رواية نقش بارد الفصل التاسع عشر بقلم فدك فاطمه
ألعيوُن أستراحَن هودن
بألشوُف، والگلوب
التقَن وبشوگنهَ احترگِن
.
.
غـــنوة
طلعت ارش بالحديقة لزرعناهة بيهة شوية شتلات
ندگ الباب تأففت سديت الحنفية رحت يم الباب
اباوع من الزروف الي بي محد مبين بس اسمع صوت سيارة مل ابالي صفوان لان بس هو يجينة
حجت اقرب شوية :منوو
رد صـوت خـشن و مسـموع: انـي نعـمان
كاسـر هنـا
بلعت ريگي مانطقت ولا حرف صوتة قوي و عالي
واگف قريب من الباب رجعت خطوة ليورة حذرة
دخلت للبيت من رجفة و الخوف تيهت الموبايل وين رجعتلي ذاكرتي لذاك اليوم من رموا البيت
نفس الصوت و الهيئة هو الاجة لذاك البيت و رماه
خفت عيوني غوشن بالدموع دخلت للغرفة قفلتهة
كعدت يم الجرارات الموبايل بيدي اتصل على دلهم
اول ما رد حجيت برجفة: نعمان هنا
حجة ما فاهم: شنو شگلتي
غنوة:نعمان .. هذة نعمان گرايبك بالباب يريدك
رد مخبوص:دخليي للبيت لاتطلعين فتحتي الباب
غنوة:لا لا ما فتحتة بالغرفة قافلة علية
دلهم:عفية جايج اني يروحي لاتخافين اهدي
رديت برجفة:خـ.خاف يرمي البيت مثل ذيج المرة
دلهم:لا لاتخافين مايسويهة ضلي بمكانج هاي اني قربت اجيت
غنوة:لاتسوي شي فدوة ماعندي غيرك لاتتهور
ضل ساكت فترة اسمع اصوات يمة نوب حجة بهمس: ضمي سلاحي عني
عفت الموبايل رحت للجرارات افتحهن اخذت السلاح بخوف طلعت مارددة اباوع للبيت مادري اذا بعدة نعمان برة لو مشة فتحت الخانات طلعت علاگة لفيت بيهة المسدس خليتة بگونية التمن
لو يموت دلهم مايلگاه حتى لو تعصب راد يهد عليه
ما انطيه الة ضليت حذرة كاعدة بعيد عن الشبابيك
سمعت صوت سيارة تبعة صوت دلهم حضنت بطني
حاشگة روحي يم الدرج ما اسمع بس من تعلى اصواتهم يتجادلون بينهم خفت اروح هناك و تصير
عركة قوية لو يرمي و اروح بيهة شگد ما حاولت اهدي روحي ماكدرت اصتكيت من الخوف گلبي يم
دلهم خايفة عليه لا يسولة شي
اباوع للباب كل شوية اگول هسة يجي لحد ما نفتح باب المطبخ دخل طلعت من مكاني اجة حضن وجهي يمسح دموعي
دلهم:شش حبيبتي ماكو شي لاترجفين
غنوة:نروح
رد يوخر شعري :لا عيوني مانروح لاتخافين
غنوة:خاف يأذونك
حضني لصدرة يمسح عليه : شحدة
غنوة: شنو راد المن جاي
حجة يبوس شعري :يغثني
لفيت ادية على خصرة گلبي يدك حيل بعدهة الرهبة
بية شكد اخاف من يجون ،عافني راح يغسل طلعتلة
ملابس رجعت واكف بالحمام راسة جوة الماي
علگتهن مشيت لباب المطبخ سديتة قفلتة ضميت المفتاح بعيد رجعت احضر الغدة بالي مو وياي كل شوية طايح شي من ايدي
حسيت بي من طلع اخذ موبايلة اجة يريد يطلع برة
جر الباب مانفتح حجة مستغرب:المن قافلتة
غنوة:لاتطلع اهدئ شوية انتة مغثوث لاتسويلك شي نوب
تنهد يحاول يحجي بهدوء: اريد اخابر
غنوة:خابر هنا
عاف الباب مغثوث مايباوعلي حتى ما نتعارك راح للغرفة يخابر عفتة براحتة اسمعلي شي اضل أهم
أذن رحت صليت دخلت للغرفة لگيتة نايم جفي على
وجهة غطيتة و طلعت ضميت الاكل ما اشتهيت نسدت نفسي
الظهر اجتني نرجس بنت علوان كعدت وياهة بالحوش نلعب تسولف علية عجيبة بنقل الحجي تضحكني ماتفوتها فايتة
غنوة: حبيبتي لاتسمعين لأمج روحي لعبي هاي سوالف الكبار ختولي
ردت تلزم ايدي: عمة ماگتلج سرى مرت صاحب ابن جدو عمار كتلوهة و ودوهة لهلهة رجلهة يگول ماريدهة
غنوة: استغفرالله واني شعلية ولج عوفي هاي السوالف اذا بعد تنقلين كلام ازاعلج انتي صغيرة لا تفكرين بهاي المشاكل ادرسي بس
نرجس:ماحب الدراسة ابوي يگول للخامس و ابطلج
غنوة:غير كسولة صارلج سنتين بالثاني
ردت بضحكة تأشر بيدهة:وبالثالث يصرن تلاثة
غنوة:خرب بليسج گرة عين امج
نرجس:ماريد الدراسة صعبة
غنوة:لا سهلة بس انتبهي انتي لسانج شطولة
حجت تجر بأدية:تدرسيني
غنوة:اي مو لگيتيني كلش لبلبان
نرجس:جا ليش تحجين علية انتي ماتعرفين
ضحكت اعصر خدودهة:ولج انتي شلون بلسانج
حضنتهة اضحك وياهة عيني على الباب مال المطبخ دلهم توة كاعد عاگد النونة شعرة كفشة ابتسمت من شفتة نسيت نرجس و سوالفهة
حجة يجي ناحيتنة: وين اصيح عليج
غنوة:سگيت الحديقة و كعدت هنا وية نرجس
كنبص كاعد بصفي هي ضمت وجهة وراي تستحي
الجذابة اخر مرة من گتلهة لاتسولفين وياه عبالهة مادري من تشوفة بالشارع تروحلة
