رواية عشق مابعد الطلاق الفصل التاسع عشر بقلم ساره فاضل
قيصر
احتاريت شسوي الباب مقفول وقوي شكد حاولت افتحه منفتح وياي
خابرت ع الروم سيرفس اجوني جابو جاكوج وخلعنه الباب.
بالكوه
رادو يدخلون وياي يساعدوني ماخليتهم يدخلون
لان ناي دخلت بلبس النوم ميصير افوتله ناس غربه فتت جوه وحدي لكيت ناي واكعه وخشمه كله دم ركضت ع البطانيه جبته لفيته وخليت حجاب ع راسهه ونزلت بيه جوه اصحاب الفندق كالو يساعدوني كتلهم ميحتاج خليته بالسياره وكبل للمستشفئ اول ماوصلت اخذته الغرفتي خليته ع السديه رحت ركض لحسين دخلت علي بغرفته
حسين الحك ناي مااعرف شبيه وايدي ترجف مااكدر اسعفه تعالي ساعدني بسرعه
حسين
شكو شصاير قيصر
وشنوهاذا وضعك
قيصر
بسرعه مووكت الكلام اركض حسين
دخلنه جوه الغرفه حسين فحص ضغطه وسكره كال ضغطهه مرتفع حيل واحتمال جلطه صيحلي للسستر خل تساعدني
قيصر
إني اساعدك
اخذت المكص وكصيت ملابسه جان حسين منتضرني ومنطيني ضهره. وخليت اله الواصق مال جهاز القلب وباقي الاجهزه وغطيته
حسين
اني اروح اجيبله محاليل وأبر من بره بين مااجي شكلله الكانيولا
حسين
شحجيت قيصر؟
قيصر
كلشي احس بي وكلشي صار حجيته
حسين تعال الغرفتي خليه شوي ترتاح بحده وتعال وياي نحجي هناك
قيصر
مااكدر اعوفه بحده
حسين
كتلك اطلع بسرعه لاتعذبني وياك اطلع بره ميصير نحجي يمه
طلعنه الغرفت حسين حسين يمشي قبلي وكلش وضعه موتمام احسه شاك اني مسويله شيء
حسين
انته مخبل عاقل فهمني شبيك قيصر اوعا ع زمانك شغيرك قيصر
كلت سمر خلص طلعته من حياتي ليش كلشي تربطونه بيه والله ذبحتوني بموضوعه كلساع وكلتو هيه خربطت حياتك هيه مهسترك بدلو اصطوانت سمر تره صدعتوني بيه
حسين
لان كلشي تسوي بنفسك من وراها. كل كيانك تخربط من اعرفته اصحه قيصر اصحه ع زمانك تره انته جاي تضيع وتضيع احبابك لجل هاي المسمومه
قيصر
طلع حسين وخلاني روحي مطايقه حجاياته سجاجين وتفوت للكلب والمصيبه صدك كلامه من عرفت سمر واني ادور بهلدوامه ااااخ شلون اخلص نفسي من موضوعه كلبي مايحب غيره مااعرف شبيه وليش هيه بالذات الكلبي مايشوف غيره ولاحب غيره
طلعت من الغرفه انتبهت النفسي طالع من الفندق بالبجامه وحافي. واني اكول السسترات يباوعلي ويبتسمن اكول موبالعاده هسه عرفت ليش لان طالع مثل المخيبل اه ياربي شنو موقف هاذا
رحت يم ناي لكيته نايمه مثل الملاك جبت كرسي ورحت كعدت يمه حجابه مفتوح وشعره متناثر ع السديه البغرفتي عطره مله غرفتي حسيت الغرفه صارت بيه روح دنكت عليه وبسته بس ثواني وحسيت نفسي دخت شلت نفسي واني قريب من وجه وانفاسه قريبه مني شميته بس مااعرف ليش خانتني دموعي بقيت مدنك عليه وابجي بجي قهر وحسره والم خايف لاافقد هاذي الدره الثمينه من ايدي وبنفس الوقت خايف لا اعلقه بيه واني كلبي وعقلي مشوش بين مااني جاي ابجي فزت ناي
ناي
قيصر
قيصر
الحمدلله ع السلامه خوفتيني عليج
ناي
عطشانه
قيصر
هسه اجيبلج مي
ناي
فزيت وهوه يبجي فزيت ع الدموع الماليه وجنتي مااعرف ليش كسر خاطري وحسيت بتعب گلبه والاامه سالته وكالعاده كال ماكو شي بهاي الحضه قررت اساعده واوكف وياا وخل شيصير يصير اشو اني بكل الحالات محسوبه مرته احسن ماارجع مطلكه وابوي يروح بيه من القهر والحسره ع حضي
قيصر
