحج بس ضايع حبيبتي مادري المن اصير اني عشت عمري كلة بهاي الطريقة ماعرف غيرهة
غنوة: محد جبرك دلهم محد گالك اتزوجني
دلهم:لاتزعلين ماعندي واحد غيرج اشتكيلة اذا اكتمهن اتخبل اروح اسوي بيهم شي
غنوة: انتة ليش تصعبهة شنو استفاديت من مشاكلك وياهم انتة بنفسك گلت حياتك ضاعت الله هسة رزقك بحياة ثانية لاتضيعنة
دلهم: يصير خير انتبهي لروحج اني احاول احل مشاكلي
غنوة:الله يهديك
دلهم:مخبل گدامج
غنوة:وخر رجلي گامت توجعني
رفع راسة متنرفز من كلمة الله يهديك راح تمدد على السجادة خلاني على ايدة يباوعلي بخبث يوخر شعري عن خدي و رگبتي
دلهم: من اشوفج شكد تجي افكار ابالي
غنوة: شكد ماتستحي
دلهم: ماتخليني اوشم اسمي عليج
غنوة:دروح لو تموت شبية ماشايفة مخلية اسمك علية
دلهم:مو اني مخلي اسمج
كعدت على حيل ارفع بفالينتة:وييينة
دلهم: شبيج راح تصلخيني ترة عدي شرف حالي من حالج
غنوة:صدك واشم اسمي وينة بالله خل اشوفة وين يم گلبك لو بضهرك لو وين
حجة بضحكة: بمكان حساس
دفعتة لعبانة روحي ضحك ينزع الفانيلة أشر على كتابة يم جتفة دوم قصص وروايات عراقية كرار صلاح اشوفهة رسوم غريبة ماتنقري
غنوة:هاي اني
دلهم:امم اسمج باللغة السومرية
حجيت اتلمسة: شلون عرفتة تكتبة شنو هاي اللغة
دلهم: لغة قديمة قربت الحروف لاقرب نطق كتبتة
غنوة:جا ليش ماكتبتة بالعربي حتى اشوفة
دلهم: اغار خاف يقرونة
رديت اشاقي:حلو اني هم اريد مثلة
حجة يلعب بطراف شعري:لأسمي
غنوة:لا لأسمي اسمك شسوي بي
دلهم:نامي لا اخنگج
غنوة: اشاقة شبيك
دلهم:وشبة لتشب بيج
رديت اضحك:عود شنو هاي
دلهم: يعني نار لتشب بيج تشتعل
غنوة:اهون عليك
دلهم: والعباس صايرة ماتهونين
تمددت بصفة اضحك خلاني بحضنة وجهي برگبتة كل شوية ابوسة و اشمة اصابعي فوك الوشم اتلمسة
دلهم:غناوي هدي اللعب و نطمري
غنوة:مو ذاك اليوم گتلك بية شي ما اشبع منك اريد اضل بحضنك
بلع ريگة دنگ يبوسني غمضت عيوني ابادلة ايدة احس بيهة على ظهري يتلمسني اصابعة تمشط خصل شعري ابتعد عينة بعيني
حجة يبوس أذني :غناي غناوي روح روحي حبيبة روحي بس انتي عندي
ضليت مخلية راسي على زندة شعور حلو احس بي رفعت ايدي امرر اصابعي بشعرة احسة بس الية
ماعندي غيرة ما ارتاح بس بالمكان لهوة بي
مد ايدة للجنطة اباوعلة مستغربة فرغهة يدور بيهة ابتسم من لگة عطرة موجود حجة:خوش صاحبة عدج
ابتسمت حجيت ادفعة:لاتغرگني بالعطر اريد انام
دلهم: بس شوية رفعي راسج
رفعتة رش على رگبتي سداه خلاه على جهة خلاني فوك الهدوم لمسوينهن مخدة استند بأديه فوك مني
قرب وجهة لرگبتي يشمني
گرصتة من عضاني رفع راسة يوخر شعري عن وجهي حجة يعصر خدودي : استلك ابوي خلفني خلاني اشوف نسوان حلوة
ضربتة بضوجة:يانسووان
دلهم:عليج يبعد روحي
غنوة: نسوان ابو النسوان
دلهم:تغارين اخت المتسلك