سحبهة يبوس خدهة حجة :جنج عمتج كلاوجيات
غنوة:عمتها شعليهة
رفع ايدة لزم حنجي دنگت بوسني بخدي گال:اريد غدة
غنوة: تدلل عيني
دلهم:هواي متطورة
غنوة:اراعي نفسيتك خاف ضايج
دلهم:ليشوف وجهج هم يضوج
ضحكت يحجي برود و جدية حتى غزلة جاف مثلة گمت رايحة للمطبخ اشوفة من الشباك اخذ نرجس
طلعو برة ، شغلت الطباخ جوة الاكل حضرت المواعين على ما رجعو رايحين للمحل
صبيت الغدة مد ايدة من فوگاي شال الصينية خلاهة بالگاع كعدت بصفة لازمة خاشوگتي وكلني اول لگمة حصتي مثل كل مرة
دلهم: ليش مامتغدية
رديت اني اكل :اني مامتغدية شمالني اكلت ماعونين تمن
دلهم:هي جدريتج كلهة بيهة ماعونين تمن ليش الجذب ياعيني
ضحكت اباوع للباب اجت نرجس جايبة كرصة خبز
هسة غفران مثعولة لان ناخذ منهم اليوم دلهم اجة مستعجل ما اشترة
حجيت بهمس مترددة: نعمان شراد منك
دلهم: كلشي مايريد اجة ينغص علية گعدتي
غنوة:شنو راح تسوي
دلهم:بعدني مامفكر
رفعت عيوني الة تنهدت يمتة نفتك منهم مايملون هي مشاكل قديمة و راحت بوكتهة على شنو يسون
هيج راح ترجع الموتة
شلت المواعين غسلتهن ،تمدد هو بالهول معلك رجليه على حافة الشباك و أدية جوة راسة صافن على السگف ارتكيت على السنك اباوعلة
غنوة:اگلك اذا هو يجي يهددك ليش ما تشتكي عليه تسجلة مثل لمن سجلت سالم الله يرحمة
دار وجهة علية صافن رد ورة فترة :شستفاد حتى لو سجلتة مايخاف
غنوة:تشتكي عليه يم الشرطة تگللهم يهددني ببيتي وانتة مامسوي شي الة
نام على صفحتة مخلي ايدة جوة راسة اشرلي اروحلة استغربت غسلت ادية رحت يمة گعدت مدنگة قربني عليه
حجة يشاورني : خاف اشتكي عليه تنگلب علية اني ماصار هواي من طگيتلي خوش وجبة مخدرات
رفعت راسي مصدومة:شنوو شنو مخدرات دلهم
خلة ايدة على شفتي حجة:شش نصي صوتج
التفت ليورة لنرجس تلعب بالحديقة اشوفهة من باب المطبخ رجعت باوعتلة مامصدگة شمسوي
غنوة:بعد شنو لضل ما دخلت بي
دلهم: نسدت السالفة بس نعمان اذا طخ براسة يطلع ساسهة مثل سالفة جلال
غنوة:شسويت بالمخدرات بالله بس لا هاي الفلوس الي جبتهة منهن
دلهم:هي الفلوس دفعتهن و اشتريتهن
غنوة:اي
دلهم:اي اشتغلت بيهن سويتلي سالفة الهم نسد كم محل من وراهة
غنوة:علمود هيج سجنوك
دلهم:عفية بسرعة تربطين
غنوة: يمتة تبطل و تگعد راحة جزعتني
سكت يمسح على لحيتة و رد: اطيح نعمان بسالفة لو جد جدة يطلع من گبرة ما يخلصة منهة اذوبة تذويب
رديت بنفاذ صبر: اخنگك ما توب
دلهم:لا ما اتوب سحك راسي برجلة
غنوة: هواي عذبوك بالسجن
دلهم: جؤؤ قليل
بوستة بخدة ضايجة من اتذكر السجن و شلون شكل ظهرة و جسمة من رجع انغث عبست امسح على خدة ابتسم رفع راسة من المخدة خلاه بحضني
غنوة: رفا البارحة خابرتني واقترحت علية اقتراح
دلهم:امم شنو اقتراحهة
رديت امشط شعرة بصابعي:نهاجر نطلع المن ضالين هنا
رد يگرص حنجي :ايي وين تردين تهاجرين
غنوة:مادري لاي مكان بعيد عنهم
دلهم:اييي
يحجي يمط الكلمة و يستهزئ باوعتلة ضايجة رديت بنرفزة:انتة مو ردت تهاجر ردت لو لا
حجة بطئ كلمة كلمة:ردت و صار بيهة عارض و صار الي صار وبعد لو يجي ابوي من گبرة هم ما اطلع
غنوة: اي وتالي
دلهم:شراح تسوين عشة
غنوة:دلهمم احجي صدك اني
رد يمد ايدة بجيبة: ماتخلينة نطلب بيتزا حتى تعيشين الاجواء الايطالية يوصلون هنا
گمت فجأة رفع راسة بسرعة گبل لا يطگ بالگاع جراني من ثوبي حيل فتگ الكلوشة من فوك التفتت الة اشوفهة بدل لا يعوفة جراه لزمت القماش بساع
غنوة:صدكك تحجيييي
دلهم:جا ليش تمشين مو اسولف وياج
غنوة:وتشگ ثوبيي شووف
دلهم:يالله فد نمونة
سحبتة من ايدة صافن علية كيف من نشگ ثوبي ضل يباوع رحت بدلت خرب مزاجي خلاني اطنگر
كعدت بالغرفة هو برة بالهول فترة سمعتة صاح
دلهم:غناوووي
تأففت طلعت اباوعلة من الباب شايل علاگة يهز بيهة : جبلج دشداشة
لميت شفتي حتى احافظ على زعلتي اجة فتح العلاگة طلعهة دشداشة قماش مطاط لونهة ازرق بيهة صور مال فلام كارتون دبب
غنوة:وين جبتهة هاي يمتة رحت
رد يشمرهة عليه:لگيتهة امشي لبسيهة
غنوة: هاي بفلوس البيتزا
دلهم: بفلوس العشة دبري شي تسوينة
غنوة:صدك دلهم كلشي ماعندك
دلهم:امم بالليل اروح اشتغل
غنوة:لاتروح شنسوي بيهن
دلهم:اني مامسح دموعي الة بفلوس