جبت المي ع السريع دخلت لكيته كاعده والعلاج مخلص سديته وذبيته من ايده
سندته وكعدته عدل وشربته الميي
كوه شربت تكول دايخه ماغصبت هليه خليته براحته
كومته كوه للمغسله لزمته من خصره وشلته للمغسله غسلتله ورتبت وضعه ورحت جبت صدريتي البيضه لبسته اله لان لبسه فاضح مومال اطلعه بي ورجعت جبت البطانيه لفيته بيه لان الجو كلش بارد طلعته من المستشفئ للفندق و اني اعتني بيه افضل المستشفئ مومريح هناك اريح خليته ع الكرسي واخذته للسياره كعدته بالصدر ودثرته بالبطانيه زين
ورحت ركض فتت للسياره لان جمدت من البرد لابس نص ردن وحافي
قيصر
اي نسيت البس
ناي
بس هيج تتمرض ميجوز
قيصر
ولايهمج عادي اهم شيئ سلامتج
ناي
اهمك
قيصر
توقفت ثواني لان كلمته بالنسبه الي سؤال مااعرف جوابه مااعرف اني احبها او لا
اتهمني لولا مااعرف
بس ماكسرت بخَاطره وجاوبته
اكيد تهميني انتي قبل لاتكونين زوجتي انتي بت خالي ومابالج هسه انتي شريكة الحياة اكيد الج مكانه بداخلي
ناي
بتعب وبكسره ضحكت ضحكه عاليه
هههههههههههه
ناي
أني ماضحكت ع كلامك اني ضحكت ع نفسي ساعة التحجي وياي بلطف احبك واعيش بغير عالم واوهم
نفسي انو انته تحبني.
وساعات لمن تهملني وحته متباوعلي واصلآ ولاحاسبني كدامك ازعل بداخلي والوم نفسي واكول شلون راضيه بوضعج عوفي
احاسيسي متضاربه ونفسيتي تعبت خلال هاذا الاسبوع اكثر من صدمه واكثر من حقيقة توضحت كدامي واني ماجنت مستعده لهيج شيء
من بعد ماجانت حياتي هادئه وبسيطه وماعندي شيء يهمني فجئه وبدون مقدمات تكاثرت الاهموم ع كلبي ومااعرف شلون اتخلص منه مااعرف
قيصر
مااعرف اواسيه لو اسكت كل هاذا اليصير بسببي خلصت كلامه ولفت وجه بالبطانيه وكامت تبجي بصوت ناصي بس بجي مؤلم ومينحمل وصلنه للكراج مال الفندق الساعه تقريبآ بال6بعده ضلام وبرد موطبيعي هيه تبجي وتناشغ مااعرف شكله نزلت من السياره وقفلت البيبان فتحت بابه شلته وقفلت الباب اخذته للفندق صعدت بالمصعد ولكيت باب الغرفه مفتوم دخلته جوه وخليته ع الجربايه جانت نايمه وتعبانه عفت ع نومته رحت قفلت الباب ورجعت لميت الهوسه واغراضنه وحته بدلت ناي خليته بجنطته كملت كلشي عاد دزيت رساله لرفل انو احنه مابينه جيه للعصر لتنتضرونه عاد تمددت يمه ونمت ع الدفو لان كلش جنت بردان وتعبان
حسين
الووو
هلووو حبيبتي شلونج
رفل
الوووو هلو يعمري الحمدلله أنته شلونك اسفه مرجعت اتصلت بيك الاجواء يمي متساعد تعرف عمتي وعمو متأذايين ع ناي وقيصر خاصتآ عمه كلشه مقهوره تصدك جان اليوم جطت وحجت كلشي يم ناي بس اني تلاحكت الموقف وسكتته خطيه اليوم عرسه مومال واحد يحجيله هيج شي
حسين
لاتخافين قيصر قام بالواجب وزياده
رفل
شنو قصدك حسين لاتكول البالي صدك
حسين
قيصر حجاله كلشي وقبل شوي جابه خربانه للمستشفئ وحالته يرثئ لها قمنالها بالواجب والحمدلله عد ت ع خير لو مالاحكيه بالوقت المناسب جان البنيه راحت بيه
رفل
عزا العزاك قيصر
يمه ناي
شصارله حسين كلي
رفل
عمه ناي متخربطه وقيصر ماخذه للمستشفئ
ام قيصر
يمه بنتي ولج رفل شصار وياها
رفل
قيصر حاجيله كلشي والبنيه ممتحمله وستر الله ماراحت بيه
همزين ماحجيتي انتي وصارت بوجهج عاد من قيصر احسن
ام قيصر
يمه بنتي شلون بيه كله من وراي اني جبته