غنوة:اي اغار غير رجلي مارضة عليك
دلهم:ماكو خبزة الفج بيهة
رديت بضحكة:ماكو حتى خبز ماعدنة
حضني نايم وراي رافعني عن الگاع قربت راسي منة
احس بشعور الامان و الدفو تمنيت الوقت يوگف هيج مايتحرك اخلي يمي مايروح
غنوة:أحبــك
دلهم: هاي انتي لو هرموناتج
رديت ببتسامة:لا اني
گعد يجر فاليتنة من فوك راسة نزعهة باوعتلة مستغربة غمزلي حركت رجلي اريد ادفرة لزمهة يضحك نزل راسة يبوس بية غمضت خجلانة منة
يحجي بجرأة يخلي اذاناتي تشتعل نار عضيتة من سوالفة لتفشل لزم وجهي عاصر خدودي و يضحك
گعدت الصبح على صوت هوسة و جهال برة ابتسمت كعدت على حيلي الشمس بعيني دلهم نايم
ولا جنة البارحة يحضن و يبوس شامرني وين
گمت للحمام گوة سبحت طلعت انشف بشعري اجر بهدومي من جوة راسة بطلاع الروح اخذتهن بدلت
توني لبست الثوب گرصني برجلي
حجة مخلي ايدة جوة خدة: شو ماكو مستحة
رديت مرتبكة:جنت كاعد
دلهم:لا نايم توني فتحت عيوني
خوفني ضليت اباوعلة بشك گعد يسب برفا لان مامخليتة هدوم رجع على نفس هدومة طلع يدور صمون مالگة اجة بيدة خبز
حجيت اخذهن منة :منين ذني
دلهم:من اهلج
غنوة: شلون أخذتهن
دلهم:لزمت بنت اخوج كيفت من شافتني گتلهة اريد خبز جوعان جابتهن
ضحكت اطلع الجبن حتى جاي ماكو اكلنة هيج وراهة طلع يخابر بصفوان ينقل الاغراض الي ببيت اهلة هناك لهنا لان ذاك البيت كامل مأثث
لليل يالله جابوهن ضليت كاعدة بالحوش لحد ما نزلوهن صار البيت هوسة كلة اغراض كلشي مشمور بصفحة اخذ منة اسبوع يالله رتبناه
اسراء من عرفت اني هنا مرتين اجت ما فتحت الباب
ختولي مالي خلگهة التهيت ارتب بالبيت واسع نفه احسن من خنگة المشتمل الضيگ رتبنة الغرفة
و بيهة خشاب كامل
حجيت افرش النزلة : ماكو اذا گتلي خل نروح منا الة اطلكك لا اريد غايب ولا حاضر
دلهم:يالله نروح
شمرت عليه المخدة :كيفتت
دلهم: تردين الصراحة العيشة هنا حلوة بس منغص علية شي واحد
غنوة:ولد عمي فدوة لاتسوي مشاكل ترة احنة لجاينهم مو همة لأجونة
دلهم: اهلج كلهم غثيثين
غنوة:على ساس اهلك شلونهم شرانيين و تدورن المشاكل دوارة
دلهم: هي المشاكل تحبنة على الأقل عدنة انجازات
غنوة:ايي بالله شنو انجازاتك
رد بجرأة:باوعي لبطنج و تعرفينهة هذة اهم انجاز
شهگت اشيل المخدة الثانية اشمرهة عليه حجيت بضوجة:دلهمم لاتصير ساقط
رد يجي يمي:ليش تغلطين
غنوة:ما غالطة انتة صايرة اللفاظك مو حلوة
دلهم: ماكو واحد ماعدة اللفاظ اذا ما اطلعهة يمج يم منو اطلعهة يم خالتج الفارسية
غنوة:اهووو
دلهم: رايح اسوي الكهرباء مو تدعين علية
تحركت اروح يمة :لاتهبطني تعرف تأسس
لو ماتعرف
دلهم:كلشي اعرف مشتغلهة گبل
وكفت يمة اشوفة يسوي بالوايرات يسحب من المولد للبيت صاعد على الحايط يسوي اسمع صوت جسام من برة يگلة تحتاج عونة
رد عليه بصوت مسموع: تعال شوف الواير ينتل لو لا