ضحكت اخذت الدشادشة لبستهة ضيگة حتى يمكنهة مو مال كبار بناتية گصيرة جوة الركبة كل ثيابي هيج طافرة
حجة اول ما شافني:جنج ماضي
غنوة:غيرر انتة اشتريتهة ماتشتري طويلة
دلهم: احب اشوفج رجليج
كعدت بصفة رفع ايدة حاضن جتفي لازم ادية باوعتلة بشك :شتريد تبيع هاا
رد بضحكة:لا ذني مابيعهن سوارات امي
كعدت متفاجئة:جذب
دلهم:وسم
غنوة:ليش ماگتلي اضمهن
رد يحل شعري :لا خليهن احب اشوفهن بيدج
غنوة:من سألتك گلت اشتريتهن
دلهم: گلت يجوز مايعجبج تلبسينهن
غنوة:لا عادي بس اذا ذكرى منهة اضمهن خاف يضيعن
دلهم:مايضيعن ما دام صارن بيدج هنة الج
غنوة: شكراً
حضن خدي دنگ يبوس رگبتي حجة:العفو
حضن خصري يمشي شفتة من رگبتي لأذني سنحت
اريح خدي على ايدة حجة بهمس يم أذني : غناوي
رديت متوترة :ها
دلهم: حبيب الروح
غمضت عيوني تقرب يبوسني من كد ما متأثرة ضليت مفهية يحركني مثل مايريد ابتعد يبوس رگبتي و بداية صدري يم ياخة الثوب
نرجس:عمة
فزيت ادفعة اعدل بروحي التفتت الهة متوترة واكفة بباب المطبخ مادة راسهة لازمة كاسة بيدهة
تمدد دلهم وراي مخلي ايدة ورة راسة يباوعلي بخبث گمت رايحتلهة
غنوة:ها حبيبتي
نرجس:امي تگول عدهم معجون
غنوة: لو عدي معجون ماسويت المرگة صفرة
ضحك دلهم حجة يسمعهة:گلليهة عمتي فقيرة لاتضل تودي علينة
غنوة: والله ماعندي
نرجس:جا شلون تتعشون
دلهم: لو ما جاية جا هسة احنة مكملين عشة
التفت اخزرة گمت طلعتهة لا يگولة كلمة و يشهرنة
طلعت وياهة گتلهة ماعدنة راحت لبيتهم سديت الباب رجعت للمطبخ سديت الباب
دلهم: تعاي غناوي
رديت اخلي المواعين بالكاونتر:ما اجي دنيا غروب راح يأذن
دلهم:بعد مو هسة
غنوة:دلهم اريد برتقال
دلهم: نطيني فلوس و اشتريلج
غنوة: والله صدك اريد
دلهم:من اطلع بالليل اجيبلج
فتحت الثلاجة بيهة بيتنجان خليت ثنين على الطباخ
نقصت جواهن رحت توضيت كعدت بالغرفة منتظرة الاذان جهازي بيدي اراسل برفا و وتين
مرت الليل بهدوء همزين دلهم ساكت ما سوالة مشكلة طلع بالعشرة قفلت البيبان وراه موبايلي يمي متمددة وحدي بالغرفة
اسولف وية رفا بس حتى اطرد الوحشة وما اخاف لحد الثنتين سمعت الباب ندك گمت متعاجزة رحت فتحتة طافر الحايط و دك باب المطبخ
فتحتة الة اخذت العلاليك من ايدة خليتهن على الكاونتر فتحتهن علاگة بيهة قواطي صغار مشتري حبر خليته على جهة اخذت برتقالة رحت للغرفة
دلهم:خو ما واحد اجة
غمزة:لا محد
دلهم: جيد
تمددت اباوعلة لازمة الفانيلة يمسح برگبتة توة محلق رگبتة كلهة شعر راح للحمام ،سديت موبايلي خليتة على الشحن گبل لايخلي موبايلة
اجة گعد ينشف بشعرة عدلت گعدتي اباوع لظهرة
حجيت الزم جتفة:داك وشم
التفتت مستغرب:لهدرجة حافظتهن عرفتي الجديد
رديت متورطة:ها
دلهم: من اگلج صافنة علية تنكرين
غنوة: لا بس مبين جديد شلون دگيتة هنا يعني بيدك
دلهم:لا برجلي
غنوة:ماتضحك مو حلو حتى لونك مامعروف
دلهم:ابيض
غنوة:وينك ابيض ماتشوف وجهك
دلهم:وجهي محترك من الشمس
رجعت تمددت اكل برتقال دنك اخذ وحدة بحلگة من ايدي اكلهة تقرب يباوعلي بخبث غصيت من وراه گوة بلعت اللگمة
غنوة: موبايلك يدك
التفتت يشوفة فتح خط خلة راسة
على رجلي رد: شتريد
رد عليه بنتر:شلون تاخذ السيارة وتعوفني هسة بيش ارجع
دلهم: انتة تتأخر و المحلات تعزل
صفوان:شبيك انتة مسودن غير سيارتي
دلهم:اكلتهة سيارتك باجر اجيبهة
صفوان: فلوسي بيهة شلون اجر واروح
دلهم:ضل بهذة البيت لمأجرة الي حتى تشوفة خايس گوة ينطب
رد علية ماسمعة سد الموبايل رجع اتصل طفاه شال
موبايلي من الشحن خلة موبايلة تمدد بصفي متغطي لازم موبايلي اخذتة بسرعة بس فتحة
غنوة:شلون تعرف الرمز
دلهم:من الواحد للاربعة
غنوة:خصوصياتي
رد مستهزئ:لااا
ضحكت على نبرتة ضميت الموبايل جواي عبالي يبطل مد ايدة يريد ياخذة اكلت البرتقالة بسرعة
وخرتة عنة
غنوة:عوفة مو ذاك موبايلك
دلهم:شبي وضامتة شو بالله خل اشوف
غنوة:خصوصياتي وية رفا
دلهم:ما ادخل على محادثات
جراه مني مثبتني بيدة مايرضة يعوفة اكلت اظافري بورطة من صار يگلب بالبرامج دخل للاستوديو لزمت ايدة بسرعة
غنوة:بيي صورنة اني و رفا دلهم عوفة
دلهم: شوف صاحبتج شلون تخبل خوش لقطة
ضميت راسي بالغطة من الفشلة الصور كلهن الة اگصلة غفل هو كاعد اكثرهن بذاك البيت مايدري