عصام لك عيني الحكلي البنيه متخربطه ولاايد ولارجل هسه وصل خبر لرفل
عصام
لاع بختج يمته هاذا الحجي
رفل
من ال3الصبح وهسه مرجعه قيصر للفندق يريده ترتاح هناك
ام قيصر
نروح هسه اي نروح نجيبه هنا ندير بالنه عليها وابنك يجي هنا واطيح حضه تره ملينه وجزعنه منه كافي واحنه ندلل ونتمسكن فوك ماخلصانه من هاي المسمومه هوه ابو الراهي اني لهنا وبس كافي عصام شوف حل لبنك راح يجلطني
رفل
بلا شوي عمه اجت رساله من قيصر
عصام
اي شيكول
رفل
يكول لحد يزعجهم اليوم راح يبقون للمغرب حتمال يلا يجون يردون يرتاحون
عصام
ومذكر ناي شلونه
رفل
لاا واصلأ قفل جهازه خليهم براحتهم بلكي الله هاي المحنه تبين معزته عده
عصام
مااعرف شحجي وشكول هاذ الكلام كله البارحه مااجه وياا والله شحاجي مااعرف المصيبه هوه موزغير هوه رجال جبير وانسان متعلم دكتور وواجه مشرفه موواحد مخربط لو ميفتهم بس الله يسامحه سمر من يوم دخلت الحياته خربت كلشي بيه كلبته 180درجه
ام قيصر
شكل لخويه وشحاجي كلولي شحجي اكله الامانه ليله وحده ماحافضنه عليه ااخ ياگلبي شلون بيه سوده بوجي بنيتي اني الذبيتج هاي الذبه الكشره
عصام
كافيييي
كافي تولول تره والله تعبنه واخر مره اسمعج تكولين ذبيناه ذبه كشره شنو جايبينه لواحد معوق لو الواحد سكير لوواحد حرامي
قيصر محترم ومقدر وسمعته مثل الذهب
وفوك هاذا كله دكتور وضروفه كل شاب يمر بيه هوه حب سمر وموبسهوله تردينه يعيش طبيعي سكتي وسدي الوضوع ومن تجي البنيه اياني واياج تتبجبجين كدامه وتضوجينه لوتحسسينه هيه مضلومه بالعكس قويه اوكفي وياها بس اي شي من الجاي تسوينه هسه ازعل اذا اسمع بيج مسويته كافي ام قيصر تره تعبتيني انتي الدبرتي هاذي الزواجه واصريتي عليه وهسه جايه تبجين وين جان عقلج من جبرتي ابنج ع ناي
رفل
بسج ياعمه كافي بجي قابل تموتين نفسج ادعيلهم براحة البال والله يحله من يمه
ميصير نحجي هيج لازم نوكف وياهم ونجمعهم دائمآ حته يتوددون لبعض ونشالله سهله متضل هيج بس انتي ارتاحي لاتسوين بنفسج شيء
ناي
كعدت الضهر الشمس قويه وماليه الغرفه حسيت نفسي احسن وشوي جسمي متحسن كمت ع حيلي بس اختل توازني ورجعت كعدت حاولت مره ثانيه وگمت رحت الجنطتي طلعتلي فستان وشال خليتهن ع التعلاكه البره الحمام اخذت البرنص والمنشف وفتت للحمام عفت الباب نص قفله لان مكسور سبحت بمي دافي حسيت نفسي تنشطت نشفت ولبست البرنص وطلعت أباب الحمام جان اوكع وامااكدر اكوم
ناي
تحسنت شوي كلت اخذلي حمام اصحصح
قيصر
وانتي بكيفج قررتي وكلتي تحسنتي غير تكعديني
ع العموم لاتبقين هيج خل اكوم ابدلج موزين عليج خاف تستبردين
ناي
لااني ابدل بس ارتاح
قيصر
لا تتأخرين والجو برد
ناي
ميخالف اتغطه بين مااحس نفسي ارتاحيت
قيصر
براحتج مااجبرج بس حاولي باسرع وقت تبدلين موزين عليج البرد
تمددت بصفه اباوع اله ذبلانه وتعبانه يرادله مدارا خل اخذه للبيت اداريه هناك افضل
قيصر
اي من عيوني هسه اطلب اكل
ناي
اي عفيه استعجل لأن راح اموت من الجوعٌ
قيصر
ههههه هسه ركض احلا غده لمريضتي الدلوعه المتتحمل مرض
شدي حيلج شوي شبيج ذابه روحج فد نوب تره هوه كله صعود بالضغط لو مجلوطه شلون هههه يمكن تموتين كبل ماتطين فرصه لدكتورج الي هوه اني اينقذج
ناي