عضيت شفتي أشرلة هو واكف يشتغل ذاك الفايخ يغث بي ماعندة مانع ينزل الوايرات على راسة لحد ما نزل شلعو گلبي يگول مزعطة
ضل للعصر يرتب بالبيت مايرضى يستراح بس يگعد يشتغل عقلة يگول خليني هيج ورة اكثر من اسبوع يالله استقرينة بالبيت و خلصنة كلشي
اخذت راحتي قافلة بابي لو جدي يجي ما افتحلة الباب امشي و اوصي بدلهم ما يتعارك يروح لشغلة
وهم يسوي وشوم و يرجع كلش متأخر
موبايلي بيدي اخابر برفا راح يجونة مكيفة بيهم سويت الغدة متحمسة ولا حسيت بتعب منة مشتاقتلهة كلش
اجو گبل الصلاة بشوية هي و أمهة و اخوها صفاء دلهم جان ماموجود تأخر دخلتهم ماكو دقايق واجة صفوان باوعت رفا للباب تريد تروح تخنگة
دخل كعد يم صفاء بالاستقبال هنة بالهول يمي خليت الغدة على رفا و كعدت يم امهة مكيفة بجيتهة احبهة كلش حنينة
سمعت صوت دلهم توة اجة گمت رايحة يم الباب اباوعلة سلم عليهم ترخص يروح يبدل طلعتلة هدوم راح للحمام البرة هفيت كدام وجهي كلة ريحة بانزين تذع منة
رجعت لرفا بالمطبخ نصب الغدة اخلي اللحمة على ماعون صفوان وتشيلهة طگيت ايدهة متنرفزة
غنوة:ولج عيب غير خطارنة
رفا:مايستاهل هاي اللحمة خلي هاي
غنوة:هاي اسويهة بلفة وحدة اسكتي خلي الجبيرة الة اريد ابيض وجه رجلي
رفا:جا تبيضينة بلحم
تأففت احاجي امهة : خالة صيحي على رفا
خاتون:راح اگوم اكتلج رفيفة عوفي البت تعرف شغلهة مو مثلج
رفا:راح اترزل حتى هنا لاحگيني برزايل
سحبت الماعون منهة خليت اللحم تخوزر بية مستحسفتهن هسة يغص الرجال يگول عينكم وراهن ،كملنة صحت دلهم
دخل مدنك سلم على ام رفا اجة شال الصينية طلع
حجت رفا تأشر على روحهة:لعد رجلج شبي دادا مستحقرني مايسلم علية
غنوة:يستحي منج
رفا: مثل اخوي خاف تتحسسين غناوي
رديت ببتسامة:لا ابد ادري بنيتج ما اشك
رفا:تجبرين واحد يموت بحبج
ضحكت اخليهة تشيل الصينية تغدينة سوة ضحكنة شعلوة كل شوية دلهم يراسلني حتى انصي صوتي
ضلو يمنة للعصر امهة تعبانة نامت بالغرفة احنة كاعدين يم الباب نتصنت عليهم شنو يسولفون
عفناهم كل سوالفهم خايسة هي تحلف هاي من ورة صفوان هو يعلمهم على هيج سوالف مو حلوة
ولا جن اخوها كاعد هناك
دخلتهة للغرفة جايبة هدايا وياهة كعدت متحمسة
فتحت علبة العطر حلوة شميتهة تخبل خليتهة على
جهة اجر القمصان منهة مستحية
غنوة:انتيي شبيج ماتستحين
رفا: والله مو اني اشتريتهن امي
غنوة:عابتلج استحي ترة لاتراويني هيج عيب
رفا:يمة يمة ولا جنج تلبسين
عضيتهة اخفي فشلتي طگتي تگرص بية تمددت ظهري نكسر من الگعدة واحنة نايمين نگلب بالغراض كعدت تضحك تفتح بالعلبة
طلعت جواريب صغيرونات لونهن احمر اخذتهن مكززة عليهن ابوسهن:يخببلن
رفا:يموتن لجج لگيتهن ماكدرت ما اشتريهن
خليتهن على ايدي صغيرونات اضحك وياهة نسولف
لحد ما صاحولهن حتى يرحون طلعت وياهة واكفة