دلهم: 288 صورة بس الي شبيج بابا
غنوة:مو الك اني اتعلم اصور
رد بضحكة:لا خوش تصوير عفية عاشت ايدج
لزمت الغطة ماريدة يسحبة وخراه يضحك عاف الموبايل يباوعلي بخبث درت وجهي للحايط
حجة يعصر خدودي: ولج غناوي
غنوة:ها لاتكيف هسة امسحهن
دلهم:اي مسحيهن مصلخ بيهن
غنوة:وين بس فالينتك نازعة همة شكم وحدة
دلهم:مو عيب ليش تصورين بدون مادري
غنوة: اهوووو
دلهم:اي عود ضيعي السالفة
درت وجهي منطيتة ظهري راح الثگل حرامات حضني من ورة لازم الموبايل يگلب بالصور
و الفيديوهات عطبت من الفشلة مامخلية مكان ما مصورة منة ، من يطلع و من الشباك مرات هو نايم
دلهم: هذة ياهو لمصورتة
باوعت مستغربة مكبر الصورة على رجال واكف يم بيتهم اني مصورة من الشباك طالع بالصورة
غنوة:شدراني جنت اصورك
دلهم: بس لا هم معجبة لهذة ابو گرعة
غنوة:منيين اعرفة وانعجب بي هيج گصيتهة
دلهم:خل نمسحهة تولي
گتلة مسحهة عمدة صار يمسح بصور احترك گلبي بس كرامتي ماتسمحلي اگلة عوفهن ضحت حيل
غنوة:لاتسوي هيج عوف الموبايل شسالفة
دلهم: خل نمسحهن مو حلوات
رديت بضوجة:شعليك موبايلي و بكيفي عوفهن
دلهم:غير صوري
اخذتة منة ضميتة جوة المخدة تلمست شي رفعت المخدة اشوف اسلاحة جواهة مخلي التفتت الة
غنوة:وين لگيتة
دلهم:بالتمن
غنوة:شدراكك
دلهم:فكرت ولگيتة
غنوة:خو ماتريد تجيبلك بلوة
رد يمسح على بطني: البلوة انتي تجيبنهة
ابتسمت فرحانة رجعت المخدة رحت نمت بحضنة
ماخلاني ارتاح بهذلني يتقرب مني ويبوسني لحد ما استلمت خليتهة براحتة
ثاني يوم گعدنة متأخرين على صوت الباب يدك قوي فزيت وياه خايفة اشوفة طلع مستعجل يلبس بالتراك ،اخذت هدومي ايدي ترجف گلبي يدك
بس لا نعمان رجع لبست بسرعة خليت الشال على راسي طلعت وراه واكفة بالمطبخ الباب البرة مفتوح
اشوف زلم متجمهرة يم الباب ماعرف شكو شعدهم
اسمعة يحجي وياهم يريدهم يوخرون عن الباب شوية شوية مشو طلعت اعدل بالشال سد الباب ضلت بس ايدة لازمتة من برة
وگفت قريب عليه اسمع گوة فهمت منهم مكتوب على الحايط "مطلوب دم" واحد كاتبهة بالليل ماكو غيرة لو نعمان لو ولد عمة
حجة دلهم بنرفزة: ايي عميي اني مطلوب ثار مشاكلي لحد يدخل بيهة يالله فضوهة منا
رد عليه واحد ماعرفتة منو :اذا مطلوب المن اجيت اهنا تجيبلنة المصايب
دلهم:ليش هي گاع الخلفوك وتطالب بيهة شلك علاقة
علوان: هاي العشاير مايجي وراهة بس دوخة الراس اختي كعدتهة يمك مو راهمة
رد عليه دلهم بنرفزة:ابو نرجس ماتسكت لان اخلاقي واصلة لخشمي
جسام:واذا اخلاقك بخشمك ما نحجي وياك شني
دلهم: اهووو يابة امشي منا احنة نسابة نتفاهم انتة شبيكك
جسام:انيي بس خايف على بت عمي احنة اهلهة من حقنة نخاف
دلهم:انتة اكو واحد مسلطك علية من الصبح
علوان:شجاك يمعود رفعت ردانك غير نخاف عليكم كاتبين على حايطك و مفلشين سيارتك
دلهم:ماحجي وياك انتة احجي وية هذة شبيك عمو شبييك
جسام: نجبب لاتنعثل شايخ علينة كلك واحد ملفة من السجون مدري من ياگاع طالع
دلهم: استغفرالله لاحول ولاقوة إلا بالله
حجاهة بصوت عالي ماسمعت بس العياط و السب
و المصايح بينهم سديت الباب اباوع من الزروف ادك على خدي
ماطل جسام بالگاع نايم فوگاه متولي راشديات دفرة ذاك ببطنة حسيتة طگاني ببطني عضيت اصبعي خرب حضي الة يحاجونة صاروا حنين علية
گوة فاككوهم علوان دخل دلهم يدفع بي يريدة يسكت ساگ عليهم سوگ خبطهة كلهة سوة نتر ايد علوان من جتفة راح للحوض
مدنك يغسل و يشتم بيهم هز ايدة علوان طلع راگع الباب وراه سديتة مشيت يم دلهم رفع راسة ينگط ماي ينزل على صدرة
غنوة:شصار
رد يزمخ:هذة ابن عمجج اذا ما ****" اطلع ابن گ***"
غنوة:دلهم شنو هذة الحجي محد گالك تعال هنا انتة برجلك أجيت جان رحت لمكان كفيتنة شرهم
دلهم:مو گاعد بگاع الخلفوه شعليه ويدخل
غنوة:شدراني انييي ليش تزمخ علية
دلهم:امشييي جوة امشي صوتج ينسمع
طبيت جوة استغفر اهدي اعصابي اجة وراي ينتر
وبعدة يدردم عليهم اخذ هدومة فات للحمام كعدت مخلية وجهي بين ادية اهز برجلي
راسي گام يوجعني افرج بي ،طلع برة يخابر مكسرين
سيارة صفوان ممرود الجام يمتة اجو ما سمعنة
رجع اخذ زاهي و جلافة يريد يمسح الكاتبينة مايطيح شعوط من الصبح گضاهة شتايم و فشاير