يضحك وينكت يريد يطلعني من المود ميعرف كلبي ينزف من القهر بس ان شالله اذا الله كدرني راح ماابين لااله ولالغيره راح اكون متماسكه وكده واشوف وين تاليت هاذا الزواج
ياااارب ساعدني ونورلي طريقي يارب وقدم البي الخير مااريد ارجع لبيت ابويه مكسوره واكسر كلبه عليه ابوي مريض موحمل صدمات خلي موهوم بسعادتي احسن ماينهم بحزني
اااخ يابه شكد مشتاقه لبيتنه ولحياتي الهادئه واليومي اليبدي بالبستان وشغلي احسن بهواي من هلعالم الاحسه موعالمي
اخذت جهازي وكبل اتصلت ع ابوي هسه يضل باله يمي اني كتله باجر اخابرك
الووو
ابو سجاد
الوو هله بويه ناي شلونج بويه
ناي
الحمدلله بويه انتم شلونكم اخباركم
ابو سجاد
الحمدلله بخير انتي شلونج قيصر شلونه بالخير وبالعافيه بويه منه المال ومنج العيال
ناي
مشكور بويه يخليك خيمه فوك راسي وماانحرم منك بوويه
والي شلونه شخباره
ناي
بويه شلون وضعك هليام ياهو يطبخلك بالي يمكم بويه
ابو سجاد
والله يابويه بيت ابو رضا مامخلينه بعايز
ابو رضا بين يوم ويوم يجيب البنات ويجن ينضفن النه ويطبخلنه ويخلن بالثلاجه والخبز ذبيت الطحين بالفرن يجيني جاهز
بعد المن شايله همنه الله وكيلج مدللين مانريد بس اخبارج الحلوه كلشي مامعتازين بخير ونعمه
ناي
انشالله دومكم بالخير بويه سلمنه ع بيت ابو رضا وخاصه البنات وتشكرلي منهن واطيهن رقمي خل يخابرني اطمن عليكم منهن
ابو سجاد
ان شالله بويه
ناي
يلا بويه اخذ راحتك اني اترخص
قيصر
جبت الغده واجيت الباب مال الغرفه تاركه اني مفتوح حته متعب نفسه وتكوم تفتحه قبل لاافوت سمعته تخابر خالي وتساله ع عيشتهم واكلهم وشربهم خطيه كلش ضجت عليهم وعليه هيه بالذات
شلون كلبه طيب وتفكر بيهم
فتت جوه
هاي شنو بغدج ممبدله شكتلج اني
ناي
هسه اكوم ابدل جنت اخابر ابوي
قيصر
شلونه خالي شخباره والي شلونه
ناي
الحمد لله بخير يسلمون
قيصر
يسلمج ويسلمهم
اشوو تعالي خل اسندج فوتي جوه بدلي وطلعي حته تتغدين لان شوي وراح نروح للبيت
ناي
فتت للحمام كهوه بدلت احس نفسي تعبانه كملت تبديل وطلعت لكيت جايبلي معلاك ومشاوي اكلت لحد ماحسيت راح انفجر لان كلش جوعانه
قيصر
خطيه طلعت مبدله بس كوه تمشي وكعدت اتغدت بس صدك مبين عليه الجوع بعدت نضري عنه ونشغلت بتلفوني حته متنحرج مني لشوي حسيته شبعت شلت الاكل وكمت بدلت وجمعت اغراضنه صحتت للولد نزلي كلشي بالسياره جبت لناي حذائه لبسته وشمرت شاله شلون ماكان عاد نزلته جوه بس بلكوه لان كلش تعبانه
وصلته للسياره ورجعت احاسب لكيت حسين محاسب ع كلشي من البارحه خطيه
تشكرت منهم وطلعت رحت للسياره لكيت ناي منتجيه ع الجام وتباوع
هااا ناي مستعده انروح للبيت
ناي
اي يلاا
ناي
انشالله الله كريم واني هماتين اخذت وعد ع نفسي مااحجي لكائن من يكون شنو دار بينه وحته عمتي ماجيبله سيره وخل نشوف وين توصل واذا ع موضوع الدخله سر بيناتنه لاتضن يطلع
قيصر
والنعم منج
هاذا الجنت منتضره منج اعرفج بت اصول ومتتخلين عن احد وقت الحاجه
حركت سيارتي واني كلي امل بربي انو يساعدني ويخليني اتغلب ع كلبي وانسه كلشي وابدي صفحه جديده طبعآ اني ماانطيت خبر للأهل حته محد يجمع للبيت ويشوفون حالت ناي وهيه تعبانه عاد اول مانزله للبيت نزلت ناي قبلي واني وراها انزل بالاغراض بعدني انزل واجان اسمع، ،،، ،
شكرا لزيارتكم عالم روايات سكيرهوم