بالباب مال المطبخ نسولف
سدت السحابة مال رداءها لازمة ايدي تلبس بالكعب عيني على الجام مال المطبخ اخوها يم دلهم يسولفون و صفوان وراهم
عينة عليهة بس هي مبينة من الباب مبتسم مكتف اديه اجيت اكللهة بطلت استخطيتة مدري شلون يباوع جنة واحد خطية
بوستهة و سلمت على امهة طلعو ضليت مرتكية على الباب مبتسمة رجع دلهم ايدة على جتفة يفرك بي وكف بصفي اني مرتكية على الحايط من جوة هو من برة يباوعلي
حجة يمسح على خدي: غناوي
غنوة:امم
دلهم: عاشت ايدج حبيبتي
ابتسمت العب بقياطين الثوب الفهن على ايدي حجة يتلمس الكلوشة :اول مرة اشوفج بثوب طويل
ضحكت ارفع بي اطلع رجلية لحد جوة الركبة حجة يباوعلي من بعيد:اي هاي غــنوة مرتــي
زادت ضحكتي دخلت ابدل لبست ثيابي الگصيرة رجعت يمة متمدد على الجرباية نايم على بطنة
مديت ايدي اعصر بجتفة و ظهرة غفة من التعب
حياتي صارت روتين بالنهار وحدي اسوي لأريدة بالبيت اتمشى بالحوش لو ارتب ماخذة راحتي لحد
العصر يرجع دلهم نگضي اليوم سوة
مرات يتأخر و ايام يبات يگلي اوشوم لو اروح لفلان مكان يردون حارس لو شفت ليلي يحجي برود
و بسرعة اعرفة جذاب سكتت عنة يطلعن سوالفة
صادف يوم خميس طلع من الفجر للشغل واكفة بالباب لازمتلة النگبة هو مدنك يلبس بالبوتين
اخذها مني دنك يبوسني خليت ايدي على خدة ابادلة مغمضة عيوني ابتعد رفع ادية لشفتة
دلهم:خلي الموبايل قريب عليج
رديت بملل و منعسة: اي حاطتة بعبي
ضحك يعض خدي شلعة شلع وخرتة فتحت الباب طلع اسمع صوتة يتأفف ضجت من سمعت صوت جسام يحجي وياه والله سوالي علة
دگيت الباب من علة صوتهم اجة فتحة مخنزر:ها شعدج
غنوة:لاتتعارك
دلهم:مو خبل گدامج هو مو بيتهم هناك المن يمر منا
غنوة: استغفرالله غير الشارع يودي هيج
دلهم:لاتدافعيين
غنوة:مامدافعة شبيك دلهم عليمن معصب وذا اجة منا خيولي
دلهم:امشي هناك صوتج مسموع
رديت منصية صوتي:ماشية انام لاتطير نومتي الله وياك دير بالك على العالم منك
رد يقلدني ضحكت ادخل للبيت عايفتة يعارك شنو ولد عمج يمرون من الباب يگول شارع الخلفونة
غير منطقتهم جا منين يولون
نمت بسرعة صايرة ما اقاوم النعاس كعدت بالعشرة على دكة الباب غسلت وجهي اباوع اشوف غفران تگل لجهالهة دگوه حيل ماتسمع
غنوة:لا اسمع بس ما أريد افتح الباب روحي منا
حجت تتعاير:يئ ولج غنوة موگفتني كدام الناس شجاج غريبة اني غيـ..
عفتهة تحجي مشيت للمطبخ سويت ريوك اكلت
گضيت وكت على الموبايل اراسل برفا خابرت دلهم گالي بالطريق شوية و يوصل
طلعت ارش بالحديقة لزرعناهة بيهة شوية شتلات
ندگ الباب تأففت سديت الحنفية رحت يم الباب
اباوع من الزروف الي بي محد مبين بس اسمع صوت سيارة مل ابالي صفوان لان بس هو يجينة
حجت اقرب شوية :منوو
رد صـوت خـشن و مسـموع: انـي نعـمان
كاسـر هنـا
شكرا لزيارتكم عالم روايات سكيرهوم