طفيت الطباخ صبيتلة جاي مديتة الة درت وجهي لزمني من زندي رجعني بصفة حاضن جتفي شرب الجاي بكمعة وحدة خلاه على السنك
حجة يرفع بوجهي الة:صباح الخير
غنوة: ياصباح مو توك تنتر و تصيح
دلهم: استعدل راسي من شميت عطرج
مسحت وجهي متنرفزة من اسلوبة كل شوية راي شكل وخر ادية حجة :روحي جيبي المحفظة
و السويج
رحت جبتلهن الة اخذهن حجيت مستغربة:شلون تسوق السيارة هواي مكسرة
دلهم:بس المرايات
غنوة: هسة تصلحهة الة
دلهم:لا هي سيارتة مسكربة
غنوة:هسة رايحلة
دلهم:رايح لصلاح لجلب المن كاتب مطلوب دم الگ**" شكاتلة و يطلبني
غنوة: دلهم دير بالك حباب ذاك اليوم رجل خالتك مو منعك من لروحة الهم وانتة تگول يكتلك
دلهم: السلاح وين روحي جيبي
رديت بغصة: راح ابجي
شافني اباوعلة بقهر خايفة دخل بخذاءة راح جاب السلاح يمشي ويعبي بي الطلق خلاه ورة ظهرة
طلع خلاني گابة من الغيض و الحرگة الوقت يمر ببطئ كاعدة بالهولمخلية راسي بين رجلية بس دموعي تنزل و گلبي يوجعني
مرتين غفران اجت طبت للحوش دكت باب المطبخ ما فتحتة گلبي نار مشتعلة افور من القلق و الخوف
خابرتة شكم مرة يطلع خارج الخدمة اذن گمت راسي ماكدر ادنگة وجع يموت عدي علاج بس ماكدر
اشربة يومية من عرفت حامل راجعت و بدلوه الي
و حددتلي وقت اشرب بي بدلتة بنوع آمن علة لحمل
صليت گوة بس كملت سديت البرد من الضوة
وتمددت اعصر براسي بس افكر لو ابجي تهيج علية
غفيت بدون ماحس رفعت راسي على دگة الباب اشوف الهول ظلمة گمت اتلمس ادور على النقاط
شغلت الضوة رحت فتحت الباب دخل وجهة كلة
كدمات و ازرگ ،عاگد حواجبة العصبية مبينة عليه
ماحجيت محتارة بوجع راسي عدلت المخدة رجعت
تمددت اسمع صوت الماي من الحمام يجري سديت عيوني من ضوة الگلوب يعكس علية
مر من گبال عيني كعد مرتكي على الحايط بيدة جكارة ما مورثهة بس مخليهة بين اصابعة مرجع راسة ليورة على الحايط مديت ايدي جريت ردان التراك انتبه علية
عاف الجكارة و الباكيت تقرب خلة راسة على زندي
حضنت جتفة امسح على شعرة احرك اصابعي بين الخصل على كيف
ما سألتة مادام رجع هاي هي ادري راح يجذب اذا مايريد يحجيلي راح يجذب خليتة على راحتة هو يحجي من وحدة يمتة ما يريد
شدد لزمتة علية مخلي راسة بحضني غمضت عيوني
فترة حسيت بأنفاسة هدئت عرفتة غفى تنهدت بضوجة ضليت صافنة بالحياطين لحد ما غفيت
اسبوع ورة الصار دلهم اذا الحايط يحجي هو حجة
بس ياكل و ينام هم گوة اخلي ياكل كل ما اشوفة هيج ساكت ينخمش گلبي و يثگل
تعبت من تصرفاتة البيت صار كئيب لاهو يحجي واعرف الصار ، حاجيت رفا بلكي تسألي صفوان
اكيد يعرف شبي مرتين اجة طلعو شوية و يرجع
مو بعيدة حاجيلة ويعرف لصار من روحتة ،مخابرتة
مالة من الحجي كلشي ما فاهمة مضوجهة حلفت بعد ماتخابرة ولا تدخل
دلهم:غنوة
فزيت من افكاري على صوتة التفتت اشرلي اروحلة
مشيت لزم ايدي اخذني للغرفة اباوعلة مستغربة
گعد على طرف الجرباية يهز برجلة مسح وجهة بثنين اديه حجة متردد: انتي ترديني لو لا
كعدت بصفة مافاهمة هزيت راسي خلة ايدي بين اديه رد :تضلين وياي شلون ما جانت الظروف
غنوة: اي شعدي غيرك
دلهم: راح ارجع لبيت عمي
غنوة:شنو يعني ترجع تصالحتو
تقرب يحجي بهمس : ظاهرياً اي راح اسايرهم لسلامتي بس اخليهم يأمنون نطلع منا
غنوة:ليش ما نطلع و نعوفهم
دلهم: الة تهريب ماكدر اخاطر بيج تبت من ورة الصار بأسراء و واحد گ**" سمعني حاط الفكرة ابالي اكيد نعمان مايفوتهة
غنوة: نعماان شنو يريد والله ذبحني مو اخذ ثار ابوه من ابوك و هم كتلو حاتم بعد شيريد
دلهم:ليش عبالج بس ابوه مات ، تلاثة من اخوانة و ولد عمة هي سنة وصارت مذابح بينهم و بين بيت عمي من ورة ابوي ناس جزعت من طلابتهم تالي يطلعون ثنينهم ماغلطانين
غنوة: ابوك ليش سوة هيج شلون يقتل اخوه ويذبهة براس واحد ثاني هو يشوف شلون صارت دماية
دلهم:ابو نعمان اتزوج بت عم ابوي وجانو راح ينطون اختة لأبوي و بالاخير جدي فضل عمي عليه خلاه شيخ عليهم و اخذ عمة نعمان صار الكل بالكل
غنوة:هيج حقدة و غيرتة خلتة يسوي لسواه
دلهم:واكثر ابوي جان البانزين ليگبب النار امي اخذتنة طلعنة جان بس حاتم عدنة ورة ما لزمو ابوي
ورة سنين اجة صلاح يمد ايدة الصاح و يرجع الدم صك حاتم سلماه لنعمان رجعو السالفة من بدايتهة
غنوة:جان لازم انتة من البداية تهاجر وتعوفهم
دلهم:الحجي اسهل من الفعل امي جانت عايشة
و اسراء صعب اعوفهن
غنوة:وهسة
دلهم: اسايرهم حتى اكدر اخلص من نعمان
و يغضون الطرف عني و نسافر بدل التهريب
غنوة: خوش المهم تضل بخير اني وياك
دلهم: لاتخافين لاتفكرين بس ديري بالج على روحج
الباقي كلة خلي عليه
غنوة:نضل هنا
دلهم: انتي شنو لتردينة
مسحت وجهي رديت:اضل هنا تعبت
سحب راسي عليه يبوسني بگصتي تمدد مخليني على صدرة حجيت اسألة:ليش ماتكدر تسافر غير تهريب همة شعليهم
دلهم:يراقبوني
سكتت رغم ما مفتهمة معقولة الدولة لهدرجة ما تكدر تحمي لايشتكي ولا يسافر حتى ما مفكر بيهة
غنوة:شنو الراح يتغير
حجة يگلب بشعري: كلشي مايتغير بس اروح اشتغل وياهم
غنوة:ليش هذة الاسبوع كلة انتة ساكت معقولة بس علمود هاي
ما رد رفعت راسي الة مستغربة مغمض عيونة مديت ايدي خليتهة على خدة اخذاها يبوس اصابعي يحضني لصدرة
دلهم: ماشايفج هاليام ولا سأل عنج شلونج
غنوة: حالي من حالك
دلهم: اسف ما مرتاحة وياي
غنوة: ما ماقصر انتة بس من اشوفك ضايج
اضوج عليك
دلهم: حبيبتي غناوي
تنهدت گلبي مامرتاح احس اكو شي ناقص بحجية
أيام ورجع طبيعي يسولف و يضحك بس يطلع هواي يتأخر يالله يرجع تعبان صاير تفصيخ
يشتغل بواحد من مطاعمهم من السبعة الصبح لحد الليل يالله يرجع هو يكره هيج شغل يضل متقيد بي مايگدر يعوفة مجبور
رجعنة بالليل من بيت جدي جانو عازمينة اعمامي كل مايمر دلهم يگلولة جزع منهم استغل اليوم من رجع من وقت رحنالهم
يمشي كدامي ماعاجبة الگعدة يمهم داغة جسام يريد كون كل مايشوفة يكتلة هيج مخلي براسة
فتح الباب دخلت كدامة نزعت العباة متضايقة من سوالفهم علگتهة رحت للغرفة تمددت ظهري يوجعني
دلهم كعد يم الكنتور يصفي بغراضة شمر علية دفتر حجة :هذة دفترج مال المزعطة
اخذتة مبتسمة اباوع للرسمات لملونتهن نزلت يمة
اگلب بالاوراق اخذت دفتر الجان دوم وياه اقرة خطة گوة كاتب بي عن حياتة و سوالفة
حجيت اگلب بالاوراق :كاتب عني
دلهم:لا
غنوة:ليش ماتريد تتذكرني
دلهم:كل ذكرياتج براسي اكتب بس لنساهن
غنوة:نطيتي قلم خل اكتب
دور بالكارتونة طلع قلم رصاص اخذتة ايدي ما ماخذة على الكتابة هواي ،كتبت اسمة و اسمي
رسمت قلب الحب لونتة بالرصاص
غنوة:هاي ذكرة من نصير شياب نشوفهة
باوع بطرف عينة رد:ياهو لضامن عمرة
غنوة:شبيك دلهم ليش تضوجني
لزم ايدي گبل لا اشگهة دنك باس خدي رد:اشاقة خليهة اضحك على خطج بعدين
غنوة:ازعل بعد اذا حجيت هيج اتضايق و اخاف
دلهم: الاعمار بيد لله نضل طول عمرة عدلين
غنوة:ونعم بالله بس لا تجيب سيرة الموت
همهم اخذ الدفتر من ايدي خلاه على جهة سحب وحدة من الكارتونات يدور بيهن طلع البوم صور
كيفت اشوقة بيدة كعدت بصفة اگلب وياه يعرفني
على الموجودين شفت اخوه حاتم وجهة بشوش صورة لابس بيهة دشداشة سودة و غترة خضرة على جتفة لازم سبحة بيدة كاعد وراه بيارغ سود
حجة يتلمس الصورة :هاي اخر صورة اخذناهة الة
بمحرم بالكوفة جنة خلص المجلس گصيتلة الصورة
و طلع خابروه زلم نعرفهم ماگالي شعدة منهة بعد ما رجع
غنوة: الله يرحمة ، زين هو اذا يعرف الصار ليش مشة
دلهم:قصص وروايات عراقية كرار صلاح بطبعة مايضن
السوء حتى لو حسبهة صلاح
و ناطق ولد عمي صحبانة من الطفولة أكثر من هيج
بداية الطلابة وگف وياهم تالي غدروه
باوعت صورتة بقهر ملامحة و شكلة مبين حيل طيب
شخص ماكو بوجهة شر مو مثلهم حتى دلهم مو مثلة
رجع الصورة متحسر خلاهة على جهة سحب وحدة ثانية خلاهة گبالي حجة :هذة كاسر
غنوة:انتة مووو صدك شنو لقصة ليش يگلولك هيج
رد يخليها بيدي:ابوي سماني كاسر بعدين بدلتة
غنوة:ليش بدلتة
دلهم:شنو كاسر إسم ز**"
ضحكت أتأمل الصورة وعلي شراني حتى هو صغير
وجهة و نظراتة كلهة حقد لو ماعرفة جان ماحبيتة
غنوة:عود ليش معصب
باوع بالصورة يتذكر بعدها رد :هذة واثق المطي
سحك الزرع لداير بالي عليه بسيارتة حقدت بساعتهة
غنوة: هاي النظرة علمود زرعات
دلهم:معتني بيهن ترة حرگ دمي
غنوة: يابة يالله حقك
اخذهة طلع وحدة ثانية رجعهة يريد صورة بيهة وجهة طبيعي و مبتسم ماكو ضحكت اقرب عليه
غنوة: لاتدور و تدوخ
دلهم:كل صورنة بالوقت الغلط
غنوة:انتة مغثوث بدون سبب
دلهم:همة يدوسون بالبطن
ريحت راسي على جتفة لم الصور و الالبومات خلاهن على جهة يرتب بالاوراق لمايريدهة يشمرهة بالسلة من الفراغ ما لاگي شي يسوي
دلهم: غناتي غفيتي شنو
غنوة:لا گاعدة
دلهم: انزع التشيرت تشمين على راحتج
غنوة: يع شسوي بي
التفتت يلف اديه على رگبتي :ياهو لـ ييع علية
غنوة: اختنگت يمعود
طيحني بالگاع حاوطني بأديه حجة: تردين تنفس اصطناعي
رديت مستغربة:شنو يعني
دلهم:اعبرلج اوكسجين من شفتي
رديت اضحك:عوف سوالفك الغرفة متروسة و اشمة
دلهم: احسج مختنگة
غنوة:هههههه لا ارتاح اتنفس طبيعي
دلهم:لاتستحين گولي
رفعت ادية حاوطت رگبتة : لاتستحي انتة تريد تبوسني بوسني عليمن تلوفهة هيج منين خايف
رد يحرك خشمة على خشمي:انا الواضح والمبين ولا أخاف
غنوة:انتة الغاثتك الدنيا و معبس
دلهم:ما اسمحلج تذميني
غنوة: بكيفي رجلي و حرة بي
دلهم: هيج صارت يعني ممتلكات
غنوة:اي اكو غيري نشلع گلبة وياك
دلهم: لا ، أشوفنج على متون الگلب ظفرة شرايين
ضحكت اضم وجهي مبتسمة صاير يقرة شعر بية
حضني ينام على الگاع يخليني فوك صدرة يمسح على شعري يرفع الخصلات و يلفهن
دلهم: اتخيل جيناتج كلهن بالطفل اذا طلع ولد وشعفتة حمرة اتبرة منة
غنوة: ليش يمة
دلهم:جا شنو زلمة وشعرة احمر
غنوة:يصبغة
دلهم: ماعدنة فلوس نشتريلة صبغ
نداريت مرتكية على صدرة :واذا بنية
دلهم:ومثلج
هزيت راسي خلة ايدة جوة راسة صافن علية ابتسم
حجة يحضن خدي : انتظر هذة اليوم ساعة ساعة
غنوة:تحبهة
دلهم: اطلع گـ***" اذا ما حبيتهة
غنوة: اصلا ماريدك اذا صرت تفرق
دلهم: تبعيني علمودها
غنوة:اي اذا اني ما ادافع عنهة منو ليدافع ابوك
دلهم: ايا بذاتة على الطالعة و النازلة تعيريني
غنوة: هذة ليفتح گلبة المرتة
دلهم:بنت الفارسية
غنوة:اني حساسة ليش تذكرني بأمي
دلهم: بيج زيج معدل
غنوة:جرحت حساسي
دلهم: جا من تتشمتين بية ما انجرح
غنوة:غير اني حساسة
ضحك يعضعض بخدي سحبت روحي منة اعض برگبتة دفعني بسرعة:لا غنوة استلگو ولجج
غنوة:جا بس انتة تعضني
دلهم:ادبسزز تردين تفضحيني
اخذ الموبايل يشوف رگبتة سنوني صايرة دائرة
و المكان گلب ازرگ باوعلة بضحكة:بالغلط
دلهم: اي بالغلط
غنوة:اوف شبيك لاتصير هيج گبل ضجت
دلهم:حساس اني
ضحكت اجر ايدة يصعد على الجرباية بوستة بخدة وخرت صار ايام مو هنا يبات بالشغل ذولة الجلاب
كسرو تكسر گوة صابر عليهم يجي يضل بس يسب
غيرت ملابسي رجعت يمة طفيت الضوة تمددت على ايدة حاضنتة بوسني براسي على عيوني ثنينهن
سحبني من خصري مدخلني بحضنة بين اديه رفع أيده يوخر خصل شعري من وجهي يخليهم ورة أذني يتلمس خدودي بيدة
تقرب علية يمرر شفتة بهدوء من ورة أذني لرگبتي غمضت عيوني اخلي ايدي على زندة متوترة منة
دلهم: غناتي اشو معتي راح تغفين
گرصتة معبسة: دلهم شنو الة تفشلني
دلهم: غير تسنحين تخليني انعس
غنوة:جا نام ياهو لازمتك
رد يعدل نومتي :مشتاقلك حبيبي انتة مامشتاق
غنوة:لا اني ماحس
دلهم: هذة ياهو المايحس انتي غير لازگة بية
غنوة: يييمتة لا تتبلى
دلهم: تشمشمين
غنوة:ابنك هذة مو انييي
دلهم؛ليش مو بنتي من وحدج سويتي ولد
رديت اجر الكلمة:اغـــار
دلهم: لاا ماعرفتج
ضحكت مد ايدة للميز طلع موبايلة تنهد بضوجة سداه تقربت عليه ابوس جتفة مخلية ايدي بشعرة
حجة يلزم اصابعي :زعــلني يتحرش بية
يتقرب و يغــازل بية
ضحكت اتذكر اليوم لسمعتهة بي نهض محاوطني
حجة يكمل :يضحك لي و يأشــر بيدة
متطمــن أنة روحي تريدة ، گربة يطفي النار البية
غطيت عيونة استحي من يباوعلي هيج خبيث نيتة
مو صافية دنك يبوسني لفيت ادية على رگبتة ابادلة
خلصنة الليل سوة نضحك و نتشاقة عوضني عن الايام لجان يبات بيهن بالشغل ،نام متأخر كعد الصبح فزيت على صوت الكنتور نهضت امسح بوجهي الضوة بعيني بعدني منعسة
غنوة:تأخرت
دلهم:بعد وكت رجعي نامي رايح اني
غنوة:اسويلگ ريوك
دلهم:ضلي اتريك هناك
غنوة:تنغث منهم وماتاكل اعرفك
لميت شعري خليت الكماشة گمت اغسل وراهة حضرت الريوك على ماخلص اجة تريك وهو واكف
طلعت وياه للباب يمشي ويوصي بية حجاية اسمعهة و الباقي ما افهمهن من النعاس حسيت بس بوستة على خدي وراهة مشة سديت الباب رجعت
اسمع صوت الجامع يقرة قرءان مو مال انام هسة اخذت هدومي رحت للحمام على ما أذن طلعت توضيت و صليت راسلتة حتى يصلي
طگيتهة نومة للعشرة كعدت على صوت الباب جانت نرجس عدهة امتحانات كملت اجتني ضلت يمي تلعب غفران بس تفگدهة تجي هادة
بين ما اني احضر بالغدة طلعت هي تفتح الباب دخلت امهة و ياهة صفية بسرعة عفت الي بيدي
سديت باب المطبخ من الشباك احجي وياهة
ماريدهة تدخل هنا ولا توصلني مامسامحتهة على كل مرة حجت و طعنت بشرفي هي نفسهة ماتتغير
الحقد و الغل ينطط من عيونهة
ملن من الوگفة بالحوش ضلت تغلط و تسفط حجي
عليه اني واكفة يم الطباخ اكمل الغدة بين ماهي تحجي دخل دلهم واگف برة يم الباب
حجة يسد الباب : هذة عليمن الحجي على غناوي
التفتت الة متوترة حجت تنصي عينهة:هلة خوية عذرني اجينة خطار و طردتنة من الباب
دلهم: ماتمشين المن ضالة لو ماكو كرامة
صفية: الخطار ماينرد من الباب ماشايفين احنة هيج
دلهم: هسة تشوفين هذا حجيج تتحاسبين عليه
اطلعي برة
فتحلهة الباب بس مرت منة طيح سلاحة من خصرة على رجلها عمدة هي عاطت ذيج العيطة نردمت بالباب
دنك اخذة عيونة عليهة خازرهة سحب اقسام گامت ماتشوف كدامهة طلعت ركض وياهة غفران حتى نرحس نخلست گبل لاتطلع صاحهة
وخر المسدس كعد يمهة يشاقيهة نبه عليهة ماتجيب سيرة السلاح حتى ما نزعل و نروح منا بعد ماتشوفنة هزت راسهة تحلف ماتگول
فتحت باب المطبخ منتظرتة جابهة وياه لازم ايدهة
تحب دلهم كدامي تسوي روحها تستحي هي وكحة
كلشي يصير بالقرية تسولفة الة متونس وياهة
دخلت للبيت عدهة دفاتر و الوان تلونهن ،تقرب مني
حجيت ارتكي على الحايط:اليوم من وقت
دلهم:ماترديني شنو
غنوة:لا شلون ماريدك شعدي غيرك
حجة يبز بطني بصبعة:شكلنة من يجي نطوف
غنوة: لا انتة الاصل
تقرب بوستة بخدة حضني جوة ايدة دخلنة للغرفة
حضرتلة هدومة على ما غسل و ارتاح صلينة وراهة
صبيت الغدة من كمل طلع رايح لبيت اهل صفية
ما منعتة خل تولي شنو لاحگتني تحجي علية
لاگيتني على گد ايدهة
من رجع سولفلي حاجي وية اخوانهة مهددهم اذا ضلت تحجي علية كدام الناس يشتكي عليهة حتى يسجنهة ،معتذرين منة اكدولة ماتتكر
تمدد بالهول حجة بجدية:يمتة ما اجتج طگيهة تسجيل خليهة تغرد كلشي تگولة تهجم و طعن تتحاسب عليه بالقانون
غنوة: والله هي ماتسكت عرمة مرة عادت وحدة ضلت للـ..
سكتت من أشرلي اخذ موبايلة طلع راح بالحديقة يخابر يفتر مايوگف بمكان شوية ورجع وجهة مگلوب
ضجت من شفتة هيج ما حاجاني گبل خلة مخدتة ونام لحد أذان الغروب صليت ،وطفيت جوة العشة
رحت يمة اگعدة تململ بمكانة گوة كعد بعدة مطنگر جراهة لورة العشة معبس احاجي يرد على گد السؤال صارت بثمانية غير هدومة و طلع
ضل الليل كلة برة رجع وجه الصبح فزيت على صوتة
يخابر يحجي بهمس و نتر سداه شمرة بعيد يسب بصوت ناصي فتحت عيوني اباوعلة
منعسة كلش بس اجة يمي حجالة شكم كلمة بدة يتحرش و يحضني اني مسطورة من النعاس تقرب
علية من كد ما مطفية كلش گوة احس بيه و احاجي
يوم يصير نار و متعصب كلشي يزعجة يتنرفز من اي شي اگولة و مرات يصير حباب و شلونة يشاقة
و يضحك عاذرتة لان كم مرة سمعت مكالماتة وية
ابن عمة بشر غثيث و حجية كلة يدوس بالبطن دلهم
ماعندة صبر گوة متحمل يمتة يخلص مساير وياهم مادري راح ينجلط من كد ما كاتم عصبيتة
نوب صار يبات يوم بالبيت و يوم برة حتى ملابسة ياخذهن وياه مخلينة على حراسة مدري شنو كل ما اگلة بطل شنو الجابرك ما يرد علية
گلبي لعب منة رفا تگلي دربة مثل درب صفوان تخبلني بحجيهة كل ما اريد اگلة اتردد اني اشوفة تعبان حيل احس بتفاهة سوالف رفا بالنسبة لحالة
بدة الجو يصير حار ما ينحمل و الكهرباء مصيبة تشتغل و تطفى كل شوية طاگ گلوب و مهبطني
سديت باب الغرفة على كيف اباوعلة نايم السبلت
يشتغل حتى برودتة مو قوية سحبت المخدة
تمددت بالگاع حتى ما يفز من صوتي غفيت بعدين
حسيت من كعد حاجاني رديت عليه ماتذكر شنو الي حجيتة بس اتذكر شالني نومني بصفة
فتحت عيوني على ضوة الموبايل جان يراسل دنك
شافني اباوع وياه ابتسم سداه خلاه على الميز
حصرتني البجية تقربت حاضنة خصرة
حجيت كاتمة بهمس مترددة:دلهم
رد بهدوء: همم
غنوة:تخوني
رخت ايدة لحاضني بيهة رفعت راسي عيني بعينة
مغورگة بجيت بدون ما احس گلبي يرجف و خايفة
